SNOWFLAKE

SNOWFLAKE (2015 Oct 31)
(Completed)
By. Thantei_LauraSean

  Sofa ah chuan hahdam zetin ka thu a, ka phone ah message ka type pah bawk a. Ka thutna bulah chuan Edeline-I chu a thawmhnaw thlep fel pahin a titi mawlh mawlh a..
“I thlak leh tawh amaw?? Amak em em..”
   “Ka zawn chawp pawh ani hleinem” Edeline chuan min en in a nui hak hak a.
“Hmm.. Nasa lutukk.. I bulah hi chuan engmah ka sawi peihlo”
“Engmah I hrelo..” ka hmeichhe kawp thin  hote ngaihtuahin ka nui hak a. Hmeichhe chhelo tak, ka tana engkim tih huam(?) inphal em em te..! ka pan chawp ngailo.. Ka duh aiin min rawn zar buai zawk a.. Hmeichhe thenkhat hi chuan nawmna an thlahlel tih ka hrechiang.. Sum nen..! An duh chu ka nei vek alawm..
“Ka tlai lo tiraw? Enge kan tih hmasak ber ang..” Edeline-I thiannu chu room ah a rawn lut a.. Ka lo en reng a.. Min rawn hmuh chuan a awmdan ti danglam chuang lovin Edeline-I lam chu a hawi lehnghal a..
“I va rawn thleng hma em em.. Ka insiam anga kan chhuak nghal dawn nia.. Bathroom a ka awmchhungin heihi minlo tihsak thei angem?”
“Ok..ka hnial ngamlo ang che..” tiin anui sak a, Edeline-I chuan a thawmhnaw thleh lai chu kalsan in bathroom ah a lut nghal a.
“Hey..”
“Hey..” min en miah lovin min chhang a. Edeline-I’n kan in a arawn kalpui tuma kan inhmuh hmasak ber atang tawh khan he hmeichhia hian min ngaina lo tih ka hre tawh. Kum hnih chhung zet ka awmbo hnuah tunhnai hian kan inhmu leh ta chauh ani.. Kan inhmuh apiang a han runluih leh amah kalh zawnga awm hi engemaw ti takin nuam ka ti riau bawk..
“Vawiin chu kan chhuak ho dawn ani maw?”
“Enge I tih ve dawn?”
“I bulah ka lo awm ang.. Ka bula awm te chu I chak reng kha..”
Nui hakin min melh ralh a, tawngkam in min chhanglo. A lu thing nar nar in thawmhnaw chu a thlep mawlh mawlh a.
Thla leh  hian ka cousin te zinga ka ngainat  ber Edeline-I’n pasal a nei dawn a, tunah hian Edeline-I room ah a thian  tha ber, an inneih na a a dinpui tur nen kan awm mek ani.. An bula kal erawh ka tum tak tak lo..
 Edeline-I a insiam zawh chuan an chhuak nghal a..
He hmeichhe awmdan hian min cho tlat..! Min cho tlat ka han ti ngawt nain ka bula a awmin a awmdan a danglam hranlo. A inringtawk a, thil pakhat chiang tak erawh chu min ngaina lo.. Ka biakin min chhang a, ka bula awm tamloh a duh tih erawh ka hria.. Min ngaizawng lo tih ka hrechiang..!
A thawmhnaw hak a simple a, a inhmeh viau lawi a. A kut zunglai ah zungbun pakhat a bun leh a sana bun tihloh chu tlereuh dang a inbel lo.. Duh nise an chhungkaw dinhmun ngaihtuahin inbel par chhuai thei ania lawm.. A mak ve tlat..! A tawngtam em em lova, mi pawisawi chi anilo tih ka hre bawk. A chanchin hi ka hre tam khawp.. Edeline-I hian sawitur dang hre ngai heklo le..! A thiannu chanchin hi a thupui ber ani thin reng a.. Min hip riau..!! Tunah hian mipa kawplai a neilo tih pawh ka hria..
Tun hnai kar 3 chhung vel hian kan inhmu zing viau a, ka enliam mai mai thei tawh tlat lo.. Enge a chhan pawh ka hre chuanglo a..!
Keihi enge maw ka hriat le..? Ka la hmuh ngailoh leh ka la hriat ngai miahloh pawh a ni lova.. Tuna taka ka ngaihven thar tak viau le..?
A awmzia ber chu tunhma khan ka lo chik ngai lemlo ani.. A tawk  e..! Ngaihtuah zawm lovang.. Hmeichhe nalh tak tak ka hma a an intlar dul laia min ngaina lotu lo ngaihtuah te chu...!! Nalh viau mahse..
Ka phone ri chu ka pick up vat a..
“Robinson..”
“I laklawh viau loh chuan Harley Restaurant ah inhmu lawk ila”
“Naktuk ah kan ti zawk thei angem? Vawiin chu Edeline-I te in ah ka kal daih a..”
“Ok.. Naktuk chawhnu lamah aw? Dar zat chu kan inhrilh nawn leh dawn nia..”
“Ok..” phone chu ka off a.
 Tunge ka nih ka la sawilo tak e..!!
Kei hi Matthew Malsawmzela ka ni a, kum 29 na ka hmang mek. Ka pa hi Dr.Marama tiin sawi ila in hriat vek ka ring. Ka nu Vanlalremsangpuii (Matete tiin an ko thin) hi College ah Professor hna a thawk a  (What A Game chhiar tawh chuan in hriat kha.-L.S.Virgo) khawvel a nu leh pa tha berte  anni tiin ka sawi lo theilo ang. Kan unau hi 5 kan ni a, a upa ber ka ni. Ka nau chiah ah mipa phir 2 Andrew leh Buangpuia te an awm a, ka nau 2 dang te chu Christopher leh Leah-I te anni.
  Kum hnih liamta khan  South East Asia  huamchhung a University tha ber pawl a an sawi atangin  Master of Marketing Management (MMM) tha takin ka zir zo a, helai hmun a ka zir tantirh lai atangin Robinson nen hian kan inhria a, tunthleng a inkawm zui zelin, ani hi ka thiantha ber ani a, tunah hian sumdawnna thenkhat kan buaipui dun mek…

VL-I’S POV*
 Hunawl insiam in ka thian tha ber Edeline-I chhuahpui turin ka kal a. Ka beisei loh ka hmu leh ta. Tunhnai inneihna tura inbuatsaih na vel avang hian ka duh aiin kan inhmu zing mah mah..
Hepa hi ka hmuh hmasak ber atang tawh khan ka ngaina lo. Amah pawn a inhria ang..! Ka ngainat loh chhan chiah hi enge ka hrelo.. Mahse a chhelo ka ti thlawt.! Hlauhawm khawpin a chhelo a, a pianphung leh a nungchang ngeng lutuk.. a tawngkam tlang lutuk thinte.. hmeichhia te duhthusam thin ang hi chu amah ah hian a awm vek.. Min hnehsawh leh engahmah min ngailo taka mi biak a chingte hi ka ngei zawng tak.. Mihring mizia a ka ngei chi hi chu amah ah hian a awm vek ni maiin ka hria.. A bulhnai a ka awm hian ka inringtawk theilo..
Diktaka sawi chuan a kalna chin apiang ah hmeichhe mit ala a.. Hmeichhe laka awmdan tawk a hre em em bawk.. A thawmhnaw hak a thlak zin ang bawkin a hmeichhe kawp pawh a thlak zing in ka ring..
Heng thil zawng zawng te hi engvang a lo ngaihtuah ve ringawt nge ka nih.. A duh dan dan in awm ang hmiang.. Ka lo buaina tur a awm pawh ka hrelo.. Hmu tamlo ila ani mai..! Ka duhzawng anih loh ang bawkin, a duhzawng ka nilo.. A hmeichhe kawp thin ka hriat ve ho pawh keimah lo ang chi hlir anni..
“Heihi a tha iti em? VL.. VL..”
“Aa..Tha ti e..”
“I en miah lo..” lungawiloh hmel deuh a nur nangin Edeline-I chuan min en a.. Ka inthiam lo.. Ka lo ngaihven tawh miahlo ani.. Thil nilo lo ka ngaihtuah vang vek..
“Tihpalh.. Ka lo enchiang ang” tiin ka thiannu thil ken lai chu ka ban a..
A tha e.. Thil tangkailo ngaihtuah bansan in ka thiannu hi thil tha ber ber ka’n thlanchhuah pui ange..
Vanlalngheti ka nia, ka thiante chuan ‘VL’ tiin min ko thin. Ka nu leh pate tan chuan an fanu neihchhun, an duat em em  Abawih-I ka ni thung. Nau mipa 2 ka nei a, ka u chiah hi ka pa fa bik ania, nikum khan nupui a nei a, nupui a neih dawnah chiah kapa fa bik anih thu hi ka hria. Kanu in kan zavai a min enkawl danah hian ama hrin anilo tih kan hre ngailo reng reng. Kum 24 ka ni a, Family Councelling Centre ah a mamawh apiangte koh theih turin hna ka thawk mek.
Ka nu leh pa te hian hna tha tak an thawk ve ve a, ka nau chiah hian sumdawnna bul atran a, kan naupang ber hian B.Sc (Physics) a zir tran mek bawk.

MATTHEW’S POV*
Harley Restaurant atang chuan ka thianpa awmdan mak tiru takin ka chhuak a. Khatiang a a awm kha ka la hmu ngailo..!
Ka thianpa, Robinson nen sumdawnna bungrua lo thleng tur chungchang a inhmu turin kha restaurant ah khan ka kal a, engmah sawi hmain restaurant a hnathawk pakhat kai in min chhuahsan daih a.. A hmelhriat ngai pawh a ni lova, enge maw tak a hria ani ngei ang.. Nidang ah kan la sawidun thei tho alawm..
In a haw tumin motor chu ka khalh a.. Ka rilru thlak leh thut in tlereuh dawrah ka peng leh ta zawk a.
Kan unau zinga naupang ber leh hmeichhe awmchhun Leah-I Birthday a hnai tawh a, Birthday present tur leilawk ka duh vanga peng ka ni. Hunawl neihchhun hi chu hmang tangkai em em zel phawt teh ang. Leah-I duhzawng tur awmang zawngin ka enkual dan dan a..
“Heihi ka lo enchiang thei angem?” tawngri ka hriatna lam chu ka en zauh a, ka hailo chiang..! Ka kalhnai nghal a..
“Hmeichhia chauh I chhuahpui thin emaw ka tia?” a bula mipa chu ka ngaitheilo nghal.. Keihi..? Ngaihzawng a neilo emaw ka tia..! VL-I chuan min rawn en zauh a
“I va mal ve..” min bia pawh a anglo, a thil en lai chu a ngaihven a zui a.. Min khei zawng taka han awmdan hi a thiam riau..
“ I chhuahpui hi tunge anih ka hre chak” zawite a tawngin a bula mipa chu ka melh zauh a.. A ngaihna hriatloh hmel taka min en in a nui sak a, a thil en lai chu dahin a kalsawn a..
“Hey..lo ding teh..”
“In tibuai lovin en ila..”
“Sawpa saw..”
“Ka kalpui a nilo..” nui chhuak lo turin ka insum. Ka hahdam huai.. Ve ringawt a..! An ding dun ka hmuh khan a bialpa ni turah ka ngai nghal ringawt ani…
“Anih chuan min enpui la..”
“A neitu tur nen thlang ula.. Ka duhzawng ka zawn a ngai vetho sia” a thusawi dan chuan kawh dang anei.. Ka hmeichhe kawp thinte a hre ve ni ngei tur ani.. Han sawichhuah dan pawh a thiam zek..
“Heihi han bunchhin teh..” a kut chu a hnunglam ah a dah nghal vat a. Din hnaihin a banrek ah ka vuan a, ka zungbun kenlai chu ka buntir hman trawk tihin a kut chu a lasawn vat a..
A taksa ka deh chiah khan electric in min man ang mai hian ka trek chhuai in ka hria. Ka awmdan ang chiahin a awm ve tih ka hre bawk.. Mak tih hmel takin min en chho ha a.. Eng thil nge thleng hi..? Fiah tura a taksa khawih nawn leh ka duh..!!
Ka inrin hmain zungbun chu a phelh sawk sawk a, dawhkan ah chuan dahin min kalsan nghal a.. Umzui nachang pawh hrelo in a kalchhuak lai chu ka en reng a.
Hmeichhe kut ka khawihin khatiang khan ka awm tawh ngai em..? Kut   khawih ringawt in khatiang khan ka la awm ngailo..
“Ka pu, eng ber hi nge I thlan dawn?” ka ngaihtuahna atang chuan harhin Leah-I zungbun tur chu ka thlang a, ka  pack fel tir hnuah ka haw nghal a..
Kar khat chhung chu ka hmu leh ta miahlo. Tunkar tawp hi Leah-I Birthday ani tawh a, alo kal ve ngei theih nan engtin nge hma ka lak ang..??!! Hmeichhe pakhat hmuh chakin ka buai tihna ani em..? Nilo.. Thil hriatchian duh ka neih vang chauh ani..
Edeline-I ka phone nghal a..
“Ede, Leah birthday ah I rawn kal ang tiraw?”
“Kal awm tak.. Tinge?”
“I duh chuan I thiante pawh I rawn hruai thei ang”
“Enge awmzia? Ka rawn hruai tura duhbik I nei tihna..?” a nui har har a.. Ka unaunu hian duhaiin thil a man chak dawn tlat..!
“Chutiang lam a nilo.. I thiante I duh chuan I rawn hruai thei ang..ka ti anih chu”
“OK..OK.. ka hrethiam alawm.. Atir atang khan I awmdan leh I endan kha ka hre vek.. I danglam ziah alawm”
“Enge sawi I tum?”
“Hrethiam lo der suh.. Ka thiantha ber hi I tina anih vaih chuan I inchhir khawp ang.. Hmeichhe laka I awmdan a danglam loh phei chuan I kawp dawn miahlo..” mi rawn vau nghal khar khar a. Nia, ka unaunu hi thil chik thei tak ani a, ka awmdan hi alo chik em em thin reng ani. Kan unau ho zinga kan inpawh bik nachhan pawh he a mizia vang hi ania..
“I bulah enge a sawi?” hmanni dawra thilthleng kha alo hrilh thawt thawt emaw nile..
“Khaa..ka tihreng kha.. Eng thil nge achungah ilo tih hman a..” ka thaw huai.. Engmah a sawiloh ka ring reng ani..
“Engmah awmlo e.. lo hruai ngei ang che” min chhan leh hmain phone chu ka titawp a..

