PROFESSIONAL (2016)

PROFESSIONAL…..?
(TRUE STORY)
By. Laura Sean Virgo
.
Vawiin chu ni nuam tak ani e..
.
“Big news…News ka nei a nia..” ka hnathawhna hmun a ka thiante, ka hlimna leh ka veizawng, ka lungngaihna min hriatpui thin tute bula ka chanchinthar lawmawm tak sawi hi ka tana thil pawimawh tak a ni.
.
“Enge sawi vat teh..”
.
Ka hmel atangin ka hlim tih a lang a nih ka ring, ka thiante chuan nui sangin ka thusawi chu an ngaithla a…
“A bul atangin ka tan ang..sawitur a tam lutuk..” tiin thawk ka la halh a...
.
“High school ka kal lai atang tawh a ka star thin Victor nen khan kan inbia a.. Kan inbia han ti hluai ila, a hma pawhin kan inbe fo a mahse tunah chuan kan inbiak dan a dang.. Ka rilru a buai… Engtin nge ka tih dawn..??”
.
Ka thiante hnen a ka sawizawh meuh chuan min lawmpui vangin an nui sang hlawm a. Kan dan pangngaiin kan ngaihdan kan sawikhawm leh nasa.. Hmeichhe nih tinuamtu chu tuna ka huntawng mek ang hi a ni.. Rilru buaina leh hlimna kan neihin kan thiante hnenah kan sawi a, rilru buaina kan neih te chinfel dantur kan ngaihdan kan thawhkhawm liam liam a..Thutlukna felfai tak ka siam thei ngei ang.. Thurawn dawng teuh mahila thutlukna siamtu tur chu keimah ngei ka ni tih ka inhrechiang.
.
Ka hming chu Remsangzuali a ni a, kan unau zinga naupang ber ka ni. Naupang ber ni mah ila, no tak leh buaipuingaiin ka awm ngai lo. Naupang lehkha thiamthei leh harhvang tak ka ni thin. Thil reng reng fair taka tih ka duh a,ka tih tawh loh chinah chuan ka luhlul hle..
.
Tleirawl chhuak tir, inngaihzawnna awmzia tak tak hriat hma, star neih nachang ka hriat tantirh atanga ka star thinchu Victor hi a ni a. Mahse a hunlai khan ka duh hunah ka star a ka duh hunah ka ban leh maithin.. Ka awmdan ang chuan in awm ve tawh vek ka ring…
In thenawm hnai taka kan awmhma pawhin kan chhungkua kan inpawh a, an Upa ber leh kan unau zinga upa ber an inkawm a, ka u chiah leh Victor-a nau an inkawm bawk. Victor-a nau leh keipawh kan inkawmngeih hle, engkim kan inhrilh vek thin.
.
Phai ah lehkha zir a ka awm hnu ah kan inbe zeuh zeuh a, MA ka zawh dawn, Mizoram a ka rawn haw dawn hnaih chuan kan inbe tha lehzual hle. Mahse ka phaktawk a mi fimkhur leh fair taka thiltih duh ka nih vangin a chanchin ka theih ang ang in ka chhui chiang ve a, kum 4 chhung zet ngaihzawng kawp nghet alo nei reng a, ka hriatchhuah hnu chuan kan inbe zawm leh ta lo.
.
Hun a ral a, Victor leh a ngaihzawng an inthen tih ka hriat leh lai chuan keipawh in ngaihzawng nghet ka nei a, lo star hrep tawh mah ila ka ngaihven hran lo. Ka ngaihven loh vangin ka duh lo tihna erawh a ni chuang lo a.
.
Ka hnathawh vangin Aizawl ah keimah in In ka luah a, mahni tawkah ka indaih lo ve hle. Nu leh pa hmuhphak loh a awm ni mah ila ka theih tawp in kohhran ka bel a, Ka phu reng vang ni lovin Pathiankhawngaihna zarah Bial Zaipawl ah te tel in a trul hun ah min ruat angin ka solo ve lawp lawp bawk a.
.
Ka hna nuam ka ti in ka nun pawh a hlim hle.
.
Tlai khat chu ka hnathawhna hmun atanga ka haw hnuah ka In luah ah chuan Victor a rawn lang nawlh a, mak ka ti viau.. Chumi zan atang chuan ho te te a tanga tran in kan inbe tha leh a, diktak chuan ka hlim veng veng.. Min endan leh a awmdan, a tawngkam atang te in minen liam mai mai bik lo tih ka hrethiam a, tleirawl tirhatanga ka dream thin a thleng dik dawn niin ka hre bawk a, ka hlim takzet.. Ka thiantha te hnen a Victor nen kan inbiak thu ka hrilh chuan min lawmpui in kan tre teng tung a. Hetih lai hian keipawh ka bialpa nen kan inthen ve tawh bawk..
.
