COPAS (HEARTS) - COMPLETED

COPAS
CHAPTER - 1
Thantei_LauraSean
.
.
H & E
.
"Hello"
Phone a min lo chhangtu chu ka tan mikhual a ni lo. Ka mit ka chhing sawk a.
.
"Hi, keimah. I pu, Eleazer__ Abrahama chhiahhlawh rinawm ni lo zawk kha ka lo be thei angem?" ka tawngkam hman vang chuan kei pawh ka ner sawk. Engvanga hetiang tawngkam hmang kher hi nge maw ka nih le? Nuih te pawh a za dawn alawm.. 'Nui' tih thumal ka ngaihtuah rualin ka awm veilam arawn na nghal vawt vawt mai.
.
"Min lo  nghak lawk rawh aw." a tichang fak a. Ka chhang lo. Rei nghah ngai lovin a rawn tawng leh thuai a.
.
"Sir chu a la buai laklawh a, nakin ah i lo be leh mai dawn em niang?"
.
Chhang lovin phone ka off a, thawk ka la hawk a. Hetiang hian maw ka nilen leh dawn? Ni love. Vawiin chuan ni tawh love.
Ka phone chu nghet zeta humin Eleazer number ka dial leh a. Engvang pawhin ka call hi min chhang tur a ni. Min chhang hram rawh tiin ka phun mawlh mawlh a.
.
"Umm.." Eleazer muangchang leh thatchhiat hmel deuha arawn tawng ri thum chhak ka hriat chuan ka hmui petin ka lungphu rang nghal zawih zawih chu ka dawm a. A hriat ngei tura sawi ka tum ka lo ngaihtuah lawk zawng zawng te kha boruak mai a ni. Ka thluak atang hian an per bo nghal vek. A fair thlawt lo. A aw ka hriat ringawt pawhin hetiang hian ka danglam a nia.
.
"I sawi duh chu sawi rawh." ka ngawih reng vanga nin hmel zet hian a rawn phun nghut a. A hmel awm dan tur ka mitthla a lo lang chu duh lovin ka lu ka thing nawk a. Tunah sawi mai rawh.
.
"Hmuh che ka duh." ka duhthusam angin ka aw chu a ring lo.
.
"Vawi engzat nge ka hrilh dawn che? Office-a ka awm laiin min lo be tawh suh."
.
"Eleazer!"
Eng thawm emawni ka hriat chu a lungawi lo thawm a ni ngei ang. Eleazer tia ka koh a duh ngai lo a, engvang nge pawh ka hre phiangsen lo. Ka hre lo, ka thin a rim.. Engvangin nge alakah hian ka zah viau lem ang le?
.
"Kan inbiak a tul tih i hriat kha." ka tichang ta fak a. Ka aw a inrintawkna lang chhuak vang chuan ka lawm em em a ni tawp.
.
"Engkim kan sawifel tawh kha."
.
"Tenawm lo mai teh. Tunah ka lo kal dawn."
.
"Vawikhat chauh chu ka thusawi hi ngai pawimawh ve la. I tawngkam uluk rawh."
.
"Ka lo kal nghal. Lo awm ang che." min chhan leh hmain phone ka off a, ka tha a khur nasa lutuk tih ka hre chiah. Ka awm dan hian awmzia ava nei lo chiang em.
.
Ni e, sawi dun tur kan nei tiin inrintawk hmel takin ka tawng a. Kei hian eng thil nge maw ka la beisei le. Engkim atir atangin chiang takin kan sawi vek tawh a. Kei hian chu thil chu ka duh khawp lo a ni. Dik tak chuan ka beisei loh thil thleng ta vang hian ka huang chin ka pel a ni. Chu chu kei leh Eleazer hian chiang takin kan hre ve ve a. Mah se, ka bansan mai thei tawh si lo anih hi.
.
Khumah ka thu hnawk a, tun maia ka thiltih kha thla thum liamta ah kha chuan ka la ti dawn tih ka hrelawk lo mai pawh ni lovin ka ngaihtuah lo hrim hrim. Mipa laka a tlawm zawk chan chang nih hi ka duh ngai lo a, a tlawm zawk nih ka tum ngai hek lo. Tuna a lan dan chuan tlawm zawk chu ka ni si.
.
Ka kal tak tak dawn nge dawn lo? Va kal ila eng thil tha mah a thleng chuang pawhin ka ring lo. Eleazer thusawi kha a dik a ni! He thil hi kan tawp hun a thleng tawh a, kan tihtawp angai. Ka ngaihtuahna hi a buai zo vek tawh a nih hi. A rinawm leh rinawm loh chu ka tan hian enge a pawimawh viau na awm chuang.
.
Tuna ka awm dan hi keimah ka ni lo! Uluk takin inngaihtuah rawh.
.
Khami zan khan lo kal chhuak miah lo ni ila tuna thil thleng tawh nawhreh theih ka duh em em te hi a thleng lovang. A bul berah chuan keima thiam loh a ni. Ka at vang chauh a thleng a ni bawk.
.
.
FLASHBACK*
.
Lehkha kan zirpui thin RS-I pasal neih zan a ni a, chhun lama hun nuam tak kan hman kha duhtawk mai lovin zanah inneih lawmna hun hran an siam ah kei leh Priscilla, Malsawma leh Apuii kan awm tlang a. Boruak pawh beisei lawk ang chiahin a nuam khawp mai. Pris-i leh Apuii chu an ngaihzawngte an awm tho vangin hmun dangah an kalsawn a, Malsawma pawh a duh ber Angaihi a zui leh duan duan tawh bawk a. Kei erawh 'tinge ka la awm ve zel le?" tih ngaihtuah chungin mi dang che vel chu ka en kual zauh zauh a, an zavai chuan 'lenlai chen' dik tak an ni. Hlim hun a nih angin an hlim em em vek.
.
"Hey, Hmingthansang, inla lonely mi?" min rawn titu chu ka theih tawp takmeuh a rum hian ka melh a. Robert hi chu engtik lai pawn a chimawm thiam. Ka zahna tur tawk tawngkam hmang tur hian a inpeih reng ni maiin ka hria. Nui hawk hawk chungin min rawn pan hnai a, eng eng emaw min zawt luam a. Ka duh chuan a rual a ka haw theih thu a sawi chuan ka lawm khawp mai. Ka thiante ho nen kan haw rual leh thei dawn lo tih ka hrechiang sa a, hetiang thenawm tlangval, ngeiawm riau leh tangkai tak si ka nei hi vanduaina nge  vanneihna pawh ka hre love a.
.
"Hmingte, biak lawk che ka va duh ve." ka bula hmeichhe lo ding chu ka en a, eng a that tawk loh vangin tunge tih ka hre mai thei lo. Chiang zawka ka hmuh hnu chuan nui sakin ka bu nghat a.
A ni hi Tabithi a ni a, ka thian tha ber Lawmsangzuali u a ni a. Alawmi chu nikum khan natlawk em em awm lovin a thi thut a, kan zavaiin kan tuar em em a, anu phei chu tun thleng  hian ala pangngai thei lo hial a ni.
.
"Eng thil nge ni ta?" tiin ka pan hnaia, Robert chu haw dawnah ka call ang tih ka hrilh hnu chuan Tabithi chu ka zui a. Ka rin loh lam daih hmuna ka zui luh chuan mak ka ti khawp mai. Min biak a duh chhan chu thil pawimawh tak anih ka ring bawk.
.
Pindan chhung chu ahmaa kan awmna ang lo takin a eng tha hle a, mipa pahnih thudun ka hmuh te chu thutak hmel tak hian an titi a. An tawng ring lem lo bawk a an aw mumalin kan hre pha lo a, anni pawh chu kan lut tih hre awm pawhin an awm lo.
.
"Hetah hian thu ang." a ti sep a. Sofa man to tih hriat ngawih ngawih hnum hlurh ah chuan ka thu kang at a. Tabithi hi chu ka hriat ve theih chinah hmeichhe nunmawi leh zawiawi tak a ni reng thin a, tunah pawh a la danglam chuang lo anih hmel hi.
.
"Min biak duh chhan chu eng thil nge a? A pawimawh hmel sia." ka juice in tur min pek paha ka bula a lo thut chuan ka lo tawng thuai a.
.
"Alawmi chungchang ah a nia." atih chuan rilru buai deuh takin ka en a. "Ah..thil chiang phei chu ala awm chuang lova, mah se, thil hriatchian duh ka nei a. Usawmzuala bulah pawh ka la sawi lo." tih pahin kan piaha mi pakhat nena titi a pasal chu a melh zauh a.
.
"Eng thil nge a?" tiin ka hnaih sauh sauh a.
.
"Bawihi, kan haw tawh mai dawn mi?" Usawmzuala, Tabithi pasal leh a titipui mipa te chu an thutna atanga tho chhuakin kan thutna an rawn pan a. A tukhhum chauh ka hmuh theih vang leh ka lo ngaihven em em loh vangin nichin khan ka lo enchiang miah lo a ni. Usawmzuala bula mipa chuan 'mipa sawifiahna' tia ka lo suangtuah thin hmel leh pian a nei anih chu! A mak lutuk! Ka ngaihtuahna mai mai a nia, a tak takah an awm ka ring ngai miah lo. Aw thian kharh ri ka hriat chuan ka phu zawk a, ka mit ka lasawn rang khawp mai. Hamhaih engreng takin Tabithi chu ka en a, min hrethiam niawm tak hian a ni chu a lo nui seih a. Ka zak chem chem..chem chem tih hian a sawifiah zo lo.

"A nih chuan Hmingte, ni dangah kan inhmu leh mai dawn nia. Ka lo bia ang che.." atih chuan he pindan a ka kal ve chhan ber kha kan la sawi lo tih ka hrechhuak leh chiah.
.
"Ah.. Aw, nia. Ka lo ngaichang reng ang che." ka ti bah nak a. U sawmzuala bula mipa chuan min en reng ni a ka hriat vangin ka tim deuh chawih chawih lehnghal. Ka melh ngam tawh lo hrim hrim. Nichin mai khan hmuhnawm tih hmel deuhin ka lo en reng anih kha.. Zahthlak lutuk.
.
"A ni hi Alawmi thiannu kha a ni em?" Usawmzuala chuan a rawn ti hluai a. A beisei lohna hmuna min hmuh vang anih ka ring mak min tih hmel emai.
.
"Aw ni e." ka lo ti thuai a.
"Kan rualin i lo haw ve dawn nge Eleazer hian a thlah theih che ka ring a." awmze nei zet hian a bula mipa chu a melh a. Thian tha tak an ni ang tih an inen dan atang pawh chuan a lang chiang khawp mai.
.
"A ngai lo ang. Haw pui tur ka nei a."ka chhang rang mah mah an tih ka ring hial.
"A harsa chuang lo a nia. I thianpa chu a rualin i haw dawn lo tih hrilh mai la."
.
"In thenawm pa kha mi?" nui sang chungin Tabithi chuan a lo ti ve bawk a.
.
"Aw ni e. A ngai lo tak tak. Ka tibuai mai mai che u." ka ti leh zung zung a. An thianpa thlah nih ka hlau nge an bula haw ka hlau pawh ka hrelo. Dik tak chuan hlauh chhan tur ka nei lo ve ve.
.
"Keiman ka lo thlah ang che." a aw nghet charh ka hriat chuan ka en chiang ngang mai. Engtin nge anih theih zawk?? A hmel leh a pian awm tak tak tur pawha ka rin ngai loh anih tawh bakah a aw leh zel pawh maw!
.
A boruak ah han hnial luih tung tung chi anih tak loh vangin an thianpa ruala haw tur chuan mo lawmna hmun kan chhuahsan a. Ka thiante ho pawh ka haw san tih message in ka hrilh a ka duh tawk mai. An tlaivar leh deuhthaw dawn tho a. Ka message pawh zingah an hmu chauh ang.
.
Tabithi leh Usawmzuala te an tlan chhuah hnu chuan kan tlan chhuak ve nghal a. Min thlah ka remti kha ka inchhir veng veng mai.
.
"Engtin_" kan tirual chawt a. "Sawi hmasa rawh." ka tih chuan ka rin loh deuhin a nui sak a. A hmel chu ka en leh thin. Ka awm dan danglam tlat hi ka hrethiam lo. Tuna ka awm dan hi ka thiante chuan min hmu se mittui tla phungin an nui ngei ngei ang. Ka chhungril ah chuan ka lai chhe let der a, pawn lam lan danah erawh inringtawk tak anga lan ka tum lui tang tang thung. Mipa bulah hetiang hian ka la awm ngai lo. Ka dik loh ni lovin ka bula mipa huhang na lutuk dik loh zawk hi a ni ngei bawk ang chu.
.
"I hming?" arawn hawi zawk a, ka lo en reng vangin ka hawisawn rang khawp mai. Min hmuh hman tho chu ka ring.
"Hriat kher angai hleinem, kan inhmu zui dawn chuang lova..." sawi zawm mai tur hre lovin ka riat nawi ta vel mai mai a. Ka sawi tum loh dan deuhin ka tawng chhuak anih kha. Ka awm dan chu a mawi lem lo khawp mai.
.
"Chhun lam atang daih tawh khan ka lo chik viau che tih sawi ila min hlau angem?"
A thusawi vang chuan makti zetin ka en a, a ni chuan kawng a en ngur thung a. Chhan mai dan tur ka hre lo.
.
"Ka hlau lo che anih ka ring, tunah pawh min thlah hi."
.
"Ka beisei ang chiah." a tih chuan a hmel ka en a, ka chhang tawh lo. A hmela a ngaihtuahna lang miah lo vang hian chhan mai dan tur ka hre lo a ni.
.
Kan in peng kan thlen chuan ding turin ka hrilh a, kawngkhar min hawn sak hun nghak lovin ka chhuk thuai a.
.
"Ka lawm e." ka tih chuan "Welcome" tih zawngin min chhang..
.
Inchhung ka lut a, a motor thawm ri vang vang a reh hnu chuan ka thaw huai huai a. 'Khawiah mah kan inhmuh tawh loh ka beisei' tih ngaihtuah chungin ka room ka pan a.
.
Muangchang lovin ka inbual fai zung zung a, khum ah hahdam taka ka mut hnu chuan message check tumin ka phone ka zawng a, ka hmu miah lo.
Mo lawmna hmun atanga kan chhuah dawn pawh khan ka thiante message ka thawn a. Anih chuan.. Khapa motor ah khan ka thlauh palh tihna a ni thei angem? A ni ngei ngei ang.
.
Zing ka thawh chuan ni a lo chhuak ut tawh. Nizan khan ka chauh deuh vangin alarm ka set duh lo lui reng reng bawk a. Ka rilru a thil lo awm leh hmasa ber chu ka phone a ni. Engtin nge ka lak let ang? Nizan a min thlahtu khan a motor ah ka thlauh tih a hre lo maithei. Hria ni se engtin emaw tal ka phone a contact no hmang khan min rawn be tur a nia.
.
Choka ah lutin fridge ka pan a, ka nu chuan ngawi rengin chiang zet hian min lo en reng a.
.
"Nizan ah i phone i thlauh a ni awm e. Nichin mai khan min lo bia a, vawiin ah pek che a tum thu a sawi a. Khawnge maw lehkha kha ka dah le.. Aw, fridge chungah khan a awm ang."
Ka nu chu chhang lovin fridge chunga lehkha them chu lain ka en a. Ka duh emaw duh lo emaw ka phone neih leh ka duh chuan ka hmuh ngei angai dawn a ni.
.
Chaw ei khamah muangchang in ka insiam a, saturday anih tho vangin bazar ah kal angai tho a, ka nu lei tur list ziah keng chungin ka kal chhuak a. Kal tura min tihna hmun ka thlen chuan dar 11 a la ri lo. Ka lo thlen hma zawk leh a lo thlen rualin ka phone chu ka la anga, ka kalsan nghal ang.
.
Restaurant chhung ka lut a, ka rin aiin mi an tlem. Ka duh ber dawhkan kil tuma ka kal chu ka hmingpum a min ko ri ka hriat vangin ka ding chawt a. A aw atang chuan midang an ni dawn lo tih ka hrechiang hle bawk.
Muangchanga inherin ka pan a, ka nui lui sak a. A ni erawh a hmel a thutak khawp mai. A lam pana ka kal chu chiang zet hian min lo en reng a. Ka hriat zawng chu he mihring bulah hian ka inthlahdul thei ngai dawn lo tih hi a ni.
.
"Hun i vawng dik hle mai."
.
"Khawnge ka phone chu."
.
"Inremsiamna nei phawt teh ang." atih chuan awih lo zetin ka nuih a, chik zet hian min lo la en reng thung. Eng thil  nge maw a duh le?
.
"Ka phone chu min pe la, hmun danga kalna tur ka nei a ka hmanhmawh angreng." ka ti chiam a. Dawhkanah chuan a kiu dinglam nghatin a khabe a tuai zauh a. A chetphung chuan movie a a changtupate chezia ka duh em em thin min hriatchhuah tir leh hmanhmawh bawk.
.
"Ka serious viau a nia. I tih theih ngei ka ring."
A thutak hmel tak tak. Kei hian hetiang mi hausa awmngaihna hre lo tan hian eng thil nge tihsak theih ka neih le?
.
"Lawmman pawh a tha ang." a ti leh nghut a.
.
"Lawmman chungchang chu ka hre lo zawk law law mai ang. Ka hmanhmawh a nia."
.
"Tak zet reuh che hian. Ka serious ka tih chu." a awki hniam leh lutuk chu a hlauhawm zawk. A hmel chu ka en ta reng a.
.
Ka ngaihtuahna ah thil chi hrang hrang a lo lut nghal zut zut a. He mipa hian eng hna thawk turin nge min duh ang? A bialnu lema chang turin maw? Ni lo nilo.. Kei aia nalh leh hmeltha a bialnu lem.. Hei chu ngaihtuah lo zawk ang. A lem kher pawh ngai lovin atan hmeichhia hmanrua tur an tam dawn lutuk. A nupui lema chang turin maw? Chu pawh a la ni thei chuang lo. Raldo turin maw?? Nuihzatthlak zawk.. Ka hmaa thu hi mihring pawh a ni chiah em? Thlaraute hi a lo ni reng zawk ange!
.
"Heihi chiang takin chhiar la i thiltih tur chu chiang takin i hre thei ang."
.
Ka hmaa a thil rawn dah chu enin phawk hra hian amah leh ka hmaa a thil rawn dah chu ka en tawn a. A hmel atang chuan a fiamthu lo tih a chiang em em bawk si. Kan bul vel chu ka melh kual a, hnathawk pahnih tih loh chu tumah an awm tawh lo.
.
Ka awmna hmun hi a him hauh lo mai.
.
"Eng thil pawh nise ka ti thei lo." ka tih chuan a thle nghut a. Ka lak atangin a mit a la lasawn lo. A duh a hlawhtlin hma chu chet sawn a tum dawn miah lo tih a mitmeng atang chuan ka hrethiam mai. Luhlul leh ngeng lutuk, duh dan ang anga midang hmang thei a lo ni thin pawh a ni mahna. Ka duhthusam thin mipa hmel leh leh pian nei pawh ni mahse tunah chuan ka tan mihring ve mai a ni. Chu zawng chu.
Ka hmel awm dan atangin ka ngaihtuahna a hre thei niawm tak hian
.
"I la chhiar miah hleinem. Nuam i ti ngei ang tih ka hria alawm." a ti leh nghut a.
.
"Tenawm lutuk!"
Ka insum thei lo. Ka thutna chair atang chuan ka tho phat a.
.
NOTE – Tih dan pangngaiin Sunday off a ni anga, week days-ah chuan ka theih tawkin rawn regular  ka tum ang. Min chhiar saka ka lawm e….
.


COPAS
CHAPTER - 2
Thantei_LauraSean
.
.
H & E
.

"I rin ang thil kha a nih ka ring lo. I tanpuina ka dil anih ber hi."
.
"Tanpuina dil hmel chu i put si loh kha." ka ti nghat a. A mizia hi midang hnena khawngaih dil ngai lo leh tanpuina dil ngai miah lo ni awm tak a ni. Amah tanpui turin min ngen a ni ber tiin a sawi ve bawk a, a hmelah chuan mi dang mamawh hmel a lang der si lo. Nuam ka ti viau ang tih kha a sawi a, engpawhnise nuam ti viau dawn pawh ni ila ka rilru ka sawh sawn lovang.
.
"Ka phone chu min pe rawh. Ka hmanhmawh tih ka sawi tawh kha."
.
Ka rilru sawh sawn  mai ka tum dawn lo tih hrethiam ta niawm tak hian a thu ngil a, ka phone chu min pek mai a tum chuang lo aniang. Min melh run a, ka thut leh hun a  nghak anih ka ring.
.
Ka phone chu a ni hian min pe lo mah se Tabithi hmangin ka la let leh thei thovang. Helaia ka awm ve reng chhan tur hi ka hre lo.
Kalsawn tumin ka pen a, thaw deuh hawk ri ka hriat chu Eleazer thaw ri a ni chiang mai!
.
"I thiannu thi tawh Alawmi chungchang a ni tih sawi ila enge a an ang?" a tawng ring lo, mah se, a thusawi chu ka hre chiang lutuk tlat. Nge, ka hre sual zawk. Tunhmaa ka hriat ngai pawh nilo mihring hian Alawmi chungchang ah eng thu nge hriat duh a neih? Ka thiannu kha hmeichhe fel tak a ni a, eng buaina ah mah a inhnamhnawih lo tih kei aia hrechiang an awm lovang.
.
Ka ding chawt a, ka banreka arawn vawn chuan a thutna bulah ka ding tih ka hre chiah.
"Eng maw i sawi?" a tawng ang chiah a zawiin ka chhang a, ka chhungril chu mak deuhin hlauhthawnnain a khat nghal vek bawk. Engtin nge Alawmi chungchang a nih daih theih ang? Nuam ka ti ang tihte kha a sawi a, he mihring hian thiantha hlut zia leh hriat theih chin atanga thlah miah lova inkawm char char, thuruk neih zawng zawng pawh inhrilh vek, thawklehkhata thiantha ber chan thut nat zia pawh a a hre tawp lovang. 
.
"I thiannu, Alawmi. I hriat hauh loh thil vanga thi ni ta se engtin nge i ngaih ang?"
.
Ka thu hriat chu makti lutukin Eleazer chu ka en a, a awm dan a danglam lo. Thu leh turin min duh tih lantir nan ahmaa ka thutna chair lamah chuan a thle nghut a. Alawmi chungchang a nih chuan hriat ka duh ngei ang. Eng thil nge ka hriat loh awm? Thil mak tak a ni.
.
Ka banrek a vawnna chu a thlah theih nan ka che a, min thlah ve mai bawk. Muang changin ka thu leh a, tunah tak hian ngaihtuah mai tur pawh ka hre lo.
.
"Alawmi chungchang thuah eng thu nge i hriat? Eng thil nge hriat loh ka neih?" alamah awn deuhin chiang zet hian a mitah ka en a, a ner suk a. Ka hmuh tirha ka ngaih dan leh tuna ka hmuh dan hi a dang vek tawh. Rin tur nge rin loh tur tih ka hre lova, ka hriat duh zawng chu Alawmi chungchang chauh a ni.
.
"I ngaihven leh hle sia. Eng chungchang ni turah nge i lo ngaih a?"
.
"Ka ngaih dan chu i hriat angai ka ti lo." ka tih chuan lungawi hmel zet hian min en a, a thut dan thlakin a hahdam hmel leh ta bawk.
.
"Tunah chuan lehkha kha chhiar phawt rawh."
.
Amah en tawh lovin ka hmaa lehkha chu ka la kang a, inziak tam zawk chuan ka tan tangkaina a nei hran lo. Alawmi chungchang pawh a inziak tam chuang lo. Engvanga min chhiar tir nge maw anih le?
.
"He lehkha hian tangkaina ava neih hmel si loh ve. Nuam ka ti hle ang tih kha engvanga sawi nge i nih?" eng tawngkam pawh hmang ila ka pawi sa lo. He mipa laka lan that tumna lah ka nei hek lo.
.
"Phek tawp ber kha chhiar rawh."
.
Ka lehkha ken chu ka let thawk a.
.
Ka chhiar zawh chuan ka ngaih dan hriat tum niawm tak hian min en a. Ka thil chhiar zawh chiahah chuan nuam tih nachhan tur pakhatmah a awm lo.
.
"Thla khat chhungin maw?"
"I chhiar zo chiah alawm."
"Thla khat chhung i bula atam thei ang ber awm hi enge a tulna?"
"I la hre mai ang!"
.
Tuna ka buaina hi ka chungchang ni lovin Alawmi chungchang a ni a. Eng pawh thleng dawn se ka tih ngei angai dawn a ni. Thla khat chhungin hmu tura min duh thil hi ka hmu thei reng angem?
.
"I lawmman tur chu__"
.
"Lawmman chungchang chu hriat chakna ka nei lo chauh pawh a ni lo, ka thiantha ber chungchang anih vangin eng lawmman mah ka duh lovang." ka tih chuan a mit tizim deuhin chik zet hian min en a.
Tunah chuan a lan dan a danglam leh tawh. Pawh theih loh hmel a put mai bakah uluk taka ngaihtuahna hmang hmel a pu a, engvanga hetiang thila inrawlh nge anih pawh ka hrethiam pha chuang lo.
.
"Tikhan a zo tiraw? Khawi ka phone chu_" a nui suk a, a kekawr ipte atangin ka phone chu a phawrh a, eng thil nge atih ka rin thiam hmain a hmet zung zung a, dawhkana a phone dah a nghawr dar dar hnu chuan ka lak theih turin arawn lek chhuak a.
.
"Zanah ka lo bia ang che." atih chuan ka thutna atanga thovin ka kalsawn hman der tawh. Chhang tawh lovin restaurant atang chuan ka kal chhuak a. Thil rit takin min delh ang mai hian ka awm a nuam ta lo.
.
Thla khat chhungin eng thil nge thleng zel ang?
 Ka tih hmasak ber tur chu lehkha ah khan chiang takin a inziak a, thil harsa lutuk a ni lovang. Ka
pan hmasak ber tur ka ngaihtuah chuan mak tihna in ka khat thar leh rih bawk. Hetih vang hi a ni
ngei ang kei kher min tihtir chhan! Thawk la hakin ka inngaihtuah harh a.
.
Ka nu list a leitur awm ka lei zawh hnu chuan muangchang lovin ka haw a, ka tihtur khan ka rilru a
luah ngut ngut vangin ka inbual zawh veleh thil dang ti tawh lovin khumah ka thu a, ka phone a
contact number chu ka scroll pawp pawp a.
.
Rin aiin a pick up har zek mai. Saturday anih vangin thil dang daih a tih ka ring lo.
.
"Hello_"
Robert aw ka hriat chuan ka thaw huai.
"Hey.." ka ti hluai a.
"Eng thil nge ni teh tlat? Nizan khan thlahtu i nei tha hle nimaw? Lo hmutu che an awm tlat mai."
.
"Man chak ve. Hre ve lo mai rawh.." ka tih chuan a nui hawk hawk a.
.
"Chuti tur maw  ni ang.."
.
"Tak takin, ka lo biak chhan che chu movie hmuhnawm deuh i neih leh tawh ka ring a." hei bak
chhuanlam tur ka hre lo. Ka thil duh ber nei thei tur chuan an in a ka kal mai angai dawn a ni.
.
"Nei tha lehpek e. I duh chuan i lo kal angai ang." ka duhthusam chiah a ni.
.
"Ka lo kal ang. Dar engzat nge ka lo kal dawn?"
.
"Tunah pawh i duh chuan i lo kal thei a. Tlaiah ka chhuak dawn a, ka chhuah hmain lo kal la."
.
Minute 15 aral hmain Robert-a room-ah ka awm der tawh. Ka rinhlelh angin eng thil mah danglam a awm
lova, nidang ang bawkin a titi bawrh bawrh a. Nizana min thlahtu chungchang pawh min zawt zui chuang
lo. Eleazer khan rinhlelh tur dik lo a ringhlel a ni  ngei ngei ang.
.
"Tikhan i duh lo la la, ka inbual san dawn che."
Zai rut rut chungin bathroom-ah min luh san a, ka duh zawng turin hun thawl ka nei ngei dawn e. Ka
tha khur der der chu engvang nge ka hre lo. Hetiang thil ka la tih ngai miah loh vang pawh a ni
mahna le.
.
Movie a dahna folder a mi chu enchiang lem lovin ka select pawp pawp a, ka pendrive-ah ka thawn a.
Chumi chhung chuan a lo chhuah leh hmaa ka thil duh ber hmuh hman tumin file dang ka en kual nghal
zung zung bawk a. Thianho thlalak leh chhungkaw thlalak te, mi pangngai laptop-a awm thin bak thil
mak leh danglam deuh hmuh tur a awm lo.
.
"I thlalak ka en kual dawn a nia, i phal em?" tiin Robert chu ka au a, a phal thu arawn sawi chuan
ka thaw huai. Thilsual lian tak ti angah ka inngaih loh phah thei bawk ang chu.
.
Ka en kual zel a, Eleazer khan engvanga Robert hi ringhlel  nge anih ang tih ka hre chak ta hle. Mi
pangngai ve mai, ho ve tak leh nula lawm ve tak hian thuruk thalo tak a neih ka ring ta lo lehzual.
.
A lo awm mial takin tih thuah ka thiam ve chin zawng chu ka enkual a, file pakhat awlsam taka hmuh
theih loh tura a dah ka hawn chuan ka phu chiang lutuk! Engtin nge anih theih??
.
Alawmi ngei a ni.. Ka thiantha ber khan ka bulah Robert chungchang hi vawikhatte pawh a sawiri ngai
lova, chuti chung chuan hetiang thlalak hi an lo nei reng si a maw!!
Thlalak chu select in ka inthawn hnuah chiang zet hian ka ennawn leh a. Thlalak a an lan dan chuan
an harhfim chiah lo a ang. An inkuah chial a, Alawmi hmel lan dan chu ka la hmuh ngai loh ang a ni.
A hlim hmel a, Robert hmel a en dan chuan a hmangaih hmel hluah hluah bawk. Kei hian eng thil nge
hriat loh ka lo neih le? Ka thian tan khan a thuruk zawng zawng a sawichhuah ngam lohna tur khawpa
thian rintlak loh ka lo ni em ni? Ka rilru na ru vawng vawng vang chuan ka hmui ka pet fan fan a.
.
Ka hnunglama thawm ka hriat chuan ka phu deuh zawk. Robert chu ka bulah a lo ding reng tawh a. Ka
thil lo en vang chuan a lawm tehchiam lo tih a hmelah a lang bawk.
.
"Kha kha engtin nge i haichhuah theih a. Ka hide vek sia."
.
"Ka hre vek tho alawm." ka tih chuan mak ti hmel a pu zawk nain a inthup leh thuai a.
.
"Alawmi khan kei nena kan inkawp hi i pawmpui a ring lova.." rilru nat hmel zet hian ka bulah arawn
thu a, sawi leh mai tur hre lovin min en a a hmai a tuai puat a.
.
"Hmingte,Alawmi kha ka hmangaih asin. Mahse__"
.
"Mahse__enge?"
.
"Aa..sawi mah ila awmzia a awm tawh lo. I duh i la zo tawh em?" sawi zawm a duh lo tih tihlan nan thu dang daih min zawt tih ka hrethiam a, tunah chuan zawh zui vak tumna ka nei lo. Mak erawh ka ti thlawt a ni. Alawmi khan vawikhatmah Robert chungchang hi min hrilh lo. Alawmi thihna ka tuarnat tluk zetin ka laka thuzep a lo nei reng hian min tina nawn leh a ni tih hi phat buai pawh ka tum lo.
.
Robert hi ka ring nghal bur tur tihna pawh a ni chuang lo ang. Eleazer hnen atangin thu awmze mumal ka la hre lova, tanpui tura min tih angin tunah hian thlalak ka nei ta phawt chu a nia. Thu awmzia mumal taka ka hre phawt anih loh chuan Eleazer hnenah thlalak hi ka pe lo bawk ang. Uluk taka ngaihtuahna ka hman angai dawn ani.
.
Robert chhuak tur nen an in atangin kan chhuak rual a, ka ngaihtuah let neuh neuh hian Alawmi awm loh hnua Robert mizia danglam hi ka hrethiam ta deuh chauh. Tunhma pawh khan hmeichhia alawm ve a, amah a hmelthat em bakah hmeichhe tam zawkin an um thin sum a lo ngah ve leh zel nen, thla tin bialnu a thlak tiin kan sawi thin reng kha a nia. Naupan lai atanga inthenawm reng tawh kan nih vang hian inkawm tam em em lo mah ila kan inhrechiang thawkhat viauin ka hre thin. Ka ngaih dan hi alo dik miahlo thei tho bawk.
.
Kan kal hran hnu chuan kan in ah ka lut thuai a. Chhun lama Eleazer nen kan inhmuh khan zanah min lo biak a tum thuin min thlah a nih kha.   
.
Ka room-ah lutin laptop ka on a, ka pendrive a thlalak ka inthawn ruk ho chu uluk zetin ka ennawn leh a.
.
"Alawm, mak ka va'n ti tak! Engtin nge engmah min hrilh miah loh theih le? Tunah ka hriat ngai pawh ni lovin i thih dan chungchang ah rinhlelh neiin amah tanpui turin min sawm a. Nge? Eleazer nen hian in lo hre daih tawh zawk? Ka hriat tura duh i nei em? Min hrilh rawh.." Alawmi thlalak en chungin ka phun mawlh mawlh a, thil thleng mek hi sawi fiah mai theih lohkhawpin mak ka ti em a ni e.
.
Ka phone rik lai ka hre miah lova, der zat en tuma ka phone ka on chuan 3 missed call a lo awm reng a. A number chu ka save loh vangin Eleazer ni turah ka ngai ngawt bawk. Call let tumna erawh ka nei chuang lo. Kei hian thil awmzia hrechiang turin ka mamawh let tawh zawk tih ka hre tho nain biak hmasak kher chu ka tum chuang der lo. Heihi chu ka rule ve pakhat a nia.. Mipa duh ruk deuh ka neih ka be hmasa ngai lo! Oh!! Ni leh lo.. Eleazer hi ka duh ru pawh ani chuang lova, han duh ringawt nachhan tur ka nei lo hrim hrim bawk. Amah anih vang hrim hrimin ka be hmasa lovang.
.
Ka phone arawn nghawr leh dar dar chuan nghak deuh hlekin  ka pick up a.
.
"Eng thil nge i tih? Nidangah chuan call nawn ngaiin awm tawh suh." thinrim hmel pawhin a tawng chuang lo. Mipa mak ve tak chu anih hi.
.
"Eng thil nge? Ka phone hi ka en reng hman lo tih lo hrelawk tawh rawh." ka tih chuan a nui huk a, engvanga nui nge anih ka hre lova, hriat pawh tul ka ti hran lo.
.
"Zan dar 8 ah ka lo hruai ang che. Kalna tur kan nei. Pangngai takin lo inchei ang che,"
.
"Pangngai chu enge?"
.
A reh deuh vang vang a.
"Hello_"
"Hmun pakhat ah ka hruai dawn che a, i zah lohna turin inchei ang che."
.
Engti pawhin inchei ila enge zahna tur awm. A bulah hmeichhe inchei nalh vak lo leh atana zahpuiawm tur khawpa inchei nalhlo an awm a duh lo tih a sawi tumna ah ka ngai.
.
"Chu chu ka thu ni rawh se." ka ti hmak a.
"A tha e."
Ka chhanna nghak tawh lovin phone a off a. Thil dang ngaihtuahna hun awm tawh lovin ka nu'n chaw kan ei dawn tiin min rawn au a, ka chaw ei a tui leh tui loh pawh ka hre lo. Nizan atanga thil thleng chi hrang hrang mak ka tih ruk leh hriatchian chak ka neihte chu ka ngaihtuah nauh nauh a.
.
Chaw eina ka tihfel hnu chuan muangchang lem lovin ka room-ah ka chho a, Eleazer min hrilh angin chhuak turin ka insiam a. Ka nu hnenah khan ka thiante damlo kan tur an awm thu ka sawi ta mai anih kha. Zanah ka chhuak ngai lem lova min ring ve mai bawk a.
.
Ka thawmhnaw bawm atangin jeans pawl duk ka phawrh a, t-shirt ka hak leh hnuah sneakers ka bun a, a vawh palh takin tih thuah jacket ka keng bawk a.
.
Ka phone a rik leh chuan 7:50 chiah a ni. In atangin ka chhuak a, kan in piah deuh a Eleazer motor lo ding lam chu ka pan a. Car chhunga ka luh hnu chuan tlanchhuak nghal mai lovin ka inchei dan chu min en a, min nuihzat dawn emaw ka tih laiin engmah a sawi lo teh tlat.
.
Ngawi rengin a tlanchhuak a, keipawh ka tawng bik lo. Minute 30 vel kan tlan hnuah in lian zet kawt ah kan ding a. Tun tum chu kawngkhar min hawnsak hun ka nghak ve ta tlap. Kan kalna tur in chu pawn lam atang pawhin a lan dan a ropui sa a, ka incheina vang hian ka zah loh ka beisei.
.
Inchhung kan luh chuan engahmah ngaih loh tum viau mah ila ka incheina vang chuan ka awm lohna tur hmunah ka awm niin ka inngai nghal. Ka inngai mai pawh a ni lo, hmeichhe awm ve dang te chuan min en hrek hrek a, kawr tawi te te leh chhing zet zet, tle zir zer nalh tak taka inchei zingah exercise la tur niawm taka inchei chu a zialo ve deuh chu a ni. Min en hrek hrek pawh chu a awm viau mai.
.
"Rinmuan, zanin chu ava mak teh tlat ve!" kan awmna lam pana hmeichhe lo kal chu a nalh lutuk mah mah a ni. A hmai a chei dan leh a thawmhnaw hak zawng zawng nen a lang dik thlap mai.
.
Eleazer chuan a chhang mai dawn emaw ka tia, chhang ta mai lo chuan min rawn en leh zet a. A hmel lan dan chu ka hrethiam lo.
Min rawn dinhnaihin ka kutah nghet zet hian min kai a. A chet dan chuan min thanwg khawp mai.
.
Kan awm dan a hmuh chuan hmeichhia chuan "Helamah lo kal ru. Nangmahni chiah kan nghak tawh che u." hlim hmel taka nui lui sang chungin a ti leh ta zawk a. A mita min melh dan erawh chuan ka inchei dan chu min pawmpui lo hle tih a tilang chiang khawp mai. Eleazer awm dan atang chuan ama tan ni lo keima tan inchei turin min hrilhlawk a ni tih ka hrethiam ta chiah bawk. Min zahpui emaw, ka bula awm duh lo hmel a pu lova, a awmdan ngaiin a cool ruih reng tho a.
.
Hmeichhe kalna lamah chuan min kai phei a, ka jacjet a vawh takin tih thua ka ken chu ka mamawh lo chiang teh e. Ka thlan ru bawrh bawrh mai.
.
"Khawi, kha kha.." ka jacket chu arawn ban a, ka pek hmain min laksak a, min kensak ta daih a. Min tanpui ah a inngai mai thei a, ka zak, nilo, ka inthiam lo zual sauh thung. Pangngai takin lo inchei ve mai ila tha tur.
.
"I va tlai ve a." an lo thu khawm thap a, an zavai mai chuan mi hausa tak anni vek ang tih a hriat theih. Ka duh emaw duh lo emaw chu chu ka rilrua thil lo lang hmasa ber a ni. Mihring reng reng an incheina atangin ka teh ngai miah lo tiin sawi ila dawt tlem ka sawi a ni ang. Incheina atang hian mihring dinhmun thenkhat chu a lang thin ngei alawm, a zawng zawng erawh a ni lo. Chet dan leh nungchang hian a tilang chiang zawk thin.
.
Mipa pakhat hi a thutna atangin arawn tho a, Eleazer chu arawn kuah thawk a. Zawhna a khat mitmeng hian min en zauh hnuah Eleazer chu a en leh a. 'A ni tak tak em?' tih a zawt nimai hian ka lo hria. Eng thil ber nge 'a ni tak tak em' tia a zawh tur thil chu ka hre chuang lo. Ka ngaihtuahna ka hmang nasa lutuk mah mah a niang. Mumalin ka awm thei lo.
.
"A ni em? Thiana??" tiin chupa chuan min melh leh a.
.
"Hei, in hmu reng alawm." tih pahin Eleazer chuan mak zet hian min melh vang vang a, ka lo mur sung sung thung. Ka  hlauh vang nge a mitmeng landan mak deuh vanga mur sung sung ka nih ka thiar hrang thiam lo.
.
"Mawizuala ka nia, in chibai ila." nelawm taka min nuih chungin a kut arawn phar chhuak a, ka lo chibai ve thuai a. Ka nui lui hleithei lo chu a ni e.
.
"I hrilhlawk miah lo tih ka hre mai." tih pahin Mawizuala chuan Eleazer chu a nek zauh a. Usawmzuala(Tabithi pasal) khan Eleazer tiin a ko a, a thian dangte hian Rinmuan tiin an ko thung a. Inkoh dan ringawt ah chuan danglamna a awm lem lo ah ngai ang.
.
Hmeichhe lo awm ve te chuan min biak pawh tum chuang lovin makti hmel pu hian Eleazer chu an en thap a.
.
"Thiana, i nemngheh ngei chu angai ang__" mipa dang rawn tawng chhuak chu  phawk zet hian ka en a, midang ho pawh chuan thawm nei hakin an en bawk a, an awm dan hi ka hrethiam lo. Hmeichhe ho chu phun ser serin an nui a, Eleazer nen chuan engtin nge kan awm dawn tih ngaichangin min en ta thap a.
.
Eleazer chuan ka kut a vawnna chu thlahin ka kawngah nghet zet hian min kuah a, ka inring hman lo. A lamah min pawt hnaiin ka hmuiah min fawp a. Min thlah mai dawn emaw ka tia, min fawp duhthawh telh telh lehnghal!!
.
COPAS
CHAPTER – 3
Thantei_LauraSean
.
H & E
"A van tha em! A chiang e.." kut beng ri ka hriat chuan ka inla hrang rang lutuk tak zet. Engvanga min fawp ringawt nge anih! Thip zetin Eleazer chu ka en a, 'engahmah ngai suh' ti niawm tak hian a thle nghut a, ka inseh ruh ngawt ngawt thung. Ka inthunun zo dawn lovin ka hria.
.
Ka awm dan chu hrethiam niawm tak hian minkuah  bet leh vang vang a. Tal chhuah pawh ka tum buai ta lo. Tuna ka ngaihtuah ang hian ka talbuai anih chuan kan pahnih hian min nuihzat zual ngei ang. Eleazer tan ni lo, ka tan, mi nuihzat lehzual ka nih loh nan ka inthunun hram hram ang. Khawiah nge ka awm tih leh tuten nge min hmu tih ka ngaihtuah duh lo. Tun mai a thil thleng kha awmze nei lovin rak pui chiam pawh ni ila a nih tur ang a ni vek tawh. Eleazer chuan muangchangin min kuahna chu a phelh a, a inlakhran rualin ka biang sa vut vut chu ka kutin ka khawih ta ringawt a.
.
Thil awm dan hi ka hrethiam ta lo. Eleazer hian Alawmi chungchang a thu hriat duh a neih vang chauh a ka tanpuina dil a ni hauh lo mai.
.
"Hetah hian lo thurawh. Kan inhriatchian te pawh angai ve ang chu." kan thlen hlima hmeichhia khan a bula thutna awl awm chu a beng thak thak a. Eng tiang a awm tur nge ka hriat mai loh vangin Eleazer chu ka en a, a ngaihtuahna tilang miah lo hian min lo en vung vung ringawt a. Dik taka sawi chuan ka hamhaih zo vek a, ka thina rim ru teuh bawk. He mihring hian a duh dan ang anga min tikual emaw hmanruaa min hmang mai mai turin ka lakah eng thuneihna mah a nei lo. Mai mai hian!
Ka laka thuneihna nei lo tu tia ka ngaihtuah hian tun mai khan ka chungah a thuneihna a lantir zo chiah alawm le.. Mi dang hmuh lai lehnghal in! Tun kha a vawikhatna leh a tawpna ni nghal rawh se!
.
Ka kawnga min kuahna chu ka phelh a, a bula thu tura min betu lamah chuan ka kalsan a. Tawng mai tur pawhin ka la hamhaih lutuk a, ka aw a ri chhuak thei chuang pawhin ka ring lo.
.
"Rinmuan, engtin nge in intawn reng reng a?" Kawr dum tawngchham angreng tak ha hmeichhia chu min melh rawlh rawlh pahin a nui sawng a.
.
"Chutiang inzawhna hun a ni lo. Loretta, lo  ngawi mai mai rawh!" ka  bula thu chuan a tichang fak a. Nelawm taka nui chungin min en a, min chibai tumin a kut arawn phar chhuak a. "Zorini ka nia. I duh leh Zori tiin min ko dawn nia. Chuan anni hi.." lo awm ve ho chu an hming a sawi diat diat a, pariat chauh an awm nain an hming pawh ka chhinchhiah nghal vek thei chuang lo. Mawizuala leh Zori, Loretta,Masangi, Tetei, mipa te! an zavai chuan pangngai takin thil mak thleng awm lo ang mai hian an titi zui a.
.
"Hmeichhe dang  ngaihtuah chuan i danglam hle mai. Rinmuana hi i buaipui ve chung lo anih hmel.." Zori chu enin ka nui mai a. Eleazer nen hian kan inngaizawng lo mai pawh a ni lo, induh tawnna kan nei lo hrim hrim. Mahse Zori bula sawi hian awmzia a nei dawn chuang lo. Kan inzui chhan hi sawi ka tum lo hrim hrim bawk. Engvangin nge ka hmelhriat ngai pawh ni lo bulah ka insawifiah ngawt ang ni.
.

"Muffin, lo kal lawk."
.
Zori chu ka en a, a ni chuan ka hnunglam en zauhin a nui sang a.
"Muffin!"
.
"Ko duat vel maw!" tiin Zori chu a nui hak hak a, ka hnunglama Eleazer ding ka hmuh rual leh min rawn en tih ka hriat chuan Muffin tia a koh chu keimah ka ni tih ka hre chiah. He mihring hian eng thil nge a hriat a?? Ka ngaih dan a pel tawh tak zet. Engvanga a thiante zinga engkim sawi mai lo hi nge ka nih ka inhre lova, kan inngaihzawn loh thu sawi chiam ila anni ho hian an awih dawn chuanga ka rin loh vang a ni mahna. Chu lo rengah hmelhriat ngai loh bula insawi thiam chiam emaw thil nih dan sawi vak pawh a tangkai chuang hek lo. Ka lawm lohna chhan chu anni ho vang hi ni lovin Eleazer vang chauh hi a ni. Engvanga infawh tir nge ka nih pawh ka hre hrep lo. Ni lo, ka infawhtir reng reng lo.. Ka duh vanga thleng pawh a ni lo.
.
"Lo kal lawk la." arawn tih leh takah chuan engmah sawi lovin ka thutna ka thawhsan a, Eleazer chu ka zui a.
Pindana ka zui luh rualin ka ham bawrh bawrh lo chauh a ni. "Eng thil nge itih hi? I ngaihzawng ka ni lova, ka ni ngai bawk lovang. Nang hian eng thil nge i hriat?" rum zeta melhin ka hmachhawn a, a kut pahniha a kekawr ipte zen chungin inthiam lohna nei miah lo hmel pu hian min en a. Chu chuan ka thinrimna a tizual sauh bawk.
.
"Engvanga min fawp ringawt nge i nih?"
.
"Chu chu tuna inhnialna tur chhan a tling lo. Heta kan kal chhan hi i hriat duh ka ring a.."
.
"Duh lo! Engvanga i ngaihzawng anga min lantir nge i nih? I inngaisang viau pawh a ni thei, keichuan ka ngaisang lo che.. Ka lawm lo tak zet tih hre rawh__" min fawh ringawt vang pawh khan thinrim tak ka ni. Ka ngaihzawng pawh ni lo mipa hian min fawp ringawt ngam turin dikna a nei lo.
.
Che chang lovin ngawi reng hian min en ngur a, a awm dan hian ka thin a tirim lutuk.
.
"Ladybug tiin ko che ila a that zawk ka ring."
.
"I duh dan dana i koh tur pawh ka ni lo. Engvanga i bulhnaia awm nge maw ka nih le.. I thiante hmaa min fawp ngam tur khan mitmei ka hmuh reng reng che em?" ka ti chiam a.  Ka inthununna ka hloh chiang khawp mai. Tun hi hetianga ka awmna hmasa ber a ni. He mipa phiangsen vang hi a ni bawk.
.
"Min hnial hauh loh kha."
.
Thinrim zeta melhin ka chek tlak tlak a. Nasa min ti mah se pawi ka ti lo khawp mai. He mihring pui tura ka rilru ka lo siam ringawt kha ka tisual let der anih hi. Alawmi vang ni lo se ka ti hauh lo tur hi a nia.
.
"Tunah ka haw duh. I thiante zinga i hmeichhe kawp pakhat anga lan pawh hi ka duh lo.. Nangni ho nawmchenna hmanrua tur pawh hi ka ni lo!__ Bakah__"
.
"Duhtawk tawh rawh. I buaina leh kan thiltih tura ruahmanna ka neih hian inzawmna a nei lo." a ti nghut a. Ka buaina leh a ruahmanna maw?? Midang hmuh laia min fawp ringawt kha ka tan zahawm lohna lian tak a ni tih a hre miah lo maw?
.
"Ngawi hmak rawh. Engvanga helai hmuna min hruai hi nge inih? I duh duh hmeichhia i hruai kual thei tih lantir nan maw? - Ka thiantha ber vang chauha tanpui tum che ka ni tih hre rawh. Nang hian.." .
Min rawn kuah bet nawk a.
.
"Shh..hahdam rawh." hneh zeta min kuah betin a kut lian thlurh chuan ka hnungzang a zut hauh hauh a, ka hahdam phah lo nasa. Ka taksa min khawih tur hian ka duh lo. Ka tal ve tak nain awmzia a awm tam lo khawp mai. Min thlah mai a tum hmel loh hle lehnghal.