VL-I’S POV*
“Ka buai rih ania” tiin minlo phone tu chu tunge tih pawh en lovin ka chhang nghal tawp a.. Ka duh aiin min rawn be zing tawh..!
“Ringawt a..keimah Ede..”
Reuben ni ngei tura ka ngaih vang ani.. Nikum tir lam atang tawh khan min rawn be fo a, tlangval fel leh innghahna tlak ani.. Mahse han be vel turin phurna ka nei rihlo.. Mizo mipa ah chuan a hleitling pawl tak ani ngei ang.. Hmeichhe thenkhat chuan kan inngaizawng emaw tiin minlo ngei phah ringawt lehnghal a..
Mahse, mak ve deuh chu engti pawhin bia ila ‘I inpeih hun ka lo nghak ang che’ tiin min thlah ziah thin. Hetiang mipa tha hi ka phu chiah pawhin ka hrelo..
 “Oh..tihpalh.. Enge nita?”
“Zanin hian Leah Birthday party ah kan kal angai ania” Leah chu Matthew te naupang ber ani lawm ni..? Ka kal thei lovang..
“Ka hmanlo ang. Tihtur pawimawh ka nei a”
“Chhuanlam siam buai a theihloh.. Ngei ngei in..aw..”
 “Chhuanlam ani lo.. ka hmanlo tak tak alawm..” tihtur ka neih tak tak vanga hnial pawh ka ni chiahlo. Matthew ka hmuh leh ngei angai dawn a, ka chaklo ani tawp.. Hmanni zungbun min bunchhin tir a ka awmdan kha tun thleng hian ka la hrethiam lo. Hepa bula awm hi ka tan thiltha a nilo..
“A theih loh. Tlaiah ka lo hruai ang che. Lo insiam la.. Min hnial suh.. Khawngaihin…aw..atha em.. ka nula rei tawh dawnlo.. Chuan kan in ah tihtur pawimawh dang kan nei bawk a..” ka thiannu hi chu aw.. Ka hnial luih chuan mahni inthiamlo deuh in min siam leh dawn chiang..
“Ede.. ka theilo tak tak..”
“Awle..heihi thutawp.. Tlai dar 5 ah ka lo hruai ang che” phone a off nghal a. Ka thiannu hian kal ka duhloh chhan a hrelo ani. Engti pawn hnial ila min rawn hruai turin alo kal ngei ngei ang..
Awle.. Matthew  hmuh loh turin ka awm zel mai ang.. Ka tranchhan lah chu a dawrawm bawk sia..!
 Edeline-I chu a sawi hun tak ah rawn thlengin min rawn hruai a, an in lamah eng eng emaw kan tihkual leh hnuah Matthew te in lam ah chuan kan kal ta a. Tun tum hi ka vawihnih kalna ani. Ka kal hmasak zawk tumah pawh Edeline-I nen tho kan nia. Khami tum kha Matthew ka hmuh hmasak ber tum ani bawk.. Kum hnih leh a chanve lai alo liam ve tawh..alo rei ve ta hle mai.. Ka lo chhinchhiah thlip thlep tih pawh ka lo inhre hleinem..!!
Kan thleng chauh a, ka hlauh ang ngeiin Matthew chu kan bulah a awm tam mah mah..
“Heihi ka thiantha ber Robinson ania, a thiannu hi  Mk-i.. Chuan..heihi ka cousin Edeline-I ania, heihi VL-I” Robinson tia a sawi chu melh zauhin a phun sup a.. Enge a sawi ka hrelo.. Min rawn khawih tumin min rawn ban a, ka inthunun hmanlo Edeline-I lamah chuan in saseng tumin ka pai deuh nawk a.. Chhuanlam siamin bathroom a kal ka duh thu ka sawi nghal bawk a..
Ka awmdan chu amah chauh lo chuan an hrethiam chuang lovang.. Edeline chuan min rawn kalpui ve mai dawn emaw ka tia..
“Ka lo hruai ang che..”  ka thil hlauh ber.. Ngati nge dawt ka sawi ni.. Pawi lutuk..
“Keimahin ka kal thei..” ding meuhin amah chu ka en a “Ka ti tak tak..” a kalpui ka duhloh zia a hrethiam ve aniang, a kal let ve mai a.. Min melhdan hi ka duhlo..
Cake zai zawh hnu chuan Edeline-I nen titi in kan thu dun a..
“I phone ah khan I save mial em? Nu Matete-I hmuhtir ka duh a..” ka clutch ken chu ka dap nghal a, ka phone a awm miahlo.. Motor ah khan ka theihnghilh aniang..
“Motor ah khan ka theihnghilh aniang, ka va en lawk ang..”
“Ohh..ka phone ah hian ka lo save miahlo a.. Sorry..”
“A pawilo, motor I lock em?”
“Lock lo..”
Edeline-I motor dahna lam pan chuan ka kal a. Motor chhung light chu tieng in ka phone chu ka zawng a. Alo awm ngei e.. Ka haihawt lutuk vang hian ka la tibo ngei ngei ang.. Motor kawngkhar ka khar chiah tihin ka banah min rawn pawt lawp a..
“Hey..” Min pawt tu chu a nui hak a.. Matthew tih ka hre nghal.. Heichu ka beisei loh lutuk thil ani.. Ka hma ah chuan dingin min enchhuk run a, ka banah chuan nghet zetin min vuan bawk a..
“Ka duh che” a phun sup a.. Ringawt a.. Ka ringlo lutuk.. Min endan hian ka awm ati nuamlo..
“Ka ban hi thlah rawh..”
“Teuh lo..” min rawn hnaih lehzual a.. Hepa hian enge maw a hriat le..?
Kan lam pan chuan mi pahnih an rawn kal a, min hmuh vaih chuan min ngai diklo ngei ngei ang..
Matthew chuan min kai in a thim chinah chuan min dinpui a, thawm ka nei ngam biklo.  Ka hawilet chuan zantir lam a min inhmelhriattir Robinson leh Mk-I te kha anni tih ka va hmu thei a, ngawirengin car ah chuan an lut a, an tlanchhuak nghal a.. Ka thin a phu dup dup hman alawm..
Ka hawilet leh chiah chuan ka inrin hmain Matthew chu a rawn kunhniam a, min rawn fawp a.. Ka mur chuai in ka hria..nge ka tek chhuai zawk.. Ka hrelo.. Heipawh ka beiseiloh..sawi ngaihna a awmlo..ka beisei lo hulhual.. Nem sawn tumin a awmah ka nem a, awmzia a awmlo.
Ka tha neih zawng zawng sawmkhawm in ka tal leh a, inla hrangin a nui hak a.. Zaktheilo lutuk.. Ka thaw halh a..
“Enge I hriat a..? Ka ban hi thlah rawh” min en run run a, min thlah ve mai a.. Kalsawn tumin ka inher nghal a
“In zahloh thlak lutuk..a ngaihzawng pawh ka ni lo” tiin ka phun zui hlak a..
Ka hnungah chuan muangchangin a rawn kal ve bawk a.. Inchhung ka luh leh hnu chuan ka phone a thlalak thenkhat chu Edeline-I’n Nu Matetei (Matthew-a nu) a entir  mawlh mawlh a, keichuan thildang ka ngaihtuah thei tawhlo.. Kan piah deuh chair ah chuan Matthew chu thuin min rawn en run a, nuam ka tilo takzet..
Dar 10:30 velah kan haw a, ka muhil theilo hrim hrim. Matthew min fawhna avang khan ka la khur in ka hria.. Engvanga min fawp ringawt nge anih..? Min duh thu asawi vang ringawt in min fawp nghal thei tihna anilo.. Mahse min fawhna kha nuam ka ti…TEUH LOO..!! Enge ka ngaihtuah hi… NUAM KA TILO..NUAM KA TILO..tia phun chungin khumah chuan ka let thak thak a..
Ka phalo.. Hepa hi chuan hmeichhia tawh phawt chu a hip vek alawm.. A mitmeng te, a aw te, a pian te.. Engkim.. ‘Hetiang hian min melh tase’ tia ka lo ngaihtuah thin ang chiah khan zanin khan min melh ani.. Hlauhawm lutuk..
 Ka hmuh hmasak ber atang tawh a ka ngainat loh chhan pawh enge anih ka hre ta.. awmze awmlo in ka thinlung ah hmun a chang ang tih ka hlauh vang ani.. Tunah hian ka ngaihtuah tran ta chu ania.. Huiiiha..keimah pawh ka inhrethiam lo ve.. Hmu tawhlo ila a tha a nimai.. Ka la hmu leh dawn chiang si.. Engmah thlenglo angin ka awm mai ang..

