SET THE FIRE (2016-April)

 SET THE FIRE..!
.
By. Laura Sean Virgo

*
.
SET THE FIRE!!
 .
CHAPTER - 1

 (He story a changtute hming leh thilthleng te hi phuahchawp liau liau a ni e)
.

*LONDON - ENGLAND(UK)
 .
*LEAH'S POV*
.
July thla tir a ni a, khua a lum hle. Ka nun a thil pawimawh leh ka tum ber hlawhtlinna bultan in London ah ka awm mek a, nizan khan hlawhtling takin show ka nei ve ta. Ka rin phak bak ani..!
Tuna ka dinhmun thleng tur hian ka theihna zawng zawng in ka bei a, beidawn chang leh bansan mai duh ut ut chang pawh ka ngah thin. Mahse 'theihtawp a bei tang tang chuan hlawhtlinna an chang thin' ti a ka nu leh pa leh ka unaute min fuih thinna chu a takin ka tawng ve ta. Khawvel pum huap Fashion Industry a mi langsar 4 lai an rawn tel a, ka kutchhuak te tha an tiin thui tak ka kal theih an rinthu an thinlung takin min hrilh bawk.. Vawikhat na a hetiang thil tawn hi chu a lawmawm tih piahlam ani. Ka zep lo ka mood a fuh takzet.
.
*THE ALL ENGLAND LAWN TENNIS AND CROQUET CLUB*
 .

Tichuan, rilru thawveng leh hlim takin Wimbledon (khawvel a Tennis Tournament upa ber) Quarter Final en turin helai hmunah hian ka kal a ni. Bakah thil ropui deuh pakhat chu Mizo tlangval ngeiin a khel dawn tlat..!

Aaron Lalthlamuanpuia.

 Kan hre vek in ka ring. TV ah chuan a khel ka en fo a, a hmunah erawh ka vawikhat enna tur ani thung. A rawn larchhuah tak tak hma atang tawhin ka ralkhat ngaihzawng ani a, Kum 4 zet chu a tling ve ta. Min hrelo pawh nise pawi ka ti chuanglo. Chance chu awm se hmaichhan ngei a hmuh a biak pawh ka chak thin. Mahse, kei, mi zak ve thei tak mai tan hian hun remchang a in herchhuak pawhin ka ring love.
 .
A chhelo tih ringawt hian a sawifiah zo lo. Mipa diktak pian a nei a, a nui hmel TV a ka hmuhfuh ringawt pawhin ka ni hman a tinuam thin.
.
Mipui kal dul dul rual chuan Court no. 1 lam panin ka kal a.
 .
"Leah, heihi eng surprise nge?"
 .
"Laura....Mike.."
.
Laura leh a pasal Mike te chu ka bulah rawn kalin kan inkuah a. Ka hawichhuak lemlo bawk nen min rawn hmufuh lo se chuan ka lo hmulo hrim hrim ani.
.
"Oh..Leah..kan inhmuh ka ring reng ani" Laura chu a thaw hliai a "Mikhail hnenah hian kan hmu dawn che tih ka sawilawk a, a awih miahlo a.." nui sangin Laura chuan a pasal chu a en a, Mike chuan a kawng ah kuah in a chal ah a fawp zauh a.
.
An 2 chuan en in ka nui a, ka lu ka thing nar nar bawk a. Ka rilru tak chuan ka awt ru viau. Hetiang taka hmangaihtu pasal neih hi ka duhthusam ani. Kei chauh nilo, hmeichhia zawng zawng duhthusam ani ngei ang.
.
Kumin hian kum 24 ka pum dawn a, unau zinga naupang ber leh hmeichhe awmchhun ni mah ila ka tla hrang thei viau. Ka unaute leh ka nu leh pate'n min ngaihtuah viau reng a, ka chetsual palh min hlauhpui reng thin. Mahse ka inringtawk viau. Ngaihzawng neih lam erawh ka ngaihtuah em em lo. Vawikhat chu serious deuhin ka nei ve a, kan tawp dan a tha ta vak lo nen ngaihzawg neih leh tumna ka nei rih lo. Mi special deuh Aaron te ang ka tawng te anih loh chuan ka nei mai mai lovang...!!
 .
"Kan match en tum a in an ka ring?" Mike chuan arawn ti ve bawk a.
 .
"Aaron khel en tumin ka kal a"
.
"Kan inang.. Kal ang u le"
.
Mike chuan hma a hruai a.
 .
Court no. 1 chhung a kan thutfel hnu minute 20 velah match tan a ni a, ka Mizo pui ka hmu nual. Ka thla a muang ve ringawt bawk. Hnamdang tam tak kar a mahni tawng ngei a biak theih han inhmuh fuh hi chu thlamuanthlak deuh ania.
 .
Inkhel a hmuhnawm.
Boruak a tang a a inkhel a te pawh an tang hle. Diktak chuan inkhel ngawr ngawr aiin Aaron chezia chu ka en uluk a, ka duh aiin kan thutna hi a hla deuh bawk.. Laura leh Mike te tan pawh Aaron chu tanloh ngam a nilo reng reng ang..!
.
Ka bag a tui bottle phawrh in ka in a. Engemaw hian min rawn vawm fuh a, a na reuh zek.
Mipui an ri mur mur a, kan bulhnai a thu te chuan ka hau in min rawn en hlawm a.
.
"Leah..i tha em?"
 .
Ka malchung a Tennis ball chu ka la kang a.
 .
 "Ka tha e"
.
Mipui in kut an beng hluah hluah a. Tennis Court sir a big screen ah chuan ka langchiang ngang mai.
.
Ball chu ka lu chungah lekkang in ka nui ta ringawt a.
Inkhel an chawlhlawk lai chuan Aaron Ball vuak sual in min per lai chu an rawn replay.. Nuam ka ti..!
.
"Kha chu thil common lo tak anih kha.." Laura chu a nui hak hak a.

 "Nia..min vuakper man ah a chak ngei chu angai ang.."
.
Match a tawp chuan hlim zetin Court kan chhuahsan a. Aaron a chak. Ka lawmpui hle.
.
Kan thlenna Hotel ve ve panin Laura leh Mike te nen kan inthen hrang a, inhmu leh thuai turin kan inthlah a.
.
Zanah chhuak lovin ka thlenna Hotel ah ka awm a, show ka neih leh hun tur a hla deuh tawh bawk a hahdam zetin movie ka en vel mai mai.

.
.
NI 3 HNUAH*
.
WEDDING ANNIVERSARY PARTY - LONDON .
 "Leah..i lo kal thei a, ka va lawm em"
 .
"Ka lawmpui che.. Khawnge??"
 .
"Ah..Dear..lo kal teh.."
 .
"Hey..Malsawmzual..heta i awmlai ani hlauh chu a lawmawm hle mai. I thiannu hian a sawireng mai che a.."
 .
 Malsawmzuala, ka thiantha ber BS-i pasal chu kan bulah rawn kalin kan in chibai lawp lawp a. Ani hi ka hmingpum a min kotu awmchhun ani. Kan inpawh a, a fiamthu pawh a sang thin hle. Ka thiantha ber pasal nen hian kan hmingpum a inang teh tlat bawk.
.
"Naute Birthday ah ka rawn kal thei tawh silo a, bakah heihi ka hnial ngam tawhlo hrim hrim. Ka lawmpui che u. Nupa hlim tak ni reng ang che u" ka thiante nupa chu ka en a.
.
"Kan lawm e. Chuan, ka thiante an lo thleng a, tikhan lo inkawm ru. Min mamawh vakloh kha."
.
Malsawmzuala chu nui hawk hawk chungin kawngka lam panin a kal a.
 .
"I vannei takzet ani BS.."
.
"Nia, mi vannei ka ni. Leah, kan inneih tirh ai khan ka hmangaihna hi a nasa daih tawh zawkin ka hria asin.."
.
"A ropui lutuk.."
.
"Engtik nge i neih ve ang le?"
 .
"Bs..min hriat kha..."
.
 "Haha..lungngai suh. A hun takah chuan ila tawng chat mai ang. Aizawl lam an damtlang maw?"
.
 "Hi..Ladies..."
.
"Hii..Aaron..i tha em?"
.
BS-i hawina lam en chuan ka inher a, mitmeng thim raih in chiang zet a minlo en chuan ka ip chawih.

'WoW!'

Hmaichhan ah hian a chhelo lehzual. TV leh ralkhat a hmuh ringawt ai chuan a bula awm chu a dan a dang hle mai. A mi uap a na a, a palian tih chu ka hresa. A dar pawh ka chen pha mang lo. A pian a dik..aaa..a inringtawk hle tih a hriat. A nuihmel chuan ka thaw a tichham lo chauh. A rim pa hrak chu ka hre thei a, ka tuiral lo chauh a ni e. A chezia zawng zawng chhinchhiah tum ni awm fahran in ka en reng a. A bula awm ringawt pawhin ka nervous chhe mai dawn alawm le!
.
"Ka tha e. Naute a tha em?"
 .
"Aw..a changkang ve tawh lutuk"
.
 "Lo tha zel rawh se. Chuan kan vawikhat inhmuhna a ni em?"

 Aaron chuan ka lam arawn hawi a. Chhan mai nachang pawh ka hre lo. Ka thinphu nasa lutuk chu an hriat loh hram ka beisei. Hetiang hian mipa vangin ka la zam chhe ngai lo reng reng.
 .
"Leah anih hi. Ka thiantha ber. Chuan Leah, a ni hi Aaron."
.
"Oh.. Ka hria e. Chibai" nui tura ka beih nasat zia chu(h)
.
 "Khawiah emaw ka hmu tawh che in ka hria" ka kut chu rawn vuan in a la kang a, a fawp zauh a.
.
A tha dawnlo tawp mai..! A hmui in ka kut a deh rual chuan ka mur chhuak vek. Chuan a mitmeng leh a awmdan hi mipa hlauhawm chhinchhiahna ti a ka lo ngaihdan thin ang chiah ani. A inkhel lai ka hmuh atanga ka rinlawk ang chiah in a ngeng hle tih a awmdan atang chuan a lang. Ngeng tak mahse hawihhawm tak si. Mi hipbet tlat thei mitmeng hlauhawm..! A ban thahrui ngah tih hriat zet te...! Eng thilnge ka ngaihtuah vak vak hi.
 .
Nui lui sak in ka kut chu ka lasawn a. Min vawn reng chuan ka khur ru der der tih a hre thuai dawn tlat. Kum 4 chhung zet ka lo star ngar ngar ani tih phei chu engtik ah mah a hre tur a nilo hulhual. Min tanpui teh u..!!
.
CHAPTER – 2
.
AARON’S POV*
.
**Kum 26 mi Aaron hi a tha tawk a, Semi-final ah hian chak ngei tura rinkai anih laiin vanduaithlak takin a inhliam ta hlauh a ni. US Open khelh leh turah   ropui takin alo let turah ngai teh ang.**
.
TV off in khumah ka mu a, ka mit ka chhing vang vang a.
.
Wimbledon a champion ngei tumin ka theihna zawng zawng in ka bei a, mahse vanneihna ka lamah a tang lo. Semi-final khelh laiin ka tlusual a, loh theihloh in match tihtawp angai ta ani. August thla tawp a US Open ah erawh ka khel thei turah ka ngai.
.
Ka phone ri avang chuan thovin ka phone chu ka pick up a.
.
“Bawiha,  I tha maw? Enge I an?”
.
“Aw, tha e. Reilote cham turin ka lo haw theih ka ring”
.
“Aww..a that nasat chu.. Kum 4 chhung a a vawikhatna tur chiah ani.. Bawiha..ka ngai viau che ania.”
.
“Ka nu, keipawn ka ngai che...”
.
“Hei, I u te an rawn leng phei a, kan ri laih laih mai.”
  .
Ka nu nen kan inbiak zawh chuan ka mu lehnghal a.
.
Kum 5 ka nih atangin Tennis hi ka khel tan a, Tennis khelh chauh lo pawh infiamna kaihhnawih thil anih chuan nuam ka ti em em vek. Ka nu leh pa te hian ka tana an tihtheih zawng zawng tiin min fuih reng thin. Kum 10 ka nih in ka Patea (kapa chhang chiah) te bulah (London) ka cheng tan a, tuna ka dinhmun thleng thei tur hian ka thawkrim takzet. Kum 4 liam ta chhung khan Mizoram ah ka la haw miah lo bawk. Inkhel in ka zinkual tam a, hmun nuam leh changkang tak tak ah ka hun tam zawk hmang mah ila, mahni in lum ngei chu thlakhlelh a na khawp mai. Puitling mahni inenkawl thei nih hnuah pawh nu leh pa te ngaih a reh thei chuanglo.
.
Ka inhliam avangin ka practise thei lova, rilru a hreawm viau.. Mimal chanchin chu duhtawk teh ang…!
.
Ka thianpa Sawmzuala te inneih anniversary party a kal turin ka insiam a, zanin chu hmeichhe hruai pawh ka phur lo. Hahdam taka awm ka mamawh.
.
Sawmzuala te in ka thlen chuan an lo ri laih laih tawh. Kawngka bul atang chuan ka hawikual a Sawmzuala te nupa leh hmeichhe pakhat inbe mek chuan ka mit ala. BS-I nen a inkuah hmeichhia chu khawiah emaw ka hmu tawh tlat in ka hria..!
.
Sawmzuala chu ka lam panin arawn kal a, kan inbiak zawh hnuah Bs-I leh a bula hmeichhe nalh zet te awmna lamah chuan ka kal nghal a.
.
BS-I thiannu hmel ka hmuhchian chuan khawiah emaw ka hmu tawh ngei ani tih ka hrechiang.
.
.
“Khawiah emaw ka hmu tawh che in ka hria” min chibai turin a kut arawn pharchhuak a, a kut chu vuan in ka fawp zauh a.
.
Amah ngei kha a ni.. Wimbledon Quarter Final khelh lai a ball ka vuak per palh hmeichhia, kan inkhelh zawh atanga ka mitthla a ka hmuh fo kha..!!

 Mak tak ani..! Chawlhlawk tawite kan neih chhung a an rawn replay khan chiang takin ka lo en ve a, hmeichhe sam dum, hmai bial lampang in nuisang a ball a rawn lek kang lai kha kan inkhelh zawh atang khan ka tum lawk pawh ni hauh lo in ka mitthla ah ka hmu fo anih kha. A hmel atang kha chuan Chinese a nih ka lo ring a. Mahse vanneihthlak takin Mizo nula ngei ani e. Tunah a kut ka vuan mek bawk!
.
A kut chu lasawn in a nui sak a. Min hnar tihna a ni em?
.
“Ah..hmaichhan ah chuan kan  la inhmu lo. Quarter Final I khel kha chu ka en a, chuan..”
.
“Ka hria e. Ka vuakper che avang khan ka tihpalh.”
.
A nui sak a. He hmeichhe nuihmel hian min hip tlat. A nuih zawng a a biang dinglam khuar kalh chu a inhmeh viau.
.
“A pawilo. I inhliam chu pawi ka tihpui hle mai che”
 .
“Aaron, lo kal teh” Sawmzuala chu(h)..ava hunlo tak.
.
“Ka lo kal leh ang” Leah chu chiang zetin ka en a, amah ka bia em tih min en phawt in tim deuh hian a bu nghat a. Hmm..hmeichhe zakzum leh ti zawk zawk lo hian min hip lehzual. An bul atang chuan Sawmzuala bulah ka kal a, ka mit erawh chuan a kalsan lo.
.
“Hey, Bawiha. Heihi Florence a nia, I Fans te zing a mi ani e”
.
Chu sap nula nalh zet chuan a mitmeng a min ngaihsanna leh min duhna thup hauhlo in min en kal a, mipa ka ni a, hmeichhe nalh takin a mitmeng hmanga a  thu min hrilh  tum chu ka hailo! Tunah chuan ni rihlo rawh se!
.
Leah awmna lam chu ka melh zauh zauh a.
.
“Helai hmunah hian I mit la tak thil a awm tih ka hre mai e”
.
Florence chu ka bulah rawn ding hnaiin a intur ken, tak hmel zet chu a in hlak a.
.
Glass no inkhawng ri ral ral chuan kan rilru la pengin Sawmzuala awmna lam chu kan en ta thap.
.
“Ka nupui duhtak BS-I nen a kan inneih Anniversary min rawn hmanpui avangin kan lawm e. Darling, ka bulah hian lo kal la..”
.
Music muang fan raih mil chuan an lam hlawm a. Keipawh in lampui duh ka nei ve alawm.
.
“Min lampui thei angem?” Henu chuh. A ninawm tan tlat! Nui lui sakin Florence chu ka lampui a, min kuah duhthawh sawt viau mai bawk.
Lam reng chung chuan ka mit ka lenkual a.

 “Leah..khawnge I awm?”
.
“Engmaw I sawi?”
.
“Engmaw?”
.
“Engemaw I sawi in ka hria a”
.
“Chawlh ka mamawh in ka hria” Florence ka kuahna chu thlah in Wine counter lamah ka kal a. Leah chu khawnge a kal daih ni?? Enge a tih thin tih leh a chanchin hriat ka duh. Ngaihzawng a nei em tih te pawh tiam in..! Ka hmanhmawh mah mah I ti maw?? Teuhlo! Thil tha tak hmutu in a umzui lo ngai  em ni..!?
.
Kil khat a mipa thenkhat nen an titi chu ka hmu a, nui sang in a tawng sep sep a. ka meng thip nghal ngawt bawk. An thutkhawmna ah chuan kal in Leah chu min lampui turin ka sawm a, a lam zawh chiah thu in min chhang..! A bula thu mipa nen chuan an inpawh hmel viau  bawk. Ngaihzawng nei lai pawh nise, pasal a nei anihloh chuan sava thlawklai ani tho alawm le..! Ka ngaihtuahna chu makti in ka nui suk a. Hetiang ngaihtuahna hi ka la nei ngai lo.
.
Ka lampui ngei bawk tur a ni. A bula mipa awm chu thip zetin ka melh a. Helai hmuna awm zawng zawng hian min hre vek a, mawilo taka chet erawh ka duh lo.
.
“Hnamdang ho lakah hian ka thikthu a chhe viau ania”

Abula thu te chuan Mizo țawng ka hman avangin eng nge ka sawi an hrethiam lo. Min en ha hlawm a.
.
“I ngai diklo anih chu, ka thiante an nih hi” a mitmeng a ling phat a, a nuisang thung. A landan chu a hlauhawm reuh in a duhawm takzet. Nui lui hak in a kut ah ka vuan a, a thutna atang chuan ka kai tho a. Ka chetdan chuan a thawng tih ka hria. Eng nge ka tihtheih chuan..??
.
.
LEAH’S POV*
.
“Leah, a endan che kha ilo hmu em? A ngaihven che anih kha”
.
“Awihawmloh lutuk” nui chungin Bs-I ban ah ka kuah a, Sawmzuala pana Aaron kal chu ka enzui reng a. Hmeichhe nalh zet nen an inbia ka hmuh chuan ka lo thik ve ringawt. Kum 4 chhung zet chawl miahlo a ilo star ruk tawh chuan I thinlung a luah nasa hle ang.. I ngaihtuah zawng ringawt pawhin I ngaihzawng ang maia ngaih chang I nei anga, hmeichhe dang nen an thlalak dun I hmuh ringawt pawhin I tek chhawk ve thin thoin ka ring..
.
“I la ngai reng ani. Ka awih theilo zawk. Kum engzat nge I star tawh? Ka hrilh dawn chiang khawp”
.
“I ti dawn lo tih ka hrechiang. Ka rilru put hmang I hriatchian kha”
.
“Ka hre miah lo”
.
“Ngawi mai teh.”
.
 “Hey, Leah. Kan inhmuh loh na chin a rei ta hle mai.”
.
Ka lam pana mipa lo kal chu ka en vat a
.
“Hey, Rocky.. Eng nge I an?”
.
“Ka hmu che a, ka tha e.”
.
“Oh..come on..Rocky..”
.
Bs-I kal hran hnu rei vak lo ah  Music muang fan raih an rawn play a.
.
“Lamdun teh ang”
.
“Tehreng mai” Rocky kut chu vuanin lamtual kan pan a.
.
Rocky hi New York a  Fashion Designing ka zirlai a ka thiantha tak Goldie unaupa a ni a, min hmuh hmasak ber atanga tun thleng hian min ngaihzawn der a min fiam nuam a la ti reng a ni. Kan inkawmngeih viau bawk. Mi rilru tha tak ani.
.
Kan lamdun hnu ah a thian te nen thuho in kan ti ti a, Rocky bulah hi chuan sawitur ka ngah ve phian zel.
.
“Anih chuan Goldie chu enge a an? Engmah min hrilh lo a, a chanchin ka hre miah lo a ni. A zia lo hle mai.”
.
“Tunah chuan a tha tawh lutuk. Saw lai  star sawn a ngaihven hle mai che. I lak atangin a mit a la sawn lo reng reng”
.
Rocky ka chhan hma chuan kan lam pan a Aaron rawn kal chu ka hmu a. A lang tha takzet. A hmel ka hmuh rual hian ngaihtuahna diklo ka nei nghal zel mai!
.
Hnamdang mipa laka a thikthu a chhiat thu a sawi chuan thip zetin ka melh a, nui lui chungin ka thiante an nih thu ka hrilh ve hmak. Hnam humhalh chungchang ah chuan ngaihdan nghet tak ka nei.
.
A chetdan chuan min thawng. Mawihnai taka ka hnial hnu ah pawh a awm dan danglam miah lo in ka kut ah min rawn vuan a, ka thutna atanga min kaihthawh chuan ka hnial theilo. Ahh..ka hnial phal lo pawh ani zawk maithei..
.
Ka kawngah min kuah in Music rem chuan kan lam a. A rim mawlh mai chu. A awm a bei lo turin ka in thunun tang tang. Hetiang rilru hi pu mah ila ka tilang tur anilo.
.
“Chuan, hetah hian eng chen nge I awm tawh?”
.
“A la reilo..”
.
“Enge I tih?”
.
“Show ka nei”
.
“Chuan??”
.
“Enge?”
.
“Eng show nge?  Leah?” a tawngkam rultawk chauh a chhan chu a ngaithei vak lo a nih hmel. Min melh rulh!
.
“Summer Sizzled Collection”
.
“ An sawi ka hriat kha  I nih ka ring”
.
“A dik ang.”
.
“Ngaihzawng I nei em?”
.
“Neilo.” Enge ka sawi hi! “Eng maw I sawi?”
.
“Ka duh ang chhanna ka hmu tawh” a nui suk a, min vir kual tirin a lamah min pawt hnai leh a.
.
“Nak tukah enge I tih dawn?”
.
“Interview  hmachhawn ka ang hle mai”
.
Nui suk in min en run run run a. A lak atang hian ka kalsawn a ngai.
.
“Ka ke a na tawh viau ania”

Dawt ka sawi. A bula ka awm reng chuan ka ngaihtuahna ka hmang thei lo. Chutih rual chuan ka chanchin hriat duh a min zawt chu nuam ka ti veng veng. Keimah chauh a awm tawh chu ni ila hlim taka nuiin ka zuang vak vak ngei ngei ang.
.
Lamna hmun atang chuan min kalsawn pui in kan thu dun a. Kalsawn tum hmel a pu lo.
.
“Naktuk lunch ei turin min chhuahpui thei ang em?”
.
YES..Tehreng mai! Ka awih theilo zawk. Ka phur mah mah em? Leah, in control rawh. Phur lutuk anga lan a fuhlo. A pangngai ang in…hahdam phawt la.
.
.
.
CHAPTER – 3
.
AARON’S POV*
.
Eng thil in nge helai hmun hi min hruaithleng ka hrelo. Nizan a Lunch min kilpui tura ka sawm khan min hnial a, enge ka nih a enge ka tihtheih a hrelo ani ngei ang. Ka duh tawh chu hlah ka tumlo bur..!
.
A room kawngkhar bulah chuan ding in ka kik karh karh a. A rawn hawng mai lo. Zing dar 11 a ri tawh a, hna a thawk laklawh ani maithei. Ka kik leh dawn chiah chuan kawngka arawn inhawng a, Leah chu a kut pahnih a a biang dawm chungin kawngka bulah chuan a ding a, a sam a hnawk niai in kawrbah leh kekawrbul chhingte chiah a ha a, a tho chiah a nih hmel. A keler atanga a chhip thlengin uluk takin ka en a. A nalh a ni! A muhil a harh chiah anih ka ring. Mi hrang daih  in an tlawh a ring lo ani ngei ang.
.
Min hmuh rual chuan a meng kawk. Engmah sawi lovin a tlan let thut a inchhung a lut tur pawhin min sawm lo. Eng emaw sawiin a phun hlak a, eng nge a sawi ka hre pha lo. A chetdan chu a lawmawm phian bawk. A rawn let leh chuan T-Shirt lian deuh leh kekawrtluan a ha a. Keichuan nichin a a landan kha ka duh daih zawk..!
.
“Lo lut rawh. Eng nge I rawn tih dawn?”
.
“Lunch eiin kan chhuakdun ang chu.”
.
 A Room ah chuan ka lut a.
.
“Nizan khan ka hman dawn loh thu ka sawi chiang..”
.
“I hman loh thu I sawi ka hre miah lo. Insiam la ka lo nghak ang che”
.
Min chhang lovin min en vang vang a. Engtak ngaihtuah ang maw?
.
“OK.. Tikhan min lo nghak rawh”
.
Minute 20 ai a tam a ral hnu ah Bathroom atanga chuan thawmhnaw ha sa thlap in arawn chhuak a. Hmm…a ngaihtuah kim hle mai. Jeans dum leh kawr var banbul a ha a, hmuh a nuam in a dik thlarh.  Heti taka hmeichhia ka chik hi ka la hre ngailo.
.
“Ka inpeih e.”
.
Nia, a lak atangin ka mit ka lasawn hleithei lo..! A landan nalh tak piah lamah hian min hiptu engemaw tak a awm. Ka hmeichhe kawp tawh zawng zawng te aia danglamna a nei a ni. Eng thil nge anih chiah ka hre lo. Vawikhat ka mutpui hnuah ka buai rukna hi chu a reh maiin ka ring..!
.
Car ah chuan ngawireng in a thu a.. Sawi mai tur ka hre biklo. Music ngaithla ila a zia deuh ang.
.
~Leo Rojas – El Condor Pasa~
.
Mak tih hmel deuhin min en ha a.

