ROUGH PATH (2015)

ROUGH PATH (2015)

By. Thantei_LauraSean
.
21st . April…
Pangpar zawng zawng a awmna tur diktak ah ka dah vek a, Candle chhit chiah a ngai ta.
.
Darthalang ah chuan ka inen nawn thuak thuak a, ka inchei dan pawh hmuh a anuam in a felfai thlap e..  Room atang chuan chhuakin  mawi taka ka candle remsa chu ka chhi diat diat a.
.
Ka chhi zo a, ka pasal a hnathawhna atanga alo haw hun nghakhlel takin sofa ah chuan ka thu a.. Ka thil buatsaih hi engmah ka hrilhlawk lo.
.
 Vawiin hi he khawvel a ka neihchhun ka hmangaih em em ka pasal Lalhruaitluanga (Hruaia)  birthday ani. Thla hnih aral leh hunah kan inneih cham kum 2 na kan lawm thei tawh ang.. Ka pasal hian a duhthusam thin ang in hmun hrang hrang ah restaurant lian leh changkang tak tak a nei thluah a, an chhungkaw dinhmun pangngai sa ni mahse, hetiang taka hlawhtling tura a beih nasat zia leh a tumruh zia hi chu tupawn an hria in ka ring. Uhruaia chhungte duh ang in kan inneih cham kum 1 na ah kan indang a.. Nupa chauh a awm chu nuam tak ani.. In hrethiam phalo zawk ang.. Midang mitmei ven ngailo in duhtawkin kan induat thei tlat a..!!
.
Ka pasal hi hna a abuai em em chung pawh hian ka tan erawh hun a insiam hram thin.. Kar liamta chhung erawh kha chu a buai zual em a, a awmdan pawh a danglam deuh chuan ka hria. Mahse ka hrethiam.. Hnathawh atchilh chi ani tlat a.. Min hmangaih ani tih ka hriatna hi ka tan chuan a tawk em em ani..                                                                
.
Keihi Ngurthansangi ka ni a, Ma-nu tiin min ko daih thung.Kum 5 mi lek ka nih laiin ka nu leh pate’n misual kut tuarin min boralsan a, chhungkaw hlim leh khawsak nuam tak ni thin kha thawklehkhat ah ka khawvel a danglam ta vek ani. Ka pa farnu neihchhun, ka Ni Sangi enkawlna hnuaiah ka thanglian a, ka Ni hian hmangaih takin nunkawng min kawhhmuh thin.. Mahse thisen zawmpui ka neihchhun, ka nu leh pa ni kawp thin Ni Sangi chuan pasal ka neih atanga thla 5 lek ah min boralsan leh ta a, he khawvel zau tak ah hian ka neihchhun chu ka pasal chauh hi ani ta ani..
.
Ka nu chhungte lam tumah hriat ka neilo.. Ni Sangi min hrilhdan chuan ka nu leh pa te an inneih rual khan ka nu chu a chhungten an tuithlar a, ka nu leh pa an boral pawhin an rawn lan miahloh thu rilru na takin min hrilh thin.. Chutiang tehnuai anih avang chuan keipawhin ka nu chhungte zawnchhuah ka tum ngailo..
.
Lehkha thiamthei tak kani thin a, kan dinhmun in a zir takloh avangin College kal tluan lovin  puanthui te ka zir a,  ka theih ang ang in ei ka zawng ve ta ani. Primary school ka kallai atang tawh a ka thian kawm ve ber  Ruatfeli tihloh chu thiantha tia han sawi tur ka neilo.. Ruatfeli hi a unaupa Rampuia leh a nu leh pate nen an cheng ho a, chhungkaw awhawm tak anni..
.
Uhruaia nen kan inneih hnu hian a duh ang in engmah kati zawm ta lova, nihna ka neih zawng chu Uhruaia nupui ka nihna hi ani mai e. Fa kan neih hunah ka pasal leh fate tan a theihtawp chhuah a ka nun hman tluka duh ka nei chuanglo.. Kum 2 dawn inneih tawh hnuah pawh nau ka la pailo hi chu engemaw chang chuan hreawm ka ti thin. Kan inentir fova kan pahnihin thatlohna kan neilo ve ve a, ‘a hunah chuan kan la pai ve mai ang, hreawm tihna tur a awmlo’ tiin Uhruaia hian min hnem fo thin..
.
Door bell a ri tat tat a.. Uhruaia ani tawh ngei ang..
.
Ka thutna atang chuan thoin ka pasal duhtak leh ka hmangaih em em kawngkhar hawnsak turin phur zetin ka kal nghal a…
.
Chauh hmel taka lo ding ka pasal chu inchhung ah ka kailut a, inchhung ka chei danglam leh candle chhit te chu a enkual thuak a, mak ti vak hmel pawhin a awmlo.. Amah chu kuahin a awmah ka hmai ka phum vang vang a..
.
“Happy Birthday.. Darling..”
.
Ka kuahna chu phelhin min en vung vung a, ka chal ah min fawp zauh in a inla hrang lehnghal a..
.
“Vawiin chu ka chau khawp mai..” ka pasal awmdan danglam leh inla hrang ta deuh tlat chu ka en vang vang a
.
“Lo inbualfai la, I inbual chhungin eitur kalo buatsaih ang” tiin a biangah ka fawp zauh a..
.
Engmah sawi lovin room ah a chho a, keipawh kitchen lamah ka eitur siamte  chhawpchhuak turin ka lut nghal a..
.
A hnathawhna lamah a chau ta tak tak ani ngei ang. A taksa dim a, hah lutuk a hna thawklo turin ka hrilh ve fova, hnathawh tih anih tawh chuan chintawk anei tlat thinlo ani. Hmanni deuh khan Chennai ah Restaurant an hawngthar leh dawn tih min hrilh tak kha.. Thil kaltluang lovin a mood a fuh chiahlo anih ka ring..
.
A inbual zo room atanga arawn chhuk chu ka lo en reng a. Hetiang taka mipa tha leh hleitling ka pasal ani hi ka vannei takzet ani. Awmhmun kekawr pangngai leh T-Shirt dum a ha a, a sam ala hnawng chap bawk a.. Kum 60 a tlin hunah pawh pasal sexy tak ala ni reng tho ang..!! Ka ngaihtuahna avang chuan nui sakin a lam ka pan a..
.
“Maimitchhing rawh le..” min melh rulh a, a mit a chhing ve mai a..
.
“Meng rawh ka tih hma chu I meng theilo ania” tiin dawhkan lamah chuan ka kai phei a, chair ah ka thut tir nghal bawk a..
.
“Enge I tih dawn a?”
.
“I la meng theilo ania” ka eitur siam ka rem sa chu ka hawng diat diat a.. A bulah kalin a hmuiah ka fawp zauh a, a nui suk a.. Hmm..mood fuh a hun tawh reng ani..!!
.
“I meng thei e”
.
Muangchang a mengin dawhkan a thilawm chu a enkual a.. Ka inrin hmain ka kawngah min rawn kuah a, alama min pawt hnaiin a malchungah min thut tir a..
.
“Ka lawm e..”
.
A nghawng ah ka ban pahnihin ka kuah let a..
.
“Lawmthu sawi angai hleinem.. Ka pasal neihchhun..ka hmangaih em em inia..hei aia nasa pawh ka ti thei alawm” tiin ka nuih a..
.
Harhchhuak thut niawm tak hian a malchung atang chuan min chhuktir a..
.
“Kan ei thei tawh em?” tiin min en a..
.
“Birthday song kan sa phawt ang chu” phur zetin ka nuih a…

.
Ka eitur siamte kan ei chhung pawh chuan nidang angin min be tam lova, min chhang lo theilo a ka siam chauhin min chhang a. Tam pawh a la ei hmain a tho thut a, a puar tawh thu sawiin room ah a lut nghal a..
.
Ka pasal awmdan hi ka hrethiam lo. Hetianga a awm chuan thildang tihtur ka ruahman lawk pawh hi ka tihloh mai a ngai ang..
.
Kan chaw eina ka tifel a, candle chhit ho pawh chu ka sengfel vek hnuah muangchangin kan room ah chuan ka lut a.. Uhruaia chu khumah thuin Laptop ah thil engemaw a type mawlh mawlh a, phone a hmang pah bawk a.
.
Bathroom ah lutin ka inphih fai a, mu turin ka insiam a.. Khumah chuan lukham nghengin ka thu a, Uhruaia phone hmanzawh hun chu ka lo nghak a.
.
Enge maw inzawh fiah ngai a awm tlat ani. Tunang hian ka pasal hi ka lak atangin a inla hrang ngailo.. Pasal tha tak leh min hmangaih ngawih ngawih tu ani.. Thil diklo engemaw a awm ani ngei ang..!!??
.
“Darling, thil diklo a awm in ka hria.. I awmdan hi kar hmasa atang khan a dik tawhlo ania”
.
“Ka buai em ani..”
.
“A nih chuan I buaina chu ka hriat ve chi ani em? Ka pui thei che..”
.
“Min puih theihna chi ani lo.. Muhil rawh..” min chhandan chuan ka rilru a tina.
.
“Ka puih theihloh che pawhin sawichhuak la, I hahdam huai maithei a..”
.
“Muhil  rawh..”
.
“Darling..”
.
“Min biak buai reng chuan hna ka thawk theilo ania”
.
Engmah sawi tawh lovin puan ka sin tha a, ngaihdan nilo deuhin ka inlet thak a, ka inkhuh nghal bawk a..
 
