FLASHLIGHT (2016)

FLASHLIGHT (March-2016)
                    (Story of Elvino)
.
By. Laura Sean Virgo
.
FLASHLIGHT**
.
.
ELIZABETH’S POV*
.
YAYYY... Exam ka zo ta..!
.
Hlim zetin in lam ka pan a, in ka thlen chuan Exam chhung zawng a ka dahbo ka phone chu ka phawrh a, Dami ka phone nghal a...
.
“Ka zo taa..naktuk atangin dance class ka rawn zawm thei ang”
.
“Tha lutuk.. Mali ka phone anga, zanah kan rawn sawm ang che..”
.
“Enge..? Zan ah maw? Enge kan tih dawn?”
.
“Mali Birthday tih I theihnghilh a maw?”
.
“Tihpalh..tihpalh.. Ka theihnghilh tih a hriat ka duh miahlo ania”
.
“Ok. Ka hrilh lo ang.. Lo inpeih harlo la..”
.
“Ok..”
.
Bathroom ah lutin ka inbual nghal a, ka thawmhnaw thlakin inhnuai lamah ka chhukthla a.
.
“Nu, zan ah Mali Birthday lawmna ah ka kal ve thei angem?”
.
“I Exam enge a an? Lo thu phawt la.. I chau viau lo ami? I mut hmak ka ring asin” ka nu chuan theitui min pe in, ka bulah arawn thu a..
.
“Ka titha.. Mawhh..nu..zan chu.. ka kalloh chuan an thinrim ngei ngei ang..” theitui chu in in ka thutna atangin ka tho a Fridge hawngin Apple ka la a, ka ka khat in ka keihthla nghal hmawk hmawk a..
.
Ka nu chu room ah lutin reilote ah arawn chhuak leh a
“I kaldawn chuan present te pawh I pe ve duh ang chu..” box lian tak, intuam sa thlap arawn pawm chhuak tih ka hmuh chuan phur zetin ka au a, ka zuang bawk a..
.
“Ka lawm e.. Ka hmangaih che” ka nu biang ah chuan fawp in box chu ka la nghal a..
.
Kan chhungkua hi 4 kan ni a, Durtlang ah kan cheng..ka nu leh pa, u mipa 1 ka nei bawk. Ka u Muanpuia nen hian kum 8 laiin kan inthlau a, keiin class 12 ka exam zawh chiah laiin ka u erawh chuan MA(Eco) zo tawh in kan chhungkaw sumdawnna thenkhat a enkawl a, a tul apiangah ka pa a pui thin. ( Ka u nen hian inan na reng reng kan neilo..
.
Keihi ka nu ang maia mi hlim thei leh nui reng thei ka ni a, ka u erawh chu ka pa ang maiin a nui khat a, an rilru erawh a tha.. Ka pa fanu ka nih vanga ka pa hi fak ka nilo a, mite a tanpui dan leh a hnathawh dan te, kan unau min enkawl dan leh ka nu laka a hmangaihna a lantir thindan te..Khawvel hi helchhuak pawh ni ila ka nu leh pa aia ngaihsan tur tumah ka hmuh ka ringlo.. Ka nu erawh chu ka pa duhdan angin in ah a awm tam ber a, kan chhungkaw tan kan engkim ani. Chhungkaw hlim tak kan ni bawk. Kan chhungkua ah ka bengchheng ber a, ka awmloh chuan kan in a reh thiap thin.
.
Zanriah kan ei laiin Dami leh Mali te anlo thleng a, chaw pawh ka ei puar hmanlo.. Phur zetin Mali te in lamah kan kal nghal a.
.
“Umuanpuia kha lo kal ve se ka va’n ti tak?” Mali chu a dan ngaite bawkin a tawng zawi leh hle..
.
“A hman ka ringlo.. Bakah keini ho bulah a awm peih teuhlo mai.. Keimah chauh pawh hi bengchheng min ti tawh ania..” thawveng zetin ka nui har har a.. “Tehthut a che.. Tinge ni reng reng??”
.
“Ngati em em vak mah.. Ka cousin alo kal ve dawn a..”
.
“Tu I cousin ber?”
.
“Uno-i.. I hrelo ang.. I u hi a star thei tawp a..”
.
“Haha.. engtin nge an star theih zawk le..??”
“A chhiatloh em hi.. I tan te chuan I u ania, I hmu tha reng nang..” Dami chuan ka tukhum ah min beng lawlh a..
.
“Anahh.. Laldam..min dim ve deuh laa”
.
Mali te in kan thlen chuan anlo ri laih laih tawh a, a chhungte ka hriatsa leh hriatsa lemloh te pawh an awm teuh mai.. An chhungkhat te chauh lo pawh an awm nual..
.
“..Eli.. A ni hi Kevin ania, heihi Achhuan a.. Chuan heihi Domino”
.
“Chibai u” ka kut pharchhuak lovin ka bu nghat a.. Ka thin a phu nghal dup dup.. Kevin hi High School ka kallai atang tawh a ka star ruk thin a ni a, tawngduh ve pangngai tak ni mah ila ka star thu hi ka thiante ka hrilh lo.. Ka thiante ka rintawkloh vang ni lovin ka star tih an hriat chuan hma min laksak ngei dawn a, chu chu ka duhlo ani. Class 12 ka pass phawt loh chuan ngaihzawng ka neilo ang tiin ka lo intiam tawh a, ka thutiam bawhchhiat chu ka duh bik teuh lo..
.
Kan kalhran hnu chuan ka insum thei ta ngang lo..
.
“Mal, saw mite nen sawn engtin nge in inhriat?” tiin Kevin te lam chu ka mitmei zauh a..
.
“Umama te nen an inkawm.. Chu chen chen lo hriatloh.. Kevin phei saw chu Tuna dance class kan kal thinna pawh hi anmahni ta alawm.. An hausa bon phirrr a nimai.. I star ani maw..ehh” lai zetin ka nui a, ka awmdan chu ka siamtha vat..
.
“Awii..star lo nashaa.. Ka hmu ngailo em a, ka zawt ve mai mai che.. Khawnge I Umama hii.. thil hrilh tur ka nei ania..”
.
Kevin chu ka mitmei ru reng a.. Nichin kan indin hnaih lai khan zu rim a nam ve ther ther tih ka hria.. Mahse a thiante ang em chuan a ruih ve hmelloh.. Ka star dawn tho tho.. Min rawn en chuan ka mit ka lasawn rang ngang mai.. Ka star tih a hriat chuan ka chhe vek ani mai..
.
Intihhlimna chi hrang hrang an buatsaih a, a then an lam bawk a.. Dar 10 a rik chuan ka  mut a chhuak lutuk tawh.. Ka engtih mah a tui thei tawhlo bawk. Haw ka duh thu ka thiante ka hrilh hnuah min rawn hruai turin ka u ka phone a, in kan thlen hnu chuan Kevin dream chungin ka khum ah ka mu nghal a, ka dream rei hmanlo..mumang bo thakin ka muhil nghal bawrh bawrh a. 
.
.
12:30PM
.
Dance class kal turin Mali leh Dami te nen kan chhuak a, dan pangngai in kan hlim hle..
.
“Eli, nizan khan I haw hma daih a, Kevin khan I chanchin min zawt a, mak ka ti raap.... a zei hmel tawp..”
.
“Huizz..ngawi mai teh.. Laldam..ka type a nilo..” ka sawi ve mai mai ani.. Kevin chanchin tam zawk chu ka hre deuh vek.. An chhungkaw chanchin pawh tlem chu ka hria.. Tun thla (March) 30th  hian kum 22 a tling dawn tih pawh kei aia hrechiang an tam lovang..! A thil zirlai leh a thiltih thenkhat ka hriattheih chin chu engtin tin emaw ka hre veK.. Teenage hunlai a kan thil vei nat zia leh kan atchilh thin zia chu min hriatpui vekin ka ring e..!!
.
“Haha..i chanchin min zawt ringawt pawh I changsang ka ti che ania..ngawi mai teh..Lawm hle rawh..bakah” leh bawng bawng mai a.. Laldami hi chuh..
.
“Nang hian engtiklai in nge type leh type loh I lo neih ve??” Mali chuan arawn ti ve bawk a..
.
“Lam zir tura kal in tinge Kevin hlir in sawi a..” ka rilru chuan nuam ka ti veng veng..
.
“I nasha lutuk anih mai chu.. A rawn biak tak tak che chuan I chebuai ngawt ang..”
.
“Ka number pawh neilo chuan engtin nge min biak theih anga??”
.
“Ka pe diam tawh.. Inzep lo mai teh.. Hmaan atang khan I star tih ka hria alawm.. Min hrilh duhloh chhan pawh ka hre vek.. I inthup vek seng hleinemm”
.
“Engtik atang khan nge I hriat??” Nilo..nilo.. ka inpuang leh ta ringawt..!! Aaaa..
.
Mali leh Dami chu inman zetin an inmelh zauh a..
.
“Hmm.. Khawi Rs.100/-” Dami chuan Mali hma ah a kut a pharh nghal a, tifuh inti zetin a khi sung a..
.
Dance class neihna tur room kan luh chuan Kevin ka hmu nghal.. Ka lai chhe vek.. Engtin tin nge ka awm pawh ka hre tawhlo.. Ka chet vel dan zawng zawng min en vekin ka hria.. Ka zei tehchiam silo a, ka zak over.. Mahse enge??? Ka thiamloh vangin lawm ka zir ve dawn le..
.
Kan haw dawn chuan Kevin chu kan awmna lamah a rawn kal a..
.
“Eli, eng in nge in rawn kal..?”
.
“Ah..englo..Ihh”
.
Ka awmdan chu hrethiam in Mali chuan a chhang vat a.. A zialo thei ania.. Ka aw a chhuak theilo tlat alawm le.. Ka thiamloh pawh a nilo.. Ka hrawk a chak tawklo aniang..!!
.
“Anih chuan ka lo thlah ang che u”
.
“Kan lawm ngawt ang..”Ka thiante chuan anlo chhang zung zung a.
.
A car (Eon var) ah chuan kan chuang a, keichu ka ngawi khiau..
Ka thiante chuan sawitur an hre bik hle.. An innel phian a, a bikin Mali nen..an titi bawrh bawrh a, pawn lamah dakin ka hawi vang vang a..an thusawi pawh ngaihtuah lovin duhthu ka lo sam leh hmanhmawh..
.
Kevin-a’n “tiraw..Eli..?” arawn tih chuan ka phu zawk..
.
“Eng maw?” ka ti ha a..
.
“Phone number te inpe ila tiraw?”
.
