WHAT A GAME - 1

WHAT A GAME  (2013)
By. Thantei a.k.a Laura Sean Virgo

Ni danga ka tih dan pangngai lovin ka office bang chu thildang tihtur ka neih avangin ke in ka haw a. Kawng cross tura ka kal chu motor break ri tuarh leh thil keh ri chhuai ka hria a, k lu chu a vir muai muai a, mihring mangang au ri chuah chuah ka hriat chu a zawi tial tial a, thil eng emaw ah hian ka pil riai riai in ka inhria.

"I tha em?..i tha em?" tiin mi tuemaw hian min sawi nawk nawk a, engmah ka hre zui ta lo..

Ka taksa na lutuk chuan min kher ngut ngut a, han tawngchhuah mai ka tum chu ka aw chhuak tur a awm reng reng lo.. Ka mit men ka tum a ka hlawhchham thak a.. Tawng ri ka hriat chu kanu aw ngei ani..

'Mate..mate.. Matei hi a awmdan a danglam ania..' mipa aw hian alo chhang vat a
'A tawp a tawpah chuan arawn harh chhuak dawn ta e, ava lawmawm em..'

Chu aw ri chu ka hriat ngai pawh a ni lo a, a tawng rik dan atang chuan rilru pik tak atanga thawveng ta huai hi ang berin ka hria. Ka taksa ah chuan engemaw hian an vit a, ka muhil leh ta siai siai a.
Ka harh hlawl a, ka nu chu mangan hmel tak hian ka mutna bulah chuan alo thu a, ka meng min hmuh chuan a thawven hmel huai a.
'Mate, ilo harh ta maw.. Lalpa ka lawm e'tiin a phun mawlh mawlh a.

Ka kut lehlam nghet taka vuantu chu tunge tih thei leh thei lovin ka en a.. Hepa hi tunge? Engvangin nge mangan hmel taka min en le..? Ka hmelhriat ngai pawh ani hauh si lo a..

Chupa chuan min rawn nuih sak a, a hmel chu a tha kher mai. Kei damlo chau tak min tiharh tur hian ka chhungten an ruai em ni? Apa hrak a, a mitmeng chu a ril raih mai, a lang fai sar a, hetia en mai pawn a palian tawk hle tih a hriat reng mai. Ka ngaihtuahna chu a harh thut a, hepa hi tunge ka hre hauh lo mai.. Kei hi engthil in nge helai hmunah hian min awmtir le..?

Ka'n ngaihtuah vang vang a, accident ka tawk ani ngei mai.. Anih chuan hepa hi ka ngaihzawng em ni? Ngatinge ka hriat si loh? Keihi accident ka tawh vang khan ka hriatna te hloh in hepa hi ka hai em ni..? Ani thei lo.. Ka chau lutuk...ngaihtuahna hmang vak vak thei pawh ka ni lo. Ka maimitchhing leh ta vang vang a, ka lo muhil zui ani ngei ang.
Ka harh leh chuan ka nu leh pate ka bulah an lo awm a, ka taksa na lutuk min kher ngut ngut kha a reh tawh a, ka nuam huai mai.
'Ka nu, enge thil awmzia..?' Ka aw chu a ri chhuak chang chang a ni. Kanu chuan thil awmzia min hrilh ta zung zung a.

'Accident i tawk a, motor in a su che a, hei, ni thum lai a ni ta, i rawn harhchhuak mai si lo a kan mangang hman teh asin..'

"Tunge?'
"Oh..a..hei amah pawh arawn kal alawm..'

Ka khum bulah chuan kawrvar fual ha palian tha zet mai hi hlim hmelpu sangin alo ding a. Ahma a ka kut nghet taka vuantu kha ani. A kawr hak atang chuan Doctor ani tih a chiang mai a. Kanu chuan
"Hei.. Pu Marama anih hi, a ni tanpuina leh enkawl na zarah i rawn harhchhuak leh thei ta anih hi... Ani hi ania.."
"ka tihpalh.. Keihi accident thlentir tu kha ka nia, ka tihpalh takzet ani.." chupa chuan arawn tita zung zung a.

Chu Doctor chhelo zet mai a chhuah leh hnu chuan ka nu chuan a chanchin min hrilh zawm mawlh mawlh a.
Tuna ka awmna Hospital hi ama puala a enkawl ania, accident ka tawh avang khan a inthiam lo em em a, engtiklai mai pawhin min buaipui alo ni a. Ka nu leh pate chuan demna thu sawitur reng reng an hre lo.
Hospital ah chuan kar thum lai ka awm ta reng mai, ka dam sawt viau a, office hna ka chawlhsan rei tawh bawk si, engang pawn na mah ila hnatul leh thawh tur a tlem phah si lo. Hospital ah chuan ka theih ang ang in ka thawk a, a sawt mawh kher lehnghal. Kar 1 dang ka awm leh hnuah ka chhuah theih tawh tur thu min hrilh a ka lawm ngei mai. Mut reng mai chu a ninawm tawh em ani..

Ka hmai nieng in a chhun tlat avang chuan mut pawh atui thei tawh lo, ka harh hlawl a bathroom lamah zawimuang in ka inhawl phei a. Ka intihfai zawh hnu chuan thu mu chungin Laptop ka on a zan lama ka project khawih laklawh chu ka khawih zawm mawlh mawlh a. Ka cabin kawngka inhawng thawm pawh ka lo hre miah lo a...

"Good morning"
Chupa zet chu(h).. Ka phu nasa lutuk chuan Laptop chu ka theh dawrh a, rang zet hian arawn dawm vat a, ka phu nasa lutuk thinrim chuan
"Kawngka i kik ve ngai lo mi?" kan ti tawng a. Ka insum hman lo, ka awki lah chu a ring hrep a, ka melh khai khai chu ngaih pawimawh loh hmel zet hian ka khumah chuan arawn thu a, ka hmai zawnah a kut a rawn phar a. Kei mi thinchhe ve tihtak ah ka lo beng sawn rang nasa mai..

'I harhlai ai chuan i muthilh lai khan i duhawm zawk fe anih hi..i thin lah chu a chhe reuh zek ani maw'
Hepa hi avan zaktheilo tak, chhan pawh ka chhang tha peih lo "Enge?" ka ti ram hmak a. Ka tawng pawi sa lo zet chuan hnai lehzualin min en a ka chal arawn khawih a, min hnaih lutuk a ka thaw atawp dawn hialin ka hria. Arim tui tak chu ka lo hip vang vang a...
"Hmm..tlem chuan a ser dawn anih hi."
"Engmaw.?"
"I chal hi tlem in a ser dawn anih hi, a zia lo hle mai.."

Aw Lalpa..ka landan ka lo ngaihtuah miah lo,ka damloh atang khan uluk takin darthlalang ah pawh ka inen peih lo a, ka pawr chip chep ngawt ang chu. Chu ngaihdan chu engvang a nei ngawt nge ka nih, hepa lakah hian lan that ka duh tihna maw..Zahthlak lutuk.. Ani teuh lo, lan that ka tum nachhan tur engmah a awm lo.
'I nau pawh a lo let tep tawh ang..'
Ka phu zawk a, enge ka lo ngaihtuah leh chiam hman a, damlo chung paw'n ka rilru ala chak hle tho mai..

'Engmaw i sawi.?' ka lo ti he haw a
'I nau mawle, i that leh that loh ka rawn endik che anih hi. I that tawh hmel viau hi, ring tak takin min au khum reng mai alawm'

'Engmaw..? Min sawisel tihna mi..?' ka insum leh hman ta lo.
Min hnaih lehzual turin a che hrut a, thawk pawh ka lo thaw tha ngam lo, ka thaw dep dep a.

'I chhuah theih hunah ka ngaihdam dil nan che vawikhat tal chu min chhuahpui angai ang. Thinchhe tihreh dan tha deuh ka hria ania..Nih phawt..'
Engmah sawi tawh lo in a kal nghal a. Ka lo thaw lo rei deuh aniang, Doctor hmeltha-a a kalsawn chiah chu thawk ka la hawk hawk a.
Engmaw a sawi kha.. Ngaihdam dil nana chhuahpui..Thinchhe tihreh na maw.. Khatiang midang thupe ringawt chi kha ka chhuahpui lo tawp ang.. A teuh lo mai.. Ka harhchhuak thut a, ngatinge ka thinrim em em ringawt chhan pawh ka hre lo, tuman min hmu tawh lo mahse ka inthiam lo chu ka nui sak a.

Ka nau lo lut chuan mak tih hmel deuhin min en ha a

'Tinge mahni chauh a i lo nuih vur vur a, i mumang a tha deuh nimaw..'arawn ti lut bawrh bawrh a. Ka lu ka lo thing ringawt a.
Kar khat aral hnu chuan in lamah kan in haw ta a. La dam chiang lo deuh mah ila mahni in ngei a awm chu a thlamuanthlak kher mai. Hospital a ka awmlai pawh khan Doctora chuan min rawn tlawh deuh reng a, ka chhungte chuan fel anti em em a, a mark pawh a tha khawp mai. Kei chuan ka be hmasa ngai lo ang tluk ani, min biak in ka chhang tawk ani ber e. Enge a chhan ka hre lo, amah hnaih taka awm chu ka hlau ru deuh tlat a,ka duh loh dan berin ka hrechhuak zing mah mah a, ka lo ngaihtuah leh ngur ngur thin.

Hospital ka chhuahsan atangin kar hnih aral veleh dawn ta reng mai. Ka accident avang khan thla thum chhung chawlh ka la a,ka tih zawng chu in ah zawimuangin ka kal kual a,ka duh duh ka ei a,exercise ka la bawk a. A chang chuan a ninawm thin hle.

Sunday chawhnu chuan in ah keimah chauhin ka awm a, inkhawm ve ka chak viau a,ka la zuam chiah si lo. Ka movie duh ber mai Sherlock episode chu en in thuthmun ka rem sauh sauh a. Ka entui tan dawn chauh a doorbell arawn ri ta ral ral a.

'Ngawi lawk aw.. Lo nghak lawk..' ka au lawng lawng a, muangchang in kawngkhar chu ka pan phei a.

Kawngkhar ka hawng chu ka phu chiang kher mai.. Doctora chu pangpar bawr nalh zet keng hian alo ding nui sang a. Kan inhmu lo rei deuh tawh nangin ala ngai reng.. A chhelo em em ani ringawt. A kawr hak rawng pawlduk raih chuan ati lang fai lehzual.
Ka rin loh lutuk avangin ka makti chu ka ang pham a tawng mai nachang pawh ka hre lo. Nui suk pahin ka khabe arawn khawih a, ka hmui ka chip nghal hmak a, za awm em em hian a nui hawk hawk a.. Ka ngei thut..

'Tunang hunah enge i rawn tih dawn..? Ka duh aiin ka tawngkam chu a bung.. Ka insum hman thin lo.
'Nau awm tur ka nei a..heihi la rawh le..' a pangpar ken lai chu min kentir chawt chawt a.
"Min luhtir phal dawn em.?"
Phallo pawh ti ila a hmel awmdan atang chuan alo lut dawn tho tho tih alang reng.

'Lo lut rawh' ka ti sap a. Hepa bula ka awm hian ka in thunun thei tlat lo. Enge a chhan ka hrelo. A awm dan vel zawng zawng hi ka hriatthiam theih loh chi ani ve hrim hrim.
Sawitur lah chu a haihchham lo kher mai. Min tih thinrim a chak ve hrim hrim te pawh a ang tlat..

'Ka nau awm tur chu awm vak pawh i ngai lo anih hi, hma i sawn chak hle mai' ka lak atang chuan a mit a lasawn lo reng reng. Ka thinrim tur chu ka insum hram hram a.

'Doctor..'

'Marama'

'Oh..engpawh nise lo thu rawh.. Chuan naupang chhia angin min treat lo la ka lawm viau ang. Kum 24.." ka tawnglai chu a rawn pawtchat rang ngang mai..

"Thla leh ni 21 ah i pum dawn" arawn ti bauh a..

'Engtin nge..'
Nin hmel tak hian a thaw huai a..
'Khawngaihin..inhnial pui tur ringawt che in ka lo kal hauh lo ania..' ka ngawi ta hmak a. A hawi vung vung a, banga ka lemziak kan tar chu a en vang vang a..

