THE SUN IS RISING 2017

THE SUN IS RISING
.
By. Thantei LauraSean
🌞🌞🌞🌞🌞🌞🌞🌞🌞🌞🌞🌞🌞🌞🌞🌞🌞
.
"Ka duhthusam zawng zawng a chhe vek dawn in ka hria. Ka mangang lutuk.."
.
Ka beisei hauh loh thil a ni. A hmel lan dan chu a va thalo em! Engmah sawi lovin ka kuah ta ngawt a. Nghet taka min kuah letin a khur ngat ngat a, eng thil nge thleng tih ka zawt buai duh rih lo.
.
Sawitur a vang hle mai.
.
Kan inhmuh lohna chin ka ngaihtuah vang2 hian kum 5 zet a lo tling tawh.
.
 Ka thiannu Sawmi nen kan inhriat tan hun hi College kan kal tantirh lai a ni a, hmeichhe nungchang mawi tak leh midang ngaichang a, a bula awmte pawi sawi palh hlau tak a ni thin. A hunlai kha chuan keini aia inkawm nasa an awm kher lovang. Kan thianho 7 zet kha kan inzui kawi diah diah reng mai a ni. College kan zawh atanga rei vak loah kan zinga pahnih chuan pasal an nei a, a bak zawng chu tun thleng hian kan la nula ve thap! Sawmi'n pasal tha tak a nei e' tiin hlim takin kan thlahliam ta kha a nia. Kan inbiak zeuh zeuh bak chu inhmuh a lo harsa ta a, kan thiltih a lo hrang ta bawk nen kan mimal buaina kan inhrilh tawn ta meuh hlawm lo a ni ber e.  Rei fe tawng hleithei lova a tah hnu chuan bathroom-ah lutin a va inphih fai a, a lo chhuah chuan ngawi rengin towel ka lo pe vat a.
A hmai a hruk zawh chuan ka bulah rawn thuin thawk a la halh a, a rilru a buai takzet tih hai rual a ni lo. Amah chauhva a buaipui theihloh chin a nih chuan thunawi mai mai a ni hauh lo bawkin ka ring.
.
 "Sawitur ka ngah a nia aw..." ati sep a.
.
 "I sawi duh zawng zawng sawi vek rawh.. Nilengin tihtur dang ka nei chuang lova kan inhmuhkhat ai a ni mai." ka lo ti ve vat a.
.
 Nuihza lo takin kan nui dun a, nui reng chung chuan a mittui a hru leh rih a.
.
 "Te, college kan kal lai atang tawh khan Umuanpuia mizia tlangpui chu min hriatpui a. Thu nawi te te chu ka sawikan dawn a nia.... Kan inneih tirh kha chuan engkim a dik vek. Kan pahnih duhthlanna in naupai nghal loh kan duh rih kha a nia. Mahse, kum khat kan inneih hnua naupai ka sawi khan a duh ta miah lova. Ka nu leh pa(Muanpuia nu leh pa) te khan naupai turin min duh tih an sawiri ta zauh zauh nen khan ka tan a nuam lo tan a. Chumi thu kal zelah chuan kan chhungkaw boruak a nuamlo tan a, ka tan a hreawm zia chu min hriatthiampui phak lo zawk ang.."
"Kan la hmanhmawh loh thu ka nu leh pa bula Umuanpuia'n a sawi tum chuan engtin emaw thu a kalkual a, titauin kan indang ta reng kha a nia. A tirah khan ka thlavang hauh vanga titau niah ka ngai mai a mah se kum khat dang aral leh hnuah pawh naupai ala duh chuang lova. Kan nupa inkar hi ka hriat hmanloh khawp a rangin a lo khi reng tawh a ni. A awm dan rinhlelh ka neih apiang ka fiah a, ka him a duh zawk vanga naupai duh lo angin ka ngai char char a. Amah a insawi dan pawh a ni. Ka lo mawl em a, ka meng reng chung hian a duh dan danin min chawk kual niin ka inhria.
A hna avang hian a zin tam lo thei si lo. Kumtir lam khan tum danga ka rinhlelh ngai loh danin ka ringhlel tan a, ka theih ang tawkin ka chhui reng bawk a, ka thil hmuhchhuah hian min tina em em si a ni. Fa neih a duhloh chhan hi eng vang nge tih ka hrethiam rei ruai tawh.."
.
