VALTE

VALTE 
By. Thantei_LauraSean Virgo

Ka hna a ka buai em em reng avangin holiday leh kartawp chawlh ah hi chuan in ah ka awm deuh chawt a...

Inrinni vawikhat chu ka chhungte an chhuak vek a, keimah chauhin inah ka awm a... Engtiklai maha ka thinlung atanga ka nuai bo theih loh, ka theihtawp ka chhuah a theihnghilh ka tum hnu pawh a ka ngaihtuahna rawn luah leh thintu chu ka hriat hmanloh khawp a rangin ka ngaihtuah leh veng veng a. Ka rilru ngui nghiai mai min tawmpui ni awmtakin khua a duai raih a, ruah hmi atla seng seng a...

Tukverh a dak vauh vauh pahin kum 5 liam ta a thilthleng kha tun mai a ka chung a lo thleng nawn leh ang maiin ka ngaihtuah kual zut zut a...

Kum 5 liam ta April thla laihawl vel khan nikhat chu ka thiannu te in ah ka lehkhabu min hawhsak lam turin ka thian pakhat nen kal a.. Ka thiannu (Julie) te nen hian kan inthenawm reng tawh thin a, kan inkawm nasa a kan inpawh hle bawk a..

Julie te in kan va thlen chuan anlo awm deuh laih laih a, Lunglei lama an unaute anlo zin alo ni a.. Julie cousin te ho hi ka hre nual hlawm a mahse tun tum ami te ho hi ka hre meuh hlawm lo. Kan hmanhmawh bawk nen lehkhabu chu min pe a kan haw lehnghal mai a... Julie chuan ka lehkhabu dang hawh a duhthu a sawi luam bawk a, nidang a lo la mai turin kan inthlah a..

Nihnih aral leh hnu chuan class kan chawl a, Julie chu a cousin nen sawi lawk lemlo in kan in ah an rawn kal hlawl mai a. Chumi ni chu ani tun thleng a ka thinlung tina tu leh kehchhe vek a min kalsan tu ka hmelhriat tan ni chu...

Julie chuan min inhmelhriat tir zung zung a..
"heihi ka cousin ania... Valtea nih hi.. Uvalte heihi Pui puii.." ka lo nui sak a.. Valtea chuan a mitmeng fiah kak chuan hmel hlim sangin min en ran a..


"nimin piah a in in a lo kal kha tiraw? Ka hria e..." min chibai turin a kut arawn phar chhuak a.. A kut zungtang chu a sei thlarh a afai sar bawk a...
Kan in ah chuan reitak pawh awmlo in an hawng leh thuai a.. Julie sawidan hmang khan hetah a zirlai (MA) zawm turin a awmdawn tak e...

Kar khat aral leh hnu
chuan ka class bang haw lam chu kan intawk hlawl a. Chumi tum chuan a zahzel ve tih hriat reng hian (ka rilru chak mah mah) Julie lehkhabu hawh kha hawhchhawn ve min dil a.. Thil uiawm lutuk anilo bawk a ka lo phal ve mai bawk a.

Ni 3 aral leh hnu chuan zankhat chu kan in ah Valtea chu alo kal hlawl mai a. Ka lehkhabu min rawn pe pah a.. Chumi tum chuan a leng ve deuh reng a phone number te min dil a... Ka lo pe mai duhlo a..

"Julie lo dil mai la.."

"nangma min pek ngei ka duh vang alawm ka dil che"

Ka phone number chu rilru phur ru zetin ka pe ta nge nge a. Ka phur ru hle tih erawh ka tilang duhlo. A mitmei leh awmdan atangin keimah ang bawkin midang ang mai mai in min en biklo tih ka hailo tur khawp lek chuan ka rilru fim ve tlat...

Chumi zan atang chuan min rawn be ta ziah a.. Mipa han be hmasa bawrh bawrh chi ka lo ni lemlo bawk nen.. Ka zeilo thin viauin ka ring.. Mite ngaih ah chuan nula pangai ang in lang tawh mahila ngaihzawng lamah erawh experience engmah ka neilo a. Kan in ah alo kal ve ta deuh reng bawk a. Kan mizia kan inzir dun ani ber e.. Valtea hi ka nun ah duh tak tak ka neih awmchhun ala ni reng ani..

Kan mizia a inang lo a, ka mipa duhthusam thin mizia ang anei a, ka hriat loh karin ka rilru ka lo pe hman reng mai..

Zankhat chu lehkha ka zir mawlh mawlh laiin ka phone a rawn ri ral ral a.. Valtea ani... Phur zetin ka pick up nghal vat a... Eng engemaw kan sawi a, chumi tum chuan min duh thu leh ka mizia leh nungchang ten a hneh thu asawi a, chhan vak ngaihna pawh ka hrelo...

"naktuk ah in ah i awm dawn em?.."

"awm ka ring"

"i phal chuan ka loleng ang aw..."

"phalloh tur pawh awm hleinem... Lo leng la..."

Rilru phur ru tak, huphurh deuh siin ka mu ta a... Ka helhhawlh bawk nen ka muhil thei ta reng reng lo...

Ka let kual ka let kual a, khawvar dawn hnaih chuan engtin tin emaw ka muhil ve ta hram a.. Ka mumang ah Valtea ka hmu a...

Valtea nen chuan inneiin fapa duhawm tak mai kan lo nei a, Valtea nu hian alo bual a (anu hi atak ah pawh ka la hmulo).. Ka hlim takzet ani... Thawklehkhat ah chhum alo zing phui mup mup a... Engmah ka hmufiah theilo... Mangang takin ka lo au vak vak a...

"Puipui..." ka room kawngka in kik ri dawt dawt leh ka nu min ko thawm chuan minti harh hlawl a.. Ka mumang chu mak ka ti a, ka ngaih te pawh thalo rum rum a.. Mahse chhunlama ka thiltawn turin ka rilru rawn luah thar leh a, phur zetin ka tho ta vat a...

Zing chawei kham chuan ka chhungte thil tulah an chhuak zo ta diak a.. Rilru a nghahhlelh tak nei chungin in ah chuan ka awm ta ran a.. In ka tifai zung zung a, ka intih fel fai zawh hnu chuan engthawl zetin tv ka en a. Rei pawh ka la en hmain door bell arawn ri ta tat tat a.. Valtea ani tawh ngei ang..

Phur ru tak si hlauthawng ru deuh bawksi in kawngka chu ka va hawng a.. Nui sangin Valtea chu alo ding a...ka nuih let sak a...

"lo lut rawh...u"
a thianpa nen an ni... Ka thiam ang tawkin a thianpa pawh chu ka lo be ve sawk sawk a.. A thianpa Masanga chu thiltih tur tul a neih avangin rei pawh awmlo in a kal leh thuai a..
Masanga pawh chu mifel tak ani ngei ang tih a hmel leh a che zia atangin a hriat theih...

Masanga kal hnu chuan ka bulah arawn thu hnai nghal a.. Engtinmah minti lo mahse ka zam lutuk chu ka khur ru der der a.. Ka thin aphu dup dup a... Ka lungphu ri chu a hre pha ang tih ka hlau ngei mai... Phone ah te inbia in inhmu fo mahila vawiin chu kan boruak adang tlat.. Amah pawh chu a zam ve tho tih ka hre reng mai.. Ngawi rengin tv chu kan en dun a... A nuihzat thlak lai ah chuan kan nui dun leh hak thin a...

Valtea chuan ka kut arawn vuan ta... Ka zam chhe ta vek mai.. Tlemte pawn ka che ngam tawhlo.. Ka thaw dep dep a, ka mit ka khap ngam tawk ani... Heti em em a zeilo ka ni tih hi ka lo inhre lo reng reng..
Ka awmdan atang chuan ka che ngam tawh miahlo tih a hrethiam ani ngei ang ka kut a vawnna chu a thlah a.. Anui sak in ka hria... Ka zak lutuk chu ka mur chem chem a..

"Puipui, tunah hian ngaihzawng i nei em?"
Hmm..hepa hi kan inbiak tawh dan atang te khan ngaihzawng ka neilo ang tih te chu hriat ve awm tak... Mahse min duh ani tih atihlan bak chu hetiang lam kan sawi vak ngailo tak e...

"neilo..."ka ti sap a..

"anih chuan ka duh che tih i hria tiraw..?"

Ka ngawi reng a..
Amah pawh ka en ngam chuanglo..

"Puipui... I nungchang leh mizia te ka hriat hnu hian ka duh takzet che..."

Sawi ve tur reng reng ka hrelo... A sawi zawm zel a

"diktaka sawi chuan ka cousin te in a inlo kal a, ka hmuh hmasak ber ni che atang khan ka rilru ah i awm tawh a... Kan in hriat chian lehzual hnu hian ka thinlung takin ka duh ta che tih ka inhria ani..." a ngawi vang vang a.. Ka rilru chu a hlim ngei mai...

Ka kut arawn vuan leh a... Ka lama rawn awn hnai deuhin ka beng bulah
"ka duh che... Min duh ve thei angem?" arawn ti sap a.. Ka rilru hlim lutuk chu zuan vak vak mai ka duh hial a... Mahse ka aw a chhuak tha thei miahlo.. Ka hrawk ah atang tlat....

Ka bu nghat nghat a...

Min hnaih lehzual in arawn tawlh a, min kuah ta hle hle a.. Alam hawi turin min kuai her a... Hnai zetah kan inen dun ta ran mai...

"maimitchhing rawh.." ati sap a.. A thu chu ka lo awih ve mai bawk a.. A hmui lum thar thar chuan dim zetin ka tana a hmasa ber ni turin min fawp ta vang vang a...

Kan titi dun sep sep a.. Kan inkuah chial bawk a.. Kei aia mihring hlim hi an awm thei ngaiin ka ringlo... Ani pawh a hlim ve takzet niin alang.. Ka lo duhlo mai ang tih a hlauh zia te a sawi sap sap a... Kan in chuk deuh reng a...

Chawhnu dar 2 velah chuan thildang tihkual tur pawimawh aneih avangin a haw ta a.. A tlan liam thlengin ka thlir zui vang vang a...

A tlanliam fel ta maw tih veleh kawngka ka khar vat a, ka room ah ka tlanlut nghal a... Ka hlim lutuk chu ka zuang tawr tawr mai a.. Darthlalang a hmel ka hmuh chu keimah pawh ka anglo... Mi hlim lutuk vang a hmel nung sar ka hmu a.. Uluk lehzualin ka inen a ka hmui chu ka tuai nauh nauh a... Hlim zetin ka nui sak a...


Valtea nen chuan han inzui vak vak turin class kal kan ngai ve ve a, hunawl awm apiang ah kan inhmu hram hram thin... Kan pahnih a kan awmdun tawh chuan tudang mah kan ngai lo.. Kan hma hun tur te duhthu kan sam a, achang leh kan inhnial leh rap rap thin.. Mahse chung zawng zawng chu kan hlimna ti famkim tu leh kan induhna tizual tu anni... Inngaizawng nghet chho ta reng chu ka chhungte pawn an hrethiam ve vat a.. Ka tan mitha tak aniin an hre ve tho bawk a, chuchuan ka hlimna ati zual sauh mai...

A mizia zangkhai tak leh hlim reng mi anih na chuan nghet takin min zem tlat a, mihring nun ah hian hmel hlim sar put pawimawh zia ka hriat belh bawk..

Engmah buaina em em tawklo in thla 4 dawn kanlo inzui ve ta reng mai.. Engtiklai mai pawhin kan in ngai em em reng a.. Mahse mihring nun ah hian hlimna chauh a thleng thei silo..

Valentines' Day alo thleng ve leh dawn ta reng mai.. Ka theihtawpin ka inbuatsaih a, kan thian ho chuan tumdanga kan tih ngailoh angin chaweikhawm kan rawt bawk a, kan phur tlang ngei mai..

Zingkar la hma deuh tak ah chuan ka phone ri trat trat in min tiharh a, harhchianglo deuhin ka pick up a..

"Puipui, chhungkaw thil hmanhmawh thlak deuh ah Lunglei lamah ka phei angai a, pawi ka ti khawp mai... Vawiin chu.."

Ka harhchiang kawk a, ka rilru down nghal vek.. 'V Day ah berkher lehnghal..timing lo lutuk ka ti rilru mawlh mawlh a.. Valtea chuan nuamlo atih ve tho ka rin avangin ka ngaihdan tak tak pawh ka tilang duh ta lova..
"avan zialo tak.. Chhungkaw thil anih chuan ka dang theilo che nih chu... Engtik nge ilo phei leh ang?"

"arei lovang..ka ngai che...ka bialnu.." ka nui sak a..
"keipawn ka ngai che.."

Van hit lo tak.. Ka duhber nen hlim takin ni kan hmang ral ang chu tih naklaiin.. Athil tur ka leisak ka pack thlap tawh chu lungawilo zetin a melh reng ringawt a.. Chawhma lam programme chu a tlawlh ta phawt..

Chawhnu lamah chuan phurlo takin chaweikhawm na a kal tur chuan ka insiam a.. Valtea ber awm bawk silo, kalloh mai ka duh viau laiin ka thian dangte hmai ka zah vang liau liau in ka kal ve mai niang chu.. Uluk takin ka inchei a, ka scooty neih ve chhun chuan muangchang in ka inkhalh chhuak ta a..

Kan chaweikhawm na tur hmun ka thlen chuan pawn lam atang in thawm areh deuh thap a.. Ka thleng hmasa ber ani maw ka ti rilru nep nep a..Thian dang te chu an ngaihzawng te nen an awm thap bik anga nuamlo ngawt ang.. Let leh daih mai ka duh rum rum a...

Door bell hmeh tuma ka ban lai tak chuan kawngka chu arawn inhawng thut a ka phu chiang ngei mai..

"van tlai em em.. Kan kim thap tawh nia" Julie chuan alo ti nghal bawrh bawrh a.. Ka lut ve nghal mai bawk a.. Thiante ho chu anlo thu far tawh a.. Minlo be nghal mawlh mawlh hlawm a.. Phurlo deuh anga lan chi pawh ni tawhlo...

Julie te room kawngka chu a rawn inhawng thut a Valtea chu pangpar bawr nalh lutuk keng in alo chhuak a... Ka phawk hra mai...

"Happy Valentines' Day.. Ka bialnu..."

Ka tumloh lutuk a ka hmuh thut avang chuan ka hamhaih vek a... Ka ngei bawk si lawm bawk si.. A hmelah chuan tifuh a intih hmel em em lehnghal... Chu ni chu hlim takin kan hmang tluan ve ta mai bawk a...

BA final year exam ka hmachhawn ve dawn ta reng mai.. Ka theihtawpin lehkha ka zir a... Tha taka ka zir angai reng ani.. Valtea nen kan inneih hunah kan fate tan pawh nu tha tak ka nih theih nan... Exam a hnaih avang in ahma angin kan inhmu tam thei lova, phone erawh chuan kan inbe zing tho mai..

Kan in exam zawh dawn hnaih ah Valtea chu Lunglei lamah a phei a, kan inhmuh khat vangin ka rilru ah ka duhna te, ka ngaihna te a nep phah chuanglo.. Ka thinlung hian a ngai ngawih ngawih reng mai ani..