'Heihi tu lemziah nge.?'
'Keimah'
'A chhiat loh viau hi..' a hmel atang chuan engmah ka hre thei lo. Eng engemaw kan sawi a, ka pa te inkhawm bang an lo haw a, ka thaw huai mai. Inthlahdul thei miah lo a ka mi nel lutuk loh titi pui chu hahthlak ka ti lutuk.
Chumi zan chuan thildang ka ngaihtuah thei lo reng reng. Marama chu ka ngaihtuah char char a.. Ngatinge kan in ah arawn kal kher le? Accident avang khan a inthiam loh vangin arawn kal ani ngei ang. Damdawiin ka awm chhunga min ngaihsakna te kha a tawk tawh lutuk lovem ni? Awm man engmah ala duh lo lehnghal. Min ngaihtuah viau nachhan tur dang enge awm chuang?
.

Marama chu a rilru a buai tak zet mai. He mihring rilru hi engtin nge a hneh theih ang? Thil awlsam tak ani dawn lo tih a hrethiam tlat tawh.. Nge a rin aiin a awlsam zawk dawn.. A hmuh phat atanga a rilru luah reng tu a hmuh hmasak ber tumte a ngaihtuah let a. Mumal taka inhriattir a tum reng laiin, a tum loh danin thil a thleng ta si a.

Thla 4 liamta khan a thianpa MCS tlin lawmpuina a chaw eikhawm na ah a mi duhzawng tak mai hi a tawng a, hetiang lam ngaihtuah tha hman lo khawp a ahna ah abuai avangin hun remchang a nei thei lo a, a hun neih remchan chhun ah a theih ang ang in a ngaihven a, a contact number chu harsa takin a thianpa hmang tangkaiin anei thei hram a. Amah hrelo tu han tawngpawng biak ngawt chu tlawm ah ala ve si a, a tum kual vel chhung in hetiang thil hi alo thleng leh tasi a. Mahse Pathian ruat pawh ani maithei asin ti rilru chungin rilru kimlo takin a awm a.
Vanneih thlak takin a duhlaii pawh ana lutuk lo a, atul aia rei damdawiin ah a awmtir tawh bawk a, a chhungte laka mark score that tum reng reng in a phe buai a.. Matete-i ama damdawiin ngeiah duat taka a enkawl thei kha nuam ati em em a, a chhung te mak tih khawpin damdawiin ah a awm tam a, ariah chilh hial a, engtiklai pawh a a cabin a awmchilh lo turin a insum tang tang a ngai hial anih kha. A thil ngaihtuah avang chuan a nui sak a.
"Tun hun tha hi ka bawh pelh tur anilo, ka beidawng ngai lo ang" tiin rilru phur bawk huphurh bawksi in a infuih sauh sauh a.
.
.

Zingkar la hma deuh takah chuan ka phone riin min tiharh a, phak zetin ka pick up a, phone a tawng ri ka hriat chuan tunge tih ka hai lo chiang ngei mai ka tho nghal hlawl a.
"enge nita? Zing kar kar ah"
"Exercise tan a hun ania, tho tawh rawh.." atawng ri chu amah nen inhmeh lo khawpin a nem thlup a, Doctora ani ta lo emawni ka ti hial a. Engmah pawh sawi zawm lo chuan a phone ala off hmak zui.

Chumi kar tluan chuan zingkar ah min lo kaitho ta ziah a, ka rilru a cham tur tawk lekin tawngkam dam thlup in min rawn be ziah a, he thil hi ka duh lo hle a ni. A aw ka hriat ringawt pawhin ka lungphu ati danglam pha tlat.
 Nikhat chu kanu in office chawl meuhin min awmpui a. Tihtur dang a awm vak lo bawk nen kan tualzawl daihlim ah chuan mu dang dang pahin lehkhabu ka chhiar a. Ka muhil dawn siar siar tih chuan ka hmaikhuhna lehkhabu chu tuemaw hian arawn lasawn a, ka mengmai duhlo a

"Hmm..engee" ti pahin ka inlet thawk a, tunang hunah tumah mi hrang lo kal ka beisei si lo a..

"Vawiin hi min lenchhuah pui hun tur ani tawh a" Ka thu chhuak nghal hlawl a, a eng lutuk a ka la meng mai thei lo lehnghal
Engmah pawh sawi lawk lo a chutia rawn ti ringawt chu ka ngaihdan a nilo kher mai.. Ka tho thut a kal mai ka tum chu ka tlu dawn ta mai a, rang zet hian minlo dawm vat a (ka ke na ka theihnghilh ani, kan la tuam bur a)...
"tihian hun kan khawhral lo nimai" tih pah in min pawm nawlh a min kalpui ta mai a.. Ka inring hman lo reng reng
 "min chhuk tir rawh" ka ti chul a, ka chhuk tum tal vel chu ngaipawimawh lo zet hian a kal ngaiin a kal hmiah hmiah a, anui suk suk duh chauh ani. Kawngka bulah chuan dimte in min nghat a, ka thinphu dup dup chu a hre pha ang tih ka hlau ngei mai.. Ka hlauh vang pawh niloin hepa ka hnaih apiang hian ka thinphu a danglam ziah mai.
 Kanu chuan alo be thuai a
"enge nita? Tunang hunah te, i buai awm tehreng nen"
"buai love, vawiin hi matetei nen tihtur kan neihni ania"
Hnial tuma ka lo tawng tur chu "han insiam la, ka lo nghak ang che" arawn tih zawm hmiah a. Hepa hi a thu thu a min tihkual atum ani awm e...
 "ngawirawh vawiin" "han kal rawh, hmanhmawh angailo, ka lo nghak mai ang che" ati leh hmiah a. Insiam duh tlat lo pawh ni ila, a awmdan atang chuan nileng pawn min nghak duh ang tih alang reng. Rilru dam zanlo in ka insiam ta a. Ka rilru chuan ka phur ru zek a, ka phur ani tih tihlan erawh ka tum thak lo. Ka insiam zo room atanga ka chhuak chu a mit a tla mai ang tih hlauhawm khawpin minlo en a, ka zak chu ka sen ap ap a.
"pheikhawk pangai ka bun thei hleinem.. Nula pheikhawk khing chiah bun i chhuahpui zaklo ami?" Ka biak takah chuan harhchhuak thut ang mai hian amit ala sawn ta hram a, engmah a sawi belh lo, ka bulah chuan arawn ding a, a ban chu ka vawn turin a arawn dah a
" kal nghal ang le" kanu ka thlah hnu chuan zawimuangin kan inzui chhuak ta a. Muangchang a ka kal chu ka rin aiin a dawhthei.. Inchhung dung ringawt pawh ka tan chuan kawng thui tak ani ringawt. Kawngka kan pel chiah chu a inher vut a "angailo.."
"engmaw?"
"ka kal thei" anui suk a
"i hlau tawh hle maw"
 "kal ang" kal châk zawk ang maiin ka theih anga chakin motor dahna lam chu ka pan ta a, ngawi reng in min zui ve mai a, ala nui sung a, ka huat tawk a tling leh em em a.
Restaurant changkang zet ah min kalpui  a, mi lo awm te chuan min enduh riau in ka hria.. Tlangval chhelo zet nula pangai ve mai pheikhawk khing lehlam chiah bun, alehlam tuam bur mai bula a awm chu mak anti te pawh ani mahna le..
Doctora chu a polite kher mai.. Midangin min ena an phun sep sep thin pawh chu hre ve awm pawn alang lo. Ka lak atang chuan amit a lasawn meuhlo, ka zam bawk nen lum ka ti pap pap mai.. Mahse zam anga lan chu ka duh bik derlo...
Thla hnih dang a ral leh chuan keipawh ka dam tha var tawh a. Ka chawlh lak pawh a tawp a, ka chawl rei bawk a phur zetin ka hna ka zawm ve leh ta a. Doctor-a pawh kan in ah arawn kal zeuh zeuh a, a hna ah abuai bawk a inhmuh a khat ta pharh mai. Ka rilru ah erawh a cham veng veng reng a. Kartawp apiang in pangpar bawr nalh zet arawn thawn thin bawk a. Accident avang khan ala inthiam theilo ani ngei ang.. Ngaihdam dilna pangpar mw...?
Tuk khat chu zing la hma takah hian kan tualzawl ah ka in sawizawi tawp tawh lam chu ka phar kual vel a.. Ka hla ngaihthlak lai chu arawn tawp thut a, ka phone a rawn ri ral ral a. Tunang hunah tutak nimaw..? Phone ka pick up chuan
"dinglam ah"
ka hawi phei chu kan in hungna gate bulah Doctora chu harhvan that hmel zet hian alo ding vung a.. Abul ka va thlen chuan
"naktuk ah ka zin dawn a, enge ka lo hawn ang che"
"engmah... Engmah duh ka neilo"
"keimah tihloh chu maw?"
Ka chhan leh hma chuan ka banah rawn vuanin dim tak si hnial theih hauhlo hian alam ah min pawt hnai a, ka dar lehlam lehlam ah nghet zet hian a vuan a, a mitmeng chuan min hmu tlang vek ni maiin ka hria
"min duh ve tih sawi rawh, eng chen nge min nghah tir dawn le?" ka thu hriat chu mak ka ti lutuk a chhan ngaihna pawh ka hrelo..
"vawiin ah hmuh che ka duh.. Dar 2 ah"
"engmaw? Ka hna thawh ve.."
"dar 2 ah" min vawn na chu a thlah thut a engmah sawi tawhlo in akalsawn ta nghal a. Koh let ka tum a, ka insum leh ta zawk a..
Engemaw a hriat le, a duh hun hunah thu min pe ringawt zel mai. Keiin hmuh duhna chhan ka nei ve hleinem..
Phur zetin ka hna a kal turin ka insiam a. Hmanhmawh vut vut loin ka inkhalh chhuak ta a. College ka thleng a, ka thawhpui te nen kan nui ho leh thei ta.. Ka va hlim em... Class nuamti takin ka la a, zing lama thilthleng te chu ka lo theihnghilh leh hman der tawh a.. Chawhnu lam class ka la zo ka pindan bik a ka lut chu ka phu chiang lutuk... Ka nunah hian he mihring hian min va tiphu zing em....