"I rinhlelhna chu eng thil nge?" tiin a tawnglai chu ka lo pawtchat a.
.
 "Naupai a duh miah loh chhan hi a lo positive reng anih ka ring a!" ati leh sep a, ka lo en tawp ringawt!
.
 "Lo positive pawh nise ka hmangaih em vang hian ka pawm dawn tho tih ka inhria. A ni a himloh chuan keipawh ka him dawn bik lova..chu chu thuhran nise engvang mahin then tumna ka nei lo. Mahse chu chu ka buaina ber a ni lo a nia.... A lo positive lo va, ka lo rinhlelh ruk reng thin fiahna a ni deuh mai, arukin ka tuar rei tawh lutuk a, ka sawichhuak anga ka thawl deuh ang. Nizan kan mut dawn khan bathroom atanga ka chhuah hian phone a lo hmang leh a, a tawng ka hria tih a hre lo. A biak kha hmeichhia a ni chiang a, ka hriat  vawikhatna a ni tawh lo. Inneih chungchang te an sawi a. Ka pawh duh lo..nilo..ka pawh ngam lo a ni zawk mah. Min then a duh thu a sawi mai ka hlau a. Chuan bathroom ah thawm nei lovin ka let leh a, reiloteah zai lui rat rat chungin ka chhuak a, engmah ti lo niawm tak hian khumah a lo mu fel diam a... Chuti chung chuan nupa nun ka la hmanpui tho anih  chu!"
:
Lo sawi ve tur ka hre rih lo. A nat tur zia pawh ka hriatthiampui phalo zawk. Ngawi rana a en ngai a en ngar ngar hnu chuan a sawi zawm leh a.
.
 "Umuanpuia ka hmangaih anga nasa hian hmeichhia in mipa a hmangaih theih ka ring lo. Ka engkim a ni a, a tel lova khawvel hmachhawn hi ka ngam lo. Ka nep tih ka inhria.. Nuamsa taka min siam vang chauha hmangaih ka ni lo tih chu min hriatchianpui em kha..." mittui tling pam chungin min en a, ka lainat ngei mai. Kei, pasal pawh la nei velo pui hian engtin nge maw ka thiannu hi ka tanpui chuan ang le..?
.
"I nep lo reng reng. I theihtawp a i pasal i hmangaih chu thiltha ber ania lawm."
.
"Engkimah ka theihtawp ka chhuah ve asin."
.
"A nih chuan eng thil nge kan tih tak ang. Puih theihna che ka neih chuan engpawh ka huam a nia." ka lo ti vat a. Ka rilru tak tak a ni. Ka thiani tan hian ka tihtheih zawng a nih phawt chuan engpawh tih ka huam chiang khawp mai.
.
"A hmeichhe biak number chu enruk ka tum a, a phone-a lock daih sia. Naktuk hian Lunglei ah a zin leh dawn a, amah zuirutu tur rawih hial mai ka duh. Keimah ka kal chuan a dik chiahin ka hre bawk si lo.."
:
Kan sawi fe hnu chuan ruahmanna kan siam a, rilru hahdam deuh zawk leh hmel pawh hmuhnuam deuh zawkin min hawsan ta phawt a. Keipawh ka awm a nuam ta bik lo. Tihsak theih erawh ka nei tamlo khawp mai. Hetiang mipa tha lutuk a kan ngaih pawh nupui laka rinawm zo lo a nih chuan pasal neih ve te pawh min tihlau deuh mai dawn alawm le!
.
  Kimpuii ka phone a, a ni Lunglei a awm nghet a ni bawk nen Muanpuia lo enthla ru tur chuan a tha berin ka ring. Sawmi thu min hrilh pawimawh zual ka hrilh chuan a thawm a tha leh nasa.
.
 "Rinhlelh tur a awm anih phawt chuan ka chhuah lo hrim hrim. Muanpuia mizia ka ngaihtuah hian rinawmlo duh turah ka ngai miah lo a, thil thalo a thleng em lovang. Thiani chu keipawn ka'n bia ange. A rilru hah dan tur hi.. Awii..ka khawngaih emai"
.
"Nia, tuna Sawmi buaina ber chu chiang zawka a ngaihzawngnu hriat a ni berin ka hria."
.
 "Hetiang mizia a ni ngai lo asin mawle... Muankhawloa chu lo thleng phawt sela, ruahmanna chu ka lo kalpui ange." tiin kan inthlah a.