"Chu chu ka duh lutuk”
.
“A tha anih chu”
.
Ka tawng hrezui awm pawh in a awm lova, a thutna seat chu ngheng in a maimitchhing a, ka bulah hahdam hmel tak a a awm vawikhatna a ni. Ka music play chu a duh takzet anih ka ring. He hmeichhia hi lunch eipui tura ka chhuahpui, ka laka luangliam lo awmchhun anih ngei ka ring e..!!
.
Endora Plaza kan thleng a, kan dinfel hnu a music ka off chuan arawn meng leh chiah a. Car kawngkhar hawnsak in ka kaichhuak a, lawmthu min hrilh in a phun sap a.
.
Ka table hauh a kan thutfel hnu chuan eitur kan order a.
.
“Helai hmunah hian ka la kal ngai miah lo”
.
“Chuvang alawm ka hruai che”
.
“A nuam khawp mai”
.
Kan awmdan chu kan inpawh lo riau in ka hria.. Hmeichhe dang bulah sawitur hrelo in ka awm ngai lo a, ka thiam loh pawh a ni lo. Leah vang hi a ni. Engmah sawi lo in min en leh thin a.
.
“Min endik zo tawh em?”
.
“Aw..ah..ka endik bawk lo che” sen tan tan in a kun ngal mai.
.
“Ka ngaihzawng ni turin ka duh che” a hmel chu chiang takin ka en a, zawi muang a rawn hawi chhuak in ka mit ah tak min en kal a.
.
“Inngaihzawnna lam hi ka tuipui ve lo”
.
A mitmeng ka en chuan a thusawi chu a ti tak tak. He hmeichhia hi ka hrethiam lo hulhual..! Min endik zo em tih ka zawh khan zak in a sen țawn țawn a, tunah inngaihzawnna lam a tuipui loh thu zam miah lo in min hrilh leh lawi si.
.
‘I tan eng nge ka tih dawn lo en reng rawh. Ka lakah hian I inpe khawp ang’ tia ngaihtuahin ka bu nghat.
.
“A nih chuan kal ang le.”
.
“Eng.. Kan eitur chah pawh ala rawn thleng hleinem..”
.
“Ka ril pawh a tam ta love”
.
“Kei  a tam thung alawm”
.
Ka thutna atang chuan ka tho a, a banrek ah vuan in ka pawt tho a.
.
“Min thlah rawh.”

Tharum ah min hneh dawnlo tih hria in ka kut ah chuan a sik vak a. A kut a tet reuh aiin a sik na khawp mai. A hmel en ai hian a luhlul viau dawn anih hmel.
.
Waiter chu eitur kengin a rawn thleng chawpchilh a. Ka thutna ah chuan ka thu leh a.
.
Ka eitur chah chu vawikhatmah ka khawih lo. Ka riltam a reh vek. Ka sawmna awlsam taka min hnawl vang khan a la inchhir khawp ang. Hmeichhe inringtawk leh mahni induh ve tak, luhlul bawksi dawr dan chu kei hian ka hria.
.
Min en miah lo in a hma a eitur chu a ei mial mial a, nichin a ka hruaichhuak lui lo kha ka lawm leh hnuhnawh…! A ril a lo tam tak tak anih dawn hi.

A bula ka awm hian ka rilru puthmang a pangngai lo. Thil ka ngaihtuah tam mah mah anih ka ring.