"Min thlah rawh."
.
"Hahdam phawt rawh." awki hniam ruiha tawngin arawn kun hniam deuh a, ka nghawngah a thaw lum ham ham ka hriat chuan ka duh reng vang pawh ni lovin ka ding ngil at a. Ka taksa zawi muanga inthlahdul chu ka hrereng mai. A ni lo zawnga ka ngaihtuahna peng tur chu duh lovin ka hmui hnuailam ka pet fan fan a.
.
Ka tal tak loh hnu chuan zawi muanga min kuahna chu thlahin ka dar tawn tawn ah min vuan a, chiang taka a hmel ka hmuh theih nan ka hmai zawnah arawn kun hniam deuh a. A hmel lan dan chu thil eng emaw ti lo tura insum a ang. Eng thila insum nge anih phei chu ka ngaihtuah thiam der lova. Alaka ka lungawilohna chu a la reh lo tih ka hmelah a hre ngei a niang, ka hmel min en chuan a mit chhing zawkin a thaw halh a.
.
"Heihi ka duh dan a ni bik lo. Anni hohi an lo awm dawn tih ka hrelawk bik lova. Chuan, kan awm chhung reilote chu engtiang pawn awm ila i lo tuar hram hram dawn nia."
A thusawi chu hrethiam lo zetin ka ner nang a.
.
"Eng thil nge hriatthiam tur awm? Helai hmun atang hian chhuah ka duh."
.
"Chu chu ala theih loh__"
.
"Rinmuan in rei, lo chhuak tawh ru.." hmeichhe pakhat a lo au lauh lauh a.
.
"Ka sawi ang chuan awm ang che. I theih phei chuan min duh tak angin lang thei la ka ti khawp mai."
.
"I mumangah pawh a thleng lovang." ka tih chuan ri lovin a nui suk a, a nuih dan chu ka lawm lem lo khawp mai. Thil tha lo a keng tel tlatin ka hria..
.
"I tih duh loh chuan keiman ka tithei alawm. Kal ang le. Nui la.." ka dara min vawnna chu thlahin ka kawngah min kuah a, pindan atanga kan chhuah thleng chuan ka hmel min en a, alama min kuah hnai leh sauhin ka chalah min rawn fawp zauh a. He mihring awmdan hi ka man pha hlawl lo mai.
.
"Eng thil nge in va tih a?" kawr dum ha nu bawk khan Eleazer nen chuan chik zetin min entawn zak zak a, a lawm lo hmel chu a thup thei ngang lo a nih hmel.
.
"Loretta, i tih ngai loh dan a nih bik loh kha.. Ni lawm ni Rinmuan?" mipa pakhat a hming ka hriat leh tawh loh chu a rawn tawng zauh a. A ni pawh chuan lawm hmel a pu chuang lo. Chu pa sawi hmang chuan Loretta leh Eleazer hi...
.
"Ngawi mai mai teh u. Hei, in tur a awm tawh a nia. Zanin chauh chu kan hlim viau ang chu. Kan zavaia kan inhmuhkhawm lohna chin pawh a rei tawh alawm.." Zori chu intur chawi chungin kan thutkhawmna pindan ah chuan a lo lut a. Eleazer erawh chuan hmun dang en lovin min en reng a, chu chuan ka awm a tinuam lo zo vek. Induh hmel taka lang turin min en char char tur a ni tih dan hi eng lehkhabu ah mah a inziak lovang! A thiante pawh chu an awm dan a danglam tam tehchiam chuang lo, a rukin min thlithlai reng tih ka hria. An zingah hian boruak dik tawk lo chu a awm ngei a nih hmel hi.
.
Eleazer chuan min thuthnaih sauh sauhin ka hnunglamah a ban dinglam a dah a, sakeibakneiin a sa eitur a veng tlat hi ka ang riauin ka hre pek.
.
"Rinmuan, tunlai in sumdawnna dinhmun a tha zel em? Hmanni thil thleng kha ka lo hria a." titu chu helai kan thlen atanga a vawikhat tawngna a niin ka hria. Eleazer chuan muangchangin a en a.
.
"Tha e. Thil chinfel har vak a ni lo hlauh a. Nangni lam in tha zel maw?" a tih chuan zawhna zawttu pa chu za vak lo hian a then sak a.
.
"Tha piah lam a ni." intur banin a in a, sawi leh mai tur a hre tawh lo a niang kan zavaiin kan ngawi ta thap a.
.
An zavai hian inkawm thin ang chuan an lang naa, an inkar a tha hlawm tehchiam lo a niang. Ka thiante nen kan inhmuhkhawm a kan awm thin dan nen ka tehkhin lo thei lova a inthlau lutuk. Inpawh taka titi bawrh bawrh pawh a awm lo.
.
Zori te in atanga kan chhuah chuan ka thaw deuh huai mai. Eleazer car kawngkhar min hawnsak ah chuan ka lut thuai a, a ni pawh muangchang lovin driver seat ah arawn thu luta kan tlanchhuak chu a ni nghal deuh mai.
.
"Thian ho niawm tak chuan in lang a, in inpawh hmel vak si lo anih kha.." ka tih chuan min melh zawk duh chauh. A ngawi vung vung a, keipawh sawitur ka hre bik chuang lo.
.
Kan in kawt kan thlen chuan car a tiding a, chhuk tumin car kawngkhar ka hawng a ka banrek a min rawn vawn chuan zawhna zawt mitmeng a enin ka thu tha leh rih a.
.
"Ka lawm e."
.
"Enge?"
"Min hnial buai loh vang khan. Ka tan a pawimawh zia min hriatthiam pui phak lovang." a hmel thutak dan atang chuan a rilru tak tak a sawi ngei niin ka  hria.
.
"Um, hrethiam hauh lo mai."
.
"Naktuk ah engkim ka hrilhfiah ang che." atih chuan ka lo nui hak a. Hmuh leh tumna ka nei tawh reng reng hleinem. A ni hian hmanruaah min hmang mai mai tih ka rilruin ka nemnghet hmiah a, Alawmi chungchang kha chu engpawhnise, Eleazer bul hnaihah hian ka awm duh tawh lo. Kan pahnih tan hian nidang awm leh turin ka duh tawh lo tihna anih chu. Ka tan hian a him dawn lo tlata hriatna ka nei thar thut a ni.
.
"I bula awm tumna ka nei tawh lo. Zanin kha chu tikhan liam rawh se."
.
"Alawmi thihna a thil dik lo awm hriatchhuah ngei i duh chuan i awm angai ngei ang. I tihtur kha i lo theihnghilh ange." tunah chuan a hmel lan dan a dang leh daih tawh. Engvanga Alawmi chungchang hi buaipui nge anih ka hriat ve angai.
.
"Alawmi hi i hrechiang pawh a ni lova, engvanga a chungchang hi buaipui nge inih? Thil tha lo tak inthup a awm in ka hria."
.
"Thil thalo chu enge anih kan hrechhuak dawn reng alawm."
.
"Tinge nang kher hian i buaipui. Kei kher lo pawh hi nangmah pui turin i sawm thei bawk a."'
.
"Chhan leh  vang tha  tak ka nei ang tih ring mai rawh. Tunah chuan engkim i hriat vek loh hi a tha zawk."
.
"Anih chuan ka pui dawn lo che tihna a nih chu."
.
"Min hnial buai reng lo hian i theih ang ang chu lo ti tawp mai rawh."
.
"Ka ti vek tawh maithei asin!" ka va han mawl tak. Sawi loh tur ka sawi tih inhrechhuak in ka ngawi chat a.
.
"I thiltih tawh chu ka hnena thlen nghal tur i ni tih i theihnghilh loh ka beisei."
.
"Eng thil nge itih chuan ang?"
.
"Tuna a buaithlak zawnga awm khan awmzia a nei tawh lo. Ka ruahmanna thenkhat i hre tawh a,  i duh emaw duh lo emaw ka ruala i kal zel angai tawh ang. Chuan i hnathawh tawh chu tunah khan i kawl tih ka hria a, tunah hian min pe rawh." a kut a rawn phar chhuak a, a hmel lan dan chu ka lo en ngar thung a. Eng emaw tal ka hre ve phawt anih loh chuan ka pe dawn lo chiang lutuk tih hi sawichhuah kher pawh ngai ka ti lo.
.
"I luhlulna hi thil tam takah chuan a tangkai dawn a, tunah tak chuan a tangkai lo. Robert nen hian an lo inkawp ngei tih chianna a awm chuan kawng chanve kan thleng a ni mai." thutak zet hian min melh run a.
.
.
Tuna fiahna tur ka neih hi Eleazer hnena ka pek hma leh ka fihlim hma a ni mai, chu bakah Alawmi tan thudik ka hailang thuai thei bawk ang.
.
Ka rilru thlakin ka bag ken chu ka hai rak rak a. Pendrive kha ka bag ah hian ka dah ngei sia.
.
"Light hi on teh."
Light chu a on vat a, ka jacket lain ka malchungah ka pharh a, ka bag a ka thil ah zawng zawng chu ka bun chhuak a. Pendrive chu a awm chuang lo. A mak hle mai!
.
"Enge i zawn?"
.
"Pendrive kha ka bag ah hian ka dah ngei sia."
.
Chik zet hian min en a, min ring lo emaw ni le?
.
"Min ring mai rawh. Nang angin dawt ka ngaina ve lo." ka tih chuan a rum nghat a.
.
"Engtin nge anih theih a. Tlaiah khan Robert te in ah kalin thlalak chu ka la ngei alawm."
.
"Pendrive chu a bo tih sawi suh." a bo anih chuan kei hian a ni aiin pawi ka ti ang. Robert hnenah chhuanlam dang siam a lak leh tum chi a ni tawh lo.
.
"Ka sawi kher ngai lovin ka bag ah a awm lo anih hi."
.
Pawi tih hmel zet hian a kut chuan car steering wheel chu a chum dat a.
.
"Aman thlalak chu i la tih a hria em? Ni lo!!"
.
Thil hriatchhuah nei ni awm tak hian a mit a chhing sawk a.
.
"Robert awm danah engmah danglamna a awm lo. Bakah Robert hian Alawmi chu a hmangaih tih min hrilh alawm."
.
"A thusawi chu i lo ring nghal ringawt amaw? Zorini te in ah khan..room-a ka koh luh che khan i bag hi i kalsan em?"
.
"Kalsan e."
.
A lu a thing nawk a. Min rawn en leh chuan mak deuh hian a mitmeng danglam zawkin min rawn hnaih ruak a, remlo zet hian min kuah bet a. A awm dan chu ka hrethiam lo. Tunah hian min hmutu tumah an awm lova, min kuah ngawt nachhan tur  a awm lo. Hun remchang chuhin he mihring hian min khawih theihna chance a zawng anih teh chuan..!
.
Car kawngkhar glass inkik ri kauh kauh ka hriat chuan ka thu ngil zawt mai. Eleazer erawh thawm chu hre lo ang hmiah a awmin a kut dinglam ka sam karah arawn zen a, ka tukhumah nghet zet hian min vuan a. Glass an rawn kik leh chuan ngaihtheih loh hmel zet hian inla hrangin glass a down a. Robert hmel ka hmuh chuan ka thin a phu nghal dawt dawt mai. A ni hian kan chhui ru reng a ni tih a hria a nih chuan a hlauhawm ngei ang.
.
"Khawngaihin motor hi i hung sawn deuh thei angem, ka motor a kal tlang thei lova. In laklawh hmel viau nain.. Nang.. Hming.. In pahnihin maw?" ahma khan keimah ka ni tih a hre lo a ni ngei ang, ka hmel a hmuh chuan a phu zawk mai. Ka lo nuih ta ngawt a. Min ngaih dan tur ngaihtuahin ka duh lo tak zet.
.
Eleazer ka hmuh atang leh a bulhnaia ka awm atang hian thil tha aiin thil tha lo  hlir a la thleng a nih hi. Ka tan chhiatna tur hmahruai a ni ngei ang.
.
"I hmelhriat ami?" Eleazer chu ka en hau a. Lemchan chu a lo hnehsawh hi le! Ka tawng chhuak thei lo. Za lo zeta nui lui sak chungin ka bu nghat a.
.
"Inthup thei ve a." Robert chu a nui lova, lawm vak lo hmel a pu ni zawk mahin ka hria. Eleazer nen hian an inhria ang tih ngaihna ka hre lo reng reng. Engkim a buai zo vek dawn anih hi.
.
"Ka han tawlhsawn ange. Inhmuh a khat hle mai." a thusawi inzawm loh zia chu hre awm pawhin an awm lo ve ve. An inmelh dan atang chuan an inlawm tehchiam lo tih mi mawl ber pawn an hrethiam ngei ang.
.
"A lawmawm khawp ang." ti liam puatin Robert chu a kalsawn nghal a.
.
"Ka chhuk dawn." tihleh motor atanga chhuk ka rual nghal bawk. Ka malchunga ka pharh ka jacket leh bag atanga ka thil ah zawng zawng ka phawrh kha car chhungah a baw vek bawk.Ka tal buai zo chu a nih tak ber hi. Car kawngkhar chu hawng lehin ka hmuh hmasak apiang ka la nawk nawk a. "Ka lo bia ang che" tia Eleazer min biakna pawh chu ka chhang tawh lo. Hmanhmawh zetin kan in gate-ah ka lut nghal a.
.
Ka rilru a nuam thei lo. Ka mut dawn thleng chuan Eleazer min lo biak hun ka ngaichangin ka phone chu ka melh chhen a. Robert leh Eleazer te hi engtin nge an inhriat? Eleazer khan engvangin nge min kuah kher? Robert hmuh laia infawp anga lan kha enge a tulna?
.
Ka muhil thei dawn lo tih ka hrechiang khawp mai. Zawhna chi hrang hrang ka thluakah a vir nuai nuai a, ka a mai dawnin ka hria.
.
Ka phone nghawr dar dar ka hriat rualin rang zet hian ka en vat a. Min rawn call tu chu min be tura ka rin list zingah a hnuhnung ber a ni ngei ang. Ka phone chu pick up mai lovin thawk ka la vang vang a.
.
Harsatna hran a awm a nih loh chuan sunday tih loh chu zan tin rawn update ka tum a nia. Min lo chhiarsak vangin ka lawm e.
.
COPAS
CHAPTER - 4
.
Thantei_LauraSean
.
H & E
.
"Tabithi?"
.
"I tha maw?" arawn ti zawi raih a.
"Tha alawm. Eng thil nge ni ta?" Tabithi hian phone-ah a hranpa ngatin min be ngai meuh lova, thil pawimawh tak a awm a nih ka ring.
.
"Hman zan khan engmah ka hrilh hman ta si lo che a. Ka zawh duh ber zawk che chu Alawmi khan in thenawm pa Robert chanchin kha i bulah a sawi thin em tih ka hre duh a. Thil awm dan hi kan beisei loh lam daih a ni mai thei a ni. Tunah hian ka theih dan danin chhui zui ka tum a." arawn ti duah a. Engtin nge ka chhan dawn ka hrethiam chiah lo. Eleazer khan kan pahnih chauha kan hriat tur anih thu kha min hrilh a. He thil hi ka la sawilang miah lovin ka hria. Eleazer pui tura kan inrem ni khan ka thiltih engkim, Alawmi kaihhnawih reng reng tumah hrilh lo turin message in min rawn hrilh anih kha. Tabithi hian Eleazer thiltih mek hi a hre miah lo tih a zawhna min zawh dan atang hian ka hre mai.
.
"Sawi miah lo." ka tih chuan thawk a la halh a.
"Engtin nge maw ka tih dawn le. I thiannu khan thil rinhlelhawm engmah a hnuchhiah lo chung hian ka rilru a rinhlelhna awm hi a reh thei si lova. Chanchin eng emaw hriat i neih chuan min lo hrilh thei angem? Hmingte, ka rilru hahna hi min hriatthiampui ka  beisei." ka inthiam lo angreng. Robert leh Alawmi kha an thlalak dun ka hmuh hma leh an lo inkawp ve ngei tih Robert sawi ka hriat hma kha chuan keipawh hian engmah ka hre lo mai pawh a ni lo, rinhlelhna pawh ka nei bik lo hrim hrim a ni. Thil dang a thleng leh a nih chuan Tabi hi ka hrilh ngei ang tiin phone kan dah hnu chuan ka ngaihtuah zawm neuh neuh a.
.
Mutthilh tumin ka bei ngial a, ka tum thlawn mai a ni. Ka harh telh telh zawkin ka hria.
Khum ah chuan ka thu chhuak ta nge nge a. Eleazer pawh chu min lo biak ngei ka ring a nia, a la reh vang vang mai. Zanin a thil thleng vang pawh khan min rawn be ngei tur a nia. Ka rilru a nuam miah lovang tih pawh ngaihtuah thiam tur a ni bawk a. Min ngaihtuah lo hrim hrim a niang! Nia, min  ngaihtuah ngawt nachhan tur a awm hleinem. Atan mi dang hmuh laia hmeichhe fawh chu a tih ngai loh pawh a ni hrep lovang. Infawh chungchang kha chu lo dahtha ta ila, Robert nen an lo inhre reng a ni tih chungchang tal kha chu min rawn hrilhfiah tur a ni. Aaa.. Ka lo ngaihtuaha ka lo dem vak vak hian min rawn biak a tum phah dawn chuang lo. A awm ang chiaha ngawi thei ka ni ve tho alawm! Awmze nei lo zet hian ka phone chu ka melh nghek a.
.
Khum atang chuan tho chhuakin ka room tukverh ka hawng a, ka dak vang vang a. Khawpui eng de chuah chuah bak hmuh tur a awm lo.
Chak taka motor tlan ri hlurh hlurh chu kan in piah deuhah a tawp chut a, ka ngaihtuahna dik tawk loh vang nge ka thil hmuh chu ka chik thar ta riau. Bakah, kan awmna lai hi zanrei tak tak ah chuan a reh deuh thin hrim hrim bawk a. Ka room tukverh chu kharin curtain ka pawt phui a, ka bih ta dek dek a. Eng thil nge hmuh ka beisei pawh ka hre chuang lo.
.
Robert-a te in zawnah mipa pakhat a ding a, tunang zanrei tawhah lehnghal thil pangngai a ni lo tawp mai. Chu mipa chuan hmun hla deuh a mi bia niawm tak hian kut vaiin signal an inpe a, piah deuh atang hian mipa pahnih hi hmanhmawh hmel takin an rawn tlan hlawk hlawk a, thim chin an thlen chuan ka hmu thei ta lo. Ka nghak deuh vang vang a, minute 15 vel aral hnu pawh chuan engmah hmuh zui tur a awm loh vangin ka ngaih a tha leh ta deuh a. Tunlai ka thil tawn thar vang hian ka  ngaihtuahna a kal dik lo mai mai anih ka ring.
.
Ka room tukverh chu uluk deuha kalhin ka mu leh a.
.
Thawm ri deuh nuai nuai ka hriat chuan ka phu chhuak zawk a, ngaihthat lohna in ka khat lehnghal vek. Rang zetin ka tho a, ka room tukverha ka dah ruala ka thil hmuh chu ka awih mai thei lo zawk.
.
Sana ka en a, minute 20 pawh ka muhil hman lo. Chutih chhung lek chuan hetiang thil hi a thleng hman a nia!
Robert-a te in dinglam, Robert-a room awmna zawn chu a alh eng hluah hluah a. Kang thelh tum thawm leh hmeichhe thlabar thawm vang chuan mutthilh theihna chi a ni lo hrim hrim mai.
.
Ka pindan atanga chhuakin inhnuai ah ka chhuk a, ka chhungte pawh an tho vek tih hriat tak hian kawngkapui a lo inhawng huau a. Pawna ka chhuah chuan ka nu'n min rawn pan vat a.
.
"I kal chhuak daih tawh zawk anih ka ring a. A rapthlak zia saw en teh." ka nu hmel ka en chuan a hlauhthawn hmel  ngang mai. "Engvang nge niang le?" a ti zui sap a. Ka hriat a ring emaw ni?
.
"Ka ring thiam bik lo. Current kal sual vang pawh a ni maithei a ni. Hliam an awm em?"
.
"Nichin khan pakhat chu an zawn chhuak a, ka va kal hnai ngam teuh lo mai. I pa lo let hunah kan hrechiang mai ang."
.
Kang nasa zualpui a reh hnu chuan kan in pana ka pa lo kal chu ka nu nen kan lo pan hnai vat a. Ka pa sawi dan chuan current kal sual vanga kang anih an ring a ni awm e. Kei chuan ka ring lo. Kangmei chhuah hma lawka mi ka hmuhte thiltih kha anih ka ring hmiah. Sawi chhuah erawh tul ka ti lo. Ka hlauthawng thar ta riau bawk. In thenawm mai kan ni a, Alawmi leh Robert chungchang ah khan ka lo inrawlh ve hman deuh bawk nen, ka awm a nuam tak zet mai.
.
Inchhung kan luh hnu chuan ka room-ah ka lut vat a. Ka phone ka on chuan missed call a lo awm teuh mai. Eleazer chu ka call back nghal a. A pick up rualin "Thil thleng hi i hria em?" ka ti nghal tawng a.
.
"Enge thleng? Ka muhil thei lova, chuvang a nia ka rawn call che."
.
"Robert-a room zawn a kang vak a."
"Amah enge a an? Inhliam an awm em? A va zialo ve." arawn tawng dan atang chuan pawi a tih tak tak leh tak tak loh a hriattheih loh. Sawi ve mai mai te pawh a ang zawk mah.
.
"Nia, thil chiang ka la hre bik lo. Naktuk zingah ka hre chauh ang. Thihna em a thleng lo a, a lawmawm.."
.
"Ka rawn biak chhan che chu ka rilru ah i awm a."
Awih lo zet hian ka nui hak a. Ka insum hman lo. Nuih hun pawh ani chiah em mawni? Chhiatna thleng sawi lai lai a, a rilrua ka awm thu arawn sawi daih chu a inhmeh lem loh mai bakah ka awih lo ve thlawt.
.
"Enge nuihzatthlak awm?" a rawn ti bul hmuk a.
.
"Ka duh hunah te chuan ka nui ve bawk ang chu. Ka'n mu leh tawh a nge, muttui."
Min chhan leh hmain phone chu ka off a. Ngaih dan nih vak loh hmel taka a thaw hraih ri erawh ka hre hman hram.
.
Ka alarm riin min tih harh chuan ka inlet thawk a. Ka tho peih lo hle mai. Boruak vawt deuh sur vang chuan nilenga mut mai ka chak bawk a.
.
"Bawihi, i harh tawh em? Tho teh." ka nu'n ka room kawngka arawn kik dat dat a. "Saw, Robert-a te in ah sawn va kal ve rawh. Nula thenkhat pawh an kal a nia."
.
"Umm, ka tho.."
.
Phur tehchiam lovin  ka tho a, tihtur a awm emaw awm lo emaw Robert-a te in a kal chu a tul hrim hrim.
.
Ka inphihfai zawh hnu chuan kawrlum hain in ka chhuah san a. Nizan a inchhung atanga hliam tuar an zawn chhuah kha Robert-a nau a lo nia, na lutuk erawh a ni lo a ni awm e. Kang mei chhuah nachhan kha eng chiah nge tih an hre lova, current kal sualah an puh deuh tawp a ni.
.
"Hming, lo kal lawk." Robert-a awmna lamah chuan ka kal thuai a. A hmel atang chuan mi tam zawkin kang mei chhuah chhan a sawi chu a ring biklo tih ka hre mai.
.
"Ka laptop a bo daih a nia!"
.
"A kang tel ve niang chu. A va mak awm ve."
.
"Kang lo tih ka hrechiang. Nizan khan ka room-ah ka riak lo hrim hrim a, David a riak a. Keichu ka  ngaih a tha miah lo." a tih chuan ka mit ka lasawn vat. Nimin tlai mai ah an inah kalin a laptop a Alawmi nen an thlalak ka inthawn ru a, min ringhlel mai angem le?
Robert hmel ka en leh chuan min en lovin a kun deuh a, rilru hah hmel deuh hian a sam a tuai puat puat a.
.
"Mak deuh hian ngaih that lohna ka neih rukna a rei tawh hrim hrim bawk a. Engvanga nangmah kher hi hrilh che nge ka nih pawh ka hre lo."
.
"I laptop ah chuan thil pawimawh a awm si ami?"
.
"Awww..awm lo se tihian ka buai nang. Min va hnem lo ve tak e aw.." nur nung chungin min en a. Tanpui dan tur ka hre hauh hleinem maw le.
.
"Eng thil nge awm a?"
.
"I bula sawi hian awmzia a neih loh hmel emai." atih chuan ka zawt nawn duh tawh lo. Thil pawimawh bo, mipa puitling nasa taka awm nawm loh phahna tham a nih chuan thil eng emaw tak chu ani phawt ang.
.
Minute 30 vel hnuah Robert te in atangin ka haw a, a laptop bo chungchang chu tu hnenah mah sawi lo turin min chah nawn mawlh mawlh a.
.
In ka thlen chuan ka nu ka pui a, chaw kan ei kham hnuah dawra kal turin ka insiam a.
.
 Eng thil nge ka tih thin ka la sawi miah lovin ka hria. Nikum khan MA(Pub. Ad.) ka zo a, hna ka neih hma chu ka nu dawr ka nghah chhawk ve hrih a ni. Exam neuh neuh ka nei reng a, karleh hian interview hmachhawn tur ka nei bawk. Ka tling  ve hlauh anih chuan mahni ke a ding thei ka la ni ve ang chu. Ka pa hi Transport Department ah a thawk a, ka nu sumdawnna nen pangngai takin kan khawsa a, reithei tia sawi tur kan ni hran lo a, hausa pawh kan ni chuang lo. Engkim hi a pangngai tiin sawi ila a dik ber ang. Unau pianpui ka nei lova, keipawh hi ka nu'n harsa takin min hring a ni. Min duat em em rualin 'pangchang leh no nilh nelhin a awm ngai lo' tiin ka nu hian min sawi ve ziah thin. Inchhuanna tur a ni nge ni lo pawh ka hre chuang lo. Hmeichhia hi chu hmeichhia kan nih ang hian awm tawp ila, intih no leh hranpa angai lo tih hi ka thuvawn ve a nia. Mi vannei tak ka nihna thil tam tak a awm bawk.
.
Kurta var ka nu min leisak chu lachhuak in ka ha a, he kawr ka hak hi chuan nalh ka inti ve em em ziah!
Dawr pawh nidang ang bawkin kan lun leh phian mai.
.
"Hming.."  U Seni'n min rawn nghawk zauh a, ka hawichhuah chuan ka beisei loh deuhin ka hma zawnah Eleazer a lo ding reng a. Dawr chhung chu endiktu niawm tak hian a enkual rulh rulh bawk a. U Seni chu ka en leh a, hmuhnawm tih hmel zet hian Eleazer chu a lo en zak zak thung. A awm ve tho mai. Hetiang mipa chhelo lutuk te chu hmeichhia reng rengin an ennawn ziah ang chu maw le.
.
Min rawn en chuan ka lo nuih saih a. Awi, amah thlem tuma nuih erawh ka ni miah lo a nia. A ni pawh a khi ve suk.
.
"Enge i lo tih dawn?" ka tih chuan U Seni a lo thaw hak a, a hmel ka va en leh chuan 'i hria maw?" tih melh a min melh bakah zawhna tam tak a nei tih hriat zet hian min lo en phawk hra mai.
.
"Vawiin chu kalna tur pawimawh kan nei a."
Thu tura ka tih hun nghak lovin ka thutna bulah chuan arawn thu a, min si chet lo hian a thut theih reng sia, min tihbuai a tum ve hrim hrim pawh ani maithei. A lo tum anih chuan a hlawhtling! A rimtui hman rim na em em si lo, mipa rim zet chu hip reng mai ka duh. Hmanhmawh hian!
.
"Lo sawilawk ve tur a nia. Ka hman loh hmel anih hi."
U Seni chuan mi dang a va pun nge mawni, kan dawra kan chhawr ho chu tul vak lovah an rawn dak sek a, an rawn khi tha vek mai.
.
"Hrilhlawk che pawh ni ila hman i inti chuang lovang. Tunah kal nghal ila."
.
"Tunah chuan a theih loh."
"Nizan thil thleng kha hriat belh duh ka nei." ka beng bulah rawn kun hniamin a tawng zawi khawp mai. A hmel ka hmuh rual khan engvanga min rawn hmu nge anih tih ngaihtuah chhuak nghal tur ka nia, chutiang chu ti lovin thil ni lo lo ka lo  ngaihtuah hmanhmawh zawk a nih kha.
.
"Hriat belh  vak tur a awm hmel loh. Zingah Robert chu ka va hmu a. A laptop bo thu min hrilh a. Chu zawng chu." amah ang chiahin ka tawng zawi ve bawk. Sawi rin lawl lawl chi ni bik hek lo le. Laptop bo chungchang pawh hi sawichhuak lo tur ka ni a, ka inthiam chiah lo. Robert tan thil pawi lian tham a nih loh ring phawt mai ang.
 Hnai zetah min en run a, kan thil sawi tak kha a ngaihtuah nge ngaihtuah lo ka hrethiam lo. A mita ka en let chuan hawisawn tum lo ve ve in kan inen ta reng a.
.
"Ehrrmm.."
Ka hawi chhuak zawk a, U Seni'n min lo nuih var var mai. Pangngai thei ang berin U Seni chu ka en a.
.
"Ah, Order kha an lo la dawn a, i hriatpui loha lak tir chi a ni si lova."
.
"Aw, ka lo kal." tih leh thawh ka rual a. Ka chhuah hmain "Min lo nghak lawk mai." tiin Eleazer chu ka melh zauh ringawt. A bu nghut a. Min en zui reng tih ka hriat vang chuan ka tukhum a za mer mer a.
Keihi ka awm dan a dik lo. A hma zawng khan a bula ka awm in hetiang em em a nasa hian ka danglam lo. A tha dawn lo tawp mai. Ni e, a huhang chu a na ngei a, ngaihtuahna dik tak ka neih reng angai dawn thung anih hi. Amah hnaiha ka awm anih pawhin inngaihzawnna chungchang ka ngaihtuah tur a ni lo. Inngaihzawnna chungchang maw? Ka ngaihtuah tan chu anih ber hi a!
Khawi chen mah kan thleng chuang lovang. Ka bula a awm a tul nachhan pawh Alawmi chungchang  vang chauh anih kha. Ka hrereng ang.. Ka hrereng tur a ni.
.
Ka let leh chuan a thutna ngaiah a lo la thu rengin a phone a lo khawih a.
.
"Tlai dar 3 ah ka lo kal leh ang." min en chuang lova tawngin a phone chu ala khawih mawlh mawlh tho a.
"Vawiin chuan ka hman dawn lo anih hi. I hriat tur awm chu ka hrilh tawh che kha."
.
A thutna atangin a tho a, ka hman dawn lo tih chu a pawm ve mai aniang.
.
"Tlai dar 3 ah."
Ka chhan leh hmain a tho a, ka hman dawn lo tih ka sawi nawn leh pawh chu hre awmin a awm lo. A chhuak fel ta maw tih veleh U Seni chu phur zet hian ka bulah arawn kal a. A ni hi chu dawr kan neih tan atanga thawk tawh a ni a, a mawhphurhna a hlen thain kan inpawh khawp mai. A hriat ve tur chin leh inhung hran angaihna chin erawh a awm thung.
.
"Awi awi awi.. Kha pa kha.. Awiii.. Engtin nge.."
.
"Ka bialpa emaw i lo ti ngawt a ni maw?"
.
Ring zet hian a nui chiam a. "Ka kum ang zat i nih ve hunah chuan inmelh zeuh hian awmze hrang hrang a nei tih i hre ve thovang. Tek deuh chhiai chu a awm anih kha.. Aaa...khatiang kha tawng ila chu tun thleng hian ka nula lo chiang ang chu awww.." tiin a nui zui uar uar a. "Ngawi teh, a va mak tak.." awih loh hmel deuh hian min en leh rih a.
.
"A ni lo ka tih kha."
.
"Pha lo mai teh. In inhmeh tawp.. Khatiang kha zawng ve ila a tha ang." min dawr tum an lo kal tak vangin thaw huai chung hian min kal san a, ka nui tawp.
.
Kan buai zui mawp mawp a, Eleazer a lo lan leh chuan tlai lam dar thum a lo ni der tawh tih ka hre chiah. Ka ngaihtuah zui miah lo tih ka hrechhuak tel bawk a. Ka lawm ve ringawt bawk. Nilengin ka rilru ah a awm anih chuan a tha dawn lo em a..
.
"Kal ang le."
Hnial tumin ka en a, mah se, a hmel ka hmuh chuan a lo kal hmasak a ahmel lan dan nen a danglam tih ka hrethiam a. Ka hnial duh  ta lo.
.
"Ka inpeih a ni mai." Ka bag ah ka phone dahin Useni ka ko a, felfai taka ka kal chhuah atul chhan ka sawi hnuah Eleazer nen chuan kan inzui chhuak a.
.
Useni chuan "Tha deuhin aw." arawn tizui hram tho. A tawng chu Eleazera'n a hriat ve ka hlau hle bawk. Ngaihdan diklo tak a neih ka duh lo. Kan inngaizawng angin ka lo sawi kual vel ni anga angaih ka duh lo bur. Duh lo tak ka ni.
.
A cara kan tlan chhuah hnu chuan ka rin lohna lamah a inher ta daih a.
.
"Khawii nge kan kal dawn?"
.
"I hre mai ang." a ti zawi sup a. A mood inthlak chhan hi thil eng emaw tak a ni ngei ngei ang.
.
Ka hawichhuak a, falkland kan thleng der tawh. Helai ah hian eng thil nge tihtur kan neih le..
.
Car a tiding a, kawngkhar min hawn sak chuan ka chhuak ve mai bawk a. Khawi hmunah nge min kalpui chiah tih hriat tumin kan luhna tur building chu ka en a
.
BON APETITE!

Hei chu hman ni lawka restaurant hawn thar kha anih hi. Nawm hmel tiin an page te pawh ka check chiam tak alawm. 'Tunlai khawvel changkang tawh tak milin thalai leh thalai chauh lo tan pawh thian ho inhmuh khawmna atan hmun tha tak anih bakah inngaizawng leh inngaizawng lo tan pawh kal ngei ngei na tur hmun anih hi. Kan dawra thawk ho pawh dinner ka eipui ngei ngei ang' tia ka lo ngaihtuah kha a nia. Eleazer nen hian kan kal ang tih ka ngaihtuah miah lo.
.
Inchhung kan luh chuan a nuamin a hahdam thlak raih mai.
"Helam ah.." Eleazer chuan ka kutah min rawn vuan a, ka phu deuh zawk. A hmel ka en vat a, min en ve loh bakah thil dang daih ngaihtuah a ang ka ti. A ngaihtuahna hi hriat vek zel ka tum pawh a ngai lovang' tiin keimah leh keimah ka inhau leh rih a.
.
Kan thut hnu chuan eitur a chah a, a tawng mai loh vang leh a mood a fuh chiah lova ka hriat vangin ka tawng duh ta bik lo.
.
"I pendrive kha i hmu ta em?" a tih chuan tawngka a chhang lovin ka lu ka thing mat mat a.
.
"Tawngka in min chhang rawh." chiang zet hian min en a, a tawngkam chu a nem lo khawp mai. Ka chungah thinrim na chhan tur eng thil  nge maw a neih le?  A awm dan chu ka ngei hle tih ka thup thei lo. Dak vahin ka en a.
.
"Enge? Ka lakah i thinrim ve ringawt a?" ka tih chuan a mit chhingin thawk a la a. Keipawh ka tawng nem bik lo khawp mai.
.
Arawn men leh chuan a mitmeng danglam in a nem leh ta deuh. Ka kut arawn vuan a, phawk zetin ka en a. A awm dan hi hriatthiam theih pawh a ni lo anih hi.
.
"Ka duh che in ka hria!" a tawng ring lo nain a thusawi chu ka hrechiang lutuk. Rang zet hian ka kut chu ka lasawn a. Ka mitah chiang taka min la en reng chungin ka kut chu arawn vuan leh a. Laksawn leh theih miah lovin a kut zungtang sei tlurh chuan ka kut chu a hum bo hmak a.
.
COPAS
CHAPTER - 5
.
Thantei_LauraSean
.
H & E
.
"Hahdam rawh!" a  nui suk a, ka lak atangin a mit a lasawn chuang miah lo. A ngaihna hre chiah lovin ka nui hak a. Sawi mai tur pawh ka hre lo. Thu taka lak chi a ni em ka hre lova, a mitmeng atang ringawt hi chuan thil hriatchian theihna tur khawp thil engmah ka hmu lo. Min duh nia a inhria chu lawm tur nge lawm loh tur pawh ka hre hek lo.
.
Ka kut chu muangchangin ka lasawn a, min vuan zui ta lo hlauh bawk. Kan thil buaipui chungchang kan sawi anih loh chuan sawi tur a vang ta pharh mai. Vanneihthlak deuhin kan eitur order min rawn chhawp a, rilru lapeng tu a awm ta hlauh.
Kan pahnih chuan tawng leh mai lovin kan eitur chu kan ei a, Eleazer bula awm chu ni lo ila ka ei buan buan ngeiin ka ring.
.
"Ah, pendrive chungchang chu_ Engtin nge kan tih dawn?" ka tita ngawt a. Eng emaw tal ka sawi loh chuan kan awm dan hi nuam ka ti lo lutuk.
.
"Laptop bo leh ta si nen khan inzawmna a neih ka ring. Eng thil dik lo nge awm ang tih chu tunah mai chuan ka hre bik lova. Nangmah i tha hrim hrim em?"
.
A thusawi leh min zawhna inzawm lo lutuk vang chuan ka nui leh sak a. Tuna taka ka that leh that loh min zawt daih pawh chu a mak leh pek. Ka veilama thle deuhin ka en a, a awm dan danglam deuh chu lai te pawh a ang! Nuihzatthlak zawk hian..! Eleazer hi ka en vangin a lai lul lovang.
.
"Nizan i mut that loh hmel sia, nilengin i buai leh a. I dam that loh chuan ka tan i tangkai thei dawn lo a nia."
A mitmeng thuk ruih chu a thutak leh tawh a. Pawh theih loh leh ngeng tak hmel a pu leh tawh bawk. Ka nun hi mipa bulah ka hmang tam lo hrim hrim a, thian mipa ka kawm ngai lo nen a awm dan hi mipa tam zawk awm thin dan anih chuan mak ka ti ngawt ang. Ka thil ngaihtuah chu leh! Mipa zawng zawng awm dan chu a ni thei lo tih ka hrechiang hle alawm. Ngaihzawng ka lo neih ve tawh nen an zia hi a inpersan chiang lutuk a. Ka lo kawp ve tawh ber kha a lo a luakchhuaka min buaipui chiam mai chi a ni a, rei pawh kan inkawp lo ta reng a nih kha. Inngaihzawnna chungchang chu tuna lo ngaihtuah chiam hun pawh ani love.
.
"Thil pawimawh vanga chhuak kan ni khan ka hria a."
.
A bu nghut a, min chhang lovin a eitur chu a ei zawm mawlh mawlh a. Thil pawimawh awm tak tak vanga min hruaichhuak a ni lova hriatna ka neih chu ka sawichhuak lo thei lo.
.
"Thil pawimawh bik anih loh chuan tihtur tam tak ka nei ve tho a, hetia inzui fo hi ka duh dan ani lo a nia. Bakah, min lo hmutu ten ngaih dan dik lo an lo neih phah thei bawk a."
.
"Ka ngaihzawng anga sawi nih chu i duh vak lo tih sawi i tumna a ni em?" min nuihzat hmel deuh hian min en a, mite thusawi thinin a tibuai ve ngai lo a ni ngei ang chu. Keichu chutiang mi ka ni ve lo. Heihi ka nun a nia, ka duh dan danin ka hmang ang tih thu hi a chanve chu a dik ngei a, chutih rual chuan mi dang laka kan awm dan leh mi min sawi dan thenkhat hi chu thudik leh insiamthat kan ngaihna lai a awm thin vangin mi dang thusawi thenkhat hi chu a pawimawh thin.
.
"A dik alawm." ka ti hmak a. Kan inhriat chinah hian hmeichhe dang nen an awm dun lai emaw chumi nen chuan an inngaizawng tih thu ka la hre lem lova, chumi vang ringawt chuan a bulah hian ka awm tam tur tihna a ni chuang lo bawk.
.
"Kei hian duh tlat che ila engtin nge itih ang?"
.
"Ka chhanna tur chu keimah chauha hriat chi anih chu." ka tih chuan a thil eilai dahin ka lamah arawn awn a.
"Ka la hrechhuak ngei ngei ang." a mit a lasawn lo.
.
"Ka sawichhuak anih loh chuan i hre lovang."
Ngeiawm hauh si lo hian a hmui a tisawi zauh a. A hmel chu ka en reng duh ta lo. A duhawmna ka hmuh fuh chuan thil tha ani dawn lo tlat.
Kan thusawi lai chu thu dang daihin arawn thlak a, ka thaw deuh huai. Hetiang zawnga titi fo hi ka tan leh atan hian thil tul tak a ni lo hrim hrim a.
.
Bon Apetite atanga kan chhuah leh hnu chuan min thlah a. Alawmi chungchang emaw, min duhna tih lam emaw kan sawi tawh lo. Ka rin loh deuh deuh zawhna min zawt a, a tlangpuiin ka zirna chungchang leh hmeichhia pasal neih hnua hnathawk thinte tha ka tih leh tih lohte min zawt a. A ni pawh hi ka beisei loh mizia mak tak nei a ni tih ka la hriat belh dawn chauh a nih hi.
.
Kan in kan thlen chuan pangngai takin kan inthlah a, min lo biak a tum thu min hrilh miah lovin min inchhung ka luh hmain a tlan chhuak lehnghal a. Ka thil ngaihtuah chu duh lovin ka lu ka thing na na a, min lo biak a tum leh tum lohvin awmzia a nei lova, a tul aia tam a chungchang hi ka ngaihtuah tan tih ka inhrechhuak a ni. Chu mi vanga ka lu thing ka ni bawk.
A lan dan mipa tak leh hriatchian chakawm tak a mizia hian hmeichhe tam tak a hip thin ang bawkin min hip ve tan a ni ngei ang. thil tha lo tak a ni.
.
Kar khat aliam a, min la rawn be leh ta miah lo. U Seni hian a chanchin min zawt ziah lehnghal a. Tunah chuan arawn lan ngai tak miah loh vang hian kan inngaizawng lo tia ka sawi kha a awih ve tawh ang chu.
.
Nizan khan Robert arawn leng teh tlat bawk. A laptop bo a hmuh leh tawh thu min hrilh chuan ka chik viau tih thup thei ang berin ka zawt chiang a, a sawi tha duh lo viau lehnghal. A hma ang khan ka bulah a titi bawrh bawrh tawh lova, min chik riau hian ka hre bawk. Keihi ka fimkhur angai hle mai.
.
"Hming, hmanni movie i rawn lak khan Alawmi nen kan thlalak kha i inthawn tel em?" a tih chuan angaihna hriat loh hmel taka melhin ka lu ka thing a.
"Tinge a? Ka lak ngawt nachhan tur a awm hleinem." dem let zawk mah ang hian ka tawng lui ngat a. Ka chhungril ah chuan min ringhlel tlat ang tih hlauhna ka nei. Tawng tam palh ka hlau bawk si.
.
"Ka ringhlel che pawh a ni lova, mah se, Tabithi nen nimin khan inhmu a. Min en dan kha a mak lutuk a."
.
"I ngaihbel mai mai a niang. Tabi chuan i bulah sawi a nei mi?" ka tih sak chuan a hmel thutak runin min en a. Hetiang taka a serious hmel hi ka la hmu ngai miah lo.
.
"Nei chuang lo ve." a ti leh mai a. Reivaklo a thut hnu chuan a haw a, rilru hah hmel taka a awm vang khan ka ngaihtuah khawp mai. Thil vei eng emaw tak a nei  ngei ang tih a chiang em em  bawk si.
.
Muhil mai thei lovin ka let sek a. Eng tik laiin nge ka mutthilh tak ka hre miah lo.
.
"Hey, tinge min lo biak miah loh a?" hnai zeta min en in a hmui chuan ka biang a nul zai zai a, ka mur seng seng mai. A ban tha chak zet chuan min kuah chial bawk a. Min kuah dan chu a hahdamthlak bakah mak takin ka thla a timuang veng veng a, ka tal chhuak phal lo. Ka mit chhingin a awmah ka  bei thlar a. Ka awm dan chu a nuam veng veng.
.
Dawn awm lovin ka phu chhuak zawk a. Ka mumang a ni. A taka thleng ang maiin ka feel thei lehnghal. Ka alarm khum sir a ka dah chu lain ka off a. Nidang ka thawh hun nen khaikhin chuan ala hma viau nain ka harh chiang em a ka mutthilh leh  theih ka ring lo.
Ka tho a, ka inbual hnu chuan ka nu thawh hmain eirawng ka bawl tan a.
Ka hla ngaihthlak lai chu ka ringtone in arawn tibuai a, ka thil khawih laklawh lai dahin phone awmna lam ka pan a, caller ID ka hmuh chuan ka tim deuh zawk mai. Ka pick up ta thuai tho a.
.
"Hey, tinge min lo biak miah loh a?" a aw rik dan chu ka mumang ami ang chiah chiah. A aw atang chuan khum ala chhuahsan lovang tih a chiang reng.
.
"Tun ang zing zingah eng thil nge a?"
.
"Vawiin chu hmuh che ka duh a."
"Thil pawimawh thleng a awm vang a ni em?" ka tih chuan lungawi vak loh niawm tak hian a rum hraih a.
.
"A ni thei tho ang chu."
.
Zep miah loha sawi chuan keipawh hian hmuh ka chak ve lutuk tho. Engtin emaw tak angaihawm riau a, ka hlau ru deuh tho bawk. Ka rin aiin ka thinlung hian a  hnaih ta mah mah a ni ngei ang, ka thinlung ah warning bell a ri tlat.
.
Chhang leh mai lovin pawn lamah ka hawi chhuak a.
.
"Ruah a sur hmel sia, ka va chhuak peih awm lo ve."
"Chhuanlam ho tak anih chu."
.
"Bakah_"
"Nimin khan i nu ka hmu a, vawiin hian dawr i nghak dawn lo tih a sawi a."
.
"Engtin a? Ka nu nen engtin nge in inhriat teh daih a?" ka thil beisei loh ber zinga mi a ni chiang khawp mai.
.
"Kawng ka hria alawm. A nih chuan dar 10 velah ka lo hruai ang che." ka chhan leh hmain phone a off a, ka hamhaih angreng. Kan awm dan hi Alawmi chungchang kan buaipui vang chauh a ni ta lo tawp. Eleazer  ngaizawng tur hian ka inpeih em ka hre lo a ni. Aa.. inngaihzawn chungchang chu amah pawh hian a sawichhuak tawh kher nang. Ka ngaihtuahna a kal thui mah mah a nih zawk hi.
.
Rei vak loah min rawn call leh a , thil tul thut a awm vanga min lo hruai hman dawn loh thu leh keimaha Lazarus Hotel-a kal mai turin min rawn hrilh a. Mi tuemaw hmuh tur kan neih thu a sawitel bawk. Chumi vang chauh chuan ka kal dawn reng a ni.
.
Zing chaw kan eikham hnu chuan muangchang leh uluk angreng takin ka insiam a, ka nu nen kan chhuak rual a.
Lazarus Hotel ka thlen chuan ka luh veleh hmeichhe pakhat hian min lo pan vatin room 65 ah min hruailut a, tumah an lo la awm lo. Eleazer lo thlen hun nghakin ka thu ta ran a. Mi hmuh tur kan nei tia min hrilh kha a lo thleng har tawh bik lo maithei bawk.
.
Kawngka a ri rak ka hriat chuan ka thu ngil thuai a. Pindana lo lut chu ka beisei loh tawp a ni leh ta.
.
"Loretta ini tiraw?" ka hma zawna arawn din chuan ding chhuak ve in ka nui a, a ni chuan min nuih let hauh lo. Kan inhmuh hmasak ber ang chiah khan min melh ram ram a.
.
"Khawnge Rinmuana chu?"a tichang fal mai. Loretta hian Alawmi chungchang kan chhuina ah hian inrawlhna a neih ve theih nachhan tur ka lo ngaihtuah daih thung. Ka rin aiin a buai hnawk zek dawn niin a lang tlat.
.
"A lo hruai dawn che anih ka ring a. Thu ve phawt la." ka thusawi awih loh hmel lutuk hian a nui hak a, hnai set sawtah chiang lutuk hian min en a.
.
"Nang hi.. Hei, khatia inlak inno viau kha angai hran lo. I mizia ang hi chu ka lo tawnghnem ve tawh amaw... Rinmuana hi hnaih lo la itan leh ka tan a tha ang." a ner zui sak a. A nungchang mai mai chuh!
.
"Heta lo kal ve tur pangngai i ni lo mi? Eleazer khan_"
.
"Ehee! Eleazer tiin i ko elaw? A hriat laiin i ko tawh em? Nang hi.." min en dan chu ka ngaithei ta hlawl lo.
.
"I nungchang chu a mawi tehchiam lo hle mai." ka ti ve salh a.
.
"Hah... Nangni ang hian kan class nunphung hi in man pha hlawl lo. Ngawi hmenn rawh..!"
A kut rawn thawh vaih se chu kan insual ngei ngei ang. Ka insum hram hram a ni. Hetiang taka inngaihnep hi mihring hian a mihringpui chungah a tihlan duh ka lo ring ngai lo. Ni e, mi tha tak chu ka ni bik lova, mahse, heihi chu a lutuk mah mah chu a nih hi.
"Chuan, Rinmuana hi ka mipa a nia! Ka MIPA.." A thusawi chu ka hriatchian loh a hlau kalh kalh hle mai. "Hnaih lo la a tha tih ka hrilh che anih chu."
.
"Helai hmuna lo kal ve tur pangngai inih loh chuan lo va chhuak tawh rawh." thu ngil auhin ka kut ka kuangkuah a.
.
"Nizan mai pawh khan__"
.
"Loretta, hetah enge irawn tih?"
Loretta nen chuan kawngka lam kan hawi rual thawt a. Kan tawng eng chen chiah nge arawn hriat hman ka hre lo nain engemaw zat chu arawn hria tih a hmel atangin a lang reng mai.
.
"Henu hi i hlata a awm a nih loh chuan ka nasa viau dawn tih i hriat kha.." a rin angin a zam hauh lo. Eleazer rawn tawng ve hma chiaha a thusawi tum pawh kha ka ring thiam deuh ruak. Ka rin dik ngei pawh ka ring.
.
"Tikhan chinfel tur in neih chuan lo chingfel ta ula, ka lo va chhuak ange." ka thutna atangin ka tho a, ka bag ka ban nghal a.
Loretta sawi kha a dik hetiang ho nunphung pawisak nei lo lutuk hi ka paidam thei lo  mai a ni lo, ka hmu peih hlawl lo.
.
"Chhuak suh." Eleazer chu ka en a, a hmel chu rum tha tak a ni. A hmel tha hluah hluah bawk!
.
"Hey, I mutpui tawh vang ringawt khan nangmah chauhin i pumbilh dawn lo tih hria ang che!"
.
"Ngawi.rawh.!" a aw ri vang chuan Loretta chu a tim chawih a, sawi belh tum a neih chu eng thu pawh ni se a hmui a chip zui chiang khawp mai. Keipawh ka bang chuang lo, ka tim ve chawih tho. Ka thin a phu dawt dawt a, Loretta chu a samah ka va tham mai dawn em tiin ka rilru a insual mek bawk.
.
Eleazer chuan min rawn hnaihin ka banrek ah min vuan a, a kut zungpui chuan ka marphu zawih zawih chu a tuai a. A hmel lang rum  tak si leh a kutin min khawih dan dam thlap si chu a inrem hlawl lo. Ka mitmeng atang chuan ka thinrim hle tih min hriatpui niawm tak hian min melh vang vang a.
.
"Ka kal ang. Mahse, in inkawp hi ka remti dawn chuang lo."
.
Thinrim khur hlawk hlawkin Loretta chu pindan atangin a kal chhuak a, kawngka a khar rik thuai hnu chuan a reh zui nghal vung vung a.
.
A thui lo khawp mai. Dah loh aiah takmeuh ka rawn dah hram a ni e. Zanin chu ka ti hleithei lo, naktuk zanah a zia ang. Minchhiar saka ka lawm em em a nia…
.