Exam kan zo a, ka titha thawkhat bawk a, rilru pawh a thawveng halh mai... Lunglei lama kan unau te anlo zin phei ve bawk a, kan inhmu khawm khat bawk nen kan ri laih laih reng a..

Zan khat chu Valtea leh a thianpa Masanga chu min hrilh lawklo in kan inah anlo kal hlawl mai a.. Chumi ni chuan Valtea chu Lunglei atangin alo phei ve chiah alo ni a.. Kan inbe reng tho nain engmah min hrilh lo a.. Thil eng engemaw minlo hawn a ka hlim ngei mai..

Ka cousin Mapuii chuan Valtea chu mak tih hmel deuh hian a en leh thin a, ka ngaih a titha zan lo...

Valtea te thiandun an haw hnu chuan ka nghak thei thlawtlo a Mapuii chu engvanga Valtea kha mak tih hmel deuh a en sek nge tih ka zawt nghal tawng a..

Mapuii thu min hrilh chuan ka thinlung a nghawr nghing dawt mai...
Mapuii chuan tunhnai deuh ah Lunglei a an thenawm te in ah Valtea chu a hmuh thin thu te leh, nula senior ve lam tawh a awm a chunu chuan a buaipui lutuk tih thu te min hrilh a.. Rilru put dan tur pawh ka hrethiam lo a.. An in ngaizawng ngei em tih a hre chiang bik silo.. Valtea ber helam (Aizawl)ah a awm tam zawk bawk si.. Ringhlel in thinrim ringawt dawn pawh ni ila thuchiang tak ka hre silo a, rilru rit tak engmah ngaihtuah chhuak silo in chumi zan chuan ka muhil tlem kher mai...

Valtea awmdan ah erawh engmah rinhlelh tur a awmlo, a hma ang reng in ka chungah a tha a, ka rilru tak takin ka ring em em a, ka chungah thil thalo a thlen tir duh ka ringlo bawk a.. kan hunawl neih apiang in kan inhmu reng tho a. Mapuii thu min hrilh pawh chu engmah sawichhuak lovin ka ngawi bo ta a..
A thinrim na tura thiltih ka duhlo a, ka rilru leh ka thinlung zawng zawng min neihsak tu chu ka then thei dawnlo a, inthen ngaihtuah ringawt pawh ka ngam ngailo..

Zankhat chu ka thian pakhat in min rawn bia a, athu min rawn hrilh chuan ahma a ka rinhlelhna arawn tithar leh ta..

"vawiin ah Valtea kha hmeichhe pakhat nen bazar ah ka hmu ania.. Mak ka ti deuh a ka rawn hrilh mai mai che.."

"awihawmloh emai, vawiin ah in ah a awm nileng alawm.." Valtea min hrilh dan leh ka hriat dan ani tlat.. Ka thiannu lah chu arawn chiang nasa bawk si..
Chumi zan chuan ka insum thei ta nganglo a Valtea chu ka va be ta nge nge a..

Chhun lamah a chhuak ngei tih a phalo a, mahse a chhuahpui nu asawi dan leh ka thiannu min hrilh dan a inanglo.. Dawt min hrilh ka ring ngailo a, keiin thudik chauh ka hrilh thin avangin keimah ang turah ka ngai nghet tlat a.. Ka rindan hi alo diklo em ni... Rilru hah leh rit burin ka awm a, ka mumang thlengin a buai zo vek a..

Kar aral a Valtea nen chuan nileng a inbiak loh chang kan nei ta zeuh zeuh a.. Nileng a kan inbiak loh hmasak ber ni chuan awm ngaihna ka hrelo a, ka ngaihtuahna chuan a englam pawh a thlir thei tawhlo.. Aman min biak loh theih chuan ka thei ve tur ani tiin ka infuih sauh sauh a..

Chumi hnu a kan inhmuh leh pawh chuan a awmdan ah danglamna a awm chuanglo..

"Ahma a thilthleng kha chu engmah anilo tak tak, nangmah chauh ka duh ber che.. Chu chu engtiklai pawn hre reng la duh" tiin min kuah hle hle a...

Keichuan a thusawi zawng zawng te chu a bo a bang awmlo in ka ring vek a.. Amah vanga rilru hahna ka tawn tawh te chu theinghilh vekin lungawi takin a awm ah ka bei hle hle a.. Kan awmdun tawh phawt chuan thil engkim atha vek ani mai...

Hun arala kan exam result pawh a chhuak ve ta.. Ka inrin lawk aia tha in ka pass bawk a, a nuam ngei mai. Chhungkhat leh thiantha te sawmin chawhlui kan kilho a.. Ka hlim takzet ani..

Ka chhung te chuan hmundang a zirna chhunzawm turin min duh a.. Ka huphurh em em a, ka chhungte ka ngaihna tur chu thuhran nise Valte hlat tak a awm chu inbe thei tho mah ila a harsa dawn em ani.. Mahse ka hmalam hun ka ngaihtuah in tha taka lehkha ka zir angai ani tih ka hria..

Tha takin lehkha ka zir anga, hna tha tak te thawk in Valtea nen chhungkaw hlim tak kan la din ve ngei ang tiin ka infuih a.. Valtea hmu phaklo leh abula awm thei rihlo tura ka in ngaihtuah chuan ka huphurh takzet zet a..

Delhi ka pan hma zan chuan thiante sawm khawm in inthlahna hun te kan hmang ho laih laih a. La hma deuh takah thiante chu an haw ta zeuh zeuh a... Valtea nen chuan hun min pe tih kan hrethiam reng mai...

Thiante an haw darh zawh hnu chuan inchung zawlah kan pahnih chauh in kan awmdun ta ran a.. Ka lungleng lawk lutuk chu ka ngaih te pawh athalo rum rum hial mai... Inthlahlel takin kan inkuah vawng vawng a...

"hun rei tak kan nghah angai tawhlo ang... Tha takin kan zirlai kan zo ve ve anga, Pathian in kan tan rem aruat ngei ngei ang"
Valtea thusawi chu ka chhang theilo.. Ka pawm nghet zual sauh sauh a.. Ka tawng chuan ka tap chhuak nghal mai ang tih ka hlau a ka ngawi ran mai a..

Kan infawp vawng vawng a... Hun hi ding reng se inkalsan ngailo in awmdun reng thei ila ka va chak em.. Chu thil chu keimah chauh hi a chak awmchhun ka ni biklo tih ka hria...

Zan dar 11 dawnah chuan hreh takin min hawsan ta a..

Atuk ah chuan Airport thleng in min thlah a, a mizia chu a cool raih a Airport kan panna kawng tluanin ka kut chu nghet takin a vuan tlat a... Sawi ngailo in awm hran chu a huphurh ve hle tih a chiang reng mai...

Hun lah chu min ngaichang miahlo in aral hmiah hmiah si... Thlawhna ah chuang in kan thlawk liam ta vung vung a... Ka mittui ka dang zo tawhlo.... Ka biang ah arawn luang ngiai ngiai a...
"Valte, min lo ngai reng ang che aw... Ka ngai lutuk che" tiin ka phun sep sep a..
Delhi ah chuan thla thum lai ka awm ve leh ta reng mai.. Ka awmtan atanga thla khat chhung chu sawi mai theihloh khawp a nasa in ka lungaleng em em a, tuar har khawp ani.. Ka chhungte leh Valtea nen pawh kan inbe nasa khawp mai.. Haw leh mai te ka duh rum rum thin.. Mahse ka hma hun tur ngaihtuah in ka infuih phur hram hram a. Ka lungleng lutuk pawh zirna avang in ka buai ta reng bawk a azia ve sawt viau a..

Thla khat dang aral leh hnu chuan Valtea chu a awmdan a danglam tlat in ka hria a, min rawn be thìn tho nain a hma ang ani tawhlo a hriatna ka nei tlat a, ka phone pawh in pick up loh anei ta deuh reng mai a..
Ka rilru a hlauthawng a, ka chan mai ang tih ka hlau em em a.. Thil ngaihtuah vak vak ka ching thar ta riau bawk a.. Thinlung rit bur leh chau hluah hluah in ka awm fo a, ralkhat atang chuan thil zawng zawng a sawifel theih bawk siloh.. Amah tihlim turin ka theihtawp ka chhuah thin tak meuh meuh a..

Zankhat chu lehkha ka zir mawlh mawlh laiin Mapuii'n min rawn be hlawl mai a.. Lunglei lamah Valtea a hmuh thin thu min rawn hrilh a, Valtea nen kan inbiak khan engmah min hrilh silo a...
Mapuii nen kan inbiak zawh chuan Valtea chu ka phone ta ringawt a.. A ring quit thak thak a, tihngaihna ka hrelo.. Ka beidawn tawh hnu chuan min rawn phone a ka rilru in kalo titau tawh sa nen ka pick up duhlo a, ahnu ah message arawn thleng a...

"ka buai lutuk a, chhungkaw thilah ka haw phei lawk a.. Enge nita?"

Rei fe hnuah ka han phone leh nge nge a...

"midang hnen atangin i chanchin ka hre reng a anuamlo lutuk, chanchin minlo hrilh ve zung zung thin la.." ka thinrim viau nain ka aw chu ka ti dam lui hram hram a..

"ka buai lutuk alawm.. Min hrethiam ve thin la..."
engtin tin emaw kan sawikual hnuah kan intha then thei ta hram a. Ka rilru a hlauhthawnna ka neih zawng zawng nen ka rilru erawh adam zan lo...

Hun aral zel a, December thla kan thleng leh ta reng mai.. Haw ka chak tawh viau a mahse Valtea nen kan inbe khat telh telh a.. Han be hmasa tu nih reng ka hreh ve si.. Atan ninawm mai ka ni ang tih ka hlau tel bawk a.. Thil a thalo zawngin ka ngaihtuah a, sawi hleihtheih loh khawp a thinlung thawpik in ka tap zantin a.. Ka thinlung in ka rum tak meuh ani.. Ka chan tur nilo a ka ngaihtuah ringawt pawh in ka chau nghal vek thin.. Rilru hah ru tak chung chuan nunphung pangai ka zawh hram hram a..

Nikhat chu Masanga'n min rawn be teh hlawl a.. Masanga hi Valtea nen an inkawm nasa bawk a keipawhin ka kawm ngeih ve hle a...

"chanchin kha arawn hrilh tawh che em?.."

"hrilh lo aniang.. Enge nita? A damlo mi?.."

"ahh...i hrelo tak tak a ang e, amah khan engmah a sawitha duhlo aa.."

"uang suh enge aa.."
Nidang ah pawh min tih der aching thin hrim hrim a, a thusawi ka awih mailo thin reng a..

"tak takin Puipui... Nupui a nei dawn tih a hrilh lo che maw..?"
a aw chu a thutak hmel ta tlat...
"Masang..intih derna chi anilo ania.." ka tawng chu a khur vek a, ka in control hlei thei lo...

"Ani tak tak alawm, March thla hian an innei dawn a, thianpa chu in inkar thu engmah a sawi tha duhlo ka ti reng a. Ani pawh..." Masanga tawng chu hla taka ri angin ka hria a.. Ka thu hnawk a....

Engmah ka ngaihtuah lo, ka rilru chu a chawl tawp a.. Thil reng reng hi a chawl thup nimaiin alang... Ka tah a chhuak lova, ka en ngai ka en tlawk tlawk a... Zawimuang in ka tho a ka mu nghal thlawp a.

Ka ngaihtuah na chu a harh tial tial a.. Enge thleng ta le... Ka hlauh ber thil chu hei ngei hi anilo em ni? Ka rilru na lutuk chu awm ngaihna reng reng ka hrelo.. Ka thin ah a hnawh up up a, ka tap theilo... Khum ah chuan ka let kual ka let kual ringawt a..

Ni aral a Valtea hnen atangin chanchin engmah ka hrelo.. Ka be ngam tawh lo a, ka tuar tlawk tlawk ringawt mai ani.. Engmah ka ei theilo a, ka muhil thei hek lo. Kar khat aral leh chuan hmuh theih khawp in ka taksa a danglam a.. Thil ka ei theih bawk siloh avangin ka damlo ta hial a.. Ka chhung ten chanchin an hria a, min ngaihtuah in an mangang a, ka nu chu min awmpui turin alo kal a, ka taksa chaklo tak a hmuh chuan engmah sawilo mahse min lainat em em tih ka hre thei ani...

Zan khat chu ka taksa chaklo lutuk avang chuan ka buai nuai a ka nu mangang chuan Damdawiin ah min awmpui ta ringawt a..

Ngaihzawng then avanga damdawiin awm ngai hial khawp a ka awm chu zahthlak ka ti a, mahse ka tuar hi ana em ani...

Hetiang khawp a na hian ka tuar tih Valtea'n a hria ang tih ka hlau a.. Ka zak ngawih ngawih a... 'Hetiang thil hi a thleng theilo" tiin ka phun mawlh mawlh a...Hnawl nih hi ana em asin..Valte..engmah sawifiah loin heti hian i awm ringawt theilo... Ka thiante pawh ka hmu ngam dawn em ni..?

Amah phei chu vawikhat pawh hmuh ka duh tawh lo ang... Chak taka ka awm angai ani.. Ka tlu hlen theilo...

Ni aral a, ka tan chuan rilru natna tizual tu mai ani.. Ka tana ni hman chakawm loh ber a hnai tial tial si...

Valtea hnen atangin chanchin engmah ka hrelo a, Masanga chuan min rawn biak a tum thin nain biak vak nachhan tur ka neih ka hrelo.. Rilru natna belhchhah tu tur mai mai bak arawn sawilo ang...Ka hun tawn mek ah hian tuman min hnem zo dawn chuanglo tiin ka ngaihtuah tlat a..

Ka that deuh hnu chuan damdawiin atangin kan chhuak a. Nunphung pangai taka nun ka tum hram hram a.. A awlsam lo kher mai.. Kanu pawhin hreh tak chungin min hawsan angai ta a.. Min ngaihtuah a rilru ti hah vak vak lo turin ka theih tawk a nasa in ka chah mawlh mawlh a...

Mapuii hnen atangin Valtea chanchin thenkhat chu ka hria a, a nupui tur chu mi puitling tawh ani a, Valtea hlim taka a awm tur anga ka ngaihtuah chuan ka lawm tho mai... Mahse keimah nilo midang bula chenga hlim taka a awm bik tur ka ngaihtuah chuan ka thinlung ana in ka tawt up up a, ka tello leh ka hnem phakloh a lungngaihna a tuar erawh ka phal silo.. Heti khawp a na a min kalsan chung pawh hian ka haw thei chuanglo a.. Harsa ti tak chungin a hlim theih nan ka tawngtai sak leh ringawt thin a..

Ka in ngaihtuah vak vak a, ka chan chu tlawm thlak ka ti a, ka theihtawp in lehkha ka zir anga engemaw tak ka la nih ve ngei angai ani tiin nasa lehzual in lehkha zir ka tum ta a.. A har thin ngei mai.. Chawlh ka neih pawhin in lamah ka haw duhlo a, ka thian te leh Valtea thiante hmuh chu ka thil hlauh ber ani.. Mapuii hnenah pawh a chanchin engmah min hrilh lo turin ka hrilh tawp a.. Chu chu ka dam hma na tura rin ka hriat chhun awmchhun ani..