“Ka number te chu Dami’n a pek tawh che kha” ngaihtuah lemlo in ka chhang mai a..
.
“Min pe miahlo..”
Laldami chu ka melh a, a hma a ka number a pek thu a sawi kha min bluff na ani tih ka hrethiam chiah..!
.
.
Karkhat chhung chu zantin min rawn bia a, min biakdan a thiam a, a tawngkam hman thin pawh ka duhdan leh min hip chi hlir ani.. Han tehkhin tur ka neilo nain a zei over tih ka hrethiam.. Kum ah kan rual phalo deuh nain ka ze mil tawka min chhawnchhaih dan a thiam hle.. Karkhat chhungin kan inngaizawng ta der..!
Reitak chhung aruk a lo star ngar ngar tawh nen a inngaihzawn chu nuam tak ani.. Min hriatthiam pui phak lovang.. A Birthday ah erawh ka kal ve lo.. Kan inbiak tan atanga ni 3 na kha a Birthday ania, min sawm nasa viau nain ka kal talo mai..
.
KEVIN – In in ah kan lo kal dawn..
.
Message ka chhan hmain kan in an rawn thleng a. Tun hi kan inngaihzawn atanga vawi3 an rawn kalna ania, awmdan ka thiam tawh. Bakah naupang chhia ka ni tawh bik lova, ka nu pawhin kan inngaizawng tih a hrethiam tawh a, vawikhat chu min sawipui zauh tawh bawk. Fimkhur a humsual dailo tur leh thianghlim taka ngaihzawng nei turin min hrilh a, ka nu thu min hrilh chu zawm ngei pawh ka duh.. Fanu tana thil tha ber tur hretu chu NU te hi an ni tih ka hria.
.
Kevin leh a thianpa Domino te nen chuan kan titi a, rei pawh an la thut hmain Kevin phone chu a ri chhen a, mahse a pick up lo. Ka ngaih a titha zan lo bawk.. Ka ngaihzawng nei ve hian ka la serious viau.. Fair taka ka awm ang bawkin Kevin chu fair ve turin ka phut bawk.. Thil nihdan tur tak pawh ani..
A phone arawn rik leh chuan a phone chu rem vaklo chungin ka en hram a.. *##*…!!
.
*##* ti a a save chu a unaunu emaw anu emaw a nih ka ringlo.. Ka rilru in ka titau a, ka hmelah a langchhuak nghal bawk.. Rinhlelhna in ka khat..
.
“Thil pawimawh anih ka ring, I phone kha pick up rawh”
.
“ Mi pawimawh a nilo” ati mai a, mahse ka awih lo..
.
An haw hnu chuan min rawn bia a, a message ka chhanglo vek.. A tukah pawh ka la chhang duh chuanglo a, min rawn call tluk tluk a, ka phone ka off daih.
.
Mali leh Dami te nen dance class kal lovin Rody- kan thiannu te in ah kan kal a, rei vaklo hnuah Rody te in atang chuan bazaar a kal tumin kan chhuak leh a. Tumloh deuhin Kevin te nen kan inhmu hlawl lehnghal..
.
Min hmuh rual rual in min rawn pan a, ka ban ah min kai a, min vawnna chu phelh ka tum ve phat phat..
.
“Tinge ka call I pick up duhloh?” a hmel chu chiang deuhin ka en a, engmah ka sawilo.. Ka thiante chuan kan boruak chu hrethiam in min kal fal san deuh a..
.
“Mawh..tinge?”
.
“Ka buai a, bakah nizan a rawn biak tumtu che khan min bia tih a hria anga sin..”
.
Ka thusawi avang chuan a nui sak a… Awii..a hmelthat zia leh pa zia chu.. Ka thin a phu leh dup dup tawh..
.
“Zanah in in ah ka rawn kal ang..keimah in”
Min vawnna chu a thlah a, min kalsan nghal a.. Hnunglam atang chuan chum chawrh ka chak zek zek.. In la pa lutuk mai.. Hmm..mahse ka duh ani..
.
Ka thiante nen kan haw a, kan boruak vel chu min zawt sap sap a..
.
“Awii..i thikthu a chhe over anih chu.. An dinhmun te, amah te hi en la, a biak sen loh tur khawp hmeichhia in an ngaizawng ang tih te chu hrethiam ve ta che.. Amah berin a nin thu a hrilh che chuan thik tur pakhatmah a awmlo.. Tiraw?? Dam..”
.
“Nichiah.. a en thindan che atang hian a duh tak tak che ka ring..keichu.. Bakah, I thikthu a chhiat lutuk chuan a ning vat mai ang che.. Fing ve deuh ta chee”
.
“In tawn a nilo a, in hrethiam lo anih kha.. Keichu min kawp anih chuan duh viau mah ila ka then nghal ani mai..”
.
“Awii..inla ngam bawk stiaa.. I hlauh tehreng nen aw.. Tak takin..hlauthawng duh suh, mipa in an duh tak tak te chu midang biaksan  mahse a rilru ah I tla na ber tho ang.. Chet la hmasa zawk anih kha hrereng la.. Lungngai duh suh.. Nichin a chetdan pa zia kha ilo hmu em? Mal..”
.
“Kevin ani tlat alawm.. Ehh.. Eli a lawm ang..” kan han  nui lehrih a.. Ka thiante bulah hian rilru a hah rei  theilo..
Ka thiante min hnemna leh an thusawi te vang chuan tlemin ka rilru chu a nuam deuh..
.
Zanah amah chauh in a rawn kal a, inchung zawl a khawthlirna kan siamah kan thudun a.. Thil awmdan tha taka min hrilh chuan ka thinrim tih ka theihnghilh lehnghal vek.. Ka thinrim rei thei miahlo hi thil thalo tak ani.. Ka ngaihdan leh ka rilru a thil awm ka tawngkam thiamna zawng zawng sawmkhawm in  ka sawi ve bawk a..
Min kuah a, ka hmui ah min fawp vang vang a.. a rimtui leh ziaa chu(h)
.
Min fawh hmasak ber ang chiah khan ka mur leh chum chum.. Mipa ka fawh hmasak ber leh min fawp hmasa ber tu ani a, min ngaichang thiam a, amah chauh hi ka tana mipa diktak ani.. Ka duh a..ka hmangaih bawk in ka hria..!! Ka rilru zawng zawng ka pe vek..
.
KARHNIH HNUAH**
.
Kan exam result a chhuak a, thinphu dup dup in result ka en a.. Ti tha viau a inhriat pawh in result chhuah dawn meuh hi chuan ka hlauthawng ziah.. Distinction.. Yess..
.
Father-a min tiam ang in ka pass kan lawm ngei chu a ngai ang.. Chuan thil pawimawh ber..ka nihchak ber zir turin Mumbai ah ka awm bawk ang..
.
Ka pass kan lawm zan chuan ka thiante leh kan chhungkhat ho kan sawm vek a, a nuam hle. Kevin pawh a thiante nen an rawn kal a, inchung ah kan awmkhawm hlawm a..
.
A phone a hla inthawn tumin ka enkual a..
.
*##*calling….
.
A phone chu ngawireng in a hma ah ka lek kang a..
“Kha pick up rawh”
.
A pick up ve mai a, speaker a on lo nain  hmeichhe rawn tawng chu ka hre thei.. Ka hnaih lui tlat a..
.
“Enge I tih a??” hmm..a tawngdan chu(h)..a inla pangchang hle mai.. Ka lo ner nawk a..
.
“Hei, ka leng a..” a leng ringawt maw?? A bialnu pass lawmna ah a kal tih sawi a har viau ami le..?
.
“Hmm..khawiah? I rawn kal dawn amaw ka tia..”
.
“Ah..ka thian te in ah” Kevin chuan min rawn en zauh a, keiin a hmel chu ka lo enchiang nasa mai bawk..
.
 “A nih chu.. Leng rawh..”
Hmeichhia rawn betu chuan phone chu a off tau nghal a.. Ka ngaihdan a nilo over tawp a nimai..
.
“A va tlangnel si ve..” ka insum thei thlawt lo.. Ka thin a tawt up up a.. Ka hriatloh laiin a be tha ani chiang khawp.. Khatiang taka rawn ngamtu chu an inbe fe ang tih ka ring..
.
“Engmah a nihloh kha”
.
“Anih chuan ka hriatlai ngeiin fiah rawh.. I ngam em?”
.
“Fiah kher angailo.. Engmah a nilo”
.
Ka rilru nat zia chu ka sawithiam lo zawk.. Ka hriatlai ngei a a fiah ngamlo anih chuan kan inngaihzawn zawm zel nachhan tur ka hrelo.. Min kawp ani chiang khawp..!
.
“Ka hriatlai ngei a I fiah ngamlo a nih chuan a tawk anih chu” ka mittui a tla ringawt lehnghal. Ka hru zauh lai chu min hmu bawk..
.
Engmah dang sawi tawhlo in inhnuai ah ka chhuk nghal a.. Ka tana hunbik ah hetiang thil hi a thlen ka ring phalo..
.
An awmchhung zawng chuan ka be leh tawhlo. An haw hnu pawhin biak hmasak tumna ka neilo bawk.. Amah pawh a reh hmak..
.
A tukah pawh min rawn be chuanglo.. Ka phone ka en chhen a.. Ka rilru ana telh telh.. Ka ngawi thei tawh nganglo a ‘Inthen ang’ tih message ka thawn a, reitawk hnuah ‘Then che ka duhlo’ tihchiah min rawn thawn let..!
.
Karkhat a ral a, vawikhat pawh min  rawn be leh tawhlo.. Karhnih aral chuan rilru na zetin ka rilru in ka then fel ta.. Engahmah min lo ngailo tawp anih kha..! Min then duhlo tak tak nise chetzia leh tawngkam a thiltih theih a tam lutuk..
.
.
Ka rilru nat zia leh ka laknat zia chu ka thup zo lo. Ka chhungte..a bikin ka nu’n min hriatpui.. Ka thianthate 2 in min hriatpui bawk.. Khatiang mipa rinawmlo khan a phu thlawt lo che tiin keimah leh keimah ka inhrilh a..ka thinlung hian pawm thei ila ka duh takzet bawk.. Mi hlim thei tak ni thin kha ka nui tlem ta hle.. Khuarkhurum mawng tawp neilo leh hmun thim taka tla vawn vawn angah ka inchan ber.. Mipa zawng zawng hi an rinawmloh vek chu ka ringlo.. Mahse, mipa reng reng ka hnaih tawhlo ang..! Rilru na taka awm leh ka duh tawhlo..tiin ka intiam hial… Kan inthen tih ka rilru a ka pawm chiah khan ka lo hmangaih tak tak niin ka inhre bawk.. Mahse ka tlawm theilo.. Nat pawh ka duh zawk..!
