WHAT A GAME - 2

WHAT A GAME Part- 2

Kan chhiat tawh a namai lova, hospital a kangmei a chhuah atanga kum chanve  chhung chu kan chhungkua in ngai kan awh thei meuh lo. Thil thalo thlentir tu hi tunge ni ang tih han rih chhin tur  pawh kan hrelo a, Police te kut ah kan dah tawp mai ani..
Marama hian hmelma neiin a chungah thil thalo tak ti duh pawh nise, damlo tamtak leh pawisawi lo tamtak in a an tuar ve pawi tilo khawp a mi nunchhia an awm hi a makin a rapthlak takzet ani.. Nge..? Keimah zawk pawh ka ni thei tho.. Mahse hmelma ka neih ka hre lo..
Hospital sak that hna pawh chak taka thawh reng ani a, tunah chuan kan hna thawkin nunphung pangngai kan zawh ve leh ta.. Matthew pawh a lian ve tawhin chhungkua min tihlim takzet... Kan bulah Atei awm reng mahse kan chhungkua chu keimahni tawkah kan buaiin kan in daihlo ve em em reng a..
‘Tunah hian chet kan lak a hun leh ta chiah e.. An hospital a chhiatna thlen atangin engmah kan ti leh ta lo.. Tunah chuan an eizawnna khawih buai lovin an chhungkua kan tibuai tawh tur ani… Lo in buatsaih ang che…’ a zu thlit sa  chu a in ri khulh khulh a..
‘Hetiang thil ti tura hmanrua a min hmang hi ka duh tawhlo ania.. Duhtawk tawh rawh.. A nupui fanaute sawn ilakah tihsual an nei hleinem..’
‘Hmeichhia te te.. ngawi hmak la ka thu hi zawm tawp mai rawh’ Hmeichhia chu a rak thawt a. ari no nghal chak chak bawk a..
Sangzuala hi Dorothy te nen an pa te unau anni a, an chhungkua pawh an in tlawh pawh khawp mai. Dorothy nen khan an inpawh zual a, a chhan pawh thil thuhmun an duh thin vang ani.. An chhungkaw khawsakin a zir bawk a zu leh sa nen..damdawi ruih thengin khawvel an chen viau thin.. Dorothy boral atang khan Sangzuala nun hi ahma aiin a bawraw zual a. Bawraw viau e tilo chuan mite lakah a inthup hneh hle thung.. A nundan thalo leh uchuak tak mai a thuphneh em avang hian leh sum a tlakchham ngai loh avangin ngaihzawng chu a duh leh duh loh ani mai. Tuna a hmeichhe kawp Ramnghaki hi ruihtheihthil a duh viau e tih loh ah chuan mi rilru chhe tak ani hranlo. Sangzuala hian tih mualpho ah a vau bet hneh em a, ani kutah hian a intal awk nghet tawh em ani..
Dorothy leh Marama an inkawp thin lai atang tawh khan Sangzuala hi a tul hun apiangah Dorothy pui turin a awm reng thin.. Dawt sawi a ngaih pawn a hnehsawh lutuk tlat.. Dorothy chesuala a nunna hial a hloh chhan hi Marama a puh vek ani.. Sawi ngaihna awmlo khawpin a unaunu khan Marama hi a atchilh bur a, chuti chung chuan he mi nunrawng pa Marama hian a unaunu chu a hnawl a, hmeichhe dang kawpsan in a nunna a laksak ani.. Chu ngaihdan chu nghet takin a vuan bur a, Marama chauh nilo a nupui leh a fa ngei pawh a zuah nachhan tur reng reng a hre lo...
Marama hospital a thilthleng kha a sal a tang nghet tak ahminga a bialnu Ramnghaki puihna zarah zei lutukin a hlawhtling ta anih kha.. Police zawr chhe zet zet ho hian chhui zui ngaihna an hre dawn reng reng lo tih a hrechiang lutuk tlat.. Tuna a ruahmanna neih erawh hi chu a hma ami nen tehkhin chuan a dang daih.. Tun hun hi a nghak rei tawh mah mah ani… A ruahmanna tenawm tak  chu ngaihtuahin amahin a nui khi vur vur a… Ramnghaki hi a vauhneh lehzual angai ani…

