DOLCEZZA (HONEY) - 2016 july

DOLCEZZA  (Honey)
Fan Fiction
By. LS.Virgo aka Thantei Pautu

 *HARVARD GRADUATE SCHOOL OF DESIGN
CAMBRIDGE, MASACHUSETTS, USA**
.
“Ka hmangaih che, ka nu.. Kan inhmu thuai dawn nia”
.
“Isabella Francesca McQueen.. Min rawn kuah I tum miah nange?”
“Nu, a nih phawt..” phone ka off a ka hawichhuah rualin Sophia chuan min rawn kuah nawk a, a thawm a na thang bawk a ka lo inring lawk reng a ni.
.
“Ka lawmpui che.. Miss Architect..”
“Ka lawm e.. Miss Sophia Engineer”
Sophia chuan min kuahna thlah in hnai zet ah min en a.
“Zanin chu engtin nge ni dawn?”
“Ka hre lo.. Ah.. In a awm ka duh in ka hria..”
“A teuh lo.. Reilote ah hna kan thawk tak tak anga inhmuhna hun pawh kan nei lo maithei.. Chuan zanin chu ka thu thu in I awm ang.. A tha em?”
.
Ka hnial lo mai ang.. A thusawi hi a dik chiah a ni. A thusawi chu ka pawmpui tih lantir nan ka bu nghat a, inkai chungin Gund Hall atang chuan kan chhuak a.
Gund Hall hi kum 1972 a John Andrews design a ni a, Harvard Graduate School of Design hmunpui ber [main building] a ni. Helai hmun a zirlai 65% zet hi American kan ni a, chawhrual a lakin zirlai tam zawk hi kum 27 a upa  ni anga chhut a ni thin. Zirlai 878 zinga 42% hi Master of Architecture zirlai  [Zir zo chiah tiin sawi ila a dik zawk ang] kan ni.
Vawiin hi graduation Day a ni a, kan chhungte hruai vek tur kan nih laiin ka nu a damlo a, ka patea’n min rawn telpui hram a, program a zawh rualin a hna tul ah min kalsan lehnghal a ni. Master of Architecture ka zir zawh rual hian ka thian tha ber Sophia Alphelia Lopez pawhin Master of Engineering a zo ve chiah bawk.
.
Kan thian thenkhat te kan thlahfel hnu ah In lam panin Sophia car chuan chak zetin kan tlanchhuak a. Sophia nen hian kan zia a inpersan viau thin na a kan in mil thlap. Ani hi chu engtiklai pawh a thothang tha zak reng a ni a, ka nu tih loh ah chuan engkim zep awm hauh lo a ka hrilh ngam awmchhun a ni bawk.
Unau pianpui ka nei lo a, kum 9 leka upa ka nih laiin ka pa hi thlawhna chesual ah a boral a, ka pa nen theihtawp chhuah a an din sumdawnna chu ka nu hian amahin a enkawl zui a, sumdawnna ka tuipui hlawl loh avangin thil awmzia ka hriattheih tirh atanga ka chak em em thin lamah ka insawrbing a, tunah chuan ka nih chak ber ni thei turin ka zirchhuak ve ta.  Ka pa khan min hmu ve se min chhuang viau ang tih ka hria..
.
“I phone kha pick up rawh..”
.
O..Ka phone ri ka lo hre miah lo.. “Music hi ti zawi teh… Aw..Hello..Hello? I hre thei em?”
Tawngri engmah a  awm loh vangin phone chu ka off a.. Thil pawimawh a nih chuan min rawn be nawn leh mai ang chu. Number chu ka contact list a awm a ni lo bawk a, call back tumna ka nei lo..
.
.
Sophia nen a kan In luah kan thlen chuan muangchang in kan intifai a, zanin chu khawiah emaw kal kan tum ni awm tak a ni. Sophia chuan ka thuamhnaw bawm hawngin thuamhnaw a rawn thehchhuak mawlh mawlh a, khawiah nge kan kal dawn a enge kan tihdawn tih ka zawh pawhin a nui tawp a, engmah a sawi chiang duh lo.. Hmm.. Hmun engemaw ah tak chuan kan kal dawn tih ka hrethiam mai..
.
Thuamhnaw chi hrang 10 chuang ka hak kual hnu chuan min en vang vang in a kungzungpui a tipir vah a. Darthlalang hma ah thuin lip gloss leh mascara ka inhnawih a, ka duhtawk deuh der. Diktak chuan make up hi ka hmang nasa ngai lo a, rimtui erawh ka lawm viau..
Minute 20 dawn a ral leh hnu chuan Sophia pawh a inpeih ta hram..
“I lang nalh hle mai..”
“Ka sawitur chiah I sawi a nih chu”
“Super fine.. Kan kal thei em?..”
.
“Soph.. Hetia inchei hi enge a tulna? Ngaihzawng hmu tur pawh kan ni lova.. Party na a kal tur pawh kan ni bawk silo..”
.
“Lo ngaihtuah hah lo phawt la.. ” Tukverh ah a dak zauh a “ A lo thleng e.. Kal ang le”
.
Kan in  kawt a Limo lo ding ah chuan kan chuang a. Engin emaw min mawlh tlat a ka awm a nuam zan lo. Thil engemaw tak a thleng dawn a hriatna ka nei tlat a, Sophia chu a tawng bawrh bawrh a, mahse enge a sawi ka hre mumal lo.
.
Limo a ding a, darthlalang chhan a ka thilhmuh vang chuan ka thaw hluai a.. Wow…In ropui tak chu a nih hi..
.
Gate a kan luh rualin Sebastian chu kan bul arawn thleng chawpchilh nghal a.. Sophia nen chuan inkuah in an infawp vang vang a..
.
“Ermm..Helloo…heta hi ka awm a nia”
Nui hak hak in an inthlah a, inchhung ah kan inzui lut ta dial a..
.
Sebastian leh Sophia hi kum 2 zet chu an inzui ve ta.. buaina an ngah thin ai hian an inthlahlel em em lawi a, ka hrethiam pha lo.. An awmdun tam leh an inhau tam ni maiin ka hre thin. Mahse zanin chu boruak a dang..
.
Hmelhriat thenkhat te nen kan inhmu nawlh nawlh bawk.. Helai a kan kalkhawm chhan pawh ka hre ve chiah.. Sebastian birthday lo ni reng in.. Sophia hian sawilawk sela chu thilpek engemaw tal ka keng ve ngei tur a nia.. Amah pawh hian engmah a keng lo niin ka hria..
.
“Aw Lalpa..Seb..”
Sophia te awmna lam chu kan en thap a, ka thilhmuh avang chuan hlim zetin ka nui chhuak hawk a.. Thil danglam thleng tura hriatna ka neih kha he thil hi a ni ngei ang.
.
A tawp a tawp ah chuan Sebastian hian nupui neih a duh ta a nih hmel.. Sophia hmaah chuan thingthi in a ipte atangin zungbun a phawrh a, enge a sawi pawh ka lo hre lo.. Sophia hlim hmel ka hmuh chuan ka thinlung zawng zawng in ka lo hlim ve lo thei lo a ni..
.
“Aw, ka hmangaih che.. Ka nei ang che”
Zungbun an inbuntir zawh hnu chuan music tang zet an play a, an lam nghal suau suau a.
Lam peih lovin counter bulah ka thu a, in tur ka lam chu ka in hlak a.. Hmm..ka ka ah hian zu lam reng reng hi a tui ngai dawn lo a nih hi..
Thaw halhin ka hawichhuak a, ka awmna lam pana lo kal mipa ka hmuh chuan ka thutna tang chuan thovin ka ding ngil zawt a.. Nilo..helai ah hian engtin nge a awm theih? Kawngka awmna lam ah chuan ka kal vat a, min rawn hmuh hman loh hram ka beisei.. Engtin nge helai hmunah hian a a lo awm ve ngawt theih..??
.
Ka hma ah enge awm tih ka en loh vangin tuemaw ka su chawrh a, ka intur ken chu ka tibaw bawk a.. Ka tihpalh tih sawiin ka kal pel a, ka hawilet ngam tawh lo..
.
Pawnlam bathlar thim chin ah chuan ka ding vang vang a.. Minute 10 vel zet tur ka din hnu chuan ka dak dek dek a
“Tlanchhiat kher kha a ngai hleinem..”
Ka phu chiang lutuk.. Ka banrek ah nghet zet a min vuan in garage ah min pawt lut a, au ka tum veleh ka hmui ah a rawn hup chawt a.. Tun hunah kher hian engvang in nge mi zawng zawng inchhung ah an awm vek ni.. Hlauthawng viau mah ila ka tilang tur a ni lo.
.
Ka rilru a buai a, ka chiai vek.. Mahse ka in thunun a ngai.. Engtin nge hepa lak atang hian ka kalsawn theih ang? A kut ah chuan ka seh vak a, a rum hrawk a.. Tlansawn ka tum leh chuan a hma aia na in a lamah min pawt let a..
.
“Max..Eng thil nge I duh.. Min thlah rawh..” Ka tawng khur dawt dawt chu ka duh lo hle..
“Teuh lo.. Min tlanchhiat san tawh suh.. Ka mamawh che..” rawn kunhniam in ka hmai ah min thawk khum a.. Ka nghawng ah a hmai phumin min fawh a tum a.. Ka che thei der lo..
.
“Hmeichhia thlabar taka siam kha mipa diktak tihtur a nih loh hmel”
.
Tawng ri nghet charh lo chhuahna lam chu kan hawi rual thawt a, a thim deuh avangin a hmel ka hmuchiang thei lo. Max chuan min vawnna chu tlemin a thlahdul a.
“I lo inrawlh ve a tul lovang” kan lam pana muangchang a lo kal pa chu a en zawk zawk a.
“Hmm..ka thian venhim chu ka tihtur a lawm..”
.
Hepa hian enge a sawi..? Mahse a pawi lo.. Eng thu pawh sawi se Max lak atanga min chhanchhuah theihna tur a nih dawn phawt chuan eng thu pawh sawi se a pawi ka ti lo..
.
“Lo kal rawh le” a kut chu ka vawn turin a rawn phar chhuak a.


CHAPTER – 2
Ka kalsawn tur chu Max chuan min dang miah lo. Rang zetin ka kalsawn a, min rawn puitu kut chu nghet zetin ka vuan nghal a, inchhung lam pan turin a inher a, a hmanhmawh tehchiam lo khawp mai.
.
Pen 10 vel bak kan kal hman lovang, ka inrin hmain a inher zawk a, Max lei char a tlu thal huang huang chu ka hmuh leh hmasak ber a ni.. A thir tlawn ken chu a tlukna bulah a tla ri bawl bawk a. Ka thin a phu zawih zawih a, ka kutin ka awm ka dawm a.. Hmeichhe awmnem lutuk angin ka lang tur a ni lo.. Hmeichhe intino tak leh buaipui ngai ka ni ngai lo.. Tunah pawh ka la ni chuang lo..
.
“Hnunglam atanga mi beih hi a finthlak loh fo a nia” Ka kut ah min rawn vuan leh a “I tha em?” a tihzawm zat a.. Ka bu nghat nghat ringawt. Ka tawng chuan ka aw a khur vek dawn tih ka hria..
Inchhung kan thlen hnu chuan ka kut a vawnna chu a thlah ta chauh a..
“Tunah I tha deuh tawh em?”
“Ka lawm e.. Ka tha in ka hria… Ah.. I kawr hma hi..nichin a intur ka tihbuak…ka tihpalh…” ka tawng bah nawk nawk a..
.
“A pawi lo.. Tihfai leh a harsa lo”
.
Zialo ka ti takzet.. A awm zawn chu ka melh ran a..
.
“Heta hi a awm e.. Chris.. I rawn thleng tlai hle mai” Sebastian chuan ka bula ding pa chu a rawn kuah a..
“Heihi ka nupui hual Sophia a nih hi...a ni hi Isabella McQueen.. Oh..in lo inhmelhriat tawh a.. A ni em??..... Chuan… a ni hi ka unaupa [cousin] leh ka thiantha ber Chris Evans a ni e… Ah...engvangin nge thupuifun  taka ka sawi kher.. Sophia..Chris…Isabella…Chris” min kawk kual zauh zauh in a nui hawk hawk a..
.
Ka hawichhuak ve ta chauh.. Oh.. a hmel chu ka hriathnu a ang khawp mai.. Ka sawi chat thei lo nain khawiah emaw chuan ka hmu tawh chiang..
 Aww..ka hria.. Tunge hre lo ang.. A hmel chu a tak ngul a, nui hmel a pu lo. Min rawn melh chuan ka hawisawn nghal thuai a.. A mitmeng pawl raih in a min melh dan chu a hlauhawm ru riau.. Movie a kan hmuh thin dan ang lo takin a inmet fai lo.. Mahse a landan chu a mipa hluah hluah..
.
“A tawp a tawp ah chuan kan inhmu ve ta alawm” Sophia chu a ri hliai a “Seb hian a sawi fo che a, kan inhmu a ka lawm e.” Sophia chuan tawng ve tura  min mitmei in min rawn nghawk zauh a..
.
Max vang khan ka la pangngai chiah lo. Sawi mai tur hre lovin ka nui sak a.. Bakah chhan awm lovin ka lai deuh tlat.. Min rawn hmuhdan vang khan hmeichhe nikhua lo takah min ngai ngei ang.. Enge chu thil chu ka lo ngaihtuah buai ve ngawt ang..? Engmah a ni lo.. Nichin lawk a thilthleng ka ngaihtuah chuan ka tha a rawn khur thar leh a.. Max vanga buaina neih leh ka duh tawh lo..
.
“BooBoo, I tha em? I dang[pale] vek a nia”
“Ka tha e..”
“I tha chiah maw?” tiin Mit pawl raih chuan min melh rulh a.
“Engkim a tha.. Sebastian, I pa in a hmu duh che a nih hmel” Chris chu engmah sawi lo turin ka melh zauh a. Ka thian ten hun hlimawm tak an hman laia chanchin dang leh an rilru la peng thei lo sawi chu ka tih ngai miah loh tur thil a ni.
.
Sebastian leh Chris chu an kalsawn a, Sophia chuan ka banah vuanin min kalsawn pui bawk a.
“BooBoo..I landan hi I tha miah lo a nia.. Eng thil nge thleng..?”
“Tunah ni lo.. Naktuk ah ka hrilh ang che.. Diktak chuan ka awm a nuam chiah lo a, hawsan che ila pawi iti em?”
“Pawi lo.. Ka tihpalh, ka lo ngaihven tawk lo che a..”
“Soph.. tihsual engmah I neilo.. Ka mu hahdam anga a tha leh vek ang.. Chuan khawngaihin..midang hriatlai chuan BooBoo tiin min ko tawh lo la..”ka nui lui sak a..
“Heihi ka ka[mouth] a nia…chuan..” nui chungin min kuah a “Ka hmangaih che BooBoo..”
.
.
Party na atang chuan chhuakin Taxi ka lo nghak a. Max kha a lo lan tawh loh hram ka beisei bawk.. Ka bul vel chu ka enkual zak zak a, ka tana mi hlauhawm an awm ka ring lo.. Max chu hmuhtur a awm tawh miah lo bawk.
.
“Ka lo hruai haw ang che”
“OHH..” Phu zawkin ka hnunglam ka en vat a, Mit pawl-a bawk.. engtik laiin nge ka bul a rawn thlen hman ni.. He mihring hi a nui ve ngai lo a nih ka ring. A landan atang chuan mi tuemaw in an nawr tlat vanga min hruai haw tum te pawh a ang zawk mah alawm..
“Taxi a lo thleng tep ang.. Party na ah khan va let leh zawk rawh”
“I ti tak tak em?” a kekawr ipte zen in min en run a, ka awm a tinuam chiah lo..
.
Kan dinna bula car a rawn din chuan a rawn khalhtu a chhuah veleh rang zeta che in driver thutna ah a thu lut nghal a.
“Lo kal rawh le.. Zankhua in hun ka nei lo a nia”
.
Engmah sawi tawh lovin car ah chuan ka lut a. Hnial buai turin ka chau..bakah zanrei a Taxi a chuan ai chuan a him zawk reng reng bawk. Kalkawng  ka hrilh zauh zauh bak chu engmah kan sawi lo.
.
Sophia nen kan chenna in kan thlen chuan car kawngkhar min hawnsak hun nghak lovin ka chhuk a, ka awmdan chu mak tih hmel zet hian min en reng a, mahse engmah a sawi lo.
“Ka lawm e.. Mr. Evans.. Min tanpui avangin ka lawm e..”
A bu nghut a.. Nelawm deuh a awm tumna pawh a nei chuang lo a nih hmel..
“I inven that deuh chu a ngai dawn a nih kha” a ngawi dat a “Inchhung ah lut rawh”
.
Min ngaina lo viau a nih te chuan min thlah kher a ngai hleinem..
“Mangtha le..” Min chhanna pawh nghak tawh lovin ka inher a, inchhung ka luh hnu chuan motor tlanchhhuak thawm chu ka ngaithla vang vang a. Motor thawm a reh hnu chuan thaw halh in room ah ka lut a, muangchang a inthlak in ka inbual zawh hnuah chau zetin ka mu nghal hnawk a.
.
.
*BOSTON**
.
Engti zawng mahin ka tlai a thiang lo. Nizan khan hna ka thawh rei vangin thawh ka hai a, tun hi a vawikhatna a ni.. Ka hna ah ka tlai ngai lo a, tunah pawh a hun takah ka thlen hman hram ka beisei.
Dar 10 ah meeting tan tur a ni a, felfai takin ka tihtur ka hlen ngei a ngai bawk. Tihsual palh a awm tur a ni lo..zan lama ka hnathawh zawng zawng ka dahna file chu melh zauhin ka tlanchhuak nghal a.  Jones Construction Ltd. ah hian thla 3 zet ka thawk ve ta. Ka hna hi nuam ka ti takzet a, thildang buaipui lo lekin ka tuichilh bur a ni ber e.
.
“Traffic jam hi buaina lian tak chu a nih hi” ti rilru chungin ka thaw huai a. Signal light hring a rawn en chuan ka tlanchuak leh a, ka hma a motor ka su lo chauh bawk. Ka thiam loh pawh a ni lo..
Office ka thlen chuan dar 10 rik nan minute 7 a la awm. Ka tlai lo hlauh e.
.
Meeting kan tan hnu chuan dingchhuak in tuna ruahmannna thar ber kan neih In sak dan tur ka duhthusam zan a ka ziah chu ka sawifiah a.
.
“Helai In hnunglam ah hian swimming pool a awm anga, a piah awl zau laiah hian pangpar chinna hmun a awm bawk ang. A chhawng hnuai zawk chhungah hian ahma a ka sawi bakah khan room chuang zau tawk tak pahnih a awm bawk dawn tihna a nih chu… A in lenzawng ngaihtuahin mutna tur pindan 5 awm hi a inmil thlap a, chhungkaw lian deuh pawhin luah dawn se buaina tur engmah a awm lovang..”
Minute 15 vel hnu chuan ka ruahmanna siam tha tih vangin kut an beng dar dar a.. Sawisel tur hria tumah an awm lo..
.
“Thla 8 chhungin kan sak zawh a ngai a, tum dang ang bawkin a leitu turah kan buai a ngai lovang” Mr.Jones thusawi chu ka ngaihdan chiah a ni.
.
Meeting kan zawh meuh chuan Lunch ei turin kan chhuak sang sang a, chawhnu lam ka chawlh theih dawn vangin rilru thawveng zetin Paluzo Restaurant ka pan ding nghal vang vang a.
.
Ka eitur chah ka nghah chhungin ka phone ka khawih mawlh mawlh a, message check tur a lo tam leh hle tawh.
.
“Aw Lalpa..en rawh.. en rawh”
“Min rawn en a nia.. Ka thi dawnin ka hria.. ” ka bulhnai a thu te za cheng chuan tu chungchang tak sawi ni maw?
 Thawm awm hak avang chuan ka hawichhuak a, ka lam pana mipa lo kal ka hmuh chuan an rik hak chhan chu ka hrethiam ve chiah. Awm mai mai chung pawhin engtin nge mi a hip ngawih ngawih theih le..?? Chuan..ka thutna lam arawn pan zel bawk..
Ka lo en reng a, ka thutna bul a rawn thlen chuan a ding chat a.
.
“Hi..i thutna kha ka seat a nia”
Ve ringawt a.. Helai ah hian nungchang mawi zirtir hlak mamawh kan awm anih hmel. Za lo zetin ka nui hak a.
.
“Hetiang hmunah seat bik a awm ka lo hre ngai lo. Khawngaihin a awl dang ah sawn thu ve mai ta che aw” ka tawngkam a nem viau na in ka tiel tih a hrethiam khawp ang. Ka nui lui sawng bawk a. Tawngkam mawi ka la hmang tal a lawm le..
.
Ka thutna bul a chair ah chuan ngawi rengin a thu a, a mitmeng chuan hmundang a melh eih lo. Enge maw a hriat le??
.
Ka eitur chah arawn thlen chuan tui ti zetin ka ei mawlh mawlh a. Diktak chuan he mit pawl pa lakah hian party na a min tanpui vang khan hawihhawm taka awmtur ka ni tih ka hria a, mahse a bul rawn tan dan a chimawm em a, ka mil zawng a ni lo. Bakah min hre leh tawh kher pawn ka ring lo. Nitin mi chi hrang hrang kan tawng a, party na hmun a a tanpui tawh mi pakhat kha ka ni mai a.. Min hria emaw hre lo emaw ka tan a pawimawh ber lo.
Waiter chuan bah zetin eitur a chah dawn leh dawn loh a zawt a, tawngkam a chhang lovin a lu a thing ringawt a.. ‘Hmm..awmdan mawi a tlachham ve hle mai’ tiin ka lo ngaihtuah leh hmanhmawh.. Lemchan khawvel a milar tak pawh nise nungchang mawi a neih a ngai tho alawm. Mahni indahsang leh midang engahmah ngai lo niawm fahran a awm hi ka ei hlawl lo.
.
“Sophia a dam tha em?”
“Aw.. ah..kan Sophia sawi hi a inang em?”
.
A nui suk a, a nui hmel chuan a mit a thleng lo..
“Ka hriat sual loh chuan Seb Birthday  party ah khan kan inhmu tawh in ka hria.. Ka sawi chu a dik em? Isabella..??” zawhna zawt mitmeng a min en chungin a mithmul a tiche zauh a.
Ka thil eilai ka hak lo chauh.. Mi chu a hre ve ngei a nih hi.. Ka hming chu Isabella a ni tehmeuh mai a, mahse heti bawl hian tuman min ko ngai lo..
.
“Tunang hunah helai ah hian enge I tih?”
“I hmuh ang hian..thil ka ei a nih hi..” engvanga hetia awm tlat hi nge ka nih ka hre lo. Pangngai takin zawhna min zawt a, chimawm takin ka chhang a.. Nungchang mawi hre lo tiin ka ngaihtuah na a, tunah tak chuan ka awmdan hi a mawi lo zawk in ka hria.. Ka nihdan thin pangngai ang lo takin hepa bulah hian ka awmdan a dik tlat lo.
.
“A nih chuan min treat dawn maw?”
“Engvangin..?”
“Ka phu lo maw?? A ni em?” a nui suk a, a thusawi awmzia ka hria.

“I duh chah la.. Lawm takin ka lo treat ang che.. Min puihna vanga lawmthu sawi pawh ka ba a lawm..”
“Ka lawm e” chutiang tur chu a ni reng a ni tih hmel a pu thung.
Waiter chu kan bula rawn kal turin a hui zauh a, a ei duhzawng a chah a.
“Helai ah hian enge I tih? Ka sawi awmzia chu Boston ah hian enge I tih?”
“Ka cheng a, hna ka thawk bawk a..”
.
A rum nghat a. A duhdan in ka chhang lo a nih hmel. Enge pawi vak…
.













CHAPTER – 3
.
*CHRIS POV**
.
Ka lam ah pawthnai in a hmui no chek ah chuan ka fawp a, ka duhthawh hle. A kutzungtang mawi zet chuan ka tukhum sam ah tham in min fawp let a.. He thil hi engtia rei nge ka nghah tawh…?? Ka nghak rei mah mah tawh a ni. Ka hmuh hmasak ber tum khan ka mit la tu chu a hmui no chek hi a ni reng a… A kawrchhung ah ka kut ka zenlut a…
.
Chu thawm ring zet chu eng thawm nge…??
.
Ka khum ah ka thuchhuak hlawl a.. Ka mumang ngai bawk ka hmu leh ta. Ka khum sir dawhkan a ka dah alarm clock chu ka off a.
.
Kha hmeichhia kha ka hmuh thin hmeichhe dangte aia a danglamna vak sawitur ka hre lo. A mitmu rawng ang chiah in a sam a uk kharh a, a nem hmel hle bawk. A vun a nungin a no ser a, a hmui no chek kha fawh a chakawm hle bawk.. Make up a hmang nasa lo tih a hriat a, ka bulhnai a a din khan a rimtui chem chem bawk.. Hmeichhe rim..rimtui tak a ni.. Hmeichhe thenkhat anga perfume rimna huam huam hmang tur hmel a pu lo reng a ni.. Enge ka hriat a midang nen ka khaikhin nghal ngawt chu…
.
Khum atang chuan thovin bathroom ah ka lut a, zinglam tihtur ka tihzawh hnuah inhnuai berah lutin ka insawizawi a.. Thildang ngaihtuah lek lovin thla liamta a bar a ka hmeichhe hmuh hmel ngawt chu ka mitthla ah a lang reng lehnghal.. Ka lu thing nawk in thildang ka ngaihtuah lui a. Ka hmu leh angem tih pawh hriat loh hmeichhia lo ngaihtuah vak vak hi ka tan thil thar a ni tlat.
.
Thla liam ta khan Captain America [Civil War] kan chang zo a. Diktak chuan sum tamtak hailut mah ila a hahthlak takzetin ka chauhpui em em a, a zo ta chu ka thawveng khawp mai. Media lamin min umzui reng hi ka hne a, zawhna maksak pui pui min zawt tawk lah bo lo. Kalna lam apiang ah min zui ruih ruih reng a, mahni chauh a awm leh venthawn nei hauh lova awm ka chakna hi hunrei tawh taka tang khan a nasa zual hle bawk.
.
Kan film tilar turin hmun hrang hrang ah kan kal angai a, mood fuh loh chang pawhin mipui hmuhah hlim hmel put reng a ngai bawk a. Hneawm tak a ni. Ka nin em em interview ka hmachhawn awl lo bawk a…
A ninawm zawnga lak laklawh chuan ninawm lo reng reng hi a lo awm lo..
.
Khami zan, kan film chan kan zawh zan khan dan pangngai in Bar ah kan kal a, khalai hmun a kha hmeichhia ka hmuh khan thilthar hlimawm takin min hmuak a hriatna ka nei a, mahse hriatchian hman lohvin kalbo a, hmuh zui tur a awm miah lo.
..
Ka thutna hmun thim chin atangin hmeichhe pakhat Bar counter a thu chu ka en reng a. Engvanga en reng nge ka nih ka hre lo. A bula awm ve te chu hmu awm pawhin a awm lova, a thil in chu tui a ti vak lo a nih hmel a ner sak a, a kun deuh chhal bawk. Eng in a chhun zawng chuan a sam uk kharh chu a lang mawi takzet. Hmeichhe thenkhat angin thawmhnaw tawngchham tak a ha lova, mahse a thawmhnaw hak chuan a pian nalh zet chu a khuhbo zo chuang lo.
.
Ka thutna VIP Booth atang chuan thovin a awmna lam ka pan a, duh aiin Bar hi a lun mah mah a ni. Ka kawrhak lukhum chu pawt hniam in a thutna lam chu ka pan a, a bul ka thlen chuan a thutna atanga dingchhuak in kalsawn a tum a, a in hnem deuh a nih hmel.. A pai dat chu ka lo vuan vat a. Chiang zet a min en in a mit a khap sak sak a, a hmel chu ka enchiang takzet.. Nui sak chunga lawmthu min hrilh in a kalsawn a.
.
Ka ding reng a, hmeichhia chiang taka min en, ka bula awmzui chak lo leh min ngai pawimawh zui miah lova min kalsan thei tu chu ka enzui reng a. Kawngka a pelh chuan ka harhchhuak ve chiah. Hmuh leh tumin pawn ah ka chhuak a, mahse hmuh tur a awm tawh lo.. 
.
Ka awmdan mak inti ru deuh chungin ka nui hak a, inchhung ah ka lut lehnghal a.. Mahse khami zan atang khan ka mumang ah ka hmu ta fo a ni. A chhan ka hre lo.. Kan lo infawp ziah lehnghal..
.
Kum 30 ka tlin ve tak hnu hian tunhma anga hmeichhe kawpkual nuamti tak leh hlimhlawp ngaina ve tak ka nihna kha a bo tawh a, ka thianthate nen hun kan hmang dawn a nih loh chuan party leh huau huau a tel hi ka peih ta em em lo. Ka thianthate nen a nih erawh chuan ka inpeih at reng thung.
.
Ka pha lo.. Ka tan hmeichhe kawp tur zawn buai a ngai lova, mipui hriat kher loh hian hmeichhia ka kawpkual nasa hle thin. Hun engemaw atang khan nghet deuh chawt a hmeichhe kawp chu ka nei ngei a, mahse engemaw avangin kan inthen leh a, tunah chuan inkawp satliah mai ni lova chhungkaw dinpui theih ka ngaihtuah a hun ve ta pawh a ni mahna le.
.
Ka cousin Sebastian Birthday party ah kal turin ka insiam a, ani nen hian naupang te kan nih lai atanga inngaina bik leh inkawp deuh chawt kan ni a, ka eizawnna vanga ka thianthate tih loh ah chuan ka ngaih pawimawh ber te zing a mi a ni bawk. Ka chhungte hi ka tan engkim anni a, ka nu leh pa leh ka farnu te nen pawh kan inpawh em em vek a, chawlh ka neih tawh phawt chuan Boston ah haw in ka  duhthusam a hun nuam ka hmang ngei ngei thin. Ka chawlh theih hun hi a tam lo em mai pawh a..
.
Ka kal chhuah hun a tlai deuh chu thuhran, traffic jam ah ka tang rei bawk a party na hmun ka thlen chuan a tlai tawh angreng. Inchhung ka lut a ka thilhmuh chu chiang zetin ka en a, ka mumang a ni lo tih ka chiang..
.
Ka mumang a ka hmuh fo thin hmeichhia ngei kha a ni.. Helai hmunah hian enge a tih ve phei chu ka hre hauh lova, mahse tun tum chu ka chhuah tawh hauh lovang.
.
A awmna lam panin ka kal a, a thutna atang chuan thovin chak angreng tak hian min rawn pan a. A hmel ah chuan hlauhthawnna ka hmu thei.. Min rawn pan emaw ka tih laiin hawichhuak hauh lovin min su a, a in tur ken chuan min tihbuak bawk.. Ka hmel en lovin ngaihdam min dil a, pawn lamah a chhuak nghal a. Ka umzui lo thei lo..
.
Thim chin a thlen chuan bang ngheng in a ding vang vang a. Minute 10 vel hnu ah a rawn dak dek dek a, amah zuitu mipa, nichin atanga ka hmuh tawh khan a banrek ah  man in garage lam ah a kalpui a. Ka inrawlh ve na tur a ni em tih ka hre lo na a, thil hriatchian ka chakna chuan min tur et et a garage lamah chuan ka kal ve nghal a.. Ka hlauhthawn ruk ang chiahin mipa in vuan bet a fawh a tum chu ka hmu ta reng a ni.
.
Mipa chak zawkin hmeichhia tharum hmanga an hneh lui thin hi ka thlawp ngai lova, ka tih atan pawh ka duh hek lo.
.
Ka kut vuan tura ka pharchhuah chuan rang zetin min rawn vuan a, inchhung ka luhpui thlengin a la hlauthawng tih ka hria. Hmeichhe nep tak chu a ni hauh lovang. A hlau viau tih ka hriat rualin a in thunun thei zek a. A awmdan atang khan nichin a amah tibuai tu mipa kha a ngaina lo tih a lang bawk.. Anih chuan a ngaihzawng chu a ni lo phawt a..
.
Bastian nupui hual nita Sophia thiantha ber a lo ni lehzel a, thil a awlsam sawt ang chu…
.
Sophia chu kan bulah rawn kalin a thiannu nawmsam loh thu leh a haw thu arawn sawi a, tunang zanrei tawh a hmeichhia mahni chauh a taxi a chuan chu a him tawk lo ang tih ka hria.. ‘Ka va thlah ange’ tih leh kalsawn ka rual a, makti hmel taka min en chu ka ngai pawimawh hran lo. Kalkawng min hrilh zauh zauh bak chu engmah a sawi lova, keipawhin sawi mai tur ka hre chuang lo.. Ka hmelhriat tha pawh nilo, ka mit la tak hmeichhe bulah sawitur hre hauh lova ka awm vawikhatna a ni hial ta ve ang..
.
Thla thum chhung zet chu ka hmu zui leh ta miah lo a, mak takin helai restaurant ah hian ka hmu leh hlawl a ni.. Boston ah hian ka hmuh ka inring hauh lova, a chanchin ka ngaihven ru tih ka tilang hauh lo bawk. Tunah hian ka rilru ah ruahmanna chi hrang hrang arawn lut zut zut a, a eng ber nge tha ang tih ka erawh ka la hrethiam lo. A landan in hmeichhe hlimhlawp ngaina tak a nihloh hmel a, a tawngtam lem lo bawk ang. Min ngainat loh hmel viau bawk.. Ka zawhna chu tawngkam rul tawk chiah zelin min chhang a, he hmeichhia hian makna engemaw tak chu a nei tih ka hrethiam tawh. A hma khan hmeichhe dang nen an danglam na hmuh tur a awm lo tiin ka ngaihtuah kha a nia.. Tunah chuan ka ngaihdan a danglam ta.. Mak tak leh chak takin he hmeichhia hian a lamah min hnukhnai mek a  nih hi…
.
“Thlah I ngai em?”
“Motor ka keng a, ka lawm e”
Za hauh lovin a nui lui sang a… Ka hmuh hmasak ber atang khan ka tan buaina lian tak a ni tawh..
.
A motor a a tlanchhuak lai chu ka enzui reng a, engvangin nge ka umzui leh mai loh ang..
.
Minute 20 vel tur zet ka zui hnu chuan pangpar dawr ah lutin reilote ah arawn chhuak leh vat a, a pangpar pawm bawr lak chu motor ah dahin a tlanchhuak leh a, ka la umzui zel.. Eng thil nge maw ka hriat hrep ni.. Mipa mahni indahsang ve tak hian hmeichhia ka umzui chu a nia….
.
In lian tak, in hung kual pup chhungah pangpar pawm bawr tak chunga a lut chu ka en reng a.. Helai hi an chenna hmun a ni ngei ang..
.
‘Min lo nghak la.. Tun atanga reilote ah hian nasa takin min ngaina ngei ang.. Ka chhuah hauh lo bawk ang che..’ ka ngaihtuahna avang chuan nui suk in ka tlansawn ta hram a.
.
.
KARKHAT HNUAH*
.
“I in lei thar ah chuan engtik nge kan party dawn?”
“Dinner kil ho a tawk viau alawm.. Thian thenkhat te sawm bawk ila..”
“Karhnih kan awm chhungin I duh duh min tihpui thei alawm.. Sophia pawh a thiannu bula awm a thlahlel reng thova…”
“A tha alawm..” Sophia thiannnu a sawirik rual a ka awmdan danglam chu a hre em lovang chu maw..
.
.
Chhun lam atangin ka in ah chuan an ri luih luih tawh a, a then phei chu an rui leh hle tawh.. Sophia ka hmuh chuan Isabella ka zawng ru vat a, a rawn hruai ngei tur thu a sawilai ka hriat vang khan ka hmu mai lo chu ka hnual rawih hman nia.. Thil mak tak chu a ni..
.
Box lian angreng tak pawm chunga Isabella rawn kal ka hmuh chuan ka thaw hawk a. A bawm ken chu eisiam tura kan rawih pakhat in a lo la chhawng vat a, Sophia chuan kan awmna lama kal turin a hui zauh a, hlim hmel taka nui chungin kan awmna lam chu a rawn pan a.. Thil hmuh nuam tak chu a ni e.. A nui hmel tak tak ka hmuh vawikhatna a ni bawk. Engmah sawi lova kuah a fawh ka chak takzet..
.
Kawrbah var a khup chen a fual a ha a, a sam nem hmel zet chu a thlah siau bawk. A mitmeng a nung sar a. Kan bul arawn thlen hnu chuan pangngai takin kan thu ho a, Sophia nen chuan enge maw sawiin an phul hliai a. A thiannu bulah chuan a tawng duh ve khawp mai. Hmeichhe thenkhat ka awm ve tih an hriat vanga tawngring lui leh min melh zawk zawk a, min hip tum ran a khawsa ho nen chuan danglam tak a ni.
.
Julianna arawn thlen chuan kan boruak nuam tak chu a reh hmiah. A rawn thlen rual rual in min rawn pan a, ka bulah thuin min rawn kuah a. Julianna hi ka farnu te zinga naupang zawk Shanna thiantha tak a ni a, a huang chin pel zauh zauh thin hmeichhe hawiharh ve tak a ni. Ka farnu nen hian engvanga inkawmngeih em em nge an nih ka hrelo. Kan chhungkaw zing a mi ang maiin a tlangnel a, a tawngtam mah mah thin tih loh ah chuan kan inpawh tlang viau tho. Min ngaihzawnna zak hauh lova a tilang thin hi a sim hun tur nghakhlel takin ka thlir mek a ni..
.
“Chris, he hmeichhia hi tunge?” Isabella chu melh zauh in ka beng bulah a phun sawr sawr a, ka tawlh hla nghal bawk. “A landan chuan a ngaizawng che a nih hmel.. Hetiang hmeichhe tlanglawn lutuk hi I bulah awmtir suh” Italian tawng a hman vangin a thusawi chu an hriatthiam ve loh hram ka beisei e. Min rawn en chunga Isabella nui reh riai riai ka hmuh chuan Julianna tawng chu a hrethiam tih ka hria.. Min rawn ngaihven lo ang taka hawisawn lehnghal in an thutna atang chuan Sophia nen an kalsawn nghal a.
.
“Ngawi mai mai teh.. Shanna bulah va kal rawh”
.
Hlim takin Dinner kan kil ho a, zan dar 10 a pelh chuan a tam zawk an haw tawh a, a then erawh an la tui hle. Music play in a then an lam a, an nui bawk bawk a.
.
“Khawnge Bastian leh Soph te kha? I lo hmu em?” Lam ho chu enkual in ka bulah arawn ding a.
“Hmu hauh lo mai.. Inchung lamah khian an awm a nih ka ring.. Ah.. Julianna thusawi kha zialo ka ti khawp mai”
“A pawi hleinem.. Ngaihdan hrang hrang neih chu a thiang alawm..” engahmah a ngai hran lo tih lantir in a nui sang a. Tun tum chu a nui lui hauh lo.
.
Ka ngaina lutuk ang che tih ka hlau hle mai.. A hmel chu ka en vang vang a..
“Engmaw I sawi?” tiin min en ha a.. Ka lo tawng chhuak a ni maw..
.
“Engmah.. Ka lo zawnpui dawn che mi?”
“A ngai love, helai ah hian ka lo nghak mai ang..” In chhak lam a balcony chu a kawk zauh a.
.
Bastian leh Sophia te awmna chin chu ka hriat ka ring.. Mahse tihbuai kher ngai ka ti lo..
In tur ka lak hnuah  Isabella dinna lamah chuan ka kal leh in intur ka lak kep chu ka pe a.
.
“Ka lawm e” a in hlek a, ka in ral lehlam a khawpui eng ut chu a thlir a.. A chetphung chu hmaih nei miah lovin ka en reng.. Ka en reng avang chuan nuam ti lo hmel pawh a pu hran lo.. Nge min ngaihven lo ve hrim hrim pawh ka hre lo.
.
“Helai atanga khawpui landan chu a dangdai hle mai”
“Helai hmun ka duh chhan ber a nia..”
.
“Keipawh ni ila chu chu ka thlan chhan tur a niang.. Ah.. chu hla chu mawi ka ti..”
.
Inchhung a Bohemian Rhapsody an play chu ngaithla in a hawi vang vang a..  Keiin a hmel chu ka en reng thung.. Danglamna mak tak, ka hriatthiam siloh a nei tlat a ni..
.
“Tikhan min en reng suh..” a nui hak a.. “Alien hmu ang maiin min enreng a..”
.
“Ka en lo che..” ka mit ka lasawn chuang lo..
.
“Min en…” ka lam arawn hawi chuan a mit ah chiang zetin ka en a, a ngawi chat a.  Awm nawmloh hmel deuh in a nui a, a lu a thing nak a..
.
“Sophia te chu phone ila a that ka ring.. Haw a hun tawh in ka hria” ani pawh a hawisawn chuang lova, amah hnaih lehzual turin ka pen a, ka pen rual in a tawlhhnung ve bawk a..
.
“Chris, khaw nge I lo awm daih a”
.
Julianna chu kan en rual thawt a. A rawn lan hun hi a fuh lo lutuk takzet.
.
“Kha..ka sawi reng kha maw… A che rang mah mah a nih hi.. Itan chuan a inphal khawp ang maw..??” ngeiawm zetin a nui a.. A tawng chu Isabella hian a hrethiam tih a hre lo a ni ngei ang.. Ngaihdan ni lo zetin ka lo maimitchhing ringawt thung..
.
“I lo kal hlauh a a tihzia e. Ka thiante haw tura sawm ka lo tum chiah a.. A nih phawt u..”