.
.
KEVIN’S POV**
.
A hmel hlim sar leh a thiante zinga a titi lai ka hmuh hmasak ber atang khan Eli hi ka rilru in ka duh nghal a, kan inngaizawng ngei ngei tur ani tih rilru ka pu nghal bawk.. Ka tumlawk dan aia harsa hlek in kan inngaizawng ta reng ani..
.
Ka hmeichhe kawp dangte ka thlah chuanglo tih ka zeplo...! Kum 22 chauh ka la ni a, ka tan khawvel a nuam lutuk.. Kan chhungkua kan hausa a, hmeichhe duhzawng tak ka ni bawk anih ka ring..ka tan hmeichhia ngaizawng tura beih hah vak angai lo..
.
*##*-I (Hmangaihkimi) min rawn phone hun fuhloh thin lutuk vangin buaina ka tawk zauh zauh..!!
Eli chungchang ah chuan hmeichhia zawkin ‘A TAWK ANIH CHU’ Min tihkhum hmak hi ka vawikhat tawnna a ni a, ka ngaithei vaklo.. Chuti chung chuan Khatianga min awmkhum hnuah pawh then ka duhlo tih ka hrilh a, ka rilru tak tak ani bawk.. Ka tan chuan min then a duh tih min hrilhtu hnen a ka then duhloh thu hrilh ringawt pawh thil  harsa tak ani. Tunhi a vawikhatna leh a tawpna ani bawk ang.  Buaipui chung tura a inbeisei anih chuan a beisei sual hle ang..!! Mahse ka ngaihzawng tawh zawng zawng zingah ka rilru a luah nasa ber..! Ka ngaihzawng dangte nen a kan awmdun thindan leh Eli nen a kan awmdun thindan phei chu ka khaikhin buai peihlo zawk..
.
A rilru a thianghlim a, a rilru a a ngaihtuah ang ang a sawichhuak mai thin.. Infawh aia thui a kalpui theihloh a, tihluih talh pawh ka tum buai lo.. Ani mutpui theilo mah ila, midang ka mutpui thei tho a..!!!
.
 A reh zui hmak a. Hmeichhia in a theih chuan ka thei lutuk tiin ka insehruh ve  bawk..
.
Ka ngaihtuahna erawh a luah tam telh telh.. A pass kan lawm zan atang khan thla khat a liam tawh a, message a inthen a duh tih min rawn hrilh bak kha kan inbe tawhlo a, a chanchin ka hrezui lo..
.
Tunah hian zan dar 1 a ni a, ka phone contact list ka enkual a, Eli number chu ka dial ta ngawt a..
.
A ring quit thak.. Hah.. Ka phone tawh awm lo…
.
Mahse ka rilru a nuam miahlo..! Ngaihzawng dang a nei angem?? A ngaihzawng hmasa ber leh mipa a fawh hmasak ber ka ni tih chu ka inhrechiang a..
.
Ni 3 hnuah Dami ka hmu hlawl a, a awmdan atang chuan min hmulo der tih ka hrereng..
.
“Laldam..”
.
Ka kohna chu hrelo ang hmiahin a awm a. A bulhnai ah kalin a kalna tur dang chat in ka ding lui a.
.
“Tunlai Eli a dam maw?”  Ka sawi tawh laklawh.. Nia..a dam that leh damthat loh te hria ila, ka ngaihtuahna a luah tawhlo deuh ang..!
.
“Dam e.. Teh hlawl che chuan..” min biakdan chu min hmelhriatloh chei ta hle mai..
.
“Enge a tihzawm tak??”
.
“Mumbai ah a awm.. Awii..ka hmanhmawh” tih leh min kalsan a rual a..
.
Mumbai ah chuan enge a tih ang..? A zir chak ber a sawi thin kha a zir ta anih ka ring.. Ka ngaihtuah tawh lovang.. Hmeichhe dang an tam lutuk..!
.
Ka ngaihtuah tawh lovang ti chungin ka ngaihtuah fo a.  Ka ngaihtuahna atang a ka paih bo theihloh vangin vawi tamtak biakpawh leh ka tum a, a phone number a thlak ani ngei ang ka be thei ngailo.. A facebook account a deactivate daih bawk..
.
Enge ni vak..Ka bansan ve thei khawp ang..!

@ @ @ @ @ KUM 5 HNUAH**
.
“Seat a full tawh a, awl a awm veleh kan inhriattir leh dawn nia”
.
Phone chu off in car chahbi ka la a, mi hmuh tur ka neih na hmun restaurant panin motor ka khalhchhuak nghal a.
.
Kum a liam ve ta nual mai. Dance School  ka la enkawl ta reng a, Kan chhungkaw sumdawnna thenkhat ka enkawl tel ta bawk nen, hunawl ka nei tlem hle. Mihring kan changkang ve zel a, lam thiam ve duh hrim hrim leh exercise atana duh te, chhan dang dang vangte in lam zir duh an pung nasa a, ka tan chuan a tha lam zel ani.
Puitling ka ni tawh a, ka chhungte tibuai lova intodelh ka tumruh bawk a, hna ka thawkrim hle ani. Hmeichhia pawh tunhma angin ka kawp kual hman ta vaklo. Ka duh leh mamawh huna koh mai tur ngaihzawng nghet ni lemlo erawh ka hung nual..!!!
.
 Ka pa duh angin kan insak thar zinga pakhat chu 3***Star Hotel a siam tumin kan buatsaih a. Hun leh tha a hek a, sum pawh ka seng nasa khawp mai.. Hotel langsar leh miten an pan ber anih theih nan ruahmanna ka siam uluk a.   Lazarus Hotel te nen kan in el dawn ani ber e.
.
Restaurant  ka thlen chuan ka mi hmuh tur, Hotel chungchang a ka aiawh thei tura ka rin ber Sawmpuia pawh a lo thu vang tawh a, dawhkan chu ka zawm ve nghal a.
.
“Eng atangin nge kan tan dawn le? Nihnih chhung kha ka rawn kal hman ta silo a, enge hmalak dan”
.
Min chhan hma chuan ka hnunglam ah mi a hui zauh a..
.
Kan dawhkan kil a rawn thu ve hmeichhia chu ka en a, ka nghing lawih..
.
“Sir, ani hi Eli a ni a, Interior Designer ani. Mumbai ah a zirchhuak a….” Sawmpuia thusawi pawh ngaithla lo chuan Eli chu ka en reng a.. Tunhma ai khan alo cher ta deuhin nula puitling thlap hmel a pu tawh a, la danglam lo erawh chu a mitmeng ani.. A lang nalh takzet bawk..!
.
Nui sang chunga a kut no zet arawn pharchhuah chuan ka ngaihtuahna atangin ka harh zawk a..
Kan inhmuhloh chhung a rei ta hle mai.. A kut pawh vuan talo chuan ka aw ka thian kharh a.. Ani pawh a danglam loh chuan a mipa zawk hi engvangin nge ka danglam ang ni..??
Sawmpuia chu melh zauhin a kut chu a la let a, a ner deuh sak bawk.. Ka ngeng a chhun zak..
.
“Enge hmalakna chu” ka tawngkam chu a nelawm loh mah mah tih ka hria..
.
“OK” tiin Eli chuan note bu arawn phawrh a, Hotel chhung chei dantur a ruahmanna a siam chu a sawi zung zung a.. A note bu ah chuan a rawng hmantur sample a chilhbet tel vek bawk a. A buaipui nasa viau in ka ring. A inringtawk hle tih a hriat.
.
“Room thenkhat a pink colour hman kha a fuhlo ang.. Hmeichhe rawng lutuk.. ka ngaina lo” Engvanga hetia awm hi nge ka nih ka hrelo.. Ka thin a rim hlur ringawt..
.
“A nalh dan tur ber ani.. Wallpaper nen a inchawih mawi tawk chiah a, bakah”
.
“Sawmpui, Interior Designer dang lo zawng ang che..” tiin ka thutna atang chuan ka tho a, restaurant atang chuan ka chhuak nghal a. Car ah ka lut a, tlanchhuak nghal mai lovin ka thu vang vang a.
.
Hei leh chen kan inhmuhloh hnuah tumlawk miahloh in kan inhmu thut a, a awmdan a danglam miahlo leh kei ka danglam si khan ka thin a tirim hlur ani.. Min hmuh avanga danglam tur a ka ngai ringawt hi ka diklo maithei bawk.!
.
Minute 10 dawn ka thut hnu chuan Sawmpuia nen restaurant atanga anlo chhuak dun ka hmu a.. A la nui thei nia mawle..!! Hnathawh tur liantham tak a chan zo chauh a, engtin nge ala nuih theih zawk..?!
Ka awmna lamah chuan an rawn kal a, ka motor hunna bula a Vespa pawlduk bulah chuan dingin Eli chuan a Helmet a khum nghal a.. An tawng  ka hre phak vek..
.
“A zialo hle mai.. Khatiang khan a awm ngai miahlo asin.. Vawiin chu a fuhlo takzet ani” Sawmpuia chuan a tukhum thaklo pui a hiat nuah nuah a..
.
“A pawiloo.. Tunah thawhtur dang ka nei teuh tho a.. Office kan hawngthar ve bawk nen..Nang kher in min sawm a ka hnial ngamlo che alawm.. Inthiamlo duh suh.. In boss kha minlo cho dawn nia..Amah kha ani tih chu hria ila ka hnial ngei ngei ang che.. Chuan I thiamloh a nilo ania..” Sawmpuia chu a nuih var var a.. Vespa chu tinung in a tlanchhuak a, Garage a pelh  hma chuan dingin Sawmpuia chu a au leh a..
.
“Zanin kha rawn kal la engkim a tha a nimai..”
“Tehreng mai..”
.
Sawmpuia lam la hawi chung chuan nui sakin salute a pe zauh a, inher leh in a tlanchhuak ta nghal a..
.
An inpawh hmel khawp mai.. Sawmpuia’n a cousin Interior Designer an awm thu kha chu a sawi tawh ngei a, Eli hi ani ang tih rin ngaihna ka lo hrelo ani.. An inpawh viau pawh a awm e..
.
Inthunun tumin ka thaw hawk a.. Ani chuan hmalam panin engahmah min ngailo tih a lang reng.. Keihi kan nunhlui avanga danglam ta zawk chu ka ni.. A hmel ka hmuhloh avang leh kan inbiak pawh ngailoh avangin engahmah ka ngai tawhlo niin ka inngai a.. Mahse a diklo.. Neihlet leh ka duh..!
