BILLIONAIRE'S SLEEPING SUN BOOK-1

25.Oct.2016
BILLIONAIRE’S SLEEPING SUN
CHAPTER - 1
By. Thantei aka Laura_Sean
.
Kawngka a hmeichhe nalh zet lo pen lut chu ka en reng a, ka hawisawn mai thei lo. A nalh takzet.. Helai hmunah hian kartawp chawlh apiangin ka kal ziah a, a hmun hi ka ta anih chu thuhran nise, helai hmun hi hmun dang ai chuan ka ngaina a, mi dukdak lo leh rui tawng tak tak an awm ngailoh vanga ngaina ka ni pakhat. Mahni chauh a hun thawl ka neih theihna hmun thenkhat zinga mi a ni bawk. Ka thutna hmun pangngai a ka awm tawh chuan tuman min rawn chim buai ngai lo.
Hmeichhe lo lut thar chu ka la en ta reng a, tunhma in ka hmu ngailo. Tunang huna Pandora Bar a rawn kal thei chu mi hausa  fanu duatsual a ni ngei ang. A awmbawr nalh zet leh a kawng fek rat te, a mawngbawr vawng laih te chu hmuhhmaih theih a ni lo. A kawr dum hak a taksa phuar tang chuan a vun rawng nalh zet chu a tilang chiang zual hle bawk. Bar a mipa dang awm ho pawh chuan an enzui reng tih ka hria.
Hawi lem lovin bar counter a pan a, a in tur a nghah chhung chuan a kut zungtang a ti che zauh zauh a, a hma a no an rawn dah chuan a tlak nghal pap a.. A in thei reuh viau a nih hmel.  Ka rilru ah thil pakhat chiah a awm..zanin hian hun nuam tak ka hmang ngei tur a ni tih chiah hi.!
Ka no ken lai a intur la awm zawng chu ka tlak pawp a, ka thutna VIP booth atang chuan thoin hmeichhe nalh zet lam chu ka pan a, a bul ka thlen chuan a ding thut a, min rawn su deuh nawk a. A lu thing in min en a, a nui zui sak bawk.
‘I tha em?’ a kawng a vuan chungin zawhna ka zawt a, ka aw diklo chu a hriatloh ka beisei.. Hetiang khawp a rang hian ka la sosang ngailo.!!
‘Ka tha alawm’ a thaw halh a. a rimtui hman rimtui chek chek chu ka lo hip vang vang thung..
‘Kan lam dun thei angem?’
‘Tehreng mai..’ a nui leh sak a. A hawiher atang chuan a thil in khan awmzia a neilo a nih hmel. Kan bul vel a melh kual zauh a, a mitmeng che vel chu a sexy takzet..a tih luih a ni hauh lo in a lang bawk..
A kut nem leh no zet chu vuanin ahma a ka thutna lamah ka kalpui a. A landan leh a awmdan atang chuan min hnial miah lo tih ka hrethei nghal. Ka tan thilmak a ni hran lo.! Ka duhzawng ka pan chat tawh hmeichhia in min hnar ngailo.. Mahse an zavai a min duh chhan chu ka sum vang chiah a ni.. Ka hmelthat thu leh ka pian pawh mipa tamtak in an awh em em thu ka hre fo a, ka ngaihven ber erawh a ni ngailo. Ka hriselna ka ngai pawimawh viau thung.
Ka taksa si thlap a kuahin music rem chuan ka lampui a, ka taksa hnuailam danglam dan chu a hai hauh lo ang!! Ka nghawng ah min kuahin min rawn melh sar sar a, kan thilduh a thuhmun tih kan hre ve ve..
‘I nalh takzet..’
A mitmeng a de zauh a, zam hmel a pu deuh bawk.. A thaw deuh hak a, dingdihlip ak in ka beng bulah a rawn phun sap a.
‘A thlawn a mutpui theih ka nilo a nia’ Ka nui hak a, a thusawi chu mak ka ti hran lo.!
‘Engzat nge I duh le?’
‘1 million’
Vawikhat mutpui a 1 million hman phalna tham chu  a ni tehmeuh mai..! Eng thil nge ka ngaihtuah hrep hi.. Hmeichhe dang chu nise hetiang zat zat phut chu ka kalsan nghal ngei ang.. Mahse he hmeichhia hi chu ka hnar phal tlat lo.! Ka hmelhriat sa nilo hmeichhia ka mutpui ngai lo a, tun hi a vawikhatna tur a ni.. He hmeichhia hian sum ah buaina ka neilo tih a hre sa ngei bawk ang.
‘I thilduh chu tihsak ini ang!!’
‘Min bum tum miah suh ang che’ ka nui hawk a, kun hniam in a biang ah ka nul zai zai a.
‘I account number min hrilh la naktuk ah I account ah arawn lut nghal ang’
.
Bar atang chuan inzui chhuak in ka apartment kan pan a, ka car pawh ka khalh chak par par khawp mai. Car seat ah chuan thuin hmalam a en ngar a, a kut tetakte chu nghet taka suih in hriattham lohin a phun sap sap a. Tawngtai a ang zawk mah..! Huh..tunang hunah tunge tawngtai ang..?!
Ka apartment kan thlen chuan ngawirengin min zui dat dat a, inchhung kan luh rual in kawngka ka kalh a, ka lamah pawthnaiin ka fawp a, a tirah a tim deuh na a thiam taka ka fawhna vang chuan rum hakin ka nghawng ah min kuahlet a ka fawhna chu min chhanglet a. Ka bed room ah pawm chho in khum ah ka nghat a, ka fawhna erawh ka chawl lawk miah lo. A thawmhnaw hak, a pian nalh zet khuhtu chu awlsam takin ka phelh a, a taksa nalh lutuk engmah inbel lo a ka hmuh takah  chuan ka thaw hawk hawk a.
A te that a, ka chawl dawt bawk.. Ka awih theilo.. Hmeichhia min mutpui tura harsatna nei miah lo hi hmeichhe thianghlim a ni a maw…??? Amah zawk arawn chet leh takah chuan insum zo lovin ka che zawm a.
Kan tih zawh hnu chuan bathroom ah lut in dim deuhin hmangaihna ka chenpui leh a..nilo..ka mutpui a ni zawk e.. Ka awmdan hi ka hrethiam chiah lo. Engvanga tihnat hlau a dim viau nge ka nih ka hre lo.. Diktak chuan kei hian rik deuh bawrh bawrh hi ka duhdan a ni thin..
.
Khum ah let leh in chau zeta inkuah chial in kan mu a. Amah kuah chunga mut chu thil nuam tak a ni. Min hriatchian talh tumin zawhna min zawt lova, chu chu ka duhthusam a ni bawk. Hmeichhe zawhna ngah lutuk leh tawng tam lutuk ka ngaina ngai lo.
Ka hmeichhe mutpui zawh chiah kuah chunga ka mutthilh vawikhatna a ni bawk.!
.
Ka muhil ka harh chuan ka mutna bul chu a lo ruak hiai tawh a, rum hakin ka thuchhuak a.. Khum bul dawhkan a lehkha them awm chu la in ka ner sak.. A account number bak thildang engmah a inziak lo. A duh leh mamawh ber chu pawisa chauh a ni tak e..  Ka lo intiam lawk tawh vangin ka pek ngei angai ang.
.
 Karhnih chhung chu kawrtawp chawlh nilo ah pawh Pandora bar ah ka kal sek a, ka thil beisei ruk erawh ka hmu ngai lo. Eng vanga hmuh leh chak nge ka nih ka inhre hauh lo bawk.
Office ah ka hna ka thawk mawlh mawlh a, pawnlam a inhnial bap bap ri chu ka office kawngka inhawng pawp in a chhunzawm a.
‘Sir, ka dang thei lo a ni’ ka secretary Mrs. Casey chuan hlauhthawn hmel takin min melh a, office atangin a chhuak thei tih hriattir nan a ka buk zauh hnu chuan hmanhmawh zet in a chhuak a.. Min rawn be hmasa miah lo leh ka phalna la hmasa lo a ka office a lo lut hmeichhia chu ngaihven lovin dawhkan a laptop chu ka bih zui daih a..
‘Oh..Markos.. Ka tihpalh. Intihbuai ka duh tawh lo’ Kaya chu ka thutna chair hnunglam ah kalin min rawn kuah a. Ka la ngawi reng.. ‘Ka ngai lutuk che.. Min ngai ve tih han sawi teh.. Markos..khawngaihin…’ ka beng a seh zauh a, zei zet hian a kut chuan min chul vel bawk a. A kut ka man beh chuan a thaw hak a..
‘Markos..’
Chhang lovin a ban ah ka pawt a, ka malchung a ka thuttir hnuah a hmel chu chiang zetin ka en a..
Kaya Johanson..hmeichhe nalh tak chu a ni. Thlahnih chhung zet kan inkawp ve tawh bawk. A pa mi hausa zet sum hmangin a che nuamsa hle a, thil tha leh changkang pawh a hre khawp mai. Khum ah pawh sawiselna tur a awm lo.. Karthum liamta khan thil engemaw vangin kan inhnial a, ka apartment atanga thinrim taka a chhuah hnuah a reh ta deuh vang vang a, mahse a lo let leh dawn tih hi ka chiang sa vek. Ka hmeichhe kawp tawhte zingah chuan ka la kawp rei ber pawl a ni a, kan mizia pawh a in mil viau in ka hre thin. Ka hmangaih leh hmangaih loh erawh ka ngaihtuah ngai miah lo.. Tun bak hi..!! ‘Hmangaihna’ tih a tel tawh chuan buaina leh rilru lama harsatna in a chhunzawm fo a, chutiang thil chu ka peih ve lo. Hmangaih neih pawh ka tum hek lo. Tuna ka awmdan hi ka duhdan chiah a ni. Mi zalen, mahni duh dan a awm thei..sum in a lei theih thil ka lei thei vek bawk..hmeichhia thlengin..!
‘Min ngai ang tih te chu thil chiang sa alawm..’ a mal ah chul in a mawngbawr ah ka tawp chat a. Nui har har in ka hmui ah min rawn fawp a, a duhthawh khawp mai. A kawrhak tawngchham sa zet chu ka pawt tawm a, min pui sat sat a..
‘Kawngka a in kalh lo a nia..’ thaw halh halh in min kuah a, ka kekawr kawng a vuan chat bawk.. A kut chu vuan bet in ka malchung atang chuan ka chhuktir a, keimah ah engemaw off a awm.. A kawr ka pawh tawm tawh chu ka siamtha a. Ka awmdan chu mak tih vanga ka hau in min en a..
‘Markos..enge a..?’ min rawn kuah leh a tum chuan a kut ah chelh in ka nawr sawn a, ka awmdan chu ka hrethiam biklo.
‘Tunah chuan hnathawh tur ka nei.. Hna ka ngaih pawimawh zia I hriat kha’
‘Markos, ka ngai che asin..’ no zet a min melhin a ner nang a, tumdang ang chu nise engmah sawi lovin ka office ah hian ka mutpui leh ngei ang.
‘Tlaiah dinner kan kildun dawn nia.. Tunah chuan min chhuahsan phawt rawh.. Ka lo hruai ang che..’
Min rawn  hnaih leh in ka hmui ah min fawp a..’ka lo nghak ang che.. I hria em..zanah chuan min hnar thei tawh miah lo ang’ nui har har chungin ka office atang chuan a chhuak a.
.
Karhnih liam leh chhung chu a rei khawp mai..
ZoGrafos Company nen Lawng hmanga sumdawnna lian takah indawrna kan neih vangin Athens, Greece ah ka kal a, ka duhthusam ang chiah nilo mahse lungawina khawp hlawhtlinna chu ka hmu ta tho. Hotel leh Bar hmun hrang hrang ah ka nei tawh chung pawh hian naupang te ka nihlai atanga ka suangtuahna ni thin chu Lawng lian tamtak neih hi a ni. Vanneihthlak takin ka duhthusam thin tih hlawhtlin theihna hun ka nei ta hlauh bawk.
.
Chhun ah hah takin hna ka thawk a, Kaya nen kan inkawp zauh zauh tih loh chu hmundang ah ka chhuak hman meuh lo. Engkim hunbi nei a ka tih a ngai a, nikhat ah meeting 2 aia tlem lo ah ka tel a ngai ziah bawk. Zan a ka mut meuh chuan ka chau hnep tawh thin.. Mak takin zankhat chiah ka mutpui hmeichhia kha ka la ngaihtuah chhuak fo.. A hmel thianghlim sar leh a taksa nalh zet te kha.. Thlakhat chhung chu ka hmu leh ta miah lo.. A account a pawisa ka dah hnu khan lawmthu min hrilh tur tala min rawn hmuh ka ring rilru a, nithum chhung kha chu ka office kawngkhar kik a nih apiangin amah anih beiseina ka nei thin..
Tunah chuan hmuh leh ka beisei ta lo. Ka pawisa a duh vang ngawr ngawr a min mutpuitu khan ka ngaihtuahna luah fo pawh hi a phu lo’ tiin ka inhrilh a, ka ngaihtuahna erawh ka thunun pumhlum thei lo fo thung.. Hrep hian…ka ngaihtuah tawh lovang..
.
Ka office kawngkhar kik ri dat dat ka hriat chuan lo lut turin ka hrilh a
‘Sir, vawiin hi Miss Kaya Birthday a nia. Pangpar ka thawn tawh a, lunch I kilpui dawn nge dinner I kilpui dawn?’ Casey chuan a coffe no ken chu ka dawhkan a dah pahin a tawng mawlh mawlh a..
Ka pen dahthla in Casey chu ka en a, min nuih hak a. Ka hmel atangin Kaya birthday a ni tih ka hre miah lo tih a hria a ni ngei ang.. Casey hi kum 48 a upa a ni tawh a, kan sumdawnna ka enkawl hma atanga thawk tawh a ni. A hna a tlin em em a, ka pa khan a hnathawh dan a fak fo thin. Fak awm reng pawh a ni e. A hriatna a tha a, thil theihnghilh mai mai chi a ni lo bawk.
‘Chuan..Sir..??’
‘Ahh..dinner ka eipui ange.’
‘Anih chuan Rolendo ah ka book ang aw, niminpiah lawk a an hawn thar a nia, I ngainat ka ring’
‘A tha alawm..’
‘Ka kal ange.. Chuan Sir, tun atanga darkar hnih ah meeting I neih kha..’
‘O.k.. Ka hria e. Paper kha lo peihsa ang che’
‘Yes sir’
Casey chhuah hnu chuan ka thutna chair chu nghengin ka thu vang vang a. Phone la kangin ka nu ka bia a. Ka pa boral hnu hian a khua a har zual a, ngaihsak lehzual angai khawp mai. Naktuk ah ka tlawh dawn tih ka hrilh chuan phur zetin a au hliai a, dinner tui tak a lo buatsaih tur thu a sawi hnu chuan phone dahin hna ka thawk zawm a.
Meeting pawh a kal tluang thawkhat. Buaina neuh neuh hi chu a awmreng a, chinfel harsa khawp buaina lian tham chu kan tawk zauh zauh chauh a ni.
Dar 7 a rik chuan ka office atanga chhuak in Kaya hruai turin ka chhuak a, Casey sawi ang ngeiin Rolendo restaurant chu ka ngainat zawng tak a ni. Kaya chu a titi siam siam a, a chang chuan a ngaihawm ve thin. Ka Pangpar thawn mawi a tih zia a sawi lai chuan ka lo nui suk ringawt. Casey thawn a ni tih chu hria se a lawm hauh lo ang.
.
Dinner kan ei zawh chuan a apartment ah kan kal a, ka laka a beisei chu ka hria. Min kuah in phur zet hian min fawp a, a thawmhnaw hak chu ka phelhsak ngai lovin a phelh a..
‘Kaya..’
‘Hmm..Markos, ka mamawh che..’
‘Kaya..ka chau a nia’
A thiltih lai chu chawlh in a kawr a ha tha a..
‘Ka tihpalh.. I chauh thu I sawi si lo a.. Anih chuan enge kan tih ang..? Ahh..movie kan endun thei ang chu.. A ni em?’
‘Han thlang la..’
Phur zetin a movie en duh a lachhuak a, a play hnuah ka bulah rawn thuin min kuah a. Nidang ang bawkin movie tawp hmain a muhil a, a room ah pawm chho in a khum a ka muttir a.
Kaya apartment ka chhuahsan hnu chuan ka chenna hmun panin ka car ka khalh a. City hospital ka tlanpelh lai a ka hmeichhe hmuh vang chuan ka car ka ti ding chawt a, car atang chuan chhuak in hmeichhia chu ka enzui a. Ka beisei ruk ang a ni lo..ka duh vang ni hauh lo a ka ngaihtuah fo thin hmeichhia kha a ni pawhin ka hre lo..! Ka mitthla a nih ka ring.. Ka awmdan mak zet vang chuan thinrim ru tun in car ah ka lut leh a, chak zetin ka dawk chhuak zawk a.. Tun ang zanrei tawh ah hospital a hmuh ka in beisei pawh chu thil awmang lo tak a ni reng reng e.
Ka apartment ka thlen chuan inbual zawh hnuah ka mu nghal a, mumang nei hauh lovin ka muhil siai siai a.
.
Dan pangngai angin zing dar 9 ah office ka thleng a, nimin khan ka nu hnen ah ka tlawh dawn thu ka hrilhlawk tawh vangin hna pawimawh zual chawhma chhunga ka khawih zawh vek angai.
 Dar 11 a rik chuan ka tihtur chin ka zo der tawh. Intercom a Casey thu rawn sawi chu ka ngaithla a. Darkar khat liamta khan thil pawimawh tak vanga min hmu duh tu an awm thu a rawn sawi tawh a, min lo nghak mai turin ka hrilh kha a nia. Ka tan darkar khat chhung nghaktu neih hi thilmak erawh a ni hran lo. Nitin deuhthaw a thilthleng thin a nia lawm le.!
‘Sir,  ka rawn luhtir thei tawh em? Darkar khat zet a nghak tawh che a’
‘Nidang ah rawn kal leh mai rawh se, tunah chuan hun ka nei tawh lo’
‘Sir, a pawimawh lutuk a ni awm e..’
Ka ngawi dat a.. Minute 5 emaw minute 10 emaw chhung bak a ni lovang..
.
‘A nih chuan lo lut rawh se.’
.
Ka office kawngkhar chu a ri rak a..
‘Minute 5 hun I nei..’ tunge lo lut tih en lovin ka coat ka ha tha mawlh mawlh a. Aw thian kharh ri ka hriat chuan ka en ve ta chauh… Ka ding ngil zawt a..
.
He hmeichhia hian enge arawn tih dawn…???
.
BILLIONAIRE’S SLEEPING SUN
CHAPTER – 2
By. Thantei_aka_Laura_Sean
.
Ka en reng vang chuan zam deuh ni awm takin a aw a thian leh kharh a.. He hmeichhia hian enge a duh phiangsen le..?! Min rawn kal hnaih chuang lovin kawngka bulah chuan a ding a, thu tura ka hrilh hma chuan thut a tum lo niin alang. Manner tlemte tal chu a hre ve a nih hmel hi..
‘I hriat ve ngei tur thil pawimawh...’
‘Helai I rawn thlen danah thil pawimawh tak a nih angai reng a ni..’ ka chhan dan leh ka tawngdan vang chuan a nuam tilo hmel chu a nasa sauh a, a insangmar at tih ka hmu thei bawk.. ‘I hun neih a ral tep. Khalai a ding zum reng lo khan I sawiduh chu sawi rawh’
A biang a sen tan tan a, a bulah va kal a a hmui sen no chek chu fawh ka chak takzet.. Nia..zankhat chauh kha ka tan a tawk zo lo a ni mahna! A kut chu a hma ah a suih than a. A awmdan ang apiang in ka thin a tirim..nilo min tiphur..! Hrep chuan.. thilmak tak a ni.. A thawmhnaw hak chhan a a taksa nalh zet ka lo hmuh tawh kha ka ngaihtuah lo thei lo bawk..
‘A landan chuan…’
‘Pehhel kual lo khan sawi rawh’ ka ti leh hmuk a.
‘A tha e.. Naute ka pai a ni..’
‘Chuan…?’ Ni lo.. Eng thu maw a sawi zawh chiah kha?
Vur tui in min leih ni maiin ka hria. A hmel chu chiang lehzual in ka en a, thaw huai hmel a pu lawi a.. He hmeichhia hian a nau pai lai pa a min puh a tum a nih teh chuan a tum angin thil a kal hauh lo ang.! Huh..hmeichhe pakhat naupai thu ka hriat vanga ka danglam a ngai hauh hleinem..
‘I naupai thu min hrilh turin I rawn kal vang vang a.. I tan enge tihtheih ka neih..?’
Phawk zet a min en in ‘Ka naupai lai hi I fa a ni’ a mitmeng a de zawk bawk.
Za hauh lovin ka nui hawk hawk a, ka awmdan chu mak a tih hmel lehzual..
‘Hmeichhe pakhat ka office ah rawn kalin ka fa a pai thu a sawi a, awih turin min beisei a maw..? Min chhuahsan thei ang.’
.
‘Mr. Markos Leventis, ka naupai hi I fa anih thu ka sawi a nih chu..i hmelma fa ni lovin..’ a tichang fak a, min chhuahsan tum hmel a pu lo. A tawngkam vang chuan ka nui tawp hmak.. Ka office arawn luhtirh a a zam hmel kha a bo vek tawh bawk.
.
‘Huh..engtik laiin nge?’ ka hre chiang khawp mai. He hmeichhia hian 1million bakah tu fa nge a pai tih pawh ka hriatpui loh tan hian pawisa min dil belh a tum a nih ngei hi.! A mumang emaw a ti a ni ngei ang…! Hmeichhe pangngai ve mai vawikhat mutpuina man atan chuan ka inseng tam mah mah tawh..! ‘Hmeichhe pangngai mai mai ang chuan I ngaih loh tawp kha’ ka ngaihtuahna chu duh lovin ka chip hmak a, a hmel chu ka enchiang khawp mai bawk..
.
‘Min hrelo anga awm tum suh.. Khami zan..’
.
‘Nang chauh lo hi hmeichhe dang tamtak ka mutpui ang tih I hriat ka ring. Chutiang bawkin nangpawh in mipa dang I mutpui ngei ang..’ ka tawng chu a sehchilh deuh nak a..
.
‘I tenawm hle mai’ a ti sap a, a mitmeng thip ram chuan min melh rawm rawm a.. A landan sexy zet chu hmulo ila ka tan a tha zawk..! Engemaw tak chu a ni.. Min zahpah vaklo leh min thunun theitu ang mai a a awm chu ka duhzawng a ni lo bur.. Mahse, he hmeichhia hi…
.
‘I hming min hrilh teh?’ Thla khat aia tam mah liam tawh ah khan duhthawh takin zankhat hun ka hmanpui ngei a, mahse a hming takngial pawh ka hre lo. He hmeichhia hian buaina min thlen dawn tih hrelawk ila khami zan khan ka mutpui lovang..chumai a ni lo ka ngaihtuahna a la luah fo leh ta nghal a.. Min chhan mai loh vang chuan a hming ka zawt nawn leh a..
.
‘Lilian..Lilian Spencer’
.
‘Anih chuan Miss Lilian Spencer..i hmuh ang hian kalna tur pawimawh ka nei a, min chhuahsan theih chuan..’
.
‘Khami zan khan invenna kan hmang lo tih I hria em? Chuan ka vawikhatna a ni bawk.. Nang ang mihring fa pai hi ka chak I ring reng reng ami..’ a thusawi chu ka hrechiang khawp mai. A tawng zawh chuan a pum a dawm a, a phun sap a.. A thusawi awmzia chu.. Ka hrechhuak..!
.
Khami zan khan invenna kan hmang hauh lo tak e..! Khatiang khawp a hmeichhe nalh kha experience nei miah lo a nih ka ring lova, a inven sa thlap ka ring bawk.. Nilo..a hunlai khan invenna lam reng reng ka ngaihtuah lo.. Amah ka mamawhna kha a nasa em a, thildang reng reng ka ngaihtuah hauh lo a nih kha.. Ka taksa hnuailam danglam mek pawh chu..a hun lo takzet.. A thusawi chu ngaihtuah rawh..! Anih chuan tuna a thusawi, ka fa a pai thu hi thudik a nih theihna chance a awm..!
.
‘Khatiang hunrei tawh a mi kha engtin nge ka fa a ni ngei tih ka hriat theih ang? Mipa dang I mutpui lo tih engtin nge..’
.
‘Ngawi hmak rawh..’ min rawn pan hnaiin a kut a hum ruh a, a mitmeng a alh phat bawk..
.
‘Fiahna ka mamawh ang’
.
‘Takzet che hian..’ a tawng ring lo nain ka hriattheih tur ngei a sawi chu a ni..
.
‘I naute pai  lai chu ka fa a ni ngei tih ka hriat theih nan test I paltlang phawt angai ang. Naktuk ah min rawn hmu leh ang che’
.
Thildang a sawi leh hmain kawngka lam ka pana ka kal chhuak nghal a. Hmeichhia tumahin..tumah reng reng in ka tawng lai ngawi turin min la hrilh ngai lova, thu min pe ngai hek lo. Kha hmeichhia..Lilian Spencer inti khan enge a hriat..? A chanchin zawng zawng ka hriat vek phawt angai  bawk ang.. Elevator a ka luh chuan ka office atanga a chhuak lai ka va hmu leh hram. Elevator a inkhar hnu chuan thaw huai in bang vawt thlur chu ka ngheng a, ka taksa hnuailam danglam chu thinrim zet in ka melh bawk..! Hetianga awm tur hi ka ni lo.. Ka ni lo hulhual.. Mahse a thinrim meng de zak zak khan min tiphur tlat a ni.. Tuna ka awm ang hian hmeichhia vangin ka la awm ngai lo.. Elevator bang chu ka chum dawp a..
.
Office atanga ka chhuah hnuah hmanhmawh zet a ka car lachhuak in, ka nu chenna hmun pan chuan a chak thei ang ber in ka tlan pur pur a. Kha hmeichhia leh a thusawi ni lo kha thildang ngaihtuah tur ka mamawh.
.
Ka nu hmel ka hmuh chuan ka mood fuhlo zet a hriat loh nan ka awmdan ti danglam in ka nui a, min kuahna chu ka kuah let vat a..
.
‘Oh..ka fapa..’ ka nu chuan min kuah vang vang in ka biangah min fawp a. ‘I thilduh ber ka siam a nia..
.
‘Ka lawm e, mama’
.
‘Anih chuan inkawm teh ang. ZoGrafos Company nen in indawr chungchang kha newspaper ah ka lo hmu a..’
.
‘A tha vek e. Thla leh hian Athens ah I zin duh angem?’
.
‘Ka chak khawp mai.. Chumi hma chuan ka doctor phalna lak phawt angai ang.. I hria em, ka doctor pan lai nupui Laura hian thiantha zet mai a nei a, inhmelhriat ula ka duh a..’
.
‘Mama, kha chu nakin ah..’
.
‘Nakin chu engtik nge niang.. Markos..i naupang reng dawn lo a nia..’ a thaw halh a.. Thildang sawi theih miah lohin ka nupui tur chungchang ah bawk kan inhnial leh dawn a nih hmel e.
.
Ka nu hian kan chhungkaw doctor pangngai aiin New York a doctor lar zet mai Dr. Mikhail Varshavski (Dr.Mike) pan a duh tlat a, engtik laiin nge Dr. Mike nupui Laura a tih te nen chuan an inhriat tih pawh ka hriatpui hek lo.
.
‘Markos, ngaithla teh..ka thusawi chu I hre hauh lo a nia..’ ka nu chu phur hmel zetin a nui sang a, ka pa awmloh hnuah tun anga a hlim hmel hi hmuhtur a tam lo.  ‘Karleh ah ka in ah hian ka thiantha te dinner kilpui ka duh a, I lo tel thei ang chu tiraw? Ka doctor te chhungkua pawh chu I hmu ve anga..an vaiin I ngaina dawn tih ka hrechiang a ni..’
.
‘Eng ni ah nge niang? Kartawp a nih loh chuan hun ka nei ngai lo tih I hriat kha..’
.
‘Oh..i pa ang mai.. Hna..hna chauh buaipui lo tur hian vawi engzat nge ka hrilh dawn che le…’
.
‘Ka pa khan I thusawi chu  a zawm em?’
.
‘No..i pa ang chiah a ni..’ a lu thing mat mat  in a nui sang a, hmalam a en vang vang a. Ka pa a ngaihtuah tih ka hria.. ‘I pa khan kan tu lo piang tur hi hmu ve se ka van duh em..’ Ka nu thusawi vang chuan ka thungil zawt.. Kha hmeichhia khan ka fa a pai a a inhriat thu a lo hrilh hman a ni em lovang chu..!  Ka awm a nuam ta lo tawp mai..
.
‘Mama, I sawidan chu..’
.
‘Oh..nia.. Zory’n tukin khan nau a pai thu min hrilh alawm..’
.
‘Oh..min hrilh ve miah lo’ Lungawi loh hmel takin ka ner a, ka nu chu hlim zetin a nui har har reng a. Ka farnu neihchhun in nau a pai thu hriat chu thil lawmawm tak a ni..
.
Titi hrang hrang sawiin dinner kan eidun a, ka nu bula ka awm hi chuan thildang ngaihtuah hman miah lova a thusawi ngaihthlak a ngai a, engemaw chenah rilru hahna leh ka thil veite ka theihnghilh theih phah a, thil tha tak a ni.. Ka nupui tur chungchang erawh tuna a buaipui ang hian buaipui lo se ka duh. Ka duh tak chu keiman ka thlang ve mai ang.
.
Ka nu chenna hmun atanga ka apartment ka pan chuan zan dar 10 a pel tawh. Ka nu bula ka awmloh rual rual in Miss Spencer hmel ka mitthla ah arawn lang nghal a, naktuk ah eng thawmhnaw nge rawn hak ang? Hmuh leh ka chak takzet..!
.
Ka ngaihtuahna chu duh lovin ka lu ka thing nak a. Tunah hian a taksa nalhna leh min tihphur zia ngaihtuah hun a ni lo.. A thusawi nun pumpui ti danglam theitu kha ka chinfel vat angai. Tun kar chhungin ka fa a pai ngei leh pai ngei loh ka hrechiang anga, engkimm a fel vek ang. Zan kan hmandun khan invenna kan hman loh thu chhuanlam ah a siam ngei a, mahse a chiang chuang lo.. Kei nilo mipa dang mutpuina hun a tam lutuk.. Thlakhat chuang a liam tawh.. .
Karkhat ah ni 7 a awm a, thla khat chhung phei chuan ni 30/31..!!! Ka mutpui hun leh a naupai thu a hriatchhuah inkar ah thil thleng thei a tam lutuk tlat..
.
Ka apartment ka thlen chuan inhnuai ah ka chhuk a, hah hnep a ka insawizawi hnuah inbual in ka mu nghal a. Engmah ngaihtuah peih lo a ka chau hnep phawt a nih loh chuan ka muhil thei dawn lo tih ka hrechiang a ni..
.
Ka muhil ka harh chuan dar 7 chiah a ni. Khum atang chuan tho in zingkar routine ka tihfel hnuah office kal turin ka insiam a. Chhun a ka thiltih tur vang nge ka hre lo, ka awm hle hle thei tlat lo. Breakfast mumal lo zeta ka ei hnuah office panin ka chhuak a.
.
Chawhma lam dar 10 a rik hnuah pawh Ms. Spencer chu ala rawn lang lo fo. Zing dar 9 hma a office ka thlen khan Casey’n mak tih hmel takin min en a, office a hnathawk ka chhawr ho pawh Casey ang chiah in an hmel ah mak tihna ka hmu thei.. Nidang aia hma ah office ka thlen vang mai a mak tih hmel taka min en hu hu tur pawh a ni lo..
.
Hna ka thawk sawt thei der lo bawk.. Lunch pawh ei lovin ka office ah ka inkhung char char a, Casey nen kan inbe zauh zauh tih loh chu tumah midang ka be lo.
.
Chawhnu dar 1 a rik chuan chatuan chen zet a ni rein i ka hmang niin ka hria..
.
‘Sir, Ms. Spencer arawn thleng e’
.
Ka chair ah chuan ka thu tha a, ka aw ka then kharh hnuah office a lo luhtir turin ka hrilh a. Kawngka chu zawite a inhawng in nileng a ka hmeichhe nghah chu arawn lut a. Nimin ai khan a lang nalh zawk mah in ka hria.. Ni lul lo rawh se..! Chutiang zawng chuan ka ngaihtuah a hun lo lutuk takzet.. Kawrfual ban bul hmuh hahdam zet a par chiai a khup khuh a ha a, a vun a nung sar. A mitmeng erawh a de sar sar lo. A sam ngil siau chu a thlah a, nimin khan nau a pai thu a sawi hre lo ila chu naupai mek tih a hriat miah loh..
.
Ni tak e.. Helaia arawn kal chhan chu a naupai lai pa ka nih leh nih loh fiah turin a ni tak e. Ka dawhkan lian zet hma a chair ah chuan thu turin ka mitmei a. Ngawi rengin a thu ve mai bawk.. Kan tihtur kan tihfel hma leh ka hahdam hma a ni mai. Casey hnenah Dr. Doughlas lo luhtir turin ka hrilh a, Dr. a lo luh hma chuan engmah kan sawi lo.
.
Doughlas chuan ka thisen tlem a la a, naktuk ah Ms. Spencer chu Hospital ah a kal a ngaih tur thu a hrilh a.
.
‘Doughlas..?’ ka awmdan atang chuan thil engkim a hma thei ang bera hriat ka duh tih hrethiam in Doughlas chu a bu nghat a.
.
‘Naktuk tlai lamah result kan hre thei ang’
.
Lilian chuan ‘Ka tihtur a awm ve rih lo a nih chuan hmundanga kal ka ngai a, ka lo va chhuak ange’ a ti nghat a.
.
‘Biak che ka duh.. Doughlas I chhuak thei ang’ ka awki chu ngainat loh hmel takin Lilian chu a ner sak a. Doughlas chhuak lai chu a en zui reng bawk a..
.
‘I pa rual zet tur laka I tawngkam chu a mawi chiah lo a nih kha’ a ti nghat a. Min sawisel tur hian engah nge a inngaih reuh le..?
.
‘Lo buai suh, ka hnuai a hnathawk a nia…’
.
‘A nih chuan enge sawiduh I neih?’ Nin hmel taka thaw hak in ka tawnglai chu min pawt chat hmak a.
.
‘I kalna turah chuan ka driver in a hruai thei ang che’
.
‘A ngailo ang ka lawm e’ a  thutna atang chuan a tho a.
.
Ka office kawngkhar a rawn inhawn thuai chuan kan hawi rual thawt a, Kaya chu lung nihloh hmel zetin arawn lut a, thudang a sawi hmain Lilian nen chuan min entawn zak zak a..
.
‘Markos, khawngaihin Casey hi min tibuai ziah lo turin I hrilh thei angem?’ a hmui tipawrh tarh in min rawn pan a.. A va hun chiah lo em.. Kaya chuan Lilian chu en leh in ‘Henu hian enge arawn tih a..? Sumdawnna lam a nilo ang tih ka hrechiang a’
.
‘Ka kal ange..’ Lilian chu kawngka lam panin a kal nghal a.