Waiter in Bill arawn dah chuan ka chet hmain pawisa a phawrh a, a thutna atang chuan a ding chhuak nghal a.
.
“Eng thil nge I tih hi?”
.
“I eitur I khawih miah lo a, I pawisa I hman na chhan tur__”
.
A sawi zawh hmain ka kai a, restaurant atang chuan ka chhuahpui a. Ka Car dahna bul kan thlen chuan a thaw halh a, a hmui ah chuan ka mit a fu lo thei lo. A no chek in fawh a chakawm takzet. Ka lamah pawthnai in a hmui ah chuan ka fawp a, a inring lo tih ka hria.. A ding khawng awt a, a chechang lo. Chu chu remchang ah la in ka fawp uar  sauh a, a kawng ah kuah bawk a..
.
Ka inlakhran chuan a thaw hak hak a, engemaw sawi tumin a ang ziau a, eng ri mah a chhuak lo… Kun hniam in ka fawp leh a..
.
Ka inlakhran leh hnu chuan ka mit ah chik zetin min en a, a landan chu a duhawm takzet.
.
“Eng thil nge I tih hi??”
.
“Min hnial hauh loh kha”
.
Sawitur hrelo in a hmui a pet zauh a, a maimitchhing a thawk a la halh a..
.
“Hotel ah min thlah let thei angem?”
.
A tawng zawi hle.. Thinrim a min tawngkhum ka ring a nia.. Ka rinlawk dan chu a diklo leh ta phawt.
.
Hotel kan thlen leh hnu chuan kawngkhar ka hawnsak pawh nghak lovin motor atang chuan a chhuk a, engmah sawi lovin min kalsan nghal a. Ka umzui dawn nge..engtin nge ka awm dawn ka hrelo..
.
CHAPTER – 4
.
LEAH’S POV*
.
Ka inhungna bang a chhe vek…!! Min fawh chiah khan ka mamawh tih ka hria..! Ngaihzawng nei leh tawhlo tura ka intiam thinna kha ani lakah hian  engmah lo mai ani dawn tih ka hrechhuak ani.. Ka ring theilo.. Sawitur ka hrelo..min fawh chiah khan ka danglam ani tih chiah ka hria..
.
Ka room ah lutin chhunglam ah ka kalh a, kawngkhar ngheng in ka ding vang vang a..
.
Mi diklo ka lo tawn tawh avang khan mipa zawng zawng ka hnawl tur tihna anilo.. Aaron..kum 4 chhung zet ka lo ralkhat star tawh khan min ngaihzawn a duh thu min hrilh ka ring ngailo a, min fawh phei chu ka ringlo lehzual.. Enge ka tih leh tur ka hre bawk.. Ka nun a a vawihnih nan ngaihzawng ka nei leh ang..!
.
Kha mihring.. Zothanmawia ang vek kha mipa dang hi anni ve lo tih ka fiah a ngai ani..
.
.
FLASHBACK**
.
Class 10 exam zawh hlim a ni a, ka thawveng khawp mai. Kum tluan a ka ngaihzawng Zothana nen inhmu turin ka chhuak a.  A ni hi ka mize letling chiah a niin thiante zingah hruaitu leh a thiante zawng zawng control tu ani. Kei ngawi chiah chiah chi ka nih laiin ani vethung chu thil ti zung zung chi ani a, min duat thiam viau bawk..
.
Lawmtluangi te in ka thlen chuan Zothana chu alo awm khiau tawh a, Lawmtluangi chuan chhuanlam siam in min chhuahsan a, a chhungte tumah an awmlo bawk. Nidang ang bawkin Zoa chuan min kuah a, kan infawp a. Infawh aia thui kal ka duh ngailo a, ani pawn min hrethiam thin. Mahse vawiin hian a awmdan a danglam.. Min nawr sek sek a, ka kawr phelh tumin min sual nghal titih bawk a, ka theihtawp in ka tang ve.
Ka hmangaih tak tak leh hmangaih tak tak loh fiah nan alaka inpe turin min nawr a, mahse keichuan ka tumlo bur. Ka tan ve nasat avang in ka hmai ah min beng a..!! A chetdan mak ka tihzia chu.. Min benna chu a nat em avangin ka tap lo theilo.. Ka hlau hle bawk. A thiltih sual chu inhria in a awmdan a danglam a, mahse a tlai tawh.. Hmeichhe kutthlak hrehlo mipa hi engvang mahin ka hnaih leh tawh lovang..
.
Lawmtluangi te in atang chuan ka tlanchhuak a, min rawn umzui a vawikhat pawh ka hawilet lo. Nasa takin ngaihdam min dil a, awmzia a awm tawhlo. Ka hlau ani. A inrin hma a kut min thlak duh chuan a la ti leh fovang tih ka ring. .
.
A thusawi engmah ka ngaihthlak duh tawhloh avangin diklo tak in min sawizui nasa a, a nihdan tur aia nasa in kan boruak a chhe nasa ta reng ani.  ka rinloh dan ang ber a ka chunga a chet hnu kha chuan ka duhna leh ka thlakhlelh na zawng zawng kha a bo vek. Chu chauh ni lovin mipa ka hmuhdan a danglam a, Zothana ang vek kha an ni dawnlo tih hre chungin mipa ka hnaih tawh ngailo. .
.
END OF FLASHBACK**
.
Zothana hnu a ka rilru a mipa ka ngaihven leh hmasak ber chu Aaron hi ani. Tunah hian ka star tih hrelawk lovin min ngaihzawn a duh thu tlang takin min hrilh a..
.
Engpawh nise, awlsam lutuk a lo pawm chu ka theilo. Mahse ka thinlung chhungril takah chuan ngaizawng turin ka inpeih thlap tih ka hria..!
.
Ka phone a rik chuan ka phu zawk a, caller ID chu ka hriat ngailoh ani.
.
“Hello”
.
“Leah, kan inbiak angai” minlo phone tu chu tunge tih ka hre nghal.. Engtin nge ka phone number a neih.
.
“Ka tihpalh, vawiin atan chuan hun ka nei tawhlo’
.
Phone chu off in ka khum ah ka dah a, bathroom ah ka lut a.. Tuivawt a inbual harh phawt ka mamawh..
.
Ni 4 chhung chiah London ah hian ka awm tawh dawn a, ka kal chakna hmun leh tihtur dang ka neih te tih nan thawveng taka hun hman ka duh..
.
Ka inbual zawh chuan hahdam taka thuin lehkhabu chhiar tur ka la a, ka rilru lapeng thei thildang ka tihloh chuan thil tangkai lo ka ngaihtuah leh vak vak dawn tih ka hrechiang ani.
Kawngkhar inkik dawt dawt vang chuan ka thutna atanga thochhuak in ka lehkhabu ken chu ka dah a, kawngka chu ka hawng a..
.
Lut tura ka sawm hmain Aaron chu a rawn pen lut pawk a, min kuah thlawp a..
.
“Min ti hlauthawng  alawm.. Kawngka kik ri kha I hre miahlo ami”
.
“Ka thaw theilo ania”
.
Min kuahna chu tithawl in min en chhuk run a..
.
“I phalna la hmasa lova ka fawh che avang khan ka tihpalh..!!”
.
.
AARON’S POV*
.
Eng thil nge ka sawi hi??? Hmeichhia a phalna la hmasa lova ka fawh vangin ngaihdam ka dil maw…??!!!! Tun hi a vawikhatna leh a tawpna ni rawh se..!
.
Min chhang mai lova min en in a nui sak a..
.
“Enge?” a awmdan chu..?
.
“Engmah”
.
“Ka tinawn leh thei tihna anih ka ring”
Nia, a mitmeng de zeuh khan enge a sawi tih ka hria.. Ka lamah kuah hnai leh in ka fawp a, tun tum chu chhanna ka dawng ta..
.
.
Ka tih kha maw..?? Hmeichhia min hnar fithla thak thei an la awm ngailo.. Min lo ngai diklo ngawt ange.. Ka sawi hi thudik ani..
.
Kan ti ti a, kan nuam tih zawng te leh thil dang dang kan sawi a.
.
A kut zungchal a zungbun sin te a bun chu a khawih niap niap a.
.
“Kha kha enge a awmzia?”
.
“Heihi maw?” a kut chu a lek kang a… “Ka vanneihna zungbun anih hi”
.
“Khawi maw.. Ka lo enchiang ang”
.
“Hei.. I hmuthei reng alawm” a nui seih a, ka lamah pawthnai in ka hma ah thuttir a, a hnunglam atangin ka kuah a. A rimtui chek chek chuan hah a tidam khawp mai.
.
“Ah..nizan ah kan inhre chauh a, kan hmanhmawh mah mah em tih ka ngaihtuah ani” awlsam tak anga ka ngaih a hlau ve niin ka hria.. Chutiang chuan ka ngai hranlo. Mipa leh hmeichhia kan induh anih chuan inhrilh mai tur ania.. Kan inhriat rei leh reilo ah ka buailo a, keichuan pawi tihna ka neilo..
.
A biang ah ka hmui in ka nul a, ka koki ah a lu nghat in a thaw ham ham..
.
“Ngaihtuah hah suh”
.
Sofa ah chuan hahdam takin kan thudun  a, a movie hmuhnawm tih Just Go With It a play chu rilru a lut lo zetin ka en a. Movie a tawp hnua ka biak chuan min chhang miah lova, a thawkdan atang chuan a muhil tih ka hre nghal.. Ka tih harh hlau in ka chesawn ngamlo, rei vaklo ah keipawh tui takin ka muhil siai siai a..
.
.
Ka phone ri avang chuan ka harh a, caller ID en in ka ner sak a, ka pick up lo.
.
A hnu a message lo thleng chu ka chhiar a, Leah chu tih harh hlau takin ka thawhsan a, room atang chuan ka chhuak a. Message minlo thawntu hmu turin min nghahna tur hmun arawn sawi lam pan in ka chhuak a.. Thil pawimawh tak anih ka ring..
.
.
“I rawn kal hlauh chu a tihzia e, lo thu rawh”
.
Rindiki hma a thutna ah chuan thuin enge a sawi duh sawi vat turin ka hrilh nghal a.
.
“Sawmzuala te inneih Anniversary a Leah I lampui kha ka hmu che a, hun ka neih veleh ka thil hriat hrilh tur che hian hun ka insiam ani.. Saw nu saw hnaih suh”
.
“Engvang in?”
.
“Hnaih lo la a tha ani mai.. Kum 4 chhung zet a lo ngaizawng ru tawh che tih I hria em? I rilru la thei turin lem a chang thiam viau dawn tih hresa la..He thil ah
hian inrawlh ve ka duh chiahlo na in Lunch in eidun ka hmuh che u khan ka hrilh ngei che a ngai niin ka hria.. ka thian ilo nih tawh vang leh itan a tha tur ka duh vang chauhin ka hrilh che tih I hre dawn nia.. ”
.
“Sawikual duah lo khan I tum tak chu sawi mai rawh”
.
“Leah-I ngaihzawng hlui pakhat hi ka cousin ania, Leah hian thlem in a mutpui a, naupangte an la nih lai lehnghal in.. I hria em? An hausa viau na in duhtawk a neilo a, ka cousin chu sum a dil thin bakah nau a titla nghe nghe.. Chanchin mawilo tak I neih ve hmain ka hrilhlawk che anih chu.. Tun aia thui I kalpui chuan I inchhir ngei ngei ang.. I duh chuan ka cousin pawh chu I zawtfiah thei ang.”
.
Rindiki thusawi chu uluk taka ngaithla in a hmel chu ka en vang vang a.. Dawt a sawi ka ringlo..! Leah hmel ka hmuhtirh a ka ngaihdan..hmeichhe zakzum leh invawng tak anga lang kha a hmaikawr chauh anih ka ring hmiah..! Hmeichhia in lem an chan thiam zia chu kei hian ka hrechiang.. Ka tawnghnem tawh bawk.. Hmeichhe dang aia danglam bik tura ka ngai kha ngaihdan atthlak tak ani tih ka tawng chawp pawh ngai lovin ka hma ah arawn inpharh ta anih hi..!
.
Min hip viau tih chu ka zep hran lo.. Mahse Rindiki sawi ang mizia a nei anih chuan ka mamawh loh ber mihring ani..
.
Rindiki in min kalsan hnu chuan uluk takin ka ngaihtuah a..
.
Kum 4 chhung minlo ngaizawng ru tawh si in ka laka a awmdan..awlsam taka neih theihloh anga lang der.. Nawrluih awlsam viau si.. Min ngaihven miahlo anga lang in ka hnunglam atanga min beih a a min tal awhtir a tum ani ngei ang. Hmeichhia mahni nihna anga lang ngamlo leh rilru thalo..mipa hmanrua a hman chingte hi ka mi huat ber leh ka ten ber ber te an ni..
.
Leah awmdan ngaihtuah letin ka ner sak a.. Hmeichhe lemchan thiam lutuk.. A hmaikawr vuah chu a tum aiin ka hrechhuak hma mah mah ta ve ang..!!
.
Ok..Ngaihtuah zawm vak pawh angai love...!!
.
. https://www.facebook.com/groups/1173125166051860/permalink/1204115362952840/
CHAPTER – 5
.
LEAH’S POV*
.
Ka muhil lai min chhuahsan atang khan Aaron nen kan inbe leh ta miahlo a, ni 2 a ral leh tawh.. A tha vek tho e.. In ngaihtuah harh in inngaihzawn a duh leh silo pawh ani maithei..!! Midang rilru thunun turin tihtheih ka nei chuang hleinem.. Mahse ka ngaihtuah dan chu thudik nilo se ka duh takzet..
.
Hun reitak atanga ka ngaihzawng ni tura ka lo suangtuah thinna, ka dream thin thlengdik mek chu tawp mai atan ka phallo.. Diktak chuan party na a kan inhmuh hma atang tawh khan ka ngaihtuahna luahtu a nisa a, ka hmangaih leh hmangaih loh chu ka inhrelo a, mahse ka duh lutuk tih ka inhria..
Enge ka ngaihtuah pawh ka hrelo e..
.
Darthlalang hma ah inen in make up tlem ka inhnawih a, ka kawr hak pawlduk raih chu siamtha in ka purse ka la a, Hotel atang chuan ka kal chhuak a.
 .
Ka lo la sawilo tak e.. Zanin hi London ka awmchhung a party ka kal hnuhnun ber tur ani.. Ka tumlawk pawh nilo in BS-I’n a aiawh a kaltur a min ngen vang chauh a kaltur ka ni bawk..
.
Party na tur hmun ka thlen chuan minlo welcome vat a..
.
“BS-I aiawh a lo kal inih ka ring”
.
Nu hmeltha tak kum 40 vel bawr turin min rawn kuah chuan ka kuahlet vat a..
.
“Aw ni e..”
.
“Lo kal rawh”  tiin stage lamah min kalpui a.
 Programme tawite kan hman laiin BS-I aiawha kal ka ni tih sawiin min dintir a, BS-I chhiarchhuah tura thuziak sa min pek chu ka chhiarchhuak bawk a.
Helai a an kalkhawm chhan ka hre ve chiah.. An Flower Group siam in an pangpar chi thar an phochhuah bakah mite tanpui tura hmalak tan na atan an in ko khawm a ni ber a, Ka tel ve takah chuan keipawhin pawisa tlem a zawng ka donate ve..
.
Programme a zawh chuan thenkhat ti ti in an nui bawk bawk a..
.
Aaron leh hmeichhe nalh zet dingdun ka hmuh chuan ka phu deuh zawk. Aaron chuan min hmulo anih hmel.. Ngawi lawk.. Ka awm ve tih chu a hre ngei ngei ang.. Midang zawng zawng an thut vek lai khan stage ah ka ding reng alawm le… Min hre duhlo anih ka ring..! Ka ngaihtuahna avang chuan ka rilru a na zawk..
.
Ka zahtheihlohna zawng zawng sawmkhawm in Aaron te awmna lamah chuan ka kal a, an bul ka thlen chuan a bula hmeichhia chuan min hmu in Aaron chu a hrilhru a, min rawn nuih sak a.
.
Mahse helai ah hian eng thil nge thleng ka hrelo.. Aaron chu ka din lohna lam hawiin a inher a, a bula hmeichhia chu kai in an kalsawn a..
.
Mak ka ti..! Ni 2 liamta mai khan inngaihzawn a duh thu min hrilh a, tunah min hrelo ang maiin a awm lehsi.. Umzui a biak luih talh tumna ka neilo. Abula hmeichhia khan kan chungchang engmah a hrelo turah ka ngai.. Chuvang chuan zahna tur engmah a awmlo.. Min hlat a duh lehsi anih chuan hnaih talh ka tum biklo mai ang..! Mahse.. ka chhungril ah ka na.. Ka awmdan chu ka sawifiah thiam chiah lo.. Ka awm a dawm a tluk hnawp ka duh..tipawh chuan a la fiah zo chuang lo..
.
Kan inngaizawng ni ah ka lo ngai hman a.. Thil nihna diktak pawh ani.. Hotel ah min rawn kalchilh a, kan infawp a.. Inngaizawng turin a bak eng thildang nge tih leh tur awm tawh chuang.. Mahse tunah hian mi dang daih ang in a awm lehsi..!! Ok.. Tunah chuan la ngaihtuah hah rihlo ang.. Helai hmun ka chhuahsan hunah uluk taka ngaihtuah in ka awm zawm dan tur chu ka ngaihtuah mai ang.. Leah.. rilru natna tur engmah a awmlo ania..tiin ka inhrilh a..
.
 Hmeichhe pakhat in a wine kenlai min tihbuak palh vangin Washroom ah ka kal a, washroom atanga ka chhuah leh chuan ka hmuh hauh loh tur thil ka hmu fuh..! Let leh turin hun ka nei tawhlo..
.
Aaron leh a hmeichhe hruai chu duhthawh em em in anlo infawp a, Aaron chuan hmeichhia chu bang ah nek bet in a kawrfual hak chu a hlim chho a.
.
Hmeichhia in min rawn hmuh chuan a inla hrang a, nuam tihloh hmel takin min en a.
.
Aaron min rawn hmuh hma a kalsawn tumin ka inher vat a, ka kal hlawk hlawk a.. mahse ka che rang tawklo anih hmel..!!
.
“Leah..lo ding teh”
.
Washroom leh Main Hall inpawhna lai ah chuan ka ding chawt a. NILO.. Ka mit chhing in ka insangmar at a.. Thil thalo tak a thlen loh nan ka rilru in ka tawngtai nghal mawlh mawlh bawk... Boruak a thil thalo inmun mek chu engtin emaw ka feel thei tlat ani..!
.
Tha chak zet hian min rawn kuaiher lawp a, ka mit ka men rual a ka hmuh hmasak ber chu Aaron mitmeng mak tak a de sawr sawr ani.. Hmuhsitna..huatna..tenna.. a nui sak ka hmuh chuan ka mur sung sung thei nia.. Thiltha a ni dawnlo tih ka hre sa.. Eng thil nge maw a hriat le..?? A nui hmel chu nuai reh nawk nawk ka chak takzet..!
.
Ka banrek ah chuan na zet in min hmer a, ka ner sawk a.. Min hmerna chu na ka ti tih a hria a, mahse engahmah ngai lovin min hmer na zual sauh a.. Ka banrek chu a duk vek dawn tih ka hrechiang.
.
“Engvang a min umzui zel nge I nih”
Eng thil nge a sawi hi... Chhan tumin ka tawng ve dawn a, min ngaichang miahlo in a tawngzawm nghal a..
.
“Min lo umzui tawh suh.. Ni 2 liamta chhung pawh khan min umzui tih ka hria.. I hriat hmain I hmaikawr vuah kha ka hmutlang vek tawh.. Ka nun a tel ve turin ka duh tak tak lo che.. A hma a I hnen a ka sawi kha chu tihsual palh liau liau anih kha. Ka ngaihzawng ni turin ka duhlo che a  ka hmelhriat pangngai atan pawh.. Ka mutpui hmanloh che avang khan Pathian hnenah lawmthu awm rawh se.. I nihna diktak ka hre hma hlauh hi mi vannei tak ka ni..”
.
Ka hit mup a, a tawngkam tin chuan min vit sawk sawk ni berin ka hria.. Aaron thusawi chu a hmeichhe hruai chuan a hrepha ngeiin ka ring.. Lalpa.. hmeichhe zaktheilo takah min ngai ngei ang..
.
Aaron chu ka tha neih zawng zawng sawmkhawm a ben thuai ka duh a, mahse ka taksa englai mah chu ka tiche theilo.. Hetiang tawngkam min hmankhum tur hian eng dikna mah a neilo a, ka chanchin hre ber niawm takin.. Vawikhat ka fawp dek dek a..hetiang taka min ngaihniam hian min tawngkhum duh ania..
 .
“Kum 4 chhung minlo ngaihzawn ruk kha chu hrelo ang in ka awm mai ange” a ner sak a, a hmaiah chuan vawm thlawrh ka va chak tak em..!!
.
Engtin nge hetiang taka mihring nunrawng hi an awm theih zawk le..? A mitmeng ka en chuan min tawngkhum dan avanga inthiamlohna pakhatmah a neilo tih ka hmu..!
.
Ka ban a hmerna chu thlah in min kalsan nghal a.
.
Ka khup a zawi vek.. Khati khawp a inthamlohna leh indiriamna tawngkam dawng tur khan engmah tihsual ka neilo.. Ka mit atangin mittui a luangchhuak zawih zawih a..mahse ka tap lo.. Ka tap miahlo tak tak.. Tap turin tunah tak hian chakna ka neilo..! Khur dawt dawt in bang ka ngheng a, ka thaw pawh a mumal lo tih ka hria.
.
Aaron leh a hmeichhe hruai in min kalpel a main hall an pan chu ka hmu phe ruai a..
.
A duhzawng ka ni leh silo anih pawh in khatiang a chet kher kha enge a tul na??
.
Ka din ngil leh theih hnu chuan washroom ah let leh in ka hmai ka phihfai a..
.
Leah..zam reng reng suh.. Inringtawk rawh.. darthalang a ka hmel chu en in ka phun mawlh mawlh a..
.
Thawk la halh halh in washroom atang chuan ka chhuak a, hawisang vah a kal in Party na hmun chu ka chhuahsan a..
.
.
AARON’S POV*
.
ENGE?? ENGE???!!!!
.
Ka ngaihtuah lovang tiin ka inhrilh a.. A tunhma nun vanga tuna lo buai chu enge a sawtna..!! Mipa dangin an khawih tur ka ngaihtuah ringawt pawhin thinrim in ka inseh ruh nghal..
.
Engvanga in ngaihtuah buai nge ka nih ka hrelo.. Min hip ringawt a, ka duh tak tak lo.. Hmeichhe hlauhawm taka lo nih phei chuan ka mamawh lo lehzual.. Ka thluak atang hian ka nawhreh angai..
.
Ni 2 liamta chhung khan ka kalna hmunah ka hmufuh zel a, min hmulo ang in a awm na a, thil intawngfuh ve reng chu a ni seng lo. Rindiki thil min hrilh kha a fiahna ka hmu nghal zelah ka ngai..
.
Ka biakpawh takloh vangin min rawn biakpawh a hreh a, min zarbuai nih duh silo in ka awmna chin a chhui zel ani tih a chiang reng.. A hmel en ringawt hi chuan hetiang hmeichhia hi ani ang tih rin ngaihna a awmlo.. Mahse thudik chu..he hmeichhia hi hmeichhe hlauhawm tak ani.. Chu ka rinna chuan nasa takin min ti thinrim.. Ka thunun hleihtheihloh khawp a nasa in..
.
Thinrim tur ka nilo.. Hmeichhia ka duh tak tak pawh nilo vangin ka thinrim tur a nilo..
A dik chiah.. Hmeichhe thalo vanga ka lo buai hian eng thiltha mah a thlen lovang..
.
Party na a ka hmuh khan ka awm dawn tih a hriatlawk vanga kal anih ka ringlo a, mahse ka lam pana alo kal ka hmuh khan Rindiki sawilawk ang chiah in thil a awm ani.. Ka awih theilo zawk e..
.
“A lo pan che ania..ka sawilawk kha maw”
.
Leah ka bula ding chu en lovin ka inher a Rindiki chu ka bula awm turin ka kai nghal bawk a..
.
.
Party na hmun a ka hmuh phat atang khan ka mitmei ru reng a, mipa ho in an melhdan leh ani in a lo biak that dan te ka hmuh khan ka inthununna ka hloh tawh sa reng a.. Ka tumlawk pawh ni hauhlo in ka thinrim a reh theih beisei in Rindiki kha hruai hrang in ka fawp a..min lo hnial hauh lo lehnghal..!!!
.
Leah laka ka thusawi te kha ka ti mah mah tih ka hria a, mahse ka thunun theih bakin ka thin a rim tlat ani..
.
Rindiki kai chunga ka kalpelh lai khan a hmel kha chiang vaklo in ka hmu zuai a..ka ngaihtuah zui duhlo..
.
Rei vaklo hnuah hawisang vah chunga Party na atanga a chhuak lai chu ka hmu a.. Mak ka ti ani.. Ka tawngkam hman uchuak tak tak leh tullo tak te avang khan a nat phah hauhlo niin a lang…!! Lo tawng fo tawhin engahmah a ngailo ani ngei ang.
.
Khatianga tawngkhum kha ka tumlawk hauh lo.. Eng thil in nge min tibuai ka hrelo… Mipa nungchang mawilo tak ang in ka awm ani….diktak chuan ka chetdan kha mipa in hmeichhe laka a tih ngai hauhloh tur thil ani tih ka hria.. Mahse..enge pawi vak.. A phu tawk chiah a hmu anih kha..!!
.
.
“Leah.. I thatloh hmel hle mai…..ka awih miahlo…..haha..ngawi mai teh…Ok..tak tak in Leah..in enkawl tha ang che”
.
Sawmzuala nen thudun in kan ti ti a, Dinner ei tura min sawm vangin an in ah hian ka kal a, kan thutna bul ah BS-I chu phone hmang pahin arawn kal a, a thusawi leh a mi biak chuan ka rilru a lapeng.. Leah a bia tih ka hria..
.
“Teuhlo…No..No.. Leah.. Thil thar a awm em” BS-I chu a ngawi leh vang vang a.. “Nia, kan inbe tha leh dawn nia.. I inthlak dawnlo anih hi.. Ok..Bye”
.
BS-I chu kan bulah rawn thuin a thaw halh a..
.
“I thiannu chu enge a an?” Sawmzuala chuan a nupui chu duh tih hriat zetin a en vang vang a.. Hmangaihna hian mihring a thlak danglam vek thei tih lanchian na chu Sawmzuala hi a ni.. Mahse keichu hetiang hian ka danglam velo ang..!! Ka duh velo..!!
.
“Ka hrelo.. A danglam ngai dawnlo anih hi.. Ka ngaihtuah khawp mai.. Ka mumang ah ka hmuhdan a thalo lutuk a..”
.
“A tha turah ngai rawh..”
.
“A hma ang chiah khan room ah inkhung a hreawm tak tuara tap in ka hmu leh a.. Ka hrelo.. Engmah a sawilo.. Harsatna a neih hian awlsam takin min hrilh ngailo reng reng..” BS-I chu a thaw leh halh a.. “Oh..ka tihpalh.. in titi ka rawn tibuai che u a.. Naute ka han ngaihven ange” ti a thovin inchung lam ah a chho nghal a..
.
“A thiannu nen hian an inngaihtuah dun ania” Sawmzuala chuan a nupui chu a enzui vung vung a..
.
Engmah ka zawt zui lo.. Engvang in nge ka zawh ngawt reng ang??
.
.
Hun a liam bek bek a, chawlh hmang a Aizawl haw ka tum pawh ka practise ngawrh lehzual vangin ka thulh.. Ka hunawl neih erawh ka hmang tangkai viau..
.
.
NEW YORK*
.
August thla chawhnu lam a ni a, kumtin US Open tan hun pangngai August, Thawhtanni hnuhnung ber ah Open tan  a ni ang. Open tan hma in ni 3 a la awm a, New York hi nuam ka tih vangin ka kal hma ve hrim hrim a ni. Ka Practise hun tihloh chu ka tan hunawl a ni a, ka duh duh ka ti thei.
.
Zingkar ah insawizawi turin ka chhuak a, minute 30 vel hnu ah park ka tlanpelh lai chuan ka mit la tak thil ka hmu.. Leah..!!
.
Helai hmun a hmuh hi ka beisei miah lo. Engtin nge ralkhat atang pawh a ka hriat nalh theih ka hre biklo.. A bula hmeichhia nen chuan inbia in an insawizawi  a. Ding meuhin ka dinna atang chuan ka en a… Ka duh a ni..!! Enge ka ngaihtuah chu.. Ka duh emaw ka inti mai mai.. A ni lo hi hmeichhia an tam…tamtak an awm..
.
A thiannu nen chuan in vuan in an inpawt a, an hlim hle a nih hmel.. Ka hriatloh karin an awmna chu ka lo hnaih hman viau..
.
“Aaron I ni tiraw?? Khawngaih in thla kan la dun thei angem?? Aww..ka ngaisang lutuk che..” ka bula mipa naupang chu nuih in thla kan la dun a.
Kan piah a hmeichhe nuiri reh ta thut chu min rawn hmuh vang a ni tih ka hria.. Kan chhehvel a awmho zawng zawng mit chu ka la tih pawh ka hria. Midang an rawn kalbelh zel a, Leah te awmna lam ka en leh chuan Park chhuahsan turin an tlan tih ka va hmu a. Hawihhawm taka chhuanlam siam in Leah te chu ka um a, an tlanchak lemlo bawk a ka umpha rang khawp mai..
.
“Hi..Leah..”
An hma ah lehkhalh in a hnungzawng in ka tlan a.. Ka bia chu mak a tih hmel.. .
“Hi..” a ti zawi raih a.. A hmel atangin a rilru tur awmang ka hrelo.
.
A thiannu chuan Leah en in min rawn en leh a.
.
“Mizo kan ni ve ve alawm.. I hriat kha” Leah chuan a ti sap a
.
“Oh..ka hria e.. In inhmelhriat thu I sawi ngai miah silo a.. Engtin nge..” a thiannu chu a tawngzawi viau na in a tawng chu ka hre pha tho..
.
“Goldie..” Leah chu thaw halh in a ding a..
.
“Zan lama I chauh awm tehlul nen tunang hun ah I workout peih zawk a ava mak ve” Leah chu awmze nei taka melh in  ka ner sak a. Mizotawng ka hman vangin a thiannu chuan engmah hrelo in min nuih sang a..
.
Leah chu a mengkawk a, ka thusawi chu a hresual em tih chian tum niawm takin min en a, mahse a hrethiam tih ka hria.. Mi khawlo tak a ni tih ka hria tih hi inhre ngei rawh se..!! A mitmeng a a rilru nat zia lang chu a thup hmanlo..
.
“Ah..Goldie..ka water bottle ka theihnghilh.. Lo kal rawh..” tiin a inher a, a thiannu in a chhan hmain a tlan nghal a..
.
Min chhanglet miahlo a a kalsawn chu ka tumdan a nilo.. Hmeichhe nasa tak chuan min chhanglet in ka tawngkam hman avang khan min beng ngei turah ka ngai.. Engpawh chu ni rawh se.. Ka ngai pawimawh love..
  .
.
LEAH’S POV**
.
Vawiin hi ka Birthday a ni a.. He mihring hian ka ni hmantur nuam tak min rawn tihchhiat sak vek ani.
.
Engati nge min enliam ve mai mai loh..??
.
Kan inhmuh hnuhnun ber tuma min tawngkhum dan khan min tina tawk viau a, karkhat chhung chu engmah ka ti mumal theilo hial anih kha.. Vawikhat pawh a hmel hi hmuh ka duh tawhlo asin.. Ka lo infawh tir kha ka inchhir a, hetiang hi ani dawn tih chu hria ila vawikhat pawh ka melh lovang.. Ka hua a, mahse ka thinlung a amah ka duhna hi chu ala reh chuang lo..
.
Leah..Eng thil nge I sawi chu..??? Nia..a dik alawm.. Kha leh chen kha a taka hmu miahlo in ka lo duh tawh a, ka ngaihtuahna hi ka duh dan dan in ka thunun thei biklo a ni.. Thil tamtak pawh kan tihdun hmain min hnuaichhiah leh min hmusit takin min tawngkhum a.. Mi nikhualo leh mipa kawp kual a, nundan tawp tak leh pawisak nei miahlo ang in min ngai tih a tawngkam khan a tichiang a ni..
.
Min mutpui loh avanga a lawmthu min hrilh hial anih kha.. Oh..engtin nge kei hmeichhe pangngai ve mai hian khatiang tawngkam dengkhawng lutuk kha ka tawrhzawh reng ang ni..
.
.
Biakzui ka duhloh vangin chhuanlam ka siamchawp a, Goldie kha ka kalsawn pui a ni. Min ngaihdan zawtfiah a thil engemaw hriatsual a neih thu hrilh ka tumlo.. Engvangin nge ka tumbuai duh ang.. He mihring hian thudik a hriat kher a tulna a awmlo bawk..
.
In ka thlen chuan bathroom ah ka tap a, ka thawmhnaw hak pawh phelh lovin tui ka inphuh tir char char a.. Khur hlawk hlawk khawp a ka awm hnu chuan in hru hul in darthlalang ah ka in en vang vang a..
.
Chhun lama ka hun hman dantur phur taka ka lo duanlawk chu engmah tihpeih ka neilo. Aaron ka laka a awmdan vanga hetia mahni in tuartir hi thil dik a nilo tih ka hria.. Mahse..enge ka tihtheih chuan..? Duhlo mah ila ka rilru a na tho tho si alawm..
.
Zan ah chuan Goldie nen kan tumlawk ang in Club ah kan kal a, ka beisei loh ang berin Goldie chuan ka pual liau liau in Birthday Party a lo buatsaih reng a..
.
Club a kan luh chuan a thim vek a, thawklehkhat ah rawn eng thut in ka Birthday min lawmpui nan an au rual dual a.. A bak zawng chu ka sawifiah thiamlo zawk.. Hlim zetin ka au a, kan lam bawk a.. Fashion Designing kan zirlai a kan thiante leh an thian lehchhawng te..ka hmelhriat ngai miahloh te pawh an awm teuh mai.. Kan zavaiin kan hlim em em vek.. Goldie ang thian ka nei hi ka vannei takzet a ni.
.
Zingkar la hma takah khan BS-I pawhin min rawn bia a, ka inthup viau a ka inhriat pawhin thil diklo awm leh ka rilru hah hi BS-I hian a hai ngailo reng reng.. Ka nu ang mai a ni.. London atanga ka let leh hnu a kan inbiak apiangin rilru hahna ka neih leh neihloh min zawt ziah a, ‘I tawngdan atang khan I pangngai lo tih ka hria, ka lakah hian lem I chang thei ngailo ang’ tiin min hrilh a, mahse ka rilru nat chhan hi Aaron vang ani tih ka hrilh theilo.. A pasal leh Aaron te an intitha hle tih ka hria a, Aaron vanga rilru na ka ni tih a hriat ka duhlo.. Min tawngkhum dan zawng zawng te kha tu hnenah mah ka sawichhuak lova, keimah a tuar dam ka tum a ni.. Video/Skype a inbiak pawh ka pumpelh lui tang tang bawk.
.
Ka chhungte ka biak pawhin a ni tho. Ka nu hian min hrechiang em a, ka hmel hmu chunga min biak chuan harsatna ka tawk tih an hre ngei dawn a, chu chu ka thil hlauh ber a ni.. Min ngaihtuah em em reng laiin engtin nge an rilru ka tihhah belh theih ang..
.
Goldie lam chu en in ka nui a, zan in chu ka hmui ka chip theilo.. Hlim taka ka Birthday Party hman tluan hi ka duhthusam a ni.
.
Ka hnunglam atanga ka kawnga min rawn kuahtu awm avang chuan nui tawp chawt in ka inher a.. Bang chang tak, lumna nei, su chawrh ang vel ka ni.. Bang.. ban pahnih nei..!!
.
Aaron.. He mihring hian enge a hriat a.. Engahmah min ngailo leh min diriam ngawih ngawih chung siin ngatinge min tihbuai reng..?
.
“Lam dun ang le” tiin ka beng bulah arawn phun sap a. Ka bek a min rawn thawkkhum chuan ka mur er er.. Engvangin nge Aaron anih vanga ka danglam ziah.. Hnial turin chak na ka neilo.. Keimah ngei pawh hi ka inhrethiam lo.. Ka duh a ni.. Chu zawng chu..
.
Aaron chuan min rawn kuah hnai lehzual in ka dinna atang chuan min nawr sawn a, ka maimitchhing ringawt..
.
Ka hmui a min rawn fawh chuan ka meng zawk a, kan bul vel ka melh kual nghal bawk a, inchhung ah kan awm tawhlo tih ka hre chiah..
.
“Ka mamawh che.. Leah..” thaw hawk in min kuah leh a, engtia awm tur nge ka hrethiam lo.. Min kuahna chu ka thlahlel ve tho a, a mitmeng a hmangaihna khat in min en se tiin vawi engzatnge duhthu ka lo sam tawh tuman min hriatpui lo.. Ka biang ah fawp in ka khabe kual a fawp zai zai a, ka nghawng ah a hmai phum in min fawp mawlh mawlh a.. Ka inthunun thei biklo..a sam karah ka kut zungtang rawlh in a sam chu ka tham a..
.
“Nangpawn min mamawh ve tho ani..Zanin chauh chu hun min hmanpui rawh.. I mipa mutpui tawh zawng zawng ten an tihtheih bak ka ti ang.. Vawikhat chiah..”
.
A tawngkam avang chuan ka vawt sung sung a, ka ding khawng nghal lah a.
.
Ka awmdan danglam chu hria in min en chhuk run a..
.
“Min.Thlah.Rawh” ka aw chu a ri thei chang chang. Ka thinlung a na lutuk..
.
“No.. Nangpawn min mamawh ve tho tih ka hria.. I ti ngailo pawh a nilo a..”
.
“Khawngaihin..”
.
“Khawngaih I dil maw..? Yes..he thil hi I duh tih ka hria alawm” tih pahin ka kawngah min kuah nghet sauh a. A tawngkam hman duhdan chu nawhchizuar dawr tur ang mai a ni.. Ka tha a khur a, ka thaw tha theilo..
.
Ka kut khur dawt dawt chungin a dar ah ka tham a, ka thaw kawk kawk a..
.
Ka khurh nasat em avang chuan inla hrang hlekin min en a
.
“I zam a ni maw..” ka hmel a hmuh chuan phawk zetin min en a, min thamlo hmel taka a awm chu  hlauhthawn na hmel in a rawn thlak a “Eng thil phiangsen nge.. Leah.. I tha em?? Oh.. I tha em??”
.
Min rawn khawih leh a tum chuan ka kut in ka dang a.. Bang chu ngheng in ka thu riai riai a, reilo ah ka thusawp a.. Ka thlan a tla tih ka hria.. Ka awmdan chu ka duhlo takzet..
.
“Oh..Lalpa.. Leah.. I dang(pale) vek a nia” Aaron chu a mangang takzet a ang khawp mai.
.

Ka kutin ka hmai ka hup a..
.
“Leah.. ka zawng char char che a.. Oh my God.. Leah I tha em?? Nang hian a chungah engthil nge I lo tih a” Goldie chuan min rawn pan in min kuah a..
.
“Haw ka duh”
.
“Awle..awle..ka hruai haw ang che.. Hahdam rawh..”
.
Goldie chuan min kaitho a, Aaron chu tihtur ber hrelo in a lo ding ve reng bawk a..
.
Ngawi reng a kal pelh chu ka thei ngang lo. Engin nge min thunun ka hrelo.. Mahse he thil hi ka hria a ni..Aaron hi ka thinlung zawng zawng in ka hmangaih tih hi.. Inthiamlo hmel taka a awm chu hmuhnuam ka tilo.. Tawngkam na leh maksak tak tak in min tawngkhum mahse a chhungril ah chuan rilru nem tak a nei vetho ang tih ka ring..!!
.
“Aaron..Ka tha a nia.. Inthiamlo suh” ka tawngzawi viau na in a hrepha tho tih ka hria.
.
Mak ti zet a min en in a lu a thing a, engmah a sawilo.. A mitmeng de zawk zawk chu enge a awmzia ka hrelo bawk.. A insehruh teuh a, a hming a ka ko leh ka bia chu a lawmlo anih ka ring..!!
.