MATTHEW’S POV*
Ka muhil theilo.. Ka duhang ngeiin ka khawih nawn a, karkhat chhung ka lo ngaihtuah tawh angin ka fawp bawk a.. A mak ani..!! Ka lo ngaihtuah lawk ang aiin a danglam.. La tihnawn leh fo ka duh..
“In zahloh thlak lutuk, a ngaihzawng pawh ka nilo..” ati maw kha..??
A nungchang a zahawm a, intih zahawm tuma inti danglam chawp erawh a nilo. A mizia ve hrim hrim ani.. Ka dahsang a, ka zah vangin kar kalta chhung pawh khan tibuai lovin ka hmuh leh hun tur ka nghak tang tang anih kha.. Ka ngaihzawng a nih leh nihloh chungchang ah chuan – ka ngaihzawng ani vat ang…!!
Ka ngaihzawng nghet ni turin duh ta ila, ka nundan hi ka thlak thut thei angem? Tunah hian mi pakhat chauh laka inpek pumhlum hi ka thei chiah em? Alaka ka duh ang ka hmuh hnuah hne leh ta si ila, eng thil nge thleng zawm ang.!!? Hmeichhia ka kawp reng reng te hi thla khat a ral chuan a dangin ka thlak ngei ngei thin...
He hmeichhe mize vawt raih, a landan phen a tihnat awlsam tak tur ni si hi… Snowflakes  ang mai ani.., lang vawt raih, en chian a thil mawi tak, tihchhiat awlsam..dim ngai..mi hip tak.. Hetiang hian hmeichhe chungchang leh an nat leh natloh tur thleng thleng in ka la ngaihtuah ngailo..!
Englam nge ka hawi dawn tih thutlukna ka siam e.! Matthew Malsawmzela hi hmeichhe lakah chuan a ruahman lawk angin a awm thin.. Engvang mahin a danglam lovang..!!
Ni 5 a ral leh hnu chuan chawhnu lamah Edeline-I te in ah ka hmeichhe kawplai hruai in ka kal a, reilote awm tuma kal ka ni. Inneih ni a thlen hma a Edeline-I thiltur ka leisak ka pek ngei ngei angaih vanga kal kani bawk. Ka hmeichhe kawplai Nunu-I ka hruai chhan hi chu engdang vang ni lovin, kan inhmuh fuh vang chauh ani..! An in lama thlah tlang nghal tuma phur ka ni bawk. Kan chenna in chu sawiloh, kan chhungkhat te in ah ka hmeichhe kawp ho tumah ka hruai ngailo..
Ngatinge ka insawi fiah kher a..? A chhan chu ka beisei loh lutuk a snowflake…VL-I ka hmuh vang ani… Tunah hian engmah danglam lo angin ka awmlui a.. Min rawn melh eih lo.. Thildang buaipui anga langin a kalsawn nghal daih..
“I thil rawn ken kha chu ka room ah han dah mai rawh, chuan heihi a ei theih hunah ka rawn ko ang che u” tiin Edeline-I chuan a eitur siam chu a buaipui mawlh mawlh a.
“Ka rawn kal dawn tih I hrelawk ami khatiang te I siam?”
“Zawl tawite ka nei alawm” tiin  a nui har har a..
Edeline-I room lamah chuan ka chho a, Nunu-I chuan min rawn zui ve bawk a..
Min rawn ko mai dawnlo tih ka hria a, tv chu on in sofa ah chuan ka thu a, Nunu-I chu ka bulah ka pawt thu a min rawn  kuah nghal a.. Ka tv on pawh chu kan ngaihven zawm vaklo.. Ka bulah hmeichhe nalh tak a awmlai a tv ensan daih te chu a hawihhawm loh thlak lutuk..!!!!!!!!!!!
Minute 15 vel kan awm hnu chuan room kawngkhar chu arawn inhawng thut a, ka beisei loh ber maiin VL-I a rawn lut a. Nunu-I nen kanlo inkuah a hmuh thut chuan a ding chawt a, room ah hian midang kan awm ve tih a hre sa lo tih a chiang.. A mengphawk hra a, harhchhuak thut ang maiin a aw a thian kharh a
“Ka phone”  a phone  chu kawk zauh in khum lamah chuan a kal  nghal a..
“In ngaizawng awmdun lai ila  hmu ngailo mi” amah pawh en chuanglo chuan Nunu-I chu ka la kuah reng a..
“Ah..engmaw?” mak tih hmel zetin min en a, kal mai tum a a inher chu ka ko ding a
“VL, hman zan ka thusawi kha kati tak tak lo ania, ilo la serious ange.. ” min chhan ngaihna hrelo leh a makti hmel thup hauh lovin a nui lui hak a..
“Engmaw..” Nunu-I awmlai renga chutiang thu ka sawi chu mak ati viau bawk anih hmel, Nunu-I chu a melh zauh a..
“I rilru a nawm phah deuh takin.. cute reuh ati che..”
 A kut hum ruh in a nui lui sak a, a nui hmel phenah chuan a rilru ana tih ka hmu thei.. Enge maw ka hriat a ka rilru lo pui ka sawichhuah kher le..? He thil hi ka ruahman lawk a nilo.. Hnaih zui tawhloh ka tum mai chauh ania.. A huat tur a ngeiawm taka awm hi ka tum hranlo.. Engtinmah ka awm zawm phah lovang.. A pawilo e..!
“Naupangchhia ka  ni hleinem, cute minlo ti tawh suh se” ka chhan leh hma chuan a chhuak nghal a..
Min chhanlet dan leh a tawngkam phen a min melh dan kha zet khan ka awm a tinuam chiahlo.. Kha mitmeng kha ka cho chhuah ani tih ka chiang..
A chhuah hnu chuan Nunu-I chuan mi rawn kuah zawm hiam hiam a, ka engtihmah a tui tawhlo.. Ka mood arawn tichhe vek.. Ka maimitchhing vang vang a.. VL-I room atanga a chhuaktur hmel  kha ka mitthla ah a awm.. A awmrei lo turah ngai ang..!!
Rei vaklo hnuah room atanga kan chhuah chuan VL-I chu ka zawng ru a, ka hmu mailo..
“Ede, khawnge I thiannu chu..?”
“Anau hospital ah hruai angai thut a, a pa’n arawn phone a, tunah khan a kal chiah..”
Ka awmdan mai mai chuh.. Inthiam lohna chhan tur ka neilo.. Anau chu keimah vanga damlo pawh ani hleinem..!!!
Ka tawngkhum dan avang khan min hlat lehzual ngei ang.. Eng thil nge maw ka tih le..?

VL-I’S POV*
Ka nau chu serious lutuk ani lemlo bawk a, injection te lain in lamah kan hawpui lehnghal a.. Kan unau zinga naupang ber Amawite-a hi chu a tetlai atangin tawhin damdawiin kan kalpui zing angreng..
Vawiin ka hun tawn teh hrep khan minti chau a, zan lamah chuan engmah ti peih lovin hma takah ka mu a. Edeline-I’n chanchin min rawn zawh bak chu phone pawh ka khawih peihlo.
Matthew tawngkam leh a awmdan ngeiawm lutuk kha ka ngaihtuah zawm lo theilo.. Ka rilru a tina bawk..! Khatiang baka in hnuaichhiah dan nasa kha a awm theilo.. Min duh thu min hrilh hnuah min fawp a..hmeichhe kawplai a nei reng lehnghal.. A ngaihzawng nu kuah reng chungin khami zana thilthleng kha lo ngai serious lo turin min hrilh bawk a.. A lutuk mah mah ani.. Cute min ti maw..? Hah..Khatiang a min hnuaichhiah tak khan tu mipa mahin minla be ngailo..
Ni 5 liamta chhung khan ka ngaihtuahna aluah a…luah ringawt pawh anilo.. Engtiklai pawhin ka ngaihtuah ani.. Min duh thu a sawi kha ti tak tak tase.. Ka awmdan hi ka hrethiam miahlo.. Mi hmangaih turin hun rei tak kan mamawh kherlo tih thu hi ka tawng dik dawn aniang.. tiin thu awmze neilo ka lo ngaihtuah hman kha ania..! Hmeichhe dang nen a hmuhdun ringawt pawh kha hreawm ka tih tehreng nen khatiang a min tawngkhum kher kha enge a tangkaina..!!
Ka maimitchin apiangin a hmel ka hmu a, min fawhna nen.. Ngatinge hetiang mipa hian ka rilru a luah.. Lukham ah ka hmai ka phum a, enge a chhan pawh ka hrelo..ka trap zawih zawih a.. Ka thinlung ana ani.. Dimna tel miahlo a ka awma min vit tu awm ang mai hian ka thinlung ana ngawih ngawih..
He mihring hian ka ngaihven leh ka ngaihtuah hi a phu lo.. Ka hnaih leh tawh ngai lovang.. Engti pawn awm se ka hnar zel tur ani.. Vawikhat min fawp chauh ani a, chuti chung pawhin ka trah phah a.. Mipa avangin ka la trap ngailo..
Ni a liam bek bek a, Edeline-I pasal neih ni a thleng ta.. Ka thian tha ber hi a nalh takzet..
“I nalh lutuk.. Pasal neih ve minti chak dawn alawm” Edeline-I chuan hlimtaka min en in a nui har har a..
“Enteh, Matthew hian a rawn bia che em?” min zawhna chu makti zetin ka en a
“Tinge..? Min biak chhan tur a nei hleinem..”
“Hmanni kan in a an rawn kal hnu khan I number min dil a.. Hetiang hian a awm ngai silo a mak kati deuh a.. Ka unaupa hi chu..”
“I pasal neih ni anih hi..thildang sawi lovang..” thudang ka sawipui lui a.
Darkar khat aral leh hnu chuan Biakin lam panin kan chhuak ta a. Inneih hunserh a zo a, thlalak chhung pawh chu a rei reuh zek mai.. Thiante tello a thla an lak chhung chuan a sir ah kan lo ding a
“I nalh lutuk..” ka beng bulah rawn phun sap in ka hnung chiah ah Matthew chu arawn ding a, min rawn si deuh chet lehnghal.. A tawng chu hrelo ang hmiahin ka awm a, mopa thian (LM-A) chu ka lama kal turin ka hui zauh a.
Matthew chu awm velo ang hmiah a ngai luiin LM-A chu ka bia a, ka sir veilam ah ding a ka kawng a min rawn kuah chuan awmlo anga ngaih theih ani talo.. Tlemin ka tawlhsawn hlek a, min thlah ve mai ka ring a.. A teuhlo..min kawn kuah nghet sauh a.. Ka tuar thei tawhlo..
“MIN.THLAH.NGHAL.RAWH” midangin min hmuh fuh hma a min thlah loh chuan a zahthlak khawp ang.. Rum thei ang berin ka melh hrawk bawk a..
Thlalak naa tel turin an rawn ko ta hlauh.. Ka thaw huai.. Ahnu lawkah min rawn ko a, thlala turin Edeline-I te bulah chuan  ka va ding ve leh a.. Insiamrem paha hmalam ka hawi chuan Matthew chuan mi kar atangin min rawn en reng a, ka tum lawk pawh anilo.. Kan mit a intawng chat a.
A nui suk a, min rawn siai zauh a.. Ka hawisawn nghal.. He mihring hian ngatinge mi hip tura awmdan a thiam em em a..
Mo lawmna leh kan awmna hmun reng reng ah enfuh leh hlauin ka inveng a, ka zalen lo takzet.. Ka hmuh tura remchang takah a awm zel lehnghal.. Mi hnawksak lutuk mai..

MATTHEW’S POV*
Kar hmasa chhung khan ka rilru ah thildang a awm theilo. Vawiin hian chance ka neih veleh ahma a ka tawngkhum chhan kha ka hrilhfiah ang’ tiin ka ngaihtuah a.. A landan in hun remchang min siamsak a tum hmel loh khawp.. Hun remchang min siamsak loh pawh in keiman ka insiam thiam alawm..
Zan lam thlengin ka awm ve zel a, Edeline-I pasal nita Ramdina te nen hian in batch mate thin kan ni a, kan inhre tha viau bawk.
Dar 10 dawnah VL-I chu Edeline-I te room atangin a rawn chhuak a, a haw thei dawn ta anih hmel.  Midangte nen an inzui chhuak ka hmuh veleh ka chhuak ve nghal vat a.. Ka huntha hi bawhpelh ka tum reng reng lo..
“LM, VL-I chu keiman ka lo thlah ang..” min rawn en thap a “an in ka kaltlang dawn tho a”
“Dan angin mopa thian in a thlah tur alawm” Edeline-I chuan arawn ti vat a
“Nia..” arawn tawngdan atang chuan ka thlah a duhlo tih ka chiang..thudang asawi hmain ka lo pawtchat vat a..
“Inchhungah lut leh tawh ru..ka awm a lawm.. Lo kal rawh le” tiin VL-I chu ka kai nghal a, alo trang phat.. Mahse talchhuak lo turin ka vuan nghet tawk…
Kan inthlah fel hnu chuan motor lamah kaiin ka kalpui a..
“I huangchin hi hre ve deuh teh” ka chungah ala  lungawilo reng ani.. Min haw hluah hluah mahse a awm ka ti..
“I tel vena zawng zawng hi chu ka huangchin ani vek..”
“Lutuk che hian..” a kut chu ka thlah a, a tuai vat vat a.. Ka hmerna mah mah tih ka inhria..
“I engmah ka nilo a, ilo inrawlh ve sek angailo..”
Chhang lovin Car kawngkhar chu ka hawng a
“Lut rawh le” a chechang miahlo..
“Ka snowflake hian ka pawm luh a phut ani maw” tiin ka panhnai a
“Min rawn khawih miah suh..” car ah chuan a lut a.. Driver seat lamah thulut in ka tlanchhuak nghal a..
Ka biak pawh min chhang miahlo in a thu tawp a, a inthlahdul lo tih ka hria..
“In thlahdul rawh”
“Ka hua che”
Tawng zui tawh lovin kawngsir ah motor chu ka tiding hrawk a..
“Sawi duh ka nei..”
“I sawitur chu engpawh nise ka ngaithla peihlo”
“Ka duh che.. Kartluan khan ka ngaihtuah che a, ka duh che ani.. Edeline-I room a ka thusawi kha ka ti tak tak lo.. ” min rawn enin a nui sak a, makti zetin ka tawnglai chu ka tawp a, ka thusawi hi tlemte tal pawhin a ring miah lo tih a hmelah alang vek… Hmeichhe bulah  ka la insawifiah ngailo..
Achunga ka thiltih tur hi chu a cho chhuah liau liau ani..!!
Car atang chuan chhuakin a thutna lamah chuan ka phei a, kawngkhar chu ka hawng rawp a. Ka awmdan chu mak tih hmel deuhin min en a..
A inrin hmain ka kun hniam a, ka fawp nghal hmiah hmiah a. A thutna seat chu ka ti awn nghal bawk a.. Min sual let turin hun ka pe lovang.. Ka fawh dan thlakin ka kut veilamin a kawngah ka kuah a, ka kut dinglamin a tukhum ah ka vuan bawk a.. Ka fawh luih zel takah chuan  thaw halhin min chhanglet ve ta.. YES..!! heihi ka hria ani. Ka fawh hmasak ber atang khan min huat ang zat zet hian min duh ve tho tih hi…!!
Muangchangin kan infawhna chu ka titawp a, hnai zetah kan inen ran a..
“Ka haw lutuk che”
“Min chhanglet ve ani” a hriat tur tawk leka zawi in ka trawng a..
“Matthew..”
“Min chhanglet”
“Min thlah teh”
“Ka fawhna che kha min chhanglet” a awmdan chu nuam tilo zetin min en ran a, ka vawnna chu ka thlahdul duhlo..
“Matt…”
“Min chhanglet” ka nui suk a, a hmui ah chuan ka fawp leh zauh a. Inla hrang in driver seat lamah chuan hmanhmawh deuhin ka thu lut leh a. Motor chu tinung nghal lovin a hmel chu ka en vang vang a..
A seat chu siamtha in a sam a hui mam niap niap a, a biang a sen deuh tran bawk a.. A hmel en chuan a lungawi chiahlo tih ka hre thei.. Duhawm lutuk.. Helai hmunah hian zankhua a kuah mai ania ka duh ni..!!
“Khawimaw I hmai kha..lo hnai teh...”
A biang lehlam chu a kut a khawihin ka lam arawn hawi a. A hmai a thil kai laksawn tum anga langin alamah ka awn phei a, rang zetin a hmui ah chuan ka fawp leh zauh a..
Ka thiltih hi nuam ka ti takzet.. Rawlthar tha leh ang maiin ka inhria.. Hetiang tak hian hmeichhe fawh ringawt in hlimna min la pe ngailo.. Min huat thu min hrilhtu hmeichhia lakah lehnghal..
    An in kan thlen chuan ngawirengin a chhuk a, inchhung ah a lut nghal bawk a.

