I CAN'T LIE 2016

I CAN'T LIE!
▥▥▥▥▥▥▥▥▥
ⓑⓨㆁⓣⓗⓐⓝⓣⓔⓘⓟⓐⓤⓣⓤ

.
"Heichu ka ta tur a nia.." nui sang in ka hma a Cake chu ka la a. Ka lak ang chiah Cake dang a awm tawhlo tih ka hriat rual chuan ka inthiamlo leh hnuhnawh..
.
"I duh chuan ka pe then ve ang che" tiin ka bula tlangval hleitling zet chu ka en a. A mitmeng ka hmuh rual chuan ka inchhir nghal..! A vawihnih na..!  Reilote chhungin vawihnih ngawt ka rilru a danglam hman chu..!
.
.
Ka Cake ken laichu en in " Nichin khan Tho in a bawm a nia" tiin arawn kawk zauh a.
.
"A ni maw?" ka lo ei then hman.. Kan dinna piah a bawlhhlawh bawm chu ka melh a.. Tho bawm hnu chu ka ei duh bik teuhlo mai..
.
Ma-awmi ka thian thaber ka bul a arawn din veleh kai in ka kalsawn pui nghal a.
.
Vawiin hi Ma-awmi putea, tlangval senior.. Kum 40 pel tawh in nupui a neih ni a ni a, Pute Ruata hi ka tan pawh putea tak tak ang chiah a ni. Kan in ah arawn chuangkai zing a, kan inpawh in kan innel hle. Pute Ruata hi a hnathawh a lian tham bawk a, thian pawh a nei hraw khawp mai.
.
.
"Pute, ka lawmpui che..Hlim reng ang che u"
.
"Kan lawm e" Kan in chibai lawp lawp a..
.
.
Ni 3 hnu ah Ma-awmi nen bawk Pute Ruata te in thar ah kan kal a, inneih ni a ka hmuh Paliana kha a lo awm leh a. Putea nen hian an inkawmngeih viau a nih ka ring. An kum erawh a inthlau deuh ang.
.
"Te-i, ani hi Hruaipuii (a nupui) cousin a nih hi. Dinpuia.."
.
"Inneihni pawh khan kan inhmu tawh in ka hria.." ka lo ti ve vat a.
.
Ka hmelhriat tha tak bulah lo hi chuan sawitur ka hre tam vaklo a, Ma-awmi room a a luh hnu chuan ka ngawi ta hle hle..
.
"Hmanni a i Cake eitur Tho in a bawm ka tih kha ka tihder(h) che a nih kha" Dinpuia chuan min melh rulh a.
.
"Tinge dawt i sawi kher a?"
.
"I mamawh lo em a..!"
.
Hepa chu(h)..Nula cher leh inkhaithli thlerh thlawrh ka nilo tih ka inhria.. Hepa hian min hrilh kher pawh a ngailo.. Mai mai chuan..! Ka duh duh ka ei ang..
.
 "In tih cher tumna pakhatmah ka neilo. Ka thau dan hi ka lo in duhtawk viau a sin" ka ti ve salh a.
.
Ka thawm a na tehchiam lo na in, miin min khei zawng taka min biak chuan tlawm ka duh ngailo..
.
"Te, lo kal lawk teh.." Ma-awmi'n min rawn ko hlauh chu ka lawm khawp mai..
.
.
Kan haw dawn chuan kan kalna tur a in an thu leh a ruala kal ve mai turin min sawm a, mahse chhuanlam mawihnai tak ka siam. Ka chhuanlam siam chu Ma-awmi pawhin min hriatthiam puiin ke in kan haw dun a. Khatiang mipa bulah khan awm chakna pakhatmah ka neilo.
.
.
Karkhat hnuah kan inhmu leh hlawl a, tun tum chu Exam form fill up na ah a ni ve thung.. Keimah chauh in ka ni hlauh mai bawk. MA(Public Administration) Final Semester ka zir mek a. MPSC buatsaih exam ah hian ka theih chin chin chu exam ka duh vangin vawiin pawh hian Exam form fill up turin ka kal a ni.
.
 Keimah chauh in ka kal tih a hriat chuan a rual a haw turin min sawm a.