.
Nia, ka then thu vawikhat pawh ka la hrilh reng reng hleinem..!
.
.
ELIZABETH’S POV*
.
Sawmpuia Boss ka hmuh chuan ka khawng lo chauh.. Kevin ani ang tih rin ngaihna ka hrelo.. Kan inhmuhloh chhung khan alo danglam tawh  hle. A taksa a lian tawh zawkin a hmel naupan hmel tak kha a bo tawh. A hmel landan a tak run a, a nelawmloh angreng.. a pa hluah hluah tiin sawi ila a dik ber ang.. A laka ka feelings neih thin kha arawn let lehnghal bawk.. Ka ngaihtuahna chuan min thawng hle..!!! Hmm..chuti zawng chuan ngaihtuah lovang..!
.
La hre ngailo ang in ka awmlui a, a nungchang mawilo zet avang chuan chum chawt chawt ka va chak tak.. Ka awmdan chu chik zetin min enreng tih ka hria a, min hmuh thut a in beisei biklo ani ngei ang.. Theihtawp a insawrbing in Hotel chei dantur a ruahmanna ka siam chu ka sawifiah a..
.
Ka awih theilo zawk..! Rawng pakhat a ngainatloh zawng hman ka tum vang maiin Designer dang a ruai ang maw?? Ka lo hah tawhna chu thuhran nise…mihringpui zahlohna lian takah ka ngai.. Ala danglam lo..mi luhlul a nihna leh a ngaihdan chauh dik leh tha ber a ngai mihring ala ni reng.. A hma ang bawk khan..Engkim a thunun na hnuai a dah leh a thu ang chauh a midang control tum..
.
Kum 5 liamta a kan inkar a thilthleng leh ka tawrhna zawng zawng te kha ngaihtuahin ka thinrim thar leh bawk.. Ka thiante hnen a ka sawilan loh a ruk a ka tuar tlawk tlawk thil tamtak a awm.. Ngaihtuah let leh pawh ka duhlo.. Mahse chiang takin ka thinlung hian a la hre vek ani..
.
FLASHBACK**
.
Ka pass kan lawm zan atanga karkhat na chiah ani.. Mumbai kal turin Flight Ticket kan tifel vek tawh a(Mizoram-Kolkata-Mumbai), ka kal hmain Kulikawn a ka Nutei te ka tlawh a. Ka nutei te inhnuai kawng an hi restaurant ani a, naupang ho hruai in Lunch kan ei a.
.
Kan piah a thu hmeichhe nui ri avang chuan ka hawi zawk a, ka thil hmuh hlauh ber ka hmu nghal bawk.. Kevin chu min hnungchhawn zawngin a thu a min hmulo niin ka hria.. Engtizawng pawhin hmu ila keichuan ka hailo hrim hrim. Domino chuan min hmu reng.. An thusawi ngai chu an sawizawm hmiah hmiah a..
.
“Chu Durtlang lam sas chu a fuh vak nange..?” Chu nu chuh..ka chungchang an sawi ani chiang..
.
Kevin chuan eng emaw a sawi a, a tawng ka hrephak lo..
“Khatiang thil inchawi nan a hmanah chuan a tha tawk tiu teu viau alawm” Domino chuan ka hmu a, an tawng pawh ka hrepha ani tih a hrereng…ala duhtawk lo.. “A zeilo viau ani lawm ni Rinawm.. I ti vel peih kha ka ti reng a” tiin Kevin chu a melh zauh a..
.
Domino thusawi vang chuan ka sa pawp pawp.. Kevin hian ka zeilo a tih thu a sawi ani ngei ngei ang.. Engemaw thil inchawi(bet) atan mai mai minlo hmang a maw??? Ka zak lutuk chu ka tah a chhuak zawk.. Ka awmchhung rawn zen tlang a herhkual nawk nawk ang maiin ka awmchhung chu ana ngut ngut a. Ka thil eilai pawh ka lem thei tawhlo. Naupang ho thil ei chu ngawireng in ka nghak a, an eizawh veleh ka chhuahpui nghal a..
.
Zan ah chuan ka muhil lo reng reng.. Ka thinlung na lutuk vang chuan ka tap zankhua zak..
.
He mihring hian min kawp mai pawh duhtawk lovin infiamna hmanrua ang lekin min lo bawl kual ani.. Ka hmangaihna hi a phulo e.
.
END OF FLASHBACK**
.
Ka thuhriat zui zawng zawng nen… kan inthen hnu khan ka nun hmandan a awlsam lo hle a, rilruna leh mahni insitna a khatin kumhnih chhung kha chu hun ka hmangral ani.. Kawp nih kha ka tuarthiamlo takzet a, tha tawklo leh mipa tana duhawmna nei miahlo ah ka inngaih phah bawk.. Hmun thim taka in kharkhum tlat ang mai ka ni. Ka zirlai vangin Mumbai ah ka awm ta char char a, ka zawh hnuah pawh Mumbai ah hna ka thawkzawm nghal a, tunah erawh mahni in atanga hnathawh ve chakin ka rawn haw leh ani.
.
Mi thar ka ni tawh bawk..!! Kum 17 mi, harhvang leh nuih duh tak.. duh duh a bumkual theih ang kha ka ni tawhlo..! Ngaihzawng neih erawh tunthleng hian ka la ngaihtuah chhin leh lo..!
.
.
Ni 2 aral hnu chuan Sawmpuia’n min rawn be leh a, Designer dang a duhang a hmuhloh vanga a buai viau thu min rawn hrilh a. Sawmpuia chu ka khawngaih viau nain StarShine Hotel tan hian ka thawh leh nachhan tur ka hrelo.. Interior Designer dang lo zawnpui erawh ka intiam..
.
Ka pualin office kan hawng ve ta bawk nen ka indaihlo khawp mai.. Mizo te pawh kan thil duhdan a changkang in khawvel danga thilthleng leh khawsak dan kan hre ve vek a, ka rin lawk aiin hnathawh tur ka hmu tha nasa hle.. Ka hmanraw chah thlen te buaipui in ka la chawl hman meuhlo.
.
Kawng kham zetin ka dingchhuak a, ka dawhkan bul a mi lo ding chu ka hmu thut a.
.
“Lalpa..” ka awm dawmin ka per deuh dawrh a.. Ka phu nasa takzet.. Ka sample remsa ka pal darh bawk..  Kevin..!! Enge maw arawn tih dawn le..
.
“Misual pawh rawn lut se I hre dawn miahlo anih kha” a kut pahnih in a kekawr ipte a zen a, dawhkan rinchhan in a ding awn deuh bawk a.. Ama in ang maia a tlangnel chu ka huattawk a tling.. Zah hi a hre thlawt lo.. Engtiklai pawh a inringtawk lutuk a a awm te hi ka huatna tizualtu ani..
.
Ka kawng dawm a dingngil in ka en a
“Enge I duh? I hmuh ang hian ka buai viau ania”
.
“I thawh laklawh kha rawn thawk zawm turin ka duh che”
.
“I duhna chu hnawl ani e..”
A nui hak a.. Ding ngil in a ner zui sak bawk. Ka chhandan teh tawl chu a beisei hauh loh dan a ni ngei ang.
.
“Anih chuan I cousin hian a hna a chan dawn anih chu.. Atan hna hmuh a har tawh khawp ang” inher in kawngka lam a pan nghal a..
.
“Enge I sawi awmzia? Ka thawh leh thawhloh chu Sawmpuia nen enge inzawmna a neih??”
.
“Ka hna thawk tura ka duh Interior Designer dang a hmu zolo.. I unaupa chungchang thu chu I kut ah a innghat e.. Naktuk dar 10 thleng hun I nei.. sTARsHINE Hotel ah rawn kal ang che.” Ka chhan leh hmain a kalchhuak nghal a..
.
“I va’n zaktheilo tak..Ka kal awmlo emai.” Tiin ka phun zui hlak a.. Mahse..Sawmpuia… a hna chan a hnadang hmu theilo a a awm tur chu ka ngaingam chiah em? Lalrinawma(Kevin) hian a duh chuan thil thalo tak pawh a tithei tih ka hrechiang.. Ngaihdan nilo zetin ka thaw halh a.. Ka mood arawn tichhe vek.. Ka engtih mah a tui tawh lo..
.
.
KEVIN’S POV**
.
Hnathawk a a chhawr thusawi chu ngai pawimawh lo luiin a awmna room chu ka pan a.. Ka tan a thawh ngei ngei theihna turin ka nawr luih angai.. Hmanni a laka ka awmdan kha a mawi chiahlo tih chu ka hria, a hnial theihloh tur hmanrua hmanga ka nawrlui a nihloh chuan min hnar ngei ang.
.
A room kawngka ka kik chuan min rawn chhang lo a, kawngka chu hawngin ka lut a, ka thawm ala hre miahlo anih hmel. Chhuat ah sample hrang hrang remkhawm in a thu a, a dawhkan bulah dingin ka en reng a.. Minute 10 vel zet hnuah rawn dingchhuak in min hmuhthut chuan a phu nasa hle..
.
A sam chu tawnkhawm tawp in a sam chhawlleng a tla niai a, make up a hmang miahlo chungin a vun chu a nung sar a. A kawrhak lian hlap chu a inhmeh phian bawk.. Ka neilet leh khawp ang..! Ka nun min tawmpui turin ka duh.. Ahma khan engvang a lo hmuthiamlo nge ka nih..
.
Min chhan dan chuan min barakhaih.. Tleirawl rilru nem tak ani tawhlo.. Hmeichhe puitling, mahni inringtawk tak ka hmachhawn mek a ni.. Mahse, he thil hi ka hrechiang.. Ka bulhnai a awm turin ka duh ani.. A hma a ka thil tihsual kha siamthat ka duh a, a cousin hmanga ka vau anih chuan min hnial thei hauhlo ang tih ka hria.. Sawmpuia ban ka tum tak tak vanga sawi ka nilo. Sawmpuia hi a hna ah a inpe zo a, ani aia tha hnathawk tu rintlak leh thiam an awm chuanglo..
.
Ka chhuahsan hnu chuan a phun zui hlak chu ka hre pha..ka nui sak a..
.
9:45AM
STARSHINE HOTEL**
.
Sana ka bih sek a, ka hun tiam a thleng tep.. A rawn kallo anih chuan enge ka tih leh ang tih ka ngaihtuah buai tan bawk.
.
9:59AM
.
Kawngka  a rawn inhawng a Sawmpuia arawn lut a, a hmel atang chuan a phur hmel hle.
“Sir, kan hna kan tan leh thei dawn e”
.