Victor nen kan inbiak atanga thla li na chiah ah kan inngaizawng nghet a, ka hlim zia leh ka nun zangkhai zia chu tawngkam a sawi a fiah mai theih pawh a ni lo.. Min ngai pawimawh a, min duat hle bawk. Kum 6zetin kan inthlau a, mahsepawi tihna ka nei lo.. Engkim a tha vek..
.
Hunawl kan neih phawt chuan inhmuh hram kan duh thin. A chhungte tlawh kual in kan in pawh hlawm hle. A chhungte leh a unau te mak tih khawp in min duhna a tilang a, a ngaihzawng lo neih tawh te a chhungte nen a inhmelhriat tir ngai lo tih a unau ten min hrilh chuan mak ka ti a, ka hlimhle bawk. Diktak chuan ka inrin hma in ka hmangaih hman der a ni.
.
Chawlh kan neih in kan khua ah kan haw rual a, kan chhungte bakah thenawm khawveng leh kan thiante zawng zawng in kan inngaizawng tih min hriatpui vek a, fiam pawh kan hlawh hle.
.
Ka hlim zia ka thup thei loa thup ngai ka ti hek lo.
.
“Mi tha tak hi ka tan Pathian in a lo dahtha reng a nih hi” tiin ka status ka update hial a ni.
.
Amah pawh a a danglam chuang lo. Hna atanga a ban veleh ka in ah rawn kal in chaw kan eidun a, nula leh tlangval inngaihzawnna ah hian kalaka a awmdan bak hi induhna lantir dan a awm tawh chuang lo. Ka thiltih apiang a ngaihven a, ka awmdan engkim hriat a duh thin. A mah chhuahpui lova ka thiante/ka thawhpuite nenkan chhuah in a lungawi lo fo a, mahse thlem lungawi leh a har ngai lo thung..A chhungte ka lakah an tha em em a, kan inpawh em em vek bawk. Kan hming in kan in ko ngai lo tluk a ni. Mama/Papa tiin kan in ko mai thin.
.
“Mama, I awmdan ka chikche hian ka tana mi tha tak I ni dawn tih ka hria. I fel a, Nupui tha tak leh motha tak I ni ngei ngei ang. Kan chhungkua kan inpawh sa a, ka chhungten an sawisel miah lo bawk che a, innei ta ila kan hlim ngawt ang tiraw.. Innei tawh mai ang” he thu hi vawikhat mai ni lo vawi tamtak a sawi thin. Mahse ka la inpeih lo.. Enge a chhan ber ka hre lo. Unau a naupang ber ka ni a, ka u te pasal han neih khalh chu dik lo deuh hu in ka hria a, ka la inpeih loh thu pangngai takin ka sawi mai thin. Ka rilru erawh chuan nei mai turin ka inbuatsaih thung..
.
A hna avangin Delhi leh hmun dang dang ah a kal deuh reng a, buai chung chung pawhin min biak a thulh ngai lo a, hmeichhe tan hetiang baka mipa thahi khawvel ah hian an awm chuang lo. A zin a pianga a thil min lo hawn leh thilpek min pek thin zozai te ai chuan amah kabula a awm a, hlim taka kan nuihdun hi ka tan chuan a hlu zawk daih.

.
In ngaizawng dang ang bawkin engemaw changa thu inhmuh tawk loh leh inhnial rap rap kan nei ve fova, kei..hmeichhe luhlul ve tak leh mahni thu a awm duh chi leh midang puihna tel lo a thiltih duh thin hian buaithlak tih chang pawh ka ngah mai.Mahse atan ka insiamrem hram hram thin.
.
Ka duh a, ka insiamrem ve hram hram a ni tih hre mahse amah duh huam huam leh ti huam huam anga lan erawh ka duh lo..Ka inthup vek seng lo maipawh a.. Keimah ang thovin a ni pawh a danglam tehchiam lova, kan inngai in kan inthlahlel takzet.. Kan duhzawng leh lawmzawng a inang a, two wheeler kan lawm ve ve a, Saturday apiangin kan siltir thin. Chawhmeh kan lei pawhin inzat in kan insem mai a, hetiang taka milpui hi ka ngaihzawng tawhte ah ka la nei ngai lo.. Kei aiin amah hian kan inmil a tih thu hi a sawizing zawk.
.
Ka thiante nen kan chhuah ho pawhin a thil tur hlir ka melh fo thin. Ka ngaihtuahna zawng zawng a luahkhat a ni ber e..
.
Mahse..mihring te hian hma hun kan lo hre lo em a ni...
.
Thla 4 zet buaina liantham nei lo a kan inkawp hnu chuan fiahna tur nei si lovin ka ringhlel ta zauh zauh a, mahse fiahna mumal tak ka neih loh vangin engmah ka sawi chhuak lo.
.