Chhungkaw buaina avangin Ate-I chu an in lamah a haw angai thut a, rilru a buai.. Ka chhungte lam emaw, Marama chhungte lam emaw sawm buai tawh lovin awmpui pangngai lak mai kan rawt ta a, kan inah rawn cheng ve lovin chhunah chauh lo kal mai turin kan kan tifel a.. Thu mak tak tak thang neuh neuh awm thin avang hian midang kut a kan fapa nilenga kalsan chu kan ngaihtuah deuh khawp mai.. Mahse kan awmpui thar Rempuii hi a felin a chanchin kan hriat chin ah pawh ngaihthat lohna tur engmah  a awm hranlo bawk a, ngaiah kan neih chho ve maiin kan ring.. Rempuii hi thingtlang lam atanga kan hmelhriatte min kawhhmuh ani a, a tir ah chetdan leh khawsak dan neuh neuh hrilhchawp a ngai tihloh chu a khawsak atha reuhin a zuan a zang khawp mai. Thla khat a ral chuan chhun lamah chauh lo kal lova min rawn awmchilh mai turin kan ti a, a huphurh hmel deuh nain a pawm ve mai bawk a..
Thla thum zet a ral hnu chuan Rempuii pawh a tlangnel ve ta viau a, kan fapa Matthew pawn a ngaina ngang mai.. Zan lamah chhun a kan fapa thiltih leh nungchang thar a neih te a sawi seuh seuh a, kan hlimpui thin khawp mai…
Nikhat kan hnathawk haw chu Rempuii awmdan a danglam deuh tlat tih Marama nen chuan kan hrethiam, kan ngaih a thalo hle. Kan zawh lahin
‘Engmah anilo, ka damtha vak lova…’ ti chauhin min chhang a. Han tihvak ngaihna awm heklo kan ngawihsan ve mai bawk a..
Kan room kawngkhar in kik dawt dawt thawm ah chuan kan harh a, kawngkhar Marama’n ava hawn chuan Rempuii chu hlauhthawn hmel takin alo ding a, a thlanfim a bawl tek tek bawk a.. Thil awmdan hi a thalo tawp mai.. Zan dar khat vel bawrah chuan Common room lamah kan thu thap a.. Rempuii chuan
‘Ka sawi lovang ka ti zet a, ka ngaih atha thei lo.. Mumang mak deuh deuh ka nei zawm bawk sia..’tiin thawk ala halh a.. Ka lo hlauthawng ve nghal ngawt bawk a. Marama chu a awmdan pangngaiin a cool raih a
‘Enge nile..?’
‘Pu Maram… Nimin khan Matthew hi tualzawl ah sawn ka infiam pui a, a ball te kha gate lamah sawn a tilum a, ball chu ka um a, gate pawnah sawn pitar niawm tak hmel rapawm deuh hian minlo en reng a…. chuan chu pitar chuan min rawn kawk vang vang a, engmah sawi lovin a nui a..a kal nghal a.. Hlauhthawn tur awmlo pawh inti maithei a.. mahse ka hlauthawng lutuk tlat…’
‘Hlauhthawn tur vak a awm lovang.. Rempui, helai velah hian mi anglo pitar a vak kual thin a…’ chu chu kalo hre ve miah lo. Tun chen hi helai ah hian ka lo khawsa ve tawh a, pitar an sawi chu ka la hmu ve miah lo bawk.. Marama’n a han hrilhfiah ngial hnu chuan Rempuii chu a thla a muang huai huai ani tih a hmel atang chuan a hriat a, tha takin kan mu leh ta dial a.. Marama chu ka zawt zawm ve zat a..
‘My dear, in pitar sawi kha ka la hmu ve miah lo.. Rempuii khan a hlauh loh nan I sawi mai mai ani tiraw..?’
‘Ila hmu ve mai ang.. Kanu damlai khan eitur a pe thin a, a rawn kal fova.. Kanu awm loh hnu khan a reh ta vang vang a, a rawn lang leh tan tawh dawn aniang.. I hlauthawng hma thin lutuk…. Min lo kuah mai rawh..’ nui suk in min fawp zeuh a.. Ka pasal duhtak kuah chial a ka mut chhung  hi chuan ka thla a muang veng veng..
Hun a ral ve zel a, Marama sawi lawk ang tak takin pitar chu a rawn lang ta sek reng a, Rempuii hnenah chuan eitur lo pe thin turin kan hrilh a, ani pawn a hlau zawm ta bik lo…

Sangzuala room ah chuan Ramnghaki chu Sangzuala bulah a mu a…..
‘Bawihte..kar khat hnuah I hna thawk tan ang che.. Hrilh nawn ngai tawh suh..’ tiin Ramnghaki chu dimlo zet hian a fawp nawk nawk a..
‘Sangzual.. chetsual ka hlau..’
‘Min hnial lo mai rawh.. Tuna I thil tihtur hi I hlawhtlin chuan I mualphona tur ka neih hi ka nuai bo ang.. A nih loh chuann…. Ani mai…I hria em..’
‘Aw le…’ tiin Ramnghaki chu Sangzuala’n a duh dana a khawih kual ang ang chuan a awm tawp a…An thawm a tha zawm ngang mai…

Marama chu hospital lamah an buai zual vangin zan hnih zet chu inah arawn haw talo.. Ka hnathawk haw pahin hospital ah chuan ka peng ziah tho nain ka pasal chu ka ngai ngawih ngawih reng mai.. Ani pawh a dang bik chuang lo.. Zan thum a riahna zan chuan ka muhil thei der lo... Dar 11 vel bawr ah chuan ka phone ta ringawt...
‘My dear, naktuk ah chuan ka rawn haw thei tawh ang.. Ka tel lova awm hi I thiam thlawt lo..’
‘A hreawm alawm.. Nangpawn nuam itih loh kha…’ minute sawm vel kan inbiak hnu chuan kan duhtawk ta hram a.. Pasal hnathawk nasa deuh neih hi a chang chuan a hahthlak kati thin.. Mahse a thatna pawh a awm tho.. Kan inthlahlel tawp thei dawnlo ni maiin ka hria.. Ka hre diklo thei tho bawk..