  COPAS
CHAPTER - 6
.
Thantei_LauraSean
.
H & E
.
"Khatiang ka duh loh vang khan a nia ahma pawh khan mi hmuh tura awm dun fo ka duh loh." Ka thutna lam pana Eleazer muangchanga lo kal chu ka en a. Loretta kha a nungchang mawi lo viau mah se, khatianga a awm chhan kha a tha tawk viauin ka ring. Dik tak chuan mihring tha famkim kan awm lo chung hian a pawng ataka sual ringawt mihring an awm  ngai lo.
Ka ngaihtuah let a, Eleazer nen Zori te ina kan kal zan pawh khan Loretta min en dan kha dawnsawn a nuam lo tak zeta, Eleazer khan a hmuh laiin min la fawp leh ta nghal a nih kha. A rilru a na dawn lutuk! Hmeichhia ve bawk ka nih vangin a nat dan tur ka ngaihtuah thiam.
.
"Engtin nge a ni thlah miah lo chung khan a hmuh laiin min fawh theih zawk a. Heichu nunphung pangngai pel a ni."
.
"A ni kha chu engahmah ngai suh."
A thusawi chu awih lo lutuk in ka nui hawk a. He mihring hian thinlung a nei lo a ni ngei ang. Lainatna nei lo..
.
"Kan inkar a tawp tawh a, chiang takin ka sawi vek bawk. I thik anih loh chuan en liam mai mai rawh.." Leh zel chuan..! Tak zet hian a!
.
"Thik hauh lo mai. I lakah mi dang thik turin ka ngaihzawng i ni lo. I  inngai ropui mah mah a nih chu."
.
A nui suk a, "Ka ngaihzawng chu i ni tawh reng alawm." min rawn hnaih mah mah tawh. Ka thu tha sauh sauh a. A thusawi chu a fiamthu a ni ngei ang. Min duh nia a inhriat thu a sawi bak kha chu inngaihzawnna lam engmah kei hian ka sawi ve lo. Ka sawi lo  mai pawh ni lovin, ngaihzawn tumna ka nei lo. Heichu ka ti mah mah mai thei. Ka duh ve deuh ngei a.. Ni lo, ngaihtuah lo zawk ang. Ka lo duh mah mah tawh pawh a ni zawk mai thei! Chupawh ni se, amah a indah sang mah mah a nih hi. Hetiang mipa hi ka ngaizawng thei lo ang.
.
"Inngaihzawnna thil chu dah tha la, helai ka kal chhan hi tunah sawi rawh. Tunge mi dang kan hmuh tur chu?" ka ti zung zung a. A bulah hian rei tak awm ka duh lo. Ka hnial theih hauh loh turin awm palh ta se.. Ni e, a duh chuan a awm thei ngei ang chu. A bula awm a, hnar fithla thak thei tur hian ka inringtawk lo a ni.
.
"Hei vang hian a nia i bula awm hi a bul atanga tan tha leh zel ang ka nih. Ka phur khawp mai." a la ti tak deuh deuh a. A hmel lang thim raih chu ka en tha ngam tawh lo.
.
"I thluak ah khan thil dang a awm  miah lo a mi a? Kan inhmuh a tul chhan chu eng thil nge?" ka tinawn leh ngat a. Tunah chuan ka hma zawnah chiah a ding tawh. A pheikhawk nalh zet chu ka en ran a. Inringtawk zet hian a kekawr ipte a kut pahnihin a zen a, a hmel ka en chho leh chu ka tisual ta a ni. Ngeng ngulh leh a duhzawng ka ni tih thup hauh lo hian min en chhuk run a. Eng emaw nghah nei hmel a pu bawk.
.
"Enge?" inti huai luiin ka en chho ha a, min chhang lova min en reng vang chuan ka zam lehnghal chu a ni der.
.
"Ka duh che tih ka sawinawn leh ang. A danglam bawk."
"Mihring zawng zawng inang chiah kan awm hleinem."
.
"Chutiang chiah chuan.. Ka duh ang che tih hi ka hrelawk bik lo."
.
"I ngaih ang khan ka danglam bik lo mai thei. I duh loh thleng thleng ka umzui lovang che tih i hre miah lo."
.
A chhan ka hriat lohin a nui hawk hawk a, a nui hmel tha lutuk chu ka en reng a.
.
"A nih chuan kan enchhin dawn em  niang?" ka bulah arawn thu thla a, hahdam hmel zet hian a thu awn deuh a. A mal sei thlurh leh a rim fai zet te chu  ngaihtuahna tibuai tham chu a ni chiang a ni. A thawmhnaw hak zawng zawngte chu ata tur bik liau liau a siam anih ngei hi!
.
"Enchhin kher chakna pawh ka nei chuang lo. Chuan, tunge lo kal tur chu?" ka la ti ve tang tang a. Thil dang ka sawi pen loh chuan a tha dawn lo. A sir zawngin ka en a, a ni chu dak deuhin ceiling a en vang vang a. Hetiang khawpa  mipa nalh leh mi hip tak hian min duh tih a sawi a nia. A mak ka ti lo thei lo. Hmeichhe pangngai ve mai tan chuan a tha mah mah niin ka hria.
.
"A lo kal dawn lo." chiang zet hian min rawn en a, a thu ngil nghal bawk a.
.
"Anih chuan hetah hian eng titurin nge ka kal? Ka hun min khawhral sak reng hi a dik lo hulhual."
.
"Keimah nen inhmu turin. Chiang lova awm reng hi ka duh lo bawk a."
.
"Eleazer_"
.
A hminga ka ko chu duh chiah lo niawm tak hian a lu a thing deuh a.
"Tuna min koh dan kha ka duh tehchiam lo ania."
"I hming a nia.."
.
"Engkimah min hnialna tur i hre zel hi a mak. Chuan, ka ngaihzawng i nih dawn vangin ka thil chhui turah hian i tel thei tawh lo. Tunah chuan min tanpui angai tawh lovang."
.
"Mahse Alawmi chungchang hi hriatchian ka duh alawm. Chuan, ka ngaizawng dawn che tih ka sawi miah lo."
.
"Min duh ve tho tih ka hria." a inringtawk lutuk chu vawm chawrh ka chak lutuk.
.
"Ka duh che tih ka lo inhre hauh lo mai."
.
"Tak zet..?" min rawn hnaih hret hret a, ka tawlh hla ve zel a.
.
"Tawp rawh. Ni e, i hmel chu a tha alawm!" che zui lovin min en a, a mitmeng danglam zawk chu ka hrethiam lo. Ka sawi loh tawp tur ka sawi tih erawh ka hrechiang lutuk mah mah. Ka aw ka thian kharh a, "Hmeltha ka tih zawng apiang ka  ngaizawng duh tihna a ni lo tih lo hre tawh ang che." ka tho a, ka bag ka ban chuan ka banah min lo vuan chat a. Ka rinlawk dan chiah a ni nachungin ka thaw a sak nghal talh mai.
.
"I thinlung duh dan kha i hnial kher angai hleinem!" a lang thutakin a tawng zawi khawp mai. A kutzungpui chuan ka banreka ka mar phu dat dat chu a khawih a. Min hnaih lehzual thei turin arawn ding chhuak bawk a. "I rilru ah hmun ka chang ve ngei a ni tiraw?" a kut lehlamin ka biangah min vuan a, ka ngaihtuahna ka hmang hleithei lo. Ka duh chiah em? A ni nena inngaihzawn hi ka duh reng em? Oh! Nichin mai khan ngaihzawn ka tum loh thu ka ngaihtuah zo chauh a ni lawm ni? Duhzawng tak mipa nena inngaihzawn chu enge a pawina? Ka rilru mumal loh zia chu..
.
"Hahdam rawh.." ti supin arawn kun hniam a, dimte hian ka chal ah min fawpin ka hnar ah min fawp leh a, ka maimitchhing ta ringawt. Ka hmui a min fawh chuan ka mur chuai chuai ni hian ka inhre ber. Zori te in kan kal zana min fawh dan nen khan a inang miah lo. Ka lung phu dawt dawt ri chu a hre phak ngeiin ka ring. Ka khup a zawi deuh hnawk a.
Ka inhriat hma hauhin min fawhna chu ka chhanglet a, rum hakin ka tukhum ah min vuan a a duhthawh sawt khawp mai. Keipawh ka dang chuang lo. Hetiang hian mipa fawhna vangin awlsam takin ka danglam ang tih ka ngaihtuah ngai lo. A danglam lutuk.. A kut chuan ka hnungzang ah min zut zai zai a, ka mawngbawr ah khawihin amah hnaih lehzual turin min pawthnai a, ka kut chu thununtu awm ang mai hian a awmah ka nghat a, ka kut dinglamin a tukhum samah ka khawih bawk a. Ka pha thei lo, min fawh dan vang hian ka taksa awm dan a danglam vek.
.
Tawngkama inbe lovin kan infawp mawlh mawlh a, ka kawr chhunga arawn zen chuan harhchhuak zawkin ka hmui ka lasawn a, la duhkhawp lo tih chiang zet hian a rum hraih thung.
.
"Ka_" ka kut pakhatin ka hmai ka hup a, ka ngaihtuahna buai nuai  nuai chu min hriatthiamsak tih min hrilh tum niawm tak hian min kuah bet ta thlar a.
.
"A pawi lo." a ti sup a. A thinphu zawih zawih ri chu ngaithlain a kawngah ka kuah let a. Ka hnungah min chul hauh hauh a.
.
Heti hian kan inngaizawng ta ringawt tihna a ni mai em?? A va mak dawn ve! Awlsam mah mah min ti angem? Min lo nuihzat ru viau ang a? Ka hnial a, ka infawh tir leh tho bawk si. Min fawp ringawt pawh a ni lo, kan infawp anih kha. Kei hian ka rilru zawng zawnga feel chungin ka fawplet alawm. Hetiang hian mipa lakah awlsam takin ka awm ngai miah lo tih hi a hrethiam angem? Zawhna ka ngah lutuk.
.
"I tha em?" ahmaa a awm dan kha a inthlak vek tawh. Min ngaihtuah hmel ngawih ngawih hmelpu hian min en a, ka tha tih hriattir nan ka bu nghat a. Ka awm dan hi ka nuih a za ringawt lehnghal. Ka insum hman hmain ka nui hak a. Mak tih hmel deuh hian zawhna min zawt mitmengin min en a.
.
"Tinge?"
"Engmah.." ka nuih leh chuan nui ve sukin, ka nuih chhan keipawhin ka hriatthiam loh chu min hriatthiam sak niawm tak hian ka hmuiah rang deuha min fawh leh zauh hnu chuan min kuah ta hlu hlu a. A nuam veng veng  nia..
.
Lazarus Hotel atanga kan chhuah hnu chuan hmun dangah kal lovin kan in ah min thlah a, lo leng turin ka sawm lo. A tul lem lovin ka hria.
.
Zanah kan inbia a, ngaihzawng nei ta hluah hluah hian ka inhria. Ka rin loh dan takin Eleazer ka ngaihtuah chuan ka hlim veng veng lehnghal. Khumah muin ka inngaihtuah vung vunga ka nui leh ringawt thin. Hetiang hian ka awm dan a danglam tih chu hria se min induh khum nghal duh hial ta ve ang. Tleirawl ngaihzawng nei  ngai miah lovin a vawikhat nan ngaihzawng a nei ve a, a hlimin a zangkahi ta em em ang hi ka intehkhin deuh ber.
.
Ka mutthilh dawn chuan ka phone message tone ri chu chiang lo riai in ka hria a, ka check peih tawh lo. Tui lutukin ka muhil zui nghal bawrh bawrh a.
.
Ni hnih chhung chu kan inhmu leh ta lo. Dawrah ka kal a, kan buai leh em em a, Eleazer ngaihtuah vakna hun pawh ka nei ta lo. Kan inbe reng tho a, a ni pawh a buai ve reng tho a min rawn pan turin ka phut lem lo bawk. Naupang chhia ang maia inngaizawng tih vanga inhmuh reng tum rual pawh kan ni hleinem maw le. Ka ngaihtuah lo emaw ka intih kar hian ka lo  ngaihtuah reng zawk a nih hi.
.
"Ka bialnu hi a lo tha em?" ka phu chiang lutuk! Dawhkanah thil ziak felin ka kun ngar ngar a, a thawm ka lo hre lawk miah lo a ni. Ka awm dawmin ka en chho ha a, min lo nuih suk a. A kawr var hak chuan a tilang lian zualin ka hria.
.
"Lo thu rawh." ka ti mai a. Dawr khar a hun dawn tawh tho vangin hnathawk ho pawh an inthlak a, keipawh ka insiam tan bawk a.
.
"Ka ngai tawh che a." ka kuta arawn vawn chuan nui chungin ka en ringawt a. Ingaihzawnna chungchang ah experience ka nei lo hle tih hi a lan lutuk loh ka beisei. "Dinner ei dun ang aw?" a tih chuan hnial ka tum zet nain ka hnial leh ta lo. A bula awm ka thlahlel ve em em tho tlat.
.
Hnathawk ho an haw kim hnu chuan dawr kharin keini pawh kan chhuak a. U Seni chuan signal min la rawn pe hram. A ni hian Eleazer chanchin min zawt sek a, a duh ang erawh ka hrilh ngai lo. Inhungna chin neih a tul tih thu kha ka sawi tawhin ka hria.
.
Hmun dangah chaw eiin ka chhuak dawn tih ka nu ka hrilh hnu chuan a car dahna lam kan pan nghal a.
.
LOOP'S Restaurant kawta kan din hnu chuan car atangin kan chhuak a. Helai hmunah hian ka la kal miah lo. Mimir tana kalna chi a ni lo hrim hrim bawk a. Hetiang hmuna min hruai hi mak ka ti dawn zeta Eleazer dinhmun ka ngaihtuahin thil awm lo a ni hauh lo tih ka ngaihtuah leh ta zawk a. Kan dinhmun a inchen lo em a, ka tana thil thar hi atan chuan engmah a nih dawn loh bakah ngaia a lo neih tawh vek a ni ngei ang.
.
Min lo hmutute chuan min en duh bik riau hian ka hre leh pek a. Kan thutna tur kan thlen hma hauh pawhin Eleazer chuan amah ngaihven taka lo betu a nei nual  mai. A hmelhriatte hlir an kal khawm emaw tih mai tur a ni. Ka kal hlatsan hlau niawm tak hian ka kutah min kai a, min ngaihsakna a lantir dan pakhatah ngaiin lawm takin ka lo vuan let ve bawk a.
.
Eitur a chah chhung chuan ka lo hawi kual ru rek rek a, dawr chhung chei dan chu hmuh a hahdamin engkim mai chu sum tam tak hu a ni vek ang tih a chiang.
.
"Ni hnih liamta chhung khan enge i lo tih le?" ka thil en lai atang chuan ka mit lasawnin Eleazer chu ka en a.
"Phone ah ka hrilh tawh che kha."
.
"Tunah ka hre leh duh alawm."
"Anih nangin enge i tih?" ka tih chuan nui sukin ka kut arawn vuan a, a hmer vang  vang a.
.
"Ka tan chuan engkim hi a thar ang mai a ni. Ka ngai che." amah aia nasa hian ka ngai ang tih ka ring. Ka rilrua ka thlakhlelh dan lutuk hi ka hlauthawng zawk hial kha a nia. Ka  hmui chhunglam ka seh  zauh a. A mitmeng lang thim raih leh thutak hmel chu ka en let kalin ka nui a.
"Ke__"
"Hey, Rinmuan, tha maw?" Mawizuala leh Tetei te maw? Mak ti vak tur ka ni lo. Anni ho hi helai hmunah ni lo khawi hmun dangah nge an kal chuan ang.
.
"Tha alawm."
.
"Kan lo zawm lo mai ang che u. Table hran kan lo hauh tawh sia. Kan inhmu leh thuai ang chu." Mawizuala chuan nui sung chungin a ti leh zung zung a. Min rawn melh zuk zuk bawk. Tetei chuan engmah sawi lovin chik tak hian min en kal thung a. Rilru tha lo hmel a pu hran lo.
.
"A nih phawt u."
An kalsawn chu ka enzui a, Eleazera'n ka kut arawn hmer leh zauh chuan amah ka en leh ta chauh. Mawizuala leh Tetei awm chhung zawng pawh khan ka kut hi a thlah miah lo.
.
Hmanhmawh hauh lovin dinner kan ei dun a, a hma zawnga kan awm duna thleng ngai miah lo angin kan boruak pawh a cool raih mai. Zawhna min zawtin a ni pawh chuan inhawng takin a chanchin thenkhat a sawi ve bawk a. Ka lo rin ang mihring a ni lo tih ka hre belh zel dawn anih hmel. Mihring pangngai ni ve lo leh, pawisak nei miah lo mihring a nih bik loh zia pawh ka hre chhawm zel ang chu. Chu aia pawimawh ber zawk chu min ngaihven tak zet tih a thup hauh lo chu a ni. Hetianga inngaihsakna bak hi hmeichhiain mipa lakah duh a nei bik hleinem.
.
Dinner kan ei zawh chuan Loop's atangin kan chhuak a.
.
"Hmun danga kal i duh em?"
"A la hma tho a, kal pawh pawi chuang lo."
.
"Um, a nih chuan ka in ah movie en ila, a tlai hmain ka thlah leh dawn che nia." a tih chuan ka lo bu nghat a.
.
Kan inkar thil hi a thleng chak mah mah em tih ka hre lo a, midang ngaih dan lak pawh ka tum chuang lo. Mi pahnih kan lungruala kan inngaizawng anih chuan inhrechiang tura hun kan hman dun chu sual pawh a ni chuang lo. Nu leh pa hriatpui tlak erawh ni se.
.
A in kan thleng a, a awm tam vak lo a nih ka ring a bungraw tam zawk leh thutna ho chu puan var hian a inkhuh dulh vek mai.
Thut khawmna pindan niawm tak lamah chuan a kal a, ka zui ve mai bawk a. Puan var chu pawt hlimin leather sofa ah kan thu dun a. Kan movie en duh kan select hnuah pheikhawk phelhin inkuah rialin kan thu dun a.
.
Minute 20 vel aral hnu chuan kan movie en chu kan ngaihsak zui tawh lo. Min rawn fawh chuan ka lo chhanglet ve mai a, duhthawh zawk pawh kan awm thei tawh lo. A kut chuan zei zet hian min chul kual ruai a, amah ang thoin ka thiam dan leh ka duh danin ka lo chhang let ve zel a. Ka kawr a phelh a, ka thawmhnaw hak dang pawh avaiin a phelh ta. Hnial tur ka ni a, mahse ka hnial phal lo a ni e! A taksa khauh tang leh nalh lutuk ka hmuh a ka khawih bawk hnu chuan ka rilru leh taksa zawng zawng chu alakah ka pe ta. Ka pasal lakah chauh ka inhlan ang tia ka lo intiam thin leh ka bawhchhiat ka rin ngai miah loh dan ka vawn tlat thin kha tun mai khan ka duh thu ngeiin kei hian ka bawhchhe ta a ni!
.
Zawi zetin khum atanga thawh tumin ka che a, Eleazer chuan min kuah bet leh vat a. Engtin nge khum hi kan thlen ka ngaihtuah let thiam miah lo. A ban thahrui ngah tih hriat zet.. Ka hre zo chiah! a banah chuan ka vuan a.
.
Inbeng kangin ka mitah min en a, ka samah min chul hauh hauh bawk a.
"Ka tih palh!" a tawng ring lo.
.
A tawngkam hman ka hriat chuan ka vawt sung sung mai. 'Ka tih palh' tih thu hi hetiang tih zawh chiaha hman tur thu dik tak a ni reng em? Mi zawng zawng hian... Ni lo! Ka ngaihtuah zawm duh lo!!
.
COPAS (HEARTS)
.
CHAPTER - 7
.
Thantei_LauraSean
.
H & E
.
Tawng tumin ka ang ziau a, ka aw a chhuak thei lo. A hmel pawh ka en ngam lovin thawh ka tum a, thawmhnaw engmah ka inbel lo tih hrechhuak thar lehin rilru na lutuk hian kan puansin chuan ka intuam a. Engmah a sawi zui loh vang chuan kan thiltih zawh chiah kha keimah ang thovin a inchhir hle ang tih pawh ka ring. Ka mawl leh at em vanga kha thil kha thleng a ni. Lo dang ni ila kan tisual hauh lovang. Dem tur awm chu amah hi ni lovin keimah hi ka ni. Keimah hi!
.
A hmaa ka ngaihtuah ngai miah loh keimahah bei tlat tura duhna ka neih khan sual lian ber min tihtir ta anih hi. Chetsual pui em tur hi chuan kan la inkawp rei lo mah mah asin. Mahse, tunah chuan inchhir a sawt tawh lo!
.
"I ngaihdan ang kha a ni lo nia. Ka_" nghet zet hian min rawn kuah chawt a, ka awm ang ang chuan min thlah tawh ngai lo tur ang mai hian min kuah nghet zual sauh sauh a. Ka la tawng chhuak thei chuang lo. "Ka tan i hlut zia i ngaihtuah thiam kher lo ang." zawite a tawngin ka samah min fawp vang vang a. Tlem chuan ka awm a nuam leh ta deuh. Ka thinlunga hlauhthawnna awm erawh a reh vek chuang lo. Tuna kan awm ang chiaha min thlahlel leh min thlah thei ngai miah lo tur hian engtin nge ka siam theih tak ang? Chu chu ka ngaihtuahna a thil lo lut leh hmasa ber a ni. Min kalsan anih chuan ka khawvel hi a chhe vek dawn. Chu thil chu a thlen ka remti ngai dawn lo.
.
Min kuahna chu thlahin a kut pahnihin ka biang tawn tawnah min vuan a, amah en turin min kuai dak deuh bawk a. Engmah a sawi tawh chuang lo nain a mitmeng dam thlap ka hmuh chuan a rilru tur awm ang ka hrethiamin ka inhria. Tawng tawh lovin kan inkuah ta vang vang a.
.
"Dar engzat nge? Haw tawh ila a tha ang" ka ti sep a. Eng chena rei nge ngawi renga kan awm ka hre lo.
.
Thawmhnaw kan inbel leh hnu chuan a in chu chhuah sanin min thlah a. Kan in pana kal kal lai te chuan a hmel chu ka lo en leh veng veng thin. Ka en reng a ni tih a hriat ka duh loh vangin pawn lam kan en ta daih a. He mipa, hmeichhe tam takin a bulhnaia awm an duh em em leh an theih dan ang anga hnaih an tum thin hi ka ta a ni. Ka ta chauh. Ka neih hlu ber ka pek a ni bawk.
Ka kut arawn vuan a, a hmel en in ka nui sak a.
.
Ka nin kan thlen chuan rawn chhuk ve tawh lovin kan infawp vang vang a, inchhung ah ka luh san a. Ka room ah lutin light ka on, a motor tlan chhuak thawm ka la hriat loh vangin tukverh ka hawng a, pawn lam ka en chuan a lo la awm reng. Min hmuh chuan a nui suk a, zaizirin phone-a min lo biak tur thu min hrilh hnuah muangchangin a tlan chhuak a, a tlan liam hma chu ka thlir zui vawng vawng mai.
.
Ka inbual leh zet hnuah ka mu fel than a, ka mut erawh chhuak lo tih piah lam a ni thung. Eleazer nen kan awm dun dan kha ka ngaihtuah let a, amah ka ngaiin ka thlahlel ta hluah hluah ni berin ka inhria.
.
In a thlen thu message a min rawn hrilh hnu chuan mutthilh tumin ka mit ka chhing lui a, ka hriat loh karin ka muhil ta hlauh.
.
Nidang aia hmaah thovin inchhung a tihtur awm ang ang ka ti zung zung a, ka taksa na deuh thum chu engvang nge tih ngaihtuahin ka nui sak a! Ka zahpuiawm hle mai a. Tunah tak hian nizan ang khan hlauhthawnna ka nei ta miah lo. A tha lamah ka ngai tawp mai ange.
.
Ka nu a dam that meuh loh vangin dawr kal turin ka insiam a, karleh hi interview ka neih hun tur a lo ni der tawh. Eleazer ka tawn hnu hian ka zirlai leh ka thil tumte ka lo mangnghilh titih der a lo ni. Harsa takin hna nei ve thei turin written test ah ka tling ve tawh a, interview pawh tha taka hmachhawn ka tum ngei ang.
.
Dawr ka thlen chuan a la hma angreng. Ka hawn hmain U Seni leh Chhuana an lo thleng ve chiah bawk a.
Kan chanpual theuh kan thawk nghal mial mial a ni ber e. Chhun lamah Eleazer hmuh ka inring viau
nain a lo kal miah lova, phone ah pawh kan inbe chuang lo. Be chak em em pawh ni ila amah hauh tlat leh engtiklai pawha a awm dan hriat tum anga lan erawh ka duh lo bur.
Nilengin thil thleng a awm lo. Dan pangngai, ka nundan pangngai angin hun ka hmang ral a ni mai e.
.
Zanah pawh min rawn be chuang lo. Ka ngaihtuahna a luah reng vangin a that leh that loh tal hriat ka duh a, message ka thawn pawh chu a check leh chuang lova. Min kalsan a duh nghal rum rum anih ka ring. Ka thil  ngaihtuah vang chuan ka thin a phu nghal dawt dawt mai. Ka awm ang hian hmeichhe tam tak, pasal neih hmaa chesualte hi an awm ve tho angem le? Alawmi bula ka sawi thin ka tawngkam ngeite kha ka hrechhuak uar uar a. Eleazer hian a nupui atan min nei anih phawt loh chuan thlamuangin ka nunng thei dawn lo tih ka hrechiang lehzual ta. Nizan a ka thil tihsual khan engtiang taka nasa in nge nghawng ala neih zel dawn le?
.
Ka phone arawn rik chuan ka mu tawh chu ka thuchhuak nghal hlawl a. Caller ID ka hmuh chuan ka thaw huai huai mai.
.
"Aw" ka tisap a.
"I mu tawh mi?"
"Mu love.__ Vawiin i buai em?"
.
"Um, buai khawp mai. I lo tha zel em tih hriat ka duh a." a thusawi awmzia chu ka hria. A ni chuan experience angah tawh a, engkim, ka awm dan tur nen lam a hrethiam vek ang chu. "Min lo ngaihtuah em?" awki hniam raiha arawn tih chuan a aw hriat nuamti zetin khumah chuan ka mu riai riai a.
.
"Ngaihtuah lo maithei."
"Ka rilru a na dawn anih chu." a aw chu fiamthu angin a lang  miah lo lehnghal. "Ngawi lawk aw." phone chu a off a, kar awm hman lovin min lo call lehnghal a. Video calling hi ka ngaina lem lo asin. Chutih rual chuan nilenga a hmel ka hmuh tawh loh vangin ka hmu chak em em tho. Ka sam ka hui mam sawk sawk a.
Ka pick up a, tawng lovin ka phone screen a a hmel lo lang chu chiang deuhin ka en a. A ni pawh a mu ve tawh tho anih hi.
.
"Ka bulah hian lo mu la?" ka chhan dan tur hriatchak hmel zet hian a mithmul a tiche zauh a.
.
"Chutiang khawpa min ngai anih chuan min lo pan tur inia lawm."
"A ni maw?" mak tih hmel deuhin a awm vel a. Eleazer hi mi hlim thei tak leh tuna zangkhai taka a
awm ang hian hmuh ka lo inbeisei ngai hauh lo. A mizia thutak leh nelawm loh taka a lan thin phenah
hian hetiang mizia hi  alo nei reng a ni tih mi nazawngin an hre dawn lo tih ka chiang.
.
"Ka ngai che.." ka tih chuan thaw huaiin hahdam hmel tak hian a mu tha a. Harhchhuak thut niawm tak hian "Lo nghak lawk rawh." tih leh dawn awm lova phone off a rual a. Eng thil nge tih a tum le? Tunang hunah chuan a lo kal peih ka ring si lo. Tihtur pawimawh a nei thut aniang. Naktuk ah chuan min hmu tura alo kal lo anih pawhin ka be hmasa anga hmuh ngei tawh ka duh ang. A bula awm leh min kuahna ringawt pawh ka thlahlel. Hmeichhe maksak takah ka chhuak ngei dawn anih hi. Ka pawi sa lo. Eleazer ka bulah a awm anih chuan engkim a tha vek.
.
Ka inlet thawk a, rilru hlim veng vengin ka maimitchhing a . Ka muhil dawn tep tihin ka phone rawn ri a, ka phu deuh zawk mai. Ka phone screen ka en a, Eleazer  hming ka hmuh chuan ka thuchhuak nghal hlawl a.
.
"Tinge? I muhil tawh a nih ka ring a."
.
"I room tukverh ah khan lo dak rawh."
"Maw??" a thusawi chu ka hrechiang lutuk. Khum atangin ka zuang tho a ni ber e. Ka room tukverh hawngin ka dak dek dek a. Kan in gate pawnah a car ka hmu a, amah ka hmu lo thung.
.
"Lo chhuak rawh. Minute 2 hun i nei." Phone a off nghal a. Thu min pe tawp lo khan tawngkam pangngai deuh pawhin a sawi theih reng sia. A lehpek ah chuan thu min pe tawh lo turin ka hrilh ngei ang.
.
Muangchang lovin khum bula ka kawr dah chu lain ka room atangin ka chhuak a. Ka nu leh pate an mutthilh tawh ka ring tho nain thawm ka dim khawp mai.
.
Gate pawnah ka chhuak a, amah ka la hmu mai lo. Amah anga min biain misualin min ko chhuak a ni thei angem? Ka hlauthawng deuh thut a, ka hnunglamah tawlh hlekin inchhunga luh leh tumin ka inher a.
.
Ka hnunglam atanga min rawn kuah thut chuan ka phu chiang lutuk. Ka te thawt lo chauh a ni. Ka hriat than tawh tak rimtui hak ka hriat chuan ka inthlahdul nghal thuai a.
.
"Min tihlau hman alawm." ka ti hlak a. Ka thin erawh a rim zui hran lo. Alam hawi turin min kuai hera, min en leh vung vung hnuah nghet zet hian min kuah ta chauh a. Ka ban chu ka thunun miah lova che ang mai hian a kawngah ka kuahlet ve thuai bawk a. Ka him tih ka inhriatna chuan ka awm a tinuam  veng veng lo thei lo.
.
"Miin min hmu ange?" a ualau angreng sia, miin min hmuh chuan ngaihdan dik lo tak an nei ngei ngei ang.
"Tihian awm rih ang." min kuah nghet sauh sauhin ka samah a hmai a phum a, thawk a la tih ka hre thei.
"I rimtui chek chek hi ka ngai tawh lutuk." zawi lutuk mah mah hian a tawng a, ka lo mur ar ar thung. Ka laka nghawng aneih hi amah hian hrethiam tak ang maw?? Hrethiam lo se a tha zawk ang.
.
"Lut ila." car-ah kan thu lut a, min la vuan reng tho. Kan thu fel chiah a duhthawh zet hian min fawp  nghal a. Kan inlakhran leh meuh chuan kan thawk dan a pangngai lo dun hle tawh. Ka hmel chiang zeta en chungin ka kawr chhungah a kut arawn zen lut a, ka beisei loh dan lutuk anih vangin ka ang pham a, a kut ka vuan vat bawk a.
.
"Hetah chuan ni lo.."
"Ka hria alawm. Lo hhnai la, ka lo kuah ang che." a tih chuan ka nui sak a. Tun aia inhnaih lehzual dan vak hi a awm tawh chuang lo.
.
"Eitur ka lo keng a." a ban veilama min la kuah reng chungin a eitur ken chu a ban a.
.
"Tunang hunah engmah ka ei thei tawh hleinem. I riltam chuan nangman ei la."
.
"Thau i hlau tih min hrilh duh suh."
"Tlemte in. Dul lianpui leh biang puar lian deuh ka nih chuan.." ka hmuiah min rawn fawp leh a... He mihring zunah hian ka uai lo thei lo. A awm dan leh a chetphung te, a thiltih duh dan leh a mizia, a vai hian ka duh a, ka mamawh vek.
"Eng ang pawhin awm la nangmah i ni tho alawm." ka hmui la si reng chungin a tawng a, sawi ve tur ka hre lo. A nghawngah ka ban pahnihin ka theih tawpa nghet hian ka kuah a.A ni a thaw huai thung.
.
Eleazer hi ka hmangaih a ni! Aw, ni e. Hmangaih lo ni ila ka thianghlimna pawh kha ka hlan hauh lovang. Ka hrechiang lutuk.. Mipa dangin min khawih a ka feel ngai miah loh chu Eleazer lakah hian ka feel a ni. Ka chhungril thlengin.. Amah chauh hi ka tana mipa awm chhun, ka damchhung atan ni ngei rawh se.
.
Minute 20 vel anih ka ring, kan thut duh vang vang hnu chuan inchhung ah ka luhsan a. Kan titi lem lo. Ngawi rengin kan inkuah a, kan lung a awi em em tho anih kha.
 A tlan chhuah leh hma chu ka room tukverh atangin ka en reng leh pek a. A tlan liam hnu chuan kan inhlat ta vawng vawng hian ka hre ringawt bawk. Ka a zo vek tawh a nih hi!
.
Ni a liam bek bek a, kan inngaihzawn atang khan kar hnih a lo liam ve leh reng tawh. Eleazer hi ka laka a awm danah sawisena tur ka hre lo. Chhun lamah inhmu thei lo mah ila, zanah kan in ah arawn kal mai a, Zantin rawn kal turin hun a nei bik lo tih pawh ka hria a, kan awm dun theih hun chhung chu inthlahlel takin kan hmang mai a ni.  A thiante nen pawh kan inhmu ngai ta meuh lo. Party naa kal turin an sawm reng thin  tih ka hria a, ka bula awm a duh zawk vangin a kal a tum lo tih pawh a sawi kher ngai lovin ka hrethiam ve mai. Mi tawng tam a ni lo hrim hrim bawk a, kum lamah rual pha lo hle mah ila kan inrem thlap.
.
Alawmi chungchang ka ngaihtuah chhuak fo a, a la chhui zel em tih ka zawh apiangin engmah a sawi tha duh lo thung a. Inrawlh turin min duh lo tak tak tih ka hrechiang thawkhat tawh a ka zawt zui duh tawh lo. Alawmi chungah khan thil dik lo a lo thleng ngei anih chuan Eleazer hian min hrilh dawn tho tih ka ring nghet hmiah a ni. Tlai lama kan inbiak khan zanin hi a lo kal hman dawn loh thu min hrilh a,  thil pawimawh buaipui tur a neih vangin lo kal turin ka ngen lui ngam lo ve bawk a ni.
. 
Kan in pawn lama thawm ri hluai ka hriat rualin ka piah lawka thu ka nu chu ka en phawk hra a. Ka nu pawh keimah ang tho. Inhrilh chawp pawh ngai lovin pawna thil thleng en tum chuan kawngka kan pan nghal rawk rawk a.
.
Police lo awm ka hmuh chuan eng thil nge thleng tih hriat ka chakna chu a nasa leh zual sauh bawk. Thawm a rawn awm leh a, Robert-a te in atanga lo chhuak a ni. Eng thil nge maw thleng le?
.
An kawngkapui chu a ri thuai thuai a, Police pahnih hian Robert an rawn hruai chhuak a. A hmela thinrimna nasa lutuklang chu ka lo hrethiam thuai bawk a. Ngaih that lohna in ka  khat nghal vek. Alawmi chungchang nena inzawmna nei thil a awm ngei ngei ang.
Kan bulhnai an lo thlen chuan kalna tur kawng kan lo kian a. An kalna kan dal pawh a ni chiah lo, an zavaia an hmel landan kha a tha lo em a, chuvanga kawngsir pan kan ni zawk mah. Kan zawn an rawn thlen chuan Robert chu a ding chawt a. Ka thin a phu nghal dawt dawt mai. Chiang lutuk a min enin a insehruh bawk a.
.
"Nangmah vek hi ini tiraw?" a insehchilh nasa lutuk a, a tawng tha hleithei lo. A khur deuh dawt dawt bawkin ka hria. A ngaihna hre lo zet hian ka en a, ka nu pawh chuti bawk. Ka nu chuan enge thil awmzia ti niawm tak hian min rawn melh zui zat bawk a. Engmah ka hre lo tih lantir nan ka lu ka thing a, Robert chu kha zet hian a lo nui hawk thung.
.
"I la hre khawp ang. Ka haw hle che tih lo inhre rawh." a tawng chu a la sehchilh nawk nawk tho.
.
"Kalpui r'u" Police pakhat arawn tawng chuan an kalsawn pui a. Robert chuan min la rawn enzui tak tawk tawk a.
.
Ka nu nen inchhung ah kan lut a, Robert awm dan khan ka awm a tinuam lo lutuk tak zet a ni. An man chhan kha eng thil nge naih ka hre lo chungin rin dan chu ka nei ngei a, mah se, kei min mawhpuh turin eng thil nge hriat a neih?
.
"Bawihte, Robert thusawi kha enge maw a awmzia le? A mak ka ti emai a.."
.
"Ka hre bik lo. Tunhnai teah phei hi chuan kan inhmu khat lutuk." tiin ka thaw halh a. Ka ngaihtuahna chu kan inchhung ah hian a awm lo chiang hle.
.
Ngaihtuah chhuah ka nei. Tunah ngei hian Eleazer ka biak angai a ni.
"Nu, ka room-ah ka chho a nia. Thil awmzia ka hriat chuan ka hrilh vat ang che." ka tih chuan ka nu chu min ngaihtuah hmel takin a bu ban khawp mai.
.
Ka room-ah tlan lutin Eleazer ka call a,a pick up thei miah lo lehnghal. A buai laklawk a niang. Minute 10 vel ka nghak a, ka call leh pawh chuan a la pick up thei chuang lo. A in ah ka va kal mai dawn em niang? Zan ala rei chuang lova ka nu pawn a phal maiin ka ring. Ka room atang chuan chhuah nghal ka tum zet a, a lo pick up tawh tak mialin tih thu ah Eleazer chu ka call leh a. A ring quit leh dawn emaw ka ti hman_ arawn pick up ta hlauh..
.
"Eleazer, thil pawimawh lutuk.."
.
"Sawmzuala zawk, Eleazer hian a phone a kalsan anih hi. Nakin ah lo call leh mai ta che aw, a rei lovang."
.
"U Sawmzual,keimah_Hmingtei_" U Sawmzuala hnenah hian engmah ka sawi thei lo. "Ah_aw, nakin ah ka lo call leh mai ang. Khawiah nge in awm hrim hrim a?"
.
"A in ah. Hei, thian ho kan inhmukhawm a. Tinge i biak duh teh tlat a? Phone number nei khawpin in inhria tih pawh ka lo hre lova." a nui a, thil mawi lo leh sawi awm loh sawi pawh a ni lova Eleazer nen kan inkar thu hrilh lovin ka nui ve mai a. Inkawm mah se Eleazer hian a la hrilh duh lo a ni ngei ang. Ka lo sawi thawt thawt nachhan tur a awm hek lo.
.
"Thil pawimawh han zawh lawk tur ka nei a. A nih phawt aw."
.
"A pawimawh viau chuan lo kal la. A in i hria ang chu tiraw?"
"Hria e. Aa, naktuk ah.."
.
"A sumdawnna thil anih phei chuan.."
.
"A nih phawt le. Ka hmanhmawh deuh a." min chhan leh hmain phone ka off a. A in a va kal chilh em nan chuan.. Ni lo, a pawimawh lutuk. A hrim hrimin zanin hian a hna vanga buai tur niin a insawi a, a thiante nen an inhmukhawm lehsi a maw?
.
Awm hle hle thei lovin ka vei kual sek a. Ka pa pawh a committee na atangin a lo haw na a rei tawh a, ka nu nen an mu diam tawh. An muhil tawh hial ang. Sana ka en a 12 a pel tawh.
.
Che over min ti anih pawhin a ti ti chuan lo ti mai rawh se. Zanin hian Eleazer ka hmuh ngei ngei angai anih hi. A thiante pawn an haw san tawh ka ring.
.
Ka kawrlum lain hmanhmawh zetin in ka chhuah san a, Eleazer in panin ka scooty chu chak angreng deuhin ka khalh a. Zan dang ang chu ni se tunang hunah hian ka chhuak hauh lovang tih ka chiang. Mahse, Robert min en dan atang khan thil dik lo tak a awm ngei ang tih ka chian em vang leh ka mut theih dawn chuan loh vangin ka kal chhuak mai lo thei lo a ni.
.
"Eleazer in ka thlen chuan a lo reh thiap a, a awm ngei tih chian nan leh a thiante awm an la awm em tih chian turin ka call leh a, a ring quit leh tho. Pawn lam atanga a lan danin a thim thap tawh bawk si. Kawngka kik tumin ka kut ka tin zet a ka tim leh deuh rih.
.
Helai chen chen ka kal tawh' tia inngaihtuah leh in kawngka chu ka kik a, inchhung lam thawm a la awm chuang lo. Kawngka chu ka nem deuh a, ka beisei loh zetin chhung lamah a lo inkalh lo. Ka lut ve tawp a, ka thusawi a hriat hunah hetia ka lut tawp hi awm a ti  ve tho ang.
.
"Eleazer., i awm em?" inchhung eng chu a dul ruih a, a room.. ah..ahmaa kan awm dun tawhna kha! ka tim deuh..
.
Hmun dang zawng thim deuh siin a room chu a eng pup tih ka hmuh chuan ka nui sak a. A la meng tihna a ni. Pawnlam atang khan a lang miah lo.
.
A room kawngka chu ka hawng a, an rawn hawi rual thawt a. Nia, 'AN' tia sawi angai. Amah hmachhawn zawngin a malchungah Loretta a lo thu a, thawmhnaw an inbel mumal lova an pahnih chiahin he pindan ah hian an awm bawk! Helaia ka kal chhan leh sawitur ka neih chu sawi ber tur hre lovin ka thluak ah an darh nuai nuai mai.
.
"What the fu*k! Enge i rawn tih dawn a?" Loretta chu a vin kher mai. Ka lei chu ka dangah a bet a niang, ka tawng thei lo. Ka ham haih lutuk. Eleazer chuan muangchangin Loretta chu a malchung atangin a chhuktir a.
.
"Enge i rawn tih dawn?" min rawn hmachhawn a, a hmel atangin hetianga an lo awm lai ka hmu hi a lawm nge a thinrim tih a hria theih loh. A hmel lan dan chu a blank vek, a rilru tur awm ang ka hre thei lo. Ka en tlawk tlawk a. ka la tawng thei chuang lo. Tawng ka tum a, min lo hmutu chuan ka awr puar awk awk chu a hmu thei ngei ang. Ka hriat dan a nia, ka nghawngah hian a inhnawh nasa lutuk a ni. Engmah ka sawichhuak thei lo.
.
"Heihi.." thawk ka la kawk a.
"Heihi.. Enge?" a ti vawt ruih a, tah chiah chuan a ni helai hmuna ka kal hi a lawm lo tih ka hriat tak!
A ngaihzawng, hmanni lawka a mutpui hmeichhia hi hetiang hian tunah min be lehsi maw?
.
"I sawi tum chu eng pawh ni se, hriat ka chak lo."
.
"Ka__"
.
"Tawng a harsa anih kha tawng tum lo mai rawh." a ti leh hmiah a. A awm dan hi a mak in rapthlak ka ti lutuk.
.
"Khawngaihthlak hian a..!" min nuihsawh tih hriat zet hian Loretta chu a lo nui sawng a. Thawmhnaw hak leh pawh a tum chuang lo a niang. Bra a ha lova, a dang chu a inbel leh inbel loh ka en duh lo. Ka hre lo. A zah loh ahnu..!
.
"I lo chhinchhiah miah lo tih ka hre mai. Nimin kha kan inremsiam atanga thla khatna chiah a nia. Tunah chuan ka zalen tawh alawm. I lo hre miah lo ani maw?" Eleazer hmel chu ka en ngam tawh lo.
.
Ka mit a thim mup a. A ni thei lo. He mipa, ka hmangaih, Eleazer hian ka thianghlimna kha infiam nan a lo hmang reng anih chu! Ka taksa ka insangmar vek a. Nikhaw hre lova ka tlu anih chuan engtin nge min tih zui ang? Ka ngaihtuah ngam lo. Ka inrin hmain ka mittui a baw zawih a. Ka mittui tla chu a hmuh loh nan rang lutuk in ka inher nghal vat a. Ka rang tawk em tih pawh ka hre chuang lo.
.
"In thiltih lai kha tizawm leh rawh u. Ka kalsan ang che u." engtin nge hetiang hian ka tawng chhuah theih zawk? Ka aw pawh ka rin aiin a ri a pangngai. Ka taksa khur nasa lutuk chu inthunun tum chungin ka kalsawn a, ka kal chak thei der lo. Cher khawng tlat ang mai hian ka awm.
.
An thawm ka hre zui lova, muangchangin, ka theih tawkkk a chakin ka kal a. Ka hriat chinah chak taka tlan theih ka la chak ber tum a ni chiang khawp mai. Kawngka chu dim tein ka khar a, chumi rual chuan ka khawvel hi a tawp ta! tih ka ngaihtuahna ah chiang lutuk hian a lo lang zawk a. Ka zawi nghal hnawk.
.
Inti chak luiin ka tha neih zawng zawng ka sawm khawm a, ka scooty chahbi ka vuah sual nawk nawk hnu chuan ka tlan chhuak thei ta hram. Ka rilru a mumal lova, kawng thlangah chuan ka tlan liam mai dawn em ni? A ni thei lo.. Ka tlan kawi nawk nawk a, vawihnih ka tluk hnu chuan ka ngaihtuahna fim deuh hun nghakin kawng sirah ka ding a. Ka ngaihtuahna a fim tak tak chuang lo. Scooty chu tinung lehin ka tlan chhuak leh a, ahma ai chuan a zia ta deuh.
.
Engtin tin emaw kan in ka inkhalh thleng a, ka nu leh pate tih harh hlau takin inchhung ah ka lut a. Ka room ka thlen chuan bathroom-ah ka lut a tap thei si lovin ka mittui a tla zawih zawih a.
.
END OF FLASHBACK
COPAS (HEARTS)
.
CHAPTER - 8
.
Thantei_LauraSean
.
H & E
.
Ka phone chu ka en ngawt ngawt a, ka awm dan danglam ta ah hian puh tur dang ka hre tawh lo. Ka theih tawp ka chhuah a, Eleazer hian ka lakah engmah a sawi duh dawn lo tih hre chungin ka be leh thin a. Ka chhungril takah hian beiseina nung mak tak ka neih reng hi a chhan leh vang ka ngaihtuah chhuak zo lo.
.
Zana Loretta nen a pindana ka hmuh hnu khan thu chiang zawk hriat duhin vawi hnih zet chu a office-ah ka kal chilh a, a landana hmeichhe nasa tak, a hnawl chung pawha amah hnaih talh duhtu hmeichhiate zingah ka tel ve ta reng mai tih ka inhre chung pawh hian ka bei talh talh lo thei lo a ni. Engvang nge tiin min zawt maw? Ka thianghlimna ka hlan mipa in min kalsan tih hi ngaihtuah ka duh lova, ka thianghlimna min laksaktu chuan ka damchhung in min kalsan tur a ni lo. Hmeichhe derdep leh dawm ngai ka nih hriain ka hmangaih vanga ka thilpek chu a ngaihlu em em tur a ni dawn lovem ni? Ka chhungrila hlauhthawnna ka neihte hi 'I ngaihtuahna hah mai mai anih kha, hlauthawng suh. Ka kalsan ngai lovang che.' tiin min hnem tur a ni. Ka thil neih hlu ber latu hian min ngaihlu miah lovang maw? A aia thil hlu pek tur ka nei hauh hleinem. Ka nei let leh ngei ngei tur a ni. Engpawh ka ti mai ang.
.
Ka va kal ni khatna ah chuan a secretary anga a neih, amah hmutu tur apiangin an appointment letter an pek luh zelna nu chuan min lo dang chat a.
"I appointment letter ka hmuh phawt loh chuan i lut thei lo." ner deuh nang hian min en a, hetiang khawpa tuihnai lo tak ang maia min entu hi tumah an la awm ngai lo. Ka la na khawp mai. Ka tan hian hmuh a tul em a, mawilo takin ka awm thei lo tih ngaihtuah chungin "Ka hming i sawi chuan min ko lut nghal dawn tho a, Hmingtei ka nia." tiin ka nuih lui sang a, ka thusawi chu a awih loh zia a mitmeng ah a langchiang nghal vek.
.
"Nangmah ang hi vawi tam tak an lo kal tawh thin alawm. Pu hian a ning tehmai a nia. In mawl hi ka ti.. Hetianga mihur ang maia mipa umzui hi zak ve deuh teh u, pasal te hmaah ni lo in inphelh ruak mai zel a.." min ti chiam a. A thusawi duh dan leh tawngkam chuan min tina teh e. Mahse, haw ngam tur ka ni lo. A duh phawt chuan  mihur tiin min sawi thei ang chu. Eleazer hi ka pasal a ni lova, pasal neih hmaa mipa mutpuitu chu mi tenawm ka ni reng a ni. Pathian mit hmuha sual lian ber a ni bawk. Eleazer laka ka inpek chhan 'hmangaihna' tih thumal hian min chhanhim thei chuang lo. Ka duh reng vanga mutpui ka nihna vang pawhin engti pawhin min ko se haw ngam tur ka la ni chuang lo. Insiamthat nan erawh ka hmang thei ang chu. Eleazer khan ka duh lo chung min vau beta min mutpui chu ni se a dan a dang daih. Tihluihna hmang min mutpui chu ni se la hetianga min koh vang hian ka sual let ngei bawk ang.
.
"Khawngaihin min hrilh sak rawh." ka ti ve tang tang a. Eleazer hmuh tuma pawnlama thu ho chu kan tawng an hriat phak leh phak loh hriat tumin ka melh zauh a. An hre pha lo a nih hmel. "Khawngaihin..?"
.
A lu thing mut mut chungin min en kul a, "Ka fanu rualpui inih vang chauhin ka hrilh ang. Lut rawh." a ti hmuk hmuk a. Hmaichhana tawngkam nalh lo taka min koh vang khan tlem chuan nuam lo a ti ve deuh a ni mahna le.
.
Intercom a Eleazer a biak hnu chuan a pindan ah chuan ka pen lut thuai a. A ni chu dawhkanah paper inchhawp hnawk nuaiin eng emaw hi a lo ziak mawlh mawlh a. Ka lut chu min lo en lo hrim hrim.
Ka zah theih lohna zawng zawng sawm khawmin thu tura min hrilh nghak lovin dawhkan bula chair ah chuan ka thu a.
.
"Eleazer.." min chhan hun nghakin ka ngawi dat a, ka hmel hi hmuh peih loh tur khawp em a chhia a ni bik lo tih ka hre chungin Eleazer tan hi chuan en peih loh tur khawp a hmuh ninawm a lo ni ngei a niang, arawn hawichhuak lo hrim hrim.
.
"Ka hun min khawhral sak turin lo kal nawn tawh suh." a ti hmuk a. Hmangaih taka ka lo kuah mipa hi tunah chuan ka tan mikhual ang mai a ni tawh.
.
"Awlsam takin ka kalsan dawn lo che." ka ti nghat a.
Min chhang mai lovin a rawn hawichhuak ve ta nge nge a. A pen ken lai chu a dahthla a. A hmel lan dan chu ka la hmuh ngai loh ang a ni.
.
"I tum emaw tum lo emaw hnawl inih chuan min kalsan chu angai si ang!" a tawngkam ka hriat chuan ka tum vang ni miah lo hian ka hrawk atangin ri arawn chhuak a, ka tap pawh a ni chiah lo. Ka kawchhung ril ber thleng hian min fan rawih rawih tih hian a sawifiah chiah em ka hre lo.
.
"Eleazer.. Ka_Ka__ Ka engkim ka hlan che kha.." za lo lutuk hian a nui suk a.
.
"A tawk e, sawitur ka nei lo. I chhuak thei ang."
.
Min ngaihsak zui miah lo hian dawhkan a paper chu lain a chhiar a. A nih ngei dawn hi. Atan chuan engmah ka ni lo. Ka mit ngeia ka hmuh hnu hian a chiang lehzual a, mahse ka beidawng dawn chuang lo!
.
"Ka bansan chuang lovang che. Bul kan tan dawn khan i duh loh chen chen ka umzui lovang che tih i hrelawk lo tih ka sawi lawk tawh kha."
.
"Min chhuahsan rawh.." a tichang bawng a. Min en dan atang chuan engmah sawi zui loh a fuh zawk ang tih ka hrethiam. Ka thutna atang chuan thovin ngawi rengin ka chhuahsan a.
.
A secretary ka hmachhawn hmain thawk ka la a, ka thinlung natna hi ka hmelah a lan chhuah ka duh lo. Min rawn hmuh chuan ka beisei loh dan takin a lo nui suk a.
.
"In inbe thei maw? Pindana i pen luh ruala thehchhuah i ni lo chu amak hle mai." a lo ti duh lek a. A hmelah chuan ka thlen tirha mi nikhua lo tak anga min en ang khan min en tawh lo thung.
.
"Min luhtir vangin ka lawm e. Ka kal phawt ange." ka ti sap a.
.
"A tha e."
.
Ka dawta lut tur arawn kal a, keipawh ka kal chhuak ve nghal bawk. Ka thinlung rit lutuk chu ka tuar zo lo mai dawnin ka hria. In ah haw nghal lovin ke in ka kal kual a, ka hah hnep hnu chuan muangchangin in lam ka pan leh ta chauh a.
.
.
In ah pawh ka nungchang pangngai ka hloh tih ka nu'n a hrethiam a, engmah ka sawi loh vangin eng thil nge thleng tih min zawt lo thung. Zanah ka muhil thei lova, ka tap thei hek lo. Ka ngaihtuahna ka kawm vak vak a. Nau pai ila tuna Eleazer awm dan hi a danglam angem tih ka ngaihtuah chuan ka harhchhuak zawk mai.
.
Ka hna turah ka interview hun a thleng a, ka va hmachhawn ve mai bawk a. Thil harsa em em leh ka hriat loh thil engmah min zawt lo. Ahmaa duhthusam ka neih ve thinte kha chu a thamral vek tawh a, tihchak ber pawh ka nei tawh lo.
.
Ni thum aral leh hnuah Eleazer hmu turin ka kal leh a. Mahni inngaihhlutna nei lo lutuk tia min dem duh anih pawhin pawi ka ti therte lo. Ka duh tak nei tur chuan ka theihtawpa ka beih a thiang alawm! Inlaichinna ah hian chuti chuan atha tia mi sawi nazawng hi zawm theih a ni lova, chhungrila ka ngaihtuahna luahtu leh ka tih duh hi ka ti phawt a nih loh chuan dam ni ka nei dawn lo tih hi ka ngaih dan a ni. Ngaihdan tha tak erawh a ni lem lo maithei bawk. Mahse, heihi ka nun a ni a, engpawh tawk ila thutlukna siamtu tur chu keimah tho ka ni. Chuvang chuan engpawh tawk dawn ila tha ka tih angin ka kal phawt ang. Tlawm ka intih vang ringawt hian ka bansan thei lo a ni. Min hrethiam thei dawn chuang lova, chuvang chuan min lo judge dawn anih pawhin ka tawn ang tawng ve tawh i nih loh chuan min judge fuh chuang lovang.
.
A vawihnihna atan Eleazer office ka thlen chuan ka rin loh takin a secretary chuan min lo nuih sang a, thil hriat a nei pawh a ni maithei.
.
"Appointment letter nei lo bawkin i lo kal lehpek em?" min tih chuan ka nui lui sak a. Tawngkamin ka chhang lo. "Luhtir tawh lo tur che a order ka hmuh loh vangin ka luhtir thei ang che." a thusawi chuan beiseina min neihtir a, mahse a daih rei lo kher mai.
.
Eleazer office ka pen luh rualin amah chauhin a awmlo tih ka hre nghal a, Loretta hmel ka hmuh chuan ka ding a, ka va pawh mai ngam chiah lo a ni. Ka dawihzep mange!
Loretta nen an awm dun vang hi ani ngei ang, ka luh min phalsak mai nachhan kha. Ka tan beisei tur a awm lo tih ka hriatchian lehzual theih nan te pawh a ni thei ang chu.
.
"Eng thil nge ka hmuh hi?" Loretta chu a thutna atanga thovin Eleazer awmna lamah a kal a, min hmuhchian zawk duh niawm tak hian a kut kuangkuah at in min hmachhawn a.
.
Tunah hian ka huaisen ve angai tih ka hria. Ka dinhmun hi duhawm lo hle mahse ka hmachhawn ngei ang.
.
"Eleazer hi biak ka duh a." Loretta chu ka en a. Zam miah lo anga lang turin ka insangmar nasa lutuk. "Kan inbiakna hi midang hriat atan i duh kher lovang." tiin Eleazer chu ka en leh a. Min en ngur a, ka keler atanga ka chhip thlengin hmaih palh neih hlau niawm tak hian min en bawk. Oh! Amah tina thei turin hmanrua ka keng em tih hriat a duh  pawh a ni mahna.. He mihring nunrawng hian a taksa hmelhem a duh hauh lo tak ang chu. Ka ngaihtuah na vang chuan ka nui sak a. Thawlehkhata ka mood inthlak thut thut thin hi engvang nge ka hre bik lo. Tunah tak hian ka zam miah lo bawk.
.
"Min lo va chhuahsan mai dawn em niang?" Loretta chu ka en a, awm dan tur hre mai lo niawm tak hian Eleazer nen chuan min entawn zak zak a. Ka hmuh tawh chinah mahni inringtawk lo a ka hmuh vawikhatna a ni hial ta ve ang. Huaisen tak anga ka lan hian mi thenkhat chu ka chhungril hmuhtir lovin mi huaisen angin ka lo lang thei reng a nih hi.
.
"Lo va chhuak rawh." Loretta chu a en zawk a. Kal chhuak zawk anih a inbeisei lo aniang chu a ang vei phawm a. A kal chhuah hma chuan Eleazer hmai zawnah a kun hniam a, a fawp dawn ni a ka hriat vangin ka en ngam lo. Ka kawr zut mar niawm tak hian ka kun daih a. Ka thinlung hi na leh tur chuang a awm tawh lo nia ka hriat vangin an infawp lai hmuh hi ka mamawh  lo hulhual.  Ka hawi chhuah leh chuan Loretta chuan min kal pel tawh. Ka huaisenna sawmkhawm tha lehin Eleazer chu ka hmachhawn a, ka sawitur hian engtiang takin nge a thawn dawn ka hre chak khawp mai.
.
"I lo dam tha em?" ka ti sap a. Ka thinlung a  tina em em chung hian duat takin min kuah leh se tih ka va'n chak em! Amah ka ngaih zia leh ka thlakhlelh zia ka aw a langchhuak chu a hre ngei ang. Mi chaklo nia inhre ngai miah lo hi tunah chuan ka chaklo em em tih ka inhria a, ka pawm lo thei hek lo. Ka thiltih zawng zawng leh ka tlawmna zawng zawng hian awmzia a la nei ngei  ang. Hetiang thil zawng zawng ka tih chhan hi amah ka hmangaih vang chauh a ni bawk tih hi a hre lo thei lovang.
.
"Eng thil nge ni leh ta?"
.
"Eleazer, ka ngai che." ka tawng chu a ri chang chang a ni. Amah ka en chuan thawk a la tih ka hria a, a mit a chhing deuh bawk.
.
"Chutiang ringawt ngaithla tur chuan hun ka nei lo."
.
"Tak zetin maw? Loretta khan i bulah hian enge a tih si?"
"I lo buaina tur a awm lo."
.
"Tunah hian nau pai ta ila, i hmeichhe kawp chungchang ah sawi theih ka nei a ngem?"
.
A in thunun nasa viau tih a bek tang pawng talh talh atang chuan ka hre thei a, a mitmeng erawh a ngai reng. A lang vawt raih tho.
.
"Nei chuang lo. Ka hnawl tawh che tih inhre reng rawh." a tawng ring bik lo. Ka beiseina neih thin kha mei alh de ve ve vur tui a leih hlum ang mai a ni ta.