Hmanni a tawngkam ka la hre reng..! Ka ngei viau na in ei leh in ah erawh ka insum phah nasa.. Khatiang kher kha chuan min fiam lo se amah hi chu chhelo ka ti.. Engtin emaw tak a pa(man) riau bawk. A aw mipa zet te chu a duh tu chuan an luanliam pui ve zawih zawih ngei ang.. Mahse LUANGLIAM zing ah ka tello.. Tel veloh ka duh zawk.. Hepa lakah ngat phei hi chuan..
.
Ka melh ru leh zauh a.. Jeans pawlduk leh sneakers var nalh zet a bun a, T-Shirt var a taksa phuar deuh a ha bawk.. A chhelo.. Mahse kan in type lo ang.. Ka thil ngaihtuah vang chuan ka nui hak a..
.
"I lo kal ve dawn em? Ka haw dawn chiah a"
.
"Ka lawm e. Taxi in ka kal mai ang. I motor ke a thep palh ang"
.
Ka sawi zo chauh a ka inchhir nghal... Aaa..tinge tawngkam pangngai a ka hnial ve mailoh le..
.
.
Ka bulah chuan rawn kalin ka ban ah min rawn kai a, min kalpui nghal a. Ka hamhaih vek.. Hnial nachang pawh ka hrelo.. A kut in min dehna chin chu a sa hum hum in ka hre hial..
.
Bike ah chuangin a in siamrem a..
.
"Lo chuang rawh" a ti bul hmuk a..
.
A bike chu a hnung sang ur chi a nilo hlauh..! Bike nalh tak chu a nih hi.. A hming phei chu ka hre chuanglo a. Lirthei hi ka lawm vaklo a niang, ka mamawh tawk bak hriat ka neilo.
.
Ka chuan fel hnu chuan chak zetin a tlan chhuak a. Engmah ka ngaihtuah lo. Ka ip char char.
.
Kan in kawt a a din chuan ka harhchhuak zawk a..
.
"Engtin nge kan In hi i hriat a?" leh hnuhnawh a..
.
"Khawilai nge in In? Heihi a ni em?"
.
Ka bu nghauh a.
.
"Khawi maw i phone?"
.
Ka phone ka pek chuan rang zetin a khawih a, min pe let leh a.
.
"Zan ah ka lo bia ang che"
.
Ka chhan leh hmain a tlanchhuak a, ka enzui vang vang a..
Ngatinge ka phone kha ka pek ringawt le..? Ka hrelo.. Ka  inngaihtuah lawk hman miahlo a nih kha.. Ka tum reng vang pawh nilo in zan ah chuan ka chang ru khiau a, mahse thawm a rawn nei miahlo..
.
Mipa mak tak a ni ngei ang..!
.
.
Ka phone a rawn rik chuan ka movie enlai titawp in ka pick up a. Phone a tawngri ka hriat chuan tunge tih ka hre nghal..
.
Kan inhmuh hnuhnun ber atang kha. ni 3 aral tawh..
"Ka lo kal dawn?"
.
"Tunge ka biak?" a inringtawk lutuk chu ka ngei.. Ka hre duhlo lui ve ngat a ni..
.
"Keimah"
"Keimah ti ringawt chu hriat a har e.. Ka buai deuh a ka dah mai ang...."
.
"In kawngka bulah ka ding.. Lo hawng rawh"

.
Ka room atangin muangchang in ka chhuak a, kawngka ka va hawn chuan tumah ka hmulo..
.
Kawngka ka khar leh dawn chiah tih in ka phone arawn ri leh a, amah bawk a ni..
.
Ner sak in ka pick up a..
.
"I dinglam ah rawn hawi teh"
.
Inher ka tumlo zet a...mahse a hmel ka hmuchak..!! Nilo..a hmel hmuhchak vang nilo in ka hawihhawm vang zawkin ka hawi ang..
.
Ka dinglam ka en chuan kan in piah kawngpui awl zau lai ah a bike ngheng in a lo ding a.. Ka hmu tih a hriat hnu ah pawh a che eih lo. A phone chu a bengbulah ala keng reng a.
.
"Lo len i phal em?"
.
Chhang tawh lovin inchhung ah ka lut a, phone a a nui hak ri ka hriat chuan ka off daih a..
.