.
Hun a liam bek bek a, Uhruaia awmdan erawh a danglam nasa tial tial ni maiin ka hria. Kan nupa inkar boruak mak tak siamtha tur chuan ka hlim lui hram hram a, awmzia a nei tlem khawp mai. Hmeichhe dang kawp a neih leh neih loh hre turin ka theihtawp in ka bei ve a, engmah han rinhlelh tur ka hmulo.
.
Tunah chuan buai chung chung a ka tana hun insiam hram hram thin khan hunawl a nei thei talo. Office atangin zanrei ah arawn haw a, amah nghaklo turin min hrilh ziah bawk, zingah engmah sawipui hman lohvin a chhuak leh thin bawk.
.
Zanin chu eng anga tlaiah pawh rawn haw se ka titi pui tawh ngei angai ani.. Alo haw hun nghakin kan nupa khumah ka mu meng reng a. Mutthilh pawh tum eng ang mah ila, ka muhil thei ngai chuanglo..
.
Zan dar 10 a pel tawh tih ah inhnuai lama inbe thawm ka hria a, zanin chu amah chauhin arawn hawlo.. A mak ka ti.. Tun ang zanrei ah tu hmeichhia in nge rawn zui haw ang?? Rindan leh han rinchhin tur pawh ka hrelo..
.
Room atang chuan ka chhuak a, an thusawi thawm ka hriat avang chuan pawh ngam lovin ka ding ta reng a..
.
“Eng thildang nge ila nghah chuan ang, hetiang hmeichhia hian kan chhungkaw zahawmna a tichhe vek dawn asin” Cindy (Uhruaia farnu) thusawi awmzia chu enge ka hrelo..! Tu chungchang nge asawi ang..?
.
“Ka hrethiam rih lo..haw phawt rawh”
.
Room ah chuan lut lehin ka mu a, mi thusawi lo ngaihthlak ruk kha ka duhzawng ani bik lo.. Ka tum reng vanga ngaithla ka nilo bawk. Eng chungchang pawh sawi se, ka hriat ve tur thil anih chuan Uhruaia’n min hrilh mai turah ka ngai.
.
Minute 10 vel hnuah Uhruaia chu room ah arawn lut a, muhil tawh angin ka awm lui tlat a..
.
“I la muhil lo tih ka hria ania, sawidun tur kan nei..”
.
Uhruaia thusawi avang chuan ka thuchhuak a.. Nia, zanin hian keipawhin thil hriatchian duh leh sawiduh tam tak ka nei ve tho ani. A thawmhnaw pawh thlak lovin ka mutna bulah chuan arawn thu a, a hmel chu a chauh hmel takzet..
.
“Inthen ka duh ani..” teh tawl a.. He thil hi chu ka beisei loh ber thil ani.. Mahse Uhruaia hmel ah chuan fiamthu hmel alang lo.
.
“Engvangin? Engvangin nge kan inthen ang? Kan inhmangaih a..”
.
“Then che ka duh ani”
.
“Ka duh velo” tiin a kut ka vuan a, min ten hmel takin a kut chu a lasawn vat a..  “Kar thum chhung chu I awmdan a danglam a, enge a chhan tih hriat tumin ka chik che a.. Mahse, thenna chhan tur che ka hmulo.. Uhruai, ka hmangaih che tih I hriat kha..”
.
“Ka danglam tawh, then che ka duh. Chu chu ka thutlukna ani” tiin a tho a. Thinrim hmel a pu hauhlo, tawngkam dam thlapin a sawi a, ka hlauthawng takzet ani.
.
“Keichuan ka then chuanglo ang che. Ka thutiam kha ka vawng tlat dawn” tiin bathroom lam pana a kal chu ka au zui a.. Min ngaithla awm pawhin a awmlo..
.
Bathroom atanga arawn chhuah leh chuan biak hman miahloh in puansin tur ala a, room atang chuan a chhuak nghal a.
.
Ka tah a chhuak a, mahse tah chhan tur ber pawh ka hre chuanglo. Ka bula mu duhlo khawpin ka pasal rilru hi a danglam anih chuan thil thalo tak ani ngei ang.. Ka muhil lo..tum pawh ni ila ka muhil thei chuanglo ang.
.
Karthum chhung kha ka pasal hian min khawih tawh miahlo. A Birthday zana min kuah tihloh kha chu.. Min kuahna leh min khawihna te ka thlahlel a, a awm a bei chunga thlamuang taka mutthilh ka chak asin. Ka pasal ani a, ka pasal mamawh leh thlakhlelh hi thilsual ani lo tih ka hria.. Uhruaia ka tawn atanga a vawikhat nan mal ngawih ngawih a inhriatna in ka khat a, ka rilru hahna leh ka lungngaihna te bunchhuahna tur leh min ngaithla tu tur ka mamawh ani..
.
Ka nu leh pa leh ka ni (aunt) te ka va ngai em..!! Ka thiantha neih ve chhun Ruatfeli ka biak angai. Thiltih dantur engemaw tal min kawh hmuh tur a hriat ka ring...
.
Ni aral a, ka pasal chu min hre ngai miahlo angin a awm a, ka biak pawhin a rul tawk chiahin min chhang. Ka tuar thei tawhlo.. Ruatfeli pawhin min pui thei chuanglo.. Keiman ka zawt chhuak ang.. Ka pasal in min then a duh chhan hi keimah ngei hian ka zawt chhuak ang.. Siamthat theih anih ngei ka ring. Keichuan engti zawng mahin ka pasal hi then ka tumlo.. Ka tum ngailo reng reng ang..
.
Zan hnih chu arawn haw leh ta lo phawt.. Mu theilo in sitting room ah ka thu tlaivar thak thak a, ka trap tur anilo tiin ka in sehruh ve trang trang a, mahse ka trap tho..!
.
In a ka tawm ngar ngar chuan ka a thei mai dawnin ka hria.. Ka nu leh pa te (Uhruaia nu leh pa te) hnenah kan buaina hi ka hrilh phawt dawn ani..
.
Chhun lamah ka nu hmu turin a dawr nghahna lamah ka kal a, ka rilru hahna te ka hrilh a, ka thawl huai mai. Ka nu chuan lo titi pui a tum tur thu leh inthen a remtih ngailoh thu te in min hnem a, tlai lamah inpui lama chawei turin min chah bawk a. Uhruaia chu inpui lamah chaw kan ei dawn tih message in ka hrilh a, phone call pick up thei heklo le..
.
Tlai lamah chuan Uhruaia te inpui ah chawei tur chuan kan kal ta a, chaw eikham a kan thutkhawm chuan ka nu chuan kan buaina ka lo hrilh tawh chu a sawichhuak ta ngei a, ka pa erawh chu inngaihtuah muk hmel takin a awm a, engmah a sawilo.. Cindy pawh chuti bawk. Ka nu chuan ka thlavang hauh in Uhruaia chu a zilh mawlh mawlh a, ani chu a ngawi tlat.. Keipawhin insiamthatna tur ka neih chuan min hrilh turin kati ve bawk a..
.
Chumi zan a kan haw hnu pawh chuan Uhruaia awmdan a danglam chuanglo.. Ka zahtheihlohna zawng zawng sawmkhawm in ka bei a, ka pasal ka thlakhlelhna chu ka tilang ani.. Enge ka hlawhchhuah I hre duh em?
.
“Ka nupui ni turin ka duh tawhlo che.. Min khawih tum lo la, tha taka ka sawilai hian min then mai rawh” tih hi..!!!
.
Hmangaih leh zaidawh taka min kuah thintu ka pasal hi a danglam tawh.. Engtin nge ka awm tak ang..? Ka tlawm ngawih ngawih.. Ka tihtur pawh a kalo rinchhin ngailoh  khawp a tlawmin ka pasal lakah hian ka inphah hniam ve bawk e..
.
Kan room ah pawh awm theilo in sofa ah ka thu tlaivar a.. Ka trap zankhua zak..
.
Khua alo var a, ngawireng bawkin min chhuahsan a.. Ka chunga a lungawiloh chhan tal hriat hi chu ka phu ve ani.. Chhun lamah intiharh turin ka chhuak a, tlai dar 4:00 vela in a ka haw chuan inchung lamah thawm ka hria a..
.
Makti takin inchung lamah chuan ka chho a, ka thilhmuh chu ka damchhung hian vawikhatmah hmuh leh tawhloh ka duh.. Ka pasal chuan hmeichhe dang kuahin a fawp a, kan nupa khum ngeiah lehnghal..!! min hmuh hnuah leh ka hmureng ani tih an hriathnu ah pawh an thiltih chu an tawpsan chuanglo.. An thawm an dim miahlo lehnghal..!!
.
Hetiang thil rapthlak lutuk hi a thleng thei dawn em ni??? I ti maw… A thleng thei chu anih hi.. A rapthlak ka ti lutuk..
.
Inhnuai ah muangchang in ka chhuk a, chair lo awm hmasa ber ah chuan ka thuhnawk a.. Tlanchhuak tur pawhin chakna thahrui ka neilo… Ka kehchhe ta vek ani.. Ka thinlung neih ve chhun hi a kehsawm vek..!!
.
Engemaw chen hnuah inchung atang chuan an rawn inkuah chhuak a, a hmeichhia ka hmuh chuan mak ka ti zual.. Lalthangmawii..kan chhungkaw thian tha ani’ tia min hrilh thin ngei mai kha ani tlat.. Thangmawii chu engmah sawi lovin in atang chuan a chhuak a, Uhruaia chuan ka mitmei veng miahlo in a va thlah thlap..
.
A rawn luh leh chuan a hmel chu chiang takin ka en a, inthiam chiahlo hmel a pu ve in ka hria.. A awmdan chu a ti danglam vat a..
.
“Awle, ka tlawm ta e.. Min then ang che. Mahse hetiang thil zawng zawng ka chunga I tihchhan hi hriat ve ka phu” enge maw ka hriat le..?? Min thenchhan diktak hi hriat ka duh tak tak chiah em..? Zawhbuai kher pawh ngai lovin, kan in ah.. nilo..ka pasal in ah hian ka awmlai ngeiin hmeichhe dangin ka pindan a luah ania.. Engtin nge ka pasal be tur hian theihna ka la neih zawk pawh ka inhrelo e..
.
“Ka hmangaih tawhlo che”
.
Ka kun tlawk tlawk a, ka kut chu nghet takin ka suih a. A hma ah hian thinlung kehchhia in ka trap lovang.. “Chu chauh chu em ni?” Min chhanglo..
.
Ka thutna atang chuan thovin a hma ah ka ding a, a kawr hma ah chuan ka tham a… “Chu chauh chu em ni? Kan inneih thutiam zawng zawng te kha I theihnghilh ta vek amaw? Ka hmangaih che asin” ka awki pawh a sang... Ka in upbet thei tawhlo..
.
“Min khawih suh.. Tha taka sawi kha I duhtawklo ani maw?”
.
“Avaiin ka hre duh”
.
“Ka hmangaih tawhlo che.. I nundan phung hi ka kham.. Ka thiante zinga min tizak tu ini bawk.. I nundan hniam tak leh I mize hniam tak te.. Nangmah avanga ka thiante leh mite min nuihzatna hi ka tuar peih tawhlo.. Sum duh lutuk leh..”
.
“Ka hmangaih em vang che in ka nei che tih I hriat kha” a trawngkam tinte chuan ka thinlung a vit a, ka keh darh vek ni maiin ka inhria.. Nilo.. a kut ngei hian min pawtsawm vek ani.. Thih ka duh hial mai.. a tana zahna thlentu maw ka nih a..?
.
“Ka tan chuan engmah ini tawhlo.. Ka dinhmun ang milpui leh lehkhathiam ka mamawh.. Nang anga mimawl nilo hian”
.
A ri thlawrh a.. Mak tiin ka meng kawk a.. Ka khur hlawk hlawk bawk.. Kei hian ka pasal hmaiah ka beng ani… Ka thinlung nat zia leh ka kehsawm chian zia chu thu hian a sawifiah thei lovang.
.
Min hmangaih tawhlo..!
.
Nunphung hniam..!
Pasal zahna thlentu..!
Keimah vanga thiante nuihzatna tuar..!
         Lehkhathiamlo niin min lo ngai a maw??!
.
Ka nihna ani a, min hrilh ngailo hian ka hrechiang ve bawk e.. Min hmangaih ani tih min hrilh a, duat taka min kuahlai kha chuan..khitiang thil.. ka tlinlohna zawng zawng te khi kalo theihnghilh ve hman asin..!! Ana ka ti lutuk..
.
“A chiang ta e.. Kan inthen ang.. Ka nundan hniam tak avang leh ka mawlna te avang hian zahna i tuar leh tawhlo ang.. Kan inthen avang hian keichu ka inchhir dawnlo.. Heihi kan tawpna ani e. Inchhir miah suh ang che.. Mangtha.” Ahma a trap lovin ka sawi zo thei hram.. Ka inher a, room lamah chuan ka chho chhat chhat a..
.
Insum taka insut ri hlawp hlawp chu keimah ka ni tih pawh ka inhre mailo.. Room ah chuan ka lut a, ka enkual ruai ruai a.. Khum chu ka en a, ka luak arawn chhuak ut ut.. Bathroom ah ka tlanlut a, ka luak bawrh bawrh a..
.
Bathroom atang chuan chhuakin ka bag ka la a.. He in atang hian engmah chhuahpui tur ka neilo..!! Saruak em a chhuah chu a diklo anga, ka thuamhnaw zawng zawng hi Uhruaia min leisak vek ani.. He in atang hian chhuak ila tunge pan tur ka neih..? Chhungkua ka neilo a.. Engmah neih ka neilo.. Khawvel zau tak ah hian keimah chauh in ka awm ani.. Keimah chauhin.. Ka neihchhun leh ka khawvel ni thin ka pasal pawhin min hnawl ta.. Eng thil nge ka tihsual a, hetiang hremna hial tuar tur hian tu pawi nge ka sawi..?
.
Ka bag chu dah lehin kut ruak tak meuh meuh in room atang chuan ka chhuk a.. Uhruaia chu sitting room ah a thu a, kan inneih zungbun chu phelhin a hma a dawhkan ah chuan ka dah a. Min en miahlo bawk..
.
Ka inneih thutiam zawng zawng te kha a theihnghilh vek tawh em ni..? ‘Tuman an tihnat che ka phal ngailo ang.. Ka hmangaihna che hi nitin a thar zel dawn ani.. Ka hmangaih che..’ tiin min hrilh thin anih kha..!!
.
“Heihi la rawh” tiin pawisa tam tham tak arawn phawrh a, ka awih theilo.. Ka zahawmna zawng zawng paihthla vekin ka tlawm tawh a, mi pangngaiin an tihduh miahloh tur khawpin min then a duh thu min hrilh hnuah pawh he in ah hian ka la awmlui a.. Kan nupa khum ngei ka hmuhlai ngeiin tih bawlhhlawh ani bawk.. Tawngkam a aia na leh tur awm tawh chuanglo khawp a nain min tawngkhum a.. Tunah hian kutdawh ang maiin pawisa min pek a tum leh a..!!  A lakah hian engang khawp a hniam nge ka nih ang tih ka ngaihtuah phaklo..
.
“Riltram in thi dawn pawh ni ila, I pawisa hi ka la lovang”
.
“Heihi I duhber ani lawm ni? Tunge I pan chuan ang??” min ngaihtuah ve niawm takin..!
.
“Chutiang min zawt leh tur si chuan ngati nge hetiang thil hi ka chungah I tih.. Min ngaihtuah ve niawm takin..” arawn ding hluai a
.
“Min ring mai rawh.. Ka ngaihtuah lo che” a ti hmuk a inchung lamah min chhohsan nghal bawk a.
.
Engmah sawi tawh lovin ka in neihchhun leh ka khawvel nuam tak ni thin hremhmun a chang ta chu ka chhuahsan a, thawmdim takin kawngkhar chu ka khar riai riai a.. Min ko let tur leh min chelh tura minlo um ka la ring ta fan anih chu.. Eng mihring nge maw ka nih le..!!??
.
Ka thinlung a hit vek a.. Khawilam nge ka pan tak ang..? Ka nu leh pa leh ka nite thlan lam panin muangchangin ka kal a.. Thih ve ka duh.. Hetiang a rilru kehchhia a dam ai chuan thi daih ila anuam zawk ang..!!
.
Khua a thim tawh a, hundang ang chu nise thlanmual ah hian ka awm miahlo ang.. Khawthim hnuai ah hian thlanmual ah ka la kal ngailo.. Ka tap a.. Ka tap zo theilo.. “In hnenah ka lo kal ve duh.. Hetah hian ka awm duh tawhlo.. Ka nu, ka pa….ka ni” naupangchhia ang maiin ka trap hlawp hlawp a.. Ka hrawk a ro zo a, ka taksa pawh a chau zo ta…
.
“Ma-nu.. Ma-nu..harh teh”
.
Ka khum ah chuan ka thuchhuak hlawl a.. Ka la inhnit hlawp hlawp a.. Ruatfeli chuan min kuah vat a.. Zanin taka min riahpui hlauh chu ka lawm takzet..
.
Engtik ah nge he ka mangchhia hian min kiansan dawn le..?? Kum 3 a ral dawn tawh hnuah pawh, a taka a thlen ang diak diak khan ka mumang ah minla chenchilh ani.. Mangchhia mai anilo.. Ka hriatrengna hi a hunlai a mi ang chiah chiah khan rawn let leh in ka hmu nawn leh thin ani zawk..!!
.
Engtik ah nge hmalam panin ka ke ka pen ve theih ang..? Ka thiantha ber Ruatfeli te chhungkua hi awmlo phei se, he khawvel ah hian ka awm tawh kher lovang..
.
Khami ni…ka pasal hnen atanga ka chhuah hnu a thlanmual a ka awm lai khan, ka thintha ber Ruatfeli leh a unaupa Rampuia te hian nikhawhrelo a ka awm chu an in ah min hruai lut a, tun thleng hian an unau pianpui ang mai a min enin, ka mamawh hun apiang ah ka tan an awm thin..
.
  Ruatfeli min hrilh leh dan in, khami ni khan min biak atum nasa a, Uhruaia in (ka in ani ve tawhlo!) ah va kalin min hmuh atum a, Uhruaia chuan in atanga ka chhuah tawh thu alo hrilh a, min zawn chiam hnuah thlanmual ah khan min rawn hmu ta ani.. Ka thiantha ber hnen ah hian engkim..kan nupa inkar ka hrilh vek a, min tahpui in min hnem bawk a, ka beidawnna thuk tak leh inthuahthip ur vanga ka nunna lak tuma ka beih thinna pawh amah vang hian ka bansan ta ani..!
.
Kum 3 dawn a ral tak hnu hian engtiklai pawh a ka trap reng thin kha ka bansan ve ta a, ka mangchhia erawh ka duh vang ringawt in ka kalsan theilo anih hi..
.
Ruatfeli te in a awm reng chu duh bik lovin, Uhruaia nen kan inthen atanga kum 1 leh a chanve a ral hnuah an remti lo chungin in hrang luahin ka khawsa ve a, an in atanga hla lo te ah in ka luah a. Ka thiannu hi designer hriat hlawh ve pawl tak ani bawk a, keiin puanthui ka thiam bawk a, kan sumdawng dun ta ani ber e. Nasa takin ka thiamna pawhin hma a sawn a, tunah chuan mahni in bul ka tran ve thei ta.. Ka kutchhuak a zahpuiawm loh bawk a, customer hlun tam tak ka nei ve tawh..
.
Vanneihthlak takin Uhruaia nen kan inhmu ngailo.. Khawpui chhungah hian ka awm ve tihpawh a hre kherlo ang.. Min ngaihven tawhlo bawk in ka ring.. A duh ang taka changkang leh tunlai mi kawpin a khawvel anuam khawp ang chu..
.
“Vawiin chu dawr kharin chawlh I hmang teh ang” tiin Ruatfeli chu coffee no chawi chungin ka khumah arawn thu a.. Ka thiannu hi ka tan chuan a va hlu em..
.
“Vawiin chauh lo pawh” tiin ka lo chhang vat a..
.
“Lunglei a kan chhungte innei tur kha tunkar tawp hi ania, kan chhungkua in kan kal vek angai ania..”
.
“Tehreng mai.. Inneih na a ka kalloh chin pawh ka hre tawhlo”
.
“Anih chuan vawiin chu kan in lamah phei phawt ila”
.
Nilengin Ruatfeli te in ah kan awm a, movie kan en nileng thak.. A changin kan movie en lai chu kan mutthilh san bawk a.. Hetianga chawlh hi kan nei khat em bawk ani..
.
Kartawp ah chuan Lunglei lamah inneih na hmang turin kan zin phei ta.. Khua a vawt vur tawh a, boruak anuam khawp mai.
.
“Heihi ka thianpa Nunmawia anih hi” Rampuia chuan a thianpa chu min inhmelhriattir a.. Lunglei tlangval ho chu an chhelo tehmai ania’ tia ka thiantha ber, Ruatfeli’n min hrilh kha a dik anih dawn hi…!! Ka thil ngaihtuah chu ka zak zawk e a.. Nunmawia chu chibai turin ka kut ka pharchhuak a, min hmer vang vang.. A trul aia rei mahin..!!
.
Kan titi ho a, an sawidan hmang chuan Nunmawia chu kan vawikhat inhmuhna anilo ani awm e.. Mahse keichuan tunhmain ka la hmuh awm ka hrelo.. Ruatfeli te in a ka la khawsak lai kha ani awm e.. Hmeichhe bula awmdan tawk a thiam..a pa ru riau bawk.. Aa..ka rilru hi a diklo tlat..
.
Inneih ni alo thleng a, kan nalh hlawm hle.. Nia, ka insawitel ve mai.. Duhtawk a inchei hi chuan keimah chauh nilo min hmu tute awmdan atangin a hriat ve theih alawm... Ka inchei vak khat em mai pawh a..!!
.
“Monu te chhung an nih saw, Aizawl atanga lo kal tho anni in ka hria.. A chhiatloh zia saw..” kan bula hmeichhe ho in phun ser ser paha an melh lam ka en chuan ka thaw a tawp chawt.. Helai hmunah hian hmuh ka inringlo..
.
Kum 3 dawn kan inhmuhloh chhung khan a taksa landan leh a hmel landan a lo danglam ve ta deuh.. A taksa chu ahma aiin a lian deuh a, a hmel erawh a lang nelawm hranlo.. Ka pasal..ah..pasal hlui zawk mawle.. duh taka kalo pawm thin ania, a taksa danglam dan zawng zawng pawh ka hmuh ringawt hian ka hrechiang em em ani... Phat rual lohin ka lungphu pawh a danglam nghal bawk.. A huhang na zet hian min tidanglam lo theilo.. Inven theihna chi pawh anilo..
.
Ka awmdan danglam thut chu rawn hrethiamin Ruatfeli chu ka bulah arawn ding vat a..
.
“Hlauthawng miah suh.. I chaktawk ania” tiin ka bengbul ah arawn phun sap a..
.
Ruatfeli thusawi chu thudik nise ka ti takzet.. Tun huna hmachhawn tur hian ka chaktawk em ka inhre lo ani.. Kan lam panin anla rawn kal ta lehnghal.. A mah chauh anilo, a farnu Cindy leh ka nu leh pa te(?) bakah Thangmawii pawhin a ban ah a kuah hnapp alawm.. Ni eng in a chhun zawng a tle ralh chuan ka mit ala..
.
 Thangmawii kut ah chuan kan inneih zungbun ngei kha ka hmu…. Engtin nge kan inneih zungbun ngei kha Thangmawii sawn a bun theih.. He thil hi ka awih theilo.. Ka tha a rawn zawi vek a, ka ding ngil tha theilo..
.
Nunmawia chu kan bulah arawn ding a, ka awmdan chu hrethiam niawm takin ka dinngheh theih nan ka kawng ah min kuah a..
.
“Kan inhmulo rei ta hle mai” a tawng chu a zawi hle a, khatiang thil zawng zawng a thlen hnuah pawh khan min hip dan leh ka thinlung a nghawng a neih nasat zia hi ala ngai reng ani..
.
“In dam tlang maw?” ka aw chu a chhuak tha theilo..
.
“I zalen ta bawk a, I haihchham lo hle mai” min kal pel pahin Cindy chuan min nek salh a..
.
Nunmawia chuan ka kawnga min kuahna chu a tinghet sauh a.. Nunmawia chungah hian lawmthu ka sawi ngei ang.. Ani hi awm lose ka tlu mualpho dawn chiang lutuk...
.
“Chibai u, Nunmawia ka nia..”
.
“Hruaia ka ni e, heihi ka nupui hual Amawii” Engtik laiin nge Thangmawii chu Amawii ti a alo kaisan… Tenawm lutuk.. Hetia an inkawp duh vanga min petchhuak kha ani reng alawm…
.
“Kal na tur kan nei a, anih phawt u” tiin Nunmawia chuan min kalsawn pui a, ka nu leh pa te chu ka melh hram a, an mitmeng a min huatna chu tuar har ka ti.. Eng thil nge maw ka tihsual a, min be thei miahlo khawp a min huat hlawm le..??
.
Trapchhuak lo turin ka insum hram hram, ka thinlung hliam a dam ve tran dawn chauh a, tunah arawn nung thar leh ta anih hi..
.
Zan lamah chuan thildang ti lovin ka awm mai mai a.. Nunmawia pawhin min ngaihtuahin min rawn biak a tum a, mahse ka be thei rihlo.. Inchhung a awm hian ka thinlung a tawt zual niin ka hria.. Ruatfeli ka sawm a, kan pahnih chauhin motor kan lachhuak a, khawilam nge pan tur tih pawh sawi chuanglo in kan tlanchhuak vang vang a.
.
Khaw pawn kan thlen chuan motor atangin ka chhuak a, rawl chhuah meuhin ka trap ta hawm hawm a.. Ruatfeli chu lo chhuak ve in ka bulah a ding a.. A mittui a tla ve tih ka hria.. Ka thintha ber hian ka tan a mittui a seng hnem ta mah mah ani…
.
“Khanu khan kan inneih zungbun kha abun asin.. Kan inneih zungbun kha.. Engtin nge he thil hi ka tuarchhuah theih ang.. Engtin nge ka tuarchhuah theih ang..” ka thinlunga natna ka pai zawng zawng te chu paihchhuah tumin ka trap hawk hawk a..
.
Darkar hnih vel kan awm hnu chuan kan haw leh a, kan thlenna in a kan luh chuan Uhruaia leh Thangmawii te an lo awm ta lehnghal..!! Hemite hian min umzui ve hrim hrim emaw ni le??
.
Engmah sawi lovin kan mutna room ah kan lut nghal a.. Chhun lama kan inhmuh leh tuna kan inhmuh pawh khan Uhruaia khan ka lak atangin a mit ala sawnlo reng reng.. A mitmeng atang khan a rilru tur awmang ka hrelo.. Hriat pawh ka duhlo..!!
.
Ka hua ani.. Nasa takin.. Ka lamhawi a min en ngam tur pawh ani hleinem..!! Tenawm lutuk..
.
.
HRUAIA’S POV* (Point Of View*)    
.
Ka nun atanga a kalbo atang khan kum 3 dawn aliam tawh.. Helai hmun a hmuh hi ka in beisei lo.. He mihring hian ka hlimna zawng zawng min laksak in ka nun a tichhe vek ani.. A lemchan dan tenawm tak a vang khan ka ten hluah hluah.. Ka thinlung hi a luahrei ta mah mah e..!
.
A awmdan ka hriatchhuah atang leh a chetsualpui pa ngei ka hmuh hnuah kha chuan rinhlelh rual lohin min uire san ngei ani tih ka pawm lo thei talo a.. Kei, mipa puitling, mipa tak tak inti ve thin hi amah avang khan ka trap asin..
.
Min phatsan avanga rilru na leh kehchhia in ka awm a, a thiltih sual pawm a, ka ngaihdamna min dil ahnekin engmah hrelo leh pawisawilo ang maiin lem a chang kual a, ka hmangaih awmchhun ni mahse ka then lo thei ta lo ani..
.
Kan inneih cham kum 2 na athlen hma ka Birthday ah khan ahma atanga Cindy minlo hrilhruk tawh chu ka fiah a, kha mipa tenawm lutuk khan a mitmeng a min nuihzatna thup hauh lovin ka nupui a mutpui thu min hrilh a… ‘A zei khawp mai’ tiin hnehsawh takin min nuih a.. Ka insum zolo in ka hnek ta bur a, ka that nghal lo kha a vannei takzet.. A  huntak ah ka farnu kha rawn lang hlauh lo sela chu khapa kha he khawvel ah hian a awm tawh lovang..
.
Rilru na leh chau takin ka haw a, ka nupui ka hmangaih em em khan engmah tisual lo ang maiin min kuah a, a eitur siam pawh kha ka ei hleithei talo ani.. Ka rilru natna dahtha a ka nupui duat taka kuah a fawh ka duh a, mahse ka theilo…
.
Ka awm khum dan avanga rilru na hmel taka min en thin lai khan ‘min uire san ngei em’ ti a zawh ka duh a, mahse ka theilo.. Ka sawichhuak thei nganglo ani.. Zantin a trap ru thin tih ka hria a, keimah vang ni lovin a ngaihzawng pa a ngaih vanga trap thin anih ka ring.. tenawm lutuk.. Tunah pawh hian nasa takin ka hua a, a landan chuan ka lak atanga a zalen veleh mipa chi hrang hrang a kuah lawr nghal anih hmel..
.
Engtin nge hmeichhe thianghlim tak anga ka lo ngaih theih zawk ni.. Ka hnen a a thianghlimna a hlan vang khan leh a nungchang, a lemchan thiamna avangin ka mit alo del rei em ani.. Khatiang hmeichhe tenawm kha ka nun min tawmpui tur hian a tling tawklo..
.
Amawii  hian ka rilru natna  min hnemin ka mamawh hun apiangah ka bulah a awm a, ka nupui runluih nan kan inthen fel hmain ka mutpui a, ani hi ka hmangaih hauhlo na a, min dawhtheih em avang hian tunah chuan ka nupui hual ni turin ka sawm ta ani.. Ka nupui hriatlai ngeia ka mutpui  kha chu nuam ka tilo takzet a, tunthleng hian Ma-nui thinlung kehchhe hmel kha ka mitthla ah ala cham reng.. Mahse hmangaihtu thinlung hliam a awm, sahal hian ramri kham chin a pel lo thei talo ani..!!!
.
Ngurthansangi min phatsanna ka hriatreng theihna turin kan inneih zungbun ngei kha inhualna zungbun ah Amawii hi ka buntir ngat bawk…
.
Mahse… tuna ka han hmuh leh tak thut ah hian ka hmangaihna kha ala danglam miahlo tih ka inhria a.. Ka rilru ka thunun zawhloh avangin ka inhaw bawk.. An thlenna in ani tih hre miahlo in he in ah hian ka thianpa Andrew-a tlawhin kan kal a.. A hmel ka en khan trap hrep ang maiin ka hmu a, ka ngaihruatna mai mai anih ka ring..
.
Chhun lama inchei nalh taka ka hmuh khan engmah sawi lova kuah vawng vawng ka duh hial anih kha.. Nunmawia inti khan ka hmuhduh ngailoh ang berin a kuah a.. A hamhaih hmel leh a taksa tunhma aia lo cher ta kiam te khan keimah ah hian hna a thawk tlat ani.. He thil hi ka mamawh lova, ka duh heklo..
.
Kan inthen atang khan engtin nge hun a hman tak tih hrezui tur pawhin ka nunphung a buai vek a, mahni intihhlum mai duhna in ka nun kha a buai nuai nuai a, kan in ah.. ka nu leh pa te bulah ka let leh hial ani.. Chuti chung chuan a fahrah zia leh pan tur a neih chuanloh zia ka hrechiang a, min chhuahsan lai khan pawisa la duhlo mahse, a bultranna tur sum chu ka la pe ta hram hram a.. Ka hnunglam atangin min nuihzat ngei pawh ka ring e..!!
.
Hmanni deuh lawk khan Mk-I’n min rawn be teh hlawl a, Ma-nui’n dawr lian tak a hawn thu min rawn hrilh ringawt a.. Mk-I hian ka nupui ka hmangaih thin zia kha a hrechiang a, chuvang a min rawn hrilh chu anih ka ring.. Kan inthen chhan tak hi tuman hrelo se ka duh a, kan chhungkua leh mi tlemte chauhin kan hre reng ani. Miten a pasal a uire san tia an sawizui tur kha ka ngaingam lo.. Ka thinlung zawng zawng, a bak awm tawh chuanglo in ka hmangaih ani tih hrechiang sela chuan min phatsan hauhlo tur hi ania..
.
Ka ngaihtuahna hi a luah tawh tur a nilo.. Tunah chuan nunthar thazawk nei turin bul ka tran tawh.. Ka nunhlui a mi tenawmin min phatsanna avang khan ka buai tawhlo ang..!!
.
.