A hmel chu en mai ngam tawh lovin ka malchunga ka kut ka dah chu ka khawih nauh nauh a, sawi leh mai tur pawh ka hre tawh lo. Eng thu nge ka sawi leh ang tih ka ngaihtuah a, ka tum dan ni hauh lo hian ka nui hul hak a. Hma lamah awn deuhin hnunglamah ka awn leh a, ka la kun reng tho. Ka rilru ah eng thu mah a awm lo. Sawitur ka hriat tawh loh chuan helai hmunah hian eng thil nge tihtur ka la neih? Engmah!
.
Ka thutna sir a ka dah ka bag chu la in nghet lutuk mah mah hian ka hum a, ka thutna atanga thovin ka inher a, a office atang chuan ngawi rengin ka kal chhuak a. Ka chhuah rualin Loretta chu a lut lehnghal hmiah bawk. Tihpalh ni hauh lo hian min su sawk a, chhanglet tur emaw sual let tur emaw pawhin ka tha ka seng thei lova, ka ngaihtuahna ka seng hah peih tawh hek lo. Lan mawi tuma nuih luih pawh ka thei ta hauh lo mai.
.
Eleazer secretary'n ka hmel min hmuh chuan ngaih tha chiah lo hmel pu hian min en a.
.
"Office number hi min pe thei angem? Ka rawn kal tawh loh takin."
"Pe thei e." a ti tha ve mai a. Card min pek ka lak hnu chuan amah pawh be tawh chuang lovin pawnah ka chhuak nghal vang vang a.
.
Ni hnih dang ral leh chhung chu office pawh ka be ta chuang lo. Chak taka awm turin ka inhrilh mawlh mawlh a, tunah chuan office-a va kal leh tumna ka nei tawh lo. Engtik ni ah emaw chuan Eleazer hian amah ka hmangaih vang chauha va kal a, tlawm taka ka hmu hram hram ka ni tih a la hre chhuak mahna. Hre chhuak lo tawp pawh nise enge pawi! A changin ka thinrim em em a, a chang leh khawhar ngawih ngawihin ka tap bawk a.
Ni hnih aral hnu atanga vawiin thleng hian Eleazer that leh that loh hriat ka duh vangin a secretary chu ka va be ta zauh zauh a. A that thu ka hriat hian ka thaw huai thin.
.
Vanneihthlak lutuk in ka interview naah khan ka tling ve hlauh a, nitin hna a kal angai ta hian ka ngaihtuahna thenkhat a la peng ta hlauh zawk a.
Muang lutukin hun a ral ve bek bek a, thla khat chuang zet chu Eleazer hmel ka hmu tawh lo chung hian ka ngaihtuahna erawh a luah reng. Hun herlet leh theih a engkim siam that leh ka chak thin zia hi chu sawi ngaiah pawh ka ruat tawh lo. Ka dam chhunga ka theihnghilh tawh ngai loh tur ka tawn vang khan ka thinlung chhungah hian hmun a chang reng tawh dawn tih hi ka hrechiang em em a, a chanchin dang hriat pawh ka duh chuang lo. A dam tha em tih chauh ka hriat hi a tawk. Hmeichhe dang nen an chanchin ka hria anih chuan tuar zo lovin thil atthlak tak ka ti leh lovang tih keimah ngei pawh hian ka chiang ngam lo tlat a ni
Mahse maw, zawimuangin ka ngaih dan thenkhat hi ka thlak a tul dawn. Ka hmangaih, a hun hmaa ka thianghlimna ka hlan ngei mihring hian engatan mah min ti tawh lo. Atan chuan ka tana thil hlu ber kha a infiamna hmanrua pakhat ve mai a lo ni a. 'Inchhirin ban a chen' tih thu hi ka tan chuan ka nep lutuk. A hun hmaa sex ka hman vang khan ka inchhirna hian ka ban chauh a chen lo, ka ban a pel a, van a tawng hial anih hi. Tawp chin a awm dawn lo. Hmeichhia kum tling lo leh mi tam tak ka tih ang tisual ve zingah harsatna tawk an tam tih ka hria a, a then chuan an nunna hial an la tih pawh ka hria. Inchhir vawng vawng hian engmah a siam tha thei tawh si lo. Ka thil tihsual vang hian midang tanpuitu tal ka ni thei mahna le.  Tisual ve lo tura hrilh pawh ka tih ngei tur a ni bawk ang.
.
“Bawihte, lo chhuk teh, inleng I nei a nia..”
.
Ka nu min ko ri ka hriat chuan ka ngaihtuahna atanga harhin ka tho chhuak a. Tun ang hunah tunge maw lo leng tur awm le?
.
Inhnuai ka thlen thlak chuan ka beisei loh lutuk ka hmu nghal pang mai.
.
"Nang maw?"
Robert hmel chu a tla kuam mai. Police-in an lak hnu khan Eleazer nen kan chungchang vangin ka lo  ngaihven zui llova, ka ngaihtuahna a lo luah tawh lo reng reng a ni. Khami ni khan min huat hmel takin min kalsan a nih kha.
"Enge i rawn tih dawn?" ka ti leh a. A hma anga amah ngaina tak leh pawh tak anga awm a theih loh. Engvanga lo kal nge anih pawh a la sawi lo.
.
"Biak che ka duh a. Hmuh i har hle mai." a ti churh a. Min huat hmel taka a awm lo pawh hi ka tan chuan a mak vek tawh.
.
"Eng thil nge a?" Ka tih chuan ka nu leh pa chu a en a, sawi mai hreh hmel a pu bawk a.
.
"Thil hriat duh ka nei a."
.
"Sawi la, eng thil nge a?" ka tinawn leh a. Ka nu leh pa chuan Robert awm dan chu hrethiam in an room ah min luh san a, Robert chu a thaw huai tih a hmel atangin ka hre mai. Keipawh ka thaw huai ve tho. Eleazer nen kan chungchang, kan thiltih te kha hriain a sawichhuak anih vaih chuan khaw eng ka hmu ngam hauh lovang.
.
"Thlalak chungchang kha a nia.. Ka laptop atang khan i la ngei em?"
Thu dik ka hrilh ngei atulin ka hria. Tunah hian thu chiang engmah ka hre lo a, thudik ka sawi vanga tuar tur a awm anih pawhin ka tuar  ve mai ang.
.
"La ngei e." ka tih chuan a thaw hawk a.
.
"Chuan..? Engkim min hrilh theih chuan ka lawm viau ang."
.
"Police-in an lak nachhan che kha hetiang thil vang hi a ni em?"
A lu thingin a nui hul hak a.
"Ni lo, thildang daih a ni. Thlalak chu engtin nge ni zel?"
.
"Ka lak kha ka pendrive ah khan a awm a, ka pendrive chawpin a bo daih a ni. Tun thlengin ka hmu leh tawh lo." thu dik ka sawi tih a hriat ngei theih nan a mitah ka en kal a, a bu nghat nghat a.
.
"Thudik min hrilh ang tih ka hria. Ka lawm e. Ka hawsan phawt ang che." thovin a kal nghal vut a, thil dang han zawh zui na tur hun pawh min pe lo.
.
Keimah chauhin tv ka en ta ran a. Mumal taka tv ka en hnuhnun ber pawh a rei tawh. Ka show duh ber ka en zawh hnu chuan channel ka hmet kual a. Ka en duh zawng a awm tawh loh vang chuan tv off in ka room-ah ka chho a. Awlsam takin ka muhil lehpek lovang.
.
Ka phone chu ka hmetkual ka hmetkual a, facebook group lar zet pakhatah lutin an thil post ka phone screen-a lo lang hmasa ber ka hmuh chuan ka phu chiang lutuk.
*INPHATSANNA TENAWM!*
Ka awih thei lo! Engtin nge hetiang thil hi a thlen theih..?   
.
COPAS (HEARTS)
.
CHAPTER - 9
.
Thantei_LauraSean
.
H & E
.
"Tabithi!" ka phun sep a, ka mit la sawn miah lovin khumah chuan ka thu chhuak a. Eng thil nge ni ngai? A mak lutuk mah mah anih hi.
.
Thalak chu mipa a hmel lang lo leh Tabithi hmel chiang taka a lanna a ni a, saruak deuh thawin an awm lehnghal! Hetiang thil i Tabithi hian a tithei dawn em ni?
.
Ka phone contact list ka scroll thla zung zung a, Tabithi number ah tawp chatin ka call nghal a. Post la hmuh kha darkar khat pawh la ral lo a mi a ni a, Tabi hian a hre tawh em tih pawh ka hre lo. A lo hre tawh anih chuan biak pawh theih lohin a phone a off tawh zawk hial mai thei.
.
A ring ral ral a, a pick up dawn lo emaw ka tih hnuah arawn pick up hlawl mai. Ka thaw huai ringawt.
.
"Post hi i hmu em?"
.
"Hmu e. Tihtheih ka nei lo." arawn ti zuai raih a.
"In zawh awm loh ka zawt che anih chuan min hrethiam la, ka  ngaih dan hi a dikin ka ring. He thil hi i ti miah lovang. I ti em?" ka ti nawk nawk a. Amah a den nat tluk em chuan min deng na lo maithei, keipawh ka chiai deuh thaw anih chuan amah phei chu a rilru a buai nasa dawn lutuk.
.
"Pathian in engkim a hria. Tihtheih engmah ka nei lo. Ka ngaihtuahna pawh ka hmang thei lo. U Sawmzuala pawh a thinrim lutuk. He thil titu hi tupawh lo ni se, enge hlawkna tur a neih?" a insut hlawp a. Ka va lainat tehlul em!
.
"Ka lo kal ang aw.." ka tita ngawt a. Eng thil nge tihsak neih ka neih ka hrelo nain, hnem theih ka duh tak zet a ni.
.
"Ka lawm viau ang. Tawngkam dengkhawng taka min tawngkhum loh vang ringawt pawh hian i chungah ka lawm lutuk.." A inhip leh hlawp a "Alawmi pawh awm se i tih ang chiah hian min ngaihtuah ngei ngei ang.." a tawng khur hlawk hlawk a, ka mittui a hnam sawk mai.
.
"Ka lo kal nghal ang." min chhan leh hmain ka phone ka dah a.
.
Group-a an thlalak post chu chiang lehzualin ka en a, engtinnge hetiang thil hi an theh darh theih zawk? Tabithi hian tu pawi nge a sawi tak? Mi nunrawng ber pawhin hetiang hi an ti duh dawn em ni? Mi mimal nuna inrawlh turin tu hian nge dikna nei? Comment ka en a, Tabithi hre tu leh hre miah lo tu pawhin tawngkam chhe theihtawp in an bei a, an dawn atana an duh miah loh tur anchhia leh tawngkam chhe tak tak a tam lutuk! Heihi hringnun chu a ni. Mi famkim lo hian mi famkim lo bawk dik lohna lai sawi nuam a ti em em a, ngaihtuah chiang miah lova puak phawng phawng tam tak an awm thin lah a chiang. Mi tamtak tana hlawkna awm thei leh hmasawnna thlen thei thil anih loh chuan hetiang a mimal beih leh intih mualpho hian awmzia a nei lo. Mi nun tihchhiatna mai a ni. Thudik tak leh fiahna chiang tak awm anih erawh chuan thu hran daih a ni.
.
Ka thaw hawk a, thovin ka thawmhnaw ka inbel mawlh mawlh a. Inhnuai ah chhukin ka nu ka kaitho a, thil awmze tlangpui ka hrilh zuai zuai hnuah in ka chhuahsan a. Zan a la rei lutuk lo bawk a, khawlai pawh a la reh vak lo.
.
U Sawmzuala te chenna ka in ka thlen chuan a lo reh deuh raih a. U Sawmzuala nu leh pate bula an chen lohna chin hi kum khat vel anih tawh ka ring. Chiang fakin ka hriatpui lo. Door bell ka hmet a, rei nghah ngai lovin kawngka arawn inhawng thuai a. Tabithi hmel ka hmuh chuan a mittui a seng fe tawh ang tih ka hre mai.
.
"Lo kal rawh. Ka rin aiin i lo thleng rang." nuihza miah lovin a then sak a. U Sawmzuala hmel ka hmu mai lo chu mak ka ti deuh.
.
"Khawnge U Sawmzual hi?"
.
"A kal chhuak ta anih kha. Ka la ngaihtuah ngai miah loh thilin min deng hian awm dan tur ber pawh min hriattir lo. Tui i duh em? Nge, intur dang i duh em?"
.
"Duh lo ve." Tabi chu ka en a, a tap insum hmel chu hmuh a hreawm ka ti em a ni.
.
"He thil hi a titu chhui chhuah a har loh tur thu U Sawmzuala chuan a sawi a. Khatiang thu sawi si khan rinhlelhna mitmengin min en a, ka tuar zo lo ang tih ka hlau a ni. Thlalak comment pawh ka en ngam lo. Keimah ni miah lo mah ila a lo hmutu tam tak khan keimah ni ngeiah an ngai awm sia.. Mi dang ngaih dan chiah ngaichang a nung ka ni lo nain he thil hi a tha lo tawpkhawk a ni.."
.
A thusawi chu dik ka ti khawp mai.
.
"I lo kal hlauh chu ka va'n lawm tak em!"
.
A rilru lapeng turin thu dang ka sawipui a, tunah hian lo buai khu ruai pawh ni ila awmzia a awm tam dawn lova, thudik kan hriat theih hun nghah tawp hi tuna kan tihtheih awm chhun a ni rih mai.
.
Dar 11 rik dawnah ka haw san a, an kawt atanga ka tlan chhuah hma chiahin U Sawmzuala pawh a lo thleng ve chiah bawk a. A ni pawh a hmel landan a dik lo khawp mai. Mi hriat hlawh annih vang hian hetiang thil duhawm lo thleng hian an sumdawnna ah eng emaw zawng talin nghawng ngei dawn a, chu chauh ni lovin thu diklo hria zawng zawng hian thu dik zawk an hre leh vek dawn lova, chu chu a pawi lai ber chu a ni.
Dawt mai mai anih chuan engahmah ngai lo se a ni mai alawm' tih rikngawt hian thil a siam tha lem lo hi a pawi lehzual lai a ni bawk ang chu. Mihring hi kan sual khawp a thil tha aiin thil thalo zawk hi kan inhriatsak reng thin. Sual a pai kan nih vang a ni ngei ang!
.
In ka thlen hnu chuan ka mu nghal deuh mai a, ka ngaihtuahna a vak kual nasa hle mai.
.
Ni hnih ral leh chhung chuan Tabi thlalak dik lo theh darh chungchang ah thu thar engmah a awm lova. Thil thleng chu aman min rawn hrilh reng vangin an in ah pawh ka va kal leh rih lo. Bakah Eleazer an in ah a kal fo tih a sawi vanga kal duh lo pawh ka ni tel tho mai. A chanchin a secretary hnenah zawt fo mah ila khatiang teh hrep a thlen hnu ah kha chuan hmaichhana hmuh chakna ka nei lo. Hmeichhe pangngai ve mai zak ve thei leh awlsam taka mahni inngaihtuah hah vak vak thin ka ni ve tho a, hmangaihna vanga ka thiltih tawh kha chu tih tawhin liam se ka duh ber a ni. Tunah hian Eleazer hi ka hnenah rawn let duh ta se ka lo hnawl thei angem tih pawh ka inhre hleinem! Aw le, ka chungchang ka ngaihtuah ngut  ngut hi chu ka bansan a tul tak zet.
.
"I chanpual kha i zo tawh em?" ka chung chiaha awm Pi Sangi chu enin ka nui a. Ka dawhkan a data lakkhawm leh chhutfel ngai ka tih zawh tawh chu lain ka pe thuai a.
.
"I awm chin chu tlemin kan hna pawh a chak ta deuh alawm." ti chungin a nui sung a. Tihian thawk ve bek bek ila, kum 5 hnuah promotion exam beiin ka tling anih chuan ka la  kai sang ve bek bek ang chu. Assistant hnaah hian ka lungawi reng lo maithei bawk a. Hma hun a hriat love. Mahni inchawm zo tia sawi theih ka nih ve tak vang hian thawven khat chuan thawveng tur ka ni. Mah se, mihring hi kan mak khawp a, kan chak em em ang pawh hian awm mah ila hmabak leh duh dan dang, hmasawn zel na tur hi a lo awm leh zel a, kan dam chhung chuan kan duhthusam ang thlap a awm hi a theih dawn loh hrim hrim tih hi mahni leh mahni inhrilh nawn a tul fo thin.
.
Office ban a hun a, ka rin loh deuhin Pi Sangi bawk chuan a fanu tana a thil leina tur hmun a kalpui turin min sawm teh tlat a. Innel em em na tur khawpa kan la awm dun tam loh vangin min sawm teh tlat chu mak pawh ka ti deuh. Ka kalpui tur thu chu ka hrilh ta tho a.
.
Office atangin kan inphur chhuak a, a fanu chanchin chu chhuang ve tih hriat tak hian a sawi suam suam a.
.
"Matei chu maw, a mak ve khawp a. Ngaihzawng a neih reng reng hian engkim ka hriatpui a, kan inkawmngeih khawp asin." ati suah suah a. Nu fel tak anih ngei ka ring. Chhan dan tur a awm lem loh vangin ka nui mai a.
"Sumdawng hausa zet mai Eleazer Rinmuana hi i lo hre ve tawh em? Ti ila, a, hrelo pawh an awm lovang a." Eleazer hming a sawi chuan ka beng a verh zar mai. Ka hria tih lantir nan ka bu nghauh a.
.
"Ka fanu nen hian an inzui ve teh tlat a. A fel khawp asin." ka awm a rit nghal churh mai. Pi Sangi hi a chetphung leh awm danah pawh chhungkaw pangngai chunglam a ni ngei ang tih a hriat a, a fanu pawh chu mi pangngai tak a ni ngei ang. Tupawh chu lo nise, Eleazer nen nghet taka inzui annih chuan hmuh emaw hriat emaw chakna ka nei therte lo.
.
"Ka nu nen inanna in nei chiang mai." Thudang sawi se ka duh. Eleazer chungchang hriat hi ka lo mamawh lo tawp anih hi. A bikin a hmeichhe kawp chungchang hriat hi ka mamawh hauh lo. Thudang sawi ka duh vang tih hrethiam lem lo hian ka thusawi vang chuan a nui sung a. A mizia tlang tak hi ka nu nen an inanna lai chu a ni. Ka nu erawh a mi hriatchian loh bulah thu tam tak sawi chi a ni lo thung. Engpawhnise, min hrechiang lo chunga ka bula thu a sawi bawrh bawrh mai hi min rintawk vangah ka ngai mai ang.
.
Sizzle Shop ah ka luhpui a, la kal ngai lo ni awm tak hian thawmhnaw thui sa nalh zet zet chu a en lawr dan dan a.
.
"Heihi min hak chhin sak ta che. Loretta nen chuan in intiat vel a, i tawk chuan a tawk thei mai ang."
Mak ka tihna chu tihlan loh hram ka duh. Pi Sangi hi Loretta nu a ni ang tih ka ring pha lo hulhual. Eleazer nen an inkawp tih a sawi pawh khan Loretta kher hi ka rilru ah a lang miah lo. Phur lo ru zet hian a kawr thlan chhuah chu ka la a.
.
Ka hakchhin zawh chuan min en vel a, lungawi tak hian a nui sung a.
"A nalh hle mai a. En tawp aiin i han hak chiah khan a nalh lehzual a nih kha. Matei chu a lawm teh  ang chu.."
.
"A nalh khawp mai." ka lo tihpui ve bawk a. Ka tui ta hlawl lo mai.
.
Dawr atangin kan chhuak a, Pi Sangi chu ka thlah ngai lovin taxi a hmang ta hlauh. Rilru a vei nei si, eng thil ber nge ka lawm lohna tih hre si lovin in lam panin ka inkhalh haw a. Ka ngui ruai ve tawp. Eleazer phiangsen vang a ni! He mihring hi lo tawng lo tawp ila tha tur. Ka huat zat zet hian amah ka duhna leh ka hmangaihna hi a nasa a, chu chuan ka thin a tirim ni berin ka hria.
.
Zanriah kan ei zawh chuan angai te bawkin ka room-ah ka inkhung a, ka rilru lak penna tur thil eng emaw tal tihtur ka mamawh niin ka hria.
.
Ka phone private message tone ka hriat chuan ka en rang teh e.
TABI* - Zanin ah birthday party ah ka kal dawn a, i hman chuan min kalpui la.
.
Ka call a, a pick up rang khawp mai.
.
"I hman hlauh vang a ni em min lo call?" arawn ti var a.
"Hman e. Min lo sawm teh tlat a, mak ka ti zawk a." ka tih chuan a nui hak a.
.
"Thil hrilh duh che pawh ka ngah tawh a. Chhungkaw aiawh a kal ka nih ai mahin i lo hman tak hlauh ah chuan kan pahnihin kan in date dawn a ni mai alawm.." a rawn ti zung zung a.
.
"U Sawmzuala a kal ve dawn lo mi?"
.
"Dawn lo. Kha, kan buaina vang bawk khan. Thil hi a chiang mai thei lova. Ka lo sawm phei dawn che nia."
"Aw le. Ka han insiam tan a nge."
.
Phone kan dah a, ka thawmhnaw bawm hawngin ka thawmhnaw hak tur ka lachhuak a. Ka insiam zawh hnu rei vak lovah Tabi a lo thleng a, kan chhuak nghal a.
.
Kan kalna tur ka la zawt miah lo tak e. Engpawhnise, khawiah pawh kal dawn ila boruak dang hip ka mamawh hrim hrim a, ka tan chuan a tha vek.
.
"A hma khan Eleazer khan a ngaihven hmel che ka lo tia. U Sawmzuala paw'n a ti tho a, engmah a awm ta lo ami?" a zawhna chuan min tiphu deuh zawk. Ka inthunun leh vat a. Eleazer khan engmah a lo sawi chhuak lo ngei anih dawn hi. Lawm tur nge lawm loh tur ka hrethiam lo. A thian thenkhat te hmaah min fawp leh lawi si! He mihring hi ka hrethiam teh nuai love. Tunah chuan ngaihtuah pawh ka duh lo. Amah vanga a ruka ka tuarna tam zia ngaihtuah phei hi chuan ka rilru a awm ve ringawt pawh hi a phu lo.
.
"Engmah awm love." ka tiliam puat a. Eleazer chungchang min zawtzui lo hram se ka ti hle mai.
Kan mudun hman tihte hria se mak ati dawn lutuk tih a lang reng bawk si.
.
"A that chu. Kan kalna tur hi min zawt miah lova." min rawn en zawk a.
.
"Khawii nge kan kal dawn?"
.
"Eleazer Birthday alawm."
"A nih chu_" ka ti sap a.
.
Ka awm a nuam ta lo hle. Ka awmdan danglam chu Tabi hriat hi ka duh hek lo. Eleazer birthday anih vang anih chu Pi Sangi khan a fanu tan kawr a lo lei sak. Awm dan tur ber pawh ka hre ta lo. Ka kal ve dawn nge, helai atang hian ka haw leh mai dawn?
.
"I awm ava nawm loh hmel ta ve."
.
"Nuam lo hran love. Khawiah nge a lawm dawn a?"
.
"Kan thleng chu a ni deuh mai." a titha ve mai a. Ka awm nawm loh chungchang kan sawi zui tawh lo chu ka thaw huai. Ka insangmar ru sauh sauh a. Hmaichhanah Eleazer ka hmu dawn tih ka inhriat vang ringawt pawh hian ka lungphu a danglam nasa lutuk.
.
Tabi'n motor a tiding a, kan kalna hmun tur ka hmuh chuan ka insangmar nasa lehzual. Ama chenna in a ni lova, he inah hian ka la kal miah lo bawk. A nu leh pate in a nih ka ring ve tawp.
.
Inchhung ah kan lut a, ka duh emaw duh lo emaw ka thil hmuh apiang chuan an hausak tur zia min ngaihtuah tir lo thei lo. Mihring an thahnem angreng a, ka lawm viau zawk. Mi tlemte chauh awmin Eleazer hmuh ngei  ngei ngaia awm ka hlau a ni.
.
"I va hmu ve kher duh em?" ka lu ka thing vat a, ka thing rang mah mah maithei a ni.
.
"Duh love. Va kal rawh. Hetah hian ka lo awm ang." ka ti leh thuai a. A gift box chu kengin inchung panna ah a chho a. Ka rin aia hmain a lo let leh thuai a. Inhnuai ah pawh heti zat hi kan awm a,  inchungah chuan eng thil tak thleng ang maw? Loretta pawh Eleazer bulah a awm ngei ang chu. Kei ka lo mi chuang awm ve mai mai a. Hetiang zawnga ngaihtuah tur hi ka ni lo tih ka inhria. Eleazer chuan chiang takin min hnawl tawh anih kha.
.
"Ka rin aiin i lo let leh hma." ka lo ti thuai a. Kan haw nghal mai theih ka ring.
.
"Nia, inchunga chhoh ve chu i duh lo maw? Inhnuai ai hian a nuam zawk daih a nia." Tabi hian ka awm nawm loh zia hi a hrethiam miah lo anih hi. Lawm zawk tur ka ni e. Ka ngaihtuahna thup kawngah hma ka sawn tihna nimai.
.
"Kan haw nghal thei tihna a nimai em?" ka tih chuan Tabi chu a nui hawk hawk a.
.
"Cake cut hmaa haw chu ka ti ve deuh a. Bakah, ka rawn sawm chhan che kha. Sawitur ka ngah a." a hawi kual zak zak a. "Helamah hian tuman min tibuai lovang." ka banah min kai a, pawnlam bathlar awl zau zetah min chhuahpui a. Ani hi chu a vawikhat kalna a ni lo tawp tih a chiang.
.
An in awm dan hi ka hrethiam chiah lo. Chhun khaw enga enchian fe tham a ni ngei ang. Light chi hrang hrangin an chei de sep sep a, kei ve mai ang tan chuan engkim hi a pui mah mah vek mai.
.
Thutna lo awm ah chuan kan thudun a, khaw hawi nan duhthusam a ni. Thli a thaw heuh heuh a, ka taksa awm nuam lo lutuk chu thli vawt sang sangin min chhem chuan ka inthlahdul ta deuh.
.
"Mihring hi kan mak iti ve thin em?" a tihdan ki chu ka hriatthiam chiah loh vangin a hmel chu ka en a, keimah min en lovin kan hma zawna khawpui veng thenkhat lang eng ut chu a thir dauh dauh a. A hmel atang chuan a sawi chhan ka hre nghal mai.
.
"Ti e." tiin a ka hmazawn ka en a.
.
"Tunah chuan nang chiah hi ka rinngam awmchhun i ni dawn ta anih hi. Alawmi zarah liau liau ka hrechiang em che a. I awm lovang tih hi ka hlau asin."
.
"Engmah tihsak theih che ka neih loh hi." ka ti mai a. Ka rilru dik tak a ni bawk.
.
"Thlalak darh atang khan ka thiante hi ka tan an ding ngam miah lo. Mak ka ti a, ka rilru a nat em em rualin ka tana thian dik tak anni lo tih ka hriatchhuah phah thung a. Enteh_" ka beng bulah rawn kun hnaiin a tawng zawi zual sauh a. "Thlalak post tu kha Robert a nih theihna chance a sang a ni awm e, U Sawmzuala chuan naktuk hian a chiang ang a tia. A mak ka ti lutuk. A hmaa Alawmi nen an inkawp leh inkawp loh chungchang ka zawh che atang khan Robert hi ka lo ringhlel tawh miah lova. Tunah amah hi lo ni ngei ta se, a tihchhan tur awmang pawh ka hrethiam chuang lo."
.
Tabi chu chhan dan tur ka hre lo, keipawh hian Robert chu ka ringhlel chiah lo a ni.
.
Cake an cut dawn tih mi pakhatin arawn sawi a, chhuanlam siamin Tabi chu ka lo nghah tur thu ka hrilh a, inchhung ah min luhsan leh rih a. Eleazer ka hmuh hreh vanga chhuanlam siam ka ni tih hre awmin a awm lo a, amah kalpui  ngawr ngawr ka nih vangin ka chhuanlam siam kha min pawmsak ve mai anih ka ring. Ngaihtuah chiang se chuan mak a ti  ngei ang.
.
Tabi'n min kalsan hnu chuan ka thutna chu ka thawhsan a, balcony hungna bar vuanin ka ding a, thli thaw heuh heuh chu dawngin ka dak vang vang a. Ka rilru a awm ta ber chu Robert a ni. Engvanga mak deuh deuh a rinhlelh ni tlat thin nge maw anih le? Amah hi mi thalo tak a lo  ni reng nge hetiang thil thleng mak deuh deuh phen ah hian mi dang an awm zawk. Tu dang nge ni chuang ang le?
.
Sana ka en loh vangin eng chen nge keimah chauha ka awm tawh ka hre lo. Minute 20 vel a ni tawh mai thei. Tabi pawh chu ka rin aiin arawn let har tawh.
Ka hnunglama thawm ka hriat chuan Tabi anih tawh ringin ka inher a, Eleazer ka hmuh chuan ka hnungtawlh deuh a. Amah ka hmuh vang leh ka zam vanga hnungtawlh ni anga min ngaih ka duh lo. Ka din dan chu siamrem in a hmel lang thim deuh raih chu ka en chho ha a.
.
"Nang maw? Hetah enge i tih?" a tawng zawi viau nain a awki a min hmuh a beisei loh zia chu ka hrechiang khawp mai.

"Min tiphu alawm!" thawk lain ka awm ka dawm a, a landan nalh leh pa lutuk vang hian ka zam lovang. Ka awm ka dawm lohna zawk ka kut chu ka hnunglamah dahin ka humruh nasa khawp mai.
.
"Hetah hian eng thil nge i rawn tih ka tia lawm?" a tawng dan atang chuan a lawm nge a thinrim a hriattheih miah loh lehnghal. A lawm lo tawp ang.
.
"Ka lo awm ve tawp chu a ni lo phawt a." ka nui lui ngial a. Ka aw rik chhuah dan chu ka beisei phak bak a ni bawk.

Arawn pen pawk pawk a, hlauhawm zeta a mit de sawr sawr ka hmuh chuan ka duh aiin min lo hnaih reng tawh. A awm a nem tumin ka ban ka lek kang a.
.
"Rinmuan_Khawiah__" hmeichhe aw chu a tawp chat a, tunge tih en tumin Eleazer lak atang chuan ka mit ka lasawn a, a ni erawh a che eih lo. Min din hliah vek vangin tunge rawn kal ka hmu thei miah lo lehnghal.
.
COPAS (HEARTS)
.
CHAPTER - 10
.
Thantei_LauraSean
.
H & E
.
"Nang maw?" Loretta hmel chu a phawk deuh hra a, Eleazer ang bawkin helai hmunah hian min hmuh a beisei lo tih a langchiang khawp mai. "Tsk tsk.. Ka rin i ang lo. Rinmuana tan hian enge inih hrilh nawn leh kher i mamawh dawn tihna a ni em?" zam lo zet hian min rawn hnaih a, Eleazer bulah dingin a hmel lan dan atang ringawt pawh chuan lam tang nei tha a intih hmel hluah hluah.
.
"Nang ang hmeichhe pangngai ve mai hian engtin nge a ni ang hi i neih theih ang. Naupai angin i insawi te chu a ni em lovang chu" A tawngkam chuan min deng na tak zet! He hmeichhia hian eng chen chiah nge a hriat? Eleazer hian kan mutdun thu kha a hrilh a ni thei angem? Ni lo hram rawh se.
Eleazer chu ka en a, ka hlauhna zawng zawng a bo vek. Ka kawchhung chu thinrimna vang in ka so bulh nimai hian ka inhria. Loretta hmel chu ka en a, a ti ta mah mah a ni. Chhang miah lova kalsan ka tum rilru zet tawh a, ka rilru ka thlak leh ang.
.
"I sawi duh i sawi zo tawh em?" nelawmna tel miah lovin Loretta chu ka en a, dawihzep taka ka ngawih reng a lo ring a ni ngei ang, a phawk leh ta hra mai. Eleazer chu a melh a, a hmel a rintawk lohna lang chu ka lo hmu chat bawk.
.
"Nangni pahnih hi__Rinmuan_?" min entawn zak zak a.
.
Za lo zet hian lo nui hak thung. Ka tumlawk pawh a ni chiah lo. A ban vuana ding reng chung hian ka chhuhsak a hlau a nih dawn hi. Eleazer chuan chiang zet hian min rawn en a. A ngaihtuahna erawh a thup hneh leh hle anih hi. Hetiang khawpa mahni inthunun thei anihna hi mi a hip  theih chhan pawh a ni ngei ang chu. Ka tan chuan hlauhawm chhinchhiahna bak ani ta lo.

"Nang nu hian i lo thlem vel a nimaw?"
.
"Ka thlem ang maw?_" Eleazer chu chiang lutuk in ka en a, a insehruh tih ka hmu thei. Ka thlem miah lo tih sawi ka tum lo. Ni e, min hnawl hnu pawh khan ka umzui ngei a, ka hmangaihna vang chauh a tlawm pawh sawi thei lova umzui ka ni. Ka inchhir hauh lo lehnghal. Mahse, engkim hian tawp chin a neih a tul thin. Neih talh tuma kan beih thil hian natna chauh min pe let anih chuan kan kalsan a tul tihna a ni!
.
"Hmeichhia i ni ve tho a i hrethiam ang chu. Hmeichhia hian duhtawk chin a nei thin tih hi. Mipa rintlak loh um reng duh tur khawpa thluak thawl ka ni hleinem. Ka harhchhuak tawh.. A nih phawt u. Duhsakna ka hlan kher che u pawh a tulin ka hre lo." ka inher a, dak vahin ka kal sawn a, Loretta thaw hak ri ka hriat chuan sawi tur dik tak ka sawifuh tih ka inhria.
.
An thawm ka hre zui lo. Inchhung lam thawm chuan a luahlan pawh a ni mahna. Na zeta ka bana min rawn pawhlet chuan thawm ka chhuah that a. Ka beisei hauh loh thil a ni chiang khawp mai. Ka insangmar nghal at a.

Ka hmai zawna Eleazer lo kun hniam chu zam miah lovin ka lo enlet a, ka awm dan danglam ta chuan a ti hrilhhai tih a hmel danglam dan atang chuan hai theih pawh a ni lo.
.
"Eng thu nge i sawi kha?"
"Eng thu nge ka sawi?" ngaih pawimawh loh hmel zeta zawhna ka zawt let chu a lawm lo hle tih a lang reng mai. Mahni inngaihlu lutuk anihna hi chu a bansan dawn lo anih hi. A duh duh hneh thei a a inngaih thinna pawh kei hian ka titawp ang. Natna nasa tak min lo thlen tawh khan chakna min pe let ngei rawh se.
.
"Tak zet che hian!" min vawnna chuan a kang emaw tih tur hian min thlah nawk a. "Theihnghilh rawh." A sam a tuai puat a, min rawn en leh chuan a hmel landan chu a mak lutuk.
"Ni lo, i theihnghilh lovang!" ka dar tawn tawnah min vuan a, min dim lem lo khawp mai. "Naute chungchang kha enge a awmzia? Nang hian ka fa i pai tak tak em?"
.
"Chu chu i lo buai ve na tur a ni em? Lo buai ve duh suh. Ka nunah hian inrawlh ve theihna chhan tur engmah i nei tawh lo. Min thlah rawh. Ka lak atangin i zalen tawh. Lawm hle zawk ta che." ka ti nghek a.
Engtiang pawhin tawngkhum ila min dem thei lovang. A office-a ka va hmuh vawihnihna a 'nau pai ta ila a hmeichhe kawp chungchang ah sawi theih ka nei em tih ka zawh khan sawi ve theih ka neih loh thu leh min hnawl thu min hrilh nawn ngat a nih kha. Engtin nge ka theihnghilh theih ang? Chuan tunah hian nau ka pai tak tak nge pai tak tak lo tih hre tur pawhin dikna a nei chuang lo. Thudik ka hrilh nachhan tur reng reng ka hre love.
.
A bulah Loretta rawn dingin min en a, a hmela a rilru nat zia lang chu thup a tum buai lo a ni  ngei ang. Kan thusawi kha rawn hre vek em tih erawh ka hre lo. Na tur pawh a ni e! A ngaihzawngin amah kalsan in min umzui a nia, khawngaih tur ka ni em ka inhre lo. Ka thinrimna hi nasa hle lo se chuan ka khawngaih viau mahna le.
.
"Min thlah rawh." ka dara min vawnna chu a phelh theih nan a kutah ka chelh a. A ni chuan min en ngawt ngawt thung. Eng tak ngaihtuah ang maw?
.
"Kal tir rawh." Loretta lo tawng ve chu hre awmin a awm lova, kei lahin zam miah lovin ka en let ve reng a. Thawklehkhatah rawn kun hniamin ka hmuiah min rawn fawp thut a, ka taksa pumpui hi a tek chhuak vek! Ka theihtawp takmeuhin a awmah ka nem a, a thiltih chu hrechhuak thut niawm fahran hian a inla hrang a, engmah sawi tawh lo leh Loretta pawh ngaihsak zui lovin min chak lutuk hian min kalsan nghal a. Loretta pawh ngawi rengin a kalsawn ve bawk.
.
Keimah chauha ka din hnu chuan ka zawi nghal hnawk mai.
.
"A mak hle mai a, kha chu ka beisei piahlam a ni." Tabithi tawng ka hriat chuan ka phu deuh zawk a.
.
"Rinmuana khatianga a awm lai kha ka la hmu ngai miah lo. I tha em?" ka dara min rawn kuah chuan  tawngkam a chhang lovin ka bu nghat a. Ka tha hlawl lo. "Haw tawh ang aw." a ti sap a. Pawnah inzui chhuakin kan in panin motor a khalh chhuak nghal a
.
"Eng emaw a awm ni a ka lo rinhlelh kha a lo dik ngei anih kha. Mipa thenkhat hi chuan thil an sawi tam lo nain an thinlungin a duh tawh chu an thlah tawh ngai lo a nia." Tabi chu ka en a, a hmel a thutakin a thusawi chuan Eleazer chungchang chauh a kawk lo ang tih ka ring. Thil awmzia hriat tuma min zawt talh lo chu ka lawm hle bawk.
.
Kan in zawn kan thlen chuan car atangin ka chhuk a, chanchinthar a awm anih chuan min hrilh tur thu a sawi hnuah car chu turn in a tlan chhuak lehnghal a. Zanin ka hun tawng khan min tichau zual niin ka hria. Engpawhnise, ngaihtuahna thar neiin ka hun ka hman a tul anih hi. Tuna ka dinhmuna ka awm chhan hi Eleazer ka puh vek thei lo. Ni e, min hnawl vang hian ka dem ngawt thei lo alawm. Kan thiltih dun kha ka tan hlu em em mahse mihring ngaihtuahna hrang nei a ni a, ka feel anga feel ve turin ka tilui thei hek lo. Ka huat kher hi a tul em ni? Ka natna erawh a thuk em a, ka dam chhung hian ka theihnghilh tawh dawn lo.
.
Van lam hawiin ka dak vang vang a, thla ral lam tawh chiang vak lova lang ka hmuh chuan thawk ka la huai a.
.
"I rilru ah chuan ka la awm reng tho a nih kha!" ka inher zawk a. Engtinnge helai hmunah hian a lo awm theih? Min rawn hnaih a, mahni inveng ru ranin ka lo hmachhawn a. Eng thu nge sawi duh a la neih?
.
"I danglam bik lo ava ang ve." ka tawngkam a hriat chuan a ner suk.
.
"Tabithi hi hnaih suh. I inrawlh lohna turah hian inrawlh talh i tum niin ka hria."
.
"Ka nun a nia, ka tihtur leh tih loh tur chu keiman ka thlang thei alawm. Ka huat nih i duh ngawr  ngawr anih loh chuan i hmel hi hmuh fo loh ka duh zawk a nia."
.
"I tawngkam hman duh dan chuh.. Tabithi bula ka hmu leh che anih chuan ka duh loh tawp thil ka ti tawh ang. Zak taka awm i duh anih loh chuan hetiang thil lakah hian rawn inhnamhnawih ve suh. Ka sawi chu hrereng ang che." min kalsan leh  mai tumin a inher a, a tawngkam hman chuan ka thinlung a chhun zak mai.
.
"La ding teh!" ka ti chang fal a. Min rawn en tawh lovin a ding a. "Ka zahna tur thil nia i hriat chu i duh apiang ti rawh. Engpawh chu nise a pawi ka ti lo. Kei pawh hian ka duh duh tithei turin zalenna ka nei ve bawk a nia.."
.
"A harsa zawngin eng thil mah ti suh. Nang hian engmah i hrelo." a ti leh nghut a.
.
"Nangpawh hian engkim i hre hleinem."
.
"Tunah hian hmangaihna chenpui leh tur che a min duh anih loh chuan min chhang tawh suh!"
.
"Tak zet che hian! Kan thiltih kha hmangaihna vanga ti pawh kan ni hrep lo" inher vutin min rawn pan hnaia "Min lo hnaih suh." ka ti that a, engahmah ngai lovin alamah  min pawthnai nawk a, ka tukhumah nghet lutuk hian min vuan a. Chetsawn ngaihna a awm lo.
.
"A hmasa ber chu ka nih ngei kha!" kan hmui a insi lo chauh! Min tihnat tum rana tawng a nih chuan keipawh hian ka ti ve thei tho. He mihring hian keimaha a chhe ber a cho chhuak zel chu a nih hi.
.
"Khatih lai tak khan nangmah i lo ni fuh kher a nih kha. Nangmah inih vanga inpe ka ni lo!" ka thusawiin ka hmui a chhuahsan rualin ka thuzawi tul loh zia leh dawt anih chian zia chu kei hian ka hrechiang.
Eleazer chuan min thlah chuang lovin a mit a chhing a, a inthunun nasa tih ka hria. A tha a khur dar dar mai.
"Anih chuan min hmangaih vanga min umzui i lo ni lo..?" min zawt ai amahin amah leh amah inrintir tuma tawng a ang  mah zawk. A tawng ring lova, kan hmai a insi deuhthaw chung pawhin a tawng ri chu ka hre thei chang chang a ni.
.
"I va ngaihtuah chhuak har ve!" ka tawngkam a hriat chuan min nem sawn dawrh a "Ngawi hmak rawh." a ti hrawk a. Ka pai deuh nawk min hmuh chuan ka tluk hmaa min dawm hman tum niawm tak hian min rawn hnaih leh a, "Min lo hnaih suh." ka ti ve thung a.
Keipawh ka tha a khur ve tho. Ka thusawi hi dawt vek a ni, dawt vek! Mahse Eleazer lakah hian tlawm leh tumna ka nei tawh lo. A hmaa ka chak loh zia lantirtu ka mittui a tlak hma ngei hian ka kalsawn angai.
.
"Kan inhmuh tawh loh ka beisei." ti sapin hriatthiam har zeta min en ngur chu engahmah ngai lo anga lang luiin ka inher a, kan in luhna tur gate hawngin ka pen lut nghal a. Min rawn umzui em tih hriattum a hawilet pawh ka ngam tawh lo. Min umzui lo se a tha zawk ang. Ka tha khur dawt dawt vang chuan ka kal chak thei lo. Ka mittui rawn luang zawih chu hru duh lovin ka kal lui ngar ngar a.
Inchhung ka lut a, kawngka ka khar rualin kawngkhar chu ka ngheng rawk rawk mai.
Ka room-ah lutin ka inthlak a, thil thleng tawh zawng zawng ngaihtuah letin ka rilru ka siam fel ta! Eng anga harsa pawh ni dawn se tun chinah Eleazer nen hian kan inhnaih tawh tur a ni lo. Heihi ka thu tiam a ni e. Chak takin hmalam ka pan anga, ka thiltih tawh siam that theih loh kha ka inpawhhniam tir dawn lo. An in a thil thleng kha Loretta-I’n a hmuh ve vangin min sawi zui ngei ang. Enge pawi!  Min hrechiang tu leh min hrechiang kher lo pawhin ka chanchin an sawi anih pawhin lo sawi mai rawh se. Ka tana tha tur thliar hrangin sang takah ka thlawk dawn a ni.
.
Kar khat chhung chu office ka kal bak pawnah ka chhuak tam lova, Tabi nen pawh kan inbe zeuh zeuh chauh. An buaina chungchang ah khan hma an sawn theih loh thu min rawn hrilh chuan mak ka ti khawp mai. Tunlaiah thiamna a sang tawh a, hriat chhuah duh tak taka chhui chu nise thil harsa em em tur a awm ka hre lo. Nge ka ngaih ai hian thil hi a lo harsa phian thei tho bawk a.
.
Office hna khawih tur ka hawn chu ka khumah dahin ka inbual san a, ka inbual zawh chuan khumah thuin ka hna chu ka khawih nghal mawlh  mawlh a. Ka room kawngka kik dat dat ri chu ka hre mai lo ani ngei ang, arawn inhawng ri rak a, Robert arawn dak hlawl a. Min tiphu deuh zawk mai.
.
"Ka lo lut thei angem?"
.
"Enge ni ta? A va pawimawh awm ve." ka lo tihsak mai a.
.
"Pawimawh, thil entir tur che ka nei." a hmel ka en chuan ka ngaih a tha ta lo hle. Ka room-ah chuan lo lutin ka bulah arawn thu a, pendrive phawrhin ka laptop ah chuan a vuah nawk nawk a. A chet dan atang chuan a tha a khur deuh tih hai teih pawh a ni lo. Min ti hlauthawng ve zo vek mai. Engmah sawi chuang lovin ka  ngaichang a.
.
"Hei, enteh.."
.
Laptop screen a thil lo lang chu chiang zetin ka en a, hetiang thil hi engvanga kei kher min rawn hmuhtir nge anih ka hre lo. Atan hian eng thil nge tihsak theih ka neih chuan.
.
"Heihi engtin nge i neih a? An siam danglam dan zawng zawng nen.."
.
"He thil ah hian rinhlelh ka nei. Sawi ila  min ring thei angem?"
.
"Han sawi la." ka rilru tak chuan hriat ka chak lutuk. "Nangman i siam danglam a ni lo maw?" fiamthu titak deuhin Robert chu ka en a, a ngaih dan a nih hmel chiah loh khawp mai.
.
"Ka siam danglam chu ni se ka buai hauh lo zawk ang. Ka hrilh leh lo ang che. Min ring lo anih kha." a ti hmak a. Thlalak pakhat chu zoom-in "Heihi en la, pakhat zawk nena a inan lohna chu i hrethiam mai ang. Alawmi u hi ka hlauhthawnpui zawk a ni. Amah beih tumtu hian hrechiang takin a la bei zui ngei ngei ang."
.
Thlalak chu ka en ve bawk a, chik taka en chuan an siam danglam dan chu a langchiang lutuk. Soial media a an post darh vak kha a nia.
.
"Robert, he thil hi engtin nge i neih daih theih?"
.
"Chu chu hrilh che ka tum lo. Keiman ka chhui dawn. Hmingchhe taka police in  min dawp nachhan pakhat kha a nia, ka lawm lo em a hetianga min awh buai tumtu hi ka zawng chhuak ngei ngei dawn. Chuan Tabithi hi fimkhur turin lo hrilh rawh. Amah beitu hian a hrechiang khawp mai." a ti leh ringawt a.
.
"Tunge i rinhlelh chu? I rinhlelh ber min hrilh tum si lovin min rawn tiabuai ve ringawt anih ber hi."
.
"Naktuk zanah ka hrilh ang che. I rin loh daih aniang. Keipawn mak ka ti."
.
"I ho set sut e a. Tunah min hrilh dawn chuan loh chuan hna ka ngah a nia.."
.
"Thlalak hi chu i laptop ah hian dah ve hrim hrim ang aw. Thil eng emaw thlen palh thil thuah pawh nang chu tuman an ringhlel dawn lo che a."
.
"I iti hlauhawm e a. Thil ni lo loah ka buai phah ange."
.
"I ngai serious lutuk anih kha. Ka tibuai rei tawh che. Ka'n haw ange. Tabithi chu lo be ngei ngei rawh aw." tih leh thawh a rual a. A awm dan hian ka ngaih a titha lo hle a ni. Thu buai eng emaw ah min tahluh tum ni tlat hian ka hre bawk.
Min chhuahsan hnu chuan ka ngaih a tha thei ngang lo, laptop-a a thlalak dah thar ho delete tumin ka en kual leh a. A pendrive pawh a lo phawi reng reng hleinem. A chet buai deuh vang khan a theihnghilh a ni ngei ngei ang.
.
Tabithi ka call a, a pick up thei miah lo lehnghal a. Robert thusawi kha dikin Tabi nunna hi hlauhthawnawm ah a awm tak tak a nih chuan a tha lo hle ang. Ka thin a phu nghal dawt dawt mai. Vawi thum ka call naah chuan mutchhuah hmel lutuk hian min rawn chhang ta hram a. Ka thaw huai mai.
.
"Ka mut a chhuak lutuk, naktukah kan inbe leh dawn nia.." arawn tih nuah nuah bak chu a muhil thaw ri chiah hriattur a awm tawh. A him chuan a tha a nimai tia thaw huaiin phone chu ka off a. Ka hna thawk zawm lehin Robert pawh ka ngaihtuah zui tawh lo. Dar 11 a pelh hnu chuan ka hna khawih zovin ka mu ve ta chauh a.
.
“Bawihte, tho teh.”
ka nu aw ka hriat chuan ka muhil ka harh a, ka alarm ka en thuai a. Zing lam dar 5 chiah a ni.
.
"Bawihi, tho teh..I harh em?" ka room kawngka a kik leh dawt dawt a, hlauhthawnna ka nei. Ka tho chhuak vat a, ka room kawngka ka va hawng a.
.
"Min tihlauthawng alawm. Enge a? Min kaitho hma__" ka nu hmel chu a dik miah lo.
.
"Robert a thi! A thih dan a mak lutuk."
"Enga?" min thawng lutuk.
.
"Nizan a lo kal khan eng thu nge a rawn sawi. Ka ngaih a tha lo nasa a nia." ka nu hmel dang sawp sawp chu phawk zetin ka en a. Hlauhthawn awm pawh a ni e, nizan mai khan nidanga a tih ngai miah loh danin ka room-ah meuh min rawn kal chilh a, ngaihthatna chi chu a ni mawlh lo alawm.
.
"Engmah thil danglam sawi a nei lo." ka tirilah min man a, keipawh ka khur ru nghal zawih zawih mai. Ka hlau a ni ber ang chu. Nizan khan thil danglam sawi chu a neih ngei kha. Mahse ka nu bulah hian engmah sawi chi a ni lo.
.
"Engtin nge an sawi a?" ka tih chuan inhnuaia chhuk turin min hrilh a, aman a sawi duh loh danah hian thih dan pangngaiin a thi lo tih a chiang lehzual.
.
Engvanga hlauthawng em em nge maw ka nih le? Robert thihna hian ka nunah danglamna a thlen dawn ang maiin ka hlauthawng nasa alawm le.

COPAS (HEARTS)
.
CHAPTER - 11
.
Thantei_LauraSean
.
H & E
.
"Tukin dar 4 vel khan an in pawna thawm awm vangin Pu Thangkima ava chhuak a, Robert-a chu hmuh hreawm khawpa ingeuh hian an kawtah a lo awm reng mai a, a mar an deh chuan a lo chatthla fel der tawh a ni awm e. Khawih sawn ngam lovin police an phone a, i nu'n a lo kaihthawh hma che khan inchhungah an inla lut fel chauh a ni. A makin a rapthlak khawp mai." ka pa chuan a ti charh charh a. Ka nu ang thovin ngaih tha lo tak hmel a pu ve tho.
.
"An in singsa fel hmanin ka ring lo, hmeichhe tihtur pawh a awm ang, va kal ve thuai la a tha ang."
.
"I sawi bak chu engmah han hriat belh tur a awm rih lo tihna mi?"
.
"Awm lo. Nizan khan thil mak deuh sawi a nei miah lo amaw?" ka pa chu ka en a, Robert rawn kal chhan kha ka pa hnenah pawh hian ka sawi thei chuang lo.
.
"Sawi lo. Thil thlen dan hi a mak hle mai." kan ngawi thap mai. "Ka han insiam ange." tiin ka thawhsan a. Robert thihna hian ka tiril ah min man tlat nia.
.
Ka room-ah chhovin ka inthlak zung zung a, Robert te in a kal turin ka chhuak nghal a. An in ka thlen chuan mi an lo la tam vak lo. Nu Hmangaihi chu a tap hawm hawm a, a lainatawm tak zet. Robert ruang chu post-mortem turin an lo phur chhuak leh tawh a, ka pa sawi hmang pawh khan thih dan pangngai a thi a ni lo tih a chiang sa reng a ni.
.
Hmeichhe tihtur ni a ka hriat chu ka va tihpui ve zung zung a, ka ngaihbel nge mawni mi dang lo awm ve te chuan min en duh riau hian ka hre pek. Kan tih felfai hnu chuan in ah ka haw leh a, ka room-ah uluk zet hian Robert chunga thil thleng chu ka ngaihtuah a. Engvak phei chu ka ngaihtuah chhuak hran lo. Hmeichhe pangngai ve mai tan chuan han tihtheih vak a awm lo bawk a ni.
.
Thil pakhat ka hrechhuak! A pendrive nizana a theihnghilh tak kha!
.
Ka khum sir dawhkana ka laptop chu on in Robert pendrive chu ka hawng a, folder a tam khawp mai. Folder hmasa ber atanga tanin ka hawng zel a, thil danglam ka la hmu lo.