Hun aral zela Valtea nupui neihni pawh alo thleng ta.. Zingkar atangin ka chhungte leh ka thian ten min rawn be zut hlawm a.. Tuman min hnem zo chuanglo.. Ka that thu leh min ngaihtuah lo tura ka duh thu ka hrilh hlawm a. Phone ka off hmak a, class pawh kallo in ka mu hmak a..

Tihtheih engmah ka neilo.. Achangin ka tap a, achang leh rilru tawt lutuk in ka rum vawng vawng a.. Tunah hian enge an tih tawh ang? Inneih thutiam an chham tawh angem? tiin zawhna chi hrang ka chhan senloh tur ka inzawt mawlh mawlh a..

Ka tho thut a Laptop ka on rawk rawk a, Valtea nen a sulhnu kan neih ka hriatchhuah theih na tur ang chi zawng zawng chu ka delete ta hmiah hmiah a..

'Rilru nat lehzual theih na tur thil hi engmah ka mamawh lo' tiin ka phun mawlh mawlh a...

Chanchin engmah hre zawmlo in ka nung ve mawp mawp a, rilru lakpen tumin lehkha ka zir lui vak vak a.. Ka rilru tak tak in Valtea chu theihnghilh ka tum ngailo a, ka phal hek lo..

MA ka zir chhung kum 2 chu vawikhatmah Aizawl lamah ka haw lo a. Vanneihthlak takin MA chu tha takin ka zir zo ve ta reng mai..
Hetih chhung zawng zawng pawh hian nikhat te pawh Valtea chu ka theihnghilh ngailo.. Nupui neiin hlim takin a awm ang tih hre reng chungin ka thinlung ah beisei na nung a awm reng a.. Amah va biak pawh a an nupa inkar tihbuai erawh vawikhat pawh ka ngaihtuah chhin ngailo.. Engang beisei na nung nge maw ka neih tlat le? tiin ka inzawt fo a, ka zawhna chhanna tur erawh ka hre ngai lo...

Door bell ri ral ral chuan ka ngaihtuahna kalding lai chu ati tawp chawt a...

"Puipui... Puipui.." ka harhchhuak zawk a. Kanu bazar alo haw tawh ani ngei mai.. Kawngka ka lo kalh leh daih ani maw...?
Inthiam lo ru deuhin kawngka chu ka va hawng vat a...

"ka rin aiin ilo haw hma.. Enge min rawn hawn.?"

"a hma tawh hleinem... Dar 3 ari dawn tawh... Bag kha lo check la..."

"thingpui ka siam ang che aw.." kanu bazar haw hnenah chuan ka lo ti zung zung a...

Hun tamtak liam ta a ka thiltawn, tun thlenga engmah dang ngaihtuah theilo a min siamtu ka ngaihtuah fuh tawh laklawh hi chuan hun te hian ka tan awmzia anei thin lo...

Valtea'n nupui dang nei a thinlung kehchhe vek a min kalsan atang khan kum aliam ve ta nual mai.. Tunah chuan nula puitling tak tak ka ni tawh a.. Thiante leh chhungte pawhin "pasal neih te hi tum hnai ve tawh teh minti sek tawh hlawm a..
Mahse ka hun liam tawh a ka duh ber.. Tun thleng pawha ka thinlung a nung reng si avang hian chang dang ka kan theilo ani e...

Mite ngaih chuan nula puitling pangai, hna tha tak nei a inchawm zo ve pawh ka lo ni thei e mahse ka thinlung erawh a ruak mai ani si...

Ka hna ah ka tui bawk a, rim taka ka thawh bakah kohhran leh khawtlang ah ka phak tawkin ka inhmang ve bawk a..

Hun liam ta zawng zawng ah khan ka ngaihven duhloh chu thuhran nise Valtea chanchin ka hre tamlo a. Thianpa Masanga'n min rawn hrilh atum chang pawhin ka ngaithla duh ngailo.. Lunglei ah an nupa in hna an thawk ve ve tih ka hria a, naute an neih in Mapuii'n min rawn hrilh a.. Abak chu engmah hriat ka neilo.. Areh vawng vawng a, chanchin chhe lam hriattur a awmlo bawk a, an dam tha ani mai tiin ka ngaihtuah thin..

Mihring pangai ni ve ta chu ka phuloh pui pui min beisei tu pawh ka tawng ve thin, mahse tu lakah mah ka rilru a bet theilo a, ka thiam ang tawk a damin ka hnar hlawm a. Valtea ka rilru taka ka theihnghilh theih hma chuan tu lakah mah lemchan ka duhlo a, ka hnen a alo let leh beisei vanga ti erawh ka nilo tih ka inhrechiang hle.. Hun tamtak ral tawh mahse ka tan chuan hmanni lawka thil thleng ang mai ani reng a, nitin vawikhat tal amah hrechhuak lovin ni ka la hmang rallo.. Keimah ngei pawh mak ka inti a, ahunlai khan ka duh lutuk tih ka inhria a, mahse amah ka hloh hnu hian ka hmangaih ani tih ka hrethiam chauh ani.. Awmzia a awm tawh silo..


Ka thiannu birthday lawmna tur vel buaipuiin nikhat chu kan lengchhuak a, dawr lian tak chhung a kan duhzawng kan thlan mawlh mawlh lai chuan ka piah deuh mai a ka thil hmuh chuan minti phu chiang ngei mai.. Rang lutuk in ka bula an thawmhnaw zawrhlai an khai dul karah chuan rem leh remlo in ding nghal a. Dawr a awm ve te chuan mak min ti ngawt in ka ring.. Aw ri ka hriat chu ka bengah a mikhual lo kher mai.. Alo ri hnai telh telh a, ka che sawn ngam tawhlo.. ka thaw dep dep ngam tawk a... Minute khat pawh tlinglo chu rei ka ti ngei mai.. Chu aw chu ari hla telh telh a ngam leh ngamlo in ka enzui a..
He mihring hi chu khawihmunah pawh eng hunah pawh hmu ila ka hai ngailo ang..

Valtea chuan naupang a pawm a, abulah chuan hmeichhia akal bawk a.. Ka thin a phu dup dup a, ka tha a khur vek bawk a.

'Chhungkaw hlim tak ni ngei rawh se' ka ti rilru rilru mawlh mawlh a. Ka thiannu in min koh thawm ah chuan ka phu zawk a. Kan mamawh kan lam zawh chuan muangchang in kan haw ta a.

Chhun lama ka thil hmuh chuan min ti chau hluah hluah a, zan lam ah chuan ka thiannu birthday lawmna ah rilru phurlo zetin ka va kal ve a.. Masanga nen kan inhmu hlawl a.. Titi pui tamlo turin ka inveng tang tang a, a sawt tehchiam lo.. Eng eng emaw kan sawi duah a, damthat loh chhuanlam in la hma deuh takah ka hawsan ta a..

Ka rilru a thar a, zanah chuan ka muhil eihlo.. Ka hetih ka hlauh vang hian hmuloh ka duh ngawih ngawih thin reng ani..

Hun arala hmuhloh leh chanchin hriatloh bawk chuan ka pangai chho ve leh mai bawk a..

"Derna anka chauh pawh nise, keizawng ka nghilh phallo.. Ka hmangaih che.. Ka hmangaih reng che"

Min kalsantu lakah chuan hetiang rilru hi ka pu reng a, keimah ngei pawh ka inhrethiam thei lo chu ni e.. Hun a liam zel a, hunliam chuan ka thinlung ngaihtuah na a thil awm erawh a liampui lo.. Ka buai buai in ka buai ve reng bawk a..

Nikhat chu hma takah ka hna ka zo a, ka hritlang pik deuh bawk nen ka hnathawhna hmun atangin ka haw hma a. Ka thiannu nen a kan thil buaipui velah inhmuh lawk kan ngai tho bawk a, ani chuan kan kal thanna restaurant ah minlo nghak dawn tih min rawn hrilh lawk a.. Hmun dangah pawh peng kuallo in ka thiannu min nghahna hmun chu ka panding nghal a. Engmah ka la ei mumal lo bawk nen ka pum chu a ri raih raih a...

Restaurant chu ka thleng thuai a, ka thiannu chuan minlo nghak leh tawh ngei ang..

Dawr kawngka ka pen lut tur chiah chu kawngka lam hnaih ber thutna atang chuan nui ri ka hriat than em em thin, rei tak kalo hriat tawh loh chu ka hre thut a...

Valtea chu kawngka hnungchhawn zawngin a thu a, a bulah chuan mipa naupang duhawm tak kum 3/4 bawr vel tur sam kir chiat mai a thu bawk a.. Chu naupang hmel leh mitmeng ka hmuh chuan tu fapa nge tih tuma min hrilh ka mamawh lo...

Dawr ah pawh lut talo chuan hmanhmawh zetin ka kalsawn nghal ta dawr dawr a,ka tlanchhia ani ber e.. Reilo te chhungin ka ngaihtuahna chu a kal thui hman ngei mai..

Ka harhchhuak thut a, ka thiannu chu ka va be nghal a, thiltul dang tihtur hmanhmawh thlak tak ka neih thut vangin ka hmuh leh theihloh tur thu ka hrilh ta ringawt a.. Zan lamah an in lama kal mai turin ka intiam a.
Ka thiannu lakah chuan ka inthiam lo ngei mai.. Mahse ka mi hmuh hlauh ber te khan min hmu ang tih ka hlau em ani...

Vawiin ni taka motor nen ka chhuak lo chu ka lawm leh hnuhnawh khawp mai a.. Muangchang zetin in lam panin ke in ka haw ta a.. Kal pah chuan ka ngaihtuahna ka kawm
melh melh a..

Valtea nen kan inzui laia ka duhthusam thin chu a thleng ngai dawn talo.. Ani nen chuan innei in hlim takin kan awm anga, amah ang tak fapa duhawm tak ka hrinsak anga, keini aia hlim tumah an awm thei lovang tiin ka ngaihtuah thin kha nia.. Tunah chuan khang ka duhthusam thin zawng zawng kha engtik ah mah a thleng ngai dawnlo tih ka hrechiang ta..

Valtea chuan fapa duhawm tak anei tawh a, keimah nilo midang nen a an fa ani... Ka rilru a rawn na vawng vawng a, ka thaw hawk a.. Tunah chuan ka thinlunga beiseina ka neih kha a bo dawn ta niin alang.. Ka beidawng ta hluah hluah a.. Ahma khan engvanga beisei na nung lo nei tlat thin nge ka nih ka in zawt a... A chhan ka hrelo.. Ka â zota ani ngei ang...

In ka thleng chu ka chau hnawk a, phurlo takin ka intifai sawk sawk a.. Ka lungngaih laia ngawi renga ka awm ang ang a min dawngsawng thin tu ka khum ah chuan ka bawk thlawp a.. Ka ngaihtuahna zawng zawng pawh a zuai ruih a...

Valtea'n ka nun a thil chi hrang hrang a thlen te ka ngaihtuah nawn leh a..
Ka nuna ka hlim lai ber ni a ka hriat chu amah nen kan hmang dun a.. Engmah sawilo in na takin min kalsan a.. Hun rei tak hnuah a nupui fanau te nen ka hmu a.. a fapa duhawm tak chiang takin ka hmu leh bawk a.. Khang hun ralta zawng zawng ah khan amah hre reng chungin ka hun ka hmang ral thin a.. Tunah erawh beiseina nung ka la neih chhan tur engmah ka hre talo.. Ahma pawh khan engvang a beisei na nung nei nge ka nih ka hrelo takzet...

Nun thar a ka nun a hun ve ta ani e.. "Valte, ka nuna hlimna min thlensak te chauh kha ka dam chhung a ka hriatreng duh awmchhun anni.. Ka hmangaih reng ang che... Hlim takin i nun hmang la.. I hnen atanga thil tha ka zir chhuah te hi ka hre reng ang" tiin ka phun mawlh mawlh a... Ka hriatloh karin ka lo muhil ta daih a..

Tlai lamah chuan ka chhung te lo haw thawm ah ka harh hlawl a.. Ka tho thuai a, phur zetin eirawng ka bawl ta a..

Ka muthilh hlan khan thil mak a thleng ani ngei ang.. Keipawh in mak ka tih khawp in ka rilru chu a zang a.. Ka thawveng halh mai a.. Pathian in mangang taka ka tawngtai thin na te chu chhang in nun thar in ka nung ve thei dawn ta ani ngei ang...

Eirawng bawl pah chuan ka zai rat rat a.. Ka phone arawn ri ral ral a...

"tunang hunah tu tak nimaw?"tiin phone chu ka pick up a....
"Puipui.. Vawiin ah Valtea ka hmu a. A fapa pawh lian tawh reuh lutuk.." arawn tawng dan atang chuan Ruatsangi nimaw... timing lo emai, ka phone chu off ka tum zet a, ka off leh ta em lo a..

"Ruatsang.. Ka buai rih lutuk a, nakin ah ka lo be tha ang che aw..." phone chu ka off nghal a.. Mahni tawka theihnghilh tuma ka beih hrep hnu ah ka theihnghilh ve tan tawh dawn aniang ka intih laia Valtea chanchin hriat chu ka mamawh loh ber thil ani rih tlat..

Ruatsangi nen hian kan inkawm ve zauh zauh a, kan tih duhzawng a inan loh em vangin rilru takin kan inpawh ngai lemlo a, tunah ani hi chuan a pasal pahnihna anei mek a.. ka number ala nei ang tih pawh rin ngaihna ka hre tawhlo zawk a..

Rilru zangkhai pangai takin ka hun ka hmang ve zel a.. Valtea a fapa nen ka hmuh atang khan thla hnih alo ral leh reng tawh mai.. Nitin la hrechhuak thin tho mah ila, ahma a natna nasa tak ka neih thin khan min kiansan ve ta a.. Ka nun pawh a hma ang in a pangai chho ve leh tan ta a...

Tumkhat chu kan cousin fanu birthday lawm na ah kan unau in kan kal dial a.. Kan hlim phian mai.. Kan cousin Nunpuia te nupa chuan an thiantha te an sawm nual bawk a, naupang birthday lawm e tilo chuan a lawm tute chu kan naupang chhe hlawm vak lo... Zan arei hnu chuan la ui tak chungin kan haw ta hlawm a..

Ni hnih vel aral hnu chuan Nunpuia chuan min rawn bia a, a thian pakhatin ka number alo dil a pek ka phal leh phalloh min rawn zawt a.. Engamah hmain a thianpa chu comment arawn pe tha nghal em em ringawt bawk a.. Infiam bawrh bawrh chungin pek pawi ka tihloh thu ka lo hrilh ve mai bawk a..
Nula pangai tak ka ni ve tawh bawk a.. Pawi ka ti tehchiam lo.. Chuta tanga rei vaklo ah chuan Nunpuia thianpa chuan min rawn be ta thuai reng a.. Reilo te ah facebook lam atang te in keipawhin ka lo chhui ve thuai bawk a..

Johana chu mifel tak ani reng a, an unau a mipa awmchhun ani a, ka cousin Nunpuia sawidan takin sawisel tur awmlo ani ringawt mai.. A palian a, a zaidam a, a invawng fai bawk a.. Rinchhan tlak tak ani reng ani...

