THE ANT AND THE DOVE

THE ANT AND THE DOVE
*
Ni khat chu Fanghmir tui hal tak mai hi tui in turin tuikhurah a kal a. Hnah hmawra bet tai tai chungin tui chu dawt a han tum a, tuiah chuan a tla palh ta hlauh mai a. Chutia a chesual lai chu a tlakna lui sira thing sang taka Thuro fu chuan a lo thlir reng a, Fanghmir chu tanpui a tum ta a. Thinghnah chu a hmui hmanga chilh chhumin Fanghmir awmna zawn tuiah chuan a zu thlak a, Fanghmir chu hnah chungah chuan lawnin  him takin vaukamah a chhuak leh thei ta a.
Chutihlai tak chuan thangkamtu hian Thuro chu man tumin leh a lo zar mek a. Fanghmir chuan chu thangkamtu chu a hmuhin Thuro chu chhanchhuah  ve ngei a duh ta a. Tangkamtu chu pan hnaiin a ke ah a theihtawpa na hian a seh ta vawt vawt mai a. Thangkamtu chu a phu zawk a, a talbuai hlan chuan Thuro chu a thlawk bo thei ta a ni.
Thuro leh Fanghmirte ang hian kan vela awm tanpui ngaite kan tanpui thin tur a ni a. Mi dang thiltha tihsaktu chuan malsawmna a dawng let ve zel thin.