Hun a ral duak duak a, thla khat vel bawr a ral leh hnu chuan ka pasal mizia chu a dangin ka lakah a inla hrang tlat niin ka hria.. Ka zawh in ‘engmah danglam a awmlo, engkim a pangngai vek’  tiin thinrim hauh lovin min chhang mai thin.. Mahse hmeichhia ten thil engemaw hriatna bik riau kan neih hmanga ka chik vang vang hian thil enge maw chu a awm tih ka hre si ani… Amah berin ‘Engkim a tha’ atih miau chuan ‘a thalo’ ka lo ti ngawt thei silo..
Hospital lama an buai zia chhuanlamin arawn hawlo ta fo bawk a, ka mangang ru ta viau mai…
‘My dear, in ilo thleng dawn tawh em..?’
‘Zanin chu ka rawn haw hman dawn lo.. Ka buai lutuk, nakinah ka rawn bia ang che..’ phone a off nghal… Phone a biak fuh pawh a har ta khawp mai....
Ka pasal hian enge maw a hriat tak le…!! Engkim a tha atih reng lai hian ka hriatloh thil enge maw a awm ani chiang.. Ka pasal hi ka lakah a lungawi zo talo em ni..? Kan fapa engmah la hrethiam velo chu kuah in rilru nuamlo takin ka mu ta fo mai…
Nikhat chu ka cousin arawn leng hlawl… A thuhriat min hrilh chuan mak ka ti.. Mahse ka lo rinhlelh ruk tho chu ani.. Ka rilru natna chu ka unaunu chuan a hriat ka duhlo..
‘Mite hian an duh duh an sawi mai mai alawm’ ka lo tihsak a, keipawn ka thusawi chu awih theih ka duh…
‘Matete.. chutiang ngawt chu nise ka ti.. Ka unaunu I nia ka hrilh tlang ang che.. Hospital a thawk nurse nu chu nangpawn va hmu ve la, thil va hrechiang rawh..’
‘Chutiang chu ka ti ngai lovang.. Thubuai kan nei anih chuan nupa kan nia inah kan sawifel mai ang.. Bakah..’
‘Chutia tih hun pawh ani tawh chiah emaw ni..?’
‘Ka nu leh pa ten hetiang thu hi hrelo se ka duh..’
‘Tunah chuan engmah an hrelo.. Mahse thu hi a kalzel chuan an hriat hun ala awmtho ang..’
Ka unaunu a haw hnu chuan ka thaw apik takzet… Ka pasal min hmangaih em em tu nia ka hriat hian min phatsan ka ring thei lo.. Chumi zan chuan Marama bulah ka sawi ta nge nge a…
‘My dear, ka thu hriat hi adik em..? Midang kawp I neih thu hi hriat ka lo inring ngai hauh lo asin…’ Engtin mah min chhang lo…
‘Mawhh.. Umaram… Enge thil awmzia hi.. I chungah thil tihsual ka nei em ni..?’ Min la chhang chuang lo..
‘Ka ti lungawi..’
‘Muhil tawh rawh..’ a tawngkam atang chuan eng ang rilru nge aput ang tih ka hrethiam lo.. Min vin lova, min ning hmel pawn a awm chuang lo.. Ka rilru a mangang a, tihmai dan tur pawh ka hrelo.. Hetiang thu a hnena ka sawi chuan mi dawtsawi mai mai anih thu leh amah chu ring mai tura min hrilhin, min hnem ka lo ring a.. Mahse ka rindan letling chiahin ka pasal hian engmah asawi lo… Amak ka tiin ka hrethiam lova, ka tah a chhuak bawk. Engmah asawi duh tak loh ah chuan ngawi rengin ka mu ve ta a.. Ka muhil lo chiang e.. Mutthilh chu sawi loh, chhete pawn ka mut a chhuak lo.. Ka rilru na lutuk chu tap ri si lovin ka mittui a luang zawih zawih a…

Marama pawh chu a muhil lo.. A hmangaih em em a nupuii’n a phatsan ani tih a hriatni atang khan a nupui a mamawh em em hi hnaih har ati tlat tawh ani.. A then mai dawn em ni..? Chu chu engti zawng mahin a thei ngai lovang.. Tuna miin an sawi pun tak a hospital a thawk ve nurse Ramnghaki hian tunhma atangin alo ngaihmelh fo tawh thin tih chu a hai lova, mahse a hnaih turin a awm ngailo.. Matetei nen an inneih hnu khan a zia ta viau a, thla khat vel liam ta atang khan a rawn beisei thar leh nasa a, engmah thlenpui lo mahse miin anlo sawi pung chu pawi pawh ati tehchiam chuang lo.. A rinloh lutuk a Matetei’n a phatsanna hian a rilru a tibuai vek ani.. Nurse Ramnghaki’n ‘I nupui hi I rin ang ani lovang…’ tia a hrilh lai khan pakhatmahin nurse nu thusawi chu a ring lo. Mahse a fiahna ngei a hmuh takah khan a rilru a keh chhe ta vek a, a nupui rilru tihnat chu pawi tihna a nei talo ani..
A hmangaih a nupui chu rilru na in atap tih pawh a hria, rilru buaina tur leh thil thalo engmah a thleng lo tia duat taka kuah a hnem pawh a duh.. Mahse a mipa kawp nena an thlalak a hmuhte kha a mitthla ah arawn lang zut zut a.. A hetih vang hian ani ngei ang tun hnai ah a car chianloh chhuanlamin a thawhpuite rualin college a kalin arawn haw leh  thin bawk a.. An inneih hma khan hetiang mi hi ani ang tih lo hrelawk se chuan a neilo tawp tur hi ania..  Thikna leh rilru natnain a khat a, engmah sawi thei lovin mutna ah chuan a in hum ruh ngawt ngawt a..
Matetei chu engmah hrelo awm takin alakah a awm a, chu chu a thinrim tizualtu ani.. An inneih tirh atanga a tih ziah thin, hnatawk a a chhuak tur a nupuii’n a fawp ziah pawh chu atihtir tawh loh angai.. Hmangaih viau mahse na tawrh tir ve duhna in a khat tawh… A thawmhnaw hak tur alo dahfel diam thin pawh ha lovin thawmhnaw dang a ha lui ngat zel tawh.. Matetei’n rilru nat hmel taka a en a hmuh chang chuan hreawm chu ati.. Mahse he thil hi ala kaltlang pui zel angai..

Sangzuala leh Ramnghaki chu an hnathawh hlawhtling tan lawmin an rui dun khawp mai.. An rin aiin a thawk chak lehnghal.. Ramnghaki hian a thawhna hospital a an boss hi tunhma pawhin alo ngaizawng tawh thin a, mahse tuna a nupui pawmlai a tawn atang khan engti zawng maha beisei zawm ngam chi ni a ahriatloh avangin a bansan ta kha ania.. Mahse tunah a rin aia awlsamin an nupa inkar chu a ti khi mek ani…
‘Bawiha..a nupui car khawih chingpen hi chu tihzawm tawh suh.. miin an hmu fuh palh ang che tih a hlauhawm mah mah ka ti..’
‘Tun chu a bultanna chauh alawm la ni le.. Rei tak ka rial tawh lovang.. Ka unaunu thattu hi a in zawng zawng saw ka hal darh vek dawn’ tiin Sangzuala chu a tawng bual bual a..
‘A tirah khan ka chak vaklo nain tunah chuan nuam ka ti phian mai..’ anui zawm awr awr a… ‘Sangzual ka mi ngaihzawn em em thin hnaih theihna huntha min pe tih I hre der si lova…I mawl chhah teh e.. Kei hi ka him anga, nang erawh I him dawn lo khawp’  tiin a ngaihtuah zawm zat a.