.
‘Nang kha lo ding lawk teh..’
.
‘Kaya..’ ka ti hrawk a..
.
Lilian chu dingin arawn hawilet a, chaldelh taka biak chu a ngaithei lo tih a thup hauh lo.. Kaya’n ka nghawnga min rawn kuah chiah bawk.. Eng thil nge maw a tih le..? A kut chu phelh tumin ka vuan a, a thusawi vang chuan makti in ka en ta reng zawk a..
.
‘Helaia ilo kal chhan hi enge a nih ka hrelo na a, ka Markos hi Io beisei anih chuan I beiseina chu titawp nghal ang che.. Kan innei thuai tawh dawn a, I hmuh ang hian..’ Kaya chuan ka hmui ah min fawp zauh a, a nui zui har har a. Min kuahna chu phelhsak in a kut chu ka dah thla a.
.
‘Kaya..duhtawk rawh..’
.
‘A tha alawm.. I thil hlauhthawn chu a thleng lovang.’ A nui sak a ‘In hun ka khawhral sak lovang che u’ a awmdan ti danglam miah lo a ka office atanga a chhuak chu ka enzui reng a. He hmeichhia  hi engemaw tak chu a ni phawt mai..!
.
‘Markos..kha kha enge a awmzia..? Tinge I enzui reng a..? Kha hmeichhia kha tunge..? Markos..?’
.
‘Kaya..’ zawhna tam tak min zawt chu ka ngaithei lo..
.
‘Ni lo.. Ka birthday zan khan engmah sawi lovin min hawsan a..’
.
‘I muhil a, biak theih I ni hleinem..’
.
‘Chu chu ka thinrim chhan a ni lo.. A tukah pawh min rawn be miah lo a.. Markos..ka ngai che..’ min rawn kuah tha leh in ka hmui  ah min fawp a ‘ka mamawh bawk che’ a thaw halh a, a kut chuan ka taksa hnuailam a dap nghal hmiah bawk.. ‘Markos, khawngaihin..thlakhat a chuang tawh a nia..ka mamawh che..’ a kawngah ka kuah a, ka fawp let a. Ka kamis  kilhna chu a phelh niap niap a, a awmdan atang chuan mipa a mamawh takzet tawh tih hai rual a ni lo.. Keipawh mipa ka ni a, ka danglam ve tho.
.
Kaya chu pawm nawlh in office kil lama couch lian zet lam chu ka panpui a, ka nghawng ah nghet zeta min kuah in a thaw halh halh a. A in la hrang hlek a, a kawr pawh ka phelhsak hmain a lo phelh hmiah hmiah..
.
Dawhkan a ka phone dah a rik chuan kan thiltih lai chu kan tawp chawt a..Ngawireng in  Kaya chu ka thlah a..
.
‘Markos..phone chuan a nghak thei..’
.
.
.
Phone chu ka pick up ngei angai.. Engvang nge tih ka hre biklo.. Mahse ka pick up ngei a ngai.. Kaya chu kalsan in dawhkan ka phone chu ka la a. Caller ID ka hmuh chuan ka nui hawk.. Takzet hian…!!!

BILLIONAIRE’S SLEEPING SUN
CHAPTER – 3
By. Thantei_aka_Laura_Sean
.
‘Takzet che hian..!! Dimitrov..eng thil nge I hriat?? Tunah kher..!’ Thla hnih zet chu Dimitrov nen hian kan inbe tawh lo..
.
‘No..man..buaina ka tawk.. I puihna ka mamawh..’ Domitrov chu a thaw hawk a. A ni meuh hetiang a a awm hi chuan thil namai a ni hauh lo ang. Ka thian tha ber hian eng thil nge a tih leh pek le..
.
‘Hmeichhia a nih loh ka beisei..’ Kaya chuan ka hnunglam atangin min rawn kuah a, a kut chu ka lo man bet vat a.
.
‘Ni lo.. Markos..ni deuh tho..’ za lo zetin a nui hawk a, nui ri pawh a ang lo.. Hei chu thil thalo tak a ni ngei mai..
.
‘Tunah khawnge I awm? Ka lo kal ang..’
.
‘Helsinki(Finland) ah.. I laklawh tih ka hria..nakin ah ka lo be leh ang che’ ka chhan leh hmain phone a off a..
.
Ka kawr chu ha tha in chair ah chuan ka thu hnawk a. Kaya pawn ka mood inthlak chu hmuin min thlah a, kan thiltih lai chhunzawm ka tum lo tih a hriatthiam vanga a hmel a lungawi lohna lang chu ka haider sak hmiah.
.
Kaya nen office atanga kan chhuak chu Casey chuan rum zetin min lo melh ram ram a. Ka va nuih suk chuan min ner khum sak bawk.. Nia, ani hi  chu mizia bik nei a ni a, bakah Kaya hi a ngaina ngai lo.. Midang chanchin chhe lai a sawi erawh ka la hre miah lo thung. Kaya pawh hian a ngaina bik chuang lo.. Hmeichhe thenkhat hi chuan hmel en ringawt a ei loh zawng an nei vek ni maiin ka hria.. Mipa pawh kan bang chuang lo maithei..!
.
Kaya chu a car ah lutin a tlanchhuak nghal a, rei vaklo ah a lungawilohna theihnghilh in min rawn pan leh mai ang.. A chungchang ah buaina tur ka nei lo..
.
Pandora bar ah kal in darkar khat vel zet ka awm a. Ngaihtuah ber tur pawh ka hre lo. Dimitrov biak ka tum a, a phone a pick up thei lo. Thla 5 vel liam ta khan a sumdawnna zauhin CBA Ltd. a din a, a company hming mak ka tih thu ka sawi khan a awmzia min hrilh in a mittui a tla hial a nih kha. Mipa tawk tak a ni a, keimah ang bawkin a mangan tawpah chauh min be thin tih ka hria.
.
Khaw thim hmain ka apartment ah ka let leh a, inchhung ka luh chuan Kaya a lo thu ran a. Ka duh aiin min zar nasa ta mah mah.. Engtiklai pawh a ka bula awm reng a tum a nih chuan ka ning thuai ang.. Ka hmeichhe kawp thinte anga min zar buai chung ngai loh vanga tun thlenga inkawp kan ni tih keimah ah hian a chiang. A awmdan danglam tan hi amah pawhin a hre ngei ang..
.
‘Zanin ah kan chhungkua kan inhmukhawm dawn a, khawngaihin I lo kal ve thei angem?’
.
‘Ka hman ka ring lo.. Kaya..’
.
‘Khawngaihin..min kalpui a nih loh chuan ka kal dawn bik lova.. Keimah chauh a kala ka unaute hmuh ka peih lo..’
.
‘I chhungte an nia, ka chhungte ni lovin..’
.
‘Ngati nge..?? Markos..engin nge tibuai che..?’ Ka awmdan vang chuan engmah hrilh ka tum lo tih a hria ang.
.
‘Tak tak in..sweetheart..min kalpui hram rawh..’
.
‘Ok..zanin chiah.. Sweetheart tia min  koh kha ka duh lo a nia..’
.
A hmui tipawrh tarh in min rawn kuah a. ‘Superman..’
.
‘Ka hmingin min ko rawh.. Hminglem invuah hi ka ngaina lo..’
.
‘Okay..’ phur zet hian ka insiam chhung chu dawhthei taka min nghah tur thu sawiin kitchen ah a lut a, a ni tehul hian kitchen ah enge tihtur a neih ni. Ngaihven zui lovin ka room ah ka lut a, ka inbual hnuah ka insiam nghal a.
.
.
LILIAN’S POV*
.
Ka chanchinbu chhiarlai chu dahthla in ka thaw hak a. Tunah pawh hmeichhe dang nen a an thlalak bawkin chanchinbu phek hmalam a luah leh ta..! Chanchinbu chu ka ennawn leh ngat a.. Markos Leventis bula hmeichhe ding chu nimin a a office a hmeichhia kha a ni tih ka chiang.! A vawihnih nan chanchinbu a thuziah chu ka chhiar nawn leh a, engin emaw min delh rit tlat anga inhriatna ka nei bawk..
.
*Markos Leventis leh a bialnu Kaya Johanson pawh chhungkaw inhmuhkhawmna ah kalin an hlim hmel hle. An innei dawn hnai tih sawi a awm bawk.. Markos hian nupui a nei a nih chuan hmeichhe tamtak an tap ngei ang..!! Kaya pawh…*
.
Ka chhiar zawm peih tawh lo.. Chanchinbu chu ka hlawm nawk nawk a..
.
Eng hun rapthlak nge ka tawn tak hi le..?? Ka ruahmanna piahlam thil a ni tawh a, ka rilru a buai nuai nuai in tih hmasak tur pawh ka hre tawh lo. Nau ka pai thu hi Markos hnenah khan lo hrilh miah lo ila tha tur. Amah lah chuan min rinna chhete mah a nei lo tih a chiang reng lehnghal.. Tunah pawh a hmeichhe kawp a thlah chuang lo.. Engvangin nge ka naupai thu a hriat vang ringawt in a hmeichhe kawplai a thlah ngawt ang?? Ngaihtuahna atthlak tak a ni e.. Ka naute pai lai hi a fa a nih a ring miah lo tih ka hrereng sia…
.
Khum a ka pa mu chu ka melh tlawk tlawk a, tun dinhmun a ka din chhan ah hian ka pa hi ka puh thei lo.. Ka puh ngai lo ang..!
.
Thlahnih liamta khan ka pa damlohna hi kan hrechhuak a, ka nu awmloh hnu a a hriselna tlahniam satliah ngawt a lo ni lo.. Ka pa hi ka chan a nih chuan khawvel ah hian keimah chauh in ka awm tawh ang.. Chu chu ka thil hlauh ber a ni.
.
Ka pa hnungzang ruh zai a ngai a, a thling thenkhat thlak angai bawk tih ka hriat hma hauh in a damdawi man ah ka pawisa khawlsa kan hmang zo deuh der a. Ka hnathawh ve hlawh tlemte chauh ring chung hian ka pa tan damna ka thlen thei dawn lo tih ka hrechiang em em bawk. Sum ka hmuh theihna tur ngaihtuah in ka theih apiang ka tih angai tih ka hrechiang. Ka mamawh zat sum chu ka hmu ngei a, mahse ka ruahmanna kha a nihdan tur pelin a kal ta hlauh a, chu chu ka vanduaina chu a ni.
.
Ka dul la puar lo chu ka dawm vang vang a.. Nilo..ka naute hian ka ngaihtuahna kha a hriat loh ka beisei.. Ani hi ka vanduaina ah ka  ngai thei lovang. Engmah tihsual a nei ve lo. Engpawh nise, vawiin hian Markos Leventis hian ka naute pai hi a fa ngei a ni tih a hria anga, vawikhatmah ka hmuh angai tawh lovang. Engkim ka sawifel vek bawk ang. Naute pa anih vang chauh a hrilh ka ni bawk. Atan engmah ka ni lova, ka tan pawh engmah a ni lo.. Ka mamawh pawisa min pe tu chauh a ni.. Kan inhmuh tawhdan atanga chhutin naute pawh hi engahmah angai lovang tih hi ka rindan a ni bawk. Ka tan a tha deuh deuh a nimai. Ka dam anga ka pa leh ka naute lo piangtur te hi ka enkawl thei dawn chiang a ni.. Mihring in kan tum tak tak chu thawhrimna nen kan beih chuan theihloh a awm lo tih ka pa’n min hrilh fo kha a takin ka thlentir ngei ang.
.
Ka ngaihtuahna buai nuai nuai vangin ka tihtur a ka dahchhin ngailoh thil ka ti a, tuar tur a awm a nih pawhin ka tuar zel ang.. A pawimawh ber chu ka pa a dam leh theihna tura sum ka neih kha a ni a, duhthlan tur dang ka nei chuang lo.. Khami zan, Markos Leventis nen kan mutdun zan khan tum neisa ran in bar ah khan ka kal a, ka bula arawn kal khan tunge tih ka hre mai lo lehnghal. A apartment a kan luh dun chiah khan chiai vangin ka tlanchhuak leh lo chauh a nih kha. A hnua kan awmzel dan kha chu ka ruahmanna kal tlang pui ngei ka duh vangah chauh ka puh puhlum thei lo..! Diktak chuan a mitmeng thuk raih a min melh leh a kut a min khawih chiah khan ka la hriat ngai miah loh leh a awm tih pawh ka hriat ngailoh angin ka awm a, reiloteah ka thitih kha ka pa tan a ti ka ni tih leh ka ruahmanna zawng zawng pawh theihnghilh thakin ka thianghlimna ka hlan ta a nih kha..!
.
Kan mutdun atanga ni 3 ni ah chiah chanchinbu a thlalak ka hmuh atangin Markos hi a ni tih ka hria a, sumdawnna thangchak leh hlawhtling zual an thlanchhuah chungchang ah a ni nghe nghe. Ka neih hlu ber ka hlanna mipa ni mahse ngaihven zui tumna ka nei chuang lo. Diktak chuan a chhan leh vang chu engpawh nise, pawisa vang chauh a mipa mutpuitu hmeichhia nih hi ka zak ve takzet a ni. Min ngaihniam takin min tawngkhum pawh nise rilru na tak chungin ka pawm thlap ang.. Ka vannei a misual tak ka tawng lo hi lawm tur zawk ka  ni..
.
Ka naute pai hi a fa a ni tih a hriat hunah pawh engmah a danglam chuang lovang. A lak atanga tanpuina dawn ka beisei lova, a hmeichhe kawplai nen an inkar a buaina thlentu nih ka duh hek lo. Ka tih ngai loh tur thil a ni.. Thawk la vang vang in ka pa mutna khum bul atang chuan ka kalsawn a, pawnlam balcony ah ding in khawpui thawm ri nuai nuai chu ka ngaithla a.. Nitin hian mi hrang hrang in buaina kan tawk theuh a, mahni hma zawna buaina chingfel thei turin kan chak tawk theuh bawk tur a ni.. Nia..tuna ka mamawh ber chu chakna thahrui neih belh a ni..
.
Ka pa thawm avang chuan in chhung ah ka lut vat a. Ka pa chu rem lo zet hian khum ah thut a lo tum a, tlan rawk rawk in ka pui vat a..
.
‘Pa, I tha em?’
‘Ka tha alawm.. Princess, hetia min awmpui chawt hi angai hauh lo a nia..’
‘Dawr ah kal ka ngai chuang lo a, I bula awm ka duh alawm.. Chuan karleh ah zai I ni tawh dawn a, I dam hunah chuan ka hmel I hmu khat leh viau ang..’
.
‘Princess, I dang mah mah tih I inhria em?  ka pa thusawi vang chuan ka kut pahnih in ka biang ka dawm a.. Ka awmdan danglam hi a hriat ka duh lo… Ka nui lui sak a.
.
‘Ka tha alawm.. Ka vun te chu a  dang sa hrim hrim a..’
‘I nu ang chiah I nih hi.. Dawtsawi I thiam lo..’ a nui hak hak a ‘Ka fanu, awm hahdam ang che..’
.
‘Okay.. daddy.. Chawhnu lam chu ka chhuahsan lawk che angai a, Mervin hnen ah..’
.
‘Ni lo.. I thiante tihbuai ka duh hauh lo a nia. Keimahin ka lo awm thei lutuk..’
.
.
Chawhnu darhnih a rik chuan Dr. Doughlas min hrilh angin Clinic ah ka thu ran tawh. Tuna ka awmna hmun hi mi hausa te chauh awmna tiin an sawi thin. Engkim changtlung takin  a awm vek tih a hriat hle bawk..
.
‘Miss Spencer, lo kal rawh le..’
Dr. Doughlas chu cabin ah ka zui lut a, test ka tih zawh chuan  chhuak leh nghal in Clinic chu ka chhuahsan a.
.
Tikhan buaina tur ka nei tawh lo.. Chanchin pawh min rawn  hrilh a ngaih loh tur thu ka sawi a, ka sawilai khan ka beisei loh dan zetin Dr. Doughlas erawh a nui ringawt thung.
.
In ka thlen chuan a lo reh thiap a, ka pa a muhil a nih ka ring. Ka room ah lutin ka inbual zawh hnuah ka inthlak a. Tunhnai hian ka mut a chhuak deuh reng a, a chhan pawh chiang takin ka hria. Ka lu in lukham a deh rualin ka muhil nghal a ni zel mai..
.
Ka phone riin ka muhil lai chu min tiharh a, caller ID ka en chuan Mervin a lo ni a. Dawr ah buaina a thleng a ni maithei.. Ka rilru a thil awm vang chuan thinphu dat dat in phone chu ka pick up a..
.
‘Hi..Mervin..Engkim a tha em?’
‘Tha e.. Chanchin lawmawm lam zawk ani e. Vawiin khan order tam zet kan hmu a, tunah kan awl ve thei chiah a ni.. I pa a tha em?’ Mervin thu rawn sawi vang chuan ka haw huai huai a..
.
‘A tha alawm.. Mervin..engkim avang hian Joanna nen inchung ah ka lawm lutuk a nia..’
.
‘No.. lawmthu sawi angai lo.. Thiante hi engtik hun ah nge kan mamawh thin..?’ a ti nghat a. A hmel awmdan tur ka mitthla ah ka hmu thei..
.
Rei vaklo kan inbiak leh hnuah phone chu ka off a..
.
E, chuan ka la sawi lo in ka hria..! Mervin leh Joanna te hi ka thiantha ber te an ni a, nikum khan innei in nupa inhmangaih tak an ni. An inngaihzawn hma daih atangin kan inkawm khawm vek a, tuna kan dawr Baked Café pawh hi kan pathum a kan thawhrim rah a ni. Ka dinhmun min hriatthiampui in ni 3 zet chu dawr ah pawh ka kal tawh lo. Nau ka pai tih hi hria se engtin tak awm ang maw…?? Ka pa vangin sum tamtak ka mamawh tih ka hrilh lova, ka ruahmanna atthlak tak phei kha chu ka hrilh lo lehzual.. Naute chungchang erawh hi chu ka thup reng thei hauh lo ang..
.
Ka room atang chuan chhuak in kitchen ah ka lut a, ka pa nen kan eitur dinner ka buatsaih a. Naupangte ka nihlai atang tawhin eisiam nuam ka ti a, ka nu khan thil tamtak min zirtir bawk. Cake siam nuam ka ti viau a, a chi thar siamchhuah tumin ka bei nasa thei khawp mai. Chi dang deuh ka siamchhuah leh kan dawr tan hlawkna a ni zel bawk a, thiltha tak a ni.
.
Dinner ka siam peih hnu chuan ka pa room ah chawi chho in kan ei dun a, ka awmdan ah a ngaih a that loh thu a sawi leh bawk.. Mahse ka rilru a inpeih hma chuan engmah sawichhuah ka tum lo. A pangngai thei ang bera awmin dinner kan ei zawh chuan a room ka chhuahsan a. Naktuk hi a birthday a ni tih a hre lo a ni maithei.. Ruahmanna ka nei..!
.
Tihtur dang ka neih chuanloh vangin Red Velvet cake ka siam a, ka duhdan taka ka siam zawh hnuah movie en in sofa ah nuamsa zet in ka mu a, ka hriatloh karin ka muhil lo muhil daih a, ka harh leh meuh chuan khua a lo var der tawh..
.
Ka pa breakfast ka pek hnuah chawhma chhung chauh awm turin dawrah ka kal a, Mervin leh Joanna te bula ka pa birthday a nih thu ka sawi chuan phur zet in dawr khar a lo kal an tum thu an sawi nghal var a..
.
Midang han sawm tur ka  nei chuang lo a, rawn kal tumlo pawh nise ka sawm lui tho dawn chiang..
.
Zanah Mervin leh Joanna, ka pa te nen cool raih in ka pa birthday chu kan lawm a, nakum ah chuan ka pa pawh a dam tawh anga, kan ri hluai thei tawh ang chu..
.
Zan dar 10 velah Mervin leh Joanna ten min hawsan hnu chuan tihfel ngai ka tifel zung zung a, ka mut a chhuah loh em vangin in atang chuan ka chhuak a, kan kawt zawl a thutna ah chuan bawp khawkherh in ka thu vang vang a.. Thla a eng khawp mai. Boruak a dai raih a, tun ang taka thlamuang hian ka awmlohna chin pawh ka hre tawh lo..
.
‘Enge mamawh ka neih le..?’ tiin ka phun sap a. Thlamuang taka awm ni a ka inhriatna chu a bo nghal hmiah bawk.. Chhungril takah hian mal ngawih ngawih a inhriatna ka nei a, mamawh engemaw tak ka nei niin ka hria.. Chu ka thil mamawh chu enge a nih ka hre mai lo..
Ka thil ngaihtuah dan chu duh lovin ka thutna atang chuan ka tho a, zan boruak chu ka hip vang vang a. Rilru hah zawngin engmah ka ngaihtuah tawh lovang..ka naute tan hian rilru hahdam taka ka awm a ngai a ni.. Naute ka ngaihtuah chhuah rualin  Markos ka mitthla ah arawn lang zawk bawk.. Hahdam taka awm ka tum a nih chuan Markos ka ngaihtuah tur a ni lo..
.
Paternal test kan neih atang khan ni 3 a liam tawh a, eng thawm mah a rawn nei lo. Ka rinlawk dan chiah a ni bawk. A bialnu nen khan inneih an tum a nih phei chuan an tan mi hnawksak mai ka ni ngei ang.. Naute hi hmanrua ah hmang a ka hnaih a lo ring a nih chuan a rindan diklo zia a la hria ang chu.. Thil tullo leh tangkai lo ngaihtuah hi ka bansan angai..
.
Inchhung ah lut in ka room ah ka lut tlang nghal a, ka mut hma a ka phone ka en chuan missed call a lo awm teuh a. Number ka hriat ngailoh a nih vangin call let tumna pawh ka nei lo.  Thil pawimawh a awm a nih chuan min lo be leh mai ang.
.
Ni hnih a ral leh hnu ah ka pa zai a ni tawh dawn a, chumi hma chu dawr ah ka kal ngei ngei angai. Mervin leh Joanna te hian min hrethiam em em mahse engmah ti lova lo awm nuam ka ti tawhlo takzet.
.
Dawr ka thlen chuan Joanna awmna lam ka pan nghal a. Dawr pawh a lun khawp mai..
‘Heyyy…Lilian.. I hmu mai em..?’
.
‘Aw..thil lawmawm tak a nih hi.. Amak hle mai.. Engvang nge a nih I rin..?’
.
‘Ka rindan chuan I cupcake siam thar vang kha a nih ka ring..’
‘Nahh..a ni thei lo.. Ka lo kalloh chhungin hetiang hmasawnna hi a thleng a nia..’
‘Oh..i siam ang chiah chiah khan thiamlo mah ila I recipe kha ka lo entawn alawm..’
.
Hlim zet a nui bawk bawk in keipawhin ka tihtheih apiang ka ti nghal zung zung a..
.
Nileng a dawr a awm chu a hahthlak khawp mai. Tlai lamah in ka thlen chuan ka pa nen dinner kan eizawh atanga rei vak lo ah ka mu a, ka muhil nghal hmiah bawk.
.
Ka muhil ka harh hlawl a, sana ka en chuan dar 11 a lo ri tawh. Ice cream.. Ice cream..chu chu ka muhil ka harh chhan a ni.. Khum atang chuan thoin kitchen ah ka lut a, fridge hawngin Chocolate ice cream bawm chu ka phawrh a, ding chungin ka ei nghal mial mial a.. Bawm chanve ka ei pawh chuan ka la eichak huam huam tho. Mak tak a ni…!
.
Door bell a rik chuan laklawh zetin ka spoon kenlai chu ka hmuam a, tun ang huna lo kal chu Joanna leh Mervin te an ni ngei ang. Nidang ah pawh rawn sawilawk lovin movie thar kengin zanrei tak tak ah an rawn kal fo a, kan naupan deuh lai a kan thiltih thin a ni a, tunah pawh kan la bansan hleithei lo chu a nih hi..
.
Phur zetin kawngka ka pan a, ka ice cream eilai pawh ka dah phal chuang lo..
.
‘Welcomeee..Eng movie nge ni dawn..??’
.
Kawngka ka hawn rualin ka nui sang a, ka ban dinglam chu lo lut tura hrilh nan ka phar kual  a.
.
Mahse kawngka a Markos lo ding ka hmuh chuan ka nui tawp nghal chawt… Joanna leh Mervin te chiah ka rilru ah an awm vang a ni..
.
Ka awmdan min hmuh chuan a mithmul a tiche zauh a, hmui chip in a nui suk bawk. A kut dinglam chuan a kekawr ipte a zen a… A nui suk hmel ka hmuh chuan ka harhchhuak zawk..
.
‘Nang maw..?’ ka tichang rat a..
.
‘I beisei loh I hmu a nih hmel.. Khawnge welcome tih sawitu kha..?’
.
Chhan mai nachang ka hre lo. Ka sawmna pawh nghak lovin inchhung ah arawn pen lut a, a hawikual zauh hnuah min rawn en leh a.
.
‘Tunang hunah ice cream maw..?’ ka ice cream kenlai chu a kawk zauh a..
Ka chhan hmain min rawn dinhnaih a, ka hmai bulah arawn kun hniam a..
.
‘I thawmhnaw hak kha I thlak dawn nge dawn lo..’ a kut in ka khabe a rawn vuan a, a hmel ka en theih nan min kuai dak deuh a.. Chetsawn nachang ka hrelo.. Ni lo..chetsawn pawh tum ila ka thei lovang..!
Rawn kun hniamin ka hmui bulah min fawp zauh a, ka maimitchhing ringawt..
.
‘Hmm..a tui khawp mai…’
Ka awmdan zahpuiawm zet chu ka hrechhuak chiah.. He Markos hi a duh hunah kan in ah rawn kalin a duh duh a ti ang maw..?? Teuh lo mai.. Engtin nge ka inkhawih tir theih zawk..???
.
.
BILLIONAIRE’S SLEEPING SUN
CHAPTER – 4
By. Thantei_aka_Laura_Sean
.
MARKOS POV*
.
Paternal test a neih ni khan nileng in ka awm a nuam lo. Dr. Doughlas min rawn biak hun ka chang reng a, Lilian naute pai chu ka fa ngei a nih thu min rawn hrilh khan ka nghing lawih  a ni.. Tun atanga reilote ah ka fa tur a piang dawn tih ka inhriatna chuan mak takin ka awm a tinuam riau bawk.. Ka la ngaihtuah chin ngai miah loh thil a ni tlat..! Nupui neih pawh ka ngaihtuah ngailo a, fa neih phei chu ngaihtuah lo tak ka ni..
.
Lilian chuan min rawn biak mai ringin ka nghak a, ka beisei ang thil erawh a thleng lo. Min rawn biak mai loh vang chuan a chanchin ka hriat theih nan ka lawyer hnen ah a chanchin min lo hriat sak turin ka hrilh a, ka mi duh chanchin hre turin ka tan hun rei tak nghah a ngai ngailo hrim hrim bawk a, Lilian chanchin min rawn hrilh chuan uluk zetin ka ngaithla a..
.
Tunah hian apa nen chiah an cheng a, Baked Café ah hna a thawk thin bawk. A nihna takah chuan Baked Café neitute zinga pakhat a ni bawk a ni awm e. Mipa zui ngheh deuh a nei ngai lo tih thu thlengin min hrilh a, a contact number min pek chu ka phone ah ka save nghal a. Min rawn biak hma chu biak tumna pawh ka nei rih chuang lo.
.
Kaya nen kan inhmu reng a, ka office ah min rawn panin ka lakah a inhawng khawp mai. Mahse, ka lakah inpeih taka a awm hnuah mak takin naute lo piang tur  ka ngaihtuah chhuak ziah a, Kaya chu ka khawih zawm thei ngai lo.. A hma a phur taka ka sawngbawl thin ang khan ka awm thei tawh heklo. Kaya chu ka duh ta lo thut pawh a ni chuang lo bawk. Min zar nasa mah mah hi ka ning deuh tih mai chauh a ni.. Mi bulah kan innei mai dawn angin a lo sawi tih ka hria a, ka lawm tehchiam lo bawk.
.
Kaya chuan ka awmdan a danglam ni a a hriat thu a sawi a, a ngaihtuahna a kawm vak vak vang leh a duh dan a thil a ngaih kawih vang ah ka puh sak a. Min chan a duh loh thu a sawi zing hle bawk. Diktak chuan kan intih thiam vakloh hnua a lo let leh hnu hian ka la mutpui miah lo a, a ngaih a tha lo pawh a ni ve ang. A nilo zawng a ngaihtuah awm tak pawh a ni tho mai.
.
Zanah ka mut theih loh vangin ka car ka lachhuak a, ngaihtuah miah lovin ka tlan zel a, ka awmna lai ka hriatchhuah chuan car ka tiding a, ka dinna piah hla deuh taka in la eng pap chu ka en reng a. Ka lawyer (Mr.Cole) in Lilian chenna hmun hming min hrilh kha a ni tih ka hria.  Engvanga helai hmun hi pan nge ka nih ka hre lo. Naute pa ka ni ngei tih hi ka hre tawh tih a hriat ka ring. Lilian khan clinic a chhuahsan dawnah chanchin hrilh kher a ngailo ang tih a hrilh thu kha Doughlas khan min hrilh ngei a, mak tak in Lilian chanchin a sawilai khan a nui suk suk a nih kha. Doughlas hian awlsam takin min a ngaina ngai lo a “Markos sir, he hmeichhia hi mi mak tak a ni..’ tiin a sawi nghe nghe. A awmzia chu Doughlas hian Lilian hi a ngaina ve teh tlat tihna a ni..
.
Ka car atang chuan chhuakin Lilian chenna ni awm tak in chu ka pan a, in lian pangngai tak a ni. Kawtzawl zau tak a awm a, pangpar a tam viau bawk.
.
In kawngka chu a rawnn inhawng a, hmeichhe pakhat rawn chhuak in kawtzawl a thutthleng ah chuan a thu fel at a, van lam a hawi vang vang bawk.. Lilian ngei a ni.. Ka dinna hmun atang chuan ka en reng a, thil engin emaw min hip tlat ang mai hian ka panhnai zel a, light eng leh thla eng tangkawp vangin a hmel pawh ka hmuchiang thei ta. Ani chuan min rawn hmu theilo thung ang.
.
Thla chu hmuhnawm tih hmel takin a thlir a, a phun sap sap a. A mitmeng ka hmu theilo nain a hmel ah chuan khawharna..nilo engemaw tak ka hmu thei. A thutna atang chuan tho thut in a ding a, a taksa kham tihreh tum niawm tak hian a zi mar vel a.. Thil hmuhnawm tak a ni.. Takzet hian..hmeichhe zi mar vel hmuhnawm ka la ti ngai lo..! Ka phone phawrh in a number ka hmetchhuak a, amah ber pawnlam ah a awm tih hmu reng chungin vawi 6 lai ka call nawn a. Biak hmasak ka tumloh thu ka inhrilh mawlh mawh tho!!! Ka missed call a hmuh chuan min rawn biak mai ka ring…
.
 Rei vaklo hnuah inchhung ah a lut a, inchhung light a thim hnu chuan ka kalsawn ve ta chauh...
.
A tukah pawh ka beisei ang thil a la thleng chuang lo. Lilian min lo phone hun chang ru deuhin ka phone chu ka en sek a, ka hnathawh ah rilru ka pe hleithei der lo. Mr. Cole nilo amah zui tur leh a awmdan apiang ka hnena lo sawi zel tu tur mi ka ruai a, ka thiltih chu a thil dik tawklo a ni tih pawh ka hria. Mahse, mak takin engin emaw min tur tlat..!
.
Naute vanga ka sum a rawn beisei ka ring a, min rawn hmu a min nawr sek ka ring bawk kha a ni a.. Ka mi rawih in Baked Café ah Lilian a hmuh thu leh hna a thawh ve thu arawn sawi chuan ka lawm lo hle.. Ka fa lo piang tur pai mek tuin hna a thawk tih hriat chu thil lawmawm tak a ni lo reng a ni. An dawr a an thil neih enge tih ka zawh chuan cupcake, bagel..engkim a tuihnai em em vek tih a rawn sawi a, tam tawk tak order tura ka hrilh chuan mak a tih hmel khawp mai. Benzo thil order office a an rawn dah chuan hnathawk ho zawngzawng hnen ah sem turin ka hrilh a, mak an ti lehzual. Keipawhin ka thiltih chu enge a nih ka hre bik lo a, ka tihchhan pawh ka hre hek lo.!
.
Tlai tawh takah Benzo hnen atangin Lilian dawr atanga a haw chiah thu ka hria a, keiin ka pan a nih loh chuan a rawn lang dawn miah lo tih ka hrethiam tawh bawk.. Anih chuan kan fa lo piang tur leh kan pahnih a kan awmdan tur chungchang sawi turin ka pan mai ang chu.. Engmahin min dang lovang.. ka fa lo piang tur nen  a  min pawt then thei tur tumah an awm lo bawk. Engpawh ka ti ang..!!
.
Nilengin Lilian leh naute chiah ka ngaihtuah tih ka hriat chhuah chuan keimah pawh mak ka inti.. Zan dar 10 a rik chuan office atangin ka chhhuak a, chhun ah hna ka thawh mumal loh vangin ka awm khawtlai ta ringawt a ni. Ka apartment ah pengin ka inthlak a, muangchang in Lilian chenna hmun ka pan lehnghal a…
.
 A tlai tawh mah mah tih ka hre tho nain zanin ngeia ka hmuhloh chuan thil chi hrang hrang ngaihtuahin ka mu thei chuang kher lo ang. An in ka thlen chuan a lo la eng pap a, kawngkhar bula ka din deuh hlek hnuah door bell ka hmet ta chauh..
.
‘Welcomeee..Eng movie nge ni dawn..??’ Lilian chu ka en reng a, ka chhungril ah he hmeichhia hian min khawih tlat.. Ka hmel a hmuh rual a a nui hmel reh hmak chuan min tilawm vak lo.. Ringawt hian..!! A bawp nalh thlarh chuan min kherh leh se..a chunga ka chetdan vanga nuamti taka a awmdan…nilo..chu chu tunah ka ngaihtuah lovang…!!!
.
A thil eilai ka hmuh chuan mak ka ti..! Chu aia ka mit la chu a ice cream eilai a hmui bula kai chu a ni.. Dinhnaih in a hmui bula ice cream kai chu ka fawp zauh a.. A tui khawp mai..!
.
Engemaw sawiin a phun hlak a, a inlak hran tawh vangin a thusawi erawh ka hre pha lo. La nui sangin min en a, tun anga a awm chuan ka tan thiltih a awlsam ngei ang..!
.
‘Heihi I duh ve maw?’ a ice cream ken lai chu suak in tihpalh ni awm tak hian ka awm ah arawn ti per a, a hmel ah erawh pawi ti hmel a lang miah lo.
.
Ka kawr hma a ice cream kai chu a tuiral a, ka kawr chu a val kalh a. Min ngai pawimawh miah lovin min kalpel a, kitchen lama a kal chu ka enzui reng.. A hma ai khan a taksa chu a lian deuh niin ka hria. Kekawrbul tawite leh a kawrbah hak chuan ka rilru a lapeng bawk. Hetiang thawmhnaw inbel hi hmeichhe tam tak ka hmu fo a, ka awmdan a ti danglam ngailo. Mahse ani hi chu a danglam tlat..! Tuna  a taksa chhunga naute lo thanglian mek saw ka fa ngei a ni bawk..!