MA-NUI’S POV*
.
Aizawl ah let leh tawhin ka eizawnna ah ka buai leh tawh hle. Nunmawia khan min rawn be zawm ta reng a, tlang taka engkim sawiin ‘ka thinlung a inpeih leh hma chu mipa kawp ka nei theilo’ tiin ka hrilh..
.
Midang zawt duh lovin ka chanchin keimah ngei min zawt a, mipa tha tak ani tih chu ka hria.. Ka phulo ani.. Ka chanchin erawh trul ka tihchin chiah ka hrilh.. Ka love story neih ve chhun runthlak tak hi miin min hriatpui vek lose ka duh zawk vang ani…
.
“Hetiang hi ka duh.. Ma-nu, thlaleh daih ami tur ani nain, tunah lo order lawk ka duh a” a ni hi Uhruaia thiannu Mk-I (Lazarus Hotel neitu Robinson-a nupui) ania.. Pasal a neih hma chuan Uhruaia hi a thiantha neihchhun ani thin, mifel tak ani.. A bula awm a nuam a, mi chanchin a chhe zawngin a sawi ve ngailo.. Uhruaia nen kan inthen hnu pawh hian ani hi chuan min en hrang chuanglo... Helai ah hian puanthui in dawr ka hawng ve tih a hriatna ala rei lutuk lova, chutichung chuan min dawr nasa hle.. Uhruaia chanchin erawh ka zawt ngailo a, kan sawi ri ngailo hrim hrim. Ka customer neih that berte zing ami ani.. A thian nupui hlui anga min en lovin thian pangngai angin min en a, ka duhdan chiah pawh ani..
.
“Heihi tunlai chu a ‘in’ riau tak asin”
.
“Anu, haw tawh ang” tiin a fanu chuan alo tur a, rei awm lovin thil tul ka chhinchhiah zawh hnu ah min chhuahsan leh ta a..
.
 Ni aliam ve zel a, order a tam telh telh bawk nen, hnathawk tur ka lakbelh angai ta hial mai.. Tunah hian mi  7 lai ka chhawr tawh ani. Special order/ ka thuisak kher duh ang chi anih loh chuan thuamhnaw pawh ka thui hman ta meuhlo.
.
“I va che pui ta ve” heichuh..ka be chaklo ber e.. Thangmawii chuan kan puanthan dah ho chu a keu kual puat puat a.. A zungbun chu ka hmuhloh hlau niawm tak hian a kut chu a lek kual nasa viau..
.
“Keini ang tan chuan beih hah viau hnuah pawh heti chauh kan la nih hi” tiin ka chhang ve ngat a..
.
“Bultranna tur sum dawn treuhte chuan beih hah vak pawh angai nang”
.
“Sum dawn tur nei tak tak ila a va chakawm ve tiraw??” Ka dawr a thawk ve Sp-I chu ka melh zauh a, midang ho pawh chuan ‘ni chiah mai’ tiin anlo nui ve hlawm a..
.
“Haha.. I pasal then kha I hlawk viau ani lawm ni..” a thusawi chu ka man pha ta tlatlo mai.. Ka dawr a ka mi chhawrte bula ka nunhlui arawn sawi chu ka lawmlo viau bawk..
.
“Kan titi pui vak hmanlo che a, duh I neih chuan lo thlang la” tiin ka puan zai lai chu ka khawih zawm a..
.
“Amawi, I duh I hmu em?” tiin Cindy arawn lut a, min hmuh chuan makti hmel a pu.. “Ah..heihi..?”  ka lo nui mai a..
.
“Ka lo sawi mek chu, pasal then hlawk deuh te kan awm a, kan lian thur thur mai anih hi” tiin Thangmawii chuan min nuih sawng a. A thusawi chu Cindy pawh chuan mak a tih hmel.. Min endan atang chuan min lawmlo tih a chiang a, mahse midang hriatlai a hun liam tawh sawi  chu a duh biklo aniang, a ngawi reng a..
.
Ka phone arawn ri ta hlauh.. Ka buaipui zawm ngailo in Sp-I chu ka signal a, ka cabin ah ka lut ta daih a..
.
  Midang mitmei veng lo a ankhum phiar phiar mai ka chak a, mahse ka zia a nilo.. A duh duh sawiin lo hram ve mai mai rawh se.. Thudik chu thudik ani reng tho..
.
A tukah chuan hnathawk ho te chawlh ka pe a, puanthan chinfel ngai bik a awm tam vangin, Ruatfeli’n ka sawm chawp pawh ni miahlo in min rawn pui hlauh bawk..
.
“Engtin nge I rawn kal theih zawk a” tiin ka lo lawm khawp mai..
.
“Tluangi (ka dawr a thawk ve)ka hmu a, nangmah chauh a I awm thu min hrilh a, ka hman lai tak ani tho bawk sia..”
.
Puanthan chu siamtha in kan remfel mawlh mawlh a, kan nui dun bawk bawk a. Ka thiannu bulah hi chuan ka rilru hahna ka theihnghilh fo thin reng ani..
.
“Hetah hian ka duh chu a awm” dawrah chuan mi 2 an rawn lut a. Ka awmna atang hian an ruangam chiah ka hmu thei..
.
“Vawiin chu order kan la dawnlo a” tiin ka va au ngawt a.
.
“Special order tur ania, vawiin a kan tih ngei angai a” Uhruaia tawngri ka hriat chuan ka ding khawng nghal chawt a.. Hmeichhe aw kha Thangmawii ang ka ti reng ani. Eng thil nge maw tih a tum le.. Ruatfeli nen room atang chuan kan chhuak a..
.
Hre ngailo anga awmlui in a duhzawng ka zawt a, Uhruaia chu ka en duhlo.. Thangmawii chuan a duh a thlang ve mai a, ka phur tehchiam lo..
.
“Dear, han enkual la, bultran sak man awm iti ve viau lo maw?” a awmanglo lutuk deuh e.. Naupangchhia ni nghal lo chuan.. eng bultran sak nge maw a sawi ve chhen le..???
.
Uhruaia chu a ngawi reng a..
.
“Eng bultran sak maw I sawi” kei aiin ka thiannu a che rang tlat..
.
“Ma-nui hi mawle, Dear, inthen man kha engzat chiah maw I pek..” ka thinlung a hit zawk.. Henu hian mihring pangngai in a kan tihduh loh tur leh thil awmanglo lutuk ati duh tlat thin.. Mi pasal pawmlai, an nupa khum ngei a mutpui bak ah…tuna dawt muhlum ringawt sawi ang te…!! Mihring rilru chhia pawh hian chintawk anei thin ani ngai a…
.
Uhruaia chuan ka awmdan danglam chu hria in min en reng a, Thangmawii thusawi chu tul a tilo ve tho tih ka hria..
.
“Ngawi mai mai rawh” ati nghut a.. Eng maw..? Sum engzat mah min pelo tih a sawi dawnlo maw..?? Min pek a tum pawhin cheng1 pawh ka la lo tih a hrechiang khawp.. Hetiang boruak thing lutuk hi..
.
“Heihi lo hre ve mai mai rawh.. I ngaihzawngpa sum hi cheng1 pawh Ma-nui hian a chhuahpui lo.. A eizawnna hi engmah lo atanga a tran ani tih ilo hre dawn nia... Mi pasal pawmlai mutpui hrehlo mihring kawr hi kan thuilo bawk ang..”
.
“Hetiang uire kawr thui hi ka ha chak bik hleinem”
.
Thangmawii chu mak tiin ka en a, ka inthup zolo.. Mak ka ti lutuk..
.
“Engmaw I sawi? Tunge uire I tih chu?”
.
Ruatfeli nen chuan makti in  phawk zet hian kan inen hau a..
.
Uhruaia’n Thangmawii a hruaichhuak lui lai chu kan en tlawk tlawk, sawitur reng reng ka hrelo.. Keihi uire ti a asawi kha kani em? A chhan ka hriatloh a ka pasal awmdan danglam leh na taka min siam chhan kha.. Ka in neihchhun atanga ka chhuah a ngaih tak chhan kha… ka uire ni a a ngaih vang maw ni ang..?? Uire nia min ngai si chuan ngatinge engmah min zawh loh.. Tunthleng hian ka pasal in min thenchhan hrelo in..enge min then chhan kha ni ang? Tiin ka inzawt fova.. An chhungkua in min huat chhan te.. ka nu leh pa tia kohtur ka neihchhun te pawhin ten hmel tak a min en na chhan kha..?? Zawhna ka ngah lutuk…
.
Tlaiah chuan Ruatfeli’n min thlah a, min awmpui a ngailo ka tih tlat avangin min hawsan ta hram ani..
.
Ka nundan a pangngai ve dawn chauh a, he mihring..ka hmangaih awmchhun leh ka thinlung tikehsawm vektu alo lan apiang hian ka kehchhe nawn ziah thin.. Ka tan buaina bak min thlen lo..
.
.