 Marama chuan zing a thawh phat atangin engmah dang a ngaihtuah thei tawhlo. Vawiin hian a duhtaki hnenah a rilru a hrilh tawh tur ani. Zingkar a ava hmuh khan kuah vawng vawng a arilru hrilh vek aduh tawh a, mahse he hmeichhe hma ah hian a zam chhe leh vek thin tlat. A hmeichhe duhtak hian a rilru a pe ve in alang tlat lo.. Atum lawk hauhloh in a hmuh hun tur lah chu a han hrilh ngawt pek a. Mak ati ngawt ang chu..lo hnial a tum reng anih kha... Zingkar a inhmuh hun a sawi pawh khan khawiahnge tih asawilo reng reng. Rawn hmuh a tum hauhlo ang tih a hre mai.. Chuvang chuan a hnathawh na hmun ah a va kal chilh mai angai ani... Heti ringawt chuan a tuar thei tawhlo.. A office ah zah pawh tuar huamin alo nghak mai niang chu...
A pindana alo lut a hmuh chuan alo ding vat a.. Chu hmun a arawn hmu thut chu mak ati viau anih hmel...
"ka biak che angai"
"he hmunah hian enge i rawn tih dawn? Engmah sawilawk lo bawkin maw"
"Matete, ka biak che angai, heti ringawt chuan ka tuar thei tawh lo"
He mihring pa hian enge a sawi a...
"engmaw i tuar theih loh, i chungah thil tihsual ka nei em ni?" ka inlak ngen ve ngai tlat. Anihloh chuan hepa lakah hian ka tuiral zo mai dawn... A hmel en ringawt pawh hian a thusawi chu a titak hle ani tih hai rual anilo.
"Hrethiam lo der suh, ka duh che ani.. Nasa takin.. I hre reng ani.. I hre chiang khawp mai"
"engmaw ka hriat?" ka bulah lo kalin min rawn kuah a, kuah let ve mai lo turin ka insum tang tang a..
Ka awih theilo, Doctora hian min duh thu a sawi anih chu.. Mahse ka ring ngawt theilo ang.. Kei hmeichhe pangai ve mai ka ni, midang te aia that chungchuanna ka neih ka hrelo.. Ka inringtawk viau pawh ani thei e, mahse Doctora kher hi chu ka tan a tha mah mah niin ka hre tlat.. Ka chhan mailoh avang chuan min kuah na chu a thlah a
"ka tihpalh..nang duh tur che hian dikna ka neilo tih ka hria, harsatna ka tawh tir che a.. Min duhin i rilru min pe ve hauhlo ang tih hre tur ka ni asin"a inher a kal mai atum a.. Min kalsan atum ani...
"la kal suh" ka aw chu a ri chhuak chang chang a.. a ding chawt a mak tih hmel takin min rawn en a.. Ka insum tawhlo ang hepa hi ka duh ani tih ka hrilh ngei angai ani.. Ka hnar bo phal hauhlo ang.. "i duh hunah ilo kal a, i duh hunah bawk i kal leh nghal ngawt theilo ang" alam chu zawi muangin ka pan a.. A kut ka vuan a... Hepa hi ka hmangaih ani.. He thu hi tun a min kalsan atum khan ka hrethiam chiah ani.. Ani theilo ang.. Mahse ani miau si ani.. A hmel chu chiang takin ka en a
"ka duh che"
Kar a awm hmanlo, rang lutuk hian nghet zetin min rawn kuah nghal a.. Min kuah nghet lutuk a ka thaw tha theilo hial mai.. Min kuahna chu thlah in hnai set sawt ah kan inen ran mai a.. A kut chuan dimtein ka biang arawn vuan a.. Duhthawh takin min fawp ta vang vang a.. Lo hnial ka tum reng reng lo... Ka thlawk delh delh ni maiin ka inhria.. Khawvel hi ding reng se ka ti hial... Atukah chuan a zin ta ngei a, azin rei lutuk dawn lo bawk a ka tuar thei mai ang chu..
Ka koh dan turah hian ka buai tlat ka ngaihtuah pawhin Doctora ti hlirin ka ngaihtuah a, kum 6 zetin kan inthlau na a, ka bulah chuan ka rualpui ang maiin a awm thiam tlat.. Mahse zahawmna nasa tak anei a chu chu ka duh lehzualna pawh ani.
Kar khat aral leh hnu chuan tuk khat chu parcel lian zet hi arawn thleng hlawl mai a, ka ta tur ni ngeiin a lang.. Ka room ah ka la lut a, hmanhmawh zetin ka hawng bawrh bawrh a.. A chhung a thilawm ka hmuh chuan mak ka ti ngei mai...Chu bawm lian tak chhungah chuan frame nalh zet mai ka thlalak fiahtak chuanna alo awm a. Uluk taka ziah tih alang reng mai.. Ka hlim lutuk chu ka rak chul a.. Bawm dang ala awm cheu mai.. Phur zetin ka han hawng leh a, pheikhawk (flats) nalh lutuk mai alo awma, engtin nge ka pheikhawk buntawk alo hriat hman le..?
 Frame hnungah chuan hawrawp mawi taka inziak "ka duhtak tan" tih a chuang kalh a.. Heng thil hi tu hnen atanga ka dawn nge tih tumah ka zawh buai angailo.. Ka phone arawn ri ral ral a.. Reilote kan nghak hlek a.. Rang deuha pick up chu ka duh bik thak lo...
 "vawiin ah hun i neih theih chuan hmuh che ka duh" azia ta deuh alawm, hun ka neih leh neihloh ah arawn in nghat ve tlat..
"chawhnu lamah ka hman in ka ring... Dar 2 velah"
"awle, restaurant ah khan aw.."
 "awle, bawm hi ilo..." phone chu atawp ta daih a.. Ka lungawi chiahlo.. Pawilo kan inhmu dawn tal alawm le.. Ka nui sak a..
Ka hna ah ka kal a, ka pheikhawk dawn thar chu ka bun a ka inchei uluk ngang mai.. Chhun dar 12 vel atang chuan sana ka bih sek tawh a.. Ka class neihdanin a zir bawk a dar 1:30 arik chuan restaurant panin zawimuangin ka inkhalh chhuak ta a.. Dar 2 rik nan minute 10 ala awm.. A table lo hauh sa ah chuan nghakhlel zetin ka lo thu vang tawh a.. Minute 5 ala awm... Ala rawn langlo cheu.. A hna alaklawh ani ngei ang.. Dar 2 minute 10 in a pel ta, ka thu nghet thei tawhlo, chu restaurant a thawk te pawh chuan min melh deuh hrak hrak tawh a..
Ka kal daih mai dawn mawni le ka tih rilruk lai chuan kawngka atang chuan Doctora ngei mai chu hmeichhe pakhat hian a bana kuahin hlim zetin anrawn inzui lut dun a.. Ka thaw tha theilo, ka awmah arawn inhnawh ut ut a.. Chu mihring pa zet chu... Min hmu awm pawhin a awm miahlo lehnghal.. Ka piah mai dawhkan kil chuan inhawlo zet hian an thu dun a.. Abula hmeichhe nu lah chu hlim deuh hian a nui har har reng a.. Va phih dawrh mai ka chak takzet ani.. Ka kut ka hum ruh ngar ngar a.. He thil hi ka hmu reng theilo.. Ka mittui atla mai dawn a, ka bag ka la rawk rawk a ka tho thut a, mittui tling nasa tawh bawk si nen khua pawh ka hmu phe ruai a, hmanhmawh zetin ka in pal chhuak ta nawk nawk a.. Ka motor ah ka lut rawp a, ka insum thei tawhlo ka tap hlawp hlawp a..
Eng rilru puin nge inhmuh kha a rawn rawt reng reng.. Kha thil min hmuh tir aduh vang khan em ni? Ka rilru na lutuk chu ka rum vawng vawng a... Reitawk tak ka thut vang vang hnu chuan zawimuangin inlam panin ka inkhalh haw leh ta a.. Ka lungawilo ngang mai.. In ka thleng chu ka chhungte pawh ka be theilo, ka room ah ka lut tlang nghal a, khumah ka mu nghal thlawrh a... Kanu ngaihthalo chu ka room ah arawn lut vat a
"mate, vawin i hnathawk lo haw chu nidang iva anglo ve.. I chau deuh em ni?"
 "aw, kan mu rih ange.." kanu hmel pawh ka en ngamlo. Ka tap tih a hriat chuan a buai leh dawn nasa si a... Chaw pawh ka ei peihlo a, ka mu tlang char char a.. Ka chhungte chuan ka damlo emaw tiin an rawn kal chhen lehnghal a.. Ni e, ka damlo ani.. Ka taksa nilo in ka rilru a damlo takzet ani... Ka hlim chhung ava reilo em.. Keimah inkhawngaihna leh zahna in ka khat a.. Ngatinge ka duh ani tih kha ka lo hrilh le aw.. Ka inchhir vawng vawng a.. Zan dar 6 velah chuan ka phone arawn ri ral ral a phurlo zetin ka en a.. Ka pick up theilo ang.. Engmah sawitur ka nei lo... Vawi 3.... Vawi 4...ring quit thak thak a... Vawi 5 naah chuan ka pick up ta hram a.. Engtak rawn sawi ang maw.. Zaktheilo lutuk...
"Matete, i buai em? Vawiin kha..."
"vawiin kha enge? Engmah sawitur ka neilo" phone ka off nghal a...Ala rawn call nawn char char lehnghal a...
"enge?"
"lo ngaithla teh, vawiin khan..." ka ngaithla peihlo...
"vawiin khan enge..? Nuam itih zia min rawn hrilh i tum em ni?" Ka aw ki chu ka duhaiin a ring hial a... Ka au vak vak ani ber e... Ka insum theilo.. A tawng ve tur pawh ka ngaichang theilo..
"biakna chhan tur che ka nei tawhlo.." ka phone ka off a ka switch off nghal hmak a..Ka tihdan hi a thalo tih pawh ka hria.. Mahse ka rilru na leh tlawm lutuk a ka inhriat vangin ka tilo theilo ani..
Khawpui arawn ri dur dur a, kawl a phe zuai zuai a.. Ruah arawn tla ta phuar phuar a.. Khaw awmdan pawn ka rilru min hriatpuiin min rawn zawm ve ani ngei ang... Peihlo zetin ka intifai a.. Mut nghal mai tumin ka insiam a.. Ka mu ta nghal a... Ka room kawngkhar rawn inkik dawt dawt ri ka hriat chuan ka muhil dawn siar siar tawh a. "mate...mate..." kanu aw ani ngei mai... Engtak ni maw ka lo muhil hman tep asin le... Kapa khawsik kha a zual ta emawni le.. Ka room kawngkhar chu ka va hawng a..