VL-I’S POV*
Awmdan tur pawh ka hrelo.. A rim pa tak leh min khawih te, min fawhna te hi ka thlahlel tih chu ka inhria. A awmdan hi ngei viau thin mah ila, ka duh ani.. Mahse awlsam takin ka inpe theilo.. Hmeichhe tamtak a duh dan dan in a tikual thei a, a hmeichhe kawp dangte angin ka awm ve tur a nilo.. Min fawhna ka chhanlet vanga a duh dan anga awm nghal turah min ngai anih chuan a tisual khawp ang..
Ngatinge ka chhanlet reng reng ni..? Ka rilru a in ngaihtuah khauh ang leh awm ka tumdan ang hian abulah ka awm thei ngailo..Ka duh rukna hi chu ka hneh thei ngei ang.. Alak a ka rilru puthmang ka puan chuan reilote ah min hne in min kalsan ngei anga..! Eizawnna kawngah mi rintlak ni mahse, hmeichhe lakah chuan tlemte pawhin ka ringlo.. Aman a buaipui chawp ngai lovin hmeichhe thenkhat chuan an ngaizawng nasa tih ka hria..thilmak ah pawh ka ngailo..!  Hmeichhe duhthusam thin chu a nei tlat alawm.. Chu chu keichuan ka mamawh ve lo..!!
A duh dan dan in ka chungah a awmkual tur ani biklo.. Amah hlat a ka awm theih nan engpawh ka ti ang..! Tihnat a ka awm hmain ka inveng mai tur ani dawn lawm ni..??
Edeline-I’n pasal a nei fel ta bawk a, tunah chuan kan inhmu khat tawh ang chu.
Ka phone ri chu ka en a.. Tunang huna minlo biak tum chu mi pakhat chiah rin ka nei..!
“Hello”
“I la mitthilh loh ka ring reng a.. Vawiin chu a nuam em? Ka lo kal ve hman tasi lova..”
“Nuam e.. I va mengrei ve”
“Nia, I ngaihawmm riau a.. I aw ava dang ve, I tha em?”
“Tha chiahlo..”
“Ok..anih chuan hahdam deuhin mu la, naktuk ah ka lo bia ang che”
“Awle, muttui phawt”
“Muttui le”
Aaaa… Engtin nge maw ka awm zel dawn le.? Ka laka beiseina nei turin Reuben hi ka siam theilo.. Ka mihring pui hi hmanrua ah ka hmang thei lovang..
Ngaihtuah buai vak vak lo hian ka hma a thilawm apiang chu ka hmachhawn mai ang..
Karhnih chhung chu Matthew nen pawh kan inhmu leh talo. Whatsapp ah vawi 4 vel chu min rawn bia a, a engamah ka chhanglo..
Tlai dar 5 velah ka hnathawhna hmun atangin ke in ka haw a, muangchangin ka kal a..
“Abawih, lo ding lawk..” Reuben ani tih ka hre nghal.. Enge a hriat pawh ka hrelo, ka chhungte min koh thindan in min ko ve tlat..
“Reuben..”
“I haw tlang nghal dawn em?”
“Dawn e..”
“Lazarus Hotel ah booking tih lawk ka ngai a, lo kal vela kan haw rual dawn nia..”
“Nangmahin va kal mai la..”
“Lo kal mai rawh” ka hnialna chu ngai pawimawh lovin ka ban ah min rawn kai a.. ngawirengin min vawnna chu ka phelh a, ka zui ve mai a.. In kalpui ringawt vangin ka duh ta tihna ani chuang hleinem..
Lazarus Hotel kan thlen chuan a tihtur a tifel zung zung a.
“Kan haw thei e” tiin ka kawngah min rawn kuah a. Ka hawichhuah chuan kan hma ah Matthew leh Robinson te chu min tawk zawngin an rawn kal ve chiah bawk a.
Matthew-a’n min rawn hmuh chuan min enchiang ngang mai. Min kalpel ve mai turah ka ngai a.. Kan hma chiahah chuan an dinga, a hmel ka enduhlo nain min melh char char tih ka hre thei.. Ka sa pawp pawp a.
“VL, I dam tha maw? Ka hria em?” Robinson chuan Reuben chu a en zauh a.
“Dam e.. aa.. heihi ka thianpa Reuben, chuan Robinson leh Matthew..” Matthew chu engmah sawi lovin a kalsawn nghal a.. Nungchang mawi hi a hre thlawt lo..
“Reuben, kan la inhmu leh dawn nia..” Robinson chu nelawm takin a nui sak a. Chhelo theuh theuh pawh hi an nungchang ava inang lo tak..!
Rei inbe lovin Hotel atang chuan kan chhuak a..
Atukah chuan dan pangngaiin ka hna ah ka kal a, tlaiah chau hnepin in ah ka haw a.
Zan lamah chuan intifai in ka room ah ka awm mai mai a, Edeline nen rei tawk tak kan inbiak hnu ka movie duh em em ‘The Age Of Adaline’ chu a vawi 10..11..12..ka hrelo.. he movie hi chu ka hne theilo.. Khumah hahdam deuh a mu chungin ka en a..
Ka movie enlai chu pause in kitchen ah tui la turin ka chhuak a, ka room atanga inhnuai ka thlen thlak chuan common room a Matthew lo thu run ka hmu thut.. Ka phu chiang ngei mai.. Enge a rawn tih dawn aa..?
“Abawih, lo koh che ka tum chiah a..” ka nu chuan a mitmengin min signal zauh a, enge min hrilh a tum ka hrethiam chiahlo.
“Nangmah chauhin mi ilo kal?” pangngai thei ang berin Matthew chu ka bia a.. A ep chiah ah chuan ka thu a.
“Um..in thenawm a damlo saw ka rawn kan a, a remchang em a ka rawn peng lawk.. Nu Pui,  khawnge Pa Valtea hi?” hmm..hepa hian enge maw a hriat le..!! Ka nu be chung chuan min en char char…
Hepa..awii..ka duh theilo.. kekawrbul chhing tiu teu ka ha tak e.. Nichin a kanu min signal chhan kha ka hrethiam chiah..!!

MATTHEW’S POV*
Mipa dang nen Hotel a ka hmuhdun khan engtin chiah nge ka awm ka inhrethiam lo.. Khapa khan a kawngah a kuah lehnghal.. Ka thinrimna leh ka rilru nawmloh na avang a ka luna ngut ngut hi a zual hmain ka va hmuh ngei ngei angai ani..
Ka awmdan kha mak tiin Robinson pawhin enge thil awmzia min zawt sek a..
‘Chutichuan I awm em’ tiin thilmak deuh deuh min zawt a, ka thianpa pawh hi enge maw a hriat tak ni..! Mk-I a kawp hnu hian a mizia a danglam a, keimah ang tho a hmeichhe kawpkual  thin khan Mk-I bak buaipui a nei tawhlo.. Min zawhna mak pui puite chu mumalin engmah ka chhang lo..
“I hmangaih anih chuan mak deuhin I danglam ve ngei ngei ang” minti anih kha..
Danglamna chungchang sawi takah chuan karhnih liamta chhung khan ka ngaihzawng anga ka kawp mek Nunu-I hi ka be miahlo.. Min rawn biakna pawh ka chhang ngailo..!! Ngawi renga mi kalsan hi ka duhlo a, Nunu-I lakah pawh thutawp ka sawi tak kha.. Min tahkhum chiam a.. Ngatinge maw hmeichhe hohi an trahbelh em em le.. Hmaichhan a intahkhum hi chu a dawnsawn dan ka thiam lo.. Trap pahin ka kawrah min pawt hrep hrep ringawt a.
Keichuan mihring rilru hi mittui hmanga inneih sak theih a niin ka hrelo..
Ede te inneih zan a ka thlah atang khan VL-I hi ahma aia nasa in ka ngaihven a, ka mumang thlengin..ka ngaihtuahna a chawlhtir theilo.. A chunga ka chetdan avang khan thinrim a min rawn biak zui hun ka chang reng a.. Nizan thleng khan ka chang chhuak lo.. Min rawn biak hmasak chu sawiloh, ka message pawh min chhang lo vek..
Mipa dang nen ka hmudun bawk a.. Kha pa in a endan khan minti lawmlo viau bawk.. Ka hmeichhia, ka ta ni tur hi mipa dangin it leh nalhti taka an melh leh an khawih ka remti reng reng lo.. Ani hi chu ka ta tur ani..!
Tichuan he thil hi ka hrechhuak ta a..!!! He vur nula..ka snowflake hian min rawn pan dawnlo tih hi.. Hmeichhe dang ka laka rawn intahluh talh tum ho ang tura ka lo ngaih ngawt avangin, min rawn pan hun..thilthleng ngailo tur ka lo nghak ani..
Tunah hian ka tana a vawikhat nan ka lam a hip beh tumin hmeichhia..ka rilru luah rengtu leh ka beisei anga min rawn ngaihven miahlo tu chu ka pan ta ani..
 An in ka luh chuan Nu Pui-I (VL-I nu)chiah alo awm a, ‘Abawihi chu ka han ko ang, lo thu rawh’ a tihlai mekin ka snowflake chu inchung atangin arawn chhuk thla a.. Ka hmuh chuan hmundang ka melh theilo.. Hetiang taka hahdam hmel hian ka la hmu ngailo a, thilhmuh nuam tak ava ni chiang em..
A sam chu uluk vaklo in a trawn tawm a, T-Shirt var lian lampang ha in kekawrbul tawite a ha a.. a bawp nalh zet chu…
Min rawn hmuh rual chuan a hmel a danglam nghal.. Vawt raih a min enin ka ep chiah ah a thu a ‘nangmah chauhin mi ilo kal’ tih min zawt a.. Alak atang chuan ka mit ka lasawn theilo..
Damlo kan chuan ka kal ngei a, mahse a pawimawh zawk, in atanga ka chhuah chhan chu he hmeichhia ka hmuh duh vang hi ani..
A laptop shut down lo a a kalsan chhuanlamin in chungah a chho leh a, a rawn let leh chuan kekawrtluan arawn ha ta thlap..ahma a athutna ah chiah arawn thu leh a, amah chu enin ka nui suk a..
“Enge I nuih..?”
“Keiman ka hriat chuan a tawk mai..” min chhang lovin a kut chu a khup inkarah a dah a, a ke chu zawite in a per dat dat a..vawi 3 vel.. Kalo chhiar thlap..! a ke chu a zen thlarh hranlo a, mahse ke mawi tak anei ani..a fai sar..a eitlak hial ang…! KEIHI..???!!
“Enge I in duh ang..aa..thingpui..cold drinks..vodka!!” min enin a nui sak a.. Ka bulah fiamthu a thawh  vawikhatna..!! Mahse ka nuih a tiza miahlo.. A bula thut a kuah ka duh zawk..!
“Nangmah..!” ka tawngring lova, min en avangin enge ka sawi tih erawh a hrechiang..
  A ngawi vang vang a, sawitur a ngaihtuah anih ka ring.. A bulhnai a ka awm hian a inthlahdul ngailo reng reng.. Hahdam taka awmin hlim takin min bia se ka duh..
Anu chuan an room lamah min luhsan a, kan pahnih chauhin kan thu ta ran mai..
“Min ngainatloh chhan hi enge?” ngawirenga thu turin helai ah hian ka kal hleinem..
“Nangpawn min ngainat bikloh kha..”
“I hrelo.. Vawiin khan Reuben ka bia a..”
“Enga.. Engatan nge chu chu I tih a?” min melh phat a..
“Ka ngaihzawng chauh inih tur thu ka hrilh..”
“Nang hi.. Engtin nge a number pawh I neih zawk..? Nang nen hian engmah kan nih loh hi..” a thinrim a insum tih ka hria, a tawngring duh bik hauhlo a..
“Kan la ni dawn alawm, zanin atang hian..”
“Hmeichhe hmuh hnuhnun apiang kawp thei mipa hi ka ngaina ngailo” a tawngkam chuan min khei zak mai.. Hmeichhia ka kawp nual tawh tih ka inhria, hmuh hnuhnun apiang kawp erawh ka nilo.. Hetianga min tawngkhum ngam hmeichhia hi ka vawikhat tawnna ani bawk..
“Hmuh hnuhnun apiang chu ni love..” ka thutna atang chuan thoin amah hnaih thei ang berin ka thu a. Ka khawih hlau niawm takin alo inveng deuh nghal ran bawk a.. He hmeichhia hi chuan min barakhaih reng dawn anih hi.. Ka khawih hlau hmeichhia ka tawn awm pawh ka hrelo e..
“Inveng duh suh, kan inbe ringawt dawn..” tiin hnai zetah ka en a..
“Ka inveng bawklo”
“I kut..” ka kut chu a vawn turin ka pharchhuak a
“Enge?”
“Khawi maw..” tiin a kut ka vuan a. “Ka mit ah min en rawh” in ralring ran in min en a, nuam atilo tih chu thup tum mahse, ka hrechiang ani..
“Ka duh che a, min ngaihven ve turin ka duh bawk che. Ka ngaihtuah tawp theilo che a, bul min tranpui rawh..”
 “Matthew” a phun sap a, ka thusawi chu mak ati tih ka hre bawk. Ka ti tak tak tih pawh a hre ngei ang..
“Bul min tranpui turin ka sawm che anih chu”
“Hmeichhe dang inrawlh..”
“Inrawlh tur tumah an awmlo..”
“Ka hrelo.. Ka hlau ani..!”
A kut chu ka hmer vang vang a..