HRUAIA’S POV*
.
Vawiin ka thiltawn zet chu.. Thangmawii hi a nasa ve tih chu ka hria a, mihring pangngaiin an tih duhloh tur a tiduh leh mi hmaizahna nei miahlo  mihring ani tih kalo hre tello ani.. Ma-nui chungchang kha asawi ve tur pawh a awmlo.. Ka dik tawk biklo tih chu ka inhria a, mahse hetiang mi nasa hi ka nupui atan ka nei theilo ang..
.
Dawr atanga ka hruaichhuah khan ka thlah haw nghal a, a bulah engmah ka sawi thei rihlo..
.
A tawngkam tin in ka nupui..nilo..ka nupui hlui a den nat dan ka hmuh khan a bulah hian ka awm tawhlo ang tiin ka inngaihtuah hial ani..
.
Sum chungchang leh uire tih tawngkam a hriat khan hmana ka hmuh thin a mitmeng a thil hriatlohna leh, mak tihna, rilru natna te kha ka hmu leh ani.. He mihring hi ka hrechiang lutuk nge.. a lemchan thiamna hi ka la hrechiang tawklo zawk..
.
Tlaia a thiannu in a thlah khan ka zui ru a, ka hriat duh tak zawk chu.. thil fello engemaw a awm ani.. A uire ngei tih chu ka hrechiang a, a mutpui pa ngeiin min hrilh tlat a.. Ka sum pek a dawng miahlo tih chungchang kha ani.. Chu chu ka chhuanlam..amah hmuh ka duh vanga ka chhuanlam ani tih ka pawmlo mai ange..!!
.
Kawngkhar ka kik dat dat a, arawn hawng dawn tawhlo emaw ka tih hnuah arawn hawng ta hram a.. Min hmuh chuan a phu chiang khawp mai.. A mit chu a bui chak a..
.
“Enge I duh”
.
“Kawngkhar a ding chung a sawi chi a nilo” amah pawh ngaichang chuanglo in inchhung ah chuan ka lut a.. A RIM PAWH ALA NGAI.. Inchhung a chei duhdan pawh ala ngai vek.. Mi en dan mitmeng erawh a danglam tawh.. Min huatna mitmeng a khatin min en a..
.
“I thusawi tur chu ka tan a tangkaiin ka ringlo”
.
A inrin hmain ka lamah ka pawt a, he thil hi ka do zo nganglo ani e.. Nghet takin ka kuah a, a tal phat phat a.. Min sual letna chu ngai pawimawh lovin ka fawp nawk nawk a.. A rim ngaihawm tak chu ka hip bawk a..
.
Ka mamawhna nasa lutuk avang hian ka puakkeh mai dawn in ka inhria.. Ka ngaiin ka thlahlel em ani.. Kum liamta chhung zawng zawng khan amah ngaihtuah chungin ka mu a.. Min phatsanna avang leh ka rilru na lutuk avang te, amah ka ngaih em avang te in ka mittui a tla hial a.. Ka mamawhna hi ka huatna hian a hneh zolo a, ka inthunun zo heklo..
.
Hnai taka enin ka thaw hawk hawk a..
.
“Eng vanga min phatsan nge I nih” ka ti hrawk a.. A ngaihna hrelo in min en a.. “I uire na pa khan ka neihloh enge aneih”
.
He thu hi hmanah khan lo zawt daih tawh ni ila tha tur ania.. Min chhan dan tur erawh ka la ngaihtuah ngam talo fo..
.
Ka thusawi avang chuan a ding khawng lah a.. Tawng tumin a ka a ang ziau a, eng ri mah a chhuak lo..
.
“Min chhang rawh.. I uire na pa khan ka neihloh enge a neih??” tiin ka kuah leh a.. Min uire san mahse ka pawm leh mai dawn in ka hria.. Ngaihdam min dil se ka pawm leh ngei ang.. A tihtur zawng chu a thiltihsual pawm a ngaihdam min dil chauh ani mai..!!
.
A tha neih zawng zawng sawmkhawm in min nem a, ka kuahna chu ka thlah a…
.
“Uire chungchang I sawi dawn anih chuan..kan nupa khum ngei a hmeichhe dang mutpui tu kha kei ni lovin.. nang hi ini.. NANG.HI” tiin ka awmah min kawk sak sak a.. A aw pawh a khur vek a, a hmel a dang vek bawk..
.
“Min kawk ngam tur  inilo ania” a banrek ah manin ka pawmbet leh a.. Rang zetin a talchhuak nghal phat bawk a.. A hmel ah chuan thinrimna bak ka hmulo..
.
“Uire a min ngaih avangin ka chungah khatiang thil zawng zawng kha I ti a maw..? Vawikhat pawh min zawtfiah lovin..” a thu hriat chu awih theilo hmel pu in min en tlawk tlawk a..
.
“I tihsual chu pawmla, ngaihdam min dil mai ta che”
.
“Engmah tihsual ka neilo”
.
“Tenawm lutuk.. A nih chuan..sum chungchang kha engvangin nge hre ngai miahlo anga I awm kual”
.
“Eng sum chungchang nge I sawi?” heipawh lemchan leh bawk maw..
.
‘Kan inthen hnu thlakhat pawh ral hmain I account ah ka thun ngei kha..’
.
“Chutiang thil engmah ka hrelo.. Ka in atang hian chhuak rawh.. I thil engmah ka mamawh lo”
.
“I account ah ka rawn thun ngei kha.. Lemchan pawh ilo thiam hi le” hmusit takin ka nuih lui a..
.
“I sum tello hian ka dam thei tih ilo hre tawh dawn nia.. I pawisa cheng 1 pawh ka hmang lo.. Nanghi..min chhuahsan rawh ” a mitmeng atang chuan rilru ana tih leh min huat zia ka hmu..
.
“Takzet che hian.. Helai hmunah hian ka rawn kallo angah ngai rawh..” tiin a in atang chuan ka chhuak nghal a.. A in piah thim laia ka motor dah chhung ah chuan ka thu a..
.
“Ngaihdam min dil la, ka pawm leh ang che.. Ka hmangaih che.. Mi tenawm nu.. ka hmangaih che ani” car steering wheel chu ka nem pawp pawp a.. He hmeichhia hi..
.
Eng chen nge engmah hrelo anga a awm der dawn..?
.
Ralkhat atang chuan a in chu ka thlir reng a, rei tak ka thut hnuah a inchhung light chu thimin kawngkhar atang a arawn chhuak chu ka en reng a..
.
Tunang zanrei tawh.. Dar 12 ari trep.. Tunang hunah hian engti turin nge a chhuah dawn..?? Ka rinphak baka nasa in ka hmeichhe hmangaih hi a kalthui tawh ani ngei ang..
.
 A kawrlum hak chuan a intuam tha sauh sauh a.. A hriatloh turin a hnungah ka zui a.. Mipa dang hmu tura a chhuak anih chuan zanin ah hian keimah chauh min hmu  ang..!! Ka thinlung chu a alh pup pup ni maiin ka hria…
.
Thawm awm hlekah chuan hlauh hmel takin a dinga a hawi kual zak zak bawk a.. Hlau chung chung a a pan trawk trawk hi thil pawimawh tak chu ani phawt mai…
.
Ka zui zel a, a tawpna hmun chu ka rin phakbak aia mak ala  ni ta fo..!! A thawm chu ka ngaithla reng a..
.
Insum tak si, thinlung na tak ang maiin a trap a, a phun melh melh a..
.
“Bawihte..apa khan engmah min zawt lovin uire minti asin.. amak tiraw..?! Uire tih pawh chu a awmzia I hrelo tiraw? Hrelo la a tha zawk.. Ngatinge..ngatinge helai hmunah hian keimah chauh a awm turin min kalsan.. Nangmah chauh hi he khawvel a ka neihchhun ini tih I hria tiraw..? Nitin..ka pum chhunga I awmlai atang tawh khan ka hrilh thin che kha.. Ka bulah I awm anih chuan khawvel ah hian tumah ka mamawh lovang..apa tello pawhin kan pahnihin kan hlim thoang tiin ka hrilh che kha..Bawihte..anu hi ka kehchhe vek tawh ani.. Ka fapa..ka duat..i hnenah ka rawn kal ve ang aw.. Ka tuar thei tawhlo..” inhnit hlawp hlawp chungin  thlanlung chu a chul hliau hliau a…
.
Ka thuhriat chuan min thawng lutuk takzet.. Ka awmna hmun ngai ah chuan chetsawn nachang pawh hre lovin ka ding khawng reng a..
.
Muangchang in a mittui a hru mawlh mawlh a.. Van lam en in a ngawi vang vang a… Ka fapa tiin a trap maw..???!!! Thawk ala hak hak a… a khur tih ka hria.. Hlauh avanga khur erawh ani lo ang.. A tah tawhloh hnu chuan leiah thuin a khup a kuah a, a insawi hliau hliau a.. A bul vela thilawm reng reng hrelo ang maiin a awm bawk a..
.
“Bawihte, anu hi I bulah a trap ziah a.. a trahbelh tiraw?” a nui hak a “anu hi alo kal leh hunah chuan a trap tawh miahlo ang.. Muttui aw”  kun hniamin thlanlung chu a fawp zauh a, tho chhuakin muangchangin ka lam pan chuan arawn kal a.
.
Ka biru vat a, a kal liam hnu ah thlanlung lamah chuan ka kal a.. Thlanlunga hming inziak ka hmuh chuan ka sa chhuak vek
.
KA NUNNA
LALHRUAISANGA SAILO
THLA 1
A NU NUNNA LEH A HMANGAIH,
A NEIHCHHUN…
.
Ka chhiar zawm thei tawhlo.. Ka fapa ani.. Ka hmangaih ka nupui min uire san tu nia ka ngaih khan ‘fapa kan neih chuan I hming leh ka hming la kawpin Lalhruaisanga Sailo kan ti ang’ tiin min hrilh niap niap thin kha.. ‘Apa khan engmah min zawt lovin uire minti asin..amak tiraw’ a tawngkam tin te khan chem zum tak ang maiin min vit tlang ani.. A fapa..kan fapa hnenah hian dawt a sawilo ang.. Anih chuan ka duhthusam, ‘ka nupui in min uire san tih hi dawt vek nise’ tia kalo ngaihtuah thin kha thudik anih teh chuan…
.
Thil thleng tawh zawng zawng kha siamtha leh turin ka bei ang.. Engkim ka haichhuak vek tur ani.. Thil te tham ber pawh ka hmaih lovang..!! Ka neih zawng zawng hi senral vek pawh ngai dawn mahse..ka bei khawp ang.. Ka hriat kim vek hma chu ka chawl hauhlo ang..
.
Thlan lung bulah chuan ka thingthi rawp a, ka mittui a tla sawk..
.
“Ka tihpalh..ka fapa.. I pa hi min ngaidam rawh”
.
.
MA-NUI’S POV*
.
Ka in ah rawn kal thutin thu dengkhawng tak arawn sawi a.. Ka thusawi engmah awih chuang silo in.. Min fawp a.. Ka phalo.. Min khawih hlek pawh kha la mamawh reng ani... Heihi thildik pawh anilo ang.. Hua a, ten hluah hluah tur ka nih laiin.. A engmah hian min hnehlet leh tur a nilo..
.
 Ka tawt up up a, zan a rei tawh tih ka hria.. Mahse hlau chung chungin ka fapa, ka neihchhun hnenah inbunruak turin ka kal leh ta ngawt mai ani..
.
Uhruaia khan uire a min ngaih vangin min hua a, min then a.. Tunah chuan min thenchhan ka hre ta chu ania.. Ka rilru ava hahdam chuang silo em.. Mahse vawikhat te pawh a lungawiloh chhan kha thudik ani em tih hi ka lakah fiah a tumlo.. Tuin nge dawt muhlum chu lo hrilh ang..?
.
In a ka let leh hnu chuan muhil thei chuanglo in ka ngaihtuah let ruai ruai a.
.
Kan inthen atanga kar 1 a ral hnuah nau ka pai tih ka inhria a, Uhruaia office ah tlawm inti tak chungin ka va kal a.. A fa ka pai ani tih a hriat hrim hrim kha tul a ka hriat vang leh ka naupai lai pa anih vangin hriat ve chu a phu ani tih ngaihdan ka neih vanga hrilh tum ka ni.. Min then tak tak ka rinloh vang ani tel bawk.. Ka a vek ani.. Min puihna erawh ka beisei lo. Ka ngaihtuahna ngei pawh a inkalh nuai nuai a.. Diktak chuan ka chunga a awmdan avanga inchhir in lo let leh pawh nise, thilthleng leh ka hmuhlai ngei a a khawsak dante kha a nasa em a, ka pawm leh thei angem tih pawh ka inhre chuanglo..
.
Ka thil ngaihtuah chu ka thil va tawn nen chuan a inpersan lutuk..!
.
Uhruaia chuan engpawh thleng se min hmuh a tumloh thu leh, ka lak atanga thuchhuak reng reng atan a tangkailoh thu Cindy  arawn chah ngat anih kha..
.
Tichuan rilru nat belh leh tur chuang pawh awm lovin ka haw a, Ruatfeli te chhungkua..Nu Maziri leh Pa Duhawma te, Rampuia ten lainat taka min tuamhlawm in ka fa..apa in a duhloh mai pawh nilo..a chanchin pakhat pawh a hriat duhloh chu ka pai ta ani.. Tum nasa viau  mah ila engmah ka ei theilo a, ka rilru natna khan min eichhe hneh em ani.. Harsa tak leh ka hun tam zawk mut nan a hmang chungin ka fapa chu ka hring ta a.. Mahse, ka pai laia rilru hah leh hriselna thalo lutuk a ka awm avangin ka fapa chuan ni 10 chhung chiah min dampui.. A nu in ka mamawh zia hi a hrelo ani..!
.
Min dampui ve chhung khan ka thinlung lungngaihna a khat hian hlimna a hmu ve a, a mitmeng..a pa mitmeng ang chiah chiah in min en khan hmangaihtu nei ve in ka inhre hman asin.. Mahse, kha hun kha a reilo lulai em ani.. Ka neihchhun, ka fapa in min kalsan leh tak ah khan damchhan tur ka nei tawhlo ti a beidawngin intihhlum ka tum fova, Ruatfeli te chhungkua hi awmlo sela chuan tunah hian ka dam tawhlo ang..
.
 Ka taksa la dam mahse, engtikah mah ka rilru hi a dam thei in ka ringlo..
.
Heng thil zawng zawng hi ka pasal hlui min hmangaihtu nia ka lo hriat thin Hruaitluanga min rinhlelhna leh uire ni a min ngaih vanga thleng vek alo ni a.. Ka ngaidam thei lo ang.. Engtik ah mah ka ngaidam theilo ang..!!
.
Atuk ah chuan zan lama ka chauh em avangin dawr ah pawh ka kal peih lo a, ‘nilengin mu ila, naktuk ah chuan harhvang takin hna ka thawk leh thei tawh ang’ ti rilru chungin ka mu char char a..
.
Tlaiah chuan ka tho harh lui a, bazaar ah mamawh neuh neuh leiin ka chhuak a.. Thildang tikual lova haw lehin ka ei duhzawng ka siam a.. Nizan atang khan engmah ka la eilo a, ka ril a tram hle..
.
Zan dar 8 velah door bell arawn ri ral ral a.. Hmm.. Ruatfeli ani tawh ang..  Zana alo kal tur thu tlaiah khan min rawn hrilh tak e.. Nui sangin kawngkhar chu ka va hawng a..
.
“I dam maw..?” Nunmawia teh hlawl chu..
.
“Dam e.. Engtik nge I rawn phei a? Lo lut rawh”
.
“I in chu a nawm hi” nui chungin a hawikual vel a..
.
“Lo thu rawh” la nui reng chungin kawngkhar chu ka va hawng leh a..
.
Heichu ka beisei loh ber ani..!
.
Hruaitluanga hian enge a rawn tih ve dawn?
.
 Lut tura ka sawm hun pawh nghak lovin arawn lut a
.
“Sawidun tur kan nei” a ti nghal ringawt... Nunmawia a hmuh chuan a ding chawt a, thip zetin min entawn a.. Zaktheilo lutuk mai.. A chhe thei ang berin min ring lehnghal ringawt pek ang chu..
.
“Hepa hian I in ah enge a rawn tih?” tiin Nunmawia chu a en a.. A awmdan leh nungchang chu a mawilo ka ti takzet..
.
“Ka thianpa anih hi. Enge I rawn tih dawn?” ka ti ve lui ve ngat a..
.
“Thianpa, ka nupui nen hian sawidun tur kan nei a, minlo chhuahsan lawk thei angem?” a awmdan hi ka awihlo zawk.. Lutuk hian.. Mi zahderna pawh anei miahlo..
.
“Chhuak tur chu Nunmawia ni lovin nangmah zawk hi I chhuak thei ang..” ka hua ani tih hi ka thup theilo.. Thip zetin ka melh rawm rawm a..
.
Nunmawia chuan nuam atilo tih ka hria.. A thutna atang chuan a tho a..
.
“Ka lo kal tha leh mai dawn nia..”
.
“Nunmawi, I chhuah kher angailo..”
.
“Mangtha phawt le.. Ka rawn kal hun hi a fuhlo in ka hria” a awmdan atang chuan han chelh luih ngawt chi pawh ani biklo.. Ka lai zo vek..!! Hruaitluanga vang bawk..
.
Nunmawia kalchhuak chu ka en reng a..
.
“I duh hun hun a min rawn palzam tur hian enge ni a I inhriat a? I nupui ka ni tawhlo tih hi theihnghilh suh” thinrim zetin ka melh a..
.
“Sawitur ka nei ani” tiin chauh hmel takin sofa ah chuan a thu hnawk a.. A hmel hmuh ringawt pawhin a chauh hmel takzet..
.
Thu ve duhlo in ka ding tlat a..
.
Thu kun in a hmai a hup vang vang a…. Thaw huai a rawn dak lehin min en a..
.
“Engtin nge ka siamthat leh theih ang?”
.
Ka chhanglo.. Eng ber nge siamthat a tum ang tih kalo ngaihtuah.. Ka chunga a thiltih zawng zawng te kha chu siamthat tum buai duh suh se..! Engmah a siamtha thei tawhlo..
.
“Eng thil nge ka tih ang? Engvangin nge pawisa kha pakhatmah I hman loh?” min en ngawih ngawih a.. Ka en chhuk a, zalo zetin ka then sak a. Chhan pawh ka tum buai peihlo..
.
“Min chhang rawh.. Engtin nge tun thleng hian engmah hrelo a ka awm theih zawk.. Engvangin nge engmah ka lo hriat loh.. Nuamsa taka I awm ka ring asin..” min bia pawh a anglo.. Amah leh amah inbia a ang zawk mah.. “Ka fapa chungchang kha engvangin nge minhrilh loh?” a thusawi chuan ka thinlung a vit ta zak mai.. Engtin nge ka naute chungchang alo hriat ve..!!??
.
“Fapa I neilo..”
.
“Nizan khan ka zui che ani.. Engvangin nge ka fapa chungchang kha min hrilh loh..” tiin a thutna atang chuan a tho a, ka hma ah arawn ding a.. Awihlo zetin ka en a..
.
“I fapa anilo.. Ka fapa chauh ani.. Nang hian kei leh ka fapa kha I in ropui tak atang khan min hnawtchhuak tih theihnghilh suh..”
.
Min rawn ban a, ka per sawn nghal dawrh a..
.
“Min khawih tum miah suh..”
.
“Engtin nge ka siamthat leh ang” rilru na tak tak te pawh a ang ve alawm..
.
“Siamthat leh theih engmah a awm tawhlo.. Min chhuahsan rawh”
.
Sofa ah chuan a thu leh hnawk a..
.
“Engkim ka hre tawh ani.. Engkim..”
.
A thusawi awmzia hi ka hrelo..
.
.