Room atanga ka chhuak chuan Doctora kanu bula lo ding run chu ka hmu nghal a.. A hmel chu atak run a, alang hlauhawm lek lek mai.. He mihring hian eng infiam na nge min khelhpui a tum le....
Kanu chuan " mate, hei marama hian biak tulna che pawimawh tak anei ani awm e, lo inkawm ula, ipa awm nuam vaklo nen ka han awmpui loh chuan" tih pahin an room lamah min chhohsan nghal a..
 Kanu akal liam chiah a, Doctora chuan mi rawn pan nghal ruak ruak a.. A hmel en mai pawh chuan a chauh hmel kher mai.. A chauh hmel vang ringawtin ka khawngaih tur anilo.. Vawiin chhuna min tihnat zia kha ka rullet ve ngei tur ani.. Marama chuan Matetei hmuh chu a huphurh kher mai.. Vawiin chhuna inhmuh kha ama rawt zawk ani lehnghal a, ahna avangin ama thutiam zawk pawh a bawhpelh a.. Matetei chuan engtipawn loti se a tuar mai tur ani. Phone a a rawn tawng dan vel atang pawh khan a thinrim hle tih a hriat reng a, mahse zanin ah ngei a va hmuh angai ani.. Khatiang thilthleng vang ringawt khan kha leh chen harsa taka alo beih tawh kha heti ringawt chuan a chan theilo ang.. Ruahsur nasa tih mai mai in adang theilo..Engtipawn lo tise a tuar thei vek.. Kalsan tih chauhlo chu... He hmeichhia aduh em em hian a thinlung a neihsak tawh tlat ani…
Kan thutkhawmna pindan lam chu ngawi rengin ka pan a, ka hnungah min rawn zui a, kan boruak chu a rit ru kher mai. Ka inrin hmain ka hnunglam atang chuan inthlahrun hmel zet hian ka kawngah min rawn kuah a.. Ka lo tang nghal at a..
"min thlah rawh.. Heti mai mai hian minti kual tur anilo... Mihring ka..."
"ka tihpalh"
"engmaw i tihpalh? Tihpalh engmah a awmlo, i tihluih.."
Ka hma ah arawn ding a, a hmel chu a thutak kher mai.. Kan ngawi dun vang vang a.. A thaw huai a
"Nang hi ka hmangaih che ani.. Min ngaihthlak angai bawk.."
 "angailo" ka insum thei dawnlo.. He miring pa hma ah hian ka tap tur anilo..
"minlo ngaithla teh.. Vawiin ah khan ka tum lawk hauhloh in ka damlo enkawl lai nen kan inhmu a, harsatna khirh tak a tawk ani.."
"i damlo enkawl lai hun khirh tak tawk nen chuan hlim takin in inkuah vel a maw.. Ka awih ring duh suh"
"chutiang anilo, ani kha rilru buai chang nei ani a.."
 "anih chuan i ngaihzawng rilru buai chang nei bulah chuan awm ta che.. Kei min rawn tibuailo hian.." Rilru buai hmel zetin a thaw huai a...
 "vawiin pawh khan vawikhat pawh min rawn enlo... Itan engmah ka nilo..." ka inrin hmain min rawn kuah thut a, min rawn fawp ta hmiah hmiah a.. Min dimlo kher lehnghal.. Ka lo tang phat a... Mahse tang rei tur ka awmlo.. Hepa lakah hian sipai chaktak laka mi chaklo te an tlawm duai duai ang mai hian reitak tang tur ka awmlo ani e... Ka tan takloh ah chuan dim zet hian min kuah ta hle hle a... Ka harhchhuak thut a,min kuahna atang chuan talchhuak in thutthleng ah chuan zawimuang in ka thu a. Min hnaih thei angber ah arawn thu ve nghal a.. Vawiina abula awm hmeichhe chanchin rapthlak leh khawngaihthlakawm zet mai chu min hrilh mawlh mawlh a.. A thusawi hi a dik takzet anih chuan nichin ka tawngkhum dan kha ka inchhir hial mai.. Mahse engmah ka sawilang lo... Doctora hian dawt min hrilh hauhin ka ringlo bawk.. Nge minlo bum reng zawk le..? Kan boruak awmdan ah thinrim zui vak nachi niin alanglo.. Engeng emaw a sawi sup sup a.. Ka thinrim ka lo theihnghilh hman der tawh.. Mahse lungawi awmin ka awm duhlo lui ve tlat a.. Ngaithlatu ah ka tang ani ber e.. Hetiang tak hian mi thusawi ngawirengin ka ngaithla thei tih pawh ka lo inhre lo..
"i thinrim lai hmel kha i duhawm lehzual lutuk asin"ati sup a, ka chhang lo...nghet takin min kuah a.. Ka thla a muang em em ani ringawt.. A tawng zawm zel a..
" i thinchhe tak tihreh dan ka hre tawh a, thil awmzia diktak ka hrilh che chuan i hrethiam ngei ang tih ka ring tlat ani..." intihtheih hmel zet hian a hawi vel a.. A hmel landan chuan ka thawk a tichham mai dawn.... chiang zeta min en pahin
"i rilru thatzia ka hriat belh leh ta bawk a, zir chian man i awm dawn khawp e"
"inzir nan minlo hmang mai mai amaw?" a thusawi awmzia ka hailo, mahse thinrim ka la chak tlat...
"inzir mai mai rual ka ni tawhlo.. Ka kum ngaihtuah la...hriatthiam tum ve teh...ka duh lutuk che ani tih hre tur inia sin.. Ka insawifiah reng mai nih hi" tih pah in a thaw huai a...
Dar 10 bawrah chuan a haw ve ta hram a.. Min rawn be reng a, kan hna ah kan buai ve ve avangin inhmuh erawh kan inhmu tam theilo..Tukkhat min rawn bia chu arawn phur lehzual hmel kher mai...
"tunkar tawp chawlh kan chhungkua in kan hmang khawm dawn a, ilo tel ve ngei ka duha..ka chhungte hmelhriat la ka duh a.." arawn ti a tihtur dang ruahman lawk ka nei lemlo bawk a rem ka lo ti mai a..
Kartawp chawlh chu kar loah alo thleng a, kan in ah min rawn lam a... Anu leh pa leh a chhung te hmu tur ka ni bawk a ka theihtawp a nalh in ka inchei thlap a... An in kan thleng chu anlo awm deuh laih laih tawh a.. An in chu a mawi kher mai, tual zawl zau takah chuan dawhkan an dah tlar dula chhunchaw tur buaipui in anlo buai sap sap hlawm a..
Kan lam pan chuan nu pakhat hi arawn kal a, kan bul alo thlen chuan Doctora chuan
"kanu, heihi matetei.. Matete, heihi ka nu duhtak anih hi" Anu chuan ngun taka min enin anui sang a. Kum 60 vel bawr chu ani tawh ngei ang.. Alandan atang chuan mi inenkawl fel tak ani ang tih alang reng. Keipawn ka lo nuih sang a.. Kan inbe luam a thil tuldang ti turin min kalsan lehnghal mai a. An chhungte dang pawh anlo thlen belh ve bawk a.
 "hrep chuan..engtin nge a hriat a.." Doctora hmel lo danglam thut chu ka en a, a thil hmuh chu enge tih hriat tuma ka hawi phei chuan hmeichhe nalh zet mai, lu zo veh vawh hi kan lam pan chuan arawn kal a.. Chunu chu khawiah emaw ka hmu tawh tlat ani..
 "Hi..Darling.. Ka hmu khat deuh che a, ka ngai lutuk tawh che alawm" tih pahin ka bula Doctora (Marama ka ti zel tawh ang..) ding chu a rawn kuah thuak thuak a..
"Duhlai, henu hi khawilam mi nge? I damlo enkawl lai kha mi?" ngaih pawimawh loh hmel zet hian mi rawn en ralh ralh a.. A mitmeng a min hmuhsit na leh min hnuaichhiah na alang chiang lutuk chu tuar har ka ti ngei mai.. Chhan tuma ka tawng hma chuan Marama chuan
 "Matetei anih hi vawiin hian ka chhungte nen inhmelhriattir turin ka hruai anih hi"
Kei chuan ka rilru tilang hauhlo in "chibai le" tih pahin ka lo nuih a.. Min hmu awm pawhin a awmlo.. Zamlo zet hian Marama chu a kuah nghet sauh a
"Duhtak, henu hi kei aiin i thlang tih min hrilh theilo ang.. Itan a tling tawk lo.." ka ke ler atang a ka chhip thlengin min en a..Ka zak lutuk chu ka sa pap pap a.. Chunu nena in khaikhin ralah chuan kan in nalh hleih em tak ani.. Mahni inzahpuina in ka khat thut a..Ka tuar theihnain atlin lo.. Chunu han huangtau dan em em chu.. Hetiang khawpa huangtau tur hian a enge anih le..? Marama hnaih thei ang berah chuan a awmzel lehnghal.. Marama chhung te ka zah viau nangin hetiang thil hi ka la tawng ngailo a ka tuar thei nganglo..
"Ka kal mai ang" tih pah chuan ka pen sawn nghal a.. Marama chuan rang zet hian min rawn vuan vata..
"kal tur zawk chu heihi ani" tih pahin chunu chu a en run a..
"Dorothy.. Vawiin hi kan tana ni pawimawh tak ania, min tih chhiat sak theilo ang.. Khawngaihin min kalsan rawh" a tawng chu a chang tha beng bawng hle a.. Ka laka sawi chu nise ka theihtawp a chakin ka tlanchhe nghal ang.. Mahse chunu zet chu amak ngei mai... Zam hmel pawh a pu eih lo..
"Oh...ani maw.. Mahse, duhtak kan inkar hi ala tawplo tih hre reng rawh.. Ka kal phawt ange" akal tur chuan mila rawn nuihsawh zui lehnghal... ka thinrim lutuk chu ka khur dar dar a ka chau hnawk thei hial mai.. Marama chuan ka awmdan chu a hrethiam ani ngei ang kan bulhnai a thutna chu min panpui vat a..
 "Matete, pawi ka ti lutuk.. Dorothy kha alo kal ang tih ka beisei pha hauhlo.. I tha em? Ani thusawi kha chu engahmah ngai duh suh" ati mawlh mawlh a.. Engtin mah ka chhanglo.. Ka te chem chem ni maiin ka hria.. Dorothy maw ni kha... Chanchinbu kawm ah te pawh ka hmu tawh tak e, mi hausa lutuk fanu neihchhun, aduh apiang a chhai thlu thei tia an sawi te pawh ka hre tawh tak alawm.. Ka hmuh tirh a ka hmuh tawh hnu ang riau a ka hria pawh kha amak love... Chhun chaw kan ei pawh chu ka ei lui hleitheilo...ka hrawk ah a hnawh tlat a, ka ei tlem kher mai..
 Ka intihlim lui hram hram a Marama chhung te chu ka chung ah an tha takzet a, pawh takin min fiam bawrh bawrh hlawm a..
Tlai lamah chuan Marama chuan min thlah a,a motor ah chuan kan pahnih chauhin kan chuang a ka ngawi ran mai a.. Sawi mai tur ka hrelo.. Khanu rawn huangtau lutuk chhan kha ka la ngaihtuah buai char char a... Ka maimitchhing tlat a.. Motor chu a ding ta thut a ka meng ta chauh a..Kan awmna hmun chu khawilai nge ka hre hauhlo...
"enteh"kan tirual thawih a.. Kan awki chu a hniam dun kher mai..
 "enteh, Matete, Dorothy vang khan i boruak a danglamin ka hria.. Engahmah ngai suh.. A tawngkhum dan che avang khan"
"min tawngkhum dan avang khan enge? Min khawngaih tih chu min hrilh tumlo mai rawh.. Ka ngaithla peihlo"
"khawngaih che maw...? a teuhlo lutuk.. Kha mihring khan engti zawng mahin a tluklo che.. Nangmah i inngaih dikloh ka hlau zawk ani..."Ka lamah min hnaih zet hian arawn awn phei du a.. Min en ran a..
"Ka tan chuan nang chauh hi mi diktak ini..i tha bera..i nalh ber bawk" atawng ki chu a zawi viau na a ka hre fiah ngang mai.. Ka kut chu la in a hmer vang vang a, a fawp zauh a, alamah min pawt hnai a duat zetin min kuah ta hle hle a...
Darkar 1 dawn chu hmuna kan din hnu chuan zawi muangin kanin lam panin kan tlan leh ta a.
Chumi zan chuan Marama chu a muhil thei hauhlo mai.. Matetei a tawn hnu hian Dorothy kha alo hrechhuak ngai tawhlo tih vawiin khan a hre thar leh chiah ani. Kum 2 liam ta khan an unau zinga teber in pasal a nei a, chumi tum chuan Dorothy nen an intawng a. A hmangaih viau emaw a inti a mahse khanu nikhualo zet, ader maia that chhuah ching khan alo bum reng ani tih a hriatchhuah khan harsa titakin a kalsan ta anih kha. Tunah chuan vanneihthlak takin Matetei a tawngta a, a nunhlui khan ati buai leh tawh tur anilo.. A rilru leh thinlung neitu chu ani chauh hi ani reng tawh ang.. Karleh mai hi a piancham ani tawh a.. Thil engemaw atih vat angai ani...
Zan dar 11 velah chuan a muhil thei nganglo chuan Matetei chu a phone ta ringawt a, mutchhuah hmel takin arawn chhang a... Tunah ngei hian abula awm a chak takzet ani..
 Zing dar 5 velah ka phone a message lo thleng ri tat tat chuan minti harh a.. Ka han en chuan Marama message alo nia.
"vawiin ah hmuh che ka duh.. Ka ngai tawh lutuk che.. Hun inei thei angem?"
Kan ngaihtuah deuh vang vang a, karleh mai khi a piancham ani tawh a, nitam a awm tawhlo a.. a piancham lo thlen hunah mak atih deuh turin thil engemaw ka va ti ang tiin ka ngaihtuah a.. Ka nui sak a..
"Ka zin dawn a, i piancham thlen hmain kalo let leh hmanlo maithei a, ka lo haw hunah ka duat ang che' tiin message ka thawn let a.
Nizan min rawn biak khan kalo muhil hman deuh tawh a eng enge a rawn sawi pawh ka hre mumal tawhlo.. Tunlai kan inkar boruak chu atha em em a, kan inhnial tawhlo a, ka hlim veng veng reng mai a ni.. Ka tho a ka hna a kal turin phur zetin ka insiam ta a.. Ka hun hman mekah hian ka hlim takzet ani.. Hun aral zung zung a, kar thar pawh alo inher chhuak ve leh ta.. Marama piancham pawh alo thleng veleh ta reng mai.. Ani nen pawh kan inbe reng a.. Ka lakah hian enge a rilru tak tak chiang lehzual a hriat ka la duh cheu ani..
 Marama chuan kum dang anglo takin a piancham chu a nghakhlel takzet a.. Alo thleng ta ngei e.. Mahse a ni takah Matetei nen an awmdun thei dawn silo a.. Awm ve se a duh takzet ani.. Achhan chu aduhlaii chu nupui atana sawm a duh tawh vang ani.. Zungbun pawh alei lawk diam tawh a, a nghah zawng chu a duhlaii chauh anita.. Tukverh atanga a thil hmuh chuan a ngaihtuahna ala peng nghal a.. A phone ala vat a hmanhmawh takin phone chu a dial nghal a... Nidang zawng aiin a pick up rang veleh nghal a.. A awki atang chuan a hlim hmel kher mai..
"tunah khawnge i awm" anti nghal tawng a..
 Matetei chuan "ka thiannu te ka tlawh kual a, kan inhmu khat sia ka tia.. Enge nita?"
"engmah nilo e" phone a off nghal a.. Kawngpui lamah chuan hmanhmawh zetin a tlan thla nghal a.. Nichin a mi hmuh kha a hmu sual ani ngei ang..kawngpui a thlenthlak chuan tumah a hmu leh tawhlo a. Mak tiru zetin a damdawiin a ama pindan bik ah chuan a lut leh ta a.. Minute tam pawh aral hmanlo, a pindan kawngka chu mi tuemaw hian a rawn kik dat dat a...
Dorothy chu uluk zet a incheiin Marama damdawiin lam apanin akal a, a thleng tep tih chuan hmeichhe pakhat hian akallai chu a rawn su deuh chawrh a.. Rawn su tu nu chu a hmanni a Marama bula a hmuh kha niin a hria. Rang zet hian chunu chu a pawt let dawrh a... Chu nu zet chule.. Mak tih hmel zet hian arawn su tu nu chuan a en hau mai a..
"ah..nang hi" hmanni a mi nu intihfel hmel deuh kha anilo tlat..
"tun hnu ah chuan i kalna en fimkhur tawh ang che" Marama awm a arinna lam chu apan ta nghal a..
Uluk theih patawp in ka inchei a.. Nizan reitak thleng ka thilpek tur ka buaipui a.. Marama chuan ka zin emaw ala ti ngei ang.. Ka va thawng thut dawn ani.. Mak alo ti khawp ang chu.. Damdawiin bulah chuan motor ka hung fel a, inpawm bawr zetin a pindan lam chu ka pan ta a.. Ka inken bawr em avang chuan kawngka pawh pangaiin ka kik theilo.. Ka ke in ka chhir ta ringawt a.. Chhanna pawh nghak lo chuan ka penlut ta nghal a.. Chauh hmel zet hian Marama chu alo thu duai a,min hmu thut chu a phu chiang ngei mai..
"Lo che miah suh" Ka thil ken chu ka dah thla a.. A thutna lam chu ka pan nghal a.. Hnunglam atang ka kuah a, ka kut chu alo vuan vat a, lungawi hmel zetin a maimitchhing vang vang a.. A beng bul set ah chuan
" Happy Birthday.. minlo ngai tawh em?" ka ti sap a..
"hmm..."
Kut beng thlap thlap ri ka hriat chuan mak ti zetin ka hawi chhuak a... Dorothy chu min nuihsawh hmel zet hian alo ding nui sawng a...
"wow...wow.. Ava ropui vele... Ka duhtak nichin a ka chunga i thiltih ang kha, khanu chungah kha chuan i ti ve theilo ang" ala nui sawng a, Marama ka kuahna chu ka thlah vat a, ka ding ngil nghal awt a.. Marama erawh a awmdan a danglam phah eih lo.. Henu thusawi hi enge a awmzia? He hmun ka thlen hma khan anlo khawsa dun vel tihna maw...?
 Dawhkana bag let ngat chu la in min rawn melh ralh a
"ka awmrei tawhlo mai ange" nui sawng chungin a kal chhuak ta nghal a.. Marama chu zawhna a khat mitmeng in ka en nghal a.. Muangchang in arawn tho chhuak a, a kut a kuangkuah thun a..
"ka sawifiah thei.."
"engmaw i sawifiah ang?.. Khanu nen khan ka lo thlen hma khan inlo..." ka sawi zawm theilo, ka thinrim, rilruna lutuk leh zak bawk si chu ka mittui a tla sawk a.. Marama chuan min kuah tumin min rawn chelh a, a kut chu kalo thing thla vata..
 "min khawih suh..nang mi tenawm lutuk.. Ka nun hi infiam nan lek i hmang ani tiraw?"
"ka sawifiah thei..ngaithla teh" a tawng dan atang chuan a thinarim ve hle tih alang reng mai.. Mahse ka ngai pawimawh lo..
"nanga insawifiah na ngaihthlak hi ka ba love.. Vawikhat mah nang hian min hmu tawhlo ang" ka tap mualpho mai dawnin ka hria a.. Engmah ka ngaihtuah thei tawhlo.. Hmanhmawh zetin pindan atang chuan ka kal chhuak nghal a.. Min rawn ko zui pawh chu ka ngai pawimawh ther te lo. Ka kal hmiah hmiah a.. Hmanhmawh zetin ka inkhalh chhuak a, inlam pan mailo in khaw pawnlam ka pan a, hmun fianrial a awm ka mamawh ani. Thui tawk tak ka tlan hnu chuan ka ding ta chauh a.. Ka chunga thil thleng hi enge ni? Marama hi ka ring em em a, ka chunga a awmdan ah pawh min duh tak tak niin ka hria a.. Mahse ka lo tisual ani.. Ka thinlunga hmangaihna ka neih hi atan chuan infiam na hmanrua chikhat chauh ani e.. Dorothy kha a hnar theilo ani ngei ang.. Ka dem love.. Mahni inkhawngaihna in ka khat a.. Ka thinlung na lutuk chu tah pawh ka tap theilo.. Ka thaw kawk kawk a..ka awm ah a inhnawh tlat a... Tlai thim dawn ah chuan inlam ka pan ta chauh a...
 A koh zui lawm lawm na pawh engahmah ngailo in a kalsan maw.. He mihring rilru lian zet hi engtin nge a tih dawn le.. A insawifiah na pawh a ngaihthlak sak duh lo a..Beidawng zetin a thu hnawk a.. Ani theilo.. Khatiang thil hriatfiahloh vang ringawt khan a kalsan theilo ang.. A umzui nghal vat angai ani.. A motor chahbi lah chu a hmu mailo lehnghal. A dawhkan ah khan adah mai si a..
 "awle, heile" engtin nge a hmuh mai theihloh zawk a.. Matetei umzui tur chuan hmanhmawh zetin a kalchhuak nghal a.. Matetei hmel reng reng ahmulo, alo tlanchhuak hman ani ngei ang... An inah ava kalchilh mai angai ani.. Matetei te in ava thlen chuan an in a hnathawk ho chiah anlo awm a.. Matetei ala haw loh thu anlo hrilh a.. Beidawng zetin a inkhalh haw leh ta a..
Chhun lama ka thil tawn chuan min ti chau hluah hluah a.. Mahse ka rilru pik lutuk chu ka muhil thei chuang reng reng lo.. Rilru lak pen nan lehkhabu ka chhiar a, rilru ah erawh alut lo ngang mai.. Ka phone arawn ri ral ral a.. Marama ani.. Ka chhang theilo ang.. Ka phone chu ka switch off nghal hmak a.. Ka be tur anilo.. Vawikhatmah ka be tawh tur anilo.. Natna bak min thlen lo..
Thla khat chhung chu a phone call reng reng ka pick up ngailo a.. Ka hmuhloh dan tur ni a ka hriat angin ka pehhel hram hram thin. Ka nun chu a hahthlak ru kher mai.. Ka hna erawh in a tuar ka hlau a ka inti phur lui hram hram a.
Nikhat chu ka thianten piancham lawmna a kal turin min sawm a, ka hna a kal bak ka chhuah vak loh avangin intih harh nan boruak thar ka hip ve pawh tha lawm tiin min sawmna chu ka lo pawm a.. Ka hnathawk bang chu thilpek turte leiin bazar lamah ka kual a..
Dawr chhungah ka thil lei tur ka thlan kual vel lai chuan college ka kal laia ka thiankawm ngeih em em thin Angaiha nen kan inhmu hlawl mai a.. Ani hi nupui neiin hmundang ah hna a thawk tawh a.. Kan inhmu chu kan hlim dun ngang mai...kan tawng dun nghal mawlh mawlh a.. Ani chuan fapa duhawm tak alo nei tawh bik reng a.. Thlalak te min entir a, kan nui dun hak hak reng a.. Min rawn hrilh ru zeuh a...
"sawlai pa sawn a rawn en char char che nia.. En nghal suh.."
Marama chu ka lo hmu ru tawh reng a ka en duhlo lui ngar ngar a.. Thildang daih sawi angin Angaiha banah chuan ka kuah a ka nui lui vela.. Ka awmdan chu Angaiha chuan mak a tih hmel ngei mai.. Hmeichhe awki zang vah hian
"ka tifel e, kal tawh ang le" atia.. En anga lang duh silo in ka lo mitsir ru reng a.. Chunu chuan Marama banah vuanin phur hmel zet hian dawr atang chuan an chhuak dun ta a.. An chhuah hnu chuan ka thaw ta huai a.. Ka lo tang mar teuh reng chu niin... Angaiha hnenah chuan
 "min pui a ka lawm e aw" ka tisap a, angaihna a hriatloh hmel ngei mai..
 "enge awmzia" "tunah chuan ka sawi thei rihlo..nakin ah ka hrilhfiah ang che”
“Oh.. Ka hrethiam e.. Nang hian imi duhtak I tawng ta ani chiang mai..” tiin a anui hak hak a..
Ni e.. Ka duhtak ka tawng a.. Min tina em em si anih hi.
Thla 1 dang aral leh ta..Marama nen chuan kan inhmu ngai ta meuhlo. Phone erawh chuan min rawn biak atum fo a, mahse ka chhang let ngailo..