Kan inbiak ve fo hnu chuan Johana chu kan inah arawn leng ve ta zeuh zeuh a, min ngai pawimawh thiam em em a.. Ani hi Valtea ka theihnghilh theih nana Pathian min pek ani thei angem tiin ka inkhap buai ta chhen mai..

Johana awmdan atang chuan thil a ti mai mai lo tih a hriat a, mahse a hma a mi ka lo rinsual tawh avangin ka hlauthawng a, ka fimkhur bawk a.. Awlsam taka inzui ngheh mai ka duh tawhlo..

Karleh mai hian kum 28 ka tling ve dawn ta reng mai.. Ka birthday chu lawm leh ngei tumin ka rilru in ka inbuatsaih ru sauh sauh a...

Hun aliam duak duak a, ka birthday alo thleng leh ta.. Thian tha te sawmin kan in ah chuan chaw kan eikhawm laih laih a.. Kum 5 kalta chhung khan ka birthday apiang in phone number ka la hriat ngailoh atang hian wish ka la dawng ziah a, lawmthu ka va sawi let pawhin chhan let na ka dawng ngai lo a, tu tak chu nimaw tiin mak ka ti ru deuh thin.. Tunge ni ang tih erawh rin ngaihna ka hre lo.. Tunge tih nakin ah ka hriat nan ka save ta tho a.. Tun tumah pawh chu number atang chuan duhsakna thu ka dawng leh a, tun tum phei chu Pathian thu tha tak arawn inziak tel lehnghal a..

Johana nen chuan kan in be zing telh telh a, kan leng chhuak dun ve ta zauh zauh bawk a.. La in ngaizawng nghet chiahlo mah ila
keipawhin ka rilru ka pe ve tan tih ka inhria.. Johana pawh chuan a hunawl neih ang ang chu ka tan a hmang tih ka hailo a, ka tan mitha leh fel tak ava ni em...

Zankhat chu tv en in ka thu kual vel mai mai a.. Ka phone arawn ri ral ral a, en mang hleilo in ka pick up a...

"Puipui.. Chanchintha ka rawn hrilh dawn che.." Mapuii nimaw.. Arawn tawng dan atang chuan a hlim hmel phian mai..

"eng chanchin maw.? I number i thlak ami?.."

"chung mai mai sawi hun anilo... Ka lo hre har zawk a, thla hmasa daih tawh khan Valtea te an inthen anih chu.."

"thu tak ve deuh teh... Intihder na chiloh emai... In dam tlang maw..?" ka awihlo lutuk chu ka nuih aza zawk a..

"van kaw lo tak.. Ani tak tak alawm.. Thenawm nu hi ka hmu zing lutuk a, mak ka ti deuh reng a, vawiin ah ka thian ten an sawi a ka hrechiang ve chiah lawm.. Ani tak tak ania.. Ka lo lawm tawp.."

"chungte chu chanchintha pawh nih chiah loh chu.. Fate hial an nei tawh a.. Ava pawi ve.. Enge an inthen chhan?"....


"Ka hrechiang lo, chhungkaw thil vel ani awm e.. An sawi dan chuan a nupui kha tha vaklo niang.."

Mapuii thil min rawn hrilh chuan ka awm ati nuamlo run mai a.. Ngaihtuah loh ka tum pawhin ka lo ngaihtuah leh vung vung thin a.. Ka tv en pawh tui thei tawhlo, la hma deuh takah ka mu ta ringawt a..

Ka taksa chau ve deuh bawk nen ka muhil thuai a..

Zing dar 5 velah ka phone a message tone ri trat trat chuan min tiharh a..

"Good morning.. I mumang ah minlo hmu em?" Johana chu zan lama Mapuii chanchin minlo hrilh in ka ngaihtuah na a luah tlat avangin ka lo theihnghilh hmin deuh der a.. Ka ngaina viau nangin Valtea laka ka rilru leh alaka ka rilru put dan chu khaikhin chi anilo tih ka hrechhuak chiah ani..

"Morning..tho hma ve.." zing kar kar ah kan in text zawm nual bawk a...

Ka rilru chu a kimlo huih maiin ka hria.. Valtea chanchin chuan ka ngaihtuahna luah tlat a..
"ka buai ve na tur engmah awmlo..." tia ka inhrilh mawlh mawlh chung pawhin ka hriatloh karin ka lo ngaihtuah leh thin a..

Zankhat chu Masanga alo leng hlawl mai a, kan inhmu lo rei vang vang nen ka hai thelh a.. Kan titi bawrh bawrh a. Ka hlauh ang ngeiin Valtea te chanchin a sawi kai ta nge nge a.. Ka sawipui tha vak duhlo chung pawn hmanlai thil nen asawi kai ta zel a.. Hriat nawn leh chaklo takin ka ngaithla lo thei silo..

"Puipui, nupui a neih dawn a a rilru hah zia kha hriatpui la chu.."

"thildang sawi ang.. Thil nih tur ang ani vek tawh.."ka tawng lai chu Masanga chuan minlo pawt chat rang nasa mai..

"engmah i hrelo alawm, arawn be ngam tawhlo che a, i chanchin a hriat atang khan.. Nang lahin i be duh bawk silo.. A nupui neih chungchang ah pawh hian.. "

"enge ka chanchin hriat tur chuang awm a..? Chhuanlam siam chawp mai mai bak anilo ang.. Ahunlai pawh khan amah alawm danglam hmasa.." Masanga chuan mak tih hmel deuh in min en hu a..

"enge i sawi awmzia chu..? Delhi a i awm khan ngaihzawng i neihsan ani lawm ni?"
Masanga thusawi chu mak ka ti lutuk.. Vawikhatmah ka la ngaihtuah chhin ngailo zawk.. Chhan ngaihna pawh ka hrelo..

"chu thu chu tunge sawi a?"

"Valtea'n atir ah khan asawi a, a tuar na teh asin.. Vawikhat asawi bak kha chu nangmah nen in chanchin reng reng kha a sawitha duh tawhlo a.. Nupui a neih thut chhan pawh kha engmah asawi tha duh chuanglo... Rinawmi khan ahma atang in alo beisei ve reng bawk sia.." Masanga thusawi chuan ka ngaihtuahna ati kal thui ngei mai...

"mahse engmah awmzia awm tawhlo, ka tellovin hlim takin a awm thei alawm.." ka tawng chhuak tih pawh ka lo inhrelo..

Masanga chuan "engmah i hrelo tak tak anih hi.. Ka thusawi leh tum pawh i awih duh dawn chuanglo a, ka sawi tawhlo ange.." tiin thudang a sawi kai ta daih a..

Masanga haw hnu pawh chuan thil awmze awmlo ka ngaihtuah zawm vak vak a.. Tunah chuan engpawh thleng se, engvang mahin Valtea nen hian kan inkawp thei tawhlo.. Tawrhna nasa tak min thlensak zawng zawng te kha engtikah mah engvang mahin ka tuar nawn leh tawhlo ang...ka ngaihtuah ding leh vak vak chuan eng thiltha mah min thlen lo ang tih ka hria.. Rilru lakpen nan hla ring zetin ka ngaithla ta ringawt a..

Ka zai ngaihthlak lai chu tawp a, "ngaihthlak tui dawn veleh..ninawm lutuk" tih pahin ka phone chu ka en a.. Ka phu deuh zawk a..

Minlo phone tu chu tu tak nimaw..? Ka birthday apianga duhsakna thu min lo thawn thin tu kha ani tlat.. Tunge tih hriat chak deuh in ka pick up ta vat a.. Phone a aw ri chuan

"Puipuii ini tiraw" mipa aw ani.. Chu tawng ri chu ka la hriat ngai pawh anilo...


Phone a minlo be tu chu a rawn tawng zawm nghal mawlh mawlh a.. A thusawi te chuan minti bangbo ngei mai.. Chupa chuan

"a rei tawh bawk a, ka ngawi bo thei tawhlo, min hriatthiam mai angai ani... Ka tum aia nasa thil a thlen phah ta bawksi a.." a thilsawi tum engmah ka hrethiam lo...

"enge sawi i tum chiah..? Tunge i nih.." ka hlauthawng ru deuh hial a..

"insawi mah ila min hre chuanglo ang... Khawngaihin hmaichhan ah kan inbe thei angem?.."

"ka mi hriat inih loh chuan pawimawhna awmlo... Khawngaihin minlo hrethiam la, ka buai deuh a.." phone chu ka off nghal a..

Mak ka ti deuh viau na in ka ngaimawh zui tehchiam lova, ka nunphung pangaiin ka nung chho reng tho a..

Johana pawh arawn regular telh telh a, ka tana inthlahrunawm khawpin ka lakah a tha a.. Ka tan tha viau mahse keimah ngei pawh ka inhriatchian loh chuan alakah lemchan ka duhlo a, chuvang chauh a inzui nghetlo kan ni.. Heti ringawt a in nghahtir anga awm hi thiltha ber anilo tih ka hria a, ama hnenah pawh engkim ka sawi vek a, min hrethiam em em a.. Mahse ka duhvang ni hauhlo in rilru na in ka siam ang tih ka hlauthawng a.. Rilru natna tak tak ka tawng tawh a, khatiang natna kha tu tawn ve atan mah ka duhlo..

Zan khat Johana rawn leng chuan a cousin te inneihna ah kal ve ngei turin min sawm a, chhuanlam han siam vak vak mawi ka ti bik chiah silo, huphurh ru tak chungin aw ka pawh a..

Inneih ni chuan kan in ah Johana chuan min rawn lam thlap a, mahni tawkah ka inchei uluk a, ka inhmu dik ve tlarh mai..

Inneih hunserh kan hmang zo a, Johana min tihluih vangin thla te kan lakpui ve bawk a.. Haw nghal mai ka duh viau nangin mawi chiahlo ka ti deuh nen mo lawmna lamah pawh ka kal ve leh ta zel a.. Johana chu engmah sawi chuanglo in a hlim hle tih a hriat reng mai..

Mo lawmna hmun tur kan thlen chuan mak ka ti zawk.. Tual zawl zau takah hian dawhkan leh chair an hung thliah thliah a, eitur tuihnai tak tak lo sem pawl an awm reng bawk a, mo lawm a ka kal tawhna ah chuan apui berin ka ring hial..

Johana nen chuan dawhkan pakhat chu kil in kan titi a, kan nui leh hak hak thin a.. Theihtawp a min tih hlim tum tang tang tu bulah chuan tum bur a thut chu thil theihloh tawp ani.. Kan titi mawlh mawlh lai chuan ka hnunglam atang chuan ka hming a min ko awm tlatin ka hria..
Ka hawi phei a, min kotu awm ang tur ka hmelhriat tumah ka hmu silo...
Mi pakhat hi ka bulah chuan alo kal hnai a

"Puipui..ahunlo viau nain biak che ka duh a. Khawngaihin..?" ahmel en chuan mi sual hmel tak anilo a, tlangval lian lam, sam buk lam deuh, in uluk tak ani ang tih a hriat theih a.. Johana chu ka mit in ka rawn a, ani chu alo bu nghauh a...
"inchhung lamah tihtur ka nei a, tikhan lo titi ru..ka lo let leh thuai ang"tih leh thawh a kal arual nghal a...

Chu tlangval chu inthlahrun hmel takin ka bula chair ah chuan a thu a..
"kan inhmu tawh thin em?..." asawitur neih chu sawi vat vat se ka duh avangin ka lo be thuai a.. Ahmel hi ka hmuh tawh hnu a ang hrim hrim a, mahse ka hmuh tawhna hmun erawh ka hrechhuak zolo..

"oh.. Ni e, phone a lo be tu che kha ka nia... Diktak chuan college khat ah kan kal ho alawm..."

"ka tihpalh, hetiang lamah hian ka tlaw lutuk a..." thupha ka lo chawi thuai a..

"nilo, ilak ah hian thil tihsual ka nei a, ngaihdam ka dil che a ngai ani" sawi mai tur pawh ka hrelo, han ngaihbel tur awm thil pawh engmah ka hre bawk silo..

"han sawi ta che, ka lo ngaithla ange.." ka aw chhuak chu a dam thlap a..

A aw a thian kharh a, a zam hle tih alang reng mai...
"diktak a sawi chuan college kan kal ho lai khan ka ngaizawng nasa thin che a" a ngawi dat a...
"thilsawi nuam tak pawh anilo... Ka hrilh ngam ngailo che a, kan zawh dawnah ka huaisenna zawng zawng sawmkhawm in ka hrilh ang che ka tia.." inthlahrun hmel takin min en a, keipawn nuam ka ti chiah lo..

"A awlsam zawngin ka sawi mawlh mawlh mai ang aw.. Min ngaidam theilo anih pawhin ka hrethiam vek ang" ngaihtha chiah lo in ka lo bu nghauh a..

"college kan zawh dawn hnaih khan i ngaihzawng ni ngei tur nen ka hmu dun ta fo che u a, ka rilru ah enge awm ka hre biklo.. Ka neihloh che chuan tuman an nei ngai biklo ang che tiin rilru thalo tak ka pu a.. Harsa takin i mipa zui thin number kha ka nei a, in chanchin ka chhui ru reng a, hun remchang ka neih hmasak berah ka che ta ani.." mak ka ti lutuk chu ka zawi hnawk thei hial mai..

"chuan, engtin nge..? Valtea hnenah chuan enge i sawi tak a.." ka aw chu a ri chhuak chang chang a..

"Delhi i awmlai khan Valtea chu ka bia a, i ngaihzawng angin ka insawi a, pawi ta ber zawk chu nang hi ka mutpui hnu anga ka sawi che kha ani.." ka thinrim lutuk leh mak ka ti bawk si chu sawi tur pawh ka hrelo ka kut ka hum ruh ngawt ngawt a.
A sawi zawm zel a..

"in chanchin ka ngaihven zui renga, thilthlen chhoh dan leh i tuar nasat zia ka hriat khan thil ka tihsual pawi zia ka hrethiam ta chauh a.. Ka nun a hahdam thei ta reng reng lo a. Ka tihpalh takzet ani"

Ka ngawi reng a, amah chu ka en ngar a.. engmah ka sawi mai thei lo...

A hmel chu ka en nawn leh thin a, a thil lo tihsual tawh ah chuan a inchhir takzet tih alang reng a.. Enganga nasa pawhin haw mah ila hun liam tawh ani a, awmzia a awm tawh silo.. Ka tuarna zawng zawng te kha ka rilru ah arawn thar zut zut a.. Ka thinrim thar leh bakah dawt thu avang a ka tuar nat zia te khan ka thinlung na ati zual a.. Ka mittui a tla sawk a.. Ka inveng hman nganglo ani..

"i thil tihsual chiang takin i hria a, engmah siam that theih a awm tawhlo.. Khawngaihin min kalsan rawh.." keima tawng ri ngei pawh chu hla taka ri ang in ka hria.. Ka tawng ri ah pawh chuan huatna nasa tak alang ngeiin ka ring..

Chu tlangval a hming pawh ka hriat fumfe loh avanga ka thil hloh chu ngaihtuah pawh ka ngaihtuah zawm ngamlo..
A thutna atang chuan a tho a, min rawn pan hnai a...

"min ngaihdam kher ka phut ngamlo che a, mahse ka tihpalh takzet ani tih khawngaihin min hriatsak hram rawh.."

Ka tho thut a... Amah chu chiang takin ka en a..