VL-I’S POV*
Matthew haw hnu chuan nasa takin ka inngaihtuah a.. A bula ka sawi ang khan.. Ka hlau ani.. Awlsam takin thutawp ka siam theilo..!
Ka thiantha ber Edeline-I ka rawn mai dawn nge?? A unaupa lo ngaihzawn chu min ngai mak viau angem..? Ka hrethiam lo ani..
Ni 3 chhung chu Matthew nen pawh pangngai takin kan inbia a, hmaichhan ah erawh kan inhmulo. A sumdawnna buaipui avangin hunawl a nei theilo a, keipawhin hunawl ka nei chuanglo..
Ka phone ri chu  enin ka pick up  vat a..
“Ka best friend hian ka lakah thil zep anei a, ka thinrim khawp mai” Edeline-I chuan arawn ti lawng lawng a
“Ah..engvak nge?”
“Hmaaann atang khan ka hre ru tawh a, ka rin aiin a thleng muang..”
“Ede, engmah..”
“Tsk..Tsk..ka unaupa zawimuanga danglam mek hi ka hmuh hmaih hauhlo ania..a perfect biklo tih chu I hriat kha..”
“I bula sawi dan tur ka hrelo alawm.. Ka awmdan hi ka inhrethiam lo”
“Matthew pawn engmah chu asawi lova, mahse ka hria ani.. I hria em? An in a ka hruai hmasak ber ni che kha? Khami tum atang daih tawh khan hmeichhe bula a awmdan thin pangngai angin a awmlo tih ka hria ani.. Ohh..ah..ka sawiloh tur ka sawi treuh niin ka inhria..” tiin a nui zui hak hak a…
Kan inbiak zawh chuan Ede thusawi chu ka ngaihtuah zawm neuh neuh a. Engmah phei chu ka ngaihtuah chhuak lem hlei lova..
Kar 1 aliam leh ta, Matthew nen pawh phone ah chuan kan la inbe reng a, be hmasa tu ah erawh ka trang duhlo.. Kan hna ah kan buai dun em a inhmuhna hun a awm theilo ani.
Ka rilru a luah zo vek tawh.. A landan chuan ani pawh adang chuanglo.. Thil lo thleng tur chu ka hmachhawn phawt ang. Atak leh taklo hretur chuan tihchhin phawt angai reng ani..
Inrinni zingah chuan dar 5 velah phone call in min rawn kaitho a
“Tlai dar 5:40 ah ka lo hruai ang che?”
“Enge kan tih dawn?”
“Thuruk ala ni rih..” a mood a fuh hmel khawp mai.. Min be chhum hmuk hmuk talo alawm..
“Dress code?”
“Jeans..flat..kawrlum ha rawh”
Eng thil tak ruahman ang maw.. Han rinlawk vak dan ka hrelo..
Nilengin in ah ka awm a, dar 5 ah chuan ka inpeih thlap tawh.. Ka phur ru zek zek.. Zahthlak zawkin.. Jeans dum,pheikhawk dum leh jacket buang ka ha a, ka sam chu ka dinglam ah huiliamin ka phiar tawp a..
5:40 ari chiah, ka phone a ri ral ral a, ka pick up vat a
“Lo chhuak rawh le..” Ka thiante nen kan chhuak ho dawn tih ka chhungte ka hrilh lawk tawh avangin ka bag ka la a, ka chhuak nghal a..
Kan kawtah chuan Matthew chu a bike nghengin alo ding a. A landan chu nidang a a inthuamdan nen adang hlak. Biker sexy zet ang mai ani. T-Shirt var a taksa phuar deuh a ha a, leather jacket rawng thim lam leh jeans dum a ha bawk a..
   Min hmuh chuan min eizo vek ang tih hlauhawm khawpin min en vung vung a..
“Lo kal rawh le..” bike ah chuan ka chuang a, chak zetin a tlanchhuak nghal a..
Khawpui chhung kan pelh  chuan mak ka tita deuh..
“Khawnge kan kal dawn”
“Surprise ka tih kha..Min vuan nghet rawh” nuam tichiah lovin a kawngah ka kuah a.. “Min kuah nghet la” a tlanchak zual sauh a. Motor chak deuh a chuan hi nuam kati viau a, mahse tuntum hi chu a chak mah mah.. Ka kuah nghet lo theilo.. A bike khalh hnehsawh zia chu..
Minute 10 vel kan tlan hnu chuan kawngsir ah a ding ta hram a.. Ka thaw huai.. Khua chu a thim deuh ruai tawh a..
“I hlau ani maw?”
“Tlem in” ka nui hak a. Min rawn kaiin min kalpui nghal a, reilote kan kal hnu chuan tlang sang vaklo chhipzawl ah kan chhuak hlawl a..
“Hetah hian enge kan tih dawn?”
Thawklehkhat ah kan bul vel chu arawn eng pup a, light rawng chi hrang hrang a de sep sep a, leiah chuan thutna tur nuamtak leh nghenchhan tur felfai takin a awm thlap bawk a. Chumi bulah chuan chair leh table a eitur inchhin thlap a awm bawk a..
“A mawi lutuk..”
Ka awmdan chu ngawirengin min en a. Ka hawikual a, ral lehlam ah chuan khawpui a eng pe un a.. Khawthlirna hmun nuamtak ani..
“A van mawi em em” min rawn panhnai a, ka hma ah dingin a ban pahnihin ka kawngah min kuah a, alamah min pawthnai a, min enchhuk run a..
Enge tih ve tur ka hrelo, ka enlet tawp a. Rawn kunhniam in ka chal min fawp vang vang a.. A rim pa lutuk leh a chezia zawng zawng te hian minti zawi vek.. Ka hmuiah duhthawh zetin min fawp ta a..
“Min fawp leh ringawt tawh ania” tiin ka nuih a
“Tunah pawh”… “Vawikhat dang leh”… ‘Vawikhat leh’ tiin min fawp mawlh mawlh a..
Zanriah kan eizawh hnu chuan hahdam taka thudunin kan titi  a. Zan dar 7:00 alo pel reng tawh.. Reilote chiah kan la awmdun emaw ka tia.. A bulah hahdam leh inthlahdul a ka awm vawikhatna ani..
“Ka thilduh tak chu nanghi ini” tiin min kuahnghet sauh sauh a, duhthawh zetin min fawp a, ka chhanglet lo theilo.. A sam fai zet karah chuan ka kut rawlhin min hnaih lehzual theih nan ka lamah ka pawthnai a.. Ka chhanlet dan avang chuan a thawkdan a danglam a, min fawp reng pahin a insiamrem a, min nekbet bawk a. Ka kawr chhungah chuan zei zetin a kut arawn zenlut a..
Kan boruak chu a trang  ta tlat..!!
“Ngawi lawk” a thiltih lai chu chawlin min en chhuk run a, a mitmeng chu a thim raih a, a thinphu dup dup ri pawh ka hre thei.. Keipawh ka dang chuanglo.. Ka thin a phu dup dup a..
“Matthew..He thil hi kanti theilo..”
“Ngati nge?” a thaw halh a, min la thlah chuanglo..
“Nupa kan nih hma chuan hetiang thil hi ka tihpui thei lo che”
“Ka mamawh che..” tiin arawn kun hniam a, min fawp leh a.. Ka tan hnial a har zia hi a hre lo ani.. Mahse Pathian duhloh zawng thil tenawm hi ka tihpui lovang.. Ka pasal hnenah lo chuan ka thianghlimna hi ka hlan lovang tia ka lo intiam thinna kha ka bawhchhe thei lo.. Mi tha famkim chu kani bik lo a, mahse he thil kher hi chu…
“Matthew..”
“Hmm”
“He thil hi kan ti thei lo” tiin a awm ah ka nem a, a rit lutuk..ka nemsawn zo lo.. Ka tawng ngai pawimawh lo chuan ka nghawng ah a hmai phumin min fawp dan dan a..
“Matthew..” ka vin deuh takah chuan min fawhna chu ati tawp a.. “Ka tihpalh..he thil hi ka tihpui theilo che” Ka thusawi ka tihtak zia chu hrethiamin rum hakin a inla hrang a.. Ka bulah chuan ngawirengin a thu a..
A awmdan chu nuam ka tilo..
“Ah.. I thinrim mi?” min chhang lo.. “Matthew.. I thimrim anih pawhin ka hrethiam che.. Mahse thilsual liantak hi ka tihpui theilo che ani..”
A ding vut a, chair a a jacket chu lain a ha a..
“Haw ang” ka thutna atang chuan ka en reng a, a hmel awmdan chu ka hrethiam chiah lo..
“Matthew..”
“Tho rawh.. Ka thlah ang che..” a tawngdan atang chuan ka bula tanga kalsawn vat vat aduh anih hmel..
Ka thutna atang chuan ka tho a.. Ka rilru a na vawng vawng.. Sex vang chauh a min kawp a duh anih chuan duhin hmangaih viau mah ila ka kawp biklo ang.. Hmangaih maw..? Ka hrelo.. Ka hmangaih emaw..hmangaih lo emaw.. sex ka hmanpui loh avanga min kawp duhlo tu chu ka hnawl ve ngam khawp mai.. Rilru natna te chu damchhunga ka hriatreng tur pawh nise tuarchhuah dan a awm ve zel..!! Ka nulat ve chhung chuan ka thianghlimna venhim aia pawimawh a awm chuanglo..
“Ka ring reng ani” amah pawh nghaklo chuan kal nghal tumin ka pen a..