Ka car mak taka chiang lo ziah thin hi mak ka tih rukna arei tawh… Ka thawhpuite ka tihbuai phah thin a, ka inthlahrung thin khawp mai.. Donny-a motor a chuan phei hi chu ka duh vaklo.. Marama nen kan inneih hma, kan college a arawn thawh tirh lai a min melhdan leh kan inneih hnu a min melhdan hi ala ngai rengin ka hria.. Hnaih loh hram hram ka duh.. Tunlai Marama ka laka a awmdan a danglam sawt em em bawk nen, min hmu kherlo mahse mipa dang, kan chhungkhat nilo bula awmhnaih vak hi ka duh lo.. Lo hre lawk ang mai hian ka motor chian loh ni nen kan la intawng thei em em lehnghal…
Nikhat class ka la zo haw mai ka tum chu ka motor a nung leh thei tlat lo, remchang zet hian Donny-a alo awm leh vang tawh.. Kan class neih zawh hun ala rual fo lehnghal a…
‘Miss, ka rualin lo haw mai rawh.. I motor kha check tir angai anih kha..’
‘Nia, check tir ang.. Taxi in ka haw mai ange.. Ka lawm tho tho e..’
‘A ho lutuk.. Lo kal rawh..’
‘Ngawirawh..kal kualna tur ka nei a, Kan pa ka tlawh kual dawn a itan a buaithlak..’ ka tumlawk pawh ani chiah lo, a motora chuan loh hram hram hi ka duh..
‘Buaithlak loh e.. Lo kal rawh..lo kal rawh’ tiin min rawn pawtlui ti tih a. Tan luih chu mawi ka ti bik chiah silo. Rilru beilo tak chuan ka chuang lut leh ta poh a.. Dan pangngaiin a titi leh bawrh bawrh a. Hospital bul kan thlen chuan ka chhuk thuai a, min la rawn au zui tak tawk tawk a..
‘I motor chu check lo mahla kan haw dun thei tho alawm.. A buaithlak miah loh ania..’ ala rawn ti deuh deuh..
Hospital corridor ka thlen chuan Marama’n min lo en reng a, a hmel awmdan chu ka sawi thiam lo… A mitmeng chu… Thil tenawm tak hmu ang mai ani…
‘Tinge tikhan min en a..?’ tiin ka nuih a, a ner sak ringawt.
‘Enge I rawn tih dawn?’ tiin a kalsawn a, ka zui ve nghal.. A ding chawt a
‘Ward ka fang dawn.. Tih ve tur I neilo..’ phun sep sep angin alanga mahse a tawng chu ka hre chiang hle.. Engmah sawizawm na chi ani lo.. Ngawi rengin ka inher a, in lam panin ka hawtlang ta nghal a. Ka rilru ana takzet..
In ka thlen chuan ka fapa in ngai takin minlo hmuak a, ka tah a chhuak zual.. A hma angin kan nupa kan inpawh thei tawh lova. Enge tihsual ka neih ka hre silo. Marama ka zawhin biak loh ang chiah ani si. Kan nupa inkar danglam nasa ta lutuk chu Rempuii’n a hriat ka hlau hle, a hmuh lai chuan pangngai thei ang berin ka awm hram hram thin.. Marama pawh chuti tho chu niin ka hria..
‘Ka pasal hi chuti maia then ka tum lo.. Aman min petchhuak anih loh chuan’ tiin ka tuar ka tichhel sauh sauh a. Min chhan duh miah loh pawn ka be siam siam a, a chang chuan tlawm ka inti ngawih ngawih thin.. A thawmhnaw hak tur ka siam sak pawh a ha duh tawh miah lo.. Ka pasal ti lungawi tur chuan ka tlawm pawh a ngai tel alawm tiin ka inhnem hram hram.. Ngaihzawng neia an sawina zawng zawng pawh ka haider lui.. Ka thinlung a hah takzet.. A ngaihzawng neih chu a thup lo tial tial lehnghal..
Fur khua ruahtui tam vanglai ani a, ruah a sur nasa in tek a tla chhuai chhuai reng bawk a, angaite bawkin Marama hospital ah ariak deuh reng.. Tek tla hi ka hlau tawp hleithei lova, ruah a sur a tek a tlak tawh chuan ka mu ngam ngai lo. Hlauh loh ka duh.. Mahse ka tilui thei thlawt lo.. Loh theih lohin Rempuii ka kaitho a, commom room ah mutna siamin kan mu leh ta. Tun hi a vawikhat na pawh ani tawh lo..
Rempuii chu apa damloh vangin an khua ah a haw ngei ngei angai a, a cham chen tur hriatloh in a haw ta a. A tel lova awm chu  ka huphurh rualin ka thawveng huai. Ka hna a kal ngailo turin chawlh ka la hmak a, Engtik lai pawh a inven ngaiin kan awm a tul tawh rih lovang. Kan nupa nun hreawm ru tak hi ka chauhpui tawh ani.. Marama pawh ka ngen nasat em avangin Rempuii awmloh chhung chu alo haw ve ta ziah. Ka laka a awmdan erawh a hreawm zual zel ni maiin ka hria.. Ka mamawhna leh ka thlakhlelhna a kiam chuang silo..
Zankhat chu ngawi rengin a insiam mawlh mawlh a, kalchhuah a tum niin ka hria..
‘My dear, I chhuak dawn ami.?’
‘Hmm..’
‘I rei angem? Khawnge I kal dawn?’ Min chhang ta mailo chuan alamah min pawt hnai a, ka thlahlel ngawih ngawih tih hi amah pawn a hre ngei ang.. Ka thaw hak a, ka maimitchhing ringawt.. Ka pha lo.. Ka pasal hi ka thlahlel takzet..
‘Ka ngaihzawng ka hmu ang chu.. Tun ang hunah khawi dang ah nge ka kal ang..!!’ Ka nghing dawt.. Ka mit ka men chuan chiang zet a min enin a nui hul hak a, min vawnna chu dimlo zetin a thlah a, ka rinloh lutuk thil ani…ka pai nawk a.. Min ngaihsak zui miah lovin darthlalang ah a inthlek vang vang a, awmdan tur pawh ka hre lo, ka en tlawk tlawk ringawt a..
‘Rei deuh ka innghahtir chuan a tha lovang..’ tiin room chu a chhuahsan a, ka dinna ngai ah ka ding ngar ngar… a thawm ka ngaithla zui vang vang a.. a motor ri chu a rikna a hla tial tial a, thawmdang hriat tur  a awm talo.. Ka tlu hnawk a, ka tap lo thei talo.. Kan fapa a muhil chu thil lawmawm tak ani.. Ka tap min hmuh chuan mangang in a tap ngei ang.. Chumi zan chuan chin khat te pawh ka chhing lo.. Ka tap tlaivar chiang khawp mai..
Zing dar sarih velah Marama chu a rawn haw a, ka be lui thei ngang lo. A hmel pawh ka en thei lo.. Ka thinlung chu vih ngar ngar ang maiin ana vawng vawng a. Amah pawn min en miah lo se ka duh.. Ka tap tlaivar thak ani tih ka hmelah a hrethei nghal ang.. Chuan ka tawngchhuah theih hmasak berah inthen ka duh thu ka sawi bawk ang.. Tunah chuan ka tawng thei rih lo.. Tap chunga tawng chu ka duh thak lo..