.
 Ni hnih ral leh chhung chu Kimpuii thu kan ngaichang a, kan rinlawk ang he huin engmah hriat tur a awm rih lo.
:
Sawmi pawh kan in ah a lo kal deuh reng a, a thilvei tawh vei bur chi anih vang hian thil dang a tithei meuh lo a niin ka hria.
:
A phone a rik chuan phawk zeta min rawn enin "Kimpuii" a ti sap a, a phone pick up-in speaker a on nghal zat bawk.
:
"Tunah khan a thlenna hmun atangin hmeichhe pakhat nen an lo chhuak a, motor-ah an lut chiah. Ka'n zui nghal ange."
:
Ni thum chhung Kimpuii'n report arawn pek zel dan atang chuan rinhlelh rual lohin Muanpuia hian ngaihzawng pakhat mai nilo pahnih lai a lo nei reng tih a chiang lehzual ta! Sawmi rilruna lutuk hmel chu ka en rei thei thlawt lo. Kan Muankhawloa hian a thiltih sual hi a thup hlen thei dawn chuang lo tih a inhrelo a ni maithei le. Dik taka sawi chuan Sawmi chhungte vanga tunang dinhmun tha nei ve thei chauh hi a nia.. Tham bawrh bawrh mai a chakawm thlawt..
.
Eng ang pawhin lo sawi ve mah ila a hmachhawntu ber Sawmi a huai tawk thei si lo hi thil buaithlak tak pakhat chu a ni. A tawngtu ni lo chuan tihdan tur tha deuh deuh kan sawi dap dap a, a taka chet chhuahpuitu tur berin a ti hleithei thin si lo. Rilru hah tawt lutuk in min rawn be fova, atan tihtheih ka nei tlem bawk si.. .
Muanpuia ngaihzawng te pawh hmaichhanah a hmu a, tha takin an sawi a, Muanpuia awm dan erawh a danglam tam chuang lo a nih hmel e. Kan thiani tluka hmeichhe dawhthei hi an tam lo khawp ang. Dawhthei takin a tuar tlauh tlauh a ni ber mai.
.
Kum khat zet hnuah chuan Sawmi pawh a beidawng titih ta a, a tawp thlen a huam ve ta. Hmeichhia ten an tuar theih zawng zawng an tuar hnua an rilru let thawh nat zia hi mipa te hian an hrethiam pha hauh lovang.
.
 Hetiang a ni tawh chung pawh hian Muanpuia chungchang a sawi laia a mitmeng atangin a pasal a hmangaih zia chu a la hriat theih nia!
.
 Muanpuia hmeichhe kawpte zinga pahnih chuan tanpui an intiam a, Muanpuia thil beisei ngailoh a thleng ngei dawnin a lang.
Hmeichhe pakhat erawh chu mi pasal a ngaizawng tih inhrelo ang maiin a nasa thung. A thiltih hian a beisei hauh loh lai leh a chan loh khan atangin a la vawlet ve dawn tih a ngaihtuah thleng phalo a nih loh pawhin a ngaihtuah duhlo a ni tal ang. Hrereng chunga a hmeichhiatpui ngei natna siam duhtu chuan a phutawk hremna a la hmu ve tho ang chu.. Kan thiltih ngei hian kan duh emaw duhlo emaw min umzui leh thin tlat a ni.
.
Inchachhuah ni a thleng ta!
.
 Kimpuii leh hmeichhe pahnih (an hming sawilang kher lo mai ang) chu kan in ah, ka room ah an awm a. Sawmi leh Muanpuia lo thlen hun kan nghak ta ran mai.
.
 Kawngka kik ri ka hriat chuan rang zet hian ka va hawng vat a, ka lo zam ve ngawt bawk.

.
 Muanpuia chuan thilthleng tur a hrethiam sa lo tih pangngai taka a titi suam suam dan atang chuan a lang reng a, thil awmzia hriat huna a hmel awm dan tur ka lo mitthla hmanhmawh bawk..
.
"Umuanpui, i hmelhriat thate nen vawiin chu inhmukhawm ila ka tia. Helaia kan kal chhan hi a ni bawk a.." Sawmi chu hmanhmawh hauh lo hian a tawng charh  charh a. A rilru natzia ka hriatpui vangin lainat zet hian ka en ngawih ngawih a. Muanpuia chu a hawi a he haw mai.
.