HRUAIA’S POV*
.

FLASHBACK**
.
Office ah hna ka thawh mawlh mawlh laiin ka farnu neihchhun Cindy a rawn lut a..
.
“Mama, ka zak lutuk.. Vawiin ah ka thianpa in I u nupui hi chik deuh rawh, a nasa ania.. a ti ringawt a.. A ngaihna ka hrelo lutuk a..chuan…enge..” tawng hleithei lo in a insut hlawp hlawp a..
.
“Enge? Trap lo khan sawi la” ka lo ti mai a..
.
Ka nupui hi ka hrechiang.. Nungchang mawilo a nei ngailo a, ka chhuang viau thin ani.. Kan inhmangaih tawn em em bawk..
.
Cindy’n mittui tla zawih zawih chunga a sawi thu mak lutuk chuan ka thinlung hi a hmet khal vek ni maiin ka hria..!!
.
“Jeremy chuan a thianpa leh Uma-nui hi an mudun tiin min hrilh anih chu.. I hresual aniang ka tia..min nuih tawp a.. Ka thianpa chu tunah ala zin a, karleh ah I duh chuan I zawt dawn nia..min tia..a confi. lutuk..”
.
Ka farnu thusawi avang chuan ka hnathawh lai chu dahin ka thu ngawi ta reng a.. Ka awih miahlo.. Ka awihlo tak tak..
.
Ka awihlo kati na a, kartluan in ka rilru erawh a nuamlo..!
.
A karleh ah Jeremy thianpa Zualpuia inti chu hmu turin Cindy nen kan kal a..
.
“I nupui chu a zei khawp mai..”
.
Ka insum hmanlo.. Ka hnek thal nghal tawp a..
.
Ka khawvel a kehchhe ta vek..!!!! Ka rin em em ka nupui..mi thianghlim ni a ka ngaih leh keh thei dawm a ka dawm hian min phatsan ani..!!
.
“A hun I hriat duh chuan thla hmasa ni 15..chhun ah ani nghe nghe..”
.
END OF FLASHBACK**