.
Ngawireng in kitchen ah ka zuilut a, fridge hawngin a ice cream kenlai chu a dah a, eitur dang a la zawng niawm tak a ni.
.
Ka inhriat hmain a hnunglam atangin ka kuah a, a insangmar at chu ka feel thei.
.
‘Eng thil nge ti a I inhriat’ a tichang rat a. Ka chesawn chuang lo.. ‘Min thlah rawh..’
.
‘Engvang in..?’
Za lo zetin a nui hak a, ka kut vuan in ka kuahna ka phelh theih nan a chesawn a. Ka thlah duh chuang lo. Hetia a taksa dek a awm hi nuam ka ti..!
.
‘Hetiang a min zahlo taka awm tur hian tunge ni a inhriat..?’
.
Ka ner sak.. A tawngkam hman duhzawng chu ka lawm hauh lo mai..
.
‘Kan inbiak a tulna chhan chu I hrechiang zawk..’
‘Oh..naute chungchang a nih chuan I hriattur I hre tawh a, enge sawibelh tur awm..?’ a ti leh nghat a. Amah vanga ka awmdan danglam hi a hre hauh lo niin a lang. A taksa ka deh chiah hian ka danglam lo thei lo a ni.
.
Ka kuahna ka thlah duhloh vang chuan a thaw hak a.. A nghawng hnunglam ah fawp in ka kuah hnai sauh a, ka taksa rang zeta rawn danglam chu a hre ngei ang..
.
‘Awlsam taka min mutpui leh theih I ring a nih chuan I tisual ang.. Min thlah rawh..’ a theih tawp a na in ka nak ah a tham a, thaw hawkin ka thlah a..
.
Chiang zetin min en a, a mitmeng uk dal raih atang chuan eng thil nge a ngaihtuah ka hre mai thei lo.
.
‘Enge I rawn kal chhan..?’
‘Ka fa I pai mek tih I inhria tiraw?’
‘A dik alawm’
‘Ka fa lo piang tur chu ka ngaihthah mai mai I lo ring anih chuan theihnghilh nghal ang che.. Ka fa chu ka bula thanglian turin ka duh ngei bawk ang..’
.
‘Chuan..’ min cho zetin min la enkal a, ka beisei loh dan hlirin he hmeichhia hi a awm tlat mai..
.
‘Chuan, ka fa ka bula thanglian tura ka duh thu ka sawi rualin a nu pawh ka bulah a awm bawk ang chu..’
.
‘Chuan…’
He hmeichhia hian enge a hriat..?? A mitmeng de sar sar chu thinrimna a ang ta khawp mai. Min cho hmel hle bawk.. Min cho tak hmeichhia maw..!?
.
‘Naute leh a nu ka bula an awm dawn chuan…’
.
‘Min vau beh a tihluihna hmanga inneih tih vel sawi I tum a ni em lovang chu maw.. Sawilo law law rawh.. A chhan chu engtiang pawhin min vau mah la ka ti dawn lo.. Inlaichinna lem lutuk ah ka fa hi thanglian turin ka duh lo..’
.
‘Ka ti thei khawp mai..’
‘Lo ngaithla teh, I hausa viau a mahse mihring zahawmna I lei thei lo.. Mihring duhthlanna pawh tiam in..’
.
A huaisen reuh hle mai.. Dinhmun chhe zawk a ding a ni tih a inhre lo a ni maithei. Ka tawng ve hmain a thusawi chu a chhunzawm zat a..
.
‘Chuan..ngaihzawng kawp I neih reng laia naute inchuh buai vanga hmingchhiat pawh I duh ka ring lo.. Tuna I ngaihzawng saw nghet takin vuan la min rawn ngaihtuah suh..’
.
‘Ka nundan chu ka thu ni rawh se..’
‘A tha a nih chu I chhuak thei ang..’
.
Ka panhnai a, min hnaih duhlo ni awm takin a tawlh hla ve zel a. A inrin hmain a kawngah ka kuah a, a tal phat phat a.. Ka kut lehlam in a nghawng a a marphu dat dat chu ka tuai hauh hauh a..
.
‘Hmeichhe kawplai ka neih thu chu I ngaihven a nih hmel..’
‘Ngawi hmak la min thlah rawh.. Ka ngaihven lo..’
.
A awmdan ngaichang lovin a hmui no chek ah chuan ka fawp a, ka kuahna atanga talchhuak thei tur khawpin thahrui a ngah lo tih ka hria.. A nghawng a ka fawh chuan a thaw hak a, a taksa erawh a tang mar at thung.. Ka hriatchhuah chu ka khawihna avang hian a awmdan a danglam ve tih hi a ni.. Keimah ang bawkin a danglam.. Tuna tan chuan chu chu a tawk em em rih..
.
‘Ka khawih hi nuam I ti tiraw..?’ ka thawk dan a danglam a, ka hriat awmchhun chu tunah hian he hmeichhia hi ka mamawh tih zawng hi a ni.. Hetiang khawp a rang hian hmeichhia vangin ka danglam ngai lo… A hnung ah ka kut lehlam in ka chul a..
‘Titawp rawh..’
‘Enge ka tihtawp ang..’
.
‘F**k you.. Min thlah rawh..’
.
A tawngkam hman chu a inhmeh hlawl lo.! Min tiphur zual sauh bawk. Ka taksa hnuailam chu a na ut ut thei hial..! A nghawng a la fawp reng chungin ka nui hak a.. Engvanga a tawngkam hman pakhat chauh pawhin min tiphur em em nge a nih ka hrethiam pha lo..!
.
‘Ka duh chuan engkim ka laksak vek thei che tih I hria em..?’
.
‘Invauna satliah vangin ka zam lovang..’
‘He thil hi ka duh chu a ni…’ a hmui ah chuan duhthawh zetin ka fawp leh a.. Kan inhnialna chuan ka rilru a luah tawh miah lo.. A theihtawp a na in ka awmah min nem a, thaw hawk in ka inla hrang a.. Tharum ah hneh mah ila hmeichhe duhlo chung khawih lui tur khawpin ka rilru a hniam lo.. Ani pawh a thaw hak a, a biang a sen tan tan a.. A landan chu a duhawm takzet mai…
.
‘Min chhuahsan rawh..’
.
‘Princess..’ inchung atanga aw lo chhuak chu apa a nih ka ring.. Nilo..mipa dang a chenpui pawh a ni maithei..!! Ka thil ngaihtuah vang chuan ka tawt nghal ut  ut.. Teh hrep chuan..!!!
.
Rum zetin inchung lam chu ka en a..
‘Princess, I la mu lo a mi?’
.
‘Aw..pa, ka mu tep…’ min rawn en leh a ‘Chhuak rawh..’ a rawn ti sar sar a. Tawng rin a hlau khawp mai, a mitmeng erawh chuan min ngei hmel ngang mai thung.. Inchung a mipa awm chu a pa a ni tih ka hriat chuan ka thaw huai a..
.
A pa hriat a hlauh dan atang chuan engmah a la hrilh lo a nih ka ring.. Tunang huna buaina siamsak chu ka duh bik lo.. A hmel chu ka en leh a, tawng lovin chhuak turin min duh tih hriat zet hian a lu a ti che nghat a.. A chezia zawng zawng hi ka tan chuan hmuhnuam tak leh min hip tak a ni vek mai hi thilmak tak chu a ni.. Kei hian he hmeichhia hi ka duh a ni em lovang chu.. Ni teuhlo mai..!! Zan khat kan hun hmandun tawh kha ka hre renga, ka ngaihtuah chhuak fo bawk a, a taksa ka deh leh chiah khan hmeichhe dang vanga ka awm ngailoh danin ka awm bawk..ka fa a pai mek tih ka hrechiang tawh bawk.. Chu pawh nise min hip hle tih ah hian a tawp tur a ni.. Thinlung atanga chhuak induhna..hmangaihna tih vel hi ka ring ngai lo.. Tunah pawh ka la ring chuang lo.. Chutiang chu ka ni ve lo bawk…!
.
‘Naktuk ah office ah rawn kal ang che..’ a beng bulah ka kun hniam in thupe aw zetin ka tawng a, ka tawng ring duh biklo..
.
Thlesawn deuh in min en a ‘I mumang a nih chu..ka rawn kal lovang..’ a ti leh sar sar a..
‘Min hnial tawh suh..’
‘Chhuak rawh..’ kawngka a kawk va a, a awmdan duhawm zet vang chuan a hriatna hloh thak khawp a fawh ka duh.. Engemaw a sawi leh a, a hmui chiah ka en vang leh thildang ka lo ngaihtuah daih vangin enge a sawi ka hre lo..
Ngaihdan nih loh hmel zet in min nam a, ka pen sawn hlek a.. Tharum a neih loh tehreng nen min namchhuah a tum a nih hmel reuh tlat..
.
A lamah awn in a hmui ah ka fawp leh zauh a, ka awmdan chu a beisei lo tih hriat zet hian a meng bial kak a. Thildang a sawi leh hmain kawngka ka pan a, ka chhuahsan hma chuan hawilet in ‘naktuk..lo inpeih ang che’ ka ti leh nghat a.. A lu thingin min chhang tawh lo.
.
Pawn a ka chhuah hnu chuan ka car ah lut in ka thu vang vang a.. Ka nui reng tih ka inhriat chhuah chuan phun hluk in car engine ka tinung a, ka tlanchhuak nghal a.. Engvanga nui nge ka nih ka hre hrep lo.. Tawng rin hlau taka Lilian min be lai hmel chu ka mitthla ah a awm reng lehnghal.. Ka awmdan chu a mak hle mai..!!
.
Car ka tihdin chuan ka apartment bulah ni lovin ka in tak tak ti a ka sawi thin bulah ka awm tih ka hre chauh..! Garage a ka car ka dah hnuah inchhung ah lutin ka room ah ka lut tlang nghal a. In chu a reh raih.. a ruak deuh huaiin ka hre bawk.. Ka in ah hian ka kal loh rei tawh zia ka ngaihtuah chhuak a, tunah pawh hian engvanga ka in hi pan nge ka nih ka inhre lo.. Ka hmeichhe kawpte tumah ka hruai ngai lova, hmeichhia ka hruai a nih chuan ka apartment ka pan ngei ngei thin..
.
Ka khum ah ka let thla nghal a, ka thawmhnaw hak pawh ka phelh lo..
.
Ka muhil ka harh chuan ka tho a, zing dar 8 a lo ri reng tawh. Bathroom ah lutin morning routine ka tihzawh chuan inhnuai ah ka chhuk nghal a.. Kitchen a ka lut min hmuh rualin Mrs.Lee chu a phawk hra a..
.
‘Eng thil nge thleng ta le..?? I in ah hian I rawn let tawh dawn lo emaw  ka ti hman hial asin.. Lo thu rawh..enge I ei duh..? Ohh.. Mr. Leventis, min ti hamhaih vek alawm’ tiin a nui hak hak a..
.
Min hmuh thut vanga a hamhaih leh a lawm hmel chu hmuh a nuam khawp mai..
.
‘Eng pawh a tha vek.. Ka hmanhmawh deuh bawk a..’
‘Aw le.. aw le’ tiin a che nghal zung zung a.
.
Ka phone ri chu caller ID ka en hnuah pick up in ka ngaithla vung vung a.. Ka rin ang chiah…!
.
‘Vawiin hi ka in a ka thiante dinner ka kilpui ni tur kha ani tih I theihnghilh em lovang chu maw..?’
.
‘Theihnghilh lo e..Mama.. Ka lo kal ang..’
.
‘Okay.. Ka wine duh bik kha min rawn kensak theih chuan ka lawm viau ang..’
‘Okay..mama..’
.
Min rawn phone lo se chu ka lo hre tawh miah lo.. Anih chuan.. Vawiin hi a hun tak a ni ngei ang..! Nizan a Lilian nen kan inbiak dan ngaihtuah let in ruahmanna tha zet ka nei..
.
Nizan khan invauna leh tihluihna hmanga inneihna emaw naute inchuh buai emaw pawh a duh loh thu Lilian khan a sawi a, a duhdan ang thlap ni dawn lo mahse ka thiltih dan hi a hnial thei hauh lo ang..!
.
Ka thil ngaihtuah chhuah chu tha ka tih vanga lungawi zetin ka nui suk a..
.
Chawhnu dar 3 a rik chuan in atangin ka chhuak a, Benzo ka biak hnuah Baked Café ka panding nghal a.
.
Pawnlam atangin dawr chu ka thlir reng a, inchhung a Lilian leh hmeichhe pakhat chu chiang takin ka hmu thei, engemaw sawiin an nui a, Lilian hlim taka a nui hmel hmuh chu a nuam khawp mai. An dawr chu a lun phian bawk. Hetiang hmunah nilenga a awm a nih chuan a taksa tan leh naute tan a tha hauh lo anng..
.
Café a ka luh chuan Lilian leh hmeichhe pakhat thutna lam chu ka pan nghal a, a ni chu a la titi mawlh mawlh. Anmahni ka pan tih hria in a bula hmeichhia chuan a signal a, min rawn en chuan a meng kal ralh a..
.
‘I lo inbuatsaih miah lo tih ka hre mai’ ka tawng ringlo nain ka thusawi chu a hre phak tho.
.
‘Khawiah mah kal ka tum lo’ a thutna atang chuan tho in min kalpel a, customer te chu hawihhawm taka nui sangin a bia a. Nichin lawka a titi pui hmeichhia chuan mak ti takin min en tawn zauh zauh a, Lilian chu panin a va phunpui sar sar a. Lilian chu ka bulah rawn kal leh a.
.
‘Kal ang le..’
‘Nizan a ka sawi ang khan.. I bulah ka kal dawn lo’
‘Tunah..’
‘Ka kal lovang..’
‘Ka tilui hreh hauh lo che a nia..’
‘Ka hlau lo..’
.
Ka ti ngamlo tura a ngai a nih chuan min hrechiang lo hle tihna ani..
A inrin hmain ka pawm nawlh a, a te that a.. A thiannu hnenah biak lawk ka duh thu hrilhin Café atang chuan ka chhuahpui a.
.
BILLIONAIRE’S SLEEPING SUN
CHAPTER – 5
By. Thantei_aka_Laura_Sean
.
LILIAN’S POV*
.
Markos kan in atanga a chhuah veleh sofa ah ka thu hnawk a, ka tha khur ru der der chu ka haw takzet.. ka thaw hawk a.. Mipa pakhat in awlsam tak leh a tum reng vang pawh ni lovin ka mood a thlak vek a, ka bula a awmlai khan ka inthunun zo lo thelh chu a ni e. Engvang a thinrim awlsam viau nge ka nih pawh ka hre lo.! Khatiang khan ka la awm ngai lo bawk. Mipa huhang ngah lutuk..ka bula a ding ringawt pawh kha ka tan a hnawksak lutuk.. A duh apiang a kawp thei ti a an sawi thin pawh hi thilmak a ni lo tih ka hre tawh.. Ka sawifiah thiam lo..mi hip theihna chak lutuk a neih vang hi a ni ngei ang.. Engvanga a ni nen kher inzawmna nei ta nge ka nih tehhrep ni…!!! Sofa chu nghengin ka thu awn a, ka kut pahnih a ka hmai hupin thawk ka la leh vang vang a...
  .
Ka pa khan kan inhnial thawm a hria a nih ngei ka ring a, kan thusawi tak erawh a hriat loh ka beisei. A fanu hian mipa ngaihzawng kawp nghet nei reng fa ka pai tih a hriat hi ka duh ngai lovang. Nau ka pai tih ka hrilh a nih pawhin Markos leh hmeichhe kawplai a neih thu hi ka sawilang dawn lo hrim hrim.!
.
Ka thinphu dat dat chu ka dawm vang vang a.. Kha mihring pa khan engvang a min fawp ngawt nge a nih ka hre lo a, min fawhna vanga ka taksa danglam pawh hi ka duhdan a ni hek lo.. Engkim hi..kha zan..ka ruahmanna tha tak ni a ka ngaih, thil atthlak tak ni si vanga intan vek a ni.. Pumpelh theih nise chuan kha zan kha pumpelhna kawng ka zawng ngei tur pawh a ni a, duhthlan tur dang ka nei chuang si lo a nih kha… Ngaihtuahna awmze nei lo mai a ni e..!
 .
Ni lo.. Kha Markos kha…A rimtui hman rim pa leh fai sar ka hnar a cham vang chuan tihreh tumin thinrim ru zet hian ka hnar ka tuai nawk nawk a.. Khum a ka mut leh hnuah pawh ka muhil mai thei lo. Eng feelings mah ka nei tur a ni lo.. Ka mittui arawn tla ringawt lehnghal.. Ka tahbelh ta viau ringawt mai hi ka naupai vang a nih ka ring.. Ka thinchhe zual pawh hi ka inhria a, ka thil ei a tui hleithei bawk si lo.. Markos kha lo kal lo se chu ice cream chauh nilo kha ka la ei leh tur a nia.. Ka mood arawn tichhe vek..
.
A hmel ka mitthla a lang reng chu tihreh tumin ka lu ka thing nawk nawk a.. Ngaihtuahna diklo pui pui ka nei leh dawn in ka hre bawk..
.
Khum ah chuan ka thuchhuak hlawl a, khum chu thawhsan in inhnuai ah ka chhuk a, eitur ka mamawh… Arsa..Umm..Arsa ka ei chak.. Fridge hawngin arsa ka duhdan taka ka siamlawk chu ka lachhuak a, oven ah tilum in ka ei leh mial mial a..
.
.
Ka phone ri in ka muhil  min tih harh chuan peihlo zetin ka pick up a, Dr.Arthur ka pa zaitu tur a lo ni a.  Thil pawimawh thenkhat leh kan inhmuh hun turte a sawi zawh hnu chuan phone dahin khum atang chuan ka tho chhuak a, ka pa room ka pan nghal a. Kawngka dim taka hawngin ka dak dek dek a, ka pa tui taka muhil ka hmuh chuan ka nui sak a. A muthilh tam leh a taksa tan a tha deuh deuh a ni mai.
.
Ka pa thil tur engkim ka tihfel hnuah in chhuahsan in dawr ka pan a, naktuk atanga ni 3 chhung dawrah ka kal theih dawnloh vangin ka theih chhunah chuan ka kal hram hram angai..
.
Dawr pan tumin Taxi ka chang a, ka lam pana mipa leh hmeichhia lo kal chuan mak takin ka mit an la.. A hmeichhia chu ka hmuh tawh hnu a ang..! Hlim hmel taka nui chungin ka dinna piaha car ah chuan an lut dun a.. Avan ho tak..ka tana thil pawimawh pawh nilo ka en reng a’ ti rilru chungin Taxi lo kal ka hmuh hmasak ber chu ka lo phar ding a, ka kal duhna hmun sawiin kan tlanchhuak nghal a..
.
Dawr pawh nidang ang bawkin a lun leh khawp mai. Reilote kan awl theih chhung chuan Joanna nen kan thu dun a..
.
‘Nangmah ah hian engemaw danglam a awm?’
‘Maw..?’ ka ti ha a. Ka hlauthawng ru ringawt bawk. Ka inthup viau emaw ka tia..
.
‘Thil engemaw..i vun a glow zual a…Oh..saw mipa chhelo lutuk sawn min rawn pan in ka hria.. I hria em?’
.
‘Eng mipa mahin min pan lovang..’ ka tih rual in engemaw ka feel thei.. Ni lul lo rawh se..!! A hmel ka hmuh hma hauh atangin ka bulhnai ah a awm tih engtin nge ka hriat theih zawk..!!
.
Joanna chuan phun sap in min signal a, ka en kher ngai lovin Markos ka hnungah a ding tawh tih ka hria. Ka duh aiin min hnaih bawk..
.
Min be ta ngei a, khawiahmah kal ka tum loh thu ka sawi chuan a awmdan danglam miah lovin tawngkam in min nawr a, mahse kal ka tum eih lo. Engahmah ngailo angin ka awm lui a, dawr atang hian chhuak se ka duh takzet..
.
Ka rin hauh lohin min pawm kang thut a, ka inring hman lo.. Ka te that a. Huaisen taka ka hnial a nih chuan min kalsan ve mai ka ring a nia..ka ring sual a ni e..! Kawngka atanga a chhuah hmain Joanna hnen ah min biak lawk a duh thu a sawi sup a, rihna neilo ang maia min pawm chhuak in car ah min dah lut a..
.
‘Enge I hriat a..’ ka ti hlak a..
.
‘Khawiah emaw kan kal angai.. Khawngaihin nawrluih ngaiin awm tawh suh’ a tawng ring lo na a, thupek khauh tak, hnial thiang lo ang mai a ni..
.
Ka ngawi ta hmak.. Khawiah nge kan kal dawn tih pawh ka zawt lo ang. Vawiin hian eng thu pawh min sawipui tum se engmah ka sawi dawn lo. Nia..a fa chu ka pai ngei a, mahse chuvang ringawt chuan a thuchhuak ka zawm vek tur a ni tih hi eng dan bu ah mah a awm lo.!
.
Car khalh pah chuan min rawn en zauh zauh tih ka hria a, ka en duhlo lui ngar ngar.
.
‘I tha em?’ min rawn en zawk a, chhan ka tum eih lo.. ‘Gata`ki..i tha em?’
.
A thu lam dan nalh lutuk leh a aw pa lutuk, min koh dan chu..!! He pa hian enge a hriat a.. Engti pawn min ko se min thlem lungawi dawn chuang lo.. Gata`ki tih chu a awmzia ka hria pawh a ni chuang lo. Greek tawng a nih ka ring. Eng tawng pawh hmang se Markos thiltih a nih chuan ka ngaina lo  vek..eng anga nalh pawh ni se.. ‘ I haw lo, I duh tan zawk a nih kha..?’ ka ngaihtuahna kil khat a thu awm chu duh lo zetin ka mit ka chhing a.
.
A thusawi engmah a chhan duhloh vang chuan a ngawi ve ta reng a, a hmel chu a lang ruh deuh tal bawk in ka hria. Ka awmdan vang hian a lungawi biklo a ni ngei ang.. A pawi tawp hleinem..!
.
Car a tih din chuan che lovin ka la awm ta reng a, ka thutna seat nghengin ka mit ka chhing lui tlat bawk. Car atangin a chhuak tih ka hria a, reiloteah ka thutna lam kawngkhar chu a rawn hawng a..
.
‘Lilian…’ ka la meng duh chuang lo.. ‘Come on..Gata`ki..i muhil lo tih ka hria…’ hahthlak tih hmel takin a thaw hak a. Min rawn khawih a tum ni a ka hriat vangin ka thu ngil thut a, amah ngai chang miah lovin car atang chuan ka chhuak a, min lo kian ve mai bawk. Car kawngkhar chu ka theihtawp a na in ka khar bur a. A phun hluk..! A car duatlai dim hauh lo a khawih chu a haw reng ang chu..
.
Kan awmna lai hriat tum a ka hawichhuah chuan ka thaw halh a. Genzi Salon maw..?? Aw Lalpa..helai hmun a Joanna nen kal kan chak thin zia kha..! Ka beisei hauh loh thil a ni.. He Markos hian eng ruahmanna nge  a neih.. Ka landan duhkhawp lovin min chei danglam tir a tum a ni ngei ang..
.
‘Lo kal rawh le’ Markos chuan ka kut ah min rawn kai a, hnial ka duh na leh a kut a min vawnna nuam ka tihna chu a inzat reng..! A tawngkam dam thlup vang chuan ka awm a nuam sawt bawk.. Ni lo..Lilian..i inhungna bang hi a chetzia ho te vangin tichhe suh..ka rilru in ka inhrilh nawn mawlh mawlh a..
.
Dawr chhung kan luh chuan ka hawikual lo thei lo. Hnathawk te chuan hawihhawm takin min lo bia a, Markos chu zah taka an biak danah tunge a nih an hria tih ka hre mai..
.
‘Enge kan tih sak dawn le..?’ hmeichhe pakhat chuan Markos chu it hmel zeta en in a nuih sang a.. Ka inrin hmain ka ner sak. Markos chuan amah be tu ngaihven hauh lovin min en a.
‘In tihtheih zing a tha ber..’ a ti hmuk a. Ka ngaihdan kha a dik ka ring chiah bawk. He Markos hian ka landan duhkhawp lovin min tih danglam tir a tum a nih chuan a hlawhtling lovang..
.
‘Tehreng mai sir.. Miss, lo kal rawh le..’ tiin min rawn en a, a nui hmel a reh deuh hmak bawk.
.
‘Ka taksa khawilai mah hi tih danglam emaw, thlak emaw ka duh lo a nia..’
.
‘Gata`ki.. chutiang chu a thleng lovang..’ zawi sap a tawngin ka hmai zawnah arawn kunhniam a, ka chal a rawn si deuhthaw.. Ka inla hrang vat a..
.
Hnathawk ho chuan phawk hra in Markos chu an en a, min en leh in min thik hmel zet hian an inmelh kual a.. An chezia chuan ka awm a tinuam lo.
.

Markos chu kalsawn in thutna a pan a, hahdam hmel zet a thuin dawhkan a magazine chu a ban nghal a..
.
‘Engtia tih nge I duh ang..?’ chair a ka thut hnu chuan mipa nge hmeichhia a nih hriathran theih miah loh hian min rawn pan a, darthlalang atangin ka hmel chiang zet hian a en reng a.. A aw atang chuan mipa a nih ka ring ve tawp..
.
‘Simple..’ ka ti sap a..
‘Yess..enge tihtur ka hre mai..’ phur zetin a hna a thawk nghal mawlh mawlh a.
.
‘Miss, make up I mamawh lo tawp a nih hi.. I nalh takzet..’ min chei pah chuan a titi siam siam a. ‘I sam rawng hi I pianpui a ni em?’ nelawm takin a tawng a, Markos laka ka thinrim na hi ani bulah hian ka tilang thei lo..
.
‘Aw ni e..’ nui chungin ka ti sap a..
.
‘Ka duhthusam rawng chiah a nih hi..hetiang rawng hi tihchhuah a har asin..’ a nui har har a, a bula awm a hahdam khawp mai..
.
Markos ka va en zauh chuan min lo en reng a, ka en tih a hmuh rualin a magazine kenlai chu a siamtha a, min en lo niawm takin a thil ken chu a bih lehnghal a.
.
‘Ka zo e.. Oh my God… I nalh lutuk..’ phur hmel taka kut suih in min cheitu pa chu a thaw hliai a..
.
‘Hetah hian inthlak nghal mai rawh..’ Markos chu kan en rual thawt a. A thutna bula paper bag lian vak lo chu a rawn lek kang a. Min cheitu pa chuan paper bag chu la in amah zui turin min hrilh a, ka zui ve mai bawk a.. Nichin khan paper bag hi a lo keng reng tih ka hre miah lo.
.
‘Engtin nge ka koh dawn che?’
Min cheitu pa bawk chuan ka inthlak tur chu min pui a..
‘Lilian… Lilian Spencer.. Nang ve le..?’
‘Jill.. Jill tiin min ko thei ang.. Lilian..Kan inhmuh fo ka beisei..’
.
‘Eng maw.. Ka..I thusawi ka hrechiang lo..’ ka nui sang a..Nia, a thusawi kha mak ka ti deuh a ni. Engvanga kan inhmuh leh ring ngawt nge a nih.. Min hresa pawh a ni lova..
.
‘Diktak chuan Lilian.. Mr. Leventis hian hmeichhia arawn hruai fo a, mahse a hmeichhe dang rawn hruai thinte a endan leh nangmah a endan che hi a danglam.. Min ring tawp rawh..hetiang ah hian dawt ka sawi ngai lo..’ a tita duah a..
.
‘I thusawi awmzia chu’
Hmeichhe tihdan ang chiah chiah in a kut a phar hliai a, ka thawmhnaw hak thlakna chu rawn ban in paper bag ah chuan a khung pah a..
.
‘Ohh..i landan ang chiah in..’ a ngawi leh deuh a ‘Mr. Sexy-a sawn a ngaihven tak tak che.. Ka chei chhung zawng che khan arawn en char char tih I hria em? Thil I man chaklo hle mai..’ nui ar ar pahin ka banah min rawn beng taih a.. A chezia chu a lawm awm khawp mai.. Mr. Sexy tiin a sawi maw..?? A dik ve tho mai.. A ngaihtuahna hi hmeichhia ang vek a ni ngei ngei ang..!
.
‘Ka ngaihven hleinem..’ ka tisap a. Ka thusawi chu kei ngei pawhin ka awih meuh lo..!!
.
‘I ti tak tak lovang..Oo..Lilian..a suh.. Keichu ni ila…’ ka inthlak chhung chuan thu a sawi teuh hman..
.
Ka inthlak zawh a darthlalang a ka in en chuan ka lang nalh takzet tih ka pawm thlap..! Ka hmai hnawih chu ka duhthusam ang thlap in a landan a natural a, Markos kawr min lo kensak, ka khup chen a fual var sar leh puan bah tur pan te nen chuan a inhmeh vel vek. Flats pawl duk chu nalh ti zetin ka bun nghal a.. Ka buntawk thlap.. Engtin nge ka size a hriatdik thlap theih zawk ka hre bik lo.
.
Inthlakna room atang chuan paper bag a ka inthlakna thawmhnaw keng in ka chhuak a, min hmuh rualin Markos chu ka bulah a rawn ding a, ka kawngah min kuah in ka chal ah min fawp zauh a. A rawn chetdan chuan min ti hamhaih zawk.. Hnathawk pahnih awm te chu min en reng chungin an phun sep sep tih ka va hmu reng.. An hmel atang chuan min awt ngawih ngawih a ang khawp mai.. Thil awmzia hrechiang se min awt hauh lo tur a nia..
.
‘Lilian, inhmu leh vat ang aw..’ Jill chuan min rawn au zui lauh lauh a, nui chungin ka ban ka vai zauh a..
.
Genzi Salon atanga kan tlanchhuah leh hnu pawh chuan tu mah mah kan tawng lo.
.
Minute 30 vel dawn kan tlan hnu chuan hmun fal deuh a in lian zet chu kan pan ding tih ka hrethiam.. Enge kan tih dawn erawh ngaihdan ka nei thiam chiah lo.
.
In lianpui hungchhung a kan luh hnu chuan car atangin kan chhuak a. Inchhung pana kan kal lai chuan ka kut ah min rawn vuan leh a, a awmdan chu ka hrethiam lo.
.
‘Normal takin awm ang che’ ka bengbul ah a rawn phun sup a, ka lo insangmar ru teuh thung. Min hnaih apiang a ka awmdan danglam nghal ziah hi ka tihreh vat a tul a nih hi.. A thusawi chu chhang lovin ka melh ralh  a, a nui hawk.. A lu a thing pah bawk.. A mitmeng chu.. Oh,,keihi ka awmdan a dik leh tawh lo..a mitmeng nung sar leh engemaw de zauh ka hmuh chu ka ngaihtuahna a ni ngei ang..
.
Inchhung kan luh chuan an lo awm laih laih tawh a, min hmuh rual a kan lam pana lo kal hmeichhia, kum 50 vel bawr a upa chuan kan bul arawn thlen rualin Markos chu a biang ah a fawp a..
.
‘I lo thleng har hle mai.. Markos..’
.
‘Mama..’
A hmel enchian deuh chuan Markos mitmeng rawng ang chiah chiah a nei tih ka hmu vat.. Ani chuan min rawn en in a hmel chu a buai deuh nak a… ‘Chuan heihi eng thil nge??’ a tawngzawi viau nain ka hre pha tho.. Nuam lo ka ti ru viau..
.
Markos chu a nu bengbul ah kun hnaiin a tawng a, a tawngri chu ka hre thei nain a thusawi awmzia ka hre lo.. Tawngdang a hmang leh tawh..! He mihring hian enge maw a hriat tehhrep ni..!
.
Inring hman lo niawm tak hian Markos nu chuan ka ang pham in min rawn en a, Markos phun hluk ri a hriat rualin a awmdan chu a siam tha leh vat a. Ka kut  ah min rawn vuan in a nui sang… Markos hian eng thu nge a nu hnen ah hian a sawi ni..?
.
‘Adonia ka nia..ka in ah hian ka lo lawm a che….ahh…’
‘Lilian..’ Markos chuan a lo ti leh sup a..
‘Ohh..Lilian..hming nalh tak a nih chu.. Ka fapa hi ilakah tha taka a awm ka beisei..’ zei zet hian Markos chu a melh zauh a, an nufa awmdan chuan min ti hrilhhai khawp mai..
.
‘Ka lawm e.. I lang nalh hle mai..’ ka ti sap a, ka tih luih ni miah lovin ka nui sang bawk..
Ka kut a vawnna chu a hmer nghet sauh a, a hmel atang chuan a ngaihtuah ka hre mai thei lo.. A fapa ang bawka ngaihtuahna thup thei a nih ngei dawn hi..
.
‘Ka lawm e.. Hahdam takin awm ang che..’
.
Markos hnen atanga wine bottle a lak hnu chuan hlim hmel tak leh zangkhai zet in a kalsawn a..
.
‘I nu hnenah khan eng thu nge I sawi?’ Vawiin hian Markos bulah ka tawng miah lovang ka tih kha ka kaltlangpui thei lo nimai rawh se. Tuna ka hun tawng vang hian kaltlangpui theih ani lo..
.
‘Ka bialnu I nih thu ka sawi a nih kha..’
‘Markos..chu chauh chu a nilo..’
‘Engtin nge I hriat..?’
‘Greek tawng ka thiam lo a ni maithei, mahse I thusawi kha tuna min hrilh chauh kha a ni lo..’ a hmel ka en a, a mitmeng awmdan mak zet chu ka hrethiam lo.. ‘Tikhan min en suh..’ ka ti leh hlak a..
.
Ka kawng a min kuahna chu tinghet in a nui suk a, rawn kunhniam in ka biang ah a fawp a, ka chet hma hauh in a inlahrang lehnghal a..
.
‘A nih chuan ka fa I pai mek thu hi ka hrilh tel tih I hre chak a ni maw..’
.
Phawk zetin ka melh a, ka ang pham bawk.. Ka sa pup pup in ka hria..
‘Ni lo.. Markos.. Eng thil nge I hriat.. I ti thei lo..’
‘Ka thei..ka ti diam tawh bawk..’ a ti hmuk a. Nichin lawka a nui hmel ka hmuh kha a bo chiang khawp mai bawk..
.
‘Enge sawtna awm.. Engmah a thleng dawn chuang lo..’
.
Min chhan a tum miah lo tih ka hmuh chuan ka thin a rim lehzual.. Anu in min rawn koh chuan an thutkhawmna lam kan pan a.. Markos nu hian nau ka pai tih a hriat chuan engkim a buai vek a ni mai. He mihring hian amah chiah a inngaihtuah a nih hi..
.

Markos nu tawng chuan ka ngaihtuahna a lapeng..
.
‘Markos..heihi Dr.Mike…a nupui Laura..chuan naute duhawm tak hi Veektor a nih hi… Chuan ka fapa Markos leh a bialnu Lilian..’ Markos hming a sawilai chuan a fapa a chhuan zia hmuhhmaih theih a ni lo..
.
