THE MAGIC POTS

THE MAGIC POTS
Translated by - Thantei
Source – Legends_All_Lessons
.
Kum tam tak liam taah khan , pitar upa tawh tak mai hi khaw pakhatah a cheng a. A chenna buk bul chiah chuan a hrangin pot mawi em em mai panga dahthatna in, thing hawng hmanga sak a nei bawk a. Heng a pot dahthat te hi eirawngbawl na emaw eitur dahthat na atan a siam ni lovin magic thiltihtheihna mak tak neite anni hlawm a ni.
Pitar chuan a Pot te chu uluk taka vawng thain a roh hle mai a. Khuaa awm ve hmeichhe dang te chuan ngaisang tak leh neih ve chak em em chungin an ensak fo thin a. Chutianga hmeichhe dangin an rawn ensak chuan phur leh hlim takin pitar Pot ang chiah siam tum chuan hlum bel an siam ve thin a. Mahse pitar pot ang chiah chiaha siam thei tumah an awm lo. Mi zawng zawng chuan pitar Pot an en zeta phurna an neih phawt loh chuan an  hman tur pot an siam ve thei lo a. Pot neitu pitar chauh lo chuan Pot mawi tak takte chu an khawih a thiang lo a, khawih phalsak an ni hek lo.
Ni khat chu, khaw chhunga hmeichhia zawng zawng leh Pitar ngei pawh chu ram theihmu lo turin ramhnuai ah an chhuak vek a. Chutihlai chuan khaw chhungah hmeichhe naupang panga te hian an nu ten titura an tih hna an lo thawk ve mial mial a. Thing an fawm khawm a, an tihtur zawng zawng an tih zawh hnu chuan khawlaiah infiam turin an kal chhuak hlawm a.
Chutia an infiam lai mek chuan thil hriat chak tlatna an neih vangin Pitar in Magic Pot a dahna thing hawnga sak in chu an pan tham tham a. A thil tum chu Magic pot mawi tak takte va en chauh a ni. Mahse hun reiloteah Pot te chu a en a en chauh chu an duhtawk ta hauh lo mai a. Hmeichhe naupang te chuan Pot chu a dahna bawm atanga la chhuak in an khawih a, pawnah la chhuakin infiam nan an hmang a. Pitar khan a Pot te chu khawih a phal hauh lo a ni tih an ngaihtuah duh lo tlat a.
Chutia an infiam lai chuan thawklehkhatah Chinghnia arawn lang thut a. Naupangte chuan an hlauh em avangin an him theih nan leh Chinghnia in a tihnat theih loh nan Pitar puan in pan chuan hmanhmawh takin an tlan hlawk hlawk a. An tlan lai chuan an zinga pakhat chuan lei a an dah, Pot dah chhana  an hman thing hawng chu palin a tlu ta thlawrh mai le!
Khawpui ang mai ri nasa tak mai hi a lo ri dur dur a. Chu khawpui ri ang maia ri nasa chu hlauin Chinghnia chu a kal sawn a. An him ta tih an hriat veleh naupangte chu an tawmna hmun atangin an lo kal chhuak tham tham a. Pot an dahna hmun an thlen chuan Magic Pot te chu a lo keh sawm vek tih an va hmu ta a ni.
Tlai lam a lo ni a, Pitar chu ram theihmu a lawhna hmun atangin a lo haw a, a Magic Pot te a lo keh darh vek mai tih a hmuh chuan a thinur nasa ta hle mai a. Thil thleng zawng zawng leh  naupangte thiltih a hriat chuan a hmel chu thinur vangin a dur ta khap khap a. Hmeichhe naupang pangate chu zawng  turin a kal chhuak ta nghal a ni. Hmeichhe naupang pangate a hmuh veleh chuan thil mak tak mai a lo thleng ta!
Hmeichhe naupang pangate chu thu an awih loh avangin Choak dumah an chang a, hlau tak mai hian “ak_ak_ak” ti chungin an thlawk bo ta hlawm a. Thil thleng chu rapthlak hle mah se khawchhunga mipui te chuan Pitar chu an ngei lo. Thuawih lo hmeichhe naupangte chunga thil thleng chu an thuawih loh vanga thleng anih vangin hremna dik tak an tuar niin an ngai hmiah mai a ni.
Magic Pot a awm tak loh avangin an chenna hmun a mihring te chuan Pot mawi tak tak siam dan tur an hre ta lova. Tumahin Pot an siam leh ngai ta lo a ni. Choak te erawh chu an la dam reng a, nupui laiin thingler sang takah fuh in lungngai takin “AK_AK_AK” tiin an la hram fo thin.