.
AARON’S POV*
.
Eng thil phiangsen nge?? Diklohna ka nei a ni em lovang chu..
.
Eng thil in nge min tibuai a, enge ka ngaihtuah pawh ka hre tawh lo..
.
“Vawiin hi a Birthday a nia, zanin hian surprise party a awm dawn a ilo kal ve ngei dawn nia” tia Leah thiannu Goldie’n min hrilhlai khan kal tumna ka nei hranlo a, a Bottle theihnghilh la tura let leh Leah chu ka enzui reng zawk kha a a nia.
.
 Ka fawh avanga khatiang a a awm khan min ti hamhaih a.. A hmel mawlh mai kha..! Thisen neilo ang maiin a dang(pale) vek a, a khur nasa viau bawk.
.
A bulah khan thil diklo sawi ka nei em?? NO..Ka thusawi kha thudik a ni ngei ang.. Thudik hian min tina thin reng a ni.. Mipa dang pawh a mutpui theih lai a min mutpui duhlo chu ka la na.. Keimah ah hian eng thil diklo nge awm phiangsen a..??!! Engmah.. Keimah ah hian diklo engmah a awmlo.. Ka tha e.. Ka tha vek..
.
.
*USTA BILLIE JEAN KING NATIONAL TENNIS CENTER*
.
US Open tan a ni a, First Round leh Second Round harsatna awm lovin ka paltlang ta. Third Round ah World Number/ Seeded no. 6 nen kan intum a, inkhelh chawlh lai a ka thil hmuh chuan inkhel ah min insawrbing tir hleithei lo. Party na a ka hmuhbak kha ka hmu leh tawhlo hrim hrim ani.
 Court sir a big screen ah arawn lang zuai a, ka hmuchiang hmanlo.. Leah ni ngeiin ka hria.. Ka inkhel lai a lo en ve ni a ka hriatna chuan min ti phawklek a, ka chetsual hlek in ka thin a rim deuh tun a.. Inkhelh lai a nungchang mawilo leh thinrim vanga Racket/Racquet vuak ang chi te ka ti ngailo. Cool raih a inkhelh hi ka duhthusam a ni thin.. Mahse vawiin chu a danglam tlat.. Ka phun ka phun mai.. Leah hmuhlai a chet chhiat chu ka duhlo bur..!! Enge maw ka ngaihtuah hi le..?? Ka ngai pawimawh em ni? Teuhlo.. Engvangin nge ani min en leh en loh chu ka ngaih pawimawh ang?
.
Ka inkhelhpui a thiam a, kan game a trang viau bawk.. Awlsam lo takin chakna ka chang hram a ni e.
.
*
*
Darkar thum a ral leh hnu chuan ka nu leh ka farnu te hruai turin Airport ah ka kal a, ka inkhel min tawiawm turin an rawn kal vang vang a ni. Visa (’vi:za – Ram dang tlawh phalna lehkha) buaipui chhung rei deuh chang awm thin chu thuhran nise, Aizawl ah chhungkua in sumdawnna buaipui tur kan nei ve reng a, ka farnu tan phei chuan duh hun hun a zinchhuah a harsa thin. Tun tum min rawn tawiawm thei tur hi ka tan chuan hlu tak a ni. Ka team te – Coach leh Doctor etc. te an awm hi chuan ka lungawi mai thin..
.
Fourth Round leh Quarter Final ah chakna chang leh in Semi-final a ka chak leh meuh chuan mumang ang mai niin ka hria.. Ka duhthusam anga Grand Slam  nomawi ka chawi thei anih chuan ka lungawi ang.. Duhtawk chin a awm thei dawnlo tih ka hria a. Tennis khel thin mi sang tamtak zinga tlemte chauh in Champion nomawi an chawi thei a, pakhatna lawmman dawng thei mi tlemte zinga tel chu Tennis khel zawng zawng te duhthusam a ni.
Ka duhthusam ti hlawhtling tur chuan ka theihtawp in ka bei ngei ang.
.
.
Final kan khelh chuan Set 1 na ka hloh phawt a..! Mahse ka zam lo.. Theihtawp in ka bei a, Set 1 na ka hloh tih loh chu Set 3 a zawn in ka la a, chakna ka chang ta..
.
Court lai ah chuan dingin ka nu te thutna lam chu ka en a, ka nu leh ka farnu te chu lawm avangin an mittui a tla tih ka hmu.. Ka thutna ah let in towel in reilote ka hmai ka hup a.. Ka mittui hnam sawk chu ka hru zauh a.
 Tap lovin ka hlim tur a ni..
.
Ni 2 HNUAH*
.
New York ah ka nu leh ka farnu te nen kan la awm a, chakna ka chan lawm nan ka nu rawt ang in New York a awm kan hmelhriat tha tlemte sawm in chawhlui kan kil ho a.
.
“Umama, ka tawng I hre miahlo in ka hria..”
.
“Umm..enge I sawi?”
.
“Ka thiannu box tur ka lak a ngai a, min hruai thei angem? Tun bak hi hunawl a awm dawn silo a”
.
“Ngati daih daih nge??”
.
“A cousin in thil a thawn dawn a, ka hawnsak thei remchang tho sia.. Thil inthawn a buaithlak em hi..”
.
“OK.. kan kal na tur address I hrechiang em? In zawn buai vak ka peihlo a nia”
.
“Hrechiang.. ”
.
“Duatpui, naktuk ah I ti mailo a ni..”
.
“Lo kal mai rawh..”
.
.
Muangchangin motor ka khalhchhuak a, Duatpuii box lakna tur In kan thlen chuan a tlai tawh viau.
.
Kawngka chu an rawn hawng mailo a..
 Kan nghah deuh hnuah hmeichhe pakhat hian a rawn hawng ta hram a, inchhung a kan luh chuan mipa pakhat a lo awm bawk a, a ruih hmel angreng. Box chu la in kan chhuak leh vat a.
.
Kawng chanve vel kan thlen chuan ruah a sur tam tawh viau. Tlai atang khan khua a dul tawhsa a, khawchin hrilhlawk ah pawh ruah a sur tam dawn tih an sawilawk tak kha mawle..
Fimkhur takin motor chu ka khalh a, ka nu pawhin min ngaihtuah in min rawn be leh sek tawh.
.
Thawklehkhat ah Tek a tla de zuai a, kan motor hmalam chu a khu luih a, motor chu a thi nghal chuih bawk a. Light pawh a thim vek.. Kan awmna lai hi khawpui chhung a ni chiahlo a, min pui thei tur mi an rawn kal remchan hun kan lo nghah mai angai dawn a ni.. Phone hmang turin network a awm miahlo bawk..!
.
Ruah chu a sur tam zual sauh a, kan motor che dawt vang chuan Duatpuii chu a tre thawt a,  kan inrin hmain motor chu a insawi lawp a, hneh taka min sutu an awm tih ka hrethiam. Ka nau chu ban in ka kuahbet vat a, motor atanga chhuah tumin kawngka ka hawng a..
.
Mahse ka tlai tawh.. Kan motor chu a insawh dawt a, hmalam ah na zetin ka intauh bur a.. Ka hmai a rawn lum pup a, Duatpuii chu ka ko a min chhang lo. A thim vek avangin a hmel ka hmu thei lo. Thil thalo tak a ni.. Engmah tihtheih ka neilo..
.
Ka chesawn theilo a, motor ke lian tak in min tlanpel lai chu ka thilhmuh hnuhnun ber a ni..!
.
SET THE FIRE!!
CHAPTER – 7
LEAH’S POV*

Ka pual in Manhattan leh Brooklyn ah dawr ka hawn belh a, Vawiin hian Manhattan a ka Sizzled Shop ah rin aia rei hnathawk in kan khawtlai a ni. London a show ka neih hma pawh khan ka hlawhtling tan viau a, show ka neih hnuah phei kha chuan hunawl ka neilo lehzual a ni. Hun bituk awm in hna ka thawk hleithei lo a, a tul chen chen ka thawk tawp. Tunah pawh hian kan tlai leh hle.. Dawr a riah ka rawt laiin Goldie’n min hnial a, ruahsur chungin In lam kan pan mek a ni..
.
Ruahsur nasa tak hnuai a motor khalh hi ka ti ngailo a, trek a tlak nasat phei chuan ka hlau lehzual.. Goldie vang vek.. Amah lah chu seat ngheng in a muhil lehnghal emaw ni..!
.
Kawngsir a car lo let reng ka hmuh chuan hlauthawng zetin motor ka tiding chawt a..
.
“Goldie..i hmu em?”
.
Goldie chu tawng lovin a bu nghat nghat a. A mengphawk hra bawk.  Motor head light in a chhun theih chin chu chiang zetin ka en a, motor chhung atanga ka hmuh theih chin….
.
LALPA..Aaron a ang lutuk.. Nilo hram rawh se..!!
.
Dawn awmlo in car atang chuan ka chhuak a, ruah a sur tam bawk a, ka huh nghal vek.
.
Car let reng lam chu ka pan a, Goldie’n hlauthawng zeta min rawn ko pawh chu ka chhang hman tawhlo.
.
Aaron ngei a ni.! A bula hmeichhia chu a kuah a, nikhawhrelo in an awm ve ve a nih hmel..
.
“Goldie..lo kal rawh..hmanhmawh in” ka aw a khur vek a..
Hetianga hmuh hi ka duhlo. Ka lakah thalo in rilru na takin min siam mahse, dinhmun thalo taka a awmlai hmuh hi ka duhlo. Goldie chu tim dak in Car chhung atangin arawn dak a.. A dawih tih ka hria.. Mahse a va hunlo em..
.
 “Goldie..engmah hlauh tur a awmlo.. Kan tanpui an ngai.. Aaron..Aaron.. 911 call rawh”
.
Keimah chauh chuan Car chhung atanga  lakchhuah ngaihna a awmlo..
.
Goldie chuan enge maw a sawi a, a tawng ka hre theilo. Car atang chuan a rawn chhuak a.
.
“Network a awmlo.. Tumah ka be theilo..”
.
Inhrilh chawp ngailo in kan pahnih chuan theihtawp chhuahin Aaron leh a bula hmeichhia chu an Car atanga lakchhuah tumin kan bei a.
Vanneihthlak takin Police motor a rawn thleng hlauh bawk. Police 2 te chuan min rinhlelh hmel takin min en phawt a, engmah sawilo in rang takin min rawn pui ta zawk a.
.
Kan motor ah Aaron leh hmeichhia chu phurin Hospital hnai ber kan pan a, Kan hmelhriat te an nih thu kan hrilh hnuah pawh Police te chuan min rawn zui ta tho.
.
Hospital kan thlen atanga minute 15 vel  hnuah an dinhmun a that thu Doctor in min hrilh a, Aaron nu arawn thlen chuan thil awmzia kan lo hrilh a.. A ni pawh chuan min rinhlelh hmel tho..
.
Enge maw an hriat hlawm le..!!
.
“Anmahni hi biak theih in rawn harh phawt sela, chumi hma chu in kalsawn theilo” Police pakhat zawk chuan arawn tichang rat a..
.
Goldie nen chuan kan huh vek avangin vawt kan ti hle. Rocky bia in kan thawmhnaw hak tur a rawn keng a, vawt taka ka awm rei deuh a pianga ka awm thin dan ang in ka hnar a za a, ka hahchhiau leh malh malh tawh.
.
Minute 30 vel a ral leh hnu chuan Aaron a harh tawh thu min hrilh in Cabin ah min hruailut a.
.
Police chuan Aaron chu thilthlen dan a hriat ang ang sawi turin zawhna a zawt a.
.
“Kan tlan laiin motor a thi a, trek tlak nasat lai khan a nia, motor hma lam chu a khu deuh luih a, ruah a sur vangin a khu reilo. Network a awmlo a, rei pawh kan din hmain kan hnunglam atang in min rawn su a ni.. Ka hmuh hnuhnun ber chu motor ke lian tak a nia..Truck anih ka ring… A bak chu ka thilhriat a chianglo vek” 
.
Aaron chu min hmu awm in a awmlo a, a chal ah bel var lak a.. A insawh na lutuk a anih hmel..
.
“Anih chuan hemi te hi I hriat zawng anni em? In chetsualna hmunah khan an pahnih hian kan hmu a.. I hmelhriat annih thu an sawi a..??”
.
Aaron chuan muangchang in Goldie nen kan ding chu min rawn en in a lu a thing zauh a.. A mit a chhing nghal vang vang bawk a..
.
ENGMAW..?? Ka awih theilo e..!!! A a tawh a nih hi.. Tawng nachang pawh ka hrelo. Ka ding khawng tawp a. Goldie chu a rawn chebuai nghal deuh titih a..
.
“Aaron.. Min enchiang rawh.. Goldie..” min rawn kawk in “A ni hi Leah.. Kan tanpui zawk che u..” Aaron chu arawn meng tawhlo..! Anu chu Aaron kut vuan un a mutna bul chair ah a thu a.
.
“I thawm dim rawh.. Anih chuan thil awmzia kan hriatchian lehzual theih nan kan hren phawt che u a ngai ang. Thil tihsual in neilo tih a chian phawt loh chuan kan hmuhphak aia hla ah in awm a thianglo..”
.
Police te thusawi chu hnial tur pawhin chakna ka neilo.. Ka awih theilo.. Aaron khan a thluak a sawh khawlo ani tal ang.. Mahse a nu kha chu a hre tho bawk sia.. Ka chawmawlh vek..
.
Goldie nen chuan Cabin atangin min hruaichhuak a.
.
Aaron..kan tanpui che a.. Hetiang hian maw min rulh let dawn a..??
.
A lutuk mah mah a ni..!!
.
Police Station ah Goldie nen zankhua in kan awm a, Rocky tihloh chu midang hnen ah engmah kan sawilo. Rocky hnen ah pawh anu leh pa te hrilh rihlo turin kan chah a, thil tihsual kan neilo chiang a, midang tih hlauhthawn a tulna ka hrelo ani.
Goldie chu ka hmaizah hle. A hlau chung chung in min pui turin ka ti a, kan puih avanga lawmthu min hrilh aiin Police Station ah kan awm a ngaih phah a nia..
.
Tawrh theih chin ka nei ve bawk a nia..!!
Darkar 24 pawh tlinglo a ngaihzawng ka nih hnuah hnehsawh tak tak in min tawngkhum zui a, ka tuar zel a.. Ngaihtuah ber tur pawh ka hrelo.. Ka ngaihtuahna leh ka rilru hi ani chuan infiam nan a hmang ani.
.
Engvanga ka laka ngaihdan mak deuh deuh nei nge ka hrelo a, ka thinlung a tihnat sa hi a kehdarh vek niin ka hria. Ka nun a ka mipa tawn ve te hian natna chiah min pe.
.
Puan a intuam in ka thu tawm hlan a, Goldie nen chuan inbe lovin kan ngaihtuahna khawvel ah kan cheng ve ve. Zankhua in kan muhil lo..
.
Zing dar 5 chiah a ni.. A vawt ka ti hle a, ka khua a sik nasa viau bawk. Ka taksa a na thum a.
..
“Leah I tha em?”
Goldie chu en in ka bu nghat a. Ka tawng chuan ka tap nghal dawn tih ka hria. Ka nu leh pa te ka ngai a, ka unaupate pawh.. Kan in a awm ka chak a, mahse tuna ka awmna hmun leh kan in inkar ah tuipui zau leh tlang lian tak tak, khawmualpui zau tak tak thlawhkhum ngai  a awm tih ka hria..
.
‘Leah inti pachang rawh.. Puitling I ni tawh.. Engkim a tha leh vek ang’ tiin ka inhrilh mawlh mawlh a.
.
“Aw..Lalpa.. Leah I sa vek a nia..”
.
.
AARON’S POV*
.
Car chhungah che theilo in ka awm a, ka nau chu ka kuahbet tlat a. Eng in min rawn chhun a.. Ka hmuchiang theilo.. Hmeichhe pakhat kan motor lam pana lo kal chuan engemaw sawi a nei.. A hmel chu hlauhthawnna in a khat..
.
A rawn hnaih lehzual chuan Leah a ni tih ka hria..
“Aaron..i tha em? I harh em? Hlauthawng su aw..” a thim mup a, engmah ka hrezui lo..
.
“Hospital kan pan mek.. In tha leh mai ang”
.
Ka chau hle.. Ka harh leh chuan khum ah ka mu a, minlo dinhual thap a.. Ka rilru a fimlo..
.
“Anih chuan hemi te hi I hriat zawng anni em? In chetsualna hmunah khan an pahnih hian kan hmu a.. I hmelhriat annih thu an sawi a..??” Police ni awm takin zawhna min zawh chuan ka khum bula ding, hmeichhia niawm tak ruangam pahnih ka hmu a, an hmel ka hmuchiang theilo.. Ka lu ka thing ringawt a, engmah ka hrezui tawhlo..
.
Ka ngaihtuahna sawrbing in kan chunga thilthleng chu ka ngaihtuah let leh a..
.
NILO.. Min tanpuitu hmeichhia te kha Leah leh Goldie te an ni.. Engtin nge ka hriatloh theih zawk?? Khumah chuan ka thu a, ka englai ber nge na pawh ka hre chiah lo.. Ka then sak a.. Ka taksa chu a sil them thum mai.
.
“Leah…khawnge Leah kha a awm”
Ka aw chu a tham deuh tuak a, ka dang a ro hle bawk..
.
“Bawiha, hahdam rawh.. Tui hi in phawt la…… Leah I tih chu helai hmun a lo awm ve kha anih chuan an 2 khan I hriat ngailoh thu I lantir hnuah Police in thu zawhfiah turin an hruai..”
.
“Enga…?? Khawnge Duatpuii..??”
.
“A tha e. Room lehlam ah sawn a awm.. Engmah hliam na a neilo..”
.
Police station..!! Engvangin nge Police in an hruai ngawt ang.. Engmah tihsual an nei hleinem.. Ruahsur nasa lutuk hnuai ah huh vek pawh pawisa lo in min tanpui a, anni kha awmlo se eng thil thalo nge kan chungah thleng dawn pawh a hriatloh.. Thil intawngfuh mak tak a ni..
.
Ka khum atang chuan tho lui in Hospital ka chhuahsan a, ka nu in min dan a tum chu ka ngai pawimawh theilo.
.
Taxi la in Hospital atanga Police Station hnai ber ka pan risk tawp a. Police Station ka thlen chuan ka pan fuh tih ka hre nghal. Room kil khat a Leah leh a thiannu thu ka hmuh chuan an awmna room chu ka en a..
.
Eng thil thalo nge ka tih tak hi.. Leah hmel ka en chuan ka chhungril a khur.. A dang lep a, Goldie landan chu a zia deuh zawk.
.
Goldie chuan Leah chal chu a kut in a dek a, engemaw a sawi sap a. A hmel atang chuan a hlauthawng tih ka hmuthiam bawk..
.
Officer lo awm hnenah chuan thil awmzia ka hrilhfiah zung zung a.
.
“Officer, thil hriatthiam loh a awm palh niin ka hria.. Min rawn tanpui tute kha anni hi an nia..”
.
“Oh..ka hrethiam e.. Nizan a kan zawhlai che khan I hre ngailo tih I lantir sia, chuvang chuan hlauhthawn thil thuah helai hmunah hian kan hreng a ni.”
.
“Buaipui ngai a awm chuan min hrilh la..”
.
Minute 5 vel kan sawifiah leh hnuah Hming sign ngai min kawhhmuh ah chuan ka hming ka sign a, Leah te awmna lam chu ka pan nghal a..
.
Min rawn hmuh chuan Leah chu a hawisawn vat a, Goldie erawh chuan thinrim hmel zetin min en thung.. Ka chunga thinrim turin dikna an nei..
.
Leah hmel ka enchian chuan ka chhungril a na vawt vawt.. Ka awmdan chu ka sawithiam chiahlo..!
 A hmui senno chek thin kha a dang bel  a, a mit a sen ram bawk. A sam chu a hnawk niai a.. Sawi mai tur ka hrelo.. Misual ber niin ka inhria a ni.. A chungah thalo tak tak a ka awm hnuah pawh a ni chuan min tanpui tawk tawk a, hnehsawh tak tak leh hnuaichhiah taka ka biaklai pawhin tawngkam khat pawhin min chhang ngailo.. Ngawireng in a tuar tawp a ni.. Kei hian mi thalo tak a ni tih hre mah ila, a chunga ka awmdan kha thil pangngai leh thildik a nilo tih ka hre ve tho.. Chu chu ngatinge a hma khan ka lo ngaihtuah tawhloh..
.
Mi thalo tak niin ka ngai a, kei hian mi thalo tak a ni ngei tih prove na pakhat pawh ka mit ngei hian ka hmu tawh em??? La hmulo..!
Ka chungah engmah a tih hma hauh atang tawh in min bum a na tak a min siam ka hlau a. Min hip na nasa tak khan minti hlau a ni.. A chhan chu hmeichhe dang reng reng lakah Leah laka feelings chak tak ka neih ang hi ka nei ngailo a, chu thil chuan minti hlauthawng..!!
.
“Ah..in tha.. em?” ka tawng nawk nawk a “In chhuak thei e.. Nizan khan ka harhchianglo..a pawi ka ti hle mai..”
.
“Leah I tho thei em?”
.
 An pahnih chuan min rawn ngaihven miahlo a, an thutna atanga tho in room atanga chhuah nghal an tum a..
.
“Ahh..Ka lo..hruai ang che  u..”
.
“A ngailo ang.. Kan lawm hle mai..” Goldie chuan min tiel tih ka hrethiam.. Leah chuan engmah a sawi velo a, chu chu ka tuar theilo..
.
“Leah..ka hruai haw ang che u”
.
Min ngaihven miahlo in room atang chuan an chhuak a, an hnungah ka zui a. Ka hriattheih tirh atanga a vawikhat nan awmdan tur ka hrelo.. Ka chelai vek!
.
Pawn ah chuan mipa pakhat in a lo nghak a, ka va pawh mai ngamlo.. Eng thil phiangsen nge ka chungah hian thleng.. Tuna taka ka dawihzep tak viau ni!!!
.
“Rocky, Leah hi a thalo a nia, Hospital ah kal nghal a ngai”
.
“Ka tha.. Ka khua a sik hlek chauh alawm.. In a awm ka duh zawk..”
.
“Okay..Okay.. Goldie.. a duh ang chuan ni rawh se..”
.
An tlanchhuah hnu chuan Taxi pharin ka umzui a.. Leah chenna hmun ka hresa lova, ka umzui mai lohin.. Tuna a awmdan ang khan ka kalsan ringawt theilo.. Buainaliana ka ni ringawt.. Eng thil nge ka tih tak ang..??
.
Leah awmna ni awmtak building lian tak kawt ah chuan an ding a, an bula mipa awm chuan Leah chu kuahin Goldie chuan a zui bawk a.. Sawpa saw a bialpa a ni angem?? Ka ngaihtuah zawng ringawt pawhin ka trim sawk thei hial mai..
.
Zui lovin building pawnah chuan ka ding reng a, minute 15 vel aral hnuah Goldie leh mipa chu building atang a rawn chhuak in Car ah an lut a an tlanchhuak lehnghal a.
.
Muangchang in building chhungah chuan ka lut a, apartment changkang tawk tak a ni. Pitar pakhat ka lam pana lo kal chu Leah a hria em tiin ka zawt a, vawiin chu a vawikhat nan vanneihna ka lamah a tang anih hmel. Pitar in Leah awmna lam min kawhhmuh room chu ka pan nghal a.
.
Kawngka ka kik a, ka rinai hma in Leah chuan arawn hawng a. Min hmuh chuan a hmel a danglam miah lo.. A hmel atangin a ngaihtuahna ka hre thei heklo..
.
“Ah..ka lo lut.. thei.. angem?” ka zeplo.. Ka zam ani.. Hmeichhe hma a ka zam chu ka inhua a, mahse ka inthunun thei miahlo..!
.
Leah chu a hma ang bawk khan a mit a la sen ram a, kawrlum dum lian angreng tak a ha a, kekawrtluan dum a ha bawk. A sam chu a  hnawk niai a, a derdep hmel in tihnat a awlsam hmel takzet.. Kuah ka duh a, ngaihdam dil ka duh.. Eng thil nge ka ngaihtuah.. Nia, a dik alawm.. Ngaihdam dil ka duh..
.
A bu nghat a, rilru a lawm ru takin a inchhung ah chuan ka  lut a.. A inchhung chei dan chu a hmeichhia hliah hliah.. Tukverh ah chuan puan par chhiai hmuhnuam tak a zar a, engkim a felfai thlap. Lehkhabu a chhiar nasa bawk anih ka ring..Lehkhabu a rem tlar tam khawp mai.. Living room a sofa buang paw thek lam chu a pan a, amah zui turin min hrilh lo na a, ka zui ve tawp..!
.
 “Leah..ka tihpalh.. Tawngkam mawilo tak tak a ka tawngkhum che avang khan min ngaihdam thei angem..? I chunga thil diklo tak ka tih avang pawhin.. Ah.. Ngaihdam ka dil ngailo a, sawi dan tur ka hrelo.. Ka tihpalh takzet a ni.. Khawngaihin..” Ka ti tak tak a, min ngaidam turin ka duh a ni tih ka hmel leh ka mitmeng atang chuan a hriat ka ring.. Ka rilru zawng zawng in min ngaidam se ka duh takzet a ni..
.
Leah chu rawn inherin a mitmeng chauh hmel tak chuan min en a. Engatinge he hmeichhia hi a ngaihtuahna ka hriat theih miahloh le..?? A thuchhuak engemaw tal hriat ka mamawh.. A ngawireng chu ka tuar theilo..
.
“Leah..come on..ngaihdam ka dil che a nih chu.. khawngaihin tawng teh..”
.
“Okay.. Ngaihdam I ni e..”
.
Enge..Engmaw..?? Eng thil nge a sawi hi.. Min ngaidam tih a sawi anih chu.. Mawla..a tawng kha I hrereng a ni lawm ni…??
.
“Eng..Engmaw I sawi..??”
.
“Ka ngaidam che” a mitmeng danglam miahlo in a nui sak a.
.
Nui hawk in ka thaw huai a.. Ka thinlung min delhtu rit tak awm kha a bo nghal vek..
.
“Ka lawm e..”
.
“I lawmthu sawi chu pawm a ni e”
.
“Ka ti tak tak..”
.
“Ka hria alawm..” a ti dam leh thliam a.
.
Ka dinhnaih a, a sam chu chulmam tumin ka ban a, phu zawkin a tawlhsawn nghal a, a mitmeng de zawk ka hmuh chu hlauhna a ni..!! Leah hian ka khawih a hlau maw..? A hma ang khan ka tina leh ang tih a hlau a ni tih ka hria..
.
Tuna thilthleng zawng zawng ah hian hmeichhe nunnem tak a ni tih ka hriatchian phah a, a nih chuan Rindiki thu min hrilh, tumah zawtfiah lova ka lo rin ve hmiah kha ka ringhlel ta a ni..!! Mahse amah hi ka zawt ngamlo ang.. Dawt muhlum lo ni ta se ka intimualpho mai mai dawn tih ka hria a ni..
.
Nghet taka kuah a thlamuang taka ka bula awm turin ka duh a ni.. Vawikhat chu ka awm ngheng a thuin thlamuang takin a awm tawh anih kha.
.
Kuah tum in ka ban leh a..
.
Min lo dang vat..
.
“Aaron, ka ngaidam che ka tih avang khan min kuah kher tur tihna ani hleinem” a ti dam thlap a..
.
A tawngkam chuan min deng na khawp mai..
.
“Mahse, min ngaihdam chuan kuah che ka duh alawm.. Anih chuan min ngaidam tak tak lo tihna a ni em?”
.
“Ka ngaidam che.. ‘miin tih takzet a ngaihdam an dil che a nih chuan ngaidam ang che.. I nun a pawimawhna neilo te phei chu I ngaidam ngei ngei tur a ni’ tiin ka nu in min hrilh thin.. Ka nu thu ka zawm mai a ni..”
.
ENG MAW?? “Eng..eng maw I sawi?” a tawngkam chuan min thawng chiang khawp mai..
.
“Ka ngaidam che. I tan engmah ka nilo ang bawk khan ka tan engmah I nilo a, ka ngaidam che.. Chuan..theihnghilh teh ang” a tawng chu a dam thlap in a nui lui sak a..
.
CHAPTER – 8
.
LEAH’S POV*
.
Ka apartment kawngka a Aaron lo ding ka hmuh chuan thil engemaw in na taka min shock ang mai hian ka nghing dawt. Thla chu nei ila ka thlawk sang viau in ka ring.. Mahse ka ngaihtuahna ka tilang lovang.. Leah.. Inthunun rawh.. I bulah a ding ringawt a nih hi.. Danglam suh..!!
.
Ngaihdam min dil lai chuan a ti takzet tih ka hrethiam a, ka ngaidam mai tur a ni.. Ngaidam lo pawh ni ila enge danglam chuang ang..
.
“Ka ngaidam che.. ‘miin tih takzet a ngaihdam an dil che a nih chuan ngaidam ang che.. I nun a pawimawhna neilo te phei chu I ngaidam ngei ngei tur a ni’ tiin ka nu in min hrilh thin.. Ka nu thu ka zawm mai a ni..” ka thusawi chu uluk takin a ngaithla a, a mitmeng danglam zawk chu ka hriatsual loh chuan zahna a ni.. Awihawmloh hian… Aaron hi ka tawngkam avangin a zak lo ang..
.
Ka rilru luahtu leh ka thinlung tina tu a nih vang a ka laka a awmdan mawilo leh thinlung tina ngawih ngawih thei tawngkam hman khum ve kher tul ka tilo a, min tihnat ang chiah a tihnat let ve a tulna pawh ka hrelo, ka rilru a dam theih nan ka rilru a thu awm ka sawi mai a ni. Ka rilru thenkhat erawh chuan thahrui chak tak neih a hnek thal tawp ka chak viau thung.. Oops..a hmeichhe tawngkam lo hle mai..!!
.
“Chuan, khawngaih in min chhuahsan ta che.. Chawlh hahdam ka mamawh a” ka tawng zawi viau a, ka rin aiin ka aw chu a nem bawk…
.
“Han chawl rawh.. Ka lo veng ang che..”
.
A tawngkam hman avang chuan ka nui sak a.
.
“Ka lawm e, mahse ka mamawh lo.. Kawngka kha I chhuah hunah kharphui tha ang che..”
.
Mangchang in ka room ah ka luhsan a, a chhuak ve mai ang.. A chhuah hunah kawngka chu ka va kalh leh mai thei a, harsatna engmah a awmlo. Ka chau hluah hluah..
.
Ka khumah chuan bawk in puan ka sin tha a, kawngkhar thawm ni awm tak ka hriat chuan thaw huai in ka mit ka chhing vang vang a..
.
.
“Min thlah rawh..Khawngaih in min thlah rawh..” ka tal vak vak a, ka talchhuak theilo. Ban tha chak zet chuan min kuahbet in hmui lum huam leh hnawng chuap chuan ka nghawng ah min fawp a.. Ka ten lutuk.. Ka tal nasa khawp mai..
.
Rak thawt in ka thuchhuak hlawl a, ka thlan in min bual huh vek bawk a..
.
“Leah I tha em?” Aaron chu ka khumah thu in min kuah a, ka khur dawt dawt a.. Hetiang mumang ka neih hian nasa takin ka hlauthawng thin. Hetiang mumang ka neih thin chhan chu Zothana vang vek kha a ni.
.
Ngawi lawk teh.. Aaron hian ka in ah hian enge a la tih??
.
“A tha vek e.. I bulah ka awm hi, hlauthawng suh..” min kuah nghet sauh in ka hlauhthawnna a reh theih nan ka ban ah min chul a, ka hnial theilo.. Aaron ka bulah a awm a ni tih ka hriatna chuan ka thla a timuang.. Mahse ka awmdan chu a diklo.. Ka chhungril atangin ka vawt sung sung a, ka thaw a sa hle bawk..
.
“Leah.. I harh em?? I sa lutuk.. Leah..Leah..”
Aaron min kohna ri chu a zawi tial tial a, engmah ka hrezui tawh lo..
.