"i tisual tih i inhria a, Pathian in a ngaidam ang che.. Thil thleng tur zawng zawng a thleng vek tawh.." ka aw ri chu a hma ai chuan adam ta deuh zawk bawk a.. Ka au khum vak vak lo chu mak ka inti zawk ngei mai..

Kalsan mai tumin ka inher a, ka kutah arawn vuan thut a.. Ka inrin loh lutuk avang chuan ka te that a..

"min thlah nghal rawh"

"khawngaih in Puipui.."
Johana ka bulah rawn ding in chupa in min vawn na chu hneh zet in arawn phelh a..
Johana chu kan lam pana alo let lai reng reng ka hrelo.. Johana chuan

" thianpa, a tawk e, i kalsan thei tawh ang.." a aw ri ah chuan nelawmna reng reng alanglo.. Chupa pawh chu ngawi rengin a kalsawn ve mai bawk a..

Ka chau vek a, Johana hnenah chuan in a haw ka duh thu ka hrilh a, mi zawng zawng hlim taka an awmna hmunah hian rilru rit lutuk in ka awmreng theilo ang.. Johana chuan min hrethiam takin min hruai haw nghal a..
Motor ah chuan ngawi rengin kan thu ran a... Ani pawh chuan titi hun anilo tih a hrethiam ve ani ngei ang..

In kan thlen hnu chuan leng tur pawhin ka sawm chuanglo a, ngawi reng bawkin kan in ah chuan kan inzui lut a...

"Johan, ka tihpalh.. Chawlh phawt ka mamawh.." ka tawng chu ari chhuak chang chang a..

"ok.. Nakin ah ka rawn bia ang che.. In enkawl tha la aw"

Rilru nuam zanlo in Johana pawh chuan min hawsan a.. Johana lakah pawh chuan ka inthiam chuanglo.. Thil awmzia chu nakin ah ka la hrilh mai ang chu..

Ka chau hluah hluah a, ka chanchin hriat thar chuan min thawng takzet ani..
Khatiang thil serious lutuk kha zepin engmah sawilo in min then a, chhungkua hial min din san a.. "Valte..ka dem lo theilo che.. Ngatinge engmah sawilovin natna nasa tak tuar tura min kalsan le.."tiin ka phun mawlh mawlh a.. Ka mu thlawp a, ka tap lo theilo a ni...

Hun kha leh chen kha theihnghilh tumin nasa takin ka bei a.. Ka thinlung hliam na tak pawh damin nunthar ka hmang ve dawn tan chauh a.. Hetiang thil hi ka hre leh si.. Engvang nge..? Hlimna ka neih ve hi a rem hlawl lo em ni..? Eng thil nge tihsual ka neih le...

Ka phone ri ral ral chuan ka ngaihtuahna kalding tak atang chuan min harhchhuah tir zawk a.. Phurlo zetin ka phone chu ka en a.. Thianpa Masanga alo ni a..

"Puipui, in in ah lo kal kan tum a, i awm em?

"tunang hunah eng thil nge ni ta a.." tawng pawh ka tawng ring peihlo..

"eng thildang nilove, hmuhchak deuh tu che pawh an awm ani maithei a..."ala rawn thawveng zek lehnghal a.. Ka thiltawn nen a inmillo lutuk a.. Ka ngawi reng a..
"Tak takin.. Hei, thianpa Valtea arawn zin phei a..a hriatloh laiin ka rawn bia che nih hi.."arawn ti sur sur a...

"ngawirawh ka dam thalo a, thian han kawm chi pawh ka ni rihlo... Bakah Masang... Engkim i hriat kha.."

Masanga lah chu ala rawn tawng ring tulh tulh lehnghal a..

"engkim ka hria a, nangin i hre ve hleinem.. Hrilh dawn che in engmah i ngaithla duh bawk silo.. Valtea sawi hi dik anih hi.."

ka thin a sa phat mai.. Ani chuan engmah min hrilhfiah lo in min kalsan reng alawm.. A duh dan dan in min sawi reng ang chu..Masanga chu ka chhang peih tawhlo.. Phone chu ka off ta daih a..

Tlai lama ka chhungte lo haw pawh chu tumah ka be lo a.. Ka mu hlawm tawp ringawt a.. Kanu chuan ka awmdan atangin thil diklo a awm tih a hria a, min rawn ngaihven reng a.. Mahse engmah ka hrilh lo.. Ani pawn engmah min siam that sak thei chuanglo.. Chaw pawh ka ei peihlo a, peihlo chung chungin ka inbual harh a..ka mu zawm leh nghal a..

Ka muhil dawn siar siar tih ah kanu chuan min rawn ko harh a..

"Puipui..hei rawn tho harh ta che, i thiante anlo kal ania.."

Engamah hmain ka tha arawn khur a, ka thin a phu nghal dup dup a..
Chhun lam a Masanga'n min rawn biak khan Valtea lo zin phei thu kha a sawi sia, anlo leng aniang a... Anilo ang... Khatiang a min kalsan hnu ah awlsam takin arawn kal ngam mai biklo tawp ang..

Rilru hlauthawng, thinphu dup dup chung chuan thawm dim takin ka room atang chuan ka va chhuak a...

Ka thil va hmuh avang chuan chawp leh chilh in ka thinphu dup dup pawh chu a reh nghal a..

"inlo kal dawnah lo sawi lawk tur che u nia.. Min ti phu lawm" nui sang chungin ka va ti nghal ringawt a.

"I mood pawh a zia hmel ta deuh e.." Johana chuan nui var var chungin alo ti ve vat a
"hei ka thianpa hian a hmu ve chak che a, engmah sawi lawklo in kan rawn kal ta mai.. Siamtea anih hi"

Siamtea chuan
"i hming te hi chu nitin kan hria alawm" alo ti ve bawk a.. Kan in chibai lawp lawp a..

Johana te thiandun nen chuan kan titi tui ta phian a.. A thianpa Siamtea pawh chu kan sawi duhzawng te inang bawk nen kan in nel ve nghal deuh mai bawk a. Zan dar 10 dawnah min hawsan ta hram a..

Ka inleng te ber haw ta chu mu turin ka inbuatsaih a, chhun lama ka thiltawn te avang khan ka chau viau ani ngei ang, reilo ah chuan tui takin ka muhil nghal mai a..

Kan khawvel changkanna in a kentel thil te hian min ti mu tha hleithei lo hlawm chu nih hi...

Ka mutui lai chu ka phone ri ral ral chuan minti harh a..

"khua avar tawh mawni le..ka muhil tan chauh emaw ka tia" ti rilru chungin ka phone chu ka pick up a.. Engthil nge mawni le.. Thawm ri ava tam ve..Phone a tawng ri chuan

"Puipui.. Siamtea ka nia.. Hei Johana'n accident a tawk tlat mai.. Tunah Aizawl hospital kan pan mek a, nakin ah a thil thlendan chu kan inhrilh chiang dawn nia.. Anih phawt..."
engmah ka sawi ve hmain phone chu a tawp nghal a..

Ka tho nghal vata sana ka en a zan dar 12 ari chiah ani.. Ka chhung te ka kaitho a, kapa chuan
"thilpawi nasa a thlenglo turah ngai ila, tunah chuan i nau nen va kal phawt ula a tha ang.. Ava zialo em aw.." ati vawng vawng a..

Johana nen hian in ngaizawng nghet chiahlo mah ila kan inpawh tlang a, ka lakah chauh nilo ka chhungte lakah pawh atha em em a. A puitling in mi bula awmdan tawk a thiam bawk a kapa nen phei hi chuan an in titha lehzual hle ani..

Kan insiam sawk sawk a damdawiin chu kan pan nghal a.. Kan va thlen chuan Johana chhungte ho chuan minlo en thap a, an hmelah chuan an mangang hle tih ka hrethei nghal a.. Johana chunga thil thleng chu thil naran mai anilo ang tih ka ring nghal mai a.. Thil thlendan han inzawh chiam theih pawh anilo.. Rilru hlauthawng ru tak chung chuan kan thu ngawi ve ta ran a..

Siamtea chu lo kalin thil thlen dan chu min rawn hrilh mawlh mawlh a.. Ani pawh chu alu leh aban te an tuam ber bur bawk a. A awmdan atang pawh chuan ala pangai zanlo tih a hriat theih a...

A sawidan chuan kan in atanga an haw ta kha Siamtea te inah reilo te an thut fual leh hnuah Johana te in lamah riak dun turin an chhuak a.. Johana'n motor chu a khalh a, muangchanga an tlan laiin truck lian tak hi an lam panin chak takin arawn tlan a, insiamrem na hman pawh awmlo in chu truck chuan arawn su ta bur ani awm e.. Siamtea chuan motor atanga a zuan chhuah lai pawh a hriatloh thu te a sawi bawk a..

Darkar khat dawn kan thut hnu chuan Operation room kawngka chu arawn inhawng a Johana chu an rawn nawr chhuak bawk a.. ICU lama dah tur anih thu Doctor chuan arawn sawi bawk a.

"kan theihtawp kan chhuah a, nunna thu ah chuan Pathian kut ani a.. I nghak phawt mai ang u.. A rawn harhchhuak har lo ang" ati dam thlup a..

Johana chhungte nen hian kanla awmho tamlo nachungin min hre deuh vek hlawm a, ka chungah pawh an tha em em vek a.. Ka tan awmdan thiam ahar khawp mai.. Han pawh ve viau ringawt dawn ila Johana nen in ngaizawng nghet pawh kan ni silo.. Lai anga lan duh silo in rilru hah ru takin ka lai huih mai a..

Cabin kawngkhar chu arawn inhawng a Doctor chu hmel hlim sangin arawn chhuak a..

"arawn harh e, thil zawh vak vak erawh ala theihloh ang..." a ngawi dat a..
"Puipuii in awm em" a chhungte chuan min en thap a ka lo ding ve vat ringawt a.. Doctor chuan

"va lut ta che, i hming alam mawlh mawlh mai.. Thilpawi engmah va tihpui lola.." rilru tawt ru viau hlawm e tilo chuan kan nui hak a.. Doctor tawngkam atang chuan Johana dinhmun chu a hlauhthawn awm lutuk lo ani ngei ang..

Johana pa chuan "Puipui, va lut rawh le"alo ti vat a. Ka lut ve nghal mai bawk a..

Johana bulah chuan ka thu a, a hmel en chuan a hliam tuar te chu ana hle ang tih ka ring a.. A kut ka vawn sak a.. Thei leh theilo in min nuih tawk tawk a.. Ka rilru a khawih ngei mai.. Ka lainat takzet ani.. A kut chu ka chulsak heuh heuh a..

"ka kut i vawn hmasak ber ani tiraw" Johana tawng chu a zawi hle a, ka hre thei chang chang ani..

"chutiang sawi hun anilo, hahdam deuhin awm rawh" ka khawngaih lutuk chuan ka en ngawih ngawih a..

"min chelh reng rawh aw.."

"awle..hahdam rawh.. Muthilh tumla, ka lo awmpui reng ang che" ti pahin a lu an tuam bur chu dimte in ka khawih a..

Thlamuan hmel takin a mit a chhing a, thei leh theilo in ka kut chu a vuan nghet sauh a..

Ka nau chu min hawsan mai turin ka hrilh a, Johana chu zing khawvar thleng ka awmpui a, a muhil char char a, that lam a pan ngei turah kan ngai hlawm theuh a..

Zing lam dar riat vel ah chuan Johana pawh arawn harh leh a, a taksa erawh a chau viau a, rei pawh harhtir lovin an chiu mu lehnghal a..

Zan lamah ka tlaivar chiang bawk si nen dar 9 velah chuan in lamah ka hawsan ta a. Zan lama kal leh turin ka intiam a. Ka hna pawh ka thulh phah ta ringawt a.

In ka thleng chu ka intifai sawk sawk a, ka mutchhuak lutuk chu ka mu nghal bawrh bawrh a.

Min sawi nawk nawk avang chuan ka muhil tui lai chu ka harh hlawl a. Tlai chaw ei alo hun lehtawh reng mai... Zan lama damdawiin kal leh ka ngaih avang chuan ka tho a chaw ka ei a, muangchang in ka insiam ta nghal a..

Sana ka en a dar 7 chiah ani..

Ka insiam zo room atanga ka chhuak chuan kan living room a Valtea leh Masanga lo thu chu ka hmu thut a, ka phu chiang ngei mai.. Vawiin nileng khan ka awmdan leh huntawng in a zir lo bawk nen Valtea lam reng reng ka ngaihtuah lo tih ka inhre chiah...

Valtea pawh min hmu chu a awmdan atang chuan a phu ve zawk tih ka hre reng mai. Thuchiang tak pawh awmlo a kan inthen atang a hmaichhan a kan inhmuh leh na hmasa ber ani a, engmah thawm arawn nei lawk bawk silo nen.. Min thawng lo theilo ani..

Kan mit a intawng chat a.. Ka hawisawn rang kher mai.. Reilo te chhung ni mahse kan mit intawn chhung reilo te ah khan kan inkar a thil thleng zawng zawng te kha ka ngaihtuah kim vek hmanin ka inhre hial.. A mitmeng ah chuan inthlahrunna nasa tak ka hmu tel tlat ani...

Ka inthunun hram hram a, pangai thei ang berin ka be bawk a...

"inlo kal dawn tih lo sawi lawk ula tha tur ania.. Hei damdawiin ah kal ka ngai a, chhuah ka lo tum chiah a.."
Masanga chuan minlo chhang vata, Valtea chu a inthlahrun hmel khawp mai..

"tunge damlo a? Kanlo kal ve thei tho alawm.." ka chhan hma chuan Valtea chuan

"a chi loh ang thianpa.." min rawn en nghal a
"Puipui, i hman hun kanlo chang anga kan lo kal leh mai ang.."
Masanga lah chu tang ve laklawh tlat tawh..
A mizia hi a thlak thei thawt lo.. Thiandun mize inang lo tak hi chu an va ni chiang em...

An thiandun a an sawi kual ngial hnu chuan Masanga chuan "kan thlah tal ang che" ala ti ta hram a, a thianpa tan hian a tang nasa ve thin hrim hrim reng ani.. Ka hnial duh ta bik lova, ka motor a kal tum kha Valtea motor ah rilru nuamlo ru zetin ka thu ta ran a. Haw leh dan tur chu ka ngaihtuah chawp tawh mai ang chu..

Damdawiin thlen hma kawngtluan chuan Masanga chu a tawng bawrh bawrh reng a, zawhna min zawt deuh reng bawk a.. Min zawh tak rengah chuan damdawiin ka kal a ngaih chhan te chu a ka hrilh a.. Valtea chu a ngawi ran a, a awmdan atang chuan enge a ngaihtuah ang tih rin ngaihna ka hrelo.. 'A duh duh ngaihtuah rawh se, ka buaina tur a awmlo' ka ti rilru rauh rauh a.. Kan pahnih boruak chu a tang ru at a.. Enge a chhan ka hre biklo..

Damdawiin kan thlen hnu chuan lo kal ve turin kan sawm khawmawi ve bawk a, 'em em a' anti ve deuh ni ngei tur ani, anlo kal ve ta lova.. Hun remchang dangah kan in ah lo len an tum thu in min thlah a..