Folder tawp ber 'new folder' tia a dah tawp ka hawn chuan ka thin a phu nghal dawt dawt mai. Thlalak awm ho chu uluk zetin ka en dan dan a, Eleazer thalak ka hmuh chuan ka nghing lawih. Robert hian he pendrive hi a tum reng vanga theihnghilh a ni angem? Tawngkama min hrilh turin nizan khan ka ring tawk lo tih ka tilang chiang em a, kha vang khan tunge a rinhlelh tih pawh min hrilh duh ta lo kha a nia. Eleazer kher hi chu ka ringhlel miah lo asin. Min tina em em tu ni mah se hetiang thil tha lova a inhnamhnawih hi ka beisei miah lo tak tak.
.
Video pahnih awm chu eng thil nge tih hriat tumin ka en leh a, ka phu nawn awn awn a ni ber e. He video hi engtin nge a neih tih zawt turin amah ber a awm tawh si lo. Heng thil zawng zawng hi police hnenah dah ila kei hian buaina ka tawk lehsi angem le? Buaina ka tawh ve ka hlauhna ai mahin engkim buai hnawk lehzuala a awm ka hlau a ni zawk mahin ka hria.
.
Tunah chuan engmah tihtheih ka nei rih lo.
.
Robert kan vui liam a, a thihnaa inhnamhnawih thei awm ka rinhlelh ho tumah ka hmu lo. Thlalak a lang ho kha a then chu ka hmelhriat an ni ngei a, thenkhat kha chu ka la hre ngai lo mai pawh a ni lo vawikhatmah ka la hmuh ngai miah loh te pawh an awm. A chhungte hian tumah rinhlelh tur an hre lo a, rilru na takin an indawm kun tlawk tlawk tawp mai a ni.
.
Kar a liam a, Robert thihna chu mi tam zawkin an ngaihven lo zui nghal mai a, a thih dan ngaihtuah pawh khan thih dan pangngai a ni lo tih a chian tawh mai bakah post-mortem result arawn chhuak a, thah a ni  ngei tih a chiang lehzual ta bawk a. A result ka hriat dan pawh Pu Thangkima’n ka pa hnena a lo sawi ka hriat chhawn leh a ni.
Tichuan, uluk taka ngaihtuahin leh Robert pendrive ka kawl atang hian amah thattu hi a ruka ka zawnchhuah theih ka ring. Ka thil ngaihtuah chuan keimah ngei pawh min thawng dawt mai. Hmeichhe pangngai ve mai ka ni a, tharum ngah tak ka ni lem lo bawk a, ka thil neih hi police  hnenah hlanin ka buai ve lo thei ngei mai a. Mahse, ka thutlukna ang hian ka awm dawn a ni.
Robert thihna vang chauha hetianga thutlukna siam hi ka ni lo tih chiang takin ka inhria a, Alawmi thihna nena inkaihhnawih kal zel vanga Robert hi thah a ni ngei ang tih ka ring nghet hmiah. Ka tan chuan an thihna hi ka ngaihtuah ngai hauh loh ka nun dan phung thenkhat thlak danglam hlawk tu a ni dawn ta anih hi. Nge ni a, chhungrila ka nihna dik tak hi ka lo la inhre miah lo zawk. Hmeichhe pangngai mai tih theih bak pawh ka lo tithei reng maithei asin!
.
Naupang kum 6 mi lek ka nih laia ka chunga thil thleng vang khan huaisenna ka nei pawh a ni mahna. Tunge hria ang? Hun eng emaw chen chu kha thil kha ngaihtuah chhuak lovin ka nun ka hmang mawp mawp a, ka thinlung na taka hliam anih hnu pawh hian ka ngaihtuah chhuak mai chuang lo. Engpawhnise, ka thiltih tum hi Eleazer ka theihnghilh theihna tura ka thinlung tana damdawi tha tak pawh a lo  reng mai thei bawk.
.
ELEAZER*
.
An office atanga zangkhai taka a lo kal chhuak chu ka lo en reng a, a bula mipa nen chuan eng thil nge an sawi ka hre pha lo nain chupa chuan a lawm zawng tak a sawi a ni ngei ang Muffin chu za zet hian a nui a.  Engvanga Muffin tia ko tlat nge ka nih ka inhre bik lova, hming mak tak taka inkoh hi ka tih ngai loh leh ka ngaihtuah ngai miah loh a ni. Hmeichhe danglam tak anih vanga hetianga ko hi ka ni ngei ang.
.
Chu pa phiangsen chuan eng thil nge a hriat a, ei mai duh hmel pua a en ngam zawk chu le. Amah lah sawn chu chu a hre miah loh tih a lang reng lehnghal. Ral khat atanga lo thlir ngawt hi a tawk zo tawh lo anih hi. Bakah vawiin hian amah hmuh tuma helai hmun pan hi ka ni hrim hrim bawk.
.
Ka lam pana lo kal an nih tho vangin car atangin ka chhuak a, min hmuh chuan rang zet hian a hawisawn a. Min hmuh chak lo mahse a hlatah ka awm tawh dawn lo.
.
"Hmingi, ka lo nghak che a." ka koh dan teh tawl vang chuan a ni lo ta deuh hu in ka hria. Mi hriat laiin amah ka rilrua a hming ka vawn tlat dan ang hian ko ila a lawm lo lehzual ngei ang. A ner sak a, min rawn melh chuang der lova. A bula mipa kal chu a banah a vuan a, min ngaihthah a min kalpelh mai theih a inring a nih chuan a tisual chiang khawp ang.
.
An kalna tur taka ka din takah chuan min en lo thei ta lo. Ngaihthah theih miah loha awm dan chu ka hre ve alawm.
.
"Enge itih dawn?" chiang zet hian min en a, a bula mipa ban a vawnna chu a tinghet sauh tih ka hmuh chuan ka rinlawk hauh lovin ka awm chhungah hian eng emaw arawn inhnawh ut a. A laka mawi lo taka ka chet hnu khan mipa dang nen ka la hmu dun miah lova chuvanga a bula mipa hi hmumawh ta riau pawh ka ni mahna.
.
"Ka lo nghak che. Hun i neih chuan biak che ka duh a." tlemin ka tawngkam a pangngai ta deuh. Mi hmuhlaia mawi lo leh awm ang lo taka ka chet hian amah hi ka tilang nep dawn a ka hriat vang chauh a nungchang mawi zawk lantir ka ni bawk. Tuna ka chunga thil thleng mek hi ka hrethiam lem lo khawp mai.
.
"Tunah chuan hun ka nei rih lo anih hi. Te, kal ila?" a bula mipa chu a en chho ha a. Chupa chu a bu nghat a.
.
"Muffin, tunah biak che ka duh!" ka ti nghet charh a.
Hamhaih hmel pu deuh hian nui hakin a ka a ang zuau a, a ngawi leh rih. A bula mipa ban a vawn chu thlahin min rawn hmachhawn tha leh a.
.
"Engtin maw min koh?" a mit chhing zawkin a dak vah a, a chezia zawng zawng chu hmaih palh ka nei lo. Hei tak hi a danglam bikna tam tak zinga pakhat a ni. Ngaihtuah chiang lovin engmah a sawi ve ngai lo ni hian ka hria. Min rawn hnaih a, hetianga a chet hi ka beisei loh em vangin ka hamhaih let ta zawk mah. Hmeichhia vang mai maia ka hamhaih ka la hre ngai hek lo.  "Khatianga min ko ngam tur khan i engmah ka ni lo." ka beng bulah arawn phun a, engmah ti ve hman miah lova min siamin a inla hrang a, a kalpui pa lamah letin "Kal ang." a ti sap a.
.
Ka en tawp! Tun hi a vawikhatna a ni. Engmah sawi tur hre miah lova ka awm vawikhatna!
.
A bula mipa chuan a bike a tinung a, Muffin chu bike hnungah chuan chuangin an tlan chhuak nghal a.  Thil danglam eng emaw tak chu a awm a ni. Thil danglam tak. Muffin hian.. Muffin tia ka ngaihtuah teivet le! Ka hmangaih emaw in lo ti ngawt ange! Hmeichhia te hi ka hmangaih tura siam an ni lo. Ka tan chuan hmanrua an ni reng thin a, tunah pawh hian chu thil chu a la danglam chuang lo. Engvanga kha hmeichhe lakah khan inthiam lohna nei tlat nge ka nih ka inhre hek lo.
.
Kan inhmuh hmasak ber tum khan a hmel nung sar leh min ngaihven miah lo anga alan vang khan ka mit ala a, hmeichhe pian pangngai tak nei leh hmel pawh zahpuiawm loh tak chu a ni. Ka tan chuan mak ve deuhna pakhat a nei. Chu chu hmeichhe tam zawk hian min hmuhin min ngaihven lo ngai meuh lo. Nu tling tawh kum upa tawh pawh an bang chuang hauh lo ania. Ngaiah ka lo neih mai mai thin a, mahse min hmuh veleh a min ngaihven miah lo hmeichhia ka hmuh takah khan a dan a dang ta deuh a ni. Min hmuh veleh khan en chu min en ngei a, zak niawm takin a hawisawn leh nghal a. Min ngaihven mitmeng emaw hmeichhe dang mitmeia ka hmuh thin ang amah ah khan ka hmu hauh lova. Chu chu ka tan chona a ni. Chona lian tak!
.
Vanneihthlak takin ka ti dawn nge, mak takin ka motor ah khan a phone a tlauh a. Chu bakah ka thianpa Sawmzuala nupui unaunu Alawmi thiantha ber tih ka hriat khan ka thil hriat duhah min puih theih beiseiin ka hnaih ta anih kha. Infiamna nuam tak a ni bawk. Hmeichhe laka that chhuah hian thil nuam tak pakhat a keng tel a, chu chu sex a ni! An rilru hneh lah ka tana thil harsa a ni hek lo. Mahse, Hmingthansangi, Muffin.. a hming chu engpawhnise, hmeichhe thianghlim a ni ang tih ka ring lawk lo hulhual a, ka lakah a rilru puthmang a thup loh rual rual khan ka thlenpui theih tur chin chu ka hre nghal mai bawk. Ka tan hmeichhe mutpui hi thilmak leh danglam bik pawh a ni lova, ka ti ta reng a. A ti duh ang tih pawh ka rin loh thleng min umzui ta reng a ni. Mahse, thil dang ka sawi hmaih theih miah loh tur thleng a awm! Alakah feelings nei miah lo a hmeichhe dang ang bawka a liam mai ka ring a, ka tisual ta a ni.
.
Chiang taka ka hnawl lai khan a mitmenga a thinlung natzia lang chhuak kha ka hmuh hmaih hauh lova, nuam tih lohna pawh ka nei ngei alawm. Mahse, rei a daih lem lo. Hmeichhe dang ka bula engtiklai pawha awm thei an awm reng lai chuan ka hrereng lem lo. Min bansan lovang tia min hrilh kha ka tan thil thar ala ni lo fo! Ka secretary hnenah ka chanchin a lo zawt thin tih ka hriat khan ka rin aiin min zar buai rei peih dawn  niin ka hria a, mak takin ka chhungril ah hian nuam tihna ka nei a ni. Margaret hian hmeichhe dang aia a danglam thu ka hnenah vawikhat chu a sawi a, ka dam that leh dam that loh chiah a zawt thin tih a sawi bawk. Ka kawp thin hmeichhe tam zawk hian ka dam that leh dam that loh aiin ka sum an hman theih dawn leh dawn loh an ngaihven zawk tih fiahna ka hmu fo a, keimah chauh a ka awm hian ka ngaihtuah chhuak ta fo a ni. A mak khawp mai.
.
Thil dang zawng zawng ka sawi chuan a thui dawn. Tun mai khan a vawikhat nan mipa dang nen ka hmu a, keimahah hian danglam a awm a ni. Chu chauh chu a ni lo, a hma pawh khan, a bula ka awm hian.. Danglam tur ka ni lo. Ka duh vang renga ka tihnat hmeichhia hi ka hnaih kher a tul nachhan tur eng thil mah a awm lo. A vai khan hun liam tawh a ni a, ngaihtuah thar leh a tul tawh lo.
.
"Ka duhtawk ang!" ka phun hluk a. Ka car-ah lutin ka tlan chhuak nghal a.
.
Ka in ah ka haw tlang a, tui vawta ka inbual hnuah inthlak in laptop ka on a, chhuna ka endik bak statistic ka check nawn a, ka rilru ah a lut hleithei der lo mai. Thaw huaiin laptop chu ka shut down a, ka phone phawrhin Loretta ka bia a. Zanin chu chhuah harh ka mamawh a nih hi.
.
Zan dar riat a rik chuan kan kal tumna hmun thlengin pawnah car ka dah fel a, inchhung lam thawm chu a tha khawp mai. Loretta chuan ka banah min rawn kuahin inchhungah kan inzui lut a, kan thian thenkhat te pawh an lo awm der tawh bawk. Tum dang ang bawkin zanin chu an tal hiar leh khawp ang.
.
"Sawlamah sawn in tur a awm a nia." Mawizuala chu ka bulah rawn dingin ka darah min beng thawr a. Hei pawh hi keimah ang bawka nupui neih tum lo ve bawk a nia, inkawm tam lutuk lo mah ila hmelhriat tha tia sawi tur zing a mi a ni.
"Zanin chu mi thar ka rawn hruai a, a chhe lo tehmai a nia aw." ka beng bulah arawn ti sur sur a, kei aiin he mihring hian a hmeichhe khawp a thlak zing hial lovang maw?! A hmeichhe hruai a bula arawn kal chuan Mawizuala sawi ang em a nalh a ni leh lem hlei lova.
.
Darkar khat dawn ral hnu pawh chuan a vanglai kan thleng dawn chauh nimai hian ka hria. Thawm bengchheng lutuk chu ningin pawnah ka chhuak a, ka awmna hmun atanga hawi thlak chuan kan awmna in kawtzawl zau zet leh eng ut chu a langchiang khawp mai.
.
Gate ah chuan bike arawn tlan lut a, bike hnunga thu hmeichhia ka hmuh chuan ka ding ngil zawt mai. Hmuh chian lehzual tumin ka en chik a, ka hai lo chiang khawp. Amah ngei a ni. Helai hmunah te eng thil nge arawn tih  ve dawn? A bula mipa ka hmuh chu tlai lama ka hmuh tawh pa bawk kha a ni. Ka ner nawk a. Engvanga ka hmuh apianga danglam nge maw ka nih teivet ni!
.
Inchhung ah ka lut a, Loretta leh Tetei chu kai tawh zet hian kil khatah an lo thu zawi ngiai a. Min  hmuh chuan Loretta chu rawn thu chhuakin min rawn pan a, a mitmeng atang chuan eng thil nge a beisei ka hai lo. Mahse, zanin chu ka phurna a reh vek tawh. Khawih vel chakna ka nei lo!
.
"Heiii_Inchungah chho ila.." min melh sawr sawr a, a ding ngil hleithei lo.
.
"I rui tawh a nih kha. Haw zawk ila a tha ang."
Nui har harin min rawn kuah a.
.
"A la nuam alawm. Inchungah reilote mu ila ka harh leh mai ang."
.
Nia, a harh leh deuh phawt loh chuan hruai hawn chi pawh a ni lovang. Inchungah muttir turin ka kuah chho a, tunah mai hian ka hne hluah hluah a ni. Hmeichhe nalh tak a ni a, min hauh na thin viau bawk a. Pawi ka ti ngai lem lo kha ania. Engtiang pawhin awm se ka sawisel ngai hek lo. Ka dam chhung hun min hmanpui tur a ni lo tih ka hriatchian vang pawh ani mahna, a awm dan dik lo tak hi siam that emaw inthlak tura duhna ka nei ngai reng reng lo.
.
Inchung pindan ruakah ka kuah lut a, khumah chuan zawi zet hian thuin a bula mu turin ka nghawngah min kuah a.
"Tunah chuan a theih loh. I harhfim lo."
.
"Enge pawi.." a hmui a pet sawi a, he hmeichhia hi chu ka hrechiang alawm.
.
"Muhil rawh.."
.
Kan awmna room kawngkhar inhawng ri rak ka hriat chuan ka hawi chhuak vat a, ka beisei loh ber ka hmuh tak chu!
.
"Muffin!" ka phun hluk a, ka tawng ri chu keipawhin ka hre phak chuang lo. A ni pawh min hmuh chuan a ding chawt a. A hnungah a mipa hruai kha arawn lut ve nghal bawk. Chupa hmel ka hmuh chuan a chhan ka hriat miah loh hian thinrimna in ka khat nghal vek.
.
"Oh! Mi an awm!" za lo zet hian Mufiin chu a nui hak a, min hria angin a awm miah lo. Min hmuchiang lo aniang ti dawn ila room light a eng ut si. Loretta ban chu vuanin ka nghawnga min kuahna chu ka phelh a, ka ding ngil nghal vat a.
.
"Chhuak ang.." nui kar karin mipa chu a kai a, room atang chuan an chhuak lehnghal a. Ka umzui ve ringawt bawk.
Pindan ah khan eng tih tuma rawn lut nge an nih? Loretta rilru ang pu khan mu dun turin an lo kal ve anih chuan... Ding leh rihin ka hma zawna bang chu ka chum nghek a. Keimah ka ni lo. Hmeichhia vanga ka inthununna ka hloh thelh chu!
.
Thawk lain muangchang zawk hian inhnuai lamah ka chhuk a. Music ring lutuk vang chuan ka lu a tur lehnghal ut ut hialin ka hria. Ka mit ka len kual a, Muffin leh a mipa hruai kha ka hmu leh mai tawh lo. Room dangah kalin nuam an chen a ni ngei ang. Enge ka lo buai ve ngawt.
.
Insehruh teuhin Mawizuala bulah ka thu a, ka awm dan dik chiah lo chu a lo hre rang khawp mai.
.
"Thiana, tinge a?"
.
"Engmah." tih chiahin ka chhang. Ka hma dawhkan te a in tur an dah chu lain vawikhatah ka tlak nghal pawp a.
.
"Khawnge Loretta chu?"
"Inchungah a mu." ka tih chuan a ner suk a. Min ngaihven zui lovin a bula mi a hnaih hrut hrut a.
.
Ka hawichhuak a, kan piah lawk thutna a Muffin thu ka hmuh chuan ngaihtuah lawk lem lovin ka pan nghal ruak ruak a. A bula thutna awmah chuan thuin amah ka en a, min hre ngai miah lo ang hian a la awm ngar  ngar nia!
.
"I tha maw?" ka tih chuan muangchang hian min rawn en a, a intur ken chu a in hlak a. A hmui hnawih sen hlar chuan a lan dan a tidanglam khawp mai. Ka zawhna chu a hre lo a nih hmel. A hawisawn leh mai a. Mi ngaihthah luih chu a thiam hle dawn mai.
.
A intur ken chu laksak in ka in a, ka phuh chhuak leh lo chauh a ni. Juice maw? Nge thil dang a telh
.
"Hetah hian enge i rawn tih ve?" a beng bulah kun hnaiin ka bia a, ka tawng a hriat chuan min en ha a.
.
"Hei, min hmu reng alawm." music ring lutuk vang chuan awki pangngai pawhin kan tawng thei lo.
.
"I mipa hruai kha.." ka sawi loh tur ka sawi_ Ngaihven anga lan hi enge a tulna..
.
"Lo buai suh.." nui sang chung hian a mit a siai zauh a. A awm dan chuan min khei ngar ngar nimai hian ka hria.
.
"Nang hi.." serious zet hian ka en a, ka rilru a thil lo awm chu ka duh lo kher mai. Duh lo tur ka ni reng em? Hetiang a lo nih tak nachhan hi keimah ka ni angem? Keimah vang anih chuan..
.
"Hahdam rawh." arawn kun hnai lehzual a "Kan thiltih kha i ngaihtuah let anih chuan theihnghilh rawh. Kha thil vang khan lawmthu ka hrilh kher dawn che em?"
He hmeichhia hian min barakhaih chiang tak zet zet a ni e!
.
Ka chhan leh hmain a tho a, a mipa rawn kalpui pa awmna lam panin music rem chuan zei lutuk tak zet hian a kal phei a. Mit khap nachang pawh ka hre lo!                                                                                                                                                                                                                                                                               
COPAS (HEARTS)
.
CHAPTER - 12
.
Thantei_LauraSean
.
H & E
.
A thianpa bul a thlen chuan an lam dun a, a nghawnga a kuah ka hmuh chuan ka sa nghal pup pup mai. Sawtiang sawn a lam thei ang tih ka la ring chhin ngai lo hrim hrim. Ring chhin tur pawhin hetiang hmuna kal vak chi ni a ka hriat loh vang khan ka lo ngaihtuah lo hrim hrim bawk. Ka thutna chu thawh sanin an awmna lam chu ka pan a, keimahah hian eng thil nge dik lo ta pawh ka hre lo e. Rui khawpin engmah ka in hauh si lo. Lam ve turin ka lam ngai pawh a ni hek lo.
.
A bul ka thlen chuan a lam chawl chuang lova min rawn melhin a nui sak a. Min beisei a min nuih a ni lo tih langchiang. Ka ngaih dan anih loh zia chu ka sawi buai kual vel lo mai ang. Keimah ni lo mipa dang hnaih taka a lam chuan ka chhungrilah hian mak takin min hnawh a, a lam dan chu hmeichhia inlak itawm tuma insawih vel ang a ni hauh lo nain ka taksa ah hian danglamna a thlen si a ni.
.
A bula mipa a kuahna a thlah rual chuan a kawngah ka kuah a, min rawn enin ka khawihna chuan amah ah danglamna a thlen lo tih min hriattir tum ni zawk awm tak hian a then sak a.
.
"Engvanga hetianga awm hi nge i nih?" a beng bulah ka kun hniam a, ka thusawi chuan engtin nge hna a thawh tih hriat ka duh vangin a hmel ka en a, a ner sak. Chu zawng chu! Ka rin loh dan tak hian ka nghawngah min rawn kuah a. He hmeichhia hi Muffin tia ka hriat thin kha a ni tawh lo!
.
"Engtin nge ka awm?" a taksa chuan min rawn si thlap a, ka taksa hnuai lam danglam chu a hre ngei ang. Kei hi.. "I hmeichhe duh tak kha engtin nge i kalsan theih zawk a?" a rawn ti sap a. Ka rilru awm dan hi ka sawi thiam ta hauh lo mai.
.
"I thik tih sawi i tumna a ni em?"
"Keiman maw?" mak tih hmel deuh hian a meng phar ak a, ka nghawnga min la kuah reng chung chuan dak meuh hian a nui a. Kan bul vela thil dang awm zawng zawng chu an chawl thup ni hian ka hria! A nui hmel chu hmuhnawm ti takin ka en a. A mitmeng chu lang de sarin min cho zet hian min rawn en leh a. "Tupawh kawp la lo thik tur ka ni em ni?" a lu thing in "Ka thik lo hlauh.. A lawmawm lamah ngai mai ang aw.." he hmeichhia zet hian eng thil nge a hriat a. Nia, hmeichhia eng mi pawh kawp ila.. A dik thei lo.
Chhang lovin ka dar ka tiche zauh ringawt. Heti taka min hnehsawh thei hmeichhia hi ka la hmachhawn ngai lova kei mipa ah pawh mipa tak tak nia inchhal thin hian sawitur ka haihchham chu a nih ber hi.
.
"I la serious lutuk anih kha.." ka nghawnga min kuahna chu phelhin ka awm ah a kut pahnih a nghat a. Min khawihna lai apiang chu ka thluak hian a hrechiang hle.
.
"Ka haw a hun tawh a. A nih phawt.."
.
Tak zet hian!
.
Ka rilru ka lo pek miah loh vangin awlsam zet hian a kawnga ka kuahna chu a phelh a, min kalsan chu ani nghal mai. Ka en zui a, umzui ka tum zet nain ka thulh leh. Ka inngaihtuah leh zet a nih loh chuan hmachhawn tawh rih loh a finthlak zawk ang.
Khawi atangin nge a lo chhuah leh tih pawh hriat lohin a thianpa khan arawn pan thuai a, pawn lamah an chhuak nghal a.
.
Tunah hian helai hmun hi ka chhuahsan ve nghal angai. Ka thluak ka tih fim angai anih hi.
.
Inchungah chhovin Loretta khuma lo mu darh nuai chu ka kai tho a, a la harh chiang lo chung chuan ka kuah chhuakin ka haw pui nghal vang vang a. An in kan thlen chuan a harh chiang ta deuhin ka hria.
.
"Naktuk ah ka rawn hmu ang che." min rawn kuah tumin min ban a, ka hnunglamah awnin ka lo dang thuai a. Tunah chuan ka ngaihtuahna ah thil dang engmah a awm thei lo. Ka vawikhat tihna anih lem loh vangin a hmui hnuailam tipawrh tarh hian a nur nang nang a. "Eng thil nge diklo awm?"
.
"Chutiang engmah a awm lo. Lut tawh rawh." an in lam ka melh a, zan dang ang bawkin a thim leh thap tawh.
.
Loretta'n min kalsan hnu chuan in lam panin motor ka khalh a. Hmingthansangi hmel  hlir ka mitthla a awm vang chuan ka thinur hlur tawh. Ka in ah ka lut a, ka room-a lutin khumah ka mu nghal thawr a.
.
He khumah ngei hian ka rilru luah ngut nguttu hmeichhia khan a  thianghlimna min hlan a, a hunlai khan a thinlung zawng zawng min hlan tih a  mitmeng mawi taka min melh khan a lang chiang vek a, tunah khawvela thil thleng thei lo tur khawp a ngaih thil mak ber chu lo thlengin a danglam ta si.  A lehpek a awm ngai anih chuan a awm ang chiah khan ka tan engmah a ni tawh bik lo tih ka tilang khawp ang. Ka hnawl vanga hetianga danglam ta leh engahmah min ngai ta lo anih phei chuan a hnawltu zawk hian amah aia nasa in ka ngaihthah thei ngei bawk ang chu.
.
Ni hnih ral leh chhung chu office-a ka kal bak hmun dangah thiante hmu pawhin ka chhuak peih lo a, mahni chauha ngaihtuahna kawm ka mamawh rih ni a ka inhriat vang a ni pakhat. Eng teh vak phei chu ka ngaihtuah chhuak lem hlei lova. A ngai bawk a nimai.. Hmingthansangi bawk! Amah vang hian ka tihtur pawimawh tak pawh ka mangnghilh dawn dawn alawm le. Ka tan engmah a ni lo. Hmeichhe pakhat ka laka tlawm tawh, ka hnawl tawh a ni. Liam rawh se. Engtiang pawhin awm se ka tan engmah a ni lo. Ui tur ka ni em ni? Ka ui ang maw..? Huh.. Ka ui lul lo mai. Ka induhtawkna a khawih che hlek chauh a ni. Chu zawng chu.
.
Ka pen humlai chu ka ulh keh rawp a, ka hma zawnah thehin ka thutna atang chuan ka tho a. Kal duhna ka nei.
.
Ka car la chhuakin ka tlan chhuak nghal a, Sawmzuala te in ka thlen chuan tlai lam dar 5 a pel fel tawh. Door bell ka hmet a, min chhangtu an awm mai loh vang chuan ka hmet nawn leh a.
Hmel phelh phang hian Tabithi'n kawngka arawn hawng a, ka hmel a hmuh chuan inhui mam zung zungin a nui lui sak a.
.
"Sawmzuala a awm em?"
.
"Uh, awm lo. I lo kal dawn tih min chah miah lova." a nui hmel chu ka en a, a hmuiin a nui a, a mitmeng chuan thu dang daih a sawi thung. "I dam tha chiah lo a ni maw?" ka tiliam puat a. Ngaihthat loh hmel leh chik taka zawhna zawh vel ka duh chiah lo a ni. Thil dik lo a awm ang tih chu mi a ber pawn an hrethiam ang.
.
"Dam tha e. Ka chhun mu ka lo mu tlang daih a. Min rawn kaitho lo phei la tlai eirawngbawl ka tlai vek dawn anih hi. Lo thu ta che." a ti zung zung a. Sawmzuala ber a awm loh chuan Tabi nen hian han sawi dun tur kan nei lo. A nau chungchang a thil thleng kan chhui tih hi Sawmzuala'n a nupui hriat a duh hauh hleinem.
.
"Ka kal leh zawk mai ang. Naktuk ah pawh kan inhmu thei tho a."
.
"Chuti tur maw? A nih i lo kal tih ka lo hrilh dawn nia." tiin a meng dul leh ta lap a.
.
An in ka chhuahsan hnu chuan tihtur dang ka neih lem loh vangin ka nu leh pa chenna lam ka pan ve ta thung a. Tun thla chhung hian ka la tlawh miah lo. Ka nu ngaih dan a pel nasa tawh khawp ang. Ka u te nupa leh an fate pathum nen an cheng a, mahni chauha hun hman tam duh chi ka nih vang hian keimahin ka awm hrang ta a ni. Mi thenkhat chuan chhungkaw buaina vanga awm hrang angin min lo sawi chiam tih kan hria a, engahmah kan ngai lem lo tlang aniang. Engmah kan sawi ngai lo. Ka nu erawh hi chuan ka awm hran taka tang hian nupui nei thuai turin min nawr ve sek a, 'ka nei thuai dawn alawm.' tia chhangin nupui neih lam ka ngaihtuah chuang der lo.
.
Kan in ka thlen chuan naupang an lo ri niai niai a, min hmuh rualin an te ber Thomas chuan te chul chungin min rawn pan a, ka lo pawm vat a. Naupang hi ka ngaina lem lo ni a ka inhriat laiin an unau ho te hi chu ka ngaina ve khawp. Ka tiluam thiam lo mai pawh a.
.
Zanriah ei kham hnuah keimaha ka chenna hmun panin ka chhuak a, ka tum lawk pawh ni lem lo hian a kual zawngin ka kal a, Muffin te in ka tlan pelh lai chuan ka mit la tak thil ka hmu fuh ta tlat. Ka tlan muang lui a, ka mi hmuh pa chuan min rawn ngaihven hmelin a lang lo bawk a, uluk zet hian ka enzui a.
.
 Party naa ka hmuh pa ngei kha a ni. Nghah nei ni awm tak hian Muffin te in lam chu a hawi a, in kawngkhar chu rawn inhawngin hmeichhia arawn chhuak a. Ka tlan muang lui nain ka hmu zui thei ta lo.
An in piah deuhah chuan dingin ka ngaichang a, ka awmna lamah hian an rawn tlan dawn lo aniang a reh vang vang mai.
Tlema tlan sawn leh deuhin motor ka turn a, thil thleng tur awm tlata hriatna ka nei. Muffin hi tunhma zawng khan zan lama a chhuah vak ka hre lo. Ti ila, a chhuak vak ngaiin ka ring lo. A hma khan lo chik vak nachang ka hre lo a, mah se, a danglam tih erawh ka hrechiang fu si chu anih hi. Engtik atang khan nge a nunphung hi a lo danglam tak em em le? Kha pa nen khan an inzui tam viau bawk a nih hmel tlat. Chu thil chu ka pai dai thei tlat lo!
.
Thui pawh ka tlan hmain anmahni ni awm tak chu ka hmu ta thuai a, ka thaw deuh hawk. Ka rin lohna lamah an peng thut a, umzui zel tur anni nge ni lo ka hrethiam ta lo.
Ka duh loh tawp thil ka hmu ang tih hlauhthawnna  ka neih chu dahthain an penna kawngah chuan ka kal leh ta zawk a.
.
Thui vak lo ka zui hnu chuan an ding a, an kalna tur in atanga thawm lo chhuak ka hriat chuan hlimhlawp thilah an kal dawn tih ka chiang nghal mai.
Motor atanga chhuak lovin an lo chhuah leh hun  ka lo nghak mai ang tiin ka thu ta ran a.  Kei hian eng thil nge maw ka tih tak le? Hmeichhia ka umzui tak chiam mai chu.
.
Thawm danglam inchhung atanga lo chhuak ka hriat chuan ka thu ngil zawt a.
.
Hmeichhe thenkhat an te teng tung a, mipa rum hrawk hrawk thawm ka hriat chuan ka inhriat hmain motor atangin ka lo chhuak fel der tawh. Inchhung ah chuan ka lut a, mipa pahnih insual chu ka hmu nghal mai reng a. Thelh an tum hmel hlawm loh. Muffin hmel ka zawng a, ka hmu mai lo. Hetiang hmunah hian eng thil nge maw a tih phiangsen ni? A mipa zui khan a venghim thei lo anih teh chuan...
.
Ka rilru a thil lo lut zawk vang chuan ka mit ka chhing sawk a. A ni thei lovang..! Ahmaa inremsiamna ka neihpui thil ah khan a inrawlh zui anih chuan a him dawn lo chiang khawp!
.
Mipa awm ho chu ka melh kual thuak thuak a, ka hmelhriat ka hmu lo. Oh..! A mipa zui fo pa kha kil khatah hian a lo ding reng a, min rawn hmuh chuan a awm dan danglam lem lo hian min rawn nuih suk a. Ngaihtuah lawk lem lovin ka pan ve nghal hmiah. Muffin hmel ka hmu lo.
.
"Hetah te enge i rawn tih dawn teh tlat a?" pangngai zet hian min bia a, keipawh ka inthunun ve bawk.
.
"Kan inhmu leh ta hlawl alawm." min zawhna chu chhan ka tum lo. "I tha maw?" ka ti ta zawk a.
.
"Tha alawm." inchung lam a melh zauh chu ka hmu reng a, pangngai taka lang chungin ka kal pel a. Inchung lamah Muffin a awm ngei ang.
.
Inchunga chhoh tumin inchung panna step awm zui chu ka pan a, hmeichhe thenkhat chuan min ngaihven tih hriatreng hian min lo melh rawlh rawlh hlawm bawk a, a chep deuh bawk nen kan innek thuak thuak mai.
.
Inchung ka thleng a, ka rin loh deuhin inchung lamah pawh mi an lo awm teuh tho. Muffin chu ka la hmu ta chuang lova. Khawiah nge maw a kal reuh le? A mipa zui kha lo zawt ila tha tur.
.
Pindan chhuahsan tuma ka inher chuan kawngka ah arawn pen lut ve chiah. Min rawn hmuh chuan min beisei lo tih a hmelah a lang chiang khawp mai. A bulah kal hnaiin a banah ka vuan a.
.