Marama’n zana in a chhuahsan ta kha hospital a panding nghal a, ama office ah ava thu tlaivar ta ringawt.. Matetei rilru na takin a kalsan a, engtin nge a mutthilh theih reng ang ni..!! A tumsa ni hauh lovin a ngaihzawng a hmu dawn tiin ala hrilh leh ta nghal a.. Heti reng reng chuan a tuar thei tawh lo.. Engpawh tuar huamin remchang hmasa ber ah thutawp a sawi tawh tur ani.. A chenpui a, a khawih thei silo.. Amah a inhrem a, a nupui pawh a hrem ani..
Zing a Matetei hmel a hmuh chuan a thil lo tum lawk chu dawn awm lovin a thulh nghal.. A hmel atang chuan zanah mu miah lovin a tap tlaivar thak ang tih a hrethiam a, nidang anglo takin a ngawi reng a, a kun chal bawk a, tah insum niawm takin a heh a pet fan fan bawk. A fapa a chhawnchhaih erawh chuan a pangngai viauin alang..mahse  Matetei awmdan chu a hrechiang..a pangngai hlawl lo..
Marama chuan ngawi rengin chaw a ei a, dar 10 dawn ah ngawi reng bawkin in chu a chhuahsan leh a. A kal dawn chuan Matetei chu an fapa nen khumah an mu a, Matthew chu tui takin a muhil barh barh a, anu erawh a muhil lo tih a hre reng mai.. Pawnah chuan a ding vang vang a, room ah a phone theihnghilh la turin thawm dim takin a let leh a.. Bathroom atanga thawm lo chhuak chu a ngaithla ta reng a..
Tui inherh hawri karah chuan tap hlawp hlawp thawm a hria a, tah chhuak tak insum tak si a tap ri ani… A thinlung chu ana vawng vawng.. Hlim takin ka siam ang che tia duhtaka nupuia a neih chu thinlung kehchhia in a siam ani.. A nupui chunga a thinrim chhan chu engpawh ni rawh se, thinlung na lutuk a a tap ri hriat chu a thil duh ber anilo tih a hrechhuak chiah bawk.. Mahse a ngaidam thei angem a hrelo..
‘Matete…lo hawng teh..’ tiin bathroom kawngkhar chu a kik a, tap thawm chu reh nghalin tui inherh hawri chu a ring sauh a.. kawngkhar chu nasa zawkin a kik leh a chhanna a hmu chuang lo.. Rei tawk fang a kik hnu pawh chuan chhanna a hmu chuang lova, a nupui rilru len zia a hria a, tunah chuan a rawn hawng duh dawn chuanglo tih a hria.. Rilru kimlo takin hospital lam chu a pan ta a. Tlaiah hma takah a haw anga, thil awmzia zawng zawng an sawifel ang.. A nupui laka hetianga a awmchhan te, a rilru natna..a nupuii’n a phatsan tih hi a hre vek ani tihte… Engkim avaiin an sawifel vek thei ang..
Tlai a in a thlen chuan alo reh thiap a.. Nidang a ang lo. An room a luh chuan Matetei chu felfai taka alo thuin alo en kal a, a hawi kual chuan thil reng reng a inrem fel thlap bawk.. Matthew hmel a hmu lova, thil awmdan hi a hrethiam lo..
Marama’n bathroom kawngkhar a rawn kik dawt dawt chuan, ka insuma ka hmui ka hup nghal bawk. Ka pasal hriat lai a tah hi ka duhlo.. Tui ka herh haw tam sauh a, kawngkhar chu hawn tumna chhete pawh ka neilo.. A kal hnu chuan ka in ngaihtuah fim a, ka nun a thutlukna khirhkhan ber ka siam ta.. Ka pasal ka hmangaih leh ka thlakhlelh em em tan hian mi hnawksak mai kani tawh a, tunah chuan ka kalsan a hun ta ani e.
Muangchangin thawmhnaw ka pack fel vek a, Matthew chu hruaiin kan in lamah ka dah a. Ka chhungten ka hmel an hmuh chuan thil dik tawklo a awm tih an hrethiam a, mahse engmah ka  la sawi lo.. Marama lo hawn hun ah ka thutlukna ka hrilh anga, tichuan thil awmzia ka chhungte ka hrilh chauh ang… Ka huphurh takzet..
Tichuan Matthew hnuchhiahin ka let leh ta a, Marama lo haw hun nghakin huphurh takin ka rilru ka in buatsaih a.. In alo lut thawm ka hriat chuan ka zam lutuk chu ka khur titih der a. Ka zam tih hi engti kawng zawng mahin a hre tur ani lo. Room alo lut ka hmuh rual chuan
‘Tunah chuan I zalen tawh e.. Tibuai tur che in kan awm tawh lo ang. Chhuahsan tur chein ka inpeih tawh..’ ka lo ti nghal tawng a. Ka awki chu ka rin aiin a lang zangkhai.. Marama chuan makti hmel zetin min en hu a.. Ka ngai pawimawh duh lo.. Ka sawi tur hi ka sawi zo anga ka chhuahsan nghal ang..
‘Zalen tur chu kei ni lovin nangmah zawk ini..’
‘Eng maw I sawi..’
Ngawi rengin drawer chu a hawng a, thlalak tam tham zet hi ka hma ah chuan a paihdarh a.. A thil paihdarh chu ka en a, a awmzia ka hrelo..
‘Heng hi enge..?’
‘I mi kawp pa nena in thlalak anih hi.. Hrelo ang chuan awm buai lo mai rawh.. I motor chian loh chhuanlam a I hna a I kaldan zawng zawng pawh ka hre vek.. Ka mit ngei hian ka hmu thin bawk..’ a tawng dan atang chuan ala sawi zo mai dawnlo tih ka hria…
‘Eng maw I sawi.. Min phatsan tawh vangin min puh chhe ve ringawt suh..’ thlalak tla darh nuai chu pakhat ka chhar a, ka en chian chuan mak kati lutuk a awmdan pawh ka thiam lo.. Ka tah a chhuak a, ka nuihte a za bawk… Thlalak chu la kangin
‘Heihi dawt vek.. Engtin nge I neih..? Hetiang hian vawikhatmah ka awm lo..’ thlalak ah chuan Donny-a hmel chu a lang ngei a, hmeichhia a fawp lai ni awmtak ani.. Hmeichhe hmel erawh alang lo.. A kawr hak rawng erawh ka thawmhnaw thenkhat rawng nen a inang.. Mahse he thil hi dawt muhlum vek ani.. Keimah ka nilo..
‘Thlalak ami hi keimah ka nilo..’ tiin a kawr hma lam chu ka pawt a, ka tum lawk reng pawh anilo..
‘Atawk e.. pha buai duh suh.. Engmah ani lo.. Ka then dawnlo che..’ a rilru tur awmang ka hrethiam lo..
‘Ka duhdan a awm turin dikna ka nei.. Min chelh lui thei lo..’
Min tham nawk nawk a, min dimlo ngang mai.. Min fawp bawrh bawrh a, a thinrimna hrikthlak a tum niin a lang.. Ka lo tang ve sateh nain awmzia a awm lo..
‘Nang hian min chhuahsan lovang.. ’ min khawih zawm zel a, min dim ta deuh.. Ka pasal hi ka mamawh a, ani pawn min mamawh.. Tang rei tur ka awm talo… Min khawihna zawng zawngte..a thaw lum ham ham te.. Ka pasal hi ka mamawh takzet ani..
Rei tawk tak hnuah chuan ngawirengin kan mu dun a, min la kuah reng a..
‘Thlalak ami kha keimah ka nilo.. Maram I hmeichhe kawp hi thlah rawh.. Ka tuar thei tawh lo..’ ka tawng chu a ri chhuak chang chang..
‘Min chhuahsan suh..’ kan ngawi dun vang vang a. Min kuahna chu thlahin a tho thut a, engmah sawi tawh lovin bathroom ah a lut tlang nghal a..
Ka rilru ka thlak leh rih angai ani.. Ka beidawng hma lutuk te hi ani lo maw.. Mipa dang kawp angin ka pasal hian min ngai a, atan ka rinawm reng ani tih hi ka hriattir anga, thudik a hriat chuan ani pawn a hmeichhe kawp hi a bansan ngei ang. Min rinhlelh vang a hetianga awm anih phei chuan….siamthat a awlsam hauh lovang..
Ka chhungte ka phone a, Matthew chu kan inah rawn dah turin ka hrilh a, boruak pangngai thei ang berin ka nun hram hram angai ani…