Kimpuii leh hmeichhe pahnih te chu ka room atangin an lo chhuak a, an hmel a hmuh ruala Muanpuia awm dan chuuuu...tawngkama sawi theih pawh a ni lo. A sen tawn tawn a, a ang chawp chawp a ni ber.. A rinawmloh lutuk vanga lo ngei sa nen tuboh a chhut zui sak chakawm tak a ni!!
.
Muanpuia chu a ngawi run a, a dangah a lei a bet aniang! Tlangval la ni anga a lo insawina, a lo ngaihzawn hmeichhe pahnihte pawh an duai lo salh salh khawp mai. Sawmi hmel chu ka khawngaih ngawih ngawih. Hmeichhe pahnihten Muanpuia an chachhuah lai chuan a en reng a, tawng ve tum awm paw'n a awm lo.
:
Sawmi hian a hma khan engkim a lo ngaihtuah lawk vek tawh a, engkim huama he thil hi ti a ni reng bawk a. Muanpuia'n a lo kawp hmeichhia ten a hmuhlai ngei a thudik an sawi piap piap mai chu Muanpuia then thei tura chakna petu a ni tawh zawk mah e! A pasal a timualpho, hetiang kher lo hian a then theih tih pawhin ngaih dan hrang a neih theih tho mai. Mahse a tuar zawng zawng (sawichhuah theih loh tamtak a awm) ngaihtuah chuan Muanpuia'n alaka a lo phat kualna te a paihthla chiang hle thung.. Nizan thleng khan a nupui bulah chuan mi rinawm ber angin a la insawi hluam hluam tlat alawm!
:
Hmeichhe pahnih ten min chhuahsan hnu chuan kan thu ngawi thap a, sawitur avang pharh pharh khawp mai. Kimpuii nen in signal-in ka room-ah kan luh san a. Sawmi chuan eng thil nge a tih zel dawn kan hriatpui tawh lo.
:
Kimpuii nen Minute 30 dawn ka room-a kan inkhung hnu chuan, ka room kawngkhar a ri rak a, mit sen ram chungin Sawmi chu arawn lut a. Engmah kan zawt lo. Kan bula arawn thut rualin kan inkuah khawm a, kan tahpui a ni ta ber e.
Kan pangngai leh deuh hnu chuan thutawp a sawi dan chu a sawichhawng a, kan thiannu hi kan chhuang em asin..!
:
 "Umuanpui, vawi tam tak thu dik sawi turin ka nawr che a, nizan thleng khan engmah i sawi duh lova. Ka hmangaihna che leh itana ka inhlanna zawng zawngte hi a tawk zo lo tih ka hrechiang tawh. Ka dem lo che ka tih chuan dawt ka sawi tihna a ni ang. Ka dem che! Kan nupa kar a chhiat loh nan theihtawp ka chhuah tih pawh i hria. Ka nihna, ka theihna zawng zawng hi itan a tawk zo lo anih chuan kei hian tihtheih engmah ka nei tawh lo. Kei aia hmangaihtu che hi he khawvelah hian an awm  anih ngai chuan chu mihring chu tawng ngei turin ka duhsak che ...
 :
"Ka hmangaih che tih ka sawi hmasak ber lai ang reng khan tunah pawh ka la hmangaih che a, vawitam min rinawm loh san chung pawh hian ka la hmangaih reng che a ni. Mahse, hmangaih che pawh ni ila tunah leh ka damchhung hian  ka thinlung hian ka ring leh tawh ngai dawn lo che a, chuvang chuan ngaihdam min dil suh. Tuna kan neih engkim hi ita a ni e. I lak atang hian eng thil mah ka duh tawh lo. Min hrechiang a, engkim huama thutlukna ka siam tawh anih chuan ka rilru ka thlak tawh lovang. Engkim a tawp ta e." tiin.
.
.Mipa ngaihdam dil zawng zawngah hian Muanpuia tluka ngaihdam dil nasa hi an tam lo khawp ang le! Mahse engkim a pawi vek tawh si a ni.. Rinawmloh pawi zia leh a vuaklet nat zia a hrechiang ta. Mi dang hnenah rinawmloh pawi zia sawi chamchi pawh nise, chu chuan a hloh tak nupui tha leh hlu ber mai chu a koh let sak tawh dawn si lo..
.
KA THIAN, MICHAK leh TUARCHHEL SAWMI TAN -
.