Cabin ah chuan Johana chu a nu in alo awmpui a, ka va thlen chuan alo chhuak vat a min rawn be nghal mawlh mawlh a..

"Puipui..i chau hle awm si a in lamah i mu hahdam mai lo nia.. Kan tihah lutuk che alawm le" ati mawlh mawlh a.

"hah love, engmah tihtheih dang ka nei chuang hleinem" ka lo ti ve bawk a. Pawnah chuan kan thu ngawi dun ta ran a..

Zan dar 10 dawnah chuan Johana naute chuan min thlah a, rilru nuamlo ru takin ka mu ta a.. Johana kha zing lama mi bak kha chu ala harh leh ta miahlo a, Engin nge min mawlh pawh ka hrelo, ka hlauthawng em em ringawt mai a.

Ka muhil tan dawn chiah tihin ka phone a rawn ri ral ral a, Siamtea number ani.. Ka hlauthawng lutuk chu ka thin a phu nghal dawt dawt a..

" Puipui.. Johana chuan tunah mai khan min kalsan ta.." ka harh chiang ngang mai, ka tho chhuak nghal a

"awii... Ani theilo.. Engtin nge kan tih tak ang" ka au hi ani ber a.. Ka thawm ah chuan ka nau chu ka room ah arawn lut vat a, ka phone ken lai chu min laksak a abe zawm nghal mawlh mawlh a..

Engtin nge a thlen theih.. Johana ka chunga a that thin zia te ka ngaihtuah kual zut zut a, ka mittui ka dang zolo.. Ka lainat em ani.. Hetiang thil a thlen mai hi ka ring theilo...

Min ngaihsak a min thlahlel ve tak tak ni a ka ngaih.. Ka tana thiantha tak ni bawk chu he khawvel ah hian vawikhat mah hmu leh tawhlo turin ka thlahliam mai ang maw...

'Ani hian min hmangaih tak tak anih chuan ka la hmangaih ve maithei asin.. Valtea'n natak tuar a min kalsan hnu a nunphung pangai min neihtir leh tu pakhat ani si a' tia ka lo ngaihtuah thin chu ka thlah liam ta.. He khawvel ah hian vawikhatmah ka hmu leh tawh dawn silo...


Johana kan thlah liam atang khan kar khat alo liam veleh dawn ta reng mai.. Damtha leh mai tura ka ngaih laia min liamsan ta mai hi hriatthiam har ka ti a.. Mal ta riauin ka inhre thar leh a, a damthat laia kanlo inkawp nghet ve ta mailo te kha pawi ka ti leh hnuhnawh a.. Mahse awmzia a awm tawh silo..

Nikhat chu office ah hna ka thawh mawlh mawlh laiin ka pindan kawngkhar chu tuemaw hian arawn kik karh karh a.. Lo lut turin ka lo chhang vat a, ka beisei loh lutuk in Johana nu a rawn lut hlawl mai.. Min ti hrilhhai lutuk chu tawng mai nachang pawh ka hrelo..

"Puipui..vawiin chu Mambawiha thil vel ka dah fel e ka tia, heihi ita tur niawm tak ani.."tih pah in note bute a kawm mawi taka chei thlap hi min pe a..
"oh..hetiang ka neih awm pawh ka va hrelo.."tih pah chuan ka la ve mai a, chu note bu kan enchiang chu a kawm chhunglam ah kutziak nalh tak hian 'Puipuii tan' tih alo inziak kalh a..
Johana nu chuan
"ka la chhiar hauhlo ania aw" ati sap a.. Chu lehkhabute ka en vang vang lai chu ka hawichhuak vat a..

"chutiang anilo.. Lo chhiar pawh nila apawilo.. Keipawhin he note bu hi ka vawikhat hmuhna ani ve tho alawm" kalo ti vat a.. Johana nu chu rei pawh awmlo in a haw leh ta thuai a.

Ka hna ka thawk zawm a, note bu te chuan ka rilru a luah ran mai. Office ban a hun chuan engmah ti khawtlai lo in inlam panin ka inkhalh haw nghal a. In ka thlen chuan ka intifai sawk sawk a, note bu chhiar tur chuan thuthmun ka rem sauh sauh a..

Chu note chu ka chhiar a....ka chhiar zel a.. Ka tap chhuak lo thei talo..
"Lalpa...engvangin nge, kei ve mai, heti khawp a min thlahleltu leh min hmangaih ve tu hi min laksak mai le.."

Thil ho lutuk a ka ngaih thlengin Johana chuan kan hun hmandun chhunte chu a ziak vek a.. Achang in ka tap a achang leh mittui luang zawih zawih chungin ka nui bawk a..

A phek tawp ber ka chhiarlai chuan ka hit deuh mum mum in ka inhria.. Johana chu ka bulah a awm ngeiin ka ring tlat pek a..

"Puipui.. Engemaw harsatna avangin ibulah awm thei dawn talo pawh ni ila.. Khawi hmun atang pawh in tanpui zel che ka duh fo ang.. KA HMANGAIH CHE.. I bul a ka damchhung hun hmanral chu ka duhthusam ani e.."

Ka chhiar zo chu ka chau hnawk a.. Khumah ka bawk sauh sauh a, insum hauhlo in ka tap leh ta zawih zawih a..
"Johan..ka lawm e.. Min tanpui ngei ang tih ka ring tlat ani.."tiin ka phun sep sep a..

Khawvel ani miau a, ka hmangaihin min kalsan a, min hmangaihtu in min kalsan bawk a.. Mahse ka beidawng lovang.. Beiseina ka la nei fan fan tur ani...

Hna ah ka buai a, rilru erawh a khingbai deuh hu mai.. Kar liam ta chhung khan Valtea pawn min rawn be zeuh zeuh a, mahse ka huntawn in a zirloh mai bakah natna minlo thlen tawh avang khan awlsam taka biak that leh mai erawh ka tumlo bur.. Amah avanga ka mittui tla zawng zawng te avang pawh hian aduh dan ang a awmtur ka nilo tih ka inhrilh nawn mawlh mawlh a..

Hun a liam a, zawi zawi in ka nunphung pawh a pangai chho ve leh ta deuh a..

Inrinni a ni a, chhuak lovin inah ka awm a, tihtur tam nen mahni tawkah ka phe buai ve char char a..
Door bell ri trat trat avang chuan ka thiltih laklawh lai chu kalsan in kawngka chu ka va hawng a..
Masanga leh hmeichhe pakhat hi anlo ding dun a.. Chu hmeichhia chu khawi ah emaw ka hmu tawh chiang ani..

"lo lut ru.."ka lo nuih sang a..

Masanga chuan
"hrilh lawk lo bawkin kan rawn lang leh hlawl anih hi" arawn ti lut bawrh bawrh a..

"Bazar ah i nau nen kan inhmu a, in ah i awm thu min hrilh a, engmah pawh sawilawk lo in kan rawn kal kual nghal anih hi.. Kan tum sa ve reng bawk a"

Keichuan "apawilo, min rawn tlawh khat hi chuan ka khua ahar tlat zel alawm.. Chuan i thiannu hi..? Ka hriat tawh a ang sia, ka hrechhuak zo mailo.."

"ni dawn tak, kan nu anih hi.. Muanpuii.. Muanpui heihi Puipuii.. Kan va pui nasa ve.."tiin a nui hawk hawk a..

Muanpuii nen chuan kan mizia a inan hmel khawp mai.. Mi tawngtamlo tak ani ve ngei ang.. A lo nui sang reng a..

Masanga bawk chuan "kan rawn kal chhan tak zawk chu thla leh hian kan ti huk dawn a.."

"tak tak em? Min tihder zing lutuk tawh a, ka awih ngam dawn ami?" ka ti hluai a..

"tak tak dawn e.. Special deuhin kan rawn sawm che nih hi.. Intawn lehna ropui kan thlen tir ang chu.."

A thusawi awmzia ka hre reng nain ka chhang buai duhlo, ka hnial hneh leh dawn chuanglo tih ka inhre sa tlat..

"thiante hun pawimawh te chu kan absent ngam nang.. Ni engzat ah nge ni dawn?"

"ni 15 ah nia.. Thianpa Valtea pawh arawn phei har tawhlo ang.. Min dinpui dawn a.."

"rawn happening viau angai anih chu.." ka lo tihsak a.. Fiamthu a ka tihlet mai loh chuan min counceling leh dawn a ka ngaithla peihlo...

Rei tawk tak an thut hnu chuan min hawsan ta a..
(Chapter 16 kan hmu thei mai lova,a tel rih lo)
Zing dar 7 dawnah kanu in min rawn kaitho a, zan lamah kan titi a laklawh zel avangin dar 2 dawn ah kan mu chauh reng a..

Zing chaw eikham chuan Mapuii chu bazar ah ka chhuahpui a.. Duh leh mamawh a ngah bawk nen chau hnap khawp in kan kal kual a. Chawhnu lamah chuan kan riltam tawh chu pum ari raih raih a.. Kan thil lei te motor ah kan dah sauh sauh a in ei puar turin restaurant ah kan inzui lut ral ral a..

Restaurant chu a lun bawk a seat awl awmchhun ah chuan rang zetin kan thu nghal vat a. Kan thu fel chiah a.. Mapuii chuan min rawn kheuh zeuh a a mitmeiin kawngka lam enturin min hrilh a.. Kan hawi phei chuan Valtea nupui lo lut ve mek chu ka va hmu a..

Thutna dang awm tawh heklo Mapuii arawn hmu fuh nen kan lam panin arawn kal a.. Mapuii pawh chuan a polite alo chhuah ve vat a..

"Ehe.. Urinawm, i lo zin ve reng elaw..? Minlo zawm ve rawh." alo ti nghal var a.. In thenawm reng thin ta chu an innel phian a an titi dun mawlh mawlh a..

Rinawmi chuan
"Lalvala te pafa helam ah an rawn phei sia, ka rawn zawm ve nih hi.. Mipa khirh laklawh hi chu an buaithlak phian ania, nangpawh fimkhur hle rawh.."ati lawng lawng a..

Ka lo ngawi reng a.. Henu chu fel duh sela chu a fel khawp ang mawle.. Mahni inhaikaw chi anih hi ka lo ti rilru neuh neuh a..
Rinawmi chu a tawngduh bawk a kei nen pawh kan inbe nual a.. Ka rilru te te chuan ka awm a nuam chiah lo.. Eitur kan eizo a, in lam panin kan haw ta a..

Zan lamah chuan ka rinloh takin Valtea'n min rawn bia a, a dam that vakloh thu te arawn sawi a.. Tunhma kan inzui lai kha chu nise ka ngaihtuah takzet ani tih ka tilang nghal ngei ang.. Mahse tunah chuan a rem tawhlo tlat..

"i damthat loh thu te chu kei min rawn hrilh buai angai hleinem. I nupui kha hrilh la damdawi alo pe mai dawn che lawm.." elhsen zawng a sawi pawh ka nilo, ka rilru tak tak pawh ani reng reng a..

"ka nupui ani tawh lo.. Hetiang hi ilaka sawi ngam tur ka nilo pawh a niang, mahse Puipui engmah i hrelo.. Nge i hre duh miahlo zawk.."

"chutin ti suh.. Fa hial in nei tawh a, i mawhphurhna alawm" ka in ngaihtuah hman tawhlo.. Ka rilru a arawn lan angin ka sawi tawp a..

"chuan, ka buai deuh a, minlo hrethiam lawk aw.. Lo dam vat rawh.." phone chu ka off nghal a..

Ani nen hian enganga tam pawh inbia ila, thil sawifel tur engmah kan neilo.. Ka biak tam chuan alaka ka rilru leh ka thinlung ka thup tang tang hi a puak chhuak mai ang tih ka hlau ani.. Amah ka hmangaihna chu heti zat thil a thleng kual tam tawh chung pawhin ala ngai reng si..

A nupui then tawh pawh nise.. Enganga nasa pawhin rawn bei mah sela, lo pawm leh thei niin ka inhre lo.. Mahse engvangin nge ka thinlung hian alo pawm tlat si le...

Insawifiah na tur a neih zawng zawng te chu lo ngaihthlak sak a, zawhfiah duh ka neih tamtak te hi zawtfiah in duat taka lo kuah ka duh a.. Mahse mihring ka nih angin chapo na ka nei ve a.. Hetiang tehnuai hnuah hian ka tlawm mai mai lovang tiin ka inseh ruh sauh sauh a.. Be lo ila a hmuh turin awmlo bawk ila tha nimai ka ti rilru a..

Ber thla kan chuangkai chho a, boruak pawh a dai raih tawhin a thiang kak a.. Ka tan chuan thlasik rawn intan chhoh hunlai hi hun nuam ber ani reng reng e..

Vanneihthlak takin ni hnih chawlh ka nei hlauh a, nitin hnathawk a chhuah chuan chawlh a thlakhlelhawm ve hrim hrim bawk nen, in ah rilru thawveng takin ka awm a..

Chawhnu dar 2 vel bawr ah Masanga te nupa an rawn leng hlawl mai a..

"Insiam la kan lo nghak ang che.. Vawiin chu kan in ah chaw eikhawm tur" Masanga chuan arawn ti lut nghal tawng a..

A nupui Muanpuii chuan min nuih var var pahin..
"a mak thin zung zung ania.. Tak takin Puipui, thiantha te sawm khawm in chaw ei ho ve hrim hrim ila kan tia.. Kan chawlh tlan lai kan rawn chuh ve nih hi.. Bakah kan inneih ni bak kha ila rawn kal lehlo a i ba ve hrim hrim" chhan pawh ka chhan hma chuan

"han insiam la kanlo nghak ang che.. Hmanhmawh a ngailo ania.." ati zawm nghal zat a..
Hnial vak ngaihna ka hre silo.. Diktak chuan Valtea akal ve leh ngei awm sia ka kal chak vaklo ani.. Kan inah meuh min rawn lam tlat si avangin phur tehchiam lovin ka insiam a.. Ka chhungte ka hrilh hnu ah kan chhuak ta a..

Muanpuii nen chuan eirawng kan bawl a, kan titi bawrh bawrh a.. Thian ho anti ve sia kei leh an nupa chauh kan la awm a.. Mak ka tiru deuh nangin ka zawt buai duhlo a, anlo thleng ve hlawm mai ang chu ka ti rilru a...

Dar 4 dawnah chuan Valtea alo thleng ve hlawl a.. Midang tumah an rawn lang thei silo ka mangang ru tawh viau mai... He mite nupa hian thil nilo lo tih an tum emawni le... Ka ngawi thei tawh ngang lo...

"midang ho hi an va tlai hlawm ve.. Anlo thleng dawn tawh angem?" ka ti chhuak hlawl a..

"hei, kan kim tawh alawm..." Masanga chu tifuh intih hmel deuhin a nui ruh ruh a..

Muanpuii pawh chuan "Umasanga chu ka be kual mai ang i ti sia.." alo ti ve bawk a..

Ka awm a nuam talo tawp mai...

Rilru bet lo ru zet chuan eitur chu ka siam zawm a.. Muanpuii nen chuan kan titi zawm mawlh mawlh a, kan mipa te erawh enge an sawi pawh kan hre phak lo, living room lamah chuan thu in thutak hmel zet hian an phun dun sep sep bawk a..