‘Ramnghak nihnih hnuah kan thiltum hi a tawp kan thlen angai.. Kan dinhmun a derthawng dawna hriatna ka nei tlat..’
‘Ava rang awm thut thut ve…’
Ramnghaki chuan nuam ala ti dawn chauh niin a inhria a, an thiltih mek chu chuti tehthut a tawptir a ui tlat.. An ruahmanna tenawm zet mai an hman tan atang khan Dr. Marama awmdan hi a danglam tih a hria a, amah hnaih tak tak duhlo mahse miin in ngaizawng anga an sawi chu a nuamtih tawk a tling tho mai.. Hetiang ang anih reng  chuan rei lovah an nupa hi a inthen tir theih a inring.. Doctora hi a rin aiin bum a nuam.. A thuhrilh te a awih mai zel niin a lang a.. A lehlam ah chuan awihlo ngawt dawn se a thusawi fiahna tur awihawm takin Sangzualan alo siam zung zung thei tlat a.. Sangzuala thusawi pawh chu a dik thei tho.. Dawt muhlum ringawt chu enge mawti zawng takin awlsam taka hailan mai theih anih na chin a awm reng ani.. Tunah chuan Doctora hian alakah rinhlelhna pakhatmah ala neilo tih a hre reng mai..
‘Ka sawi chu I hria em.. Ramnghak.. Kan mihringa saw a nupui fanau te ama thah anga langin an thi ngei ngei tur ani..’ Sangzuala chuan a rawn nghawk salh a, a phu zawk.. Sangzuala tawng alo ngaithla tawhlo reng reng..
‘Eng ber chuu..’
‘Naktuk tukleh ah kan ti zo ang.. A tihdan tur chu a tlachawpin ka hrilh ang che.’