MATTHEW’S POV*
Hun nuam tak kan hmandun theih nan hmun tha tak ka buatsaih a, hlim taka min nuih a, ka bula inthlahdul tak a a titi ngaihthlak chu ka la tawn ngailoh thil nuam tak ani.. He hmeichhia hian ka la hriat ngai miahloh hahdamna min neihtir..
In mamawh tawn taka kan infawh khan, a aia tam ka duh a.. Mipa tawhphawt chu kan ni vek alawm.. Tawp tura min tih khan mak kati takzet.. Hmeichhia reng rengin an chunga nawmna ka thlen titawp turin min hrilh ngailo a, tuman min hnial ngailo.. Heipawh thilmak dang..! Ka hamhaih vek ani..
Inthiamloh hmel takin min hrilhfiah a tum a, chu chuan minti hamhaih zual deuh deuh..
“Ka ring reng ani” tia phun sapin kal nghal a tum a.. Min kalpelh hma chuan a ban ah ka pawtlet a..
“I rin chu engmaw..?”
“Engmah.. Min thlah hawn vat kha I nghakhlel hle emaw ka tia, min chelh tlat chuan ka kalsawn thei hleinem..” a tawng chu a ringlo a, mahse a aw ah chuan thildang a tel.. Ka snowflake hian a chungah ka thinrim nia a ngaih vangin a rilru ana ang maw..?
“Min kalsan lovang..” tiin ka kuahbet a.. “Ka duh che.. Ka thin a rimlo.. I awmdan khan minti hamhaih vek ani..a vawikhat nan hmeichhia in min hnial a..”
Ka kuahna chu tlema tithawlin min en kal a.. Ka rilru hriat tum niawm takin.. “Matthew, Sex vang chauh a inkawp ai chuan…”
“Sex vang chauh a kawp duh che ka nilo.. Sex vang chauh chu nise nichin khan ka nawrlui ang che” tiin ka lo pawtchat vat a.. He hmeichhia hi ka zah takzet.. Ka hmel chu chik takin min en vang vang a.. Duhawm lutuk.. Hmeichhe pakhatin uluk taka min en avang hian ka nervous thei ang tih ka la ring chhin ngailo.. Heichu a dan a dang.. Ka nui hak a..
A kut no zet chuan ka biang ah vuanin min en kal a..
“Ka hmangaih che..” ka hre sual em??
 “Ka hre sual em??” a hmui hnuailam petin a sen ap ap a.. Awlsam taka sawichhuak ani lo tih ka hria..
“Ah..ka hmangaih che in ka hria.. Ka chiang chiah lo..aaa..” tiin a ngawi ta daih a..
A thusawi chu chhanglet lovin ka fawp a..
Hetiang taka mi hip bet thei hmeichhia ka tawng hi vanduaina nge vanneihna..!! Vanneihna ni ngei rawh se..
Ahma a kan thutna ah khan kan let leh a, nghet taka inkuahin kan thudun a..
“Snowflakes hi a lum tih ka hre ngai miahlo”
“Snowflakes a lum te chuan snowflakes ani nang..”
“Ka sawi awmzia chu.. Nang hi ka snowflake I nia, mi hip tak, tharlam ser, duhawm tak.. Tunah chuan I vawt tawhlo bawk a”
“Ahma in ka vawt ami? Ka vawt lo reng reng”  tiin min nek talh talh a..

VL-I’S POV*
Thla hnih chhung chu buaina em em neilo in kan inkawp ve ta reng mai..
Ka phone ri chu ka pick up vat a, pick up loh chuan buai chung chungin enge phone ka pick up loh chhan tih hre turin kan office ah alo kal vang vang thin.. Mi thuduh lutuk leh ngeng..mi tlang tak leh mi control thei tak anih na hi chu engtik ah mah a bansan lovang..
“Vawiin chu ka lu ana renga ka haw hma ang”
“Luna damdawi ka hria”
“Enge”
“Duhthawh deuhin ka fawp che anga I luna chu I theihnghilh vek mai ang” a ngaite bawkin..
Minute 5 vel kan inbiak hnu chuan ‘kalo hruai ang che’ tiin phone a dah a. Min rawn hruai ziah avangin thlahnih chhung chu hnathawh na ah lirthei ka keng ngai tawhlo..
KAR KHAT HNUAH
Hunawl ka neih ve deuh avangin Daily Report chanchinbu thar chu ka en thuak thuak a, Mizoram chhunga milar chanchin bik ziahna a thlalak ka hmuh chuan ka phu chiang lutuk.. Nidang ah ka chhiar ngai lemlo a, a huntak ah ka hmu anih hi.. Ka thin a phu nghal dup dup a..
**Mizoram super model lar ber pawl Nunu-I chuan khiang min awihsan dawn ta. A pasal tur hi sumdawng hausa Matthew Malsawmzela niin kan thudawnna chuan min hrilh. Matthew hi tunhnai kan chanchinbu in Mizoram sumdawng mi hausa naupang ber leh mite hip thei ber a kan thlanchhuah kha ani.
He mite pahnih hi engemaw chen atang khan an inzui nasa thin tih chu kan hre theuh a, on..off an neih zauh zauh hnuah inneih an tum thu hi an puangzar ta ani. An inneih hun tur erawh puanzar ala nilo.. Nunu-I chuan Daily Report zawhna chhangin..*
Ka chhiar zawm thei tawhlo. Ka thaw hawk a.. Ka khur der der.. Hai rual a nilo e. Ka ngaihzawng leh min duh em em tu ni a ka ngaih ka Matthew ngei ani.. Thlalak a landan hian an hlim hmel hle bawk.!
Ka awih theilo.. Engtik laia thleng nge niang..? Keihi ka meng reng chung hian bumin ka awm tihna ani..!!
Ani reng ang chu..ka hmangaih thu ka hrilh pawh khan min chhang miahlo in min fawp ringawt anih kha.. Vawikhatmah min hmangaih thu min la hrilh lo!
Matthew chu biak tumin ka call nghal a, phone a pick up thei miahlo.. Ka chair ah chuan ka thu hnawk a. Ka thlan atla bawrh bawrh thei nia..
Vawiin hian nidang anglo takin minla rawn be miahlo a, tlai lam a ka call leh chuan a phone a switch off..!!
Ka huntawng mek hi a thalo takzet..!!!
Office ban a hun tawh a, min hruai turin a rawn kallo bawk a.. He chanchinbu a ka thil chhiar hi atak ani ngei ngei ang..
Ka thinlung ana a, awmdan tur ber pawh ka hrelo.. Taxi lain ka haw nghal a.
Zan lamah pawh minla rawn be chuanglo a, enge a awmzia engmah ka hrelo.. Min rawn biak ringin ka ngaichang reng a, zing lam dar 3:00 arik thlengin.. Eng thawm mah a awmlo..
Tunah chuan ka insumtheihna a kehchhe ta.. Chhuatah bang ngheng a thuin ka tap zawih zawih a… Ngaihtuah ber tur pawh ka hrelo..
Khua a var a, rilru a phurna nei hauhlo in ka hna ah ka kal a, min rawn biak hma chu biak hmasak ka tum tawh biklo.. Ni aliam a, ka thinlung a rit deuh deuh.. A chanchin ngaihven a Edeline-I biak ka tum zet a, ka thulh lehnghal.. Zahna tur ka insiam tam mai mai ang.. Ka thiantha ber ni mahse Matthew unaunu ani tlat.. Amah pawn min rawn biak tumlo se ka duh zawk..
An inneih tur thu chu mi zawng zawngin an ngaihven emaw tih mai tur ani.. Ka nu pawhin thil awmzia min zawh tak hial chu… Ka nu chu thil awmdan ka hriat chin zawng chu ka hrilh vek a, ka rilru na a zia deuh theih nan ka nu bulah chauh hian inbunruahna tur ka nei reng ani…
“Mambawih, huntha arawn inher chhuak mai ang. Chhel takin awm la, tuarchhuah theihloh a awm ngailo ania.. I tana Pathian mi ruat chu a huntak ah arawn lang mai ang” tiin min hnem a. Hetiang a min fuih thei tur hian ka nu hian hun harsa tak a lo paltlang ve tawh ani tih ka u chiah Unun-a’n  nupui aneih dawn tum khan min hrilh ani…
Vawiin hi Matthew leh Nunu-I te an innei dawn tih chanchinbu a ka chhiar tanga a ni 2 na ani.. Diktak chuan kha chanchin kha kan office a thawk ho hian an hre ve vek a, Matthew hian ka office bang min rawn hruai ziah thin tih nen.. Engmah min zawt hlawmlo na a, an zavai mai hian ka zah ru vek…

