THE DONKEY AND HIS MASTER

  THE DONKEY AND HIS MASTER
.
Hmanlai hian Sabengtung phunchiar tak mai hi a awm a. Nitin hah taka hna a thawh thin avangin  a pu huan enkawltu chungah a lungawi lo em em mai a. Jupiter pathian hnenah sabengtung chuan pu thar neih a dil ta a ni.
Jupiter pathian chuan sabengtung phunchiar zia chu a hria a, huan enkawltu aia chhawr rim zawktu tur bel vawtu pu thar a pe ta a .
Sabengtung chu a lungawi lovin a phunchiar zual a, Jupiter pathian hnenah chuan pu thar dang a dil leh ta a. Jupiter chuan savun lipa eizawng pu thar a pe leh ta thung a. Ahma aiin sabengtung chu a hah lehzual tawh zawk a.
Ngun takin a in ngaihtuah vang vang a, sabengtung chuan, “Ka va han tifuh lo tak em! Ka pu hmasa ber lakah khan lo lungawi tawk mai ila chuan ka thawvengin ka hahdam zawk tur a nia. Tuna ka pu hi chuan min chhawr hah zawk mai ni lovin, ka thih hnuah ka vun lehzel pawh a lip dawn a nia.” tiin lungngai takin a indawm kun ta tlawk tlawk a.
Kan thil neih mekah lungawina kan nei tur a ni a, hmun khata lungawina hmu lotu chuan hmun dang khawiah mah lungawina leh hlimna tur a hmu tak tak ngai lo.