.
Isabella kalsawn lai chu phawk zetin Julianna chuan a en a.. Italian tawng nal zeta a tawng ve mak ka tih ai mahin a aw ri a Julianna thusawi  engahmah a ngaih lohna a tihlan vang chuan ka nui sak a.
.
DOLCEZZA
CHAPTER – 4
.
ISABELLA’S POV**
BOSTON CHILDREN’S HOSPITAL*
.
Helai hmuna ka awm hi chuan ka chhungril ah hlimna mak tak ka nei thin. Kartin nilaini apiang in ka hnathawhna hmun atanga ka haw veleh in a haw lovin he Hospital ah hian ka kal ziah a, naupang natna chi hrang hrang tuar te ka theih ang tawk a ka tanpui hian hlimna min pe nasa hle. Tunah hian naupang kum 8 mi cancer vei enkawlna senso ka tumsak a, ka hmelhriat an ni lo..mahse ka hmuh vawikhat na atangin min mamawh ni a hriatna ka nei a, ka rilru a awm hmasa ber ka ti tawp mai a ni.
.
“Anu..en teh.. Ka sam thar hi mawi I ti em? BooBoo hian ka inhmeh tur a hre hle mai..” Anna chu hlim takin a nui ver ver a, a mutna khum  bul chair a thu a nu chuan hmui phunin lawmthu min hrilh  a. Anna natna hi a zual zel a, tihdam theih a ni tawh lo tih ka hriat ni chuan bathroom ah tlan lutin ka tapchhuak hial a ni. Naupang kum 8 mi lek tuar atan chuan a nasa mah mah a, a fair lo ka ti takzet. Chutih rual chuan natna tuar lova ka awm ka vanneih zia leh malsawmna ka dawn nasat zia min ngaihtuah tir bawk.
.
Minute 30 vel zet hnuah Anna room atang chuan ka chhuak a. Inchhawng hnuai ber a chhuk tlang nghal tumin elevator bulah ka ding a, ka ngaihtuahna chuan Anna room a la chhuahsan lo.. Ka thaw halh a..
.
“Hi..” ka bula ding ka hmuh chuan ka hamhaih angreng. Helai hmunah hian enge a tih ve han rinchhin tur pawh ka hre lo..
.
“Hi..” ka ti sep a.
“Hetah hian enge I tih?”
“Elevator ka nghak…I hmuh ang hian..”ka awmdan chu ka nuih a za zawk.. Ka lai deuh hu in ka hria.. Nge ka zam zawk ni?? Zam chhan tur ka nei em..? Nei lo.. Nei maithei.. Hetiang mipa bula zam hi thil dik lo a ni hleinem.. Hmeichhe thenkhat chu nise chiai in an kuah chung chung ang chu..
.
“I chhungte an awm ve a mi?”
“No..”
“Cabin chhung a naupang bula I awm kha ka hmu che a.. I chhungkhat te an nih ka lo ring a”
“Nia, tunah chuan ka chhungte an ni tawh..”
.
Elevator kawngka a inhawn chuan kan lut dun a, mipa pahnih leh hmeichhe pakhat an lo awmsa a, engmah kan sawizawm lo. Hmeichhia chuan  min entawn zak zak a, a mitmeng atang chuan Chris chu a hria tih a tilang hle. Mipa te erawh chu keimahni ang bawkin an ngawi kur thung.
.
Chris chu tawlh hrutin min rawn din hnaih a, ka banrek ah min rawn kai a. Mak ti zeta a hmel ka en chhoh chuan engmah ti lo ang hmiah a awmin hmalam a en a. Kan bula mite ka en leh vat a, hmeichhia chuan min rawn ngaihven hmel lehzual hle. Mipa te erawh ka hmu thei lo.. Chris hian min din hliah vek..
.
Ka kut chu laksawn tumin ka tiche a, min vuan nghet zual sauh a. A hmel ka en leh a, a awmdan ala danglam chuang lo.. A kut lum thar thar in min vawnna chuan ka awm a tinuam lova, thil tha a ni lo.. He mihring mi hipna ngah lutuk hi ka tan buaina tham a tling..
.
3
2
1
Inchhawng hnuai ber kan thleng a, elevator atanga kan chhuah chuan ka thaw huai a. Min vawnna chu a thlah ta bawk. Ka hma ah kalin a ding thut a, ka lam hawiin a rawn inher a..
.
“Enge??”
“Car ka keng lova…??”
Car a keng lo tih min hrilh ringawt a.. Enge a awmzia? A hmel ka en chuan a rilru tur awmang ka hre maithei..
Chhang buai lovin ka bu nghat a, a hma pawh khan min lo tanpui tawh a, tanpui a ngaih ve huna ka puih loh chuan thil mawi a ni lovang..
.
Ngawireng in Hospital atang chuan kan chhuak a, ka duh aiin min hnaih mah mah reng bawk..
.
“Keiman ka khalh thei angem?” a thusawi chu awih lo zetin ka en ha a, chahbi ka pek hun nghak in a kut a rawn dawh a.. A hmel landan chu ka hrethiam chiah lo.. A fiamthu niin a lang lo bawk..
“Ka khalh a chuan I hlau tih tihna a ni em?”
“Ni love.. I chauh hmel em a.. Ka lo chhawk ang che..”
“Engtin nge ka chau tih i… Aw le..tun chiah I khalh ang.. A lehpek ah chuan keiman ka khalh ang..” ka tawngsual chu hrechhuak in ka ngawi nghal hmak a. A lehpek a awm tawh lovang.. He mihring bulah hian ka inven that deuh a ngai a nih hi..
.
Nui suk in Chahbi chu a la a, car kawngkhar chu min hawn sak a, ka thut luh fel hnuah driver seat ah lam ah kalin muangchang in a khalh chhuak nghal a.
.
Pangngai taka a awm theih lai hian kei hi ka pangngai hleithei tlat lo. Enge a chhan pawh ka hriat miah lohvin ka thin a phu dup dup a, hnehsawh zeta steering wheel a thunun chu ka en zauh zauh a.. Uluk taka kalkawng en in min ngaihven awm pawhin a awm lo. Ka thutna seat hnung chu ngheng in ka mit ka chhing vang vang a
.
Ka phone nghawr dar dar vang chuan meng in tunge min lo phone tih ka en a, ka thu ngil zawt a.. Nilo.. Chris ka en chuan steering wheel bawh in min lo en reng a, ka thu tha thuai a. Ka lo muhil a ni ngei ang.. Keimah ah hian eng thil dik lo nge awm ni?  Ka chau tak tak a nih ka ring..Ka mit ka chhing chauh emaw ka tia..
.
“Kan thleng tawh em?” a bu nghut a. Phone chu ka pick up nghal bawk..
“Nu, ka tihpalh.. Ka lo thleng har lovang. I duh chuan min lo kalsan la a hmun ah ka rawn zawm mai ang che…. Aw le.. Aw le.. Bye..”
.
Minute 15..nilo 20 vel zet chu ka muhil a nih hi.. Hun lo lutuk..
“Ka tihpalh.. Ngati nge min kaihthawh mai loh..” Car atang chuan ka chhuak a, a ni pawh arawn chhuak ve nghal a. Tuna kan awmna hi a hma a kan party na in tho kha a ni tih ka hre nghal a, a nih chuan ka chenna hmun thleng turin minute 20 vel hun ka mamawh ang. Driver seat ah thu lut in motor ka tinung a.
.
“Isabella..” a rawn kun hniam a chiang zetin min en a. Ka tawng lo.. Ka lo en let ngar a.
“In enkawl tha ang che.. Min pui a ka lawm e..”
“Most welcome” ka nuih sak a, a din ngil leh hnu chuan ka tlan chhuak nghal a. Ka rilru a hmanhmawh zek zek tawh.
“Kan inhmu leh thuai dawn nia..”
A tawng chu ka hre sual a ni em lovang chu maw..? Tunah pawh kan intawng fuh palh mai a nia, kan inhmuh leh chhan tur ka hre ve lo.. Bakah a bula awm tam hian ngaihtuahna tha lo ka neih mai ka hlau a ni. Ka inven a ngai.. Mipa duh duh kawp thei leh mi hipna ngah tak ang chi hohi ka ngaina ngai lo.. Hmeichhe tam zawk duh rawn..hmeichhia mai ni lo mipa te pawhin an ngaihsan rawn milar lutuk hi ka tan hnaih loh a tha zawk.
.
In ka thlen chuan ka nu a lo awm tawh lova, hmanhmawh taka insiamin ka pu [ka nu pa] chenna in ka pan a. Ka pu hi kum 89 a ni tawh a, tunhnai hian a hriselna a tlakhniam zual vangin hun kan neih chuan kan tlawh hram hram thin.
.
Dinner ei hman in ka thleng hram.
.
“I rawn tlai chhan ka hria a nia” Sophia chu ka beng bulah arawn phun sar sar a. A thusawi awmzia hre lo luiin ka melh ralh a.

“Enge..?? Khawnge Bastian hi.. Nangmah chauhin mi I lo kal?”
“Aw.. tihtur dang a nei thut a..”
“I lo kal a  ka lawm e.. Midang ho saw va zawm ila..”
“Okay.. Lawk in… Chris hian a fawp tawh che em?”
“Maw..??” mak ka tih lutuk vangin ka meng phar awk a.. “Soph…enge I hriat a.. Engvang in nge min fawh ngawt ang..” ka tawng midang in an hriat hlau zetin ka phun a..
“Eng.. Engmah I hrethiam lo maw?? Ka awih ring suh.. Tlai ah khan Children’s Hospital ah a car a hnuchhiah thu leh Seb hnen ah la mai tura a hrilh lai ka hria alawm.. Hospital ah in inhmu tih pawh ka hria..Thil engpawh thleng se min hrilh ngei ang che”
“A car a hnuchhiah maw..?” ka lu ka thing nar nar a.. Hepa hian ka lakah enge duh a neih ni.. Min fiam kual a tum a nih chuan a tifuh vak lovang.. Hetiang zawng a infiam hi ka ngaina ve lo..
.
“Aw.. a duh chuan a che rang tehmai a nia”
Ka nu’n min rawn koh tak vangin kan pahnih  chuan kitchen ah  kan lut a..
.
.
NIHNIH HNUAH*
.
Lehkhabu chhiar in sofa ah ka thu a, ka lehkhabu chhiar lai min rawn laksak in Sophia chu ka hma ah a ding a..
“Tho la, han insiam rawh le.. Tun kartawp chawlh chiah Boston ah hian kan awm tawh dawn a, chawlh nuam tak I hmang dun teh ang”
.
“Min lo phone lawk tur che alawm.. Ka nu nen ruahmanna kan lo nei tawh a..”
“Ka hria alawm.. Buaina tur a awm lo. I nu chuan kartawp chawlh lo awm leh turah in tihtur kha a sawn tawh.. I duh chuan I be thei ang..”
“Ngati nge aman min rawn hrilh loh..”
“Ka rawn kal dawn tho a phone duh suh ka ti a nih kha.. Come on..bOObOO”
“A tha alawm.. Khawnge kan hman dawn reng reng a..”
“Thuruk…a hmun I thlen hunah nuam tih vanga  thidang lo turin inbuatsaih ang che..”
“Hahh.. I uar ve thei..”
“Tui cheng turin inring bawk la..”
Insiam tura ka room a ka lut tawh chu min rawn au lawng lawng a, reilo ah arawn lut zui ve leh bawk a..
.
.
Tuipui kam a in nuam zet kan thlen chuan chawlh nuam tak ka hmang dawn tih ka inhre nghal.. Kan thuamhnaw kan dahfel hnuah inthlak in tuipui lamah chuan kan kal nghal a.
Bastian ka hmu miah lo chu mak ka ti deuh a, mahse Sophia chu engmah ka zawt lo..
Hahdam thei ang berin tuipui kam tiauvut ah chuan kan inpho a. Hmundang angin mi an tam lo bawk.
“BooBoo.. thla leh ni 29th  khi inneih ni atan kan thlang a..”
“Thla leh 29th chu I Birthday a ni bawk a.. A special hle mai..”
“Seb duhdan a nia.. Saw..an lo thleng ta alawm” Sophia hawina lam chu ka en ve vat a..
“A ni sawn enge a rawn tih ve dawn?”
“Chris maw?? Kan chawlh hmanna tur in hi a ta alawm..”
“Ngati nge a tel ve dawn tih I sawilawk loh.. Soph..”
“Enge..? Buaina I nei a mi?” Min cho zetin min en harh a..
“Aih..” ka chhang rang mah mah zawk.. Kan bul an rawn thlen hmain ka bula puan ka dah chu ka la a, ding chhuak in ka kawngah ka suih a. Ka bikini hak chu a sexy mah mah niin ka hre thar leh hnuhnawh bawk.. Heti hi chuan ka bawp zawng ka khuh a a zia deuh e.
.
“Hi girls…”
“Hii..”
Pangngai taka awm tumin ka in thunun a, sawi vak tur erawh ka hre tehchiam lo. Darkar hnih hnuah Lawng in kan chhuak a, boruak a nuam takzet.
.
Lawng bathlar ah thuin Sophia nen kan titi mawlh mawlh a, eng chen a rei pawh awmdun ila kan pahnih chauh a kan awm tawh chuan sawitur hi kan ngah em em reng mai a ni..
.
Kan chuan na Lawng chu a ding a, Bastian leh Chris pawn  min rawn zawm ve bawk a. Nichin atang tawh khan Chris chu ka la en duh lo lui char char.. Car chungchang a Sophia thusawi te kha ka ngaihbel nge pawh ka hre lo, min en deuh reng maiin ka hria a, ka awm a nuam lo. Khua lah chu a lum em em bawk a. Reilote tal tui a inchiah ka duh thu ka sawi chuan Sophia pawh in min lo thlawp var a, kan thuamhnaw phelh in Lawng bathlar atang chuan tui ah kan zuang lut a.
.
 Rei pawh kan chen hmain ka awmdan a dik lo a, ka ke ka ti che ngam miah lo. Ka talbuai nghal chu a ni der a. Ka ke veilam tihchet luih ka tum chuan a nat lutuk vang in ka te that a, tui ah chuan ka pil nghal bawrh a.
.
Ban tha chak zetin min rawn kuah chuan ka thaw kawk kawk a.. Min rawn kuahtu chu thei leh thei lovin ka en a, Chris mitmeng a hlauhthawnna leh min ngaihtuahna lang chu hai theih a ni lo.
.
“Ka ke a che thei lo..” ka hmai ka hui pawk a, ka thaw hlawp hlawp bawk
“A tha leh mai ang.. I tha a chat a ni maithei.. Hlauthawng lo la..”
.
Hlauthawng lo la tih ringawt chuan min hnem lo ber awm e.. Ka tha a khur vek lehnghal.
“BooBoo, I tha em?” Sophia chu kan awmna bulah rawn hleuh phei in min ngaihtuah tih hriat zetin min rawn vuan ve bawk a.
.
Lawng a kan let leh hnu ah oil hnawih tur min pek chu hnawih in ka zut a, a na reuh zek mai.
.
“Keiman ka lo ti ang.. I tihdan zawng kha a dik lo..”
.
Chris chu ka bulah rawn thuhnai in ka oil ken lai chu min laksak a, ka kaiza leh ka chawn ah hnawih in a zut a, a dam huai huai in ka hre hial.
.
Bastian leh Sophia chu Lawng chhung pindan ah awm in an rawn chhuak mai lova, Lawng bathlar ah chuan nuamsa zet a thu in tuipui cham put lang thei tawp a ni tla tur eng suar suar chu ka thlir vang vang a.. Thilsiam reng reng hian mawina mak tak leh ropui tak an nei vek a, a thlirtu leh a hmutu in kan ngaihven loh vanga thil naran ang maia liam ta thil ropui eng zat tak awm ang maw..?
.
Jim Croce ~ Time in a Bottle play ri riai riai ka hriat phei chuan thaw huai in ka mit ka chhing a. Mak takin ka lung a leng vawng vawng a ni. Naktuk ah hian ni a chhuak leh angem..?? Ka ngaihtuahna kalkual dan chu mak ka ti hial zawk.
.
“Lam I duh em?”
Ka thut na piah deuh a Chris ding chu ka en a, ka hriat miah lohvin engtin nge ka bul a lo thlen leh hman ni..
“Aih..” tiin ka nuih a..
“Fiam kual I har hle mai”
Enge sawi a tum ka hrethiam lo..
“Fiam kual chi ka ni lo a lawm” ka melh ralh a, min rawn en vung vung thung. Ka hawisawn leh rual chuan ka biang a sa ham ham a, tuna min en ang hian min en fo se chuan reilote ah a zun ah ka uai ngei ang.. Thil hlauhawm tak a ni..
.
“A ni maw??”
“I hmeichhhe kawp tawh list sei zet ah khan tel ve ka chak hleinem..” ka thil sawi chu thil tul tak a va ni lo chiang..
.
“List thar ka siam ang chu ka tia..”
Ka nui hak a…
.
“I list ah ka tel a nih chuan hmeichhe dang I melh miah lo ang..” Enge ka hriat aaa?????? Chu thu chu engvanga sawi ve ringawt nge ka nih.. Zahthlak lutuk.. Ka melh zawk a, rang lutuk in ka hawisawn lehnghal a.. Mahse ka lam panin a rawn kal tih ka hmu hman tho..
.
A lo hnai zel a ka hriat vangin ka hawichhuak leh a.. Muangchang in min rawn pan hnai zel a..
.
“Enge I tih a..??”hamhaih zetin ka nui a, ka nuih a za miah lo.. Ka mangang zawk..
.
“Muangchang in ka rawn panhnai che” a tawng ring lo, mahse ti tak tak hmel a pu.. Ka thin a phu nghal zawih zawih a.. Ka kalsawn hmain ka hma ah tak min rawn din chilh a, ka thutna nghenchhan chu a rawn nem bawk a. Ka tang chu a ni ta der a..
.
“Duhtawk teh.. Ngati nge tihian I awm a..??”
.
“Hetia ka awm chhan chu ka ngaihtuahna I  tihbuai vang a ni..”
A rawn kun hniam a, ka hmai zawn ah tawpin chiang zetin min en a..
.
“Duhtawk rawh.. Ka hmuh hmasak ber che atang khan buaina I thlen dawn tih ka hrelawk daih tawh… Nang hi..” min rawn fawp a nih chu… Ka tek chhuak vek.. Ka thinphu ran zia chu rapthlak tak a ni..
.
 Ka thutna chair a vawnna chu thlahin ka biang tawn tawn ah min vuan a, min fawp leh a.. Ka chhanglet lo. In la hrang leh hlekin ka mit ah min en a min rawn fawh leh chuan ka chhanglet lo thei ta lo…
.
Kan inkar boruak awmdan chu ka hrethiam lo.. a alh nimaiin ka hria…
.
DOLCEZZA [Honey]
.
CHAPTER – 5
.
 CHRIS POV**
.
Ka hriat theih tirh atanga a vawikhat nan hlimna tak tak ka nei niin ka hria. Tuna ka rilru puthmang ang hi hmeichhe pakhat vanga ka neih ka ring ngai lo. A bulah thuin a kut ka vuan a, ka mumang a ni lo… a tak tak in ka fawp ta a ni. A biang a sen tan tan a, ka hmeichhe hriat tawh thinte nen chuan a danglam hlak.. Thil thar ropui tak a ni e.
.
Ni 3 kal ta khan eng thil nge a tih thin a, eng hna nge a thawh tih leh an chhungkaw chanchin tlangpui chu ka hre tawh a, midang zawt lovin keimah ngeiin ka fiah vek a ni. A mizia cool tak phen a thilawm hi ka hrechiang chak a, danglamna a neih te pawh ka la hre chho zel ang chu.
.
Dinner kan kil chhung zawng pawhin a lak atang chuan ka mit ka lasawn lo, ka en ning thei lova, a chezia, nungchang mawi takte hi hmuhnawm ka ti takzet. Min ngaihven huam lova, chu ringawt pawh chu ka tan thil thar a ni. Hmeichhia in min zar buai chung leh min hnaih huam huam hian ka hne thuai thin a, a bulah ka awm ve tih hre lo ang maia Sophia bula a tawng siam siam chu hmuhnawm ti zetin ka en reng a. Bastian chuan ka awmdan mak tiin min en zuk zuk tih lam ka lo ngaihtuah tawh lo..
.
Chawlh hmanna tur bik a ka in lei ah chuan kan let leh a, Bastian leh Sophia te chu reilote a innei tawh mai tur annih vangin room khat ah an awm nghal mai a, Bastian nen reitawk tak pawnlam ah thuin kan titi a, hmeichhiate erawh inchhung ah Tv an en thung.
.
Dar 11 a pelh chuan ka room ah lutin mu turin ka insiam a, midang pawh anmahni room ah theuh an awm vek tawh. An muhil tawh hial in ka ring. Ka khum ah chuan mu in ka let tawn sek a, ka muhil mai thei lo. Isabella hmel ka mitthla a lang reng avang chuan rum hakin ka thuchhuak hlawl a.. Tunang reng a ka awm chuan ka muhil dawn miah lo tih ka inhrechiang.
.
Khum atang chuan thovin kitchen ah ka chhuk a, fridge a tui la in room lamah ka chho leh a. Isabella room la eng pap ka hmuh chuan ka room kalpel in a room kawngkhar ka kik a, min rawn chhang miah lo. Kawngkhar ka nem hlek a awlsam takin a inhawng a. A khum ka en hmasa ber a, a lo ruak hiai a.. Tunang hunah khawiah nge a kal ang..?? Engmah sawi lo lehnghal in..
.
Tukverh inhawng ka hmuh chuan ka pan vat a. Pawnlam bathlar a thutnna ah chuan nuamsa zet a thuin lehkhabu a lo bih ngar ngar a, a bula ka din tawh hnuah pawh a la rawn hawichhuak chuang lo.   Ka aw ka thian kharh a.
.
Kun hniam in a rawn hawichhuah rual chuan a biang ah ka fawp a, a nui hak a..
.
“Engtin nge I lo luh theih?” a lehkhabu chhiar lai chu dahin a thu tha sauh sauh a, a bulah chuan amah hnaih thei ang berin ka thu a..
.
“Goodnight kiss ka dawn phawt loh chuan ka muhil thei lovang” ka ti tak tak..
“Room kawngka kha ka kalh in ka hre sia..”
.
Ka thusawi leh a room a ka luh chhan ka sawi chu hre awm pawn a awm duh der lova. He hmeichhia hi mi mak tak chu a nih reuh hi.. A mitmeng fiah zet chuan min en a, min rawn hnaihin ka biang ah min fawp a, a inla hrang leh rang khawp mai..
.
“Kha zawng kha maw..??”
“Naupang pawh I ni hleinem..” nui sang in a tho a, inchhung a a lut chu a hnung ah ka zui vat a..
“Kha kha chu muttui na tham a tling lo..”
.
“Infawh ringawt I buaipui a mi a..?? Captain..”
.
“Eng..engtin maw min koh..?”
“Engmah.. I room ah kal tawh rawh.. Ka room ah I rawn kal tih midangin an hriat ka duh lo a nia..”
“I zawhna chhanna chu ‘Nangmah nen a nih chuan ka buaipui reng ang..’” a lu thing nar nar in min en ha a.. A landan duhawm zia chu a inhre der lo lehnghal. Ka pen pawk pawk a, a kawng ah ka kuah chuan a te that a, ka kuah a ring lo a ni ngei ang.. a tawng leh hmain a hmui no chek ah chuan ka fawp a.. Khawizu ang mai a ni.. Ka nghawng ah min kuahin min fawp let a..
.
Inla hrang hmasa in a thaw hak a, a lakah hian nghawng ka nei ve tho tih ka hria. Amah pawhin thup buai a tum bik lo..
“Kha kha goodnight kiss chu a nih kha..”
“Ka hre tawh e..A nih chuan muttui..”
Nui sangin ka awm ah min nem a, a room atang chuan min nawrchhuak a, kawngka a kalh ri khap ri ka hriat chuan ka nui suk a.. Ka room ah lut lehin khum ah ka let thawk a.
.
Mahni chauh a inngaihtuah a rilru taka ka nuih theih nachhan hmeichhia hi engemaw tak chu a ni phawt ang..
.
Ni eng in ka hmai a chhun vang chuan ka thuchhuak hlawl a, eitur rim ka hriat chuan khum atanga thovin bathroom ah ka lut a, zingkar tihtur ka tihzawh ah choka ah ka chhuk nghal a..
Choka ah chuan ka rinloh ber ka hmu bawk. Kawngka ngheng a dingin Isabella che vel chu ka en reng a, ring lo te in a hla play chu a zaipui rat rat a.. Zing thawh hlim a thlir atan chuan duhthusam a thil tha a ni.. A thilsiam zawh tawh dahna thleng keng chungin a hlasak mil chuan a vir a, min hmuh rualin a ding chawt a, a zai tawp nghal bawk..
.
“Good morning..” ka dinna atang chuan chesawn lovin ka en reng a..
“Ngati nge ngawi rengin I lo din a.. Good morning..” min ner khum sak a.. Ka nui hawk..
“I duh chuan I lam zawm thei ang..”
“Min tiphu alawm..”
“Tu zai nge I ngaihthlak chu?”

“Kat Dahlia… Umm.. Soph leh Bastian chu darkar khat liamta khan an chhuak a,, tlai ah an lo kir leh tur thu an sawi a.. Chuan, Pancake, Strawberry cream, Bacon, Coffee…Avai hian I ta a ni e..” dawhkan a eitur chu a kawk zauh a. A hla play chu a off nghal bawk a.
.
A eitur siam ka ei lai chu uluk zetin min lo en a, ei pah a ka buk nghat chuan a thaw huai a. Ka tider miah lo.. Pancake ka ei tawh zawng zawng ah a la tui ber chiang..
.
.
ISABELLA’S POV**
.
Min fawp leh tawh.. Hnial turin chakna thahrui ka nei lo.. He thil hi ka hmuh hmasak ber atang khan a thleng ang tih ka ring sa.. A ni maw..?? Ka ring sa reng a maw..?? Ka room atanga nawr chhuak in kawngka ka kalh a, infawh aia thui min kalpui tum ta se ka tang zo reng angem ka hre lo. Ka inringtawk lo.. Ka ngaihtuahna kal dik lo nghal ringawt pawh hi thilmak a ni love.. Hetiang mipa hmeichhia te duhthusam hi engtin nge ka hnar theih reng ang ni..? Mahse ka ngaihdan, High School kan kal lai zawng pawh a ka thianten ngaihdan hmanlai min tihsak thin ‘ka pasal atana ka neih loh chu mipa ka mutpui lovang’ tia ka rilru a zawm ka tum tlat thin kha chu a la pangngai reng.
.
Amah ngaihtuahin khum ah ka let kual sek a, ka mu tlem hle. Ka harh hlawl chuan khua alo var tawh a, bathroom ah lutin ka tihtur ka tihzawh hnuah choka ah ka chhuk a, rei vak lo ah Soph leh Bastian pawh lo chhuk ve in kalna tur an neih thu leh tlai ah chauh an rawn kir tur thu sawiin an chhuak nghal deuh mai a. Ka rilru a rawn lang hmasa ber angin eitur ka siam a, eitur ka siam tawh chuan thildang ka ngaihtuah vak lo.
.
Choka luhna tur kawngka bula Chris lo ding ka hmuh thut chuan lai zetin ka ding chawt a.. Ngawi renga min lo thlir hi kan inhmuh hmasak ber atang khan a ching tawh.. Mahse ngai ah ka nei thei miahlo. Nimin mai khan a vawikhat nan min fawp a, hun reitak chhung kan la inhre lo.. Keichuan hman atangin hre tawh mah ila tuna ka rilru ang hi ka la pu ngai lova, ani pawh keimah ang hi a nih ve tho ka ring. Mahse mak takin kan inpawh viau si a ni.. Hun rei tak inhre tawh ang maiin…
.
Mahse thil pakhat ka ngaihtuahna tibuai tu a awm.. Helai a kartawp chawlh kan hman chhung lek daih hi a ni angem?
.
“I ei ve dawn lo mi??”
“Ka lo ei tawh a..”
“A nih chuan han insiam la, ka eizawh ah kan chhuak ve dawn nia..”
“Mahse..khawiah nge kan kal dawn.. Ka sawi awmzia chu..ah..miten min lo hmu ange..” Nilo..ahh…ka thilsawi chu a dik lo zawng a min ngaihsak loh hram ka beisei..
.
Ka thusawi awmzia hrethiam in a bu nghut a..
“Helai hmunah hi chuan tuman min rawn tibuai lovang..”
“Aw le..”
.
Room ah chhovin ka inthlak a, kawr var puan nem tak ha in ka sam ka tawn tawp a, kekawr dum hain lip gloss tlem ka inhnawih a, ka mamawh tur bag ah dahin inhnuai ah ka chhuk leh a.
.
Minute 20 vel hnuah kan chhuak a, super market ah kal in thil chi hrang hrang kan enkual a, kut a siam thil cheimawi chi hrang hrang  kan khai bawr tawh hle. A lum viau nain nuam tak a  ni. Tuna kan awmna hmun a mi cheng te hi an hawihhawm a, khawpui nunzia in a tibuai hek lo. Chawhnu lamah in ah let leh in kan inthlak a, in hnunglam a  tuipui kam ah ke in kan kal a.
.
Soph leh Bastian te pawn min rawn zawm ve bawk a, engemaw sawiin kan titi a, Bastian chu intur lak tumin in ah a let leh a..
.
“A fawp tawh che tih ka hre mai..”
“Soph..”
“Thil engemaw..a en apiang che a a awmdan hi ka hrethiam daih tawh.. Mi tha tak chu a ni..”
“A dik alawm.. Ka awmdan pawh hi ka hrethiam bik lo..”
“Ka hria che.. I duh… Heti chen hnuah mipa I hnaih ve ta hram alawm..”
.
Kan lam pana Chris lo kal chu ka en a.. Kekawrbul hain T-Shirt a taksa phuar deuh a ha a, hetia en mai pawh hian thaw ti chham thei khawp a mi hipna ngah a ni.. Ka bul ah rawn thuin ka dar ah a fawp zauh a.
A chezia te, min melh dan leh a nui hmel zawng zawng te, a tawnglai a a awmdan leh a tawngri te.. A te ber thleng in.. Avai hian eizawh mai ka duh hial… Eng thil nge ka ngaihtuah hi… Hmeichhe ngaihtuahna ni awm a mawi pawh a ni lovang.
.
“Khawnge Bastian chu?”
“In tur a la lawk a nih kha.. A lo let har..ka va kal ve zawk ange..” Sophia chu thovin a kalsawn nghal deuh mai a..
“Lo kir leh vat ru”
A ban arawn vai zauh a..
.
“Kan pahnih chauh a kan awm hian nuam ka ti zawk..” ka hnung ah thuin ka kawngah a rawn kuah a, rawn kunhniam in a hmui chuan ka biang a nul zai zai a..
.
“A nih chuan karleh chhungin eng ruahmanna nge kan neih dawn?”
“Eng ruahmanna nge kan neih ang.. Hna kan thawk ang chu..” ka thusawi vang chuan a nui nghawr dat a..
“I hun hman dan tur ka hre duh tihna a nih ber chu.. Hunawl neih dan nen..”
“Thawhtan ni leh thawhleh ni ah hunawl ka nei lova…”
“Noo..”
“Nilaini ah Children Hospital ah ka kal leh ang.. Nangpawh I buai dawn tih ka hria alawm.. Kei aiin I buai zawk ngei ang..” a dar ah ngheng in ka inher rem hlek a, a hmui ah ka fawp zauh a, ka kawnga min kuahna chu a tinghet zual sauh a.
.
“Kan kal chak mah mah em tih ka ngaihtuah a..”
“Chutiang in ngaihtuah suh…”
“Thil rang taka intan chu rang tak bawkin a tawp leh thin an tih hi a dik I ring em..?”
“Ring lo.. Helai a I khuavang hi ka duh..” ka nghawng veilam a khuavang tetakte fiah zet a awm chu a khawih a.. “Nakin ah chuan ka la eizo vek ang che..”
.
Ka nui chhuak hak a.. Diktak chuan ka tha a tikhur.. Ka tawng ang tih pawh ka ngaihtuah ngai loh mipa ka tawng a, tuna a landan chuan min duh ngawih ngawih niin a lang bawk.. A kut chu nghet zetin ka vuan a.
.
.
Kar thar kan chuangkai a, rilru in ka hlim veng veng e tih loh ah chuan thil thar em em a thleng lo..
Thawhlehni a ni a, hna ka zawh meuh chuan dar 6 a ri dawn hnai der a. Ka phone nghawr dar dar chu en in nui sak in ka pick up a..
.
“Building hnunglam ah rawn chhuak rawh.. Ka lo nghak tawh che..”
“Enge kan tih dawn..?”
“I la hmuhchhuah chawp tur..” 
.
Min hrilh lawk lova a rawn lang tawp chu mak ka ti deuh a, bakah a buai ve em em tih ka hria.. Thildang ka sawi leh hmain phone a off a. Lehlawi si a.. A duhna ah chuan min ngaichang miah lo..
.
Ka bungraw thenkhat ka bag ah khungin building hnunglam ah ka chhuak a, min rawn phone leh in car number arawn sawi a, ka va hmuh chuan car chhungah thuin a ban arawn vai zauh a. Lukhum hmathlawk khum in car darthlalang a tiphui vek bawk..
.
“Mi zawng zawng hmuh a dinner kildun I duh ka ring lova..”
.
Engtin nge ka thil duh loh awlsam taka a hriat theih.. Ka nuih a za zawk mah.. Inhnung lamah a awm tih a rawn sawi khan ngaihdan chu ka nei sa a, Building hmalam atanga kan chhuah chuan reiloteah office a hnathawk min hmutu zawng zawng te titi duh ber a ni dawn tih ka hria. Ani ang milar leh media lamin an umzui reng bawk tan phei chuan midang hmuh loh tur ang bera ruahmanna siam a ngai ngei ang..
.
Car a ka luh  hnu chuan kan hmalam a en leh zet hnuah alamah min pawt hnaiin min fawp a..
“Ka ngai che” a tawng zawi hle..
“Ka hria alawm..” ka chhandan vang chuan a nui nghawr dat a..
“Ka ring lo..”
.
Minute 10 dawn kan tlan hnu chuan restaurant ah kan lut a.. Car atanga kan chhuah phat atang khan ka kut chu nghet zetin a vuan a..
.
“Mr.Evans, helam ah..”
Hnathawk pakhat chu kan zui a, VIP tih intar kalhna room ah chuan kan lut a..
.
Min rawn hruaitu leh Chris chu innel takin an inbe bawrh bawrh a, an tawng hman erawh ka hre tam tehchiam lo.. ‘hmeichia’ tih leh ‘ngai lo’ tih te..hmun hming te an sawi nawkin ka hria.. Chris chuan min inhmelhriat tir a, Hotel enkawltu ber Mr.Smith a nih thu a sawi chuan kan in chibai a. Mr.Smith a tih chuan min enchiang ngang mai.. Nuam ka tih loh thlengin min en vung vung a..
“Nuam takin hun in hmang dawn nia” tiin min kalsan ta hram..
.
“Ni thum chhung cham turin New York ah ka kal dawn a..”
“A tha alawm…”
“Chu zawng chu maw I sawi dawn?”
“Ah..vawiin I chau em..?”
“Min ngaih tur thu sawi I tum miah lo a maw??”
“Tunah pawh ka ngai tawh sa reng che a..”
.
Awih loh hmel zetin a nui a…
.
Dinner kan kil zawh chuan muangchang in min thlah a, a tlai tawh deuh avangin in a  lo leng lut tur pawhin ka sawm lo.. Nidang ah ka nu nen a ka inhmelhriattir pawh a la ngai ngei ang. Mahse tunah chuan a la hma mah mah a ni. 
.
Ka nu a hna vangin Switzerland ah a kal a, karhnih hnuah arawn haw dawn chauh vangin keimah chauhin in ah ka awm a, ka khua chu a har khawp mai.
.
Hna tlem ka thawh leh hnuah mu turin ka insiam a, ka mut fel meuh chuan dar 12  a ri tep.. Naktuk hian nidang aia hma ah office ka thlen a ngai a, reitak meng thei ka ni lo.
.
Thil ri kauh kauh ka hriat chuan ka phu deuh zawk a, thawm dang a awm leh awm loh ngaichang in ka ngaithla kar a.. Ka phone a rawn nghawr dar dar chuan ka phu chiang khawp mai
.
‘Cevans’ maw…??? Engtiklai in nge tihian a hming a lo in save a…??? Phone ka pick up rual chuan a thaw huai a..
.
“Kawngka lo hawng rawh..”
Eng thil nge a rawn sawi hi…?? Awmang lo lutuk…
.
.
DOLCEZZA – 6
Fakna milem click hi uar sauh sauh ang aw. Chuan hriatpuina tel lova copy phal loh tih kan hriat vek tawh hnu ni tho mahse ka han sawilang leh hram..
.
DOLCEZZA [Honey]
By. LauraSeanVirgo aka ThanteiPautu
CHAPTER – 6
.
ISABELLA’S POV*
.
Muangchang a thoin inhnuai ah ka chhuk a, kawngka ka hawng a.. Huh veka Chris a lo ding ka hmuh chuan ka phawk hra a. Ruah a sur tam viau a nih ka ring. Inchhung atang hian pawnlam thawm a hriat theih vak loh vangin kawngka ka hawn hma chuan ruah a sur tam tih pawh ka hre lo.
.
“Ka muhil thei lo… Ka ngai bawk che a..”
.
Lut tura ka sawm hun pawh nghak lovin  arawn lut a. A awmdan chu ka hrethiam lo..
.
“Ngati nge tihian I awm a..??”
“Ka ngai che tih ka sawi chu..”
.
“I huh vek a nia..”
Bathroom ah inzui lut in inhruk hulna tur  ka pe a, a hak tawk thuamhnaw kan in ah hian a awm lovang.. A kawr a phelh chuan a pian nalh zet chu ka en lo thei lo.. Min rawn en chuan ka mit ka lasawn vat a.
“I thil duh I hmu nimaw?” 
.
“I kawr ro hma chu Bathrobe hi ha rih mai rawh..” ka hmai sa pawp pawp chu ka haw takzet. Tleirawl pawh ka ni tawh lova, mipa kawr ha lo hmuh vang mai a zak tur ka ni hleinem.. Mahse amah a nih hi chuan ka zam a ni.. Engmah sawizui lovin bahroom atang chuan ka chhuak a.
.
Living room a sofa lian zet ah chuan thuin bathroom atanga a lo chhuah hun a ka sawitur ka lo ngaihtuah lawk nasa.. Engvang a lai viau nge ka nih ka hre bik lo. Zanrei tawh ah kan pahnih chauhin in pakhat ah kan awm a nia.. Ka zam viau hi ka thiamloh pawh a ni lo..
.
Bathroom atanga a rawn chhuah chuan min rawn panin ka hma ah a ding a, a kut kuangkuah in min en chhuk run a..
“Enge..??”
Rawn kun hniamin min fawp zauh a..
“Eng thil nge ti ila I duh..?” min hnaih zet a rawn thuin min kuah a. A awmdan atang hi chuan min ngai tak tak anih hmel.. Ka kut la in a awm zawnah a dah a..
“Ka thinphu chu I hre thei em??” ka bu nghat a. A awmdan hian min barakhaih chiang a ni.. Min melhdan chu ka sawifiah thiam lo.. A pa hluah hluah.. A serious em em bawk.
“I duh chuan ka malchungah hian I mu thei ang..” ka nui hak a.. Kan awmdan chu puitling inngaizawng ni lovin tleirawl/rawlthar inngaizawng kan ang zawk mah in ka hria. A awmdan siamrem in ka malchungah a mu a, a sam la huh deuh chu ka khawih niap niap a. A mit a chhing suar suar thung..
.
“Min fawp rawh…” a kut in ka tukhum ah min rawn vuan a, a kut zungtang sei thlurh chu ka sam karah a rawlh lut a, min en chiang hle bawk.. A hmui a ka fawh chuan a duhthawh hle.. Kan inmamawh ve ve. A awmdan siamrem in a bulah chuan min muttir a, a hmui a lasawn miah lo bawk..
.
“Tunah chuan kan la tithei lo a nia..”
Thaw hawkin min kuah a.. “Ka hria.. Mahse mi thianghlim ka ni lo a nia..” ka kawrchhungah zenlut in ka hnung a chul hauh hauh a.. “Min kuah la muhil rawh.. Thawh hma I ngai tih ka hria alawm..” A kawng ah kuah letin a awm ah ka hmai ka phum kak a.. Ka sam karah a hmai phumin a hip vang vang a..
.
Ka harh leh chuan keimah chauh in ka lo mu tawh. Min thawhsan lai ka hre miah lo. Bang a sana inkhai ka en chuan ka tho a.
.
Ka phone la in a number ka dial nghal a, a rawn pick up rang khawp mai..
.
“Good morning..Dolcezza” min rawn koh duatna vang chuan ka nui sak.. “Airport ka pan mek, ka kaitho duh ta lo che a nih kha.. Note ka hnuchhiah kha I hmu lo a nih ka ring..”
A note hnuchhiah ka ken chu ka en zauh a.. A aw ngei hriat ka duh tih ka hrilh kher lo mai ang..
“Tluang takin I kal dawn nia.. Ka ngai viau ang che..”
“Ka lo let leh thuai ang.. In enkawl tha la..”
.
Nilengin hna ah ka buai chhunzawm a, thildang ngaihtuahna hun ka nei meuh lo. Ka nu nen kan inbe zauh tihloh chu phone pawh ka khawih lo tluk a ni.