Markos nu thusawi chuan ka tah a tichhuak zawk.. Keihi Markos bialnu ka ni lul lo mai… Khawnge a bialnu kawplai Ky..nilo..Kaya kha... Dawt hmanga nun hi ka thei hauh lo bawk ang. Thudik tak ka hrilh mai  angai dawn a ni.. A fapa nen hian kan inkar ah engmah a awm lo tih leh kan innei ngai dawn lo tih zawng zawng pawh hi a hriat ngei a ngai ang chu..
Mahse tuna a landan chuan hrilh nghal mai chi a ni lo.. Vawiin a hun hman nuam tak tur tihchhiat sak ka duh bik lo..!
.
‘Hmuh I nuam hle mai’ tih ri ka hriat chuan ka nui sak a, nui sanga min be tu chu nichin a Markos nu in Laura ti a a sawi kha a ni..
‘Kan inhmuh vangin ka lawm e..’ a naute pawm duhawm zet chuan ka mit a la vat a.. ‘Veektor chu a hmeltha hle mai..’
.
‘Oh..kan lawm e.. Mikhail hian nitin a hmelthat thu a sawi a, midang sawi hriat chu a nuam hle mai.. A ni em hubby..’ Laura chuan a pasal chu duh hmel zetin a en a, Dr.Mike pawh chuan a nupui chu rawn hnaih in a hmui ah a fawp zauh a.. Nupa inhmangaih tak anni tih hai rual a ni lo.. Tuna an awm ang hian engtikah mah Markos nen hian kan awm ve theih ka ring lo..! A chhan chu kan inhmangaih lo ve ve.. Inhmangaih chu sawi loh kan induh lo ve ve bawk.. Min hip viau tih chu ka pha lo.. Ka thil ngaihtuah hi a hunlo takzet..
.
‘Veektor kha ka lo pawm thei angem..?’
.
‘Tehreng mai.. Baby boy.. Nute Lilian hi inpawm tir rawh le..’ Laura chuan Veektor chu a malchung atanga chhuktir in chhuat ah a dintir a..
.
‘Kum a tling tawh em..?’ Veektor chu ka pawmkang a, min duh ve mai bawk a..
‘Kum 1 leh thla 4 a pum ve chiah..’
‘Aww..a duhawm lutuk..’ naute mitmeng chu ka en a, a mawi khawp mai.. A nu leh pa ka en leh a, apa mitmeng rawng ang chiah a ni tih ka hre nghal.. Ka naute hi a mitmu rawng engang nge ni ve ang le..!??
.
Markos ka va melh zauh chuan min lo en reng a, ka ngaihtuahna hrethiam ni awm fahran hian… Naute chu ka chhaih zawm a, Markos chu ka en duh tawh lo.. Min en tih ka hriatna ringawt pawhin keimah ah nghawng a nei tlat.. Hei pawh nau ka pai vang tho a nih ka ring.. Ka ngaihtuahna sensitive zual vang chauh a danglam awlsam em em ka ni..
.
Vawiin a helai a kal khawm te hi Markos nu thiantha te anni tih ka hre thuai a, an zavai mai chuan mifel tak vek anni ang tih ka ring. Laura te chauh lo pawh chuan min be theuh hlawm a, ka inhriat loh karin ka inthlahdul ve ta bawk..
.
‘Markos hmuh ka duh a..’
Kawngka a hmeichhe lo lut ka hmuh chuan ka tek sawk tiin sawi ila a dik ber ang. Inringtawk zet a Kaya kan awmna lam pan a lo kal chu midang ho pawh chuan an en thap....
.
Eng thil nge thleng dawn le..?? Thaw dep dep in Markos ka en zauh a, a hmel atang chuan engmah ka hrethiam lehpek lo. A bula Kaya ding chu hmu awm pawhin a awm lova, a intur ken chu a in zauh a..
.
Kaya chuan timna nei miah lovin Markos chu a kuah a, a hmui a fawh tumin a hnaih lehzual a, ka en ngam lo..!! Ka mit ka chhing ringawt..
.
.
BILLIONAIRE’S SLEEPING SUN
CHAPTER – 6
By. Thantei_aka_Laura_Sean
.
MARKOS POV*
.
Hahdam hmel taka Lilian tawng chu ka en reng a, diktak chuan Genzi atang khan alak atangin ka mit ka lasawn hleithei lo. A hmai an cheisak lai pawh khan a hmel thianghlim sar chu ka en reng a, ka inrin hmain min rawn en a lai zetin ka magazine kenlai ka bih leh ngawt a.. Ka awmdan chu ka nuih a za ru viau.. Hmeichhia in min en vangin tuna ka awm ang hian ka la awm ngai miah lo..
.
A thawmhnaw hak tur ka ken a hak zawh a arawn chhuah khan a ngaihtuahna buai vek khawp a fawh ka duh a, ka ti ta em lo..!! Amah ai chuan keihi ka buai leh zawk ngei ang..!! A laka ka awmdan vangin a lungawi chiah lo tih ka hria a, vawi tamtak ka la hmachhawn lo nain a luhlul zia leh a rilru len zia ka hrechiang thawkhat tawhin ka hria.. A hnial theih hauh loh tura ka nawrlui a nihloh chuan ka thu angin a awm ngai dawn lo tih pawh ka hrechiang.. Ka hruaina  tur hmun hriatchak in min zawt miah lova, diktak chuan ka lawm zawk. Kan kalna tur ka sawilawk a nih chuan awmze awmlo zetin kan inhnial buai leh anga, a thinrimna tizual turin ka nawrluih a ngai ngei bawk ang.. A duh lo chung nawrluih fo hi nuam ka ti bik lo.. Chutih rual chuan amah hnaih a awm hi ka thlahlel a, chu chu ka tan thil thar..thil thar mak tawpkhawk a ni bawk..!!
.
A taksa khawih phak a awm reng ka duh a, a theih chhung chu..ni lo..ka ngaihtuahna hi ka tihtawp angai.. Ka fa a pai vang chauh a hnaih ka ni.. Chuti ni lo se ka buaipui hauh lo ang.. Ka ngaihtuahna lapeng turin in tur ka la a, Ka nu bulah dingin naute a chhaih lai chu hmuhnawm ti takin ka en reng a.. Nu tha tak ala ni ngei ang.. Naute chu a en vang vang a, min rawn en chuan a ngaihtuahna ka hre thei in ka hria.. Kan naute lo piang tur hi engang hmel nge a put ve ang…min chhun angem tih hriat tum ni awm takin melh in min rawn melh tlat a ni.. Ka ngaihtuahna chuan ka awm a ti nuam viau mai..
.
Naute a nu hnen a a pek let leh hnu chuan a bula thu lo turin ka inthunun tang tang a, amah hnaih taka ka awm hian a hahdam ngai lo tih hriatna mak tak ka nei tlat a ni.. Chu chuan engtin emaw tak min tina deuh tlat bawk..
.
Ka nu bulah nau a pai thu ka sawi kha a lawm lo hle tih ka hria a, enge ka tih chuan ang.? Naute laksak ah vau ila huaisen takin min do let dawn chiang a, chuvang chuan ka nu ka hrilh phawt hi a tul a ni. Chet ka lak zel dan tur chu a chawp te te in a la hre chhawm ve mai ang. A rin loh dan ang taka ka che a nih loh chuan vau beh a hneh tur chi a nilo tlat.. Chuan ama duhthlanna  ngei a min neih a duh hun a la thleng bawk ang.. Duhthlanna hi sum a lei chi a ni lo tih min hrilh tak kha mawle..! Sum duh vanga min mutpui ni si khan tunah ka sum neih te hi engahmah a ngaih loh zia a tilang leh lawi a..! He hmeichhia hi awlsam taka hriatthiam theih a ni dawn lo tih hi a in a ka kal zan khan rindan ka nei tawh bawk.. Hriatthiam har tak hmeichhia hian min lo hip ve hrim hrim a nih dawn hi.. A dan a dang tlat..!!
.
Eng eng emaw sawiin an titi hlawm a, Lilian pawh  Laura nen an titi tui khawp mai.. Lemziah chungchang an sawi niin ka hria..
.
Thawm dimna nei hauh lo a Kaya lo lut chu kan en thap a, min hmuh a duh thu arawn sawi lang lang a. Helai hmun a arawn lang ve hi ka lawm lo takzet.. Engtin nge helai hmun ah ka kal tih pawh a hriat zawk??
.
Lilian ka en chuan a insangmar ru teuh tih ka hrethiam, ka awmdan hriattum ni awm takin min rawn melh a.. Ka dinhmun chu a lai takzet.. Nizan khan ka mutthilh hmain Kaya hi ka call a, vawiin chawhma lama inhmu tur leh kan inkar tihtawp ka duh thu hrilh ka tum vanga call ka ni. A phone a pick up theih loh vangin engmah ka hrilh ta lo kha a nia. Zing ka thawh phat atang khan Lilian leh ka ruahmanna chiah in ka rilru a luah tak avangin Kaya hi ka lo ngaihtuah tawh lo hrim hrim..
.
Kaya chuan zam miah lovin min rawn kuah a, ka hmui a fawh tumin min rawn hnaih bawk a, ka thle sawn hmak a.. Rang zetin Lilian ka en vat a, a mit chhing in a kut a humruh tlat tih ka hmu nghal.. A ngaihtuah tur awmang chu ka ring chhin ngam lo zawk.. Mipa tenawm takah min ngai ngei ang.. Tuna ka nihna chiah pawh a ni reng bawk a..!! Kei ngei pawhin tuna ka awmdan hi ka duhloh ber dan a ni.. Hmeichhe pakhat thlah fel chuang si lovin ka bialnu pawh nilo kha ka nu  hnenah ka bialnu a nih thu leh ka fa a pai mek thu ka sawi zo chiah a, tunah hmeichhe dang rawn kal in min fawh a rawn tum bawk a..
.
Ka nu chuan thil awmzia a hrethiam lo tih hriat takin min rawn melh a, thil thleng mek avang hian a lawm lo tih hai rual a ni lo..
.
Ka tihsual leh ka dik loh a ni a, ka chingfel ngei ang..
.
Kan ngawi thap lai chu phone riin a rawn luahlan a, ri lo chhuahna lam chu kan hawi thap a..
.
Lilian chuan a bag ken chu hai rak rak in a phone a phawrh a..
.
‘Min lo hrethiam lawk ru’ nui lui chungin a thutna atang chuan a tho a, kal pahin a Phone chu a pick up zui a..
.
‘Khanu khan hetah enge a tih ve.. Markos..?’
.
‘Kaya.. I tawngkam kha fimkhur rawh..’
.
Ka nu thiante chu ka hmaizah khawp mai.. An ni ho pawh hian mipa nikhualo takah min ngai ngei ang.. Chu zawng zawng aia pawi zawk chu nikhualo taka min ngai tute zingah Lilian pawh a tel ve bawk.. A mitmeng thip ram atang khan ka chiang vek..
.
Lilian chu hmanhmawh hmel takin a rawn let a..
.
‘Min lo hrethiam ula, helai hmun atang hian ka haw a ngai tlat mai.. Mrs. Leventis, min hrethiamm dawn nia..’
.
Ka nu chu rang zetin Lilian bulah a kal a, a kut a vawn sak vat a..
.
‘Ngati nge..?? Dinner I ve ei phawt ang chu,,’ a ti dam diai a..
.
‘Ka tihpalh..nidang ah ni zawk mai rawh se..’
.
Ka nu chuan a vawnna thlah in Lilian chu a kal tir a, a thutna a a bag chu la in Laura chuan thil awmzia a lo zawt ve vat bawk a..
.
‘Ka pa a dam tha lo thut a, chuvang chu a ni e.. Min hrethiam ru..’
.
‘Markos..’ ka nu min koh chhan chu hrethiam in Lilian chu ka pan vat a..
.
‘Ni lo.. Nang chu lo awm rawh.. In dinner party ka tichhe ta vek a nih hi, pawi ka ti lutuk..’ a ti zung zung a, boruak ti nuamlo tu ni a a inhriat vanga a nuam lo ti hmel chu hmuh ka duh lo. A inthiam lo takzet tih a hmel ah a langchiang hle bawk..
.
‘Kal tir mai mai rawh..’ Kaya lo tawng ve chu ngaihdan ni lo zetin ka melh a. Helai hmun atanga kal tur an awm a nih chuan amah Kaya hi a ni ngei ang..
.
‘Lo ngawi rawh.. Hetah hian enge I rawn tih..?’ ka tic hang bawng a..
.
‘Markos..Honey..’
.
‘Okay..buaina tur a awm lo.. Markos, helai atanga I kal ve kher a ngailo tak tak.. Keimah in ka haw thei.. A nih phawt u.. Kan inhmu leh dawn nia..’
Ka nu thiante chu nui sang in a melh kual a, anni pawh chuan an tawngkam in an thlah sap sap a. Thildang sawi lehna hman awm miah lovin kawngka lam a pan nghal. A hmanhmawh hmel khawp mai..
.
 Midang ngaichang lovin Lilian chu ka umzui a, Kaya’n ngaihdan nih loh hmel taka min kohna chu engahmah ka ngai lo.
.
A kal chak reuh zek lehnghal a.. Kawt ka thlen chuan Lilian chu gate atangin a lo chhuak dawn chiah a, ka kohna chu hrelo ang hmiah in a kal hmawk hmawk a..
.
‘Lilian..ding rawh.. I lemchan kha duhtawk teh..’ a ban ah vuan in ka lam hawi turin ka kuai her lawp a..
.
‘Lemchang ka ni lo tlat mai.. Ka ban hi thlah rawh..’
.
‘I kal duhna ah chuan ka hruai ang che..’ a mitmeng buai nak vang chuan tawngkam dam deuh zawkin ka bia a, ka thusawi chu engahmah a ngai lo..
.
‘Ka ban hi thlah rawh.. Taxi in ka kal thei..’
.
‘Come on..Lilian..luhlul a hun lo a nia..’
.
‘Nang..’ ngawi leh in thawk a la halh a, a mit a chhing zauh bawk.. Chiang zeta min rawn en in ‘nang hi ka mamawh lo che.. Ka duhna hmunah keimah in ka kal thei..’ a thusawi chu ka hriatchian loh hlau niawm takin thumal tin a lam chiang kalh kalh khawp mai..
.
Taxi lo tlan chu a phar ding a, kawngkhar hawngin a thulut a. Min en eih lo..
Ka car lakna hman a awm tawh lo.. Taxi ah chuan ka chuang ve nghal a..
Min ngaihven lovin a phone a phawrh a, a scroll zung zung a, a number duh a hmehchhuah chuan a call nghal a.. Engvanga a chezia zawng zawng en vek nge ka nih ka hre lo..
.
‘Joanna….’ A phone a ngaihthlak deuh vang vang hnu chuan ‘Aw le’ tiin a phone chu a off a.. Thawk la halh in pawnlam a en a. Tap lo turin a insum niin ka hria.. A kut in a hmai a tuai zauh a..
.
‘I tha em..?’
.
Min chhang lovin a bu nghat a..
.
‘Lilian..??’
.
‘Ka..ka pa a nia..a na zual thut a nih chu.. Ka thiamloh a ni, a bula awmreng tur ka nia..’ a inven hma in a mittui a tla a, a hru sawk sawk a.. ‘Ohh..ka tihpalh..ka tap lovang..’ a kut chu a malchung ah dahin nghet takin a suih a, ka hriattham lohvin a phun sep sep a..
.
Tuna a awmdan ang chiah chiah hian khami zan..ka apartment kan panna kawng ah khan a awm.. A awmzia chu a hlauthawng tihna a ni..!!!
.
A darah kuahin ka lamah ka pawthnai a, min hnial hauh lo bawk. Ka awm ah a hmai phum kak in a khur dar dar a, a tap tih ka hria. Hnem theih ka duh a, a thlamuan theih nan engemaw tal sawi ka duh bawk. Mahse ka tawng chhuak mai thei lo. A hnungah ka chul hauh hauh a. Rilru na taka a tap lai hmuh hi ka lo duh hauh lo tih ka inhrechhuak bawk.
‘Engkim a tha leh vek mai ang’
‘Ka beisei..’
Harhchhuak thut niawm takin ka kuahna atang chuan a talchhuak a.
‘I lo kal ve kher hi angai lo. Helai ah hian chhuk la let leh rawh’
‘Shhh..’
Ka lamah ka pawthnai leh a, a lu ah ka khabe nghatin ka mit ka chhing a. Hetia awm hi ka mamawh tlat a ni.
.
Ani pawh chu ngawireng in ka kuah ang chuan a awm a, min kuahlet lo thung. Thlamuang takin ka bulah awm se, min thlamuanpui se ka duh a, min rinchhan tlat se ka duh tel bawk. Ka ngaihtuahna chu mak ka ti khawp mai. He hmeichhia hian ka rinloh dan takin ka thil ngaihtuah dan a ti danglam ta fo mai.
.
An chenna in kan thlen chuan min ngaichang lovin taxi atang chuan a chhuk vat a, hmanhmawh takin inching lamah a tlanchho nghal a. A hnungah ka zui bawk.
.
‘Joanna…’
‘Shh..a muhil chiah..’
Room a hmeichhe lo awm chu Baked Café a ka hmuh tho kha a ni tih ka hre nghal mai a, an inbiak dan leh an awmdan atanga en mai pawh hian Lilian nen chuan an inpawh em em ang tih awlsam takin a hriat theih.
.
‘Engtin nge hetah hian I lo awm theih zawk.?’
Thawmdim takin Lilian chu a tawng sar sar a, a thiannu bulah chuan thuin a kut a vuan a
.
‘Inhnuaiah chhuk phawt ang u..’
Inhnuai a kan chhuk hnu ah Lilian chuan ka awm ve tih hrechhuak thut niawm tak hian min rawn en a, a thiannnu chu a en leh a.
‘Joanna, ani hi Markos.. Chuan hetah hian vantirhkoh ang maiin engtin nge a hun chat ah I awm theih?’ a ti zawm zat a. A thiannu chuan Lilian zawhna chu chhang mai lovin mn rawn en ren rawn a..

‘Ka hria alawm.. In inhria tih I sawi ngai miah lo a.. Thil engemaw ka hriatloh a zep ruk I nei em?’ Lilian chuan a chhan hmain ka lam arawn hawi leh a. ‘Chibai le, Mr. Leventis..’
‘Markos’ ti chungin a kut rawn pahrchhuah chu ka lo vuan vat a. A thiannu chu a nelawm khawp mai.
‘Thil engemaw ka hriatloh a awm em tih kha ka zawt che in ka hria??’ Lilian hmel chu uluk takin a en a, awmze nei tak hian min rawn melh zauh bawk..
.
‘No..Jo..chutiang engmah a awm lo..’ Lilian chuan a chhang rang mah mah… A thiannu chu a nui ta hak hak a..
‘Dawtsawi kher angai lovang.. A nih chuan Markos hian enge rawn tih ve dawn le?’
Lilian chuan hamhaih deuh takin min rawn melh a, ka awmdan ngai rengin ka lo awm thung. A thiannu pawh hi engmah a hrilh lo  anih ngei dawn hi.. Eng thil nge maw a ngaihtuahna ah hian awm reuh ni..?
.
‘I pa chu engtia damlo nge?’
Joanna kitchen lama a luh hnu chuan a bulah ka thuhnai a..
‘Ah..thawnthu thui tak a ni..’
A sawi duh lo anih chuan nawrluih ka tum hran lo. A phone ri chu a en zauh a, kalsawn pahin a pick up a..
‘Aw, Dr….. aw ni e. Kan inpeih e…’
Ka bulah rawn thu tawh lovin ka hmazawn a thutna ah chuan a thu a, Joanna pawh coffee no kengin arawn chhuak a..
‘Kan Dr. Arthur chuan enge a sawi le?’
‘Naktuk ah huntiam aia hmain kan zai angai dawn a nih chu a tia.. Ka zam a  ni..’ Lilian chu a thaw halh a, a hmel atang chuan a rilru a hah hmel khawp mai..
.
Thil awmzia ka hrechiang lo na a, Lilian pa natna hi awlsam taka tihdam theih natna a nilo a nih hmel. Ka zawh in a sawi tha duh lova, keimah ngei hian ka hrechiang thuai ang.
.
Minute 30 vel hnuah Lilian te in atang chuan chhuak in ka nu chenna hmun ka pan a, naktuk ah a pa zai a ni dawn tih ka hriat vang chuan Casey hnen ah tihtur ruahman lawk ka neih te cancel turin ka hrilh nghal bawk a. Tunah tak hi chuan Lilian bak ka rilru ah thildang a awmlo hrim hrim.
.
Ka nu in ka thlen chuan a lo reh diak tawh a, inchhung ka luh rualin ka nu inchung panna step a lo chhuk ka hmuh chuan ka ding a..
.
‘Mama…’
‘Tlai lama thilthleng kha I sawifiah ngei angai ang? Lilian I rawn hruai a, a hnu lawk ah Kaya a lo kal leh a.. Kha thil kha enge a awmzia? Kaya kha I la kawp reng tihna a ni em?’
‘Mama.. a mood ah ka cheng lo viau a nia..’
‘Hmeichhia na taka I siam lai hmuh ka duh hauh lo a nia.. Lilian..Lilian khan I fa a pai mek a, chuti chung chuan Kaya kha ila thlah lo a maw..?’ couch panin a kal a, thaw hliai in a thu hnak a.. ‘Ka sawitur a ni em ka hre lo..Ka fapa, Lilian kha nei turin ka duh che a ni.. Ani kha..’
‘Mama, keipawhin chu chu ka duh..’ ka thilsawi hi ka hrechiang lo a ni ngei ang..! Naute chu ka duh ngei a, mahse chhungkaw din..nilo.. Lilian hi neih ka lo duh reng em ni? Naute chiah ka duh.. Naute chiah..!
.
‘Naute hi ka enkawl loha seilian turin ka duh lova..’ ka ngawih leh tak daih vang chuan ka nu chuan min en ha a..
‘Chu zawng chu em ni..?’
‘Mama, nidang ah kan sawi thei em? Dinner kilpui lo che in ka kal ta daih sia, chuvanga lo kir leh ka nia..’
.
‘Lilian chu enge a an?’ sawitur dang a hrelo a nih ka ring..
.
‘Ka hre lo’
.
‘Ka hre lo tih chu enge a awmzia?’ Ka nu hian Lilian chungchang engkim hrechiang vek turah min ngai a ni ngei mai. Thil pangngai a ni rneg bawk a. Ka fa pai mektu hmeichhe chanchin chu engkim ka hre ngei tur a ni.. Tuna ka hriat chin zawng hi chu amah ngaihven vaklo pawn an hre vek ang chu..
.
‘Naktuk hian apa zai a ni dawn a, a dinhmun a tha vak lo anih hmel..’
‘Chutiang dinhmun a a awmlai chuan ka in ah hian i rawn kalsan daih a maw? Ohh.. Markos, I hriat ngei tur la hriat loh I ngah hle mai..’ nui sakin min en a, a thusawi awmzia erawh ka hre der lo..
.
 Ka nu mu tura a kal hnu chuan ka in panin car ka khalh a, Lilian hmu tura kal leh nan chuan a tlai tawh mah mah tih ka hria.
.
Zingkar a ka muhil ka harh phat atangin Lilian bawk ka ngaihtuah lehnghal a, zing dar 9 a rik chuan an chenna hmun panin ka chhuak a. Ka thlen hun chu a fuh chat chat khawp mai.
Damdawiin a hnathawk hoin Mr. Spencer chu in atanga zawn chhuak in damdawiin an panpui a, Lilian hmel ka hmuh rualin nizan khan a mu tha lo ang tih ka hrethei nghal.  A mitmeng a dul raih a, min rawn hmuh thut chuan a phu deuh zawk a..
.
‘Ka rualin lo kal ang che..’ a thilken chu chhuhsak in car ah ka dahlut a, ka awmdan chu chechang miah lovin min en reng a..
‘Lilian.. I landan kha a tha vak lo khawp mai..’
.
‘Ka landan a buai hun pawh a nih loh hi.. Enge I rawn tih dawn?’ a ti hmak hmak a. A awmdan naupangchhia ru riau chuan engtin emaw tak min dek zawk. Nizan a ka nu thusawi ka hrechhuak zawk bawk.. Hmeichhe naupai chu a chhan hriat lohin an thinrim a an tap awlsam viau thin a ti a nih kha..
.
Engmah sawi tawh lovin car ah chuan a chuang ve mai a, hospital kan thlen hnu chuan a Joanna leh mipa pakhat an rawn kal ve bawk a, an chhungte ni tur awmang tumah dang ka hmu lo.
.
Darkar khat a ral leh hnu chuan Mr. Spencer chu operation room ah an nawrlut a, Lilian hmel ka en chuan a hlauthawng tih ka hria.
‘Bathroom ah ka va kal lawk ange’ a ti sap a, zui ka tum chu Joanna chuan zui lo turin min rawn mitmei zauh a..
.
‘Amaha awm a mamawh a nih kha.. Hmeichhe chak tak a nia, ngaihtuah suh’ a ti sap a. Ani pawh a hmel a dik chuang lo..
.
‘Kan Lilian tan hian hun harsa tak a ni. Engtin nge a tlin zawk pawh ka hrethiam pha lo..’ a ti leh sap a..
‘An chhungte an rawn kal dawn lo ami?’
‘I la hrelo a nih ka ring. Lilian hian chhungte dang tumah a nei lo. Apa chauh hi a ni.. Apa inenkawlna tura sum zawng zawng hi engtin nge a neih zawk pawh ka hrethiam phalo. Heivang hi a ni ngei ang inren em em a a khawsak reng thin… Oh..ka tihpalh..eng thu nge ka sawi hi le..’ Joanna chu a bula mipa chuan a kuah vat a.
‘Engkim a tha leh vek ang’ tiin a hnem mawlh mawlh a.
.
‘Mr. Spencer natna hi engtik khan nge an hriatchhuah?’ ka rilru a zawhna awm chu ka ngawih bo pui thei lo..
.
‘Lilian hian engmah a hrilh lo che tih ka hre mai. Ka ring dik chiah bawk a… Diktak chuan thlahnih liamta khan Lilian pa natna hi an hrechhuak chiah a ni. A inenkawlna tur sum a tam tham em vang hian Lilian tan pawh a buaithlak khawp ang.. Heti chung hian kan tanpuina vawikhat pawh a dil miah lo..’
.
Lilian kan awmna lam pana lo kal a hmuh chuan a  thusawi lai chu a titawp a..
.
Thil hriatchhuah ka nei.. Thlahkhat leh a chanve… Bar a Lilian ka hmuh zan leh sum tamtak phut chunga ka mutpui a remtih zan kha..!! Ka thil ngaihtuah chhuah chuan min thawng khawp mai..
.
Lilian hian apa enkawlna tur sum a hmuh theih nan kei hi min mutpui a ni.. Nula thianghlim khan a pa nun chhan nan a thianghlimna a hlan a nih chu..!! Nau a pai zui bawk a.. Kei hian engvanga lo hrethiam vat lo nge ka nih..!
.
‘Min lo hrethiam lawk’ tiin Lilian chu ka pan a, a ban ah ka kai in pawnlam panin ka kai dawr dawr a.
.
.
BILLIONAIRE’S SLEEPING SUN
CHAPTER – 7
By. Thantei_aka_Laura_Sean
.
‘Enge? Ka ban hi I hmer na viau a nia’
.
Min zui dat dat a, mi awmloh na lai room kan thlen chuan dinpui in a ban ka vawnna chu ka thlah a. A dar tawn tawn ah vuan in ka lamah ka kuaiher a, ka awmdan chu hrethiam lo leh makti ni awm takin min en kal a.
‘Enge ni leh ta’ a ti sap a, a hmel atang chuan a chauh hmel khawp mai.
.
Pehhel kual lovin ka rilru a ka ngaihtuah hi ka sawi mai tur a ni..
‘I thiltih kha I hrechiang em?’ ka ti nghat a. Ka awmdan hi ka sawithiam chiah lo. Ani hian apa nunna a chhan theih nan amah a inpe pumhlum thak a, amah chauh a dinhmun harsa tak a paltlang tih ka hriatna chuan mak takin ka rilru a tina tlat bawk. Khami zan khan keimah nilo..midang tuemaw zahngaihna nei hauh lo lo tawng ta sela..! Ngaihtuah zawm pawh ka duh lo.. Keipawh hi enge ka nih vak bik chuan le.. Nau a pai tih min rawn hrilh pawh khan ka lo ring nghal mai lo a nih kha.. Aduh a nih phawt chuan ka hriat miah lohin a pai tlang thei. Tunge ka nih tih min hrelawk chunga min mutpui ni a ka ngaih leh ka sum chiah duh ni a ka lo ngaih ngar ngar hian ama tan nilo a pa tan engpawh huamin a bei  a lo ni reng si a.!
‘Eng thil nge ka tih?’
‘I pa vanga ti ini em?’
‘I thusawi chu ka hrethiam lo..’ a mitmeng atang chuan dawt a sawi tih chiang takin ka hria.
.
‘Min hrelawk hrim hrim em?’
.
‘Markos..i thusawi chu ka hrethiam lo.. Chuan tunah hian min tibuai belhtur thil engmah ka mamawh lo tih I hriat ka ring’ a ti nghat nghat a..
A dar a ka vawnna chu ka tinghet sauh. Tunah hian hriatchian ngei ka duh a ni..
.
‘Khami zan khan tunge ka nih tih I hresa reng em?’
‘Chu chuan enge pawimawhna a neih?’
‘A pawimawh khawp mai..’
‘Thudik tak sawi tura min duh a nih chuan..khami zan khan tunge I nih a, enge I tih thin ka hre lo, ka ngaihtuah zawng chu pawisa chauh a ni..’ ka ngaihtuahna kha a dik chiah. Ani hian kei nilo mipa dang pawh tawng se a mutpui ngei ang.. Chu chuan tun hunah hian engvang a min tibuai nge a nih pawh ka hre hrep lo ve..!! Mipa dangin an mutpui tur anga ka ngaihtuah ringawt pawhin ka sa pup pup thei…! Awmzia a awm lo.. Mipa dang tunge tih pawh I hriat loh chu I thik a nih kha.. Markos.. tuna ka awmdan hi thikna vang maw ni ang?? Engtin nge  anih theih?
.
‘Misual tuemaw pawh I tawng thei asin..’ ka ti hrawk a.
.
‘Tuna I thusawi leh I thil ngaihven hian eng hmunah mah min thlen lovang.. I duhtawk thei em?’
A thusawi chu a dik chiah. Thu awmze nei ka sawi miah lo.. Ka ngaihtuah ber enge tih pawh ka hre hek lo..
.
‘I pa enkawlna tur sum I mamawh tih min hrilh thei alawm.. I thianghlimna min hlan kher lo khan’
.
Hul zetin a nui hak a, mi a I ni a mi tih melh in min melh bawk..
‘Ka hmelhriat pawh nilo hnenah ka pa enkawlna tur sum ka dil ang maw..??? Khami zan khan pawisa dil ringawt che ila min pe angem..?’ a lu thing in a nui a, a nuihzat tak tak vanga nui erawh a ni lo.. A nui chu tawp riai riai in thip zet hian min melh a..
‘Min mutpui vanga inchhir leh naute hian I zalenna a titawp ni ah I ngai a nih chuan min kalsan nghal thei..’
.
Ka thusawi a hrethiam lo..! Kei hian apa chhanhim a duh vanga khatiang  thilti kha a ni tih chu hria ila mutpui lo in ka tanpui ngei ang.. Ka hre lo.. Min hipna kha a nasa em a, ka mutpui loh pawhin ka umzui tho maithei bawk.. Inthiamlohna nasa tak ka nei a ni.. Mi dinhmun chhe lai remchang ah lo la a diklo taka awmah ka inngai bawk..
.
Ka vawnna chu thlahin chair awl awm ah chuan ka thu a, a ni chu a kut  kuangkuah fel than in a ding thung a.
.
‘Ka sawi tum tak chu..?’
‘Ka sawi ang khan, kei hian I nun ah eng buaina mah thlen ka duh lo..’ min  melh ralh a..
‘Ka tihpalh..’ engvang in nge awlsam taka ka sawifiah mai theih loh… Naute pawh ka duh a, Lilian pawh hi ka duh.. Enge..?? Lilian hi ka duh tih chu thilmak a ni hleinem.. A ni em ni..?? ‘Ka sawitum ber chu..ilaka ka thiltih vang hian hreawm ka ti a ni..’ Lilian hmel chu en in a ngaihtuahna hriat ka tum a, ka thusawi vang chuan min en phawk deuh hra a..
‘Enge I sawi awmzia??’ a ti sep a. A tawngri chang chang..
.
‘Ka sawitum chu.. I duh vang ni hauh lovin nau I pai a.. Ka thiamloh a ni..’
‘Enge I thusawi chu a awmzia..?’ a mittui titla lo turin a insum a.. ‘Markos, ka sawi tawh kha.. Thil kal tawh chu liam rawh se.. Nang hian naute hi I duhlo a nih pawhin kei hian ka duh alawm. I hmangaih lo a nih pawh in kei hian ka naute hi ka hmangaih.. A tawk em? Tichuan I duh dan dan in I nung thei.. Kei leh naute hi I tello pawhin tha takin kan awm thei..’
.
Engtik laiin nge ka thutna atanga ka thawh ka hre lo.. Lilian chu kuah betin ka fawp a, ka dawhthei lo hle bawk.. Ka thusawi awmzia a hriattheih nan leh, thil a thalo zawng zel a ngaihtuahna hi tihtawp ka duh…
.
Ka hmui lasawn in hnai takah ka en a..
‘Ka tel lovin I awm thei tih sawi tawh ngai suh ang che.. I duh emaw, duhlo emaw ka bulah I awm ngei ang..’
.
Ka vawnna chu thlahin room atang chuan ka chhuak a.. Ka awmdan chu mak ka ti takzet…! Ka thinphu dut dut chu engvang nge tih ka hre hek lo..! Ka hmuh hmasak bera ka awm ang chiah khan tunah pawh ka la awmreng a ni. Ka thinphu a rang a, a taksa ka deh apiang hian rang takin ka taksa hnuailam a danglam nghal ziah bawk.. Ka tello leh ka ngaihven ngai miah lova Lilian lah naute an awmtur chu ngaihtuah pawh ka duh lo..! A thleng ngailo bawk ang.!
.
Operation room lamah let lehin waiting room ah ka awm a, Lilian a lo let leh lai pawh chuan engmah sawi lovin ka thu reng a. Tumah kan inbe lo. Lilian chu min hlat thei ang berah a thu bawk a. A thiante pawh chuan engmah an sawi lo.
.
Darkar thum zet hnuah operation room  atangin Dr. Arthur ti a an koh pa kha arawn chhuak a, Lilian chu a thutna atangin a tho vat a..
.
‘Dr. enge a an? Ka pa chu a tha em?’ a hmalam ah a kut nghet takin a suih a, a hmel atang pawhin hlauhthawnna nasa tak a nei tih hai rual a ni lo..
‘A tha turah ka ngai.. Ahma a ka sawi tawh ang khan inzaina hlawhtlin leh hlawhtlin loh chu karkhat hnuah a hriat chauh ang..’
‘Aw le..’  a ti ban charh a.. ‘Tunah ka hmu thei angem?’