.
HMINGTHANSANGI*
.
Eleazer maw! Hetah hian engtin nge arawn kal ve theih? Ka him chiah chiah a ni e.
.
Min ringhlelh hmel taka min en chik hnuah ka banah min rawn vuan a, pindan atang chuan min kai chhuak a. Hnial buaiin awmzia a nei dawn lo tih ka hria. A hmel hmuh fo hi ka duh lo asin. Tunah tak phei hi chuan ka mamawh loh ber mihring a ni chiang khawp.
.
"Eng thil nge itih?" min kalpui hlawk hlawk a, ka tawng chu hre awm pawhin a lang lo.
.
Pindan pakhatah min kai lut a, helai hmun hi a hrechiang viau anih ka ring. Ka inrin hma hauhin bang ngheng rawk hian min dawm bet a.
.
"Hetah hian enge I tih?" min hnaih lutuk mah mah a ni. A mitmeng thim raih chuan min en a, min zawhna chu chhan ka tum lo. Pindan a eng ut lo chu ka lawm tak zet. Chiang deuhin ka hmel hi hmu se min ringhlel lehzual dawn chiang. Ka thiltih hi a hre tur a ni lo. Amah chauh a ni lo, mi dang reng rengin kan thiltih an hriat hi a thiang lo. Te-a nen chauh kan hriat tur thil , thuruk tawpkhawk a ni.
.
"Enge itih zawk?" ka ti fak a. Ka chhan dan chu a beisei loh dan a ni ngei aniang, min vawnna chu tinghet zual sauhin a insehruh tih ka ka feel thei.
.
Tawng lova min rawn hnaih lehzualin ka chalah min rawn si a. A awm dan hi ka hrethiam lo. Min hmerna chu a thlah dul tial tial bawk a. Keipawhin sawi mai tur ka hre bik lova, ka hriat zawng chu tuna kan awm dan ang hian kan awm reng a nih chuan thil tha aiin thil tha lo a thleng ang tih hi a ni.
.
A kut dinglam chuan ka tukhumah  min rawn vuan a, a chet dan chu ka beisei loh em vangin ka hamhaih a ni ber. Ka ding tawp. Ka hamhaih ka tih rualin Eleazer hi ka thlahlel tih erawh ka pha thei hauh lo mai.
.
"Min kuah rawh!" kan hmui a insi lo chauh tawh a, a tawng zawi em em bawk. A tawng chu ka hresual anih ka ring zawk.  He mihring hian engatan mah min ti tak tak lova, tunah hian engvanga hetianga rawn awm nge anih reng reng? Kalsan ka tum ka thinlung natna hi tuna a awm dan vanga a thar ang maia tuar leh ka duh tawh lo. Ka tum lo bur. A va harsa tehlul em!
.
"Eleazer.."
.
"Shh!" a kutin ka hmui arawn tawk a. He thil hi ka tihtawp angai.
.
“Eleazer, duhtawk rawh. I tan engmah ka nih loh ang bawk hian ka tan engmah I ni tawh lo. Ka tan a harsa zawngin awm suh.” Ka tawng chu a ri chhuak chang chang a ni. Ka ngaihtuah thin  anga chak taka awm thei chu ni ila tunah hian an khumin ka tha neih zawng zawng seng meuhin  ka ham bawrh bawrh ngei ang. Ngaihtuah ang ngawt hi a ni thei thin si lo. Thinlunga inhmangaihna awm hi chaklohna thlentu chauh a ni e.
.
A awmah ka nem a, a che eih lo. A maimitchhing niin ka hria.
.
“Hetah hian enge irawn tih?” ka ti tha leh a. Min chhang lo. Tunah chuan ka aw pawh a pangngai ta deuh.
.
Min vawnna chu thlahin ka banah min vuan leh a, min dek lo hian awm se ka hahdam zawk ang.
“Chu zawhna chu keipawhin ka zawh che kha.” a ti nghut a.
.
“Eng thil nge ka tih.. chu chu ka buaina tur a nia. Min zui tawh suh.”
.
“Ka zui che ni a I ngai anih chuan theihnghilh rawh. I mipa zui thin hi hnaih lo bawk la a tha ang.”
.
Ka nui hak a, ahma lawka kan boruak kha a inthlak leh vek tawh.
.
“Chu chu ka buaina bawk. He pindan ah hian engvanga min hruailut nge I nih? Min zui lo anih chuan tunah hian ka kal nghal mai ang. A lawmawm e.” ti nghatin  min vawnna chu ka phelh a.
Kawngka ka pan a, kawngka hawng tura ka ban ka phar chiah tih hian ka nghing dawt a, au ka tum a, ka au chhuak thei lo. Eleazer hmel chu fiah lo ruai hian ka hmu a, min dawm tumin min rawn pan ngei a  ni. Ka hawi sawn hlek a, pindan chhungah chuan amah ni lo mi dang ka hmu bawk. Eng thil nge thleng hi??
COPAS (HEARTS)
.
CHAPTER - 13
.
Thantei_LauraSean
.
H & E
.
ELEAZER*
.
Muffin chu a tluk hmaa vawn hman tumin ka pan a, ka che rang tawk lo. Chhuatah chuan a tlu thlawrh mai. A tluk rual deuhthawin a bula mihring ruangam chu ka hmu ve chiah bawk. A hma khan khawiah nge a lo biruk ka hre lo. Nge, kan inbiak lai khan thil dang reng reng ka lo ngaihtuah lova, kan luh hmaa lo awm sa ni lovin kan inbiak lai khan a lo lut pawh a ni thei tho. Chu ruangam chuan min rawn hmachhawn a, engpawh thlen huamin ka hmachhawn ve hmiah bawk.
.
A kuta a thil ken chu enge a nih ka hre lo, ka lam hawiin a rawn lek a, ka lo indang hman hlauh. Tupawh chu nise a thil tum atih loh nan ka dan ngei angai tih ka hrechiang em em. A chet leh hmain ka hnek a, a fuh khawp aniang a ri no chawk a, a pai nghal chawn chawn mai. A thil ken chu a thlauh nghal bawk a. Ka chet leh hman hmain pai nawk nawk chung chuan kawngka a hawng a, a tlan chhuak  nghal a. Ka um dawn zet a, chhuata Muffin tlu reng chu na tuar tih hriat zet hian a rum hak a, ka rilru ah thil dang reng reng a awm tawh lo. Muffin bulah chuan thingthiin a nghawngah ka dawm kang a.
.
"I tha em?" eng thawm mah a chhuah lo. Room hi tih en phawt a tul anih hi. Muffin chu thawhsan in pindan chhung eng thalo zet rinchhan chuan light on na tur switch ka zawng kual a. Vannneihthlak zetin ka hmu har lo. Light ka on a, Muffin chu ka pan lehnghal a.
.
"I tha em?"
"Umm" a ti sap a. A hmelah  na tuar hmel a lang hran lo. A meng a riai a. Thut tuma a in nem kang chu ka lo pui  vat a. A mit a chhing vang vang a, a awm dan chu a hrethiam bik lo tih a hmel buai deuh nak atang chuan a hriattheih. A rawn men leh chuan a mitmeng a lang pangngai ta deuh. Zanin chu tum loh dan leh beisei loh thil a thleng ta teuh a nih hi.
.
"I ding thei angem?"
"Um.."
.
Tanpui tumin ka vuan a, ka vawnna chu duh lo niawm tak hian a kutin min lo dang a. Eng thil nge maw a hriat hrep ni.
.
"Ka tha tawh e. Tunge i lo hmu hman em?" a ti sap a. Chik zeta min enin a dul a dawm zauh a. A na ai chuan amah tihnat tumtu kha a ngaihven zawk tih a langchiang reng mai. Ka rin aiin a tawh a khirh reuh zek dawn a nih hi. A hmel en ang ngawta zuam chi pawh a ni reuh lo ang.
.
"A hmel ka hmu hman lo."
.
"Kha thil kha enge?" ka piah deuh chhuata thil let bal chu a kawk zauh a. A thil kawh chu enin ka pan a. Tun hmain hetiang thil hi ka la hmuh awm pawh ka hre lo. Ka chhar a, chiang deuha ka en chuan on leh off button chu ka hmu mai a. Ka on chhin chuan nghawr dar darin a hmawrah tek deuh chhek chhek a awm bawk. Current hmanga in shock-na chi khat a  nih ngei hi. Rei deuh mihring taksa nen a insik chuan khawlohna tham a ni thei ngei ang.
.
"Khawi min pe rawh." Muffin chuan ka hma zawnah a kut arawn phar a, ka thil ken chu off in ka jacket ipte ah ka ak nghal hmak a.
.
"Helai hmun hi chhuahsan teh ang. Eng tih tumin nge maw hetah hian i kal reng reng le." amah ka bia pawh ani chiah lo. Ka rilru a zawhna awm ka sawichhuak a ni mah zawk.
.
Kawngka ka haawng a, a banah vuanin ka chhuahpui a. Pawn kan thlen rual rualin ka vawnna chu a phelh nghal a.
.
"Hmun dangah kan intawn fuh tawh lo ka beisei." tiin min en tawh lovin min kal pel a. A nungchang danglam hi ka hrethiam teh nuai lo. Chuan, helaia ka zui luh chhan ber kha ka lo theihnghilh deuh der bawk. A inrawl lohna tur tawpah a inrawlh em tih hriat ka tum kha ania.
.
Inhnuai panna step-a a chhuk chu ka en reng a, a ban dah dan atang chuan a dul bawk a dawm leh niin a lang. Umzui erawh ka tum tawh lo.
.
Ka tum aia rei party na hmunah chuan ka awm a, room-a lo kal ve kha a ruangam atanga hriatchhuah theiha a lo la awm tak mialin tih thua awm khawtlai ka ni. Ka besisaei san loh ang chiahin han rinhleh tur pawh ka hmu zui lo.
.
Ka in ka thlen leh meuh chuan zing lam dar hnih a pel tawh. Ka ngaihtuahna ka hmang nasa deuh bawk nen ka chau deuh hnawkin ka hria. Ka inbual hnuah khumah ka let nghal tawp a, ka ngaihtuahna ka hman hma hauhin ka muhil der mai.
.
.
Ka phone ri vangin ka muhil ka harh hlawl a, office atangin min lo call tih ka hmuh chuan ka pick up vat a.
.
"Sir, i lo thleng dawn tawh em? Nangmah hmuh tum an lo thleng tawh a."
.
"Um, reiloteah ka lo thleng ang." tiin phone ka off a, khum atanga thovin ka insiam nghal zung zung a.
.
HMINGTHANSANGI*
.
Ka muhil thei lo zankhua thak. Pindan atanga kan chhuah hnu khan Tea hmuin kan haw nghal a, ka dul chu ka la hmu lo nain a na telh telh mai. Tu phiangsen nge min zui ru tu kha ni ta ang? Eleazer pawh khan engvanga min zui  nge anih? Ah, Eleazer kha chuan min zui pawh a ni kher lo thei tho. Party naah a kal fo a, khalai hmunah khan a lo kal ka lo ring lo ve ringawt a ni. Hei chu duhtawk ang. Na tuar deuh mah ila ka duh ber pakhat ka hmu tho alawm le!
.
Thil thleng kha Tea hnenah pawh ka sawi lo. In ka thlena ka room ka luh rualin ka duh chu ka en vat a, a lo duk/sen kual raih mai. Min dehna hmanrua kha hreciang turin Eleazer kha lo chuhlui ila tha tur.
Tui sa ver vawrin ka inbual a, ka dul na pawh a zia ta deuh. Ka mu nghal a, ka mut a chhuak lo nasa. Ka leh kual ka leh kual hnu chuan khum atangin ka tho a, ka khum bul drawer-a ka thil dah chu phawrhin ka en vang vang a.
.
Tihian Robert pendrive-a thlalak a lang ho pahnih chu ka chhui zui hlawhtling ta phawt! Robert thihna ah khan an lo inrawlh ngei em tih erawh a la chiang chuang lo. Engvanga buai hnawk em em nge maw anih le?
.
Te-a bulah hian engkim ka sawi thei rih lova, engkim ka hrilh lo tih a hriat ka duh lem lo bawk. Te-a hi Robert nen cousin anni tih ka la sawi lovin ka hria. Robert nen khan an inhnaih hle a, chuti chung chuan min pui thei thil hriat a nei tam lo. A hriat zawng chu Alawmi nen khan an lo inkawp ngei tih chauh hi a ni. Ka hriat hma daihin a lo hre tawh bawk a. Robert thihna khan a thawng ve takzet a, Alawmi tana thudik hriatchhuah ka duh ang bawkin Robert tan a theihtawp chhuah a duh ve bawk a, chu chu kan inthurual chhan leh engkim a kan inzui tak chhan a ni. Robert thih atanga kar khat vel aliam hnu khan kan in ah lo kalin kan titi dun a, a ni hian engtin nge rinhlelh a neih ka hre lo a, thil hriat ka neih beisei a min lo pan ve ngawt pawh hi a mak tho mai. Zawhna min zawh dan atangin ka rilru ang tho a pu tih ka hrechiang a, ka thil hriat thenkhat ka hrilh ta a ni. Tlaiah office ban veleh min rawn lam a, inthlakna tur keng lawk vekin office ka kal ta ziah bawk. Mahni ka inven theih nan eng emaw ka zir angai tih a sawi a, a sawi ang chiahin tlaiah mahni inven dan ka thiam theih nan an inhnuaiah ka inzir ta ziah a. Hmeichhia te hian mipa anga tharum kan ngah loh vangin thiam thil nei a inven dan kan thiam hi a lo tul takzet tih ka hrechiang dawn chauh anih hi.
.
.
Khawvar dawn hnaihah ka muhil sek a, mutthilh loh ngawt ai chuan a zia deuh. Office-ah thil thleng danglam awm lovin ka nileng a, tunlai te hian ka hna hian ka rilru a luah tam lo khawp mai. Phat theih pawh a ni lo.
.
Tea ka phone a, a lo kal theih dawn loh thu arawn sawi a. A pawi ka ti hran lo. Vawiin chu tlai lam chawlh ka nei dawn tihna a nimai.
Office ka chhuah san a, zingah Tea a lo kal thei dawn lo tih ka hriat lawk loh vangin taxi in ka kal a, tunah pawh taxi bawka ka haw mai angai dawn a nih hmel.
.
Office kawt ah dingin taxi ka chang a, ka hmaa car arawn din chuan tu car nge tih ka hre nghal mai.
.
"Ka lo thlah ang che."
.
"Angai lo mai. Taxi ka lo chang a. Ka lawm tho tho e." tia chhangin ka nui lui ngial a.
.
"Hmuh che ka duh chhan a awm tih i hriatthiam ka ring. Lo lut rawh." ka chet eih loh vangin car atang chuan chhuakin min rawn pan a.
.
"Nizan khan inzui tawh loh tur kan ti khan ka hria a." ka tih chuan a ner suk ringawt.
.
"Ka zui dawn lo che. Hriat duh ka nei a, i thil hriat duh tak ka lo hrereng maithei bawk. Nawrluih ngai lovin car-ah hian lut rawh." a hmel chu a thutak takzet. A ni hian ka thiltih mek hi a hria emawni le?
.
"I chungchang anih phei chuan hriat duh ka neih pawh ka hre lo."
.
Tawng tawh lovin nghet zet hian ka banrekah min chelh a. Tunah pawh kan innawrlui chu anih leh tak ber hi. Eleazer nen anih tawh chuan hnehna ka chang ngai lo.
.
A car-ah chuan lungawi chiah lovin ka thu lut a, a ni pawh driver seat lamah thulut in kan tlan chhuak nghal a. Khawilam nge kan pan dawn pawh ka zawt buai peih lo. Eng zawhna pawh min zawt se cool takin engkim ka hmachhawn ang.
.
A car a tih din chuan ka la ngawi ran a. Helai ang hmun fianrial pan ngai khawp hian eng thil nge hriat duh a neih le?
.
"Nizan khan i thil duh i hmu em?" a kut pahniha car steering wheel vuan chungin min en a, a mitmeng atang chuan enge a ngaihtuah a lang miah lo.
.
"Enge min zawh chu? Thil duh enge ka neih?"
.
"Zawhna ka zawt che anih chu. Zawhna pakhat ka zawt che a zawhna pahnih dawnglet turin ka zawhna kha ka zawt lo che."
Ka chhang lo.
.
"Inrawlh lo tura ka duhna che thil tul lo ah hian i inrawlh ngei tih ka hria ania."
.
"I lo buai ve na tur enge awm?" ka ti nghat a. Engmah sawi ka tum lo. Engtin nge min rinhlelh theih zawk. Amah hi engkim ah a lo inrawlh zawk pawh ani thei a, engmah a la hriat loh. Min vil tlat pawh hian chhan tha tak a nei ngei ang.
.
"Thiltih chu i lo nei ngei anih chu." a ti nghut a. Ka tawng sual zeuh tih ka inhria.
.
"I ngaihdan dan le.." ka ti sap a.
.
Min en reng chungin a lu a thing a, a nui suk bawk. A hmel chu ka enzui duh lo.
.
"Anih chuan kan pahnih chungchang hi sawi teh ang." he mihring hian ka inthununna min hloh tir talh a tum ni berin ka hria. A rin loh dan taka awm dan tur chu ka hre ve alawm.
.
"Eng ber kha nge kan sawi ang?" phur hmel fahrana lang lui chung hian ka thut dan siamthain ka hmachhawn a. A mithmul a tiche zauh ringawt.
.
"Tunah khan i lang nalh lutuk tih i inhria em?" a awm dan danglam miah lovin min en ngur a, zam tur ka ni lo, mah se a mitmeng danglam ka hmuh chuan ka zam lo tih inringtawk takin ka sawi thei tawh lo. Hetiang mitmeng hian min la en ngai miah lo bawk niin ka hria.
.
Nui luiin ka meng kual ralh a.
.
"Chu chu maw kan sawi tur. A va ho si ve. Infakna dawn chu a lawmawm alawm." ka tiliam puat a.
Ka kut arawn vuan a, a hmui bulah la chhovin ka banrek ah a fawp a. Ka kut chu laksawn leh mai tumin ka tang deuh a, min vuan nghet nasa mai. A kutzungpuiin ka banrek a marphu chu a tuai hauh hauh a. A mita ka en chuan a meng de sar bawk.
.
"Eng emaw chu ila feel ve reng tih i pha thei lovang." chhang lovin ka en tawp. Engmah ka feel lo tiin chhang ila dawt ka sawi chiang lutuk tih a hre ngei dawn a, chu chu a tul ka ti lo.
.
"Hmangaihna hi a awm tak tak i ring em?" a tawng a zawi khawp mai. A hmel a thutakin uluk taka ngaihtuah hmang a ang bawk. Hetiang hmelpu hian ka la hmu ngai lo. Ka inven vat angai dawn anih hi. Bakah inrunluih leh hnehsawh tak taka ka chhan reng hian hma ka sawn phah tlat lo. Ka cho chhuak zawk ni maiin ka hria.
.
"Mi thenkhat tan chuan a awm ang. Bakah, Eleazer.. Kan pahnih chungchang sawi i duh chhan chu eng ber nge ka hre lo nain_ kan inkara thil thleng tawh kha chu theihnghilh ang. Engmah.."
.
"Engmah thleng lo anga ngaih ka thei lo."
.
"Anih chuan i ngaih dan chu i ngaih dan ni sela, ka tan chuan engmah a ni lo."
.
"Dawt sawi suh."
.
"Enge dawt ka sawi  ngawt ang. Ka sawi tum tak zawk chu.."
.
Min rawn kuah bet thlawp a,a rem tehchiam lo khawp mai.
.
"Duhtawk tawh ang." ati hrawk a. A aw rik dan atang chuan tawng chhuah a harsa ang tih ka ring. Eng thil nge duhtawk a duh chu..? Engvang nge ka hriat  hauh lovin ka thin a rim thut bawk.
.
"Aw le, min chhaih kual hi a tawk tawh viau reng a ni. Min thlah rawh. Tlang takin ka sawi ang. I bulhnaia awm hi ka duh lo."
.
Harh chhuak thut niawm tak hian min kuahna chu min thlah a, dawn awm lovin motor a tinung a, chak zet hian kan tlan chhuak nghal a. Min melh tawh lova, keipawhin engmah ka sawi tawh lo. Kan inkar boruak awm dan chu kan inhlat ta vawng vawng ni hian ka hre ber. A hmel chu ka en zawk a, a thialpawn pawn talh talh dan atang chuan a inthunun nasa hle anih ka ring.
.
Amah hlata awm hi ka tan a tha zawk. Ka thinlung chhungril takah hian hmun chang mah se, amah hnaih loa ka awm hi a tha zawk! Ka ngaihtuahna chuan min tina nawn vawng vawng mai. Alawmi thihna ah lo inhnamhnawih ve ta se tuna ka nat aia nasa zawk hian amah hnaih loh tura ka beih angai ngei ang. Chu thil chu tuar ka duh tawh lo. Ka tuar tawh kha tawk rawh se.
.
Kan in kawtah a ding dawt a, engmah sawi lovin car atangin ka chhuak a. Amah en tawh lovin kan in lam ka pan a, inchhung ka luh hmain a tlan chhuak leh thawm tha zet chu ka hre nghal pang bawk.
.
Ni thum ral leh chhung chu ngaihtuahna mumal nei lovin ka hmang liam vel mai mai a, chanchinthar hriattur a awm lo.
.
Zanah ka room-a ka awm laiin Te-a arawn kal hlawl a, a ni pawh hi ni thum chhung khan kan inhmu lo chauh pawh ani lo, biak ka tum pawhin chhanna ka dawng ngai lo hrim hrim.
.
Ka bula arawn thut rualin "Eleazer chuan eng thil nge a hrilh che?" a tinghal tawng a.
.
"Enge i sawi awmzia?"
.
"Hmanni khan nangmah hnaih lo turin min hrilh alawm. Ka hnaih lui che anih chuan ka duh loh thil a thlen tur thu min hrilh bawk a. Hmingte, dik tak chuan, kan buai rukna thilah hian Eleazer hi a inhnamhnawih ang tih ka chiang. Engvanga Alawmi chungchang te hi  ngaihven nge anih? Sawmzuala nen an inkawm ve a nimai a, a ngaihven nachhan tur ka hre pha lo."
.
"Chuvang chu a ni em ka call pawh i chhan ngai loh?"
"Ni chuang lo. Kan hnaah ka buai zual a, chuvang chu ania." a hmel lan dan chu nidang a ang miah lo. Hlauhthawn nei ang mai hian a inring reng niin ka hria.
.
"Dawt i sawi tih ka hre vek a nia."
.
"Engmah ani lo. Eleazer hi hnaih lo la ka duh." a ti leh ringawt a.
.
"Ka hnaih hleinem. I awm dan hi amak a nia."
.
"Naktuk tlaiah ka lo hruai ang che."
Thil dang sawi leh hman hmain a tho vut a.
"Ka haw mai ang. Tihtur dang ka nei a."
.
Min chhuahsan a, eng thil nge a hriat ka hre lo nain ka ngaih a tha lo zual hle.
.
Thil tam tak ka ngaihtuah kual vak vak a, ka muhil leh thei pek lo.
.
Ka phone nghawr dar dar chu lain caller ID ka en a. U Sawmzuala maw? Tunang zan rei tawhah lehnghal. Phone ka pick up rualin "Eng thil nge ni ta?" ka tinghal a.
.
"Vawiin ah Tabi nen in inhmu em?"
.
"Hmu miah lo. Eng thil  nge ni ta?
.
"Zingah office ka kal dawn khan in inhmuh tur thu a sawi a, tlaiah in ka thlenin in ah a lo awm lova. Dar 8 vel thleng kha chu ka call in a phone a la ring a, mahse a pick up lova. Tunah ka phone tlang thei tawh lo."
.
"Biak pawh ka lo tum ve ang. Hlauthawng lo la, thil tha lo a thleng em lovang."
.
"Ka lawm khawp ang. Tunlai hi a awm dan a tha tawk lo bawk nen ka hauthawng khawp mai."
.
"Um, anih chu. Ka biak tlang theih emaw a chanchin hriat theih emaw ka neih chuan ka lo be vat dawn che nia. Lawk in, a nu leh pate i be tawh em?"
.
"Be tawh. Zanrei hnuah ka be lo. An hlauthawng nasa dawn chiang a.."
.
"Okay. Ka hrethiam e."'
.
Phone kan off a. Tabi.. Dar 8 vel atangin a biak tlang theih tawh loh. Te-a kha kan in a chhuahsan khan dar 8 vel bawr a nia.. Ni lo.. Engvanga Te-a ngaihtuah daih nge ka nih. Tabi awmna chu kan hriat vat angai.
.
Dar 10 a pelh tawh a, a la tlai chhe lutuk lo bawk a, a nu leh pate chu chanchin zawt ve pangngai angin ka be thei ang chu.
.
Nu Hmai chuan ka rin aiin a phone a pick up hma. Tabi chanchin ka zawh chuan a that a rin thu leh vawiin ah an inhmuh loh thu min hrilh a. Rinhlelhawm anga lang lo turin rei vak be lovin kan inbiakna chu ka titawp a. Ka kal chhuah ngei a ngai dawn anih hi.
.
Ka thawmhnaw hak thlakin inhnuaiah ka chhuk a, ka nu leh pa hnenah chhuanlam ka siam angai leh ta. Kan thawhpui zinga mi a pa damlo a zual vanga kal chhuah ngai angin ka insawi leh ta mai.
.
Scooty ka tinung a, Tabithi kalna awm ngaihtuah chungin ka khalh chhuak a. Enge ka ngaihtuah ka hre lo Te-a ka call a, vawi thum ka call naah thaw hluam hluam chung hian min rawn chhang a.
.
"I chhuak lawk hman em? I va thaw nasa ve." ka tih chuan a nui hak a.
.
"Ka laklawh alawm le. A tul viau ami?"
.
"Pawi lo mai." tiin phone ka off a. Ngati nge Te-a hi ka rinhlelh tlat le!?
.
Te-a te in lam panin ka tlan a, keimahah hian min mawlhtu a awm tlat. Ka chian phawt anih loh chuan ka hahdam dawn tlat lo. Tabithi chu Te-a hian.. A thawk hluam hluam dan te kha..
.
An in ka thlen dawn hnaih chuan ka tlan zawi deuh a. Te-a room hi an inhnuai ber, an in thlang kawngpui hrula awm a ni a, engtin tin emaw a room chhung hmuh dan pawh a awm mai thei.
.
Ka kawr hak chu siam thain Te-a room awmna lam chu ka pan a, ka thaw dep dep mai. Tunang zan rei tawh lama hmeichhia mahni chauha chet hi a him lo tih chu ka hria. A him lo tih ka hriat vang ringawtin in ah ka awm thei der si lo. Thil pawi a thleng em lovang chu.
.
Tukverh puanzar chhan atang chuan room chhung chu a eng dul raih a, a room hi pingdang in a awmna lehlam chiah hi tlaia ka inzirna pindan a ni. Thim chinah ka ding a, thawm dim thei ang berin bang ngheng chuan ka tawlh hret hret a.
.
Thawk leh khatah ka hnunglam atang hian min rawn kuah chawt a, ka au chhuah hmain min kuahtu chuan ka hmui arawn hup a. Hneh zetin min kuaiher a. Min vuantu hmel ka hmuh chuan ka rin loh lutuk ber a ni.
.
Eleazer!!
COPAS (HEARTS)
.
CHAPTER - 14
.
Thantei_LauraSean
.
H & E
.
ELEAZER*
.
Ka hmel min hmuh chuan a meng phar awk a. Mak a ti tih a lang chiang lutuk. Mak atih tluk zetin kei pawh hian mak ka ti.
.
"Hetah hian enge i tih?" a zawi thei ang berin ka tawng a. Tun ang hun zanrei tawh lamah hmeichhia amah chauh a a kal chhuak hi a him lo lutuk takzet. Tawh sual tawk palh ta se, amah a invenghim thei awm tawp si lo. A him loh zia ka hriatchian vang leh thil tha lo a chunga thleng thei ka ngaihtuah chuan ka thin a tawt ut ut thei hial. A hmui ka hupna chu min phelh tir tumin ka banrek ah min vuan a, ka thlah thuai a.
.
"Enge i tih zawk?" takzet reuh hian a!
.
"A him lo tih i hria em?"
.
"Lo buai suh." ngaih dan nih loh hmel zet hian min melh ram ram a. He hmeichhia hi ka hrethiam lo tawp mai.
.
"Lo kal teh.." kan awmna hmun atang chuan ka kai sawn dawr dawr a, min hnial duh teh mah se tharumah min hneh lo em a, a tang ve tak nain awmzia a nei tehchiam lo.
.
"Khatah khan eng thil nge itih?" a dar tawn tawnah ka vuan a, thin nawk nawk mai ka duh hial.
.
"Vawi engzat nge ka buaina a ni tih ka hrilh nawn dawn che. Min thlah rawh." hnai zetah min en in awki hniam tak hian min vin khar khar a, a mitmengah hlauhna a awm eih lo.
.
"Eng thil nge hriat i duh? Hriat duh i neih chuan min zawt rawh. Ka hria anih phawt chuan ka hrilh ang che. Tunang tlai tawha hmeichhia mahni chauha kal chhuah hi a him lo hulhual."
.
"Zawh duh che engmah ka nei lo." a ti leh fak a. A thianpa room lam chu a melh zauh zauh a. Helai hmun thleng tur hian eng thil nge a hriat ka hre lo nain ka duh loh ber thilah a intatlut tih erawh zawh buai ngai lovin ka hrethiam tawh. A him loh zia a hre tawk lo a ni ngei ang. Mipa zawk pawhin fimkhur thei ang bera ka chhui ruk laiin a ni hmeichhe tan hian a him lo.. A him lo lutuk takzet.
.
"I lamtang niin ka hre sia, engvanga enthlak ngai ta nge anih le?" tu chungchang nge ka sawi tih a hriat  theih nan a thianpa room lam chu ka melh a.
.
"Enge i sawi awmzia?"
.
"Tel ve lo tura ka duhna thilah che hian i tel ve tih phat buai tum duh suh." ka tih chuan a tang leh ta phat mai.
.
"Min thlah rawh."
"Teuh lo!"
.
Ka awmah a tha neih zawng zawng sawmkhawmin min nem a, kan insual chu a ni ta ber mai. Thawm chhuah vak na hun leh hmun a ni lova, tun anga min sual let ngam anih chuan midangin kan thawm an hre thuai dawn. He thil hi ka ti lo thei ta lo! A nghawnga a point-ah ka hmet zeuh a, a zawi nghal riai riai mai. Ti lo thei lova min sual let vang chauh a ti ka ni. Tang tur a awm tak lovah chuan ka pawm kang nawlh a, ka motor dahna lamah ka kalpui a. Motor hnunglam seat ah luh puiin ka la pawm ta reng a. A lo harh leh hma chu amaha muttir mai tur ka ni tih ka inhria, mah se ka thlah phal lo. A chunga thil tha lo tih tum ka ni hauh lo a nia. A harhfim laiin tuna ka kuah ang hian ka kuah thei lova__mipa tenawm tak ang mai ka nih zawh tak hi.
.
Minute 10 a ral chuan a rawn che talh talh a, ka kuahna chu thlahin motor seat-ah chuan ka thuttir a, minute 5 pawh tling lovah arawn pangngai leh dawn tih ka hriat sa vanga thlah vat ka ni.
A awmna hmun chu hriatthiam loh hmel tak hian a enkual a, ka hmel min hmuh chuan thut ngil tumin a bei a, a tha a la zawi tih hriain ka pui vat a.
.
"Ka chungah hian eng thil nge i tih?" a ti zawi raih a.
.
"Lo ngaithla rawh. Alawmi chungchang a ni emaw Robert chungchang a ni emaw, eng thilah mah hian inrawlh ve suh. Keiman engkim ka tifel vek dawn. I lo inrawlh  ve hian engmah i hmu chhuak dawn chuang lo. Ka sawi chu i hrechiang em?"
Arawn thu  ngil a, chiang zet hian min en a.
.
"Nang pawh hi i inrawlh ngei tih ka hre tawh." a thusawi chu a ringnghet hle tih a tilang chiang khawp mai.
.
"Eng maw?" Chu ngaih dan chu engvanga nei nge anih? A mitmenga min rih loh zia lang chhuak chuan ka chhungril ah hian min hnawh deuh up up.
"I dik lo." Ka ti leh nghut a..
"Eng thil nge ka hriat tih i hre hauh hleinem. I hria em ni? I hmel hmuh ringawt pawh hi ka tan a ninawm tehmai a nia." a tawngkam chuan min tina ngaih ngaih e! Chhang lovin ka mit ka chhing a, ka inthunun a tul. Thawk ka la kawk a. He hmeichhia hi ama duh thu ngei a ka laka a thianghlimna hlantu kha ani tih ka awih ta lo hial zawk. Ni e, hnaih miah lo tur ka ni. Ngaihtuah zui tawh lo tur ka ni bawk. Amah ka hmuh hian keimahah danglam awmin ka inthunun angai ziah a. Hmeichhe dangin ka hmel hmuh an nin thu hi min hrilh se engahmah ka ngai lovang. Mahse, a ni hi chu a dan a dang. Phiangsen hian..!
.
"Chhuak rawh!" ka ti hrawk a. A hmel ka hmuh hian ka duh loh dan tak leh tawp tawh tura ka duh em em amah mamawhna nasa tak ka nei ziah a, tunah hian ka bulah a awm reng anih chuan ka duh loh tawpin ka nawrlui ang tih ka hlau a ni. Ni e, mipa ka ni tlat a, ka taksa hi ka duh ang vekin a awm thei hek lo.
.
Dawn awm lova che phatin car atang chuan a chhuak a. "Ka lawm e!" tawngkam kha zeta tiin car kawngkhar chu na theihpatawp hian a khar nghal bur bawk. Za lo zetin ka nui hawk. He hmeichhia hi thunun anih loh chuan atthlak takin thil hlauhawm tawpkhawk ah amah leh amah a inbarhlut mek a ni. Amah hian a hre hauh lo tih a chiang reng lehnghal. Min ringhlel tel tih a thup hauh lo a nih kha. Ka en liam ringawt thei lo tawp mai.
.
Motor atang chuan chhuakin a lam panin ka pen pawk pawk a, a  banrek ah manin motor awmna lamah ka let pui leh a, min sual let tauh tauh a. Keimah ang bawkin thawm chhuah nasat chi ni lo tih a hre ve tho a, chuvang chu a ni ngei ang thawm nei miah lova min sual let ngat  ngat ni.
.
“Duhtawk rawh_Duhtawk rawh.” Aw ki hniam thei ang berin ka tawng a, a dar tawn tawnah vuanin car ngheng chuan ka dawm bet bawk a. Thimrim zet hian min melh a, keichuan ka dawm beh a tul chhan ka theihnghilh lo chauh tawh. A thinrim hmel lan dan duhawm zia chu a  inhre lo reng reng. Ka taksa in ka nek bet a, a chet nasat poh leh kan taksa a innawk nasa a nimai. Ka rilru a thil lo lut chu a hun lo takzet.
.
A hmai bulah kun hniamin “Che tawh suh..” ka ti leh a, hrilh loh ang chiah. “Fawp tur che a min duh anih loh chuan che tawh suh.” Kei pawh hian tun ang  hunah hetiang zawnga ka ngaihtuah leh ka vau hi mak ka ti zawk. Thinrim a vau bet tur ka ni a,a taksa ka sik rual hian ka thunun phak bakin ka danglam ziah si a ni. Ka chak lohna chu amah hi a ni e ! Ka duhna chauh a ni lo, ka mamawh a, ka thinlung ah hian hmun a chang tlat. Ka hnaih tawh lovang tiin ka ngaihtuah fo a, ka hnaih hian eng thil tha mah ka tan a thlen hek lo. Mahse, ka indang thei chuang si lo chu a nih hi. He thil hi hmangaihna  ni lo hram rawh se! Eng thil phiangsen nge ka ngaihtuah tak?!
.
“Muffin duhtawk rawh!” a hmai si lo chauhin ka tawng a, min cho zual sauh niawm fahran hian a tha neih zawng zawng sawmkhawmin a tal leh a.
“Chutiang chuan min ko suh. Min thlah rawh.”
.
Chhang tawh lovin a hmuiah dim lo zet hian ka fawp a, a thle sawn rang khawp mai.
.
“Ka hua che. “ a thaw hlawp hlawp a, ka dawm hneh em vangin engtin mah min ti thei chuang der lo. “Ka duh loh tawp thil sawi turin min nawrlui suh.”
.
“Chu chu eng thil nge?” ka vawnna chu ka la thlahdul chuang lo
.
“Eleazer..”
“Enge..” ngeng zetin ka en a.
.
“Nang ka lo hria che hi vawi engzat fako nge ka inchhir nawn dawn. Ka hua che. A chiang em? I kut hmawr pawh hian min khawih ngam tur I ni lo. I duh chuan min hmusit rawh, tawngkam bawlhhlawh tak tak pawhin min ko thei  ang. Mahse, min khawih suh.. Ka taksa I deh hian__!” a tawng tawp chawt a. Enge? A taksa ka deh hian engtin nge a awm?
.
“Engtin?”
“Min thlah rawh! Eleazer..”
.
“Sawi rawh?”
.
“Ka huatna che a zual a ni. Hmeichhe tam tak I khawihna kut bawlhhlawh hian min dek leh tawh suh!” a khur dar dar a, inthunun a tum nasa tih ka hria. Min ngaih dan hniam leh tenawm tak vang chuan ka vawnna ka thlah a. Ka chhungril ah hian ka na.. Mi thianghlim chu ka ni lo, ka hria e. Mah se, min ngaih dan ang em a che hniam leh tenawm chu ka ni bik lo asin. Dik taka sawi chuan amah nen kan mut duh hnu khan… A tawk e!
“Kal rawh.” Ka ti sap a. Ka hrawka min hnawh tlat tu thil awm chu eng enge anih ka hre lo.
.
Ka vuan tawh lo nain ka la din hnaih tho a, min khawih hreh hmel zet hian min nem sawn a, engmah sawi tawh lovin a kalsawn nghal a. A chet phung chuan ka awma thil rit takin min delh chawrh ang mai hian min nghawr dawt a ni. Mi tenawm chu ka ni reng em ni? Hetiang khawpa min deh hlek pawh duh lo tu hi engvanga umzui reng si nge ka nih? Pathian chauhin a hria ang! Keichuan ka chhungril a ka ngaihtuahna te hi ka hrethiam tawh lo. Ka hriat zawng chu he hmeichhia hian taksa leh ngaihtuahna chhungril berah hian hmun a chang a ni tih leh venhim ka duh a ni tih zawng hi ka hria. Tichuan, ka laka a awm dan vang khan ka na ngut ngut bawk.
.
Ka dinna ngaiah dingin ka enzui ta ringawt a.
.
A hawi vat vat a, a thianpa te in lam panin a kal leh ta ngauh ngauh a. Mi luhlul tak chu a va ni chiang em! Ka zui leh lo thei ta chuang lo. Eng thil nge thleng ka hriat ve angai. Tihnat anih loh nan ka venhim angai bawk. Thil a ti buaithlak zual ta vek mai. Hetiang em em a luhlul anih hi chu ka beisei hauh lo asin. Amah hnaih tum anga lang si lovin a chinchang ka hriat vek a tul lehzual dawn ta anih hi. Keimah chauh chuan ka indaih lo bawk ang. Thianpa Sawmzuala ka hrilh hriat a hun ta in ka hria.
 Engkim, hetiang zawng zawng bul intanna chu Sawmzuala hi a ni. A nupui unaunu Alawmi thihna khan a nupui duhtak Tabithi a ti a lo chauh a, Tabi hian sawi chhuak lo mah se a unaunu thihna kha a nat thut vang a ni lo tih rinhlelhna a nei tih a hriat ruk thu Sawmzuala hian min hrilh a. Keichuan Tabithi pawh hi ka ring ngam chuang lo. Eng emaw changa mak taka min melh lai ka hmu fuh zauh zauh tawh vanga ringtawk lo ka ni bawk. Muffin hnenah pawh hian Tabi hnaih lo turin ka hrilh tawh. Sawmzuala hi ka thiantha ber anih vanga tanpui inhuam chauh ka ni. Kan rinhlelh ber Alawmi'n a ruka a kawp Robert kha ka chhui zui ta ngar ngar a, fiahna ka neih theih nan Muffin hi hmanrua a hman mai tum kha ka ni bawk a. Tunah chuan engkim a danglam vek tawh.
Kan hriat loh lam atangin Robert khan beitu dang a lo nei a ni ngei ang, tikhan a tual thi ta mai a, a thih dan lah kha a rapthlak thei ang ber a ni bawk. Ka hnathawh tur hi muangchanga tih chi pawh a ni tawh lo.
.
.
Ka en reng a, inringtawk zet hian a thianpa room kawngka chu a kik a. Lehlawi si a! Nichin lawk khan tukverh atanga en ruk tum niawm takin a awm a, tunah ngampa takin a kawngka a kik leh si.
Kawngka chu a rawn inhawng a, an thusawi ka hre phak lo nain eng emaw chu an sawi ngei tih a chiang. Muffin chu a thianpa pindan ah chuan a pen lut ta thuai a. Pawn lam atanga hriat turin eng thawm mah a awm zui ta lo. Ka ngaichang deuh reng a, minute 15 vel zet tur room chhunga an awm hnu chuan kawngka rawn inhawngin  Muffin leh hmeichhe pakhat hi nui hak hak chungin an rawn inzui chhuak a, an hnungah a thianpa pawh arawn chhuak ve nghal bawk. Thil awmzia ka hre ta lo. Nichin lawkah a ruka en a tum a, tunah thiantha tak ang maiin an rawn inzui chhuak leh si. Engmah hlau lo ang maia a awm chhan hi thihna thlentu a lo nih reng zawk vang a ni thei angem? Ni lul lo rawh se!
.
Engtinnge chutiang chuan ka ngaihtuah theih zawk!
.
HMINGTHANSANGI*
.
Eleazer hnenah khan ka taksa a deh hian ka huatna a zual tiin ka sawi a, engtin nge ka hmui atang hian kha thu kha ka sawi theih zawk? A letling chiah a ni. A bulhnaia ka awm hian ka do tang tang thin amah ka duhna hi ka veng zo lo ang tih ka hlau zawk. Min fawhna hnial thei tur pawh khan ka theihna zawng zawng ka hmang tih hria se chuan min nuihzat ngawt ta ve ang. Point thenkhat ah chuan dawt muhlum sawi ka ni chuang lo.
.
Ka thinlung taka alaka ka inpek hnu khan hmeichhe dang a khawih leh tawh ngei ang! Ka ngaihtuah zawng ringawt pawhin ka thinlung nat lutuk vang hian ka thaw a tawp mai ang tih hlauhawm khawpin ka na lutuk takzet zawk a ni. Ka rilru letling chiah a hriat tura ka sawi lai khan amitah ka en ngam hek lo.
.
Ka mittui tla tur chu duh lovin ka mit ka khap sawk sawk a.
Tunah chuan tih theih pakhat chiah ka nei. Eleazer khan min enzui ka rin vangin ka insangmar a, Te-a te in lam panin ka kal lui leh ngat a. Ni e, Tabithi vang chauha helai hmun hi thleng ka nia lawm le. Tabi a him leh him loh ka hriat a tul alawm. Tunah hian Te-a room-ah khan a lo awm reng lovang tih pawh a sawi theih loh. Engvanga a ruka en thla kher kha nge maw ka nih le? Dik tak chuan ka hlauthawng lutuk.
.
La khur ru dar dar chungin Te-a room kawngka chu ka kik dat dat a, ka rin aiin arawn hawng har. Kik leh tuma ka ban ka la kang leh chiah tih chuan phun hluk chung hian arawn hawng a, min hmuh chuan a meng phar nasa mai.
.
"Enge i rawn tih dawn?"
.
"Ka lo biak che kha. I chhuak hman lo a nih chuan ka lo pan mai ang che chu. Dik lohna awm mi?" ka tilet zek a. A tukhum hiat nuah nuah pahin "Lo lut rawh." a ti nghut a, a hmela nuam lo tihna chu ka hmuh hmaih lo. Lut lo turin min hnial ngam lo ani ngei ang.
.
A room-a ka pen lut a, a khuma hmeichhe lo mu in min hmuh rual chuan a inkhuh nghal chawih chawih a. Zak lutuk tih hriat hian Te-a nen chuan min entawn zawk zawk mai. Thawmhnaw a inbel miah loh danah an thil tih lah a chiang! Helai kal tura ka chhuah hma khan Te-a hi ka ringhlel thut thut anih kha. Ka ringhlelh ang thil a thleng lo tih ka hriat rual chuan ka thaw huai mai.
.
"Te-a hi thil pawimawh zawh tur ka nei a. Ka rawn tibuai lo thei ta lo che i anih hi. A zia lo hle mai."
.
"Ah_Um_K_ Tunge i nih?" a ti bah nawk nawk a. Min ringhlel ve deuh pawh a ni maithei.
.
"Hmingte tiin min ko thei ang.." eng eng emaw ka sawi zui luam a, an mutdun chungchang ah ka fiam lo chauh ni lovin engahmah ngai lo anga ka lan vang chuan a ni pawh chu a inthlahdul thuai a. Dik taka sawi chuan sawisel ngam tur pawh ka ni bik hleinem. Kei ngei pawh Eleazer pindan ah.. Ni lo, he thil hi tuna ngaihtuah ka duh lo. Tunah chauh lo pawh.. Theihnghilh vang vang ka duh hluah hluah.
.
Minute 15 vel  hnuah Te-a room atang chuan kan chhuak a, anni an inthlah anga, keiin kan in lam ka pan thung ang. Ka chian duh ber leh ka rinhlelh thil engmah lo mai anih takah chuan tihtur dang ka nei tawh hrih lo. Tabithi pawh in ka thlen hunah biak pawh ka tum leh mai ang. Tunah chuan ani pawh an in ah a awm tawh zawk hial mai thei.
.
Te-a leh a bialnu an tlan chhuah hnu chuan keipawh ka tlan chhuak ve nghal a. Ka hnunglama min zui rutu awm tlata ka hriat vangin ka tlan chak khawp mai. In ka thleng a, ka room-a ka luh hnu chuan ka him ta niin ka inhre chauh.
.
Ka inthlak zung zung a, khumah thuin Tabithi number ka dial a. A ring nain a pick up lo. A hmaa ka call kha chuan a ring miah lo a. A tha lam niah ngaiin ka thaw deuh huai. Mahse biak theih ngei ka duh thung.
Ka mu a, ka maimitchhin rualin Eleazer hmel hlir ka hmu lehnghal pang mai. He mihring hian eng chen zet nge ka ngaihtuahna a tihbuai dawn le. Zanin kan inbiakna ngaihtuah kha chuan min hnaih duh tawh lo ngei ang. Ka duhthusam chiah a ni! Ka hre lo. Enge awmzia awm chuang? Hnaih duh pawh ni ila ka ringngam tawh dawn chuang lo. Ka duhthusam tak tak chu amah nen thlamuang taka awm dun.... Keihi ka mawl anih hi. Hmaichhan ah ka huat thu ka sawi tawh a, a ni ang mahni induhtawk leh kei ka ni ti chin chuan a mitsir pawhin min melh duh tawh lovang. Hmeichhe nalh leh kei aia tha zawk a kawp leh thuai anga, a ngaihsakin a hun tam zawk pawh a hmanpui thei.. Ni lo, ni lo.. Robert thihna ah khan a inhnamhnawih anih chuan a hausakna hian a hum dawn chuang lova, a dam chhung hun tam zawk jail-a a hman pawh angai maithei.. Engvanga ka thluak hi thil tullo pui pui ngaihtuaha function tha viau nge maw anih le!!
Ka thu chhuak hlawl a, ka mut a chhuak mai dawn lo tawp. Tihtur lah chu ka  hre der lova.
.
Laptop on in movie en tur ka zawng kual a, movie thar ka nei bawk si lo. Pawilo a hlui ka en ang.
.
The Last King en in ka lo tang ve teuh a, ka phone a nghawr dar dar ka hriat chuan ka thil en lai chu pause in ka phone ka la a. A ring tawp hman chiah. Tabithi maw?
Call back ka tum a, amah zawkin min lo call leh chuan rang lutuk hian ka pick up nghal.
.
"Hmingte, tanpui ka ngai.." a tawng zawi lutuk a ka hre thei chang chang. A aw a hlauhthawnna lang erawh a chiang khawp mai. A bulhnaiah tupawh awm se a tawng an hriat a hlau hle tih a chiang lutuk.
.
"Khawiah nge i awm?"
.
"Ka tawng i hre thei em? Hello.. Hmingte..Hello.. Eleazer__rawh__ello_Tuna_call__Ni lo.." a te thawt a, phone chu a tawp nghal hmuk a.
.
Enge thil awmzia? Eleazer hming kha engvanga rawn lam nge anih?
.
Ka contact list ka scroll pawp pawp a, Eleazer ka call ta ringawt. Min chhang duh kher lo mai thei. Vawikhat a ring quit chuan mangang zetin ka call nawn leh a, a la pick up chuang lo.
.
Ka rilru a vak kual zung zung a, ka thil ngaihtuah chhuah chhe lutuk hi thleng dik lo hram rawh se!
COPAS (HEARTS)
.
CHAPTER - 15
.
Thantei_LauraSean
.
H & E
.
Eleazer chu ka call nawn leh ngat a. A pick up chuan ka thaw hawk mai.
.
"Enge?" arawn ti bul hmuk a. Nichin lawkah ka huat thu leh hnaih ka duh loh thu hmaichhanah ka hrilh zo chauh a tuna ka call lehsi hi mak pawh a ti ang. Chutiang ngaihtuah kualna hun a ni lo.
.
"Tunah khawiah nge i awm?"ka tawng a hriat chuan a reh vung vung a. "Eleazer."
.
"Engatan nge i tih?"
.
"Lo ngai kawi suh. Tunah khawiah nge i awm?" ka rilru a hmanhmawh a, Tabi rawn awm dan kha ka hrilh nghal mai dawn em tih ka hrethiam lo. Tabi tawng ka hriat mumal theih loh vang khan ka sawi tlang ngawt ngam lo a  ni. Tunah Tabi bulah awmin a nunna a titawp dawn mek pawh ani thei!
.
"Ka awmna hmun hriat i mamawh leh si a maw? A chhan ka hre phawt thei angem? thatchhe zet hian a tawng a, a harhfim lo anih ka ring zawk hial.
.
"Tabithi bulah i awm em?" ka ti ta ringawt. Za lo lutuk hian a nui hawk a. Awm lo hram rawh. Ka ngaihtuahna tha lo tak tidik tur hian misual ni lul suh. Min chhan mai loh vang chuan ka chiai ta der bawk.
"Eleazer, tunah khan Tabi bulah i awm anih chuan tina suh. Khawngaihin.. Khawngaih ka dil che anih chu.. Ti suh.."
.
"Engmaw i sawi?
.
"Ka sawi chu i hriat kha. Tabi khan engmah tihsual a nei lo. Tina suh!" ka hlauhthawn lutuk vang nge
Eleazer awm dan tur ka ngaihtuah vang ka hre lo, Tabi ka ngaihtuah lutuk zawk vang pawh a niang ka khur nasa lutuk.
.
"Sawi chiang rawh. I thusawi awmzia ka hre lo." min ngaihven hmel ta deuh.
.
"Tunah khan khawiah nge i awm? Ka_Tabi'n min lo call a, a dinhmun a tha lo. A bulah i awm lo anih chuan khawiah nge i awm? Tabi kha i tina anih chuan a chunga itih ang chiah kha i chungah a thleng ve ang." ka tita bawrh bawrh a. Ka thusawi inkalh nawk nawk chu ka pawi sa tawh lo.
.
"I thusawi awmzia chu ka hre lo. Tabi chu khawiah nge a awm?"
"Ka hre lo."
.
"Ka lo kal ang. In ah i awm tawh em?" a tawng dan atang chuan a che nghal zung zung a nih ka ring.
.
"Awm tawh. Enge tih theih ka neih? Ka hlauthawng.."
.
"Hlauthawng suh. Engtinmah a awm lovang. I phone kha off la thawmhnaw lum ha rawh. Ka lo thlen hunah ka lo call ang che." ka chhan leh hmain phone a off a, min hrilh ang chuan thawmhnaw lum ka ha a, ka nu leh pa hriat loha chhuah a tul dawn vangin thawm ka dim khawp  mai.
.
Engtik lai atang khan nge nu leh pa hriat loha chhuah hi engahmah ka ngaih tak loh pawh ka hre tawh
lo. Thil tha tak chu a ni lo tih ka hria a, a tul tawpah chuan ka nu leh pa pawh engkim ka la hrilh tho angai ngei ang.
.
Minute 10 pawh aral hmain Eleazer chuan min rawn call a, a rang thei ang berin inchhung atang chuan ka kal chhuak nghal a. Car kawngkhar  alo hawn sa ah chuan lut nghalin chak zet hian a tlan chhuak lehnghal a. Hlauhthawnna nei miah lo a abula ka awm leh  mai pawh hi a mak! A ni chu min ngaihven hmel pawha lang lovin kawngpui a en ngur ngur a, a hmel atang chuan hlauhthawn a nei ve tho ang tih
ka ring.
.
"Khawilam nge kan pan dawn?"
.
"Ka hrethiam chiah lo. An in pan ila a that ka ring."
.
"Dar 10 vel khan U Sawmzuala'n min rawn be tawh a, Tabi awmna a hriat loh thu min rawn hrilh a.
Chuvang a nia Te-a te in ah khan ka kal."
.
"Tinge Tea te in ah kher?" Tea hming alam zawng chuan a ner suk a.
.
"Ka hre bik lo. Ka ringhlel a ni ber ang chu." min rawn melh zawk a, engmah a sawi zui tawh lo thung. "Mahse, Te-a chu a ni lo ang tih ka chiang tawh."
.
"I thluak chu i hmang ve nasa hle mai." a ti ro hulh a. A hmel atang chuan a rilru tur awm ang ka hrethiam leh tawh lo. "Hmeichhia i ni tih hi hrereng rawh. Mahni inveng thei lo tan i thil buaipui
hi a u mah mah a ni."
.
"Ka inven theih leh theih loh i hre lo bawk." ka tih chuan a nui suk a. Engvanga nui nge anih ka hre lo. Ninawm, he mihring bulah hian chhan awm lova thinrimna tur tawk ka hmu reng chu anih ber hi.
Kan ngawi ta ran mai.
.
U Sawmzuala te in kan thlen chuan a lo reh thiap a, tukverh atanga eng lo chhuak atang chuan
inchhung ah awm an awm ngei tih chu a hriat. Eleazer chuan min rawn melh zawk a, inhrilh ngai lovin motor atangin kan chhuak nghal a.
Eleazer chuan door bell a hmet a, rei vak lo ah kawngka chu rawn inhawngin U Sawmzuala chu  pawr chap hian arawn chhuak a. Kan pahniha min hmuh chuan makti hmel a pu deuh.
.
"Engtin nge in pahnih_"
.
"Tabithi awmna chu i hre tawh em?" ka lo tih khalh a. A lu a thing ringawt.
.
"Hre lo. Amah zawngin ka chhuak a, ka hmu zo lo. Ka beidawng a in ka thleng leh chiah a nih hi. Lo lut phawt ru." a hmel chu a lang ngui ruih mai.
.
"Nichin deuh khan Tabi chuan min lo call a." U Sawmzuala chu a phawk hra a, sawi vat vat turin min duh tih a ahmel atang chuan alang reng bawk.
"Chuan engtin"
.
"Ka_ A tawng ka hrechiang thei lova. Dinhmun hlauhawm ah a awm anih ka ring. Tih hlauhthawn che chu ka duh lo a mahse, mumal a kan inbiak hmain a te thawt a phone a tawp nghal bawk a."
.
"Ni lo.. Ni lo.." a inhip hlawp a, a hmai a hup nghal bawk a. A insum hman lo a ni e. A rilru mangan tur zia ka ngaihtuah pui phak kher lovang. Eleazer chuan a darah a kuah a, sawi tur a vang hle mai.
.
"Zanin hian police hnenah kan thlen nghal mai dawn em niang?" tiin U Sawmzuala chu a bia a, a chhang lo. A chiai vek ni ber hian ka hria.
.
"Zingah Tabi chu him takin a lo hawng leh ang." a tho thut a, tih ber tur hre lovin a vei kual vut vut a. Heta kan awm ringawt chuan Tabi hi kan hmu dawn lo.
.
"Eleazer" min rawn en a, U Sawmzuala chu kan bul hnaiah a awm rih loh vangin ka ngaih dan hi ka sawi ngei a tul. "Hetia kan awm ringawt hian awmzia a awm lo ania."
.
Enge kan tih chuan ang? A awmna tur awm ang kan hre hauh bawk si lo.
.
"Hmingtei hi va thlah la, kan pahnihin kan kal chhuak dawn nia." U Sawmzuala chu a hmel a phelh phung mai. A kalsawn lai khan a va tap a ni ngei ang.
.
"Kan rei lovang." ti nghutin Eleazer chuan ka banah min rawn kai a. Pawnah chhuakin a carah kan lut a. Kan in pana kan kal kawng tluan chuan kan inbe lo. Kan ngaihtuahna kan kawm ve ve ang tih ka chiang.
.
Kan in kan thlen chuan car atangin ka chhuak vat a, chanchinthar a awm chuan min lo hrilh vat turin ka chah a, bu nghatin a tlan chhuak lehnghal a. Zanin hian ka muhil bik hauh lovang le.
.
In a ka luh rual chiahin ka nu chu an room atangin a lo chhuak ve chiah. Min en ran ran a. Ka room ah ka awm lo tih a lo hrelawk tawh tih a hmel atang chuan ka hre mai.
.
"Khawiah nge i kal?" a ti hriam hraih a. Min en chik lutuk takzet. Phat buai ngaiin ka hre lo.
.
"Nu, lo thu lawk teh." ka ti sap a. A hlauthawng hmel chu hmuh nuam ka ti lo. Khawlo taka awm angah min ngai anih pawhin thiam lohna a nei hek lo. Hmeichhia zanrei tawha vak daw daw thin chuan thil tha tak ti pawh ni se, engmah hrechiang lo leh ngaihtuah chiang lovin hmeichhe khawlo ah kan society hian angaih zel chang a awm thin. Ka nu pawh hian hmeichhe zahawm tak ka nih tluka duh a nei lovang tih ka hrechiang.
.
"Eng thil nge? Thil tha lo tak iti a ni em lovang chu. Ka rintawk loh vangah che ngai lo la. Eng emaw chen atang khan zanah i chhuak tam zual hian ka ngaih a titha tawh lo." a ti nghal mial mial a.
.
"Nu.." sawi tan dan tur ka hre mai lo. "Tabithi chungchang a nia."
.
"Tabithi.. Alawmi u maw? A ni teh daih chu.. Eng thil  nge?" ka bulah arawn thu a, ka tawng hun a ngaichang ta ran a.
.
"Dar 10 vel khan U Sawmzuala'n min rawn bia a, Tabi awmna ka hriat leh hriat loh min rawn zawt a.
Tun thlengin a awmna kan la hre lo. A dinhmun a that loh hmel bawk a.." thil thlen dan ka hrilh vek a, ka sawi zawh chuan thaw huai hmel a pu. Tabithi a ngaihtuah loh vang ni lovin khaw lo takin ka khawsa lo tih a hriat vanga thawveng te pawh a niang chu.

.
"Tunah chuan tihtheih a awm chuang lova, han mu phawt ila zingah kan va ngaihven ve dawn nia. Kha, i mu tlem anih kha i hmel pawh a dik lo. I room ah han hahdam phawt rawh. Ngaihtuah hah vak vak lo la, eng em a ti lovang. Alawmi thihna a tuar nat tehreng  nen tunah hetiang dinhmun a han din leh tak chu Tabi pawh chu a lainatawm hle mai."
.
Ka nu nen rei vaklo ka titi leh hnu chuan an room ah min luhsan a, keipawh ka room ah ka chho ve
nghal a. Khumah ka mu nain ka mut a chhuak miah lo. Tabi no chu ka call ngat ngat a, min chhang dawn lo tih hrereng mah ila beiseina tlemte ka la neih vanga call ngar ngar ka ni.
.
Engtik karin nge ka mutthilh ka hre lo. Ka nu min ko thawmah ka harh a, rem lo zet hian khumah a khamphei zawngin ka mu a, ka phone ka la hum ran bawk.
.
"Bawihte, i harh em? Tabi chanchin kan hre ta anih chu."
Ka tho thuai a, lu rit bur chungin ka room kawngka ka va hawng a. Ka nu hmel ka hmuh chuan Tabi chanchin an hriat chu a lawmawm lam a ni lo tih ka hre nghal mai.
.
"Tabi chu engtin nge a awm?" ka ngaihthat loh zia chu ka hmelah pawh a lanchhuah  nghal vek ka ring.
.
"A ruang an chhar anih chu. A lainatawm emai ka ti.." ka nu pawh chu a mittui a tla zawih zawih mai.
A insut hlap a, tah insum tak chung hian "Insiam la, an in ah kan va lang ve vat dawn nia." tiin min kalsan a.
.
Ka hrawk a tawt up up mai. "Tabi..a ni thei lo!" ka mittui a tla nghal zawih zawih a, insum pawh a tum buai lo. Eng ang taka thlabar in nge a awm ang? Amah tanpui theitu tur nia min ngaiin dinhmun hlauhawm taka awm chung khan min rawn be tawk tawk a nia. A va pawi tak em! Kei hian amah ka tanpui thei ta si lo.
Bathroom-ah lutin ka inbual a, ka inbual chung pawh chuan ka mittui a la tla zawih zawih tho. Tunah chuan Tabi chu Alawmi nen an inhmu tawh bik ngei ang! Ka inhnit leh hlawp hlawp a. A fair hlawl lo.
An unau chunga thil thleng hi a fair hlawl lo.
.
Ka insiam peih hnu chuan ka nu leh pa nen Tabi te chenna hmun kan pan a, kan va thlen chuan mipui an lo tam khawp mai. A taksa endik turin Tabi ruang chu damdawiin ah a la awm a, an inchhung erawh an singsa fel vek tawh thung. Inchhung kan lut a, Tabi nu'n min hmuh chuan min rawn panin a tap hawm hawm a, keipawh ka insum thei lo. An tuar hi ana em a ni. Engtiang pawhin awm se an thiamawm vek.
.
Tabi ruang in an in arawn thlen chuan kan ri luih luih a ni ber mai. Insum thei khan awm lo. Hmuh hreawm ber chu U Sawmzuala a ni. A mitmeng a a ruai a, tah nachang pawh a hre lo. A hawi ruai ruai ringawt mai. Tabi hmel chu hnai lutuk a enin a fawp leh ngawih ngawih thin.
.
A bulah Eleazer a thu a, ngaihtuah thui tak nei hmelpu hian min rawn en reng a. Keichuan ka mit ka lasawn vat a.
.
.
Tabi kan vui liam atangin kar khat zet aral leh tawh. Police ho hian amah thattu chhui chhuak turin hma an la sawn tam lo khawp a ni awm e. Eleazer nen pawh kan inhmu leh tawh lo. Tabi bo zana thil thlen dan atang khan Eleazer hi ka ringhlel tawh lo bawk. Ti ila, pumhlum thak chu a la ni chuang lo. Tumah hi ka ring ta lo a ni ber. Tupawh mai hi ka chik zual a, landan phenah hian thil tam tak a inthup thin tih rilru puin tupawh hi ka en ta vek ni mai hian ka inhria. Te-a pawh ka hmuh theih
chinah chuan chik tak ka ni. Mahse, amahah hian danglam a awm awm pawh ka hre lova, tlaiah kan la inhmu ziah tho. Amah lah hian Tabi chunga thil thleng hi mak atih zia a sawi tawp thei lo.
.
Ka ngaihtuah vang vang hian khami zan khan Tabi khan engvanga Eleazer hming rawn sawi  nge anih ang
le tih hi ka inzawt tawp thei lo a ni. Eleazer hian thuruk hriat a nei reng angem? Thil engkim hi a inkawkalh vek mai hian ka hria. Ahma khan Eleazer hian Tabithi hnaih lo turin min hrilh a, tunah Tabi ber a thi leh a. Ka thluak hian fim takin thil a thliar hrang thiam tawh lo.
.
COPAS (HEARTS)
.
CHAPTER - 16
.
Thantei_LauraSean
.
H & E
.
Hun a ral bek bek a, kan nun dan pangngai theuhin kan nung mawp mawp ni maiin a lang. U Sawmzuala pawh vawihnih lai ka va tlawh tawh a, a la pangngai meuh lo tih a hmel enin a lang reng reng mai a, nupa tang then hi dar lehlam sahthlak ang a ni tiin an lo sawi thin a, U Sawmzuala tan chuan a dar pahnih sahthlak ang mai niin ka hria. Biak pawhin min chhang mumal ngai lo. Tabi nen an thawnthu pawh hi sawi fe tham a ni ngei ang. Eleazer pawhin a tlawh fo tih ka hria a, kan inhmu fuh ngai lo thung. A lawmawm lamah ka ngai zawk. Nge, ani hi thil buaipui a lo nei reng?
.
Nun dan pangngai theuhin kan nung mawp mawp ti khan ka sawi zo chiah nain Tabi bo zan atang khan eng emaw chang hian min zuitu awm a hriatna ka nei leh thin a, hlauthawngin awm reng lo mah ila min zuitu awma ka hriat chang chuan ka nun a nuam lo thin khawp mai. He thu hi Te-a hnenah pawh ka sawi lo. Thian dang ka kawm zau lova, tlai tin deuhthaw ka hmuh leh ka kawm deuh ber chu Te-a hi a ni deuh chawt a. A ni lah ahmaa ka rinhlelh deuh bak kha chu rinhlelh tur hian a awm leh ta lo reng reng bawk. Ka rilru a thil chhui chhuah tur nei inti si hian ka hna a sawt thei lova, ka nung vel mai mai a ni ber.
.
Ka hma dawhkana file intiang ar chu ka melh tlawk tlawk a. Vawiin hian hna kan khawp mai, hna ngah viau ni ah berkher ka ngaihtuahna a kal ding leh ta pek a nih hi. Inthing harhin file chu pakhat te tein ka en fel diat diat a, office ban a hun meuh chuan ka thaw deuh huai. Haw tura insiamin ka inkhung fel mawlh mawlh a, ka hmaa mipa ding chu min biak hma chuan ka lo hmu miah lo.
.
"Lehkha submit tur hi tu ber nge ka pek dawn?" phu deuh zawkin ka hawi chhuak a, tlangval lian thelh thawlh hian chiang zetin min lo en reng mai. Min nuih sukin a lehkha ken chu ka hmuh theih turin a lek kang va va a.
.
"Khawi maw ka lo enchiang ang?" ka tih chuan min pe ve mai. "Ka hnenah pawh a dah theih tho. Naktuk ah pu hnenah ka lo pe dawn nia."
.
"A lawmawm khawp ang." kal tumin a inher zet a arawn hawilet leh a. "Hmingtei i ni tiraw? Ka hre tlat che a ni." a tih chuan ka phawk leh ta hra mai. Ka awm dan hi a dik thei tawh meuh lo anih hi.
.
"Ah_aw_ni e." ka ti bah nak a.
.
"Min hre tawh lo tih ka hre mai. Lalmuanpuia ka nia. ML Memorial ah kan lut ho.." ka hre ta chiah!
.
"Ka hre ta chiah. I va danglam tawh ve.." nui chungin ka ti hliai a. A lunglenthlak zawk hle mai. Middle school kan kal ho ngei tak kha.
.
"Min hria chu a lawmawm e. Haw i tum hmel tawh thoin ka hria, i duh chuan ka lo thlah ang che. Hmanlai hun sawi leh pawh a chakawm alawm.." min nuih a, Lalmuanpuia hi hetiang taka nuimawi anih pawh ka hre ngai lo. Len leh hmel thatah Eleazer a tluk lo nain mizo mipa ah chuan a langsar pawl chu a ni pha tho ang. Ka ngaihtuahna zet chu leh! Engamah hmain Eleazer nen ka khaikhin ngawt chu.. Zahthlak zawk hian.
.
"Nia, pawi chuang lo. Nupui ila nei bik lo ani maw?" ka ti nghal zat a. Za zet hian a nui ta hawk hawk. "Ka thusawi chu la kawi kher lo la aw.." ka tih zui leh zat a..
.
"I lo danglam ta hle mai. A hma pawh khan.. Um..nakin ah ka sawi zawm ang. I hman chuan kal ila." a ti leh ta zawk a. Ngaih ngam takin office atang chuan kan inzui chhuak ta zan zan mai.
.
Kan in kan thlen hma zawng chuan kan titi a, a hnathawh leh a chanchin tlangpui chu a mawi tawkin min hrilh a,  a bak zawng chu kan naupan lai kan sawi char char a ni ber mai. Tlangval invawng tak anih hmel. A chhelo viau bawk! Nia, mit hian thil tha leh mawi hi chu a hmuh hmaih lo ve alawm! Ka zahpuiawm tan deuh tlat!
Kan in pawh a lo hria! A motor atanga ka chhuk hnu chuan 'kan inhmuh fo beisei ang che' tiin min thlah a, a thusawi awmzia chu ka hrethiam lo tiin sawi ila dawt chiang bal sawi ka ni ang! Ka nui sak ringawt.
.
Enge maw ka inthiam loh ringawt le? Tu ta mah ka ni hleinem! Tha tih zawng leh min hip zawng tak thil chu  mihring pangngai ka nih vangin ka nei ve ngei tur a ni dawn lawm ni. Eleazer laka ka rilru a zalen theihna tur hmanrua pawh ani maithei asin. A nih hlauh chuan ka tan malsawmna hlawm lian a ni ngei bawk ang chu.
.
Lalmuanpuia chu, a sawi lawk ang tak takin kan inhmu ta zauh zauh. Tawngkam tlang takin sawi lo mah se a mitmengah chuan min beisei ru tih ka hai bik lo. Mak takin kan inpawh riau bawk. A bulah pangngai tak leh amah pawh takin ka titi thei a, hei ringawt pawh hi ka tan chuan thil mak a tling tawh hrim hrim e. A hmingpum hian ka ko laklawh a, ka thlak mai thiam der lo lehnghal a. A hriat laiin ka la koh miah loh phah.
.
*Dik lo taka min ngaih ka duh lo a, mahse I bulhnaia awm ka duh.* tih message ka dawn chuan ka nui sak. Heihi ka tan bultan tharna a ni ve tawh ngei ang. Dinner min treat a tum thu a sawi chuan ka lo pawmpui ve ta mai.
*Naktuk tlaiah office ah ka lo hruai dawn che nia.* tiin min thlah leh thlap a. Eleazer nen khaikhin chuan a danglam lutuk. Lalmuanpuia hian chuan hmeichhia ka ni tih hriain dimdawi tak leh zaidawh takin min treat ni ber hian ka hria. Eleazer angin thu min pe thawr lova, mize hriatthiam har tak a nei ve hek lo. Eleazer pawh chu ka ngaihtuah chhuah sek le..
.
Zingkar ah office kal tura ka insiam chuan ka inchei uluk ve hle. Zai rat rat chungin ka thawmhnaw thlan chhuah chu ka ha a, darthlalang ah inen in ka lung pawh a awi e. Ka phone message lo thleng ka check hnu chuan mood fuh zetin in ka chhuah san ta nghal a.
.
Office ka thleng a, ka hna khawih tur chin khawih zung zungin dar zat pawh ka lo en lo.`
.
"Kan kal thei tawh em?"
Ka thutna bula Muanpuia lo ding reng tawh chu enin ka nui sak a. Sana ka en nghal vat. Ka lo haw thei reng tawh a nih hi.
.
"Thei tawh mai e. Ka han inkhung fel ang. Lo thu rawh." ka tih chuan thut tum hmel pawh a pu chuang lo. A hmanhmawh hmel phian.
.
Ka inkhung fel sawk sawk a, ka inpeih chuan kan inzui chhuak nghal a. Kan tlan chhuak nghal vang vang mai.
.
"Kal hlat kan va tum hmel." ka tih chuan min rawn enin a nui suk ringawt. Vawiin chu nidang a ang lo, a titi bawrh bawrh lo tlat. Ngaihtuah muk hmel deuh hian a awm leh thin a.
.
Motor a tiding a "Kan thleng e." a tih chuan kan kalna tur hmun chuan ngaihtuahna dang min neih tir.
.
"Oh! Hetah hian maw.."
"Kal ang le." ka hnungah a ban rawn dahin inchhung ah min luhpui a, hnathawk hovin min hmuh rualin kan thutna tur lam min lo kawhhmuh thuai a.
.
Bon Apetite ah hian Eleazer pawh khan min hruai tawh! Ngati nge tunah Eleazer ka ngaihtuah chhuah kher ang. A hun lo lutuk. A ni kha ngaihtuah chhan tur ka nei lo.
.
Kan eitur chah kan nghah chhung chuan sawitur hre lovin ka thu deuh tawp a, Muanpuia pawh a ngawi ve khuau mai. Min rawn en a, ka lo nui lui sak a. Sawitur ngaihtuah niawm tak hian a meng kual rulh a. A hmel hi chu a tha chiang a ni.
.
"Nuam i tih loh hmel." amah pawh a pangngai tawp si lova!
"Nuam ti e." ka ti sap ringawt.
.
A aw thian kharhin kan dawhkan kil chunga ka kut dah chu arawn vuan a. Thawk a la halh mai.
.
"Ka zep lovang, hetiang hian ka la nervous ngai miah lo. Kan pahnih hian pangngai taka inzui ka duh." ka chhan dan tur ngaichang niawm tak hian min en khuau a, a thaw tha ngam lo niin ka hria. Mipa lakah hetiang taka effect ka neih hi ka lo ring ngai miah lo.
.
Nui sakin ka bu nghat a, hriat theih hian a thaw huai mai. A awm dan chuan ka awm a tinuam ta viau zawk. Kan eitur chah a lo thleng a, eng eng emaw sawi pahin kan ei ta mial mial a.
.
"I puar em?"
"Puar lutuk."
"Tun atang chuan a tam thei ang ber i bulah hun hman ka duh ang." ka kut rawn vuan lehin a hmel a thutak ta ran mai.
.
"Chu thil chu a thleng thei kher lo ang." Muanpuia nen chuan kan hawi chhuak rual thawt a.
Eleazer!! Helai hmunah hian eng thil nge maw arawn tih le? Ka inthunun vat a, Muanpuia hamhaih hmel thinrim hmela inthlak mek chu ka hmuh hmaih lo. Ka kut chu la vuan reng chungin a thutna atangin a tho a, keipawh ka tho ve nghal bawk. Kan din chhuah fel chuan Eleazer chu kan hmachhawn lo thei ta lo. A hmel lan dan chu a mak lutuk. Kan kut chu en in a insehruh talh talh a.
.
"Tunge inih ka hre lo nain khatianga mi titi a inrawlh ringawt kha a mawi lo a nia." Ka inthunun hman lo, Muanpuia chu mak tiin ka en ha a, a ni chuan Eleazer chu hlau lo tih hriat ngawih ngawih hian a en run thung. Eleazer paw'n mit khap eih lo hian a lo enlet ve bawk. A tha dawn lo tawp mai.
.
"Muanpui kal ang." ka ti sap a. Ka tawng a hriat rualin Eleazer chuan Muanpuia lak atangin a mit a lasawn ta chauh.
.
"Thutlukna i siam hmain inngaihtuah chiang hmasa thin rawh. I chetsualpui leh hmain__" a ngawi chawt a, kei ka sa nghal pup pup thung. Eng thu maw a sawi kha? Ka tawng chhuak thei lo. Ka zak a, Eleazer ka chetsualpui tantirh leh min hnawl tantirh a ka awm ang chiah khan te chem chemin ka inhre nawn leh ta. Ka biang chhung lam ka seh ngar ngar mai.
.
Muanpuia chuan Eleazer nen chuan min entawn a, ka hlauhthawn ber thil hi thleng lo hram rawh se. Hetah hian Eleazer thusawi vang khan mualpho takin min kalsan duh hauh lovang. Mipa pangngai a nih chuan a ti thei lo.
Ka beisei loh zetin Muanpuia chuan ka kut a vawnna chu a tinghet zual sauh a, Eleazer chu chiang zet hian a en a.
.
"I ta ni lo hmeichhe bula awm dan i zir angai a nih kha." ka kut a vawnna chu thlahin ka kawngah min kuah a, dimdawi tih hriat tak hian ka beng bulah rawn kunhniamin "Kal ang le." a ti zawi ruih a. Ka tah a chhuak ut ut mai.
.
Eleazer kan kal pelh chuan inthunun tumin ka insangmar a, engvang mahin ka tap tur a ni lo. Muanpuia hi ka hmaizah lutuk. Awmngaihna pawh ka hre lova, awm loh  ngaihna pawh ka hre chuang lo.
.
A car dahna kan thlen chuan kawngkhar min hawn sakin ka thu lut thuai a, ka  hawichhuak ngam rih lo. Kha ka thil tihsual kha midang hmaa sawichhuah a nih ka ring pha ngai lo. Ka inchhir nawn eh ta vawng vawng anih hi. Tih loh tur tih chuan heihi a nih dan tur reng chu ani. A tuar ava nuam si lo em!
.
Muanpuia chu driver seat-ah rawn thulutin kan ngawi dun ran a, nuam lo ka tih zia chu sawi ngaihna a awm lo.
.
"Hreawm ti suh. Mumal taka inzui ka duh thu ka hrilh hma che khan thil thleng thei ka ngaihtuah lawk vek tawh. Nie, ka ngaihtuah lawk vek alawm.." min bia pawh a ang lo. A dar a tiche zauh a. Amah leh amah a inbia a ang ber.
.
"Tuna sawitur ka ni em ka inhre lo. Mahse, hmeichhe thianghlim ka ni tawh lo!" ka hrawk arawn inhnawh ut ut a, he thu rapthlak lutuk hi ka sawi chhuah a tul ang tih hi ka ring pha ngai lo chauh ni lovin hetiang hun hi a thlen ka ring ngai lo reng reng. Eleazer vang chauh kha a ni.
.
Min chhang lovin min en reng a, ngawi reng hian alamah min kuai hnaiin dam thlup hian min kuah ta zawk a. Tap lo turin ka insum nasa teh e!
.
Eng chena rei nge chutiang chuan kan awm ka hre lo. Min kuahna chu zawimuanga thlahin ka biang tawn tawnah a kutin min vuan a.
"Mihring hian tihsual kan nei thei theuh a, keipawh mi thianghlim ka ni bik lova. Engkim a tha leh vek ang. Khapa thusawi kha chu engahmah ngai suh. A tha em?" min nuih suk a. Hetiang mipa tha hi ka hriat lohin an lo awm reng chu a nia. A mak teh e.
Ka buk nghat hnu chuan ka biangah min fawp zauhin kan ila hrang ta chauh. A kekawr ipte a check vut vut a, chek tlakin min rawn en leh a.
.
"Chahbi inchhungah khan ka theihnghilh aniang. Lo awm la ka va en leh lawk ange. Ka rei lovang." tih leh car atanga chhuah a rual a. Inchhung lam pana a kal chu ka enzui reng a, inchhung a luh fel hnu lawkah Eleazer leh hmeichhe pakhat an rawn inzui chhuak ka hmuh chuan ka awm a nuam lo lehnghal. Eleazer hmel chu a la rum ul mai. A bana kuahtu hmeichhia chuan nui sanga en chho chung hian a be ser ser a, a ni chu a lo bu nghut ringawt a. Hmeichhia a chhuahpui ve reng chung sawn engtin nge khatianga mawi lo lutuk a ka chungchang Muanpuia hriattura a rawn sawi kher ni!
.
Ka thil ngaihtuah vang chuan meng tal tapin ka hawisawn a. Eleazer te hnunga Muanpuia lo kal chhuak ka hmuh chuan ka thaw huai mai. Muanpuia chuan arawn kal pel a, Eleazer chuan arawn enzui leh ta chiah mai. Min rawn hmuh chuan a inher hmuk a, a bula hmeichhia chuan a umzui dar dar a. Khawngaihthlak hian a..
.
Muanpuia arawn thu lut a, "Ka rei em?" a tih chuan ka lo tan nasat zia ka inhre chiah. Thaw halhin ka nuih a, ka lu la thing ta ringawt.
.
Kan in kan thlen chuan lo lenglut turin ka sawm ta lo mai. Bakah a ni pawhin tihtur a la neih thu a sawi tho a, eng eng emaw kan sawi duah nain thianghlimna chungchang kha chu kan sawiri leh ta lo. Ka lawm hle bawk.
.
Ni a ral bek bek a, Muanpuia nen pawh a khat tawkin kan inhmu ve reng a. "Inlaichinna puitling  neih kan duh chuan kan hmanhmawh vut vut tur a ni lo." a tih ang deuhin engkim hmanhmawh lo leh nghet charhin kan kalpui ni hian ka hria. Ka hre dik lem lo thei tho bawk. Nula leh tlangval inkara inlaichinna hi chu sawilawk dik hleihtheih pawh a ni love.
.
Chuan, Muanpuia nen kan inzui tak hnu hian tlaitin Te-a nen kan thiltih thin kha kan bawhpelh ta malh malh a ni ber. A pawi lo ah ngai tawh mai ang. Zir tur tam tak ka zir hman tawh tho.
.
Office ban a hun a, U Sawmzuala ka la hmuh leh miha loh vangin kan in pan lovin U Sawmzual te in lam ka pan a, tunah chuan ahma aiin hma a sawn ve tawh ka beisei.
An in ka thlen chuan a lo reh deuh thiap a, an in pawnlam pawh enkawl uluk a ni tawh lo tih a hriat hle. Tabi awmlai kha chuan engkim a fai hlarh thin kha a nia.
.
Door bell ka hmet a, ka rin aia hmain kawngka arawn inhawng a. Eleazer nen kan inhmachhawn lehta ran  mai. Hetah hian a lo awm ve dawn tih hrelawk ni ila ka kal hauh lovang.
"Lo lut rawh" a tu nghut a. Min en duh lo niawm tak hian min hawisan nghal hmuk bawk.
Inchhung ah kan inzui lut a, U Sawmzuala chu hahdam hmel zet hian common room-a mutna tur an siamah chuan a lo mu a. A hmel pawh ahma ai chuan hmuh a nuam ta deuh. A mutna bulah chuan thuin ka thil ken sak chu ka pe a.
.
"I lo tha zel em?"
Nui lui sukin a bu zauh a. Eleazer chu a melh zuk bawk. Awmze neia melh anih hmel. A awmzia phei chu ka hre chuang lova.
.
"Ka tha ve zel anih hi. I fel hle mai. Tlaiah chaw ei ve nghal ta che." a ti zung zung a, ka lo nial vat thung. Eleazer awm ve chuan min kam deuh run a, nuam ka ti tehchiam lo.
.
"Khawnge i mipa zui thin kha, i lo hruai ve lo nia." ka bula rawn thu pahin a tawng a, a aw rik dan atang chuan a hmuh rualin a hnek duh maiin ka lo ring ve ringawt.
.
"Nia, vawiin chu a buai zual deuh a." pangngai thei ang bera chhangin U Sawmzuala chu ka en san leh daih a. "Rei deuh awm hman pawh ka ni tawh lo, i lo tha zel dawn nia. Ka haw lehnghal mai ang aw."
.
Ka thutna atangin ka tho a, ka rin loh zet hian Eleazer chu arawn tho ve nghal vut a. Eng thil nge maw a hriat ni? A bulhnaia awm hi ka duh tehchiam lo tih hria se chuan ka tan hnawksakin a awm hauh lovang.
.
"Ka lo thlah ang che."
.
"A ngai lo." ka chhang rang mah mah maithei.
.
"Kawngka thleng chiah alawm ka tih." U Sawmzuala nui huk ka hriat chuan ka meng kual rawlh mai.
.
"Tikhan meng ziah suh.." tih leh ka bana rawn vawn a rual a, ka taksa min dek chu duh lovin ka ban chu laksawn ka tum a, min hmer nghet lutuk mah mah a ni. Min ngaichang lem lo hian kawngka awmna lam  panin min kai a, ka bag lain ka zui ve lo thei ta lo.
.
Verandah kan thlen chuan min vawnna chu thlahin  a thaw huai a.
.
"Hmanni kha a zialo khawp mai." a thusawi chu ka awih lo zawk. Eleazer hian thupha a chawi ang maw??
.
"Theihnghilh rawh." tiin ka kalsawn nghal a, min lo zui tih ka hriat chuan ka maimitchhing tawp.
.
"Muffin_"
"Engmah sawi suh. I thusawi kha dawt a ni hleinem. Ngaihtuah chiang lova chetsualpui che ka ni reng alawm." tawngkam pangngai thei ang bera tawng  ka duh. Ka hlawhtling reng em ka hre lo.
.
Thaw hawkin ka hnunglam atang hian min rawn kuah a. Hei chu ka va beisei lo chiang em! Khua a thim dawn ruai tawh a, miin min hmuh loh ka beisei.
.
"Eleazer.. Khawlai anih hi.." khawlai chu a ni chiah lo alawm. Mahse enge danglam chuang. Inchhung ah kan awm hleinem mawle. Gate chhung tual zawl a ni nain ka tan chuan khawlai a ni tho tho.
.
Min thlah a tum lo. Ka hnunglam atang chuan ka samah a hmai a phum a, thawk a la tih ka hria. Min kuahna chu a tinghet zual sauh a.
.
"Ka tan chuan kha thil kha tihpalh thil a ni lo ania." a tawng zawi khawp mai.
.
"Ka hria alawm. I tan chuan i hmeichhe hneh pakhat ka ni ve mai a. Ka hai bik hleinem."
.
"Ni lo.." a ti hrawih a. "Chutiang a ni lo. Ka sawi awmzia i hria. Ka tan a_"
.
"Hria e. Min thlah tawh rawh." ka ti sap a. Thinrima inhmachhawn na chi pawh niin ka hre lo. Tunah hian ngaihzawng nei lai ka ni a, mipa dangin min kuah hi Muanpuia phatsanna niin ka hria. Chu chu ka duh lo.
.
"Eleazer.." ka sam chhanah chuan ka nghawng hnunglamah min fawp a. Ka mit ka chhing sawk. A dik lo. He thil hi a dik hlawl lo. Min khawihna avang hian ka danglam tawh tur a ni lo, chu chauh ni lovin engvanga la inkuah tur nge ka nih? Ni love, ka inkuah tir hleinem. Ka thu hhmu lovin min kuah ringawt anih hi.
.
"Hmeichhia kawplai nei ka ni tih i hria a, i awm dan hi a diklo a nia."
.
"Tunge pawiti chuang!" ati leh nghut a, min kuahna chu thlah a la tum chuang lo. Ka dula a kut a nghah chu ka dawmin thawk ka la a. Engvanga ka thlahlel fo si  nge ka nih? Eleazer hi thlahlel tur ka ni tawh lo.
.
"Keimah! Kawppui laka rinawm lo mihring nih ka duh ve lo." ka tih chuan thawk a la ham ham a, ka nghawng hnunglam chu a thawkkhum lum ham ham mai.
.
"Anih chuan kal tawh rawh."
.
"Min kuahna hi i thlah loh chuan__"
.
"Aw le..Aw le!"
Min thlah hnu chuan ka scooty ka pan nghal thuai a, Eleazer chu a hmel en duh tawh lovin ka tlan chhuak nghal a. Ka tukhum mur chem chem dan atang chuan min enzui reng tih ka hria.
Ngaihtuah zui duh lovin ka scooty khalh chauh chu ngaihtuah tum chungin  k atlan zel a, in awm tlemna lai ka thlen chuan ka scooty chu ri phurh phurhin a thi ta chut mai. U Sawmzuala te in pana ka kal lam pawhkhan engmah dik lo a awm miah si lo. Inchhunga ka awm chhung khan mi tuemaw in an lo khawih a ni chiang khawp.
Ka theih ang angin kawngsirah scooty chu ka nawr sawn a, englai  nge dik lo tih hriat tumin ka bih kual ve ngial naa dik lo lai ka hmu fuh mai thei lo. Khua a thim a ni tawh deuh mai si. Taxi kal vel a awm miah lo lehnghal.
.
“Muanpuia min hruai turin ka be mai ang.
.
Ka bag aka phone dah phawrhin ka contact list ka scroll a, motor chak zeta tlan thawm ka hriat rual deuhthawin ka piah pen sawm pawh tling lovah motor dum arawn ding chik tuarh a. Ka phu dawrh mai. Hlauhthawnna in ka khat nghal bawk.
Motor atang chuan mipa pakhat hmanhmawh zet hian arawn chhuak a, eng a tha tawh lo bawk nen tunge anih ka hmu fiah mai thei lo.
.
Keihi dinhmun tha lo takah ka ding mek anih hi.. Engtin nge chet ka lak dawn ka hre lo.
COPAS (HEARTS)
.
CHAPTER - 17
.
Thantei_LauraSean
.
H & E
.
Ngaihven lo anga lang luiin scooty chu ka en leh a, ka rilru chuan engtin pawh min rawn khawih se sual let turin ka inpeih at thung.
.
Rei ngaihchan a ngai lo, ka hnung lam atanga ka dara min rawn vawn chuan rang lutuk hian a banrek ah ka man chat a. Tun hun atan hian alawm mahni inven dan ka zir. Ka tha neih zawng zawng sawmkhawmin bin ka tum a, keimah aia a len zawk chu thuhran ni se, ka tha ka pek phat atang khan ka bin zo dawn lo tih ka hre nghal. Bakah a lo tang ve hman tlat. Thiam thil nei ve ni lo se tang hman tur a ni miah lo a nia.
.
Nui hawk ka hriat chuan rang lutuk bawk hian ka vawnna chu ka thlah a.
.
"Khatianga thil kha engtin nge i thiam zawk?"
Hawi chhuakin ka en a, Eleazer makti hmel leh a nui insum hmel inpawlh nuaih chuan ka thin a tirim lutuk takzet. Hlauthawng bawk thinrim bawkin ka insehruh a, chhan ka tum therte lo. Min rawn umzui ka ring pha lo hrim hrim bawk.
.
"Enge i rawn tih dawn?" ka tilet nghat a. Min tih hlauhthawn zia kha. Ka thinphu pawh a la pangngai lo. Hmanhmawh hmel lutuk leh minti thinthawng lutuk lo zawngin min rawn pan thei reng. A enga pawh chu nise engvanga min rawn umzui nge anih reng reng?
.
"Mahni inven dan kha khawi atanga i zir nge?"
.
"Lo buai suh.."
.
"Ka ti hlauthawng viau che tih ka hrethiam mai."
"Sawi lo zawk mai teh." min hmuh theih leh theih loh ka hre lo chungin ka melh rawm rawm a. Ka kut khur nasa lutuk chu ka hum ruh ngar ngar bawk.
.
"Tih palh.. Min lo zui rawh." ka banah min kaih tumin min ban a, ka tawlh hla vat a.
"Ka zui lovang che."
.
"Kha kha a chhia a ni lawm ni. Luhlul hun pawh a ni lo."
.
"Ke in ka kal thei." ka tih chuan a rum nghut.
.
Engvanga hmanhmawh taka rawn um che nge ka nih min zawt miah lo."
.
"Zawh che pawh ka tum lo"
.
Thaw huaiin min rawn dinhnaih zual a beidawn hmel zet hian "Muffin?" a ti zawi ruih a. Thip zetin ka enlet thung. "Tunah min zui rawh. Nawrluih ngaiin awm suh." thinrim hmelin a tawng lo na a, a aw ah chuan eng emaw a lang tel tih ka hai lova, mahse ka thin a la rim vangin ka pawi sa der lo.
.
"Khatianga hlauthawng taka min siam kher lo khan i rawn awm thei reng__"
Ka dan hman loh khawpa rangin min rawn kuah bet nawk a, ka tha khur dar dar chu a hre thei ngei ang. Min khawihna vang ni lovin ka hlauhthawn vanga khur ka ni tih pawh a hrethiam ang chu.
.
"Tih hlauhthawn che ka tum hauh lo ania. Tunah chuan min zui phawt angai." ka hahdam theih nan ka hnungah min chul hauh hauh a. "Tunah le." min kuahna chu phelhin ka banah min kai a, tang chiam pawh ni ila min thlah dawn miah lo tih ka hria. Bakah ke a kal ai chuan a bula ka kal hian a him zawk reng reng.
.
"Chahbi ka phawi lo a nia." min vawnna thlah chuang lovin scooty kan pan a, chahbi chu phawiin a ak nghal hmak a.
.
"Khawi, ka chahbi anih kha."
Ka tawng chu hre awm a awm miah lovin, a motor dahna lamah min kalpui a. A chet dan atang chuan hmanhmawh eng emaw tak chu anei ngei ang tih ka ring.
.
Kan tlan chhuak a, kan pahnihin kan ngawi reng a. Ka hawi chhuah chuan kan in lam kan pan lo tih ka hre chiah.
.
"Eng thil  nge thleng a? Khawiah nge kan kal dawn?"
.
"Thil eng emaw hmuh tir tur che ka nei. Hmanhmawh taka rawn pan chhan che ka nei bawk. Tun chinah chuan mahni chauhin khawiah mah i kal tawh lovang. A him lo." aw ki hniam zet hian a tawng chhum hmuk hmuk a.
"Engtin nge ka him lo tih i hriat? Nang hian dawt hmangin min hnaih i tum ani em lovang chu." amah pawh en lovin ka tawng a, min rawn melh zawk tih ka hre tho. Engmah sawi lovin a ngawi leh daih lawi a.
.
Khawpui pawn kan thleng a, kan kalna lam hi Durtlang lam niin ka hria. Ka ngaihtuahna buai deuh vang khan kan kalna lam hrechiang turin ka lo hawi chhunzawm miah lo a ni.
In pakhat kawt ah motor a tiding a, tawng lova chhukin ka thutna lam kawngkhar min rawn hawn sak chuan hnial buai lovin ka chhuk ve nghal mai. Kan kalna tur in chu a thim thuap a, tumah an cheng lo anih ka ring ve ringawt. A thim ruih chung chuan Eleazer chu a hawi kual a, ka banah min rawn vuan lehin muang lo zet hian in chu kan pan a.
Chahbi phawrhin kawngka kalhna hrawl zet chu a hawng a, inchhung kan luh chuan a thim tha khawp mai. Light a on chuan ka mit a vai chum chum a, inchhung awm dan pawh ka hmu chiang mai thei lo.
.
"Khatah khan lo thu rawh." min vawnna thlahin a kalsawn a, pindan pakhata a lut chu ka enzui reng a. a thut fel rualin arawn chhuak lehnghal. Thir bawm ni awm tak hi a rawn keng chhuak a. Heilai hmunah hian chhan leh vang fel tak neia min hruai chu anih ngei hmel.
.
"Kha kha enge?"
Min chhang lovin ka bulah arawn thu a, a bawm ken chu a malchungah dahin chahbi te takte hian a hawng a. Bawm chhunga thil awm chu enge ka hre ve mai lo.
.
"Henghi en la i hriat ho zawng min hrilh dawn nia." a tidam thluam a. A hmel atangin a ngaihtuahna a tilang miah lo thung.
.
Ka malchunga bawm arawn dah chuan ngawi rengin a chhunga thil awm ho chu ka en a.
.
"Heihi engtin nge i neih?"
.
"En zel phawt rawh." a ti leh ringawt.
.
Thlalak thenkhat chu Robert pendrive-a awm keimah ngeiin ka chhui zuite kha an ni. Min hrilh ang chuan ka en zel a, Alawmi thlalak hmuh nuam lo zet ka hmuh chuan inveng  hman miah lo a te thawt in bawm chu ka malchung tangin ka hnawl thla rawp a. Ka awih thei lo! Ka taksa a mur chhuak vek a, dan rual lohin ka mittui a tla nghal zawih zawih  bawk..
.
"Eng_Engtin nge a nih theih?" ka tap nghal hlawp hlawp mai. "Hetiang thil hi engtin nge a nih theih? A ni thei lo! Kei hian engmah ka lo hre miah lo.."
.
Ka awm dan chu uluk zeta min enin a rawn tho a, dam thlup hian min kuah ta hlu hlu a.
.
"I tan a na viau ang tih ka hria. Ka hriat chhuah tirh chuan keipawh min thawng khawp mai. Inrawlh zui tawh lo turin ka duh che tih i hria a, chuti chung chuan ka thusawi pawi sa lovin i inrawlh ta zel si a, he thil hi ka tum hun aia hmaah ka hmuhtir ta che anih hi. Venhim che ka duh bawk.." min kuah nghet sauh a. Ka tawng chhuak thei tawh rih lo.
.
Tuin nge ring pha ang? Ka thiantha ber Alawmi kha pawngsual a lo ni reng a! Pawngsual anih thu sawichhuak miah lovin amahin a tuar a, a taksa in a tawrh zawh loh thlengin rilru hreawmna nasa lutuk a lo tuar reng a nih chu. Chu chu kei, a thiantha ber nia inchhal hian engmah ka lo hriatpui lo! Ka indem a, na ka ti lutuk a ni. Ka thiantha neihchhun khan min ring zo lo em ni? Min hrilh ni se kei hian eng emaw kawng zawng talin ka tanpui thei maithei asin. Amah chauha tuar atan chuan a na_ana lutuk a ni e.
.
Ka inngaihtuah fim deuh a, tawng tumin ka aw ka thian kharh a.
.
“Tunge a titu?”
"Hahdam phawt la ka hrilh ang che." Eleazer tawng chu ka hre thei chang chang. Nghet lutuk hian min la kuah reng a, keipawn a kawngah ka lo kuah let reng tih ka inhre chiah. Ka hriatchhuah rualin ka kuahna chu ka thlah vat a. Ka rilru chiai vang chauha kuah ka ni  ngei ang. Ka chet danah inlak hran ka duh tih hrethiamin zawimuang hian min thlah a.
.
Sofa ah chuan thu lehin Eleazer chu ka bul setah arawn thu a, ka ngaihtuahna hriat tum niawm tak hian chik takin min en bawk.
.
"Khatiang thil titu kha tunge?" ka duh angin ka tawng ring thei der lo. Alawmi thlalak a taksa, a mal vela thisen kai ka mitthla a lo lang vang chuan ka mit ka chhing sawk a. He thil vang hian eng emaw chen chu ka pangngai dawn hauh lo tih ka inhre chiang lutuk.
.
"Robert kha ka rinhlelh ber chu a nia, mahse a thih dan vang khan Robert thiltih a ni thei ta lo a ni. He thil titu hi tupawh chu lo ni se tunah hian zalen takin a la awm tihna a nia. Fimkhur tluk a awm lo."
.
"Tabi kha..?" thawk la hlahin ka mittui tla leh tur chu dankir ka tum a, ka hlawhchham. Eleazer hmaah hian hmeichhe chak lo tak ang mai a tah ka duh lova, mahse tihngaihna a awm lo anih hi. Ka insum thei ngang lo. Ka kut pahnihin ka hmai ka hup a, ka mittui tla chu ka hru nawk nawk a.
.
"Tabi khan eng emaw tak chu a hre ru tih ka hria. Amah kha a chhan pawh ka hriat miah lohin ka ringhlel dawn dawn a, amah hnaih lo tur pawhin ka hrilh che kha. Mahse, a ni pawh_"
.
"Hreawm tak tuarin a thi ve tih a chiang reng a.. Tu tih nge ni ta ang?" ka hrawk a tawt ut ut a, tawng pangngai pawhin ka tawng thei lo.
.
"Eng emaw a hriat vanga khatiang thil kha a chunga thleng ni ngeiin ka ring. Engmah fiahna a la awm theih loh  vang hian ka ngaihtuah zual em em che a ni. Keipawhin i inhnamhnawih tih ka hriat chuan hetiang thil titu hian a hre ve ngei ang. Te-a kha_"
.
"Te-a chu a nih ka ring lo. Vawikhat kha chu ka ringhlel ngei a.. Mahse, Alawmi nen inzawmna an nei lo.."'
"Chu chu engtin nge i hriat? Robert leh Alawmi an inkawp tih a hria em?" a tih chuan ka bu nghat a.
.
"A lakah inveng ang che. Ka bulah tih loh chuan mipa reng reng hnaih emaw a fal emaw fal lo emaw pawhin hmu suh." chiang zet hian min en a.
.
"Chutiang ringawt a theih hleinem."
.
"I ngaihzawng pa pawh kha ani lo vang tih a sawi theih loh. Engvanga rawn hnaih ringawt che nge anih?"
.
"Chu kher chu i lo buaina tur anih loh chu. Muanpuia nen chuan Middle school kan kal lai atangin kan inhre tawh. Kan inhrechiang.."
.
"Duhtawk teh.. Eng chen zeta thui nge hriat i neih?"
.
"Ka chungah tha lo takin a awm dawn lo tih ka hrechiang."
.
A chek hluk a. Ka ngei tawk a tling lehnghal em em bawk.
.
"Tun hun hi ka ngaihzawng chungchang a i ngaih dan sawina hun pawh ani lo. Muanpuia chungchang engmah hriat i nei lova, chuvang chauh pawh chuan i ring chhe nghal ringawt thiang lo."
.
"Thiang leh thiang lo chu keiman ka thliar hrang ang."
.
"A tawk anih chu. In a haw ka duh." ka ti nghal hmak a. A hmela engmah langchhuak lo hian min en reng ringawt.
.
"Kha mihring thlavang i hauh ang khan vawikhat chauh pawh ka thlavang i hauh ve tawh em?"
A zawhna hi enge a awmzia? Kan thusawi lai leh amah hian inzawmna a nei lo reng reng.
.
"Min chhang rawh!" a tawngkam a chang kher mai.
.
"In ah ka haw duh tih ka sawi anih chu_"
.
"Ka zawhna che kha min chhang phawt rawh."
.
"Theihnghilh zawk rawh." ti hmakin ka thutna atangin ka tho phat a. Helai hmuna min hruai chhan ngaihtuahin tunah hian kan sawi loh tawp tur thupuiah kan lut a nih hi. A thlavang ka hauh leh hauh loh hian awmzia a nei lo? "Awmzia a awm lo.." ka ti leh sap a. Ka rin loh zet hian rawn ding ve thutin ka hmaah tak ka hmai min si lo chauhin arawn ding a, a hmel lan dan ka hmuh chuan ka ip deuh chawih mai. Min tihnat hlau tak si hian ka dar tawn tawnah min vuan a, a inthunun nasa hle ang tih ka ring.
.
"Ka tan awmzia a nei.. Nang_" inthlahdul hnakin ka chalah  min rawn si a "Muffin, ka tan engkim i ni! Chu chu engtin nge i hriat loh theih zawk?" min dem ni zawk awm tak hian a tawng chhuak a. Awlsam taka sawichhuak a ni lo tih erawh ka hrechiang hle. Engvanga chiang nge ka nih erawh ka hre hauh lo mai. A ban pahnihin ka kawngah min kuah a.
.
"Chu chu ka hre hauh lo. Ni lo, ka sawi tum chu__" min rawn fawp hmiah a, ka tawng zawm thei ta lo! Ka chungah eng thil nge atih leh tak hi? Min fawhna chu a dam nain ka chhungril a fan rawih rawih thung. Kei hi engvanga danglam ve leh ngawt nge ka nih? Muanpuia... Ni lo..!
.
Ka inla hrang vat a. Nia, ka hmui chiah a nia ka lakhran. Min kuahna chu a ngheh em vang pawh ni lovin a taksa lumna ka feel chu ka kalsan mai phal lo a ni. Ka rilru zet chu! Ka mit ka meng a, Eleazer maimitchhing chunga kun deuh hmel chu chiang takin ka en a. A la ngai reng. Ka duh emaw duh lo emaw Eleazer hi ka la hmangaih reng a ni! A mithmul sei sang chuan amit a khuh a, tunah chuan min hmu thei lo. A chal a tichuar deuhin a la maimitchhing ta reng a. Ka hmui pet fan fan chungin a bianga chul mai lo turin ka insum hial nia.