.
Office atanga ka chhuah chuan ka phone message tone a ri ral a. Check tur a tam leh tawh khawp ang. Zanah chhanlet ngai chu ka chhanglet mai ang ti rilru chungin ka motor dahna lam ka pan a.
.
“A dik lo leh tawh..” thinrim ru zetin motor atang chuan ka chhuk leh a, Ni 2 liam ta atang khan ka motor ke hi a lo thep ziah. Thilmak tak a ni.. Garage ah hian CCTV a awm vek a, mahse mak takin motor khawih lai hi chhui let tur a awm ngai lo.. Ngaihtha lo ru tak chungin mechanic ka phone a, taxi a ka haw leh mai a ngai dawn a ni.. Ka motor chauh lo pawh tunhnai hian a him chuang lo.. Hetiang thil hi tunhma in a thlen kan hre ngai lova, mi tuemaw kuthlei kan tuar a nih hmel. Rei tak hriatchhuah lohvin a awm chuang lovang..
.
Taxi ah chuang in kan chenna in ka pan a, message ka check zai zai a..
.
*TITAWP RAWH..* Message min rawn thawnna number chu ka hriat ngai pawh a ni lo.
Ka phone a rawn rik chuan ka phu zawk a.. Min rawn phone tu number chu message min thawntu tho hi a ni tlat..
.
“Hello..”
A reh vang vanng a…
“Hello..”
Min chhangtu a la awm chuang lo.. Hmm.. Mak tih vak a ngai love.. Line kalsual a nih ka ring..
“Isabella Francesca McQueen..?”
“Ah..aw... Enge nita??”
“Fimkhur ang che.. I tih loh tur I tih chuan midang nunna in a tuar thei a nia..”
“Enge I sawi awmzia??”
“I ta ni thei chuang lo tur hi hnaih buai suh..” Phone chu a tawp zui daih a.. Ka awm a nuam ta lo tawp mai. Min rawn betu chu a aw atangin mipa nge hmeichhia tih ka hrehrang mai thei lo. Hmeichhe aw ni tur chuan a thum mah mah a, mipa aw atan a nem leh deuh bawk si..
Ka nu ka phone vat a, a that thu arawn sawi chuan ka thaw huai a.. Chris erawh a ngaite bawkin phone a pick up thei lo.. Thian chi hrang hrang tam tak ka nei a, hetiang a mi fiam chi thian ka neih ka hre lo.
.
Enge thil awmzia ni ta ang..?? Vawikhatmah ka la sawichhuah loh hlauhthawn ruk ka neih kha a tak a ni thei angem? Karhnih chhung zet chu khawiah pawh min thlir rengtu awm a hriatna ka neih thin hi a tak ni lo hram rawh se...
.
In ka thlen hnu ah Chris ka phone leh a, a pick up thei chuang lo… Zan tlai tawh tak thlengin min lo biak ringin ka ngaichang a, eng thawm mah arawn nei lo.. A that leh that loh tal chu rawn sawi ve tur a nia.. Voice message ka hnuchhiah ta ngawt a.
.
 Ka alarm ri in min tih harh rualin ka tho a, ka intihfai hnuah choka ah lutin eitur ka siam a, office kal tura ka chhuah rualin kawngkhar bula chanchinbu chu ka bih nghal thuak thuak a..
He thil chu[h]
.
CAPTAIN AMERICA LEH A HMEICHHE THUHRUK…
A hnuai ah chuan chawlh kan hman lai a tuipui kam a kan kal lai hnunglam atanga lak a chuang a, ka koki ah Chris chuan min vuan bawk.
.
*He hmeichhia hi tunge a nih tarlan a ni lova, kartawp chawlh hlimawm tak an hmang anih hmel. Tun atanga reilote ah Chris Evans leh a hmeichhe kawp hi an rawn inlar leh vat turah ngai ila. Hun reitak mipui hmuh theih tura hmeichhia a zui tawh loh hnuah he hmeichhia[?] nen hian inhaw lo taka an awmdun hmuh a ni a, chanchinthar lian tham tak a ni tiin kan sawi lo thei lovang…. **
.
Ka hming leh nihna engmah tarlan a ni lova, mahse mak tih ka nei.. Kan hnunglam atanga kan thla lo la thei chuan kan hmel pawh a hmu ngei ang..
.
“Hi..Soph..” a rawn lan har ka ring lo reng a ni..
“Chanchinbu kha I hmu tawh em?”
“Ka chhiar zo chiah..”
“Haha..enge a an?”
“Enge I sawi awmzia..??”
“Ka hre lo.. Miin an tihbuai nuai nuai loh che ka beisei..”
“Soph..ka nihna tarlan a ni lo hlauh a ka lawm khawp mai..”
“Chris hian thup reng a tum hauh lovang..”
“Ka hre lo le..”
.
Soph hian mahni chauh a awm ka thlakhlelh thin zia min hriatsak a, ka ngaihtuah tur awmang pawh a hria in ka ring.
.
Office ka thlen chuan Mark ka hmu vat a, a hma a ruahmanna ka siam In sak mek en a ngaih dawn thu a sawi hnuah ka cabin ah ka luhsan a. Ka hriat theih chin ah hmeichhe thenkhat chuan Chris Evans chanchin chu an sawi sep sep a. A thenin hmeichhia chu tunge tih hriat an chak zek zek a, a thenin an ui thu leh Chris chawlh hmanpui hmeichhia chu nih an chak thu an sawi lawng lawng bawk a.. Mahni hlawkna tur ni miah lo hi kan buaipui peih phian hlawm chu a nih hi..
.
Ka hna ka thawk tan a, file chinfel ngai a awm mai bakah project thar kan neih leh tur atan inbuatsaih tan ka ngai bawk a, ka buai hle.. Kawngka kik karh karh thawm a awm chuan lut turin ka chhang a..
.
“Lynn…Enge ni ta?” hawichhuak chuang lovin ka hnuai chiah a thawk Lynn chu ka lo be vat a. A hmel en kher ngai lovin a perfume rim atangin amah a ni tih ka hre nghal thei..
“Chanchinbu a mi hi nangmah I ni em? Danglamna a awm lo.. Kartawp chawlh kha I hmang chhuak ve chiah bawk sia..”
“Harsatna a awm a mi..?? Kan project thar tur kha ka buaipui a..”
“Aw..Lalpa.. Nangmah I ni tihna a ni em?”
“Keimah ka ni tih ka sawi em.. Lynn.. Naupang chhia ang maiin awm lo teh.. Khang chanchinthar aia buaipui tur tul zawk a tam lutuk..”
Ka chhan dan avang chuan keimah ka nih a ring lo chhunzawm ve mai bawk a.. Lynn thluak han suk vel hi chu thil har vak a ni lo.. Keimah ka ni pawh ti ila  a awih chuang lovang.. Thildang sawiin a phul hluai a, helai hmuna ka hnathawh puite zingah chuan Lynn hi a rilru a tha berin ka hria. Hmeichhe dang tamzawk hi chuan sep sep an ngah a, a buaithlak thin. Rilru a awm apiang sawichhuak nghal hmiah hmiah a hnunglam atanga mi beih ching lo hi keichuan ka ngaina ber thin.
.
Ka phone a rik chuan ka pick up vat a..
“Dolcezza..” a ngawi leh vang vang a.. A rem teh duah lo e.. tiin ka lo ngaihtuah hmanhmawh.. Mahse inkoh duatna common lo tak chu a ni..
.
Lynn chuan min signal in cabin atang chuan a chhuak a..
“I tha em??”
“I aw ka hria a ka tha tawh e..” a tawngkam hman thin hi a inhmeh lo.. A ka atanga chhuak ah chuan ka tan a tha mah mah a ni..
“Chanchinbu kha I lo hmu em?”
“Ka hmu ve chiah.. Reilote ah ka ta chauh I ni tih an hre dawn thova pawi ka ti lo..”a nui miah lo…. “Ka ngai che.. I bula awm ka duh hle bawk”
“Keipawn ka ngai che..”
“Nihnih hnuah kan inhmu thei ang..”
“Okay.. In enkawl tha ang che..”
.
.
CHRIS POV**
.
Min kuah chunga tui taka a muhil hmel ka mitthla a lang reng vang chuan ka nui suk a. Reilote chhungin ka atchilh chu a nih tak ber hi.. Hunawl ka neih veleh ka be nghal reng a ni. Missed call lo awm nual ka hmuh ringawt pawhin mi a ang maiin ka nui a..
.
Nihnih chhung chu mutna hun mumal pawh nei lovin film kan shoot a, ka chau hle.. Chanchinbu a an thuziah chungchang ah chuan pawi tihna ka nei hran lo. A hnen a ka sawi ang chiah in ka ta chauh a ni tih hi khawvel in hria se ka duh.. Ka ta chauh a ni tih an hriat chuan tuman min chuhpui thei lovang..
.
Kan thlenna Hotel a ka room ah chuan lutin ka intihfai hnuah ka mu nghal a. Reilote ah ka muhil nghal. Taksa a chauh tawh chuan ngaihtuahna a kal ding thei lo..
.
Zinga ka harh leh chuan ka mumang nuam zet avangin ka mood a fuh hle.
.
Darkar khat a ral hnuah film shoot na  tur hmun  panin ka chhuak a, vawiin chauh hi New York ah ka awm a ngai tawh a, Boston a kir leh ka chak zek zek tawh..
.
“Evans, hei I ta tur a ni awm e. Nichin khan hmeichhe pakhat in a rawn dah a..”
.
Raymond thil min pek chu lain lawmthu ka hrilh a, hawng lovin bag ah ka dah a. Thilpek neuh neuh hi ka dawng awl lova, a tam ber te hi chu fans te thilpek a ni tlangpui a, thil hlauhawm a nih leh nih loh enfiah hnuah chauh ka dawng thin bawk. A bawm hawng kher lovin Raymond hian a lo check mai thin.. Fimkhur viau tluk a awm love..
.
Tlai lam dar 3 velah kan tihtur chin kan zawh chuan tlai lama dinner kil ho turin kan inthen ta hlawm a. Naktuk zing thlawhna chhuak hmasa berah Boston ka pan thei tawh ang.
.
.
Isabella hnathawhna hmun ka thlen chuan Office chhungah ka lut nghal a, min hmu a piang chuan an thiltih lai dah meuh in min en hlawm a. Reception counter a Isabella awm leh awm loh ka zawh chuan a cabin ah a awm thu bah nakin min hrilh a, Chhawng 4 na ah a awm thu min hrilh hnu a ka kalsawn leh rualin an ri zui hak bawk a..
.
Ka pangpar ken chu en in ka nui suk a, vawiin hian mi tuemaw chu makti takin an awm ngei ang…
.
“Mr.Evans.. I ni tiraw..?? Awi karei…Puih theihna che ka nei em?” Sam sen lar zet leh sa tha lampang, harhvan hmel zet chuan min lo chhawn vat a.. A perfume hman rim chu a na kher bawk..
“Isabella McQueen hmuh ka duh a..”
“Lo kal rawh..Lo kal rawh.. Helam ah hian.. Lynn ka nia..” tiin min nuih sang a..
.
Kawngka a kik karh karh hnu ah Isabella chuan kawngkhar hawnga lut turin a rawn chhang a.. Lynn chuan a mit siai zauhin min kalsan nghal a. A chezia lawmawm zet avang chuan ka nuih let lo thei lo.. Ka siai  let zauh a..
.
Kawngkhar hawngin room chhungah chuan ka lut a..
.
“Enge ni leh ta??” Rawn hawichhuak chuang lovin computer chu a bih ngar a, tarmit a vuah bawk.. He hmeichhe nalh lutuk hi ni 3 chhunga ka thluak a awm tlat hmeichhia ngei kha a ni..
.
“Dinner time..”
Ka tawng a hriat rual chuan rawn hawichhuak in a ang pham a.. Min hmu thut mak a tih zia chu a lang reng mai.. A rawn dingchhuak nghal bawk a..
.
“Hetah enge I rawn tih dawn?? Ka sawi awmzia chu.. Engtin nge tun ang hunah..”
.
“Ka bialnu ka ngai a ka rawn kal… Lawm ka hlawh lo tihna a ni em??”
“No..chutiang a ni lo.. Hnathawk hovin an hmu che em..? Nilo.. an hmu ngei ang che”
“Pawi ka ti hleinem..”
Pangpar ka pek chuan lawmthu a sawi sap a.. A rinlawk hauh loh a min hmu thut chu a la chiai deuh a nih hmel.. Ka kuah chuan a mit chhing in min kuahlet thuai a.. He thil hi ka thlakhlelh em em chu a ni.. Ka fawp ngei tur a ni bawk ang..
.
.
A bag khai sakin a room atang chuan kan chhuak a, a tim deuh tih ka hrethiam a, a awmdan tur chu ka hriatthiam pui  bawk. Kan chhuah rual chuan a office bulhnai a hmeichhe awm ho chu lai zeta inher in an kalsawn dial a.. Min rawn enzui nasa bawk.
.
A kawng ah kuahin ka lamah ka pawthnai a, a sam ah ka fawp zauh a.. Hmeichhe ho thawm neih zui chu ka haider hmiah thung..
.
Vawiin hian ka ruahman lawk angin ka nu leh pa te chenna  hmunah ka hruai dawn a, engmah ka hrilh lawk lo.. Ka chhungte chuan an ngaina dawn tih ka hria. Hetiang hmeichhia hi tu in nge ngaina lo thei ang..?
.
“I car an siam lai kha ka hmu a..”
“Oh..nia, a ke a thep a..”
“Tlai lamah chuan chhe ziah mahse a pawi lova..”
“Enga..” Ka fiamthu tih hriain a nui hek hek a.. A nui hmel chu a reh riai riai a thildang ngaihtuah niawm takin car tukverh lam a hawi a, nidang angin a tawngtam lo..A lubur tereuhte ah hian enge a ngaihtuah tih hriat vek ka duh ngei ang..
.
“Sophia leh Bastian pawh an rawn tel ve dawn a..”
Bu nghat in min en vang vang a..
.
“Chris..”
Ka hming a min koh vawikhatna a ni.. A lamrik dan chu ka duhzawng tak a ni bawk.. A hmui a pet zauh a.. Kawngsir ah car tiding a va fawp mai lo turin ka inthunun a ngai…
“Umm..”
“Ka hmangaih che..”
.
.
DOLCEZZA – 7
DOLCEZZA [Honey]
By. LauraSeanVirgo aka ThanteiPautu
CHAPTER – 7
.
ISABELLA’S POV**
.
.
Hnathawh tur tamtak ka nei a, Lynn a rawn lang zauh zauh tih loh chu tibuaitu ka nei hran lo.
.
Kawngka kik karh karh ri ka hriat chuan Lynn bawk a nih ringin ngaihven lem lovin lo lut turin ka hrilh a..
.
“Dinner time”
Phawk zetin ka hawichhuak a, Chris ka hmuh chuan ka mitvai a nih leh nih loh chian nan ka mit ka khap sak sak a.. A pangpar ken  min pek hnuah min kuah a. A rim pa zet chu hip in ka maimitchhing vang vang a..
.
Office atanga min chhuahpui hnu chuan a car in kan chhuak a, hnehsawh zeta motor a khalh chu ka en reng a. Ka hmangaih a ni.. Aw..Lalpa eng thil nge ka ngaihtuah hi..? Chiang takin ka hria.. He mipa, mipa diktak..mi hipna ngah tak leh a chhungril a rilru tha tak nei hi ka hmangaih a ni. Thildang engmah ka mamawh lo.. Amah chauh hi ka mamawh.. A bulah ka damchhung hun hman ka duh ngei ang..
.
“Chris..”
Ka koh chuan min rawn melh zawk a, ka sawitum chu thlak leh turin ngaihtuahna hun a awm tawh lo..
“Umm..”
“Ka hmangaih che..”
.
Ka kut nghet takin a rawn vuan a, engmah a sawi lo. Ka hmai a sa pawp pawp a.
.
In lian zet hungchhung a kan luh chuan motor a tiding a, motor a tihdin rualin alamah min pawthnai a, nghet zetin min kuah a..
.
“Nichin a I thusawi kha I sawinawn leh thei angem?”
Ka hamhaih vek.. Ka hmangaih tih ka hrilh hnuah minute 10 dawn chu engmah sawi lovin a ngawi a, ka kut nghet takin a vuan ringawt a.. Tunah sawi nawn turin min ti lehsi a maw.. Ka mood a tichhe vek hman tawh..
.
Ka biang tawn tawn ah a kut in min vuan a, a mitmeng pawl raih chu a de sawr sawr a..
“Kan awmna hi khawilai nge??”
.
Dim lo zetin ka hmui ah min rawn  fawp a, engtin nge ka hnial theih ang.. A nghawng ah kuah in ka chhanglet a. A hmui a ka seh chuan a nui hawk a..
.
Aw thian kharh thawm vang chuan inlahrang in ka tawlhsawn vat a, ka hmai sa hut hut chu a sen chhuak ngei ang.
.
“Ka unaupa a nih saw.. Scott..”
Car atang chuan chhuak in inchhung kan pan ho a, a unaupa nen chuan an san zawng a inang vel a, an hmel erawh a inang vak lo. Inchhung kan luh chuan an lo awm laih laih a..
.
“An lo thleng e..”
“Isabella I nih ka ring a..” Nu upa tawh lam chuan nui sangin min rawn pan a, hmeichhe awm ve dang ho chu an nui dar dar a.
“Nu…”
“Ka hria e..” tiin a nui hak hak a. Ngainat loh a harsa ngei ang..
Chris chuan ka kawng ah min kuah in a chhungte hming chu a sawi diat diat a.. Chhungkaw ngainatawm tak an ni. An inpawh hmel viau bawk. Naupang an awm nek nek bawk a.. An zavai mai chuan an hlim em em vek ni maiin ka hria. Chhungkaw hung tak neih ve hi ka chak fo thin. Ka nu nen chauh a khawsa reng kan ni a, ka naupan deuh lai phei kha chuan unau neih ve chakin ka tap ru fo thin.
.
Room zau zetah thukhawm in an titi a, Chris chu fiam nuam an ti hle bawk..
.
“Bella, Junior hi a tet lai chuan The Muppets en in a tap thin asin..”
.
Chris nu Lisa Marie chu enin ka nui a, Chris erawh chuan nur nung chungin a nu a en a, thildang sawi tam lo turin a duh tih ka hria. Mipa naupang hmeltha tak The Muppets en chunga tap tur hmel ka mitthla chuan ka nui lo thei lo.. A duhawm takzet.. Ka rilru hrethiam niawm takin ka kut ah min vuan a..
.
“Cevans, a dang ka sawi dawn em?” Chris u chiah Carly chuan sawichak a ngah hmel hle..
Sophia leh Bastian an rawn thlen chuan titi an thlak ta chauh a..
.
Hlim takin Dinner kan kil a, Chris unau fate ho pawh an nungchang a mawiin an ngainatawm vek. Chris an ngainat zia ka hmuh chuan ka ngaihtuahna a kal thui khawp mai..
.
Kan in pan a min thlah chuan zan dar 10 a pel tawh..
.
“Khawvel dangah kan cheng leh ta a ni maw..?”
Chris chu en in ka nui sak a..
“An zavai khan an ngainatawm takzet.. I vannei hle mai.. Chhungkaw lian tak I nei a, in inhmangaih em em bawk a..”
.
Ka kut la in a fawp zauh a.. In kan thlen chuan kawngkhar min hawnsak hun nghak lovin car atangin ka chhuk a..
.
“Ah..i duh chuan coffee kan indun thei ang..” phur hmel zetin car atang chuan a rawn chhuk a.
.
Nihnih hnuah ka in a box a rawn thlen chuan a ngaihna hre lo zetin ka hawng a..
.
“Dar 6 ah lo inpeih ang che.”
.
Kawrfual hringduk nalh zet ka phawrh chuan ka thaw hawk a. A man a sang khawp ang. Hetiang kawr ha hian khawiah nge min kalpui a tum le.. Thil awmzia zawh tum a ka phone chuan phone a chhang thei miah lo lehnghal.
.
Darkar hnih chiah hun ka nei.. Hmanhmawh deuhin ka inbual a, ka kawrhak tur rawng nen inhmeh turin make up tlem ka hmang bawk a. Dar 5:50 a Chris a lo thlen chuan ka inpeih fel thlap tawh.
.
Suit buang thak a hak chuan a pian nalh zet chu a tilang chiang hle. Thaw tichham thei hial khawp a mipa pian nalh a ni.. Min hmuh chuan uluk zeta min en in a nui suk a. Hmeichhe inringtawk tak ni thin kha a bulah hian ka zam chhe leh vek thin..
“Enge..?”
“Ei mai theih ang maiin I lang a lawm..”
“Infakna ah ka ngai dawn nge..??”
“Lo kal hnai teh..”
Ka chet hma hauhin min rawn hnaih a, ka nghawng ah a kut pahnih a min kuahin a rawn kun hniam a, ka chal ah min fawp zauh a.. A rimtui tak chu hipin ka maimitchhing ringawt thung. Ka bulhnai a a awm hian mumal takin ka ngaihtuahna ka hmang thei lo..
.
“Chuan, khawiah nge min hruai dawn?”
“Ka hre lo..” ka biangah fawpin ka nghawngah a fawp thla zai zai a..
“Chris..?”
“Um..”
“Dar 6 a ri dawn a nia..”
Nui hawk in min kuah bet a..
“In a awm hi ka duh zawk in ka hria.. nangmah nen chauh..”
.
CHRIS POV**
.
A bulhnai a ka awm chuan thildang engmah ka ngaihtuah thei lo.. Party na hmun kan thlen chuan rinlawk ang chiah in mi mit kan la hle tih ka hria. Isabella chu min hnaih thei ang ber turin ka kuah a, ka thian thenkhat te ka hmelhriattir bawk a.
.
Mipa thenkhat in an ngaihtuahna lang renga an melh chu ka ngaithei vak lo. Intur lain ka kalsan lawk a, ka let leh chuan hmeichhe pakhat hian hnaih zeta dinchilh in a lo be sawr sawr a.. A bula ka va din leh chuan ka banah min kuahin a thawven hmel huai a..
.
“Max-a’n a hre tawh em? Engtin nge he thil hi a thlen theih zawk le..?”
.
Chu nu thusawi chu ka hrethiam ve hauh lo mai. Isabella chuan min kuah nghet sauh a.. A hmel a hlauhthawnna lang chu rang zetin a thup thuai a, mahse ka hmu hman tho. Engvanga hlauthawng nge a nih tih hriat ka duh hle bawk..
.
“In innei ngei turah ka lo ngai a.. Engpawh nise, mipa thlan I thiam hle mai.. Max chuan a la na khawp ang le.. Ni lawm ni..?? Tunah hian khawiah nge a awm” a nui zui chiam a...
.
“Tunge Max chu..?” ka thil hriat chakna chu ka thunun zo lo..
“Oohh.. Bella hian engmah a hrilh lo che a ni ngei ang..?? A ni em Bella..??” Chu nu chuan cho zet hian a melh a.. 
.
“Ramona..i duhtawk thei angem?”
“Hahaa.. I inveng ve hle mai maw..”
.
“Hii…Cevans..helai ah hian tunge ka hmuh hi..hmeichhia nen lehnghal..” Scarlet chuan min rawn panin min rawn kuah a.. “Aw Lalpa..heihi a ni em?? Hii.. Scarlet ka nia..” hlim zeta nuiin Isabella chu a kuah nawk nawk a.. He hmeichhia hi chuan a zia a thlak ngai dawn lo a nih hi..
.
Boruak dang a rawn awm takah chuan nichin a Isabella betu pawh chu lai zetin a kalsawn a. A mitmeng ah chuan hmuhnawm thlirchak hmel a lang chiang hle..
Engemaw chen a phul hlut hnuah Scarlet pawh chu a kalsawn ta hram a. Ka thaw huai.. Kawmngeihin ngaina viau mah ila tunah tak hi chuan ka rilru ah thil awm vang hian  titi lam a lang lo.
.
“Max chu tunge??” a bengbul ah ka phun sap a..
“Hun liam tawh a mi a ni.. Sawi ka chak lo..”
.
Hun liam tawh pawh nise kei hian hriatchian ka duh.. A hming ringawt pawh khan a awmdan a tih danglam theih chuan mi engemaw tak chu a ni ngei ang. Tunah pawh anla inpawh reng maithei a sin.. Kei hian engmah hriat ka nei hleinem..
.
“Tunah sawi rawh..”
“Chris.. a hun lo”
.
A kut ah kaiin inchung lamah ka chhohpui a, kan awmdan hriatchak a min melh ho chu ka kal pel hmiah hmiah a.. Inchung a room pakhat chu hawngin ka luhpui a, kawngka ka kalh hmiah bawk..
.
“Tunge Max chu..??”
“Min nawrlui suh.. Chris.. Khawngaihin..”
.
A sawi duh lo chuan ka thin a tirim... Ka awmdan hi hretihiam lo. Min ring a engkim min hrilh ka phut tlat a ni. Mipa dangin an khawih tur ka ngaihtuah ringawt pawhin ka sa pup pup thei nia..
 A kawngah nghet zet a kuahin ka kut lehlam in a biang ka vuan bawk a.. Min en duh miah lo.. A mit a khup lap a..
.
“Nang hian min bum tum suh ang che..”
“Chris..duhtawk rawh.. Ka bum ngai lovang che.. Tul ka tih hunah ka sawi mai ang”
.
Eng thil phiangsen nge a sawi hi..? Tul a tih hunah a sawi ang maw..?
.
Ka kuahna chu thlahin ka kalsawn a, ka sam ka tuai puat a, thutna awmah chuan ka thu a, a hmel chu chiang zetin ka en a..
.
“A tha a nih chu.. Min hrilh suh..” ka tawng bung hle. Ka lungawi lo tih ka tilang chiang viau bawk..
“Thinrimna tur a awm lo a nia..” a ti zawi raih a..
.
Ka ngaihdan letling chiah a ni thung. Kan inkawp a nih chuan thuruk a awm turah ka ngai lo.. Mahse thil pakhat chu Isabella hian ka tunhma nun vawikhatmah min zawt ngai lo. Ka chanchin thenkhat chu media atangin a hre ngei ang. Ka hmeichhe kawp thinte pawh a hre ngei ang.. Mahse engmah a sawi ngai lo..
.
“Chris..”
Ka chhang lo.. Chhan ngai pawh ka ti lo..
.
Ka thutna atang chuan thovin kawngka ka pan a, ka hnungah min rawn zui a.. Party na hmun atang chuan chhuak in Car ka lachhuak a, ngawireng in min rawn zui ve zel a..
.
An in kan thlen chuan ngawireng in a chhuk a, min en miah lo.. inchhung a a lut tur chu ka en reng a..
Hmanhmawh zetin Car atang chuan ka chhuak a, ka umzui a. Zan in hian thil awmzia ka hria a nih loh chuan ka muhil hauh lovang. Thil nghak thei tak ka ni ngai lova, tunah pawh ka la ni chuang lo..
.
 “Tunah min hrilh rawh..” tiin ka hmachhawn nghal thawr a..
.
“Chris..” a lu thing in a thaw hak a.. “Ngaihzawng hlui satliah mai anih kha..”
“A nih chuan ngati nge I sawi that ve mai loh..”
“Ka tihpalh.. He thil hi sawichhuah ka duh ngai lo.. Zahna nei miah lova Ramona awmdan ka hmuh khan min thawng em a ni.. Tunhma chuan ka thian a ni thin a, kan inkawm reng laiin Max nen an mudun lai ka man chhuak a.. Chumi hnu chuan Max nen kan inkar engkim ka titawp nghal vek.. Tichuan kan duhtawk thei angem..?”
.
“A thusawi nen khan a va inmil si love..”
“A duh duh a sawi thin reng alawm..” a tawng zawi hle.. A awmdan atang chuan sawinuam a ti lo hle bawk tih a lang.
.
Ka hriat hman hmain ka kuah a, a ma thu ngeia a sawi hun nghak lova ka nawrlui chu ka inthiam chiah lo bawk. Tu in nge mahni nunhlui sawi nuam lo lai athawk a phit a sawi thin reng ang ni..?
 .
“Hun nuam tak hmanpui che tumin ka chhuahpui che a.. Ka nawrluih che vangin pawi ka ti..”
.
A kut nel thep chuan ka biang ah min vuan a, ka mitah chiang takin min en kal bawk a.
“Ka ring che.. I chungah thil dik lo tak ka ti ngai lovang..”
.
.
UNKNOWN’S POV**
.
Ka nghak rei ta mah mah e.. Evans hian a hma a ka thilthawn kha engahmah a ngai lo a nih chuan ka tihtur dang tha zawk hi ka ti mai a niang chu.. Ramona hi hman atang khan ka hmanraw tha ber a lo ni tawh thin a, tun thleng pawh hian harhchhuak hauh lovin ka thu a la zawm zel a ni. Mahse Evans lakah hian Ramona hi a tangkai rei dawn lo tih ka hria.
.
Thla 5 chhung zet chu Isabella hi ka zui tawh a, a awmdan ka chik zawh poh leh midang tan a ka phal lohna hi a zual zel a ni.. Amah ka neih theih nan a min daltu chu tupawh nise ka dahtha hreh hauh lovang. Isabella hi ka hmuh hmasak ber atang khan ka tan a ruat ngei a ni tih ka hre tawh. A nui hmel ringawt pawhin lungawina a thlen thei…
.
Ka message thawn thinte hi engahmah a ngai lo a ni phawt ang… A awmdan a danglam lova, he mipa ka dinhmun tur luah tumtu hi a zui fo a. An nuidun hmel ka hmuh phei chuan ka puak keh lo chauh.. Amah hnaihtu a piang chu ka tan hmelma an ni.
.
A thlalak en in ka nui a.. “Min lo nghak la itan a mipa diktak lo lan huntur hi lo thlir ang che.. Hlimna zawng zawng pe thei tu tur che mipa hian ka rawn pan mek che a nih hi..”
Ka tawng hre thei lo thlalak mawi tak hi vawi engzat nge ka biak ka hre seng tawh lo.. Ka nghak rei tawh lovang.. Ka hna hi rang taka thawh a ni bawk tur a ni..
.
Mi pahnih lek inkar a hriatthiam lohna tuh leh inzawm leh tawh ngai lo tura  inrin tawnna tihchhiat vek hi thil harsa a ni hleinem..
.
Min lo thlir reng rawh.. Engpawh ka ti ang..
.
.
DOLCEZZA – 8
DOLCEZZA [Honey]
By. LS.Virgo aka ThanteiPautu
CHAPTER – 8
.
ISABELLA’S POV**
.
“Nizan chu a nuam bawk em?” office ka thlen veleh Lynn chuan zawhna chi hrang hrang min zawt reng a, ka ning tan hle..
“Nizan ah enge ka tih?”
“Chris Evans nen party na a in kal thu helai hmuna hnathawk zawng zawng chuan kan hre vek alawm. Party zawh hmain in haw dun tih zawng zawng nen..” a nui ker ker a..
.
“Khum ah a zei ngawt ang.. Oohh..ka awt hle mai che.. A pian sexy lutuk zawng zawng nen..”
“Lynn..duhtawk teh..”
.
Pawisawi loh hmel zetin a nui zui ar ar a.. A tih than dan a nia, nitin zawhna 20 chuang chu min zawt ziah ang.. Kan inhriat tirh atanga a mipa atchilh min hrilh thin kha Chris hi a ni tlat alawm..
“Alo kal leh hunah mumal deuhin min inhmelhriattir thei angem?? Bee..khawngaih in…” Hmm…hming thar ka nei leh ta..
.
“Khawngaihin Lynn..duhtawk tawh teh.. Tehreng mai.. Dinner kan la kil ho dawn nia.. A tha em..?? ”
.
“I tha ber mai..”
Ka cabin atanga a chhuah meuh chuan ka thaw huai a.
.
Helai hmuna Chris a rawn kal atang khan thup rual lohvin kan inkawp thu a thang a, ka hnathawhna hmun chauh ni lo, social media lam thlengin a darh rang hle. Ka thil thlakhlelh loh berte zing a mi a ni hial ang chu.. Tunhma a zalen taka awm thin kha ka inven ruk a ngai ta fova, min zuitu awm a ka hriatna lah a zual telh telh bawk.
.
Hna ka zawh veleh Airport ah kal in ka nu ka hmuak a, ka tum loh zetin Max nen kan inhmu hlawl bawk. Biak tumna ka nei lo..
.
Ka awmna lam pana a rawn kal ka hmuh chuan ka hawisawn vat a..
.
“Bella, biak che ka duh..”
.
“Sawi rawh..” Ka duh aiin min rawn din hnaih mah mah..
“Kan inhmuh hnuhnun ber tuma ka khawsak dan mawi lo zet vang khan min ngaidam dawn nia. A thleng leh tawh lovang..”
.
“A tha alawm” a hmel pawh ka en lo..
“Ahh..chuan..Bella..a hma a ka tawngkhum dan che kha ka ti tak tak lo..Khawngaihin min ngaidam rawh..  Tunah chuan hmeichhia ka tawng ve leh tawh a, nundan pangai tak ka nei ve thei tawh ang..”
.
“Ka lawmpui che.. Ka kal phawt ange.. Ka nu a lo thleng a..” hla deuh hlek a ka nu lo kal chu ka melh zauh a..
.
“Bella.. Mangtha le..”
.
Max nungchang mak zet chu ka awih lo rum rum. Tunhma a a nungchang thin nen khaikhin chuan a danglam nasat zia hai theih a ni lo.. A tha lam zel ah ngai mai teh ang.
.
Ka nu bul ka thlen chuan ka kuah vawng vawng a..
.
“I awm loh chhung chu chatuan chen zet a rei niin ka hria.. Ka ngai lutuk che..”
.
“Ka naute..” ka nu chuan ka biang ah min fawp a..
.
“Min ngai tak tak lo tih ka hria.. News ka lo hmu ve vek alawm..”
.
“Mama.. Oh..mi hmelhriattir tur che pawh ka neih ka ring..” hlim zetin ka nui a..
“Ka naute hi a lo puitling ve ta a nih hi.. Come on.. in a awm ka chak tawh khawp mai.. I eitur siam ei pawh ka chak bawk a..”
“Tehreng mai.. A nih chuan, tun kartawp hian Chris chu kan in ah ka sawm thei tihna  ani em?? I  ngaina ngei ngei ang..”
.
An chhungkaw chanchin ka hriatte chu ka hrilh mawlh mawlh a, dawhthei takin ka sawi apiang min ngaihthlak sak a.
.
Ka nu hi khawvel a nu tha ber chu a ni chiang a ni.. Ka pa pawh awm se Chris hi a ngaina ve ngeiin ka ring..
.
In kan thlen hnu chuan Chris nen kan inbia a, nileng in a buai ve thova, min rawn ngaihven reng turin ka phut bik lo. Diktak chuan ka ngai ngawih ngawih reng a, a bula awm ka thlahlel em em bawk. A ni pawh a danglam tehchiam chuang lo.
.
Ka mut dawn a phone call ka dawn chuan ka awm a tinuam lova, ka ngaihtuah buai nasa hle..
.
A hma a min rawn be tu bawk kha  a ni tih ka chiang. A aw pawh a ngai chiah chiah. Chris hi hnaih lo turin min hrilh a, khawiah pawh awm ila min hmuh reng thu leh a hriat lohva thil engmah a thlen loh tur thu a sawi a. Infiamna mai mai niin a lang tlat lo. ‘Chik duh ni la I hre daih tawh ang’ tiin min hrilh bawk.
.
.
*Tihtheih loh ka nei lo. Midang nunna lak hi ka tan thil harsa a ni lo. ‘K’*
Phone number hrang hrang atanga Message ka dawn ho ah hian a tawpah ‘K’ tih a awm zel a. A thilduh ber ni a lang chu Chris hlat a ka awm a ni..
.
ME - *I tha em?*
CHRIS - *Tha e..*
ME - *Naktuk ah hmuh che ka duh*
CHRIS - *Sorry, honey.. Naktuk ah hunawl ka nei dawn miah lo*
ME - *A tukleh enge a an?*
CHRIS - *Zanah ka lo kal ang*
ME - *Okay.. Ka ngai che*
.
A reh deuh vang vang hnu chuan min rawn call a..
.
“Pawn ah ka awm..” ka room tukverh ah  dakin  kan in gate bul a a car ding chu ka hmu nghal mai reng a..
.
Chris ka en reng lai chuan ka phone a rawn ri leh a, hlauthawng ru zetin ka pick up a.
.
.
CHRIS POV*
.
New York ka awmlai a Raymond thil min pek ka bag a lo la awm reng chu ka hawng a, Diary ni awm tak a ni. Thilpek mak tak tak ka dawng fova, mahse Diary kher chu ka la dawng ngai lo. Ka lehkhabu dahna a ka dahluh hmain ka keu thuak a, a tir lam phek chu a lo inziak sa teh tlat a..
.
Mak ti zetin ka chhiar a, a kawm chhunglam a hming inziak ka hmuh phei chuan mak ka ti lehzual.. Isabella Francesca McQueen.. He thil hi enge a awmzia..??
.
Isabella min rawn thawn a nih ka ring. New York ka awmlai khan min ngai lutuk in min rawn thawn a ni ngei ang.. Ka nui hak a.. Khum ah nuamsa zeta mu chungin ka chhiar a.. Ka rin ang thil erawh a inziak lo. Diary a inziak tur pangai hun hmandan tlangpui inziak chu ka chhiar zel a. Pentui sen a ka hming inziak ka hmuh chuan phur zetin ka chhiar a..
.
**CEVANS
*PARTY – Max hian lemchan a lo thiam khawp mai. Kan hlawhtling e. Kan ruahmanna hi engti tiha ngaihtuah chhuak nge ka nih ka hre lo.. Ka thangkam chu a per fuh chat mai a lawm…… Max kha a nat lutuk loh hram ka beisei.
C’vans Catcha.. **
*Nice party..*
*Chawlhhman dan nuam lo zawk zawk chu a ni hran love. Tunah chuan ka lamah ka hnuk hnai mek zel a ni.. Beisei lawk dan aiin a tihtlak hmel..**
.
Diary kar a ka thlalak awm chu a rawn tla nawlh a.. Ka ngaihtuahna a buai khawp mai..
.
*Engmah tihsual a awm tur a ni lo. Ramona tan infiamna hun siamsak pawh a ngai ang chu..
Awlsam te in ka la hneh thei zel e. Mipa fing tak a lo ni lo tawp a nih hi…**
*Ka infiamna ah hma ka sawn zel.. Evans hian min duh ngei tur a ni.. Chakna ka chan loh chuan Isabella ka ni lovang******
.
Ka kut hum ruhin Diary chu ka paih thuai a. He thil min lo thawntu hian engemaw min hrilh chu a tum ngei ang.. Awlsam taka ka hriatchhuah theih loh tur ni ngeiin a lang bawk.. Nge..?? Isabella hrechiang tu in min tanpuina pawh a ni thei bawk.. Eng thil phiangsen nge thleng ta hi..? He Diary a thu inziak hi chhiar lo ila chuan Isabella awmdan ah tider hmel ka hmu ngai lova, rinhlelh tur pakhatmah ka hre lo.. Mipa fing tak a ni lo a ti maw khaa..???
.
Anih chuan Isabella hian ka lakah enge duh a neih ang?? Hmeichhe fel tak a ni.. Sawisel na tur ka hre lo. A mitmeng a min melh thin dan te, min duhna a thup hauh lo te.. Ka lo hlimpui thin hi dawt vek a ni tihna a ni angem?? Engmah ka hrethiam ta lo tawp mai..
.
Ka phone a rik chuan Isabella message chu ka hawng a. Min ngaihtuah hmel tak te chuan a la rawn lang lehnghal. Engmah danglamna a awm lo. Zanin ngei hian amah hmuin ka fiah mai tur a ni..
.
A message hnuhnung ber chu chhang lovin an in lam panin motor ka khalhchhuak a, min rawn hmuh rualin a rawn chhuak a, Car ah a rawn lut a ka bulah  rawn thuin  min kuah a. A rimtui zet chu ka hip vang vang a..
.
Engtin nge ka tih dawn che..? Diary hi tunah pe in engkim ka sawi nghal dawn nge.. Fiahna tur dang ka la mamawh cheu em ni..??? Nge amah hi ka thlahlel zawk le..??
.
Min rawn fawh chuan duhthawh zetin ka chhanglet a, tumdang ah min fawp hmasa ngai lo.. Tuna a duhthawh ang hian a awm ngai miah lo bawk. Thil dik tawk lo chu a awm ngei a ni.. Nge ka ngaihbel zo vek tawh zawk..?
.
Mipa ka ni a, Diktak a sawi chuan Isabella hi ka mamawh takzet bawk..
A kawrchhung a ka zenluh chuan a rum hak a. Min kuah nghet hle bawk. A nghawng ah ka fawp a, a kawr phelh ka tum chuan harhchhuak zawk ang maiin  a thu ngil a..
.
“Oh.. Chris ka tihpalh..” ka nghawng ah min rawn kuah lehin a hmai a phum kak a..
.
“Ka ti thei lo..” a thaw halh a..
“Engvangin nge kan tihtheih lohvang??”
“Ka..ka..”
“Okay..ka hrethiam che alawm.. Tihluih che tumna ka nei lo.. Ka nghak thei..”
“Chris..Ka hmangaih che..”
.
Min kuah nghet zual sauh a.. A awmdan chu ka hrethiam lo takzet.. Uluk zawkin ngaihtuah tha leh ila thiltih dan tur mumal zawk ka ngaihtuah chhuah theih ka ring. Diary a ka chhiar anga ruahmanna felfai tak siam a min bum ngei a lo nih chuan kei hian ka ngaidam ngai lovang.. Teuh lo mai..