.
‘An rawn chhuahpui tep ang..’ Dr. chu a kalsawn nghal a. A nungchang chu ka ngaihtheih zawng a ni hauh lo bawk.. Tun aia tha khan ‘ka’ Lilian hi a chhang thei.. Eng maw..!!?? Engtik laiin nge ‘ka ta’ tih thumal chu ka ngaihtuah chhuah le..?
.
Mr. Spencer an rawn nawrchhuah chuan kan hnaih vat a, a awmna tur cabin ah an nawrlut chu ka lo pui vat a. Thil engemaw ka tih a ngai a ni.. Helai hospital hi an chhuahsan ngei bawk ang.. Mr. Spencer hian enkawlna tha ber a dawng ngei bawk tur a ni.
.
Cabin atang chuan chhuak in phone ka hmang a. Ka thil tih duh ka tih zawh chuan Cabin ah lut lehin Joanna leh a pasal Mervin te chu ka ko hrang a, ruahmanna ka neih chu ka hrilh a..  Lilian chu apa mutna bulah thuin min rawn ngaihven eih lo.
.
‘Lilian, in ah lo va hahchawl rawh.. I landan a thalo takzet..’ Joanna chuan ka rilru tur hrethiam ni awm takin Lilian chu in a hawtir a tumruh hle.. Rei tawk tak haw tura an innawr  hnuah Lilian chu ka hawpui thei ta hram... Joanna chuan apa a harh veleh a phone vat tur thu a hrilh bawk a.
.
Ngawireng in an In pan chuan Car in kan kal a, Lilian chu a thutna seat nghengin a maimitchhing a, a taksa a chau takzet ang tih ka ring.. An in kan thlen chuan kawngkhar ka hawnsak hun pawh nghak lovin car atang chuan a chhuak nghal a. Ka zui tih hre thut niawm takin a ding a, min rawn en a. A hmel atang chuan a rilru tur awmang ka hrethiam lo..
‘Min hawsan thei tawh ang..’
‘I awm hahdam ngei tih ka hriat phawt loh chuan ka haw lovang..’ min hnial lovin a ngawi ve teh tlat..!
.
Inchung ah a chho a, a reh tak deuh reng vang chuan ngaihtha lovin a room ah chuan ka lut a. Lilian chu khum ah rem vak lovin a mu a, a muhil tih hriat takin a thaw sak sak a.. A chau tawngkhawng tawh a ni ngei ang. Joanna chungah lawmthu awm rawh se..! Ani khan nawrlui lo se chu Lilian hian kha hospital nuam lo zet kha a chhuahsan duh dawn lo tih ka chiang a ni.
.
A mutna khum bulah chuan kal hnaiin a muhil hmel chu ka en reng a.. Muhil hmel ka hmuh tawh zawng zawng ah hmuh a ala nuam ber mai awm e.. A harh hlau takin ka mut that tir a, puan ka sintir hnu chuan a khum bula chair ah thuin a hmel chu ka la en ta reng a.! A bula mut ve a, duat taka kuah ka duh a, apa natna vang hian rilru hah leh rim lutuk in awm lo se tih ka duh thu hrilh pawh ka duh.. Chu chauh lo pawh a lakah hian sawiduh tamtak ka nei. Mahse keimah ngei pawh ka rilru ngaihtuahna leh alaka ka rilru putdan ka la chian loh lai hian eng thu nge ka hrilh chuan ang?!
.
  Ka phone a rik chuan rang zet a pick up in room atang chuan ka chhuak nghal a. Ka ruahman angin Mr. Spencer hi a in ah ngei hian enkawl a ni anga, amah enkawltu tur Dr. in a vil bawk ang. A mamawh tur leh thiltul zawng zawng pawh an ngaihtuah buai ngai lovin engkim a fel vek bawk ang.
.
Pawn a ka chhuah chuan motor pawh a lo thleng ve chiah a, Lilian a muthilh thu ka sawi vang chuan thawmdim takin Mr. Spencer chu a room ah an dahlut a. A rawn harhchhuah hunah engkim ka hrilhfiah vek ang. Engvang a hetiang thil zawng zawng hi ti nge ka nih tih chu tun atanga reilote ah hian I hre mai in ka ring e..!!
.
.
‘Engvang a ti nge I nih..? I lakah hian bat neih ka duh lo..’
Chair ah hahdam taka thuin ka hma a Lilian ding chu ka en a. Tunah chuan a hmel landan pawh zia ta.. Darkar li zet a mut hnuah room atanga rawn chhuakin damdawiin pan lehnghal a tum a, he thil ka hriat lawk vang hian Mr. Spencer hi a in ah ngei enkawl tura dah ka ni reng a ni.. Ka fa tur paitu chu a hahdam tur a ni.. Tunah hian ka malchungah rawn thuin min kuah se, min fawp bawk ta se la..!!
.
Sofa ban ah ka kiu nghat in ka khabe ka tuai zauh zauh a, ka hma a  Lilian che vel chu ka en reng a. A hmui no chek ah chuan ka mit a fu chat.. enge a sawi hre miah lovin a hmui che vel chu ka en reng a.. A hmui nalh zet ka fawh laia ka awmdan  ngaihtuah let vung vung in ka nui suk a.. Ka ngaihtuahna ringawt pawhin min nuihtir thei a, he Lilian hi ka tan chuan hmeichhe danglam a ni tawh hrim hrim….
.
‘Ka thusawi chu I hria em? Markos..’ ka dar ka ti che zauh a.. A thusawi chu a chanve pawh ka hre lo..
.
‘Enge I sawi?’
‘Helai ah hian engvanga awm reng nge I nih..? Ka sawitum chu.. I in ah haw tawh rawh..’
.
‘Miss Spencer, I pa a harh e..’ Dr. Stanfield chu en in min rawn en leh a, a thusawi lai chhunzawm tawh lovin hmanhmawh tak hian a pa room panin a kal nghal a. A muthilh hlan khan ka in ah haw in ka inthlak fel vek a, mahse helai a awmreng hi a dik chiah lo tih chu ka hre ve tho.. Ka in ah emaw, khawiah pawh awm ila Lilian bak ka ngaihtuah dawn chuang lo tih ka hriat vanga helai a awmlui hi ka ni.
.
Lilian room atanga arawn chhuah leh hma chuan an in chu ka chhuahsan a..
.
Ni thum chhung chu Lilian ka hmu leh ta lo. Amah leh apa chanchin erawh ka ngaihven reng a, Mr. Spencer pawh a tha chak angreng viau tih ka hriat chuan office atangin an in lamah ka kal nghal a. Ka thusawi duh dawngsawng tura a taksa a chak that tawh ka beisei.
.
Inchung ah chhoin Mr. Spencer room ah ka dak a, ka rinlawk an chiahin Lilian pawh a lo awm. Apa khum sir a chair ah thuin khum bawhin a muhil a. Mr. Spencer erawh a harh thung.
Min hmuh veleh khum bula chair ah chuan thu turin min signal a, Lilian ang lo takin  ani hi chuan min ngaina niin ka hria.
.
‘Mr. Leventis, Joanna hnen atangin I chanchin ka lo hria a, I chungah kan pafa hian bat kan ngah hle mai’ a ti sap a.. Joanna chuan eng thu nge a lo hrilh tih ah ngaihdan ka nei lo.
Kan tawng thawm vang chuan Lilian a rawn harh vat a, min hmuh chuan thu tha in a pa a melh leh zauh a..
.
‘Enge I rawn tih dawn?’ he zawhna hi alak atang hian ka dawng zing ta khawp mai.. Enge ka tihtur tih chu a hre thuai ang. A lawm lem lo maithei bawk.. Nah..maithei pawh a ni lo.. A lawm dawn lo chiang sa.. Mahse duhthlan tur dang ka nei chuang lo..
.
Ka thutna atang chuan tho chhuak in Mr. Spencer khum bul chet ah chuan ka kal hnai a, ka sawi tur ngaichang niawm tak hian min en ve ve a.
.
‘Mr. Spencer, vawiin hian ka tana thu pawimawh tak sawipui tur che in ka lo kal a..’
Lilian chuan ka ngaihtuahna hriat tum niawm takin a mit a tizim a, min en chik ngang mai..
.
‘Kei leh Lilian hian I that deuh hun nghah kan duh viau nain tun hun hi kan pahnih chungchang sawi hun tur diktak niin ka hria..’ ka ti nghet charh a. Lilian chu a thutna atanga thovin ka ding hluai a, engmah sawi lo turin min duh tih lantir nan min rawn melh kawk bawk a. A mitmeng chu ka hrethiam duh lo lui hmiah thung.
.
‘Mr. Spencer.. Lilian hian..’
‘Ni lo.. Markos..ti suh.. Daddy chutinag chu a ni lo.. Markos.. Eng thil nge..’
.
Mr. Spencer chuan a ngaihna hriatloh hmel takin Lilian nen chuan min en tawn in a bu nghauh nghauh a
‘Thil pawimawh sawiduh I nei tih ka hre mai e’ a ti charh charh a. Lilian chu ka en duh tawh lo. Ka hun tha neih hi ka bawhpelh phal teuh lo mai.
.
‘Nia, Lilian hian naute a pai mek a, I phalna kan hmuh  chuan naute pianhma ngeia inneih kan duh a ni.. ’
.
‘Ni lo..Markos..’ Lilian chu a phun sap a, ka thusawi chu hnial tum in a ang ziau a, apa nui ri a hriat chuan rapthlak tih hmel zet hian min rawn melh kawk a, sawi mai tur hre lovin a ngawi leh ta zawk a.
.
‘Yeaa..ka hria alawm..!’
Lilian nen chuan ‘Engmaw..?’ kan ti rual thawt a..
‘Dad..’
‘Ni love, princess.. I awmdan danglam kha ka hre reng alawm. I inpeih a min hrilh hun ka lo ngaichang reng zawk a ni.. Engtin nge ka hriat tih I ngaihtuah buai a nih chuan.. I awmdan leh I danglam dan kha I nu in a pai tantirh che a a awmdan ang chiah a ni..’
.
Lilian chuan ang pham in apa chu a en reng a.. Ka lo inrawlh vat bawk..
.

‘A nih chuan sir, kan inneih chu I remti tihna a ni em??’ ka zawhna chu min chhang mai lovin min en vang vang a..
.
‘Nia..ka fanu hian engtik ah emaw chuan pasal a nei ve ang tih thu hi ka ngaihituah fo a, mahse ataka han hriat takah chuana dan a dang hle mai..’ a mitmeng ah chuan a hlim tih hai rual a ni lo..
.
‘Dad..’ Lilian chuan min hnial a duh a, mahse a pa nui hmel a hmuh chuan a thiltih tum chu a thulh leh tih ka hrethiam... He thil ka hriatlawk vang hian alawm tun hun hi ka duhzawng sawi nan ka hman chat ni..!
.
‘Daddy, min lo hrethiam la Markos nen hian kan han inbe lawk ange’ tiin room atang chuan a chhuak nghal a.
.
Mr. Spencer chu en in ka nui a, ani pawh chuan min hriatthiam hmel takin min nuih ve suk a.
.
Lilian chu a room ah a aw dawn tih hresa in a room kawngka ka hawng a, ka lut min hmuh rualin min rawn panhnai nghal a..
.
‘Engvanga ti nge I nih..? Ka awih thei lo che..’ a ngaihdan a ni lo lutuk tih hriat zet hian min melh ram ram a, a thinrim hmel pawn min hip tho mai.. Takzet hian..!!
.
‘Thil diktak ka ti a nih kha..’
‘Engtin nge I ngam zawk.. Min tilui thei lovang tih ka sawi tawh kha.. Markos.. Engvang nge..’
.
‘A chhan chu ka bula awm turin ka duh che a ni.. Naute pawh ka bulah ngei seilian se ka duh bawk..’
.
‘Enge tihtheih ka neih chuan.. Ka pa vang khan ka hnial thei dawnlo che tih I hriat vanga ti I ni ngei ang..’ min bia pawh a ang lo.. Ding hle hle thei lovin a vei sek a..
.
‘A dik alawm..’
‘Nangmah chiah I in ngaihtuah..Nilo..midang tan phurrit nih ka duh lo..’ a ti leh nghat a, a sam nem leh tle sar chu a hui mam a, a chezia chu ka en reng lo thei lo..
.
‘Duhthlan tur dang a awm chuang hleinem..’
.
‘Engtin nge I bulah ka chen theih ang? Engtin nge.. Engtin nge.. Oh..ka hua che..’ a thilsawi tum a sawi lehsi loh chu enge ni ang tih ka lo ngaihtuah thung... A bulah kal hnai in a kut ah ka vuan a, rilru hah hmel takin a thaw halh a. Engmah sawi tawh lovin ka kuah a, a sam ah ka hmai phumin a sam rimtui zet chu ka hip hip vang vang a.
.
‘Min kuah suh..’ ka kuahna atanga tal chhuah pawh a tum chuang lo..
‘Shh..naute nen hian tha takin ka enkawl ang che u’
‘Nang hian…’
‘Shh..’ ka kuah nghet sauh a.. Tunah hian duat taka hmangaihna chenpui ka duh a ni.. Mahse thiltih chi a ni lo.
Ka ruahmanna kha apa vang chauh a min hnial theilo a ni tih ka hria.. Mahse enge ka tih chuan ang. Ka bulah hahdam taka a awm theih ka duh ber.. Naute tana thiltha ber a ni bawk. Ka fa a pai mek tih chauh lo chu alak atang hian min duhna emaw, min thlakhlelhna emaw ka hmu lo.. Ka ngaihtuah rualin ka awm chhungah hian engemaw a rawn awm a, enge a nih erawh ka hre lo..
.
Ka kuahna chu phelhin a mit ah ka en a
‘Tha takin ka enkawl ang che.. I pa pawh ka enkawl ang..’
.
‘Leiba rulh tur ka ngah lutuk loh nan kan lakah that chintawk hria ang che.. I inchhir lehna tur eng thil mah ti suh..’
.
A thusawi duhdan chuan min ti  lawmlo lutuk takzet.. Khum lam panin a kalsawn a, khum ah chuan a thu hnawk a. A lu thing nar nar in a nui hak bawk a..
.
‘Thawnthu ang mai a nih hi’ ti sap in khum ah chuan a mu a, biakzui chi niin ka hre lo.. Ka nawr nasa lutuk em tiin ka ngaihtuah hial..!! Ni lo.. Tuna ka thiltih hi ka tihtur diktak a ni.. Ka fa pai mektu hmeichhia ka bula a awm theihna tura ka tihtheih apiang tih hi ka tihtur diktak a ni..
.
Lilian room atang chuan ngawi rengin ka chhuak a.
.
.
BILLIONAIRE’S SLEEPING SUN
CHAPTER – 8
By. Thantei_aka_Laura_Sean
.
LILIAN’S POV*
.
Markos ka room atanga thawmdim taka a chhuah hnu chuan  inlet thakin ka thaw hawk a. Ka pa bulah ka naute pai thu a hrilh kha tunah pawh ka la ring thei lo.. Ka pa hnenah chuan ka la sawi ngei ngei dawn tho a, mahse tunah chuan a la hun lo.. A la hunlo takzet.. Inneih mai kan duh angin a la sawi lehnghal.. Khatiang tawh hnuah Markos thusawi kha dawt vek a ni tiin engtin nge ka pa bulah dawt ka sawi theih ang..!?
.
Min mutpui vang leh ka duh vang ni hauh lo a naute ka pai vangin a inthiam lo a, min mutpui vanga a inchhir hmel ka hmuh khan min tina lutuk.. Kan duhthlanna vanga mudun chu kan ni ngei a, naute pawh ka duhreng vanga pai ka ni lo.. Mahse ka bulah min mutpui vanga pawi a tihthu sawi kher a ngai em ni..? Ka zak hluah hluah bawk.. Inneih kan duh tiin engtin nge a sawi theih zawk..? Ani hian naute a duh vang chauhin min nei anga, kei hi atan phurrit mai ka ni ang.. A zalenna tichhe tu tih pawhin min ngai thei ang chu.. He thil hi ka duh hauh lo. Hnial ka duh a, mahse ka pa hlim hmel ka hmuh khan ka hnial thei si lo a ni.. Ka nu’n min kalsan hnuah a mitmeng nung sar chunga a nuih leh hmasak ber a ni. A hlimna kha ka tihchhiat sak thei ngang lo..
.
Khum atang chuan thoin bathroom ah ka lut a, thildang ngaihtuah tumin ka inbual ta ringawt a.. Min chhawk tehchiam lo khawp mai..
.
Inhnuai ah chhukin eitur ka siam a, ka phone ri vang chuan ka thiltih lai dah in ka phone chu ka pick up a, caller ID atang chuan tunge ka biak dawn ka hrelawk lo.
.
‘Keimah, Adonia Leventis.. Lilian, hmuh che ka duh’
Hnial duh pawh ni ila, thil tihchi a ni lo. Markos nu hian engvanga min hmu duh nge tih ah ngaihdan ka nei lo a,  engtin nge ka phone number hi a neih theih tih pawh..oh.. Markos hnen atanga a neih a ni ngei ang. Ka thilsiam lai ka dahthat hnuah ka pa hnen ah ka kalna tur ka hrilh a,  Markos nu hmu turin ka chhuak nghal a.
.
‘I tha em?’
Mrs. Leventis ep chiah a thutna ah chuan thuin ka in sangmar deuh tung a.
‘Ka tha e..’
‘Hmanni khan engmah kan sawihman ta si lo a, Markos nen kan inbe zo deuh chiah a, a ni chuan thla leh hian inneih mai induh thu  a sawi a..’
.
A thusawi chuan min thawng takzet. Min rawn hauh lovin inneih huntur a lo sawifel der a maw..?
‘Engtin..’
‘oh..min lo nghak lawk la.. Ka phur lutuk tih hi ka thup lo mai ange…’ a nui hak hak a, a hmel a nung sar bawk. Ka tawng ve hmain a tawng leh zung zung a ‘In duh chawpchilh lutuk vang hian ka che buai vek a ni. Ka hlim takzet bawk. Ka fapa in nupui neih a tum ve ta hi ka hlim zia I hrethiam phak lovang.. Oh..saw a ni pawh a lo thleng alawm..’
.
A hawina lam ka en chuan Markos kan awmna lam pana lo kal chu ka hmu nghal a, a lo inthlak leh vek tawh. Kan bul a rawn thlen chuan min en paha nui sukin a thu ve nghal a. Hahdam hmel taka a awm chuan min ti thinur takzet bawk. Thil thlendan hi ka rang lutuk a, ka rilru a buai nuai nuai in awmdan tur ka hrethiam lo.
.
‘Ruahmanna siamdan tur pawh ka hrethiam lo. Markos, induhdan kha I sawinawn leh thei angem?’
Mrs. Leventis chu a thu rem sauh sauh a. A thusawi awmzia chu Markos hian inneihna hun kan hman dan turah a duhdan a lo sawi vek tawh tih ka hriat mai.
.
‘Mrs. Leventis, kei chuan..’
‘Ohh..formal taka min koh angai lo a nia.. Markos min koh ang hian min ko mai rawh.. Ka fanu in khatianga min koh chuan ka lawm dawn hauh lo a nia..’
.
‘Ka tihpalh..’
‘Mama..sawifel vat vat teh ang..’ ka tawng ve hma hauhin Markos chu arawn inrawlh leh a, amah kalh zawng a ka tawng a hlau a ni mahna le.. Diktak chuan tunah hian duhthlan tur reng reng ka nei lo. Ka rinloh lam atangin Markos hian min bei a, a hmanraw thaber chu naute hi a ni tih pawh ka hria. Naute hi lo pai lo ni ila chuan khawvel ah hian kan inhmuh tawh pawh ka ring hrep lo.. Tuna ruahmanna a neih hi hnial turin chhuanlam tha tawk ka nei lo niin ka inhria a, chu bakah kan inkar a thilthleng diktak hi ka sawichhuak a nih chuan ka pa rilru na tur hmel ka hmu ngam kher lovang. Amah vanga ka thiltih hi a hria a nih chuan nuam in a damchhung hun a hmang dawn lo.. Mahni indem reng reng a hun hmang tur chuan a upa tawh lutuk bawk..
.
A awmzia ber ni ta chu, kei hian Markos hi ka neih a ngai a ni. Kan inneih chhan chu engpawh nise kan inneih ngei angai. Ka damchhung in min hmangaih lo tu bulah ka cheng dawn tih ka inngaihtuah chuan ka pik mup mup a, tihtheih erawh ka nei silo a nih hi!!
.
‘Awlsam thei ang ber kan duh a ni lawm ni Gata`ki..’ rem vaklo chungin Markos chuan ka kut arawn vuan a, a kut chu paihthla lo turin ka insum hman hram. A kut a min khawihna chuan ka rilru a lapeng a, an thuusawi chu ka ngaihven lui hram hram a.
.
‘Oh..Markos.. Gata`ki maw? Engtiklai atangin nge hminglem phuah ilo chin ve tak.. Ka awih thei thlawt lo.. I inthlak ta takzet a nih hi’ Markos nu chu a nui hak hak a, ka tah a lo chhuak hluah hluah thung.
.
‘Mama, duhtawk teh..’a ti sup a, a awmdan chu nuam ti vaklo hmel a pu ve deuh.. Nuam tilo tur a ni reng a ni..
‘Engkim a awlsam thei ang berin ka duh e, a theih phei chuan tumah sawm loh ka duh zawk a..’ Markos nu chuan phawk zetin min en a
.
‘Mama, kan duhdan chu min zawmsak mai rawh. Lilian hi tu tih a hriatloh ten an zui ruk a, zalen lo taka an siam  ka duh dawn lova, rilru hah taka a awm chuan naute tan pawh a thalo thei bawk a..’ min hriatthiam hmel takin ka kut chu a la vuan ta reng a..
A kut zungpuiin ka banrek a ka marphu a chul hauh hauh a, chu chuan ka ngaihtuahna a la peng takzet. A kut nalh zet chu ka en a, he kut hian thiam takin ka la hriat ngai hauh loh nawmna min thlen a nih kha!! Chu thil chu engvangin nge tun hunah kher hian ka ngaihtuah chhuah..A hunlo takzet.. Ka duhdan pawh a ni lo!
A/N – A laklawh zel a, a thui ta hleee mai.. Ka tlai phah ta deuh bawk… Ka type zo chiah ka rawn dah nghal a niaaaa…. Typing mistake a awm nual maithei, ka chhiar nawn hman miah lo + Net a muang em em bawk..
.
Ka kut chu lasawn in ka sam ka huih zauh a, ka thil ngaihtuah vanga ka hmai sa deuh pap pap chu a lan chhuah loh ka beisei.
.
‘Tun atan chuan ka pawm phawt ang.. Mahse Leventis chhungkua hian inneihna hi kan ngai thutak a, hun hman mumal awm lova inneih chu ka lo ngaihtuah hauh lo.. Okay..engpawh nise tuna tan chuan hun a tlem bawk a, in duhdan ang chuan ni phawt rawh se’ a ti charh charh a.
.
 Markos nu in min kalsan hnu chuan ka thutna atangin ka tho a, Markos chuan min lo chelh vat a.. Anu awmlai a a nungchang kha chu a bo leh vek tawh.
.
‘I pa I ngaihtuah ang tih ka hria a, I awih emaw awihlo emaw keipawh in ka ngaihtuah. Chuvang chuan I pa enkawl turin mi ka ruai a, min hnial buai lovang che..’
.
‘I ruahmanna min hrilhlawk nge thu min pe..?’ ka ti nghat a.
.
‘A pahnih in’
‘Engvang in nge hetiang thil hi I tih?’
‘Duhthlan tur ka nei lo’
‘Duhthlan tur neilo a danchep chu kei hi ka ni. Nang ni lovin.’
‘A awlsam zawngin awm hram ang che..’
Takzet che hian tiin ka inngaihtuah thinrim hle..
‘I hmeichhe kawp ho vanga kan mualpho loh ka beisei. Ka thik hauh lova, mahse nungchang mawi leh tihawm tawk hria ang che. Naute vanga tun hun hi thleng kan ni tih kan inhre ve ve bawk a..’
.
‘Lo ngaihtuah buai duh suh.. I duhthusam ang thlap a ni ang..’
A thusawi chu awihlo zetin ka nui lui hak a, chhang duh tawh lovin ka thutna  atang chuan thoin ka kal nghal a. Kan sawifel chuang lovang. Tunah inneihna chungchang kan sawi a, a hmeichhe kawp a la thlah chuang der lo bawk a. Ka rilru a na vawng vawng. Duhthu ka lo sam ve thin nen a inthlau lutuk.. Min hmangaihtu leh ka hmangaih ngei pasal ah ka nei ang tiin ka ngaihtuah ve thin kha a nia, tunah chuan ka duhthusam thin chu ka ban phak ah a awm tawh lo..
.
Ka inrin hmain ka hnunglam atangin min rawn pawm nawlh a, hnialna hman a awm lo. Hamhaih zetin ka en ringawt a. Pawnah min pawm chhuak in a car ah min dahlut a, hnial pawh ni ila awmzia awm lovang tih ka hria. Min lo hmutu te tan hmuhnawm siam ka duh bik lo.
.
‘Kaya kha engtin nge I tih dawn?’ driver seat a arawn thut luh rualin ka lo ti nghal tawng a. Ka rilru a thu lo awm leh hmasa ber chu ka ngawih bopui thei ngang lo.
.
‘Chu chu I lo buaina tur a ni lo’
He mihring hian engemaw a hriat le?? A duh hunah min ngai pawimawh ni awm takin a awm a, a chang leh mihring ngaihtuahna nei ve ngailo ni awm takin min treat leh lawi a..
.
‘Ka sawi awmzia chu I hria..’
‘Sawinawn leh tawh suh ang che’
.
Ka tawngchhuah leh chuan tawngkam chhe theihtawp ka hmang dawn tih ka inhria. Rilru tawt up up in ka thu ngawi ta ran a.
.
Kan in kan thlen chuan ngawireng bawkin car atang chuan ka chhuk a, amah en tawh miah lovin inchhung ah ka lut nghal a. Chak zet a a tlanchhuak leh thawm ka hriat chuan ka thaw hawk a.
.
Ka pa pawh a tha ve zel a, amahin a tho thei tawh a, indim la ngai viau mahse a hma a a dinhmun ngaihtuah chuan hmasawn tawh tak a ni. Dr. Stanfield pawh a hun tam zawk kan in ah a hman a ngai ta lo bawk. Ka pasal neih tur leh naute chungchang phur tak leh hlim taka a sawi thin chuan a rukin min tah tir fo a, a hriatlai erawh chuan ka hlim tih rintir ka tum tang tang a ni.
.
Markos nen kan inhmu leh ta rih lo a, mahse a sawilawk angin  Hanna kan inah arawn cheng ta a, nu fel leh tha tak a ni. Engkim ah ka pa a buaipui a, an inngaina nghal mai chu mak ka lo ti zawk. Dawr ah ka la kallui ve zel bawk.
.
Naktuk hian Markos in ah ka insuan lut tawh dawn a, Joanna hnenah engmah ka la sawi lo. Ka hrilh har vanga a thinrim dan tur ka hrelawk tho nain Markos nen kan chungchang sawi hi ka chak chiah lo a ni. Kan inkar thudik tak midangin an hriat ve phei chu ka duh lo lehzual..
.
‘Lilian..ka awih thei lo.. Engtin nge I theih zawk..’ phone ka pick up rualin Joanna chu  a rawn au vak vak a ni ber.. Ka phone chu ka beng atangin ka dah hla leh rih a.
.
‘Rawn biak che ka tum chiah a’
‘Ka awih I ring em?? I ring lo..! Ka rawn kal nghal ang. Khawiah mah lo kal suh’
.
A phone a off nghal a, minute 20 pawh  aral leh hmain ka hma ah a thu vang tawh. A ngaihdan nilo lutuk hmel ka hmuh chuan keipawh ka inthiam biklo.
.
‘Engvang nge? Engtika thleng nge?’ a ti nghal hmiah hmiah a..
‘Joanna..engtianga intan nge tih ka hrilh thei lo che. Keipawn ka hrethiam biklo. Inneih pangngai angin hunk an hmang dawn lo bawk a, Markos nu nen pawh kan sawidun a, tumah sawm lova tih kan duhthu kan sawi a.. Chu chu duhtawk lovin inneih hunserh hrim hrim hman pawh ka duh leh lo a ni. Naktuk hian Markos in ah ka insuan lut anga, chu zawng chu a nimai..’
.
‘WOW..Naute chungchang hi le…??’ a ti leh nghat a..
.
‘Ka tihpalh.. Jo..engkim hi a thleng thut vek a ni. Nang chuan min hrechiang a, ka inpeih hunah engkim ka hrilh ang che..’
.
‘Lo hnai teh’ tiin Joanna chuan min kuah a.. ‘I hria em? Nang hi ka unaunu ang chiah ini a, nangmah chauh a I rilru hahna I hmachhawn tur anga ka ngaihtuah hian..min tina a ni.. Ka hmangaih che tih I hria tiraw..?’
.
‘Keipawn ka hmangaih che..’
‘Markos ka hmuh hmasak ber ni khan a endan che kha ka hrethiam deuh a, mahse nang hian engmah min hrilh si lo a.. Mahse, tunah chuan a tha e.. Harsatna emaw buaina I neih chuan min hrilh ngei tawh tur a ni.. I hrechiang em’ ka hnungah min chul hauh hauh a.
.
‘Naktuk ah chuan ka rawn pui ang che..’
‘No. a ngai lovang. Ka in pack vek tawh a..’
‘Min hnial tum miah suh.. Nge.. Markos bulah I cheng tawh dawn a min mamawh lo nghal hmiah dawn tihna a ni em..’ a nui ta hak hak a. A hmel atang chuan a fiamthu tih a hriatreng bawk..
.
‘Chutiang a nilo tih I hriatchian em kha..’
‘Mak ka la ti tho tho.. Engtin nge kan Mr. Leventis ropuia hi a rilru I hneh le..’ a la nui reng a, a lu a thing mat mat a.
.
‘Okay..thildang sawi rawh..’
.
‘Engtin nge ka hriatloh theih.. Hetah hian naute hmeltha tak a awm a, nitin ka bulah I awm a..ka lo hre miah lo a..’ a kut in ka dul a rawn vuan a. Mervin nen naute an neih mai theihloh vang hian hreawm a tih thu a sawi fo a, a rilru tur awmang chu ka hriat thiam sak khawp mai.
.
Rei tawk tak a awm hnuah min hawsan a, keipawh ka room ah lutin ka thawmhnaw ken loh tur ho ka dahfel a. Vawikhat a inlak chhuah vek tumna ka neilo. Heihi ka in a ni a, awm ve ngailo ang maia ka sulhnu zawng zawng a reh ka phal hek lo. Kan chhungkaw thlalak frame a ka tar chu la in ka en reng a, ka nu ka ngai em em bawk. Harsatna han tawh chiah hian nu te kan mamawh zia ka hrechhuak nawn leh a, ka nu kha ka ngai thin takzet. Nau ka han pai tak chinah phei hi chuan ka nu min hmangaihna kha ka  hrethiam ve tan dawn chiah niin ka hria.
.
Naktuk atang chuan ka khum ah hian ka mu leh mai mai tawh dawn lo tih ka ngaihtuahna te chuan mak takin ka khua a tihar riau bawk. Markos message ka hmuh chuan ka chhiar vat a, min rawn hruai hun tur rawn sawiin amah a rawn kal theih dawnloh thu a sawi a, pawi ka ti hran lo. Ka pa hnenah erawh ka sawimam deuh a ngai ngei ang. Kan chendun hma hauh atangin in pumpelh dan kan zawng ve ve ni a ka hriatna chuan ka awm a tinuam lo ru khawp mai bawk. Thil engkim a tha zawng a a kal chhoh ka beisei. Engtiang pawhin awm se sawisel lo tur leh a awmdan ang ang a en liam tawp ka tum ang. Ka thei angem tih erawh ka hre bik lo. Min hnaih lo se a tha ber a ni mai..
.
Ka alarm riin ka muhil min tiharh a, ka tho vat a. Nau ka pai hnua ngai a ka neih tawh angin choka ah ka lut a, eitur ka zawng nghal ruai a. Ka taksa a danglam tan tih pawh ka hria. Nau pai mek ka ni a, ka rihna tam chho zel hian min tibuai hran lo. Thil nihdan tur rengah ka ngai ve hmiah mai.
.
Chawhma zawng in ah ka awm a, dar 2 a rik chuan min rawn hruai tu tur car kan kawt ah a ding chat a. Ka lo hmuh nghal chhan pawh ka en sek tawh vang a ni. Ka phur em vanga en sek erawh ka ni lo chiang khawp.
.
Ka thawmhnaw car a kan dah zawh chuan ka pa leh Hanna ten min zui chhuak a, Markos lo kal theihloh chhan pawh ka duhdan in ka sawimam hmiah mai. Diktak chuan tunang huna arawn lang miah lo hi ka vui ru viau a, a laka vui thei ka ni lo tiin ka ngaihtuah leh ta zawk a nih kha.
.
‘Ma’am, Sir chuan Dinner ei turin a hruaichhuak dawn che tih a sawi a, zan dar 8 a lo inpeih turin I lo hrilh dawn nia a ti bawk a..’ ka chuanna Car khalhtu chu kum 40 vel a nih ka ring. A tul chin chiah sawitur a hrilhlawk ang maiin a tawng tam lo khawp mai. Min rawn be thei reng a, midang hnen a kan hun hman dantur chah kher hi enge a tulna..? Markos chungah chuan ka thinrim a, mahse tuna min be mektu chungah hian ka thinrimna ka tihlan kher a tul ka ti lo..
.
‘Lilian tiin min ko thei ang. Engtin nge ka koh dawn che le?’
‘Koko’
A hming leh a hmel landan chu a inhmeh hlawl lo!!
.
‘Okay.. Koko, kan thleng dawn tawh em?’ Markos apartment awmna lamah kan kal lo tih ka hriat chuan mak ka ti deuh.
‘A in ah I la kallo a nih ka ring. Mrs. Leventis khan in a I luh lawm nan party siam a tum a, sir chuan rem a ti lova..’
He Koko hian thil a hriatchian hmel riau.. Markos bula awm tam a nih chuan a hmeichhe kawpte pawh a hre ve vek ang chu!! Ka thil ngaihtuah dan chu duh lovin ka rilru lakpen nan pawnlam ka en ta daih a. Kan chengdun dawn a nimai a, a lakah thuneihna engmah ka nei dawn chuang hleinem..
.
In lian zet bula kan din chuan ka inrin hmain ka thaw halh a. A nalh takzet.. Ka mumang ah pawh hetiang anga in nawm hmel ah hian ka la kal ngai lo. Pawnlam chu rawng var a inhnawih vek a, kawt sir deuh a swimming pool sir ah chuan thing a siam thut awn theihna a awm thlap bawk. A bak zawng chu phul vek a ni. Awmze nei takin pangpar pot a inhung thliah a, tun atanga rei vak loah helai hmun hi pangpar china hmunpui ang maiin a vul chuk ngei ngei ang. Mak takin ka hahdam huai huai in ka hria.
.
‘Ma’am..ahh..inchhung ah lut ang le” Koko chu phawk zet in ka en a, ka phu zawk tih a hrethiam tih hriat takin a inthiamloh hmel zawk lehnghal a..