Sawmpuia hnung ah chuan Eli a ding tih ka hmu chiah..! Ka hmel a tilang lovin ka rilru chuan ka nui sak..! Min delhtu thil rit tak lakkian huai ang mai ani.
.
“Kan han inbe lawk ange” tiin Sawmpuia chu ka signal a, a chhuak ve nghal mai a. Ka thutna chu ngheng in chiang zetin Eli chu ka en a, a hmel atangin enge a ngaihtuah ang tih rindan ka nei thiamlo.
.
“Ka thu thei angem? Sir??” A thu thei ani tih hriattir nan chair chu ka kawk a.
.
“Wallpaper sample kha ka lo ennawn ang”
A bag chu a kut dinglam in muangchanng hian a hawng a, a chezia chu ka en reng a, a hmel landan chu nidang anglo deuh a hriatna ka nei leh hnuhnawh. Sample book min pek zawh chuan a sam a hui a, lum ati viau anih ka ring a thlan deuh hliam a. Hna thawhtan dantur leh a mamawh a piang a rang thei ang ber a alo thlen zel tur thu ka hrilh hnu chuan ka room atangin a chhuak a.
.
Thildang ka ngaihtuah hleithei lo. Diktak a sawi chuan kan inhmuh leh hmasak ber ni atang khan ka ngaihtuahna a chhuahsan miahlo tluk ani.. Hmundang a kal lovin thil ziahfel ngai thenkhat ka chingfel a, darkar khat vel hnu chuan kawngka arawn inkik karh karh a..
.
“Lo lut rawh” hawichhuak chuang lovin ka thil ziahlai chu ka la bih reng a.
.
“Phone I pick up thei silo a ka lo kal mai..” ka nghawng ah min rawn kuahin ka biangah min fawp a.. Jenifer..!! Heti khawp a min zar na na na chu inngaizawng miahlo in vawi 3 lai ka mutpui tawh.. Mipa ka nia, hmeichhia a inphal a a nalh viau bawk chuan insum reng a har ve thin..
.
“Hna ka thawk tih I hmuh ka ring..”
.
“ I hmanloh thu min rawn hrilh la ka rawn tibuai lo mai tur che ania” no zet in min melh sar sar a.. ka kawrkilh a khawih niap niap bawk a.. A beisei chu ka hria.. Mahse nidang ka anglo..!! Nidang ang chu nise ka thu ringawt hauhlo ang.. Keimah ah hian engemaw off a awm tlat..!!
.
Thil ri rum rum thawm avang chuan ka thutna atangin ka tho zawk a, inhnuai lam niin ka hria. Ka office atang chuan chhuak in inhnuai pan na step ah chuan ka chhuk thla a..
.
An lo dingkhawm laih ka hmuh chuan thil diklo a awm tih ka hre nghal..
.
“Eng thil nge thleng?”
Min rawn en thap a..
“Helai kan thil dahkhawm hi a chim a, thil pawi dang a thleng love”
.
.
ELIZABETH’S POV**
.
Karkhat chhungin Master room 1 kan khawih zo a, thlahnih chhung a Hotel pumpui anih dan tur ang taka chei zo tur chuan chhun leh zan a kan thawh char char angai ang. Master room ka duhdan ang taka chei zawh hlim chu lungawi zet a en in ka thaw hak a.. Hah man a awm e..
.
Kar 3 chhung chu ka hah zual hle, chhun lamah Hotel ah ka awm nileng a, zan ah erawh hnathawk ho enpui ngailo tur zawngin ruahmanna ka siam a, rin aiin hna a chak ta bawk. Room thenkhat entawn tura kan khawih zawh tawh ho a awm tawh vangin ka enpui vek angai tawhlo a, a ziaawm ta viau.
.
Kar liamta chhung zawng khan Kevin ka hmu tam vaklo. Rawn kalloh ni a nei zauh zauh. Ka hmuh chhun ah pawh hmeichhia in an rawn kalchilh a, Lunch eitur a a chhuak anihloh chuan a office ah a inkhung chawt nimai in ka hria..  Tun thleng pawh hian hmeichhe dang nen a hmuhdun chu ngai ah ka la nei thei chuanglo anih hi..
.
Thil pawimawh biak ngei ngei ngaihna thil a awm anihloh chuan ka be ngailo.. Biak tam leh hmuhtam chuan thil awmze neilo ka ngaihtuah tam phah  mai mai dawn tih ka inhrechiang ani.. ‘I rilru zawng zawng luah thin tu leh I lo hmangaih tawh chu engtiang a hun tam pawh ral se I thinlung ah a thi tawh ngailo ang. I tawn hmasak ber anih a midang khaikhin tur I neihloh phei chuan awlsam te in I thinlung ah a thar anga, theihnghilh erawh thil theihloh ani..’
.
Tunah hian zan dar 9:30 ani a, ka awm ve ngei ngaihna thil a awm vangin ka awm khawtlai ani.
Garage ah chhukin ka SweetHart (Hart-Sazuk Pa) chu ka lachhuak a.. A dik miahlo.. A ke ka en chuan a lo puncture reng a..! Engtin nge ka tih tak ang..? Nilengin Garage ah hian a awm a, engtin nge a ke hi a puncture theih..? Hnathawk thenkhat an haw tawh a, la haw velo zinga a remchang ber rual a ka haw mai angai dawn ani. Sawmpuia haw hma ni berkher ah.. ava fuhlo em..
.
Hnathawk la awm ho awmna lamah ka let leh a..
“LD, Kulikawn lamah tunge haw dawn che u..? Ka ke a puncture a a remchang ber rualin ka haw ve mai ang ka ti ringawt a..”
.
“Ka van hre mai lo.. Tinge? Durtlang ah in awm emaw ka tia”
.
“Nia, zan thil ani tawh sia ka nutei te in ah ka riak dawn a..”
.
 “Hriata kha Kulikawn lamah a kal dawn in ka hria..khawnge maw a awm le.. Keipawn ka thlah thei tho che a”
.
“Hriata chu a haw tawh in ka hria..”
.
“Ka rualin lo haw rawh”
Inchung lam chu kan hawichho thap a.. Kevin chu step ah arawn chhuk a.. Vawiin hian alo kal ve tih pawh ka lo hrelo reng reng.. Tun ang hun thleng thleng a awm ve chu thilmak ani bawk..
.
“A..remchang dang a awm dawn a”
.
“Hei..a awmloh hi..”
An inmelh kual hlawm a.. Hnial tung tung chu a mawi ta chiahlo..
.
“Lo kal rawh le.”
Garage ah ngawireng in ka zui lut a, a Bike chu tinung in ka bulah arawn ding dat a, ngawireng bawkin ka chuangkai a, amah deklo turin ka insiamrem nghal bawk. Car keng sela tha zawk tur.. A la khalhchak em em lehnghal. A ding chawt a, ka  inring hmanlo ka bawh rawp a, ka tlak loh nan ka kuah lo thei lo.. A nui lehnghal in ka hria.. He mihring hi chu a chimawm chiang ani… A tumlawk reng vanga dingthut anih ka ring bawk..
.
Ka nutei te in kan thlen chuan ka thaw huai.. Bike atang chuan chhukin kal mai ka tum a, ka ban veilam ah min rawn vuan chawt a..
.
“Aahh”  min thlah rang khawp mai.. Ka inthiam lo leh deuh  “Ka banrek hi a na sa a” tiin ka nuilui sak a..
.
“Sorry..” sawizawm mai tur hrelo in  a haihchham ve tlat.. Thilmak ani.. A hmel ka en chuan a serious run lawi a.. Tleirawl/Rawlthar chhuak tir ngaihzawng te bula awm, lai trat trat te pawh kan ang e.. Ka thil ngaihtuah avang chuan ka nui hak a.. Ngaihtuahna awmang lo lutuk.. Mahse tuna kan awmdan hi a mak lutuk..!! Ka ngaihruatna mai mai anih ka ring zawk.. Lalrinawma hi tu bulah mah a lai ngailo ang.. Thiltheih a nilo..
.
“Muttui le, min thlah a ka lawm e”
.
A bu nghat a, eng emaw sawitum chu a ang ka ti.. Mahse engmah a sawilo..
.
 Ka chau tawngkhawng tawh bawk a, ka intihfai zawh chuan mumang bo thakin ka muhil nghal bawrh bawrh a..
.
Ka harh hlawl chuan zing dar 7 alo ri reng tawh. Ka tho nghal vat a. Ka phone notification light eng va va chu ka check nghal a..
.
Message pakhat chuan ka mit a la..
.
-Candy, ka ngai che-*
.
Ka number hriatloh atanga ka dawn ani.. Mahse he message minlo thawntu hi tunge anih ka hrechiang.. Candy ti a min kotu chu tudang mah anni theilo.. Kevin Lalrinawma ani.. Engemaw a hriat le..??
.
“Aalii..i harh tawh em?”
.
Ka nutei fanu chu a teddy bear pawmin a rawn lut a..
.
.
KEVIN’S POV**
.
Kar 4 zet ani ta.. Ka tel ve a ngaih em em loh pawn a hmel hmuh chak vangin Hotel ah ka kal tam hle. Nuam ti tak a a hnathawk lai hmuh chu a nuam a, ama hnathawh ngei ngaihhlut hmel taka a en thin ang chuan min en ve se ka duh hial.. Bungrua mai mai pawh ka thik ta rum rum mai..!
.
Thil dangdai deuh leh nalh tak tak a ngaihtuah chhuak thiam hle bawk. Ka Candy kha ani tlat a..!! Ka Candy ni leh tur ti ila a fuh zawk ang..!
.
Nizan khan a vawikhatna atan sawitur hrelo in a hma ah ka awm a, ka lai deuh tih chu thudik ni mahse ka pawmlo mai ang..!! Kan inhmuh leh hmasak ber atang khan Engtin nge bul ka tanpui leh ang tih hi ka ngaihtuah ziah a,  mipa hi bultan dan tur hrelo in alo buai theih hle tih hi ka lo hre ngailo. Muhil mai theilo in ka phone ah message ka type a, ka delete leh a.. Ka ngaihtuahna tamtak khaikhawm nan message kha ka thawn ani. Beisei lawk ang chiah in a chhanna ka dawnglo..
.
Mahse, ka nei let leh ngei ang tih erawh ka chiang ani.. Minlo thlir reng rawh.. Mipa in a duhtak nei thei tur chuan engpawh a ti thei..!
.
Hotel panin phur zetin ka chhuak a, tunlai tak hian Dance School pawh ka tlawh khat khawp mai.. Lo enkawl tur tha tawk tak an awm vek a, ka ngaihtuah hranlo.