.
Zanin atan chuan tawk phawt rawh se…
.
.
UNKNOWN’S POV*
.
Chu hmeichhia zet chu…hrilh fin theih loh.. Ka vauna thu ka hrilh zo chauh a Evans panin a kuah vel a maw..
.
Car chhunga an infawp chu ka en reng a, ka silai ken chu ka hum nghet sauh sauh a. Ka tawrh theih chin bak an kal a nih vaih chuan he silai mu hi a awmna tur hmun diktak ah a awm ngei ang.. Ka sawi tawh chu ka ti ngei ngei thin..
.
Tha taka an inthlah ka hmuh chuan ka tihtur ka hrechiang ta hle. Diary vang ringawt pawh khan an inthen ka ring a.. Mahse ngaihdan atthlak lutuk a lo ni.. Saw mihring pa sawn engahmah a ngai lo a ni chek ang.. Lo nghak la, naktuk a I thil hriat tur chuan Isabella lak atang hian a kalhran tir chiang khawp ang che. Tuman an sawifiah thei hek lovang.. Amah Isabella ngei pawhin a sawifiah lovang..
.
Sawifiah pawh tum se I awih dawn reng reng lo…
.
Vawikhatmah in inhmu tawh lo bawk ang..
.
ISABELLA’S  POV**
.
Aw Lalpa..engtin nge ka tih tak ang?? Chris hi ka chan phal lo asin.. Ka hmangaih.. Ka hmangaih a ni.. Mahse a nunna in a tuar ai chuan ka kalsan ngei a ngai.. Nge?? Tuna thilthleng mek hi hrilh in…Nilo..ka hrilh thei lo… Ka hrilh chuan nikhat chauh pawh nghak lovin tualthahna a thleng ang tiin min rawn vau a nih kha.. Police hnen a sawi chu ngaihtuah pawh ka ngaihtuah ngam lo.. A hma khan phone number lo chhui turin ka pe ru tawh a, ka phone number pek chu hman tawh loh a nih thu min hrilh a, chu zawng zawng pawh chu engkim a hriat vek thu min hrilh a nih kha.. Kil tin atangin min dangchep vek a nih hi..
.
Ka rilru a buai vek a, ngaihtuah tur ber pawh ka hre lo..
.
Khum ah chuan ka let sek a.. Chris nen kan inhmuh hma lawk a min rawn betu tawngkam leh a aw a nunrawnna chiang taka lang chu ka bengah a ri nawn tluk tluk a…
.
Ngawireng in ka bansan mai dawn em ni..?
.
Hetianga  min rawn vau tur hmelma ka neih ka hre lo.. Max kha chu a danglam tih chiang takin ka hria a.. Chris ngaizawngtu pawh a ni zawk maithei.. A ruk thei ang berin lo inzui ila tha tur.. Tuma hriat loh turin..
.
Engpawh nise, ngawi renga bansan lovin Chris hnen ah engkim ka sawi tur a ni.. Kan tanrual chuan engkim kan chinfel theih ka ring.. Ni lo.. Eng thil nge ka ngaihtuah vak vak hi..??
.
Khua a var hnu chuan ka thova, ka muthilh miahloh vangin ka lu a rit bur a. Bathroom a darthlalang ah ka inen vang vang a, ka mithnuai duk raih hliah tur hian make up ka hman ngei a ngai dawn anih hi..
.
Ka nu nen in kan chhuahsan rual a, office ka thlen chuan thilthleng danglam awm lovin hna kan thawk mawp mawp hlawm a. Ka rilru erawh a nuam thei zan lo.. Ka thiltih tumin min kam run bawk a.
.
Lunch kan eizawh chuan rilru phawklek zetin hna ka thawk leh a, ka thawk sawt lo khawp mai.
Dar thum a rik chuan Chris ka phone a, a pick up thei lo.. Minute 10 a ral leh hnuah ka phone leh chuan a pick up ta hram a.. Vawiin zet chu sana ka en zing malh malh hle.. Minute tin ka en a ni ber e..
.
“I tha em? Tunah khawiah nge I awm?”
“Ka in ah ka awm”
“Hmuh che ka duh.. Hun I neih theih chuan”
“Ka in ah lo kal rawh”
.
Nizan khan nileng a a buai tur thu a sawi a, tunah In a a awm thu a sawi leh lawi a.. A tha vek e.. Hna ka zawh veleh a In ah chuan ka va hmu mai ang..
.
Dar 5 a rik chuan office atangin ka chhuak a,Lynn- I’n phur taka min thlah pawh chu ka chhang mumal lo..
.
Inhnuai ber a bathroom ah lutin sam lem ka ken chu ka vuah sawk sawk a. Ka kawrchung hak ka thlak bawk. Tarmit ka vuah leh a.
.
Darthlalang fai vak lovah chuan inen in ka nui sak a.. Tuna ka awm ang hi chuan tuman awlsam takin min hrechhuak lovang. Engang pawhin min zui ru mahse tuna ka landan ang hi chuan mi dang daih ang mai ka ni.
.
Office building atang chuan chhuakin Taxi ka phar a, Chris chenna hmun  ka pan nghal a.
.
Chris chenna hmun ka thlen chuan fimkhur takin Taxi atang chuan ka chhuk a.. Tunah chuan tuma hriat lohvin engkim ka hrilh anga, Chris ka kalsan angai lo bawk ang..
.
In chu ka thlir vang vang phawt a, ka thusawi tur hi engang in nge a lo dawnsawn ang..?? Ngaihdan engmah ka nei lo..
.
Rilru tawt ru zeta thawk la halhin a In chu ka pan a...

DOLCEZZA – 9
DOLCEZZA [Honey]
By. LS.Virgo aka ThanteiPautu
CHAPTER – 9
.
UNKNOWN’S POV**
.
“Tunah office atangin a chhuak chiah. A inchei dan a ti danglam lehnghal.. A thawmhnaw hak a thlak vek..”
“A fimkhur hle maw.. Zui zel rawh..”
“Okay… ”
.
A reh leh vang vang a..
.
“Taxi a hmang a, a pan lam atang hian khawiah nge a kal dawn tih rindan ka nei lo..”
“Hloh hauh suh ang che..”
.

“K’, in pakhat chhungah a lut chiah e.. A thlalak ka rawn thawn ang..”
.
Ka mi chhawr thlalak rawn thawn ka en chuan ka rum hak a.. Evans chenna in ah kal a maw..?
“Ka hmu e.. Engmah awmzia a awm chuang lovang, nizan khan ka tihtur ka tifel vek tawh.. Ka vauna zawng zawng kha ngai pawimawh lovin a duhdan in a kal lui a, tunah kalsan la AMINETH Corporation building pan nghal rawh. Chanchin min rawn hrilh leh ang che..”
.
Evans hmu tawh lo turin tha takin ka hrilh a, aman a la pan zawk a..?? Tunah chuan ka ruahman lawk aia nasa in ka chet a ngai tawh ngei ang.. Evans bulah chuan engtak sawitum ang maw.? Ka biak thinna phone number chhui turin police hnenah a pe tih ka hriat khan awlsam takin ka thusawi a awih mai lovang tih ka hrethiam tawh tho a, mahse nizan ka biak leh hnu kha chuan hlauhthawnna avang tal pawn a hmuh ngam loh hmiah ka ring a.. Ka ring sual chhiava a ni e..
.
5:00PM
.
“AMINETH building atangin a rawn chhuak a, minute 30 vel hnuah a rawn thlen ka ring. A car ngai a khalh e..”
“I thawk tha e.. Vawiin atan chuan I chawl thei ang. Naktuk 12:00pm ah I hlawh tur I account ah a lo lut ang..”
“Ka lawm e.”
.
Ka thut vang vang hnu chuan ka motor chan ngei chu ka lam panin a rawn tawlh zal zal a.. Vawiin hian mi tuemaw chu khawvel dangah ka thawn dawn ngei e.. Mihring harhchhuah tir thei tur chuan thil lian tham tak a thlen a ngai thin a ni lawm ni kha???
.
.
CHRIS POV**
.
“Uluk takin lo ngaithla ang che.. Nimin khan Airport ah chiang takin ka hmu. A fiahna I duh chuan ka rawn thawn thei ang che.. I tana thiltha duh viau lo ila I hnen ah hian engmah ka sawi lovang, ka tan hlawkna a awm hek lo.. Ka ngaihsan che avangin ka thil hmuh leh hriat ka rawn hrilh mai che a ni.. He hmeichhia hi hlat rawh.. Hmeichhe pakhat infiamna hmanrua I ni tur a ni lo.. A mipa kawp hi a thlah hauh lo a nia.. Mipa I nih kha..”
.
Ka tawng leh hmain phone chu a off a.. Engtin nge ka phone number a neih tih pawh ngaihtuah tham a ni.. A tum hle a ni ngei ang.. Isabella hi High School an kal lai atang tawhin a hrechiang tih a sawi a, a nungchang lem lutuk vang hian lemchan khawvel zuanglut se a thlensan  hle a rin thute a sawi duah a nih kha..
.
Dar 2 vela ka phone ka check chuan thlalak tlem leh video clip ka dawn chu uluk zetin ka en a, awih loh pawh tum ila min rawn be tu pa thusawi kha thudik a nih ngei a rinawm tlat mai.
.
Video ah chuan mipa pakhat leh Isabella inhnaih taka an dingdun lai a lang a, thusawi an nei bawk. Isabella chu a kun deuh a, a hmel a langchiang thei lo. A mipa hmel chu khawiah emaw ka hmu tawh… Ni e, party na a Isabella ka tanpui tuma garage a ka hmuh ngei kha a ni..
.
Diary a thu inziak nen ka hmehbel a, a inrem thlap.. Khami zan khan loh theih lohna vangin kut ka thlak ngei a nih kha..
.NEWWWWWWWWWWWWWW
Tanpui a ka inngaih laiin an thangkam ah min awk a ni zawk em? Ka ngaihtuahna vang chuan ka thinrim trun a, zankhua in ka muhil lo. New York ka kal hma a kan hun hman dun te ka ngaihtuah let a, Diary a thu inziak zawng zawng nen.. Engkim a inrem vek.. A mipa kawp nen chuan an ruahmanna hlawhtling vangin min nuih ngei ang..
.
Mipa luhlul leh rilru lian tak ka ni a, mahse Isabella bula ka awm hian a rilru natna tur leh atana nuam lo turin engmah ka ti ngai lo.. Min hmangaih ni a insawi khan min bum thei dawn em ni..?? Ka lungphu a danglam a, ka thu hriat hi dawt vek nise ka ti takzet. Min lo bum a nih vaih chuan kei hian ka ngaidam thei hauh lovang.
.
Zingkar atangin ka mood a off nasa a, ka work out pawh ka duhthawh hle. Hah hnep a ka insawizawi hnu chuan ka intifai a. Chhun a tihtur ruahman ka neih pawh ka thulh vek.. Tuna ka rilru ang pu chung hi chuan eng thil mah tha takin ka tithei dawn chuang lo.
.
Dar 3 vela min rawn biak chuan ka in a lo kal turin ka hrilh a, nidang ah pawh tunang hunah hian kan inbe fova, mahse vawiin chu a awmdan a danglam a hriatna ka nei..
.
 Ka ngaihtuah tam telh telh a thil awmzia ka hrethiam ta in ka hria.. A tir atang khan keihi a ruahmanna tihlawhtling tu ka ni ngeiin ka hria. Party na a ka hruai tuma hmeichhe thu rawn sawiin a awmdan a tih danglam dan leh a hnu a ka hnen a a thusawi te kha.. A sawilai ngei pawh khan amah ah dik tawk lo a awm tih hrereng chungin a thusawi kha ka awih a. Ka chhungte bulah ka la hruai ta lehnghal a.. Keihi mimawl tak ka ni.. Engtin nge hmeichhe bum kual theih a ka awm le.. Hmeichhe tamtak an awm laia, min bum duhtu leh tum reng vanga min kawp hmeichhia ka buaipui hi thil zahthlak tak a ni.. Engmah a nih loh zia leh a thiltih vanga zak ngawih ngawih in ka siam ngei ang.
.
Kawngka a arawn lut ka hmuh chuan ka en reng a, a sam lem vuah a phelh ka hmuh chuan ka rilru a zawhna awm chu a chhanna ka hre nghal.. Thu dik lo nise ti a ka duh ngawih ngawih kha sawifiah a ngai ta lo.. Helai hmun a a lo kal hi a mipa kawplai in a hriat loh nan a inchei danglam a ni chiang khawp ang.
.
“Sam lem maw?”
.
“Thil pawimawh sawitur ka nei.. Ka lo kal chhan ber hi a ni bawk a..”
.
Ka pan hnai a, dim lo zetin ka fawp a. Ka nghawng ah min kuah in min fawp let a.
.
He hmeichhia hian min bum nawn leh tawh lovang..
.
Ka thil ngaihtuah vang chuan thinrim in a hmui ah ka seh a, a rum hak a.. Tawpsan tumna ka la nei lo.. A hmui khawizu ang maia thlum[?] leh fawh nuam zet chu la fawp reng chungin ka pawm nawlh a, sofa ah chuan nghat in ka bawhbet nghal a.. Ka dim vak lo bawk.. Nidang ang chu nise tawp turin min hrilh tawh ngei ang.. Min rawn kuah in a thaw halh halh a, a awmdan a danglam tih ka hria.. Ka nui sak a.. Ka thiltih lai chu tizawm zel turin min duh tih a mitmeng atang chuan ka hrethiam…
.
A kawr hak lai ka phelh chuan ka thaw hawk a.. Hetiang hmeichhe nalh lutuk hian engtin nge rilru tha lo leh mi bum duhna rilru a neih theih le..?? A taksa nalh zet chu ka chul a, ka hming a lam sap sap a.. Rei tak nghak thei tur hmel a pu tawh lo..
.
Ka inlak hran thut chuan mak tih hmel zetin min en hau a.. Ka in thunun a hun tih ka hria.. Sofa a sam hnawk niai leh meng buai nak a a mu chu khawih tawh lo turin ka insangmar teuh a.. A nalh in a itawm takzet.. Engtin nge ka thawhsan theih zawk le..? Mahse he hmeichhia hian ka tan zahawmna pakhatmah a nei tawh lo… Ka tan hlutna a nei tawh tur a ni lo bawk…
.
Ka ding ngil a, a hmel chu chiang zetin ka en a.
.
“Ka ti thei lovang..” ka aw khur chu ka haw hle..
“Chris..eng..?” ngawi chat in a hmui a pet zauh a, a awmbawr nalh zet khuhtu awm lo chu a ban in a hliah nghal a..
.
“Ka mutpui chak lo che a ni e..” ka nui hul hak a..
.
“Enge I sawi awmzia??”
A mitmeng buai nak vang hian ka khawngaih tur a ni lo..
.
“Isabella, ka hmeichhe mutpui chak zawng I ni lo tih ka sawi a nih chu.. I beng a ngawng a nih loh chuan hriatthiam awm tak..”
.
A hmai a sen awp awp a, a mit khap sak sak in a ka a ang pham a… Ka thusawi chuan a thawng tih a langchiang hle… Tawng tumin a ka a ang a, mahse engmah a sawi lo.. Rilru buai hmel zetin a nui hak a..
.
I phu tawk chu I hmu ngei tur a ni dawn lawm ni..?
.
“Chris..??” a mitmeng a zawhna awm chu ka hria… I tum lawk loh thil I tawn chuan I hamhaih ve nasa maw..?? “Thil pawimawh sawi turin ka lo kal a..” a tawng bah niai a..
.
“I thu sawi tur chu ka hre tawh.. khatiang thilah khan ka inhambuai peih lova, engmah sawitur ka nei lo”.
.
“Chris, ka rilru ang pu turah ka ngai che asin.. Thil hriatthiam loh a awm a ni ngei ang.. Heta ka rawn kal chhan chu..”
.
A la ti hram hram reuh a.. Zah nachang a hre miah lo a nih hi.. Ka sawi tawh chin zawng pawh hi hmeichhe zah nachang hria tan chuan in atanga tlanchhuah vawn vawn na tham a ni tawh..
.
“I kawr kha ha la chhuak rawh..” a tawng lai chu pawisa lo zetin ka lo pawtchat hmiah a.. Thil awmzia a hriatsa sawifiah a tulna ka hre lova, a thusawi tum lo ngaihthlak sak pawh ka tum buai hek lo.. A thusawi ka ngaihthlak chuan atthlak takin kei hian ka awihsak leh ngei ang.. Nalh zetin a sawi mam thliam ngei bawk anga.. Chu thu tangkai lo ngaihthlak chu ka tan enge a hlawkna..? Engmah.. Engmah hlawkna a awm lo.. Hun khawhralna mai a ni e..
.
“Chris.. Aw Lalpa” a kut nalh zet chuan a hmai a hup a.. Thil hriatchhuah a nei niawm tak a ni. A thawkdan a mumal lo.. A thutna bul chu a enkual riai a, a kawr a zawng a nih ka ring.
.
“I ke bulah khan a awm..” a kawr chu chharin a ha nawk nawk a. A awmdan chu chik zetin ka en reng a.. A sam a hui mam thuak thuak bawk a.
.
“Ka tihpalh.. Ni lo..Lo ngaihtuah nachang ka hre lo a ni..” a thutna atang chuan rawn dingchhuak a, a che buai vek.. Hmeichhe inringtawk leh hlim taka nui thin hmel kha a pu tawh lo. A mitmeng ka en chuan a ngaihtuahna a buai hle tih awlsam takin ka hre thei.. A awm ve reng chu nin hmel zet hian bang nghengin ka ding awn a.
.
“Chris, ka..” ka lam panin a rawn kal a, a hmel chu a phelh phang a.. Ka khawngaih tur a ni lo..
.
“Chhuak rawh..”
“Chris..ka…..aw le..” ka mit ah min en ngam lovin a kun lap a..
.
A chhuak lai chu ka en reng a, ka ti mah mah em tiin ka inngaihtuah hial.. A kal liam hnu chuan chau zetin sofa ah ka thu hnawk a.
.
Ka tirbo ta e.. Thawveng huai tur ka nih laiin ka thawveng chuang si lo..
.
Ka lo muhil a ni ngei ang, phone ri ka hriat chuan ka thu chhuak a. Mahse min tiharh tu ringtone chu ka phone ringtone a ni lo.. Chhuat a Isabella bag chu ka melh zawk a.. A chhuah dawn khan a theihnghilh.. a theihnghilh lui a ni ngei ang..
Ka lo pick up sak a tulna ka hre lo. Sofa ah chuan ka mu leh a.
.
  Tawp lova a rik tak rengah chuan tho leh in bag chhung a phone chu ka phawrhin ka pick up a.
.
“Hello”
“Isabella ka be thei angem?” hmeichhe aw nghet charh hian hawihawm takin zawhna min rawn zawt a.
“Tunah chuan a awm lova”
“A chhungte biak tur an awm em?”
“Inhrilhchhawn chi te a nih chuan min hrilh thei tho va..”
“Aw, a nih chuan….” Hmeichhe rak thawt ri ka hria a, thildang ka sawi leh hmain phone chu a tawp a. Ka thawm hriat zawng zawng chu thil tha lam a ni lo tlat mai...
.
.
ISABELLA’S POV**
.
Ka mittui vangin khua ka hmufiah thei lova, kawngsir ah ka kal mawp mawp a. Thutna remchang ka hmuh veleh ka thu nghal hnawk a. Khawilai ah nge ka awm tih leh ka kalna chin pawh ka hre lo..
Chris tawngkam ka ngaihtuah let a, ka thinlung nat zia leh ka zah zia chu tawngkam a sawifiah theih a ni lo.. A lakah khan ka in pe thelh a nih kha..
.
 “Isabella, ka hmeichhe mutpui chak zawng I ni lo tih ka sawi a nih chu.. I beng a ngawng a nih loh chuan hriatthiam awm tak..”
“I thu sawi tur chu ka hre tawh.. khatiang thilah khan ka inhambuai peih lova, engmah sawitur ka nei lo” a ti a nih kha..
.
Kei hian kan pahnih a kan tandun chuan min vautu hi hremna kan pek theih ka lo ring kha a nia.. Mi a ka ni e.. Ka rilru ang a pu hauh lo ang tih hi lo ngaihtuah thiam tur ka nia sin.. Kei hi hmeichhia, mipa tilawm thei lo leh engmah lo mai ka lo ni reng em ni?? Ka zak ngawih ngawih bawk. Ka mittui a luang zawih zawih a.
.
Ruah rawn sur pawh chu pawi sa lovin ka ke ka tawm a, ka thu tawm chal a..
.
Ka ngaihtuah duh ngai loh leh thleng nawn tura ka duh ngai loh thu ka beng ngei a ka hriat khan ka harhchhuak chauh a ni..
.
Ni lo.. A ni thei lo.. A thleng nawn tawh tur a ni lo…
.
.
NOTE : Zantir khan ka rawn post dawn a, page 1 chiah ka dah hman a, ka ziah sa a bo vek a.. A hma a ka lo ziah sa aiin a tawi ta hlek.. ahma a ka ziah ang chiahin ka ziakchhuak thei tawh lo.. Engpawh nise, Naktuk ah a zawmna hma deuh ah rawn dah ka tum dawn nia. Min comment sak thin tute, min like sak tute, min chhiarsak tute chungah ka lawm e. Fakna picture click uar sauh sauh ang aw..
Ka lawm e
.
LS.VIRGO AKA THANTEI_PAUTU


DOLCEZZA – 10
DOLCEZZA [Honey]
By. LS.Virgo aka ThanteiPautu
CHAPTER – 10
.
ISABELLA’S POV**
.
“Nang hian tu mipa mah I tilawm zo lovang.. Vur ang mai a vawt hmeichhia hi ka kham tawh.. Kal bo rawh”
.
Max thusawi ka beng a ri nawn tluk tluk vang chuan ka beng ka hup a.. An tawngkam hman inang chiah chiah lo mahse sawitum thuhmun a ni.. Chris tan hian infiamna hmanrua mai ka lo ni.. A nih si chuan engvangin nge min ngaina ni awm tak  khan a awm le?? Engvangin nge min duh ve ni a ka rin theih turin ka lakah ngilnei taka a awm kher..?
.
Ka zak a, engmah lo mai ni a ka inhriatna a hma a harsa taka ka lo hneh tawh khan min hneh let leh mek a ni..
.
Max nen khan High School kan kal laiin kan inzui thin a, ka mipa tawn hmasak ber a niin ka ngaina a, a tir ah chuan a ni pawn keimah ang thovin min atchilh nasa hle thin.. Kum khat kan inzui hnuah thil engkim a danglam ta a ni.
.
Sex min hmanpui a tum in ka hnial ziah a, pasal ka nei a nih loh chuan sex hman tumna ka nei ngai lo.. Ka ngaihdan chu ka thian thenkhat ten min nuihzat nan an hmang thin bawk. Mahse engahmah ka ngai ngai lo.. Ramona nen an mu dun lai ka phawk hnu khan rilru na em em in ka awm a, an pahnih a an awmdun lai ngeiin tawngkam dengkhawng tak tak in min tawngkhum bawk a. Mahni induhna leh kei ka ni ti a ka inchhuan ve thinna zawng zawng min tihchhiat sak vek in mi zingah fiamthu thawh nan min hmang a, ka hriatlai ngeiin a sawi bawng bawng thin. .
.
Mipa tana hnawmhne leh engmah ni lo niin ka inhriat phah a, rualpawl chakna ka nei zawng zawng a bo vek hnu chuan inchhung ah inkhung in ka tap a, kum khat a dang a liam leh meuh chuan ka danglam nasa ta hle bawk. Keimah ngei pawn ka danglam dan chu ka inhria a, mahse mahni inrintawkna nei leh turin ka inhneh zo tawh lo. Pawnah ka chhuak ngai mang lo a, ka thiante zawng zawng ka thlah vek bawk.. Ka nu mangang in min zirtirtu tur ruaiin in ah lehkha ka zir a, ka khawvel chu kan inchhung chauh kha a ni thin..
.
Doctor tanpuina nasa taka beiin nunphung pangai ka zawh leh thei hram a, pangai taka ka awm leh theih hnu chuan Sophia hi tawngin, a ni lo hi thian dang ka thinlung taka pawh tumah ka nei thei ta lo. A hma a ka harsatna tawh te kha Sophia hian min hriatpui a, min fuih fo thin..
.
Ka thutna atang chuan ding in ka hma lam ka en ngawt ngawt a, engmah mumal in ka hmu chuang lo.. Ni lo..ahma ang khan ka awm tawh lovang.. Mi tupawhin engtiang pawhin min tawngkhum mahse ka nunphung a danglam tur a ni lo.. Keimah Isabella Francesca McQueen kha ka la ni reng a, ka inringtawk tur a ni.. Mipa tel lo pawhin nuam takin ka nung thei.. Tu mipa mahin min hnaih leh tawh lo bawk ang..
.
Thawk la halh in ka inhum ruh a, ka thilung erawh a va kehsawm chiang si em… Ka mitthla a Chris hmel lang chu a bo theih nan ka lu ka thing nawk nawk a..
.
Ka hawikual a, tuna ka awmna atang hian Taxi a ka kal a nih loh chuan darkar khat hmain in ka thleng lovang..
.
Ka awmna lam pana Taxi lo kal chu ka phar ding a, ka huh vek vangin makti hmel tak hian Driver chuan min deuh ha a..
.
In ka thlen chuan khua a thim thet thet tawh. Kan in kawt a mi lo awm neuh neuh ka hmuh chuan enge thil awmzia hriat tumin Taxi atang chuan ka chhuak rawk rawk a, hmanhmawh zetin  gate ka nam hawng a.
.
Ka thilhmuh avang chuan ka te thawt... Ni lo… A ni thei lo… Car bula ka nu thisen nen inchiah nuai a tlu chu ka bawh rawk a, a awmdan ka tihdanglam hlauin min rawn dawmbet nghal a..
.
“Mama…Ni lo…engati nge ka nu hi..?”
Ka bula hmeichhe police chuan min rawn hnaih vatin min rawn kuahbet a..
“Ngatinge tihian in awm reng, Ambulance ko ta che u..” ka au vak vak a ni ber e.. “Khawnge ka phone..?? 911 call rawh u.. Nu..i tha em..??”
.
“Shh..hahdam phawt rawh.. Mihring in tihtheih kan nei tawh lo..”
.
“Ni lo.. Enge I sawi awmzia..??”
.
Min kuahna a tang chuan talchhuak a, ka nu tlukna bulah chuan ka thingthi rawp in ka nu chu ka kuah a.. A huh vek.. A awmbawr chu thisen in a khat vek bawk..
.
“Nu, I huh vek a nih hi.. I chungah enge thleng..?? Mama..harh teh..”
.
“Helai hmun kan thlen hian a lo chatthla fel der tawh a ni.. Isabella I ni em?”
.
“Aw..” ka bu nghat a. A thusawi vang chuan ka bing mup mup a, ka nu hmel chu ka en a, ka thaw hrawp hrawp a.. Muangchang in ka hawichhuak a, thil reng reng chu a chawl thuap a.. Min biak leh pawh chuan an tawng ka hre tha thei lo.. Muangchang leh thum zetin an tawng chuar chuar niiin ka hria…
.
Ka nu hmel chu ka en leh a, a hmui a duk in a hmel chu a dang vek… Ni lo.. Mama min kalsan thei lo.. Engtin nge keimah chauhin ka damchhuah theih ang.. Ka mamawh che.. Ka hlim lai leh ka lungngaih lai te in ka bula awm turin ka mamawh che.. Nu..min kalsan dawn lo tiraw..?? Min kalsan thei lo.. Ka mamawh che..
.
Ka phun mawlh mawlh a, ka kuahna atanga ka nu an laksawn lai leh puan a an tuam lai te, motor a an hlang lai te chu ka en tlawk tlawk a. Puan in min rawn tuam a, min kaiin motor chhungah chuan min luhtir a. Khawi dang mah ka en lo.. Ka nu chu ka en ngawih ngawih a..
.
.
“BooBoo..i tha em? Ka tawng I hre thei em??”
Sophia hmel chu ka en a, ka bu nghat a..
.
Min rawn kuah chuan nghet zetin ka kuahlet a, ka tap thei lo.. Ka khur ngawt ngawt a, min thlamuan tumin ka hnung ah min chul hliau hliau a..
.
 High School kan kal lai a ka thian pakhat a rawn lang hlawl bawk.. Buaina ka tawh hian min tanpui fo tawh thin.. Tunah erawh min pui tum mahse tunhma a min chinfel sak thin ang khan engmah a ti thei tawh lo.. Mihring zingah mithi kaitho thei an awm ngai em ni..??
.
In ah min hruai haw a, enge tihtur leh tih loh tur ka hre ta lo…
.
.
UNKNOWN’S POV**
.
“Tihthaih a tawk.. Gibson.. Nichin a ka thusawi kha I hria em?? Hello..hello”
Silai puak ri ka hriat chuan ka nghing lawih a..
.
Vawiin hian silai mu pakhat chu a awmna tur hmun diktak ah a awm ang ti khan ka sawi ngei a, ka thinrim tawng mai mai a nih kha.. He mimawl Gibson hian eng thil nge a tih tak hi?? Mrs. McQueen hi kap fuh a nih teh chuan amah pawh a thi ve nghal ang..
.
Mrs. McQueen Car in min rawn tlanpelh hnu minute 5 vel a ral leh hnu a Gibson biak ka tum chuan a phone a pick up hauh lova, ka thinrim laia ka tawng pung pung thin hi ka sim a angai.. Tunah chuan tihthaih a tawk, silai a hmet puak  anih pawhin mihring a kap fuh tur a ni lo.. Ka rilru mumal lo leh ka duhdan ka thlak zung zung hi thil tha ber a ni lo tawp mai.. Ka damdawi ah chu phawrhin ka hmawm mawlh mawlh a..
.
Ti hian chuan ka pangai leh thuai ang..
.
An in bulah khan keimah zawk kal tur ka nia.. Mimawl Gibson-a ka tir hi ka tisual chhiava a ni e.. Eng rilru nge ka put ni..?
.
Phone a rawn pick up chuan engmah ka sawi hmain “a hun chiah e.. Lo vuan lawk” a ti sup a.. Silai puak riin a zui nghal a..
.
Ka awmna building atang chuan hmanhmawh zetin ka tlanchhuak a, Isabella te chenna in lam ka pan nghal a. Ka va thlen ve chuan Police thenkhat an lo awm tawh a, Isabella pawh mangan hmel tak leh hmel buai vekin a nu ruang bulah a thusawp niai a..
.
Eng thil pawi nge thleng ta hi..??
.
Min rawn hmuh theih lohna tur hmun atangin ka thlir reng a, Hospital pana an tlan liam hnu chuan muangchang in motor ka tinung a Hospital panin ka tlanchhuak ve nghal a.
.
Sophia nen inkuah in Bella hmel chu a la pangai lo, an bulhnai a ka va din chuan min rawn en a, a mit sen ram chu a khap sak sak a.. Keiin hmu fo mah ila, a ni chuan kum 2 dawn min hmu tawh lo..
.
“Raymond..” a phun sap a..
.
High School kan kal ho lai khan ka theih tawkin ka pui thin.. Max vanga zak taka a awm thin lai pawh khan ka hnem fo a, mahse in a a inkhung hnu khan ka hmu khat ta em em a, tunhnu ah pangai taka a awm leh theih hnu hian a hma a ka lo thup tang tang thin amah ka duhna hi a lo pung nasa ta em a ni.. Hrilh turin huaisenna ka nei ngai lova, tunah erawh remchang hmasa berah ka hrilh ngei ang.. Ka ruahmanna vanga a nu a chan erawh ka inthiam bik hauh lo mai.. He thil avang hian Gibson hi khawvel dangah ka kaltir ngei dawn a ni..
.
.
Mrs. Amanda McQueen vuina inkhawm ah ka kal a, thlanmual ah erawh ka kal ve ta lo. Bella rilru na lutuk hmel ka hmuh khan ka inthiam thei ngang lo a ni.. Ka rilru a buai nuai nuai a, ka ngaihtuahna a vak kual nasa hle..
.
Thil pakhat erawh chu tunang huna Evans rawn lang miah lo hian awmzia thui tak a nei ang. Ka thil ruahmanna thenkhat chu a fuh dawn khawp e. Mihring kan nia, thil tihsual palh te chu a awm ve tur reng a ni..
.
Hmanhmawh zetin ka hnathawhna hmun ka pan a, ka thlen chuan an lo inseng fel mek a..
.
“Evans hi a rawn kal lo a mi??”
“Kal e, a haw hma ta a nih kha..”
.
Ka ner sak a.. Zing a ka hmuh khan a awmdan danglam hmel in ka hmu hran lova, mahse ka chik ru reng thovang.. A in thunun thei a, he ti chen hnuah a rilru tur awmang tam zawk hi chu ka hre ngai lo.. Mahse Bella nen an inzui lai kha chuan a bula awm a nuam a, tumdang a a tih ngai loh angin a nui tam lehzual hle a nih kha..
.
Vawiin a an lo shoot te en in ka hna ka thawk zawm nghal a.
.
.
CHRIS POV**
.
“Cevans, khawnge I awm?”
.
“In ah..”
“Thil thleng I hre ve lo a ang hle mai..”
“Enge thleng a..”
.
“Ka rawn sawm ang che.. Sophia tunah Hospital ah a kal a..”
“Eng thil nge sawi I tum Bastian.??”
“Mrs.McQueen mi tu tih hriat lohvin silai in an kap a, tunah hospital ah an awm.. A nunna chhan hman a ni tawh lo..”
“Eng tik laia thleng nge..”
“Tunah an in atangin Hospital an pan mek a ni awm e.. Soph an rawn bia a..”
“Isabella a tha em?”
“Ka hre lo.. Ka hmu phawt a nih loh chuan ka hre bik lo.. Lo inpeih rawh, ka rawn chhuak dawn chiah..”
.
Ka thu hnawk a.. Isabella chiai taka ka in atanga a chhuah na kha nichin mai a ni a, tunah a nu in hetiang hi a tawk leh a..
Aw Lalpa..eng thil nge ka tih tak ang.. Bastian hian nichin maia thilthleng kha engmah a hre lo.. Ka hrilh thei lo bawk.. Hei chu Isabella nen kan inkar thil a nia, thil engkim midang in an hriat ve vek hi a tulna a awm hran lo..
.
Ka nun atangin ka chhuahtir chauh a, tunah ka pan lehsi ang maw..?? A ni thei lo..
.
Thildang ka tih hmain Bastian a rawn thleng a, engmah ti lova ka lo thu a hmuh chuan min rawn tur nghal a..
.
“Hei, a bag a theihnghilh a, lo va kal phawt rawh. Tihtur pawimawh ka nei a tunah chuan ka lo kal ve hman lovang..”
“Cevans..eng thil dik lo nge awm a?? Tunang hunah chuan a mamawh ngei ang che..”
.
“Ka ring chiah lo..”
.
Ka awmdan chu mak ti zetin min en reng a, ka sawi tawh chuan ka sawi angin ka awm ngei thin tih a hria a, min nawrluih a tum ta lo hlauh bawk. Isabella bag chu la in in atang chuan hmanhmawh zetin a chhuak lehnghal a..
.
Kei ni lo hnemtu tur a nei tha a lawm.. Ka lo inrawlh buai ve a ngai lovang.. Ka rilru luah mahse ka ngaihven tih ka tihlan kher a tul tawh hleinem..
.
Ka ngaihtuahna letling chiah in ka awm hle hle thei lova, ka vei sek a.. A nu a ngaih zia leh a chhungkaw neihchhun a nih zia te, an inpawh zia engkim ka hria a, Isabella awmdan tur ngaihtuah in ka awm hle hle thei chuang der lova..
.
A tu amah in min rawn be tawh lo. Bastian pawh a reh hmak a. Ka awmdan kha mawi lo leh awm ang lo a ti tih ka in a chhuahsan hma khan a mitmei atangin ka hre vek a ni.. Mahse nidang ang bawkin thil awmzia min zawtlui lo kha a nia..
.
Zankhua in chanchin min rawn hrilh hun ka ngaichang a, thawm engmah a la awm lo cheu..
.
Zing dar 11 ah film shoot na tur hmun ka thlen chuan dan pangaiin an lo buai leh viau tawh a, diktak chuan eng tih mood ah mah ka awm lo..
.
“Raymond, I kal dawn ta a mi?”
.
“Aw, ka rawn let har lovang.. Tha takin aw..”
.
Raymond kalchhuak lai chu ka en reng a..
.
“Billy, khawnge a kal dawn a?”
“A thian hlui nu a thi a, a vuina inkhawm ah a kal dawn a nih kha.. Isabella nu a tiin ka hria.. I lo hre ve em? Nimin a an in kawt a an kahhlum kha..” Ngawi chutin min en a..
“Ngawi teh.. Evans.. I kal ve dawn lo a mi??”
.
Tawngka a chhang lovin ka lu ka thing ringawt a.. Mak ti pawh nise engmah a tilang lo.. Billy putar-a that ve na a ni..
.
Ka tihtur chin ka zawh chuan a la hma hle.. Ka phone a rik chuan ka pick up vat a..
.
“Bastian..”
“I rawn lang dawn lo a mi? Vuina hunk an hmang zova, thlanmual ah kan awm tawh a..”
“Nakin ah ka hmu mai ang..”
“Cevans, eng thil nge dik lo..? Isabella lahin I rawn lan loh vangin zawhna min zawt miah lo bawk a.. Eng thil dik lo nge awm? Thlamuan a mamawh takzet a sin..”
.
“Nakin ah kan inbe leh dawn nia..”
Bastian chuan min chhan leh hma in phone chu ka off a. An vuina tur thlanmual a rawn sawi lamah chuan chak zetin ka tlan a..
.
Hla deuh ah car dahin ke in thlanmual ka pan a, mi thenkhat thlanmual hung pawnlam pana lo kal mek ho ka hmuh chu Mrs.McQueen thlah tute an nih ngei ka ring.
Thlanmual hungchhung ka luh chuan ralkhat a ding bial laih ka hmu a, muangchangin an kalsawn pheuh pheuh a, Bastian leh Sophia pawh in an kalsan ta..
.
Ka dinna atang chuan kalsawn in Isabella amah chauh a thlan ko tlang a ding chu ka pan a. Ka pawh ngawt ngam lo.. A hnung ah ka ding a. Ralkhat atanga Bastian leh Sophia in min rawn thlir reng chu ka va hmu pha  a, Bastian chuan a ban rawn vai lauh lauh hnuah Car ah lutin an tlanchhuak a..
.
“Mama..min kalsan hi a la hun lo asin.. Ka pa I han hmu tawh em? Ka tel lovin in hlim thei dawn em ni..?? Nu…”
.
Isabella chu a phun sep sep a, a bulah ka awm tih hre awm in a awm lo.. A hre lo tak tak bawk ang.. Khawdang hawi miah lovin a nu kuang, lei thuk taka an zalh chu a en a.. A tawngdan ah erawh mitthi tawh bia ni lovin a bula awm bia a ang zawk mah.. A tap lo chu mak ka ti takzet..
.
“Mama.. Eng thil titurin nge min duh..? Tu pawi mah I sawi ngai si lo.. Min rawn tanpui la…. I chunga hetiang thil thlentir tu hi ka hriat ngei theih nan min tanpui ang che…”
Lei ah chuan a tlu hnawk a, leivung chu a kutin a tham a.. A kut chang a var pap pap a..
.
“Engtin nge hmeichhia engmah ni lo hi amah chauh a awm turin I kalsan theih.. Hmeichhe tha tak ka nih thu tu in  nge min hrilh ta ang.. Nu..tunah hian ka mamawh che.. Nimin khan ka hlauh ber thil ka tawng a sin… Engmah lo mai ka nih thu hrilh nawn in ka awm a.. Ka damchhuak zo lovang.. In ah khan a hun takah rawn thleng I la chu tuna I tawrh ai hi ka tuar tur a nia… Keimah hi thi zawk ila..tu tan mah ka tangkai chuang lo a ni lawm ni… Nangmah anga hmeichhe tha leh mawi tak ka nih thu min hrilh leh rawh..” a tawng tawp lam chu hriat hleihtheih lovin a rawn tap chhuak hawk a, a insut nghal hlawp hlawp a.. A tap ri ka hriat ringawt pawh chuan a rilru nat zia ka lo feel thei...
.
Nimin a thilthleng..Engmah lo mai a nih thu hrilh tu.. Nimin a ka in a inthunun zo miah lova a chiai kha ka ngaihtuah let a.. Ni lo.. Kha thil leh tuna thilthleng hi chuan  engmah inzawmna a nei lo.. Ka lu ka thing nawk a.. Thinlung na taka a tap chu ka hmu thei lo..
.
A bulah chuan thuhniam in engmah sawi lovin ka kuah a, min kuah let lo.. Min kuahlet tur pawhin ka beisei lo.. Ka awmah pawm bet in a hnungah ka chul a..
.
A nu’n a kalsan vanga thinlung na in a awm a, vawikhat chauh ka kuah hian thil pawi engmah a thlen lovang..
.

.
DOLCEZZA – 11
BY. THANTEI_PAUTU aka Laura_Sean_Virgo
DOLCEZZA [Honey]
CHAPTER – 11
.
Leihnuai thuk tak a ka nu kuang in zalh chu ka en tlawk tlawk a, ka chawmawlh vek.. Ka ngaihtuahna a thil awm apiang chu ka sawi a, ka nu chuan min ngaithla ngei ang tih ka hria.. Ka huntawng mek hi ka paltlang thei dawn em ni? Tunge ka tihsual siamtha turin min fuih tawh ang?