MATTHEW’S POV*

Tunah hian In lama haw  lovin ka Snowflake te office lam ka pan nghal.. A chhan pawh Airport a minlo chibai tute thusawi vang kha ani..
Ni 2 chhung kha ka tumlawk hauh lohin sumdawnna vangin Calcutta ah ka kal thut a, hmanhmawh taka thil tih rum rum anih vangin ka Snowflake hnenah chanchin engmah ka hrilh lo.. Han buai tak tak chuan phone hmanna tur hun pawh a neih theih miah loh tih chu a hrechiang tu ka ni bawk… Chu chu thuhran nise, ka phone ka tibo bawk ani. Ni 2 chhung chauh ani bawk a, ka phone number chhinchhiah ve chhun ka pa hnenah chanchin ka hrilh a ka duhtawk ta mai anih kha.. Number dang han chhinchhiah ka lo nei miahlo bawk a..!!
 Ka insawifiah ah lo ngai lo ula..! Thil nihdan diktak ani..
Airport ah khan ka hmelhriat thenkhat te nen kan inhmu a, ka nupui neih tur min lawmpui nan min chibai sap sap a… A mak thin ania.. Nupui ka nei dawn tih pawh kalo inhre hauh hleinem… Mak tiin ka zawt chiang a, an thu min hrilh chu ka awihlo zawk..
Ka tana mi pawimawh berin he thu hi a hria anih chuan buaina ka tawk dawn khawp..! Hetiang vang mai mai a ka hmangaih chan hi ka tumlo.. Nia, ka hmangaih alawm.. a hnen a sawi turin ka  inringtawk lo chauh ani.. Hetiang hian ka la awm ngailo tlat a.. Ka inringtawklo maw..? Robinson-a’n ‘mak deuh deuh in I awm ang’ a tih kha he thil hi ani ngei ang.. Ka la hriat ngailoh feelings neih hi..
Engpawh nise..ka hmangaih… ka awmdan hi amak takzet..!! hetiang hlauhthawnna te hi ka la nei ngai hauh lo.. Ok..ka hmangaih hmachhawn tur chuan ka pen chhuak phawt aniang chu…
VL-I te office ka thlen chuan nidanga min be seuh seuh thin ho pawh chuan mak tih hmel taka min melh hrek hrek in min kalpel  hlawm a.. Enge maw an hre ve hlawm chu ani ngei anga..??
 A thutna thin room a ka luh chuan ka va hmufuh nghal a.. A dawhkan bulah chuan mipa pakhat alo ding a, min rawn hmuh chuan a kalsawn nghal a..
Ka Snowflake chu ka en a, min enlet dan chu a diklo.. Thla 2 liamta chhung a min en apianga a mitmeng de ser ser thin kha a awm tawhlo.. Phat rual lohvin kha chanchin diklo kha a hre ngei ani tih ka hria ani..
A dawhkan bulah chuan dingin “Hey..” ka ti sap a.. Min chhan a tum hmel loh.. Han sawi mai tur ka hre tlat lo.. Heipawh a vawikhatna..!! A awmdan ngaichangin ka en vang vang a..
“Mopa tur hian enge arawn tih a??” min en hauhlo a, a sir zawng a ka en chuan a mit a bui deuh lakin ka hria..
“Monu tur ka hruai haw dawn” min melh ram ram a, mithmul ka tihsan khum zauh a
“I kalna tur I hai aniang.. Hetah chuan mopa tur dang kanlo hmu tawh a.. Keini chuan vawikhat a mi pakhat chauh thlanchhuah hi kan duhdan ania..”
Min chhandan chu ka beisei loh dan ber ani.. Ka rinloh dan lutuk in inringtawk zet hian min en ta kal a.. Thinrim hmelin a lang hauhlo lehnghal.. Diktak chuan helai ka thlen hma khan thinrim a min ankhum dantur ka ringchhin vel a, chu bakah a thil hmuhfuh apiang a min vawm pawp pawp mai ka lo ring kha ania..
“In rinawmloh san te chu a..” keipawh chu ka rilru lo ang hlir a ka awm le..
Min la en rengin a nui hak a.. Hmm..heichu nuihdan thalo chi ani..
“Tihtur dang I neih ngei ka ring.. Keipawh haw ka lo tum chiah a..”
“Kan haw rual thei anih chu..”
Min chhang lovin a phone ri chu a pick up a
“Hman tawh e, ka lo kal nghal”  a thutna atanga thovin min kalpel nghal a.. Ka umzui vat..
“Hey..lo ding teh..”
Ka pawtding leh anih loh chuan a ding miahlo ang.. He hmeichhia hi ka hria ani..
Room atang chuan ka zui chhuak a.. hetah hian kan sawi mai aniang chu.. Min hriatpui tu tur pawh an awm nel nual ang.. Tumah la haw lovin min rawn en vek mahse pawi ka tilo…
Ka pen pawk pawk a, a hma ah kal khalhin a kalna tur ah ka ding a..
“Kan sawifel phawt loh chuan I kal lovang” min kalpelh ala tum trang trang..
“I thilhriat kha thudik anilo..” a hriat tur tawk lekin ka tawng hram hram..
“Enge ka hriat..? Min dang lo teh, miin min hmu ange.. Mi pasal hual lo dinhnaih viau hi ka duhlo ania”
 “Min hmu se..apawi kati hleinem..” amah hnaih turin ka pen hma lui a, a tawlh ve zel a.. Corridor hung nana thir kham nghengin a ding ta.. Amah dang chepin a sir tawn tawn ah thir kham chu ka vuan a.. Kan in din hnaih ta hle..
“Chanchin diklo kha I hre ve ngei anih hi..Eng atangin nge I hriat chu ka hrelo a.. Dawt vek ani.. Nimin piah khan ka zin a ngai thut a, ka zin thu rawn hrilh tur che in ka phone ka tibo bawk a.. Khatiang dawt thil kha ka hre chiah a, Airport atangin ka rawn tlang nghal ani.. Khatiang thu mai mai kha ka hnen atang ngei a I hria anihloh chuan ilo awih pawh ka ring hauhlo a..”
“I nupui tur chu a chian khawp kha..”
“I chiang amaw?”
“I nupui tur ka nilo tlat..”
A hmai zawnah ka kunhniam a, ka awmah min nem ve trang trang.. Kan hnunglam ah chuan aw thian kharh thawm arawn awm a.. Ka en vat a..
“Abawih..ilo thlenghla har angreng sia”
Sawpa saw ahma a Lazarus Hotel a ka hmuh kha ani chiang khawp.. Ka hawisawn lai chuhin ka Snowflake chu ka danchepna atang chuan a put chhuak zauh a, chupa lamah chuan a kal nghal a..
Rilru inhretawn niawm takin engmah sawilo chuan an inzui nghal a.. Chupa khanglang chuh… Ka nupui tur hi sawtiang mipa bulah sawn a awm ka remti lo.. Vawikhat phone a ka hrilh tawh kha ala tawklo ani ngei ang.
 An hnungah chuan ka kal ve nghal a, motor dahna hmun ka thlen thlak ve chuan ka hmu tawh miahlo.. Zan lamah an in ah ka kal mai ang..
In lam pawh pan hmasa lovin ka hmu hmasa ve bawk a, awmzia a awmlo hle mai..
Zan dar 7 velah kan in atangin ka Snowflake hmuh tumin ka chhuak nawn leh ta.. Diktak chuan ka rilru a nuamlo.. A thinrim chhan hi dawt ni mahse tlai a min endan leh min biakdan atang khan a rilru a sawhsawn mai dawnlo tih ka hrethiam ani.. He mihring rilru lian tak leh ka hmeichhe tawn tawh te anga min buaipui ve chung lotu hi hnaih a, ka damchhung hun min tawmpui turin ka duh tlat si ani..!!
An in ka thlen chuan anlo awm deuh laih laih a, amah ber chu a room ah alo awm daih.. Nu Pui-I sawidan in Lunglei lama an chhungte anlo zin ni awm tak ani.. Dinpui-a (VL-I chhang chiah) chu a u room lamah a chho a..
An doorbell a ri trat trat a, mipa lo lut ve chu ka mi mamawh loh ber ani.. Ka Snowflake unaute leh an chhungte, lo zin hote nen chuan an inhria ani chek ang chu an be laih laih hlawm a, a tlatlum viau anih hmel. Engmah sawi lova va hnek bur ka chak zek zek… Ka thuthmun ah ngawi rengin ka kut kalo humruh ve ngawt a..
 Ka Snowflake chu room atangin arawn chhuk a, min en zauhin a hawisawn lehnghal a..
“I luna chu ala reh nange? Ilo chhuak duh kher anih kha” lo kal ve pa chuan alo be zung zung a. Hepa hi Reuben anti ani lawmni kha..
“Damdawi ka ei tawh a, ka zia deuh tawh e” tiin a chhang sap a.
Ka bula thu lovin Reuben-a bulah chuan a la thu ta lehnghal a.. A awmdan chuan minti lawmlo hle.. Sawi ve tur ka nei rihlo.. Lawm ka hlawhloh na hmunah hian reitak awm ka tumlo bawk.. Nge ni anga hepa haw hma hi ka thu ve tlat dawn??? Hetiang thil tawn chu sawiloh, ka la ngaihtuah chhin ngailo reng reng..
“I nu leh pa te chu an va lang nalh ve, nidang ah ka hmu ngai miahlo” tiin Reuben chuan banga an frame tar lian angreng tak chu a en zauh a..
“Ka pa’n nizan khan a tarchhuak alawm, an room a an dah thin ania.. Keipawn a lunglenthlak ka tia sin…” VL-I chuan a nu leh pate thlalak chu ngaihhlut hmel takin a en vang vang a.. An thlalak a a landan chuan an tleirawl deuh lai thlalak niawm tak ani, an inkuah rial a, zungbun inang an bun chu a langsar nalh bawk.. Umm..Ka Snowflake hian anu aiin a pa a chhun deuh zawk anih hi… Thlalak leh ka Snowflake chu ka entawn zauh zauh a..
 Reuben chuan kei aiin sawitur a hre deuh aniang, eng eng emaw an sawi a.. A tul hunah ka lo zawm ve zauh zauh..
VL-I chu ka en run a.. A thinrim laia lo thinrim ve hian engmah a siamtha dawnlo tih ka hre ve tlat.. Option pahnihna zawk khi ka thlang..!  A ngaihzawng ka nia, hepa mi tangkailo zet a awm ve chhung hi chu ka haw lovang.. Ka thutna atang chuan thochhuak in a bulah chuan amah hnaih thei ang berin ka thu lui ve ngat a..
Ka phone ah chuan message ka type mawlh mawlh a, ka type zawh chuan ngawi rengin VL-I chu a chhiar turin ka pe a..
*Snowflake, I luna damdawi kha ka hria ania*
A chhiar zawh chuan, engmah sawi lovin phone chu min pe let a.. Ka nui suk a.. Enge ka type leh ang aw..??
*Ka pi, I phone no. min pe thei angem? I bula thu hian eizawh vek che a duh ania* phone pek leh ka tum chuan a la duhlo a, a kut ah ka hmehbel lui a..
Ka awmdan avang chuan Reuben-a chuan nuam ati ta vaklo aniang, a tho vut a, chhuanlam siamin a chhungte ho thutkhawmna lamah chuan a kal ta hram a.. A hnawk tih a inhre har mah mah.. Ka awmdan pawh chu a mawi chiahlo tih ka hre ve tho.. Mahse..Enge pawi vak..??
Midang chu awmlo se ka bula thu, ka hmeichhe duhtak hi kuah a fawh vawng vawng ka duh ani..

VL-I’S POV*
 Awmdan tur pawh ka hre leh ta peklo.. Matthew awmdan ka en kha chuan chanchinbu a ka thilchhiar kha ka awihlo mai dawn a.. Mahse Nunu-I tawngkam an ziah ka ngaihtuah let kha chuan a chiang si…!! Nupui pasal inneih chungchang thuah tuman dawt an sawi duhin ka ringlo..
Matthew pawn min rawn bia a, ‘min ring tur ani’ ati ringawt bawk a.. Office ban a min rawn hruai a tum erawh ka hnial lui.. Midang in min ngaihdan leh mi min sawidan hi ka tan chuan a pawimawh..! Damchhung tawite a hmingchhiat leh mi sawi kai nih hi ka thil hlauh ber pakhat ani bawk.. Ka ven ve theih chin ah chuan fimkhur viau mai hi ka duh ber rih..
Tlai lamah chuan ka hnathawhna hmun atangin ke in ka haw a, ka phone ri chu kal pahin ka pick up a..
“Aw, enge?”
“Tunah khawnge I awm?”
“Ka haw tawh..”
“I remchan chuan kalpui lawk duhna che ka nei a”
“Ka hman tawhlo ang..” ka sawi zawh hma hmain a phone a off ringawt..!!