Ka awmdan hi a mak lutuk.. Mipa vangin tuna ka awm ang hian ka la awm ngai miahlo. Ka zam a, engtin emaw tak a nuam riau bawk sia..!
.
Door bell a rik chuan phu nasa ngang mai.. Ka phone keng in kawngka bulah ka ding a, ka nui vur vur tih ka inhre chiah..
.
Phun hlak in kawngka chu ka hawng a..
.
"Len i phal thu sawi ve mai ta che"
.
Ka melh ralh a..."lo lut rawh"
.
A haw hnu chuan ka ngaihtuah zawm ta tluk tluk lehnghal.. A tawngtam lutuk lova, a tawkchiah vek ni maiin ka hria.
.
Karkhat chhung  chu a reh leh hmak.. Facebook ah a account tur awm ang ka zawng risk vak vak a, a profile ka check chuan ka lungawi leh silo... Ngaihzawng nei awm ang in a lang lo a, a thlalak comment a chhang ngai manglo.. E, pakhat a chhang..chu pawh hmeichhia a nia.. Ka awmdan hi a va mak tak!! Hetiang taka hriatchian chak hi ka la nei ngailo..
.
Mi awmdan a lo lungawilo ve ringawt tur ka nilo tih ka hria.. Hepa vang vek hi. Kan inkar ah engmah a awmlo a, ka buai tur a nilo..tiin ka inngaihtuah tang tang a.🍁
.
"Ka awmdan atang khan ka duh che tih i hrethiam tawh em?"
.
Hepa hi..enge maw a hriat le? A rawn thawnsual a nih ka ring.. A message chu ka chhang lo. Message dang lo thleng leh chu mit siai chung in ka en dek dek a.. Ka zuang zawk lo chauh a ni..
.
"Vanlalremruat...ka duh che tih i hria em?"
.
Ka thin a phu dup dup a, chhan dantur ka hre mailo..
.
Min duh tih ka hriattheihna turin ka lakah eng tawngkam mah a hmanglo a, engtin nge ka hriat theih ang.. Mi rilru ka hre thei bik hleinem..
.
"😛Uang lo mai teh" ka va ti ngawt a.
.
Engtin nge ka hmingpum a hriat le? Zawhna chi hrang hrang ka chhan theih chuan siloh ka ngaihtuah kual vak vak a.
.
Ka whatsapp tone a rik leh chuan ka check a,  Dinpuia bawk a ni. A thlalak min rawn thawn a ka thawmhnaw hak chu nimin a ka inchei dan chiah chiah.. Thlalak dang arawn thawn ho pawh chu ka thlalak vek a ni.. A mak ka ti lutuk.. Kar liamta chhung zawng khan nitin minlo hmu ziah tihna a ni thei em?
.
"Ka duh che"
.
Ka thaw huai a.. A tak tak nise ka ti takzet. Keipawn ka duh!! Nia, a mize ngeng deuh phenah hian min hip deuhtu engemaw a awm.. Hmanni lawk khan alaka LUANGLIAM zing a ka telloh tur thu ka ngaihtuah zut zut kha a nia.. Tunah chuan hmanni a mi Te-i kha ka ni tawhlo..!
.
Phone ah min rawn be fova, a rawn leng ta zeuh zeuh bawk.. Thlakhat a ral leh hnu chuan kan inngaizawng nghet chu a ni ta der a.. Ka nun a hlim a, ka thiltih engkim a nuam zuih mai..
.
Ma-awmi bulah pawh titi tur dang ka hrelo.. Dinpuia chanchin ka sawi nileng a ni ta ber e.
.
Engmah min hrilhlawk lovin min hruaichhuak fova, abula awm ka thlakhlelh ang bawkin ka bula awm a thalhlel tih a hai theihloh. Buai chung chung pawhin a awmna chin leh a thiltih arawn sawi a, keipawh in ka thiltih leh ka awmna chin ka hrilh thin bawk.
.
Vawiin hi thla 3 kan inngaihzawnna chiah a ni a, a rinloh deuh thiltih tumin rilru phur takin ka insiam a. 4th Semester exam a hnaih tawh vangin tunlai te hian kan inhmukhat deuh a, ka ngai khawp mai.
.
Ka call a..
.
"I buai em?"
.
"Buai deuh.. Office ah ka la awm a"
.