.
Thil pakhat erawh chiang takin ka hria.. Ka nu hetianga a awm chhan hi keiin ka hriatchhuah loh chuan ka tan dingtur tumah an awm lo.. Ka nu tan hian chak tak a ka awm a ngai a ni.. Mahse ka mangang a, keimah chauh chuan chakna thahrui ka nei lo.. Ka thinlung na lutuk vang chuan ka tap chhuak hawk a..
.
Nghet taka min rawn kuahtu  chu rinchhan in ka thinlung natna chu ka leihbua a, insum lovin ka tap hlawp hlawp a.. Min ngaihven tih hriat taka ka hnung a min chul chuan ka tah a chhuak zual sauh lehnghal.. A rim chu ka hriatthan a ni.. Mahse nimin lawk a kan inthen dan ngaihtuah chuan Chris a ni thei lo.. Atana engmah ni lo tan hian a hun a sengral hauh lovang.. Bakah a bulhnai ah ka awm tawh tur a ni lo..
.
Min kuahtu chuan ka lu ah a khabe nghat in a thaw hak a..
“I tha deuh tawh em?”
.
A tawngri ka hriat rual chuan ka insangmar at a.. Chris maw... Ka ngaihtuahna mai a ni lo.. Tunah hian min kuah mek a nih hi.. A thlamuanthlak em em bawk a.. Mahse thil nihdan tur a ni lo..
.
Ka mittui ka hru nawk nawk a, ka chak lohna hi min hmuh laiin ka tilang lovang. Min khawngaih a ngai lo bawk..
.
Ka chet vang chuan min kuahna chu a phelh a, muangchang in ka ding a, a hmel ah ka en thei lo.. Ka ngam lo a ni zawk e.. Min kuahna thlamuanthlak tak hi thlahlel mah ila ka kalsan a ngai.. Nimin a ka bula a thusawi kha ka theihnghilh tur a ni lo..
.
“Ka tha..”
“I landan atang kha chuan I tha hauh lo..”
“Engvangin nge I lo ngaih pawimawh ang..” awihawm loh zawk hian.. Ka nui nge ka tap pawh ka inhrethiam love..
“I tuar na hle ang tih ka ring” a aw a min ngaihtuahna lang vang chuan awih lo zetin ka en a, nia.. engvangin nge ka en ngam lohvang.. Atan engmah ka ni hleinem.. Hmeichhia atana engmah ni lo hian engvangin nge ka zah ngawt ang?? Awlsam taka chinfel theih ah pawh ka tan a inhambuai peih hleinem..
.
“Min ngaihtuah anga awm kha duhtawk rawh.. I khawngaihna ka mamawh lo..” ka tawng a khur a, ka taksa a chau takzet bawk.. En tawh lovin ka kalsawn a..
.
“A tha alawm..Kal rawh..”
.
A tawngkam avang chuan tap chhuak lo turin ka insehruh a, ka hmui chu na zetin ka pet fan fan a.. Ka awm chhunga min hnawhtu na vawng vawng chu ka nu min kalsan vanga na nge Chris tawngkam vanga na tih ka hre lo.. Hawilet tawh lovin ka kal zel a, lang hei lo chinah chuan dingin a kalsawn hun ka nghak a.
.
Minute 5 vel a din vang vang hnuah a kalsawn a, a kalsawn hnu chuan let lehin atawp nan ka nu ka mangtha a, thinlung leh taksa, rilru chau ngawih ngawih in kan in..keimah chauh a ka chenna tur chu ka pan a.
.
Inchhung a thil awm tam zawk hi ka nu sulhnu a ni.. Inchhung ka luh chuan insum zo lovin ka tap hawk hawk a. Ka hawi ruai ruai a.. Mahni chauh a chen nan chuan a zau lutuk mah mah a ni..
.
Living room a sofa ah chuan ka mu hnawk a, ka theih chhung chu ka tap ang.. Ka nu tan leh ka tan.. Chris tan pawh a ni bawk ang chu.. Tuna ka tuarna hi a mal chauh a tuar tur atan pawh na tawk tak ve ve a, kei hian a rualin nikhat thilthu ah thil rapthalk tak tak pahnih ka tawng kawp a.. Hmeichhe pangai ve mai hian engtin nge ka tuarchhuah tak ang le..?
.
Ka tap muhil a ni ngei ang. Ka harh leh chuan khua a lo thim vek tawh a. Thil ei chakna ka neih loh vangin ka room ah ka chho a, reitawk tak bathroom a ka awm leh hnuah khumah ka bawk thlawp a.. Ka taksa chau tawngkhawng vang chuan reilote ah ka muhil ta hlauh bawk..
.
.
Ka sam a min chul hliau hliau tu awm vang chuan ka harh a, Sophia chu ka khum ah thuin a lo nui sang a.
.
“Hi.. I tha deuh tawh em?”
“Kat ha in ka hria..”
“Kawngka I kalh lova..”
“I lo thlenna a rei tawh em?” tiin ka thu chhuak a. Ka mut nasat tehreng nen ka la chau nghulh tho mai..
“Minute 30 vel chu I muhil lai ka lo thlir tawh che..” a nui hak a.. “Eitur ka siam a, tho la..Kan ei zawh ah kan chhuak harh dawn nia..”
.
Min ngaihtuah vanga rawn kal hram hram a ni tih ka hria.. Sophia hian hunawl a nei bik lova, tunah phei chuan Bastian nen an inneihna tur buaipui in a hun tam zawk a hmang mek a ni..
.
“Ka lawm e..” a hmel chu ka en vang vang a..
“Engvang in??”
“I buai hle ang tih ka hria.. Ka tangkai lo khawp mai..”
“Lawmthu sawi a ngai lo.. I thian ka ni lawm ni.. Thiante hi eng hunah nge kan mamawh thin..?”
.
“Ohh…Soph..”
.
Inhnuai ah chhuk in Sophia eitur siam kan ei a, ka hrawk ah a tang tlat a, ka lem hleithei lo... Mahse engmah ei loh ai chuan a la tha tho tho..
.
“Evans a rawn kal leh tawh em?”
Ka thil eilai chu dahin ka thaw halh a..
“A rawn kal lovang..”
“Engvang in?? Tunang hunah chuan i bulah a awm tur alawm..”
.
“Ka..ah..Soph..kan inkar ah engmah a awm tawh lo..”
“Enge I sawi awmzia..”
.
“Nimin piah khan a in ah ka va kal a, engkim kan titawp vek tawh.. Atan ka tha tawk lo..”
“I hmel ka en khan I nu chunga thilthleng bakah hian thil dik tawk lo a awm tih ka hre reng a ni.. Nimin a Chris awmdan atang pawh khan..”
“Thildang kan sawi thei angem…?”
.
Sophia chuan a lu a thing mat mat a… Thil thleng zawng zawng hriat vek a duh leh ngei ang..
.
.
Tha tho lo zet chunga insiamin kan chhuak a, in a mahni chauh a awm a inngaihtuah ngut ngut ai chuan a tha zawk tho mai..
.
Jones Construction Ltd. ah banna lehkha ka thehlut a, Ka nu kalsan engkim hi ka enkawl a ngai dawn a ni. Ka nu leh pa ten an theihna zawng zawng leh nasa taka bei chunga an din sumdawnna hi ka hralh ngawt thei lova, chuvang chuan tihdan kawng engemaw ka zawn a ngai a, rilru na a indawm kun reng thei ka ni hek lo..
.
Ni thum a ral leh hnu chuan Amineth Corporation Lawyer nen inhmu in ziahfel ngai thenkhat kan tifel a, ka chhungkhat hnai neihchhun ka pate-a Paul McQueen enkawlna hnuai ah Amineth hi a awm phawt anga, chumi chhungin kei ka lo inzir bawk ang. Ka pate-a pawh a pual a sumdawnna lian tak enkawl ngai tho a nih vangin reitak chhung ka tihbuai a rem lova, engpawh nise rilru zawng zawng senga ka beih chuan Amineth hi tha taka ka enkawl theih loh na chhan tur ka hre lo.. Sumdawnna ka tuipui lo a ni thei e, mahse a tulna in mihring a nan tawh chuan tihtheih loh a awm dawn em ni?
.
A tha ber chu ka ni nghal thei lovang, mahse ka nu leh pa tan theihtawpin ka bei ngei ang.
.
.
CHRIS POV**
.
Karhnih liam ta chhung khan Isabella ka hmu hauh lova, a chanchin ka ngaihven duh lo bawk.
.
Bastian leh Sophia te inneih ni hian a rawn kal ngeiin ka ring a, ka tlanchhiat san thei hek lovang. Hmu pawh ni ila engahmah ngai lo angin ka lang ngei tur a ni.
.
A diary ka kawl hi ka chhiar nawn fova, thinrim in ka paih a, ka char leh thin bawk. Ka hmuh loh hnu hian ka ngaihtuahna a luah nasa lehzual a, ka hun tam zawk chu thinrim in ka awm a ni deuh ber e.
.
Boruak dang hip ka mamawh a ka inhriat tak hial chu..
.
LAWSONN’S BAR**
.
VIP Booth ah thuin ka intur chak zet chu ka in hlak a. Hmeichhe pakhat ka lam pana lo kal ka hmuh chuan ka ner sawk.. Mary..helai hmunah maw?? Enge mak ka tih vak ang. Ani te hi chu engtik lai pawn hlimhlawp siamna hmun a hmuh turin a awm reng a lawm..
.
Isabella nen kan intawn hma khan inkawp angin kan thang vak a, nia, ka pha lo vawihnih khat chu ka mutpui ngei alawm.. Mahse ka thinlung khawih pha turin a nungchang hian belhchian a dawl lo. Hmeichhia belhchian dawl tak hi an awm pawhin ka ring tawh love..
.
Ka bul arawn thlen chuan tlangnel zetin ka bul set ah arawn thu a, a rimtui hman rimna zet chuan min ur nghal huam huam a.. A tawng hmain ka thutna atang chuan ka tho a, min be buaitu tur ka mamawh loh lai ber a ni hial ang chu..
.
Ka thutna atanga ka thawh hnu chuan rawn tho ve in ka ban ah min kuah a..
.
“I tha em?”
Chhang lovin min vawnna chu ka phelh a, a nui zui har har a.. Ka ngaihtheih loh chin a thlen chuan zak takin a awm ngei ang..
.
Ka kal pel chauh a hmeichhe nui ri ka hriat chuan ka ding chawt a.. A ni thei lo.. Ka thil hmuh vang chuan ka meng zau kawk a..
.
Isabella chu rui tih hriat zetin a bula mipa chuan a kuah a, Bar atanga chhuah an tum a nih hmel.. A bula mipa awm ka hmuh chuan mak ka ti lehzual.. Raymond…
.
Raymond nen hian an inhria tih ka hre miah lo.. Film shoot ni apiangin Raymond nen hian kan inhmu ziah a, hna kan thawkdun thin na a ka mi rinzawng a ni tehchiam lo.. Isabella bula awm tur pawhin ka duh hek lo.. Enge ka ngaihtuah hi..?
.
Isabella awmdan ah ka lo buai ve angai em ni??
.
Ka inhriat hmain an bul ka thleng der a. Min hmuh veleh a Raymond hmel awmdan chu ka hnek chak zek zek..
.
“Isabella..”
Mitmeng phi riai in min en a, a nui sak a.. Nikhua a hre lovang tih ka hre mai.. Mumal a thil a hriat loh laia mipa dang bula a awm ka remti lo bur bawk..
.
“Min lo hrethiam la..” tiin Raymond chu ka melh a, kalsawn mai tum hmel a pu lo.. A awmdan ngai pawimawh lo luiin Isabella chu ka kuah a, ka kalsawn pui nghal bawk a. A ban zen thlarh chuan ka nghawng ah min kuah in a nui sang reng a, enge maw zu ni lo ruih a nei a ni chiang…
.
Raymond kan kalpelh lai chuan a phun hluk a, a thusawi erawh thawm dang a tam vangin ka hre thei lo.
.
Isabella chu a zawi hnawk a, a kal theih loh vangin ka pawm nawlh a, car a ka dahluh chuan a mahin a che thei tawh lo.. Ka dah ang ang in a awm tawp a. Khawilam nge ka panpui ang tih ngaihtuah in ka en vang vang a, zankhua a amah chauh a an in lian zeta a awm tur ka ngaihtuah chuan ka ngaingam chiah lo..
.
.
Engmah a hre lo bawk a, a harh hunah pawh ka insawi thiam thei mai ang tih rilru pu chungin ka in lamah ka hruai a..
.
Kalkawng ah chuan a phun niah niah a, enge a sawi erawh ka hre thei lo.
.
Ka in kan thlen chuan Car atanga pawmchhuak in khum ah ka mut tir a. A rihna a hloh then tih phat rual a ni lo.. A hmel pawh ka hmuh hnuhnun ber ai khan a cher deuh.. A biang ah chulin a hmel tha zet chu ka en reng a..
.
“Mi bum duh tur hmel I pu lo asin.. Hnaih tur che ka ni lo tih ka hria.. Ka ngaihtuahna ang hian ka awm thei ngai lo.. Ka bulhnai a I awm tawh chuan ka buai vek a nih ber hi..”
.
Ka nghawng ah min rawn kuah thut chuan ka phu nasa hle..
.
Shi**… ka tawng kha a hriat loh ka beisei.. Ka ngaihtuahna sawichhuah fo hi a finthlak loh khawp mai.. Nangmah vang a ni.. Isabella…
.
“Min kuah rawh.. Ka hlau a nia..”
Ka nghawng ah a hmai phum in a phun sep sep a.. Nui hakin a tawng zawm a.. Min kuah vang chuan insiamrem in a bulah ka mu a…
.
“Chris…Ka ngai che..” boruak a hip vang vang a.. “I rim tui tak pawh hi ka ngai vek.. Mi a ka nih hi…” min kuahna chu tinghet sauh in min hnaih sat sat a, inthlahdul in a thaw sak sak a.. A muhil zui a nih hmel.. A thusawi chu ka ngaihtuah zawm neuh neuh a, nui suk in ka kuah bet a, ka mit ka chhing vang vang a..
.
“Keipawn ka ngai che…”
.
.
Ka bula thil che vang chuan ka harh hlawl a, mitmeng uk kharh in hnai zeta min lo en chuan ka harh chiang hle..
.
.
ISABELLA’S POV**
.
Engvang a ka taksa chu na thum nge maw a nih le..?? A lum em em bawk si.. Ka thawmhnaw hak chuan min phuar vek lehnghal..
.
Ka men rualin ka hmai zawn chiah a mitmeng pawl ram in min lo en let chuan ka thuchhuak nghal hlawl a.. Chris… Eng thil nge thleng phiangsen hi.. Engtin nge helai hmunah hian ka awm theih..??
.
Ka tho nghal a, sawi ngaihna awm lo khawpin ka thin a rim bawk.. Engtin nge Chris nen hian khum pakhat ah kan mutdun theih..???
.
“Eng tin nge helai hmunah hian ka awm theih..??”
“Nizan khan min rawn pan a lawm..”
.
A thusawi chu awih lo zetin ka en a, sawi mai tur pawh ka hre lo..
.
“Dawt sawi lo mai rawh..”
“Khawnge min ngai ngawih ngawih tiih sawitu Isabella kha..?”
.
A nui suk a, thatchhe zetin khumah chuan a la mu bawk a…
.
Ni lo.. Nizan khan Lawsonn’s Bar ah keimah in ka kal a.. Tui ti lo chung chung in zu ka in tih ka hria.. Relote ah ka lu a hai deuh a…A bak engmah hriatzui ka nei lo.. Aw Lalpa..
.
Zu hmanga buaina theihnghilh tum hian buai lehzualna bak a thlen lo a nih hi..
.
“Dawt sawi suh.. Ka rawn pan lo che..”
.
“A nih chuan engtin nge ka khum ah hian I lo mut ve theih..??”
.
“Ni lo.. Nizan khan keimah in Bar ah ka kal a, tlem ka in hnuah ka lu a hai.. No.. A bak engmah hriat ka nei lo..”
.
Chris chu thu chhuak in chik zet in min en a..
.
“Raymond nen inchhuak dun a ni lo maw..??”
.
“Tunge Raymond..?? Oh.. Aih…” Tunhnai ah Raymond ka hmu lo.. Ka hmuh hnuhnun ber chu Hospital ah khan a ni.. “Anih chuan khawi ka car chahbi..” ka tihzawm zat a.. Engahmah ngai lo anga ka lan mai loh chuan tihtheih dang ka nei chuang hleinem..
.
“I car in I rawn kal lo..”
“Eng…? Tunah dar engzat nge?” A khum bul dawhkan a sana ka en chuan ka thaw hak a.. “Anih chuan Taxi in ka kal mai ang..”
“Min lo nghak la, I kal duhna ah chuan ka lo hruai ang che..”
“A ngai lo.. Ka lawm e.. Ka tibuai lo zawk ang che..”
.
“Min va ngai lehsi love..”
.
Chhang tawh lovin a room a tang chuan ka chhuak a.. Ka landan pawh..Ohh..ka lang chhe teh ang chu.. Zankhua in a bulah khan ka mu tih ka ngaihtuah let chuan ka hmai a sa pawp pawp a.. Ka ruih chhiat ber lai pawhin a in awmna chu ka hai lo a ni phawt mai a..
.
Engang hmeichhia nge maw ka nih le..? Rui chungin engahmah min ngai lo tu ka pan a, a bulah ka mu a.. Min lo hnar ngei ang.. Kei hian engmah hre lova nawrlui in a khumah khan ka mu lui a ni ngei ang.. Ka thawmhnaw ka la hak thlap dan ah hian min khawih duh lo tih a chiang bawk a… Ohh..sawi ngaihna pawh ka hre lo.. Zah theih dan zawng zawng in ka zak kim vek..
.
Ka hmuh leh hun chuan hre ngai lo angin ka awm ngei ang.. Ka mipa hmangaih hi hre ngai lo angin ka awm dawn tihna a nih chu.
.
.
Nihnih hnuah Sophia nen Café ah kan inhmu a, naktuk tukleh hi Bastian nen an innneih ni tur a ni tawh a, a hmel hmuh a nuam khawp mai..
.
“BooBoo.. Nizan khan Bastian leh Chris titi ka hria a, enge an sawi tak chu ka hre lo nain Chris kha a buai hmel riau a..”
.
“Chris chanchin sawi turin a mi kan inhmuh..?” ka ti nghat a..
.
“Ni lo.. Chutiang lam a ni lo.. Raymond…oh chutiang lampang chu..engemaw dik lo a awm niin a sawi a.. I chungchang..”
.
“Soph..min ring mai rawh.. Chris hian ka chungchang a ngaihven lo..”
“I hre lo..”
“Ka hria.. A hmeichhe duhzawng ka ni lo tih min en chung ngei hian a sawi a lawm..”
“Enga…??” kan bulhnai a thu ho chuan min rawn en thap a.. Ka sawichhuak kher chu a va tul lo em..
“I hriat kha.. A hma a ka awmdan ang kha chuan ka awm tawh lovang..” ka nui lui sak a..
“Aw Lalpa..BooBoo..”
.
Max vanga ka lo buai tawh dan leh enkawl ngai khawp a ka awmdan te kha ka nu khan Soph hnen ah hian a lo sawi tawh a, a zawng zawng in hre lo mahse a tam zawk chu a hria..
.
“Thil dik lo engemaw a awm ngei ngei ang..? Chris chu lo sawipui ila I duh em??”
.
“Nooo… teuh lo.. A ni nen inhnaih leh duhna ka nei lo..”
“I mit atang khan I na hle tih ka hmu lo in I ring em ni..?? Ka hria che alawm..”
.
“Sophh…Duhtawk ang.. Vawiin hian I kawr tur kan la dawn tih kha I sawiin ka hria..”
.
Soph chu a thle bak a..
.
“A tha e..” a phone a en zauh a.. “Hei kan mi nghah te pawh an lo thleng a lawm.. I kal teh ang..” a thutna atang chuan thovin a bag a la a..
.
Sophia kalna lam ka en rual a ka mi hmuh te vang chuan ka ni hman a nuam dawn lo tih ka hre nghal.. Hnaih ka duh loh veleh engvangin nge kan inhmuh a tul fo le..? Chris chu min hmu awm pawhin a awm lova, a bulah chuan hmeichhe nalh zet a awm ve bawk.. Ka hmuh duh loh dan berin chu hmeichhia chuan a banah a kuah a, a hnaih mah mah..
.
Hmeichhe dang awm ve a hmuh chuan Sophia chu a rawn hawi let a, nuam lo tih hmel takin min rawn melh a, a rilru tur awmang chu ka hria..
.
Soph…Enge pawi tih tur awm…???
.
Engahmah min ngai lotu ngaihthah leh engahmah ngai lo ang taka awmdan tur chu ka thiam ve alawm..
Ka thutna atang chuan phur hmel zetin ka tho a, Soph chu ka zui nghal a.. Ka awmdan avang chuan Soph chu a meng kawk a.. Signal ka pek zeuh hnu chuan insiam rem in Bastian, Chris leh hmeichhe pakhat lo kal ve ringawt[?**] te awmna lam chu kan pan nghal a..
.
.
A/N - Saturday a lo ni leh ta..Pathian zarah kan dam anga Monday 1st August, 2016 ah zawm leh kan tum dawn nia. Min chhiarsak a ka lawm ee..   ~_^
Ka thawnthu ziah te hi kei leh webmaster hriatpuina tel lova post chhawn phal a ni lova, Whatsapp lam a post duh tan Share on Whatsapp ah khan share mai tur a ni e.
DOLCEZZA – 12
BY. THANTEI_PAUTU aka Laura_Sean_Virgo
DOLCEZZA [Honey]
CHAPTER – 12
.
ISABELLA’S POV**
.
Engvang in nge ka ngaih pawimawh ang.. A duh duh kawp se la, ka buaina tur a awm lo… Mahse hmeichhe dang nen a an awmdun ka hmu chuan ka thinlung a tina takzet..
.
Hun kan hman ho chhungin vawikhat pawh ka be lo. A hmeichhe hruai chuan a ngheng chial reng a, a taksa khawih lovin a awm thei lo a ni awm e.. Ka hrawk ah min hnawh a, ka tawng tam lo khawp mai. Ka hmel ah erawh tihlan loh hram ka duh a, ka insangmar teuh reng a. A awmdan in min tina tih a hriat hi a tulna a awm lo bawk..
.
Tlai lama in ka thlen chuan ka chau hluah hluah a, thildang ngaihtuah luih ka tum pawhin ka thei lo.. Ka thinlung a na a, ka khua a har em em bawk.. Kei hi atan engmah ka lo ni tak tak em ni? Tiin ka ngaihtuah a, engmah lo mai ni a ka inhriatna chuan min tina a ni.. Chhan dang vanga min then chu nise ka hrethiam ang..   Min then chhan kha midang hnen a sawi ngam chi pawh a ni lo.
.
.
.
NIHNIH HNUAH**
.
“I nalh lutuk”
.
Sophia chu ka kuah vang vang a, thildang zawng zawng dahtha in vawiin hian ka thiannu hi ka hlimpui tur a ni ang..
.
“Tunge pangpar hi lo dawng ang..?”
Hmeichhe ho chu hlim zetin ka bulah an rawn dingkhawm a, tuna an thiltih turah hi chuan ka tel ve a rem lo.. Kalsawn ka tum rualin ka hma thil rawn thlawk chu ka lo dawng a, ka pangpar dawn chu en in an rak chel chul a..
.
“Tun atanga hun reilote ah pasal I neih ve a ngai dawn a nih kha..” Sophia unaunu Cheryl chuan min rawn kuah nawk nawk a. Nui chungin Pangpar chu lo pek ka tum a..
“Ni lo..Ni lo..ka lo lak chuan a dik lovang.. I vanneihna tur a nih kha..”
.
Ka hawichhuah a Chris ka hmuh chuan a nui suk a. Ka ip chawih bawk.. Min nuihsawh a ka hriat tlat chu.. Hmanni a a hmeichhe hruai bawk kha a bulah a awm tih ka hmuh rualin ka hawisawn nghal vat a..
.
Inneihna hmun atanga hla lo te ah party an buatsaih a, Soph leh Bastian te thlah lova haw mai chu mawi lova ka hriat vangin ka kal ve leh hram a. Helai hmuna awm ve tam zawk te hi chu ka hmelhriat te an ni hlawm a, ka phur vak loh aiin a nuam phian mai..
.
“Khawnge I date chu..?” ka hnunga Chris a rawn din chuan ka insangmar at a..
“Eng maw..??”
“Tunang hunah chuan date nei lova kal tur a ni hleinem..” min elhsenna tawngkam vang chuan ka nui lui sak a..
“Lo ngaihtuah buai lo mai ta che.. Ka mamawh ve huam huam lo pawh a ni maithei a..”
Ka chhan dan vang chuan a  ner sak a..
“Ka awih chiah lo..”
“I awih kher a ngai hleinem..”
“Max a tha em?”
.
Eng thu nge maw a sawi hi le..?
“Engatan nge I tih?”
“Hah..takzet che hian..”
.
Ka chhan leh hmain a hmeichhe hruai chuan a ban ah arawn kuah a, Chris biangah a fawp zauh a..
“Kan haw dawn tawh em?” a mitmeng no zet chuan a melh sar sar a, ka intur ken lai a theh thawt lo turin ka insum hram hram..
“Sam..”
“Kan haw har lovang I tih kha..” midang awm ve lo ang maiin an inen a, an awmdan chu ka tuartheih bak a ni e.
Ka no kenlai chu ka humnghet sauh sauh a, ka kut a na thei hial mai. Engahmah ngai lo anga lan ka duh a, har tak a ni. An infawp dawn takngial a ka en reng ngam ta lo.. Ka dinna hmun atang chuan muangchang in ka kalsawn a, party na hmun a ka awmchhung chuan melh lo turin ka inthunun hram hram a, ka hah hluah hluah.
.
Soph leh Bastian te kan thlah zawh hnuah thildang a peng tawh lovin ka haw nghal vang vang a. Ka thilhmuh zawng zawng..thil nung lo thlengin… min nuihzat niin ka inhria.. Ka awmdan chu ka duh lova, mahse ka inthunun thei lo..
.
In ka thlen veleh ka thawmhnaw hak pawh thlak lovin Inhnuai berah ka chhuk a, music ring taka play in ka thinlung a natna ka pai zawng zawng a reh theih nan ka tap a, ka banphak a thil awm a piang ka paihdarh bawk.. A engamah chuan ka thinlung natna chu min chhawk zo lo.. Ka nu ka mamawh a ni.. Ka chal in bang hit thlur chu ka si vang vang a, ka tap hlawp hlawp a.. Tunah chuan keimah chauh in ka ni ta.. Hmabak tamtak ka neih te, mawhphurhna tam tak ka ko a innghat ta te hi engtin nge ka tih dawn ka hre lo.. Chak taka awm tur ka ni tih ka inhria.. Mahse hetiang thil ka tawn lai hian engtin nge chak takin ka awm theih ang…??
.
Ka harh leh chuan chhuat ah ka lo tlu reng a, muangchang a thoin bang ngheng in  ka thu a, engemaw chen chu helai hmun hi ka chhuahsan lovang..
.
Ka patea ka phone a, karhnih chhung ka zin bo dawn thu ka hrilh chuan min hrethiam takin min phalsak a.. Ka nun a thilthleng ka tawrh zawh loh te ka theihnghilh theih nan leh nunthar a bul ka tan theih nan tuna ka thiltih tur hi ka mamawh takzet..
.
CHRIS’ POV**
.
Muangchang a a kalsawn lai chu ka en reng a, engtia awm tur nge ka hre lo.. Samantha min kuahna chu phelhin ka kalsawn a, ka lung a awi  lova, ka lungtiawi lo tu chu eng ber nge ka hre lo bawk.. Ka hmuh apianga ka awmdan danglam hi ka hrethiam lova, hetiang a awm hi ka duhdan a ni hek lo. Min bumtu hmeichhia ka la ngaihven ru tlat hi thil dik pawh a ni hrep lovang.
.
Party na hmun atanga a chhuak chu ka enzui a, min hmuh erawh ka hlau hle. A car ah lutin chak zetin a tlanchhuak a.
.
Samantha ka thlah hnuah in ah ka haw a, diktak chuan party na a hruai kha ka tumlawk hauh lova, kan intawng fuh leh hlauh a ni.. A tangkai ta phian bawk a.. Hmanni Isabella te nen kan inhmuh ni erawh kha chu ka duh vanga hruai ka ni thung. Atir atangin ka duh tak tak lo tih a inhre chung pawn min rawn pawh a thulh chuang lova, ka tan engmah a ni lo tih pawh a inhria.. Hmeichhia hi ka hrethiam lo.. An thil duh an hmuh tawh chuan engmah an pawisa lo ni maiin ka hria.
.
Karkhat chhung chu ka nundan pangaiin ka nung mawp mawp a, hmuh ka inrin na hmunah pawh Isabella ka hmu ngai lo..
.
Ka phone ri chhen chu ka pick up a.
.
“Isabella I be thei em?”
“No..Ka tum lo hrim hrim..”
“Kar liamta chhung pawh khan ka be thei miah lova..” Sophia chu a thaw halh a. Sophia hian min rawn be ngai lo tihtheih a ni.. Thil pawimawh fe a nih loh chuan Bastian nen bak kan inbe ngai lo. Tunah Italy ah an la awm a, a rawn tawng dan atang chuan a mangang tih a hriat theih bawk..
.
“In inkar a tha tawk lo tih chu ka hria, mahse khawngaihin a that leh that loh min va ensak thei angem? Nimin atang khan ka ngaih a tha lo zual a.. A chhungkhat hnaite ka be pawp thei bawk si lo..”
.
“Sophia, hunawl ka neih loh zia….”
“Khawngaihin Chris.. In inkar a thilthleng hi enge tih chu ka hre lo na a, khawngaihin min tihsak rawh..”
.
A ruk tak chuan min nawrlui chu ka lawm letling.. Isabella hmuhna chhan tur chhuanlam tha tak ka neih phah alawm le... Ka thil ngaihtuah hrep chu…
.
Darkar hnih hnu chuan Isabella te in kawt ah ka ding a. An in chu pawn lam atangin a inkalh thap a.  Ka kal hnaih deuh chuan inhnuai lam atanga rawn chhuak niawm tak thawm ka hria a, khawi atanga luh tur nge tih erawh ka hre lo.
.
Sophia min tur luih vang chauh a ti tur ka ni… Mahni inthiam chawp tumin ka inngaihtuah a, diktak chuan Sophia’n mangan hmel taka min rawn biak hma daih khan Isabella hmuh ngei duhna rilru ka pu daih tawh. Mahse an in a inkalh tlat chuan tihngaihna a awm chuang lo.
.
Ka car ah lut lehin ka tinung a, ka tlanchhuak dawn chiah tih ah an in hnunglam atanga mipa pakhat lo chhuak ka hmuh chuan ka lo en reng a. Nichin a thawm ka hriat kha inhnuai atanga lo chhuak ni a ka hriat bawk avangin ka ngaih a tha lo hle bawk.
.
In hnunglam atanga lo chhuak pa a kal liam hnu chuan Car atanga chhuakin in hnunglam ah chuan ka kal a.
.
Inhnuai [leihnuai a ni zawk mah] luhna tur kawngka ni awm tak chu ka nem a, awlsam takin a inhawng mai a. Ka ngaihtuahna a kal thui nghal hle. Isabella chungah thil tha lo a thleng a ni ngei ang..
.
Step ah chuan ka kal thla zel a, in kawt atanga ka hriat thawm pawh a ring telh telh bawk a. Step tawp a Room ah chuan ka lut a, thil pangai ni lo hmuh tur engmah a awm lo. Dawhkan ah Pizza box leh drinks a awm a, choka pangai ang thlapin engkim a fai a, uluk taka enkawl tih a hriat.. A nih chuan Isabella chu khawiah nge a awm  ang..???
.
Music lo chhuahna lam ni a ka hriat pindan chu ka pan leh a, kawngka hawn ka tum chuan a sak talh a. Ka nem luih leh chuan a inhawng ta hlauh.. Ka thil hmuh vang chuan ka thaw hawk a..
.
Pindan chhung chu a zau khawp mai, a pindan hmar lam bang zawng zawng chu  darthlalang vek a ni a, a bak zawng chu rawng var a hnawih chhuah vek a ni. Chhuat lawngah chuan che miah lovin Isabella a mu a, a mit a chhing chial bawk. Hlauthawng zetin ka panhnai a, a awm che dat dat ka hmuh chuan ka tawlhkir leh rih a.
.
A hla ngaihthlak a tawp chuan a rawn tho a, a landan atang chuan thil danglam a awm hran lo.. A music player awmna lam chu a pan a. Pheikhawk a bun lova, kekawrbul tawite ha in kawr lian lampang a ha a, a sam a tawn khawm tawp bawk.. Hmuh a hahdam hle. A bawp nalh zet chu a langchiang khawp mai.
.
Ka pan hnai a, min rawn hmuh chuan a phut zawk ka ring a, mahse engtin mah a awm lo.. A thiltih ngai a tizawm mawlh mawlh a..
.
“I tha em?”
Min chhang lovin a thiltih lai chauh chu a melh ngar a. Min hmu awm pawhin a awm lo..
“Isabella, I tha em?”
.
Nin hmel zetin min rawn en a, a mitmeng a de sar sar a.. A mitmeng ka hmuh chuan thil danglam chu enge a nih ka hre chiah.... Huatna a khat mitmeng a ni..
.
“Isabella..”
“Mahni chauh a awm ka duh a nia..” a tawng bung nghat nghat hle..
.
“Sophia nen in inbia em?”
Min en kal a, a lu a thing zauh a.. Sophia hming ka lamrik chuan a mitmeng a danglam zawk a, a insiamtha leh vat a..
“Sophia bia la a that ka ring.. A ngaihtuah che avangin helai hmuna rawn kal tur hian min rawn ngen a..”
.
“A tha lawm.. I sawi zo tawh em?” a awmdan chu awih lo zetin ka nui suk a. A fiamthu chu a ni hauh bawk si lo.. Ka hriat thin Isabella kha a ni tawh lo..
.
Ka panhnai a, zam miah lovin min en kal a. Amah si chet a ka din pawh chuan a la che chuang lo.. Thilmak chu a ni.. A hmaiah engmah a hnawih lova, a rimtui zet chu a la ngai reng.. He hmeichhia hi ka mamawh a ni.. Ka chunga a thiltih vang khan ka haw em em tur ka ni tih ka inhria.. Mahse ka thei lo chu a nih ber tawh hi.. A chal ah ka fawp zauh a.. Engemaw sawi turin ka duh a, a la che eih lo..
.
“Dolcezza..” ka mit chhing in a kawngah ka ban pahnihin ka kuah a..
.
“Min thlah dawn nge ka pet chhuak dawn che..”
.
A tawngkam leh amah inhmeh lo lutuk vang chuan ka nui hak a, ka kuah nghet sauh bawk.. Hmeichhe awmnem tak hian min pet chhuak thei in a inring emaw ni le..?
.
“Ka ngai che..”
.
Za zetin a rawn nui hak hak a, ka thusawi vanga nui niin a lang.. A awmdan mak tak avang chuan in la hrangin a hmel chu chiang zetin ka en a..
.
“Tunge min ngai tih sawitu hi…???” a nui hmel ka en chuan nuihza tak tak a nui a ni tih hai rual a ni lo.. Nuihzat tur engmah ka sawi lo..
.
“Isabella..”
.
A nui reh riai riai a, min rawn en let a..
.
“Khawngaih in Mr.Evans ka in atang hian I chhuak thei angem..?? I hmuh ang hian mahni chauh a awm ka duh a..”
.
Min ngai pawimawh lo tih hriat takin a ban a phar zauh a, min kalpel a ka zui lo tih a hriat chuan a ding dat a, min rawn en ha a…
.
“Helam ah hian kawngka a awm a..”
.
Chak zet a kalpel in a in atang chuan ka chhuak a, ka car a ka thut thleng pawhin ka thin a phu dup dup a.. Ngaihthat lohna mak tak ka nei bawk..
.
Zanah pawh thildang ti peih lovin in ah ka awm a, thil awmdan leh Isabella nungchang ngaihtuah in ka vei kual sek a.. Tuna ka awm ang hian hmeichhia vangin vawikhatmah ka la awm ngai lo..
.
Ka muhil ka harh chuan ka ring a kham urh a, nizan khan ka khum ah mu lovin sofa ah ka muhil a, zankhua a mut nan chuan a nuam tawk lo em bawk a ni e..
.
Pancake rim ka hriat chuan ka thuchhuak vat a, ka in enkawltu Mrs.Adams a ni lo ang tih ka hre nghal. Nimin khan a chhungte hnenah ni 3 chhung cham turin a kal a, chanchin min hrilh lo chuan ka in ah hian a rawn lut ngawt lo bawk ang..
.
“Good morning, Honey..”
.
Samantha maw..??? Engtin nge helai hmunah hian a awm theih..??
“Enge I tih..??”
“Pancake ka siam a, I eiduh ka ring a..”
“Engtin nge ka in ah hian I rawn luh theih..?”
“Eng..Honey..nizan khan I in a rawn kal turin min lo biak kha.. I hre tawh lo maw..?? Ka rawn thlen chuan I lo muhil tawh a, ka kaitho duh ta lo che a..”
.
A kawrhak tlang chu a zut zauh a.. Engtin nge ka kawr a hak theih?? A ni hi ka in a kal turin ka phone miah lo.. Eng thil phiangsen… Hnathawk a ka chhawrte pawh hi an rintlak loh a nih hi.. Gate ah an lo dang ngei tur a nia..
.
Kawngka a rawn inhawng rawp a, Isabella arawn lut a.
.
“I che rang hle mai.. He thil hi engvang a ti nge I nih..??” a chanchinbu ken chu ka hma ah arawn lek kang a.. Eng thil phiangsen nge maw thleng hi le…?
.
“Enge..??”
“I hriat loh thu sawi miah suh..”
.
Samantha chu en in ten hmel zet hian min rawn en leh a..
“Tunah chuan I la buai a nih hmel..”
Kawngka lam pana a kal chu a ding chawt a, a hawina lam ka en chuan nizan a ka mutna sofa bul dawhkan a a Diary let ngat chu a en tih ka hria. Muangchang in a pan a, a diary chu la kang in min rawn en leh a. A hmel buai nak atang chuan enge a ngaihtuah awm ka hre thei lo..
.
.
A/N – Chawlh chhunga post zawh hman inring kha ka nia, ka rin aiin ka ziak thui ta.. Class kan tan ta bawk nen Chapter  - 13 atang chuan ni karthlak a ka update a ngai tawh dawn a, Chapter tin a chawp a ka ziah zel avangin nitin update tur chuan hunawl ka nei thei tawh dawn si lova min lo hrethiam hram hram dawn nia. CHAPTER – 13 hi kan dam anga NILAINI 3rd AUGUST ah rawn post leh ka tum ang aw. Min chhiarsak thin vangin ka lawm em em e…. LS.VIRGO
.
Ka thawnthu ziah te hi kei leh webmaster hriatpuina tel lova post chhawn phal a ni lova, Whatsapp lam a post duh tan Share on Whatsapp ah khan share mai tur a ni e.
DOLCEZZA – 13
BY. THANTEI_PAUTU aka Laura_Sean_Virgo
DOLCEZZA [Honey]
CHAPTER – 13
.
ISABELLA’S POV**
.
Engtin nge ka Diary hi helai hmunah hian a awm theih..??
.
Chris leh a bula ding hmeichhia chu ka en a, ka ten hluah hluah.. Tunang huna in khat a awm chu an riakdun a ni ngei ang.. Chu chu ka lo buaina tur a ni lo.. Ka diary hian engtin nge helai hmun hi a thlen theih? Thilnung pawh a ni lova, amah in helai hmun ah hian a lo awm ve ringawt dawn lo hrim hrim.. Chanchinbu a ka thilchhiar zawng zawng nen.. Chris chu tawngkam a sawifiah hleihtheih loh khawp a nasa in ka haw hluah hluah..
.
Nimin khan ka inkhung hranna hmunah rawn kalin min rawn hmu ngei a, thil dik lo thleng engmah a awm lo. Chuti chung chuan zingkar a chanchinbu a ka thilhmuh kha Chris hian engtin nge a sawi theih..? Min hua a nih pawhin dawt hmanga insawi mualpho kher hi enge a tulna?? Min haw turin a chungah eng thil dik lo nge ka tih..? Engmah..a chungah hian thil dik lo tih engmah ka nei lo.. A tawk tawh em em e..
.
A in atanga chhuah ka tum tawh zet nain ka diary chu ka la a, Chris chu ka panhnai a..
.
“Ka lakah hian enge I duh..? Engtin..Aw Lalpa…ka awih lo zawk e… Engtin nge ka diary hi I kawl theih..? ” Ka thinrim lutuk chu ka khur titih hial..
Chiang zetin min en ngul a, a bula hmeichhia in rawn kuah a hnai zeta a en chuan ka ner sawk a..
.
Amah rawn kuahtu hmeichhia in a kuahna chu phelh in min rawn pan a..
.
“Kan inbiak a ngaiin ka hria..” ka banrek ah min kai a, ka lo tang ve nain awmzia a awm lo. Room ah min kailut a, kawngka a kalh nghal hmiah bawk a.. Nichin maia a bula awm hmeichhia in a rawn  ko zui pawh chu engahmah a ngai lo a nih hmel..
.
“Min rawn thawn a ni lawm ni..?”
Thinrim lutuk in ka nui hawk a.. Thinrim hian a lo nuih theih tho tih ka hre ngai lo…
“Oh..ka haw lutuk che.. Tuin nge mahni mimal chanchin ziahna midangte hnen a thawn ngai..?”