Ka banrek ah min rawn vuan thut a, phu zetin tunge min rawn vuan tih ka en nghal a… Matthew chuan hnai zet a min en in a ner suk a..
“I hman reng hi..”
“Min ti phu lutuk..” min vawnna chu thlah chuang lovin a duhna lamah min kalpui nghal a..
BECKY’S DRESS UP
He dawr hi kar hmasa a an hawnthar kha ani chiang.. A chhung a kan luh hma chuan Matthew chu ka dinpui leh rih a
“Hetah hian enge kan tih dawn?”
“Dinner Party a I hak tur kan thlang ang”
“Eng Dinner party? Matthew..ka hman leh hmanloh…”
 “Nilai zan khian kan office thar hawn lawmna Dinner party na ah kan kaldun ang.. I dress tur kan lei angai alawm..”
“Ka kal dawn anih chuan keiman ka lei ve mai ang..”
“Lut phawt ang” ngeng zetin a hawi ngulh a, dawr ah chuan min kailut a..
“Heyy..Matthew..” dawr chhunga lo awm hmeichhe chhelo zet chuan kan awmna lam chu panin Matthew chu a rawn chibai a.. Ka duh aiin a kut chu a vuan rei..!! Ka thik maw..? Chu nu chu en duhlo in ka hawisawn a..
“Tu tan nge I thlan dawn? Heihi..”
“VL-I.. heihi Becky..” ka polite chhuahin ka nuih let a..
“Awii.. Ka thian..” tiin Becky chuan kawngkhar a lo lut thar hmeichhia chu a en a.. “In va intawng fuh ve a” tiin Matthew chu a en bawk a..
Lo lut thar nu leh Matthew chu an in en a.. An inhre tawh thin chiang.. Inhre pangngai mai anni lo tih ka hrethiam bawk.. A hmeichhe kawp tawh list sei zet te zinga pakhat ani ngei ang..
“Matt, party tura sawmna kha ka lo hmu a” Henu hi Nunu-I kha ani chiang.. Make up a hmang nasa angreng a, ka hrelo trep alawm..
“List ah I tel ve tih pawh ka lo hre hleinem” tiin Matthew chuan a chhang mai a..
An inbiakna chu ngaithla duhlo in thawmhnaw nalh zet zet inkhai dul chu ka enin ka kalsawn a.. Hetiang hmachhawn fo hi ka duh lo.. Ka hak duhzawng ka hmulo bawk..
“Kan kal phawt dawn ami?” tiin Matthew chu ka va en a, hmeichhe pahnihte chuan min melh thip hle.. Engmah sawi chuanglo chuan min rawn kai a, dawr atang chuan kan chhuak a..
“Khanu kha ila kawp leh maw?”
Ngaihdan nihloh hmel zet a min en in  a thaw hraih a
 “Hun liam tawh a mi anih kha..”
Hresa tho mah ila alo kawp tawh thin ngei tih pha hauhlo a asawi chuan ka thunlung a deng dawt.. Ka bula a kallai chu chum chawrh mai ka duh..
“Khatiang hmeichhia nen a kawp nih kha ka duh miahlo ania”
Ka tawngkam chu duhloh hmel zetin a chal a nuai nauh nauh a..
“Khanu nen khan min sawizawm suh” anui hak a “I thik ani maw?”
“Kawp pawh nila pawi ka tilo e..”
“Nupui thihthu chhe deuh angin I awm alawm.. I thikthu han hriat pawh chu a nuam viau mai”
“I duhthusam anih chu..ka thiklo” tiin ka kalsan a
“Lo nghak teh” tiin min pawtding leh a “Ka thil paih tawh hnu ka char leh ngailo..Kawp leh tumna pawh ka neilo bawk.. Ani pawh mi hausa dang kawpin nuam takin a hun a hmang leh tawh ang.. Chanchinbu a I chhiar kha chu dawt vek ani tiin ka hrilh che kha”
Mipa dang kawp leh pawh nise, nichin a khanu mitmeng a ka hmuh kha chu thildang daih ani.. Khanu khan Matthew hi ala duh reng ani..
“I thusawi chu engahmah ka ngailo” pawisak loh hmel takin ka chhang a.
“Engpawh nise ka rualin party ah chuan I kal ngei ngei ang” a tawngdan atang chuan ka hnial thei dawn miahlo tih ka hrechiang bawk..
Kan in thleng min thlah a, inchhung a lo lut lovin a hawtlang nghal a.
Ka inthlak fel hnu chuan kitchen ah eitur ka siam mawlh mawlh a.
“Abawih, heihi I chhiar tawh em?” tiin ka chhang chiah Dinpui-a chuan news paper min rawn pe a. Min nuih deuh sung bawk a.
“Enge a?” News paper chu la in ka chhiar a… Ka awihlo zawk..
*Mite ngaihven…
Matthew chuan a nupui tur chu midang thlansak ni lovin amah ngeiin a thlan tur thu leh tunah hian a nupui tura a duhtak leh a hmangaih nen an inkawp mek thu a sawi.. He a hmeichhe kawp mek hi tunge anih a sawi lova, reilote ah kan la hriat mai tur thuin min chhang..
Nunu-I pawhin kan zawhna chhang in hetiang dawt thil a darh hi pawi atih thu leh Matthew nen hian an inthen tawh thu a sawi bawk…..*
Matthew hian a hmangaih leh nupui atana a duh a kawp mek maw..??
NI HNIH HNUAH
MATTHEW’S POV*
Ni hnih chhung khan ka Snowflake nen kan inhmu lova, phone ah erawh ka be zing hle. Min biak tum leh min zar buai a, min veng chungin a awm ngailo a.. He a mizia hian min hip bet nghet telh telh ani..
Chanchinbu kha alo chhiar ve tawh ngeiin ka ring a, mahse eng thu mah min zawt lo.. Mak pawh kati hranlo. Ka sawichhuak anihloh chuan a sawi hmasa hauhlo ang.. Hmanni dawra Nunu-I kan hmuh kha chuan thikna hmel ni ngei tur chu ka hmuh ngei kha..
Tunah hian ka Snowflake party na a hruai turin an in lam ka pan a. An in a minute 10 vel ka thut hnu chuan a room atangin a rawn chhuk ta a.. A thawmhnaw hak chu uluk zetin ka lo en a.. Ka bul a rawn thlen chuan a bag ken chu check in min hnungchhawn zawng a dingin a kun zauh a..Hei zet chuh.. A kawrdum hak chu a khup chungah a tawp a. Hmalam atanga lang pangngai tak kha a hnunglam a kawng chin chunglam zawng chu a in a in vuakthuah ringawt. Chik lehzual a en chuan a kun zawng khan a hnungzang vun mam thal a lang zauh.. A nak thla ah chuan hmuhbelh chakawm tawk lekin a kawr chu a kak hlek bawk a.. a pheikhawk bun chu a sexy takzet..
“Han inthlak leh rawh..”
“Engmaw..??”
“Kawr bawlhhlawh anih kha..” pawisawiloh hmel zetin a nui hek hek a.
“Bawlhhlawh a.. Hetiang aia kawr tawngchham zet zet pawh an ha thin tho alawm..” a thusawi chuan kawhdang anei.. A dik bawk.. Ka hmeichhe kawp thinte thawmhnaw hak thin nen khaikhin chuan a kawr hak hi chu formal tak ani..
“Han thlak leh rawh”
“Ka theilo.. A zuartu nu pawn i hak hian i perfect thlap a tia lawm”
“A zuartu te chuan I leisak theih nan engpawh a sawi ang chu”
“Nalh itih ka ring a..Bakah  hmeichhe dang hetiang thawmhnaw ha pawh I hmu fova..” ti a inen in a nur nang a.
“Nang chu I danglam alawm” dawhtheilo zetin ka chhang a.
“Engtin?” engtin nge chutiangte min zawh ngam zawk ni.. Hrechiang hle lo ila chuan min fiam velah ka ngai ngei ang.. Uluk zetin a inthuam dan chu ka en leh a
“Nangmah inih tawh chuan.. I nghawng atanga I keler thlenin inkhuh vek la ka duh ”
“Chutiangte chu a tunlai awmlo e.. Matthew.. I conservative  viau tih kalo hrelo”
“Ka conservative lo”
“Anih chuan, kan inhnial reng dawn nge kan kal dawn?”
Thawk ka la vang vang a..
“Ka ban phak aia hla ah I kal chuan hrem ini ang”
Ka thusawi chu ngai pawimawh lovin a kal hmak a..
Lazarus Hotel kan thlen chuan anlo thleng nual tawh a. Mipa min hmutu apiang chuan ka Snowflake chu an ngaihven mah mah.. Ama thiamloh vek hi ani.. A kawngah chuan ka kuah nghet sauh a. Zanin hian ka lak atanga inch. 1 leka hla ah pawh min kalsan lovang..
Ri lovin thawk ka la ham ham a. Ka hmeichhe kawp thinten eng thawmhnaw pawh inbel se..an taksa langtam thei ang ber pawh ha se pawi kalo ti ngai lemlo kha ania.. Tunlai mipa, rilru zau tak pu ah ka inngai thin. Ka Snowflake hian min inngaihtuah let tir ani.. A landan chuan ka inngaih anga mi rilru zautak ka lo ni lo ani ngei ang.
Edeline-I te anlo thlen chuan an lamah kan kala VL-I nen chuan an titi nghal mawlh mawlh a..
“Matt..” min rawn kotu lam chu ka hawi a. Tunge maw lo sawm ve reng reng ni..?  “Party a min sawm avang hian kan lawm hle ania” Nunu-I leh a ngaihzawng kawp thar chu kan lam panin an rawn kal a.. Chupa in VL-I a endan chu ka duhlo.. Ka ner sak a..
 “Matt, I tha maw?” zawi sapin Nunu-I chuan min bia a, min hip tum ranin min melh bawk a. A mipa kawplai bula awm reng chunga min melhdan chu a tenawm ka ti. Hmeichhe lelo lutuk..!
Tuna ka han en ringawt pawh hian, engtin nge ka lo kawp theih zawkni tiin ka inngaihtuah hial.. Reilote chauh ka kawp kha ka lawm takzet.. Ka kawp leh duh tura a inngai anih chuan a ringsual khawp ang..
Music muang fan raih an rawn play a..
“Min lampui ta che” tiin Nunu-I chuan ka lam arawn pan a
“Ngaihdan tha tak anih chu” tiin ka nui a, min rawn nuihlet var a
 “Lam ang le.” VL-I chu ka en chhuk run a. “Lo kal rawh le.. Ka nupui hual hi lampui ka duh ania”
Nunu-I hamhaih hmel ka hmuh chuan ka nuichhuak hawk lo chauh ani.. Ka Snowflake chu ka lamah ka pawthnai nghal a..
“Enge itih dawn” tiin a chek tlak a. Midang lo lam ve hote chu kan zawm nghal a.. Ka rilru hmang ranin ka lamah ka pawthnai a, a taksa lum ham ham chu ka hre thei..
“Kan lam anih hi” ti a chhangin ka kuah nghet zual sauh a, min dinhlat deuh tumin a bei ve bawk a. A kawr hnung inthui lo lai ah chuan ka kut  ka zenlut a, a hnungzang mam thal chu ka chul hauh hauh a..
“Ka ban phak aia hla ah I kal miahlo ang ka tih che kha”
“I a anih hi..” tiin kan bula lam ve dang chu a melh kual zauh a “Midang sawi sep sep tura awm ka duhlo ania”
Duh taka enin ka nuih a.. “Ngaihdan thalo tak anih lem loh chu” zawi sapin ka hrilhru a “Anni ho hi sawi nuam antih tak tur thil I han hmuhtir teh ang”
Ka kun hniam a, min hnial theih hauhloh turin a hmui ah chuan ka fawp vang vang a..
He hmeichhia hi ka ta ani.. Mi zawng zawng hian ka ta chauh ani tih hi an hre tur ani. Tuman min chuh buai theilo ang..!! Ka hmangaih a, ka ngaihtuahna a luahkhat vek bawk.. A nungchang leh a awmdante hi ka atchilh lo chauh ani ber e.. Ka tana nula thianghlim ani bawk.. Nuam ka ti..!!
Ka fawhna chu titawpin a hmuhloh lamah music chu off tawh turin signal ka pe a, music chu an titawp nghal bawk a.
Ka kekawr ipte a ka ah khiau tawh zungbun bawm chu phawrhin a hma ah chuan ka keng a.. Kan bula awmte chuan min ngaihven in min rawn thlir thap tih ka hria.. Helai hmun a kal tura sawmkhawm an nih ang takin, an kalkhawm chhan chu tunah hian an hmu ang...!!!
Thil thleng chu a beisei loh lutuk ani tih hriat takin ka Snowflake chuan min en kal a. A mitmeng ah chuan mak tihna te, rin ngam chiah lohna, lawmna te..inpawlh nuaiin ka hmu
“Vanlalnghet..” a hmingpum a ka koh avang chuan mak tiin min melh kawk a.. Ka zam ani..!! Thawk ka la hawk a, a mit ah chuan chiang takin ka en a..
“Ka hmangaih che, ka nupui ni a min hmangaih let turin ka duh che ani..”
“Matthew..”
“Min nei duh angem” min hnial ang tih hlauin ka thin a phu dup dup a.. Hmeichhia zawng zawng zinga minti hlauthawng thei awmchhun leh hmangaihna awmzia ka hriat nachhan…ka hmeichhe hmangaih leh duh ngawih ngawih chu ani ngei hi ani..
Thawk ala halh a, a tawngchhuak tur chu hlauthawng ru takin ka ngaichang a.. Min nei duh ani tih lantir nan a bu nghat a…
“Ka hmangaih che” a tawng chu a zawi hle a, a sen tran tran in a nui sak a..
A nghawng hnunglam ah ka kut veilam a vuan in ka dinhnaih lehzual a, a chal si turin ka kunhniam a..
“Ka Snowflake..” tiin ka phun sap a..
Kan mi sawm lo kal khawmte chuan min lawmpui nan kut an beng dar dar a..
Ka vawnna thlahin zungbun chu ka phawrh a, ka Snowflake kut zungtang mawi takah chuan phelh leh tawh ngailo turin ka buntir ta.
A hmui ah ka fawp leh zauh a..

SNOWFLAKE – EPILOGUE
KUM 6 HNUAH
VL-I’S POV*
Matthew nen a kan fapa Eddie  ka muttir hnuah kitchen ah ka thilsiam ka chhunzawm a.. Kan fapa hian kum 2 a pum ve chiah.. Hmel leh mizia ah Apa ang chiah chiah ani.. A luhlul reuhin a thu a duh hle.. Tih lungawi dan erawh ka thiam viau..
“Anu..khawnge ka pheikhawk senno kha a awm” kan fanu kum 5 mi Suzanne chu a room atanga lo chhuakin min rawn au lauh lauh a..
“Eng ber kha maw?”
“Anuu, apa min lei thar kha.. Zanah Anu MK-I te inah kan kal dawn chuan ka bun duh ania..”
“Ka Lalfanu chuan engmaw a zawn?” tiin Matthew chu a rawn lut a
“Apa..” Suzanne chuan Matthew hna atanga a rawn haw apianga a tihdan pangngaiin alam panin a tlan a, Matthew chuan duat takin alo pawm vat a..
Matthew chu ka lam pana lo kalin min rawn fawp zauh a..
“Apa, ka pheikhawk senno min leisak kha ka hmu lo a, zanah Apuii Birthday ah ka bun duh ania”
“Aaa.. kan room ah han zawng chhin teh..”
Suzanne chu phur zetin kan room lamah chuan a tlanchho a.
“Ka nupui duhtak hi ka ngai khawp mai” tia min kuahin duhthawh zetin min fawp a..
“Suzi khan min hmu ange..”
“Room ah a chhoh daih kha.. Kan naute te hian ka nupui duhthawh taka fawhna hun pawh min neihtir hlei thei lo anih hi..” tiin min kuah nghet sauh sauh a..
“Nang hi chuh” tia nui in ka kuahlet a, ka pasal nen hian kan inkham thei lo chu ani e..
“Apaa..ka hmu miah lo ania” tiin Suzi chu arawn au lang lang a. Kan pahnih chuan room lamah kan chho a..
“Ka Lalfanu hian a room ah va zawng leh chhin sela, I pheikhawk senno chu I room ah khan ka hmu in ka hria”
Suzi chu a room lamah a tlan phei leh a..
Matthew chuan min rawn hnaih lehin a mitmeng chu ka hrethiam reng mai.. A kut pakhatin ka kawng ah min kuah a..
“Apa, ka hmu miah lo..” Suzi chu lungawi loh hmel taka nur nangin kan room ah chuan arawn lut a..
“Kha le..Khum hnuai ah khan alo awm reng alawm..” tiin Matthew chuan Suzi pheikhawk chu arawn lek chhuak a.. A awmna hresa rengin Suzi chu a zawn kual tir maw..?
“Ka awih thei lo che.. I fanu dawt I hrilh maw..?” awih lo zetin ka pasal chu ka en a..
Engmah sawi lova nui sukin min siai zauh a..
Ka pasal zunah hian ka uai nawn reng mai dawn anih hi..!!

THE END
Ka thuziah min hlut saka min chhiarsak tute… In zavai chungah ka lawm em em ee.. Luangliam ho dial dial mai ang u aw..haha
A changtunu nu leh pate thawnthu – ‘VALTE’ I chhiar thei ang.