Kei hi rilru uire ka ni reng zawk anih hi. Ka tan Muanpuia a awm reng laiin tunah pawh Eleazer bulah ka awm a nia. Muanpuia hi mipa tha tak a ni. Min care em em bawk. Phatsan tur ka ni hauh lo. Chu mi hrereng chung chuan a bula ka feel ngai loh ka thinlunga eng emaw famkim lohna nei ni a ka hriat thin hi Eleazer bula ka awm hian engvanga tih famkima  awm ta nia inhria nge ka nih si le? Ka ngaihtuahna kal dik lo mai a ni lo tih ka hrechiang em em lehnghal.
.
Muangchangin arawn meng a, ka en reng tih min hmuh pawh chuan a awm dan a danglam chuang lo. A aia chiang awm tawh chuang lo tur khawpa chiang hian ka mitah min en a.
.
“Ka hmangaih che!”
Ka meng phar kawk! Hnunglamah ka awn dawrh bawk. Min rawn vuan vat a. Za lo zet hian a nui hul hak hak a.
.
“ I  hmel lan dan chu ‘thah che ka duh’ tih thu hrilh ang  mai I nia lawm. Theihnghilh rawh. Haw I duh thu I sawi tak kha.. Lo kal rawh, ka thlah ang che.”
Chet nachang pawh ka la hre chuang lo. A hmel chu ka en a, a thusawi kha ka hre dik reng em tih ka ngaihtuah a ni.
.
“Theihnghilh rawh. I tan chuan thu hriat nuam a ni lo tawp tak ang. Sawi lo tawp tur ka nia..”
 A mitmeng a ka hmuh chu natna a ni. Natna nasa tak. Enge ka ngaihtuah ka hre lo, muangchang in ka pan hnai a.
.
“I sawi kha dik anih chuan. A nih chuan_Engvanga min hnawl si nge I nih?” ka tawng khur chu ka va haw em!
.
“Theihnghilh rawh ka tih kha.”
.
“Eleazer” ka ti vin that a. Hetiang taka vin hian ka la ko ngai miah lo. A sawi ang hian in a inthlah tir mai tawh tur ka nia. Mahse ka thei lo. Min hmangaih anih si chuan engvanga min hnawl si nge a nih? A chhan ka hriat hi a tul reng em?
  “Theihnghilh rawh ka tih chu.” A ti nghut a, a hmel lan dan chu a pangngai leh vek tawh. Phiangsen hian!
.
“A lo nih phiangsen chu!”
Dawn awm lovin sofa-a ka bag let ngat chu ka la nawk a, ka chhungril so bulh bulh hi ka thunun theih piah lam a ni. Amah pawh en tawh lovin vung lutuk hian kawngka lam ka pan nghal hmawk hmawk a. He mihring min thlah hi ka mamawh lo. A kut hmawr pawhin min khawih tawh lovang.
A pen thawm atang chuan min umzui tih ka hria. Ka ban arawn deh rual rualin “Min khawih suh” ka ti tuarh a, a kut chu ka theihtawpa na hian ka thingthla nghal bawk.
.
“Muffin..” a ti hrawih a, engmah ka pawi sa tawh lo.
.
“Chutiang chuan min ko suh..” thinrim lutuk in ka hmachhawn leh a, min rawn dawm a tum chuan ka duh lo tih nasa zet hian ka lantir  bawk. “I kut hmawr pawh khan min khawih suh. Ka hua che… Ka ten che.. I hmel hi vawikhat pawh hmuh ka duh tawh lo. Nang hian enge min pek? Engmah… Chuan_ Ka lak atang hian Kal. Bo. Rawh.” Thinrim lutuk a thaw kawk kawk chunga inher in  ka hma zawnah ka kal bawrh bawrh a. A thim zek. Ka awm dan hi nasa min ti pawh ni se pawi ka tih loh zia chu ka sawi peih lo zawk!
.
Thil eng emaw ka chhuih tawk a, dawn awm lo hian ka tlu bawkkhup nghal thlawrh. Thinrim lutuk bawk nen_Ka hrawkah arawn inhnawh up up a ka insawhna na bawk si nen ka ngik chhuak ta lehnghal! Ka tap pawh a ni lo, heti khawpa thinchhe nasa ka ni tih hi ka lo inhre ngai lo reng reng.
.
“I tha em?”
Eleazer chu ka bulah rawn thingthi nghal rawp rawpin min kaihthawh a tum a,  min vawn rual chuan “Min khawih suh.” Ka lo ti vin hlar a. Min thlah ve mai bawk.
.
“I tho thei angem?” a ti dam thlup a. A awm dan apiang hian tunah tak chuan ka pawi a sawi vek.
Ka chhang tawh lo. Thawh ka tum a, ka tho mai thei lo leh ta nghal a. Ka taksa hi khawilai ber nge na pawh ka hre lo, a vaiin a na vekin ka hria. Muangchang leh harsa ti zetin ka thu a, Eleazer chu a phone ti engin ka bulah a thu ngawi run a, engtin nge ka awm zel dawn tih min ngaichang ni awm tak hian min en reng tih ka hria. A phone eng rinchhan chuan a hmel ka en zawk a, a mitmeng a ka hmuh chu ka awih thei lo.
Khawvelah hian a aia thlakhlelh leh chuang nei lo hmel puin min en anih chu! Ka mumang a nih ka ring zawk hial. 
.
COPAS (HEARTS)
.
CHAPTER - 18
.
Thantei_LauraSean
.
H & E
.
ELEAZER*
.
A thusawp niai a, min la vin hlar theih danah a insawh na vak lo anih ka ring. A lawmawm ah ka ngai. He hmeichhe bulah hian engtianga awm tur nge tih ka ngaihtuah buai ziah mai hi mak ka ti thin. Keimah ngei pawh ka rilru puthmang vanga ka inhriatthiam tawk loh lai hian engtin nge ka Muffin bula awm dan tur hi ka hriat theih tehlul ang? Chhungrila  ngaihtuahna chu eng pawh  ni se kan lan chhuah tir dan hian kawngro a su thui hle si a, ka thinlunga hmun a chan hi engtiang taka lanchhuah tir tur nge ka hre lo a ni.
.
Ka phone light ka on hnu chuan a hmel ka hmu thei ta chauh. A tluk a vang khan a ni  ngei ang a sam a hnawk deuh a, inhuih mam pawh tum chuang lo. Helai ah hian tlu hlauh lo se a luhlul zia ngaihtuahin ke ngat pawhin an in thleng a kal duh ngei ang chu. Insawh na ni se kei aia hreawm ti tur an awm chuang der lovang. Tharum hmangin vuan bet duh ni ila ka thei chiang a, alakah hian tharum hman ka duh hauh si lo. Awm dan tur ka hre lo hulhual a ni e. Engtin nge 'ka hmangaih che' tih thu kha hmaichhan ah ka sawi theih ka inhre lova, ka chhungril ah hian ka inhriat hman hauh lohin ka hmangaih tih erawh ka pawm thlap tawh thung. Hmeichhe hmangaih hi thil awmsam a ni hauh lo a nia. A chhan ka hriat hauh lohin min hlau lo ang maiin a awm fo a, min suallet ngam hial bawk. A chang leh min haw em em tih ka hriat ngei ngei theih nan he a mitmeng  mawi em em hian ka pawh ngam loh na turin min melh thin bawk a. Ka lakah hetiang taka khawsa ngam an awm ngai loh vang hian awm dan tur ka hre lo a ni. Amah duat taka a bula awm ka tum apiangin min hnial a, min tina thei ang tih pawh ka rin ngai loh tawngkam mak tak takin min tina bawk a. Mahse maw_Heng thil zawng zawng hi ka lakah ti mah se, he hmeichhia ka hmaa thu mek, thinrim tak hmelpu hi ka hmangaih! Ka hmangaih a, atan eng pawh ka huam dawn a ni tih hi a lakah hian engtin nge ka tihlan ang tih erawh ka hre hauh lo. Kei hi enge ka nih pawh ka inhre ta love.
.
Ka pha lo, hmeichhe tam tak ka kawp thin ngei a. Ka tan an lawm zawng tih a harsa ngai lo. Thinlunga inzawmna tel miah lovin ka sum leh mipa ka nihna hmang hian an lawm zawng ka ti mai thin. Harsatna ka nei ngai lova, tuna ka hun tawng mek ang leh Muffin laka ka rilru puthmang ang hi ka nei ang tih ka ngaihtuah ngai lo hulhual. Ka tan chuan ka hriat ngai loh thil mak leh ka hriatthiam mai loh tur thil a ni bawk. Ngaihsak dan chin tawk ka hre lova, thil tha lo leh atana hlauhawm awm thei zawng zawng laka lak hran ka duhna leh ka bulah chauh awm tura ka duhna hi a dik reng em? Muanpuia tia a koh pa vang khan ka lakah hian a inla hrang nasa tih lah kei aia hrechiang an awm lova, kha mipa khan a mutpui anih teh chuan! Ti hauh lo se la a tha zawk ang. Muffin hi ka ta chauh a ni.. Ka ta chauh..! A bula awm aia thlakhlelh dang ka nei lo tih ka hrechiang em em tawh tlat.
.
A bula ka thusawp ve chu min ngei hmel zet hian min rawn en ram ram a. Engtin nge a awm dawn ka ngaichang tawp. Hriatthiam harsa leh mi danglam tak hi engtianga enkawl tur nge ka hre lo.
.
Muangchangin a tho a, puih ka tum chuan "Min khawih suh." a ti leh hlar a. A tawngkam chuan min tihnat zia a hre lo. A laka ka thil tih dik loh vang khan eng chena rei nge ka tuar la ngai dawn?
.
A din hnu chuan a hawikual a, eng thil nge a zawn ka hre lo nain rin chu ka nei. Helai hmun hi ka ta a ni tih tuman min hriatpui lova, chuvanga hruai chu ka ni a. Ka hruai chhan ber ti hlawhtling kim lovin a hun hmain ka hmangaih thu ka hrilh ta mai anih kha. Ka tisual chiang tih ka laka a awm dan atang hian a chiang reng lehnghal.
.
"Min thlah i tum a ni lawm ni?" a hma ai chuan tlemin a aw a nem tawh deuh nain a la thinrim tho. Ka phone light chu a hmel hmuh ka duh vangin ka keng sawn hlek a, a sam hnawk deuh niaih leh a hmui engmah hnawih loh tih hriat zet ka en rual chuan fawp lo tura ka inthunun a tul tih ka hria.
.
"Enge?" ka enreng vanga awm nuam chiah lo hmel hian min en a. Ka rilru a ka ngaihtuah mek hi hria la i lawm dawn lo. Muffin_
.
"Engmaw i sawi?" enge ka sawi hriat tum in a chal a tichuar deuh a. Ka phun chhuak tih pawh ka inhre miah hleinem. Ka inveng hman ta lo bawk. Ka kut phar chhuakin a chal a tih chuar nang chu ka khawih a.
.
"Enge?"
Thil eng emaw kai lak ka tum niin a hria aniang.
"A tha tawh e." ka ti ringawt. A chal chu khawih rei lovin ka kut ka lasawn ta vat a. Ka awm dan hian mak deuhin ka nuih a tiza deuh tlat bawk. A hriat tur ka nui anih chuan ka tisual  ngei dawn tih ka hriat vangin ka ngawi ta zawk a. Amah ka nuih niin ka ngai ngei dawn a, inhnialna dang chawh chhuah leh ka duh tawh lo. Hlauhthawn pawh chu ka va ngah ta ve mawle! Ka tan chuan thil thar vek a ni e.
.
In ka kalh fel a, ngawirenga in zuiin motor kawngkhar ka hawn sak chuan a lut ve mai a. Kan tlan chhuah hnu pawh chuan amah en lovin ka awm rei thei lo. Motor kawngkhar darthlalang ah a lu nghatin pawnlam a en a, a lubur tereuhte hian eng thil tak ngaihtuah ang maw? Min huat thu a ngaihtuah em lovang chu! Ka aw ka thian kharh a, phu deuh zawk hian min rawn en a.
.
"Naktuk hian hmuh leh che ka duh dawn a?"
.
"Eng thil nge? Mimal thil anih chuan ka thei lo." a ti hmak a. Beidawng ru zetin ka thaw huai ringawt. Muanpuia kha i hmu dawn ami? Hmuh tum duh suh.. Ka ngaihtuahna vang chuan motor steering wheel chu kut chang var pap khawpin ka hmer ngawt ngawt a. Kha mipa nen khan inkawp zui zel turin ka duh hauh lo. Duh lo tak ka ni. Mahse tunah hian tih theih ka nei rih chuang lo anih hi. Khapa lak atang khan engtin nge a rilru ka lakpen tak ang.
.
"Muffin, zanin ka thusawi kha_"
.
"Min hmangaih tih i sawi vang ringawt khan i hnena lo let leh nghal duh turah min ngai suh. Ka duh vang reng ni lova thil hriatreng tam tak ka nei tih hria ang che." Eng ti turin nge min duh sawitel nghal ta che mawle!
"Eng ti turin nge min duh?" ka tih chuan a  ngaihtuahna tilang miah lo hian min en a. Nge light that tawk loh vangin a hmel ka hmuchiang thei lo zawk pawh ka hre lo. Motor hi ka tiding phawta kan inbia anih loh chuan amah ka en lutuk na lamah kan accident palh lovang tih pawh a sawi theih loh.
 Kawngsir remchang laiah motor ka tiding a. Motor chhung light ka on hnu chuan a hmel pawh ka hmuchiang lehzual thei ta. Ka zawhna kha min la chhang lo “Eng ti turin nge min duh?” ka ti  nawn leh ngat.
.
"Ka hre lo. Engmah! Engmah ti suh." a hmela min huatna emaw min ngaihvenna emaw, eng thil mah lang lo chuan min tibuai lehzual.
.
“Engvanga harsa em em nge maw inih le? Ti tura min duh sawi la, I sawi apiang ka ti ang.” Eng thil phiangsen nge maw ka sawi hi le? Hetiang tawngkam hi ka ka atang ngei hian a chhuak chu a nia. Mahse, Muffin laka ka sawi a nih chuan engpawh, eng thu pawh ni se pawi ka ti lo.
.
Thawk la hliai in min hmachhawn zawng hian a thurem sauh sauh a, eng thu nge a sawi dawn tih ka lo ngaichang tawp. ‘Ka tan a harsa zawngin awm tawh lo hram rawh. Khawngaihin khawngaihin..’ ka ti rilru hial!
.
“Eleazer_”
“Um, ka ngaithla.”
Ka awm dan chu makti hmel thup deuh chung hian min en ren rawn a. ‘Ka ngaichang che’ tih melhin ka melh thung.
.
“Kan duh piang hi kan nei vek tur a ni tih ziak a awm lova, bungrua chauh ni lo mihring pawh tiamin._”
.
“Chuan?”
.
“I awm dan hi mak ka ti zawk hial tawh. Ka ngaih a tha lo bawk a nia. Engvanga min hnaih hi duh  viau nge inih?”
A tawngkam hman duh dan chu ka beisei loh dan a ni leh ta. Kei hian ka nawr ta mah mah pawh a ni maithei. Tunah hian kan inkar siamthat phawt tum hi a tul reng em tih pawh ka hrethiam tawh lo.
Min zawhna chu chhang lovin motor ka tinung a, an in lam panin ka tlan chhuak nghal a. A rilru ka hneh leh hma hian engkim chinfel hmasak ka duh ta zawk a ni. Inthlem hliau hliau vang leh thilpek hmanga rilru hmin leh mai tur a ni lo tih hi lo hrelawk tur ka nia. Tunah chuan eng thil nge tih hmasak tur chiang takin ka hre ta e.
.
An in kan thlen thleng chuan kan inbe leh tawh lo. A thutna seat nghengin a maimitchhing a, rilru a thuchham ruk nei ang mai hian a kut a khawih neuh neuh a. Motor ka tihdin chuan a rawn meng a, kawngkhar ka hawnsak pawh nghak lovin  motor atang chuan a chhuak nghal a. Rawn hawilet tawh miah lova inchhunga a lut lai chu ka en tawp.
Na vak lovin car steering wheel chu ka chum a. He hmeichhia hian engvanga min hip bet tlat nge anih ka hre tawh. Infiamna khelhpui dan tur tam tak hriat ka nei a, mahse a lakah hian a engmah ka hmang lovang. Muffin nen kan inkar thil anih chuan infiamna mai  ni lovin engkim hi a tak vek ni se ka duh a ni.
.
Zantir ah khan hmanhmawh taka ka pan chhan tak kha ka hrilh ta miah lo. A pawi lo zawk. Eng thil mah tih theih a neih chuan loh vang hian kei hian ka duh danin thil ka kalpui ang. Ka hmuh phak loha a awm a nih pawhin a thiltih leh awmna hmun ka hriat a tul dawn bawk.
.
HMINGTHANSANGI*
.
Ka room ka luh rualin tukverh awmna lamah ka tlan vat a, Eleazer tlan chhuak lai chu ka en a. Tunah
tak hi chuan engmah ka feel lo. Engkim hian min ti hah vek tawh ni maiin ka hria.
.
Mu turin ka insiam nghal mai a, ka mut erawh chhuak lo tak a ni. Ka let kual ka let kual a.
.
"Bestie, thil awm dan hi mak iti awm. I laka zep neih hi ka duh miah lo asin."
.
"Engtin nge ka bulah i la awm theih si? A-les..Ka mumang a ni em?" Alawmi chu hmel ngui deuh hian a nui sak a. "I laka ka thil zep vang khan i mumang ah takngial pawh min hmu duh tawh lo ami?" a ti ngui raih a.
"Heiii..Ka hmu duh lo tawh thin che em? Lo thu hnai teh.." ka tih chuan min rawn hnaih a. Ka ban phaka a thut rualin kan tih ziah danin a kawngah ka ban pakhatin ka lo kuah a, a taksa chu a vawt thler mai. Mahse ka pawi sa lo. He thil hi ka mumang pawh ni se ka thian tha ber bula awm chu ka thlahlel reng alawm.
.
"Bestie, ka chunga thil thleng kha i hre tawh tih ka hria a nia. Ka laka diklo taka awm kha tunge tih hrilh che ka duh a. Tabi i hmu tawh em?" min zawhna chu ka bo hu mai. Heihi ka mumang a ni lawm ni?
"I awm dan chu avan mak. Tabi pawh_" ka ngawi leh rih. Tabi pawh amah ang bawk hian a thi ve tawh tho a. Enge pawi. ka duh chu ka zawh a thiang tho alawm. Min pui thei thil a nih phei chuan ka duh lehzual "I chunga thil thleng kha tu tih nge tih chu ka hriat duh ber alawm. Tabi chu ka la hmu lo."
.
"Enteh, he thil hi ka hrilh che anih chuan.." ka taksa arawn vawt zual sung sung a, Alawmi chu a bo ta daih bawk.
"A-les, A-les.." ka theih tawpa ringin ka ko vak vak a, thli vawt na zet rawn tleh leh vang chuan vawt ka ti lehzual. Ka khur hlawk hlawk a.
Phu chhuak zawih zawihin ka meng chhuak hlawl a, vawt ka ti khawp mai. Ngaihthat lohna mak tak nei chungin ka thu chhuak a, ka puansin zawng zawng chu chhuatah a lo tla vek lehnghal. Hei vang hi a nih hi vawt ka lo tih em em. Ka room tukverh puanzar phe lawp lawp chu en in khum atangin ka tho chhuak a. Ka mut dawn khan tukverh hi a inkalh leh inkalh loh ka check miah lo a, a lo inkalh lo anih dawn hi.
Tukverh khar tumin ka phar chhuak a, kan in zawn kawngpui a mipa ding ka hmuh chuan ka phu deuh zawk. Uluk leh chik hmel em em hian che miah lovin a la rawn hawi reng a, ka hmu tih pawh a inhre ngei ang. A che sawn chuang eih lo. Ka pindan a rawn luh ruk tum a ni mai angem le? Ka awm a nuam ta lo nasa. Hmanhmawh deuhin tukverh chu ka kalh sawk sawk a, tukverh puanzar pawh a phui thei ang berin ka pawtphui nghal vek. Khumah let lehin ka pindan chhung chu ka enkual a, thil diklo engmah a awm lo.
"A-les." tia phun sapin ka mumang nge atak tih pawh ka hriat loh nichin maia kan inbiakna kha ka ngaihtuah a. Mumang pawh lo ni se a thusawi khan awm zia a nei ngei ngei ang. Engtik atang khan nge mumang mai mai ka lo rin theih tak le. Hei chu a dan a dang tlat.
.
Khumah chuan puansin tha thlapin ka mu leh a, ka rin loh takin rei vak loah ka muhil leh ta hlauh a.
.
Ka muhil ka harh leh chuan khua alo var vek tawh. Tho vatin ka intifai a, inhnuai ah ka nu puih tumin ka chhuk thuai a. Choka a ka lut min hmuh rualin tihtur min lo hrilh zung zung a, ka mumang leh nizana thil thleng khan ka rilru  a luah zui ta lem lo.
Chaw ei khamah office kal tura insiam in ka chhuak thuai a. Ka scooty! Nizan khan Eleazer hnen atangin ka chahbi ka la let miah lo. Engtin nge ka ngaihtuah chhuah miah loh theih zawk a.
.
Taxi a kalin office ka thleng a, nimin khua a lum tehreng nen vawiin chu a vawt sur mai lehnghal a, in a awm mai mai a chakawm khawp mai.
.
Ka phone a rik chuan ka bag atanga phawrhin caller ID ka en zet hnuah ka pick up a.
.
"Ngaih ka hlawh lo hle mai." Muanpuia aw ka hriat chuan ka nui ve sak a. Ka be hmasa miah lo tak alawm.
"Ka lo ngai viau mai thei che a. Mi buai lutuk chu ngai pawh ni ila ka hmu thei chuang lova."
Eleazer hmel ka mitthla a lo lang ringawt vang chuan ka inthiam lo. Muanpuia lakah hian ka inthiam lo takzet. Mahse, chiang taka hriat ka neih chu Muanpuia aw ka hriat hian Eleazer angin ka chhungril a khawih lo tih hi a ni! Heihi chu theihnghilh zawk teh ang.
.
"Zanin ah in inah lo kal ka tum ang ka lo tia."
"Um, lo kal rawh."
"Chu aia nasa deuha lo kal tura min duh thu i sawi ve te pawh ka ring a." a tih chuan ka nui leh tawp. Han tih vel chiam hi ka thiam lem lo tlat a ni.
.
"Hei hna ka tan dawn a, ka hman veleh ka lo be dawn che  nia."
.
Phone kan dah a, ka mimal chungchang chu ngaihtuah zui duh lovin ka hna ka khawih zawm nghal mial mial a.
.
Engtin tin emaw ni kan hmang ral a, zantir ah Muanpuia'n a lo kal leh theih loh tur thu min rawn hrilh chuan ka thaw deuh huai zawk. Ka awm dan hi a tha lo tawp mai. Muanpuia hi ka then mai dawn em niang? A hun ka khawhral sak mai mai niin ka hria.
.
Door bell a ri ral ral a, Muanpuia a nih hmel loh bawk nen hawn tumna pawh ka nei lo. Ka nu chuan kawngka hawn ka tum lo tih min hmuh chuan a tho thuai a. Tunge lo kal ngaihven lovin Adaalat chhuak mek chu uluk lutuk hian ka en a.
.
"I lo dam maw?" tih ri ka hriat chuan ka hawi chhuak zawk.
.
 "Ka lo kal dawn lo iti sia." ka ti hu a, ka inthiam leh lo deuh. "Tinge dawt i rawn sawi kher a.." nui chungin ka ti leh ta zawk a. Ka bulah thuin langsar lo tak hian ka kut arawn hmer zauh a. A nui suk bawk.
.
Muanpuia fel ve em em na chu ka nu leh pa a kawmngeih tlat hi a ni. Ka pa hi mi tawng tam a nih loh vangin Muanpuia bula a titi ve bawrh bawrh ka hmuh chang hian mak ka ti zawk thin. A fala awm pawh kan tum buai lem lo. Keichu an thingpui lum saktu ka ni pha tawk a nih mai hi.
.
Ka nu leh pa an mu a, kan pahnih chuaha kan awm hnu chuan min rawn thuthnaih ve ta viau. Ka kut a khawih nuap nuap a, a awm dan leh min melh dan, a mitmeng, ka laka a nungchang ka chik vang vang hian a thutak em em niin ka hre thar leh bawk.
.
"Tihian kan buai dun reng sia, nupui pasal nei rual kan ni tawh tho a, ti ve tawh mai ila.." ka rilru hriat tum niawm tak hian min melh chiang ngang mai. A thusawi chu fiamthua lak sakin ka nui mai a. A hranpaa hnial vak pawh ngaiin ka hre lo. Ka rilru a buai khawp mai.
Min kuah vang vang a, a chhan enge tih ka hriat hauh loh hian a thaw huai a.
.
"Ka lakah hian i serious miah lo." arawn tichhuak ringawt. "Mahse ka bansan chuang lovang che." a khabe ka chhipah nghatin ka samah min fawp zauh a.
"Pathian ruat kan nih chuan engkim hi a nih dan tur ang thlapin a awm tho ang." he mipa tha tak hi ka phu reng em le? A kawngah ka ban pahniha ka kuah chuan lungawi hmel zet hian a nui nghawr dat mai. A ban pahniha min kuah letin a insawih hlu hlu a.