Dawra a hmeichhe kalpui ka hmuh kha a ngaihzawng ani ngei ang chu.. Hmanhmawh hian.. Ani te chu hmeichhe tamtak in kherh tluk tum a an buaipui rawn ani si a... Keimah nilo midang a kuah vel tur te ka ngaihtuah a.. Ani theilo..ka phallo.. Ka tihtir thei lovang.. Mahse kawp dang nei reng te chu va pawh mai turin ka chapo ve na hian min dang tlat si a..

Ka hna chu theihtawp chhuahin ka thawk tawp a, thildang ka ngaihtuah hah peih tawh lo.. Kan college a lo thawk thar pakhat chuan min beisei hle tih ka hria a, thiante pawn min dem fiam fo thin a, mahse mitmei engmah ka hmuh let ngailo..
Ani pawh mi fel tak ani a, mi tha tak a phu ani ka ti fo thin..
Ka tan chuan... Marama nen ka khaikhin a.. He mihring ka thinlung tina em em tu hi tuman an luahlan theilo ani e..
Mahse ani chuan engahmah min ngai lova, hlim takin hmeichhe dang a chhuahpui lehnghal pang anih kha...

Marama rilru ah chuan engdang mah a lut theilo. Hmanni dawra Matetei leh mipa a hmuh dun te khan eng inlaichinna nge an neih le..? Matetei khan a rawn hmu miahlo niin alang.. Alang pangai thlap a, a tello pawhin a hlim lutuk tih alang reng mai.. Va pawh mai atum laiin a unaunu (cousin) kha arawn inpeih ta si a.. Va pawh ta pawh nise engmah a danglam chuang in a ringlo.. A thil duhloh tawh chu engmah a tihluih tir theih ngai loh.. Hrep tak a..
Tun thleng in a theihnghilh lova, theihnghilh chu sawi loh, a mamawh em em ani zawk si a.. An in ah va kal pawh nise alo hrethian thei chuang lo ang.. Phone ah takngial pawh a be duh tawhlo ania..

A rilru chuan Dorothy a huat na chu a zual ngei mai. A birthday a Matetei'n a pek a lehkhabu duh ber chu a chul hliau hliau a.. A chantawk ava tlem ta em...
Hetiang ringawt chuan a tuar chhuak thei lovang.. He mihring rilru lian leh luhlul reuh lutuk hi a mamawh in a ngai ngawih ngawih a, hmeichhe dang a hriat tawh te zawng zawng aia a duhber ani tlat..

Kartawp chawlh chu hmundanga hmang lovin ka chhuak thawveng mai mai teh ang tiin ka bazar kual vel a.. Chawhnu lamah chuan ka riltam chu ka pum ari ta raih raih a..
Rilru na leh hah taka ka awm reng avangin chaw ka ei tha theilo a, ka taksa pawn a tuar chak kher mai.. A hma aiin ka cher zual a.. Restaurant ah ka lut a, ka rin aia tam daihin ka ei ta teuh a..

Restaurant ka chhuahsan tur chu ka hnunglam atanga min ko ri ka hria a.. Ka ding chawt a..
Marama chuan ka bul arawn thleng chawpchilh nghal a.. Ngawi rengin nghet zet hian min kai a, hnial a ka kut laksawn ka tum chu a vuan nghet sauh a..

'Min tina ania...' ka tawng chu hre awm pawh in a awmlo.. Min kalpui hmiah hmiah a.. Zui lo thei lo in ka tlan dawt dawt a..

A motor kawngkhar chu a hawng rawp a, min namlut ta hmiah a.. Chak zetin a tlan ta pur pur mai a...

'Khalh muang rawh.. Ka hlau ania..'
Biak loh ang chiah.. A ngawi hmak a, hma lam a ending ngar a..
Motor tlan chak lutuk a chuan hi ka hlau hle tih pawh a hre reng.. Engvangin nge heti hian a awm kher..? Mahse ka luhlul zia leh ka thinchhiat ve zia a hrechiang a, tawngkam ringawt chuan engmah min sawipui thei dawnlo tih a inhre ve pawh ani mahna le.. Engmah sawi duhlo in ka ngawi ve ta hmak a..

Motor chu a khalh chak deuh deuh a, ka hlau tawh lutuk chu ka meng ngam tawhlo.. Ka thlan a sa pup pup a, au chhuak lo turin ka insum tang tang a.. Ka tan na lamah ka kut te chu ka hum thlan vek bawk a...