Zan khat ka in a rawn kal chuan a rawn luh rual in aphone a ri a, mahse a pickup lo. A hnu lawk ah arawn ri leh a pick up tur a ka tih chuan a pick up ve mai a, rawn phone tu chu tunge tih ka hre lo.. Kan pahnih chauh a kan awm vangin thawm dang a awm lo a rawn betu tawng chu ka hrethei.. Hmeichhia a ni bawk.
“I lo leng dawn lo a mi.. Tunah khawnge I awm?”
“Hei ka leng a..”
“A nih chu leng rawh” tiin arawn be tu chuan phone a off tau a.
Ka hriatchian ngei a ngai..Kha hmeichhia kha tunge..? An inbiak a zawhna arawn zawh khana bialnu in ah a leng tih a sawi mai thei lo em ni..? Khatiang a rawn titau ngam chu a engemaw takchu a ni khawp ang. Ka thin a rim a, kawp ni a ka inhriat na chuan ngaihtuahna fim min neihtir thei lo.
.
Rawn betu nen an inkar ah engemaw a awm ngei em tih ka hriatchian theih nan ka hriatlai a be tur leha bialnu ka nih thu sawi turin ka nawr a, mahse a ti duh lo.. A zahthlak a ti.. A zahthlak a ti a nih chu.. A englai ber nge zahthlak a tih keichuan ka hriatpui lo.
.
A bulah engmah thleng lo ang mai a awm chu ka thei hlawl lo. Room ah ka luhsan a, tap lo turin ka insum thei miah lo bawk. A awmchhung chuan ka chhuak leh tawh lo. Engkim sawifel a kan inkar tihtawp ka duhthu ka sawi a, mahse ka duhdan chu min pawmpuilovin ka lungawi theih nanmin thlem a. Diktak a sawi chuan keipawhin inthen ka ngam tak tak vanga sawi ka ni lova, a rilru hriatchian ka duh vang a ni pakhat..
.
Ni reilote hnuah Victor-a ka in a rawn len zan a rawn betu kha tunge a nihka hrechhuak a, mak ka ti.. A hma a ka lo rinhlelh ruk ngei kha a ni bawk. Thian ka nei zau a, ka hriat loh thil hria an lo tamnasa.. Mite hriathlawh takhmeichhia a ni [Sylvia tiin ka sawi zel tawh ang. A hming tak hman a remchang lo].
.
Ka hriatchian hma chuan Sylvia hi ka dem nghal ngawt hran lo. Mipa in hmeichhia a biakin hmeichhe tan lo biak chhiat ngawt a mawi lo foa, hmeichhia te hian mipain induh leh chapo tak tia min sawi kan duh lo theuhbawk.. Mahse, hmeichhia pawh mipa pawh ngaihzawng nei laiin midang an ngaihzawng nilo biak dan tawk erawh a awm tih ka hria.. Keimah ngei hian ka tawng ve vek..
.
Sylvia chuan Victor-a hian ngaihzawng a nei tih hre lovin a lo be tha a nih ka ring a, hmeichhe rilru pangngai pu chuan mipa, ngaihzawng nei tih a hriatchian reng chu a be tha turah ka ngai lo. Ka ngai lo mai ni lovin thil nihdan tur a ni lo hrim hrim bawk.. Nasa taka ka ngaihtuah hnu leh tihchhin tumna pawh ka neih miah loh hnuah Sylvia chu ka bia a, ka biak chhan ber pawh Victor-a hian ngaihzawng a nei a, a lo bia che a nih pawh in ngaihzawng neilai a ni a lo be tha suh tih ka tum mai kha a nia.
.
Mahse ka rindan letling chiah in kan inbiakna chuan rah tha a chhuah lo. Sylvia chuan be reng chungin Victor-a a hriat ngai loh thu min hrilh a, ka nuih a za zawk.. Ka lo rinlawk dan nen a inpersan lutuk.. Hmeichhia theuh kan ni a,hmelhriat tha kher lo pawh kan in tanpui tawn tur a ka ngaih laiin.. Mahni chunga thleng turakan duh loh hi mi chunga thlentir hreh hauh lo tam tak an awm tih ka hriatchian lehzual phah a..chu zawng chu..
.

Ka thiante hnen atanga ka hriat dan leh ka mit ngei a ka hmuh atangin mi inngaizawng kara tlakzeh chu Sylvia-i tan hian thilthar tehchiam a loni lo a ni awm e.. Mi inngaizawng kara tlakzeh chauh ni lo mi nupa pawhpawt then hial a nia, a zei a niang..fimkhur rawh tiin min hrilh hlawl hlawl bawk a.. Mak ka ti lutuk ringawt.. [A lo pawhthen tawh te ngei nen pawh inthiantha tak kan ni ta hial] Victor-a nau ngei pawhin ‘tunhma atangin Sylvia-i hian a ngaizawng nasa thin a lawm, hlauthawng suh..ka u hian duh ni sela hmaaan ah a ngaizawng tawh ang’tiin min hrilh a.. A unaupa ngeiin chutianga min hrilhvang chuan engemaw chen chu ka thla a muangdeuh huai a, mahse a daihrei lo khawp mai.