Hotel ka thlen chuan lunch ei turin an lo chawl dawn chiah a, ka tum hun takah ka thleng ani. Ka office ah chho in Eli ko turin mi ka tir nghal a..
.
Ka office a arawn lut chu ka lo en reng a. Hei ngei hi ani.. Vawiin atang hian bul ka tan ang.
.
 “Eng thil nge nita?”
.
“Thil pawimawh ah kan 2 a kan chhuah lawk angai”
.
“OK”
Ka thusawi chu a awih mai a..
.
“Chuan message kha engtin nge I chhan?”
.
“Eng  message?...ah….” ngaihtuah chhuak in a hmui a tisawi zauh a.. “Candy ka ei tawh ngailo..”
.
Ka thutna atang chuan tho in car chahbi ka la a.. Tunah pawh chhan dantur ka hre leh ta lo.. A lo danglam tawh takzet ani..
.
“Kal ang”
Ngawi rengin min rawn zui a.. Tunhma a tawngduh tak thin ang kha ani tawhlo.. Ahma kan inzui lai kha chuan eng eng emaw sawiin ka ngaihthlak angai reng thin kha ania.
.
Motor ah pawh chuan ngawi rengin a thu a, hmalam a en ngar a.
.
“I danglam ta hle mai”
 A nui sak a, min chhan a tum chuanglo ani awm e..
.
Restaurant bula ka din chuan phawk deuhin min en a
.
“Enge kan tih dawn?”
Ka ngawih ve hun a ni..
.
Kawngkhar hawnsak in ka kai a, restaurant ah chuan ka luhpui a.
.
Eitur arawn thlen chuan maktih hmel takin min en a..
.
“Heng hi..?”
.
“Ka la hre vek alawm”
A lu a thing nar nar a, engmah a sawizawm lo.. A eiduh zawng leh a lawmzawng engkim pakhatmah ka la theihnghilh lo.. Ngawireng in kan ei a, a ban veilam chu a hmang tha ngamlo.. Nizan khan a nat thu a sawi tak e..
.
 “I ban chu engtik atanga na nge?”
.
“A rei deuh tawh..”
.
“Engtin nge I tihnat?”
.
“Ka accident a”
Chiang zetin ka en a..
.
“Engtik ah?”
.
“Zawhna I van ngah..” a ti hlak a...
.
“Tunah hian ngaihzawng I nei em?”
.
“Kevin..”
.
“Tunah hian..”
.
“I tan a tangkai lo”
.
“Anih chuan ka neilo I tih na ah ka ngai anga Bul kan tan tha leh ang”
.
“Teuh lo”
.
Rilru na hmel ka hmu zawk a,, a kun nghal daih vangin a mitmeng ka hmu theilo..
.
Hmeichhe dang reng reng ka ngaihven tawh lovang.. Ani chauh hi ka duh awmchhun ani. Min rin leh theihna turin ka bei bawk ang.
.
.

ELIZABETH’S POV**
.
Eng thil nge maw a hriat le..?  Awlsam zetin bul kan tan tha leh ang tih a sawi a. Ka laka alo awm tawhdan kha a theihnghilh ani ngei ang.. A infiamna hmanrua ka ni tawh lo.. Ka ngaihtuahna avang chuan ka rilru a na zawk.. Ka kun nghal daih a..
.
Thildang sawi tawhlo in eitur kan eizawh chuan restaurant atangin kan chhuak a. Ka thil ei duhzawng ala hre vek kha mak ka ti.. Mahse kha thil ringawt khan bultan that leh chungchang ah nghawng a neilo..
.
“Bawiha..” kan lam pana hmeichhe lo kal chu Hotel a rawn kalchilh thintu kha ani.. “Min rawn be miahlo a, enge a awmzia? Ka message kha tinge I chhan loh”
.
Awle..!! Eng drama nge thleng dawn hi le??
.
Chu nu chuan Kevin en lovin keimah min en daih…
“He nu hi tunge?” Kevin nen chuan min entawn zak zak a..
.
“Tunge I nih a?”
Kevin thaw hak ri chu ka hre thei.. Chu nu chu chiang zetin ka en let a..
.
“Eli ka nia, kan la inhmu chiahlo anih ka ring..”
.
“Bawiha bulah hian enge I tih a?”
.
“Lunch ka ei..”
.
A nuam riau.. Hetiang thil hi ka la tawng ngailo.. Henu chuan a hauh na ve hle anih dawn hi..
.
“Jenifer” Kevin tawngdan atang  chuan warning a pe tih ka hrethiam mai..
.
“Henu hi I enge a nih a”
.
A nuam rei dawnlo a ang tlat..! Ka aw ka thian kharh a..
.
“Ah.. ”
.
“Ka bialnu a nih hi..” Kevin aw chu a nghet charh a, phawk zetin ka en a. Ka awmdan chu a ngai pawimawh lo a nih hmel..
.
“Hey.. Tinge….”
Ka ban ah min rawn kai thut in, min kalpui nghal dawr dawr a…
Car a kan thut hnu chuan tlanchhuah mai tum hmel pawh a pu lo.
.
“Tinge dawt I sawi kher a..”
.
“Dawt ka sawi hleinem..”
.
“Bultan that I sawi kha ka pawmlo tih ilo hre dawn nia.. Mi zei deuh zawng rawh.. Keichuan ngaihzawng pakhat chauh nei thin mipa ka duh.. Engthil nge in in chawi (bet) leh ang tih pawh hriatloh..” Kevin hmel ka hmuh chuan ka thusawi chu ka inchhir nghal.. Ka riat nawi ta vel mai mai a.. Ka tumlawk leh ngaihtuah lawk pawh ani miahlo..
.
“Eng thil maw I sawi kha?” ka thusawi kha a hre vek hman tih ka hria. A hmel chu a serious hle bawk.. A lang hlauhawm lek lek..
.
“Engmah.. Theihnghilh rawh..”
.
“Min hrilh rawh”
.
“Teuhlo”
.
“Lalruatfel..luhlul a hun lo ania.. Sawi nawn teh” ka lamah rawn awn deuhin min hnaih ta mah mah..
.
“Zei deuh I zawn a ngai tih ka hrilh che anih chu”
.
“Chu chauh chu a nilo”
.
“Hmeichhia te hi infiamna hmanrua kan nilo.. Bakah..”
.
“Phiangsen chuan” thinrim zetin car steering wheel chu a nem pawp a, ka phu dawrh a.. Thinrimna chhan tur engmah ka hre velo..
.
Chak zetin motor chu a khalhchhuak a, engmah a sawi tawhlo. Hotel ah min chhuktir a vung zetin a tlanchhuak lehnghal a…
.
.
KEVIN’S POV**
.
Eli nutei te in kha Jenifer-I te restaurant chung ani tih a hmain ka hrelo.. Zan a ka thlah khan ka hre chiah ani.. Anih chuan… Khami ni khan Domino thusawi tullo tak tak kha a lo hria ani thei angem? Khami ni bak chu vawikhatmah ka thiana hian a sawichhuak lo.. A hriatphak tur ngei a sawi anih thu Domino-a’n min hrilh khan min fiam ah ka ngai a.. Mahse Eli tawngkam atang khan thudik ani thei tlat..!
.
 .
“Khami ni khan a awm ve tak tak em?”
.
Domino chuan ka thusawi awmzia hrelo in min en a..
.
“Eng maw?”
.
Thil awmzia ka sawi chuan Domino chu a nui sak a.. Ala hrechiang khawp.. Ka thiantha ber ani a, ani nen hian Eli ka ngaihzawn theih leh theihloh turah kan inchawi ngei ani.. Naupan lai thil ani a, a hunlai khan thil tullo tak ani tih ka ngaihtuah lem lo.. Hei chauh lo pawh ngaihtuah chiang lemlo a thiltih dun kan nei fo..
.
“A bak thil tullo I sawi pawh kha a hrepha tih min hrilh suh”
.
“Thianpa, tihpalh a hre pha vek”
.
Ka insum hmanlo..ka hnek pawp a.. Ka thiantha ber  pawh nise tunah tak hi chuan a chungah ka thinrim takzet..
.
FLASHBACK**(5 years ago)
.
“Kulikawn ah leng ila, Mamuani hmuh ka duh a.”
.
“Pawi miahlo..”
.
Domino bialnu te in atanga kan chhuah leh hnuah Jenifer-I’n min koh vangin restaurant ah kan peng a, lunch kan ei nghal a.
.
“Jen, vacancy a awm tawh ania..” Domino chu ka melh hrawk a.. Jenifer-I hian min ngaizawng nasa thin a, mahse ka duh chi a nilo. Min ngaizawng hle tih a thup ngailo bawk..
.
“Chu Durtlang lam sas chu a fuh vak nange?”
.
“Ngawi mai mai rawh” Eli chungchang Jenifer-I hriatlai a sawi chu ka duh lo bur.. A hriat ve tur pakhatmah a awm lo..
.
“Khatiang thil inchawi nan a hmanah chuan a tha tawk tiu teu viau alawm” Domino chu a tawng ring mah mah bawk.. “A zeilo viau ani lawm ni Rinawm.. I ti vel peih kha ka ti reng a”
.
Ngawi turin ka duh tih hriattir nan a ke ah ka tlawh pawp a, a ngawi ve ta hram..
.
Rei vaklo hnu ah “A chhuak ta chiah..” Domino chu a nui hak hak a..
.
“Tumaw??”
.
“Eli..ka tawng kha a hre pha ngei  ang.. A hmel a danglam vek”
.
“Awihawmloh emai” ka ti liam puat a..
.
END OF FLASHBACK**
.
Domino chuan a hmui thi chu a hru zauh zauh a..
.
“I awmdan hi enge a awmzia? Kum 5 lai liam tawh a ka thusawi vangin hnek ka hlawh ania.. Hmeichhia vang ala ni lehnghal..”
.
“ A hma a ka tihsual siamthat a neihlet leh ka duh.. Ka hmangaih ani..”
.
“Thiana leh..heti leh tur si chu a hunlai khan inla ngeng lovin lo chelh la tha tur..”
.
“Vawiin khan hrilhlawk lovin ka chhuahpui a, bultan that ka  duh thu ka hrilh a, a tumlawk pawh ni miahlo in a sawichhuak a.. Hun liam tawh zawng zawng ah  khan ala theihnghilh miahlo a, a la na hle tih ka hrethiam..”
.
“Mipa I nia lawm le.. Tha takin hrilhfiah rawh..”
.
“A mizia a danglam tawh.. Ka awmdan hi ka hrethiam lo” ka sam ka tuai puat  a..
.