"Anih chuan nakin ah ka lo be leh mai ang che"
.
"Enge sawila.."
.
"Nakin ah ka rawn be leh ang che"
.
Phone ka off nghal a. A office ban hun ka lo nghak mai ang.
.
Ka thiante dawrah pengin kan titi a, ka thiannu Nancy'n min rawn nghawk zeuh a, ka hawichhuah chuan Dinpuia nen kan in en chiang khawp mai. A bula hmeichhe zen nalh zet chuan a ban ah a kuah a, dawr chhung a thawmhnaw chu a melhkual dan dan a.
.
Ka awmdan tih danglam loh ka duh.. Ka chhungril ah ka na ut ut a, awmdan tur thiam a har khawp mai. Dinpuia lak atang chuan ka mit ka lasawn vat a.
.
"Dee, heihi a nalh hmel ka ti, ka'n ha chhin ang aw?"
.
Ka trap dawn in ka hria. Chu nu awmdan atang chuan engmah a hai theihloh.. He mihring hmelchhephaka(?) hian minlo kawp reng a nih hi.. Tuna ka dinhmun tlawmthlak zia hi.. a chanchin ka sawi zo chauh a, ka thiannu in inhmeh min tih thu a sawilai mekin ka ngaihzawng..ka bialpa ti a duhtak a ka sawi chu hmeichhe dang kuah chungin ka hma ah a ding a nia..Hetiang baka tlawmthlak hi ka tawng ngailo a ka tawng tawhlo bawk ang.
.
Chhuanlam siam in dawr atang chuan ka chhuak a, ka mit a phe vek.. Ka kal nawk nawk a.
.
"Lo ding teh" tih ri ka hriat chuan ka ding chawt a.. Mi ala rawn umzui tal a a zia deuh.. Ka hawilet hmain ka mit ka khap sawk sawk a..Ka mittui tla mai tur chu khaplet ka tum a ni..
.
"Remruat.."
.
Ka tawng theilo.. Dinpuia chu ka melh tlawk tlawk a, a hmeichhe hruai kha dawrah khan a kalsan a ni ngei ang. Chuan..Remruat tia min koh chuan a mangang tihna a ni bawk.. Min belo sela atan a tha zawk ang..
.
Nui lui chungin ka inher hmak a ka kalsawn nghal a..
.
In a haw lovin park ah ka thu a, tunah tak hi chuan ka bula awm turin tumah ka duhlo.. Ka tap lovang.. Mi rinawmlo vanga trap tur ka nilo.. Ka insehruh tang tang a.. Darkar khat zet ka thut hnu chuan In lam panin ka haw hnak hnak a..
.
Ka ruahman lawk dan leh ka thiltawn  inpersan zet ka tana NI THALO TAK chu liam vat vat se ka duh takzet.
.
.
Zan dar 9 vel ah ka phone ka on chuan a vibrate nghal chur chur a. Nancy message, Ma-awmi... Missed call alert (message) a lo awm teuh bawk.. Dinpuia pawn vawi 17 zet chu min lo biak a tum a nih hi.. Vawi 100 pawh rawn call se tunah tak hi chuan ka pick up lovang..
.
Thil thlen dan Ma-awmi ka hrilh chuan min hrethiam takin min hnem a,  Ka luhlul zia a hriatchian vangin Dinpuia bia a thil awmzia zawtfiah tura a thu min rawn chu ka zawm dawnlo tih a hriat ka ring.
.
Ni 3 chhung chu Dinpuia phone ka pick up lova, a hmel hmuh pawh ka peihlo. Min biak theihloh vangin Ma-awmi bulah thil awmzia alo sawi a. A hmeichhe hruai kha a ngaihzawng a nihloh thu leh vawikhat pawh a hmuh leh tawh ngailoh tur thu a lo sawi a. Mahse ka thinlung a hneh zo lo..
.
Kan exam a hnaih vangin lehkha ka zirlui vak vak a, ka chhiar mawlh mawlh lai pawhin ka rilru a aluh miahloh chang a tam zawk.. Dinpuia vanga mi chaklo, mi hlawhchham nih erawh ka tumlo.. Mahse a har a ni..
.
Thla khat hnuah ka tumlawk hauhloh in kan inhmu hlawl a, be lova kalsawn ka tum chuan nghet zetin ka ban ah min vuan a.