En anga lang duh silo in ka mitmei ru reng a Valtea chuan min rawn en chhen lenghal.. Ka rilru nuamlo ati zual ngei mai.. Eirawng kan bawl zova, chaw kan ei ta nghal a.. Ka chaw ei a tui leh tui loh pawh ka hrelo.. Lem har ka ti ngei mai..

Chaw eikham fel veleh a haw nghal nulh chu thil tihchi ani bik silo, kan zavai mai chuan kan diklo deuh huih maiin ka hria.. Nge ka rilru nuamlo in ka ngaihbel pawh ka hre tawh lo..

Masanga chu a pum nuamlo chhuanlam in an room ah a lut ta tharh a.. Pasal te ber awm nuamlo ta chu Muanpuii'n a ngaihven zui a ngai a, room ah min luhsan ve ta bawk a.. Valtea nen chiah kan thu ta ran a..

Rinlawk loh a thilthleng chuan min ti lai hu mai.. Tihtur dang awm heklo.. In neitu te damloh lai lai a ngawireng a haw theih ni silo.. An room a va luh ve ringawt tih chi tawh bawk siloh.. Tv remote ka bul mai a awm chu ka ban a, ka hmet kual ka hmet kual ringawt a..

Thildang ka ngaihtuah daih vangin Valtea min biak pawh chu ka lo hre mumal lo a..

"engmaw..?" ka ti he haw a

"i induh lutuk a biak pawh kan be ngam dawnlo che alawm.."

"induh hleinem.."

"Puipui..min hrethiam la sawi duh ka nei a.." ka bulah inthlahrun hmel takin arawn insawn a.. Hetiang thil a thlen hi ka hlau ru reng ani.. Masanga chu ka ngei ru ngei mai.. Ana tak tak pawn ka ringlo.. Engtik lai mai pawhin a thianpa tan hian tangkai a tum ni ber in ka hria..

"enge sawitur vak awm a... Sawi la.." rilru pek loh hmel zetin ka lo ti liam puat a..

"Hetiang thil zawng zawng thlen hnuah hian ilak ah engmah beisei leh tur ka nilo tih ka inhria a... Mahse.. Ka pehhel kual lovang.. Puipui.. Ka theihnghilh ngailo che.."
a thusawi lai chu ka lo pawtchat vat a..

"mihring puitling tawh inhria te chu tumah kan intheihnghilh mai ngailo reng alawm.. Thil danglam vak anih loh chu.." ka nui lui vel a.. He mihring hi ka hmangaih chu ani si maw.. Mahse ka tuarna zawng zawng te kha ka theihnghilh theilo.. A thusawi hrethiam lo pawh ka nilo a, anilo zawngin ka chhang lui ngat ani..

Ka kut chu la in a awm zawn ah a nem bet a.. A thinphu dap dap chu ka hre thei hial in ka inhria...

"thil tamtak hriatfiah loh i nei ani.. Zak theilo pawh min ti ang.. Mahse ka thinlung hi min ngaihthlak sak rawh.. Thil thleng zawng zawng te kha ka duh vang reng a thleng anilo.." ka ngawi reng a chhan buai pawh ka tum duh lo.. A sawi zawm zel a..

"i ngaihzawng Delhi a i awmpui pa khan minlo phone fo a.. Atir ah chuan engahmah ka ngailo a, mahse a mutpui tawh che tih arawn sawi khan ka tuar thei nganglo a.."

"chutiang engmah a awmlo.." ka awri chu a tak khalh a.. Valtea chuan mak tih hmel takin min en a.. Ka kut a vawn chu a thlah nghal a..

"i insawi fiah a ngailo.. Ka tihdan pawh a dik bik chuang lo.. Engmah rawn sawi fiahlo in tun hun hi kan thleng tawh a.."

"ka insawi fiahlo.. I sawi ang thil kha engmah a thleng lo.. Engtin nge engmah sawilo khan min kalsan theih... Engtin nge.."ka tawng zawm theilo.. zawite a tawng thei pawh ka ni lo.. Ka tap mai dawn a ka ding ta hluai a.. Ka awm ah engemaw hian min hnawh up up a..

"ka haw dawn.." ka aw pangai pawh ani tawhlo.. Ka mualpho chhe mai dawnin ka hria..

Muanpuii chu room atangin arawn chhuak a, ka lo ding reng min hmuh chuan mak tih hmel deuhin min en a..

"awi..ngatinge Puipui.." Muanpuii mak ti hmel ka hmuh chuan ka inthiamlo leh deuh a..

"ahh..eng ni love.." ka nui ringawt a.. nuamlo reuh ngei mai...

"umasanga hi a nuamlo zual deuh a, damdawiin kan pan mai dawn emawni ka tia.. Valte.. Engtin nge ni ang.." Valtea chu arawn tho vat a an room lamah chuan kan lut ta dial a..

Masanga chu ana viau ani ngei ang, a thlanfim a tla bawrh bawrh a.. Ana der anih ka lo ring ringawt a, ka inthiamlo ru chem chem mai..

Valtea motor chuan damdawiin lamah kan kal ta dial a.. Injection te anlo pe a admit ngailo in an in lamah bawk kan letpui leh a.. Ana zualpui pawh a reh hnu chuan rawn thu chhuak in arawn titi ve leh mai bawk a..

Dar 9 alo ri hnai reng mai.. Haw ka rawt ta vat a.. Ka haw tur chu Valtea'n min thlah ngei ngei angai ta si.. Midang lo kal ve an awm dawnlo tih hrelawk ila chuan motor ka keng tur hi ania.. Huphurh ru zetin duhthlan tur dang awm heklo le.. Valtea motor ah chuan ka thu ngawi ta ran a..

Muangchang in motor chu a khalh a, min rawn melh leh zauh thin a.. Kan in peng a thlen hma chuan motor chu a tiding a, ka lam rawn hawi in a thurem nghal a... Chiang zetin min en a..

"nichin i thusawi kha enge a awmzia..?"

"engmah..."en pawh ka en duhlo a

"sawi teh.. Enge a awmzia.."a dawhthei tawh vak biklo tih ka hre reng mai...

"engmah..a liam vek tawh.. Sawifiah atulna a awm tawhlo.."

Ka lamah rawn awn hnaiin ka darah nghet zetin arawn vuan a min sawi deuh nawk nawk a...

"Puipui..ka hriat ngei a ngai.."

"Min tina ania, min thlah rawh.. Enge thil awmzia ka sawi nawn lovang.." ka aw ki chu a hniam chal a.. Valtea chu beidawn hmel takin a thaw huai a.. Ka lak atang chuan inla hrangin Car seat chu a ngheng a.. A mit a chhing vang vang a..

A hmel chu ka en vang vang a, ka lainat ve reng mai.. Hetianga a awmchhan hi engvang nge ka hrelo.. A nupui then lungleng inhnem na tur duh in ka lak ah hetiang hian a awm mai mai aniang.. Nimin mai khan Mapuii'n an inthen chiang tih min rawn hrilh alawm..

"Anilo.. Ani theilo ang" amah en reng chung chuan ka phun chhuak sep sep a.. Ka tawngchhuak tih pawh ka inhre lo.. Valtea chu arawn meng thut a.. Chiang lutuk in hnai zet ah kan inen ta ran mai a..

Ka hawisawn hmasa lovang.. Ka mit atanga ka ngaihtuahna te a hriatloh nan ka inthunun tang tang a..

Valtea chu ka lak atanga a mit lasawn chuang miahlo in a thaw hawk a..

"Ka hmangaih che.." a tawng ringlo a.. Mahse tawngri ka hriat tawh zawng zawng ah ka la hrechiang berin ka ring..
Ka hawisawn nghal hmak a.. Valtea thusawi chu ka ring theilo.. Kan inkawp ngheh em em thin lai pawh khan kan induh thu chu kan inhrilh fo a.. Min hmangaih thu vawikhat mah min hrilh ngailo.. Keipawh chutiang bawk chu ka ni.. Ka hloh hnu khan ka lo hmangaih ani tih ka inhre chiang chauh reng ani..

"Chutiang thu chu min bum nawn nan mai sawi suh.. Keimah chauh a natna min tuar tlang tir te kha pakhat mah i hrelo em ni..?" ka aw chu a hul hak a.. Ka thinlung chu thawrawng vek, ruak hiau, ngaihtuahna engmah awmlo ang mai ani.. Hma lam chu ka en ngar a..

"Puipui..ka tan nilo.. midang lakah i thianghlimna i hlan tih ka hriat khan ka tuar chhuak theilo ani.. Rilru na, engmah sawichhuak thei silo a ka awmlai khan tihpalh thilthu takmeuhin Rinawmi nen khan kan chesual ta a.. I hmel ka hmu theilo a.. Ka biakloh che in min rawn biak i tum ngailo a.. Nangin engmah i rawn sawiloh avang khan min phatsan ngei tih ka ring nghet tlat a, thla aral a Rinawmi'n nau a pai thu min hrilh a, ka tihsual rah avang in duhthlang thei ka nilo a, ani kha ka neilo thei ta lo ani.."

"Min rin tawkna tlemte tal pawh i nei ngailo reng ani.. I duh dan dan in min ngai rawh.."

Motor kawngkhar chu ka hawng rawk rawk a, ka chhuak ta nghal a.. Keipawhin ka awmdan chu nasa ka inti.. Mahse ka tuar thei tawhlo.. Ke in ka kal mai ang.. Kan inpawh alang pha tawh reng alawm.. Valtea chuan nasa min ti lutuk anga min rawn umzui peih lo tawp ang... Ka mittui ka dang thei tawhlo.. Ka tap hlawp hlawp a.. Engmah ka hmufiah theilo a, ka kal nawk nawk a..

Thawk leh khatah ka banah min rawn pawt lwp a.. Ka inring hmanlo chu ka pai nawk a.. Inthup theih tawh hekloh le.. Ka thil duhloh ber thin angin Valtea hma ah chuan ka tap ta hlawp hlawp a..

Min kuah bet nghal thlawp a, ka tang theilo a, ka insum thei heklo..

"Ka hmangaih che.. Min ring rawh.. Thil thleng tawh chu ka siamtha theilo.. Mahse ka pawm che.. Khawngaihin min pawm rawh.." Valtea pawh chu a tawng khur dar dar a..

"Engtin nge engmah min zawtfiah lovin min kalsan theih.. Ka tan tuar theih anilo.." Ka sawi tum ber pawh anilo.. Atan chauh ka rinawm reng thin tih a hriat ka hlau thin a, tlawm ngawih ngawih a ka inhriat thin vang a ni.. Mahse ka thup theilo ani e..

Min kuah nghet zual sauh a..
"Engthil pawh lo ti tawh mahla.. Ka hmangaih che.. Ka thup tawh lovang.. Ka tihnat che avangin min ngaidam rawh.."
Ka chhang mai theilo.. Min kuahna chu thlah turin ka nem a..

"Ka tihpalh takzet Puipui.." min thlah a tum chuang reng reng lo..

"Lalval, engtik lai mahin ka la phatsan ngailo che.. Mahse thilthleng atam tawh lutuk.."
Min kuahna chu thlahin mak ti zetin min en ta reng a..

"Ka kal ania.. Zan arei tawh haw tawh rawh.." ka kalsan ta nghal a..
In ka thlen thleng chuan hawilet lo in ka kal ngar ngar a..

Chumi zan chuan chhin khat mah ka chhing lo.. Ka room ah chuan ka vei kual ka vei kual a... Zing khawvar hnu chuan ka mu ve ta chauh a...

Kanu office kal tur chuan min rawn kaitho a, ka damthat loh thu in ka lo chhang ringawt a.. Ka tho peih nganglo ani e..
Muhil chuanglo in ka mu char char a, chawhnu lamah chuan ka tho ve ta hram a.. Phurlo zetin eitur ka siam a, thil ei pawh atuilo zo vek..

Ka phone arawn ri ral ral a, phurlo zetin ka chhang a..

"Puipui.. Masanga.. Thu pawimawh hrilh tur che ka nei.. Tunah khawnge i awm..?"

"Enge a..? In ah ka awm.."

"Ka rawn kal nghal"

Minute 20 hnu velah Masanga chu arawn thleng nghal a.. Engmah peh hel kual lovin thutthleng ah min pawt thu nghal a..

"Nizan Valtea'n a thlah hnu che khan kan inah arawn kal nawn leh a.. Eng thil tehhrep nge a bulah khan i lo sawi a"

" I lakah chuan ka sawitlang mai ang e.. Vawikhat mah ka la phatsan lo tih ka lo hrilh anih kha.. Min rinna tlemte pawh alo nei ngailo reng reng.."

Masanga chu a thaw huai huai a..

"Valtea hian a hmangaih takzet che niin ka hria.. Nizan khan ka bula asawi duh ngai hauhloh.. Thil engkim a sawi vek ani.. Thilsawi mai mai chi anilo tih i hriat kha.."

Ka lo ngawi reng a..

Masanga chuan a sawi zawm a..

"Valtea chuan i hnenah ngei sawi aduh avangin ka lo hrilh lawk che a tulna a awmlo a.. Ka rawn kal chhan ber zawk chu i induh khum hi titawp tawh rawh.. Valtea tuarna engmah hrelo in nangmah chiah i in ngaihtuah anih hi.."

Ka la ngawi reng a, han sawi vak tur pawh ka hrelo.. Mahse ka lo pawm mai thei rihlo tih ka inhria..

"thu hrilh i pawm chuang bawk silo.. Valtea buai ru viau hi ka hrethiam e.. I luhlul emai.. I hmangaih reng tih ka hria a, i tuarna ringawt la vung lo khan amah hi ngaihtuah ve la.."

"Masang, ka tan hian a har em asin, engmah sawilo in nupui min neihsan a, tunah fa hial an nei tawh a.."

"buai suh.. I ngaihtuah buai kual mai mai ani.."

"chutiang ringawt anilo.."
Rei fe kan titi hnu chuan min hawsan ta hram a.. Min rawn hmu turin arawn kal tih Valtea'n a hriat ala hlau ve em em lehnghal.. Mipa ho mizia hi ka hrethiam tehnuai love...

Hun aliam ve zel a, Valtea pawn min rawn phone in min rawn message reng a, ka chhang ve zeuh zeuh chauh a.. Ka rilru a buai em em reng a.. Ka rilru in kalsan a pawm tawhloh ka duh a, ka thinlung in a thei silo...

Kartawp chawlh hmanga Lunglei lama kan chhungte tlawh kan tum avangin thiltul neuh neuh lei turin ka hna atangin ka haw hma a. Ka inlei zawhfel chuan ala hma tho a tiin ka thiannu pakhat dawr ah ka peng khawtlai a..

Ka thiannu nen chuan kan hnathawh danin a zirlo bawk nen kan inhmu khat viau a.. Sawitur kan ngah dun khawp mai a..

"saw.. Valtea alo kal ania, in in hrilh lawk ani maw..?"

"awihawmloh emai.. Min rawn biak pawn ka chhang zeuh zeuh chauh ka tih kha.."

"tawng zawi ve deuh la.." kar vak a awm hmanlo, Valtea chu dawrah alo lut hman der tawh.. Hmuh ka chak tehchiam lo asin le..

"Dam maw? Arem.." ka thiannu chu arawn be nghal a, ka thiannu nen inbe reng chung chuan keimah min en char char a.. En anga awmduh silo in ka hawilui ngar ngar a..