.
Chumai bakah Sylvia-I hian ngaihzawng a nei tih ka hre lehzel a, a ngaihzawng pawh chu ka hmelhriat a ni a, mahse hetiang thilthleng zawng zawng hi ka hrilh lem lo.
.
Sylvia status ka thianten min rawn thawn ka hmuh chuan ka nui tawp.. Mi inngaizawng tibuai hreh lo leh mi nupa pawh pawt then hial sawi atan chuana tha mah mah a ni.. A thusawi chu aman zawm se ka lo ti ngawt bawk.. Hmeichhe thenkhat demna thu leh ngaizawng/kawplai nei reng chung a rinawm lo techu a dem na ngang ngang khawp mai.. Mi famkim ni a ka inhriat vanga nuih erawh ka ni lo.. Mahse, mahni nunpui loh thu tha deuh deuh sawi hi a lo chi ber loh tih ka hmuhthiam lehzual thung..
.
Sylvia nen kan inbiak thu leh kan inbiak dan zawng zawng chu Victor-a lak ahpawh ka thup chuang lo a,ka bulah pangngai takin aawm a, mahse ka rinna a tichhia a, pangngai takin a bulah ka awm hleithei tawh lo.
 Ka thiante, Victor nen kan inkar thu ka hrilh ngam chin ho pawhin then turin min duh vek a,mahse a awlsam si lo a ni.. Ka thinlung zawng zawng ka pek tawh leh ka pasal ni tura ka ngaih hialtawh hi awlsam taka then theih a ni lo.. Ka zep lo.. Ka then phal hlawl lo a ni..
.
Theihtawp in ka bei anga ka chan lovang tiin ka rilru ka siamthar sauh sauh a. ‘I rinna a tichhe tawh a nuam tak leh rilru thlamuang in I awm thei tawh chuang lovang’ tia min hrilh pawhin ka beng ka chhungawng lui tlat a. Khati khawp a min ngaihsak tu leh min atchilh lo chauh tu khan awlsam takin min then thei bik lovang tih ka ring ve tlat a ni.
.
A awmdan erawh a danglam.. A hma a ka awmdan zawng zawng hriat vek duh tu khan nileng a min biak loh pawh a thei ta tlat.. Chrismass a lo thleng a, ahma a ka rual a haw tum kha ka rual a haw lovin 23rd December ah arawn haw ve chiah. Eng thil nge a tih ka hre lo. Kumthar hmang turin kan chhungkua in Lunglei ah kan kal a, a hma zawng a ka awmdan ngaihsak tha tawh lo tu khan a hriatpuina tel lova ka zin vangin inthen hial ngam in ka lakah a rawn thinrimleh lawi a. A hma zawng khan inthen a duh thu a sawilang ngai lo. Inthen dawn chuan hmaichhan ah chiang taka sawifel turtiin a sawi thin.
.
Awmdan tur thiam a har a, kan inkar boruak a tha tawk lo tih hrereng chungin ka la then phal chuang lo. Boruak tha lo zawng zawng hian reh hun a la nei anga hlim taka kan awmdun ka la ring fan a ni.
.
Kum a thar a, Lunglei atanga ka haw min hmu lo tawk chiah in Aizawl aha chhuk a, kan inkar boruak chuan that lam aiin that loh lam a pan zel ni maiin ka hria. Mahse ka beidawng lo. Hneh theih loh mihring an awm ngai lo a, chuvang chuan ka theihtawp ka chhuah anga ka hneh tho ang ka la ti trang trang. Ka tap tam khawp mai. Ka rilru hahna chu ka nungchang ah a langchhuak a, ka taksa in a tuar nasa ta viau bawk. Ka hmelhriat ten ka cher thu min hrilh nasa hle..
.
Sylvia-i chauh ni lo a ngaihzawng hlui Thlamuani pawh a lo be thin tih ka hre lehzel a, ka thinlung a na takzet a, zantin ka tap ziah.. Mahse ka la thlah phal chuang lo.. Bakah min then duh tak tak a nih chuan hmaichhan ah ngei min hrilh ka phut tlat a ni. Ka beidawn tawp thak hma chuan ka thlah lo bawk ang.. A tel lo a nun hman ka zuam lo a, a tel lo hian ka hlim thei tawh ngai dawn lo niin ka inhria a, then chu ka zuam lo. Ka ngaihtuahna zawng zawng a luahkhat vek a, amah chauh lo chu khawvel ah hian ka tan mipa dang an awm lo. Midang ka biak a phal loh vang chauh pawh ni lo kawppuite laka rinawm lo nih ka duh ngai loh vangin min beisei ve tute pawh tumah ka be tha ngai lo. Ngaihzawng ka neih thu ka hrilh zel thin.