.
"Kan inbiak angai" tih zawng a sawi. Ka chhan hmain min kalpui a. A duh sawi sela ka kalsan nghal ang.
.
"Ngatinge min biak duh miah loh"
.
"Mi ngaihzawng lo biak ve chu ka tihtur ah ka lo ngailo a"
.
Ka thusawi avang chuan a ner sak a..
.
"Khanu kha ka ngaihzawng a nilo.. Ka ngaihzawng chu nang chauh hi i ni.."
.
Ka ngawi reng.. Sawi tur ka nei rihlo.
.
"Ka mit ah hian min en rawh.."
.
Ka hawi duhloh vangin min kuai her nawk a.
.
"Ka hmangaih che in ka hria.. Nilo.. In ka hria tih chauh pawh a nilo.. Ka hmangaih che. Khatiang thil i hriatchian loh vanga then che ka tumlo.."
.
"Sawitur ka neilo"
.
"I danglam dawnlo a nih hi.. Ka hrethiam thei ngailo che a, i nungchang mak tak hi ka hrethiam ngailo.. Mahse min hip bet tlat si a ni.."
.
A sam a tuai puat a.. A lang tha takzet.. Tunah chuan ka inhrethiam leh ta lo.. Nia.. keipawn ka hmangaih tawh niin ka hria. Ka biak duhloh chhung pawh khan ni 1 te pawh amah ngaihtuah lovin ni ka hmangral ngailo.
.
Diktak chuan khanu nen khan an inngaizawng ngei em tih fiahna dang ka neilo. Kar1 a ral leh hnu chuan ka indanna bang zawng zawng chhutchhiat a ni a, kan inzui leh dat dat tawh..!

"Te, vawiin khan Dinpuia ka hmu a, bazaar ah hmeichhe pakhat nen an kaldun a, ka rawn hrilh hrim hrim che. A hma a i hmeichhe sawi nen khan an inan hmel khawp mai"
.
"Okay..ka lawm e aw"
.
Ma-awmi nen rei zet kan inbiak hnu chuan ka mu a. A thilhmuh min hrilh chu ka lawm zawk. Diktak chuan kan inzui leh hnu hian ahma kha kan ang tawhlo niin ka hria a, ka ngaihtuahna pawh ka hmang rim khawp mai.
.
Ka muhil dawn chiah tihin ka phone a rawn ri a, muangchang in ka pick up a.
.
"Ka bialnu, i dam tha em?"
.
"Dam e. Vawiin office i kal em?"
.
"Aw.. Chawhnu lam chu thil pawimawh ah ka chhuak a.. Ka ngai che"
.
Ka nui ringawt a, Ma-awmi thu min hrilh kha zawh ka tum zet a, ka thulh leh.. Engemaw hlek ah thikthu chhe lutuk anga min ngaih ka duhloh vang a ni pakhat..
.
Pangngai takin kan awm leh ren rawn a, mahse kan inngaihzawn tirh a kan thiltih kan in report thlap thlap ang khan kan ti ngai tawhlo.
.
Ni a liama, thil ngaihbel tur ka hriat apiangin ka ngaihtuahna a hah zual deuh deuh a, engmah sawichhuak chuang silo in ka tawt up up a, min ngaihsak tawklo a ka ngaih vangin ka ngaihtuahna a kal dik thei tawhlo.
.
A nutei damloh vangin an buai hle a, ka theihtawp in ka ngaihven a, chanchin ka zawt deuh reng a.
.
Ni 2 chhung kan inbiak loh hnu a kan inbiak leh hmasak ber chuan a nutei boral thu ka hre chiah a. A hma khan engmah min hrilh lo.. Chanchin chhia/tha min hrilh miahloh vang chuan ka vui khawp mai. Mahse engmah ka sawichhuak lo. Ka theih chhung chu phunnawi lova dawh hram hram ka duh zawk vang a ni.
.
A hma angin kan inhmu zing ta lo bawk nen, ka hah in thil reng reng a eng zawng in ka thlir thei tawhlo.. Ka inngaihtuah chiang nasa ta khawp mai bawk..
.