.
Inchhung kan luh chuan mipa upa lam tawh hian Koko chu a lo pui vat vat a, a hmel atang chuan chinesea nih ka ring ringawt bawk. Ka thawmhnaw chu inchung ah an chhohpui a, ka zui ve zel a. Thing a siam kawngka chhah hmel zet chu hawng in an lut a, room a ka penluh ve rual chuan Markos room a ni tih ka chiang nghal.. Anni ho hian kan inneih chhan engmah an hre ve lo ngei tak ang.
.
‘Ma’am, i mamawh chuan ka nupui ka lo chhoh tir ang..’ Khawchhak hmelpu zawk chu nelawm takin a nui sak a.
‘Keimah in ka ti thei maiin ka ring. Ka lawm e..’
‘Lee.. Ka hming chu Lee. Ka nupui chu ka lo chhohtir ang’
.
Ka chhan leh hmain room atang chuan Koko nen a chhhuak a, ka thawmhnaw thenkhat chu phawrh in khum ah ka dah a, k ache chu ka khawr ru deuh tlat bawk.
Room kawngka kik ri ka hriat chuan lut turin ka hrilh vat a, nu thau lam deuh arawn lut a, Mr.Lee  nupui a nih ka ring nghal hmiah bawk.
.
‘Chibai le.. I lo thlenlai tak khan choka ah ka awm laklawh lutuk a..’ nui sangin min en a ‘OOO..kan pu chu a mit a lo fing takzet a nih hi.. I nalh lutuk.. Ma’am’
.
‘Ni lo..khawngaihin ka hming in min ko rawh’
‘Ka tihpalh.. Lilian.. khawi ka lo pui ang che..’
‘Chuan, ka lawm e’
‘Keimah hi lawm tur ka ni..’
Ka bulah rawn kal hnaiin ka thawmhnaw ho chu a dahfel zung zung a, a che chak khawp mai. A nui hmel chu hmuh a nuam khawp mai bawk. A che suah suah a..
.
‘Hetah I lo awm ve dawn tih kan hriat tirh chuan kan ring hauh lo asin. Kan pu hian hmeichhia arawn hruai ngai hauh si lo a, nupui a nei duh lo emaw ka lo ti char char a.. I lo awm ve dawn tih kan hriat atang khan engkim a danglam vek a nimai. Pangpar ngaihtuah ngai lo khan pangpar kan lei tun tun a..’
.
‘Eng.. I thusawi chu..’
.
‘Aw..nia, Mr. Leventis khan pangpar lei turin Koko a tir a, pangpar hming a hriat chuan I pangpar duh ber a nih loh thu sawiin a dah let tir leh vek a, Koko khawngaihthlak-a saw.. Chuan kawta pangpar ho khu I ngainat ngei ka ring e.’
.
Mrs. Lee chu a tawng bawrh bawrh a, a thusawi chuan min thawng dawt dawt bawk.
.
Engtiklai mahin Markos bulah hian ka pangpar ngainat zawng ka sawi ngai lo.. Diktak chuan abulah ka ngainat zawng ka sawi ka la hre lo hrim hrim zawk..
.
Mrs. Lee titi ngaithla chuan ka hriatloh karin ka inthlahdul a, zawhna a neih chu ka chhang ve zel a, ka duh emaw duhlo emaw ani hi ka ngaina nghal hmiah a ni.
.
Ka thawmhnaw kan dahfel zawh chuan min chhuahsan a, keipawh in tifai turin bathroom ah ka lut nghal a.
.
Ka inbual zawh chuan hun ka la ngah tho vangin inhnuai ah ka chhuk a, Mrs. Lee choka a awm chu tihtur ka mamawh thu ka hrilh a. A eitur siam mak deuh chu enge a nih tih ka zawh chuan min hrilh phur nasa mai.
.
‘Eitur I siamtui phawt chuan I mipa a lungawi ang.. Mipa hmangaihna chu an pum atanga intan a ni’ a tih chuan ka nui sak sak a, Joanna bula ka awm ang chiahin Mrs. Lee bulah hian ka rilru a zalen a, a tawngkam hman duhdan chu a lawm awm takzet.. A titi lai chu a tawp chat a, inthiam loh hmel takin a ngawi ta daih a. A hawina lam ka en chuan Markos lo ding reng chu ka hmu ve chiah.
.
A kekawr ipte zen in a ding awn deuh a, kan thusawi kha eng chen nge a hriat hman ka hre lo. Mahse a hmel atang chuan Mrs. Lee thusawi kha arawn hre hman a nih ka ring, a nuih a zat hmel ve tho.
.
Mrs. Lee chuan a melh leh zoh zoh thin.. Engtin emaw an in signal in ka hria.
.
Ka bulah rawn ding in ka kawngah min kuah a, ka inrin hmain ka hmui ah min fawp a. Ka beisei loh em vangin a ban ah ka vuan a, min fawh dan chu a duhthawh khawp mai. Mrs. Lee chuan a aw a thian kharh a, min thlah ta chauh a. Ka sa pawp pawp mai..
.
Min kuahna la thlah chuang lovin ‘min lo ngai tih ka hre mai’ tiin ka beng bulah a phun sup a.
.
.
BILLIONAIRE’S SLEEPING SUN
CHAPTER – 9
By. Thantei_aka_Laura_Sean
.
Mrs. Lee chuan a aw a thian leh kharh a, Markos min kuahna chu phelh in lai zet hian ka ding sawn a, ka kawngah min rawn kuah leh a.
.
‘Ka phone a ri in ka hria..’ ka ti sap a, kitchen atang chuan ka chhuak a. Ka phone ri ka hriat vang pawh a ni lo. Ka chhuanlam mai mai a ni. Anni pawh khan an hre tho ang.! Ka awmdan naupangchhia zet vang chuan ka nuih a za leh hnuhnawh a, ka thin a rim deuh bawk.
 Markos leh Mrs. Lee chuan enge maw an sawi zawm a, eng chiah nge an sawi ka hre tawh lo.
Room a ka luh chuan ka thin phu nasa lutuk chu dawmin ka ding vang vang a. Khatia min rawn fawh kha ka ring lo hrim hrim. Kan inhmuh loh chhung khan ka ngai hauh lo bawk. Tlemte in ka ngaihtuah ringawt chauh a ni.! Chu pawh a awmdan ka ngei zia chiah ka ngaihtuah. Midang hmuhlai a inhmangaih hmel taka awm der kha enge a awmzia pawh ka hre hek  lo.
.
Markos room a arawn luh chuan ka thawmhnaw hak tur ka lo thlang mek a, khawi hmunah nge min hruai dawn ka hriat loh vangin hak mai tur ka hre lo. Ka ngaihtuahna hria niawm tak hian min en reng a
.
‘Inchei a ngai lovang’
‘Ok’ ka ti ban charh a, min en reng vang chuan nuam ka ti chiah lo. ‘Enge.. Thil diklo a awm mi?’
.
Min chhang lovin arawn kal hnai a, min si deuh thaw in arawn ding a.
.
‘Heihi la rawh’ a kekawr ipte atangin bawm tetakte arawn phawrh a.
‘Hei hi.. Markos..’
‘Keiman ka lo ti ang’ tiin bawm chu a hawng a, a chhunga zungbun ka hmuh chuan ka thaw hak a. A mawi lutuk..!! A hmel ka en leh a, engahmah ngailo ni awm tak hian a hmel awmdan a danglam lo.
.
‘A mawi lutuk..’ ka tisap a, ka ngawih bo pui thei lo.
.
‘I duh ka beisei. Ka nupui I nih dawn chuan zungbun I bun ngei angai ang chu’ a tawngkam chuan helaia ka awm chhan min hriatchhuah tir in zungbun mawi ka tih zia ka sawichhuak kher chu pawi ka ti ru nghal veng veng.
.
‘A ngai ngei ang chu’ amah ngaichang lovin zungbun chu ka la a, ka bun nawk nawk a. Amah chu ngaihven zui duh lovin ka thawmhnaw chu ka hai chhunzawm a, ka hak duh ber pawh ka hre chuang lo. Mahse tunah tak hian ka rilru la peng turin thildang ka tih ngei ngei angai tih chiah ka hria.
.
Ka hnunglam atanga ka kawng a min rawn kuah chuan ka thiltih lai chu ka chawl chawt a.
‘Eng thil mah ti suh’ ka ti sap a. Che chang lovin min kuah reng a, ka sam ah a hmai phumin thawk  a la vang vang a. A kut chuan ka dul a khawih bawk. A awmdan inthlak thut thut hi ka hrethiam lo.
.
‘Inpeih la kan kal dawn nia’ a ti sup a, min kuahna chu thlahin a kalsawn a, room atang chuan a chhuak nghal bawk a.
.
Ka kawr hak tur ka lakchhuah hnu chuan ka inthlak a, inhnuai a ka chhuk chuan min hmuh veleh a thutna atanga thoin min rawn pan a, engmah sawi lova min kal pelh chuan ngawi rengin ka zui ve mai a. Midang an awmloh vangin a lemchan pawh chhunzawm ngai a ti lo a ni ngei ang.  Zan dar 8 a chhuak tur ang khan Koko khan min hrilhlawk nain tunah hian dar 6 a ri chiah. Markos hian tihtur dang ruahman a nei a nih ka ring.
.
Motor ah pawh chuan kan ngawireng a, ka ning thut. Markos awmdan chuan min tihah hluah hluah bawk.
.
‘Khawnge kan kal dawn?’
.
‘Kan thleng tep’ a ti nghut a.
‘I mize inthlak thut thut hi a mak ka ti’ ka phun sap a, a hriatphak erawh ka hlau leh hnuhnawh viau.
.
Hmun reh raih kan thlen chuan motor a tiding a, ka chhuah hmain ka thutna lam kawngkhar arawn hawng a. Car atanga ka chhuah chuan kan awmna lai chu khawilai tak nge tih ka hre mai lo. Kan piah deuh ah chuan dawr ni awm tak a awm a, pawnlam landan atang chuan eng a dul raih a, engemaw ti zawng takin a landan chu a romantic khawp mai.
.
‘Lo kal rawh’ a tih chuan ka zui ve mai a.
Inchhung a kan luh chuan mi tam vak lo an lo awm a, kan table tura kan thut hnu chuan hawikual in stage a mi che vel chu ka en reng a, an zai dawn a nih hmel. Hetiang hmun ah hian ka la kal ngai loh hrim hrim vangin an awmdan chu ka hrethiam chiah lo bawk.
.
‘Hetah hian enge kan tih dawn?’ tiin Markos chu ka zawt sar sar a
‘Mr & Mrs Leventis te tan kan hla sak tur hi kan hlan e’ phawk zetin stage lam chu ka en vat a, an hla rawn sak chu ka hriat ngai pawh a ni lo. Chesawn lovin zai chu ka en deuh reng a, Markos ka va en zauh chuan stage lam en lovin keimah min lo en reng a, hahdam hmel zeta thuin a kut chuan a khabe a tuai nauh nauh a. A landan thuneih hmel zet leh sexy lutuk chu a inhre lo a ni ngei ang. Ka hawisawn lehnghal.. Min en reng ni a ka hriatna chuan ka awm a tinuam ta chiah lo. Ka en leh ngat a, min lola en reng…!
.
‘Enge?’ ka ti sap a, a lu thingin min la en reng a. A mitmeng thim raih chu ka en rei ngam lo.
.
‘Khawngaihin stage bulah hian in lo kal thei em?’ kan bula awm te chuan kut an beng dar dar a, Markos chu a thutna atanga thovin ka bulah a rawn ding a, hnial theih hauh loh hian ka kut rawn vuan in stage bulah chuan min kai chhuak a.
.
‘Min rawn hnaih rawh’ ka chet ngai lovin ka kawngah a ban pakhat in min kuah a, a kut lehlam in ka kut a lakang a, a nghawng ah min kuah tir a. Stage a awm ten hla muang raih an sak rem chuan kan lamdun a. Hetiang thil zawng zawng hi ka beisei lo.. Beisei chu sawiloh ka ngaihtuah chin eih lo hrim hrim. Markos chu rawn kunhniam in ka challah min fawp zauh a, a mit a ka en chuan ka hawisawn thei tawh lo! A mitmeng thuk raih chuan min hipbet ni maiin ka hria. Music a tawp chuan ka duh reng vang pawh ni lovin a nghawngah ka ban pahnihin ka kuah bet chial a. Au dar dar thawm avang chuan rang zetin ka kut ka la thla a, Markos min kuahna chu phelhin kan thutna lamah ka let lehnghal a, min nuih suk hmel chu ka hmu hman hram tho. Ka chungah that a chhuah reng chuan kei hian atthlak takin amah hi ka duh mai  ang tih ka hlau ta hial mai!!  
.
Kan dawhkan a eitur an rawn dah chuan ka riltam tawh zia hrechhuak in ka ei nghal mial mial a.
.
‘Naktuk hian Greece ah kal ka ngai dawn a, nangmah in I lo awm thei ang chu tiraw?’ ka thil eilai chawl chuang lovin Markos ka en a, ka bu nghat a.
‘I duh chuan I lo kal ve thei tho bawk a’
.
‘Ni lo ve, ka lo awm thei lutuk. Bakah I hna thil ah inrawlh ve na tur ka nei hleinem’
A bu nghut nghut a, a hmel atang chuan ka chhan dan avanga a lawm leh lawm loh ka hre thei lo. Thildang sawi tawh lovin a thleng a eitur chu a ei ve ta chauh a.
.
Darkar khat a liam leh hnu chuan kan in(?)..Nia, Markos in ni mahse tunah chuan ka chenna tur hmun nghet   a nih tawh vangin kan in tiin ka ngaihtuah ngei ang chu…! In kan thleng a, motor atanga ka chhuah hnu chuan inchhung ah lut mai lovin ka ding khawmuang a. In leh a vel chu a mawi lutuk takzet! Chhun a a landan ai chuan zan ah hian a mawi lehzual a nih hi.
.
‘Inchhung a I luh vat loh chuan I hritlang mai ang’
‘Helai hmun hi a mawi takzet’ ka ti sep a. Ka tawng chu a hriat phak pawh ka ring chuang lo. Ka bulah rawn dingin a kekawr ipte a zen a, min en chhuk run bawk a.
.
‘A mawi khawp mai..’ kan awmna bul vel chu a enkual chuang der lova. Ka nuih a, a hmel landan chu..ah..min rawn fawp se ka duh..Ni lo, nghet takin min kuah se tih ka duh zawk.. Chu pawh a ni lo.. Engmah ka duh lo..! Ka bulah, ka hmuhphak ah hian awm tam lo se ka duh.. Chu pawh a ni chuang lo.. Ka thinlung a amah duhna ka neih hi a nasat zel loh nan eng thil nge ka tih chuan ang.
Mak takin a vawikhat nan Markos ngaihtuah chungin ka inthlahdul ve teh tlat bawk. Awmdan tur mai ka hriatloh vangin ka dinna bula pangpar kuhmum bawr laih chu ka thutchilh a
.
‘Hei pangpar hi ka duh lutuk, a par hun chuan ka bulah ka dah reng ang’ tiin ka nui hak a. Ka thusawi vang ni lovin ka awmdan vanga nui ka ni. Markos hian  a hriatthiam loh hram ka beisei. Bakah ka pangpar thutchilh hi naupang te ka nihlai a ka nu nen kan chin thin ang Daisy chi khat a ni a, ka ngaina tak tak bawk. Ka duhthusam angin a par var a nih ngei pawh ka ring..
.
‘Come on, inchhung ah lut teh ang’
Markos chu ka zui a, inchhung a kan luh chuan a lo reh thiap tawh..
.
‘Mrs. Lee te hi hetah an awm ve em?’
Ka zawhna chu min chhang mai lovin mak tih hmel deuh taka min en hnuah a bu nghat a. Engvanga zawt kher nge ka nih pawh ka hre chuang lo. He in lian lutuk ah hian kan pahnih chauh hian kan awm lo tih hriat ka duh vang pawh a ni maithei. Room pakhat ah kan awmdun dawn tih ka ngaihtuah chhuah rualin ka zam nghal em em bawk. Nichin lawk khan ka hahdam tih ka ngaihtuah zo chauh a, tunah chuan a nil eh tawh lo!! Tihdan ka ngaihtuah a ngai a ni. Kan pahnih a room pakhat intawm chu ka duh hauh lo vang! Pangngai takin kan inbia in tunah hian cool takin awm mah ila ani hian min hmangaih lova, keipawh in ka hmangaih hek lo. Min hip em em a, ka thinlung hian a duh ru reng tih erawh ka pha thei lovang. Mahse tuna kan awmdun chhan leh inneih a rawt chhan ber hi chu naute ka pai vang chauh a ni tih ka hriatreng a ngai.
.
A hmingin innei mah ila, a hmeichhe kawp nu pawh kha ala thlah lo maithei asin! Kei hian engmah ka hre lo. A hmeichhe kawp ka ngaihtuah chhuah rualin ka awm chhung a na veng veng a.
.
‘Room pakhat ah kan awmdun loh ka beisei’
‘Engvangin nge kan awmdun loh ang? Ka nupui I nia, I pasal ka ni bawk a. He in a cheng ve te hian room pakhat ah kan awmdun lo tih an hriat ka duh hauh lo a nia.’
.
‘Keiman pawi ka ti hleinem’
.
‘Keiin ka ti thung lawm..’ min rawn hnaih in ka mit ah chiang zet hian min en a ‘Nge, ka lakah I inven zawh loh I hlau??’
.
‘Teuh lo’ ka chhang rang mah mah tih ka hria.. Tuna a thusawi chiah kha room pakhat a awmdun ka duhloh chhan chu a  ni. A kut hmawr a min deh hlek pawhin ka danglam a, ka la hriat ngailoh thilmak tak amah mamawhna in ka khat nghal ziah thin.. Chu thil chu ka duh lo.
.
A thawmhnaw dahna hawngin thawmhnaw a lachhuak a, thildang sawi tawh lovin bathroom ah min luhsan nghal a.  Engmah sawi tawh lo khan a duh chu a titlang leh ngei bawkin ka ring. A thusawi kha thudik tak a ni tih ka hria.. Kei hian room hran a awm hi tilui tlat lovin a bula awm chung hian a lakah ka inveng thei tih ka hmuhtir ngei ang. A awm ve tih hre lo ang mai a inthunun chungin room ah hian ka awm ve ngei tur a ni.!
.
Bathroom atanga arawn chhuah chuan khum ah a mu nghal a, min rawn ngaihven ang pawhin a awm lo. He mihring hian ka ngaihtuahna lak dan a hre lutuk mah mah a ni. Min bia in min ngaihven chu ni se kei zawk hian ka ngaihven duh lo ngei ang.
.
Bath tub ah a tul aia rei ka inchiah vang vang hnu chuan thawm dim takin ka chhuak a, ka  muangchan luih chhan pawh khum a ka mut ve laiin lo muhil hman se ka tih vang a ni.
.
Markos chu che miah lovin a mu a, ka duhthusam ang chiah in a muhil tawh a nih ka ring. Tihharh hlau takin khum tlang ah ka thu a, a hmel chu ka en reng a. Mipa hmeltha leh mi hipna ngah tak chu a ni chiang a ni. Amah ka duh rukna hi ka thunun theih hauh lohin a zual zel bawk. Ka lakah zaidam taka a awm hian min tichak lovin hnial a harsat phah a, mahse heihi chu ka duh reng vang pawh ni chuang lovin ka naupai vanga rilru danglam zung zung vang hi a nih ka ring zawk!!
.
Zantir a kan hun hmandan ngaihtuah letin ka nui sak a. Amah kuah chunga lam kha thil nuam tak a ni!!! A thlamuan thlak…
.
Chuti zawng chuan ka ngaihtuah lovang. A laka ka rilru a danglam nasat pauh(poh) leh ka tan harsatna a tam ting a nimai.
Thawmdim thei ang berin khum ah chuan ka inthawlh kak a, a taksa va khawih fuh hlauin ka mu ngil at bawk a, mut dan hahdam tak a nilo chiang khawp mai.
.
‘Inthlahdul rawh..’ ka phu chiang lutuk..
‘I muhil tawh emaw ka tia’ ka ti sap a..
‘Muthilh chu ka mamawh alawm..’ a mit meng chuang lovin a tawng a, va kuah mai lo turin ka insum tang tang. A khabe hmul to siar siar chu ka en a, a hmui, a mit, a hnar leh a mithmul dum hlap te, a sam a thur deuh bawk.. Aw Lalpa, he mipa hi ka duh a nih hi..!
.
‘Min en reng chuan ka muhil thei lovang’
Ka mit ka chhing sawk a. A mit a meng lo chung hian engtin nge ka en tih a hriat le??
‘Ka en lo che..’ ka ti nghat a. A nui nghawr dat thung..
.
La meng chuang lovin min rawn kuah a, a lamah min pawthnai a. Ka tang mar at.. Ka khur ru khanglang bawk..!! Ka inhaw lutuk..!!
.
‘Min en tih hre turin ka mit ka men kher angai lo.. Ka feel thei vek che..’ thaw hakin ka nghawng ah a hmai arawn phum a, zangthal in ka la mu mar at thung. ‘Min rawn kuah la inthlahdul rawh’ a ti leh sup a ‘Maimitchhing rawh le’ a aw atang chuan a mut a chhuah hmel khawp mai.
.
Inthlahdul tumin ka maimitchhing a, a dim thei ang berin thawk ka la vang vang a.
.
Ka muhil ka harh chuan ka che mai thei lo. Ka mit ka meng a, ka awmna ka hai thelh a ni. Nimin khan Markos in ah ka insuan lut tih ka ngaihtuah chhuak nghal a. Thawh tumin ka che dawn a, ka la che thei chuang lo..
Markos chuan a ban lehlam ka nghawng hnuai ah a rawlh a, a ban lehlam in min kuah bet tlat bawk. Ka nghawng ah a thaw lum ham ham chu ka hre thei. A chet miah loh danah chuan a la muhil niin ka hria. Che duh lovin ka mu meng reng a, min kuahna vang chuan ka thla a muang a, nuam ka tiru veng veng bawk. Ka rilru  chuan a harh hma a thawh ka duh a, mahse ka phal lo!!
.
‘Good morning, Gata`ki’ rang lutuk in ka maimitchhing a, ka che ngam tawh lo. Markos chuan min kuahna phelhin ka biang ah arawn fawp a, ka chal ah rawn fawp lehin ka hmui  arawn fawh zauh chuan ka meng a, ka thuchhuak nghal bawk.
‘I duh chuan min kuah thei a nia’ a tih chuan ka melh zawk a, khum atang chuan chhuk in bathroom ka pan nghal a, a nui hak ri chu ka hre pha hram. A lo harh reng tawh tih chu hria ila ka muhil ka harh rual khan ka tho nghal tur hi a nia.
.
Bathroom atanga ka chhuah leh chuan Markos ka hmu mai lova, inhnuai ah a chhuk tawh a nih ringin ka chhuk nghal a, kitchen a Mrs. Lee zai rat at chunga eitur siam ka hmuh rualin ka nui sak a, ka va pawh thuai a.
.
‘Nizan I mu tha thei em?’
‘Ka mutui khawp mai’
‘Markos hian a mut that tir che in ka ring lo!’ a fiamthu tih hre tho mah ila ka hmai a sa pawp pawp tho. Mrs. Lee chu a nui hawk hawk a.  
.
‘Good morning ladies’
Markos chu ka en vat a chhuak mai thei turin a inpeih thlap tawh tih ka hre mai. Nizan khan Greece ah a kal dawn thu a sawi ngei a, eng chen a rei nge a cham dawn erawh a sawi miah lo.
.
‘Tunah ka kal nghal dawn a’
‘Tluang deuhin I kal dawn nia’ amah ngaihsak vak lo anga langin ka hma a thlaihnah ho chu ka khawih a.
.
‘Min thlah dawn lo maw?’
Ka hnunglam atangin min rawn kuah a, ka hmui hnuailam pet in ka mit ka chhing tawp. Min hnaih hian ka duh emaw duh lo emaw ka inthunun thei lo telh telh a ni.
.
‘Nangmah in I kal thei alawm’ ka ti leh sap a. Ka ngai dawn tih ka hria, mahse ka tilang lovang..
.
‘Okay..’ Ka biang ah min fawp in min kuahna a thlah a, inher in pawnlam panna kawngka a pan nghal a. Nghet taka kuah a fawp in lo haw leh vat tura ngen ka duh.. Mahse min nuihzat ang tih ka hlauh vangin ka ti thei lo. Bakah awlsam taka ka rilru leh ngaihtuahna zawng zawng a nei dawn ni a ka hriatna hi a fair lo ka ti takzet.
Atan chuan Mrs. Lee a awm vangin lemchan a ngai a, keichuan lemchan ve tumna ka nei hauh lo mai. A taka ka feelings hi ka thup tang tang a ngai zawk a nih hi..
.
Tukverh atangin motor tlanchhuak lai chu ka bih dek dek a, ka hmuh phakloh ah a awmdawn tih ka hriatna chuan ruak ngawih ngawih in min inhriattir nghal pang bawk.
.
‘I thlah mai lo a nih kha’ tih ri ka hriat chuan ka phu nasa lutuk. Ka awm dawm in Mrs. Lee chu ka en a, za lutuk hian ka nui hawk hawk a. Ani pawh a bang chuang lo. Kan awmdan chu a lo hmutu tan a nuihzatthlak hle ta ve ang.
.
BILLIONAIRE’S SLEEPING SUN
CHAPTER – 10
By. Thantei_aka_Laura_Sean
.
MARKOS’ POV*
.
Mr. Spencer hnena Lilian nen inneih kan duh thu ka sawi hma khan Kaya  hmuin hmaichhan ngei ah ka thlah thu leh inhmuh chhan tur kan neih tawh loh thu ka sawi a, Lilian nen kan chungchang erawh engmah ka sawi lo.
.
‘Midang an awm em? Hmeichhe dang vang a ni  em?’ tiin min zawt a, Lilian leh naute chungchang hi a hriat ve a tulna a awm lo tih ka hrechiang a, min zawhna chu chhan ka tum buai lo. Nasa takin min au khum a, ka rinlawk dan a ni tho nachungin ka rinlawk aiin a nasa mah zawk. Kan inhmuhna hmun atangin tap pur chungin a chhuak a, umzui ka tum lo nasa.
.
Vawiin thlengin min rawn biak a tum reng a, tawngkam pangngai tak leh tha taka thil sawi a hrethiam theilo a ni ngei ang. A mizia en in reilote ah a pangngai leh mai dawn tih ka hrechiang bawk.
.
Nimin khan Lilian hruai turin Koko ka tir a, keimah ngei ka kalloh chhan pawh hun lo lutuk ah Kaya ka office a arawn lan vang a ni. Koko hnenah zanah ka chhuahpui dawn tih lo hrilh turin ka chah ta ringawt bawk.
.
Ka tihtur ka zawhfel veleh rilru phur takin in lam ka pan nghal a, Kaya nen kan inbiakna leh a tawngkam hman te khan ka rilru a tinuam chiah lo. Amah anglo takin a cool raih a, engpawh thleng se min thlah a tumloh thu sawiin a mittui a hru fap fap anih kha. Ka khawngaih lo a ni biklo a, mahse Lilian nen kan chengdun dawn a, engang pawhin hmeichhia lo kawpkual thin mah ila tunah chuan mak takin ka danglam tawh! Hmeichhe dang kawp tumna ka nei lo.
.
In ka thlen a Lilian leh Mrs. Lee lo titi bawrh bawrh ka hmuh khan pawh mai duh lovin ka ding deuh reng a, ka choka a Lilian che vel ka hmuh khan ka in chu In tak tak, chhungkaw chenna in nuam tak angin ka hmu a, ka ngaihtuahna a thil lo lut chu keipawhin ka hrethiam chiah biklo. Ka rilru a thil lo awm leh hmasa ber angin Lilian chu ka fawp a, Mrs. Lee  aw thian kharh ri khan midang an awm ve tih min hriatchhuah tir leh chauh a nih kha.
.
Lilian bula ka awm chuan mak takin ka chhehvel a midang ka ngaihven ngai lova, tun ang hian ka la awm ang tih ka ngaihtuah ngai hek lo. Engahmah min ngai lo anga a awm thin hian ka awm a tinuam lo a, ka la tawn ngai loh thil a ni bawk. Ka hmeichhe kawp thinte khan min ngaihthah ngai lo mai ni lovin ka bulah an awm tih ka hriatreng theih nan min buaipui chung thin. Lilian erawh hi chu a dang daih a ni.  Kei lahin a mah dek reng a awm ka duh a ni si a.
.
‘Sir, intur I duh em le?’
Ka duhloh thu ka sawi hnuah flight attendant chu a kalsawn leh mai a. A hmel chu ka hmuh tawh hnu ang ka ti nain ka hrechhuak zo lo. Lilian nen an inang deuhin ka hria.! Ka thil ngaihtuah vang chuan ka nui hak..Vawiin a ka hmeichhe hmuh zawng zawng te hi Lilian an tir ka tum a ni em lovang chu..!
.
 Darthlalang chhan ah chuan pawnlam thlir vang vang in ka sana bunlai chu ka en zauh a. Tun atanga darkar hnih ah Athens kan thleng thei ang. Nizan khan ka muhil mumal lova reilote tal mutthilh ka mamawh khawp mai. Ka bulah Lilian a mu a, ka khawih thei si lo..Ka sawitum chu..mipa ka ni a, awlsam takin ka danglam thin tih chu thil chiang sa a ni.. Chumai bakah Lilian ka Gata`ki (Kitten) kuah chunga mut kha nuam ka ti a,ka muhil phallo a nih ber kha maw.! A mutthilh laiin min rawn kuah a, a thaw ri sak sak bawk a. Harh se chuan nizan a min kuah ang khan min kuah dawn miah lo tih ka hrechiang lutuk tlat. A muhil hmel en in ka meng reng a, ka duh hun hun ah a hmai a ka duh lai lai ka fawp thei bawk a. Ka hmuh hmasak ber laia min hipna aia nasa in tunah hian ka lakah nghawng a nei lian tawh zawk. Tlem a a taksa danglam chho hian a tilang nalh zual ni bawkin ka hria.. A hma a eitur awm apiang tui ti taka a eilai hmel hmuh pawh  a nuam! A nui hmel, a thinrim hmel leh sawitur ngaihtuah ni awm taka a ngawi vang vang hmel te pawh..
‘HUH..Kei hian Lilian bak ngaihtuah tur ka hre ta lo a nih hi’ ka awmdan siamrem in ka thu awn duai a.
.
In atanga ka chhuah dawn khan min kuah in min fawp ni sela tunang em em hian ka ngaihtuah lo maithei!! Ka ngaihtuahna chu kei pawhin ka awih chuang lo.. Hmeichhia ang maiin thil ka ngaihtuah tam ta mah mah a nih hmel e.!!
.
‘Sir, kan thleng tawh e’
.
Ka dar a min sawi det det vang chuan ka muhil ka harh a, ka tho nghal vat a. Sana ka en leh chuan darkar 1 leh a chanve zet ka lo muhil hman reng mai.
.
Minute 30 aral leh hnu chuan Hotel ah awm tawhin muangchang deuh hlek in ka inthlak fel a, darkar hnih hnuah meeting na a kal ka ngaih vangin hmundang a kal hman ka ni rih lo.
.
ZoGrafos nen kan inbiakna kal zel ah thil zir chian tur a awm bawk a, Athens a ka awm hun chhung tur hi eng chen a rei nge ka hrethiam chiah lo a ni. Meeting a kaltluang a nih erawh chuan ka awmrei a ngai lo thung ang.
.
Ka phone phawrh in contact list ka en zawr zawr a, ka nu nen kan inbiak chuan Lilian tlawh tura a kal thu a sawi a, Lilian a hmu thei bik tur leh a bula a awm bik tur chu ka thik lek lek mai!!! Ka diklo zo tawh a nih ber hi.. Lilian chu biak ka tum zet a, ka ti leh ta lo. Aman min rawn biak hun ka nghak thei alawm.
.
Meeting a kal tluang a, helai hmuna hnathawktu ka chhawrte pawh an rintlak thawkhat bawk a, Lawng a hnathawk tute zingah buaina a awm leh hat thin tih loh chu thil liantham buaipui tur a awm lo hlauh bawk. Thil danglam thleng a awm a nih loh chuan nihnih hnuah Lilian bulah ka awm leh thei tawh ang.. Min la rawn be miah lo chu ka lungawilo ru tawh khawp mai.
.
Meeting na hmun atanga ka chhuah chuan pawnlam boruak chu a lum sa hut hut mai. Ka driver lo chhuah hun nghak in ka ding a. Zanin hian ZoGrafos party ah kal ka ngai bawk a, hunawl hman ral mai mai tur ka nei ngang lo a ni ber e.
.
Ka driver in motor a rawn lakchhuah chuan car ah ka lut vat a..
.
‘Sir, ka nupui thil min chah lei turin minute 5 chiah kan ding thei angem?’
.
‘A tha alawm’
‘Ka lawm e, sir..’
‘Gluto.. hmeichhe mamawh zawrhna ah chuan kal ka duh ve tho a’
.
Gluto chuan mak tih hmel takin min en zawk a.
‘Sir, enge I enduh ang?’
‘Ka hrelo, hmeichhia tlereuh lawm lo tak hian enge an duh thin  I hria em?’
‘Pangpar an duh thin, Sir.’
‘Pangpar chu hmeichhia zawng zawng deuhthaw in an lawm vek a alawm’
‘A nih chuan Sir, ka nupui nen kan inneih cham vawi 10 na kan lawm tum khan keima siam ngei chair ka pe a, a lawm lutuk hmel chu hmu ve la maw..khawvel ah hian amah aia hmeltha I la hmu bik miah lovang.. A thinrim lai hmel pawh a tha tho a..’ a thusawi tawplam chu awmlo ti deuh niawm takin a zuih ral deuhthaw a, a awmdan atang chuan a nupui a hmangaih hle tih a hriat mai.
.
Ka nui tih a hmuh chuan ngaih ngam hmel deuh zawkin a nui ve hawk hawk a. Thilmak tak chu a ni. Ka michhawr te bulah ka nui tam tehchiam lova, titipui phei chu ka ti ngai lo tluk a ni.
.
Hotel a kan let leh hnu chuan ka room ah awm in Lilian tana  thi ka leisak chu ka en vang vang a. Ka thil thlanchhuah hi a fuh leh fuhloh ka hrethiam chiah lo nain Lilian chuan mawi a tih ngei ka ring..
.
 Phone a rik chuan pick up turin ka tho a.
.
‘Hey, Markos.. keimah.. Kaya.. min kalsan chhan I hmeichhia hian I hmuhloh rual rual in mipa dang a hmu nghal a va ang ve’ arawn ti nghal tawng a.
A thusawi ka hriat chuan ka ner nawK! a thusawi chu chhete mahin ka awih lo bawk.
.
‘Ka hrilh tawh che kha Markos honey, kei hi itan a mi tha ber ka ni. Kei aia hmangaihtu che hi an awm chuang lo ang ka tih kha’
‘Kaya, duhtawk teh. Hetah hian engtin nge min rawn biak theih’
.