“A nih chuan sawifiah rawh”
Engtin nge ka tihtur te min la hrilh ngam zawk.. Helai hmuna ka kalchhan ber a hma a ka pek, a Chanchinbu ken lai chu ka kawk a
.
“Chanchinbu mite hnen a I thusawi kha lo sawifiah zawk ang che.. I lakah hian engmah ka nih loh ang bawkin ka tan engmah I ni lo.. Tenawm lutuk.. Sawifiah tur ka nei lo bawk..”
A ngaihtuah tur awm ang a hmel atangin ka hre thei lo. Min rawn hnaih lehzual a, ka tawlhsawn bik lovang.. Ka tlawm tur a ni lo..
.
“I tawngkam hman chuan min tina hle mai”
“Takzet che hian.. Ka tuar thei tawh lo..”
.
“Enge I tuar theih loh chu.. Min hlat a awm hi I tuar thei lo a ni tiraw??”
.
Min rawn si deuhthaw in a ding a, a mit ah ka enlet ngar a. Ka biang rawn khawih a tum chuan ka thlesawn vat a..
.
“Kei ni lovin I hmeichhe awmpui saw va khawih rawh..”
“No..” min rawn hnaih lehzual a, a insangmar ve teuh thovin ka hria..
.
“I bulhnai a awm chakna ka nei lo..” ka tawlh hnung deuh a, thinrim zetin a awmah ka diary kenlai chuan ka vua a. Ka vaw na zo chuang lo tih ka hria. Ka thin a rim a, ka chhungril takah ka nat bawk avangin engmah ka pawisa tawh lo..
.
Min fawh hnuhnun ber tum khan min mutpui a chak loh thu min hrilh a, tunah pawh a la danglam chuang lovang.. Khanglang hian.. Mite hriathlawh leh hmeichhhe tam tak hip em em tu ni mahse ka tan chuan engmah a ni ve tawh lo..
.
Kawngka kalhna hawn tum a ka ban chhoh chuan ka hnunglam atangin ka kawngah min rawn kuah a, ka beisei lawk loh em vangin ka te that a. A lamhawi turin min kuai her a, a mitmeng chu ka la hrethiam chuang lo..
.
“Thil hriatthiam loh a awm niin ka hria”
.
“Min thlah rawh..”
.
Kawngka ngheng chuan min nek bet a, a ban pakhat in ka kawngah nghet zetin min kuah bet a, ka kut pahnih la kawpin ka hnunglam ah a dawmbet bawk a, min dawm hneh em vangin ka che thei lo.. Ka chal ah min fawp a, ka hnar ah min fawp leh a..
.
Ka rilru natna  leh min chhaih kual ni a ka inhriat vanga ka tahchhuak lutuk chu ka insum thei tawh lo.. Thaw halh in ka hmui ka pet a, a ring a tah chu ka duh bik lo.. Ka insut hlawp vang chuan min thlah a, hamhaih hmel zetin min en a, min kuahna chu a thlah bawk a.
.
Kawngka chu hawng in ka chhuak a, ka hnung ah dingin min rawn en reng tih ka hria. Choka luhna tur kawngka a hmeichhe lo ding chuan min lo en kawr a.. Hmeichhe hmeltha tak chu a ni.. Chris kawr a hak chu a la thlak lo a, nileng a hak a tum a ni awm e.. Ha pawh nise enge pawi…
.
Ka diary keng chungin a in atang chuan ka chhuak a.
.
In ka thleng a, ka diary chu chhiar lem lovin ka lehkhabu dahna ah ka dah a. Ka diary bo Chris In a a lo awm reng chu mak ka ti em em bawk.. “Min lo thawn a ni lawm ni?” a la ti zawk lehnghal a..
.
Phone call ka dawn hnuah  inhnuai ah chhukin ka bawm dahthat ka haichhuak vek a, ka thil duh tak ka hmuh chuan uluk zetin ka en vang vang a. Rinhlelhna pawh ka nei ngai miah lova, thilmak tak a ni.. Chris nen kan chungchang chu engpawh nise tunah chuan engkim a tawp tawh a, buaina tur ka nei tawh lo.. Amah vanga rilru na a awm ka tum tawh lo bawk.. Ka thinlung hian duh mah ila, ka thinlung duhdan a awm tur ka ni tawh lo…
.
Thlalak chu ka ennawn vang vang a. Fimkhur taka thil ka tih a tul ngei ang.. Ani ber kher ka nu thihna chungchang a rinhlelh a ni hi rin harsa ka ti.. Ka thlalak hmuhchhuah chu kengin Police station ka pan a. A hma pawh khan he thlalak hi ka en fova, a danglamna ka hmu ngai lo.. Tunah erawh chuan thlirdan dang a ka thlir tak vang nge ni..thil awmang lo pui pui ka ngaihtuah nghal pang mai… Ka rinhlelh hi thudik ni lo hram rawh se..
.
.
CHRIS POV**
.
Isabella chhuak chu ka en reng a, a awmdan kha ka hrethiam lo.. A diary a hmuh a mak a ti hmel te.. Kei hian dam raih a sawipui tur ka nih laiin engmah sawifel lo bawkin min kalsan leh ta.. A chanchinbu rawn ken chu ka chhiar a..
.
**Vanneihthlak takin Chris Evans interview na kan rawn tichhuak thei hlauh a, tunlai a hun hmandan tlangpui leh a mimal nun tlem kan tarlan theih phah dawn ani.
 Thla liam ta mai a a hmeichhe kawp nen khan an inthlah thut tih ka hre theuh a, Chanchin tam pawh an neih hmain an inthen thu kan hria a nih kha.. A hmeichhe then tak Isabella kha enkawl hleihtheih loh khawp a damdawi a khawih nasat vangin kawpzui chi a nih loh thu Chris chuan a sawi a, mipa kawplawr duah chi hmeichhia a ngainat rei ngai loh thu a sawitel bawk..
Mi tamtak tana thu lawmawm tak chu.. Tunah hian hmeichhe kawp a neih loh thu tlang takin a sawi a, hmeichhe tha tak a tawn hunah chhungkua din a inbenbel a duh thu a sawi bawk.. Chris Evans tana hmeichhe tha tak chu tunge ni ta ang le..??**
.
Thinrim zetin chanchinbu chu ka hlawm nawk nawk a bawlhhlawh bawm ah ka paih a.. Ding vang vang in ka thil paih chu ka char leh a. .
.
Room atang a chhuakin inchung ah ka thawmhnaw ka thlak a, inhnuai a ka chhuk leh chuan Samantha chu ka in atang a chhuak turin ka hrilh nghal bawk.. He hmeichhia hi a hnawksak.. Nizan ah ka in a lo awm ve ringawt vang chauh pawh hian vawikhat mah  ka bulhnai ah a awm leh tawh lovang..
.
Minute 30 a ral leh hnu chuan Bloomer Daily News paper office ah ka thu tawh a, an chanchinbu in kei leh Isabella chungchang a dawt muhlum an chhuah hi an tisual khawp ang..
.
Chanchinbu a an thuchhuah chu mi rintlak ngei ni a an hriat hnen atanga an dawn a nih thu an sawi a, mahse chu thu ringawt chu tanchhan tlak a ni lo.. Chanchin dik lo tak lo hrilhtu hi tunge tih kan hrechhuak thuai bawk ang..
.
In ah haw lehin uluk takin ka ngaihtuah a, Isabella nen kan inkar a thilthleng ah hian enge maw dik tawk lo a awm ngei a ni.. Diary leh thlalak ka dawn te, video clip ka dawn te.. Mak taka Isabella nungchang danglam te pawh hi..
.
.
Inhnuai lama thawm ka hriat vang chuan ka room atangin inhnuai ah ka chhuk a.
.
“Hey, Chris..”
.
Sophia chu sofa ah thuin min en kal a.. Enge maw min biak duhna a neih thu a sawi chuan a bulah thuin a thusawi tur chu ka ngaichang a..
.
“Isabella hnenah hian engemaw sawi I neih ka ring..”
A thusawi tum chu ka hrethiam chiah lo..
.
“I hnen ah in pahnih inkar vangin ka rawn kal tih BooBoo hian a hriat ka duh lova, mahse thil awmzia ka hriat ngei a ngai in ka hria.. Tuna a nungchang ang hian BooBoo hi ka la hmu ngai lo.. A nu in vanduaina a tawh ni khan I in ah a rawn kal niin ka hria a..”
.
Ka chhan beisei a min en in a ngawi dat a..
.
“A dik alawm..”
.
“He thil hi ka sawitur a ni em ka hre lo.. Nge? Amah pawn a hmain a hrilh tawh tho maithei che a… Max vang khan mipa a hnaih ngai lova…”
.
Sophia haw hnu chuan Isabella hmuh tumin ka kal a, mahse in ah a lo awm lo.. Ka thinrim vang a alaka ka tawngkam hman vang khan ngaihdam dil ka duh a, bul min tan that pui leh turin ka duh bawk..
.
Naktuk zan hian Sophia party buatsaih ah a kal dawn tih Sophia khan a sawi a, ka hmu ngei ang..
.
Ka ngaihdan kha a dik lo tih chianna tur ama ka ngei atanga hriat ka duh bawk ang chu.  Max nen an inkawp lo tih chiang takin ka hre tawh a, ka hriatduh tha taka min hrilh vangin Sophia chungah ka lawm em em bawk..
.
Nia, khami ni..ka in a a rawn kal ni a ka thusawi kha ka rilru tak tak a ni lo.. Ka thinrim vanga khang thu te kha sawi ka ni. Min bum vanga zak taka a awm theih nan leh engahmah ngai lo anga ka lan theih nan a sawi ka ni bawk.. A laka ka tawngkam hman vanga a rilru natna hi awlsam takin ka nawt reh mai thei lovang tih ka inhria a, mahse ka thilduh ngawih ngawih nei let leh thei tur hian ka bei chin tur a ni dawn lawm ni..?? Thil dik tawk lo thleng te pawh hi a thlen tirtu kan hriatchhuah a ngai bawk ang chu…
.
PARTY**
.
Bastian leh Sophia te chenna hmun ka thlen chuan a la hma hle. Nilengin thildang ka ngaihtuah thei tawh lo.. Ni rei tak ka hmang niin ka inhre bawk..
.
“En la..tunge lo kal hi..”
Bastian chu ka lam pana lo kalin kan in chibai a..
“I hmel hmuh a nuam hle mai.. Thil tha takin a hmuak che a nih ka ring..”
.
A thusawi awmzia erawh ka hre lo..
.
Party tura lo kal tur tam zawk chu an lo thleng tawh a, ka mi chan ber chu a lo thleng har hle..
.
Hmeichhe nalh zet, thawmhnaw tawngchham deuh tak ha kawngka a lo pen lut chu ka lo en reng a, a bawp nalh zet chuan Isabella min hriatchhuah tir.. Ka thil ngaihtuah chhuah vang chuan mahni in ka nui leh ngawt bawk.. Hetiang thawmhnaw hi ha ve ta se ka insum zo hauh lovang..
.
Inringtawk zet hian a ka lam panin a lo kal zel a, a hmel ka hmuh chian chuan ka phu chiang khawp mai.. Min kalpel in ka hnunglam a hmeichhe awm hona ah chuan a kal a, a sam kawichiat chuan a landan a ti danglam a, make up a hmang ve bawk a nih hmel.. Min hmu lo a nih ka ring… Eng maw..?? Helai mipa awm zingah hian kei aia sang an awm lova, min hmuh kan hauh lovang.. An awmkhawmna lam ah chuan ka kal ve nghal a..
.
“Isabella, biak lawk che ka duh..” a mit  tizim deuh sanin min rawn en a.. Ka thusawi chu hrethiam lo hmel a pu bawk.. Takzet reuh che hian.. A bulah dingin hmeichhe ho chu ka nuih a, hawihhawm takin min lo nuih sang hlawm a..
.
“Isabella nen hian inbiak lawk kan ngai a.. Lo kal rawh le..”
.
“Kan inhria em..??” min chhan dan vang chuan kei chauh ni lo a bula awm ho pawh chuan mak an tih hmel.. Min en tawn zak zak a..
.
“Engmaw..?” ka  ti hu.. ka inveng hman lo..
.
A nui hak a.. “Sawidun tur kan neih ka hre hauh lova…” nuihza lo zeta nui lui leh in min rawn en a, a mitmeng det sawr sawr dan atang chuan min runluih tih ka hria.. “mahse, nang meuhin min sawipui duh I neih chuan ka hnial phal hauh lovang… A ni lawm ni..” tiin kan bula hmeichhe ho chu a melh kual a..
.
Ka kal chuan min rawn zui ve mai a, midangin min hmuh theih lohna tur ka thlen chuan inher in ka hmachhawn a..
.
“Eng drama nge I chan hi?”
“Eng drama nge ka chan a..??”
“Isabella..”
“Chris..”
“Duhtawk teh..”
“Eng chu nge ka duhtawk dawn??” a kut a pharchhuak hliai a, a tawng leh hmain ka lamah ka pawt hnai lawp a, a hmui ah chuan duhthawh zetin ka fawp a.. Min chhanglet lo.. Min hnial hauh lo bawk.. A kawngah kuahin a nghawng ah ka fawp thla zai zai a, a chesawn eih lo..
.
“Chris..”
“Umm..engahmah min ngai lo angin awm tawh suh..” a nghawng ah ka hmai ka phum vang vang a.. A ngai reng a la ni.. Ka duhtak Isabella kha a la ni reng.. A rim zawng zawng te.. Ruih theih hial tur khawp a rimtui..
.
A kut pahnih in ka nghawng hnunglam ah min vuan a, ka chetdan min chhanglet ve ni a ka hriat  vang chuan ka rilru a lo hlim hmanhmawh bawk..
.
“Hmeichhia I duh tak tak loh hi engvang a hnaih fo nge I nih??” a aw chu a vawt raih a, min vawnna erawh a thlah lo.. Ka hawichhuah chuan ka mit ah min en kal a.
“Ka zawhna che chu min chhang rawh.. I duh tak tak loh hi engvangin nge infiam nan I hman thin..”
.
A zawhna min zawh chuan min ti hamhaih letling.. A hmel chu a tak ran a..
“Ka hre lo..ni lo….”
“Chu chu a ni mak ka tih chu.. A chiang e…Ka hnaih leh tawh ngai lovang che..”
.
Tunah hian engkim ka sawi ang.. A laka ka awmdan zawng zawng te kha pawi ka tih thu leh ka hmangaih thu hi tunah ka sawi ang… Eng thu nge ka ngaihtuah hi.. Hmangaihna maw..??
.
Min vawnna chu a thlah a, chak zetin a kalsawn nghal a.. Chet nachang ka hre lo.. Isabella hi ka hmangaih…ka hmeichhe hmangaih chu a ni.. Hmeichhe dang lakah abula ka awm ang hian ka awm ngai lova, thikthu ka nei ngai hek lo.. Ahma khan engvang a hrethiam lo nge ka nih…??
.
Inchhung ka luh leh chuan Sophia nen an lo thu dun a, a hmel landan a dang leh daih tawh.. Hlim hmel zetin an nui a, ka bulah ni lo..a thiantha ber pawh nise, midang bula hlim taka a nui ka hmuh chuan ka thik tho nia.. Eng ang mipa nge maw ka nih le..???

.
.
UNKNOWN’S POV**[RAYMOND*]
.
Karhnih chhung chu Bella ka hmu tawh lo.. A tir a ka duhthusam angin Evans a thlah tawh a, tunah chuan ka chetchhuah a hun ta hle mai..
.
Hman zan Bar a ka ruahmanna hlawhchham vang khan ka thinrim a, mahse dawhthei taka nghakin ka bei leh tho ang.. Ka hmeichhe duhtak nei tur hian engmah in min dal thei lo..
.
Bar ah a kal dawn tih ka hriat rualin ka zui ru nghal a, a intur ah damdawi tel turin pawisa tlem ka seng bawk.. Ka hlawhtlin tep tawh laiin kha mihring hnaisai lo Evans kha a rawn lang leh a, a in ah a hruai haw hial a nih kha… Zankhua in thinrim tun in ka awm a, ka thinrimna hrithla turin nawhchizuar chungah ka chet tak nghek kha..
.
Isabella chungchang ah chuan, min duh theih nan ka bei anga, min duh thei ta ngang  lo a nih pawhin vawikhat tal chu ka mutpui tho ang..
.
Tunah hian Sophia chenna hmunah a kal tih ka hria a, zanrei tak thleng a awm dawn lo tih ka hrelawk bawk.. An in bulah chuan ka car ah thuin ka nghak ran a, chhuanlam siam in zanin hian a in ah ka lenglut phawt tur a ni.. A bak chu a tlachawp zelin a thleng ve mai ang.
.
Darkar thum zet ka nghah hnu chuan an in pana car lo kal ka hmu a, ka car chu tinung in min hmuh mai theih loh nan thim chinah ka tlansawn a. Amah Isabella ngei a ni.. Amah chauhin a ni bawk..
.
Inchhung a a lut lai chu ka en reng a, ka nghah leh deuh hnuah ka car atanga chhuakin an in chu ka pan a.
.
Vawithum zet doorBell ka hmeh hnu chuan a rawn inhawng ta hram. Awmhmun thuamhnaw inbelin a hmai ah engmah a hnawih lova, a rimtui chek chek dan atang chuan a inbual zo chiah a nih hmel. A lang tharlam ser a. Min hmuh chuan mak a tih hmel deuh.. A awm ve tho.. Zanrei tawh a tlawh hi ka tifuh kher angem ka hre bik lo..
.
“Hi..helai hnaiah hian ka kal remchang a tlai tawh deuh mahse ka rawn tlawh hram che..” ka nui lui ngial a..
.
“Lo lut rawh..”
Inchhung ah ka zuilut a, a hnunglam a tang chuan a pianphung nalh zet chu ka en reng a.. Thuamhnaw thehlep tak inbel lo mahse a pian nalh zia chu ka hre vek..
.
Rei vak lo ka thut hnuah coffee siam tura choka a a luh chuan ka zui a, choka luhna tur kawngka ah chuan a che vel chu hmuhnawm ti zetin ka thlir reng a.. A awmdan atang hi chuan min rinhlelhna pakhatmah a nei lo tih ka chiang.. Engvang in nge min rinhlelh ngawt ang..? Kei hi awlsam taka manchhuah theih tur mi mawl ka ni hleinem…
.
.
NOTE – **Dawhthei takin min lo nghak hram hram ula CHAPTER – 14 hi 5th August ah rawn update leh ka tum ang. Min lo chhiarsak thin vangin ka lawm em em e. Advertisement click theihnghilh lo hram hram ang aw..**Tlachawp a ziah zel a nih vang hian type chhung a rei ve zek a, thilthleng tur rilru a rawn lang chawp a ni thin bawk nen, tuna mi pawh hi a la khu vat vat..Sa tha ver vawr tak a ni..
Ka thawnthu ziah te hi kei leh webmaster hriatpuina tel lova post chhawn phal a ni lova, Whatsapp lam a post duh tan Share on Whatsapp ah khan share mai tur a  ni e.
DOLCEZZA – 14
BY. THANTEI_PAUTU aka Laura_Sean_Virgo
DOLCEZZA [Honey]
CHAPTER – 14
.
ISABELLA’S POV**
.
Coffee in tura ka siam zawh chuan coffee no kengin choka ka chhuahsan a, Raymond chuan bang a kan thlalak tar ho chu uluk zet hian a lo en kual vung vung a. A nungchang hi tunhma kan inkawm thin lai nen khan a danglam ta deuh chuan ka hria. Mahse min lo tanpui tawh thintu a nih vangin ka la ngaina reng a, a bula thusawi pawh a la nuam reng tho.
.
“Engtik nge nupui neih I tum ve dawn le?”
Sofa ah thuin coffee kan in a, ka zawhna vang chuan a nui sak a..
“Ka hmanhmawh hran lo.. Ka neih tur ber hi a la inpeih chiah lo in ka hria a..”
“Oh..tunge a nih min hrilh thei angem..?? High school kan kal lai zawng zawng pawh khan hmeichhia I kawp awm ka hre ngai miah lo a.. ”
.
“Ni lo.. tunah chuan thuruk a la ni rih a..” a hmel lai deuh chu ka en reng a, kum heti zat hnuah pawh a la zakzum reng a nih hmel khawp mai.. “A nih chuan nang ve thung.. Evans nen khan in inkawp ni khan ka lo hria a..”
.
He thil kher chu sawichhuak lo se ka va ti em..
“Ah..nia..a dik alawm.. Mahse, I hriat kha..inngaihzawnna thil hi chu buai neuh neuh hi a awm ve duh thin a..”
“Ka hrethiam e..”
.
Minute 10 vel a thut leh hnu chuan min hawsan a, karleh lamah dinner eidun tura min sawmna pawh ka pawmsak a. Ka en vang vang khan khawhar rukna a nei niin ka hria. Zawhna min zawh erawh a nihna ang thlap thlap a chhan kilh kelh a tul ka ti lo. Tu lakah pawh nise inven chin neih hi chu a pawi lo an tih thin kha maw..
.
Amineth Corporation ah ka hun tam zawk ka hmang a, ka thiante hmuhna tur hunawl pawh ka nei thei meuh lo. Ka patea kaihhruaina hnuai ah ka hriat tur tul ang tam zawk chu ka zir chho ve zel a, a tulna in min nan tawh chuan a lo tui theih viau tho mai.. Bakah ka nu leh pa te hnathawh chhawmnun zelna a nih bawk vangin ka rilru takin theihtawp chhuah ka tum lehzual hle bawk..
.
Chris nen kan inhmu ngai lova, ka tan chuan thiltha tak a ni.
.
Boston Children’s Hospital panin ka kal a, ka buai viau nain  Hospital tlawh tur hian  hun ka insiam lui hram hram a ni.
.
Anna ka hmuh chuan tap lo turin ka insum tang tang a. A dinhmun a hniam tawh em em a, hetia en mai pawh hian reitak daih tur hmel a pu tawh lo.
A mutna khum bul a chair ah chuan thuin a kut cher thiak mai chu ka vuan a..
.
“BooBoo..ka thih hunah anu hi lo tlawh thin ang che aw..”
“Anna..chutiang an sawi ngai hleinem..”
“Ni lo..reilote chiah ka dam tawh dawn a, ka kalbo hun chuan anu hi a tap fo dawn tih ka hria a ni.. Keimah vanga tap turin ka duh lo..”
Anu chu insum zo lovin a tap tlawk tlawk a. Anna hmel chu ka en a, amah enkawl nana damdawi an hman chi hrang hrang te vang leh a taksa mamawh tawk eitur a ei theih tawh loh vangin a cher em em a, a mitkhur a tla dak bawk a. A vun a dang lep bawk. A tuar hi a na em a, chawl tawh mai se a tan pawh a hahdam zawk ang.
.
“Hetah hi chuan na tak tak ka tuar reng a, van ah chuan na ka tuar tawh dawn lo tih Doctor khan min hrilh a..” a thaw kak kak a, a tan tawng pawh a harsa tawh hle..
.
“Nia..na I tuar tawh lovang.. I nu hi rawn ngaihtuah hah lo la, chak takin a awm dawn tih ka hria a ni.. Van a I awm hun chuan ka nu leh pa te I han hmu ngei anga ka that thu I han hrilh dawn nia…” thei leh thei lovin a nui sak a..
.
Cabin atanga ka chhuah chuan ka thaw a pik hluah hluah.. He khawvel ah hian mihring tam tak kan cheng a, kan tana tha turin Pathian in ro min relsak zel thin tiin kan sawi fova, mahse engemaw chang chuan he khawvel hi a fair thlawt lo.. Naupang te, hma hun eng tak nei thei tur khan Cancer vangin hma takah khawvel hi a chhuahsan dawn chu a nia.. Anu dinhmun tur ka ngaihtuah a, a fanu tel lova khawvel hman a hreawm dan tur te.. Thihna a lo awm kher kher hi ka haw takzet.. Nunna chhanhim tura tihtheih engmah ka nei si lo..
.
Elevator ah keimah chauh a chuangin bang vawt thlur chu ka chal in ka si vang vang a..
Elevator atanga ka chhuah hnu chuan hmundang a kalna tur ka neih tawh lem loh vangin ka nu leh pa thlan panin motor ka khalh a, tunkar chhunga ka vawikhat tlawhna tur chauh a ni.. Ka nu chuan min lo ngai leh tawh ngei ang..
Pangpar dawr ah pengin Lilacs par nalh zet ka lei a, thlan ka thlen chuan khua a tlai tawh hle..
.
Minute 20 dawn thlan a ka thut hnu chuan ka car dahna lampanin ka kal a..
.
“Tunang tlai tawh a mahni chauh a helai hmun a kal hi a him ber lo a nia..”
.
Ka hnungah Chris lo kal chu en pawh ka en lo..
“Lo buai duh suh.. Engmah a thleng lovang..”
.
“Isabella..biak che ka duh..”
“Duh ve lo ta ila..”
.
Chak zetin min rawn kalpel a, ka kalna turah a ding chat a..
.
“Min en teh..”
Engvang in nge ka en kher ang..?? Ka kun lui tlat a…
.
“I diary kha I chhiar em?”
“Engahmah min ngai si lo hian engatinge min tihbuai tlat a..”
“I ngaihdan a dik tawk lo a nih chu.. Engemaw hrilh che ka duh..”
“Ka hrechak lo ni mai rawh se..”
.
Ka hma a a ding chu ka kalpel lui a, min rawn umzui lo se ka duh takzet.. Ni lo..ka hre lo.. Ka bula awm turin ka duh a, mahse a theih loh.. Atan hian engmah ka ni lo tih ka hriat reng a ngai.. Engvanga min rawn hmu nge a nih ang..? Ka hrechak lo tiin ka sawi na a, min rawn hmuh chhan chu ka hre chak zek zek.. Mahse awlsam taka hneh theih ka ni lo tih ka tihlan a ngai si a ni…
.
Ka car a ka luh hnu chuan ka enlet zauh a, a dinna ngaiah a la ding reng.. Ka awmna lam arawn hawi miah lo bawk.. Ka car tinung in ka tlanchhuak nghal a.. Thui fe ka tlan thleng pawhin ka lungphu a la mumal lo…
.
.
Raymond nen kan inhmu zing ta viau a, tunhma a kan inkawmhngeih ang chiah khan kan inkawmngeih leh ta bawk..
.
A hmeichhe ngaihzawn chungchang a sawi ve ta fo a, a sawi hmang chuan kan inan hmel khawp mai. Amah min hmuhtir tura ka ngen a piangin chhuanlam a la siam ziah a, engtik ah emaw chuan ka la hmu ve ngei ang chu..
.
.
CHRIS POV**
.
Children’s Hospital ah hunbi neiin a kal thin tih ka hria a, a kal ni apiangin ka kal ve ziah a, amah pawh lo tur in ka la inthunun thei hram hram a ni. Mahse chiang taka ka hriat chu reitak ka inthunun thei dawn lo..
.
Kar liamta chhung khan Raymond nen an inhmu fova, Raymond hi ka mi rin zawng a ni lo tih kha ka sawi lang tawhin ka hria.. A mitmeng atang hian thuk taka sualna neiin ka hmu tlat a ni.. Ka bula a awm hian a mizia a danglam bawk. Ahma a tang khan a ni tawh..
.
Isabella nu boral chungchang a police hnathawh dan ka ngaihven reng a, rinhlelh an neih te pawh ka hria. Chak zawka hna an thawh theih nan ka theihtawp in ka pui bawk ang. Isabella hriat erawh tul ka ti lo.
.
Thlanmual lam pana motor a khalh chhuah chuan ka zui a, ralkhat atangin ka en reng a.. Kan inhmuh hnuhnun ber atang khan a nungchang ah thil vei nei awmin a awm ngai lova, min ngaihven zui miah lovin a lang bawk.. Chu tak chu ka tuar thei loh chu a ni.. Ka duh ang leh ka ngaihven ang hian min ngaihven se ka duh a, Sophia hnen a a chanchin ka zawh khan a luhlul zia leh a duh loh chuan engahmah tihluih a theih ngai loh thu min hrilh a nih kha. Hmeichhia awlsam taka neih theih loh hi ka la buaipui ngai lova, ka tum ngai hek lo.. Ka awmdan hi ka hrethiam bik lova, engtin nge Isabella rilru hi ka hneh ang tih pawh ka la hre chuang lo fo..
.
Kan inhmuh hnuhnun ber tum khan vawikhatmah min hnaih tawh loh tur thu kha a sawi a, tuna a landan ang hi chuan a thei ngei ang.. Chu thil chu kei hian thlentir ka duh hauh lo thung..
.
Min kalsan hnu chuan ka din ngaiin ka ding reng a..
.
NIHNIH HNUAH**
.
Zanin hian Boston Children’s Hospital pual a charity party ah Isabella a kal ve ngeiin ka ring a, keipawh min rawn sawmna ti hlawhtlingin ka kal ang. Isabella awlsam taka ka hmuh theihna tur a nih chuan khawi hmunah pawh ka kal mai ang chu..
.
Zan dar 9 a rik chuan Charity party a kal turin muangchang in motor ka khalhchhuak a, a hmun ka thlen hnu rei vak lo ah Isabella pawh a rawn thleng a. Kawrfual dum a hak chu a inhmeh takzet. A hnunga lo kal ve ka hmuh chuan ka thinrim nghal teuh a.. Raymond bawk…
.
Min rawn hmuh hmain ka kalsawn a, intur an sem chu lain vawikhat ah ka in nghal pawp a..
.
Kan thutna tura an ruat ah theuh kan thut hnu chuan programme tan a ni a, dawhsan light ti thimin hming an lam a, dawhsan ah chuan nula nalh zet a rawn chhuak a, a chhang huai berin zanin ah a date dawn ni awm tak a ni.. Nula 10 te an rawn chhuah chuan sum a tlingkhawm chak khawp ang. Rem an hre hle mai..
.
Ka ngaihven zawng a nih loh vangin ka hawisawn leh mai a. Hmelhriat sa pawh ni lo date ai chuan tanpuina tur sum pek tawp ka duh zawk..
.
“No. 7..Isabella Francesca McQueen”
.
Isabella maw..??? Ka hawichhuak a, dawhsan a light an focus ah chuan Isabella arawn kal chhuak a. Ka hawisawn tawh lo hrim hrim.. Helai hmun a rawn luh tirha a thawmhnaw hak kha thlakin gold rawng kawr, a taksa rem zaih a khup chen lek a ha a, a bawp nalh zet chu a langchiang khawp mai. A nui sang a, a inringtawk takzet bawk. A pheikhawk bun sang zet leh a kerek no zet te, ka duhaiin a kawrhak nghawng chu a zau bawk… Sang tak tak a chhangtu mipa ho chu ka en a, eng a thim deuh vangin an hmel ka hmuchiang thei lo.. Ka hmel chu min hmu se an chhang buai hauh lovang… Tuman min chuhpui a thiang lo bawk.
.
“15 thousand”[sing]
“25 thousand”
“1 Lakh”[Nuai[h]]
.
Enge maw an hriat hlawm le.. An ri mur mur a..
.
“1 million”[Maktaduai]
.
Thawm a reh duk a..
.
“Aw le, zanin atana chhanna sang ber a ni.. 1 Million a chhang tu kha lo chhuak se la.. A va lawmawm em..”
Kut an beng dur dur a, dawhsan ah chuan muangchangin ka chho a, ka hmel a hmuh rualin Isabella nui hmel chu a reh riai riai a..
.
“Ohhh… Mr.Evans.. Isabella hi zanin atan I ta a ni e..”
.
Isabella bulah chuan dingin a kawngah ka kuah a.. Mipui hmuh tura nui luiin a rawn phun hlak a..
.
“Eng thil nge ti a I inhriat….”
Chhang lovin ka nui ringawt a.. A inrin hmain ka chawikang a, dawhsan atang chuan ka kalsawn pui a.. Back stage kan thlen rualin a tal phat a, zawimuangin ka nghat a..
.
“Engtin nge I tih theih..?” thinrim meng ling hlar in min en a, a landan duhawm zet chu ka lo en reng thung a..
“Enge ka tih..”
“Ohh..ka awih thei lo.. Engtin  nge ka tan 1 million I hman theih??? A lutuk mah mah a ni..”
“I tan ka hmang hleinem.. Naupang tanpui ngaite tan a lawm ka hman”
.
“Ka awih thei lo.. Ka date chuang lo ang che..”
.
“Han tumchhin la..”
Chiang zetin ka en a, ka tihtak zia a hmuh chuan a thaw halh a..
“Nge, ka bula hun hman ai chuan mipa dang bula hman I chak zawk a mi..??”
“Oh..ngawi mai teh...” a ti hlak a..
.
Party na hmun kan chhuahsan dawn chuan a ding dat a..
“Raymond kha ka va thlah lawk ang..”
Inher in inchhung lam pan leh a tum a, a kalsawn hmain a banah ka vuan a, pawnlam ka panpui nghal a.. Ka hmuhlai hian Raymond bulah a awm tawh tur a ni lo.. Ka hmuh loh laia a awm pawh ka remti chuang lo..
.
“Min thlah rawh, keimahin ka kal thei..”
“Ke a I kal peih loh pawhin ka pawm thei tho che a”
.
“I ti mah mah a ni..”
.
A banrek ka thlah chuan a tuai vat vat a, ka lo vuan na deuh pawh a ni maithei..
.
“Khawi maw, ka lo en ang..”
“Ngai lo..”
Naupang titau ang maiin a hawisawn a, a kawngah kuahin ka car dahna lamah ka kalpui a.. Ka bulhnai a awm ringawt pawh hian mak takin nuam ka ti veng veng.. A duh emaw, duh lo emaw..Tun atang chuan ka bulah a awm zel tawh ang..
.
Motor a kan chuan hnu chuan kan ngawi reng a, keipawh motor ka khalh vangin kawng ka en a ngai a, bakah sawi mai tur ka haihchham ve tho mai...
.
“Khawnge min hruai dawn..?? Captain..”
Khawpui chhung kan pelh fe hnu chuan a rawn tawng ta hram.. Min koh dan chu hrechhuak in a tawng tawp lam chu a riat nawi vel mai mai a.. Ka lo nui hawk thung.. Heihi a danglamna chu a  ni.. Ka duh emaw duh lo emaw.. a bula ka awm chuan thinlung takin ka nui  ngei ngei thin..
.
“Khawilai hmunah emaw hmangaihna kan chendun ang chu..”
.
Ka chhan dan avang chuan a ang pham a… Mitmeng alh phat in min rawn melh hrawk a..
“Uchuak lutuk..” tiin a phun zui hlak a..
.
“Kan thleng tep a, I thuamhnaw kha lo phelh lawk la.. I thuamhnaw phelh turin hun ka nei dawn hauh lo a nia..”
.
“Duhtawk teh…”
.
Motor chu tiding in a mit ah ka en a, min enlet ve kal bawk a..
“Engvang nge..?? Engvang a ka bula awm duh lo nge I nih..??”
“Engtin nge min zawh ngam zawk..?”
“Mipa dang bulah pawh I awm thei thova..”
“I lo buai ve na tur pawh a nih loh chu..” min hnehsawh zetin a nui hak a..
.
“Isabella..”
Ka tawngdan atang chuan ka serious hle tih hrethiam niawm takin min en a..
.
“Ka tihpalh.. Khami ni a ka tawngkhum dan che avang khan ka tihpalh..”
.
“A tha alawm.. Rilru a awm hi thup reng lova sawichhuah hian thil a nih dan tur ang angin a kal vat theih phah a.. A tha lutuk..”
.
A tawngkam chuan awmzia pahnih a nei tih ka hria…
.
“Ka sawitum hi..”
“Nia, ka hria a lawm.. I tawngkam vang khan hreawm ka tih I lo ring ange.. Ka tan engmah a ni lo..”
“I hrethiam lo niin ka hria..”
.
“Hriatthiam loh tur a awm hleinem.. Hmeichhia a mit a en chunga mutpui I duh loh thu sawi chu a lo ngaithla tu tan a chiang duh fawk fawk khawp a sin.. Kei lah kha ka lo inpeih hmanhmawh bawk a…” a nui zui hak a.. A awmdan chu ka beisei lawk ang a ni hauh lo.. min ti hamhaih bawk.. “A hunlai tak kha chuan ka zak khawp mai... Mahse tunah chuan engkim a danglam tawh alawm..” sawitur ka hre ta hauh lo mai.. He hmeichhia hi engtia han tih chi nge ni dawn le…?
.
“Chuan…car chhungah hian zankhua in kan thu dawn tihna a ni em?” a ti sap a..
.
A thusawi vang chuan ka ngaihtuahna atangin ka harhchhuak ta chauh a..
.
“Kal chhuak ang le..”
Ka thusawi zawmin car atang chuan a chhuak ve mai a, kawng peng ah kalin minute 5 vel kan kal hnuah ka hruaina tur hmun chu kan thleng a…
.
 Light house atanga eng rawn chhuak chuan kan awmna bul chu a en pha chang chang a, tuipui zau tak chungah chuan Thla a lang kulh bawk. Hman atang tawhin helai hmun hi hmun nuam tak leh mit ti tlai tak a ni.. Tun chauh lo pawh hi keimah chauhin vawi tamtak ka tlawh tawh thin.
.
Isabella chu tuipui cham put mai en reng chung chuan a thaw hak a, hmuhfiah loh hlau niawm takin a mit a khap sak sak bawk. A hmel landan atang in a thil hmuh chuan a hip hle tih awlsam takin a hriat theih.. Hei vang hian alawm helai hmunah hian ka hruai ni.. Mipui awmkhawmna leh rik hut hut na ai chuan tuna kan awmna hmun hi a ngaina zawk daih tih ka hrechiang a ni…
.
.
ISABELLA’S POV**
.
Kan hma a tuipui pawlduk ruih cham put leh thla eng te, light house atanga eng rawn chhuak in a chhun tlet suar suar te.. Engkim chuan min hip vek.. Ka ngaihtuahna danglam tur chu duh lovin ka lu ka thing a..
.
Helai hmunah hian Max vanga na lutuk a ka awmlai khan ka kal thin.. Tunhnu ah hian kal leh chakna ka nei ngai ta miah lova, engtin nge Chris hian helai hmun hi a hriat ve ka hre lo.. ‘DAMNA HMUN’ tiin a hming ka vuah hial a nih kha..
.
Hun liam tawh ngaihtuahin tuipui chu ka pan zel a, a hmasa ber ah chuan ka nu leh pa te nen kan kal thinna a ni phawt a, a hnuah keimahin ka kal leh a, tunah ka hriatlawk hauh lohvin, hunrei tak hnuah ka kal leh ta a nih hi.. Ka mipa hmangaih nen kan ni bawk..
.
Ka ke in tuipui tuivawt tak a deh rual chuan ka harh huai a, ke hmawr ringawt huh chu ka duhtawk hauh lo mai.. Tui chu ka dai zel a, Chris chuan min lo zui nge zui lo pawh ka ngaihtuah tawh lo.. Ka kawng thleng ka dai chuan van lamah dakin ka mit ka chhing vang vang a..
.
‘A dik ngei e.. Helai hmun hi chu DAMNA HMUN  a lo ni ngei a ni.. Tui te hian phurrit ka neih te hi tlengfai vek rawh se’ tiin ka phun sep sep a. Ka ban ka phar bawk a..
.
“Isabella..lo let rawh..” Chris au ri ka hriat chuan ka hawilet a, ka awmna lam panin a rawn tlan phei a, a hmanhmawh hmel viau lehnghal..
.
Ka hawilet leh rual chuan tuipui fawn nasa zetin ka awmna a rawn hnaih hle tawh tih chu ka hmu ve chauh a. Hmanhmawh zet a inher in Chris rawn kalna lam chu ka pan a, tui chu a vawt deuh tawh bawk nen ka che chak hleithei lo..
.
Ka kawnga min rawn kuah rual deuhthaw in  tuifawn chuan min rawn khuh hlup a, ka lo inringlawk hman lo nen tui chu ka hak bawrh bawrh a..
.
“I tha em??”
“Aw..tha e..” tuipui fawn ri hlup hlup avang chuan kan tawngring hle.. Chris nghawng ah ka ban pahnih in ka kuah a, ka kawngah nghet zetin min la kuah ta reng a..
.
“Kan huh vek a nia..” a tawngring tawh lo..
.
“Ka hria alawm..” Chris hmel chu ka en a, ka nuih a za thut.. Engmah ngaihtuah lovin ka nui a, kan awmdan chuan ka nuih a tiza bawk.. Tun tum hi chu ka nui tak tak a ni.. Nui ve suk in min kuahna chu a tinghet a..
.
Min rawn en chhuk in a hmel chu a tak run a, a mithmul atang chuan tui a rawn far a, a sam huh vek chu tuai thur sakin ka la nui ta reng a..
 Ka thiltih ka hriatchhuah chuan ka kut la thla vatin min kuahna chu a phelh theih nan a ban ah ka vuan a, mahse min thlah tum hmel a pu lo nasa..
.
“I nalh lutuk..” a phun sup a, a sam atanga tui far in ka hnar a rawn far kauh chu a fawp zauh a.. “Khatiang khan nui fo ang che..” ka chal ah min fawp leh a..
.
“Chris.. I tih kher a ngai lo a nia..” ka tawng ri tha thei lo chu ka va haw em.. Heivang hian alawm a bulhnai a awm ka duh loh.. Reitak hnar thei turin chakna ka nei lo..
.
A kut lian zet chuan ka biangah min vuan a, min kuai dakin ka mit ah min en a..
.
“Ka hmangaih che..Dolcezza” a tawng zawi khawp mai..mahse a fiah em em thung..