Zan khat kan inbiak lai chuan laklawh takin min mangtha a, phone a off hmain hmeichhe tawng sar sar ri ka hre hman a. Ka hlauh em em thin thil ka tawn lohna turin zankhua in ka in ngaihtuah hial...
.
Karkhat a ral leh hnu chuan kan in ah arawn kal a, kar 3 chhung a a vawikhat rawn kal lehna chiah a ni.. Thil diklo awmlo ang hmiah in a nungchang a danglam lova, chu chu ka duhdan a nilo..
.
A hma ang bawkin ka bula a awm chuan min thlahlel em em a, mahse ka lungawilohna tamtak inchhekkhawl tawh vangin a awmdan chu ka enliam theilo..
.
"I thinrim mi?"
.
"Thinrim love.. Mahse i awmdan hi mak ka ti.."
.
"Enge? Thinrimna i neih chuan min hau la..?"
.
Awihlo zetin ka en a..
.
"I awmdan hi a dik miahlo.. Lungawilohna i neih chuan khawlkhawm lovin min hrilh zel rawh ka tih che kha.. Ka lakah hian i serious miahlo tiraw?"
.
Kan tran leh dawn ta...
.
Ka theihtawp a ka duhna leh ka ngaih pawimawhna ka tilang chung pawh hian serious miahlo ah min puh ziah.. Ka thinlung zawng zawng in ka hmangaih tih hi a inhre miahlo..
.
"Tun ang bak hian serious leh chuan vak dan a awm chuanglo. Ka rilru chu i hria alawm.. Nang hi danglam zawk chu i nia..."
.
Ka thusawi tha takin min ngaihthlak sak a, alaka lungawilohna leh min ngaihsakloh thu ka sawi zawng zawng chhanna ka hmuh chu KA BUAI LUTUK... tih a ni. Engkim..ka zawhna zawng zawng chhanna chu buai lutuk vang a ni vek..
.
Ka hman em em vang a ngaihven ka ni biklo.. Chu chu a hre vek... Ka lungawi thlawt lo...
.
Thlakhat a ral leh hnu pawhin hma kan sawn lo hle. Uluk taka ngaihtuah in inthen ila a that zawk ka rin thu ka hrilh a, vawikhat pawh min hnial lo..!
.
Min chelh turin ka phutlo.. Mahse ka lungawi chuang silo..
.
"Ka nun hi a buai rih em a ni.. Ka duh che.. Mi tha tak i ni a.. Mahse tunah chuan ka nun abuai rih..."
.
Ka dawhtheihna in a tlin lo...
.
"Buaina i nei em tiin ka zawt fo che a, buaina i neih thu min hrilh la ka theihtawp in puih che ka duh tih pawh i hria.. Mahse engmah i sawilo.. I buaina ka hriatloh chuan ka tan puih dan tur che hriat ngaihna a awmlo a.. I buai thu chiah i sawi a, enge i buaina min hrilh ngailo.."
.
"Diktak a sawi chuan ka buai em a ni.."
.
Ka nuih a za..Nilo..ka puakkeh a ni ber zawk..
.
"A tawk a nih chu.. Mangtha le"
.
"Chuti zung zung chuan maw ni dawn?"
.
"Aw" ti chiah in ka chhang..
.
Ka na dawn.. Ngaihzawng te then a na miahlo an awm ngai hleinem.. Ka tuarchhuak thei lutuk ang. Mahse a awlsam dawnlo..
.
Vawi tam tak min rawn biak a tum fova, mahse ka chhang ngailo.. Ka tan pawh chhan miahlo chu thil harsa tak a ni..
.
.
Kan inthen atanga thla 4 a ral hnu ah nupui a nei dawn tih Ma-awmi'n min hrilh a, min deng na khawp mai..! Ma-awmi haw hnu chuan ka thiltih lai dah in khum ah ka mu thlawp a, nileng in ka thochhuak leh tawhlo.
.
Ka tap lova, mahse ka thinlung a na si a ni.. Na leh tur si chuan ngati nge inthen i rawt tiin min dem i tum maithei..Mahse maw.. Hmeichhia in uluk tak..a ngaihtuahna zawng zawng seng leh nat pawh huam a thutluk na a siam hi a sual mawh khawp mai.. Inthen ka rawt zawk kha ka ngaihtuah neuh neuh hian ka la lawm fan a ni..