.
Khami ni atang khan ka nupui chu tenna hlirin ka khat a.. Engmah hrelo anga a awm te khan ka thinrim a tizual a.. Thinlung na theihtawp a a awm ve theihnan thuhnu dawn miahlo in a chungah ka che ve ta ani.. Mihring tenawm-a sawi ni chiah khan ka nupui hian a thiannu hmu tur anga insawiin a lengchhuak a, khami ni khan a thiannu nen an inhmulo tih ka hrechhuak leh hnuhnawh bawk..
.
Tichuan khapa thusawi kha ka ring lo thei talo a.. Ka nupui..mi tenawm nia ka ngaih chu eng thumah zawtfiah lovin ka then ta ani..
.
Thudik lo vangin kan nun ka tichhe vek tih pawh inhrechhuak  lovin kum 3 chhung zet ka tuar tawh hnuah, vawiin hian engkim kha dawt vek ani tih ka hrechhuak a.. Awmdan tur pawh ka hrelo.. Ka thin a rim a, ka indem ngawih ngawih bawk.. Ka nupui in amaha a tuar nasat tur zia leh a rilru nat dan turte..ngaihtuah loh reng reng ka neilo… Ka tawngkhum dante… Mahni inthahrung a, mi inngaitlawm tak bula ka tawngkam hmante kha..
.
Nizan khan ka fapa thlan a rei tawktak ka thut hnuah ka haw a.. Ka mu miahlo.. A hmasa berin ka farnu Cindy ka hmuh phawt angai tih ka hria.. Ka nupui in min rinawmloh san tih min hrilh tu leh a chetsual pui pa ngei hnen a min hruaitu anih vangin..!!
.
Bank ah kalin Ma-nui account ka check a, pawisa ka dahsak thin zawng zawng te kha khawihchet manglohin a lo awm vek.. Khawihchet mang loh a awm si chu kum 3 chhung khan a account an close chuang miahlo.. Thil diklo engemaw chu a awm ani.. Ka nupui khan engmah a hriatloh thu a sawi si a..
.
“Nimin khan tunhnaia ilo hruai thin hmeichhia khan hemi account ah hian 20,000 arawn deposit a, I duh chuan record pawh I en thei ang” makti zetin min betu chu ka en a.. Pawisa deposit tu chu Thangmawii maw..?? Tunhnai ah hmeichhe dang tumah helai ah hian ka hruai ngailo.. Thangmawii..thil awmdan hi a mak ani.. Ka hriatchhuah loh a aliam mai mai a ring emaw ni le??  Hetiang thil tenawm tichung hian ka nupui ala tawngkhum ngam lehnghal..
.
Cindy phone in Jeremy thianpa kha ka hmuh duh thu ka hrilh a, thil awmdan hrethiam biklo in Cindy nen Jeremy kan va hmu a, a thianpa in ah min hruai a.. Thudik a hriatlai a Jeremy hmel kha a khawngaihthlak zawk..
.
Thil tisualtu ni lovin ngaihdam min dil a, a thianpa tan ngaihdam a dilsak ta lehnghal a..
.
Kha mihring tenawm lutuk, dawt hmanga ka nupui puhtu khan inchhirna nei miahlo in a thiltih chhan a sawi hmiah hmiah anih kha..
.
“Saw mihring vang sawn pa neilo in ka seilian a, tumah neilo a khawsak hreawm zia ka tem tir ve anih saw” tiin a nui a.. Ka nupui chunga nunrawng taka a thiltih chhan a sawi chu heihi ani.. “Ka pa khan saw mihring nu vang sawn ka nu a kalsan a, vawikhat pawh min rawn ngaihven lo.. Harsa taka ka puitlin hnuah ka pa min chhuhsaktu chu ka zawngchhuak a, a phutawk hremna ka pe ve anih saw.. A nu leh ka pa te pawh kha la dam se hreawm tuartir ve ka chak zek zek asin..” a mitmeng kha mi huatna in a khat a, rilru lam chianglo anih ka ring hial.. A hnu lawkah a awmdan danglam in “A pawi hle mai.. I nupui chu nei let leh rawh” tiin min hrilh bawk.. Engpawh nise thubuai liantak chu a awrh dawn khawp..
********************
.
Tunah hian ka thiltih sual siamthat leh tumin diklo taka ka lo ngaih sual Ma-nui bulah ka awm a, a landan chuan ani hian awlsam takin min ngaidam lovang… Mahse min pawm leh theih nan ka tihtheih zawng zawng ka ti vek dawn ani..
.
  “Ka hmangaih che..”
.
“Min chhuahsan phawt rawh.. Engmah sawifel leh siamthat theih a awm tawhlo”
.
A room ah min luhsan a.. Amah chauh a hreawm tuar a, mangang taka a trap tur ka ngaihtuah hian, ka hreawm tuar ve zawng zawng kha chu engmah lo mai ah ka ngai..
.
In atang chuan chhuak lovin ka thu reng a.. Tunah hian enge ka tih ber dawn ka hrelo...
.
Rei tawk tak ka thut hnu chuan zawimuang a thovin Ma-nui room kawngkhar chu ka hawng a, khumah inkhuh vekin a mu kawm chal a.. A mutna khum bula thlalak liantak, mawi taka frame thlap intar ka hmuh chuan ka pan nghal ruak ruak a..
.
Heihi ka fapa thlalak ani.. Nausen..la te tak mai chu Ma-nui’n a pawm a, a meng ve kiau a.. Ka mitmeng chiah chiah ani.. Ka nausen lai thlalak nen danglamna a awmlo.. Ma-nui chu a lang cher in a dang hle a, mahse a mitmeng ah chuan hlimna ka hmu thei…
.
  “Enge ila tih reng a? Helai hi chu I in anilo ania” a trawng chu a zawi hle a, khumah chuan a thuchhuak nghal bawk a..
.
“I chunga thilthleng zawng zawng kha nangmah chauhin I tuar lo tih hriat ka duh ani.. Naute chungchang tal hi chu min hrilh ngei tur ania sin.. Ka thiltih kha a diklo tih ka hria.. Mahse naute chungchang hi chu hre turin dikna ka nei” a khum ah chuan ka thu a.
.
Engemaw tal asawi hma chu chhuahsan ka tumlo tih a hrethiam ve ani ngei ang.. Thawk a lak vang vang hnuah min chhang chauh a.. A tawnglai chuan a hmel  ka en reng a, ka mi hmangaih em em hian a tuar nasa tih ka hria.. Ka thiamloh vek ani.. Ka inhaw takzet..
.
“Tlawm ngawih ngawih a min siam hnu pawh khan naute chungchang hrilh tur che in I office ah ka rawn kal a.. Khami tuma I thu rawn chah kha theihnghilh suh.. Ka thusawi tur chu eng thu pawh nise itan a tangkai loh thu leh min hmuh I tumloh thu I rawn chah anih kha..! Khami ni atang khan ka naute hi ka ta chauh ani.. Ka ta chauh..” a thinlung nat zia chu a hmel ah a lang vek.. Mahse tuna a thusawi hi engmah ka hrelo..!!
.
“Chutiang thu chu engtiklai mahin ka sawilo.. Tunge chu thu chu hrilh che?” ka thusawi chu awihlo tih hriat takin a then sak a..
.
“Hun liam tawh ania, sawithar leh hi tullo ka ti reng ani.. Hun harsa ka paltlang tawh zawng zawng kha siamthat leh theih ani tawhlo.. Ka fapa pawh ka kokir leh thei tawhlo.. Min kohkir sak thei em ni..?” a hmel chu ka enlet ngamlo..
.
“Hmuh che ka duhlo anga lo sawitu chu tunge tih ka hre duh”
.
“Awmzia a awm tawh chuanglo.. Min hawsan phawt rawh..”
.
“Engkim kan sawi vek hma chuan ka hawlo ang..”
.
“I thu tlaivar dawn anih chu..”
.
A puansin lai chu siamtha in a mu leh a, a inkhuh nghal a.. A tawng ngei ngei na tura awmdan chu ka hria alawm..!!
.
Ngawireng in ka coat haklai chu ka phelh a, ka pheikhawk ka phelh bawk a.. A bulah chuan ka inthawlh sawt sawt a, nghet takin ka kuah nghal bawk a.. Ka che rang hle..
.
“Hey, enge I hriat a..? Tho rawh..tho rawh..” min vin that that a, a thochhuak nghal bawk a.. “I ti mah mah tawh ani.. Ka haw lutuk che.. Heti em em a ngaih hniam tur ka ni biklo ania..”
.
“Anih chuan ka thusawi hi lo ngaithla phawt rawh” amah pawh ngaichang lo chuan ka kuah a. Ka insum thei tawhlo.. Ka a vek nimaiin ka hria.. Ka inthunun theihna ka hloh vek tawh..
.
Tunah hian thudik engkim ka hre ta a, engkim siamthat leh vek ka duh ani.. A theih anih chuan..!!
.
.
MA-NUI’S POV*
.
Thil awmzia ka sawi ve hma chuan min chhuahsan a tum miahlo ang tih ka hria. A hun a thleng ta ani e.. A vaiin ka hrilh mai aniang chu.. Nat belh lehna tur a awm tawh chuanglo..
.
“Awle, awmzia awm tawhlo mahse min zawh duh chu min zawt rawh? Min thlah bawk la..”
.
Zawimuangin min thlah a.. Chiang zeta min en in thawk ala hak a..
.
“Min haw tur hi chu ini reng ani.. Ka dem theilo ang che.. I chunga ka awmdan kha a pawi ka ti..”
.
“ ‘Inchhir miah suh’ tia ka hrilh che kha ila hriat ka ring” ka ti hmak a.
.
“Ka hria e..” a ngawi dat a “Anih chuan hmuh che ka duhlo tih chu tunge hrilh che?” he thu min hrilhtu hi a farnu neihchhun Cindy ngei ani tih hrilh hi a trul kher em..?
.
“Diktak chuan hunliam tawh thil sawi hi a trulna ka va hrelo em”
.
“I phuahchawp ani em?” hmm.. ka melh rawm rawm a..
.
“Nia, min ring chuanglo bawk a, min hawsan tawh mai rawh. Heng thil zawng zawng hi ka kham tawh ani”
.
“Thildang sawikual lo khan min chhang mai rawh.. Tunge?”
.
Sawi zo vat vat ila a tha zawk.. Vawikhatmah ka sawi nawn tawhlo bawk ang
.
“Cindy.. khami ni office a ka lo kal khan Cindy nen kan inhmu hmasa a, hmuh che ka duh thu ka hrilh hnuah lo nghak lawk turin min hrilh a I office ah lut in alo chhuah leh chuan min hmuh I duhloh thu leh ka thusawi tum chu engpawh nise itan engmah anihloh thu min hrilh ani..”
.
“Ka awih theilo.. Min chhuahsan atanga kar 2 chhung kha khawiah mah ka chhuak lo.. Engkim kha thil diklo vek ani.. Tunah chuan ka hrethiam tawh” tiin chhun lama a thiltih leh thilthlen dan te chu a sawi a.. Ka unaupa anga insawi in min puhna chungchang leh dawt in min puh ani tih a phat miahloh chungchang te.. A awihawm loh zawk.. Mihring nun hi hetiang taka buai leh chuar hnawk hi ani thei ang tih ka lo ngaihtuah ngailo..

 “I bank account kha I hmang zui miahlo a.. Enge a chhan ka hre duh?”
.
“I hnen atangin engmah lak ka duhlo tih ka sawi kha.. Engkim..ka tana I thiltih zawng zawng te kha i in ah khan ka kalsan vek ani.. Tikhan engkim kan sawi zo tawh.. Inhmuh chhan tur leh ka in a ilo kalna chhan tur a awm tawhlo..”
.
Ka rilru tak tak ani.. Uire a min ngaih vangin kan inthen a, ka fapa ka chan bawk a.. Pathian ruat ngei kan ni anga kalo ngaih thin ang khan tunah chuan ka ngai tawhlo.. Thilthleng a tam tawh lutuk a, engkim hi kalsan a theihnghilh vek ka duh tawh takzet e..
.
Ka ngaihtuahna abuai nuai nuai in ka chau hluah hluah..
.
“Ka lo rin dikloh che avang khan hreawm ka ti a, naute leh nangin min mamawh ber laia inbula ka awmloh avangin ka inhaw bawk.. Mahse ka hmangaih reng che.. Thudik hrechiang phawt lova ilaka ka awmdan kha a pawi ka ti.. ” a hmel ka en chuan a rilru tak tak asawi tih ka hria a, tunang reng reng a inthiamlo leh thinlung na hmel hian ka la hmu ngailo..
.
“Tunah chuan thudik kan hre tawh a, anih tur ang ang ani zo vek tawh bawk. Nangpawhin nun bultran tha leh turin Thangmawii I nei tawh a, kan pahnih hian kan kawng ve ve kan zawh a ngai ani.. Thudik hria in kan nun kan hmang thei tawh alawm..” ka thusawi dan leh a laka ka inlak hran zia a hmuh chuan min en tlawk tlawk a..
.
“Khanu nen khan min sawizawm suh.. Thil tihsual ka ngah em a, min pawm leh turin ka tilui ngam rihlo ang che.. Ka hrelo.. Ka hnen a ilo let leh theih nan engpawh ka ti ang.. Min pawm leh theih nan ka tihtheih zawng zawng ka ti bawk ang” a thusawi inkalh nuai chu chhanlet dan tur ka hrelo a, ka rilru na leh chawmawlh vek tawh avang chuan chhang lovin ka en ringawt.
.
Thildang sawibelh leh duh tawh lovin haw turin ka tilui a,,  hreh takin min hawsan a.. Nia.. Engpawh nise, hun liam tawh sawithar leh thin hian natna chauh min pe a, hmalam hun beiseina nen a thlir hi ka tihtheih awmchhun leh thiltha ber ani..
.
Kar khat chhung chu kan inhmu leh talo.. Dawr ah ka buai ve reng a in ngaihtuah ngut ngut na hun ka neihloh phah a, a tha phian. Ka chau thei em mai pawh a..
.
Hnathawh tur laklawh ka neih vangin zan dar 7 dawn ah dawr atangin ka haw a, ka inthlak fel chiah tih in door bell arawn ri ral ral a. Kawngkhar ka va hawn chuan ka inrin hmain tha chak zet hian min rawn thram nawk a, hneh zet hian ka lu vaw chawrh khawp in chhuatah min paih thuai a.. Ka inrinloh em avangin ka lu a hai a, ka mit avai chum chum bawk a.
.
“Dam ve hi I phulo..” mipa lian zet hian min enchhuk run a, a mitmeng rapthlak zia chu.. ka tha a khur zawih zawih a..
.
“Tunge.. I.. nih..?” tiin ka melh trawk trawk a. He mihring palian leh chak zet, a mitmeng nunrawnna a khat hi ka la hre ngailo.. Min huat hmel zet hian a nui suk suk a..
.
“I unaupa hi min hrelo a maw?? Ka tihsual ani..hmanah khan lo inhmelhriattir tawh tur che hi ka nia.. Nangmah avang hian ka pa khan min kalsan asin” min dimna tel miahlo in ka dul ah min pet pawp a, ka tawm nghal nawk a.. Ka tre thawt a..
.
Ka thaw a chham a, ka dul chu vuan in ka vial ngawlh ngawlh a.. Min pui tu tur au turin ka aw a chhuak theilo.. Ka chhipsam ah min rawn thram a, chhuatah chuan min hnuk hawl hawl a.. Ka hmai bulah chiang zet hian min en bawk a..
.
“Sawi ve duh I nei em? Tun chinah chuan tu pa mahin nangmah avang hian an fate an kalsan leh tawh ngailo ang.. Hmeichhe tenawm lutuk” ka hmai ah min thawkkhum huam huam a.. A thusawi hi engmah ka hrelo. Min hai anih ka ring.. Ka pa khan fa dang nei chu nise, ka ni khan min hrilh em em ang..
.
“Eng..mah..ka..hrelo”
.
“Hreawm tuar ve hi I phu ani..”
.
Ka sam na zet a a thramna chu thlah chuang lovin a ke chuan ka ban rek ah min rap a, a nat tawkloh hlau niawm tak hian a rial salh salh bawk a, a ri rap a.. Ka ngaihtuahna ka hman hmain bang deng dawt khawpin min paih leng nawk a, a chet tumdan hmu turin ka mit ka menglui thei tawhlo..
.
“Ma-nu..awiiii..ka duh theilo…min pui ru..” hmeichhe thlabar au ri vawn vawn chu thir tla ri bawl bawl in a zui a.. Ka lum pup a..
.
“Uhruai…ka fapa.. ka nu leh pa te…”
.
.