"Puipui.. Inbiak a ngai.." en chuanglo chuan mar zetin ka lo chhang nghal a..

"ka hman tawhlo ang.. Haw ka lo tum chiah a.."
Engtin mah min chhang tawhlo chuan ka banah nghet zetin arawn vuan a..

"ana... Enge... tikhan sawi mai la.."
Ngawireng chuan min pawt tho a, ka tran chuan ka ban a vawnna chu ana zual zel ani mai.. Aremi hmel ka en a, a mize pangai bawkin nui sang in a kutzungpui alo tipir va va a, a hmui phunin
"pa tawp..pa tawp"

Ka ngei lutuk..
Ka tang buai peih talo a..
"Min thlah la ka kal ang.."
Valtea chuan min thlah ve mai bawk a, kan inzui chhuak ta a.. Khawilam ah nge min hruai dawn ka hrelo, ka zawt buai peihlo a, a motor ah chuan ngawirengin ka chuang a.. Reilo ah chuan Masanga te in lam kan pan tih ka hrethiam mai a.. Engmah kan sawilo ve ve a..

Muanpuii alo awm a, min hmu thut chu mak tih hmel pawn a awmlo, alo nui sang a min lo be bawrh bawrh a..

"Lo thu ru.. Ka buai laklawh deuh a tikhan lo titi mai ru aw... E, chuan.. Valte, umasanga khan library room ah thil chu ka dah timaiin ka hria.."

Valtea chuan "thil entir tur che ka nei.." tiin ka kut a rawn vuan a.. Mak kati deuh nangin ka zui ve mai a.. A hriat tawk tur lekin..

"Ka kut thlah la.. Keimah in ka kal ve thei alawm.." Valtea chu a nui sak a, min thlah ve mai a..

A nui hmel ka hmuh lohna arei ta hle mai.. Ka thinlung a anui hmel ka lo vawn tlat thin kha ala ngai reng.. Mahse thilthleng tam tawh lutuk avang hian hman a hlim taka kan nuihdun thin lai hun nen kha chuan khaikhin chi ani tawhlo..

Library chhung chu a thim raih a, Valtea chuan light a on a, dawhkan lian tha tak a bula chair pahnih inhung lam chu a pan a, ngawi rengin ka zui a.. Dawhkan ah chuan parcel lian hek hawk phek thlar intuam tha thlap hi alo awm bawk a..

Chair pakhat chu rawn siamrem in "thu rawh le" ati sap a..

Dawhkana parcel chu kawkin "heihi ita tur ania.. I kawl duhloh pawhin ka lalet leh mai ang.." tihpahin parcel chu ka hma ah arawn dah a.. A hmel chu ka en a, a zam hle tih ka hrethei mai..

"I duh chuan i hawng nghal thei e.."

Uluk takin parcel intuamna chu ka phelh a.. Ka thil hmuh chuan minti phu chiang lutuk..

Ka birthday kan hmandun hnuhnun bera amah nen thla kan lakdun chu frame nalh deuh ah hian alo intar thlap a..

Kan hmelchu a hlim sar a, kan kut kan invuan a, kan inkuah rial bawk a.. Zungbun inang kan neih thin chu a langchiang khawp mai...

"He thlalak hi engtin nge i neih theih.." ka aw chu a ri chhuak chang chang a...
Valtea chuan ngun takin min en vang vang a... Ka hmela mak ka tihzia langchhuak chu a haiin ka ringlo..

"ka neih dan chu thuruk ni rih rawh se.." ati sap a..

Ka bula chair chu a siam rem a, ka lam hawiin min hnaih takah arawn thu a, kan inhmachhawn ta ran mai a..

"Min hau rawh.. I duh duh sawi la, ka lo ngaithla ange.." a tawngkam chu a dam thlap a, hetiang hian vawikhatmah ala awm ngailo.. Ka mak ti chuan ka en reng ringawt a..

"Ka laka lungawiloh na i neih zawng zawng te tunah hian min hrilh rawh.."
Sawi mai tur ka hrelo, ka hamhaih vek a, amah chu ka en ringawt a, a hmel atang chuan eng rilru nge a put ang tih rindan pawh ka neilo.. A hmel chu a tak ran a..

"I laka thinrim turin i engmah ka ni lo a, hau nachhan tur che ka neilo.."

"Engahmah min ngaih tawh loh vangin tikhan i sawi ani tiraw.."
Ka kut arawn vuan a..

"Puipui.. Ka duh che a, ka hmangaih che tih i hria e.. Ka lo rin dikloh che avang khan pawi ka ti takzet.. Tunah chuan beisei ngam tur che ka nilo tih ka inhrechiang lehzual a.. Ka thilpek che erawh hi chu kawl tha ang che.."
A hmel ka en a, tider hmel reng reng alang lo.. Kan ngawi dun vang vang a.. Ka tuar thei tawhlo..

"Engtin nge engmah sawilo khan min kalsan theih? Ka chanchin diklo takin i hria tih pawh ka hriatna ala reilo a, khang hun liam tawh zawng zawng ah khan min kalsan chhan pawh hrelo in ka tuar asin.. Nang hlim taka i nun lai khan...."ka tawnglai chu arawn pawt chat vat a

"Ka hlim khat khawp asin, diktaka sawi chuan.. Engmah i hrelo ani.. Mahse ka lo tisual a, tunah chuan ilak ah beisei ngam tur engmah ka nei tawhlo.."a thaw huai a, ka kut a vawn na chu a thlah a...

"Ka rawn biak buai reng thin che avang khan min hrethiam dawn nia.. Ka phu hauhloh ka beisei tlat thin hi ka tawpsan tawh angai ani..
I chanchin ka hriat khan ka rilru ana takzet a, zu ka in phah a, thilsual lian tak ka tih phah ta bawk a, ka hmangaih hauh loh nupui a ka neih angaih phah a.. Mahse engtik lai mahin ka theihnghilh ngailo che.. Keimah chauh ka lo in ngaihtuah thin vang ani e.. A hunlai khan rawn zawtfiah mai tur che in tlawm ka inti em a, min rawn biak khat bawk avang leh ka laka i awmdan danglam a ka hriat avangin i laka ka thinrim na tihlan dan tur ka hriat awmchhun ka tita mai ani.."

A hmel chu a tlawm ngawih ngawih a, ka hmangaih tlawm lutuk hmel hi hmuh ka duhlo.. Hlim reng turin ka duh thin ani lawm ni... Keimah zawk hi ani mahni chauh in ngaihtuah a midang te dem kual thin chu..

"Ka hmangaih reng che..."
Ka tawngchhuak tih pawh ka hrelo.. Valtea hmel ka en a, a makti hmel atang chuan ka thusawi in a shock zia ka hre chauh ani..

Harhchhuak thut ang mai hian min rawn hnaih nghal ruak ruak a... Ka kut arawn vuan nghal bawk a..

"Sawi nawn leh rawh.."
Amah en chuan ka nui hak a.. Engmah sawinawn a ngailo.. He mihring hian enge ka sawi ka awmdan leh mitmeng atangin a hre vek ani.. Min rawn kuah nghal thlawp a.. Ka frame ken avang chuan ka tran a rem tehchiam lo..

"I thusawi kha sawi nawn leh rawh.."

"ka hmangaih che.."

Min kuah vang vang hnu chuan zawimuangin min thlah a, ka frame ken lai chu dawhkan ah dahin min rawn pan lehnghal vata..

"Ka hma ah chuan rawn dingin ka thutna atang chuan min kaitho a.. Chiang taka min en in..

"Nghet takin min vuan tlat la, ka tihnat tawhna zawng zawng che rul let a, hlimna ka pek theih nan che hun tha min siam sak rawh.."

Ka bu nghauh a...
"Keipawn tih dikloh ka nei teuh tih ka inhria alawm.."

Alam ah min pawt hnai a.. Kan in fawp ta vawng vawng a..

Ngaihtuah pawh ka ngaihtuah phak loh.. Ka hmangaih Valtea chuan min hmangaih ani tih ka hria a.. Pathian in min hruai anga ani nen nghet taka invuan in eng harsatna pawh kan tuarchhuak dun thei ang tih ka ring tlat ani..

Masanga te in kan kal lam leh kan haw lam boruak chu lei leh van inthlauh ang vel ani ringawt..
Ka hlim a Valtea pawh ahlim em em ani tih ka hria.. Kan in en a kan nui leh ringawt thin a.. Sawitur tamtak kan nei teuh ve ve tih kan hria a.. Hun a awm anga kan la inhrilh mawlh mawlh mai ang chu...

Nghet takin Valtea nen chuan kan inkawp leh ta chu ani a.. Ka thian thenkhat te chuan hetiang hnuah ka pawm leh hi min dem nasa a.. Mahse an hrelo.. Hmangaihna mak zia hi an hrelo..

Hmangaihna hi a mak a.. Mihring te sawifiah mai theih ani lo.. Mihrang hrang in kan tawng dan adang a.. Kan hrilhfiah dan pawh a hrang nuai ngei ang...


Valtea nen chuan kan hlim dun a.. Aizawl lamah hna a rawn thawk ve tawh bawk a, kan hunawl neih ang ang ah kan inhmu hram thin a..

Nikhat kan hnathawk kan haw dun chu tlereuh dawr ah kan
peng a... Ka enkual dan dan lai chu ding meuh in min en vang vang a...

"Valte.. Hetah enge i tih ve a.." chu hmeichhe tawng ri lo chhuah lam chu rang zetin ka hawi nghal a..
Rinawmi chu Valtea hnaih zet chuan alo ding hman reng a.. Ka mi hmuh chak ber anilo chiang kher mai.. Ka hawi let leh nghal vata..

"Puipui.." min rawn ko kherlo in Rinawmi chu kaltir daih se ka tih tehreng nen... Nui sangin Valtea lam hawi chuan ka inher a.. Valtea chuan alama kal turin min hui zauh a..

"heihi Rinawmi.. I hre tawh em..?"

"aw..hria e.. Kan inhmu tawh tiraw..?" Rinawmi hmel chu en rei ngam chi pawh anilo.. Min vuak tluk tawp duh hmel apu a, ka nuih lui sang a..

"Lalval leh.. I tuan ava tha ve.."ati nghal lawng lawng mai a.. Valtea erawh a awmdan pakhatmah in a danglam eih lo.. Rinawmi chu ka khawngaih zawk ngei mai..

"Puipui, kal nghal mai ang aw.. Tihtur dang kan la neih kha" tih leh kal arual a.. Ka zui ve nghal mai bawk a..

Kan thlen hlat deuh hnu chuan "Val, titawp lo deuh khan biak ve tur che lawm.. A khawngaihthlak awm em kha.." ka rilru tak tak in ka inthiamlo a, ka hmel ah alang chhuak ani ngei ang..
Valtea chuan..
"Nangmah ang vek turah midang hi ngai thin suh, i tan inthiam loh na tur engmah a awmlo.." alo ti mai a.. Engmah ka sawi zui duh ta bik lo..

Dan rual lohin hun aral a, Valtea nen kan inkawp leh hnuah thla 5 lai aral veleh tareng mai.. Kan boruak atha tlang a.. Nun in awmzia a nei leh ta..

Kan chhungkua in Lunglei lam a ka pu lungphun na ah zin tumin kan in buatsaih a.. Lunglei lam a zin chak viau mah ila, ka rilru tak chuan ka huphurh viau mai.. Valtea pawh kan rual a phei a, a chhungte inhmelhriat tir min tum thu a sawi sek tawh mai a.. A fapa pawh vawi 3 vel chu ka hmu ve tawh a, vanneihthlak takin min nel phian a.. Naupang nel ka hlawh viau mai hi keipawh in mak ka ti thin a, aruk tak chuan ka lawm khawp mai.. Ka hmangaih tak fa ani a, ka rilru takin ka ngaina a, hmeichhe dang hrin mah nise apa a an em avangin ka pawm thlap mai.. Keimah pawh mak ka inti zawk.. Valtea erawh a inthlahrung em em tih ka hria a, ka tan pawh a nuamlo zawk hial thin..

"Nang ka hmangaih che anih chuan ani pawh ka hmangaih tur alawm" ka rilru ka sawifiah thiam dan ber ani tlat..

Lunglei lama kan phei hma zan chuan Mapuii'n min rawn bia a..
"enteh, thil ropui lutuk.. Nizanah thenawmnu in tlangval a um daih ania.." mak ka ti ngei mai.. Kan inbiak duah hnu chuan naktuk lamah minlo hmuak turin ka chah a phone kan dah ta a..

Lunglei ah ka pu lungphun hmang tur chuan kan phei ho ta dal dal a.. Lungphun hun pawh tluang takin kan hmang liam ve leh ta..

Hnial theih loh khawp a min tur tlat avangin Valtea chuan an in ah min hruai ta nge nge a.. A chhungte ka lakah an tha em em a.. An in atanga ka haw hnuah Valtea chuan a chhungte hnenah kan tunhma chanchin a hrilh vek thu min hrilh chuan ka zak ngei mai.. Mahse naupang chhia pawh ka ni tawh bik hleinem tiin ka in hnem ta ringawt a..

Thla 3 dang aliam leh chuan Valtea chuan palai a rawn tir ta rup mai a.. Ka chhung te pawhin an remti tlang bawk a.. Innei turin kan inbuatsaih ta mup mup a..

Inneih na ah vawi tamtak ka kal ve tawh thin a vawiin inneihna a ka kalna tur chu ka tan ngei.. Ka hmangaih ber ka neih ni tur ani.. Ka thinlung zawng zawng in ka hlim ani ber e..

Inneih dar ari mang mang a.. Biakin ah ka luh ahun ta e..

Ka hmangaih Valtea chuan mitmeng hmangaihna a khatin minlo nghak a.. Ka mit ah chuan ani bak a tha hi tumah an awmlo.. A bul ka va thlen chuan..

"I nalh lutuk.."alo ti sap a..

Inneih hunserh a zo a.. Midang zawng aia nuamti ka hmuh chu thianpa Masanga ani.. A changtupa ni mai awm in a inti thu ngang mai.. Valtea chu fiam in a phun sup sup reng a...

Kan inneih zan chuan hma lam hun tur te sawiin rei tak kan titi dun sep sep a.. Hlimna zawng zawng hi kan pahnih a kan ta vek ni maiin alang... Ka hmangaih tana ka invawn tang tang na chu a thlawn love.. Ata chauh ka ni reng fo ang..

Thla hnih dang aral leh hnu chuan nau ka pai ve ta a.. Ka duhthusam thin te thleng thei turin Pathian in min awmpui reng ani tih ka chiang.. Nau ka pai thu Valtea'n a hriat ni a ahmel a hlimna ka hmuh kha mihring hlim hmel ka hmuh tawh ah chuan ala tha ber.. Engmahin a tluk zolo..
A theih tawpin min hmangaih ani tih a tilang a, harsatna engpawh tawk ila, kan tuarchhuak thei ngei ang..

Ka duhthusam thin Valtea tan fanu leh fapa amah ang tak tak hrin sak in.. kan mit atang chuan a tha ber hlir an ni e.. Pathian in min pe a.. He khawvel a mi hlim ber kan ni ta e...

A TAWP TA...
(Dedicated to V + T :-))