Marama rilru ah chuan he mihring luhlul zet te reuh hian ati hreawm rei tawh lutuk a, runluih aduh ve hrim hrim.. A hlauthawng ngawt ang chu..
A melh zawk a, Matetei chu men pawh a meng ngamlo tih a hmuh chuan hlawhtling inti zetin a ner sak a..
A rilru lehlam chuan hlau taka siam chu awmzia a awm chuanglo tih a hre tho a, a khawngaih leh hnuhnawh a..

An tlan thui ta viau mai...

Kawngkawi ah chuan truck lian zet hi arawn lang thut a, Marama chu a inring hmanlo thelh ani.. A motor khalh chak zet chu thunun tumin a rap ding hrawk a.. Matetei chu a rak thawt a..a bu lawp a..a intauh ta bur a.. A chechang zuilo...

'Matete..Matete..'
thil thlen dan chu ava thalo em.. Truck lah chu a tlan tlang daih lehnghal...

Marama chuan mangang zetin Matetei chu a sawi nawk nawk a.. A taksa chu a zawi vek a.. A koh vak vak pawhin a ko harh zolo...

Motor chu han tihnun leh mai a tum a, a nung thei ta reng reng lo lehnghal a..

Marama chu a mangang ta takzet.. Motor atang chuan a chhuk rawk rawk a, Matetei chu a pawm chhuak nawlh a, kawngsir a phul ah chuan a muttir a.. A tihharh vat angai ani..

'First Aid box kha..'
a motor ami chu ava lachhuak vat vat a, a theih ang ang in Matetei chu a bawihsawm zung zung a.. A chal kak atang chuan thisen a chhuak zawih zawih a, a kak thuk phian in alang lehnghal..
A hlau lutuk ani tih pawh a hrereng a, a hlau lutuk meng ngamlo a hmuh te khan hlawhtling ah te ala inngai ta lehnghal a. A inthiamlo takzet ani..
Alo khalh chak lutuk kha a inchhir ta ngei mai..

Motor lo kal a hmuh hmasak ber chu zah pawh dawnlo in alo phar ding a, damdawiin lam panin hmanhmawh takin an tlan ta nghal a. Matetei chu a remdan ang berin a malchung ah a muttir a, a be mawlh mawlh a..

'Min ngaidam rawh aw.. Ka tihpalh..ka tihpalh' alandan mai aiin a insawh na anih hmel tlat.. A rawn harhchhuak har lutuk chu a mangang tawh takzet ani.. Matetei kut chu nghet takin a vuan a, tihtheih dang engmah aneilo...

Damdawiin an thlen chuan hmanhmawh takin hnathawk dang ho te pawh chuan anlo buaipui zung zung a.
Minute 20 vel hnuah chuan Matetei chu arawn phu chhuak zawih zawih a, zawimuang in arawn meng a, a thaw kawk kawk bawk a..

'Matete..i harh em.? I tha maw? I tha tiraw.? Ka tawng i hre thei em? Min ngaidam rawh aw.. Ka tihpalh' ati mawlh mawlh a.. Zawhna va ngah em.. Damlo tamtak, na tak tak tuar te pawh inringtawk takin alo enkawl tawh thin.. Mahse tun tum zet chu a zam in a hlauthawng takzet ani..
Matetei chu arawn rum tiah tiah a.. A rawn harhchiang dawnta ani ngei ang.. Ava lawm em..

'Engtin nge ka awm?' a tawngri chu a zawi hle a, a hriat theih chang chang ani..

'i tha e..i tha.. Hlauthawng suh, i bulah ka awm reng ania..' hetiang thil a chunga thlentir tu hian chutiang thu chu engtin nge a sawi theih zawk aa.. Marama chu a indem takzet ani..

'Ka kut hi a che thei miahlo ania..'
Matetei chuan a ban veilam chu thei leh theilo in a en a, a hmel chu hlauhthawnna in a khat a..

'hlauhthawn awm anilo ang.. Harhchiang lehzual la, a tha vek mai ang'
Matetei ban chu an enchiang a, a banrek chu a tliak ani tih a hmu ta chauh lehnghal.. A hma khan a rilru buai lutuk khan a taksa dang en mai nachang alo hrelo ani.. Engthil pawi nge atih tak hi..

Matetei pawh chu a rinaiin arawn harh tha chak a, arawn harh deuh hnu chuan a chhungte a phone ta chauh a. A chhungte lakah pawh a inthlahrung ngang mai a. Sawi tur pawh a hrelo ang..an hmel hmuh chu a chakawm fahran lo reng ani. A phone atanga rei vaklo ah an rawn thleng ve nghal a.. An tawngkam chuan Marama chu a hnem huai huai mai.. Chhungkaw tha tak an va ni chiang em..

'Inthiamlo lutuk reng reng suh, chetsual palh chang te chu a awm ve reng alawm. Matei pawh a harh that hi.. Engmah lungngaihna tur a awmlo e, a tha leh vat mai ang..'
Matetei pa chuan ati charh charh a, anu pawh chuan alo thlamuan ve bawk a..

Ni 3 zet damdawiin ah chuan ka awm leh ta reng mai.. Marama chu ka bulah a awm deuh reng a,mut pawh a mu tha ve hman meuhin ka ringlo. Ka harh apiang in ka bulah alo awm reng a, zanlai a ka harh pawhin ka chhungte awm reng lai pawn ka khum bawhin alo muhil ve mai a..
A hmela inthiamlohna nasa tak lang chhuak thin avang chuan ka khawngaih viau a, mahse ka khawngaih tih erawh ka tilang duhlo. Nitin pangpar nalh tak arawn dah thar ziah a.. A chang chuan ka nuih a tiza zawk hial mai.. A kum ngaihtuahin naupang ani tawhlo a, mahse kha accident thlen hnu khan naupang chhia deuh a awm chang anei zeuh zeuh a. A inthiamloh lutuk vang ani ngei ang.. Mahse naupang ang mai a a awm chang chuan a duhawmna leh thatna a zual sauh a, a ni tel in he mihring hi ka hmangaih zual zel ani tih ka inhria..

Ni 1 chu chawhma lam zawng ka hmulo a, chawhnu lamah chuan arawn lang leh ta hlawl a. Keimah chauhin cabin ah ka lo awm a, ka damtha viau tawh a, lehkhabu ka chhiar vel mai mai a..

Ka bulhnai takah rawn thu in ka lehkhabu chhiar lai chu ala sawn a..

'Thil sawifiah duh ka nei..' a mize ngai bawk arawn chhuah leh ta..

'Enge a' kalo ti tha ve mai a. A hmel chu a thutak run a..

'Ka birthday a i rawn kal ni khan, ilo kal hma khan Dorothy alo kal a, a nungchang chu i hriat kha, ka dawhthei ta nganglo a chiang takin ka hnar fithla thak a, lungawilo takin ka pindan atang khan a chhuak tau a..'

'chu chu tunah engatinge min hrilh chauh..'

'Lo ngawi la, lo ngaithla rawh, sawifiah turin hun tlemte pawh min pelo ani.. Khami avang khan ka thinrim takzet a,ka rilru i tina hle bawk a..' min rawn hnaih lehzual sauh a min kuah a.. Lo tan tumna ka neilo..

'Dawrah mipa dang nen ka hmu leh ta zel che a.. Khapa rawn hneklo tur khan ka insum nasa asin..'
Nui chhuaklo turin ka insum a, ka rilru chu a hlim ngei mai. Angaiha kha ka bulah chuan awmse lawmthu ka hrilh nawn mawlh mawlh ngei ang..

'Ka thianpa anih kha..'

'Engmaw.?'

'Ka thianpa anih kha.. Nangmah zawk hian midang i chhuahpui nghal a.. Phat buai tum duh suh'

A nui hawk a, min kuahna chu a thlah a..

'Nang hian minlo hmu reng a, min hmulo ang hmiah in i awm lo awm a maw...? Mi dangdai tak chu i ni reng reng e.. Kha thil ka hmuh avanga ka thinrim zia kha i hrethiam phalo zawk ang'

Ka darah vuanin chiang zetin min en ran a. A mitmeng thutak lutuk chuan minti hlau lo chauh ani..

'Ka hmangaih che'

'Engmaw..!'mak kati lutuk chu ka insum hmanlo. Hepa hian eng thu nge min hrilh hi.. Ka thinlung zawng zawng a ka hmangaih hian minlo hmangaih ve reng amaw.. A hma a min hrilh khan a tih tak tak ka lo ring hauh lo..

'Ka hmangaih che.. Mi â nu.. Ilo hre hauhlo em ni..?'


Engtin mah ka chhang lo..

'Hmeichhia ka bula awm i hmuh kha chu ka cousin anih kha..'
Kan ngawi dun vang vang a...

'Itan harsatna ka thlen fova, hmangaih ngam tur che ka ni em ka in hrelo.. Min hmangaih ve thei angem le..?'

Hmel dul raihin min en reng a.. Ka ngawi vang vang a.. Ka chhan mai loh avang chuan a hmel chu hlauhthawnna in arawn inthlak a.. Ka hmangaih letloh a hlauh vangin he mihring luhlul leh thuduh lutuk hi a hlauthawng ang maw..?
Ka awih theilo hial zawk.. Zawimuangin a biang ah ka dawm a..hlauthawng in rei tak ka siam phal ngai lo ang...

'Keipawn ka hmangaih che..'

Rang zetin min kuah bet nghal thlawp a.. Min kuah nghet lutuk chu ana thei hial mai..

'Min kuah na ania...'

'Oh...'
Min kuahna chu a thlahdul a, hmel hlim zetin kan in en vang vang a... Duhthawh takin kan in fawp ta vawng vawng a..
Min thlah thut a, ka khum bulah chuan thingthi in bawm te tak te hi arawn phawrh nghal a...

'Matete..min nei duh angem.? Khawngaihin min nei rawh.!'
Ka hlim lutuk chu ka tawngchhuak mai thei lo.. Ka hnuk a ulh a.. Ka lu ka bu nghauh nghauh ringawt a.. Ka kut rawn la in zungbun manto lutuk tih hriat reng hi min bun tir ta a.. Kan infawp in kan inpawm vawng vawng a...

'He zungbun hian alo nghak rei tawh lutuk che asin..'

'Zungbun in nge nangman..?'
Kan nui dun hak hak a..

Hun aral duak duak a, hna lam nen inneih tur buaipui nen mahni buai buaiin kan buai suau suau a..
Marama'n innei tura min sawm atang khan thla 2 aral leh dawn ta reng mai. Karleh mai khi kan inneih hun tur ani ta..
Accident a ka hliam te pawh a dam chiang var tawh a.. Ka tih ber chu inneih ni a nalh taka ka lan theih nan a in enkawl hlarh hlarh ani mai. Marama nen pawh hunawl kan neih dun chuan kan chhuak dun a, kan hlim em em ani ringawt mai.. Harsatna engmah thleng tawh lo se ka ti takzet ani..

Zankhat chu dar 1 bawr velah hian ka phone ri in min tiharh hlawl mai a.. Phak zetin ka pick up a.. Marama alo ni a..

'Matete..tunah khan ka nu'n min kalsan ta.. Zantir lam khan luhaiin a tlu thut a, kan inchhan hman ta lo..' a awri chu a ro halh a..

'Oh..' sawi mai tur pawh ka hrelo..
Ka harhchhuak thut a..

'Tunah khawnge in awm.?'

'damdawiin atangin in lam kan pan mek..'

'awle..kan lo kal nghal ang..'
Ka chhungte ka kaitho a, hmanhmawh takin Marama te in lam pan chuan kan chhuak ta nghal a..

An in kan va thlen chuan mi anlo awm teuh tawh a.. Marama hmel ka hmu chiah chu ka khawngaih ngei mai.. Alo thu ngui lap a..
Anu hian apa tello in a nau hmeichhia nen enkawl seilian in a tulpui thak a. Anau chuan pasal a nei tawh a, naupang te an nih laiin a pa'n a boral san a, anu hi an engkim a ni takmeuh meuh si a..

Marama bulah chuan ka va thu a, a kut ka vuan a.. Ka kut lehlam in a hnung ah ka chul ka chul ta ringawt a.. Sawitur a vang ngei mai.. Ka tuarpui lutuk ani tih ka hmel a tihlan bak chu han hnem vak dantur pawh ka hrelo...

Anu kha mitha tak ani a, ka chung ah pawh atha em em a, ka thinlung takin ka ui ngawih ngawih ani..

Hetiang boruak kan tawn takah chuan inneih hun pawh loh theih loh in kan sawn hla ta a..

Marama nu boral kha October thla laihawl ani a, chhiattawh leh that lam inhnaih taka tih a chi loh avang leh tha zawk kan tih tlan angin inneih hun pawh kumthar lamah kan sawn ta dawr a..

