GOOD IN GOODBYE (March 2016)

GOOD IN GOODBYE
.
.
Thantei_LauraSean

Kan kal thanna ni thin restaurant pawnlam a mipui zi nuai nuai karah chuan ngaihtuah bik pawh nei em em chuang lovin ka kal a. Nui ri ka hriatthan em em thin ka thinlung luahtu ni thin, reitak ka hriat tawh ngailoh ka hriat avang chuan ka ding chawt a. Nui ri lo chhuahna lam pan chuan inherin zawimuangin ka kal a. Ka hlimna ni thin, a lungngaihna ka tawmpui thin nui ri chu ka tan hai rual a ni love..
.
I hmel chu ka thinlung chhuntlang thei khawp hial a mi hneh thei ala ni reng mai.. Kan inhmuhloh chhung zawng zawng khan ila danglam lo.. Nun hlimawm tak hmangin i hlim em em tih ka hmu e.
.
Hmeichhe naupang hmeltha leh duhawm, mitmeng mawi tak i kokichhuan khan ka mit a la a, kha hmeichhe naupang mitmeng ka hmuh khan i fanu ngei ani ang tih ka ringhlel lo. Nangchuan i duhthusam thin ang ngeiin hun hlimawm leh nun hlimawm tak i hmang ta e.
.
Kan hun lo hmandun tawh, hlimawm tak tak leh lungchhiatthlak in pawlh nuaih mai te, thinlung kehchhia a ka awm tak dan zawng zawng te kha aww...
.
Nangnen hlim takin kan chengdun thei ta silo a, ka hmangaihna che hian nangnen a hlim taka chendun ve hi a phu a sin..
.
Ka phu ve ngei ni a ka hriat, ka neih theih tak siloh avang hian ka vui tawh ngai lova, Pathian hnen ah lawmthu ka sawi tawh zawk ani. A ruahmanna te hi mihring in kan hriat phakloh khawp a ropui ani thin tlat ani..
.
A chang chuan kan hringnun, kawng bumboh tak mai hian kawng hrang hrang ah min hruaidarh thin si a. Engtik ni ah emaw chuan i hmangaih nghet taka i vawn thin kha lohtheihloh a i thlah a, i hnen atanga a kalbo tur i dan theih hauhloh hun alo la thleng ve ngei ang..!
.
Mahse, he thu hi hrereng rawh - A chang chuan inmangtha nate hian thiltha engemaw tak arawn thlen ve thin tih hi.
.
Nangnen kan hun hmandun tawh zawng zawng te avang khan ka inchhir lova, khang hun hlu tak kan hmandun hunchhung a i nungchang leh i awmdan a tha lai zawng zawng te...a vai khan ka theihnghilh phal tawh heklo ang.
.
Tunah chuan kan awmna tur hmun diktak ah kan awm ve ve a. Diktak a sawi chuan maw..in mangtha a kan inthenna khan chakna min pe tawn ve ve niin ka hre tlat pek asin..!! Chutiang nilo se, tuna ka dinhmun hi ka thleng pha hauh in ka ringlo..!
.
Ka hlim ve ta e. Min hmangaihtu tawngin hringnun hlimawm tak ka hmang ve ta a, engtikah emaw chuan kan la intawng leh ngeiin ka ring.. Chutiang hun alo thleng leh anih hlauh chuan hlimna leh lungngaihna inpawlh nuaih in kan intawng in ka ring tlat.
.
Engpawh nise, engtik niah emaw chuan hringnun ah hian lungngaihna leh inthenna te hi engvanga thleng thin nge tih zawhna hi a chhanna i pek a ngaih hun alo thleng ve ngei ang...
.
A chhanna chu heihi ani e - Inthenna leh inmangtha na te hian thiltha zawk a thlen ve thin tih hi..
.
Midang pawma rilru na taka i kalsan tak hlutzia leh a thatna te hi i hrelo ani e!!
.
.
(2012- atanga ka phone chhuahsan ngailo, ka hla duh em em zinga pakhat Good In Goodbye' Carrie Underwood sak hi mawi inlo tih ve ka ring? Anih dan tur thlapin ka ziakchhuak thiam vaklo mai pawh a...😊 Pi Carrie hi ka zu dil lemlo lehnghal a..min rawn khing em lo ang chu maw...😃)