Ka harh leh chuan khum ah ka mu a, mahse ka khum a nilo tih ka hre nghal.. Khawi hmunah nge ka awm..??
.
Khumah chuan thut tum in ka inbeng kang dawn a, mahse thahrui pakhatmah ka neilo.. Ka tha a zawi vek..
.
Nurse pakhat arawn lut a, nelawm takin min nuih sak a..
.
“I la chau deuh ang, ni 2 tal chu I chawlh a ngai dawn a ni.. Pawn ah sawn I pasal a awm a, zankhua in I harh hun a lo nghak che a..”
.
Pasal a..?? Engtiklai in nge pasal ka neih a..?
.
Nurse in min chhuahsan hnu reilote ah Aaron chu a rawn lut a, a hmel atang chuan a muhil miahlo tih a hriattheih.. A sam a thur deuh a, a hmel chu a dul raih.. Mahse Aaron..ka thinlung ti tuiral theitu kha a la ni reng.. Ohh..mahse ka thinlung duhang hian ka awm theilo.. He mihring hi ka hnaih ngam tawhlo ang..!

Ka khum bulah chuan a rawn thu a..
.
“Leah..i tha em? Keimah vang a ni.. Ka tihpalh..

AARON’S POV**
.
Leah room a a luh hnu chuan kawngka ka khar a, kalsan tumna ka neilo..! A landan kha a thalo takzet a ni.. Ka bula a din lai pawh khan a tlu mai lo kha mak ka ti tawh zawk a. Hmeichhe tuarchhel tak chu a ni phawt mai. Tuna a damloh chhan hi keimah vang a ni tih ka hria..
.
Keipawh  avang khan ka la chak tawklo tih ka inhria a, mahse khatiang dinhmun a a awmlai khan ka kalsan ngam lo.. Ka ngaihtuah a ni..
.
Eng thil phiangsen in nge ka ngaihtuahna min tibuai ka hrelo.. Ka chhungte leh ka thiantha te bak tuna ka ngaihtuah ang hian ka la ngaihtuah ngailo.. Tuna Leah ka ngaihtuah dan hi ka tan thil thar hlak a ni.
.
Minute 10 pawh a ral hmain Leah room atanga thawm awm avang chuan ka tho zawk a, a room ah chuan ka lut nghal a..
.
Leah chu a mit la chhing reng chungin a tal a, hlauhthawn hmel taka a rawn tawngchhuah chuan ka thinlung a ti tuiral a ni.. Ka hmangaih.. He hmeichhia hi ka hmangaih.. Tuman an tihnat ka phal ngailo ang.. Eng mihring nge ka nih le? a chunga nunrawng tak a awm tawh leh tawngkam dengkhawng tak tak a tawngkhum thin tu hian… midang in an tihnat ka phal ngailo ang tiin engtin nge ka ngaihtuah ngam zawk..? Lalpa.. Eng mihring nge ka nih phiangsen le..???
.
A khumah chuan thu in ka kuahbet a, a harh mailo.. A taksa chu a sa vek a, tuna a awmdan hi thil thalo tak ani..
.
A mitmeng a buai a, a harhlo zui bawk a..
.
Hlauhthawnna avangin ka thin a phu dawt dawt a, in ngaihtuah harhin In atang chuan ka pawmchhuak a, Hospital ka panpui nghal a.
.
Keimah vang a ni.. Nizan khan ruahsur nasa tak hnuai ah min tanpui a, tuna a damloh chhan hi keimah vang liau liau a ni.. Zankhua in Police Station ah a awm phah bawk a..
Darkar thum hnu a a rawn harh chuan tlem in a hmel landan pawh a zia ta deuh..

 “Leah..tun hi sawi hun a ni em ka hrelo a, mahse ka duh takzet che a ni.. Nizan khan min kalsan dawn niin ka ngai hman a.. Ka..ka”
.
“Aaron..chutiang thil chu sawi suh.. I ngaihzawng nih tumna ka nei tawh lo”
.
Tlang taka a thusawi avang chuan ka melh ngawt ngawt a.. Nia, engvangin nge ka duh tih ka sawi ngawt ni..! Ka aw ka thian kharh a..
.
“Ka hria e.. Ka inzahpui khawp mai.. I laka ka tawngkam..”
.
“Khawngaih in min kalsan rawh”
Min vin hauhlo na a kalsan turin min duh takzet tih ka hrethiam.. Ngawi rengin cabin atang chuan ka chhuak a, tunah hian thil engkim hriatchian vek ka duh a ni. Amah(Leah) zawt fiah tur erawh chuan ka huaisen tawklo.. Waiting room a sofa ah chuan ka thu hnawk a..
He hmeichhia ka hmuh hmasak ber ni atang khan thinlung khawih thei thil ka tawng zing ta mah mah a ni. Hetiang thil hi ka mamawh lo tiin ka tlansan thin kha a nia.. Tunah chuan ka tlansan theilo.. Engkim ka hriat vek a angai..
.
Ka phone ka en chuan missed call a lo awm teuh a, ka nu bia in ka that thu ka hrilh a, tunah chuan Leah hi ka kalsan thei rihlo. A dinhmun a tha deuh tih ka hriat phawt loh chuan ka kalsan lovang. Amah buaipui tu tur tumah an awmloh laiin engtin nge ka kalsan theih ang..
.
BS-I number hmetchhuak in ka call nghal a.
.
“Hi, Bs, keimah.. Leah chungchang a nia”
“Aaron.. Leah chu enge?? A tha em?” a aw a hlauhthawnna lang chu ka hrethiam vat a.
“A tha e.. Ka rawn biak chhan che chu engkim ka hre duh a ni. Phone atanga inzawh awmloh I tih pawhin pawi ka tilo.. Engkim..Leah chanchin ka hre duh??”
.
“Ooo..amah I zawt mai lo nia..”
.
“Nia, Ok.. Bs, lo ngaithla teh.. Leah hian tunah ngaihzawng a nei em? ”
.
“Haha..Hey, Aaron..ka puihna I mamawh tihna a ni em? Haha..ka awih thlawt lo che..”
.
“BS..Tunah ka hre duh..” Ka serious viau tih a hriat hnu chuan a nui tawp chat a..
.
“Awle.. Ka hrilh ang che.. Mahse engti zawng mahin ka thianthaber kha I tina tur a nilo..” Ka mit chhing in ka thaw huai a.. Bs-I phalloh thil chu ka ti vek tawh zawk a ni..
“Vawikhat chu a nei ve..chu bak chu vawikhatmah a nei leh tawhlo”
.
“Engmaw..??” Thil ni thei a nilo..
Ka bula mi te chuan min rawn en thap hlawm a.. “I thilsawi chu a dik em?”
“Enge I hriat a, chutiang thilah dawt sawi chi a ni hleinem.. Mahse ka hrilh ang che.. Aaron.. I tina a nih chuan a pawi khawp ang.”
.
“Mahse..ka hriatdan nen..”
“Enge I hriat dan? I tawngdan chu thil dik tawklo awm a ang khawp mai.. Engkim sawi teh.. Leah chungchang a chanchin thalo sawitur I nei anih chuan mak tih vang in ka tlu tawp thei hial ang..”

“Ka hriatdan chuan..”
“Diktak chuan vawikhat neih kha a duhtawk a ni.. An tawpdan a tha ta vaklo bawk nen.. Ah..ka sawi vek a ngai love..”

“Rindiki kha I hria em?”
“Hria e.. Oh.. Rindiki I sawi takah chuan.. Ah..ngawirawh..ka hrilh vek che a tulna ka hrelo.. I duh takzet chuan nangman zawtchhuak mai rawh..”
“Thil pakhat chiah hriatduh ka nei.. Engvanga inthen nge an nih? Bs, chu chiah chu ka zawt ang che..”
.
“Leah-I’n a then a ni.. Zothana khan..ahh..diktak chuan Leah-I’n a then hnuah pawh a tibuai zui nasa a, dawt in a puh nasa viau bawk..”
“Ka hriatdan nen a letling chiah..”
“Enge I sawi awmzia..? Rindiki hming I sawi khan I thil hriat tur awm ang chu ka hre mai.. Zothana Cousin a nia.. Leah hian Zothana a tibuai a,, nau a titla..a umzui nasa viau..tih vel kha a nih ka ring.. Hemi te hian duhtawk chin an neilo anih hi” BS-I chu a thaw halh a..
Sawitur ka hrelo..
“Engpawh nise, Leah hi ka hrechiang.. Engti pawhin sawizui mahse thudik chu a pangngai reng.. Leah hian vawikhat pawh a khinglet ngailo a.. Hello.. I ngaithla em?”
.
“Aw.. Ka lawm e. Ka hriatduh chin chu ka hre tawh  e..”
.
Ka thutna chu ngheng in ka maimitchhing a.. Ka inhua a ni.. Ka duhloh leh ka huat ber thin ang in ka awm a, Leah laka ka awmdan mawilo tak vang khan tumah dem tur ka nilo tih ka inhrechiang.. Ka zak a ni.. Ka tawngkam te ka ngaihtuah let a, Leah awmdan zawng zawng nen.. Ka inhaw takzet..

Vawikhat te pawh tawngkam mawilo leh tawngkam na takin min chhanglet ngai lova, kei hian Leah hi ka phulo.. Engtin nge ka siamthat leh tak ang..
Mipa ka ni a, ka cho chhuah buaina chu ka chingfel leh ngei tur a ni ang.. Bakah Leah hi midang tan ka phal ngai dawnlo a, a laka ka tihsual chu ka siamtha ngei tur a ni..
A bulte atangin ka tan tha leh ang.. Enge ka tih hmasak ber tur erawh ka hre lo..
.
LEAH’S POV*
.
Ka muhil ka harh chuan ka khum bawh a Aaron muhil chu ka hmuh hmasak ber  a ni..

Ka in arawn kal a a thawmhnaw hak ngai a la ha reng a, a hmel erawh a that ngaiin a la tha reng.. A mutthilh lai hi chuan a mitmeng vawt tak thin kha hmuh tur a awmlo a, min hnehsawh hmel tak a a ner sak hmel pawh hmuh tur a awmlo.. A hmuh a nuam khawp mai.. A muhil hmel chu ka en vang vang a..

“Enge ka an?” meng chuanglo in a nui suk a. Ka phu chiang lutuk.. Ka hawisawn nghal vat a..

“Enge I la tih reng a, haw tawh turin ka tih che kha”
Muangchang in a thungil a, chiang zet hian min en ta reng a..

“Hi.. Aaron ka nia.. Thian kan ni thei angem? Thian tha tak kan nih theih ka beisei..” a kut rawn pharchhuak in a nui suk a, a nervous hmel bawk.. Ka chhan hun nghak in min en reng a, a hlauthawng tih chu thup tum viau mahse ka hre thei tho..
A awmdan chu ka hrethiam lo..! A hmel chu chiang takin ka en a, a mitmeng a a chauh zia lang chu awlsam takin ka hmu thei.. Accident a tawh vang khan a la chaktawk biklo ngei ang..

“Aaron, I tha em? I chauh hmel lutuk a nia..”
A lu a thing a..
“Midang ngaihtuah thei tak I nih hmel e.. Anih chuan thian kan ni thei tihna a ni em?? Khawngaih in I hming min hrilh la..??”
Ka nui hak a.. Tun tum chu ka nui lui tawhlo..
“I landan kha a tha miahlo tak tak a nia..”
Ka tawng chu hre awm pawh in a awmlo..
“Khawngaihin I hming min hrilh ta che?”
“Hmm.. Ka hming chu Leah a ni e..” ka kut chu a vawn theih turin ka pharchhuak a.  A mitmeng a inthiamlohna nasa tak avang chuan ka hnial theilo a, mahse a thian chauh ka ni ang..

“Ka lawm e..” tiin ka kut a fawp zauh a, ka hmel min en tawhlo in a kun deuh a.. “Min lo hrethiam lawk” tiin a tho thut a Cabin atang chuan a chhuak nghal a..

CHAPTER – 9
.
AARON’S POV*

A hmel pawisawilo tak kha ka en ngam tawh lo.. Ka in haw zual sauh a ni. Keiin natna ka thlen laiin ani chuan ka that leh thatloh min la ngaihtuah cheu a, a hmel ah khan tihderna emaw lemchanna emaw ka hmulo.. Ka in zahpui a ni..Nasa takin.. Ka lakah rilru chhia ala pu miahlo tih ka hmuh khan hreawm ka ti a, ka mittui a tling hial a..! Mahse hmeichhe hma a mittui tihtlak chu ka mipa rilru hian a theilo..!! Chuvang chuan Cabin kha ka chhuah san a ni.
.
Zankhua in ka ngaihtuahna a luah a, a tuk a ka va kal leh chuan mipa pakhat a lo awm a, chu pa chu a khum bul chair ah thuin Leah kut a vuan a, enge an sawi ka hrepha lo.. An tawng zawi lulai em a ni..
Kawngka atangin ka en reng a, mipa dangin Leah kut an vuan lai hmuh ka duhlo a, ka tan chuan thilhmuh hreawm tak a ni. Va kal a chupa chu va hnek mailo turin ka insehruh tang tang a, ka kut ka hum ruh bawk..

Leah-I’n min rawn hmuh chuan a bula mipa chu a melh zauh a, chupa kut chu a thlah miahlo..! chupa chuan hawihhawm takin Cabin chhunga lut turin min ko a, a nui sak bawk.. La insehruh teuh chungin ka nui lui a, a awlsam lo khawp mai..
An bul ka thlen chuan Leah tan a ka thil ken ho chu ka pe a.

“Heihi ka thian  Aaron a nih hi.. Chuan Aaron, a ni hi Rocky..ka thiantha tak leh Goldie unaupa ni bawk..”
“Leah..thian chauh chu kan nih loh kha..”
“Come on..Rocky..”
Leah chu a nui kar kar a, ka run  tawk a tling.. Keimah vang nilo..mipa dang vanga a nui chu nuam ka tilo.. Engvangin nge nuam ka tihloh ringawt ang..?? Kei hian vawikhat pawh hlim takin ka nuihtir thei em ni..?? Ka ngaihtuahna chuan min tina zawk.. Ka theilo.. Kei hian Leah hi natna chauh ka pe.. Mahse tun atang chuan a hlimna siamtu leh nuihtir tu ka ni tawh ang..

“Leah.. enge I lo an tawh le?” Leah nuilai chu tawpin min en kal a, Rocky tia a koh..a thiantha tak ni a a sawi bulah chuan ka thu a, ka va nek na mah mah em ka hrelo.. Ka pawisa lo ni zawk rawh se.. Ka duh aiin Leah hi a hnaih a, a pawh bawk..
Nichin khan engtin nge a sawi kha.. Keihi a thian  ka ni a, a ni hi a thiantha tak a ti a nih kha..!!

“A tha tawh khawp mai.. Naktuk ah chuan Hospital a chhuahsan thei tawh ang”
“Leah..nangmah a nia ka zawh che.. Enge I an tawh le..?”

“Aaron.. Rocky sawi ang kha a ni e..” ka awmdan chu mawi a tilo tih min hriattir nan min melh a.. “Chuan, I thilpek rawn ken avang hian ka lawm e. Mahse a lehpek ah chuan lo ken a ngai tawhlo ang” hawihhawm takin a tawng na a ka thinlung a tina a ni.. Min mamawh lo tih min hrilhna ah ka ngai.. Mahse ka phu tawk chiah tih ka hria..
Tuna ka awm ang ringawt te chuan engtin nge ka neih theih ang.. Engtin nge ka hmangaih a ni tih ka hriattir theih ang..?!

Thil engemaw ti rawh.. Aaron.. Thil engemaw a thinlung hneh thei thil I tih a ngai…

Minute 20 vel hnuah Hospital ka chhuahsan a. Naktuk ah Hospital atanga a chhuak dawn anih chuan enngemaw tak ka lo tih lawk a ngai a ni.. Thian ni turin ka sawm na a, ka rilru tak chuan a thian chauh nih ka duhtawk dawnlo tih ka inhrechiang khawp mai. Engpawh tih ngai se, a thinlung nei thei tur chuan ka bei ang.. Ka bei zel ang..
 .
“BS, I puihna ka mamawh..?? Mahse Leah hnen ah engmah I sawi tur a nilo..”
“Eng thil nge nita..??”

Zan dar 10 a rik chuan ka tihtur ka ti zo vek tawh.. Khawvar hun nghak a awm chiah ka tih theih a ni ta rih..
Ka taksa a chau ve bawk nen mumang bo thakin ka muhil a, ka harh leh chuan khua a lo var der tawh.
Duatpuii pawh Hospital atangin arawn chhuak tawh a, ka nu nen Hotel ah an la awm ve bawk a. Kar khat hnuah Aizawl ah an haw leh ang.
.
Zing dar 10 ah Hospital ka thleng a, Leah awmna Cabin ka thlen chuan a lo ruak hiai tawh a, nurse in an chhuah tawh thu min hrilh hnu chuan hmanhmawh zetin Leah chenna hmun ka pan nghal a.
.
.
LEAH’S POV*
.
Zingkar ah Goldie leh Rocky ten Hospital atangin min rawn hruaichhuak a, anni ang thiantha ka nei hlauh hi vanneihna nasa tak a ni.
Ka apartment kan luh rual chuan phawk zetin inchhung chu ka enkual a.. Hetiang thil ti tur hian Rocky leh Goldie ten hun an neilo tih ka hria.. Ka inchhung chu pangpar in a khat a ni ber a.. Ka pangpar ngainat ber Chamomile vek a ni lehnghal.. Ka dam sawng sawng in ka hria.. Mahse, hetiang thil hi tu tih nge ni ang?? Ka apartment ah hian password hrelo tan luh theih a nilo.. Goldie leh Bs-I te chiah in an hre bawk..

“Ka lawm e.. Hetiang ti tur hian engtin nge hun I neih theih zawk a..” tiin Goldie chu ka en a, a hmel ka hmuh rual chuan thil awmzia a hre biklo tih ka hrethiam.. Kitchen counter ah chuan box lian lo tak, mawi tak a in tuam thlap a awm bawk a..
Box chu muangchang in ka hawng a, container ah Chamomile tea in pack thlap in a lo awm a, note a awm bawk..
**I dam that vat ka duhsak che
   Lo dam tha vat ang che..  ~A**
.
‘A’ maw..??? Aaron a ni thei angem?? Mahse a ni chuan ka in lut thei turin password a hrelo.. Engtin nge ka panngpar ngainat a hriat theih.. Vawikhatmah min zawt lo.. Ka chungchang a ngaihven ngai miahlo..

“Goldie.. Nangmah I nilo tak tak…” choka luhna tur kawngka a Aaron ding ka hmuh chuan ka ngawi chat a.. “Goldie…” Aaron chu kal pel in Goldie chu ka ko leh a..