‘Khawiah nge I awm tih ka hriatloh in tudangin nge hre chuang ang.. Kan inhmu thuai dawn nia’ ka chhan leh hmain phone a off a. Tun lawkah Lilian hmu ang maiin a tawng a, kan inhmu thuai dawn nia a ti leh lawi a.. Tunah New York  ah a awm a nih chuan kan inhmu mai lo tawp ang. Engtin nge he hotel hi arawn biak pawh ka hrelo a, Athens ah ka awm tih a hriatdan pawh ka hre hek lo.
.
 Lilian phone tumin a number ka dial nghal a, a ring rei viau hnuah thaw hlap hlap in a rawn pick up a..
.
‘Enge I tih?’ ka ti vin thawt. Ka mitthla a a thiltih tur awm ang ka ngaihtuah chuan ka sa pup thei..
‘Oh.. Hi.. Markos. Min tiphu alawm..’
‘Enge I tih? Tunah khan khawiah nge I awm?’
‘I nu in ah ka awm.. I tha em?’
‘I va thaw nasa ve?’ arawn nui hak hak a, ka rilru a ka thil ngaihtuah hi hria se chuan a nui hauh lo ang..
‘Oh..tui ka cheng a.. Ka hah alawm’
.
‘Ka nu chu ka lo bia ang’ ka ti leh hmuk a
.
‘Ah..pool ah a awm a, lo nghak lawk rawh k’n pe ange..’
.
Reilote ah ka nu nen kan inbiak hnu chuan phone ka off a. Khati kha chuan ka nu bulah a awm tih ka chiang a thil thalo ka ngaihtuah tawh lovang.
.
Zan lama  party na hmun ka thlen chuan an lo ri hut hut tawh a, ka thlen atanga rei vaklo ah Kaya ka hmu bawk. Min rawn pan vat a, helai ah hian eng thil nge a tih ka hre hauh lo a, kan inhmu hi ka lawm tehchiam lo bawk.
.
‘Thil engemaw hmuhtir tur che ka nei’ min ngheng hnai talh talh a, a awmdan chu ka duhzawng a ni lo. A phone chu phawrh in a hmet pawp pawp a.
.
‘I hmeichhe kawplai hi I hriatchian ka beisei a, mahse engmah I hre lo tih ka hre mai.. Heihi kar hmasa a thilthleng kha a nia’
.
A thlalak hmehchhuah chu duh vaklo chungin ka en a, ka chhungril a so bulh rawn awm chu ka thunun nghal vat bawk. Lilian leh mipa pakhat thlalak a ni a, a landan chuan inbe pangngai ang maiin a lang a, mahse an kut an invuan tlat..
.
‘Mr. Leventis, helam ah hian rawn kal rawh le’
.
Lawm ru zetin Kaya chu ka kalsan a, a phone a thlalak ka hmuh erawh ka mitthla ah a cham nghal hmiah thung.. Lilian ka ring chhe nghal lam a ni lo. Mipa dang nen a hmuhdun hrim hrim kha ka duh lo em a ni..! Tunah ka fa..kan fa a pai mek a, thil thalo leh diklo tak a tilo ang tih ka chiang.
.
Party chhung zawng chuan Mr. ZoGrafos nen kan awmdun ta deuh chawt a, Kaya pumpelh theihna a nih vangin ZoGrafos bula awm chu ninawm viau mahse ka tuarlui thei khawp mai. Ama chanchin hlir sawiin a nui huah huah reng a, a upat tawh ngaihtuah in hmeichhia a la lawm viau tho a nih hmel bawk. Engtiklai pawn hmeichhe pahnih in an karcheh a, engemaw zawng a ka ngaihtuah chuan a nuihzatthlak viau. A damchhung hun a duhdan takin a hmang a ni ve mai a, a nun a ni a, a thu a ni bawk. Midang nundan chhe lai lo sawi chiam hi thiltha a ni lo tih ka hria a, pumpelh hram hram ka duh thin. Miin a mimal nundan chu ama duhdan ngeiin a hmang tur a ni dawn lawm ni.. Chutih rualin thil awmang lo lutuk chin hi chu a awm ve thin bawk tho mai!!
.
Zan dar 11 velah party na hmun atang chuan Hotel ka pan a, ka chau khawp mai. Hahdam taka chawlh ka mamawh takzet bawk.
Ka room ka thlen chuan inthlak sawk sawk in ka mu nghal a, zandang ang lo takin ka muhil nghal hmiah bawk.
.
Kawngka kik dawt dawt thawm vangin ka muhil chu ka harh zawk a, khum bula sana ka en chuan zing lam dar 8 a lo ri reng tawh. Phak zetin ka tho a, kawngka ka va hawng nghal a..
.
‘Wow. Dimitrov!! Eng thil nge ni ta? Lo lut rawh’
.
‘Nimin khan Helsinki atangin ka rawn kal vang vang a ni. Thiana, heihi en teh..’ a phone phawrh in thlalak min entir a, mak ti zetin Dimitrov chu ka en reng a.
.
‘Engtin nge a nih theih?’
‘Ka hre bik lo.. A hma a ka rawn phone chhan che pawh kha heihi a nia.. Engtin nge ka tih tak ang?’
Dimitrov chu a kut pahnih a a hmai hup in a thaw hawk a..
.
‘Ka mamawh a ni.. A tel lova nun hman ka duh tawh lo’ a ti hrawk a.
.
‘Mahse, engtin nge?’
‘Oh..Markos, amah ngei a ni tih ka hria alawm. Thla leh hian New York ah hna avangin arawn insawn ngei ngei a ngai dawn a, chu pawh ka ruahmanna siam vangin.. Ka lak atangin ka kalbo tir tawh lovang..’
.
Dimitrov chungah hian enge thleng ka hre vek lo nain, hun harsa tak a tawng mek tih erawh ka hriatthiam pui. Engtia han tanpui tur nge tih erawh ka hre lo.
.
Kan inhmuh loh chhung a rei deuh tawh bawk a nileng in hun kan hmangdun a, Lawng chawlhna hmunpui ah kalin ka sumdawnna thenkhat min thlithlai pui a, Lilian nen kan chungchang ka hrilh chuan a thiltih lai dah meuhin min en ta reng a.
.
‘I sawidan atang chuan I hmangaih a nih kha’ Dimitrov chu a nui hawk a, a thusawi chuan min thawng khawp mai.. Diktak chuan Lilian hian min hip a, ka duh ngei tih pawh ka hria.. Mahse hmangaihna kher chu..!!!
.
‘Ka sawi ang khan tunah nau a pai mek a..’
‘Markos Leventis, a hming I sawilai a I awmdan kha.. Man..hmangaihna ah I tlulut a nih kha..’ ka banbul ah min hnek a..
.
‘Engtin nge keipawhin ka hriat loh chu I hriat theih.. Nangpawn…’
‘Markos..ka chiang a ni.. Mi hmangaihna a a tlukluh hian engtin nge a awm thin tih hi ka hrechiang tawk tawh..’ a thusawi chu a ti takzet tih hriat zet hian a bu nghat nghat a..
.
Ka ngawi ta reng..
‘Lilian chu hmuh ve ka duh ngei ang. Markos Leventis ti danglam theitu chu hmeichhe danglam tak a ni ngeiin ka ring e..’
.
‘I hmu thuai ang..’ ka ti nghat a..
.
‘I vanneih zia hi I hria em?’
‘Ka hria alawm’ ka ti liam puat a. Dimitrov chu a nui suk thung.
.
Zan lamah club ah kan kal dun a, New York ah ka rual a let ve a tum thu a sawi chuan mak pawh ka ti hran lo. Helai ah hian ka awm vang liau liau a rawn kal a ni tih ka hriatchian erawh chuan mak ka ti viau thung.
.
VIP Booth ah thu in kan titi mawlh mawlh a, kan awmna lam pana hmeichhe lo kal ka hmuh chuan ka thaw huai a. He hmeichhia hian min zui ru reng a ni em lovang chu maw.!?
.
‘Hey..Markos.. Hi.. Dimitrov.. Helai a kan inhmu chu a mak hle mai’
.
‘Mak kan ti ve ve  a nih chu’ Dimitrov hian Kaya hi a ngainat lemloh thu a sawi ka hre ngailo a, mahse a awmdan atang hian a ngaina tehchiam lo tih ka hre thung. ‘Athens ah hian enge tihtur I neih ve?’ a ti leh nghut a.
.
‘Aaaa..ka rindan chuan mitdel pakhat thil hmuhfiah tir ka tum a nih ka ring’ a ti halh a, min rawn melh rawlh bawk.
.
‘Anih chuan hetah hian mitdel kan awm lo tlat mai.. Mipa hun bik kan lo hmang mek a’
Dimitrov hmel ka en chuan nuam a tih hmel khawp mai.
.
Kaya chu a chek hlak a. Ka bulah rawn kal hnaiin ka beng bulah arawn tawng sawr sawr a, thawm dang a tam deuh bawk nen a thusawi ka hre tha thei lo. Min hnaih taka awm a tum chu duh lovin ka thle sawn nghal bawk a..
.
‘Engpawh nise..Ka kal ange.. Mipa hun bik chu hmang rawh u..’
.
A kal hnu chuan a rawn awmdan kha mak ka ti leh hnuhnawh! Eng thil nge a tih ka hrethiam lem lo bawk.
.
Dimitrov chuan a in hnem deuh vangin ka thlenna hotel ah ka hruai ta ngawt a, zan khua in a harhfim ta lo niin ka hria. A hmeichhe hmangaih hming a lam mawlh mawlh bawk a..!
.
Zing a ka muhil ka harh chuan ka lu a na deuh bur a, nizan khan ka in tam lo nain lu natna khawp ka lem tho a nih hmel hi. Sofa ah Dimitrov pawh a la muhil bawrh bawrh a.
Phone la kangin Coffee tak ngek ngawk rawn dah turin ka hrilh a. Minute 10 a ral hmain coffee a lo thleng a, newspaper an rawn dah tel chu la in pawnlam balcony ka pan a, chair ah coffee in paha thuin ka chhiar mawlh mawlh a..
.
A phek hnunglam a an thu ziah chuan ka mit a la nghal nalh..
.
*A LA NGAI RENG.. MARKOS LEVENTIS LEH A HMEICHHIA*
Markos Leventis leh a hmeichhe kawp thar ber ni a lang chu nizan khan Club ah hmuh dun an ni. Kan sumdawng hausa hian nupui a neih leh neih loh chungchang ah thu thang a tam hle a. Hetiang thuthang a awmlai a  hmeichhia nen hmuhdun an nih leh tak si ah chuan nupui a neilo ni ngeiin a lang*
.
Thinrim zetin chanchinbu chu ka hlawm nawk nawk a. Nizan a Kaya rawn awmdan mak ka tih riau chhan kha he thil hi a ni ngei ang. He chanchinbu hian New York a thleng ngei dawn tih ka hrechiang bawk. Lilian hmuh atan ka duh lo. Ka awmdan diklo taka a lo ngaihtuah ka duh lo bur bawk..!!
.
Inchhung ah lutin Lilian phone number ka dial nghal a, a pick up thei dawn ta lo emaw ka tih hnuah arawn pick up ta hram a, a aw ka hriat chuan ka thaw huai a..
.
‘Hi..Gata`ki, I tha em?’ ka ti nghal ngawt a. Sawitur dang ka hre mai lo a ni
.
‘Ngati nge tunang hunah.. I tha em?’ a rawn ti niah niah a, a mut a chhuah hmel khawp mai. Sana ka en chuan ka thaw hawk.. Kan hun hman danglam dan ka lo ngaihtuah hman miah lo a ni. Tunah dar 10:36  a ni a, New York ah chuan zing lam dar 3:37 vel a ni ang.
.
‘Okay.. Muhil leh rawh.. Gata’ki.. Ka lo be leh ang che’
‘Okay’ a tawngdan atang chuan a harh chiang lo tih ka hre mai.
.
Nui suk in phone ka off a, Lilian muhil harh chiang lo hmel ka mitthla a lang vang chuan ka nui lo thei lo. Ka hawichhuah chuan sofa a thu chungin Dimitrov chuan min lo en reng a..
.
‘Enge dik lo awm?’
‘Engmah..’
‘Takzet..?’
‘Lilian ka bia a’
‘I hmel atang khan ka hria alawm.. Tunang huna biak chu a mak hle mai’
‘A hun lo tih ka hre zo chiah a nih kha..’
.
Dimitrov chu thoin a intihfai hnuah min chhuahsan a, naktuk zinglam dar 10 ah airport a inhmu turin kan inthlah a.
.
Chawhnu dar 5 ah Lawng chawlhna hmun atangin hotel panin ka let leh a, tunah chuan mumal takin engkim a kalpui theih ta a, hmasawnna tha tak a ni. Bungraw phur Lawng lian 5 zet chu vawiin khan a chhuak a, chanchin engkim min rawn hrilh zel turin Jordan ka chah hnuah ka hawsan ta chauh a ni. New York atangin inrelbawlna dan ka thunun vek theih dawn loh vangin mi rintlak hnenah mawhphurhna ka hlan a ngai a, sumdawnna ah chuan risk lian tak tak kan lak a ngai fo reng a ni. Engkim a tluang chho turah ka ngai.
.
Hotel ka thleng a, ka intihfai hnuah nileng a ka ngaihtuahna luahtu biak tumin Lilian phone number ka dial nghal a.
.
‘I tha em?’
‘Tha e’ a tawngdan atang chuan engemaw hriat a nei tawh a nih ka ring..
‘Lilian, thil engemaw hriat I nei em?’
‘Chanchinbu a I hmeichhe kawp nen in thlalak ka hmu em tih min zawt a nih chuan tunah hian chu chanchinbu chu ka kut in ka keng mek’
.
Ka phun hluk a. Ka rinlawk ang chiah..!
‘Ka sawidik tih ka hre mai’ arawn ti leh sap a
‘Kha thil kha.. Lilian’
‘It’s okay.. a pawi lo.. I duhdan in I nung thei alawm’ hul hak in a nui a, ka tawng leh hmain phone a off nghal a.
.
Ka call nawn leh pawhin a pick up duh tawh lo.
.
New York  a let leh turin naktuk nghak thei ka ni lo. Dimitrov bia in tunah Athens ka chhuahsan dawn tih ka hrilh hnuah Hotel atang chuan airport panin ka chhuak nghal a.
.
BILLIONAIRE’S SLEEPING SUN
CHAPTER – 11
By. Thantei_aka_Laura_Sean
.
LILIAN’S POV*
.
Phone ri ka hriat chuan la nui reng chungin kitchen atangin ka chhuak a, Joanna a nih ka ring. Ka phone room ah ka kalsan a..
.
‘Hello’
.
‘Hi, Markos a chhuak tawh em?’ phone a tawngri ka hriat chu Joanna a ni lo. Tu emaw hmeichhia a ni..!
.
‘Ka tihpalh.. Kaya ka nia.. Markos.. Ohh.. a tawk e. Hei a lo thleng chiah..’
.
Ka chhan leh hmain phone chu a off a, phone chu dah mai nachang pawh hre lovin ka beng bulah ka la vuan reng a. Thil awmzia chu.. Kaya leh Markos Athens ah an kal dun dawn tihna a ni! Rilru nuam lo deuhin phone chu ka dah thla riai riai a.
.
‘Eitur ka siam peih tawh a nia.. Lo kal rawh le.. Markos a ni em?’ Mrs. Lee chu ka chhang mai thei lo.
.
‘Aih.. ni lo. Nakin deuh ah ka ei mai ang’ tiin Mrs. Lee chu ka chhang a, room ah ka chho nghal a. Enge maw a sawi zawm mawlh mawlh a, a thusawi erawh ka hre pha tawh lo.
.
He in ah hian a nupui ang a ka awm vang maiin kha hmeichhhia kha a thlah mai turah ka ngai a, ka tisual a ni. Tunah in atangin a chhuak chauh a.. Ka inrin hmain ka insut hlawp hlawp a, thinrim zetin ka mittui chu ka hru nawk nawk a. Ka tap lovang.. A duh duh kawp se la, ka buai phah tur a ni lo. Athens atanga arawn kir leh chuan mi danglam Lilian pangngai ni tawh lo a hmachhawn ngei bawk ang.
.
Dawr a kal turin ka insiam a, Koko ni lo driver dang awm mahse hruai ka duh lo. Alfonso chuan min hruai ngei tumin min hnial tauh tauh a
.
‘Ma’am, Mr. Leventis khan nangmah chauh a chhuak lo turin min chah alawm. Ka hruai lo che a nih chuan min ban tir ngei ang’
.
‘Ka hrilh dawn hleinem.. A tha em? Vawiin chu I chawl thei tihna a nih chu’ ka nui lui a, ka tawngkam vang chuan a thla a muan hmel chuang lo..
.
‘Ma’am… hrilh lo mah la a hre leh ngei ang’
Ka thaw halh a..
.
‘A nih chuan a hmunah min dah anga, min nghak lovin I haw lehnghal ang’
.
‘Yes Ma’am’
.
Dawr ka thlen chuan Joanna chu min lawm in a lo au hliai a
.
‘Engtin nge I lo kal theih zawk? Markos khan dawr ah I rawn kal tawh dawn lo tih  a sawi sia’
‘Engtik khan nge  a sawi? Ka lo kal ziah ang..’ ka ti nghauh a.
‘In inhau nghal a ni em lo maw?’
‘Athens ah a kal daih alawm.. Chuan, thildang sawi teh ang’ Markos chungchang ka sawi chuan ka khua a sik dawn in ka hre hial mai. Tunah chuan kha Kaya nen khan an awmdun ngei ang chu. Ka awm chhung na vawng vawng vang chuan ka thaw hak a.
‘I tha meuh lo a nih hmel tlat.. Nizan I mu lo a mi?’
‘Joanna..come on.. Hei..hna kan ngah a ni lawm ni..’ ka ti nang nang a.
‘Okay… Zawhna ka zawt tawh lo ang che’
.
Ka tihtur ka ti mawp mawp a, ka mood a fuh theih hlawl loh vangin eitur ka siam duh lo va, dawhkan ka vil ta zawk a.
.
Tlai lamah dawr kan khar hnu chuan pawn ah ka chhuak a, Alfonso lo ding reng ka hmuh chuan ka pan vat a..
.
‘Hun I hmang nuam em?’ motor a lut pahin ka be nghal a.
‘Yes Ma’am.. Ka nupui chuan mi tha tak inih a rin thu a sawi a’
‘Ohh..’
‘Hnathawk ho inhmuhkhawm ni ah ka nupui chuan nangmah hmu tur hrim hrim a kal a tum thu a sawi bawk asin..’
.
‘Hnathawk ho inhmuhkhawm maw?’ a thusawi chu ka hrethiam chiah lo deuh..
‘Aw. Kum tin Mr.Leventis tana hnathawk zawng zawng hian hun nuam tak kan hmang ho ziah alawm. Nangpawn nuam I tih ve ngei ka ring. Mr.Leventis hi chu a awm ve ngai lo thung a..’
‘Oo..ka hrethiam e. Ka awm ve ngei ang. Chuan, Alfonso, ka pa tlawh ka duh a kawng dinglam ah sawn peng rawh aw..’
.
Kan in kan thlen chuan a lo reh deuh thiap a, inchhung ah lutin ka pa room ka pan a, room chhung atanga thawm lo chhuak ka hriat chuan nui sak in room kawngka chu ka kik karh karh a.
.
Minute 30 vel ka awm hnu chuan haw tum in ka tho hluai a..
‘Dinner chu min kilpui lo ang maw?’
‘Nidang ah ni rawh se. Mut hahchawlh ka duh a. Ka lo tlawh leh vat ang che u’ ka pa leh Hanna ka kuah hnuah In atang chuan ka chhuak a.
.
Dinner pawh ka ei leh peih chuang lo. Mrs. Lee’n min zawh chuan ka ei tawh thuin ka chhang a, room ah tihtur ka neih thu chhuanlam siam in inchung ah ka chho a, room atang chuan ka chhuak leh tawh lo.
.
BREAK TAWITE NEI LAWK ANG!
CHHIAR LOH AWIH LOH..
STORY GROUP A ZIAKTU IN DUH BER BER  TE NEN KAN THAWNTHU ZIAH PAKHAT THEUH THAWHKHAWM IN LEHKHABU TIH CHHUAH KAN TUM A, PATHIAN ZARAH KAN DAM A NIH CHUAN 20th DECEMBER AH TIH CHHUAH TUM A NI E. I TA TUR I LO LEI VE NGEI DAWN NIA.  ~Thantei_aka_Laura_Sean
Tihtur hre lo zetin ka vei kual sek a, Markos chiah ka ngaihtuahna ah a awm bawk. Ka ngai a, biak erawh ka tum lo bur. Hmeichhe dang bula hun hmang mek chu ka ngai tur  ani lo tiin ka inhrilh mawlh mawlh a. Ka in ngaihtuah thinrim tun bawk.
.
Khum ah mu in hla ka ngaithla a, ka harh leh chuan khua a lo var reng tawh. Sana ka en chuan a lo hma tawh lo nasa. Tunhnai ah zan a harh miah lova ka mut awmchhun a ni hial ang.
.
Bathroom ah lutin ka tihtur ka tih zawh chuan inhnuai ah ka chhuk a. Eitur rim ka hriat rualin kitchen ah ka lut tlang nghal a. Mrs.Lee a lo awm tawh lo teh tlat bawk.
.
‘Lilian honey, I awm em?’
.
Kawngka lo lut pahin Markos nu chuan min rawn ko a. Kitchen ah rawn lut ve in a hlim sarh a, hmuh a nuam khawp mai.
‘Mama, tun ang hunah..’
‘Nia..vawiin chu thian kawm tur ka mamawh a, ka in lamah kan kal dawn em mi niang?’
.
‘A nuam khawp ang’
Mrs. Adonia Leventis hian phat rual lohin min ngaina tih ka hria a, Markos nu lo nilo ta pawh nise keipawh hian ka ngaina thoin ka ring. A kum ngaihtuah in a nunzia a zangkhai vah a, kan titi duhzawng pawh a rual phian mai.
.
‘Pawn a pangpar ho saw nangma lei em ni?’
Ka dar ka ti che zauh a
‘Ni love..’
‘Reilote chhungin thil tamtak a danglam a nih hi’
Bu nghat nghat in a nui a, inchhung chu a enkual pah bawk a.
.
Minute 15 vel hnuah In atang chuan chhuak in a chenna hmun kan pan a.
.
Nileng in hun nuam tak kan hmangdun a, ka rilru hah pawh a zia deuh. Markos chanchin a sawi a, a fapa a chhuan zia a thup hauh lo bawk. Chhun ah tui kan chen laiin Markos nen kan inbe zuai a, min la rawn vin khur khur zui a.. A chungah ka thinrim tih hria se chuan khatiang khan arawn awm hauh lovang. Awm ngam tur pawh a ni lo.
.
Tlai lamah ka nu chenna hmun atang chuan a driver in min thlah a, chhun ah ka tal hah deuh a nih ka ring, room ka thlen rualin ka inthlak sawk sawk a, Joanna leh ka pa ka biak hnuah ka mu nghal a.
.
Ni thar arawn chhuak a, dawr ah kalin ni ka hmangliam ve mai a. Markos chanchin leh arawn haw hun tur erawh ka hre rih lo. Min rawn bia a nih loh chuan ka la be duh lo char char a ni
.
Ka muhil lai chu ka phone riin min tiharh a, harh chiang mang lovin ka pick up a. Markos tih ka hria a, ka that leh that loh min zawh hnuah min rawn biak leh tur thu sawiin phone a off lehnghal a, san aka en chuan zing lam dar 3: 37 vel a niin ka hria. Engmah ngaihtuah zawm lovin ka muhil lehnghal a.
.
Ka muhil ka harh leh chuan ka tho vat a, vawiin chu dawr ah ka kal tawh ngei ngei angai. Tunhnai ah hian Joanna leh Mervin te tan ka tangkai lo takzet. Ka nun buai ta nuai nuai vang hi a ni pakhat a, dawr a ka kal hnuhnun ber tum khan Joanna khan kal a rin tawh loh thu a sawi ngei bawk a, Markos hian a hnen ah eng thu tak nge a lo sawi ka hre lo. Ka zawh lah khan a sawi tha duh der lo va.
.
‘Good morning’ kitchen a lut pahin Mrs. Lee chu ka bia a, a hmel landan dik chiah lo chu mak ka ti deuh. ‘ I tha em?’
.
A bu nghat a..
‘Enge I ei duh dawn le? Ka thilsiam I ei lo rei tawh a nia’
‘Bacon leh artui ka lo ei ang.. I tha takzet maw?’
‘Ka tha lawm.. Vawiin I chhuak dawn em le?’ a awmdan danglam deuh chu in thunun tum viau mahse nidang a ang a ni lo tih ka hrechiang khawp mai.
.
‘Mrs.Lee’ a phu deuh zawk a.. ‘Kha kha ka lo chhiar thei angem?’
A apron hak  ipte a chanchinbu inthlep a ah tat chu ka kawk zauh a.
.
‘No. Hei chu a hlui a nia, a thar a la rawn thleng lo a niang’ a mitmeng atang chuan dawt a sawi tih ka hre vek. Ka thutna atang chuan tho thut in newspaper chu ka la a, nui hak hak in ka thutna ah ka let leh a..
.
Chanchinbu phek hnunglam a thlalak ka hmuh chuan ka nui tawp chiang khawp mai. Mrs.Lee chu ka en a, pawi tih hmel taka a lu thing in min lo en reng a..
.
‘Khang newspaper ah khan thudik an ziak ngai lo’ a rawn ti nghal a..
.
Chanchinbu a thu inziak chu ka en reng a, ka tawt nghal up up. Markos hian min hmangaih lo tih chu ka hre teh meuh mai a, mahse hetiang thil hi ka beisei lo. A insum thei ngang lo em ni!!?? Ka mittui tla tur chu ka dang hram hram a.
.
Hetiang thil hi chu a thleng ve tur rengah ka ngaisa a ni lawm ni? Ni lo.. Zanah min kuah chungin a mu a, min kuah chunga a mut vang chauh in a nun ah keimah chiah hmeichhia ka awm tur a ni tihna a ni chuang lo.  A zin dawn ni pawh khan In a chhuahsan chauh a, a hmeichhe kawp nu khan in atangin a chhuak tawh em tih min rawn zawt sak ngam a nih kha. Kha hmeichhia khan he In ah hian ka cheng ve tih a hre ngei ang.. Phiangsen hian.. Mahni in khawngaihna in ka khat a.. Markos hian ka hmangaihna hi a phu lo!!! Engtik laiin nge I lo hmangaih hman reng reng a..?? I duh ringawt a nih kha..! I lak ah vawihnih khat a nem deuh dek dek a, I lo hmangaih nghal ngawt amaw…???  A zin chhuah hnuah pawh a hun hmandan engmah arawn hrilh lo che a… Duhtawk rawh.. Ngaihtuah tawh suh.. Keimah leh keimah ka rilru in ka inbe mawlh mawlh a. Ka phone a rik chuan ka phu zawk a..
.
Ka kawrhak ipte zen in ka phone chu ka phawrh a, caller ID ka en chuan thawk ka la hak a..
.
‘Amah a ni em?’ Mrs.Lee chuan min ngaihtuah hmel takin min en a, bu nghat in chanchinbu chu ka la a, kitchen atang chuan ka chhuak a.
.
Mrs.Lee hian min ngaina a, keipawh in ka ngaina. Kei leh Markos tan thil tha ber a duh tih ka hria. Mahse thil zawng zawng a hriat ve vek a ngai ka tilo. Amah ka rinloh vang ni lovin inlaichinna thil midang hriat ve tur chin hi a awm ve reng a ni.
.
 Phone ka pick up rualin  ‘I tha em?’ a awn ti sup a.
‘Tha e’ ka lungawi lohna chu ka thup zo lo..
‘Lilian, thil engemaw hriat I nei em?’
.
Takzet hian.. A hmeichhe kawp hi a thup bo theih a ring eng reng emaw ni le..!
.
‘Chanchinbu a I hmeichhe kawp nen in thlalak ka hmu em tih min zawt a nih chuan tunah hian chu chanchinbu chu ka kut in ka keng mek’
.
Engemaw sawiin a phun hluk a..
‘Ka sawidik tih ka hre mai’ ka ti leh sap a
‘Kha thil kha.. Lilian’
‘It’s okay.. a pawi lo.. I duhdan in I nung thei alawm’ ka nui lui a, phone ka off nghal hmak bawk.
.



Room ah lutin khum ah ka thu ren rawn a, thil thalo tak ka ngaihtuah hmain In atang hian ka chhuah a ngai..
Inhnuai ah ka chhuk leh a, Mrs. Lee hnen ah dawra ka kal tur thu ka sawi hnu chuan ka chhuak nghal a. Vawiin ah chuan he in ah hian ka let tawh rih lovang. Ka hmel tangin hruai ka duhlo takzet tih a hmuh chuan Alfonso pawhin min nawrlui ngam ta lo.
.
Dawr ka thlen chuan a lo lun leh viau tawh a, ka rilru lakpen tumin tihtur awm apiang ka tilui char char a. Joanna pawhin ka awmdan dik tawklo chu hrethiam in min be sek duh bik lo. Min hrechiang a, ka thinrim emaw thil vei ka nei anih chuan min biak loh a tha zawk tih a hrechiang a ni.
.
Tlai a dawr kan khar meuh chuan ka chau hnep tawh. In a haw tumna ka la nei chuang lo. Dawr chhungah chuan chair ah thuin juice ka in a, nau chu pai lo ila zu ka in ngei ka ring..
.
‘I zia deuh tawh em?’ Joanna chu ka bulah arawn thu a.. ‘ Mi mak tak chu I ni e. I hmel ka en khan lungawi lohna I nei tih chu ka hria a, mahse min rawn dawr tute hma ah khan I tilang miah lo..’ za vak loina nui sak a.. ‘Sawiduh I nei em?’ a ti leh sap a
.
‘Ka hre lo.. Ka hmangaih niin ka hria..’ ka thaw hak a, za lo zetin ka nui bawk..
.
‘Ohh..thil ropui tak a nih chu.. I pasal a nia, I hmangaih ngei tur a nia lawm..’
‘Chutiang tur a ni lo.. Huat reng ka duh zawk..’
‘Enge I thusawi awmzia?’ a ti that a.  Markos nen bul kan tan dan leh nau ka pai chhan te engmah ka la hrilh lo fo a, tunah pawh sawi tumna ka nei chuang lo. Ni lo Joanna hnenah hian ka sawi a ngai. Ka rilru tawt lutuk hi a zia phah maithei..
.
‘Ka hre lo.. A bul atangin a buai nuai a ni..’
Kan bula Mervin lo kal chu Joanna chuan a melh zauh a, Mervin chu min hrethiam takin a kalsawn lehnghal a.
.
A bul atangin engkim ka hrilh vek a, ka sawi zawh meuh chuan Joanna chuan min kuah hle hle a..
‘Ka thinlung hian a hria a ni. Markos hian a duh reng vangin a nei che tih hi. I hmel a en hian ka hria.. Mipa in a hmeichhe hmangaih tak a en angin a en che..’
‘Engtin nge a nih theih ang? Tunah pawh Kaya nen chuan an awmdun maithei a sin..’
.
‘Chu chu ka ring lo. Chanchinbu a thuchhuah chungchang ah chuan chanchinbu mite thiltih thin chu I hriat ve vek kha. Thuchiang hre lovin sum an hmuh theih nan an chhuah thin tih I hria alawm..’
‘Mahse, an thuchhuah tam zawk chu thudik a ni thin. An thlalak pawh a awm ngei tih ka sawi kha..’
.
‘Amah rawn haw phawt se, a bulah engkim sawi rawh. Tunah chuan I pasal a ni a, I ngaihtuahna chu a bulah I sawi ngam tur alawm..’ a ti leh sap sap a.
.
In ah ka haw duh loh vangin Joanna te chenna ah an rualin ka kal ve a, ka pa hnen a ka kal chuan thil awmzia diktak ka sawi hma chuan min zawt dawn tih ka hria a, ka pa bulah dawt ka sawi thei lo bawk. Dawt sawi pawh tum ila min hrechiang lutuk.. Ka hlawhtling chuanglo ang.
.
Zan kan mut hnu  chuan ka phone a ri char char a, Markos a ni tih ka hmuh chuan ka switch off nghal hmak a. Tunah chuan biak chakna pakhatmah ka nei rih lo. A hnu lawkah Joanna chu a phone a tawng ngaithla chungin ka mutna room ah arawn lut a. Markos nen an inbia tih ka hre nghal mai.  Ka awmna hrilh lo turin zaizir in ka be vat a.
.
‘Hetia tih kher hi angai lo asin.. A mangan hmel lutuk a nia..’
.
‘Lem a chang a nih kha..’
‘Ni lo.. Lilian..’
.
Ka awmdan atangin engpawh sawi se ka zawm dawn chuang lo tih hria niawm takin a thaw hluai a, room ah min luhsan leh ta a..
.
Ka mutna ah chuan ka let kual sek a, ka muhil thei chuang lo. He Markos hi engtin nge ka hmangaih theih tih chu ka inzawt nawn tluk tluk a. Engpawh nise naktuk ah ka hmu anga a hmeicchhe kawp nu hi ala kawp zawm zel duh a nih chuan ka chhuahsan ang. Na dawn pawh ni ila ka chhuahsan tho ang. Naute chu ka enkawl thei.. A tul a nih pawhin ramdang ah ka tlanbo pui mai ang. Ka pa pawh tunah chuan a dam tha deuh tawh a, ramdang atang pawhin ka enkawl thei tho! Ka thil ngaihtuah chu keipawh in ka awih lo!! Thiltih dan tur tha ber ngaihtuah chhhuak thei chuang si lovin ka ngaihtuah kual vak vak a..
.
Ka phone ka on a, message arawn lut zut zut a. Pakhatmah ka chhiar lo. Thlalak ka dah ho chu ka enkual a, Markos nen kan thlalak ka hmuh chuan ka phu zawk. Engtik laiin nge..?? Hei chu keima lak a ni lo..!
.
Thlalak ah chuan ka muhil a, Markos chuan min kuah in ka biangah a fawp a, nui deuh chungin camera chu a en bawk.. He thlalak hi a In a ka insuan luh zan a mi kha a ni chiang.. Ka inrin hmain ka nui hak a.
.
‘Ka hmangaih che.. Markos Leventis’ tiin ka phun sap a. Ka ngai em em bawk.. Tunah hian ka bulah awm in min kuah se ka duh a, hmeichhe dang tumah a mamawh lo tih min hrilh se ka duh bawk.
.
Ka muhil ka harh chuan ka che thei lo! Min delhbet tlat tu awm chu.. Tunge tih hre turin a hmel ka hmuh kher angai lo bawk.. Amah a ni tih ka feel thei mai. A rim pawh amah..ka maimitchhing leh rih a. Engtin nge hetah hian a lo awm ve theih? Nizan khan Joanna khan hetah ka awm lo tih a hrilh chiang sia..
.
‘Good Morning, Gata`ki(Kitten)’ Mut la chhuah hmel takin min kuah hnai sauh sauh a, min kuahna atang chuan ka talchhuak phal chuang lo!!
.
‘Hetah hian eng nge I rawn tih?’
‘Ka nupui bulah ka mu’
.