.Ka be tha tawh bik lo ang’ ti a ka inngaihtuah pawhin min rawn biak a, pangngai taka a rawn awm chuan ka lo pawm lehzel a, keimah ngei pawh ka inhrethiam lo fo.
.
Phone ah thinrim taka kan inhau pawhin ka in a a rawn kal chuan a laka thinrim theih miah loh turin awmdan a thiam tlat thin..Mak takin Thlamuani nen kan inbiak chuan engkim min hrilh vek a, an inbiak dan screenshot meuh in min rawn thawn vek.. Thlamuani pawh ngaihzawng nghet nei thoa ni.. Mak ka ti lutuk.. Ngaihzawng nei reng chunga inbe reng thei bawk chu kei hian ka hrethiam thei lo.. A hmain Thlamuani pawh chu na takin a lo kalsan tawh tih ka hre lehzel bawk a.. Ka tuar theih bak a ni tawh ka tih hnu ah pawh ka la pawm lehzel tho..
.
He thil erawh hi chu ka hrechiang..“Khawvel ah hian vawikhat chauh ka piang dawn a, thatlai hun vawikhat chauh ka nei dawn bawk. Ka hmangaih nei thei turin theihtawp chhuah a ka beih a thianga, ka bei bawk ang. Kha thil kha ka lo ti ta lova aw’ ti a inchhirna tur neih ka duh lo. Chuvang chuan katheihtawp in ka bei ang” tih hi.
.
Thil thleng zawng zawng ka sawi vek seng lo.. Phone atanga Inthen a rawt pawhin ‘ka duh lo, kavuan tlat dawn che tiin ka chhang a. Thil tha lo thleng zawng zawng te hi ka tuarchhuak ngei ngei dawn in ka inhre bawk. A lo sawitawh ang chiah khan min then a duh tak tak chuan ka mit a min enchungin min hrilh ngei tur a ni.. A thiltih dik loh leh ka chunga a awmdan thalo tak hi hrechhuak a inchhir in a hma ang khanmin hmangaih leh ka ring a, reitak ka tuar a ngaih ka ring lo.. Mi tuarchhel ka ni a, ka tuarchhuak ngei bawk ang’ tiin ka in humruh sauh sauh a..
.
Ka thiante hi ka tan chuanan va hlu em.. Kan inkar thu chu ka thian tlemte te hnenah chauh ka sawi ngam tawh. Ka then loh vangin a then in min dem pawh ka ring.. Mahse ka pawisa chuang lo..
.
Ka thiannu Awmi te in ah chaw ka ei a, chaw eikham ah ka online a, Instagram a kan thlalak a post ho a remove vek tih ka hmuh chuan ka tliak vek. Ka insum hman lo..ka tap hlawp hlawp a, awm ngaihna ka hre lo.. Hmaichhan ngei a min then thu min hrilh duh chuang si lovin, a nun atanga min nawhreh a chak lutuk chu ka tuar zo thlawt lo.
Awmi chu kohhran thilah chhuah a ngaih vangin anin atangin ka chhuak a. Ka in luah ah keimah chauh a awm ka ngam lo.[A hma khan thil thalo ka ti thelh tawh a..inngaihtuah harh hmanlo ila chuan ka nunna ka la ngei ang..]
.
Ka thiannu Thantei te in ka pan a, an in ka thlen chuan committee an lo awm lehzel a, ka boruak tawn mek nen chuan a inrem hlawl lo..
 Thantei a rawn chhuah a min hmuh chuan step ah thu in ka tap hlawp hlawp a.. Enge ka sawi pawh ka hre mumal ta love.. Inchhung ah min hruailut a, reilote ka awm hnu ah chhuak leh in ka in ka pan a. In chhung a awmtur khan ka boruak a rit lutuk a, ka a mai dawnin ka hria.. Engmah mumal in ka ngaihtuah thei lo.. Ka mittui a tla a khua ka hmufiah thei lo.. Mit phe ruai chungin Scooty ka khalh nawk nawk a..
.
In ka then chuan ka thianpa [Victor-a chhang chiah] Puia leh a cousin in min lo nghak khiau tawh a, Puia hian min hrechiang a, ka luhlul zia a hrechiang bawk. Thil tha lo ka tih mai hlauvin chaw pawh ei hman lovin an rawn tlan a lo ni a.. Puia bulah pawh ka tap tho.. A unaupa awmdan chu a huat zia sawiin a theihtawp in min hnem a, mahse chu pawh chuan ka thinlung na lutuk chu ati ziaawm chuang lo.
.
Ka natdan min hriatpuitu leh Victor vanga ka tap lai min hmu fo tute zinga mi Thantei chuan min ngaihtuah in a nau nen zan dar 10 dawn ah ka in an rawn kal vang vang a, ka that thu leh awmpui ka ngaih loh thu ka hrilh hnu ah ka tan min tawngtai sak in min hawsan leh a.
.