“An kal tawh.. Pui I ngaih chuan ka lo pui thei ang che”
Aaron chu ka en ha a…
“Heng thil hi nangma tih a ni em?”
A thle nghat a..
.
“Aaron, nangmah vanga damlo ka ni hleinem.. I inthiamloh vanga ti I nih chuan engmah ka duhlo.. Engtin nge ka in ah hian ka phalna la lova I luh theih zawk..”
.
“Ka hrelo.. Ka lut ve tawp..”
“Ka awih ring duh suh.. Tunge password hrilh che?”
“Thuruk a ni.. Enge I an tawh le?”
Ka zawhna chu ngai pawimawh lo zetin min rawn pan hnai a, ka lo tawlh hla ve bawk a..
“Ka tha.. Ka thian I nih vangin ka hrethiam ang che. Ka lawm e”
.
“Mahse keichu ka thalo..”
“Enge I sawi awmzia?” min en ngur a, a hmelah a ngaihtuahna alang lo..
.
“Leah..thian nih ringawt chu ka duhtawk lo..”
“Ka lak atang hian enge I duh?”
“Nangmah.. Nangmah chauh.. Ka ngaihdan diklo vangin harsatna ka siam che tih ka hria.. Mahse, Leah..nangmah chauh ka duh che..”
.
“Nangmah ang ka ni ve lo.. Chutiang thil I sawi dawn a nih chuan min chhuahsan thei ang..”
.
“Leah.. Khawngaih in.. ”
“Min nawrlui suh”
“Ka nawrlui lo ang che.. Ka lo nghak dawn che a ni.. I inpeih hun ka lo nghak ang..”
.
“I nghak chhuak lovang”
.
A mitmeng a de zawk a, ka inrin hmain min kuah bet a, ka tal ve phat bawk..
.
“A tirah khan I chanchin diklo takin ka hria a, engamah hmain min tihnat ka hlau a ni.. Kalsan nih ka duhlo a… Oh..Lalpa..eng thil nge ka sawi hi.. Keihi ngaihdam tlak pawh ka ni love..” thaw huai in min thlah a, ka dar tawn tawn ah min vuan in ka mit ah min en a.. “Zothana khan I chungah eng thil nge a tih?”
.
“Engmaw? Chu thil chu engvangin nge min zawh?”
“Kha mihring khan I chungah enge a tih?”
“I tan a tangkai lo.. Midang thusawi chu I ring vek tawh a, a hma a I awm ang khan awm rawh.. Nangnen hian inhnaih ka duhlo.. Aaron, ka ti tak tak.. I lak atangin engmah ka duhlo. Ngaihdam min dil a, ka ngaidam tawh che a.. Tawk tawh rawh se.. Hetiang thil hi ka kham hluah hluah.. Ka ngaihtuah hah tawh dawn lo.. Khawngaih in min kalsan rawh..”
.
“Ka thil tihsual kha I hrereng tawh dawn tih ka hria a ni.. A tha e.. I thiamloh a awmlo.. Thiamlo chu keimah hi ka ni..”
.
“Aaron..khawngaihin min chhuahsan rawh..”
“Teuh lo.. Engtik ah mah ka kalsan lovang che.. Keimah vanga rilru natna I tuar tawh zawng zawng hlimna a ka thlak hmaloh chuan ka kalsan ngailo ang che..”
.
“Aaron..”
“Aw..Leah..Ka hmangaih che a ni”
Ka awih thei lo.. A thusawi chuan amah pawh a shock tih ka hria.. Hlauhthawn hmel takin min ngaichang a.. Enge a chhan ka hrelo.. Ka nuih a za.. Nilo.. ka nuih a za lo… Ka ngaihtuahna buai nuai nuai avang chuan tah ka duh..
.
Aaron..engvangin nge a buaithlak zawnga I awm tlat le.. Ka tan a Pathian ruat I nih theih nan kum 4 liamta chhung khan ka tawngtai fova, mahse a taka kan inhmuh hnu reilote ah ka duhthusam ang nilo in rilru na takin min siam a.. I thil tihsual I hriatchhuah hnuah I thinlung takin ngaihdam min dil a, ka inhriatthiam phak bak leh ka ti thei pawha ka inrin loh dan ang in ka ngaidam che a.. Tunah mak takin min hmangaih thu min hrilh leh a.. Mahse.awlsam takin ka pawm thei lo che.. Ka ring ngam dawn che em ka inhrelo a ni.. Engtin nge ka rinngam ang che.. Thil theih a nilo..
.
A kut ah ka vuan a..
.
“Aaron.. diktak chuan nang leh kei hi Pathian ruat kan nilo.. In ngaihtuah chiang leh la tuna min hmangaih thu I sawi kha I rilru tak tak a nilo tih I in hriatchhuah ka ring.. Chuan kan pahnih hian vawikhatmah inhmu tawhlo ang. Chu chu kan pahnih tan a tha ber a ni. Ka duhdan leh nuam ka tihdan in ka nun ka hmang anga nangpawh in I duhdan in I nun I hmang chhunzawm ang.. Tun hun hi ka hmelhriat anga ka hmuh tawpna ber che ni rawh se..”
:
Ka thusawi chuan keipawh min tina.. Mahse ka tih ngei angai si a ni.. Aaron vanga rilru natna dang tawh leh ka duh tawh lo.. Mahni hmasial tia min sawi duh a nih pawh in min sawi mai rawh.. Pawi ka tilo..!
:
Aaron chuan a kut ka vawn chu phelh in ngawi rengin ka in atang chuan a kalchhuak a, kawngka a khar rual chuan ka thu hnawk a. Ka  tap lovang.. Aaron vang hian ka tap tam tawk tawh e. Tuna a hmel landan atang kha chuan a rilru ka tina a nih hmel..Mahse enge ka tih theih chuan..
:
Chawlh ka mamawh a nih hi.. Nun thar hlak ka neih theih nan ka nu bula awm a, rilru thar ka neih a ngai..
:
AARON’S POV*
:
Ka chungah a thinrim lova, thil engkim tawngkam dam thlap in a sawi a.. Mahse chu chuan min tina zual si a ni. Engti pawhin a laka ka awmdan kha min rullet se ka pawm vek ang.. Mahse a hmelhriat anga min hmuh hnuhnun ber na tur a ni tia min hrilh khan ka khawvel a tawp ni maiin ka hria.. Kei hian engtin nge ka hmelhriat ngailoh anga ka en theih ang.. Ka thinlung zawng zawng a ka hmangaih laiin engtin nge ka hmelhriat ngailoh ang a ka en theih phiangsen ang ni…
:
Aaron.. I phu tawk chiah I hmu anih hi.. I tihsual hmasak vang leh mei alh hmanga infiamna bultan tu I nih vangin he thil hi I phu tawk chiah.. Mei alh in a hliau let che a I tuar zo leh silo a maw..!
:
Club ah intiharh turin ka kal a, awmzia a awmlo.. Ka hmeichhe hmuh zawng zawng chu Leah nen ka khaikhin a, min tiphur eih tu hmeichhia pakhat pawh ka hmulo..
:
Ni 2 chhung chu mumal awmlo in ka nung mai mai a, ka tuar chhuak thei lovang. Mipa inti mipa tak ka ni a, mahse Leah vang hian ka danglam vek a ni. Hmangaihna atthlak vanga danglam ngailo turin ka intiam thin a, ka intiam thinna zawng zawng kha tunah chuan awmze awmlo mai a ni e..
Tunang ringawt a ka awm chuan ka eizawnna leh ka hmalam hun in a tuar thei tih ka hria..
:
Ni 3 a ral leh hnu chuan Leah chenna lam pan in ka inkhalh chhuak a, a room zawn ka thlen chuan a inkalh thap a. Tunah chuan a password hriat in awmzia a nei tawhlo.. A hriatpuina lova a inchhung luh tumna ka neilo.. ‘Vawikhat chiah a hmel ka hmu anga ka duhtawk ang’ tih rilru pu a helai hmun a kal hi ka ni a, chu pawh chu a theihloh a nih hmel..
Ahma a ka hmuh tawh a thenawm chiah a awm pitar hnen ah chuan Leah lo kir leh hun tur ka zawt a.
:
“Chawlh hmang turin a chhungte hnenah a haw tur thu a sawi a, a lo kir leh hun tur ka lo zawt hauhlo a ni.. Aaron I ni em?”
:
“Aw..ni e..”
“Mi tha tak I nih ka ring e..” nui sak in min kalsan a.
:
Leah..a chhungte hnenah a haw a nih chuan Aizawl ah a haw tihna a ni thei angem? Ka hriatchian vat a ngai a ni..
Bs-I bak han zawh tur ka hre chuanglo a, ka phone phawrhin Bs-I ka bia a, ka rin ang ngeiin a ni chuan Leah chinchang chu a lo hre tehmeuh mai..
:
Anih chuan ka nu leh ka farnu Duatpuii te rual in Aizawl ah ka haw ve thei tihna a ni mai alawm..!
:
Ka inkhelh leh hun tur ah ka buai rihlo. Open/Tournament  tenau khelh tur chu engtiklai pawhin a awm reng a, Tournament  zawng zawng a khelh tum tan chuan chawlh hun a awmlo tluk a ni.. October 9-16 chhung a khelh tur ATP World Tour Masters 1000 Shanghai, China a inkhel turin ka inbuatsaih ang a, October thla vek ni 31- 6.November ah ATP World Tour Masters 1000 Paris, France ah ka khel leh bawk ang.
:
:
KARHNIH HNUAH**
:
*AIZAWL*
:
“Umama, vawiin chu Sizzled Collection ah ka kal dawn a, min kalpui la..”
.
“Khawi ah?”
“Zarkawt ah.. New York a kan awmlai khan dawr chu an hawng a, ka en ve chhin chak a.. Bakah in ah I tawm tlawk tlawk a, chawlh hmang pawh I ang lo..”
.
“Mambawih..i thil sawi chu Dr.Marama fanu Designer dawr thar kha emaw ni le.. An sawi nasa viau in ka hria. Keipawh kal ve ka duh”
.
“Nia, nimin khan ka thiannu in Leah pawh a lo haw a tia, amah pawh ataka hmuh ve ka chak hrim hrim”
.
Ka nu leh ka farnu ti ti chu ka ngaithla reng a, an thusawi ka beng verhtu awmchhun chu ‘Leah’ a ni.. Sizzled Collection… Leah.. Ka Leah a ni ngei ang.. Ka thutna atang chuan tho in ka room ah ka lut a, ka thawmhnaw ka thlak zung zung a, tha tho zet in ka chhuak lehnghal a..
.
“Kal ang ule..”
:
Hmeichhe ho zet hi chuh.. Minute 30 a ral hnuah kan chhuak ta chauh a, an eng hi nge an chei em em thin ni.. Mipa in minute 10 pawh kan mamawh loh lain…
.
Sizzled Collection a kan luh chuan hnathawk leh anmahni dawrtu ho chu anlo buai laih laih a, a lun zek a nih hmel.. Ka beisei ang in ka Leah hmel ka hmulo..
.
“Saw saw amah chu a nih saw.. A chhelo a sin…” ka bula hmeichhe phun sar sar in a melh lam ka en chuan ka rukin thawk ka la vang vang a.. Leah nen Kan inhmuh hnuhnun ber atang khan karhnih chauh a la ral a, ka ngaihtuahna erawh engtiklai mahin a chhuahsan lo. Kawr sendang dal raih puan nem hmel tak a ha a, Jeans pawlduk a ha bawk. A pheikhawk kaih bun chuan a ke no zet chu a ti langsar khawp mai. Min hmu awm in a awmlo a, nui sang in amah be tute chu a en a..
.
“Nu, Saw Leah chu”
“Ka hmu tawh tlat in ka hria” ka nu chu a phun sar sar a..
“Kan accident tuma min puitu te zinga pakhat kha Leah hi alawm” ka nu chu a mengphar awk a..
“Ngatinge a hma khan min hrilh loh.. Lawmthu pawh kan la hrilh miahlo a sin..” Ka nu chu Leah lam pan in a kal nghal a.
.
.
LEAH’S POV*
.
Chawlh hmanga haw ka ni nain ka chawl hleithei chuanglo.. Tun thla tir te khan Aizawl ah hian dawr kan hawng thar tih ka la sawi lo in ka hria.. Keiman awmchilh dawnlo mah ila, hmun hran atang pawhin ka enkawl thei tho a, buai chu ka buai zual phah deuh thung. Hnathawk fel tak tak ka ruai a, kan dawr pawh a lun laih laih khawp mai. Mizo te hi fashion ah kan hniamlo a, a chang phei chuan kan sang mah mah ni tein ka hre zawk hial thin..
.
Vawiin hian reilote chiah awm turin dawr ah ka kal a, ka unau zinga upa ber Matthew (Story of Snowflake) fanu Suzi Birthday a ni a, hmundang ah reitak ka kalsan theilo.
:
Dawr a ka luh chuan Aaron ka hmu nghal a, in thunun vatin hmulo ang hmiahin ka awm a. Anu in min rawn pan chuan hamhaih lo turin ka tang teuh a. Aaron nu hi a hmel en tawp pawh hian misual tak a nilo ang tih ka ring a, chutiang bawkin a farnu pawh.. New York a kan inhmuh dan leh kan inhmuh hun khan a zirlo em a, mumal taka inbiak kan la neilo hrim hrim a ni..
.
“Leah.. Ahma a thilthleng avang khan lawmthu pawh kan la hrilh hauhlo che a, a zialo ka ti khawp mai”
“Kan inhmuh lai khan kan chiai theuh a, inthiamlohna tur a awmlo”
.
Nu fel tak chu a ni phawt mai.. Kan inhmuh hmasak ber tum a min rinhlelh hmel taka min enlai kha chuan ka haw deuh hman kha ania.. Reilote kan ti ti hnu ah an thawmhnaw duhzawng te thlang turin kan inthlah a. Aaron chu kan bulhnai ah arawn kal miahlo.. Min hmu awm pawh in a awmlo bawk.. Biak hmasak tumna ka neilo a, min hmulo anga a awm chu ka rilru a na deuh nain pawi ka tilo zawk.. Tunah chuan hmeichhe dang a kawp leh der tawh ang tih ka ring..
.
Dawr atanga in a ka haw hnu pawh chuan Aaron hlir ka ngaihtuah a.. Ngaihtuah tawhlo tura ka inhrilh nasat poh leh ka ngaihtuah nasa ni maiin ka inhria. Amah theihnghilh a rilru thar nei turin helai hmunah hian ka haw a, ka ngaihtuah na atang hian ka nuai bo vat a ngai a ni..
.
Dawr a an awm ve chhung zawng khan hmeichhe ho khan alak atangin an mit an lasawn lo reng reng.. Khang hmeichhe thenkhat ho mit kha va hupsak mai ka duh hial anih kha.. Aarghhh…ka ngaihtuah tawh lovang..
.
Nihnih a ral leh thlengin Aaron chu ka hmu leh tawhlo..
.
.
Suzi hruai in dawr ah ka kal a, ka naute hian ka awmchhung ngei a a kawr tur ka thuisak a phut ve tlat a ni.. Anu(Uvl-i) pawh chuti bawk.. Uvl-I hi kan monu a ni nain ka unaunu ang mai a ni a, hmeichhe pianpui ka neihloh vangin kan inpawh hle. Engkim kan sawidun thin.. Matty hi mi vannei tak ani.. Hetianga hmeichhe tha leh nunnem a tawng hi kan chhungkaw tan pawh malsawmna a ni.
.
Lunch kan ei zo restaurant atanga kan chhuah chuan kan hnunglam atangin min rawn ko a, min rawn kotu aw ka hriat rual chuan ka insehruh nghal teuh a.. He mihring hi a hmel hmuh chakna pakhatmah ka neilo..
.
Min ko ri chu ka hrereng nain ka ding duhlo. Suzi chu kaiin kan Car dahna lamah ka kalpui a..
.
“Leah..lo ding teh..”
Zothana chu kan hma ah dingin min chibai turin a kut a rawn pharchhuak a.
.
“Min lo hrethiam lawk mai.. Kan hmanhmawh deuh a”
.
Kal pelh ka tum chuan min dang titih a.. He mihring hian ZAK tih awmzia hi a hrelo a nih ka ring.. Dawt a min sawizui nasat viau hnuah pawh ka hmel a la hmu ngam a nia.. Ka ngawih reng vang hian min zuam anih chuan a tisual khawp ang.. Harsatna ka tawh phah nasa tawh..
Naupang ka hruai avangin mawilo taka tawng erawh ka duhlo. Suzi chu tih hlauhthawn ka duhlo bawk..
.
“I induh ta hle mai maw..”
Thip zetin ka melh a.. Engtin nge he mihring tenawm lutuk hi ka kalsan theih ang..
.
.
Kan awmna lam pan a Aaron rawn kal ka hmuh chuan koh tum in ka ang zuau a, mahse a bula hmeichhia ka hmuh rual chuan ka hawisawn nghal a.. Aaron bula hmeichhia chu ka hmuh tawh hnu a ni.. Engtin nge ka theihnghilh theih ang.. Aaron nen a an infawp lai ka hmuh hnu ah kha chuan a hmel saw ka thinlung ah hian chiang takin ka chhinchhiah tawh a ni.
.
Kan bul an rawn thlen chuan hmeichhia chuan “Zothan, kal ang” arawn ti sap a. A hmel chu.. engemaw hlauh nei a ang ka ti..
Zothana chuan ngawi rengin min en a, min dan a tum takloh ah chuan Suzi chu kai in kan  Car awmna ah chuan ka hruai a, Car chhung a ka thut tir hnuah keipawh lut ve nghal in kan tlanchhuak  a. Vawikhat pawh Aaron chu ka melh tawh lo..
:
:
AARON’S POV*
.
Ka khum ah ka mu thlawp a, ka maimitchhin rualin Leah hmel ka hmu nghal.. Eng chen a rei nge ka inhrem dawn le..
.
Rindiki Aizawl ah arawn haw ve tih ka hriat rualin ka be nghal a, a unaupa Leah nen a inngaizawng tawh ni a a sawi pa ka hmuh duh vang chauh a bia ka ni bawk..
.
Zothana chu ka hmu ta ngei a, an hmel en chuan mi pangngai tak ang in an lang a, mahse ka hrechiang tawh.
.
Leah kha hmuh ka in beisei hauhlo..
.
Zothana khan a kuthmawr pawh in khawih chu nise ka insum thei hauhlo ang.. Tichuan tunah hian ruahmanna thar ka nei ta a ni..
Leah duhdan angin ka awm thei tawhlo.. Ka hmangaih Leah nei thei turin engpawh ka ti ang.. Ka bei anga..ka hlawhtlin hma chu ka bei zel ang tia keimah leh keimah ka intiam tawhna kha ka ti puitling tawh dawn ani..
.
Vawiin a Leah mitmeng atang khan amah nei tura bei ngam turin huaisenna ka nei a ni.. Hmeichhe dang nen min hmuh a a hmel danglam zauh kha ka hmu hman.. Chu chu ka tan a tawk..
.
.
Leah hmuh tumin ni 3 chhung chu a dawr ah ka kal ziah a, ka la hlawhtling lo..
Dawr atanga ka chhuah chuan ka lam pan a a lo kal ka hmu a, min rawn hmuh veleh inher in a lo kal tawhna lamah a let a, ka umzui nghal a..
.
A bul ka thlen chuan ngawireng in a kut ah ka kai a, a rual in ka kal bawk a. A kut ka vawnna chu phelh a tum a, mahse ka vuan nghet tawk.. Ka thlah anihloh chuan a phelh thei lovang..
.
“Inbia ang.. I duhdan ang in ka awm thei tawhlo”
“I mumang ah pawh a thleng lovang”
A mizia chu nidanga ka la hmuh ngailoh ang a ni.. A tawngkam a nem lova, ka chungah a thinrim tih ka hre thei bawk..
.
Hma ka sawn e.. Ka chungah a thinrim tih a tilang ringawt pawh chu ka tan hmasawnna a ni.. Ahma kha chuan a thinrim emaw, a rilru a na emaw.. A engamah a tilang ngailo.. Kuah a fawh nawk nawk ka duh a.. Mahse tunah chuan ka ti thei rihlo..
.
“Leah.. Inbia ang”
“Teuh lo”
.
“A nihloh chuan helai ah hian ka fawp ang che” a beng bulah kun hniam in ka tawng zawi viau..
.
Ding chat in min en kal a..
“Ti ta che” cho zet a min en chuan ka hamhaih.. He hmeichhia hi ka rindan anga nem a ni reng biklo a nih dawn hi.. Ka hamhaih hmel a hmuh chuan a nui sak a.. Hmasawnna nei anga ka inngai kha ka ti diklo tih ka hre nghal bawk..!
“I hmel hi vawikhatmah hmuh ka duh tawh lo.. Aaron.. ka sawi chiang em.. Ka hua che”
.
Phawk zetin ka en a, ka vawnna ka thlahdul lai chu remchang ah la in a kut a lasawn a, min kalsan nghal a..
.
A tawngkam khan ka thinlung a tina takzet..
.
Ka hria.. He hmeichhia ka thinlung zawng zawng a ka hmangaih hian min haw turin dikna a nei.. Enge tih theih ka neih..?
.
.
Ni 5 aral leh hnu chuan London pan turin Aizawl ka chhuahsan a, engtiklai pawh a ka rilru luahtu chu Leah chauh a ni. A chunga ka lo awm tawh dan ngaihtuah letin ka inhaw zual zel bawk..
.
Ni 5 chhung khan nitin ka zui ru a ni ber a, min hmuh theihlohna tur hmun atangin ka thlithlai reng a ni. Ka thiltih kha thiltha ber a nilo tih ka hria a, mahse ka  tilo theilo.
.
.
THLA 1 HNUAH*
.
NEW YORK*
LEAH’S POV*
.
“Goldie, Lo kal teh.. Aaaa..i awih lo zawk ang”
.
“Yess…” Goldie chu phur zetin ka awmna lamah a rawn tlan a..
.
Ka nghakuai chiah tui atanga ka lakchhuah chuan ka nghakuai hmawr ah sangha tereuhte a lo tal aih aih a..
.
“Arghh..Leah.. Thutak ve teh.. Sangha lian deuh I man emaw ka tia lawm.. Hei chu a te lutuk chhuah leh ang”
.
Ka sangha man chu chhuah leh in a dang ka chiah leh a.
 Vawiin zet chu thla 5 liamta chhunga ka hlim ber ni a ni chiang khawp mai. Hnathawk a kan chhawr thenkhat te nen day off neiin kan chhuak a, nileng in hun hlimawm tak kan hmang theuh a ni.
..
Chhun lam ah ka tal chau bawk a, zan ah chuan ka let der mai.. Khum ah mu chung in TV ka en a.
.
Click~
Click~
Click~
*Aaron, chakna I chang leh ta, ka lawmpui che*
*Ka lawm e*
*Tuna match chungchang ah khan sawi belh duh I nei em?*
*Match awlsam lo tak a ni…………..*
Enge an sawi pawh ngaithla zawm lovin ka en veng veng a.. Aaron chu Paris ah a awm mek a nih hmel.. Engvangin nge a hmel ka hmuh ringawt pawh hian ka danglam ziah..
Khum ah chuan ka let thawk thawk a..
.
Tunah hian tunge a kawp mek ka hrelo.. Hria pawh ni ila enge ka tih chuan ang..! Engahmah ngailo a ka enliam theih hun hi engtik ah nge a thlen ve ang..?
.
Darkar hnih zet a ral leh hnuah pawh ka la muhil thei ta chuanglo a. Ka phone a rawn rik chuan phu zawk in caller ID ka en nghal a.. Khawvel mak tak a nih hi.. Aaron.. Engvang a min rawn bia nge a nih ang..?? Ka awmdan siam tha in phone chu ka pick up a.. A number kala save reng tih a hriat kher tul ka tilo..
.
“Hello.. Leah ka ni e. Eng thil nge nita?” min dawr tute ka biak thin ang chiah in ka tawng a, line lehlam chu a reh vang vang.. “Hello…”
.
“Leah.. Keimah..Aaron..” thawk a la halh a..
“Oh..ka tihpalh..i number ka lo nei lova”
“A pawilo e.. I tha em?”
“Ka tha alawm” a aw atang chuan a chauh hmel khawp mai..
“I tha em?” ka sawi zawh rualin ka inchhir nghal.. Leah..i ngaihsak hauhlo tih I tilang tur a nia..
“No.. Ka inkhel min lo en turin ka duh che”
“Engvangin..??”
“Min lo en tih ka hriat chuan chakna ka chang thei ang” Ka awih thlawt lo.. Ka rilru tihbuai a tum a nih chuan a hlawhtling lovang.. “Khawngaihin Leah..”
.
“Tunah khawnge I awm?”
“Paris ah..”
“Paris a kal chhan tur ka nei rihlo..”
“Leah..”
 “Aw..”
“Ka ngai lutuk che”
Ka nui lui hak a..
“Hah..ka lawm ee..”
“Ka ti tak tak a nia..”
“Ka lawm e ka tih chu..” ka thin a phu dawt dawt a. Tun hi ka beng hriatlai ngei a min ngaih thu a sawi vawikhatna a ni.. A aw atang chuan a serious hmel viau bawk.. Mahse awlsam takin ka pawm lovang.. A va harsa si em..!
“Mut ka duh tawh a nia.. Muttui..” min chhanna pawh nghak lovin phone chu ka off a..
.
.
Ni 3 a ral leh thlengin min rawn be leh tawh lo.. A inkhel erawh TV ah ka en ziah..
.
“Hey..Leah.. I va en uluk ve.. Ooo.. Aaron bawk maw..? I duh reng sia, ngatinge ngaihven lo ang hian I awm tlat a..”
“Goldie..i lo luh lai ka hre miah lo..”
“Come onnn.. tho la insiam rawh.. vawiin chu mi tuemaw Date turin I chhuak dawn a nia.”
“Enge I hriat a? Tumah ka date dawn  lo”
Goldie chuan min chhang tawh lovin ka thutna atang chuan min pawt tho a, Bathroom ah min nawrlut a. Hetiang a a awm a piang hian ruahmanna engemaw a nei ziah..
.
“Tuna mi chu a dan a dang  ang”
“Gee..”
.
Darkar khat hnu chuan restaurant ah ka thu vang tawh a, ka hma a mipa thu chu chhelo tak a ni.. Nia, mi tuemaw ka thinlung a vawn tlat ka neih avang hian mipa dang lakah ka rilru ka pe theilo mai pawh a..!!
.
“Leah, I lang nalh hle mai..”
“Ka lawm e.. Raymond.. Nangpawh I lang tha lutuk..” ka ti tak tak. A mitmeng hring nghalh chu a nalh takzet.. Mipa tha tak a nih ngei pawh ka ring.
“Ka hming I lamrik dan chu ka duhzawng tak a ni..”
.
“Goldie te nen hian naupan lai atanga inkawm thin inni in ka lo hria a..”
“Nia, kan inhre tha khawp mai. S.Africa a ka kal hma zawng kha chuan kan inkawm chawt thin..”
“O.. thian tha tak kan nih theih ka beisei..”
Ka thusawi avang chuan chiang zetin min en a.. Nia, ngaihzawng atana ka duh vang a  date ka nilo tih hria se ka duh.. Goldie min nawrluih vang tih a hriat kher erawh ngai ka tilo.. Mihring hian chapo na kan nei vek a, mahni induhtawkna a neih hliam sak a tul ka tilo bawk a..
.
“Tlang taka I sawi vangin ka lawm e.. Hmeichhe tha tak I ni..” ka kut arawn vuan a.. “I hmel ka hmuh khan romantic date a ni dawnlo tih ka hrethiam nghal a ni..” a nui suk a..
.
“Engtin nge I hriat theih” tiin ka nui hak a.. Hepa hi awlsam taka ka ngainat theih mihring te zing a mi a nih ngei hi..
“Mi rilru ka hre thei alawm..”
.
.
Ka kut nghet zet a rawn vuan tu kan thutna bul a rawn ding chu phawk zetin ka en a.. Aaron..!!! Tunah chuan Paris ah a awm tur niin ka hre sia.
.
.
AARON’S POV*
.
Leah New York ah a let leh tawh tih ka hriat rual in a chanchin leh enge a tih ka ngeihven nghal a, Aizawl a ka awm tawhloh hnu  pawh khan nitin a hun hman dan ka hre vek tho a ni.. Engtin nge ka tih maw..?? Pawisa ka nei a, ka hna min thawhsak tur  mi rinawm ka ruai mai a ni..!! Sum hian engkim a ti theilo nain thil tamtak erawh a ti thei..!
.
Thla liam ta chhung zawng pawh khan nitin Leah awmna hmun leh a thiltih te kimchang takin ka hre vek a, a thlalak zawng zawng nen ka kawl vek..! A him em tih ka hriat a ngai alawm.. Mi zuiruk tir hi dan kalh a ni tih ka hria, mahse a himna tur leh thil thalo a tawk em tih ka hriat theih nan ka tih ngei a ngai si a ni.. Ka atchilh chu a nih tak ber hi..!
.
Thlalak ah hlim taka a nui tih ka hmuh ringawt pawh in ka lo hlim ve a.. Mahse nuihtirtu ka nilo tih ka hriatchhuah rual in ka rilru a hreawm lehnghal thin.
.
Nimin khan Paris atangin New York ka rawn pan a, kumthar hma chuan Tournament dang khelh tumna ka nei tawh rihlo.
.
Nidang ang bawkin ka mi chhawr in Leah chanchin min rawn hrilh a, thlalak min rawn thawn ka en chuan ka trek nghal vek.. A hma zawng kha chuan mipa dang nen an awmdun lai hmuhtur a awm ngai manglo a, kei min theihnghilh a mipa dang bula a awm ka remti theilo.. Ka hma ka sial tih ka hria.. Mahse ka hmeichhe hmangaih hi neih ngei ka duh a ni.
.
Pablo(ka mi chhawr) bia in an awmna restaurant ka zawt a, dawn awm lovin Pablo rawn sawi restaurant lam ka pan nghal a.
Restaurant ka luh veleh Leah ka zawng a. Mipa pakhat nen dawhkan pakhat kil in an kut an invuan tih ka hmuh chuan ka inthunun thei tawh lo.. An dawhkan bulah chuan ding in Leah kut chu ka vuan a, an pahnih chuan phawk zetin min en hau a..
.
 “I kut hmawr pawh khan Leah hi khawih tawh suh ang che” Leah bula mipa chu thip zet in ka en a.. A ngaihna hriatloh hmel taka min en in a dar a tiche zauh a..
.
“Aaron.. Raymond ka tihpalh.. ”
.
Raymond tia a koh pa in a chhan hma chuan ka kai sawn a, restaurant a awm ve te chuan min en tih ka hria.. Tunge ka nih tih min hre bawk.. Mahse ka pawisa lo..
.
“Engtin nge tikhan I tih ngam zawk.. Min thlah rawh..” Leah chuan min vin hlak hlak a. Elevator chhung ah kan pahnih chauh a kan awm hnu chuan ka thlah ta chauh a.. “I chetdan mawiloh zia kha.. Min ti zak lutuk.. Mihring mak lutuk mai” thip zetin min melh ram ram a..
.
“Kha mihring kha engtin nge I inkhawih tir theih zawk a..” a sir zawng in ka melh zauh a.. Diktak chuan a thinrim tak tak tih ka hria a, ka thiltih kha ka tisual em tih ka inngaihtuah mek a ni..
.
A chek tlak a..
“Tsk..tsk.. Ka duh duh ka ti thei..”
Min chhan dan avang chuan ka kut ka hum ruh a, maimitchhing in thawk ka la vang vang a.. Ka awm chhung ah hian engtin emaw tak ka awm bawk..
.
“Mipa dang bula I awm hmuh ka duhlo a, mipa dang in an khawih lai che hmuh ka duhlo bawk”
.
“Chu chu ilo buai ve na tur a nilo..”
.
“Yes.. ka buaina tur a ni..” A lam ah pen hnai in a hmai si deuh thaw in ka kunhniam a… “Ka hmangaih che avangin I engkim hi ka buaina tur a ni vek..”
.
“Aaron, duhtawk rawh..”
“Nilo.. Min pawm leh theih nan enge ka tih ang ka hrelo a, ka nundan a buai vek tawh.. Leah.. ka hmangaih takzet che.. ka ti takzet.. Ka hmangaih che min phalsak rawh.. Nitin ka tello a I nui hmel hmuh hi ka tuar thei tawh lo..”
.
“Nitin a..??”
.
Ka ngawi chat a.. Shit..He hmeichhia hi a thluak a chak mah mah.. Thildang ka sawi zawng zawng ah ‘nitin’ tihlai chauh maw a hriat..???
Ka lak atanga inla hrang hlek in min en kal a..
“Ka hrelo.. Aaron, I tawngkam mak tak tak phen ah hian mi tha tak ini ang tih chu ka ring.. Mahse..ka hrelo a ni.. Tihnat a awm leh ka duh lo..”
:
“Ka hria e.. Ka nawr dawnlo che. Minlo thlir tawp rawh.. Ka hmangaih takzet che a ni tih ka entir ang che..”
.
Ngawireng in Elevator atang chuan kan chhuak a, a chenna hmun ah ka thlah a, a in ah lut tura min sawmloh vangin ka thlenna Hotel lamah ka let leh a..
.
.
LEAH’S POV*
.
A awmdan ka en khan dawt a sawilo ang tih ka hria.. Kan hmui aiin kan mitmeng hian thu a sawitam zawk tih ka hria a, a mitmeng ka en vang vang khan a serious takzet tih ka hmu a ni.
.
Rilru na taka min siam tawh vang maiin natna ka pe let ve kher tur tihna a nilo a, tupawh hian kan thil tihsual siamtha leh tur a chance neih leh hi kan phu vek..!! A bak zawng chu Aaron hi ka thinlung zawng zawng in ka hmangaih..!
.
Ka thinlung zawng zawng a ka la hmangaih reng vangin ka hnial theilo a ni.. Mahse a hma a ka laka a awmdan kha mumal takin a la sawifiah lova, rindan chu ka nei tho nain amah ngeiin a la sawi fiah ve te pawh a ngai ang chu..
.
.
Hun a liam bek bek a, Winter Show nei turin ka inbuatsaih ngawrh khawp mai. Aaron pawh ka hnathawhna hmunah arawn kal fova, pangngai takin kan inbia a, a awmdan atangin min care takzet tih ka hria..
.
“Leah..Aaron hian a atchilh takzet che a nih hi.. I bulhnai a a awm hian hmundang a melh ngailo reng reng.. Hetiang hi chu tawng ve ila ka inpe daih tawh ang..”
.
“Goldie..i hna kha thawk mai rawh” tiin ka nui sak a.. Nia, keipawn ka hria alawm..
.
Vawiin hian London ah min kalsan a, a bulah chuan ka ngai tih ka tilang duh hauh lo a, mahse ka bulhnai a a awmloh chuan ka ruak huai mai..
.
Zan ah min rawn bia a…
.
“Hi, Leah..Ka ngai che..”
.
“I chau em?”
.
“No.. Ka ngai che a chu zawng chu a ni mai.. Hei, Sawmzuala te chhungkua ka tlawh dawn a..”
.
“O..Bs-I minlo biak dawn nia.. Tunlai te hian kan inbe tamlo khawp mai..”
.
“Ok..nakin ah ka lo be leh ang che..”
.
.
Zan dar 2 a rik hnuah pawh min la rawn be leh lo.. Ka phone a rik chuan rang zetin ka en vat a.
.
“BS…”
.
“Hey..min ngai ta lo hle mai..”
.
“Hm..winter show nei turin ka inbuatsaih ngawrh angreng a.. Naute a tha maw?”
.
“Tha e. Tun Christmass chu helam ah rawn hmang ta che.. Aaron te nen pawh kan sawi ho a..”
.
“Ka hrelo le..”
.
“I ngawi thei hle mai.. Heti taka atchilh tur che hian Aaron lakah hian eng thil nge I tih ka hrechak khawp mai..”
.
“Enge I sawi awmzia?”
.
“Alo thlen phat atangin sawitur dang a hre hleinem.. A danglam a ni.. A hma a Aaron kha a ni tawhlo hial in ka hria..”
.
“BS, thil tamtak hrilh loh che ka nei a ni..”
“Nia..hriat ve ka duh ngei ang..”
.
An inneih Anniversary Party a Aaron nen kan inhmuh hmasak ber atanga tan in engkim ka hrilh vek a..
.
“Nia, a tir atang khan engemaw a awm tih chu ka hre ngei a, min hrilh hun hi ka lo nghak char char a ni.. I hmangaih takzet tih ka hria a, tuna chance I pe leh hi I nun a thutlukna I siam tawh ah chuan I thiltih that te zingah I la chhiar tel ngei ngei ang.. Kan vai hian tihsual palh kan nei thei vek a, mi ngaihdam theihna leh mi dangte hrethiam thin mihring kan nihloh chuan mihring tia sawi tlak kan ni lovang..”
.
“Ka hrelo.. Bs, hlauhthawnna ka la nei tlat hi ka hrethiam lo a ni.. Nat leh hlauhna ni berin ka hria..”
.
“Ka hrethiam che lawm.. Reilote nghak leh la, engkim a chiang turah ngai rawh.. Ngaihtuah hah vak vak lo la.. Chuan Christmass chu helam ah aw..”
.
“Ka lo in ngaihtuah tha leh ange..”
“Ka ring che.. Merry Christmass in Advance.. Welcome..Welcome..”
.
Nui hawk hawk chungin Phone kan off a.. London a Christmass hman pawh pawi tihna ka nei hran lo..
.
.
AARON’S POV*
.
Leah hmuak turin Airport ah ka kal a, ka hmuh veleh pan vatin a thawmhnaw ka kensak nghal a..
.
Car a kan luhfel hnu chuan ka tlanchhuak mailo.. Kan awmhran leh chhung khan nitin kan inbe ziah a, mahse ka kham thei chuang lo.. Zawimuang in a ni pawh a danglam tih ka hria a, mahse hmeichhe luhlul tak a nih na hi chu a reh chuang lo.. Ka duhna leh ka hmangaihna tizual tu a ni zawk.. Nia, a duhloh zawng ah chuan huaisen takin min hnial ngam a, hmeichhe dang reng reng in ka laka an tih ngam ngailoh leh ka ngaihtheih ngailoh kha Leah tih a nih chuan ka pawm vek a ni.
.
Ngawi rengin ka lam ah ka pawthnai a..
.
“Ka ngai che..”
“Hey, I bulah ka awm tawh reng hi..”
A kut vuan in ka fawp zauh a, a biang ah ka fawp leh a..
A hmui senno chek te.. A tawng zawng a a hmui chetdan te.. A nuih lai a a biang khuar kak thin te.. A mitmeng…a nungchang cool raih leh hlim thei tak te..A engkim mai hi ka tan chuan ruihtheih thil chak tak ang mai a ni.. Hmeichhe nungchang mawi tak leh midang te ngaihdan tur veng thiam tak mi hi engtin nge diklo taka ka lo ngaih theih tih hi ka inzawt tawp theilo.. Leah vang hian ka nun ah zirlai pawimawh tak tak ka zir belh zel a ni.
.
“Hotel ah I awm dawnlo a nia..”
“Aaron”
“Ka hmuh phakloh a I awm ka remti lo..”
“A nih chuan Bs-I te hnen ah ka awm mai ang.. I ngaihtuahna kha ka hria.. I in ah chuan ka awm dawn chuang lo..”
.
“Bs-I te in ah room awl a awm tawh lo”
.
Min melh ralh a..
Ka lam ah  pawthnai in a hmui ah ka fawp a, ka duhtawk thei ngailo ang..
.
“Min hneh chuanglo a nia.. Hotel ah ka awm ang..”
.
CHRISTMASS PARTY**
.
London a Mizo awm  ten Christmass kan hmang ho leh a, a nuam khawp mai. Leah leh Bs-I te chhungkua nen kan kal  a, Christmass ka hman tawh zawng zawng a nuam ka la tih ber tum a nih ka ring..
.
Rindiki ka hmuh chuan Leah hruaiin ka pan a.. Helai hmun a ka hmuhtirh atang tawh khan a biru kual ni maiin ka hria.. Leah chungchang a dawt a sawi zawng zawng te ka hre vek tawh tih a hria a, min hmu chaklo tur a ni reng a ni..
.
“Rindik..i tha maw?”
.
Rindiki chu zum duk in a nui a. Ka Leah erawh a awmdan a pangnngai reng.. Heihi ka duh em em chhan chu a ni.. Miten a chanchin diklo sawi mahse an lakah nungchang mawilo takin a awm ve ngailo.. Nge?? A chanchin diklo tak min hrilhtu kha Rindiki hi a ni tih a hrelo a ni maithei..
.
“O..ah..tha e.. Leah, I tha maw? I show kha ka lo en ve a, a ropui khawp mai..”
.
Ka lo ner sak a.. Lemchang thiam chu amah hi a lo nih hi..
.
“Tha alawm..” Leah chuan pangngai takin a chhang a..
“Zothana pawh a awm ve kha.. Khawnge a lo kal hman le..”
.
Rindiki chuan Leah awmdan danglam leh danglam loh a ngaichang tih ka hria.. Mahse Leah chu tlemte pawhin a danglam lo..
.
“Leah..”
Kan awmna lama Zothana lo kal chu ka en reng a..
.
“Kan lamdun thei angem?” a zak miahlo nia.. A kut arawn pharchhuak a, a banrek ah na zet in ka lo hmer a.. Hmundang a awm chu ni ila chhuat ah a thal der tawh ang..
.
“Inveng tha ang che.. Leah chungchang I sawi vawikhat pawh ka hriat leh chuan I sawi hma I ngai vawng vawng ang.. Rindik.. Ka thusawi kha I hriatphak ka ring” rum zet a melh in Leah chu ka kalsawn pui a.. Rindiki hmel landan chu a mak lutuk a chang in a var pup pup a, a chang in a sen tawn tawn a.. Hmeichhe tawng thei lutuk mai..!
.
“Ka lawm e” Leah tawng chu ka hre pha chang chang a ni..
.
“Engvang in?”
“Tikhan lo danglo la chu min tilui zak leh miahlo ang..”
“Leh maw.. Enge I sawi awmzia.. Diklo takin a sawi che tih chu ka hria a” Leah chu a bu nghat a..
“In a haw ka duh”
.
Party na hmun atang chuan chhuak in ka in ka pan pui a.. Kawng tluan in engmah kan sawilo.. Inchhung kan luh hnu pawh chuan kan la ngawi ta reng a.
.
“Leah..engkim ka hre duh a ni.. Engvanga I chunga hetiang thil sawizui hi nge an nih?”
.
“Aaron, mut ka duh”
.
“Ok.. Ka room piah ah sawn room ruak a awm a, zanin chu hetah riak mai rawh.. Naktuk ah Hotel ah chuan ka hruai ang che..”
.
Engemaw diklo chu a awm ngei a ni. Leah chu a bu nghat a. Ka room piah ah chuan min zui lut in khumah chuan a thu a..
.
“Tikhan lo awm la, inthlakna tur ka rawn la ang..”
.
Ka PJs (Pajamas) keng in ka let leh a. Leah chu khumah che miahlo in a lo mu a..
.
“Leah..inthlak rawh le”
.
Khum ah chuan thuchhuak in PJs chu a la a, Bathroom ah lutin reilote ah arawn chhuak leh a.. Ka PJs chu atan a lian  mah mah.. Mahse ka thawmhnaw a ha hrim hrim chu nuam ka ti.. Ka bul a rawn thlen chuan ka kuah vang vang a..
“Mu rawh le..”
.
Ngawi reng in khum ah chuan a lawn a, puan ka sin that tir hnu chuan a chal ah ka fawp a..
.
“Aaron..”
A hmel chu ka en a..
“Ka mutthilh hma chu lo awm ve rih la..”
.
“Ok..”
.
Khum ah chuan ka thu a.. Minute 10 vel bawr chu kan ngawi dun vang vang a.. A muhil tawh a nih ka ring.. A che miah lo..
.
“Khami ni khan min mutpui a tum a, ka hmangaih leh hmangaih loh prove nan a laka inpe turin min nawr a, ka hnial avangin kut min thlak a.. Ka then hnuah pawh chanchin diklo leh dawt hmangin min la umzui ta reng a nih hi... Khami hnu a mipa ka hnaih leh hmasak ber chu nang hi I ni..”
.
Leah thusawi chu ngaithla in ka kut ka hum ruh teuh a. Party na hmun a Zothana ka hnek lo kha ka inchhir takzet.. Keipawh hi Rindiki dawt sawi awih in Leah chung ah diklo tak in ka awm bawk a.. Mi tenawm tak ka ni..
.
“Leah..chance neih leh pawh hi ka phulo tih ka inhria.. I chunga ka thiltih avang khan ka inngaidam thei ngailo ang..”
.
“Chutiang in ti suh.. Nangchuan I thiltih dikloh palh I hria a, mi zawng zawng hian tihsual kan nei thin vek alawm.. Kan thil tihsual kan hriatchhuah a kan insiamthat chuan engkim a siamthat leh theih..”
.
Rawn thuchhuak in a kut nem thep chuan ka kut ah min vuan a.. He hmeichhia hi ka tan a tha mah mah a, ka phu hlawl lo a ni e..
.
“Leah..chance min pek a vangin ka lawm e...ka phulo che a ni.. Kei aia mi tha I tan an awm ngei ang..”
.
“Shh..” min rawn kuah chuan a nghawng ah ka hmai phum in ka kuahlet a..
.
“Ka hmangaih che.. Leah..” a rimtui tak chu ka hip vang vang a..
.
Tlem a inla hrang hlekin ka biang ah a vuan a, a mitmeng a ka hmuh chu hmangaihna a ni..
“Aaron..ka hmangaih che..”
.
“Min fawp rawh”
.
.
LEAH’S POV**
.
Ka muhil ka harh chuan lum ka ti hle.. Thil rit deuh in min delh bawk.. Oh.. Aaron..
.
Nizan a thiltleng ngaihtuah letin ka nui sak a.. Ka bulah mu in min kuah a, a ti ti laiin ka lo mutthilh san daih a ni.. Tunah chuan engkim a tha vek tawh.. Kan inkar a thilthleng te kan sawi a. Ahma a ka zui ru ni a angaih thu te a sawi a.. Kan inhriat tantirh, London ka la awmlai a thil thleng kha a ni.. Keichuan ka lo hmu miah lo tak tak a.. Ka zui ru nia a lo inngaih thu leh min ngaihdan te a sawi vek a.. Engpawh nise ruahmanna tenawm tak siam ah chuan Rindiki te unau hi kan tluklo a ni e..!! Tun hnuah chuan min tibuai leh tawh lovang.. Nia..Aaron sawidan a nih chu.. 
.
Aaron chuan ka nghawng ah a hmai phum in min kuah a, ka bawp a delhbet vek bawk.. Ala muhil niin ka hria.. A sam nem thep chu ka khawih niap niap a..
.
“Good morning Leah”
.
“Umm” ka tawng ngam hleinem.. I hrethiam em?? Zingkar thaw!!!!!
.
A nui hak a..
“Inthlahrung suh.. I mutthilh lai khan I hmui ah ka fawp a, ka hre vek tawh.. Nangmah I nih phawt chuan engkim ka duh vek..”
.
“Aaron..” min kuahna chu phelh in ka tho a, ka sa chhuak vek.. Bathroom ka luh thleng in a nui ri ka la hre phak.. Darthalang ah ka in en chuan ka sen vek..!!!
.
.
Kum thar chu New York ah kan hmanng dun a, thil engkim inpawh taka kan sawi hnu kha chuan Aaron nihna diktak ka lo rin thin kha a dik chiah tih ka hre tawh.. A lang ah chuan mipa..inla mipa takin a awm a.. Mipa tak tak pawh a ni.. A chhungril ah chuan nunnem tak a ni thung.. Ka hmangaih..a tlin tawklohna zawng zawng te nen hian ka hmangaih a ni..
.
Australian Open ah a khelh dawn vangin a practise ngawrh hle a, hun ka neih chang chuan a practise na hmunah pawh ka kal ve zeuh zeuh..
.
 Ka hnunglam atanga min rawn kuah chuan ka phu zawk a.. A rim atang hian ka hailo hrim hrim..!
.
“Min tiphu nasa..”
Nui hak in ka nghawng hnunglam ah min fawp a..
.
“Practise na hmunah I la awm tur a ni sia”
.
“Ka ngai leh der tawh che..”
“Ka hria alawm” inher in a nghawng ah ka kuah a, a hmui ah ka fawp zauh a.. Hmm..zawhna min zawt ni awm takin a meng de zauh a.. Ka hrethiam.. Keima thuin ka fawp hmasa ngailo a, tun hi a hmasa ber a ni..
.
“I tinawn leh thei angem?”
.
“Enge ka hlawh ang?”
“I duh aia tam hlawh ka pe ang che..”
La nui reng chungin ka fawp leh a..
.
.
Kan nitin hun hmandan tlangpui ang in kan chhuak dun a, engpawh ti ila Aaron nen a nih chuan a nuam vek..
.
.
*MELBOURNE, AUSTRALIA*
AUSTRALIAN OPEN – FINAL****
.
.
Inkhel tur a Court a an luh hma in kan inhmu zuai a, nizan ah pawh kan inhmu tawh lo.. A inkhelh turah a rilru zawng zawng awm se..chak ngei se ka duh vangin ka tibuai duhlo a ni. Min hmuh veleh min rawn pan in min kuah vang vang a..
.
“I rawn kal avangin ka lawm e”
Kan bulah a team te an awm vek avangin an mitmei ka veng ve deuh. Inla hrang hlek in a mit ah ka en a..
.
“Ka hmangaih che” hmuiphun a hrilh in ka nui sak a..
.
A thaw huai a..
“Vanneihna min hlan rawh” ka kut ah nghet takin min vuan a..
Kan bula awm ho chu ka en leh zauh a, min en duhlo lui hlawm niin ka hria.. Team fing tak an nih hi..
A hmui ah fawp zauh in ka inla hrang lehnghal a.
“Eng pawh thleng se a tha vek.. Ka hmangaih che..”
“Ka hmangaih che” ka kut ah a fawp a.
.
.
Inkhelh tan a hun dawn chuan kan chhuahsan a.