.
.
.
NOTE – DOLCEZZA tih hi Italian word a ni a, Honey tihna a ni e.. Naktuk hian hun neihdan a zirin update tum ta ila… Update theih dawn tak loh chuan comment lamah kan inhriattir dawn nia.. Advertisement click thahnemngai zual sauh sauh ang aw..
Ka thawnthu ziah te hi kei leh webmaster hriatpuina tel lova post chhawn phal a ni lova, Whatsapp lam a post duh tan Share on Whatsapp ah khan share mai tur a  ni e.
DOLCEZZA – 15
BY. THANTEI_PAUTU aka Laura_Sean_Virgo
DOLCEZZA [Honey]
CHAPTER – 15
.
CHRIS POV**
.
Chik zetin min en a, ka thusawi chu ka sawi sual emaw ka inti hman hial.. Hawisawn hlekin a inlak hran a tum a, mahse ka kaltir tawh dawn lo.. Engvang mahin ka lak atang hian a kalbo tawh lovang..
.
“Ni lo.. Chris..”
“Engvangin??? Khang thil I lo tih tawh kha chu a liam vek tawh..”
Min en ha a..
“ Eng thil nge ka tih..??”
Sawichhuah hun lovah ka sawichhuak leh ta..
“I diary a I thu ziah kha.. I ruahman lawk a ni reng em?” Engvangin nge ka zawh leh kher… He hmeichhia vang hian ka thiltih ngai miah loh hi vawi engzat nge ka tih dawn le..? Ka hriatsa reng thilah pawh a insawifiah na tur ka la siamsak hram chu a nia.. Eng thil nge ka chungah hian thleng ka hre lo. He hmeichhia hian min dawi a ta a ni ngei ang..
“Enge ka ziah..??”
“I hre tawh lo maw..? Engkim ruahman lawk vek a nih thu kha I hre tawh lo maw..” a hmel ka en chuan ka thusawi awmzia a hre lo tak tak a nih hmel tlat.. Nge a lemchan a chhunzawm..?? Nichin mai khan min kuah chungin hlim takin a nui a, a mitmeng nung sar atang khan lemchang mai chu a ni thei lo.. Tunah pawh a awmdan atang hian lemchang mai chu a ni thei lo hulhual… Ka kuahna chu ka thlahdul hlek a.
.
“Eng..Diary ah te chuan ka nitin hun hman dan leh ka mimal thil pawimawh bak enge ka ziah vak ang.. Ka.. I thusawi awmzia chu ka hre miah lo..”
.
“I tumlawk vang leh I ruahmanna vanga min hnaih I ni em..??”
.
“Eng thu nge maw I sawi le..?? Haw a hunin ka hria.. Kan in date theih hun chhung chu tihian zo rawh se..” a ti chang rat a..
.
Ka kuahna chu ka thlah theih nan ka ban ah min vuan a, ka lak atanga kalsawn duh hluah hluah hmel a pu bawk..
Ka kuahna ka thlah rualin vaukam lam panin a kal nghal a.. Zanin hun hi hetiang mai a awlsam hian engmah lovah ka chhuah tur a ni lo..
.
“I lo ruahman lawk a nih pawhin sawi mai a harsa hleinem..” mipa chu ka ni ve si a maw…? Tunang renga tlawm hian hmeichhe lakah ka la awm ngai lo.. Teuh lo mai.. Ngaihtuah pawh ka la ngaihtuah chhin ngai lo..
.
Tuifawn ri avangin ka tawng zawi hran lo, a hre pha ngei ang.. A ding dat a, rawn hawilet lovin a kal lehnghal a.. Hmeichhe luhlul tak chu I va ni chiang em..
.
“Isabella…” a la ding duh chuang lo.. “Isabella..ding rawh..”
.
Ka lam hawiin a rawn inher a, ani pawh a tawng zawi bik chuang lo, thinrim tih hriat takin a rawn tawng a.. Tuipui fawn ri nen a aw chu hriat a harsa khawp mai..
“Eng ang ruahmanna nge I sawi chu ka hre lo.. Hriat pawh ka duh lo.. A tir atang khan natna chiah min thlen dawn tih chu hria ila… he thil hi lo hria ni ila ka hnaih hauh lo ang che…” a ban a vai zauh a… “Khami ni..khami ni a ka bula I thusawi vang khan..enge ka sawinawn kher ang..? Hmeichhe nalh tak tak tamtak an awm alawm.. I duh duh kawp rawh…. Ka hua che…”
.
Light House atanga eng rawn chhuak in a chhun chuan a hmel ka hmuchiang thei chauh. A pangai lo tih ka hria… Rilru na hmel a ni.. Min rawn en tawh lova inher in vaukam lam panin a kal leh a.
.
A lam panin chak zetin ka kal a, abul ka thlen rualin  a banrek ah ka man a ka lamah ka pawthnai a. A theihtawp in min sual let ve bawk..
.
“Nang hian min haw lo..” a biang tawn tawn ah ka vuan a, min en duh miah lo.. Min nam sawn tumin ka awm ah min nem a..
.
“Ka hua che…. I ti mah mah tawh a ni…Tihnat a awm ka duh tawh lo..” min nem tawh lovin a kut nalh zet chu ka awm ah a nghat a.. “Natna dang tuar belh turin ka chak tawk lo.. Ka..” a hmui ah ka fawp nawk nawk a, a inla hrang vat a “He thil hi ti tawh suh.. Khawngaihin…”
.
A aw a lawi rat a, hmui a pet zauh a.. A mittui a tla bawk.. A tap maw..? Anu an vui ni a a tap bak kha Isabella tap lai hi ka hmu hauh lova, hmeichhe chak tak a ni tih ka hria.. Keimah vanga a tah ka phal hauh lo bawk… Mahse tunah hian keimah vangin a tap ngei chu a nih si hi…
.
“Aw Lalpa..” Thaw hawk in a hmui ah ka fawp leh a min chhanglet lo.. A mittui tla chu hruk tumin a kut a lek kang a, a kut chu ka lo vuan vat a..
“Ka tihpalh.. Nang hnaih lo tur che hian ka inthunun thei tawh lo..” a hmel chiang taka ka hmuh theih nan a tukhum ah ka vuan a, a biang a a mittui luang chu ka fawp a.. “Ka hmangaih che..Isabella..”
.
“Mahse..”
“Mahse a awm lovang.. Ka hmangaih che..” nghet zetin ka kuah a, ka awm ah a bei thlar a. A rilru a buai ang tih ka hria. A ban pahnih la kang in ka kawngah ka inkuah tir a.. “Khawngaihin min kuah rawh…”
.
A khur dar dar a, kan huh vek vangin vawt a ti ngei ang. Ka kuahna chu thlahin a kut ah ka kai a, motor awmna lam ka panpui a.
.
Car chhung a kan awm hnu pawh chuan a la ngawi reng.. Engemaw tak chu a ngaihtuah ngei ang..
.
“Anih chuan…”
“Enge…” kan tawngrual vang chuan kan ngawi lehrih a..
.
“Sawi hmasa rawh” a hmel chu ka en reng a..
“Diary ah chuan enge inziak..??”
“I diary a nia, I hria ang chu…”
“Chris…. Nia, ka diary chu a ni ngei a, mahse a bo daih a ni.. Khawiah nge ka tihbo ka hre lo.. Thil pawimawh chhinchhiah ka neih vangin hnathawhna ah ka keng zauh zauh a…”
A hmel atang chuan dawt a sawi lo tih ka hrechiang.. A hma te khan tuna ka chik ang hian chik nachang lo hria ila buaina tam zawk kha kan pumpelh thei ngei ang. Ka thinrim vangin engmah ka ngaihtuah chiang lova.. Tunhnu ah chuan khatiang thil kha a thleng leh tawh tur a ni lo..
.
“Kan inhmuh hmasak ber tum a thilthleng te kha ruahman lawk vek angin a inziak a..”
“Maw..?? Chu chu engtin nge min hrilh loh theih zawk..”
“Chu chu ka tihsual a ni reng a ni..”
“Engtin nge I kawl theih hrim hrim?”
“New York ka awm lai khan mi tuemaw in min rawn thawn a ni.. Nangma min rawn thawn a nih ka ring a..”
Min chhang lovin a ngawi ta vang vang a..
.
“Ngaihdan ka nei miah lo..”
“Eng chungchang ah..”
“Tunge ka hriat loh a ka diary la duh tur…. Ngaihdan ka nei miah lo..” a lu a thing mat mat a..
.
“Diary chungchang chu duhtawk ila, ka in ah kal phawt teh ang”
“I in ah enge ka tih ve anga..”
A tawng chu chhang lovin motor ka tinung a, muangchangin kan tlanchhuak nghal a..
.
Tunah chuan ka buaina lian ber a fel ta a, rilru buai a mut that theih loh chhan tur ka nei tawh lo.. Diary chungchang leh thlalak ka dawn chungchang kha chu awlsam taka chinfel mai theih a nih ka ring..
.
Car seat ngheng a thu Isabella chu melh in ka nui sak a..
.
.
ISABELLA’S POV**
.
Ka laka a awmdan leh a tawngkam te chu rinhlelh rual lohin a tak a, ka ring mai lo thei lo. Nia, ka rilru chhungril ah chuan hlauhthawnna chu a la awm tho.. Tuna ka laka a awmdan hi a ti tak tak lo a nih chuan.. Hmeichhe dang lo kawp reng tase…?? Ka rilru chu a buai tho mai…
.
Motor khalh pah chuan a kut lehlam in ka kut arawn hmer vang vang a..
.
“A tha lo zawngin engmah ngaihtuah suh..”
Ka ngaihtuahna hria niawm takin… A nui suk a.. A hmel tha zet chu ka en a.. Nia, hlauhthawn tur ka zawn reng chuan ka hmu reng ang chu.. A taka rinhlelh tur ka hmu a ni loh chuan lo ngaihtuah buai vak hian awmzia anei lo tak alawm..
Hnehsawh zeta motor a khalh chu ka la en reng a, tuna ka kut vuan tu hian min hmangaih thu min hrilh kha a nia.. Ahma a natna min tawrhtir kha chu lo dahtha ta ila… Enge ka ngaihtuah hi…?? A bula ka awm rual rual in rilru natna ka lo tuar tawh kha ka theihnghilh nghal mai a maw.. Ka nui hak a.. Zep buai pawh a ngai lo, a ban sexy zeta min kuah tawh chuan phat rual lohin ka thla a muang ziah a lawm le…
.
“Enge..??” min rawn en chuang lovin hmalam a en ngur a..
“Ka hre lo..”
.
A in kan thlen chuan inchhung ah lut nghalin kan inhru hul a, a kawr ka hak tura min pek chuan ngawireng in ka la a, ka ngaihtuahna a thilawm chu ka ngawih bo pui thei lo..
.
“He kawr hi hmeichhe dangin an ha tawh em??”
Ka zawhna vang chuan phawk zetin min en a, a rilru tur awmang ang ka hre thei lo. Min chhang mai lovin min rawn panhnai a ka biangah a kut nalh thlurh chuan min vuan a..
“Hmeichhe dang tih leh tih loh ngaihtuah buai suh.. Ka tan chuan hmeichhe diktak pakhat chauh a awm.. Chu chu nangmah hi I ni..”
.
Ka biangah min fawp zauh a..
“I inthlak vat loh chuan I damlo palh ang..Nge..ka lo inthlakpui dawn che mi..?”
.
“No..”
Nui sakin ka nam sawn a, bathroom ah ka lut nghal a.. Min hmuh tawh loh hnu pawhin ka la nui reng.. Hmeichhe tana thilhlu ber chu mipa in atana hmeichhe diktak awmchhun chu amah chauh a ni tih a hrilh hi a ni dawn lawm ni..?
.
Ka inbual zawh hnu chuan Chris rim ang ka nam cham cham a.. Sawifiah thiam chiah siloh in a nuam veng veng.. Kawr ka hak zawh chuan bathroom atang in ka chhuak a, duh aiin a kawr chu a chhing mah mah deuh a ni. Ka malte a thleng  pha tawk a, kekawr haktur awm se ka duh viau..
.
A room  a ka luh chuan thuamhnaw ha fel vekin khum ah lukham nghengin a lo thu a, a phone a khawih mawlh mawlh a.. A hmel ka hmuh chuan ka zam thar leh hnuhnawh bawk.. Towel in ka sam chu dimte in ka hru a, ka thawm a hriat chuan a rawn hawichhuak vat a, a hmel hmuh a nuam khawp mai..
.
“I inpeih chuan kan mu thei tihna a nia..” a mithmul a tisang zauh a..
“Ka la hman lo..” khum hmawr te ah ka thu a..
.
Khum atang chuan chhukin ka thutna lamah a rawn kal a, engmah sawi lovin min chawikang nawlh a..
“Chris…..Eng thil nge I tih..”
“Zanin chu ka bulah I mu ang..”
.
Dimtein khumah chuan min nghat a, ka bulah a rawn mu ve nghal a. Ka hnaih tawk loh hlau niawm tak hian min kuah hnai sauh sauh bawk..
.
“Hmm..zanin chu ka rim ang I nam a nih hi..” ka hmai ah min fawp dan dan a, a nui suk suk bawk..
.
“Bathroom awm ho kha ka hmang alawm..”
.
A awmdan siamtha  in min enchhuk run a, ka sam a khawih neuh neuh bawk a..
.
“Chuan..motor a I nuih chhan kha I sawi thei tawh em??”
.
Chhang mai lovin ka nui hak hak a, ka nghawng ah a hmai phumin min fawp dan dan a.. Tun anga a awm reng a nih chuan ka duh ngai loh thil kan ti ngei ngei ang.. Ka pasal a la ni lova, duh ve pawh ni ila tunah chuan a la theih loh... Mahse ka thil lo ngaihtuah kha chu ka hrilh ngei a ngai ang chu…
.
“Aa.. I ban sexy zet hi ka ngaihtuah a..” min fawhna chu titawp in mitmeng de sawr sawr in min en a… “ Nghet taka min kuah hian ka thla a muang bawk a..”
.
“Chuan…?”
“I mitmeng te..i hmui te pawh…a vaiin a niang chu..”
.
“Oh..come on…Isabella..engemaw tak chu I nih hi..”a nui hak a, ka bulah chuan mu thla lehin min kuah a, a kut chuan ka mal a chul hauh hauh a..
.
“Ka sam huh chunga ka mut chuan zingah ka khua a sik ngei ngei ang..”
Min kuahna a thlah chuan khum atangin ka tho a, hair dryer awmna a sawi lam chu ka pan a..
Ka thawhsan rual khan a ban a en a, a lu thing in a nui suk a.. Ka hmu tih a inhre kher lovang… Nia, a ni hi chuan engkim a nei alawm.. Rilru tha tak a nei a, hmel , pian, dinhmun sang tak ah a awm bawk. Engpawh chu lo ni sela ka tana pawimawh ber chu amah a nihna chauh hi a ni.. Amah a nih vang hian ka thinlungin ka hmangaih a, abak thildang engmah ka duh lo..
.
Ka sam a ro hnu chuan tim zetin a bulah ka inthawlh leh a, ka mut a chhuak tawh khawp mai..
“Goodnight..Dolcezza” ka hmui ah min fawp zauh a..
“Goodnight..Captain..” A nui hak a..
Kan inkuah chial a, thildang ngaihtuah buai hman miah lovin tui takin ka muhil ta siai siai a.
.
.
Ka muhil ka harh a, ka men chuan tuipui pawl ruih ang mai mitmeng in hnai zetah min lo en reng a. Ka harh tih a hriat rualin “Good morning” a ti sup a...
.
Ka inlet thawk a, puan ka sin tha lehrih a..
“Tho tawh rawh..”
“Dar engzat nge?? A la hma viau lo a mi??”
“Dar 10 a ri dawn..”
.
Ka thuchhuak nghal hlawl a.. A thuamhnaw hak zawng zawng a inthlak vek tawh a, a thawhna a rei tawh tih ka hre mai. Tunhnai ah hian nizan ang reng reng a muttui kha ka la nei ngai lo.. Mumang pawh nei miah lovin ka muhil zankhua thak a ni.. Khum atang chuan ka tho vat a, ka chezia chu kut kuangkuah meuh a dingin min en reng a
.
“Dar 11 ah Amineth ka thlen a ngai asin..”
“Ka hria alawm. Nichin khan I patea’n rawn biak che a tum a..”
.
“Dar 10 ah inhmuh kan tum alawm..”
Ka patea’n maw..??? Ni lo..ni lo.. Dar 10... A hun taka ka hmuh loh chuan a lungawi hauh lovang.. Mahse tih ngaihna a awm tawh lo..   
.
Phone a ka patea ka biak chuan ka rinlawk ang ngeiin a lawm lo hle. Mahse ka sawimam thei hram. Naktuk ah kan inhmuh theih tho thu a sawi ve tehmial a..
.
Chris nen breakfast kan eizawh chuan Amineth ah min thlah a, tlai lamah dinner kildun leh turin kan inthlah a..
.
.
Karkhat lai a ral leh ta reng mai. Chris nen kan inkar chu a tha tih piahlam a ni rih e. Amineth a ka dinhmun pawh a tha chho viau. Branch thar hawngin ka enkawl dawn a, buai ve tak ka ni.. Tun kartawp chawlh hian khawiah emaw min hruai a duh thu a sawi a, kartawp chawlh a ni bawk a eng thilah nge min hruai dawn ka hre lo nain ka remti a, a tam thei ang ber a bula hun hman ka thlahlel em em ve tho bawk..
.
A tam thei ang ber inhmuh kan duh nain mi hmuh theih turah erawh kan inlan tam lo hle.. Tul ka ti ber lo. Ahma khan boruak kan neih zet hnu reilote ah kan buai ta kha a nia.. Mi sawi sep sep nih hi ka duhzawng a ni ngai lova, a theih hram chuan mi sawi sep sep ni lo tura buaina pumpelh ka tum hram thin..
.
*Café ah ka awm tawh e*
Chris message chu ka thlen tep tawh thuin ka chhang a. Café ka thlen chuan mi an lo tam lem lo a, mak ka ti deuh viau. Nidang ah chuan tunang hunah hian an zi huai huai thin kha a nia.
.
Café atang chuan kan chhuak leh a, Chris chuan ka kut ah min kai tlat bawk. Ka car chu nakin a lak leh mai turin kan hnuchhiah a, khawiah nge kan kal dawn ka zawt miah lo.
.
Building lian zet kawt a kan din hnuah Car atangin kan chhuak a..
 Sizzled Collection maw..?? Designer lar zet Leah kutchhuak te hi ka ngaina a, ka nei ve nual a.. Boston ah hian an rawn hawn tharna a la rei lutuk lo. Hmeichhe tam zawk chuan kan hre vek a, mahse Chris hian helai hmun ah hian engvanga min hruai nge ka la hre chuang lo..
.
“Hetah hian enge kan tih dawn..?”
Ka zui dat dat a, ka kut vuan reng mahse kan pen a in zau hleih em a, ka kalrual pui thei meuh lo a ni e..
“Thuamhnaw kan lei ang..”
“Mahse, enga tan nge..??”
“I la hre thuai ang..”
.
Dawr chhung kan luh chuan hnathawk ho chu an fel em em vek.. Chris an hriat vang nge ka hre lo a, min lo buaipui zung zung a..
.
Thuamhnaw hakchhinna room a ka luh chuan min pui turin hnathawk pakhat a rawn lut ve a, a titi siam siam a.. Ka hakchhin tur a an lo dah hran chu a keng bawr lak a..
“Mr.Evans hian min rawn be lawk vek a, hmeichhe vannei tak I ni..”
.
Chhan vak ngaihna ka hre lo. Ka nuih ringawt a… Titi neuh neuh han sawi mai tur hi ka tlachham ve em a ni e..
Ka hakchhin a piang chu ka chhuahpui a. Mipa lo awm ve pakhat chuan ka hakchhin apiang ka inhmeh thu min hrilh zauh a, nui chungin lawmtu ka hrilh a..
.
“Kha kha ka duh.. Avai khan..” Chris chuan min rawn pana hnathawk ho awm ve reng lai chuan ka hmui ah min fawp zauh a, min rawn hmu thei hnathawk ho chuan nui sangin min en a, nuam ka ti lo.. In la hrang in inthlakna pindan ah chuan ka lut  a, ka chhuah leh chuan thuamhnaw pack tura an dah hran ho chu mak ti zetin ka en a.. A tam mah mah a ni..
“Chris..a tam lutuk.. Pakhat kha a tawk..”
.
“A hak chhin zawng kha pack rawh..”
“Ni lo.. a tam lutuk.. Chris khawngaihin..”
.
Min viltu ber chuan tihtur ber hre lovin min entawn zak zak a..
 “A vai khan keiman ka duh..” hnial awmzia a awm dawn lo tih a mitmeng atang chuan a langchiang a, mi hmuh a inhnial ai chuan ka ngawi mai a niang chu.. Bakah a hetiang thil mai mai a a rilru tihnat ka duh lo.. A duh ang a tih pawh ka phalsak a ngai ve tho.. Nidang ah hetiang a tih tawh loh nan tha takin ka sawi mai ang..
.
Sizzled Collection atanga kan chhuah chuan kan inkhai bawr teuh a.. Hmeichhe thenkhat chu an bialpa ten thuamhnaw an leisak in an lawm viau a ni maithei.. Mahse keimah ah chuan a ni lo.. Thil chuangliam a tih vak vak ka duh ngai lova, ka mamawh tawk bak thil neih tun tun a tul ka ti lem lo bawk..
.
“I chau em..?” Kan in pana kan let leh lam chuan ka chau hluah hluah tawh..
“Umm..tlem in..”
“I hahdam dan tur chu ka hria..” Thil tha I ngaihtuah  pawh ka ring love..
.
“I lo lut dawn em??” Car atanga ka chhuk hnu pawh chuan a la thu reng a, chhuk  ve tum hmel pawh a pu lo.. Ka zawh takah chuan muangchang in a rawn chhuk a.. Nichin lawkah min ngaihtuah hmel deuhin a awm a, tunah ka bula awm chak loh hmel deuhin a awm leh a..
.
Inchhung kan luh hnu chuan kan thil lei ho chu room ah ka dahkhawm a..
.
“I duh loh chuan paih mai rawh”
A thusawi the thut vang chuan ka en ha a.. “Engmaw paih tur..”
“Ka leisak che kha I duh lo niin ka hria..”
.
Ka thil khawihlai chu dahin a bulah ka kal a, a nghawng ah ka kuah a.. A kut a kuangkuah lui tlat lehnghal.. Kan in san hleih bawk nen ka awmdan chu a nuam tehchiam lo..
Diktak chuan ka rilru a ka ngaihdan ni lo thil a thlen  hian ka hriat loh laiin ka lo tilang fo thin. Hetiang ngaihdan a nei leh a awmdan danglam chhan hi chu ka awmdan  vang a ni tih ka hria..
.
“A vai hian ka duh vek alawm.. A tam lutuk a.. Ka lawm lutuk tih I hria em..? Hetianga tam hi vawikhatah ka la lei ngai lo a.. Ka…”
“I duh chuan I paih thei tih ka sawi reng alawm..”
“Come on.. Captain.. Ka thusawi awmzia chu I hria…” ka dingdihlip a, a hmui ah ka fawp zauh a.. A awmdan ala danglam chuang lo.
Mi thinrim thlem hi ka thiam tehchiam lova, a lungawi vat a nih loh chuan ka thin a rim let leh vak ang…
“A tha e.. A vai hian ka ha vek ang… A tha em..??” a ngaihdan hriat tumin ka en a, a ner suk a.. Ka dawhtheih chin a pel chiah bawk.. Ka laka thinrimna tur zawng hrim hrim a ang ka ti bawk. Hetiang thu ho mai mai a thinrim rual pawh a ni lo.. Ka thiam ang tawka ka thlem hnuah pawh a lungawi duh lo a nih chuan a tawk a nimai… Naupangchhia lutuk.. Ka ha vek ang ka tih hnuah pawh min ner khum duh lek chauh a nia..
.
Ka kuahna chu thlahin ka kalsawn a, engmah sawi lovin kan thuamhnaw lei awmna bag ho chu ka lakhawm a, a lam pan lehin bag ho chu ka pe nawk nawk a, a che duh eih lo.. A bulah chuan thinrim in ka vawm khawm a.
.
“Avai hian la la min chhuahsan rawh..” kawngka awmna lam chu ka kawk vah a…
.
.
NOTE – Dawhthei takin min nghak hram hram thin a, ka lawm em em rualin in zahawm ka ti khawp mai… Tihian CHAPTER – 16 hi 10th August ah [naktuk tukleh] ah rawn update leh tum ang aw..
Ka lawm e..
LS.Virgo
Ka thawnthu ziah te hi kei leh webmaster hriatpuina tel lova post chhawn phal a ni lova, Whatsapp lam a post duh tan Share on Whatsapp ah khan share mai tur a  ni e.
DOLCEZZA – 16
BY. THANTEI_PAUTU aka Laura_Sean_Virgo
DOLCEZZA [Honey]
CHAPTER – 16
.
CHRIS POV**
.
A chezia chu ka en reng a, a mitmeng a ling hlar a.
Ka ti mah mah tih ka hria.. Lo thinrim ringawt tur ka ni lo tih pawh ka inhre tho.. Hetiang hian hmeichhe lakah ka awm ngai lo.
.
Mahse Sizzled Collection a hnathawk mipa in  a biak dan leh nui sang a a chhang ka hmuh khan tul lo zetin ka thik a, a bulah kalin ka fawp ta reng a ni kha.. Isabella hian ka thinrim chhan ber a hre hauh lo niin a lang.
.
“Avai hian la la min chhuahsan rawh..”  kawngka awmna lam a kawk vah a.. A thinrim lai pawhin a duhawm tho.. A duhawm deuh deuh.. Ka chetsawn duh loh vang chuan ngaihdan nih loh hmel zetin min nam a, min nam sawn theih a inring reng reng emaw ni.?
Room atang chuan vung zetin a chhuak a, muangchang in ka umzui  a..
Choka ah lutin Fridge a hawng a, a thil lakchhuah chu no ah thlichhuak in a in a. A in zawh hnuah thawk la halh in Fridge a hawng leh a, eitur siam a tum a nih hmel.. Choka luhna tur kawngka atang chuan ka en reng a, min rawn hmu miah lo.. A hawichhuak lo hrim hrim..
.
A thlai hring lakchhuah chu chan pahin a zai rat rat a, ka thil hmuh leh hriat chu ka awih thei lo zawk… A thinrim lai pawhin a zai thei a.. Mi bik tak chu I lo ni e..
Ka thinrim a reh vek tawh.. Nia, room a min tih lungawi tuma min rawn kuah rual  khan ka thinrim chu a reh daih tawh a ni..Hrep tak hian.. Hetiang renga a laka ka awm chuan a tha hauh lovang..
.
“Ka lo pui dawn che em..??”
A thil chan lai chu chawl dat in “I la chhuak nange..” a ti hlar a, min rawn en duh miah lo bawk..
.
“I thinrim tih hrereng chung chuan ka chhuahsan lovang che..”
Za lo zetin a nui hak a..
“Thinrim zawk chu nangmah a nih kha..” a thil chan chu a chhunzawm leh a.  A aw pawh a nem ta deuh. A bulah kalhnai in a kawng ah ka kuah a, a dar ah ka khabe ka nghat a, a beng ah ka fawp zauh a..
.
“I hria em.. I thu ang chauh a kal I tum chuan kan inhau fo dawn a nia..” a tawngkam chu a dam thlap a, a thinrim tawh lo niin ka hria..
“Hmm..”
Rawn inher in min en kal a..
“Mi pahnih in inngeih taka awmdun kan duh chuan kan ngaihdan kan inzawh tawn a ngai a, kan inzahder tawn pawh angai bawk a.. Awmze awm lova thinrim ringawt kan chin loh te pawh a ngai ang chu..” a mitmeng uk kharh chuan zawhna zawt mitmeng in min en a..
.
“Chhan awm miah lova thinrim tiin min puh thei lovang..”
“Oh..thuamhnaw vang maiin a thinrim a, a ho alawm.. I lungawi mai duh lo a.. Ka lo dawhthei vak lo bawk a..”
“Ni lo.. chu chu ka thinrim chhan a ni lo..”
“Enge..??”
“Mipa dangin an melh che hi ka duh lo..” a mengpahr ak a.. “Mall ah khan…”
“Ohh..ka hria in ka hria.. Khangte chu ka tihtir pawh a ni lova, thinrimna tur a awm lo…..”
A tawng laklawh lai chuan a hmui ah ka fawp zauh a..
“Okay..ka thinrim tawh lo.. Ka ril a tam tawh zawk…”
.
Ka insiamrem ve pawh a ngai ang chu. A sawi ang chiah khan mi pahnih kan induh a nih chuan in hrethiam tawn taka nundan kan zir a ngai ngei ang.. Mahni ngaihdan ang chauh vuan nghet tlat a ka awm thin pawh hi ka insiamrem ve a ngai dawn tihna a nih chu.. Ka thluak ah hian enge awm pawh ka hre tawh love..
.
Dinner kan eizawh chuan games kan khel a, movie kan endun bawk a. A bula ka awm hi chuan engkim a nuam a, a hahdamthlak bawk. Amah chauh hi lungawi tak chung a Sex hmang miah lova zankhua a ka mutpui theih hmeichhe awmchhun a ni.. Sawihmaih hauh loh tur thil chu inngaihzawn na ah hian inhmangaih tur a sex hman kher a lo ngai hauh lo.. Nia..mipa ka nia, awlsam taka phur thin ka ni ngei e.. Mahse Isabella hi ka hmangaih a, ka hmangaihna vangin a duhdan erawh  ka zah sak ang. Nupa kan nih hnu ah erawh tuman min dang thei lovang.. Ka ngaihtuahna hlimawm zet vang chuan ka bula tui taka movie en a thu Isabella chu ka melh a, kan movie en chu enge tih pawh ka lo hre lo.
.
Ka bulah pawthnai in ka kuah a, a thutdan siamrem in min kuah let chial a..
.
RAYMOND’S POV**
.
“Eng thil phiangsen nge I tih hi.. Isabella…” ka zu inna no chu ka paih keh chhuai a, ka thinrimna vangin ka khur dawt dawt bawk.. Hrilh fin theih loh.. Thil hrethiam thei lo hmeichhia hi engvang a duh tlat nge ka nih..
.
Ka beisei phak hauh lohin Evans nen an inkar a tha leh a, buaina leh rinhlelh tur ka siam zawng zawng te kha an sawifel thei chu a ni phawt anga.. Eng thil nge ka tih leh tak ang.. Isabella Diary nei thei tur ringawt pawh khan an office a hnathawk pawisa tam zet sengin ka tham lungawi thei hram a.. Hetiang maia awlsam hian an inkawp leh ka ring chhe te lo.. Ka pawisa hman ai te khan ka damdawi ruih tur lo lei ila a hlawk zawk ta ve ang.. Chanchinbu a thu dik lo ka chhuah tir te.. Engvang phiangsen in nge in inkawp leh…???
.
“Tikhan lo awm phawt ula, in inrin loh tawp hunah enge ka tihtur hi..? Ka lo sawilawk chuan a nawm tur angin a nuam lo palh ang..” Ka mutna khum bula Isabella thlalak ka tar chu ka be mawlh mawlh a..
.
“Ka chetchhuah hun tur atan a hun tha ber ka thlan theih nan ni 2/3 chhung chu ka zui leh mai che a niang chu.. Engtiklai pawhin I hmel hmuh te chu ka chak alawm..” Khum ah ka mu hual hual a, tumdang ang bawkin ka taksa peng pakhat chu a rawn tho tulh tulh a.. Isabella ka ngaihtuah a piang in he thil hian awm ngaihna a hre ngai lo..
.
A tukah chuan Lunch ei turin ka sawm a, a lubur tereuhte a a thluak hmang hian atana thiantha ber ka ni lo tih a ngaihtuah chhuak thiam lo a ni chek ang chu.. A kawrhak a taksa phuar deuh chuan zantin a ka ngaihtuah thin a pian nalh zet chu a pholang chiang hle.. A jeans hakin a mal nalh lutuk a phuar deuh tang bawk a.. Ka ngaihtuahna kal dik lo tur chu duh lovin ka inthing harh a, ka lam pana lo kal Isabella chu ka huih zauh a..
.
“Min lo nghak rei tawh em??”
“Rei love.. Vawiin hian ka bialnu chu hmuhtir che ka tum a, mahse meeting hmanhmawhthlak deuhah a kal a ngai leh ta thut sia” ka ti duah a.. A hma khan ka bialnu chanchin ka hrilh tawh a, ka suangtuahna khawvel a ka ngaihzawng, a taka ka khawih theih loh.. a chanchin ka sawi thin, tui taka a ngaihthlak chu amah hi a ni tih a inhre der lo.. Hmuh a chak thu a la sawi ta deuh deuh a..
.
“A lehpek ah chuan ka hmu thei tawh ang chu” a nui sang a, a hmui no ser ser chu ka en lo thei  lo..
“Nia..oh..ah.. Enge kan ei ang le..??” ka ti buh nuai[h] a..
.
Evans nen an chungchang ka zawh chuan an inkar a that thu pangai takin a sawi ve mai a, ka rilru a ka ngaihtuah hi chu hria se Evans chungchang reng reng ka bulah a sawi hauh lovang.. Mahse ka sawi tawh kha,, Kei hi mi a ka ni bik lova, a rinhlelh tura awm chu ka tum teuh lo…
.
“Kartawp chawlh lo awm tura  Award semna ah hian kal ve in tum em..??”
.
Evans te ang milar lutuk chu a kal dawn chiang sa tih ka hria.. Engkim ka lo ruahman lawk vek bawk ang..
“Kan la sawi miah lo.. Chutiang a awm dawn tih pawh ka lo hre lo a..”
“Amineth ah hian I tui ta viau a nih hmel” nelawm zetin ka nuih a..
“Nia..ka nu leh pa te tana ka tihtheih awmchhun a ni tawh a..” a hmel chu a ngui nghal raih a…
“Ka tihpalh…”
“A pawi lo..”
“A nih chuan.. Kartawp ah chuan inhmuh leh kan tum dawn nia.. Milar tam zawk chu an kal ngei ngei dawn a.. Evans pawh a bang thei hauh lovang..”
“Ka hre lo le.. Amah a kal pawn ka kal ve kher lo maithei bawk a..”
.
Lunch kan eizawh hnua min kalsan chuan ka ruak ta huai in ka hria.. Min rinhlelhna a nei miah lo hi ka tana thiltih ti awlsam tu tur a ni e..
Phur zetin dawr atang chuan ka chhuak a, ka tumlawk hauh lohvin departmental store ah ka lut a Isabella ngainat leh ei duh zawng tura ka rin ka lei chiam chiam a…
.
ISABELLA’S POV**
.
Raymond nen kan inhmuh hnu chuan In ah ka haw a, vawiin chu Amineth ah ka kal lova, ka hman remchan tho vanga Raymond pawh kha hmu ka ni.. Kan inkar ah inthianthatna bak a awm loh rualin midangte ngaihbel theih tura mipa dang hmuh fo hi a tha ber lo tih ka hria..
.
Ka lehkhabu ngainat ber chhiarin kan in hnunglam huan ah ka awm a, ni a nem tan tawh bawk a, thildang ngaihtuah lovin ka thil chhiarlai chu ka bih ngar ngar a.. Vawiin chu Chris nen pawh kan la inbe miah lo. A ni pawh a buai ve tho a, engtiklai pawh a min buaipui turin ka phut bik lo. Kan mimal zalenna tibuai khawp a kan inkawp chuan thiltha a chhuak lovang tih hi ka ngaihdan ve a nia.. Min lo biak loh pawhin ka hrethiam tho..
.
Ka phone nghawr dar dark a en chuan ka nui sak a.. Ka lehkhabu kenlai chhiar lovin ka lo ngaihtuah vung vung tih ka hre chiah bawk… Ka lehkhabu chhiar chu ngaihnawm ka ti viau emaw ka tia…
.
“Aw…”
“Call ka dawng miah lova..”
“I buai ka ring a..”
“I lehkhabu chhiarlai kha I ngaihven chuang bawk si lova..” a nui hak a..
.
Ka bul vel chu ka enkual a, amah ka hmu bawk si lo.. A rawn tawng dan atang chuan min rawn hmu a ang bawk sia..
“Tunah khawnge I awm a..?”
Min chhang lovin phone a off a, inchhung atanga in hnunglam panna kawngkhar chu a rawn inhawng a, a hmel ka hmuh rual chuan ka nui sak a.. T-Shirt a taksa phuar deuh a hma a kawrkilh tlem awm a ha a, Jeans kekawr dum a ha bawk.. A pian thahrui ngah tih hriat zet chu a thuamhnaw hak chhan ah pawh a hriat theih tho..
.
Ka bul a rawn thlen chuan ka thutna bulah thuiin min kuah a, kan inhmuh loh chhung reilote ah pawh khan ka lo ngai ngawih ngawih hman a nih hi..
“Ka ngai che a..” ka beng bulah a phun sup a..
“Keipawh..”
“Chuan enge kan tih dawn..?”
“Ka hre lo..”
“Kawngka I kalh lo thin hi a him chiah lovin ka hria..”
“Ka kalh lo tih ka hre miah lova.. Tunah pawh khan awlsam deuhin I rawn luh phah a nih kha..”
“Ka tan chuan a tha a, mahse a him lo..” min ngaihtuah tih hriat takin min en a..
“Nia.. tuna tang chuan ka kalh ziah tawh ang.. Tichuan a tha em..?”
.
A bu nghut a. Ka bulah hahdam hmel deuh a thuin a ngawi vung vung a, min en reng a.. A hmel landan atang hi chuan a hlim hmel khawp mai.. Kan thutna hnunglam ah a kiu pahnih rinchhan in a thu awm deuh a..
“Umm..enge I chhiar kha..”
“The power of now: A guide to spiritual Enlightenment”
“Chhiar la ka lo ngaithla ang..”
“A tha alawm..” ka thu rem a, ka chhiar hmabak atangin a ri in ka chhiar tan leh a..
.
Thui pawh ka chhiar hmain a hmel chu ka en zawk a, a chal tichuar in min en reng a.. Ka kut dinglam pharchhuak in a chal ah ka dawm a, ka chetdan vang chuan a nui suk a..
.
“A chuar hma ang..”
Ka kut chu la in a fawp a.. Min en reng bawk a..
“Ka hmangaih che..”
A lamah ka awm phei a, a biang ah ka fawp a, ka in la hrang lehnghal vat a. Ka biang ah min rawn vuan in ka hmui ah min fawp a, alamah min pawthnai bawk a..
.
“Ka duhtawk thei ngai dawn lo a nih hi..”
“Ka hmangaih che..”
Ka mit ah min fawp leh a, a awmdan siamrem in ka malchung ah a mu a,, a amit a chhing suar suar a, ka lehkhabu chhiar lai chu ka chhiar chhunzawm leh a. A awmdan chauh pawh ni lo, kan pahnih awmdan thlamuanthlak ruih chuan ka hnuk a ti ulh tlat pek a. Thui pawh ka chhiar hmain lehkhabu chu ka khup a, ka sir ah dahin thlamuan hmel taka ka malchung a mu hmel chu ka en vang vang a. A sam nem thep leh rawng mawi zet chu ka khawih niap niap  a..
.
Ka hmangaih a ni.. A thinrim laite, hlim taka a nui lai te…amaha thilawm zawng zawng hi ka hmangaih chhan chu a ni. Tha famkim a ni bik lo tih ka hria a, mi tha famkim chu nise tunah hian a bulah ka awm lo maithei bawk.. Midang bula a damchhung hun hmang tura ka ngaihtuah ringawt pawh chuan ka rilru a nuam lo nghal teuh thei nia.. Teuh lo.. Tuman ka lak atang hian an kuaipeng ngai lovang. Atana ka tihtheih apiang ka ti anga, engtiklai pawha hlim reng in ka siam thei kher lo a nih pawhin a hlim theihna tur leh a lungawi theihna tur chuan ka theihtawp ka chhuah ngei dawn a ni..
.
“Tikhan min fawp dawn em??” a rawn meng thut a, ka phu zawk.. Ka nui hak hak a…
“Dawn lo…”
“I thil ngaihtuah kha ka hria a nia..”
“I hriat loh kha.. Captain..”
“Khatiang a min koh khan a danglam tlat..”
“Engtin..??”
“Thu ka neih hmel riau alawm..”
.
.
Kartawp chawlh hun kan thleng leh ta a, hmanni a kan inhmuh bak kha chu Chris nen kan inhmu leh ta lo.. Kan hna ah kan buai em em a, inhmuh loh vanga lungawi loh ngawt theih pawh a ni love.. Nung tur chuan kan thawh a ngai a, engmah thawk lo awm mai mai ai chuan mahni hnathawh rah seng chuan hlimna tur kan ngah zawk ang chu. Hah taka kan buaipui hnua a hlawhtlinna han hmuh thin hian nunhlimna nasa tak min pe thin.. Awlsam taka thilneih ai chuan hah taka beih hnua a hlawhtlinna hmuh hian a hlu lehzual bawk..
.
Kan inbiak hnuhnun ber [nizan mai a ni nain rei leh tawh riau in ka hria] khan thilthleng lian tham ah kan kal a ngaih thu leh ka lo inbuatsaih a duh thu min hrilh a, kan inkawp ngheh hnu hian mipui hmuh tura kan awm tam loh thu pawh kha ka sawi tawh in ka hria.. Vawiin chu Chris nen kan kalna tura ka thuamhnaw hak tur ka ngaihtuah pawh a ngai a.. Loh theih lohin Salon a kal pawh a tul ngei ang.. Atan chuan a tha thei ang bera lan ka duh..