HRUAIA’S POV*
.
“Engtin nge dawt muhlum kha I sawi theih..? Ka farnu ngeiin hetiang thil iti duh hi  ka la awih theilo..”
.
“I hmuh chuan a thusawite awih in I pawm leh ang tih ka hlau alawm.. Kan dinhmun inthlauh chu thuhran nise, khanu khan a phulo che.. A hunlai khan ka thinrim em ani” ka farnu neihchhun chu a nisi a maw..?? Ka thinrim leh tawt lutuk chuan a dressing table darthlalang chu ka hnek keh chhuai a..
.
“Ka nupui khan ka fa a pai mek thu min hrilh a tum asin..” ka thusawi avang chuan min chhan ngaihna hrelo in a ding reng a..
.
“Enge ni bur bur..? Tuin maw naupai a?” tiin Cindy room ah chuan ka nu a rawn lut a, ka pa in arawn zui bawk a..
.
“Kha misualpa kha dawt sawi turin I ruai em? Sawi rawh” ka farnu chu ka dinhnaih a.. A trap hlawp hlawp a.. “Trap lo khan sawi rawh.. Khapa kha I ruai em?”
.
“Office a alo kal a dawt ka hrilh bak kha chu Ma-nui chungchang engmah ka hrelo.. I hriatchin bak kha engmah ka hre biklo.. Ka ti tak tak.. Nau a pai tih ka hrelo ani.. Ka tihpalh..keiman Ma-nui chu ka hmu anga ka sawi vek ang.. Mama..ka tihpalh”
.
“Enge in thusawi awmzia hi?” ka nu chuan mangang zetin min zawt sek sek a
.
“Ma-nui ka then chhan thilthleng zawng zawng kha dawt vek ani.. Dawt vek.. Ka tello in hun hreawm tak a paltlang a, ka hriatlohna avangin..ka tello in ka fapa a sun bawk a..amah chauhin a tuar ani.. Ka inngaidam theilo ang..”
.
Thil awmzia ka sawi vek hnuah Cindy room atang chuan ka chhuak a.. Naute chungchang ka nu in a hriat chuan a trap zawih zawih a.. Ka pa pawh a rilru a nat hmel khawp mai.. Nia, kei chauh nilo in ka chhungte pawh hian Ma-nui kha a uire ngei ah kan ngai vek a, an rilru ana takzet ani..!
.
“Ngaihdam kan dil ngei angai anih chu.. Ava mak em..” ka pa thusawi chu ka nu in a zawm ngei ang. Ka pa hi mipa tak mai ani a, uluk taka a ngaihtuahna a hman hnuah chauh lo chuan a trawngchhuak mai mai ngailo..
.
A tukah chuan Thangmawii ka ko a, a thiltih te kha ka hrechiang em a engmah a pha thei talo. Vawikhat pawh hmuh leh ka duh tawhloh thu hrilhin ka haw tir ta anih kha.. Khatiang hmeichhe rinawmlo kha ka bulhnai a awm atan ka duhlo..
.
Ka hriatloh laiin Ma-nui thuamhnaw kalsan leh a bungrua te a lo khawih a, engtin nge Ma-nui thil pawimawh zawng zawng te a hriat ka hrelo, a bank account pawh alo khawih che ngei ani.. Hmeichhe nasa lutuk..
.
 Tunah chuan ‘thilsual tih hian a thamral mai mai ngailo a hriatchhuah hun a awm ngei ngei thin’  tih a hrechiang ve tawh ang chu.. Ka farnu pawh inchhir teh mahse ka be thei rihlo..
.
Nihnih aral leh hnuah ka nupui chungchang a dawt sawitu leh lo mutpui anga insawi Zualpuia lakah khinna thubuai ka thehlut a, reilote ah a chantur diktak a chang ngei bawk ang..!?
.
Tunah chuan ka tihtur pawimawh leh huphurhawm ber ti turin ka bei thei ta.. Hman zana Ma-nui min thlah dan avang leh ka laka inla hrang taka a awm avang khan ka thinlung ana a, mahse vui thei ka nilo tih ka hria.. Hun liam tawh a let leh a siamthat leh vek ka duh takzet a, mahse chu thil chu beisei bo mai ani..
.
A rilru ka lo tihnat sak tawhna leh mal taka a lo tuar tawh zawng zawng ten a tihnat nawn tawhloh na turin ka theihna zawng zawng in hlimna ka pe ang..  Min ngaidam theih nan leh min pawm leh ngei theih nan ka bei ngei ang.. Ka dam chhunga ka beih pawh ngai dawn mahse, ka bansan dawnlo..
.
Karkhat chhung chu kan inhmu talo.. Ka nupui duhtak neilet leh tur hian enge ka tih hmasak ber ang ka hrelo ani.. Hmeichhe incheina tlereuh leh thuamhnaw manto te hmangin ka hneh dawnlo tih ka hrechiang a, ka hmangaih a, a chungah engpawh thleng se ka kalsan tawh ngai dawnlo ani tih ka hriattir theih a min pawm leh anih chuan..he khawvel ah hian mipa hlawhtling ka ni ngei ang..!! Ka nupui mi nunnem leh mi hlim thei tak, a dinhmun avanga vui ngailo kha tunah chuan hneh awlsam ani tawh dawnlo tih hi ka hresa.. Hlim taka a nui hmel ka hmu tawh ngailo a, ka laka a tawngkam ngaihthlak nuamtak thin pawh kha ka hre tawh ngailo..
.
A rim ngaihawm leh a taksa nel thep te, a mitmeng nung sara min hmangaihna ka hmuh thin leh a anui hmel te, a engkim.. ka mamawh ani..!!
.
Ka khumah ngaihtuah ding takin ka mu a, ka phone ri chuan min ti phu zawk a... Mk-I ..?  tunang huna minlo phone teh tlat chu mak ka ti deuh..
.
“Hruai, Ma-nui chanchin kha ilo hre ve tawh em? Biak tlang I va har em em ve.. Mi kut a tuar a, a ngaihtuahawm khawp mai an tia..” a thusawi chu awih tur nge awihloh tur pawh ka hrethiam lo.. Ka hamhaih vek..
.
“Engtin nge I hriat?” ka ti hu a.. “Tunah khawiah nge a awm?”
.
“Aizawl Hospital ah an hruai a, an thenawm ah khan Robinson-a thiante an awm a, min rawn hrilh a.. A zialo tak tak ani… Ka khawngaih lutuk”
.
Mk-I pawh chhang tawhlo chuan phone ka off a, min thawng takzet.. Ka jacket ka ha sawk sawk a, in atang chuan ka tlanchhuak nghal a. Ka chhungten makti taka min au zui pawh chu ka chhang hman tawhlo..
.
‘A ngaihtuahawm maw..? Mi kut a tuar.. Min kalsan anih chuan ka tuarchhuak zo hauh lo ang…’
.
Chak zetin motor ka khalh chhuak a, Aizawl Hospital ka pan nghal a..
.
Damdawiin ka thlen chuan nurse duty ka zawt a, min kawhhmuhna lamah chuan ka tlan a.. Ruatfeli’n min rawn hmuh chuan ka lam panin arawn kal vat a..
.
“Darkar khat a ni tawh..ala harhlo reng reng.. Min kalsan lo ang..Min kalsan theilo.. an buaipui rei tawh lutuk..” mangang zetin a hmai a hup a, a inhnit hlawp hlawp a. Ruatfeli nu leh pa leh Rampuia te pawh an mangang tih hriat takin an thu hleithei lo..
.
Operation room ah chuan luh ve ka tum a, minlo dang vat a..
.
“Tunah chuan tihtheih engmah I neilo”
.
“Ka nupui in min mamawh..ka hmuh ngei ngei angai.. He thil hi tu tih nge??” tiin ka tal a, ngaihtuahna mumal ka neilo reng reng..
.
Rampuia leh Pa Duhawma chuan min dawmbet a..
.
“Tunah chuan kan nghah phawt angai..”
.
“Engtin nge hetiang hi a thlen?”
.
Pa Duhawma chuan thil thlendan a hriat ang ang chu min hrilh a.. ‘Mate-I hian tihtur trul a neih thu sawiin a in ah ava kal a, kawngkhar a hawn rualin mipa, pa lian takin kut alo thlaklai ava hmu a..’
.
“Nia, ka tlanchhuak pah khan chemte a a vit lai ka hmu hman ani..” Ruatfeli chu ala pangngai thei lova, a trap a, a khur hlawk hlawk bawk a..
.
Ka thinlung ana ngut ngut.. Chhantu tur mamawh a mangang taka a awmlai pawhin a bulah ka awm lova.. Atan hian ka va trangkai lo tehlul em.. Ka bula chair awmah chuan ka thu hnawk a, ka kun tlawk tlawk a.. Ka mittui a tla..! Min kalsan anih chuan kei hi engtin nge ka awm ve tak ang.. A chunga thil thalo thleng zawng zawngte hi a bultranna chu keimah vang vek ani.. Ka rintawk loh avangin rilru na em em in ka then a.. Then ka duh ani tih ka hrilh lai pawh khan min hmangaih thu leh min then a tumloh thu a sawi a, kei hian min then lo theilo turin ka siam ta ani..
.
Ka rilru natna leh min phatsan ni a ka hriat avang khan a tawrh theih tawp thlengin ka nawr chep a.. A laka ka thutiam..kan inneih thutiam ka bawhchhiat te..a dinhmun sawilang a ka trawngkhum dan zawng zawng te kha.. Ka rilru ni hauhlo leh ka ngaihtuah lawk hauhloh ka sawi te.. a vaiin siamthat na hun ka mamawh.. Siamtha leh turin hun ka nei angem le..???
.
Operation room pawn ah chuan kan thu ngawi thap a, ka chhungte phone in chanchin ka hrilh a, an rawn kal ve bawk a.. Inbe tur chuang kan awmlo. Rilru a hlauthawng takin kan ngaihchang threuh a..
.
Darkar 4 dawn kan nghah hnuah Operation room atang chuan Doctor arawn chhuak ta hram a..
.
.

MA-NUI’S POV*
.
Phul hring dup ah chuan kelawng in ka kal a, ka hmuh theih chin zawng zawng pangpar var sin tete in a khat  vek a, phul karah chuan sin tete hian an to vek ni maiin ka hria.. Ka nu leh pa leh ka ni te chu ka lam pana lo kalin ka hmu a, an mawi em em a, helai hmunah hian an hlim em em ani tih zawh kher ngailo in ka hmu ani.. Ka naute…
.
“I naute pawh a hlim e..” ka ni chuan ka fapa, ka thlakhlelh ngawih ngawih chu a pawm a.. Min mamawh hmelin a tu-a-mah chu an awmlo..
.
“Ka nu, ka pa..in bulah hian ka awm ve tawh dawn ti raw?” tiin ka zawt a
.
“Mate, keini chu hetah hian kan hlim a, nangchu I chawlh hun ala ni velo.. Nangmah mamawh tuten an nghak reng che ani” ka nu chuan min kuahin ka sam a chul hliau hliau a..
.
“I unaupa kha ngaihdam minlo dilsak turin ka duh che ani.. I enkawlna a mamawh bawk.. A duh reng vanga tina che anilo tih ka hria ani.. Tranpui rawh”
.
“Ka pa..”
.
“Mate, thil awmzia hrilh tur che in ila naupang em a, thil hrethiam rual ila nilo ani.. I unaupa hian a mamawh che..”
.
“I naute hi han pawm teh le.. I let leh a hun trep tawh.. I pasal khuan a mamawh che.. Inchhir taka a damchhung hun hmang turin siam suh ang che.. A hmangaih em em che ani.. Mihring thil tihsual palh nei miahlo kan awm ngailo tih hria la, I chunga thil tisual palh tute ngaidam thei turin huaisenna I nei a, i chaktawk tih ka hria ani.. ” ka ni chuan a tih thindan ang chiah in ka kut a hmer vang vang a.. Ka naute..ka fapa chu ka pawm a..
.
“Ka naute..” ka fapa thianghlim ser chu ka fawp mawlh mawlh a..!!
.
“Hetah chuan kan vaiin kan hlim a, I lo kal ve theih hun a thlen hma chuan nangmah mamawh tute tan leh I hmangaihte tan hlimna thlentu ni ang che”
.
Ka nu chuan ka naute chu ka kut atangin a la a..
.
“I kal a hun e, midangte tana hlimna thlentu I ni tur ani.. Theihnghilh ngai suh..”
.
Ka chhungte chu ka hlat riai riai a, ka hnungzang na lutuk chuan hmun sang tak atangin min pawt thla vawng vawng niin ka inhria…
.
Ka taksa na chuan min kher ngut ngut a, ka thaw kawk kawk a..
.
Ka harh chuan ka dang a ro huam huam a, ka mit chu inchar nghet tak ang mai hian a awm a ka meng theilo..ka taksa ka tiche thei miahlo..
.
“A harh in ka hria” ka bulah chuan an phun ser ser a..
.
 Ka taksa na lutuk chu zawimuangin a reh bawk a..
.
Ka harh leh chuan ka meng thei ta.. Eng lutuk avang chuan mengrei ngamlo in ka mit ka chhing leh vat a.. Ka dang a ro lutuk..
.
“Tui..”
.
“Awii.. Lalpa… a rawn harh ania.. Tui..tui.. tui kha lo la rawh” Ruatfeli ani chiang..!!
.
Tunah hian ka mu tih ka inhria..  ka nu leh pa, ka ni leh ka naute te kha.. Kan inbiakna leh an thusawi zawng zawng te… Kan inhmu tak tak em…? ka mumang mai em ni??
.
.