Nimin khan Aaron Final khel en turin Melbourne, Australia ka thleng a. Tunah hian Official box ah Aaron Coach leh a team member thenkhat nen kan thu mek a ni..
.
Inkhel tan a ni a, Aaron inkhel ka en a piang a ka awmdan thin ang in ka tang teuh a.. Hreawm ber chu..tunah chuan au vak vak a remlo.. In a en a duhtawk a lo au kha a nuam zawk daih..
.
Set 1 na a hloh a, set 2 na pawh..
.
An chawlhlawk lai chuan lu thing nar nar chung in min rawn en a.. Ka hmui phun a hmu pha lo ang tih ka hria a, langsar lo thei ang ber turin ka kut ka vai zauh a..
.
A khup ah a kiu nghat in a kut zungtang hmawr a fawp zauh a, ka lam arawn hawi reng a.. Ka nui tawp..
.
A chakloh hlau in kan thaw dep dep a, a Coach phei chu a biak theihloh reng reng.. Tang tak a ni..
.
Set 3 na leh Set 4 na a la a, Final set an khelh lai chuan a inkhel ka en hman manglo in ka hria.. Ka tawngtai mawlh mawlh a..
.
Chakna a chan chiah chuan mipui an ding suau a, thawm a tha khawp mai.. Coach leh midang pawh an ding vek.. Enge ka dinloh bik ang..! Hlim zet in kut ka beng a.
.
Kan awmna lamah a rawn tlan chho a, a team te a kuah diat diat a.. Ka hun a thlen ve chuan ka tha a khur vek.. Min rawn kuah in ka biang ah min fawp a, la duhtawklo ni awm takin min en a, ka hmui ah min rawn fawp leh zauh a.. Min kalsan leh hma chuan a mit arawn siai zauh bawk..
.
Kha zet chuh…!!! Khawvel pumpui hmuh ah ka bialpa in min fawp ang tih hi ka la ngaihtuah chhin ngailo.. Ka chhungte leh a chhungte.. Kan hmelhriat te, kan thiante.. Lo en an awm ngei ang.. Ka ngaihtuah zawm duhlo..
.
.
*Australian Open Champion Aaron…kan lawmpui che.. Inkhel hmuhnawm tak a ni e*
“Ka lawm e..”
*Sawiduh I nei teuh in ka ring*
Phur zetin Aaron chu a bu nghat nghat a..
*Tun dinhmun ka thleng thei hi Pathian malsawmna liau liau a ni e. Ka team te, ka Coach chungah lawmthu ka sawi. Ka chhungte..ah..heichu in lam ah kan sawizawm anga* mipui an nui dur dur a..
*Chuan, Leah..the love of my life.. Heihi I tan a ni e.. Ka hmangaih che* a Trophy chu a lek kang zauh a.. Mipui thawm a tha lehzual a, min rawn focus ta bawk.. Nui chungin flyin’ kiss ka pe zauh a..
.
Enge an zawh a, engtin nge a chhan zel ka hre zui tawhlo.. Chianglo ruai in a liam duak ni maiin ka hria..
.
A fal a kan awmdun veleh a a sawi hmasak ber chu ‘Min fawp rawh’ tih hi a ni..
.
Ka hnial hauh lo mai..! A nghawng ah kuah in kan infawp a..
.
Kan in hmangaihna thawnthu chu a la intan dawn chauh a ni.. Hun a liam anga kan inhmangaihna erawh a thar zel ang.. Pathian in mal min sawm rawh se…
*
*
FINITO
SET THE FIRE!!
♡
EPILOGUE
♪♪♪♪♪
ⓑⓨ◎ⓣⓗⓐⓝⓣⓔⓘⓟⓐⓤⓣⓤ
.
AARON'S POV*
.
"Saw saw Leah kha a ni lawm ni?? Vawikhat tal chu chhuahpui ve ngei ka duh ang. A bawp nalh zet saw in lo hmu em? Ooo"
.
Ka bula mipa 3 te chu an tawng zawi lemlo bawk a, an thusawi chuan min tilawm lo hle.. Ka melh hrawk a, engahmah an ngailo a nih hmel.. Nge?? Min hmulo zawk ni!!
Leah hi ka ta chauh a ni.. Heng mipa ngaihtuahna bawlhhlawh zet nei te hian engtik ah mah an kuthmawr pawhin an khawih ngailo ang.
.
Leah awmna lamah chuan ka kal a, a bulah ding hnaiin a chal ah ka fawp zauh a.Hmm.. ka la duhtawk lo.. Ka kuah vang vang a..
.
"Tinge a?" Leah chu ka awm ah a bei thlap a.
.
"Shh..Min kuah rawh"
.
"Aaron, mi in min en a nia.."
.
"I ta chauh ka nih ang bawkin ka ta chauh i ni tih hria se ka duh alawm"
.
Nui hak hak in a inlahrang a..
.
"Ti kha chuan an hriat tawh ka ring"
.
Nichin a Leah lo sawi tute dinna lam ka en chuan min rawn melh hra hlawm a.. Tunah chuan ka ta chauh a ni tih an hre tawh ngei ang chu..!
.
.
Kum 1 dawn kan inkawp ve ta. Leah nungchang hian zir chian a dawl a, hmeichhe derdep tak angin lang mahse a tawrhchhel zia leh a thawhrim zia te, a phak tawk a min ngaih pawimawhna te ka hmuh hmaih lo. A luhlul hle bawk.. Nia..inngaizawng dangte ang bawkin kan inhnial fova, intihtauh khum chang pawh kan ngah mai.. Uluk taka ngaihtuah in a thiamlo zawk chuan ngaihdam dil leh kan hreh ngailo..
.
Hmun khat ah kan awmdun reng theilo a, ka tan chuan thil hreawm ber a ni. Ka bula  awmreng turin ka duh a, engtikah mah ka kham thei dawnlo tih chiang takin ka inhria a ni.
.
.
Kar khat a ral leh hnuah China ah inkhel turin ka kal a, Leah pawh show a neih dawn vangin a buai hle. Kan inbe hman meuhlo a ni e.
.
Zan ah ka mut hma a ka biak chuan a pangngai lo riau niin ka hria a, thil diklo enge awm tia ka zawh pawhin engkim a that thu min hrilh a.. Mahse thil dik tawklo a awm ngei ang tih min biakdan atang chuan ka hria a ni.
.
Phone a inhau a duhloh vangin a sawi duhlo tih ka hria..
.
Ka whatsapp tone a rik a ka check chuan Sawmzuala picture minlo thawn chu ka download nghal a..
.
WT** he thil hi a ni ngei ang Leah danglamna chhan chu.. Chiang taka ka hriat vat a ngai a ni..
.
Thlalak  chu nizan hmasa Club a kan thlalak a ni tih ka hria a, kan bula ding ve te cut vekin kei leh Mel (tennis star ve tho) chiah kan lang.. En mai chuan ngaih dikloh theih chu a ni ngei ang.. Thlalak chu Sawmzuala'n News paper a mi a lak tih a chiang bawk.. Thlalak hnuaiah chuan hetiang hian a inziak a..
.
**Milar dang te ang bawkin Professional Tennis player Aaron leh a bialnu Designer Leah te chuan kawng hran an zawh ve ta niin a lang. Ni 2 liamta khan Aaron leh Mel te hi Club ah hmuhdun an ni a, Aaron inkhel pawh Mel hian ngaisang tih hriat takin a hmunah a thlir bawk. Eizawnna inang nei anni bawk a, an inrem hle turah ngai phawt teh ang.