Marama chuan a rin aia awlsamin Matetei chu a chelh thei a, mahse tunang reng hi ani dawnlo tih a hria.. Anupui hian phatsanin midang lo kawp pawh nise tunah mai chuan a then thei lo.. A duhna, a hmangaihna, a mamawhna zawng zawngte hi engtik ah mah a reh dawnlo tih a hrechiang.. Hreawmna siamsak chu engemaw chenah a phu ati ve tho.. He thil hi a tak tak lo nih vaih chuan… Matetei khan thlalak kha a hriat miah loh thu a sawi a, a ring ngam dawn em le..! A nupui hian vawikhat mah dawt a hrilh ala hre ngai lo..
A ngaihtuahna a kalthui hle mai.. Hetiang thil zawng zawng hi mi tuemaw thangkam ni tase, tul hauh lovah anupui chu a hrem tihna ani dawn a... A nupui thusawi bak chu fiahna dang engmah a hre mai silo.. A hriatfiah nan engtin nge hma a lak ang tiin a in ngaihtuah buai takzet..
Ramnghaki chuan a bag chu fimkhur takin a keng a. A bag ken hi Marama te in ah a dah anga, Minute sawm hnuah chuan thil thleng tur zawng chu a thleng fel tawh ang.. Thil thleng lai chu Sangzuala nen ralkhat atangin anlo thlir veng veng tawh mai dawn ani.. Tichuan a mualphona tur pawh Sangzuala’n a tiam ang ngeiin a nuai bo bawk ang..
Rei vak lovah Marama te in chu an thleng a. Inah chuan tumah awm lo ang maiin a reh thiap mai.. Kawngkhar erawh a inkalh lo.. Door bell chu zam ru takin a hmet ri ral ral a.. Chhangtu an awm mai lo. Kalsawn mai tuma a inher rual chuan kawngkhar chu a rawn in hawngin Matetei a rawn chhuak a. Marama nupui hmelah chuan mak tihna alang.. A awmlo lemlo.. A pasal hospital a thawk..a pasal nena mi sawi kai hat hmuh chu thil lawmawm ani hranlo reng ani.. Alo ankhum nghal phiar phiar lo chu thilmak ani zawk.. Engkim a hre ve vek ang tih a lang reng mai si a..
‘Enge nita..?’ a aw chhuak chu a dam hle mai.. Doctora’n a nupui a duh em em hi thilmak ani love.. Reitak a bula awm kher pawh ngai lovin a zia tur awm ang chu a hrethei mai.. Mi nunnem leh dawhthei tak ani ngei ngei ang.. ‘Reilo te ah hian I nun a tawp dawn ania..i fapa nen..’ tiin a ngaihtuah a..
‘Ahh.. englo..hei Pu Marama’n a bag hi rawn dah turin min thawn a..’
‘E, a lawmawm e.. I va buai phah awm ve..’
‘Buai phah love, ka hmanhmawh deuh a ka kal lehnghal mai ang..’ chhanna pawh nghak lo chuan a kal nghal a.. Mak tih hmel taka Matetei’n a enzui pawh chu a hrechang tawh lo.. Sangzuala motor dahna lam pan chuan a kal hlawk hlawk a.

Dr. Zomuana chu hmanhmawh takin Marama cabin ah chuan a thil hmuh leh hriatte a thianpa hrilh turin a lut a..
‘Thianpa.. thilawm dan hi ka ngaih a tha miah lo ania.. Nurse Ramnghaki leh mipa pakhat hi mi hmuh hlau taka an inbe lai tum hnih ngawt ka hmu tawh..’ Marama chuan ngaihven vak hmel a pu lo.. Dr. Zomuana hmel en chuan a thilsawi tur chu thil hmanhmawhthlak anih hmel si
‘Henu hi ka ning tawh tehmai ania.. Mi thu puarpawleng sawite hi a tak emaw ati niin ka hria..’
‘Nilo thianpa.. Nichin lawk khan a duty zo haw tur kha ahmaa ka hmuh tawh mipa nen bawk ka hmu leh.. An thusawi kha ka hrechiang lo.. Minute sawm bak rial angai lo..tihfel vat vat a ngai.. Doctora nupui leh a fapa.. tihte ani nawk.. Chiang tak chuan ka hre lo…’ a ngawi dat a..
‘Ngawi rawh a mipa zawk kha ka hrechhuak.. Dorothy  unaupa Sangzuala kha ani..’
Chu thu a hriat meuh chuan Marama hmel chu hlauhthawnna hlirin a khat nghal.. A motor chahbi la in hmanhmawh takin a tlanchhuak a, a thianpa Zomuana chuan a umve nghal bawk a..
Marama chuan hmanhmawh takin motor a khalhchhuak a, Matetei number a dial nghal bawk.. A phone tlang thei lo… Traffic jam nen duh angin a tlanchak theilo… An in hmun fal deuh a a awm chu pawi ati takzet… A nupui leh a fapa te chu engtin tak awm ang maw..
An in a thlen dawn hnaih chuan mi anlo tam khawp mai.. Motor chu tiding in hmanhmawh takin a chhuk a, an in lan theih naa a ding chiah a thil hmuh chu a awih theilo… Meikhu hlirin a khat.. A nupui leh a fapa te kha inchhung ah an awm ngei ang… Lo fimkhur a thil lo chik tur ania sin.. Engamah hmain anupui lakah a thikthu chhiat vangin alo ngaihtuah chiang lo ani… A landanin chutiang khawp a meikhu nasa karah hmeichhia leh naute mai chuan engmah tihtheih an nei lovang.. A thianpa Zomuana pawh arawn thleng chawpchilh nghal.. Marama mangang in kang khu vut vut a tlanluh a tum chu alo dang bet bawk a.. Kangthelh motor a rawn ri ruai ruai a, mipui chu kalsawn turin an rawn au bawk a..
Anupui a hmangaih em em leh a fapa chu a chan ta… Tunah chuan inchhirin awmzia anei tawh lo.. Police phone in Sangzuala leh Ramnghaki te chu lo chhui zui turin a report ta phawt.. Tihtheih ava nei tlem ta em…
Rei vak lovah police ho chuan Sangzuala leh Ramnghaki chu an man a, police station ah thu an zawtfiah tan nghal a.. Insawi fihlim an tum dun nasa hle…
‘An in ah vawikhat pawh ka la kallo.. Min puhna chhan tur pakhat mah a awmlo.. An in awmna pawh ka…’ Ramnghaki chu tawng zawm nachang pawh hre lovin hamhaih zetin a ang phiau a…
‘Ani thei lo.. I thi tawh.. I mangang au ri pawh ka beng ngei hian ka hria…’
‘Tunah chuan I dawt sawi khan a chhanhim theilo ang che..’ an ngawi thap a..