Khum ah mu in ka huntawng mek chu ka ngaihtuah a, ka tap tlawk tlawk a.. Victor chuan minbiak tumin min lo call tluk tluk a, mahse phone ka pick up lo. Enge ka sawi chuan ang..? Phone ka pick up duh loh vangin message min rawn thawnteuh a, a engamah ka chhang lo.. ‘Thil tha lo tih tum miah suh…’ ‘ I tha em?’ Min ngaihsak ni awm taka message min rawn thawn chuan ka thina ti ur zual a, ka tuar nasatawh lutuk hi ka chawmawlh ni berin ka hria.
.
Hetiang thil zawng zawngthlen hnu pawh hian min rawn biak a thulh chuang lo a, ka chhan duh loh pawhin min rawn be reng tho. A rei chuan ka lo ngaidam leh nge nge a. Ka thian thenkhat te chuan inthen hmak ah min ngai vek tawh. Mahse ka tan chuan a la tawp lo..Ka la thlah phal chuang lo a ni ber.. A em em tawh ee…I ti a nih pawhin awm ka tihpui tho che..Keipawh hian a em em lo ka ti pawh a ni bik chuang lo.. Ka beidawn tawp rak thleng a ka beih loh chuan ka inchhir leh ka hlau a ni.. Ka in tina mai mai tih te chu ka ngaihtuah thleng lo pawh a ni bik lo.. Ka awmdan ang leh ka thil tawn ang tak I tawng ve a nih loh chuan min hriatthiam pui vek lovang.
.
Inbe mumal lovin kan awm ren rawn a, a hma a kan inthlakhleh ang khan awmdun thei tawh lo mahila Puia min hrilh ang in ka birthday lawm na ah ka sawm a. Ahma khan Victora hian Puia bulah ‘Birthday te chu special occasion a nia, kal ka tum hrim hrim alawm’ a tih vanga sawm ka ni bawk.
.
 Ka birthday lawm zana arawn kal chuan a nghawng a love bites chu a langsar hle. Ka thaw a tipik hluah hluah a, sawithiam loh khawp in ka rilru a na zual bawk. Ka mittui a hul tawh..heti bak chu ka tuar thei tawh lo ka tih hnuah pawh min la tihnat belh zel chu a nihhi...Ka thiantha te ka in a tlangnel taka an awm chua ngaimawh a, ka thianten a awmdan chu an ngaithei lo bawk a. Ka thiante chuan program laklawh laia haw an tum hial a ni. Mahse haw lo tura ka ngen vangin an awmtluan ve ta tho a.
Hmel inhmu thei lova kan awmlai leh ka bula a awmlaia a nungchang chu a danglam vek thin.. Ka bula a awm chuan minthlahlel tih a thup seng chuang lo.. He mihring hi ka hrethiam thei thlawt lo..
.
Kan inkar boruak tha vak lo chu a nu hrilh lo turin min duh a, an chhungte zin tur thlah a Lengpui kan kal pawhin engkim pangngai ang thlapin kan la awm leh. A bula ka awm chuan thil thleng lehka rilru natna te theihnghilh in hlim takin ka nui a, a ni pawh a danglam chuang lo.
 Hetihlai hian a hmeichhe biak te a la be chhunzawm reng tih ka hria a, na taka min siam chung pawhin amualpho ka hlau a ka la venpui tak tawk tawk a.. Mahse ka beih hahna zawng zawng chu atan engmah a lo ni lo.
.
Thlamuani nen kan inbiak leh tum chuan an inbiakna thenkhat min rawn thawn a, Thlamuani’n ‘Min rawn be reng a, ka ning lutuk’ a rawn tih leh an inbiakna min hrilh zawng zawng atangin kan that lai reng pawh khan riak turin an lo insawm zak zak a lo nia.. Ka luak a chhuak zawk.. Khawvel hi a chhe tawh em a ni’ tih thu hi kan sawi fo a, mahse ka rin phak bakin a lo chhe tak tak.. Thlamuani pawh chuan ngaihzawng nghet a nei reng tho a, an inbiak dan atang chuan a hmeichhia zawk pawh chu Victor-a in ah a lo va kal fo tho tih a chiang.. Kan khawvel hi a mak em em a ania..
.
Ka beidawng ta takzet a, tun aia thil nasa hi ka tuarbelh theih ka ring ta lo. Victor-a chu bia in a awmdan avanga ka zah thu leh hmaichhan ngei a min then turin ka hrilh a, tun hi a vawikhatna pawh a ni tawh lo. A awmdan atanga min then duh si in hmaichhan ah min then a duh thu min hrilh tura ka nawr a piang in min hnial fithla thak a, a nih loh pawhin chhuanlam a nei ziah. Kan inthen hnu a thiam a chan theih nan keimah ngeiin a ka then a phut a nih ka ring ta.. A awmdan zawng zawng avang hian a duhthusam chu ka thlen tir lo thei ta lo bawk..
.