‘Engtin nge I rawn kal theih?’ ka ti leh sap a. A chungah hian thinrim a an bawrh bawrh ka tum kha a nia, tuna ka awmdan atang hi chuan ahma a ka ngaihtuah ang thil kha chu ka mumang ah pawh ka hmu pha lo ang!! Engati nge alak ah hian ka chakloh em em zel mai le? Mahse, sawifel tur tamtak kan neih hi kan sawifel ngei chu a ngai dawn a ni.
.
‘Muhil leh rawh. A la hma lutuk’ a ti sup a.
.
Phone ri ka hriat chuan ka phone a ni lo tih ka hre nghal. Markos chu a che hrut a, a mutna bula phone chu meng mang lovin a dap a. Caller ID lo lang chu ka lo en ve hman zat bawk.. KAYA..KAYA..
.
Phone chu a pick up hmain ka chhuh a, pick up in ka ngaithla nghal a.
.
‘Hey, Honey.. Ka ngai che a nia.. I nupui zeilo zet bulah khan I awm a ni em lovang chu’
.
Ka thu hriat vang chuan maimitchhing in thawk ka la a, Markos chu vawm chawrh lo turin ka inthunun hman hram.  Phone chu ka pe nghal bawk.
.
‘A tawk e’
‘Tunge?’
‘Kei aiin I hrechiang zawk’
.
Khum atang chuan ka tho a, khum bula ka thawmhnaw hak thlak tur ka dah chu ka ha nghal sawk sawk a. Ka hmel landan turah ka buai lo. Markos lak atang hian hla takah ka awm a ngai tih hi tuna ka hriat awmchhun a ni. Ka ngaihtuah ang chuan ka awm ngei bawk ang!
.
BILLIONAIRE’S SLEEPING SUN
CHAPTER – 12
By. Thantei_aka_Laura_Sean
.
MARKOS POV*
.
Airport atangin hmanhmawh takin In ka pan a, Lilian ka call tlauh tlauh bawk. Chhanna ka dawng lo. Ka thin a rim hlur tawh bawk.
.
In ka thlen chuan Mrs. Lee a lo awm a, min endan atang chuan thil diklo a awm tih ka hre nghal mai. Mrs.Lee hi ka hriattheih tirh atangin kan chhungkaw tan a thawk tawh a, ka hriatchian tluk zetin amah pawh hian min hrechiang in ka ring.
.
‘Khawnge a awm?’ ka ti nghal tawng a.
‘Zing ah khan a chhuak a, a la rawn let leh lo’
.
Tunah a tlai tawh a, In a awm loh hun pawh a ni tawh lo. Room ah ka chho a, a thawmhnaw bawm ka en zung zung a. Engkim a pangngai in a awm vek. Ka thaw huai a.
.
Ka call leh a, message ka thawn bawk. Awmzia a awmlo ve ve. Room ah chho leh in ka intifai a, ka ril a tam viau nain engmah ka ei chak lo. Ka rilru a awm zawng chu Lilian chiah a ni.
.
In atang chuan motor ka khalh chhuak a, apa bulah a kal a nih ringin an chenna hmun ka pan a. Mr. Spencer-a’n min hmuh chuan tunang huna min hmuh a beisei hauh lo tih ka hriat rualin Lilian pawh a awm lo tih ka hrethiam nghal mai a, rei vaklo ka thut hnuah ka chhuahsan leh a. Kan inkar buaina hi a hriat ka duhloh ang bawkin Lilian pawn a duh dawn lo tih ka hria a ni.
.
Baked Café pana ka tlan lai chuan engvanga buai viau nge ka nih ka in ngaihtuah a, ka awmdan chu mak ka ti viau bawk. Tunah hian ka nunna atana thil pawimawh ber zawng ang maiin ka buai a, ka inthunun thei der lo bawk a.! Hmangaihna in a bual at ang maiin..!!!
.
Chu ngei chu a ni..kawngsir ah motor tiding in ka thu vang vang a. Lilian hi ka hmangaih a ni!! Reilote ka hmuhloh chhung pawhin amah ngaihtuah in ka buai a, ka nunna atana thil pawimawh ber chu ka Lilian hi a ni.. Tunah min hmangaih lo mahse min la hmangaih ngei ang. Tuna a thinrim chhan pawh hi hmeichhe dang nen min hmuhdun vang a ni a, thikna vang a ni thei angem?? Ka lakah thikthu a nei a nih chuan… Chu chiah chu a ni.. Keimah ang thovin tih danglam in a awm ve a ni ngei ang.. Chu chu ni ngei rawh se..!
.
Rilru a beiseina thar neiin ka call leh a, a phone a la pick up thei chuang lo. Ka call nawn leh chuan a off ta daih tih ka hre nghal mai a. Tunah chuan dawr ah an awm tawh lo ngei ang. Anih chuan Joanna… Joanna number hmet chhuak in ka call leh a, rei vak lo ah min rawn chhang thuai a.
.
‘Hi..I bulah Lilian a awm ka ring a’
‘Ah..tunah khawiah nge I awm?’
‘Baked Café bulah ka awm a..’ thawm engemaw a ri rak rak a, Joanna chuan min rawn chhang leh a..
.
‘Ahh..awm lo.. A lo kal lo..’
‘Okay’
.
Nui sak in phone ka off a, tunah hian Joanna te in ah a awm ngei ang tih ka chiang. Ka va pawh nghal mai chuan kan inhnial ngei bawk ang.
.
Car engine  tinung in Joanna te chenna hmun panin ka khalh chhuak a. Tun ang hun hi a thleng dawn tih hrelawk ang maiin a hma khan Joanna te chenna hmun hi ka lo hre lawk tawh hlauh bawk a, thil lawmawm  tak a ni e.
.
Joanna chu message thawn in tun atanga darkar khat hnuah an in ah ka kal dawn tih ka hrilh a, Lilian hrilh lo turin ka chah hram bawk.
.
Lilian mutna room a ka luh chuan a muhil tawh tih hre sa in ka lut a. Joanna hnenah lawmthu awm rawh se.. Lilian a muhil tawh tih min rawn hrilh in kawngka min rawn hawn sak var a, a ni hian a thiannu hi a hrechiang em em tih ka hria a, unau ang maiin an inhmangaih tih pawh an awmdun lai hmu chuan kan hrethiam vek ngei ang.
.
Khum a Lilian mu chu ka en reng a, nghet lo taka a phone kenlai chu laksak in ka hmet eng a. Kan thlalak ka hmuh chuan nui suk in a phone chu a mutna sir dawhkan ah ka dahsawn sak a. Ka lak lai khan atthlak ka ti ru viau kha a nia. Kha thlalak a enlai khan min ngaihtuah ngei ang tih ka ngaihtuah  chuan thil atthlak tak ka lo ti lo tih ka ring nghet ta mai!!
 Ka thawmhnaw haklai phelh lovin a bulah chuan tih harh hlau takin ka mu a, a rimtui chek chek chu hip vang vang in ka lamah ka kuah hnai a. He thil ngei hi a ni ka duhthusam chu..!!
..
Harh lovin min rawn kuah a, ka awmdan siamrem lehzual in ka kuah nghet sauh sauh a.
.
Zing lamah a muhil a harh tih ka hriat chuan ka harh rukna a rei tawh. Ka harh tawh sa reng tih a hriat loh nan ka meng duh  lo va. Zawhna min zawtin a tawng sep sep a, ka lakah a thinrim tawh lo a nih ka ring. Ka kuahna atanga tal chhuah pawh a tum lo. Ka kuah nghet sauh sauh a. A taksa nem thep leh lum ther ther chu a deh a nuam takzet..
.
‘Muhil leh rawh. A la hma lutuk’
.
Ka phone ri chu off tumin ka dap a, tunge min lo biak tumtu tih ka hmuh hmain Lilian chuan ka phone chu a la a, reilote a beng bula a dah hnu chuan a hmel landan a danglam nghal vek. Thinrim insum tih hriat takin ‘A tawk e’ ti ram hmak pahin phone chu ka min pe sawk a. Ka thuchhuak nghal bawk.
.
‘Tunge?’
‘Kei aiin I hrechiang zawk’
.
Ka chhan leh hmain a tho a, khum bula a thawmhnaw dah chu lain a ha sawk sawk a, a awmdan mak zet vang chuan chet nachang pawh ka hre lo. Room atang chuan a chhuak nghal a. Thiltha a ni lo tawp mai.!
.
Ka phone a call record ka en chuan phun hluk in ka tho nghal a. Kaya hi a hnawksak ta mah mah a ni.. Tun ang hunah hian engvang a min rawn bia nge a nih ka hre lo va, hriat pawh ka duh hek lo..
.
Room atang chuan chhuak in Lilian chu ka ko a, kawngka atanga a chhuak tur ka hmu hman hram. Ka kohna chu hrelo ang hmiah a awm in in atang chuan a chhuak a.
.
Khua ala var chian loh vangin Taxi emaw thildang pawh hmundang a kalna tur a hmu mai dawn lo tih ka hrechiang. A hnung ah ka um vat a, ka umpha har lo khawp mai. A ban ah vuan in ka pawt ding a..
.
‘Lilian’
.
‘Min khawih suh’ a ti that a, a aw pawh a dik lo. A insut hlap a.!
.
‘Lilian..i tap maw?’ mak ti zetin ka en a
‘NO…Tap lo.. min thlah rawh’
.
‘Kaya khan eng thu pawh sawi se, a thusawi chu ring suh’ ka ti hrawk a. A ban ah ka la vuan reng a, thlah tumna ka nei lo..
.
‘Engvang in?? Engvang in nge ka rin loh ang? Kha..khanu kha I duh chuan engvang in nge min neih? Ka hua che.. Eng vangin nge hreawm tak hian min siam reng..??’
.
A mittui a tla zawih a, thinrim zet hian a hru tawk a. Tuna a mittui tla hi keimah vang a ni! A mitmeng ka en chuan a rilru a na em em tih ka hmu thei bawk.. A thinlung ka tina tih ka hriat rual in ka awm chhung a rawn na vawt vawt a.. Hei chu thil thar a ni! Sawi tur ka hre mai lo.. Ka hamhaih vek..
.
‘Kha nu ang kha ka ni ve ngai dawn lo..! Chuan min kal tir rawh’ a tal laih laih a. Kei hian ka hmeichhe hmangaih hi ka kaltir ang maw..?? Teuh lo.. Ka kal tir ngai lovang..
.
Ka lamah ka pawt let nawk a, ka kuah bet nghal bawk a..
.
‘Khanu ang kha I nih a ngai lo.. Tuna I nihna hi ka duh’
Ka kuahna atang chuan talchhuah ngei tumin min sual let bat bat a, enge a chhan pawh ka hre lo, ka nui hawk a..! Ka thusawi kha a hre miah lo niin a lang..
.
‘Min bum tum buai duh suh..’
.
Ka kuahna thlahin a dar tawn tawn ah ka vuan a, ka mit ah min en theih nan ka kun deuh a. A mittui tla vang chuan a mit a hnawng deuh chap a, a hnar a sen deuh bawk. A landan duhawm zet chu ka tuar theih bak a ni…
.
Kun hniam lehzual in a hmui ah ka fawp nawk nawk a, a la tang ve phat phat bawk. Ka fawhna chu titawp in hnai zet ah ka en a
.
‘KA.HMANGAIH.CHE. Mrs. Lilian LEVENTIS’ a mit ah ka en a, thumal tin chu ka sawi chiang khawp mai. Ka thusawi chu ka thinlung atanga chhuak a ni tih hria se ka duh takzet. Kei Markos Leventis hian ka hmangaih tih ka sawi a nih chu.! Hmeichhe lakah ka inringtawk viau thin..phat rual lohin..chu chu thudik tak a ni. Mahse tunah hian ka zam.. Tun ang hian ka hmeichhe hmangaih hnenah ka hmangaih thu ka hrilh ang tih hi vawikhat pawh ka la ngaihtuah chin eih lo! Khua pawh a var chian hma in..chu pawh khawlai ah a la ni  lehnghal..!! Hmeichhia amah kalsan tura min hrilhtu hnenah a ni bawk!!
.
Ka thusawi chu hrechiang lo ni awm takin a thle deuh ha a, mak tih vangin a ka a ang pham bawk..
.
‘Ka thusawi chu I hre thei em? KA.HMANGAIH.CHE..’
.
‘Mahse..Mahs..’
.
‘Mahse a awm lovang..’
.
Duhthawh zetin ka fawp leh a, min hnial ta lo. A kawng ah kuahin ka taksa si thlapin ka kuah bet a,  a ban zen thlarh chuan ka nghawng ah min rawn kuah let a.
.
‘Thil tamtak zawh che ka duh’ in la hrang hlekin a thaw hak a, a kut chuan ka tukhum sam a khawih niap niap a.
.
‘Keipawh hian ka duh ngei ang. Lo nghak lawk’ ka kuahna chu thlahin gate chhungah ka tlan lut leh a, hmanhmawh zetin car ah ka chuang a. Tuna ka duh ber chu amah nen chauh kan in a awm  a ni. Min zawh tur awm ang chu ka ngaihtuah thiam sa deuh ruak in ka hria. Ka tan sawifiah harsa engmah a awm lova, a laka ka rilru puthmang a ringhlel a nih pawhin hun kan la hmangdun zel anga, a duh emaw duhlo emaw ka hmangaih em em tih hi chu a hre dawn tho tho..
.
Gate muangchang a a inhawn hnu chuan ka tlanchhuak a, Lilian pawh a awmna ngai ah a lo la ding ran a.
A bula ka din hnuah a luhna tura kawngkhar hawng turin Car atang chuan ka chhuak leh a.
.
Kan awmna hnaih taka car chak lutuk lo tlan ka hmuh rualin Lilian chu a te thawt a, inrinna hman a awm lo! Ka mit sulh a, thil engkim a chawl ta vek niin ka hria.!
.
.
Harsa ti zetin ka meng leh a..
.
‘Markos..Lalpa..ka duh thei lo.. Min pui ru… Joanna..’ Lilian au ri chu zawite a tawng ang maiin ka hria a, mitkhap kar lekah a aw ri pawh ka hre thei ta lo. Min kuah in a tawng mawlh mawlh a, a mangang hmel chu ka kut a khawih tumin ka ban a, ka kut chu a lo vuan vat a engemaw sawiin a la phun mawlh mawlh bawk a. Engmah ka hre zui ta lo.!!
.
.
 Phun ser ser ri ka hriat chuan men chhuah tumin ka bei a, a awlsam lo khawp mai.
‘A tha lo takzet a ni. Tihdan tur ka hre lo!’
‘Keipawh, a luhlul em a ni..’
.
‘Ohh..i harh em? Markos’ ka bula ruangam pakhat awm chu ka hmu ruai ruai a, a aw atang chuan Joanna niin ka hria. ‘Markos…’
.
Tawng ka tum a, ka thei der lo. Ka dang a ro huam huam a, ka hrawk ah min hnawhtu a awm tlat bawk.
.
‘Khawngaihin doctor va ko rawh..’
.
An thawm chu ka ngaithla reng a, doctor in min check lai pawh chuan chet ka tum lui a, ka ke rit luk pawh chu ka ti che thei lo.
.
Muangchang leh tumruh lehzual in ka mit men ka tum leh a, eng lutuk  vang chuan ka mengrei ngam lo.
.
‘A harh a nia.. A harh..  Mrs.Leventis.. Oh.. Lilian..’
.
‘Tikhan nghak hlek ula, darkar 1 vel hnuah chuan a rawn pangngai thei tawh ang’
.
‘Lalpa, ka va lawm em!’ ka kut a min vuantu chu ka nu a ni tih ka hre thei. Thildang ka hriat leh hmain ka muhil leh siai siai a.
.
Ka harh leh chuan muangchang in ka mit ka meng a, keimah chauh in ka mu lo tlat..! Ka dang ro huam huam vang chuan ka la tawng chhuak thei ta chuang lova, keimah atanga thawm chhuak chu keipawh in mak ka ti zawk..
.
‘OHH..Markos..i harh tiraw?’ ka hmai bul set ah Lilian chuan min rawn en a, ka mit ka meng tih a hmuh chuan tah aw tiau hian ka hming in min ko leh a. Thei leh thei lovin ka nui a, nui ri pawh a ang lo.
Lilian chuan min rawn kuah in ka hmui ah min fawp mawlh mawlh a. Harhchhuak thut niawm tak hian inla hrang in khum atang chuan a chhuk sawk sawk a, khum bula tui chu la in spoon in a suak a, min intir a. Ka dang ro huam huam pawh a zia ta deuh.
.
‘I tha em?’ a ti sep a, ka chhanna tur ngaichang in ka hmai bulah a rawn kun hniam a..
.
‘Min fawp rawh!’ ka aw rikdan chu a ro hulh a. Mahse ka tawng chu a hre thei tih ka hria. A nui hak a, a hmui hnuailam pet in a nui a, a tap tho bawk. Min tihnat hlau taka rawn kunhniam in min kuah a, ka hmui ah min fawp a.
.
‘Ka tihpalh..Joanna te in atang khan kal chhuak lo tur ka nia.. Ka tihpalh..Tiger..!’
.
Min kohdan ka hriat chuan ka nui hawk a, ka pum rawn na zawk vang chuan ka then sak a.
.
‘Oh..i tha em?’ min enkual zung zung a, thil hote ah pawh a mangang nghal tih ka hmuh chuan ka lainat takzet..
.
‘Gata`ki.. Min fawp leh turin ka duh che’
.
A nui ta hak hak a.. ‘I dam tha ta a nih ngei hi..’ rawn kun in min fawp zauh a.
.
‘I mutthilh chhunga thil thleng hrilh tur che ka ngah a nia..’ khum bul chair a bag chu la in a hai sat sat a, lehkhathem a rawn phawrh a..
.
‘En rawh le..’ ka khum sir ah chuan thuin a thil ken chu min entir a, lehkha them chauh a ni hauh lo mai!!
.
‘Heihi naute pakhat zawk a nia, heihi pakhat dang..’ ka hmel danglam dan hmuh loh hlau niawm tak hian nui sangin min en a.. Ka fa.. Lilian nen a kan fa chu pakhat chauh ni lovin pahnih maw ni dawn? Thlalak chu hnai takah en in a kawk a..
.
‘Heihi Peanut number 1 ni ta se, heihi Peanut number 2.. An pahnih hian ka hmangaih a ni’ A hmel chu ka en reng a. Hetiang khawpa nasa hian mipa in hmeichhia a hmangaih thei dawn em ni? tih hi ka ngaihtuah na a awmchhun a ni.! Sawi mai tur hre lovin Lilian chu ka en reng a. Ka tawng mai loh vang chuan a nui hmel chu a reh riai riai a, ngaih thalo hmel a pu ta bawk..
.
 ‘Ka rindan chuan I lawm ve ka ring a..’
‘Lo hnai teh..’
‘Eng maw?’
‘Min lo hnaih la, I ban khan min rawn kuah rawh’ che thei ila chuan tunah hian ka bulah a thu ringawt hauh lovang!!
‘Markos???’
‘Ka hmangaih che tih I hria em?’
.
Min rawn hnaih in a kut pahnih chuan ka biang tawn tawn ah a vuan a, a chetdan vang chuan ka maimitchhing phawt a, a thusawi tur ngaichang in a mit ah ka en leh ta zawk a.
.
‘Ka hmangaih che.. Markos Leventis.. Ka innghahna I ni a, I bulah ka damchhung leh damchhung piahlam pawh awm ka duh..’ a kut dinglam in ka sam a chul hauh hauh a, ka hun hman tawh zawng zawng kha chhuilet leh vek pawh ni ila tuna ka thinlung hlimna ang hi ka la tawng ngailo tih ka hmuchhuak ngei ang. Chhui kher ngai lo pawhinn tunah hian ka hria a ni. Sum tam tak thawk chhuak in hlawhtlinna tam tak ka lo chang tawh thin.. Sum chhiar sen loh khawp a tam leh hlawhtlinna tam tak ai chuan ‘I THINLUNG TAKA I HMANGAIH IN A HMANGAIH LET VE CHE’ tih inhriatna hi a hlu in a ropui zawk daih.!
.
Kan awmna room kawngka a rawn inhawng a, Lilian chuan min vawnna chu thlahin kalsawn a tum a.
‘Hetah hian awm reng rawh’ min en in a bu nghat a.
.
‘Ka fapa rangkachak chu a lo harh ta maw?’ ka nu chu rawn kal hnaiin min rawn kuah vang vang a.. ‘Thil tha tak iti a ni, ka fapa, tunah chuan Lilian pawh nundan phung pangngai in  a nung thei tawh ang’ a ti halh a.
.
Ka harh rualin Lilian ka bulah a awm a, engtiang chiah a rei nge nikhawhrelo a ka awm tih lam ka lo ngaihtuah miah lo a ni.
.
‘Eng chen nge hetah hian kan awm tawh?’
.
Lilian leh ka nu chu an inmelh zauh a.
‘Thlakhat leh a chanve!’
‘Engzat maw??’
‘Thlakhat leh a chanve!’
.
‘Tunah chuan I tha vek tawh alawm..’ Lilian chuan ka kut a chul hauh hauh a.
.
‘I damloh chhung khan I nupui tha tak hian hmundang ah a kalsan miah lo che tih hria la, duat takin enkawl ang che. Mumal zawkin eitur a ei tih I hriatpui ngei bawk tur a ni ang..’ ka nu min endan atang chuan min hmangaih em em tih ka hria. Lilian ang thoin ani pawh ka hmu cher deuh.. Oh..Lilian a cher deuh thu chu ka la sawitel miah lo in ka hria!!
‘Ka ti ngei ang’ ka nu chu nghet charh in ka chhang a, ka thusawi ah ka chiang khawp mai.
.
KARHNIH HNUAH*
.
Damdawi In atangin kan chhuak a, Lilian chu ka bulah a awm deuh chawt a ni ber e. Tunhma in ka bulah inthlahdul takin a awm ngai lo kha a nia, tunah chuan ka bulah thuin a titi a, thil engkim hlimpui thei a nih zia leh mi hmangaihna ngah tak a ni tih pawh ka hriat belh zel a. He hmeichhia hi ka phu hauh lo tiin ka ngaihtuah ta fo mai bawk.
.
Kan naute te pawh an nu pum chhungah thlamuang takin an thanglian ve zel a ni tih hriattheih nan Lilian pum pawh a lian ve sawt khawp mai.
.
Ka dam tha tawh viau a, karleh atang chuan hna pawh ka thawk leh thei tawh ang.
.
Ka muhil ka harh chuan khumah keimah chauh in ka mu tih ka hre nghal a, room light chu a in off thap bawk. Khum bul a sana ka en chuan zing lam dar 2 chiah a ni. Tun ang hunah Lilian hi engvanga khum a awm lo nge a nih ka hre lo. Ka ngaih a thalo deuh ngawt bawk.
.
Khum atang chuan thawm dim takin ka tho a, room atang chuan chhuak in thawm dim takin inhnuai ah ka chhuk a. Uluk takin ka beng ka chhi ran a, thawm ka hriatna lamah chuan ka kal a.
.
‘Lilian..’
.
A thil ken lai chu a thlauh ri bawl a, phawk lutuk in min rawn en bawk a. A kut dinglam a a thil la ken ka en chuan eng thil nge a tih ka hrethiam chiah.
.
‘Tiger.. enge I rawn tih dawn? Min tihlau lutuk’ a la phawk hra a, a kut veilam in a awm a dawm vang vang a..
‘Tun ang hunah kha kha I ei a maw??’
‘Enge dik lo awm? Ka ril atam alawm!! Aw..Lalpa..Min tih hlauh zia kha I hria em? Ka thlawk lo chauh a nih kha..’ a phun nang nang a. A sawi ngai lovin ka koh thut khan a phu nasa lutuk tih ka hmu vek tawh.
.
A bulah kal hnaiin ka kuah a, a hnungah ka chul hauh hauh a..
.
‘Ka harh thut a I lo awm si lo a. Ka tihpalh..’
‘Kan naute te hi an ril a tam lutuk a nih ka ring’ a nui hak a. Rawn hawichhuak in ka hmuiah min fawp zauh a.
.
Ka thlah hnu chuan a thil ei lai chu a  ei zawm leh mawlh mawlh a. Eng thu dang mah sawi tur ka hre tawh lo ve, kei hian ka sawifiah thiam phak rual lohin he hmeichhia hi ka hmangaih a ni. Dawhkan bula chair ah thu in dawhkan ah ka kiu ka nghat a, Lilian thil eilai chu ka en reng a, ka ei ve duh em tih min zawh nan a thil eilai chu a rawn lek chhuak zauh a, ka lu thing in ka nui hak a..
.
.
‘Mr. Leventis, Kaya a lo kal a, ka rawn luhtir dawn em?’ Intercom a Casey thu rawn sawi chu chhang mai lovin ka ngawi deuh vang vang a. ‘Sir..??’
.
‘Rawn luh tir rawh’
Kaya chu hmel hmuh hahdam takin a rawn lut a, amah hi ka hrechiang viau nain tuna a landan ang hian ka la hmu ngai lo.
.
Accident ka tawh chungchang ah khan Kaya hi rinhlelh a ni a, Police lamin uluk taka chhui in ka la harhchhuah hma khan accident thlen chhan an lo chhui chhuak vek tawh a ni.
.
*Accident thlen ni khan zan lam ah Johny Holmes-a chu bar ah kalin a bialnu nen an intithiam lo a, nasa taka inhau in a bialnu chu Bar atangin a chhuahsan a, Bar a chhuahsan lai hian zing lam dar 3 vel a ni a, amah pawh a rui tawh viau a ni awm e. A thinrim chu khawlai ah a car chak takin a khalh kual a, minute 30 zet hnuah a kalsan tawh bar ah let lehin a bialnu chu mipa dang nen a va hmu a, buaina a siam nghal zat bawk. A bialnu chuan engkim a tawp tih hrilh in a mipa kawp thar nen an kalsan a, a rui lungpuam thinrim chuan awmze nei lovin a car a khalh chhuak leh a, mi a thiltih tuartu ka lo nih phah ta a ni.
.
Min sut hnu khan ding lovin a tlan tlang zel a, thil pawi dang a khawih nual bawk. Accident thlen atanga ni 2 na ah a in a a awmlai chu Police ten an va rek chhuak ta nalh a, tunah pawh Jail ah a la tang ran a ni awm e. A zu in nghawng let chu a tuar ngei tur a ni reng a, harhfim in a buaina kha hmachhawn ni se tuna a awmna hmunah hian awm hauh lo anga midang tan buaina a thlen lo bawk tur hia nia.*
.
Kaya chu ka dawhkan hma a chair ah chuan a thu a.
.
‘Markos..hmangaih ka nei’ a ti nghal tawng a. Chhang lovin ka lo en reng thung. ‘Diktak chuan nangmah nen kan inkawp tawplam ah pawh khan James nen hian kan inkawp tawh a..’ a thusawi vanga inthiam vak lo ni awm tak hian a nui hak a..’Tunah hian nau ka pai a ni.. Lilian I tawn chin a I danglam chhan kha ka hrethiam tawh..’ a ti leh niah niah a.
Hetiang thu min hrilh tur ringawt hian min rawn hmu vang vang a nih chuan a mipa tawn chu a hmangaih ve hle a ni phawt ang.
.
Hnathawh tur tul ka neih vangin rei vaklo a thut hnuah min chhuahsan a, a hma a Lilian leh mipa dang thlalak min hmuh chungchang leh ka chunga mawi lo taka a lo khawsak tawh thinna, ka hriat tawh lem loh te sawichhuak in ka ngaihdamna arawn dil a ni ber e. A mi tawn thar nen hlim taka awm turin duhsakna ka lo hlan ve bawk. Damdawi In a ka harhchhuah hma khan Lilian rawn hmuin accident ka tawh tuka a rawn phone leh a thusawi khan awmzia a neilo tih sawiin ngaihdam a dil thu a sawi bawk a. Ka hmangaih Lilian chuan engtin nge a lo chhan tih I hre duh em??
.
‘Uluk takin lo ngaithla la, Markos hi ka pasal a ni a, engvang mahin ka lak atang hian a kalpeng  dawn lo tih hrechiang tur khawpin ka hmangaih a ni. I tihsual I hria a, ka haw lo bawk che tih I hre dawn nia. Mi tuemaw hmangaihna diktak a I hmangaih a nih chuan buaina thlensak tu nih I duh ngai dawn lova, I thiltih te en hi chuan  Markos hi ka hmangaih ang zat hian I hmangaih lo tih a chiang a ni. I hmangaih tak tawng ve ngei ang che’ tiin Lilian chuan a lo thlah tih Kaya chuan a sawi bawk.
.
Tlai lam dar 4 a rik chuan ka hna pawimawh zual ka zo tawh a, In lam panin ka haw a. Hna ka zawh tawh vang ni bawk mahse thil pawimawh ber chu Lilian tan thil engemaw buatsaih ka duh vang a ni. Lilian nen kan intawnna hmun atanga tan in, thil hriatduh ka neih leh zawhna ka neih te Lilian hnenah ka zawt a, ani pawh keimah ang tho a ni. Alaka ka awmdan vanga a rilru natna leh min zawh duh leh hriatchian duh a neih te min zawt a, a thil hriat duh zawng zawng chu kei hian zep then hauh lova hrilh vek ka duh a, ka ti reng bawk a.
.
A changin ka chungah a thinrim a, kan nui dun bawk a. Engkim hi Lilian nen kan tihdun a nih chuan a nuam vek mai e.
.
Mrs.Lee be lawk in engkim a peih fel tawh thu a sawi chuan ka thaw huai a. In ka thlen rualin room ah ka lut a, ka intihfai hnuah inthlak felin Lilian lo haw hun ka nghak ta ran a. Ka la sawi lo in ka hria.. Vawiin hian Lilian chuan a pa bulah hun a hmang a, Mr.Spencer pawh a dam tha tawh tluk a ni e. Hanna nen an inmil ta phian bawk. Thian inkawmngeih tak an ni. Ka hriatlawk ni miah lo mak ve deuh chu Mr.Spencer leh Hanna te hi High School an kal laiin an lo inngaizawng ve zan tawh!! Tunah erawh hai rual lohin thian chauh an ni tawh thung.
.
Dar 6 a rik chuan In kawt ah motor a inhung ri dat a. Lilian surprise ka duh vang liau liau hian keiman hruai lovin Koko ka tir a ni. Ani chuan In ah ka awm tawh tih pawh a hre hauh lo ang.
.
Kawngka a rawn inhawng a, ka rinlawk dan ang chiah in thil a thleng chho bawk..
.
‘Koko, light hi a chhia a nih ka ring. Khawngaihin I check thei angem?’ Lilian chu a tawng lang lang a. Ka thutna hmun atangin ka lo en reng thung. Koko chuan a tihtur hre ran in pawnlam a pan a, reilote ah light a rawn eng a. Ka hmangaih hmel a mak tihna leh hlimna langchhuak chu ka hai hauh lo mai.
.
Inchhung eng dul raih ah chuan zawn nein i awm tak hian a hawikual riai a. Ka thutna atang chuan tho chhuak in a dinna lam chu ka pan a. A bulk a thlen chuan ka kut ah ka vuan a.
.
‘Welcome Home.. Gata`ki(kitten)’
.
‘Oh..Markos..hetiang thil hi..’ a duh a sawi zawh hmain a hmui ah ka fawp vawng vawng a.
.
~I tan Arsi ka la thei a nih chuan, van a arsi awm zawng zawng te hi zanin hian I duhthusam a kim theih nan lak vek ka duh ngei ang. Mahse chu chu kan hringnun thawnthu tur a ni lo! Harsatna leh buaina kan la tawk fo anga chung hunah chuan itan ka awm reng ang. I hriatthiam ka beisei.. Hun harsa kan tawng a nih chuan ka bulah chak taka awm turin ka mamawh che a, hmalam pan turin ka kut ah vuan la, min thlah hauh suh ang che. Ka thinlung neitu ni tlat turin ka duh che a, ‘Mangtha’ tih thu hi kan inkar ah hian engtiklai mahin kan sawi tur a ni lo.. Ka hmangaih che’
.
Lilian chu ka awm ah a bei thlap a, a maimitchhing bawk a. A hmel chu ka en reng a.. Ka tana ni eng leh ka nun thlak danglam theitu, ka mamawh hmeichhia hi engvanga tawng har em em nge ka nih tih ka ngaihtuah a! Ni lo, tun hun hi a hun diktak chu a ni. Engkim hi Pathian ruat angin a hun takah a thleng thin.
.
.
Hun a ral zel a, naute te an pian hma ngeiin ka nu duhthusam inneihna ropui tak kan buatsaih nawn a, Lilian duhthusam pawh a ni tih ka hria. Thil engkim ka tihtheih apiang chu a tha ber tihsak vek duh a, ka bulah hlim tak leh min thlahlel takin awmreng se tih hi ka duhthusam a ni ve thung.
.
Mo thuam famkim a inthuam in Lilian chu ka lam panin a pa’n a rawn kai a, ka mit ka lasawn thei lo..
‘Man..i mit khap rawh’ Dimitrov chu a rawn phun sup a. Kan thiandun hian hmangaihna in mihring a thlak theih zia hrechiangtu te kan ni e.!
.
Inneih hunserh kan hman zawh chuan inneih lawmna hmun  turah kan kal khawm a, min hrechiangtu apiangin min lawmpui nasa zual bawk niin ka hria.
.
Lilian nen kan lamdun a, ka nghawng ah min kuah in nui sang in min en a. He thil hi ka damchhung a ka hmuh nin theih loh tur chu a  ni. A mitmeng a nung sar a, a hlim tih hriat takin a hmel a nung sar bawk. Ka tukhum sam a khawih niap niap a.
.
Ka en reng lai chuan a hmel arawn danglam a, min rawn rinchhan in min kuah nghet sauh a..
.
‘Oh..ka tuibawm a keh.. Markos.. Aw..Lalpa..’
.
A thusawi awmzia ka hriat chuan ka talbuai nghal a ni ber e. Hmanhmawh takin damdawi In kan pan nghal a, a na tuar hmel ka hmuh chuan tihsak theih neih ka duh hluah hluah a, a chhel zia chu mak ka ti zawk.
.
Darkar 1 a ral leh hnu chuan kan naute tetak te te 2 te chu pawmin a nui a, a na tuar te kha hre awm pawhin a awm tawh lo.
.
‘Ohh..Tiger, pakhat hian I mit rawng ang chiah a nei a nih hi..’ a bulah kal in a chal ah ka fawp a. Tunah chuan Tiger Papa ka ni ta. Lilian leh kan fate tan hian engpawh ka ti zel ang. Ka damchhung hian pasal tha tak ka nih theih nan leh pa tha ber ka nih theih nan ka theihtawp in ka bei ang a, ka tana ni eng hi ka bulah a awm chhung chuan tih theihloh ka nei ngai lo ang.
.
Tunah chuan ka duhthusam piahlam khawvel ah ka cheng dawn ta e! Duhthusam piah ram chu eng ang tak nge a nih ang tih erawh ka hre lo.!!
.
.
END OF BOOK – 1 –

A/N - BILLIONAIRE’S SLEEPING SUN BOOK – 1 min chhiarsak tu te, likers leh comment tu zawng zawng te in chungah ka lawm em em e. ~Thantei_aka_Laura_Sean