Kawngkhar ka hawng a, Marama nen inngaizawng anga ansawi nu ka hmu thut chu  mak kati viau tih ka thup thei lo.. Marama’n bag a rawn thawn haw pawh chu mak kati.. Biak hman mang loh in a kal lehnghal daih a. Bag chu la in ka khai a, Matthew tap ri ka hriat avangin bag chu hawng lovin dining table ah ka dah a, ka fapa ngaihvenin room ah ka lut nghal a..
Thil puak ri ring tak ka hria a, kan in chu a nghing dur dur in ka hre bawk.. Room kawngkhar chu hawn ka tum a, thil rit takin a dal ang maiin ka hawng theilo.. Kawngkhar kar atang chuan meikhu a rawn lut a, kar lovah kawngkhar hawnna chu khawih ngam loh khawpin a rawn sa nghal bawk a.. Ka mangang lutuk chu ka rak vak vak a, eng ber nge ka sawi phei chu ka hre lo.. Matthew pawh a tap bawk a, ka fapa chu kuahin tih hmasak tur ka hre lo.. Mei alh ri hlup hlup karah chuan kanin pawn lamah mi an awm tih ka hre thei a..
Kan room hnunglamah emergency a chhuahna tur kawngkhar a awm tih ka ngaihtuah chhuak a, ka fapa pawm chung chuan hmanhmawh takin kawngkhar lam chu ka pan a, room chhungah chuan meialh a rawn lut tan in boruak asa hle bawk.. Kawngkhar chu hawn mai ka tum a a inhawng thei lo.. Ka fapa chu nghatin ka theihtawp a na in kawngkhar chu ka su a, meikhu a nasa in engmah ka hmu tha thei tawh lova.. Ka mangang takzet.. Ka beidawng titih der bawk.. A tawp nan tiin ka tha neih zawng zawng sawmkhawmin kawngkhar chu ka su leh chawrh a, a inhawng hlawl mai..
‘Lalpa ka lawm e..’ tiin ka phun mawlh mawlh a, ka fapa chu pawmin ka chhuah pui ta a.. Kangthelh motor a rawn thlen atanga rei vak lovah mei alh nasa zual chu a reh a, ka au vak vak a, meikhu ka hip nasat avangin ka au ring thei tawh lo a, thahrui ka nei tawh lo bawk.. Ka fapa pawh chu a zawi ngiai a, ka khawih ang ang in a awm tawp tawh.. Kangthelh ho chuan min rawn tanpui a, hmun himah min hruai ta a..
Marama ka hmuh chuan ka insum thei lova, ka tap tlawk tlawk mai.. A nin nghet takin min kuah a.. Matthew chu hruaiin hospital lamah min phur ta a.. Marama’n an check zung zung a, kan fapa pawh rei vak lovah a rawn pangngai ve leh mai bawk a.. Thaw a veng huai huai mai..
Ramnghaki leh a thurualpui an man a, an tang na khawp mai tih thu min rawn hrilh a, ka hahdam deuh hnuah police station ah Marama nen kan kal leh ta ani..

Tunah chuan kan chhungkaw chunga thil thalo thlentir tum tute hriatchhuah in an awm ta a, rilru a hahdam thei ta e.. Na taka hrem anni bawk ang. Thilthleng tamtak avangin Marama chuan hreawm atiin ka lakah nasa takin a inthiam lova, mahse ka dem lo.. Ka laka ngaihdan thalo a lo neihte pawh ka dem chuang lo.. Ka pasal, ka hmangaih em em ani a, thil zawng zawng a hre vek bik lova mi famkim ani lo tih ka hria.. Amaha thil tha leh thalo zawng zawng te pawh ka pawm vek ani..
‘Ka nupui duhtak..ka hmangaih che.. ’ tiin tukverh bula ka ding chu ka hnung lam atangin min rawn kuah a.. Inher remin a nghawng ah ka kuahlet a..
‘Keipawn ka pasal hi ka hmangaih..’ tiin ka nuihsang a.. Min fawp zeuh in min kuah nghet zual sauh a..
‘Min kuah nat lutuk chuan Matthew nau tur hian hreawm ati ange..’
‘Ohh.. Engtik atangin..’ sexy zetin min melh leh run tawh..
‘I thinrim rah kha anih ka ring..’ tiin kalo nui har har a
‘Nang hi…. Football team zat ka duh ka tih kha hre reng ang che’ tiin zo zetin room lamah min pawm lut nawl nawl a…

A TAWP TA
.
MATTHEW STORY - SNOWFLAKE