Hun inher zel leh i nuna thil thleng duhawmlo tak hian thuk lutuk tak maia hliam chein i hmangaih leh i innghahna chuan a phatsan ta che maw.. Hma hun hlimawm leh chhungkaw hlim tak din tuma i duhthusam zawng zawngte a vap hmuh tur pawh awm lo khawpin a kang ral a. Nghet taka i lo vawn thin i duhthusam te paw'n awmzia reng a nei ta lo.
I thinlung damna tur leh i ngaihtuahna hahchawlh theihna tur hun tha i hmu leh angem tih pawh i chiang ngam ta lo hial mai.
.

Mahse, i paltlang ngei dawn! I harsatna hi i hneh ngei dawn a ni. Hun eng emaw chen chu i na ngei ang. I tuar hi i damchhung daih tur ni lovin hun eng emaw chen atan chauh a ni tih theihnghilh hauh suh aw.. I thil hmachhawn mek hi eng thil pawh chu lo ni se, i thinlung ti kehsawm mah sela, chhel leh chak taka tuar hram hram thintu tan thutiam rinawm pelh ngai lo pakhat a awm tih hriain i mit meng la, han hawichhuak teh le.  I tan ni tha leh ni ropui tak  lo herchhuak mek hi han en phawt mai la. Hun ropui leh ni thar itan a lo herchhuak dawn e.
.
Hun tha lo leh tuarna i paltlang ngei dawn a, mah se tinther tiat pawhin hlau hauh suh aw. I thiante, i chhungte, i mamawh hun apianga tanpui tur chein kan awm reng dawn a ni. Eng emaw chang chuan mi chaklo ber  anga inngai in, tuarchhuak zo dawn lo a inhriat chang leh nungdam a awm tawh loh hial i duh zawk chang a awm palh ngei ang. Chutiang hunah chuan i kalna kawng tiengtu tur a awm ngei ang tih beiseina nei hram hram la, 'Engtin nge ka tuar chhuah theih ang? Chhuahna tur kawng reng reng a awm lo!' tia inngaihtuah in khawvel a thil hlauhawm ber beidawnna hi inhnehtir ngai suh. Chhumzing chhah tak piaha ni eng hi en tlat ang che..
.
A pawimawh ber chu, a hun takah Pathian a che ang tih ringhlel lo la, a thutiam pelh ngailo, engtiklai pawha pangngai reng leh engkim neitu kan Pathian hian min phatsanin min hawisan ve ngailo tih i hriat kha.. A kut chakin a chelh tlat reng dawn che a, hlau lovin hmalam pan zel ang che..😘😘
.
.
Valentine's Day chibai ka lo buk lawk che u😍😍 Dar zata buai lovin mahni phur hun hunah ka rawn bengchheng rawm rawm mai teh ang😊 ✌🏼

🎈Lawkeisawn - Kan In, Cherhlun😀
.

.
ULUK DEUH A CHHIAR TUR👇
AROMA QUEEN FLABIA FRESH - HERBAL PRODUCT MIZORAM A LO LUHNA LA REI LO, BUSINESS PLAN THA LUTUK. ZIRLAI TAN PAWH ZIRLAI TIBUAI MIAH LOH A SUMDAWN THEIHNA, HRECHIANG DUH TAN A HNUAIA NUMBER KA DAHAH HIAN BIAKPAWH THEIH RENG A NI E.
9612229037/ 9402365651
WHATSAPP GROUP SIAM A NI BAWK A, AN PRODUCT EN DUH HRIM HRIM TAN PAWH BIAKPAWH THEIH RENG KAN NI.
A TI HMASA TAN CHANCE A THA, MARCH NI 1/2018 KHAN OFFICE HAWN A NI A, AIZAWL AH REGIONAL CENTRE AWM A, OFFICE HMUNPUI AH DOCTOR TE'N AN THUTCHILH DAWN  VANG CHAUH PAWH HIAN A NGELNGHEH ZIA LEH EIZAWNNA TLAK ANIH ZIA A CHIANG NGHAL A NIA. BEAUTY CARE, PERSONAL CARE, HEALTH CARE, FOOD AND BEVERAGE ETC. A AWMKIM HLE. A THLAWNIN MEMBER ANIH THEIH RENG E, RAWN BELCHIANG LA I INCHHIR DAWN LO CHIANG LUTUK.
PHONE - 9612229037/ 9402365651