“Hmm..i hmangaih ngei chu anih dawn kha.. Hetiang a kan titi lohna chin pawh a rei ta hle mai.. ALL THE BEST..MAN” Domino chuan ka darah min beng thak thak a.. “Tih ve theih ka neih chuan lawm takin ka ti ngei ang..”
.
Domino te in atanga ka chhuah hnu chuan Hotel lama let tawh lovin in ah ka haw nghal a..
.
Eli phone number hmetchhuak in ka call a..
.
“Vawiin chu haw hma ang che.. Zanah ka rawn kal ang”
.
“Tunge?”
.
“Keimah..” Ka phone number a lo la save loh avang chuan ka lungawi chiahlo.. Phone chu ka off a, message ka thawn nghal bawk a..
.
*Candy..Keimah..Save the NUMBER*
.
.
ELIZABETH’S POV**
.
Lalrinawm..enge I hriat a..  ka phun zui sap a.. He mihring hian min hnaih reng anih chuan ka inthunun reng theilo ang.. ‘A  hma a in inthen dan atang khan harhchhuak ve ta che..duh tawh suh..i na leh tho ang’ tiin ka inhrilh mawlh mawlh bawk a.. Mahse…hmeichhia tupawh ka dinhmun angah hian ding se an buai vetho ang tih ka hria.. Mi I hmangaih tawh  chuan I ngaihtuahna zawng zawng I thunun theihloh hun a awm thin.. I duhdan leh tha I tih pawh I zawm hleihtheih loh hun a thleng thin bawk ang..
.
Dar 6 dawn ah ka haw a, intifai hmasa lovin chaw ka ei phawt a. Ka inbual lai chuan ka phone ri ka hria a.. Ka hmanhmawh phah chuanglo.. Minute 10 chuang tuilum ah ka inchiah vang vang a.. Tihian ka taksa na them thum pawh a zia deuh ang. Ka banrek veilam chu ka khawih a, rin aiin a na rei zek ani..
.
Sawmpuia chhanhim tura StarShine Hotel ka pan ni khan ka SweetHart(Vespa) ka tlukpui a, ka ban veilam hi ka vaw na deuh ani.. A dam leh mai ka ring a, rin aiin a na rei ta reuh viau mai. Thildang tih theihloh khawp a na erawh a ni hranlo..
.
“Naute, I thianpa alo kal ania”
Ka u in bathroom kawngkhar a rawn kik chuan ka phu zawk a..
.
“Aw.. ka zo ani mai..”
Ka intleuh sawk sawk a, bathroom atanga chhuakin ka inthlak a, muangchang in inhnuai lamah ka chhuk a..
.
Kevin chuan min hmuh veleh min nuih sak a..
Ka u a room ah a awm a, ka nu leh pa te kan thenawmte in ah an kal ta bawk. Kan inbul chiah a awm te hi nimin khan an naute thar a thi a, an khawngaihthlak khawp mai.
.
.
“Enge..??” min en reng avang chuan ka awm a tinuam lo..
.
Ka bulah rawn thuhnai in min en run a..
.
“I tan chauh ka rinawm thei ani tih I hriattheih nan hun mi pe rawh..”
.
“Ka ringlo che.. Vawikhat I rinawmloh tawh chuan I la ti leh fo ang”
.
“Candy..a hma khan ka ngaihtuah chianloh vangin ka umzui lo che a, tunah chuan enge ka duh tih ka hrechiang. Ka prove thei bawk..”
.
“Eli..khawnge in awm vek a…” Dami chu arawn au lut lawng lawng a.. “Ehee..Kevin chu…” a ding chat a, makti zetin min entawn chhen a.. “Kan va inhmu khat em em..”
.
.
Dami haw hnu chuan eng eng emaw a sawi teuh mai.. Domino thusawi chungchang te, engchen pawh min nghak thei tih te nen.. A rilru diktak a sawi ngei ang tih rinhlelh rual a nilo.. Ka rilru a insual zankhua.. Chance ka pe leh ang nge pe lo ang???? Ka rilru a buai ani.. Ka hrelo.. Engtia han awm tur nge ka hrelo takzet.. Ka thinlungin a duh hi ka zawm mai ngamlo a, ka ngaihtuahna leh ka thinlung duhzawng a insual ani ber e..
.
.
Ni a ral bek bek a, Hotel a ka hnathawh tur chin ka thawk zo dawn hnai ta, ka thawveng deuh huai.  Engtiklai pawhin Kevin chu ka hmuhphak ah a awm ani ber e.. A chezia leh ka laka a awmdan, a thusawi thinte avangin ka tuiral mek ani..!
.
KARHNIH HNUAH**
.
Hotel hna ka zo tawh a, ka hun tam ber ka office ah ka hmang. Ka thiante nen kan chhuak zauh zauh bawk..
.
 Hotel hna ka zawh atang khan nitin ka office ah pangpar arawn thawn ziah a, vawiin hian nidang anglo takin pangpar thar a la awm miahlo.. Nitin pangpar tharlam tak hmuh kha ngaiah ka lo neih hman ani ngei ang.
.
Ka thutna chair chu ngheng in ka maimitchhing vang vang a..
.
Ka office kawngka chu arawn inhawng thut a, ka phu nasa ngei mai.. Ka thungil nghal zawt a..
.
Inringtawk zet hian Kevin chu arawn penlut a.. Ka lo en tawp..
.
Thu mai lovin min rawn pan hnai a, ka thutna chair chu rawn vuanin a lam hawi turin min kuaiher a. Ka thutna atanga ka thawh chuan kan insi nghal deuhthaw dawn ani mai.. Ka en chho ha a..
.
“Enge a?”
.
Rawn kunhniam in ka thutna chair ban tawn tawn chu a vuan a, kan hmai a insi lo chauh.. Eng thil nge maw a hriat le..! Tlem a thle hlek in ka nghawng veilam ah a fawp zauh a.. Ka chesawn theilo.. A awmdan chuan min barakhaih..
.
“Ka hmangaih che” chiang zetin ka mit ah min en a..
.
“Eng..” ka hmui ah min fawp zauh a, a nui sak bawk..
.
“Kevin..” min fawp leh a, nemsawn tumin a awm ah ka kut ka nghat a, mahse ka nemsawn theilo.. “Enge I sawi kha..?” min chhang lovin min fawp leh a, a kawr awm ah thamin ka lamah ka pawthnai ta nge nge a.. Eng thil nge ka tih pawh ka hrelo e..! Ka thinlung duh angin ka awm mai ani..
.
“Ka hmangaih che.. I tan chauh ka rinawm thei tih ka hre bawk.. I bulah hlim taka awm leh ka duh.. I thusawi ngaithla a nuihdun leh ka duh a.. Ka thinlung a hlimna min neihtir thei tu eng I ni.. Ka hmangaih che..”
.
“Khawi atangin nge chung thu thlum deuh deuh chu I hriat a..”
.
Ka tawngkam avang chuan a nui sak a, bul tan that leh ka remti tih a hrethiam bawk ang.. Ka thutna atang chuan min pawt tho in nghet zet in min kuah a.
.
Inla hrang hlekin a mitmeng thutiam tamtak nei chuan min en a.. Keichuan ka ring e..!  A mitmeng a  thu min tiam te hi a ti hlawhtling ngei ang..
.
.
.
**Ka tan chuan eng ini.. Nang leh kei nghet taka kan invawn chhung chuan engmah ka hlau lo.. I kiang a ka awm chuan ka nun a hlim a, khawvel hi a nihdan tur diktak ani thei thin..
Nang ka neih che chuan ka mamawh zawng zawng ka nei ani..
___________________________________________________~KEVIN~**
**You are my FLASHLIGHT.. I got all I need when I got you and I.
     I look around me, and see a sweet life.. Can’t lie, it’s a sweet life..
     Stuck in the dark but you’re my FLASHLIGHT.
     You’re getting me through the night….
     Cause you are my FLASHLIGHT… ~Jessie J. - Flashlight~
.
EPILOGUE ~ FLASHLIGHT
.
“He thil hi enge a awmzia?”
.
Kevin chu kawngka pawh kik lovin ka office ah arawn lut a, a hmel en mai pawh chuan a thinrim tih a lang..
.
“Eng thil nge?”
.
A phone a thlalak ka hmuhtheih nan ka hma ah arawn dah a..
.
“Heihi enge?”
.
“Min zawt lo khan en rawh”
.
“Hei, ka en alawm..” ka awmdan ti danglam duhlo in chair ah ka thului tlat a, thlalak ka hmuh chuan thil awmzia ka hrethiam. Ka awmdan danglam miahlo a hmuh chuan a mitmeng ah hlauthawnna ni awm tak ka hmu.. Engvang a hlauthawng nge anih ang?? Mi ngeng tak leh mahni induh ve tawk tak mihring hi thlalak pakhat vangin hlauthawng hmel a pu ang maw?? A awmdan chu a siamtha vat a..
.
“Khapa nen khan min kawp anih chuan ka thiltih tur hi I cho chhuah ve rengah ngai ang che”
.
Nidang ang chu nise ka ling ve phat ang. Mahse he thil hi chu buaina tham niin ka hrelo. Thlalak chu nikum kumtir a Birthday party kan kalna a Ramdina nen kan lak ani, thlalak chu enchiang lehzual deuh sela kan lak ni inziak pawh chu a hmutel tur ania..
Ramdina chuan ka kawngah kuahin min enchiang hle a, keiin enlet in kan nui bawk.. Engvangin nge kan nuih loh ang..! Thiante nen a thlalak dunah tuman nuih an khap ngai hleinem..!! Ka rindan hi a dik anih chuan Rody emaw Mali’n emaw a hmuh ngei theih turin an thawn ani ngei ngei ang.. Ka laka a rilru an enchhin duh vang leh chetbuai tir hrim hrim an duh vang anih ka ring bawk.. Ka rindan hi a dik anih chuan ‘an hlawhtling e..!’
.
Kevin hmel en chuan intihlungawi a harsa ang tih ka ring.. Ka thutna atang chuan thovin ka pan a, a kut ah ka vuan a. Ngawireng in ka kut chu a thingthla hmak..!
.
“Eng ber nge I hriatduh?” ka ti damthlap a.
.
“Hepa hi I ngaihzawng ani em?”
Ka lu ka thing mat mat a..
“Min chhang rawh?” a tawngring duh miahlo a, a hmel erawh alang hlauhawm tep.. Tawngka ngei a chhan a phut tih ka hria..
Ka ngawi ran a, a awmdan chu ka ngei.. Rinawmlo tura min ngai chuan ka thin a tirim tan bawk..
.
“He thlalak hi engtik ami nge?”