Marama khawhar taka amah chauh a a khawsa tur ka ngaihtuah chuan ka khawngaih viau mai. An in a hnathawk awm tho mahse a mal em em dawn tih ka hre reng a, a pu fate ho awmpui a sawm mai turin thurawn ka'n pe ve ngawt a..

Kan hna kan thawh a ngaih reng tho si avangin kan inhmu tam hleithei lo..

Nikhat chu ka dam that chiah loh avangin College atangin ka haw hma a. A remchang bawk a damdawiin lamah kan peng teh ang tiin ka inkhalh kual a..

Marama a lola awmlo ta lehnghal.. Ka dam tha chiahlo nen ka chau nghulh a, hmundang a kal ka peih der silo..

'A pindan ah ka lo nghak mai ange..'

'oh..a room chahbi kan kawllo a..' nurse pakhat chuan polite takin minlo chhang zung zung a..

'anih chuan ka nghaklo mai ange..'
Ka chau ve bawk nen in a mut mai mai te pawh a chakawm lawm tiin haw leh mai tumin ka kalchhuak leh ta a..

Kalo hawichhuak lemlo a, motor ka hawng tur chu ka hnunglam atangin mi tuemaw hian ka kawngah min rawn kuah thut a.. Ka phu nasa lutuk chu ka rak thawt a..

'tihpalh..'
Marama chu ka beng bulah a phun sup a. Ala nui deuh ta lehnghal a.. Dam that loh bawk nen ka thin a rim hlur mai..

'Min tiphu vak thin suh.. Ka dam thalo lehnghal, ka chau tehmai nia.. Min thlah teh..miin min hmu ange..'

Min thlag chuanglo chuan a insiam rem a min rawn fawp zeuh a.. Ka dam deuh sawt in ka inhria.. Ka damdawi tha ber chu amah hi ani reng ani..

A pindan lamah chuan kan inzui chho a, hnathawh tur nei vetho anih avangin reitak awmna chi anilo a, damdawi thenkhat min pe a, haw nghal mai ka tum a..

Kawngka ka hawng tur chu thawkleh khatah arawn inhawng thut a,ka phu nasa ngei mai. Perfume rimna zet lo nam nghal huam atang chuan tunge ka hmachhawn dawn tih hrilhchawp ka ngailo chiang..