‘Naktuk ah ka rawn kal anga kan sawifel dawn nia, zanin chu ka hman lo’tiin min chhang a, mahse naktuk ka nghak thei tawhlo. A laka tlawm taka ka awm leh ka tuarna zawng zawng te kha a tawk tawh em em e..Amah hrilhlawk tawh lovin a thil min pek zawng zawng ka lakhawm a, ka thiannnu pakhat nen a in panin kan kal a..
.
A in a ka thilhmuh chuan ka thinlung kehchhe tawh sa hi a tisawm dip vek ni maiin ka hria.. A thian mipa leh hmeichhia te nen zu an lo in ho a.. Thil hriatchhuah belh ka la neita fo. A in a lo awm ve hmeichhe pakhat nuthlawi nen chuan an lo inngaizawng tho bawk.. Amah biak tuma kal ka nih angin a in a lo awm ho chu tumah ka be lo a, chuti chung chuan a nuthlawi lo awm ve chuan ka hmai ah min kawk sak sak a, a chhang chhang leh rual pawh ka nih phak loh thu leh min khawih a chak thu a sawi sak sak a… Eng thu mah ka sawi thei lo.. Ka thinlung na lutuk chu ka mittui a tla zawih zawih tawp…
.
Ka ngaih hlut leh ka ngainat, ka ngaihsan em em thin mipa..ka hlimna leh ka engkim a ni ti a chhuang taka ka sawi thinhmel chu ka en tlawk tlawk a, ka insum zo lo.. Ka tap lo thei lo a ni.. Hetiang khawp a mi nikhua lo leh uchuak hi a ni tih ka ringchhin ngai lo hrim hrim..
.
A in a lo awm te chu an rui deuh hlawm bawk a, mipa palian pui pui pawh chuan kei…hmeichhia ah pawh awmnem ber mai hi insual pui ah min cho khur khur nia..

 Hmeichhe lo awm ho pawh chu an duai lo nasa khawp mai.. Ahma pawh khan amah vang hian tlawm vawng vawng in ka awm tih inhretawh mah ila heti em em a nasa hi chu a lutuk ta mah mah a ni e.. Tuar theih chin leh tawp chin, ka rilru a kir vek hun chu athleng ve ta...
A hnu a ka hriat leh dan inkha ta lo awm ve nuthlawimin tawngkhum ve ringawt tu kha an vengchhung ah pawh mi nasa ti a hriat a ni tih kan thianpa’n min hrilh a, fa a neih tawh thu a sawi bawk a. A fa chu eng ang rual nge ti a pangngai taka ka zawhna min chhanna chu ‘Ka hre lo..hriat pawh ka duh lo.. ka hlau e a..’ a ti hial..

.Kan khua a thenawm khawveng te, Victoa-a hretu ten tlangval fel leh tha, rawlthar chhuah sual pawh nei miah lo, mi diktak ti a an sawi thin hi hetiang taka bawlhhlawh leh leplerh hi a ni ang tih tunge ring thei ang..? Tunah ngei pawh hian a khawsak dan hi amah hretute zing ah sawi la tuman an awihsak lovangche.. Mite hmuh ah chuan mi thianghlim ang maiin lemchan a lo thiam reng anih hi..
.
Chumi zan chuan Victor nen kan inkar chu engkim a tawp ta…
.
A khawsak dan a unauten an hriat chuan an thinrim a, ka thlavang an hauh nasa viau.. Mahse awmzia a awm tawh lo.. Athusawi tam tak ka hre let leh a, min then hlen a ngamloh thu leh a tana mi danglam bik ka nih thu te… A chetdan zawng zawng chiang taka ka man chhuah vek si avangin ka hnen a lo let leh chu a ngam tawh lo..tih te a ni nawk mai.. Zah nachang a lo hre ve anih chu… Zak ve tur pawh a ni reng a ni.. ‘Duh viau mah ila let leh ngam tur ka ni tawh lo…’ tih te.. a tam mai…
.
Engpawh ni se.. amah ka then vanga damchhuak zo lo tur leh hlimna reng reng nei thei tawh lo tura inngai kha ka lo damchhuak thei reng a.. Ka hringnun thawnthu ti ngaihnawm tu leh ka fimkhur theihna tura zirlaipawimawh tak ka zir a lo ni reng tih hi ka hrechhuak tawh a ni..

Hmangaihna hnawltu leh duh lo a min kalsan tu vawnbeh tum chu keipawh in ka bansan tawh e..
Engtik ni ah emaw chuan a tan zah leh tlawm pawh sawi lova ka beihna leh ka tuarna te hi a la hrethiam ve mahna.. Chumi hun a chu a thleng ngai te a nih chuan a thil chan hlu tak avang hian a la inchhir ve ngei ang.. Eng anga nasa pawhin min ngen mahse let leh tawh ngai lo turin ka thlah tawh..

Hmeichhia in a tuar theih tawp rak thleng a in pawhfan hnua a tawp a thlen tawh chuan hetiang hi thil nihdan tur reng a ni..