HRUAIA’S POV*
.
“I lang pawr lutuk, in ah va intifai rawh. I thawmhnaw pawh thlak angaih tawh kha.. Kan awm reng tho alawm”
.
Ruatfeli chuan min tur leh sek a.. Vawiin hi a ni 3 na ani tawh..
.
Ma-nui lo harh hun nghakin ka kal hlatsan ngamlo, min kalsan mai ang tih ka hlau ani.  Harh miahlo a a mu en bak tihtheih ka nei chuang lem hlei lo a.. Nia, intihfai a inthlak ka mamawh tih ka hria.. In ah hmanhmawh taka haw in ka intifai a, thildang tikual lovin damdawiin ah ka let lehnghal a..
.
“A rawn harh tawh ania” Ruatfeli’n min hmuh rual chuan minlo hrilh vat a, Cabin ah chuan thawmdim takin ka lut a.
.
Ka thawm hria in Ma-nui chuan mitmeng dul raihin min rawn en a, a mit a chhing lehnghal a.. Khum bula thuin a hmel chu ka en ngawih ngawih lo thei lo.. A dang bel in a cher hle a, a vun nung ser thin pawh hmuhtur a awm tawh lo.. A hmui no chek thin pawh chu a ro in a dang hle.. A lu chu an tuam var luk a, a ban pawh chuti bawk..
.
Duat taka kuah a fawh vawng vawng ka duh a, mahse tunhi ka tih chakzawng tihna hun anilo tih ka hrechiang..
.
“Enge I rawn tih ve?” a trawng chu a zawi hle, a hriattheih chang chang ani..
.
“Ilo harh leh avangin ka lawm e. Min kalsan dawnlo tih kha ka hria ani..” ka ngawi dat a  “Misual pawh kha an man tawh a, a phutawk hremna a hmu ngei ang..”
.
“Tunah khawiah nge a awm?”
.
“In ngaihtuah hah lo la..”
.
“Hmuh ka duh” Eng thil nge maw a sawi hi le..?? Kha misualpa kha ka hmuhtir miahlo ang..
.
“Tunah chuan Police in an kawl rih.. Hlauh tur a awm tawhlo..”
.
“Hmuh ka duh ani..” thawk ala halh a..
.
A taksa a chau a, biak tam chi ala nilo bawk.. A kut chu dimte in ka vuan a, ka khawih a duhlo tih lantir nan a kut chu a lasawn a.. Engchen a rei nge min huat dawn le..?
.
A mutthilh leh hnu chuan ka chhuahsan a.. Min hmuh leh ka bula awm duhlo mahse; ka damchhung hi chuan ka kalsan leh tawh lovang.. Amah hnaih thei angber ah ka awm zel dawn ani.. Tumah neilo ang maia a awm hi ka hmuthei tawhlo.!
.
KAR 1 HNUAH*
.
Ruatfeli hnenah Cabin a min luhtir tawhlo turin alo hrilh a, a harhlai chuan Cabin ah ka lut thei ta rihlo. A mutthilh veleh ka lut ve chauh thin.. Tunah chuan a taksa pawh tlemin a chak ta deuh a, a hmel hmuh pawh a nuam sawt khawp e..
.
A banrek a tliak a, vanneihthlak takin chemte a vihna khan a taksa peng pawimawh lai a khawih pawilo hlauh bawk.. Pathian hnenah lawmthu awm rawh se.. Ma-nui tan chauh nilo, ka tan pawh vanneihna nasa tak ani.. Ka chhungte pawhin an rawn kan fo bawk.. Ka nu leh pa te pawhin an thinlung takin an lainat takzet tih ka hria..
.
Tunah hian Cabin pawnah kan chhungkua leh Ruatfeli te chhungkua nen kan awm thap a, a chhan chu, Ma-nui’n min ngen luih tlat hlawm avangin helai hmunah hian dimna tel hauhlo a amah sawisatu  kha an rawn hruai dawn  vang ani..!!
.
Thilmak tak a awm..!! Ma-nui unaupa anga insawi, Hmangaihzuala (Zualpuia) ka nupui dawt a puhtu leh sawisatu ni bawk khan; khami zana thilthleng kha engmah a hriatloh thu a sawi a.. Thil engkim.. Ma-nui mutpui anga a insawi te pawh engmah a hriatloh thuin a pha zo vek..!! Thu chi hrang hrang Police ten an zawh hnua a tranhmun a sawhsawn miahlohna thil pakhat erawh chu ‘Ngurthansangi unaupa ka ni.. Hunrei tak chhung chu ka farnu hi ka zawng tawh..’ tiin a trang kawh ve tlat.. Eng ber nge rin a awih tur tih pawh ka hrethiam talo e..
.
Zualpuia chu Police ten damdawiin ah an rawn hruai ta a, a hmel ka hmuh chuan ahma a ka nupui a puhna chungchang kan zawh trum a a hmel landan leh tuna a hmel landan hi a danglam tih ka hmuthiam nghal..!!
.
.

MA-NUI’S POV*
.
Nasa taka ka ngen hnuah kut min thlaktu chu Police venhimna hnuai ah ka hmuh min phalsak ta hram a.. Ka zam takzet.. Ka hlau bawk.. Thil pakhat hriatchian duh ka neih hi hrechiang tur chuan ka hmuh ngei angai si ani..!!
.
Cabin a an rawn hruailuh chuan ka lo en reng a, ani pawhin min en chiang ngang mai.. A mitmeng chu ka in a arawn luh zana huatna mitmeng a khat kha ani tawhlo.. Tuna a landan chuan mi nunnem leh pangngai tak hmel a pu..
.
Police 2 in an karcheh a, Uhruaia chu ka bulah thuin inring tak hian a insangmar at a.. Awm ve angailo ka tih pawhin ka trawng hrelo ang hmiahin a awmlui tlat a..he mihring hi chuan a zia a thlak ngai dawnlo anih hi.. Ka ti ang atih tlat tawh chuan a ti ngei thin..!
.
“I hming min hrilh thei em?”
.
“Hmangaihzuala.. Zualpuia ka ni e. Kan inhmelhriat dan hi ka duhthu a sam lo khawp mai..”
.
“Ka unaupa ini tih ka hria alawm.. Kan inhmu har mah mah ani” ka thusawi avang chuan makti in min melh kawk kawk a..
.
“Engtin.. Engtin nge I hriat?”
.
“Ka pa’n min hrilh..!!!”
.
“Engtik ah?”
.
“Ka hrechianglo.. Kar hmasa kha niin ka hria..!!”
.
Ka bula awmte chuan mak tiin min en thap a.. Mahse heihi ka hrechiang.. Ka mi biak mek hi ka unaupa ngei ani.. Ka pa thusawi kha a dik..!! Ka unaupa hian enkawlna a mamawh..!! Amah hian a damlo tih a inhre miahlo niin alang..! A hmel uluk taka ka en hian ka pa hmel ka hmu thei tlat ani..!!
.
“I chunga thilthleng hi a pawi ka ti khawp mai.. Dam  tha vat ang che.. Ka unaunu.. ka hmuh tak che avangin ka lawm e..” ka kut a hmer vang vang a..
.
Minute 15 vel an thut hnuah Police pakhat chuan ka unaupa chu a hruaichhuak a.. Nia, engtin nge I chunga nunrawng taka che, I nun tichhe vektu leh dawt a a chhe thei ang bera puhtu che kha ‘ka unaupa’ tia I sawi nghal theih?? tih min zawt anih chuan..keipawhin ka hrethiam biklo.. Mahse kha mitmeng ka hmuh khan ka haw theilo ani.. Mak tak maiin ka unaupa ngei ani tih ka hre tlat..!!
.
Movie a ka hmuh thin thilmak leh lehkhabu ka chhiar a thilmak tak tak thleng thin..ka awihlo..ani thei lovang’ kalo tihthin ang kha, a tak tak a thil thleng thei leh thil awm thei ngei  alo ni  tih fiah a tawngtu ka nita tlat mai..!!
.
 Heichauh lo pawh.. Hmangaihna in thil a tihtheih zia hretu leh tawngtu ka ni bawk…
.
.
KUM 2 HNUAH*
.

“Nunmawia chu…?”
.
“A rawn thleng trep ang.. I va ngai tawh awm ve a..”
.
“Ngaih tur dang ka neilo tlat a..”
.
“In inhlat hmanlo reng reng.. Heti em em a inthlakhlelh te chu..”
.
“Hehe..hmangaihna vang ati leh ang chu.. Keichu hetiang hi ka duh velo” tiin Ruatfeli chu a nui hak hak a..
.
“Ah..alo thleng e.. I va rei em em..” Mami  chu Nunmawia lam pan in a kal nghal a..!!
.
Mami hi Ruatfeli puitu ber ania, engtik laitak atanga intran nge  kan hriatpui hauhlo nain kan thiantha tak nita Nunmawia leh Ruatfeli nena kan thian Mami te hi an inhmangaih takzet... Nia, an awmdun hmuh ringawt pawh hian phat rualloh in an hmangaih ani tih alang vek ani.. An awmhrang rei theilo.. Thla leh ni 18th  khian an innei dawn tih ka lo hrilh ve ang che u..!! ?
.
‘Mit a kan hmuh min hiptu leh kan mit la tak thilte hi kan nun min trawmpui tute an ni vek theilo.. Hmangaihna hi chu thilmak ani tiin sawi ila a fiah ber.. Tuman kan sawifiah tawk theilo..’ tiin Nunmawia hian a sawi ve tlat..
.
“Hei pawh..” tiin Ruatfeli chu a nui awr awr a.. Mami nen chuan inmelh in min rawn en zauh a.. Ka hawichhuah chuan Uhruaia kan awmna lam pana arawn kal chu ka hmu a..! A dan pangngaiin pangpar var, bawr nalh zet mai arawn keng leh bawk.. Ti tawhlo turin vawi tamtak ka hrilh a, awmzia a awmlo.. Engtin nge helai hmunah hian kan inhmukhawm dawn tih alo hriat ni…!
.
 Min rawn en a, a nui sak a..
.
Ka hawisawn nghal… Ka rilru erawh lawm avangin a hlim veng veng..!! Ka hlim veng veng ka ti elaw…??? Adik, lehlam hawiin ka nui ngei alawm.. Hunrei tak hnuah..ka thinlung takin ka nui leh ta anih hi..!!
.
Ka hmangaih a, natna min pe a.. Hmangaihna chu huatna ah inlet in amah theihnghilh tumin ka bei a.. Theihnghilh tuma ka beih nasat poh leh ka ngai zual a…Tichuan min neih let leh tuma nasa taka a beih hnuah ka ngaih vawng vawng thinna chu hmangaihna ah bawk inlet in HMANGAIHNA AH KA TLU LUT NAWN LEH DAWN TA ANI..!!
.

FLASHBACK**
.
Damdawiin ah khan thla 1 chhung zet ka awm a, damdawiin ka luh ni atanga vawiin thleng hian ni khat te pawh min rawn hmulo in a awm ngailo.. Huat reng ka duh a, ka huat reng theih pawh ka inring thin kha ania..!! Mahse tunah hian zawimuangin ka huatna te chu hmangaihna in a luahlan mek ani.. Ka thinlung hi ka hrethiam lova.. Huatna aia hmangaihna chak zawk zia pawh ka la hrefiah thiam chuanglo..
.
Damdawiin atanga ka chhuah hnuah thla 3 chhung chu Pa Duhawma te nupa min nawrluihna avangin an hnenah ka awm ren rawn a, thla 3 aral hnu chuan ka damtha ta bawk a, ka in ka luah lut ve leh ta ani..
.
Kum 2 liamta chhung khan Uhruaia hian min neih let leh tuma a beihna hi engtiklai mahin a chawlhsan ngailo. Damdawiin ka chhuahsan atanga thla 4 chhung zet chu ka be duh ngailo a, keimah a ka awm leh hnu karkhat chhung phei kha chu ka in piah ah a car dahin a riak ngat ngat..!! Hrelo angin ka awmlui thin na a, ka dawr pana ka kal leh ka haw lam minlo thlir ziah thin.. Ka pawm leh theihna turin dawhthei takin min nghak a, vawikhat pawh min nawrlui lo..
.
Thla 4 chhung a tihdan thlak miahlo leh luhlul taka a beih trauh trauh hnuah ka biak leh hmasak ber trum chuan lawm avangin a hmel a danglam vek in ka hre hial..
.
Diktak chuan kan nupa inkar a buaina leh natna thleng zawng zawng te kha keimah chauhin ka tuarlo tih ka hre tawh.. Cindy leh ka nu leh pa te hnen atangin Uhruaia awmdan leh a tuardan zawng zawng te ka hria a.. A hunlai khan keimah chauhin ka lo trap lova, keimah chauh hi intihhlum tuma nun beidawng ka lo nilo.. An zavaiin khawngaiha pawm leh turin min hrilh vek a, mahse kei hian.. ka khawngaih vang ringawt nilo..ka hmangaih avang leh heti taka min hmangaihtu hi engtik ah emaw chuan ka la pawm leh in ka ring..ti a ka ngaihtuah tak hial chu..!
.
END OF FLASHBACK**
.
“Ka tlai em?” a pangpar ken chu ka hma ah arawn dah a..
.
“Engtin nge hetah kan awm tih I hriat a?”
.
“Mit leh beng ka nei treuh alawm.. Ka lam trang vek annih hi..” tiin kan thiante chu a enkual a.. Inpawh tlang taka an signal inpek chhawn chu ka hrethiam ve chiahlo.. Nia, ka thiante hi hunrei tawh tak atang khan Uhruaia lamah an trang vek tawh ani..!!
.
Zanriah kan ei zawh hnu chuan min thlah a, ka in kawt a motor a tihdin hnuah motor atang chuan ngawi rengin ka chhuk a..
.
“Ma-nu..” chhang lovin ka en ringawt... A mitmeng atang chuan in ah lo lut ve tura ka sawm a beisei tih ka hria..
.
“Reilote…” ka sawi zawh hma hmain motor atang chuan arawn chhuk sawk sawk a..
.
Tv en pahin coffee kan in a, kan trawng tamlo dun hle.. Kan thilen lai chu kan ngaihven lo ve ve.. Coffe no ruak chu a dah ri rak a..
.
“Engtik ah nge thilthleng tawh zawng zawng te phumbo a bul kan tran that leh theih ang..?” a zawhna tlang tak chu chhan mai dan tur ka hrelo.. Thawk ala hak a.. “Tawpchin awm lo in ka hmangaih che tih hi I hria tiraw?” ka kut la in a hum vang vang a, min rawn thuthnaih bawk a..
.
“Min hria alawm.. Engkim..” tiin ka en a..
.
“Ka hmangaih che..” duat takin min kuah ta vawng vawng a..
.
Ka nunkawng bumboh leh hreawm tak chu a tawpin..rilru thar leh min hmangaihtu nen bul ka tran leh thei dawn ta.. Kan Pathian hi ava tha em..
.
HMANGAIHNA NEN CHUAN HNEH THEIH LOH LEH NGAIHDAM THEIH LOH A LO AWM LO..!!
.
A TAWNGTU I NIH VE PHAWT LOH CHUAN I HRETHIAM THEI NGAI LO ANG..!
.
.

TAWP TA….
.
.
Min chhiar sak avangin ka lawm e. ~Vanlalthanpuii Pautu