Dorothy chu ka hma ah arawn ding chawpchilh nghal a..
'Oh..i pasal hual chu i neih hma hma in i veng nghal chung chung mai ani maw.. Hunawl i pek loh chuan a hne rang ngawt ang che.. Ni lawm ni..'
Marama chu ka bulah arawn ding vat a, ka kawngah intineitu zetin min kuah a.. Nuam kalo ti chem chem..
Dorothy chuan no zet hian ala rawn melh zui reng a.. Chhan pawh ka lo tum buai peihlo..
'Dorothy..i tawngkam kha fimkhur ve thin rawh'
Marama tawng chu a chang tha beng bawng hle.. Dorothy lah chuan a melh no ngaiin ala melh no reng tho.. A men no thiam dan em em chu nileng pawn zir ila ka thiam ve chuang pawn ka inring love...
'Ka kal mai ange..'
Marama chuan chutiang boruak thalo a awm chu ka peihlo tih a hrethiam ani ngei ang.. Min kuahna chu a thlah ve mai a..
'Tlaiah ka lo kal ang.. In enkawl tha la..'
'Awle..'
Ka kal mai tur chu Dorothy chuan na zet hian ka kawrah min rawn pawt let nawk a, ka lo inring silo a, ka pai deuh nawk a..
'Nang nu hi..ila kal mai theilo.. I hnenah hian sawi duh ka nei.. I lakah hian ka tlawm dawn reng reng lo ania.. I hria em..'
A aw chu a ring tha kher mai..
Marama lo che hrut chu ka en a.. Dorothy chu khawih mai duh hmel a pu a.. Engmah tilo turin ka mitmei vat a...
Keipawh ka thinrim ve tho, Dorothy ka laka a chetdan hi chu a lutuk mah mah reng ani.. Tawngkam tha a biak tum buai chi pawh niin ka hrelo..
Min vawnna kut chu ka phih thla nawk a, engmah sawi tawhlo chuan ka chhuahsan ta a..
'Min hrethiam la hnathawh tur ka nei..'
Marama tawngri chu ka hre pha ruai ruai a.. Ka rindan tawk vel ani..
Ka nui sak a..
In ka thleng chu ka boruak tawn in min tichau zual deuh bawk nen.. Ka mu a.. Ka hriatloh karin kalo muhil ta daih a..
Ka harh chuan chawhnu dar 2 alo pel der tawh a.. Ka inphih fai a, ka ril arawn tam raih raih a.. Eitur eng engemaw ka siam ta nep nep a..
Doorbell arawn ri ral rala, ka va hawng vat a.. Marama chu arawn lut nghal a. Nghet zetin min rawn kuah nghal a..
'I tha deuh tawh em..? Nangmah ngai hian ka ril atam tawh lutuk..'
Kan nui dun hak hak a..
Duat takin ka kuahlet a, a hmui ah ka chuk zeuh a...
'Eitur ka siam laklawh a, lo nghak la.. I riltam ve thei sia..'
Choka lamah ka kai phei a..
Ka thilsiam vel chu uluk zet hian minlo en khuau a..
A phone arawn ri tat tat a...
'Hello....' angawi vang vang a
'Awle..awle.. Engtin nge a thlen... Awle ka lo kal nghal ange..'
'Enge nita..?' ka lo ti vat a..
'Dorothy ania.. Emergency a zai angai a.. Accident a tawk ani awm e..'
'Oh..ani maw..'
Inchelh khawmuan na chi anih tawh loh hmel.. Marama kal tur chu kawngka thleng ka thlah a..
'Chanchin minlo hrilh ve dawn nia aw..?'
'Awle..' Marama chu hmanhmawh takin a kal ta nghal a..
Dorothy khawngaihthlaki chungah chuan enge thleng ta le...
Mawilo taka ka laka a awm hnu lawk ah hetiang thil hi a tawk ani si a.. A rilru na in ati lui te ani thei angem..?
Nge..mi tuten emaw a chu ngah thil thalo tak anti zawk le...
Dorothy chanchin ngaichang chuan rilru nuamlo takin ka awm a.. Dorothy kha ka chungah tha tehchiam lo mahse thil thalo tak atawn ka lo hlauhpui ve tho a, ka tum reng vang pawh nilo in ka awm ati nuamlo riau lehnghal..
Zan dar 7 bawrah chuan Marama'n min rawn be ta a..
'Dorothy chu kan chhan thei talo, a khawngaihthlak khawp mai..'
'Oh..ava pawi em' tih bak sawitur ka hre chuanglo. Marama tawngkam atang pawhin a lainat ve takzet tih alang reng mai.. Mahse mihring nunna thu ah hian tih theih kan nei tlem em ani.
Dorothy vuina hunah pawh Marama chu a tel ve thlap a, chhungkaw puitling tak anni a, an intitha reng a, Dorothy nungchang in a zirloh thin em vang khan a chhungte hi Marama lakah an inthlahrung zawk hle thin in ka ring. Anlo inzui ve nasa tawh tih pawh an hre vek si a..
Hun arala, Marama nen kan inneih hun tur a kan ruat pawh alo hnai leh ta hle mai.. A vawihnih nan inneih tur buaipuiin kan chhung buai leh ta mup mup a. Tihtur neuh neuh atam a, Marama nen pawh kan inhmu deuh zut mai a.. Buaina kan tawk tawh em loang chu..
Zan dar 12 alo pel leh reng tawh. Marama chu a ngaihtuahna kawmin a khumah chuan mutchhuak lo zetin a inlet sek mai a..
'Harsatna te tawk thin mahila mi vannei tak ka ni, ka hmangaih ber nupui ah ka nei dawn ta chu ania.. Henu te reuh hi awlsam taka ka neih chu anilo phawt mai a' tiin..
A ngaihtuahna avang chuan anui suk a, a phone chu la in a dial nghal a.. Tuna biak a mamawh tlat..
Alo muhil tawh anih pawhin a pawilo, a tawngri a hre phawt anga tichuan tui takin a muhil thei ang..
A nghah deuh vang vang hnu chuan mutchhuak aw zetin Matetei chuan arawn chhang ta hram a. A aw a hriat ringawt pawhin amah ah danglamna a awm tlat thin.. A thaw huai a..
'I mumang ka rawn tibuai vek em' tiin a nui ruh ruh a..
'Hmm..dar engzat nge.?'
'12 apel tawh'
'Van mengrei em em, chhun lamah i chau awm hle sia'
'Keimah chauhin ka mu a, ka khua ahar riau a.. Ka ngai che alawm..' a awki chu a tihniam raih a..
'hmm..'
'Ila harh chianglo ani maw.. Ok.. Min fawp la..chuan ka muhil ang..'
Matetei thawm atang chuan a muhil leh tawh tih ahre mai.. A thawri sek sek chauh hriattur a awm tawh.. A nui suk a.
Phone chu a off a, a harhchiang lo biak hi engemaw ti zawng takin nuam ati tlat ani.. A muhil ve ta siai siai a..
Zing nichhuak chu a mawi hle mai.. Vawiin hi ka hmangaih Marama nen kan inneih ni tur ani ta.. Ka phur lutuk chu awmdan tur ber pawh ka hrelo. Ka zam ru riau bawk a..
Dar 11 arik chuan inneih dar an rawn khawng ri ta mang mang a.. Marama nen kan pual chauh a dar ri ngei chu..
Muangchang in biakin chhungah chuan ka pa'n min kailut ta a.. Ka hawichhuah a Marama ka va en chuan ka nui sak a..
Heihi ka pasal tura Pathian min pek ngei chu ani..
Ava tha kher em.. Tuxedo var, a pian mil thlap a ha a, a hmelah chuan, mi a thilduh ber nghakhlel taka lo thlir a ang ber.. Mahse zam hmel apu ve hauh lo..
Abul ka va thlen chuan ka kut alo vuan vat a, rawn kun hniam in
'I nalh lutuk.. Min vuan tlat ang che' alo ti sup a..
Biakin hunserh kan hmang zo a, mo lawmna hun pawh kan zo fel ta.. Zan lamah chhungte leh thianthate nen kan ri laih laih reng a. Dar 10 arik meuh chuan an haw rem ta diak a. Chhun lamah inthlahdul hauhlo in ka awm nileng a, ka chau hnawkin ka inhria..
Tui sa tha ver vawr a ka inbual hnu chuan ka hahdam huai mai. Mu turin ka insiam a, zai rat rat pahin cream ka inhnawih mawlh mawlh a..
Ka hnunglam atanga Marama'n min rawn kuah chuan ka phu deuh zawk a, bathroom atanga alo chhuak thawm pawh kalo hrelo reng reng.
'Hmm..i rimtui hle mai.. Ka eizawh vekloh nan che inveng tha ang che..' arawn ti sar sar a..
Alam hawi turin ka inher rem a,he mipa min kuahtu hi ka pasal atan chuan a tha mah mah ani.. Min enchhuk run a, a sam ala hnawng chap a,alang tha kher mai..
A hmel ka en a ka nui sak a, rawn kun hniam in min fawp ta vawng vawng a..
Ata chauh ka ni reng anga, ani pawh ka ta chauh ani reng tawh ang..
Kan inneih atanga thla 2 aral hnu chuan ka awm a nuamlo in ka luak a chhuak nghulh reng mai a, insumhmanlo lekin ka uak leh vak thin a..
Nau ka pai tih kan hriat chuan kan hlim ngei mai. Marama chuan a theihtawpin min duat a, kan nupa in naute lo pian hun tur te leh kan duhthusam te sawiin kan titi dun a, keiin unaupa ka neihloh vangin mipa ka awt em em a, Marama erawh chuan
'anu ang chiah tur hmeichhe naupang ka duh a, Pathian min pek ania, mipa pawh nise apawi chuanglo' ati thin.
Thu inhmuh loh deuh chang leh inhnial rap rap chang awm thin mahse chungte chu kan inhmangaihna leh inthlakhlelhna ti zualtu anni leh thin..
Kartawp chawlh laiin ni khat chu ka thiannu reitak ka hmuh tawh loh arawn leng hlawl mai a, sawitur kan ngah dun kher mai.. Tunhma chanchin te sawiin kan titi hlut a...
Ka thiannu pawh chuan thla 2 hnu ah pasal anei ve dawn reng alo nia.. Kal ve ngei intiam in inngai takin kan inthlah ta a..
Hriatloh karin hun a liam zel a, ka duhthusam ang ngeiin fapa duhawm tak mai kan nei ve ta.. Kan nupa in kan hlim em em a, zantin mai kan fapa hma hun tur leh kan duhthusam te sawiin kan nupa chuan rei tak tak thleng kan meng fo a, kan fapa chu kan in hmangaihna tizual tu leh kan hlimna ber ani a, tui taka a muhil lai te hi kan thlir dun veng veng thin..
Dorothy boral atang khan Marama chuan lehkha mak tak a dawng leh nawlh thin a, a rilru a nuam tak tak thei tawh lo. Mi tuemaw amah haw em em tu an awm a ang tlat.. He thil lo thawntu hi tunge ni ang tih rinhlelh tur pawh a hre silo.
Atir ah ngai thutak lemlo mahse tunah chuan a ngaih ang ngawt a thil holam niin alang ta tlat lo. A hmangaih em em a nupui leh a fapa te lakbo sak a vauna chu thil ho tak leh fiamthu mai niin alang lo reng ani..
A rilru a a hlauhthawn rukna chu a nupui a hrilh mai dawn em ni.? A nupui hlauthawng taka a awm tur chu a duh silo. Engthil emaw tak atih angai ani.. A ngaihtuah ngial pawhin enge atih ang tih a hrethiam mai lo..
Marama ngui riau thin chuan ka rilru a tibuai a, thup tum viau thin mahse ka pasal ani a, engemaw vei anei tih ka hre tlat ani.. Ka biak mawlh mawlh lai pawhin thildang daih alo ngaihtuah leh vung vung thin. Engthil in nge a rilru tibuai tih ka zawh chhuah ngei angai ani..
Kan in kawt a motor inhung thawm ka hriat chuan sana ka en vat a, Marama ani tawh ngei ang. 'Vawiin chu nidang aiin alo haw tlai reng reng' ti rilru chungin kawngka ka hawng a..
Marama hmel chu a chauh hmel takzet a, min rawn hmuh rual chuan a hmel landan chu thlakin min rawn nuih sak a.. Ka bulah chuan chau leh ngui tak anga lan aduh ngailo reng ani..
Ka pasal hlim taka siam theilo anga ka inngaihna chuan ka rilru a tina ngei mai..
Ka bul alo thlen chuan ka lo kuah vat a..
'i chauh hmel hle mai.. Vawiin chu tui itih deuh tur thil ka siam ania..' ka lo ti nghal sar sar a..
Engtin mah min chhang lo..
'Thildang sawikual duah lo in a rilru hahna chhan chu ka zawt mai tur ani' tiin ka ngaihtuah a..
'My dear, i hmel a ngui hle ania, tun chauh anilo.. Rilru hahna i neih chuan ka hre ve ngei turah ka inngai..' ka sawi zawh hma chuan..
'Thu phawt teh ang.. Chu thil chu ka sawi tumsa reng ani.. Ilak a zep reng tur pawh niin ka hrelo..' a ngawi leh vang vang a.. Ka ngaihtuahna chu avak thui hman kher mai..
Engthil nge nita ang? Ka pasal hi ka lakah lawm zolo in min then mai te duh ta se.. Ka ngaihtuah zawm ngamlo.. Marama chuan ka kutah vuanin kan inneih ni a a zungbun min pek chu a khawih nuap nuap a.. Ka hlauthawng lutuk chu thawk pawh ka lo thaw tha ngamlo..
'Dorothy boral atang khan lehkha mak deuh ka dawng zeuh zeuh a..'
Ka beisei loh lam daih ani.. Makti zetin amah chu ka en hau ringawt a..
'chuan.. Engtin nge?'
'atir ah chuan engahmah ka ngailo a, mahse tunhnai khan nang leh kan fapa lakbo sakah min rawn vau leh a, ka tuar thei tawhlo ani... I rilru tih mangan ka duhlo a..nang leh kan fapa hi ka hloh theilo che u..'
Hetiang a hlauthawng hmelpu hian vawikhatmah kala hmu ngailo. Ka lamah pawt hnaiin ka kuah ta hle hle a..
'My dear, ka hlauthawng hauhlo ania, rilru hahna i neihin nangmah chauh a i tuar ka phal miahlo.. Police..'
'Police kan pun theilo ang. Nang leh Matthew te dinhmun a derthawng lehzual dawn asin.. Chuvang tak chuan ania engthil nge ka tih dawn ka hrelo'
'aruk in a theih tho ang..'
Rei ngial kan sawidun hnu chuan aruk thei ang bera Police chhui tir tur chuan ka hmin thei ta hram a..
Marama'n khatiang thu min hrilh atang khan diktak chuan ka rilru a nuam thei talo, thlamuang taka awm ka nei hleithei ta lo a, ka nau neih chawlh thla 2 chauh ka nei tawh a, ka hna a kal angaih hunah Matthew hi ka ngaihtuah em em reng mai dawn a, hlauthawng reng reng in kan hun kan hmang reng theilo ang.. Marama hnathawk a a chhuahin rilru nuamlo takin ka awm nileng bawk a, a hahthlak takzet ani..
Ni 3 aral leh hnu chuan Police 2 hian uniform ha lovin kan in chu an rawn vil ta deuh chawt a.. Kan chhungkua kan him theihna anih phawt chuan sum engzat pawh seng ila a pawi reng reng lo..
Marama lehkha thawntu khan engvangin nge a rawn thawn ang.. Ka ngaihtuah ngial pawhin a chhan tur awm ang ka hrelo.. Dorothy a sawilang maw..?
Dorothy boral chungchang ah khan ka pasal mawhchhiat nachhan tur eng thil mah a awmlo.. Engkim hrechiang ve tu chu keimah ngei ka ni..
Nge thuruk inthup, ka hriat hauhloh thilmak alo awm reng em ni..?
Kan chhungkua chu harsatna lian tham engmah tawklo in kan nung chho ve zel a. Thil thar thleng a awm lemlo bawk a, kan hlauhthawnna te pawh hunin a liampui ve zel a.. Nunphung pangaiin kan nung ve leh thei ta deuh a..
Kan in a fal deuh bakah kan nufa chauh a kan awm atam zawk avangin khua a har duh viau thin a. Marama hnathawk lo haw hi kan nufa in nghakhlel takin kanlo hmuak thin a.. Khawhar deuh a awm reng chu a thalo e tiin Marama cousin nula harhvang tha vet vawt Atei chu kan bula awm turin kan sawm ta chawt a,kan khawhar lutuk pawh a ziaawm ta deuh.
Ka hna ka zawm leh hma kartawp chawlh chu Marama farnu te tlawh turin kan inbuatsaih a, anni chhung pawh hnathawkin an buai kartluan a, inhmuhkhawmna hun tha kan neihchhun chu kartawp chawlh lai ani reng reng a. Marama erawh damdawiin lamah damlo thahnem tawk tak an awmreng avangin sunday bak chu chawlh anei ve hleithei lo a. Tunaia hahdam deuh zawk a awm tura ka tih ve ngial pawhin ka la hlawhtling theilo.
'mi tamtak in min mamawh alawm' ati mai thin.
Inrinni tuk chuan Marama farnu te tlawh turin Atei leh kan naute nen chuan hmanhmawh vut vut loin kan inkhalh chhuak ta a.
Mimi (Marama farnu) te in kan va thlen chuan kan inhmukhawm khat deuh bawk a, naupang chu sawiloh puitling pawh kan ri le lu mai a. Mimi bula awm tawh hi chuan ngawireng a awm hi thil theihloh ani hrim2 bawk a, a u anglo takin ani hi chu titi tur leh sawitur a hre hle thin reng reng a.
Mimi chuan 'Umarama chu lo kal ve hram se ka tih nen, nizan ka mumang ah ka hmu nasa lutuk a, a then a nuihzatthlak a, mak deuh maiin kalo tap vak vak bok a, enge a chhan pawh ka hrelo.. Zing ah phei chuan ka ngaih a thalo tak tak ani' ati niah2 a.
'Engtin vak nge i hmuh a? Keipon ron kal ve se ka duh a,ka som tlu thei nganglo, i u hi chu..i hriat kha..
Mumanga i tah vak2 chuan atak ah kan hlim don tihna nih chu' tiin ka lo hnem vat a.
Titi dang kan sawi kai a kan hlim tlang dar2 hle reng a. Chohnu lam dar 2 don ah la inkhamlo takin kan hawsan ta a..
Matthew chu Atei'n a pawm a, a muhil barh barh a.. In kan thleng dawn hnai tawh, kan titi mawlh2 lai chuan ka phone aron ri ral ral a. Atei chu ka pick up tir a.
'nangmah an be duh che' phone chu ka la thuai a
Thawm ri ruai ruai ka hre nghal a,ka ngaih a thalo nghal em em ringawt a.
'Aw..enge nita?'
'Zomuana ka nia' angawi dat a.. Thil thalo tak a thleng ani ngei mai. Zomuana awki atang chuan hai rual anilo. Zomuana hi Marama nen inkawmngeih tak anni a, kum 3 lai an thawkdun toh nghe nghe a.
'Lo buai phili lola, hei kan damdawiin ah kangmei a chhuak a..tihluih niin alang.. Marama hi..'
'Hello,hello' phone chu a tawp ta daih a.. Motor ka tiding thuai a, thilthleng chu mumal lo zetin Atei chu ka hrilh a, hmanhmawh takin damdawiin lam pan chuan kan kal ta nghal a.
Atei hnenah chuan 'Marama phone rawh' ka ti nghal ruai a. Zomuana lah chu a phone tlang thei toh si lo. Ka hlauthawng lutuk chu ka in control thei reng reng lo..
'a pick up thei lo'
'call nawn char char rawh'
Damdawiin kan va thlen dawn chuan mi anlo awm nuai nuai a, kang thelh motor ari ruai ruai bawk a, mangang au thawm nen, an tap ri chuah chuah mai bawk a.. Damdawiin atanga la hla deuh remchang hmasa berah motor chu ka hung rem sawk sawk a, Atei chu motor chhungah naute lo awmpui turin ka hrilh a, hmanhmawh takin damdawiin lam pan chuan ka tlan nghal hlawk hlawk a.
'ani theilo..Lalpa, Marama chu venghim hran rawh' tiin ka tawngtai mawlh mawlh a. Rem leh rem loin mi karah ka inzep tawlh tawlh a, damdawiin chu a khu vung vung a, building hmalam chu a hek tla huau mai bawk a.. Marama hmel reng reng ka hmu lo.
Damlo hliam tuar kang dum niau nuau te chu an rawn nawr chhuak reng bawk a, a manganthlak tak zet ani. A chhungah ka lut anga ka pasal chu ka va zawng mai ang. Ka tlan tur chu mi tu emaw hian minlo dawm bet a..
'thih i duh anih loh chuan tlan luhna chi ani tawh lo..'

'mahse khawnge ka pasal a awm.. Marama.. Dr.Marama i hmu em?'
Engtin mah min chhanglo.
'kan tihtheih chin a zove..a hlauhawm lutuk tawh..tawlh hla vek ru..' tiin mi 1 arawn au ta lauh lauh a. Inchhungah tumah an awm tawh loh chuan khawnge ka pasal hi a awm ve tak ang.. Anla zawng kim lo ang.. Marama chu thawchham in a pindan ah pawh alo tlu reng thei asin.. Kei hian engmah tihtheih ka nei si lo.
Ka mangang lutuk chu ka tap ta ringawt a. Ka hawikual ruai ruai a, ka mittui avang chuan khua poh ka hmufiah thei lo. Mi an tam nasa si.
Thawklehkhat ah in hmalam chu aron hniam ta rup a.. A ri thawt thawt bawk a.
Ka hnunglam atang hian min rawn pawtsawn dawrh a min kuah bet bawk a.. Ka tal nawk nawk a...
'hlau tawh suh..ka him e'
ka hawichhuak a.. Min kuahtu chu Marama ani.. Nghet taka kuahlet in ka tap ta hlawp hlawp a.
'Min kalsan lovang tih ka hria alawm' tiin ka phun mawlh mawlh a. Mi zawng zawngin min en vek mahse pawi ka ti lo, ka pasal,ka hmangaih em em chu ka en a ka fawp ta vawng vawng a.
Kan buaina chu engpawh ni se, tunah chuan kan chhungkua kan la him a, thilsual titu erawh  man chhuah a ni ngei tur a ni.

END OF PART 1