.
“Engtin nge I neih?” ka ti vethung a..
.
“Engtin nge ka neih tih ah lo buai suh.. ”
.
“A nih chuan engtik ami nge I hre dawnlo anih chu..” ka ti ve hmak a. Inherin ka thutna ah ka let nghal bawk a.. Tha takin hrilhfiah ka tum reng a, ka kut a paihthla kher anih kha.. Ka rilru chu a naupangchhia viau tih ka hria, mahse pawi ka tilo.. Engamah hma a min ringchhe ringawt hi ka lawmlo hle bawk..
.
Dawhkan a a phone chu a lamah ka nawr a..
.
“Kha, heihi la rawh..” ka thinrim tih chu ka la thup hram hram..
.
Min en reng a..
“Engmah I sawifiah dawnlo maw?” a tawngdan atang chuan warning min pe tih ka hria.. A duh dan anga a control theih ka nilo..
.
“Sawifiah tur enge awm?”
.
Thinrim zetin a phone chu a la a, inher in kawngka lam a pan nghal a..
.
“Nang angin ngaihzawng kawp ka duh ve ngailo tih hria ang che..”
.
A ding chawt a, rawn hawilet in chiang zet hian min en a.. A eng ber nge a ngaihtuah tih hriattheih loh khawp in a hmel landan a danglam.. Rilruna hmel a pu bawk..
.
Eng thil nge maw ka sawi berkher hi le!! Ka sawi tum pawh a nilo.. Min hmangaih thu min hrilh hnua a awmdan leh ka laka a chezia zawng zawng te atangin ngaihdam a theihnghilh sak a phu tih ka hria.. Ka rilru tak tak in sawichhuah ka tum vang leh ka rintawkloh vanga sawichhuak leh ka nilo tak tak… A rilru na hmel ka hmuh chuan ka inchhir..ka tawng tawh chu laklet theih nise ka duh bawk..
.
A rawn let leh a..
.
“Ahma a ka thil tihsual avang khan I rilru ala damlo ani tiraw? Ngatinge I ngawih reng.. Sawichhuak ta che.. ”
.
“Kha kha ka sawitum ber pawh a nilo.. Min ringchhe nghal ringawt lo khan thlalak a Date inziak kha en rawh.. Tha taka sawi ka tum a, ka kut I paihthla kher anih kha.. Bakah Vawikhat a ngaihzawng pakhat aia tam nei duh turah…”
.
“A tawk e… Ka hrethiam..” tiin a thaw huai a.. A phone chu phawrh leh in a en vung vung a, a khi suk a.. Ka lo ner sak thung..
.
A phone chu ak in min en vung vung a..
“Anih chuan…Ka thil tihsual kha ngaihdam a theihnghilh ala nilo ani maw?? Engtin nge itan chauh ka rinawm tih hi ka fiah tak ang..” chiang zetin min en a, awmdan tur leh tihtur  hrelo tak tak hmel ka hmu ani..
.
Mak tih vangin ka tlu lo chauh.. A lak atanga tawngkam chhuak ah chuan a inhmeh thlawt lo.. Tlawm ta viau a a inngaih ka duh heklo.. Mipa a ni a, hmeichhe laka tlawm ngawih ngawih anga a lan ka duhlo bawk.. Ka rilru tehnuai chu keipawn ka hrethiam bik love..!!
.
Ka thutna atang chuan thovin ka pan hnai a, a  nghawng ah ka ban pahnih in ka kuah a.. Ka awmdan chu ani pawhin mak a ti vetho anih hmel..
.
“Eng thil nge ka tih ang..?” a tawng zawi hle.. A biang ah ka fawp zauh a..
.
“Min fawp rawh..”
.
Min kuah nghet sauh in arawn kun hniam a.. “That’s my Candy..!” min fiam in ka hmui a nul zauh a..
.
“OH..” Ka phu nasa lutukkk.. Kawngka a rawn inhawng thut a, nui har har chungin Rody arawn lut a.. Kevin ka kuahna chu thlahin ka insiamtha a, ka sa pawp pawp.. Ka sen vekin ka ring.. Ka zak tih hrethiam in Kevin chuan ka kawngah min kuah a, a lamah min pawthnai a..
.
“Hei hian enge arawn tih ve dawn?”
.
Rody hnunga mipa rawn kal chu ka en a.. Hei chu Gabby anih hi…!
.
“Hey, engtiklai atangin nge nangni pahnih hi in inzui a?”
.
“Thiana, thildang I ngaihven takloh vangin I hrelo mai mai anih kha..”
Gabby chuan Rody chu duh lutuk tih hriat reng hian a melh zauh a..
.
“Chuan ka rin aiin kan thil ruahman chu a thawkna a nih hmel hi a..?” Kan thiante pahnih chuan nui sangin min en a..
.
“Enge?” Kevin chuan an thusawi awmzia a hrelo..
.
“Rody..ka ring reng ani.. Mali nge Rody thiltih niang aw ka ti reng ah..”
.
  “Thlalak dang a awm leh hunah la tih leh  chi anih hi.. A thawk tha tlat..”
.
Kevin chuan Rody thusawi hrethiam in a thaw hraih a..
.
“Thlalak dang a awm tawhlo ang.. A awm leh anih pawhin keimah nen a kan thlalak ani tawh ang..” awmze nei zetin min melh run a..
.
.
THLAHNIH HNUAH**
.
“A mak e.. Mali’n pasal a nei dawn chu ani ve ta reng mai sia..”
.
“Ka lungaleng lawk.. Rody leh nangin kawplai in nei bawk si.. Ka va riang tak.. Ka dinpui dawn bawk a, a dawt leh chu keimah ka ni tawh ang..”
.
“Ka riang hi ti ziah suh.. Khawiah pawh awm ila kan inbe thei reng tho a..” Mali chu a insut hraih a
.
“Nangpawh hian ila ti ve vat mai ang.. Kan kum ngaihtuah hi chuan a hun ve tawh reng alawm..” Rody chuan arawn ti ve bawk a..
.
“Hey, I mittui a tla elaw.. Lalmal..hlim hle ta che..” tichungin Dami pawh chuan a mittui a hru zauh a..
.
La inhmu fo thei dawn mah ila, thianten pasal an han neih dawn hi chuan engemaw ti takin lung a leng tlat.. Keini thianho aia inzui nasa hi an awm tam vakin ka ringlo.. Kan phaktawk ah kan inhmangaih em em bawk..
.
“Girls..In inpeih chuan kal a hun e..”
.
Kan han inkuah khawm lehrih a..
.
Biak In ah hunserh kan hmang zo a, thlalak te kan zawh hnuah Inneih lawmna inkhawm, Hall ah kan hmang leh dawn a ni..
.
“Candy..” Kevin chu ka hnungah a rawn ding a, langsar vaklo turin ka kawngah min kuah bawk a..
.
“I va rawn thleng tlai ve..”
.
“Min lo ngai hman a ni maw?” tiin a nui hak a.. A sawidik maithei..!! A bulhnai a awm hi ka thlahlel em em reng mai..
.
“Ka hawina lamah ka mit a tung hman trep alawm” ka thusawi chu awihloh hmel zetin a hmui a tisawi zauh a.. A lawm viau tih erawh ka hai biklo..
.
 Inneih lawmna hun kan hmang a, kan hlim dar dar hle.. Nu leh Pa lam atangin pasal nei ve kherlo pawhin fuihna thu tha tak tak kan ngaithla a, ka hlawk berin ka inhria..!!!!
.
“Vawiin kan thiante inneih na hi ka thinlung takin ka lawmpui a, hlim taka an awmdun zel theih nan duhsakna ka hlan e..”
.
Kevin chuan a aw a thian kharh a..
Kan bula thu hmeichhe ho chuan inthup hauhlo in chhelo an tih thu leh pa an tih thu an sawi sap sap hlawm.. A lo hre fal deuh pawl pawh an awm anih hmel..
.
“Elizabeth Lalruatfeli..”
.
“Hey, kal ta che” Rody chuan min rawn nghawk zauh a.. Ka hawi phawk lo theilo.. Kut an beng dur dur a, ka lai takzet..
.
Ka thutna atang chuan ka thochhuak a, muangchang in stage chu ka pan a.. Ka thin a phu dup dup.. Tu hmel mah ka hmu mumal lo..
.
Stage ka thlen chuan Kevin chuan ka kut ah min vuan a, inhmachhawn in kan ding a..
Mali leh Dami te hmel chu ka en zawk a, keimah ang bawkin an mengphawk hra a, mipa ho chu hresa niawm takin an nui sang thung..
.
“Eng thil nge I tih dawn? Ka zak ania” Kevin chu ka hrilhru zauh a..
.
Kevin chuan a awmdan siamtha in ka hma ah a thingthi a, ka kut chu nghet takin ala vuan reng a.. A khur ve dar dar niin ka hria..
.
Thawm a tha hle.. Hmeichhe ho chu an rak chel chul a..
.
“Candy..vawiin hian min hriatpui tute hma ah ka thinlung zawng zawng in ka hmangaih che ani tih ka hrilhnawn leh che.. Ka hmangaih che.. Ka nun min tawmpui turin ka duh che a. Min nei turin ka ngen che.. Khawngaihin min nei rawh…”
.
A reh ta thap..
.
Kevin chu ka enchhuk a, a mitmeng a hlauhthawnna chu ka hmuhhmaih lo.. Nui sakin ka bu nghat a..
.
“Ka nei ang che” ka tawng ring theilo.. Ka hnuk a ulh deuh..
.
Rawn ding chhuakin min kuah a..
“Ka hmangaih che..Big Bear..”
.
“Ka hmangaih che..Candy.. Ka lawm e..”
.
Ka kut veilam la kang in a fawp zauh a, a kekawr ipte atanga zungbun  phawrh in min buntir a..
.
Ka hawichhuah a ka hmuh hmasak ber chu Rody tap lo tura inpet fan fan hmel ani.. A kutzungpui arawn tipir va a.. Gabby chuan a bula hmeichhia (Rody) chu duh tih hriat ngawih ngawih in a en thung…
.
Function a zawh chuan Hall atangin kan chhuak a, thenkhat in hlim taka min en laiin thenkhat chuan min melh hrek hrek a, an phunzui sar sar bawk… ‘Inlak engemaw thlak emai’ tia an tawngri pawh ka hre phak.. Mahse engahmah ka ngai hranlo..
.
Kevin chuan ka kut arawn hmer a, ka en chuan min nuih suk a..
.
“Ka hmangaih che..”
.
Hmui phun a min hrilh mah nise, ka thinlung ah ava ri ring si em…

FINITO..