.
A hunlai a ka beih hahna zawng zawng a vang khan ka inchhir chuang lova, a inchhirna tur leh hreawm a tih ngawih ngawih na tura tawngkamhman pawh tul ka ti hek lo..
.
 Bum leh tenawm taka rinawm loh san ni mah ila ka hma hun a eng a, Pathian in min chelh tlat tih ka hria a ni. Rilru na leh mangang tak, awmngaihna hrelo khawpa ka awm apiang in Pathian in a mite ka hnen ah arawn tir zel thin.. Thilmak tak chu a ni e..
.
Mi rinawm lo tawng mah ila kei chu ka phak tawkin ka rinawm zel ang a, Phatsan leh tenawm taka bum ni mah ila keichuan hre reng chungin tumah ka bum lovang.. MIPA THA TAK,HMANGAIHNA HLUT ZIA HRETHIAMTU KA LA TAWNG NGEI ANGA, CHU MIPA LAKAH CHUAN KA RINAWM TLAT BAWK TUR A NI.
.
Hmalam panin fimkhur takin ka kal a, nula pangngai ni ve ta chuan min beiseitu ka tawng awllo a..Mahse ka hmanhmawh lo.. Ka tana mi diktak leh Pathian ruat mipa diktak chu ka la tawng ngei ang..
.
PROFESSIONAL CHEATER chu ka nun atangin ka thlah liam ta e....
.
.
A/N [Author’s Note]
.
Pathian in mipa te hi ropui leh mak takin a din a. Chak lo zawk leh awmnem zawk hmeichhiate inhumhimna ni turin mipa chak tak tak te hi Pathian in a din an ni. Mipa ropui leh tha tak tak an awm laiin mipa tia koh tlak loh khawp a che thin, rinawmna reng reng nei lote hian MIPA hlutna a tihniam a, hmeichhe awmnem zawk bum duh khawp a rilru hniam pu leh rinawm lo hi MIPA ti a koh tlak ah kan ngai lo theuhin ka ring.. Hetiang mipa hian zah an phu heklo. MIPA diktak chu a rinawm tur a ni a, amah aia chak lo zawk leh awmnem zawk tan rintlak leh rinngam a ni tur a ni...
.
Chutiang bawkin HMEICHHIA pawh..mahnichunga thleng tura kan duh loh hi chu mi chungah tih loh tawp a tha ber. Tawngkam a rinawm tak anga insawi, atak tak a mahni hmeichhe puite natna thlen hreh hauh si lo hmeichhia kan lo ni ve hlauh ange.. I chunga thleng tura I duh loh mi chunga I thlen tir si chuan, thil tha lo hi tuman an kawl reng duh lo a I chungah bawk thil tha lo chu a rawn let leh ang’ tih a nih kha... Mihring tha fimkim leh sawiselbo nih hi thil harsa leh theih loh tluk a ngaih a ni thin. Mahse RINAWM taka nun erawh thil harsa lutuk leh thil tih theih loh a ni lo a nia..
.
KA LAWM E..
LS.Virgo aka Thantei Pautu

NOTE : KA STORY TE HI BLOG-AH  CHIAH HIAN A ORIGINAL COPY KA DAH A, KA HRIATPUINA TEL LO CHUAN COPY PHAL A NI LO. A LINK NI LO VA POST CHHAWN PHEI CHU PHAL LOH BUR A NI E.

.
ULUK DEUH A CHHIAR TUR👇
AROMA QUEEN FLABIA FRESH - HERBAL PRODUCT MIZORAM A LO LUHNA LA REI LO, BUSINESS PLAN THA LUTUK. ZIRLAI TAN PAWH ZIRLAI TIBUAI MIAH LOH A SUMDAWN THEIHNA, HRECHIANG DUH TAN A HNUAIA NUMBER KA DAHAH HIAN BIAKPAWH THEIH RENG A NI E.
9612229037/ 9402365651
WHATSAPP GROUP SIAM A NI BAWK A, AN PRODUCT EN DUH HRIM HRIM TAN PAWH BIAKPAWH THEIH RENG KAN NI.
A TI HMASA TAN CHANCE A THA, MARCH NI 1/2018 KHAN OFFICE HAWN A NI A, AIZAWL AH REGIONAL CENTRE AWM A, OFFICE HMUNPUI AH DOCTOR TE'N AN THUTCHILH DAWN  VANG CHAUH PAWH HIAN A NGELNGHEH ZIA LEH EIZAWNNA TLAK ANIH ZIA A CHIANG NGHAL A NIA. BEAUTY CARE, PERSONAL CARE, HEALTH CARE, FOOD AND BEVERAGE ETC. A AWMKIM HLE. A THLAWNIN MEMBER ANIH THEIH RENG E, RAWN BELCHIANG LA I INCHHIR DAWN LO CHIANG LUTUK.
PHONE - 9612229037/ 9402365651