.
A nupui neih tur thu ka hriat atanga karkhat a ral hnu chuan ka tap thei ta...! A tan a tawngtai ka bansan ngailo a, a tan chauh nilo..a nupui tur tan pawh ka tawngtai a, keimah ngei pawh ka inhrethiam lo..
.
.
Tumlawk hauh lovin a nupui neih hma a kan inhmuh thut chuan kei aiin a phu nasa zawk.. Min biakna chu awlsam zet a chhangin ka kalsawn nghal a..
.
A nupui neih ni kha ka la hrechiang khawp mai.. Ruah a sur nileng thak a.. Mahse ka lawm chuang miahlo..
.
Diktak chuan inthen ka rawtna chhan ber kha min ngai pawimawh tawklo a ka ngaih vang leh min duh tak taklo ni a ka ngaih vang a ni.. Chapona ka nei ve bawk a..Mipa tupawh nise min duh tak tak lotu ni a lang kawp turin ka inphah hniam theilo..
.
.
Mahse a hnu a ka thu hriat leh chu..
.
Kan inthen vanga a rilru na in min runluih nan nupui a nei niin a insawi... Inthen ka duh thu ka hrilh lai a min vuan tlat lo kha pawi a tih thu te pawh ka hre bawk..! Min hmangaih thu te nen..!
.
Mahse..engmah siamthat theih a ni tawh lo.. Kan khawvel a hrang tawh..
.
.
Kum 3 pumhlum a lo liam ve ta reng mai.. Tunah chuan amah hrechhuak lova ni hmanliam ka nei ve ta nual..! Ngaihzawng erawh ka la nei leh peih rihlo chu a nih hi...Kan inthen atang khan rilru natna tam tak tuar mah ila amah biak tumna ka nei ngailo a, chuti chung chuan vawiin thlengin a contact number hian ka phone a la chhuahsan lo..!
.
Theihnghilh tumin ka bei ngailo a, min hnemtu ber chu muangchang a hun liam bek bek hi a ni..
.
Dawt ka sawi ngai miahloh na tur thildang ala awm... Dinpuia kha ka hmangaih.. Ka damchhung hian ka theihnghilh tawh dawnlo.. Tunah chuan mi pasal a ni tawh a, kan inhmuh fuh chang pawhin ka kalpel mai thin.. Ka hmangaih a ni tih erawh ka hrilh ngai dawn ta lo a nih hi..
.
.
Mihring hian kan hmangaih ber te kan nei vek thei dawnlo.. Mahse kan beidawng ngai lovang.. Hmangaihna in a ken tel thin Natna, manganna, lungngaihna te hi mihring te hian kan hneh thei vek.. Chak tak..mak tak leh ropui taka Pathian din kan ni.
.
The end!

.
ULUK DEUH A CHHIAR TUR👇
AROMA QUEEN FLABIA FRESH - HERBAL PRODUCT MIZORAM A LO LUHNA LA REI LO, BUSINESS PLAN THA LUTUK. ZIRLAI TAN PAWH ZIRLAI TIBUAI MIAH LOH A SUMDAWN THEIHNA, HRECHIANG DUH TAN A HNUAIA NUMBER KA DAHAH HIAN BIAKPAWH THEIH RENG A NI E.
9612229037/ 9402365651
WHATSAPP GROUP SIAM A NI BAWK A, AN PRODUCT EN DUH HRIM HRIM TAN PAWH BIAKPAWH THEIH RENG KAN NI.
A TI HMASA TAN CHANCE A THA, MARCH NI 1/2018 KHAN OFFICE HAWN A NI A, AIZAWL AH REGIONAL CENTRE AWM A, OFFICE HMUNPUI AH DOCTOR TE'N AN THUTCHILH DAWN  VANG CHAUH PAWH HIAN A NGELNGHEH ZIA LEH EIZAWNNA TLAK ANIH ZIA A CHIANG NGHAL A NIA. BEAUTY CARE, PERSONAL CARE, HEALTH CARE, FOOD AND BEVERAGE ETC. A AWMKIM HLE. A THLAWNIN MEMBER ANIH THEIH RENG E, RAWN BELCHIANG LA I INCHHIR DAWN LO CHIANG LUTUK.
PHONE - 9612229037/ 9402365651