.
Sizzled Collection ah ka kal a, vanneihthlak takin a neitu ber Leah nen kan inhmu hlauh bawk.. A hmel hlim seng chu hmuh a nuam a, kei ve tehlul pawn ka vawikhat hmuhna ah ka ngaina mai thei nia.. Ka hakna tur hmun te ka sawi chuan a mengphar ak a..
.
“Min lo hrethiam la.. Khawiah emaw ka hmu tawh che a ni..”
“Ka hre lo le..”
“Ah..ka hria.. Captain America nen ka hmudun tawh tlat che u a ni..” a nui var var a..
“A dik maithei..”
“Kan chhungkaw Hero a nia, kan fapa hian a ngaisang nasa lutuk a..”
.
Dawr chhungah chuan mipa hmeltha zet [ahma khan tv ah a inkhel ka hmu thin] leh mipa naupang an rawn lut a, mipa naupang chuan Leah chu tlanin a rawn pan a, a kuah chat a..
.
Ka kawr hak tur kan thlan zawh meuh chuan lungawi zetin ka thaw halh a, hun remchang a awm veleh Lunch emaw Dinner emaw la kil ho turin kan inthlah a.
.
Zan dar 7 a rik chuan ka inpeih thlap tawh. Darthlalang hmaah dingin ka inen vang vang a, ka landan chu lungawithlak tak a ni..
.
CHRIS POV**
.
Dar 6:40 ah in atangin ka chhuak a, mak takin ka phur em em a ni tawp.. Events lian tham ah vawi tamtak ka kal fova, zanin ang hian ka la phur ngai lo.. Isabella nen hian mi hmuh turin kan lang tam lova, a duhdan ni a ka hriat vangin a biru thei ang berin hunk a hmanpui thin. Ka duhdan ah vethung chuan khawvel a mi zawng zawng hian ka ngaihzawng, ka duhlai a ni tih hria se ka duh a, ka chak em em chu zanin hian ka ti ngei bawkin ka ring..
.
An in ka thlen chuan kawt ah ka ding a, kan sawilawk tawh angin ka phone a car ah ka lo nghak a.
.
Kawngka atanga a lo chhuak ka hmuh chuan Car atangin ka chhuak lo thei lo. A chu thlahin tlemin a tikawi deuh a, a hmai ah erawh hmeichhe incheina nasa lutuk ang chi hmuhtur a awm lo.. Engkim a tawk chauh vek a ni.. A lang nalh thlawt mai.. A kawr hak senlar chuan a kerek thlengin a khuh a, a nghawng a dar hak a, a awmbawr nalh zet chu a lang thui lo hlauh.. Heihi ka duh em em chhan te zing ami a ni.. A hun leh a hmun a zir a mawi leh mawi lo tur a thiarhran thiamna te, a nihna anga a inringtawk em em te.. A hun taka a tuarchhel em em thin te.. Mi mitlak tum vanga maksak taka awm a tum ngai hek lo.. Ka sawitam ta mah mah em…?? A bula awm ka ning ngai lova, engtiklai pawhin ka ngaihtuahna  aluah tiin sawi ila a dik ber zawk ang..
.
Ka bul a lo thlen hmain ka panhnai a, ka kuah vang vang a.. A rimtui chek chek han hip vang vang hian a hahdamthlak thin..
.
“Ka lasi nula hi ka fawp thei angem..??”
.
A nui hak a, min rawn fawp a..
.
Award semna tur hmun kan thlen chuan an ri mup mup a, thlalatu ho pawh an buai teh e. Car atanga kan chhuah dawn chuan a thaw halh a..
.
“I zam em??”
“Tlem in..” a nui tawi tak a..
“Ka bula I awm chhung chuan min rinchhan tlat ang che…”
.
Car atangin ka chhuak a, a awmna lamah kalin kawngkhar ka hawnsak a, kan awmna lamah chuan thlalatute rawn tlanin a de nghal chuah chuah a.. Zawhna kan dawng nghal mawlh mawlh bawk..
.
“Evans, he hmeichhia hi a hma a kan hmuh tawh kha a ni em?”
“Mipui hmuh ah hian engvanga inlan tam lo nge innih..??”
“In intawn dan min hrilh thei angem..??”
“Inneih in tum hnai em..??”
.
Isabella chuan min rawn enin a nui sak a, zam deuh hmel pawh a pu tawh lo.. An zawhna chuan a nuih a tiza a nih ka ring.. Ka rilru ah erawh ngaihtuah chhuah ka nei a, ka thil ngaihtuah chhuah chuan min deng na kher bawk..
.
Inchhung kan luhfel chuan ka thaw huai a, kan thutna tura an ruat ah chuan thuin programe tan a ni a, a bak zawng chu dan pangai... Vanneihthlak takin  Award pawh 3 lai ka hum haw ve leh e…
.
Programe a zawh chuan hmelhriat leh thiante hmuin duh anga hma ah kan haw leh thei lova, kan haw meuh chuan dar 1 a hnai thuak tawh.. Isabella pawh a chau deuh a niang Car ah chuan a thu ngawi ran a..
.
“I duh chuan I bulah ka riak thei reng a nia..”
“Naktuk ah hma deuh a tihtur I nei tih ka hria alawm.. Hun I neih chuan Lunch kan ei dun dawn nia..”
.
A in kan thlen hnu chuan mut a duh ringin rei vak lo ah ka chhuahsan a.. Tun atanga rei vak lo ah hian ka nupui I nih ngei ka beisei e.. Ka ngaihtuahna vang chuan ka nui a.. Zawhna ka dawn tamtak zing aka ngaihtuahna tiharhtu chu Inneih kan tum leh tum loh zawhna kha a ni.. Isabella hian ka sawmna min pawmsak a, abul a ka damchhung hun ka hmang thei a nih chuan chu aia hlu tur thildang a awm chuang lo..
.
“Kha mihring khan eng phiangsen nge  tih a tum..??” ka phun hluk a. Ngaihtuah zui miah lovin ka tlanpel ringawt a. Isabella in atanga hnaite ah khan Raymond ni awm tak ka tlanpel tlat a ni.. A hmel ka hmuhchian hlau niawm takin a hawisawn vat a nih kha..
.
Ka Car chu ka turn pawp a, chak zetin Isabella chenna panin ka tlan pur pur a.. Thil tha lo thleng mai tur anga hriatna ka nei chu mak ka ti viau bawk..
.
A in kawt ka thlen chuan Car tangin ka chhuk sawk sawk a, ka tlan hnaih chuan tlem a kawngka inhawng sa deuh a lo awm chuan ka ngaih a ti thalo lehzual.. Hmanni khan kawngka a kalh ziah tawh tur thu a sawi ngei kha. A sawi chuan a ti ngei thin bawk a. Ka chhuahsan atanga hun rei zawng ka ngaihtuah in mutfel vek a hun tawh..
.
Kawngka pawh kik lovin fimkhur zetin inchhung ah chuan ka lut a, thil danglam hmuh tur a awm lo. A reh thiap a. A room ah a awm a nih ringin In chung pan chhohna ah ka chho a, a room kawngka bula Isabella lo let reng ka hmuh chuan ka nghing lawih a, ka hit chhuak vek.
.
A bulah chuan ka thingthi nghal rawp a. A ban atangin thisen a chhuak a, a hmel chu a dang bel bawk. Ka kuah vat a, a harh lo niin ka hria.. A taksa lang thei chin chu ka enkual a, hliam dang hmuh tur a awm lo..
.
“I harh em..?? Isabella… Harh teh..” ka sawih dat dat a, a harh thei miah lo.. A marphu ka dek a, a phu chang chang… A rawn thaw kawk a, chau tih hriat takin a rawn meng a...
.
“A..mah a ni.. Amah kha.. ” a tawng a zawi lutuk a, a thusawi dang chu ka hre thei tawh lo. A zawi leh hnawk a, a mit a chhing nghal bawk.. Mangang zeta ka koh pawhin min chhang tawh lo… Ni lo.. A ni thei lo.. Eng thil tha lo mah I chungah hian a thleng tur a ni lo.. Isabella..Khawngaihin min kalsan suh.. Ka hmangaih che.. Dolcezza..harh rawh..khawngaihin harh hram rawh….
.
.
NOTE – Pathian zarah kan dam anga 12th August ah CHAPTER – 17 update leh hman tum ang aw.. Advertisement click thinte, Comment pe tute, min like sak tute, min chhiarsak tute.. In zavai chungah ka lawm em em e.. In tel lo chuan engmah ka nih loh hi..  ~_^ 
.
Ka thawnthu ziah te hi kei leh webmaster hriatpuina tel lova post chhawn phal a ni lova, Whatsapp lam a post duh tan Share on Whatsapp ah khan share mai tur a  ni e.
DOLCEZZA – 17
BY. THANTEI_PAUTU aka Laura_Sean_Virgo
DOLCEZZA [Honey]
CHAPTER – 17
.
ISABELLA’S POV**
.
Chris car tlan liam lai chu ka thlir reng a, naktuk zingah hmanhmawh thlak taka hnathawh tur  nei lo se chuan ka bulah riak turin ka sawm ngei ka ring.
.
Ka thuamhnaw hak thlakin ka inbual a, ka inbual zawh chuan ka mu nghal a. Boruak ka la tawn ngai hauh loh ka tawn vang te pawh a nih ka ring, ka chau viau mai..
Ka muhil dawn siar siar tih ah door bell a rawn ri a, tuning hun ah min lo tlawh tur an awm lova… Oh.. Chris a ni ngei ngei ang.. Rilru phur ru zetin inhnuai ah ka chhuk a, kawngka ka hawn hmain tunge tih ka bih zet phawt a.. Raymond maw..??
.
Tunang zanrei tawh a a rawn kal chu mak ka ti deuh.. Harsatna a nei pawh a ni maithei.. Muangchang in kawngka ka hawng a..
.
“Hi..”
“Hi.. Buaina I nei a nih ka ring.. Lo lut rawh..”
A hmel chu nidang ang lo takin a pawr deuh a hriatna ka nei bawk..
“Nia..ah..ka buaina hi min chinfel pui theih ngei ka ring..”
.
Thu tura ka tih pawhin a thu duh lova, ka bulah chuan a vei vut vut a.. A awmdan chu ka hrethiam lo..
.
“I harsatna chu I sawi loh chuan tanpui dan tur che ka hre  hauh lo a nia..” ka nuih lui sak a..
.
Ka hma ah ding chutin min en vung vung a..
“Ka hmangaih che.. Isabella..”
Ka nui a, harsatna neih lai lai a fiamthu han thawh leh rih pawh chu a mak ka ti..
.
“Oh..come on.. Raymond.. Fiamthu lovin I harsatna chu sawi teh.. Naktuk ah hna a kal ka ngai a, mut ka lo tum tawh a..”
A bu nghut nghut a, min rawn en leh chuan a mitmeng a danglam vek tawh..
.
“Evans chu ni ila tuna I awm ang hian I awm hauh lovang..”
“Enge I sawi awmzia..??”
.
“A hma atang khan Evans hi ka duhpui lo che.. A tihlim zo dawn lo che tih ka hria..”
“Raymond, eng thil nge sawi I tum chiah..?” a thusawi chu ka hrethiam lova, Chris chanchin ka la hriat loh sawitur pawh a nei a ni maithei..
.
“Ka pehhel kual lovang.. Evans hi then rawh..”
“Engvang in nge ka then ngawt ang..?”
.
Min rawn hnaih a, min khawih ka rin loh vang leh hlau anga lan ka duh loh vangin ka tawlhsawn duh lova, mahse ka ring sual a ni…
.
Ka ban ah nghet zetin min vuan a, min en chiang nasa mai bawk..
“Ka hmangaih che vangin..” a awmdan atang chuan a fiamthu lova, min thlah mai a tum dawn lo tih ka hrethiam a, ka tha a khur ru der der a..
.
“A nih chuan min thlah la, sawi tha teh ang…”
.
Rapthlak zetin a nui hawk a, min vuan nghet lehzual in a lamah min pawthnai a. Kei hmeichhia ve mai hian tharum ah ka hneh dawn lo tih ka hrechiang.
.
“Khatia min chhimbudawi kha tum kual lo mai rawh.. Ka hre vek tawh.. I then dawn lo.. I then thei lo.. Engvang nge.. Ka hmangaih che Isabella..”
A rawn kun a, min fawh a tum a. ka theihtawp in ka lo tang ve phat a, kan insual a ni ta ber e.. Min khawih zawm thei lo tura khawih turin tharum ah ka hneh lova, hmanrua han ban mai tur a awm lo bawk.. Mangang zetin a ban ah ka seh a, a rum hrawk a. Ka hmai ah min beng thuai a, ka tlu chiang khawp mai..
.
Chuat a ka tlu chu min rawn bawhzui a, ka thuamhnaw phelh a tum a, hun remchang ka hmuh veleh a kap ah ka tlawh a, ka tlawh fuh chiang hman lo.. A hmel rapthlak zia chu ka sawi thiam lo zawk.. Min thlah in a tawlhsawn hlek a, remchang ah lain ka tho vat a, in chung pan chhohna ah chuan ka tlan chho a, min rawn umzui in ka ban ah min man leh a, ka ban lehlam in ka vai a. A  thip zawk a, ka ban ka en chuan a thi nghal zawih zawih a.. Ka hlau ta takzet.. Min tihnat a hlau miah lo.. Min that duh hial maithei..
.
Room a ka luh hmain min rawn man leh a, a theih tawp a nain bang ah chuan min nambet rawk a, vawi engzat nge ka hre lo..ka lu a sawh chawrh chawrh a.. Beilet turin chakna ka nei lo.. Ka hrawk ah min rek a.. Ka thaw thei lo.. Ka ban ka vai tawk tawk a. Ka tang rei thei ta lo.. Ka zawi hnawk a..
.
Raymond chuan min thlah a, ka tlu hnawk a.. Chiang lo ruai in a tawng chu ka hre thei..
.
“Ka ruahmanna zawng zawng te vang tal pawh khan then tur I nia.. Isabella.. I tisual a ni e..” ka bulah a thingthi a, a tap niin ka hria.. Ka mal atangin min zut a, a rawn khawih chho zel a.. Ka tap thei lova, engmah ka ti thei lo.. ‘Chris...khawngaihin min pui rawh…Khawngaihin…’ Vawikhatmah Chris ka hmu tawh dawn lo.. Ka mamawh a sin… Ka kalsan thei lo..
.
.
 “I harh em..?? Isabella… Harh teh..” dim tak siin min sawi dat dat a, Chris aw niin ka hria.. Ka tha neih zawng zawng khawm in ka meng a.
.
“A..mah a ni.. Amah kha.. ” ka tawng ring thei tawh lo.. Ka theihtawp chu ka chhuah.. Ka meng reng chung chuan ka mit a thim vek a, ka lu a na ngut ngut bawk… Thil thleng ka hre zui ta lo…
Ka ngaihtuah hnuhnun ber chu Chris chiah a ni.. Ka hmangaih tan hian ka nun pum hman ka duh asin.. Engtin nge ka kalsan theih ang..
.
Ka bula phun sep sep ri vang chuan ka harh zawk a, ka lu na lutuk vang chuan men pawh ka tum ngam lo.. Ka taksa dang tihchet ka tum a, ka thei lo  bawk..
.
“A dinhmun hi a tha lo khawp mai.. A damchhuah ka beisei lo..”
“Ni lo.. a damchhuak ngei ang.. I theihtawp in bei ang che..” Chris aw a ni.. Engemaw a ri rawp bawk a..
.
Men luih ka tum a, ka tukhum a hit chhuai a, ka taksa chu a kang delh delh a, khawl ri kiu vawng vawng chu ka hlat tial tial a.. Ka na zawng zawng pawh a reh vek..
.
.
CHRIS POV**
.
Ka hma a thlanlung chu ka melh tlawk tlawk a. Thlanlung a kutziak mawi taka thu mawi tak inker chu a vawithum nan ka chhiar nawn leh a..
.
Ka tihtheih a va tlem ta em.. Rilru pik zetin thawk ka la a, van lamah ka dak vang vang a, ka mittui a hnam sawk bawk..
.
“Isabella.. Ka hmangaih.. I tan hian enge tihtheih ka neih le..?? Ka tihtheih zawng zawng tih ka huam asin..”
.
Thu hniam in thlanlung chu ka vuan a….
.
“Mrs. McQueen… Isabella khan Mama ti a a koh che vangin Mama tiin ka ko ve ang che.. Min hre thei a nih chuan tunah hian I fapa ka ni tawh.. I fanu hi tunah I bulah a awm a nih ka ring.. khawngaih takin ka hnen ah rawn let tir hram rawh.. Ka ngen che a ni.. A tel lo chuan engmah ka ni lo.. Ka bula awm turin ka mamawh a..” thawk ka la leh vang vang a…
“Ka thusawi min ngaihsak  taka ngaithla thin khan tunah chuan ka biak in min chhang ngai lova, a kut in min vuan hek lo.. A rei tawh lutuk.. Isabella kha ka mamawh a ni.. Ka hmangaih kha ka bulah lo let leh rawh se…”
.
Minute 30 dawn Isabella nu thlan a ka awm hnu chuan Hospital panin ka kal leh a.. Isabella harhchhuak miah lova a awm chin hi thla hnih dawn a ni ta… Doctor te chuan a thluak che avangin nikhaw hre lovin a awm tih an sawi a, nizan khan amah enkawl tu ber Doctor chuan Isabella taksa hi a chauh zel thu leh, hun rei tak a thawk theih a rin tawh loh thu min hrilh a, awlsam zawk a a thawk theih na tura  an khawl hman te pawh vawiin hian laksawn vek an tum a ni..
.
Hospital ka thlen chuan Cabin ah ka lut tlang nghal a, ka farnu Shanna a lo awm a.. Nia, ka chhungte hian phat rual lohvin Isabella ka hmangaih zia an hre vek tawh a, an theihtawpin min pui reng a ni. Bastian leh Sophia te pawh an bang chuang lo.. Ka bulah an sawi duh lo nain an awmdan ah an beidawng tih ka hria a, mahse keichu ka beidawng ve lovang.. Ka hmangaih hi a dam leh ngei dawn tih ka hria a ni..
.
A mutna khum bulah chuan ka thu a, Shanna pawhin min chhuahsan a..
.
Isabella hmel chu ka en ngawih ngawih a, a kut chu vuan in ka fawp a, ka biang ah ka hmehbel a..
.
“Ka hmangaih.. I muhil rei ta hle mai.. Ka ngai lutuk che.. Ka thusawi ngaithla turin ka duh che.. Khawngaihin harh rawh.. Isabella.. Khawngaih in harh hram teh..” a kut chu ka fawp ngawih ngawih a, ka mittui a tla hial bawk.. Min kalsan tura ka ngaihtuah hian ka a thei dawn hial in ka hria a ni.. A tel lo chuan nun hman dan tur ka hre hauh lovang..
.
“Dolcezza…khami zan khan I phal lo chung pawh I bula riak tur ka nia.. Ka tihpalh.. Kha mihring khan vawikhatmah a tina leh tawh lovang che.. I na zawng zawng hi lak kian sak che ka duh a, I tan thawk a har a nih chuan ka ti vek ang… Engikim.. Itan chuan engkim ka ti vek ang…”
.
A hmui ah fawp in Cabin atang chuan ka chhuak a..
.
Thla hnih liam ta chhung zawng khan ka hun tam zawk chu Isabella bulah ka hmang a, ka hnathawh laklawh lai zawng zawng pawh ka chawlsan vek.. Ka tana mi pawimawh ber damdawi in khum a a mut reng laiin hna ka thawk thei lova, thildang ka ngaihtuah thei hek lo..
.
Kut a tuar zan la la khan Police ten Raymond chu an man a, awlsam takin a inpuang duh hauh lo lehnghal.. Thla khat zet a liam hnuah a inpuang a, tun a thilthleng chauh ni lo, a hma a kan buaina tam zawk pawh kha ama tih vek hi a lo ni.. Kut ka thlak thei lova, chu chuan min ti hreawm zual bawk.. Jail ah a damchhung hun a hman theihna turin rorelsak a ni ngei ang. Isabella nen kan inkar a a thiltih bakah damdawi a lo khawih nasa viau a, dan phal loh thil ah a inhnamhnawih nasa viau bawk.. A mihring puite zinga zalen taka chhuah ngam a ni tawh hauh lovang..
Isabella chungchang ah chuan pawi a tih takzet thu a sawi nasa a, a tap nasa mai bawk.. Isabella chauh hi hmeichhe hmangaih a neih thu sawiin a au vak vak a, ka khawih phak a a awm lo kha atan leh ka tan vanneihna nasa tak a ni. Ka khawih phakah chuan awm se tualthah vangin thubuai ka nei ngei ang..
.
Isabella nu leh pa te thlan a ka kal atang khan nihnih lai a liam leh tawh a, Isabella thawk awlsam zawk na tura puitu khawl pawh an hlip tawh a, mak takin khawl hmang lovin a thaw thei a, thil ropui tak a  ni.. Khami zan khan a la rawn harhchhuak lo na a, hlim lutuk vangin ka mu thei miah lo.. Hmasawnna a nei tih ka hriat ringawt pawh khan ka rilru pik lutuk a zia hawk a ni.
.
Ka phone nghawr dar dar chu ka en vat a, Carly a lo ni a..
.
“Junior, Hospital ah rawn kal vat rawh.. A hmanhmawh thlak..”
.
Ka chhan leh hmain phone a off a, hmanhmawh zetin Hospital ka pan nghal a..
.
Hospital ka thlen chuan min hmu apiang in mak tih hmel takin min en a, ka ngaih a tha lo khawp mai.. Cabin panin ka tlan dawr dawr a, Cabin a ka luh chuan min lo en thap a…
.
“Isabella…”
Isabella chu khum ah mu in a harh tih ka hmu a, ka pan nghal ruak ruak a.. Min lo ban ve bawk. Ka chhungte leh Cabin a awm ve dang ho chu ka ngaihtuah tawh lo.. Khum a ka hmangaih..Isabella mu chu ka kuah a, ka fawp vawng vawng a.. A mittui a tla a, keipawh ka bang chuang lo..
“Ka ngai tawh lutuk che..” a ti tham tiak a.. Ka chhang thei lo.. Ka fawp leh ngawih ngawih a..
.
Ka dar a min rawn  ben thlap thlap chuan Isabella chu thlah in ka hawichhuak a, Cabin a awm ho pawh an mittui a tla ve tho mai..
.
“A harh chauh a, a taksa a la chau viau a nia..” ka pa chuan min vengthawng tak chungin min bia a, a thusawi tum chu ka hrethiam tho.. Isabella chu a la chak tawk lo hle tih ka hre ve tho a, a zawh loh tur khawp a chet ka tum bik lo..
.
Isabella chuan nui sak in ka kut a vuan a, min chhuahsan ta diak bawk..
.
“Aw Lalpa..ka lawm e..” khum ah chuan a bulah mu in ka kuah a, min kuah let chial a.. A theihna lai apiang ah ka fawp chawl lo a ni ber e..
.
“Inbual ka chak khawp mai..” min kuah hnai sat sat a…
“I rimtui reng.. Engtiklai pawhin..” a nui hak a, ka awm ah a hmai a phum kak a..
.
“Muhil rawh.. Ka lo awmpui reng ang che..”
“Umm..”
“Nau awih mutna hla sa turin min duh em..??”
Rawn hawichhuak in ka biang ah a kut in min vuan a, min en vang vang a.. A mitmeng hi ka hria a ni..
“Ka hmangaih che.. Christopher Robert Evans…” ka hmui ah min fawp zauh a..
.
“Ka hmangaih che…”
.
“He thil hi engvang a bun nge ka nih..??”
A kut zungtang mawi zet a zungbun chu ka hmai zawn ah a lek zauh zauh a. A dam loh lai khan tuna a bunlai zungbun hi ka lei a, a dam emaw, dam lo emaw.. Ka ta chauh a ni tih chhinchhiah nan a ka buntir a ni..
.
“Nakin ah I la hre mai ang… Muhil tawh rawh le..” tiin a hnung ah ka chul hauh hauh a. A awmdan siamrem in reilote ah a muhil ta sak sak a.. Tui taka a muhil hmel chu ka en ngawih ngawih a..
.
.
KARHINIH HNUAH**
ISABELLA’S POV**
.
Ni li liamta khan Hospital atangin ka chhuak a, ka taksa pawh a chak leh ta. Raymond chanchin pawh ka hria a, dan phal loh thilah a in hnamhnawih nasat vang leh tualthah tum thubuai vang te in a damchhung hun tam zawk chu Jail ah a hman hmel a. A rawn chhuah leh meuh chuan tu tan mah mi hlauhawm a ni thei tawh lovang.. Ka khawngaih tho a, mahse atan zalen taka awm a tha lo zawk tih ka hrechiang..
.
Ka thil ngaihtuah chu duh lovin ka lu ka  thing nak a..
.
Bathroom ah lutin muangchang in ka inbual a. Ka inpeih meuh chuan sana ka en a, ka nui sak a.
.
Tunah tak hian Dinner ei tur a Chris min lo hruai hun ka nghak mek a, tun atanga minute 10 ah chuan a lo thlen ka ring. Darthlalang hmaah dingin ka in en leh vang vang a.. Ka taksa chu a la cher deuh na in ka hmel landan erawh a dik thlap tawh. Chris hian min ngaihtuah em em reng a, a hun tamzawk ka tan a hmang tih ka hria. A hna thawk zawm tura duh thu ka sawi ve fo a, mahse a zawm chuang der lova.. Hospital ka awmlai leh chhuah hnuah pawh nitin hun hmandun loh kan nei lo..
.
In kawt a motor inhung dat thawm ka hriat chuan ka nui sak a. A tlai ngai  lo.. A hun takah a rawn thleng chat thin.. Ka engkim..ka chakna – amah vanga ka tihtheih loh tur ka tih thin tamtak te vang hian ka chakna a ni a. Ka chak lohna – amah vanga mahni pawh inthunun thei miah lova ka awm thin te leh amah vanga rilru na taka ka awm hnuah pawh ka la pawm reng tho vang hian ka chak lohna a ni tel tho bawk.. Ka tana mipa tha ber leh mipa diktak chu hmu turin ka room atang chuan ka chhuak a..
.
“I lang nalh lutuk..” min kuah vang vang a..
“Nangpawh I lang sexy khawp mai..” ka tawngkam vang chuan a nui hawk a.. A ni tak tak alawm.. T-Shirt var chungah Jacket pawl a ha a, kekawr dum a ha a. A pheikhawk chu nidang ang bawkin a nalh lehpek hle bawk.. A hmel hi chu sawi ngai lovin engtiklai pawhin a tha reng.. A mutthilh lai te, a thinrim lai leh a hlim lai pawhin a tha em em reng mai..
.
“Khawi ah nge min hruai dawn..??”
“Hmun bik ah ka hruai ang che..”
.
Kan kalna lam atang chuan rindan ka nei..
.
Car atanga kan chhuk hnuah tawite kan kal leh hnu chuan ka thilhmuh vangin ka thaw hluai a.. A mawi takzet..
.
A hma a kan inkar bul kan tan thatna hmun leh ka tana hmun bik, a tan pawh a lo ni ve tho.. Tuipui kam ah chuan light nalh zet zet a eng tiar a, dawhkan leh chair awmna chu bati in a hual bawk a.. A nalh takzet.. Tuipui rim nam chem chem chu ka hip vang vang a.. Ka harh huai in ka hre bawk..
.
Ka kut ah min chelh in dawhkan awmna lamah chuan min kalpui a. Helai hmunah hian kan pahnih chauh in kan awm a nih hmel..
.
Lungawi zetin eitur chu kan eidun a, eng engemaw kan sawi bawk.. Titi pangai kan sawi pawhin kan tui viau zel tho.. Ka hmangaih ber a nih bakah ka thiantha tak a ni tel bawk hi ka tan a hlutna tizualtu a ni..
.
Dinner kan eizawh chuan tuipui kam ah kan ding a, ka hnung ah ding in min kuah a..
“Thil pawimawh hrilh tur che ka nei a..”
“Han sawi la..”
Min kuah nghet sauh a, ka dar ah a khabe nghat in a thaw hak a…
.
“En rawh le..” tlem in min pawt her a, light house lam kan hawi ve ve a. Muangchang in Light house atanga eng rawn chhuak chu a rawng a rawn danglam a..
 *KHAWNGAIHIN MIN NEI RAWH*
.
Ka thilhmuh chu awih har ti takin Chris chu ka en a, a lo bu nghut a. A lam hawi turin ka dar ah min vuan a, min kuai her a..
“I ti a ngem..?” a hmel ah chuan a zam deuh tih ka hria.. Ka nui sang a.. Ka nui hmel a hmuh hnu pawh chuan a zam hmel a reh chuang lo..
.
“Ka duh e.. Engtin nge ka hnial theih ang..”
.
Min chhang tawh lovin duhthawh zet hian min rawn fawp a, ka ban pahnih in a nghawng ah ka kuah a min fawhna chu ka chhanglet a..
.
“Ka hmangaih che.. I tan engkim tih ka duh a..” a hmui ah ka kut in ka khawih vat a..
“Ka hria alawm.. Damdawi in khum a ka mut lai khan I thusawi kha ka hria a ni.. Ka hmangaih che..”
.
“Dolcezza..”
Ka bu nghat  a, a sawi leh tur pawh ka hria in ka ring.. Dingdihlip in a hmui ah ka fawp leh a. Nghet zet in ka kawng ah min kuah a, a taksa si thlap in min pawt hnai a.. Ka him tih ka hria.. Ka bulah Chris a awm chhung chuan ka him a, ka lung a awi a, ka hlim bawk..
.
Ka mipa hmangaih leh ka ngaihsan, ka ngaihzawng, ka thiantha tak leh ka zah em em…ka engkim ni bawk nen nun bul kan tan dawn ta e…
.
EPILOGUE – NAKTUK AH POST HMAN TUM ANG AW..
Chuan EPILOGUE hi chu a hran a post lovin CHAPTER 1 – 17 ka dahna ah khan ka rawn dah ang.. Min chhiarsak tute zawng zawng chungah ka lawm em em e..
Ka thawnthu ziah te hi kei leh webmaster hriatpuina tel lova post chhawn phal a ni lova, Whatsapp lam a post duh tan Share on Whatsapp ah khan share mai tur a  ni e.
DOLCEZZA  - EPILOGUE
BY. Thantei_Pautu aka Laura_Sean_Virgo
.
THLA 3 HNUAH*
.
SUDBURY, MASSACHUSETTS – USA*
.
Vawiin hi Isabella nen kan inneih ni a ni a, mi hriat tam loh dan ber turin kan chhungkua, kan chhungkaw thiantha leh ka thiantha te, Isabella thiante kan inneih min hriatpui turin kan sawm a, kan duhthusam angin ka pianna hmun Sudbury, Massachusetts a kan chhungkaw In ah inneih hunserh kan hmang tan mek a ni…
.
Kawrfual var ha, khawvel a hmeichhe nalh ber ka lam pana lo kal chu ka en reng a, ka bul a rawn thlen a ka kut a vawn chuan thaw hauh lovin ka lo awm reng a ni tih ka inhre chiah.. Ka thaw hawk a..
.
“Ka hmangaih che” a mit ah chiang taka en in ka phun sup a. A hmel nung sar leh a landan nalh tak te, a hlim zia a mitmeng a langchhuak te chu hmuhhmaih theih a ni lo..
.
“Monu hi I fawp thei tawh ang..”
Isabella chu ka lamah pawt hnaiin duhthawh zetin ka fawp a, inneih hunserh min hmanpui tute chu kutbeng in an au dar dar a..
.
“Khawvel a monu nalh ber I ni e..” Sophia chuan nghet zetin Isabella chu a kuah vang vang a, a mittui a hru zauh bawk a. Sophia awlsam taka a tah mai zel chhan hi nau a pai vang a nih ka ring. Hmeichhe naupai lai chu an tahbelh duh an tih kha maw…
.
Isabella lak atang chuan ka mit ka lasawn miah lo tluk a ni. Inneih lawmna  party ah a mawi tawk kan awm hnu chuan Honeymoon kan hmanna tur lam panin kan thlawk chhuak a.
.
Isabella chu ka dar ngheng in a muhil bam a. A chau viau tur a ni reng a ni.. Nileng in inthlahdul thei hauh lovin kan awm a, keipawh ka chau viau mai. A kut ah vuanin, a kutzungtang mawi zeta a zungbun bun chu ka fawp zauh a. Chhinchhiahna..ka ta chauh a ni tih chhinchhiah na a ni. Ka rilru a hlim veng veng a, tunah tak hi chuan ka mi huat ber pawn ka ka ah zen se ka seh hauh lovang. Ka thutna seat hnunglam chu ngheng in ka maimitchhing vang vang a.
.
ANCHORAGE, ALASKA – USA*
.
A muhil lai tihharh hlau takin  Isabella min kuahna chu ka phelh a, khum atang chuan thochhuak in thuamhnaw ka ha a, tukverh atang chuan pawnlam ka thlir vang vang a. Kan awmna atanga langthei chin tlang chu vur in a khuh vek a, a lang mawi khawp mai.
Nizan atang khan vur  a la sur reng a, khawlai chhuah ngaihna a awm lo.. Mahse kan tan chuan a tha zawk.. Abik takin ka tan..
.
Helai hmun kan thlen atang khan ni 2 a liam tawh a, kan hun hmandan chu duhthusam a nuam leh hlimawm a ni.
.
Khum a Isabella tui taka muhil chu ka en leh a.. Ka rohlu diktak chu amah ngei hi a ni e.. Kan inngaihzawn chhung a sex kan hman loh vang khan nula thianghlim a ni kher turah ka lo ngai lova, vawikhatmah a sawiri lo bawk. Mahse helai kan thlen hnu ah nupa kan nih anga kan mutdun hmasak ber khan atan mipa hmasa ber ka ni tih ka fiah a, sawifiah theih loh khawp a nasa in ka lungawi a, mi bik leh khawvel a mipa vannei ber niin ka inhre hial bawk..
.
 Kut lum thar thar in ka kawng a min rawn kuah chuan ka ngaihtuahna atangin ka harhchhuak chauh a.
“A lang nalh hle mai…” Pawn lam a vur tla chu a en dauh dauh a, nui sangin min rawn en a, puan in a intuam hlan bawk a.. Puan hnuaiah chuan engmah a  inbel lo tih ka hria..  Ka ngaihtuahna vang ringawt pawh chuan ka danglam leh nghal der..
Ka taksa si thlapin ka kuah hnai a, a hmui no chek ah chuan ka fawp a, min sik chiah chuan ka danglam tih hrethiam in a thaw hak a..
.
“Nang hi...??” a nui hak hak a, ka mit ka lasawn lo reng reng.. A nui hmel hmuhnuam lutuk hi nileng pawhin ka thlir peih ang chu..
Ka nui suk a, a inrin hmain ka chawi nawlh a, a ban in ka nghawng ah min kuah vat a..
“Khawnge kan kal dawn..? Pawnah kan chhuak thei lo a nia.. Thuamhnaw ka ha miah lo tih I hria ang chu maw…”
.
Bathroom kawngkhar ka hawn chuan a thaw huai a..
.
“Nilengin In ah kan awm angai ang tih ka hlau khawp mai.. Nizan atang khan vur a la sur char char a..”
.
“A pawi hleinem.. Pawn khawvawt a chhuah ai chuan heta awm hi nuam ka ti zawk daih..”
“A chhan ka hria..” awmze nei zetin ka melh rulh a.. Ka thusawi awmzia chu man rang khawp mai..
“Oh..Chris.. Uang lo mai teh..”
.
.
KUM 4 HNUAH*
.
“Daddy a lo haw tep tawh a nia.. Bang rawh le.. Shhh..tap tawh suh..”
.
Isabella chuan kan fapa chu duat zetin a kuah a, nupui tha tak a nih bakah khawvela nu tha ber a ni chiang a ni.. Evans Jr. chu a nu darah a bei hlan in a tap hlap hlap a..
.
Kan fapa hian a nu ang maiin mitmeng uk kharh a nei a, a bak zawng chu keimah vek a ni.. Ka naupan lai thlalak nen danglamna a awm lo.. A mizia pawh keimah ang chiah.. A luhlul deuh thin vang hian Isabella hi a mangang viau thin a, nausen thil zir thei tantir a nihlai atang tawh khan a luhlul reuh viau dawn tih hi chu ka hrethiam daih tawh..
.
Min rawn hmuh chuan min rawn pan  a…
“Hei le… Daddy a lo haw e..”
Evans chuan min ban a, ka lo pawm vat a..
“Vawiin chu min hlat ah a awm duh miah lova..” a kut in a  nghawng  a tuai nauh nauh a. A chau tih a sawi lo na in a hmel atang chuan a chau viau ang tih ka hria. Nauawmtu lak a duh lo a, amah ngei lo chu kan fapa enkawl turin tumah a rintawk loh thu a sawi mai thin..
.
“Lo hnai teh…”
“Enge a..??” a ti deuh ha a..
A ban ah vuanin ka bulah ka pawthnai a, a biang ah ka fawp a.. Ka tihzawh rualin Evans pawn ka tih ang tih a duh ve leh a.. Nui sang in Evans chu ka kut atangin a la a, muttir turin a room ah a hruai a..
.
Evans room a ka kal chuan a lo muhil fel chiah a, Isabella chuan a lehkhabu chhiarsak chu dahin naute tih harh palh hlau takin a rawn tho a.
.
Ngawireng in kan inkuah rial a, kan room kan pan nghal a..
“I chauh leh chauh loh pawh ka la zawt miah lo che a..” amah pawh a chau tho a, amah ai hian min ngai pawimawh ni a hriat chang ka nei fo mai.. Chutiang bawkin keipawh in ka theihtawp in ka ngai pawimawh a, inhnial deuh rap rap chang chu a awm lo thei lova, kei mi thinchhe ve tak hi a hun takah ka inthunun theih nan ngawih hun a hre ziah bawk. A chang chuan keipawh a ngawi hmasa ah ka tang fo.. A naupai laia a tawrhhlelhawm thin zia zawng zawng chu sawi vek ngai ka ti love… A chhan ka hriat lohin a tap fo a, a thinrim thut thut bawk a.. Vanneihthlak takin Bastian a awm hlauh a, Isabella awmdan chu Sophia aia a ziaawm thu min hrilh hnu chuan a awmdan ang apiang chu hrethiam takin ka dawm zel theih phah a ni.. A pawimawh ber chu kan inhmangaih a, hmangaihna vang chuan kan nungchang ah siamthat ngai lai kan insiamtha tawn a, nitin kan inzir tawn reng a ni ber e..
.
“I bula ka awm chuan ka chau tih ka theihnghilh ziah a lawm..”
A nui hak a..
Ka dar ngheng in a mu a, duat taka kuah in a sam ah ka fawp a. Rilru hlim leh thlamuang takin ka muhil siai siai a…
.
THE SUN DAILY NEWS PAPER*
**A vawikhat na atan Chris Evans leh a nupui Isabella Evans te chuan an fapa thlalak mipui hmuh theih turin an phochhuak ve ta. He mipa naupang duhawm tak hian a pa a chhun fuh hle..[see pic.]
Chris Evans hi nupui a neih hnuah a hlawhtling lehzual hle a, a hlawhtlinna phen ah hian a nupui a pawimawh ber thu chhuang takin a sawi.. Tun atanga thla 7 a ral leh hunah naute thar an beisei thu sawiin an chhungkua in an duh ber chu media te tihbuai loh a ralmuang taka nun hman a nih thu a sawi a, kan hriat theuh angin hun pawimawh bikah Evans hi a nupui  tel lovin a kal ngai lo tihtheih deuhthaw a ni a, a nupui a hmangaih zia mipui hma ah a tilang hreh hauh lo bawk. An nupa a an ngaih pawimawh ber chu an fapa Evans Jr. a nih thu a sawi a, a hmel atangin a hlim hle tih hai rual a ni lo ve...
Isabella piancham [29th August] lo thleng turah a inbuatsaih lawk nasat thu a sawitel zauh bawk.. Engtin tak inbuatsaih ang maw…????**
.
A TAWP TA..

.
ULUK DEUH A CHHIAR TUR👇
AROMA QUEEN FLABIA FRESH - HERBAL PRODUCT MIZORAM A LO LUHNA LA REI LO, BUSINESS PLAN THA LUTUK. ZIRLAI TAN PAWH ZIRLAI TIBUAI MIAH LOH A SUMDAWN THEIHNA, HRECHIANG DUH TAN A HNUAIA NUMBER KA DAHAH HIAN BIAKPAWH THEIH RENG A NI E.
9612229037/ 9402365651
WHATSAPP GROUP SIAM A NI BAWK A, AN PRODUCT EN DUH HRIM HRIM TAN PAWH BIAKPAWH THEIH RENG KAN NI.
A TI HMASA TAN CHANCE A THA, MARCH NI 1/2018 KHAN OFFICE HAWN A NI A, AIZAWL AH REGIONAL CENTRE AWM A, OFFICE HMUNPUI AH DOCTOR TE'N AN THUTCHILH DAWN  VANG CHAUH PAWH HIAN A NGELNGHEH ZIA LEH EIZAWNNA TLAK ANIH ZIA A CHIANG NGHAL A NIA. BEAUTY CARE, PERSONAL CARE, HEALTH CARE, FOOD AND BEVERAGE ETC. A AWMKIM HLE. A THLAWNIN MEMBER ANIH THEIH RENG E, RAWN BELCHIANG LA I INCHHIR DAWN LO CHIANG LUTUK.
PHONE - 9612229037/ 9402365651