Chutihlai chuan Leah pawh Paris ah show a neih dawn vangin a buai hle a, Aaron leh Mel te chanchin hian a tibuai lemlo a nih hmel. Kan hriat reng tur chu Aaron hian nikum Australian Open Final a chakna a chan trum khan mipui hma ah Leah a hmangaih thu a lo puang tawh a nih kha. An inkar ah hian engemaw tak thil thleng a awm ngei tih a chiang a. Chiang zawk a kan hriat leh thuai kan beisei. Hetihlai hian Aaron leh Leah te lak atangin eng tawngkam mah hriat tur a la awm rihlo thung. An pahnih hian mipui hmuhah an inphochhuak nasa lo ve ve a....
.
.
Leah chu biak tumin ka call tlauh tlauh a, a phone a pick up thei lo. Vawi 5 zet a ring quit hnu chuan a off ta daih lehnghal..! Rilru nuamlo zetin ka mu a, naktuk ah ka inkhel dawn a, ka mut thatloh chuan ka taksa tan a thalo ngei ang.. Inkhelh na ah ka chakloh phah thei bawk. Ka rilru luahtu ber erawh chu Leah a ni. Min ringtawk in ka chungah a thinrim loh hram ka beisei.. Min hlat tuma ka lak atanga a inthiarfihlim leh a anih chuan nei let leh turin nasa taka ka beih angai leh dawn tih na a ni ang.. Engti zawng mahin ka hloh tur a nilo..
.
.
Chawhnu dar 1 ah inkhel kan tan a, set 1 na chu ka la mai a. Set 2 na kan khel tan a, ka service ka hloh nghal pang...! Inkhel ah ka insawrbing a ngai' tiin ka phun mawlh mawlh a.
.
Leah..Hetah hian enge a rawn tih? Engmah min hrilhlawk lovin arawn kal maw..!
.
Kan chawlhlawk lai a ka team te thutna ka en chuan ka phu chiang lutuk..! Leah chu a dan pangngai a lang thar sar in Mel bulah a thu a, engtinnge helai hmun hi alo thlen theih.. Ka en tih min rawn hmuh chuan a nui sak a.. A nui hmel chuan engkim a tha vek e tiin min rawn hrilh niin ka hria.. He hmeichhia hi chu ka hmangaih a ni...
.
Kan inkhelh chawlhlawk apiangin ka han enchho ziah a, Leah chuan danglamna awm miahlo in Mel chu a bia a.. Engtak ngaihtuah ang maw?
.
.
Inkhel kan zo a.. A rang thei ang berin Court ka chhuahsan nghal a.
.
Leah ka hmuh rual rual in ka pan nghal a. Ka inkhelh laia min nuihdan leh tuna a awmdan chu a inang leh tawhlo.. He hmeichhia hi ka hrethiam thei ngai dawnlo a nih hi..
.
"Hi.."
.
Min rawn kuah a, a mitmeng erawh chuan thudang daih a sawi thung.
.
.
Hotel kan thlen a kan pahnih chauh a kan awm hnu chuan ka lakah thinrimna a nei tih a tilang chauh a ni..
.
"Mel kha i enge a nih?"
.
"Ka hmangaih che.."
.
"Ka zawhna che chu min chhang rawh.. Aaron Club ah khan i kal tih pawh i sawi miahlo a.."
.
"wow..ka bialnu hian chu thu min zawtfiah tur chuan China arawn pan vang vang a maw? Ka lawm hle mai" Kuah tumin ka ban a, minlo dang vat a..
.
" Aaron..kha hmeichhia kha i mutpui tiraw?"
.
Eng thu nge a sawi hi..? Nia, Mel kha ka mutpui tawh ngei alawm..! Mahse Leah nen kan inkawp hma a thilthleng a ni.. Engtin nge Leah hian a lo hriat theih..? Hmeichhe ho tak hi chu(h)..
.
"Aaron..min chhang rawh"
.
"Aw..."
.
"Hah..ka ring reng a ni.. Nilo. Khanu khan hmaichhan a min hrilh hma kha chuan ka awih miahlo a.. I tenawm hle mai.." a thaw hak hak a, tuna a hmel landan ang hian ka la hmu ngailo..
.
"Ka sawifiah thei alawm.."
.
"Eng chu nge i sawifiah ang.. I mutpui ngei a nih chuan sawi ve theih ka nei lo.. Oh.. Aaron..ka awih theilo che.. Engtin nge i bulah hian ka la awm theih zawk le.."
.
"Kan inkawp hma a thilthleng kha a nia.. Min hria alawm.. Nang ka tawn hma che a thleng tawh a ni.. Leah.. I tan chauh ka rinawm tih i hria em"
.
Min en ngar a.. Min ring dawn nge dawnlo tih ngaihtuah ni awm takin a mitmeng a de zak zak a..
.
"Lo hnai teh.. Ka phatsan ngailo ang che.. Leah.. Ka hmangaih che tih i hria alawm.. A dik em? Ka hmangaih che tih i hria tiraw?"
A mit ah en in a ngaihtuahna hriat ka tum a, a kut ah vuan in ka kuah a..
.
A rim tui tak leh a taksa nel thep te..a thinlung nem tak..chak tak a awm leh thin te..A engkim hian min bual a lo chauh a ni.. Midang nen min rinhlelh  vanga helai hmun arawn thleng hi ka tan chuan thil ropui tak a ni bawk..
.
"Ka sawi chu i hria tiraw? Leah.."
.
A ngawi reng a..
.
"Leah..hun liam tawha ka thiltih vanga buai ka duhlo.. Ani kha ka engmah a ni lo.. Ka duhber leh ka hmangaih awmchhun chu nang chauh hi ini.. Chu chu i hrechiang bawk.. Engtin nge ka hmangaih takzet che tih hi i rinhlelh theih zawk..."
.
Ka rilru tak tak a ka thusawi hi min hriatthiam sak ngei se ka duh takzet.. A thaw halh a..
.

"Ka tihpalh.. News paper ka hmuh rual khan ka hlauthawng a.. khanu khan tunhnai a mutpui ang che in a insawi a.. Midang lakah min phatsan dawn a nih chuan min phatsan hmain min hrilh la tichuan ka kalsan thei ang che.."
.
"Min kalsan chu tum duh suh.. Khawiah pawh awm la ka umzui zel tho ang che.."
.
"Aaron..ka hmangaih che.. Rinhlelh che hi ka duhlo.. Kan intawn hma a thleng a nih chuan i nun a nia, engmah sawitur ka neilo.. Ka tihpalh.."
.
"Ka hria e.. a nih chuan min fawp rawh le.." ka lam ah pawt hnaiin a biang tawn tawn ah ka vuan a. Dingdihlip in ka hmui ah min fawp a, inlakhran a tum chuan ka kuahbet vat a..
.
.
KARKHAT HNUAH*
.
Vawiin hi Paris ah Leah show neih ni tur a ni a, Leah hian Paris ah ka awm ve tih a hre kherlo ang.
.
Show neihna tur hmun ka thlen chuan show an tan tawh a, Leah kutchhuak mawi tak tak model ten an rawn hak chhuah chu Leah chhuang ru takin ka lo en reng a.
.
A hna nuam a tih ang leh a thawhrim nasat ang ngeiin a kutchhuak a tha a, hetiang khawp a mipa hip thei leh hmeichhia zawng zawng pawhin a an ngainat thawmhnaw, taksa lang tam chuang silo dangdai tak a duangchhuak thei hi mak ka ti hial zawk a ni..
.
Ka thutna atang chuan kalsawn in ka ruahmanna ti hlawhtling turin back stage lamah ka kal a.
.
Model hnuhnungber a chhuah hnu a Leah an kohchhuah chuan ka ruahmanna a intan ve chiah..
.
Ruahman lawk angin light arawn thim a, reilote hnu a arawn en leh chuan Leah hma ah Ramp(models ho kalna tura dawhsan) ah chuan ka ding a.
.
A hma a ka ding min hmuh chuan makti zetin min en a. Nia, helai hmuna min hmuh hi a beisei hauh lo ang. Kawr var a khup chen a fual, pangpar sen a inchei, simple tak si a ha a, a nalh takzet..
.
Show thlir tuten Leah hma a ka ding min hmuh chuan an ri hak a.
.
Tun hi a hun diktak chu a ni e..
.
Leah hma ah chuan thingthi in a kut ka vuan a.
.
" Leah..I pasal atan min nei turin ka sawm a che. Khawngaih in min nei rawh.
Ka hmangaih che tih i hria a, ka damchhung hun i bula hman ral hi ka duhthusam a ni. Mi tha famkim ka nilo tih i hria a..Mahse Ka hmangaih che Leah..Khawngaih in min nei rawh"
.
"Aaron..ka hmangaih.. Ka nei ang che"
.
Zungbun ka buntir hnu chuan ka biang ah min rawn fawp a. Kei hian bianga fawh chauh chu ka duhtawk lo.. Ka lam ah ka pawthnai a..
.
Mi zawng zawng hmuhlai a ka ta chauh a ni tihlan hi ka tihtur ve reng a ni.
.
.
Thla thum a ral leh hnu chuan kan eizawnna leh kan hnathawh zawng zawng chawlhsan rih in Aizawl ah kan innei a. Inneihna ropui leh hlu tak a ni.
Kan inneih atanga karhnih chhung chu tuma chimbuai lohvin hun kan hmang a, kan hlim takzet.
.
 Ka Leah hi hmeichhe thianghlim a ni. Kan inhmuh hmasak ber atanga engemaw chen kha chu mi thusawi ka awih avangin diklo takin ka ngai kha ania.. Ka ngaihtuah let leh pawh hian ka lo ngaihdan diklo tak vang khan ka la zak thin. Kan inkawp chhung pawh khan mi invawng tak a ni tih chu ka hria a. Hmeichhe thianghlim a ni ngei tih prove tu nih hi thilpek ropui tak leh ka damchhung a ka ngaihhlut reng tawh tur a ni. Khawvel a mi hlim ber ka ni ngei dawn e.
.
Sum hian tuna ka neih ang thinlung hlimna hi min leisak theilo tih ka hrechiang. Ka thilduh leh awh zawng ka lei hian reilote chu hlimna min pe tih ka hria a, mahse hmangaih neih a mi tuinemaw in min hmangaih tih hriat na in hlimna min pek ang hi pawisa a lei theih a nilo..
.
"Aaron..tho teh.."
Leah chu inbualfai sar in ka mutna khumah arawn thu a. Zingah hian ka thawh khalh hman ngailo reng reng..
.
"Bs-i te an lo haw ve a. Nizan khan kan lo thleng chiah arawn tia, vawiin chu va leng ve ila"
.
A tawng chu hrelo ang hmiah a awm in lukham ah ka hmai ka phum a.. Engtin nge a awm zel ka hre chak a ni..
.
"Hmm..ka naute hian mut a duh ta hle mai.. Nileng a mut i tum a ni maw?" khumah chuan rawn lawnkai in ka bulah a rawn mu a, ka hnunglam atangin min rawn kuah a.. A tawng zawng chuan a nui tih ka hre thei.
.
"Aaron..tho teh.."
.
Ka dar ah fawp in ka beng ah a rawn fawp leh a.. Ka la che duh chuang lo.
.
Tuna min fiam ang hian vawikhatmah min la fiam ngailo.. A nuam dangdai riau..
.
Ka dul a arawn khawih chuan ka inlet thawk a, ka hnuai ah mut tirin ka en chhuk a. Ka hmel danglam a hmuh chuan a nui hmel chu a reh riai riai a..
.
"Aaron.."
Kunhniam in a hmui ah ka fawp a, ka nghawng ah min kuah in phur zetin ka fawhna chu min chhanglet a.
.
Ni nuam tak ka hmang ngei dawn e...
.
.
Bs-i te nupa chuan min fiam nuam an ti hle..
.
"Awii..i thilken kha a baw dawn.. Leah awmna  hi i mit khan a umzui zel a nih hi.." Bs-i chu a nui hak hak a.. Nia, ka mit hian ka nupui duhtak hi a kalsan theilo.. Ka mit chauh nilo ka thinlung pawhin....
.
.
THLA THUM HNUAH*
NYC*
.
In ka luh chuan a lo reh thiap a. Nidang ang chu nise kawngkhar ah Leah lo awm in minlo lawm leh ngei ang.
.
"Leah..Honey..i awm em?"
.
Bathroom a thawm ka hriat chuan ka pan vat a, kawngka a inkalh lo tih ka hmu nghal bawk. Bathroom kawngka chu ka hawng riai riai a..
.
Leah chu toilet bawhin a lo thu a, ka thawm a hriat chuan zawi zet a min rawn en in a nui sak a..
.
"I tha em? Min lo phone la ka lo haw nghal mai dawn a.. Thil eisual i nei a mi?" Chhuat ah chuan thingthi in a hnung ah ka chul a..
.
Vawi engzat nge buaina a neih veleh minlo be tur a ka hrilh tawh pawh ka hrelo e. Awmzia a awmlo.. A tawpkhawk takzet ah lo chuan min tihbuai a duh ngailo.. Ka nupui luhlul zet hi chu..
.
Kaitho in a hmai a phih a, a ha a nawt bawk a..
.
.
"Ka tha alawm.. Chocolate ice cream kha ka ei a, ka luak arawn chhuak thut a.. Chuan..." a kekawr ipte zenin engemaw arawn phawrh a ka kut a rawn hmehbel chawt a..
.
Enge..? A thil min pek chu ka en vang vang a.
.
"Leah..Aw.Lalpa... Ka hmangaih che..Ka lawm e" tiin ka kuah a.. ka fawp bawk a.
.
"Ka hmangaih che.. Pa tha tak i ni ngei ang" Ka biang ah min vuanin a nui seng a..
.
.
Ka hmangaih zual zel a ni.
.
"Nangpawh nu tha tak i ni ngei ang"
.
Ni a ral a, thla a ral a.. Leah pawh a hriselna a tha a, a dul a lian telh telh a, a nalh deuh deuh ni maiin ka hria. Khawi ah pawh awm ila ka ngaihtuahna luahtu a ni reng thin.
.
"Khawnge ka nupui sexy hi?..."
.
"Na..Sexy tel kherlo.. inthlak zo la, eitur ka siam zo tawh a nia" tiin a nui ker ker a..
.
Nau neih hun tura kan rin thlenhma thla 1 ala awm tih in ka pizawn (Leah Nu) kan bulah arawn awm ve bawk a. A fanu neihchhun in a fa hmasa ber a hrin laia awmloh chu a duhlo a ni ngei ang.
.
.
"Aaa..Aaron..a na tawh viau a nia"
.
Hmanhmawh takin Hospital kan pan a. Darkar thum hnuah pawh Leah chu na tuar in nau a la vei a. Tuar chhawk theih nise ka ti takzet..
A tir a a nat viau thu min hrilh bak kha chu vawikhat pawh na tih vangin a rum eih lo. A thlanfim a tla bawrh bawrh a. A na tuar ti ziaawm tura injection a duhlo.
.
.
Darkar khat a ral leh hnu chuan Leah nen a kan fa hmasa ber ka pawm ta. Kan duhthusam angin mipa a ni bawk.
.
Kan naute thar lawm nan party kan buatsaih a, kan chhungte rawn zin khawm in hlim takin hun kan hmang theuh a.
.
Tunah chuan chhungkua tak tak kan ni ve ta. Nitin kan duhzawng leh duhloh zawng te inzir tawnin kan inhmangaih na pawh a thar zel ang.
.
.
Ka bula ka hmangaih ka nupui leh kan fapa tui taka muhil chu ka en a.. Ka Leah leh ka fapa hmel ka en apiang hian ka hmangaih zual zel a, Pathian malsawmna ka dawn nasat zia ka hre thar zel bawk thin.
.
Ka nupui chu ka lamah pawt hnaiin duat takin ka kuah a, rilru hlim takin ka mit ka chhing vang vang a.
.
🐇🐇🐇🐇🐇🐇🐇🐇🐇🐇🐇🐇🐇🐇🐇🐇
🍀🍀🍀🍀🍀🍀🍀🍀🍀🍀🍀🍀🍀🍀🍀🍀
🌻🌻🌻🌻🌻🌻🌻🌻🌻🌻🌻🌻🌻🌻🌻🌻
.
Ka thuziah ve te minlo chhiarsak sak vangin in chungah lawmthu ka sawi mawlh mawlh e😉 In comments leh like te hi ka tan a hlu hle.. Thawnthu dang phuahchhuak turin chakna min pe thin.
.
Min chhiarsak ngei tih ka hriat theih nan ngawi reng lo turin ka duh che uu.. Tha in ti emaw tha in tilo emaw feedback ka mamawh a, in kutzungpui mawlh kha aww😀😀
.
29-AUGUST STORY group lo join thar zawng zawng te kan lo lawm a che uu👏👏👏
.
EPILOGUE hi chu a thui thei tawhlo a nih hi😄 A lan lai taka ziah loh hi chuan a sak talh tawh thin a.. Engpawhnise...
.
KA LAWM E😍😍