A haw dawn chuan a motor dahna thleng ka thlah a, kan garage pangngai a a dah vangin a thim angreng. Min rawn hnaih a, ka ban pahnih lain a nghawngah min kuah tir a. Ka biang vei lamah fawpin dinglam a fawp leh a, ka lo dawh ve tawp. A tha e. Tunah hmangaih  lo niin la inhre mah ila, hetiang mipa fel lutuk hi chu hmangaih a harsa hauh lovang.
.
Kan in zawn kawngpui a mihring thawm niawm tak thum deuh dawt kan hriat chuan kan inen ha a.
.
"Ka va en dawn em?"
"Engvakmah anih ka ring lo." ka tih chuan ka chalah min fawp leh zauhin min kuahna a thlah ta hram.
. 
A tlan liam hnu chuan inchhungah lutin tih fel ngai ka tifel zung zung a, ka mut atanga reilote ah ka muhil ta hlauh bawk.
.
Ni dang ang bawkin office ka kal a, office ka luh chuan min lo en deuh hrek hrek hlawm hian ka hria. Ka ngaih an titha chiah lo. Ka dawhkan leh a bul vel ka hmuh phak rualin engvanga min en hrek hrek nge ka hrethiam ta chauh. Ka nui sak a.
.
"Nula vannei tak i nih hi. Hetiang khawpa pangpar tam chu.."
.
"Ka lo pe then ve dawn che mi?" ka piaha thu thin nu upa tawh lam chu ka enin ka nui a. Ka dawhkan a awm ber pangpar a card awm chu lain ka en a, ka nui hmel a reh riai riai mai. Eleazer hian eng vanga hetiang thil rawn ti hi nge anih? Vawiin hi ka Birthday a ni tih engtin nge a hriat?
Pangpar chu ka hung sawn a, min lo thawntu chu tupawh mi se pangpar mawi tak hmuh nilen chu thil hreawm anih hran loh hi. Hreawm maw? A nuam lutuk zawk.
.
Office bana hun a, ka kal chhuah chuan ka beisei loh lutuk in Muanpuia'n min lo nghak reng tawh. Chhun ah khan kan inbe miah lo a, a buai anih ringin ka be hmasa bik hek lo. Min rawn hmuh chuan min rawn pan nghal ruak ruak mai.
.
A car a ka thut luh rual deuhthawin rang deuh hian ka biangah min rawn fawp zauh a.
"Happy Birthday."
"Ka lawm e." ka tih chuan a biang a kawk zauh a. A chet dan hi a naupang ru riau zel. Miin min hmuh theih leh theih loh en zetin a biangah ka fawp zauh a, ka inlakhran hnu pawh chuan nuam tih hmel zet hian a la maimitchhing vung vung. A fiamthu tih ka hria. Nui hak hak chungin a malah ka beng taih a.
.
"Chuan, khawnge kan kal dawn?" kan in lamah kan kal lo tlat.
.
"Birthday dinner kan kil dun ang chu. Duh angin i bulah ka awm tam thei si lova. Vawiin chu special day alawm."
.
"Ka lawm e aw." Dinner eidun tura min hruai vang ni lovin ka tana ni pawimawh min ngaih pawimawh sak em em vang hian ka lawm lutuk.
"Thil dang pawh ala awm a nia." tiin a nui suk a.
.
"Helamah hian aw." dawra hnathawk chuan polite tak hian min lo welcome vat a, Muanpuia hian table a lo hauh sa thlap a nih hmel. Kan dawhkan tur panin kan kal a, kan hmaa lo ding reng ka hmuh chuan ka melh sawn vat a. Eleazer hian helaiah eng thil nge a tih ve a? Kan kal dawn vanga lo awm a ni em lovang chu maw. Ka rilru hi a dik lo a nih hi.
.
Ka duh reng vang ni hauh lo hian ka mitsirin ka hmu zui reng. Min rawn ngaihven anga a lan loh vang chuan ka thaw huai zawk. Muanpuia chuan ka kawngah min rawn kuah a, kan kal pelh chiah te chuan thawm an nei hak a.
.
"A pawi lo, a pawi lo." hmeichhe aw ka hriat chuan ka hawilet ta hram.
Ka va hmuh hmeichhia chu tunge a nih ka hre ngai lo a, a kawr hma huh erawh ka va hmuchiang hle. Eleazer kutah no ruak a awm bawk. Ka hawilet leh thuai a. Engvangin nge ka va ngaihven ngawt ang?
.
COPAS (HEARTS)
.
CHAPTER - 19
.
Thantei_LauraSean
.
H & E
.
Muanpuia nen kan dawhkan tur kila kan thut hnu chuan kan awmna chu pindan hrang ang deuh a ni tih ka hre chiah. Hetia en mai pawha thil man to tak a ni tih hriat, thil mum thilkhawm inkhai siau siau hian kan awmna chu langtlang thei chiah lo hian a lo pingdang reng anih chu. Keimahin kal ni ila ka hmaa thil awm piang ka su ngei ngei ang tih tur khawp hian engmah ngaihtuah miah lovin ka lo kal mawp mawp anih ngei dawn kha. Eleazer ka hmuh vang vek! Tunah chuan Eleazer kha ka ngaihtuah nachhan tur engmah a awm lo. Tunah chauh lo pawh a awm chuang lo. Engvanga helai hmuna hmuh tura lo awm ve nge maw anih reng reng ni.
.
"I tha em? Lungawilohna nei i va ang ve?" Muanpuia chuan ka kutah vuanin ngaihthat loh hmel angreng deuh hian min en a, ka ngaihtuahna ka lo thup lo pek a ni maw? Rang zet hian ka lu thingin ka nui ta ringawt a.
"Lungawilohna tur a awm em?" ka tilet zawk ta hlauh a. A nui tawp.
.
"A tha anih chu. I ril a tam tawh em?"
"Tam tho e."
"Keipawh a tam tawh tho. Chhuna ka ei bak engmah ka ei leh tawh lova. Anih chuan_" kan awmna pindan light chu a thim thut. Ka chiai nghal deuh der mai.
"Tinge a?"
"Ka hre biklo."
Pawnlam ah khan khua ala thim lo chiang a, tuna kan awmna pindan erawh hi chu a puk deuh vangin light a awm loh chuan ai mit thlawn ang mai a ni. A thim lutuk.
Mihring rilru chak zia hi mak ka ti zawk thin. Thil hlauhawm thleng thei chi hrang hrang ka ngaihtuah hman vek nia! Min zui rutu an awm anga hetiang thil hi min tihnat tumin an ruahman pawh a ni thei. Ka tlan chhuak mai dawn.!
.
Ka tho kang chiah tihin light arawn eng leh a, ka thaw hawk mai. Mitvai chum chum chungin Muanpuia hmel ka en a, a hmel atang chuan ka chiai tih arawn hrethiam tih ka hria. Ka kutah min rawn vuan thuai a, ka thu leh ta riai riai a. Dawhkana thil awm ka hmuh chuan ang pham chungin Muanpuia chu ka en leh a, rilru hahdam huai hian ka thutna chair chu ka ngheng hnawk a.
.
"Hetiang thil tih hi angai lo asin.." ka ti nain ka hmel atang chuan ka lawm zia a hre tho ang.
"Cake aia thil hlu hi i phu zawk a__" sawi zawm leh mai tur hre lo niawm tak hian ngawi leh datin ka kut arawn vuan a. "Happy Birthday my love!" ka kut chu a hmui bulah a la kangin a fawp zauh a. Sawitur reng reng ka hre ta lo. Engtin maw min koh kha? A hmel chu ka en a, hetiang baka mihring titak hmel pu hi a awm theih dawn em ni?
.
"Ka lawm lutuk." ka ti sep ringawt. Hetiang thil zawng zawng hi Muanpuia lakah hian ka beisei hauh lo asin. Ka kut la vuan reng chung chuan a thutna atangin a ding chhuak a, ka mitah min enin a hawisawn eih lo. Ka thutna bula arawn thingthit chuan eng thil nge tih a tum ka hrethiam..
.
"Muanpui_" a nui suk ringawt. A kawrhma ipte a zen a
Light a thim leh ta!
Engmah ka hmu thei lova,thawm ka hriat chu Muanpuia phun hluk ri niin ka hria. Kan pahnihin kan che chang lo. Thil thleng tur ngaichang ang mai hian kan ngawi dun ta ran mai. Second 30 vel a ni angem ka hre lo, light arawn eng leh a kan pahnih chuan kan thaw ri huai a. Muanpuia la thingthi reng chu en in ka nui tawp. A ni pawh a bang chuang lo. Kan pahnih chuan za lutuk hian kan nui leh rih. Hetiang thil a thlen ngai awm ka la hre lo, movie ah emaw ka lehkhabu chhiar tawhah pawh tunang hun laklawh lutuk a light thim hi ka la hre ngai lo reng reng. Dawhkan a cake chu ka tum vang ni miah lo hian ka en a, a nui tawp nghal chawt a. Ka hmel min hmuh chuan Muanpuia pawh a nui tawp nghal chawt mai. A thiltih tum mek chu a hre tawh lo a niang, rawn ding nghalin dawhkana cake chu mak a ti em em tih thup miah lo hian a en ve ta reng a.
.
Cake lai takah chuan chemte; te chhelo tak hi a bur vu a, cake zai na tur a ni lo tih a len dan atang chuan a chiang lutuk. Nichin khan he chemte hi dawhkanah pawh hian a awm lo hrim hrim.
.
"Heihi enge a awmzia?" tiin min rawn en a, ka lu ka thing ringawt. Nichin khan Eleazer chu ka hmu ngei a, mah se, hetiang thil hi a ni chuan a tih duh ka ring lo. Engvanga a ni kha ringhlel lo nge ka nih ka inhre hek lo? "A thalo tawp mai. Kal ang." a ti bung vut a, nichin maia a hlim nui hmel kha chu bo chiang tak a ni. Ka banrek ah min kaiin ka thutna bula ka bag dah chu a la lawk a, dawn awm miah lo hian kan awmna pindan atang chuan min kal chhuahpui nghal a. Engtianga reaction lo neih tur nge pawh ka hrethiam lo. Min kaih ang ang chuan ka zui ve tawp mai a ni.
.
Counter ah chuan min dinpui lawkin mi pakhat lo awm chu tur zet hian a melh a. Middle school kan kal ho lai atang tawh leh tun hnua kan inhmuh leh hnu thleng pawh hian tunang taka a thinrim hmel hi vawikhatmah ka la hmu lo.
.
"Light a thim lai khan kan awmna hmunah khan tunge lo kal?" a ti bung vut a. A biakpa chu a hamhaih hle.
"Ka hre miah lo.."
"Thil duhawm lo thleng thei a nia, in customer te in dawr chhungah hian an him lo a nih chuan dawr tlak in ni lo."
"Eng thil nge i sawi chu?" a tih bah nawk nawk mai.
.
Muanpuia chu harhchhuak thut niawm tak hian min vawnna thlahin "Lo awm rawh, ka lo let lehnghal ang." tih leh min kalsan a rual a. Kan awmna pindan lamah khan kalin reiloteah arawn let leh a, Cake kha arawn keng chhuak bawk. Mahse cake-ah chuan chemte kha a awm tawh miah lo! A mak ka ti lutuk takzet.
.
"Light thim vawihnihna kha ka request lawk a ni lova, khatihlai tak khan he cake-ah hian tu emaw in chemte a vit bur a ni. Chu chemte chu nichin lawka kan lo kal chhuah leh ka va let leh inkarah khan a lo awm lo leh hman bawk. I dawr hi a him lo takzet anih hi. Hetianga infiamna hi vawikhatmah ti leh tawh suh ang che u. Helai hmunah hian hmanhmawh taka chetla hmuh i nei reng reng em?" a biakpa chu a enchhuk run a, a thimrim insum hmel chuan dawr nghaktu nge manager nge, tunge anih ka hre lo, a tizam tih a chiang reng mai. Chhang mai lo hian a chil a lem khalh a. Ka lo khawngaih hman hial.
.
Muanpuia banah chuan vuanin "Kal mai ang, eng thil mah a thlen chuan loh hi." ti sapin a mitah ka melh zauh a. Tlem chuan a inthlahdul leh deuh tih a ban thahrui chet danah ka hre thei. Ngaih dan ni lo lutuk a a lu thing chungin a cake ken chu counter dawhkan ah chuan a dah deuh chawrh a. Engtia lo awm ve tur nge ka hriat loh vangin ka lo en tawp.
.
Min en a thle nghutin a thaw huai a. Nem deuh zawk hian "Kal ang le." tih pahin kawngka lam kan pan lehnghal chu a ni der. Ka mit ka len kual deuh nain Eleazer hmel ka hmu tawh lo. EEngvanga hmuh in beisei ru nge maw ka nih reng reng  ni?
.
Muanpuia nen a car-a kan thut luh leh hnu chuan a motor tinung mai lovin min hmachhawn a, ka kutah vuanin min en vung vung a.
"Ka tih palh. A zialo hle mai. Beisei loh thil a thleng ta sia__"
.
"Engkim a tha vek alawm. I thiam loh anih loh kha, hreawm tih chhan tur a awm miah lo." ka ti zung zung a. A hmela hlawhchham intihna lang chhuak vang chuan ka lainat niin ka inhria. "Beisei loh thil thleng a nia, ka birthday te chu kan la hmang leh fo dawn alawm."
.
"Ka lawm e." thil dang sawi zui lovin a kawrhma ipte a zen a, bawm arawn phawrh chuan ka en hau mai.
.
"Nichin khan tum angin kan awm ta si lova__ Nakin ah anih dan tur ang takin ka la ti leh tho ang. Tunah chuan ka ngaihzawng ini tih chhinchhiahna chauh ni rih mai rawh se." tih pahin bawm chhunga zungbun chu a lachhuak a, hnial tum pawh ni ila hnial hman miah loh hian ka kutzungtang ah min bun tirin ka kut a hmer vang vang a, nui hmel puin min en ta.
.
"Anih chuan hmun dangah eitur zawng ang aw." a tizang ta vah a. Kan tlan chhuak nghal a ni deuh mai.
.
Thui pawh kan la tlan hmain min rawn en zauh a, "Kha pa kha ahmaa kan pahniha kan awm laia rawn betu che kha a ni em?"
.
"Hm, eng maw?" ka lo ti haw. "Tunge i sawi chu?" ka ti leh a.
.
"Nichin khan kan awmna tur pindan kan pan lai khan ka hmu a, nangpawh i hawilet kha. Tunah khan ka hmu leh a."
"Khawiah?" ka tiliam puat ringawt. Ngaihven tak anga lan ka duh der hleinem.
.
"Kan intlan pel chiah."
"Ka hre lo. Ka lo hmu miah lo anih dawn chu."
.
"I lakah hian mi dang thik ka nei dawn anih chuan kha pa kha anih ngei ka ring." Muanpuia chu chiang zet hian ka en a, a fiamthu anih ka rin vanga a hmel en ka nih mai bakah a ni hian Eleazer a thik ang maw? Kan lo inzui__Ni lo, inzui tih tham pawh a ni lo. Kan lo inhre ve zuai tih pawh a dik chiah chuang lo. Kan thleng thui phian sia! Engpawh chu lo ni se, Muanpuia hian thik chhan tur a nei hleinem..
"A en dan che kha mipa ka nih angin ka hre vek alawm." a ti leh  mai a. Ka chhang kher dawn em? Chhan a tul reng em ka hre lo.
.
"Ka tan engmah ani hleinem." ka tih chuan min rawn melh leh zawk.
.
"I thusawi chu dik ngei rawh se." a ti nghat a.  Muanpuia nen min hmuh dun vawikhat naah khan Eleazer khan amah kha ka chetsual pui tih ngaih dan Muanpuia hian a neih theihna tur tawngkam a hmang a nih kha.. Eleazer phiangsena hi!
.
Thil dang sawiin rei vak lovah Muanpuia chu pangngai takin a awm zui leh mai a, keipawhin a thusawi kha vei zui run ka duh bik lo.
Dinner kan ei zawh hnu rei vaklo ah min thlah a, in ah inthlak zawk tura haw a duh thu leh a lo kal lehnghal tur thu sawiin car kawngkhar min hawn sak a.
“Hun nuam tak min hmanpui a ka lawm lutuk a nia.” Car atang chuan ka la chhuk mai lo.
“Chu chauh chu maw ka dawn let tur?” a sawi awmzia ka hria.
“Phutlet neiin I ti tih ka hre hleinem..” ka tih chuan za lutuk hian a nui hawk hawk mai. Eng emaw zawng tak chuan kan inpawh em asin. Amah hnaih lehzual tur hian ka inpeih dawn ni a ka inhriat veleh kawlphe ang maia rangin Eleazer hmel ka mitthla ah arawn lang nghal ziah hi engtikah nge a reh ang le? Ka mitthla a hmuh pawh ka duh lo! Ka thil ngaihtuah hi ka duh lo.. Phatsantu leh uire ka ni hauh lo ania! Eleazer nen inzawmna kan nei miah lo..
Nui ve sakin “Ka lo ngaichang ang che.” a rawn kun hniam theih nan a kawr hmaah pawtin a biangah ka fawp a. Ka inlak hran hnuah pawh ala maimitchhing zui vang vang mai.
.
“Ka lo kal ngei ang.” Tia min chhan  hnuah a meng ta chauh.
Car atangin ka chhuk a, inchhung ka luh dawn thlengin a din dan ngaia ding chungin min rawn enzui vang vang a. Kan ban vaia hawi letin “Kal tawh rawh.” ka ti ta ringawt. A nui a, ka chhuahna lam car kawngka chu kharin driver seat lamah a kal ta nge nge a.
.
A tlanchhuak lai pawh ka enzui ta lo. Kan garage zawn ka thlen chuan ka ding chatw. Ka scooty lo inkhuh fel thlap chu panin a khuhna ka hawng a. Eleazer hian engtik laiin nge a lo dah le? Chahbi a invuah leh invuah loh ka en vat a. Chahbi a invuah lo. Hmanhmawh rilru deuha khuh leh sawk sawkin inchhung ah ka lut nghal a.
.
Ka nu’n min hmuh rualin mi pakhatin ka scooty chu a lo dah thu min hrilh a, lo dah tu chu a hmelhriat a nih leh nih loh ka zawh chuan a hmelhriat a nih loh thu a sawi leh mai a. Min ngaihven zui lem lovin ka nutei thutna lam a pan nghal daih.  Ka nutei te lo leng pawh chu va pawh ve rih lovin ka room-ah ka chho a, ka intih fai hnuah ka chhuk leh ta chauh a. Ka rin aiin Muanpuia chu a lo kal leh har ta phian bawk nen ka nutei fanu chu ka room ah chhoh puiin movie kan en ta daih a.
.
“I phone kha I pick up dawn lo mi?”
.
 Rintei'n ka naka min nghawk zauh chuan amah ka en ha a. "I phone kha i pick up dawn lo mi?"
.
"A ri tih ka hre miah lo." tih paha thuchhuakin ka phone chu ka la a, min lo call tu chu Muanpuia a ni tih ka hmuh chuan ka pick up nghal.
.
"Ka lo kal thei dawn lo a nih hi, a zialo hle mai a. Zanin hian ka hna thilah Kolasib-a kal a tul thut a."
"Oh! A nih chu."
"Ka duh reng vang a ni lo tih i hria tiraw?"
.
"Aw, a ho lutuk. Tluang deuhin i kal dawn nia. Chanchin min lo hrilh la aw."
.
"Okay. Naktuk ah ka lo bia ang che."
A aw chu a pangngai chiah lova hriatna ka nei tlat anih chu. Engvang  nge pawh ka hre bik lo.
.
"I tha hrim hrim em?" ka tih chuan nuiin a that thu a sawi thuai a, kan inbiakna kan titawp zui nghal bawk a.
.
Thil dik tawk lo awm chu ni se min hrilh maiin ka ring. Ngaih that lohna em em pawh nei zui lovin Rintei bulah chuan mu chungin movie ka enzawm leh a, ka lo mutthilhsan daih lehnghal. An haw lai pawh ka hre reng reng lo.
.
Nihnih a ral leh hnu pawh chuan Muanpuia nen kan inbe leh ta lo. A thiante emaw a chhungkhat hnaite atangin chanchin chhe lam ka hre lova, a buai lutuk vang a ni ngei ang. Thil thalo thleng palh a awm anih chuan ka hre ve thuai tho ang. Engvanga thil duhawm loh a thlen palh hlau tlat nge maw ka nih reng reng ni.
.
Ka nu thil min chah lei turin office ban veleh ka thil lei duh awmna lam ka pan nghal a, keiman mamawh neuh neuh ka neih tho vangin ka en kual dan dan a.
.
"Inbe teh ang!" ka phu nasa lutuk. Ka hnungah min si lo chauh hian Eleazer chu a ding run a, ka hawikual lem loh vang khan ka lo hmu lo a nih ka ring.
.
"Hetah enge itih?"
"Ka lo zui che." min chhan dan tlang lutuk vang chuan inherin ka hmachhawn a, ka duh aiin kan inhnaih mah mah a ni.
.
"Tawlh hla rawh." kal pelh mai tumin ka pen a, ka kutah nghet zet hian min vuan a.
.
"Khawiah nge i ngaihzawng pa kha a awm?"
.
"Eng atan nge i tih?" ka tih chuan za lo lutuk hian a nui lui hak a.
.
"Amah hmuh ka duh vanga a awmna zawt che ka ni lo_"
"Anih te chuan tinge nangman a awmna chu min hrilh mai loh ang?" ka melh ram ram a. Dawr chhungah hian camera an dah vek vangin mi dang hmuhnawm tih tura awm ka duh miah lo. Kalsawn ka duh bawk.
.
"I hre lo tak tak ami?"
.
"Min zui tawh lo khan i tihtur chu ti mai la. Hre lo." min enin a sam a tuai puat a. A hmel chu ka lo enchiang lem lova a lang dang(pale) deuhin ka hria. Nge T-shirt dum a hak vang pawh ka hre lo.  "Tinge i hriat duh?" min la chhang chuang lo. Min en reng a, ka awm a nuam ta chiah lo. "Ah_Scooty kha tuin nge kan inah dah a? Ka lawm e aw." ka tiliam puat a. Nia, tupawh ni se lawmthu hrilh chu ka ba ve hrim hrim. Ka buaipui ngai miah lova a lo siamthat mai bakah kan in ah a lo dahtir leh thlap a nia.
.
"I lang  nalh hle mai." a tita daih a. Ka inthunun hman lo. Nui chungin ka en leh ta ha mai.
.
"Chutiang thu i sawi chuan khawiah emaw min be tura awm fal i duh ziah em kha?"
.
"Ngeiawm viau lo teh. Biak che ka duh vang alawm ka lo pan vang vang che." ka basket khai lai chu zo zet hian min laksak a. "Mamawh dang ila neih chuan tunah la la.."
.
"Ka nei tawh lo. Khawi basket kha."
.
"A chang chuan i bula awm hi ka ning tep thin a nia."min en chuang lovin basket khai chung chuan min zui zel a, min en lo nain ka awm dan a ngaichang reng tih ka hai bik lo.
.
"Huh.. tunge ning chung chunga ka bula awm tura tilui che?"
.
"Kha maw! I tawngkam hi a na thin viau a nia." a ti nuap nuap a.
.
Thil danglam a awm tlat a ni. Tuna Eleazer nungchang ang hi ka la hmu ngai miah lo tih ka chiang. Nungchang chi hrang engzat chiah nge maw a neih reng reng le.
.
"I tha meuh maw?" ding meuhin ka hmachhawn leh a, tawngkama min chhang lovin a dar a tiche zoh ringawt. A mitmeng dul deuh ruih chu a mut that tawk loh vang a ni maithei. Tuna taka a landan mai maiin min tibuai ru viau hi a tul hran lo khawp mai.
.
"I duh i lak zawh chuan kan kal thei em?"
.
"I duh chuan i kal thei reng."
.
"Muffin.." awki hniam zet hian a tawng a. Hetianga min ko thin hi ka duh lo. Atana mi bik ni angah ka inngai leh palh mai ang. Eng maw? Ka thil ngaihtuah zet chu! Thil dang ngaihtuah tumin ka hawi sawn a, tul lo zet hian ka thil duh pawh ni lo ka enkual ta ringawt. "I duh vanga en ini tawh lo tih ka hria a nia." ka hawi chhuak chuang lo.
.
Dik tak chuan inhmuh emaw inbiak emaw a tul atih apiang hian a ni lo lam leh ka duh loh dan thil a thleng ziah a, khawiah mah zui ka tum therte lo.
.
"Ka zui dawn chuang lo che a kal tawh mai rawh. Bakah_" ka hawichhuak a, Eleazer chu ka bulah a lo awm tawh miah lo. A va mak tak! Ka hawikual a ka hmu mai lo lehnghal.
.
COPAS (HEARTS)
.
CHAPTER - 20
.
Thantei_LauraSean
.
H & E
.
Eleazer rilru a zawng chungin ka kal kual a, counter bula a lo ding reng ka hmuh chuan ka ding chawt. Eng thilti ah nge maw a inngaih le? Ka thil lakkhawm ho kha bag-ah a khungtir fel vek tawh tih ka hre nghal mai. Ka pan nghal vat a.
.
"Tinge i lo khungtir ringawt a." ka va ti nghal tawng. Min hnial tum hmel pawh pu chuang lovin ka lamah arawn thle zoh a.
"Kal ang le." a ti ringawt. Leh ringawt a!
"Eng thil nge i hriat leh tak a?" dik tak chuan maw pangngai taka a bula awm hi a theih hlawl loh.
.
"Thu danga peng lovin zanin chuan mumal takin kan inkawm thei tawh ang." a tih chuan ka en tawp.
.
"Eng chungchang nge sawitur kan neih? A mak ka ti, Eleazer_"
.
"Chhuak phawt ang." tih pahin ka banrek ah min rawn vuan a. Min deh ruala ka feel hmasak ber chu a taksa sa vur mai chu a ni. A dam tha lo anih dawn hi. A hmel en pawh hian nidanga a lan dan nen a inang lo reng reng bawk. Nichin khan heihi ka ngaihtuah tawh a.
.
"I sa hle mai." ka tawng chu hre awm pawhin a awm hran lo. Dawr atang chuan kan inzui chhuak leh ta poh a. A duhna hmuna zui tumna erawh ka la nei chuang  miah lo.
.
Car hnunglam kawngkhar a hawng a, ka thil lei ti ila ama lei a nih tak vek hi, a seat hnungah dahin passenger seat lamah a kal leh a. A awm dan hi a dik miah lo. Nichin mai ai khan a lang dang(pale) tawh zawk. Thi dang mai tur hmel a pu alawm.
.
"Lo ding lawk.."
"Nge?" ti supin a ding chuang hlei lova. Ka zui ve ta phawt. Nichin khan thu danga peng lovin mumal taka kan inkawm theih thu a sawi tak kha  maw. Thil pawimawh tak sawi tur a nei ngei aniang.
.
A in lam panin kan kal tih ka hria a, ka hnial buai ta lo mai. Duh lo tak tak  ni ila tunah hian a car-ah ka chuang hauh lovang. Kan ngawi reng a, tumah mah chuan tawng pawh kan tum chuang lo. Rei vak lovah a in kan thleng thuai a, a chhuk rualin ka chhuk ve vat a.
.
"Kawngkhar ka hawn sak hun che lo nghak la." a hmel ka en a, thu pangngai sawi mai hmel a pu.
.
"Keimahin ka chhuk thei tho alawm."
"Hawnsak kher che ka duh alawm."
"Ka chhuk tawh reng hi." ka tih leh talh chuan za vak lo hian a nui suk.
.
"Anih chuan i bungrua hi chu tah hian lo awm mai rawh se, kan inbiak zawhah ka thlah dawn che nia." a tih chuan tawngkaa chhang lovin ka bu nghat ringawt.
.
A inchhungah kan inzui luh chuan ka tum lawk pawh ni miah lo hian ka en kual den den a, ka kal khat tawh deuh nain engvak mah danglam a awm lo.
.
"Khatah khan lo thu rawh." sofa awmna lam chu a mitmeiin min kawhhmuh a. Tun tum chu kan pahnih inkar thu sawi lovin thu mumal kan sawi ve hmel ta tak tak a nih hi. Eng chungchang ber nge min hrilh a tum tih ah ngaih dan ka nei miah lo. Sofa-a thu chungin a room lama a kal chu ka en tawp.
.
Rei vak lo hnuah a lo chhuak leh thuai a, ka beisei angin engmah arawn keng chhuak lo.
.
"Eng thilah nge kan inbiak dawn?" min chhang mai lovin ka bulah arawn thu te te a.
.
"Alawmi leh Tabithi chungchang ah hian engti zawng maha i inrawlh tawh loh ka duh a_" enge a sawi zel dawn ngaichangin ka la chhang lo. "Dinhmun hlauhawma i awm lai hmuh ka duh loh vang leh i nat tel ve ka duh loh vangin venhim che ka duh bawk a_" chiang lutuk hian min en in ka chhan mai loh vang chuan a ngawi leh rih. Ni dang anga ka hnial nghal bawrh bawrh lo chu mak a ti ve deuh pawh ani maithei. A ngawih rei tak deuhah chuan "Chuan?" ka lo ti zauh.
"Ka sawi tum ber chu tuna ka sawi chinah pawh khan a chiang tawh a. Hetiang thilah hian inrawlh ve tawh suh."
.
"Inrawlh lo tura min duh anih chuan ngati nge atirah khan inrawlh lo thei lova min siam? Nge, tunah hian thil dang hriat thar i nei?" tawngkam pangngai leh dam thlapin ka tawng a, mak min tih hmel zawk mah.
.
"Engtikah mah ka hrethiam thei ngai dawn lo che tih hi i bulah ka la sawi lovin ka hria."
.
"I awm dan hi a mak e. Thil thleng a awm a ni chiang mai." ka tih chuan hmel dam thlup hian min en reng ringawt. Tlema thukar deuhin a khupah a kiu a nghat ve ve a, sir zawnga min rawn en a ni bawk. Hetiang em em hian mihring lan dan hi alo tha thei ngai anih chuan.. Ni love, hei chu ka ngaihtuah tur a ni lo! A hun lo ber chiang lutuk..
.
"Anih chuan kan sawidun tur chu chu zawng chu a mi?" ka ti leh a. Tawng mai lova min en reng chuan ka awm a tinuam fahran lo. Tunah hian kan pahnih chauhin kan awm tih ka hrechiang ropui mai sia. Min la chhang chuang lo. Thu ngil deuhin a kut pahnihin a hmai a tuai puat a.
.
"Ni lo. Chu chauh chu ni love."
.
"Anih chuan enge thil dang sawi tur la awm?"
.
"Aw le. A tha e,. Kei hian nupuia neih che ka duh tih sawi ila engtin nge min chhan ang?" a hmel ka en duh lo, ka hawisawn nghal daih.
.
"Huh.. Fiamthu sawi hun pawh a nih loh hi."
.
"Min en la, ka fiamthu niin i hria em?"
.
"En kher che pawh tul ka ti chuang lova. I sawi duh i sawi zo tawh anih hmel bawk a, ka haw tawh mai ang." ka ti nghal zung zung. Mi mawl ka nih hi.. Engvanga zui thawt thawt nge maw ka nih reng reng ni? Tumah dem tur a nei lo, dem tur zawn pawh ka tum lo. A hmel lan dan that vak loh vang khan ka lo nem hmanhmawh a nih hi mawle.
.
"Eng thu nge ka sawi i hriat kha. Muffin, ka serious a nia." a thut dan a la tidanglam lo. Chiang lutuk in min en reng tih ka hria, a hmel ka la en duh lo ngar ngar bawk. Min neih a duh thu a sawi vang ringawt a danglam tur ka ni lo. Mahse, ka chhungril ah hian mak takin ka tha a khur der der a, ka hlauhthawn vang a ni lo. Engvanga khur ru der der nge ka nih ka inhre hauh lo mai.
.
"Kan pahnih hian kan inneih chhan tur engmah a awm lo tih i hriatchian em kha. Bakah Muanpuia nen hian inneih thuai kan tum a, i lo la hre lo tih ka hre mai." Eng thu nge maw ka sawi hi le? Muanpuia nen hian inneih kan tum maw..?? Kei pawh hian ka awih lo. Mahse ka tilang lovang.
.
Thu ngilin thawk a la a, ka rin aiin a tawng leh har.
.
"Engvangin nge in inneih ngawt ang?" a ti hniam ruih a. Thinrim hmel a pu lova, chiai hmel a pu hek lo.
.
"Mi pahnihin inneih kan tum chuan chhan chiang tak a awm ve bawk ang chu." ka nui lui ngial. Ka duh hunah chuan ka nungchanga a tel tih ka hriat miah loh nungchang pawh ka lo nei reng a nih hi!!Inringtawk tak anga lan ka tum ruh hle bawk.
.
"Muanpuia chu i hnenah lo let leh ta lo se kei hi min nei angem?"
Phawk zetin ka en a, a hmel awm dan ala pangngai reng!
.
"I thusawi chu i hrechiang lo anih kha. A lo let dawn leh dawn loh i hre lo ve chiang e.." ka ti bawng bawng mai. Ka rin loh lutuk hian a nui hawk hawk lehnghal. Tuna ka bul maia thu Eleazer hi ka hriat thin Eleazer kha ani reng em?
.
"I ringtawk viau a ni maw?"
.
"Min tina hauh lo tu chu ring tehreng e." ka ti leh salh a. A hmel ka en chuan a dur khap khap mai.
.
"Muffin.. Eng ang taka nasa in nge min tihnat tih hi i hre hauh lo tiraw?"
.
"Hriat ka mamawh ami? Nangte chu thinlung pawh nei lo i nia, i na ve thei reng reng ami? Bakah mi dang tina turin eng thil mah ka ti lo." ka tawngkam chuangtlai zet chu ka hman kher a tullo tih ka hria, mahse ka hmang tho! Cho zet hian ka en a. Ka rin loh lutuk in a thu kun deuh a, min en lo.
.
"Ni e, engmah i ti lo. Keihi ka dik lo anih hi. Haw i duh tawh kha, ka thlah ang che." muangchangin a thutna atang chuan a thochhuak a, a awm dan chuan min barakhaih tiin sawi ila a dik ber ang.
.
"Chuan, Alawmi te chungchang ah chuan ka duh danin ka awm dawn tih hria la."
.
"A tha alawm." a ti leh hmiah. He mihring hian eng thil nge a hriat a? Ni lo, kei hian eng thil nge ka beisei? Tawngkam chuangtlai tak tak ka hman nachhan hi min ngaihven ni a ka hriat  vang leh tihnat ka duh vanga hmang ka ni ngei alawm. Ka tawrh ang chhungril nat vawng vawngna kha tawng ve se ka duh vang tih ka inhria a, engahmah ngai lo anga a awm hian nuam ka ti miah lo. Hlawhchham ni a ka inhriat vang pawh ani mahna! A mak tehhrep mange! Hetiang mihring, mi dang tihnat duh ran rilru pu hmeichhia hi ka ni tih ka lo inhre ngai miah hleinem maw le.
.
Ka thutna atangin ka tho a, ka purse bak engmah ken ka nei lo. Ka thin a ur ru tlat bawk.
.
"Min lo thlah duh suh. Motor i lock loh chuan ka bungrua chu ka la mai ang." pangngai thei ang bera tawng ka tum a, ka hlawhtling chuan ka inhria.
.
"Ka va thlah ang che."
"A ngai lo. A vai khan engzat man nge?" ka bungraw man kha a nia ka zawh. Min zawt hmasa miah lovin kan chhungkaw mamawh ka lakkhawm kha aman a lo pe ngawt anih kha.
.
"Theihnghilh rawh." a ti hmuk a, tlem chuan a awki pawh a dang deuh. A ngaih dan a pel ta a niang. A pawi tawp hleinem.
.
Ka thil lei tur list ka purse-a ka la dah chu phawrhin ka en thla diat diat a, ani min pek sak hi a tulna ka hre lo. A engmah hi ka duh lo. A man zat ka rin chu ka purse atanga phawrhin a hma zawnah ka phar chhuak a, ngaih dan nih loh hmel lutuk tak zet hian min en run run ringawt a. A la duh dawn lova ka hriat vangin sofa-ah chuan ka pawisa ken chu ka dah a. Ka hmel lan dan erawh a pangngai thei ang ber a la nih ka beisei. A hmel ka en duh miah lo bawk a.
"I ti mah mah lo maw?" ti hniam ruihin sofa-ah chuan a thu a. Min umzui a tum loh zia a tilang chiangah ka ngai mai.
"Pawi ka ti hleinem" ti liam puata inherin kawngka lam ka pan nghal hmiah.
.
Ka awm dan hi ka hrethiam lo tak zet. Eng vanga thinrim em em nge maw ka nih le? Nungchang hre lo, changpat chehchhum ang maiin ka tal ni berin ka inhria. Min rawn umzui ka ring hek lo.
.
Pawn ka thlen chuan ka thaw hawk hawk mai. Engvanga hetianga awm hi nge ka nih? A in kawngkhar chu rum zet hian ka melh a, awmzia a awm lo tih ka hrechiang hle sia. A garage-ah lutin a car kawngkhar chu hawn ka tum a, ka hawng thei miah lo. A lock loh ka ring ringawt a, a lo lock pek anih hi. Ka bungrua hi ka kalsan ngawt thei hleinem maw le.
.
Muangchang lo zet hian garage atangin ka chhuak leh a, a kawngka pawh kik lovin ka lut  nghal thawr a.
.
"Motor kawngkhar i lock reng sia, ka chhuah hma khan i lock tih sawi mai la__" ka chhuah hmaa a thutna ah khan mu awn deuhin sofa ban chu  a lukham a, a banin a mit a hliah deuh bawk. "Eleazer, Car door saw i lock_" ka tawng hre lo ang hmiah hian a awm dan ngaiin a la awm reng a, panhnaiin a banah ka khawih a. A la che chuang lo. "Eleazer?"
"Hmm"
"Car door i lock a_" a awm dan hi a dik miah lo. A bana ka khawih leh chuan a sa vur mai. "Eleazer, i harh em?" a ban chu dimtein ka lasawn a, a mit a chhing tlat. A pang ka dek a, a sa tih piahlam a ni. A khawsik a sang hle a nih hi. Ka sawih det det a aharh miah loh vang chuan ka hlauthawng ta viau mai. A lakah hian ka thinrim tih ka theihnghilh nghal hmiah.
.
Mut remtir tumin a taksa chu ka siamrem a, a rit lutuk bawk nen a awlsam lo khawp. A harh phawt anih loh chuan a room-ah pawh sawn ngaihna a awm chuang lo. Kitchen-ah lutin tuivawt leh puan fai ka la a, ka che hlawk hlawk a ni ber mai. A taksa tlem tala ka tidai anih loh chuan a hlauhawm theih hial ka ring.
.
Dimtein ka puan chiah huh chuan a chal ka dep a, ka ko mawlh mawlh bawk a. Thawm a chhuah tawh lo hrim hrim. Hetiang chunga amah chauha ka kalsan anih chuan mihring tia sawi tlak ka ni lo ngei ang. Eleazer ni kher lo pawh ni se, tupawh hetiang dinhmuna awm kalsan hi a theih loh. A chhungte biak tum ila a that ka ring. A kekawr ka dap thuak thuak a, a phone a ak lo leh zel. Khawiah nge maw a phone pawh chu a dah le?
Ka hawi kual thuak thuak a, chhuata a phone tla ka hmuh chuan ka chhar thuai a. A lo lock lo hlauh. A phone screen ka en chuan ka phu deuh zawk mai. Ngaihtuah zui duh lovin a chhungte phone number ka zawng a. A nu niawm takin aw zangkhai vaha phone  alo pick up chuan thil awmzia hrilhin lo kal mai tura ka duh thu ka hrilh zung zung a. A chiai nghal chu a ni deuh mai.
.
"Serious lutuk a ni lovang. In lo thlen hma chu ka lo awmpui ange." ka tih zung zung a.
.
"Engtin nge a serious lo tih i hriat. Min lo phone nghal tur che alawm." a ti bah nawk nawk mai. Ka thiam lo hran lo. A fapa a ngaihtuah zia a aw atangin a langchiang em a, tu nu pawhin hetiang hian an tih vek ka ring. Ka chhan leh hun pawh nghak lovin phone a off a, hrilhhai zetin phone chu ka en ta ringawt.
.
Eleazer thawm ka hriat chuan ka hawi vat a, sa hal niawm tak hian harh chiang lova a kawr phelh a tum ka hmuh chuan ka panhnai nghal vat a.
.
"Lo che suh, keiman ka lo ti ang. Engtinmah i awm dawn lo a nia." a mitmeng chiang lo ruai ka hmuh chuan ka chhungril a hlauhthawnna ka neih chu a nasa lutuk. Eng thil tha lo mah Eleazer chungah hian a thleng dawn lo.
A nu te pawh chu an va rawn thleng har ve maw le..
A kawr chu phelhin a dul vel ka khuh a, awm bawr erawh a ruak. Hetianga damlo hi ka la buaipui ngai miah lo bawk nen tihtur ka hrethiam tehchiam lo khawp mai. Puan chu chiah huhin a chal leh a awm vel ka dep leh ta ngawt a.
.
"Eleazer, i harh em?" a biangah ka khawih a, chiang lo riai a rawn mengin min en a, muangchang hian a mit a chhing leh riai riai a. "Engtinmah i awm dawn lo a nia. I tha leh mai ang." ka ti mawlh mawlh ringawt.
.
A in pawnlama thawm ka hriat chuan ka thaw huai mai. Hmanhmawh takin an che tih hriat hian an ri deuh sun sun a, dawn awm lovin kawngka arawn inhawng thuai a. Mipa pahnih leh nutling pakhat an rawn tlan lut hlawk hlawk a, nu chu Eleazer nu anih ngei ka ring. An inang phian.
.
"Engtin nge a awm?" chiang lem lo hian min enin min pel thuak a, min su deuh nawk bawk.
.
Thil thlen dan ka sawi zung zung a, a nu nia ka hriat chuan "Ka hlauhthawn ang chiah. He mihring luhlul lutuk hian a taksa zawh tawk a ngaihtuah ngai lo. Mampui, hmanhmawh ru." tih pahin tlangval lian deuh deuh pahnih chu a en a. A mittui a hru zauh lai chu ka lo hmu reng.
.
"Ka fapa nen hian engtin nge in inhriat?" chiang zet hian min melh a, min melh dan chu ka lawm lo lutuk takzet. Eng hmuhin nge maw min hmuh le? Ka hamhaih zawk mah.
.
"Ka_Ih_Eleazer_"
"Eleazer a!" mak a tih zia a thup eih lo. "Eleazer tiin i ko amaw? Chu chu theihnghilh rawh. Engtia inhria nge in nih?" a ti leh ta zawk a.
.
"Thian satliah  mai kan ni."
"Thian satliah chu a inah hian a hruailut hauh lovang. Min lo phone a, a lawmawm. Min hawsan thei tawh ang." a ti leh zung zung a. A lawmawm tih thu kha chu a sawiri ve mai mai. A mitmeng ah hian lawmna pakhatmah a lang lo.
Tlangval pahnihte chuan Eleazer chu hmanhmawh zet hian an zawn chhuak a, awm mai dan tur hre lovin ka enzui tawp.
.
"I haw thei ka tih chu." ka chhang thei lo. Inherin kawngka ka pan a. Ka lawm lo hle. Chu zawng chu!
.
COPAS (HEARTS)
.
CHAPTER - 21
.
Thantei_LauraSean
.
H & E
.
Kawngka ka thlen hmain "Lo ding lawk." tih ka hriat chuan ka ding leh rih. Amah en tura hawilet leh kher ka tum hran lo. Min namnul fahran em mai a, zah tak leh zum deka ka awm chhan tur ka hrelo ve tawp. Min treat dan a zir hian mihring nungchang hi a danglam thei khawp anih hi.
.
"Heihi i hlawh a nih hmel." ka mit ka chhing sawk. Pawisa kha anih ka ring. Muangchangin ka hawilet a, ka rin ang chiahin nichin lawk a Eleazer pek ka tum pawisa kha a lo ni tak tak. Nichin khan alak duh loh vangin sofa-ah ka dah ringawt anih kha. Ka ngaih dan min zawt hmasa miah lovin ka thil lakkhawm man a lo pek kha ka rulh ngei a tul si alawm le. Alak atang hian engmah a thlawn a dawn ka duh reng reng lo.
.
"Ka pawisa a ni lo. Eleazer khan a thlauh palh aniang." ka aw chu pangngai thei ang bera ri turin ka duh takzet.
.
"Lo chhuak tawh rawh. Hmanhmawh ang u." pawn lam atangin an rawn ko a, min en nasat lutuk vang nge ka hre lo, an rawn kohna chu hre awm pawhin a awm duh der lova. "Chuan, a car-ah sawn ka thil leisa a awm a, min hawnsak lawk theih chuan.." min chhan a tum lo tih hriat takin min rawn pel thuak a, kawngka chu kalh zui mai a duh tih lantir nan min rawn melh leh a. Hmanhmawh deuhin ka chhuak ve ta tho. Inchhunga ka awm chuan min kalh hnan duh mai ka ring.
.
Min ngaichang lem lovin Eleazer an dah luhna car-ah chuan a thu lut a, ka thil leisa ka lak leh lak loh chuan a tibuai lo chiang hle. A tlangval hruaite pahnih erawh chuan min rawn ngaichang niawm tak hian min rawn en a, "Kal ru, a hmanhmawh thlak tawh kha." ka hmela ka ngaihtuahna tilang miah lovin ka en a, ka nui lova thinrim emaw lungni lo hmel pawh ka pu duh chuang lo. Motor chu turn-in an tlan chhuak a, an tlan liam lai chu ka en reng a.
.
'Engtin mah a awm lovang.' ka phun chhuak tih ka hriat rualin ka awmna bul vel chu ka en kual vat a. Mihring ka hmu lo.
Ka thil lei sa kha ka lakchhuah loh vangin sawrah khan ka va kal leh ngei angai dawn anih hi. Zan dar 7 thleng an hawng thin hlauh a, a vanneihthlak zawk. Chuti ni lo se ka nu thil min chah zawng zawng ka lei haw dawn lo tihna a nia. Tunah pawh rei min ti tawh viau ang.
.
Taxi ka chang a, rei nghah ngai lovin a lo tlan ta hlauh. Dawr lam panin ka kaltir a, rilru hmanhmawh zetin ka leitur list ken a mi ho chu ka thlang zung zung a. In ka thlen meuh chuan a tlai tawh engreng. Ka rinlawk ang chiahin ka nu chuan tlai min ti hle. Thil pawimawh vanga tlai ka nih thu ka sawi chuan engmah sawi zawm lovin ka thil lei ho chu a phawrh zung zung a, puih ka tum chuan tihtur em em a awm tawh loh thu a sawi ta hlauh bawk.
.
"Han intifai la, chaw kan ei dawn nia." a tinem diai a. Ka nu hi chu Alawmi tih lohah ka thiantha ber tiin ka sawi lo thei lovang. Alawmi awm tak loh hnu hian a ni lehzual. Hetiang a ni chung hian tunhma zawng zawnga ka tih ngai loh thil, thuruk ka nei ta fo hi ka inthiam lo ru khawp mai bawk. A ruka ka thil buaipui hi hria se chuan hlawuthawng leh min veng reng rengin a hmanhlel dawn tih ka hriat vang chauha la hrilh duh rih lo ka ni.
.
Ka room panin ka chho a, ka rilru a thawveng lo ru viau. Tha hman ngai thil engmah ka ti lo nain ka rilru hi a rim em a ni. Eleazer kha a tha zel angem tih ngaihtuah chungin ka khumah ka let tawp a, mu veng veng hman ka nih loh vangin ka tho leh thuai. Bathroom-ah lutin tui sa deuh hlekin ka inbual a, ka hahdam deuh sawng sawngin ka hria.
.
Chaw kan eikham fel chuan 8:30 a ri thuak tawh. Ka room-ah ka chho a, rei pawh ka awm hmain ka nu'n min rawn ko leh a.
"Lo chhuk teh.." arawn tih lang lang chuan eng thil nge maw ni le ti rilru chungin inhnuai lamah ka chhuk a. Muanpuia ka hmuh chuan ka phu deuh zawk.
.
"Enge i rawn tih dawn?" ka tinghal ringawt. Ni thum chhung min rawn be miah lova, kei lahin min lo be lo na na na chu biak hmasak ka tum bik lo. Hetiang thil hi chu ka chapo vena lam tak ania, a tha ber lo tih hre chung hian ka bansan thei der lo lehnghal a.
.
'Tah hian lo thu teh." ti dam thlupin a thutna bul chu a beng thak thak a, amah hlat thei ang berah ka thu hram. Ka nu leh pa chu awmhnai se hetiang hian a ti ngam lo tih ka hrechiang.
.
"I la dam ve a ni maw?"
.
"Ngeiawm viau lo teh.." ka melh zauh ringawt. "Thinrim tur ini miah lo ania. Hetah lo thu teh." min ban phak reng tho vangin ka banah min rawn vuan a. "Ka ngai che." ka kutah vuanin min en a, enge maw ka hriat ni lungawi anga awm ka la hreh deuh tlat. Ni dang ang ka ni lo tih pawh ka inhria.
.
"Nithum rei ber ala ni. Ni thum chhung khan enge ka tih min zawh i tum miah lo a mi?" ka chhan mai loh vangin ka kut chu a hmer na salh a. Ka nuih ta sak. A hmel a danglam nghal vek bawk.
Thawk a la a, ka kut chu a hmui bulah lakangin a fawp vang vang a.
.
"Tunah chuan thutlukna nghet tak ka siam tawh. Min nei duh angem?" a hmel chu ka en a, a thutak zia ka hria.
.
"I hriat kha_" ka sawi tum chu sawi tlang ngam chiah lovin ka meng khup ta lap a. Ka thianghlimna latu ni lo mipa hian ka damchhungin min pawm duh dawn em ni? Eleazer ka ngaihtuah chhuak nghal bawk. "Muanpui, i hriat kha_" ka sawi tum hrethiam niawm takin ka kawngah min rawn kuah a, ka bekah min rawn si chial a.
.
"I sawiduh chu ka hria alawm. Keipawh ka virgin chuang lova_ Ka sawi tum chu.. Min lo en phawt la.." a ti leh te te.
"Kei pawh ka fihlim loh chuan thianghlim famkim turin ka beisei ngam lo che a. Engpawhnise, thinlung hi a pawimawh ber alawm. I hriatchian em kha." a tih chuan chhan mai dan tur ka hre lo. Muanpuia hi ka damchhunga ka kawppui ni turin ka duh reng em? Inngaihtuah that leh ka mamawh kher em ni? Hetiang baka min ngaihsak leh zah taka min en tu mipa tluka hlu hi ka tan an awm thei tawh chuang lovang.
.
"A hrim hrimin tinge min lo biak miah loh a?"
"Ka inngaihtuah alawm."
"Ka awih lo ber. Chuti chen chen.."
.
A ngawi ta daih a. Inngaihtuah muk hmel deuh hmel a pu tih ka hmuh chuan engmah ka sawizawm duh ta bik lo.
.
"Ka hmangaih che."
Engtinmah ka awm hran lo! Keimahah hian eng thil dik lo nge awm a?
"Tunah chuan min hmangaih lo mah la, nakin ah chuan min hmangaih ngei ang tih ka hria. Ka damchhunga i bula hun hman ka duh."
.
"Bawihte, i phone chu han pick up teh." ka nu aw lo chhuahna lam chu Muanpuia nen kan enrual thawih mai.
"Va pick up rawh. Thil pawimawh aniang."
"A pawimawh chuan an lo call nawn leh mai ang."
.
"Chuan?" min en run a, tun huna ka thutlukna siam hian ka damchhung hun hman dan a hril tawh dawn tih ka hrechiang em em. Eleazer hmel ka mitthla a lo lang chu duh lovin ka hmui ka pet fan fan a. Ka kalsan angai a ni. Engvanga ngaihtuah chhuak nge ka nih reng reng le? Natna bak min pe lova, a mah letling chiahin Muanpuia hi chu min dawm kang chungin ka lakah mipa dik takin an tihtur a ti thin. A ni chiah ami? Mipa dik tak tih zawnga ka teh dawn anih chuan Eleazer pawh a lan dan leh a tawngkam bung tak tak phenah hian__chu chu tuna ka ngaihtuah a tulna a awm miah lo. A awm lo tak zet!
.
ELEAZER*
.
Ka muhil ka harh hlawl chuan khawi hmunah nge ka awm ka hre mai lo. Ka thuchhuak hlawl a, ka en kual chuan ka in ah ka awm lo tih ka chiang lehzual. Thil rim ka hriat atang chuan damdawiin ah ka awm ngei a ni tih ka hre ta bawk. Ka awmna pindan ah chuan tumah an awm lova, kawngka rawn ri rakin ka nu arawn lut a. Ka harh tih min rawn hmuh chuan arawn tlan nghal dawr dawr mai.
.
"I tha maw? Na i nei em?" ka khum bul thutthleng ah thuin a sira tui chu a la a. "I in duh em?" a tih chuan ka bu ringawt.
.
"Hetah hian engtin nge ka awm theih a? Ka dam tha asin."
.
"Nizan khan hmeichhia khan min lo bia a. Engvanga hetianga awm nge i nih pawh a sawi tel reng reng hleinem." a ti deuh hlak hlak a, a hmel danglam deuh chu engvang nge maw ni dawn le? Hetianga ka nu awm dan danglam hi ka la hmuh awm pawh ka hre lo.
.
"Bawiha, khanu kha tunge?" chik zet hian min en a, a mitmenga thil hriat chakna lang chu ka hre rang khawp mai.
.
"Tunge kha nu chu?"
"Nizana i in lo awm ve kha. E, pawisa kha a hlawh a nih ringin pek ka tum a, a la duh der lova. Ka rin danin?"
.
"Eng maw isawi chu? A hlawh maw?"
.
"Ni ang chu. Pawisa awm kha a hlawh anih ringin__"
.
"Ka nu, eng hlawh nge anih chuan ang?" ka ngaihtuah ang hi a nih teh chuan aw..
.
"A, tunlai ah te chuan hmeichhia man inchhiar a_"
.
"Ka nu!"
.
"Tunge anih ka tih chu?" min melh khai khai a, hetianga min melh tawh chuan thudik tak sawi turin min duh tihna a ni.
.
"A bulah chuan engtin maw i sawi?" khum atangin ka chhuk a, damdawiin a min hruai chhan pawh hi min la hrilh miah lo tak e.
.
"Thu leh phawt teh. Damlo hmel pawh i pu leh ta si lova, nizan khan engvanga khatianga awm kha nge i nih le. Kha hmeichhia khan tur a pe che a ni lo maw?"
.
"Engtin chiah nge ka awm?" ka awm dan ka ngaihtuah let a, Muffin nen dawr tanga kan chhuah leh ka in kan thlen hnua kan thusawi te kha chu ka la hria. Min chhuahsan a tum hma chiah khan ka lu a hai a, ka thluak ka hmang hleithei lo a nih kha. Mutchhuak insum theih miah loh aia nasa hian ka thil hmuh apiang a vir a, ka hminga min koh leh pawh khan ka che thei tawh lo. Engvanga khatianga awm kha nge maw ka nih le? Chhun lama ka hun hman dan ngaihtuahin ka hmelhriat loh leh midang daih bulah e ngmah ka eiin ka in lova..
.
"Kha nu khan i hming hmasain a ko lehnghal che a. Khavang khan ka chiai nasa teh asin."
.
Ka nu chu ka chhang tawh lo. Ka thil rinhlelh,a ni ang tih ka rinngam si loh hi a dik dawn niin ka hria. Ni lo hram se ka va ti em?
.
"Bawiha, i hming hmasaa a koh che khan.. Ka sawi tur a ni em ka hre lo. Na taka kalsanin i awm leh ang tih ka hlau em a ni. A lakah khan ka che mawi tehchiam lo bawk ania."
.
"Damdawiin atang hian chhuak phawt ang." ka tih chuan phawk hra hian min en a. Tunah chuan ka rilru ah thil pakhat chiah a awm. Fiah tura ka kal nghal angai bawk.
.
Kar hnih liamta chhung khan darkar thum bak ka mu hman lova, Muffin tana thil hlauhawm awm thei nia ka hriat te keimah ngeiin ka theih ang ang ka chhuiin ka umzui a. Ka chau a, mahse ka chawlhsan thei chuang lo. Ka eizawnna ka ngaihthah a thiang lo bawk a. Muffin hian a dinhmun dik tak hi a inhre lo hrim hrim. Inhre miah lova a awm hian ka lawm zawk mah. Fimkhur tawk a awm thei lova, a luhlul leh rilru len lutuk vang hian amah ngei hian a la pal darh ang tih ka hlau thawng tel tho bawk.
.
Tihfel ngai kan tihfel chuan ka in panin ka nu nen damdawiin atangin kan chhuak a. Ka in kan thlen hma zawng ka nu chuan Muffin nen an indawr dan a sawi a, a chiai vanga khatianga awm anga a insawi tlat vangin tih vak ngaihna a awm lo.
.
"I hmu leh anih chuan alakah that chhuah tawh la. Hmeichhe fel tak a nia."
.
"Tihnata i awm leh loh nan fimkhur hle la anih chu. Loretta i tih kha kan in ah ava rawn kal ngai ta love. Uluk deuh zawka inngaihtuah a nupui neih hi chu a hun ve tawh asin." a lut leh nge nge e.
.
Loretta hming a sawi chuan ka ngawi ta daih. Eng emaw lai atang khan kan inhmu ngai ta miah lova, alaka ka rilru puthmang a hrechiang tawk bawk nen a beidawng ve ta te pawh a niang. Pawi ka ti lo ber awm e. Ka lo ngaihtuah tawh lo hrim hrim bawk a ni. Zingah ka muhil ka harh rualin Muffin ka rilru ah a awm tan nghal phat a, chhun ah ka hna ka thawh a ka buai tak tak laiin ka hre lo a ni mai e. A bak zawng chu AMAH bak ngaihtuah ka nei ngai ta meuh lo. Hetiang khawpa nasa hian ka ngaihtuahna a tibuaiin a luah nasa  dawn tih hrelawk ni ila ka hmuh hmasak ber atang khan pumpelh dan mawlh ka zawng ngei ang! Ka phal chuang lo maithei bawk. Awmzia a awm lo! Ka duh_chu zawng chu a ni e. Ka ta ni lo tura ngaihtuah ka duh hek lo.
.
Ka in kan thleng a, kan office tlawh loh law law tumin ka secretary la bia a. Buaipui ngai zual awm pawh a fel vek tawh tih ka hriat chuan ka thaw deuh huai. Hetiang anih chuan ka nu kan inpuia ka dah hnuah ka duhna hmunah chuan ka kal ang. Ka zam vang ni hauh si lo hian ka thin a phu dat dat nia mawle! Vawiin a ka thil tih tur hian kawng chanve aia thuo min hruai thlen theih ngei ka ring tlat. Nimin khan_
.
"Bawiha.."ka nu tawng ka hriat chuan ka en vat a. "In lamah kan phei nghal mai dawn em niang? Tlaiah pawh hetah haw lovin in ah lo haw ang che aw."
"Kalna tur dang ka nei a, ka lo kal dawn chuan phone-in ka lo hrilh leh zawk ang che. I hman chuan kal lehnghal mai ang." kan inpui kan thlen hma zawng chu ka nu titi ka ngaithla tluan parh. Nin chang ka nei a, a chang chuan ka nu tluka ngaihawm an awm theih ka ring lo leh fo thin. Nu leh pate hi chu eng tiat pawh ni ila kan mamawh reng a, hmangaihna tawp awm lovin min hmangaih tih ka hriat vang chauh pawh hian ka sawi hluah ngai lo nain ka ngaihlu em em reng bawk.
.
Ka nu ka drop hnuah ka tum lam panin ka inkhalh chhuak a, hmuh theiha a lo awm ngei ka beisei bawk.
.
Lunch ei tura a kal ziah thinna hmunah lutin dawr chhunga awm te hmuh tam theihna laiah ka thu a, rei nghah angai lo. Phone hmang chung hian arawn pen lut a, min rawn hmuh ka duh hauh lo mai. Min rawn hmu anih chuan ka thil hriattum ber hi a flop dawn chiang sa. A kil lam panin a kal a, a thut fel hnu rei vak lovah hmeichhia hian arawn pan ta chat mai. Ka beisei aiin a thleng chak e.
.
Zawite tein an phun dun sep sep a, an tawng chu hriat talh tumna pawh ka nei chuang lo. An phone atangin thil eng emaw an inthawn tih an chezia atangin a lang reng bawk. Ka rinhlelh ber pakhat chu a chiang ta phawt. Thinrim ru teuhin ka kut ka hum ruh a, va pawh lo tura ka inthunun angai. An rin loh tawp hunah engkim puan chhuah a la ni ngei ang.
.
Ka duh chin ka hmuh hnu chuan min hmuh loh turin dawr atangin ka chhuak a. Mihring lan dan leh tawngkam hian mi a va bum nasa thei dawn em tih hi ka ngaihtuah thar leh ta chauh bawk. Kha hmeichhia ang chiah kha mihring dang an awm theih ka lo ring ngai lo! Rosa! Kha hmeichhe tenawm lutuk kha vawikhat pawh hmuh leh ka duh tawh lo bawk.
.
Ni hnih a ral leh chhung chuan thil thar hriattur a awm rih lova, ka rilru erawh a chawl miah lo thung. Chhun ah ka hun tam zawk office-ah ka awm a, Muffin pawh ka la hmu leh ta rih lo. Ka phone-a a thlalak ka en tih loh chu hmun dangah han hmuhna tur a awm lo hrim hrim bawk a.
.
Ka phone nghawr dar dar chu ka thil khawihlai dahin ka pick up a.
.
"Rinmuan, zanin kha lo kal ve ta che. Surprise a awm hmel tlat mai." Mawizuala maw? A number ka lo nei tawh lo anih hi.
"Ka va hman awm lo ve."
.
"Hmingthansangi leh a tawih pawh an lo kal dawn kha." a tawngkam hman chuan min verh zawk ni maiin ka hria.
.
"Tunge chu chu? Tawih a?"
.
"Bawiha, hrelo der kual lo mai teh. Nge, nang hi?"
.
"Enge ni vak?" ka tiliam puat a.
.
"Engpawhnise lo kal rawh. E, Hmingthansangi sawi takah chuan a tawih nen hian an innei dawn tih thawm ka hria a nia." Mawizuala hian eng thu awmze neilo nge a lo hriat leh tak. Engtin nge Muffin leh.. Engpawh chu ni rawh se, khapa phiangsen khan Muffin hi engti zawng mahin a nei lovang.
.
"Nuam deuhin hun lo hmang rawh u. Ka lo kal  hman hmel loh a nih hi." Min chhan leh hmain ka phone ka off a, ka thil khawih lai chuan ka rilru a luah zui ta miah lo.
.
Office atangin tlai dar 6 dawnah kan inpui lam panin ka chhuak a, ni tam tak hnua a vawikhat nan ka ril a tam khawp mai.
Kan in ka thlen chuan naupang nen kan ri leh chuah a, ka rilru hmun dangah a awm tlat vangin nidang angin naupang pawh ka chhawnchhaih peih meuh lo. Ka room-ah ka chhuk a, pangpar rim nam chek chek ka hriat chuan mak ka ti deuh.
.
Ka khum bula table-ah chuan pangpar inkhawi ka hmu nghal mai a, ka nui suk. Ka awm loh lai pawhin ka room hian enkawlna a hmu tha reng tih ka hre tho nain pangpar khawi em chu a mak ve deuh.
Pangpar chu ngaihtuah zawm lovin ka khumah chuan ka mu zangthal a, tihtur nei lo ang maia awm hi ka thiam tawh lo anih ka ring.
Ka phone nghawr dar dar chu ka kekawr ipte atangin ka phawrh a, Mawizuala bawk chu.
.
"Hey, lo kal rawh. Engmah i tih chuan loh kha. Thlalak ka lo thawn ang che. I hmuh ve duh takin." a nui kur kur a, ka chhan pawh a nghak chuang lo. Phone a off hnu lawkah message ka dawn chu enin ka ner sawk.
Party naah chuan ka kal ve ngei chu a tul hmel si a nih hi mawle.
.
COPAS (HEARTS)
.
CHAPTER - 22
.
Thantei_LauraSean
.
H & E
.
Party naa kal ve ka tum si chuan a hmun ka hriat angai ang chu. Mawizuala khan khawiah ber nge an awm a sawi hauh hleinem mawle.
.
Mawizuala ka call leh a, nui huah huah chung hian a phone arawn pick up a.
.
"Hmm.. A hmun i hre i duh aniang maw?"
.
"Sawi nghal mai mai teh." ka tih chuan a nuih a za lehzual.
"I kuttum kha i lek dawn loh chuan ka hrilh ang che."
.
"Khawiah nge?"
"Thakimi kha i hria tiraw? Khami te in ah khan."
.
"Ka lo kal ang." tih leh phone off ka rual a. Thakimi te in ah teh daih an party chu mak pawh ka ti deuh. Mawizuala min lo thawn photo chu ennawn leh in ka delete nghal daih. Muffin mipa dang bula a awm hmuh ai chuan engpawh ka hmachhawn ngam sak. En liam a nuih pui mai mai thei lo khawpin alaka ka feeling hi a nasa em a ni.
.
Thakimi te in panin motor ka khalhchhuak a, ka mitthla ah nichin maia thlalak hlir kha alang. Thlalak a mipa kha Bon Apetite-a ka hmuh tawh mipa kha ani tih chiang takin ka hria a, an inhnaih zui zel tih erawh ka hrelo der mai ange. Muffin hlim taka nuihtir theitu chu eng ang mipa nge maw anih le? Ka inkhaikhin dawn lova, el lah ka tum hek lo! Ka thil ngaihtuah dan zawng chu duh lovin music ka play ta daih.
.
*Beyonce - Halo* he hla hi hlui deuh tawh mah se ka duh thar riau. Mipa ngaihthlak turah pawh ka lo ngaih lem loh kha a nia. Engtin nge ka playlist-ah hian a lo awm pawh ka hre lo.
.
Ka kal tumna in kawtah motor ka dah fel a, ka rin aiin pawn lam atang chuan inchhung lam thawm a ring lo. Inchhung ka lut a, Mawizuala'n min rawn hmu thuai. Min lo pan nghal vat a.
.
"Thiana hun pawimawh a thleng tep." tih pahin ka darah min beng thuk thuk a, a thusawi awmzia chu ka hre der lo.
.
"Khawnge mi dang hohi?"
"An lo thleng ve tep ang. Tunlai hi eng thil nge i buaipui hmuh i har hle mai." atih chuan chhan ka tum buai hran lo. A hrethiam ve aniang chu thu dang a sawi leh ta vat a. Engtiklai pawh hian ka buai em em reng tih a hrechiang a, a sawitur hre lovin a tawng ve mai mai tih ka hre bawk. Ka thiltih mek leh ka thil chhui ruk hi hria ni phei se mawnga hawlh ang maiin a za sek ta ve ang.
.
An lo thutkhawm laihna lamah chuan ka kal a, Muffin hmel ka hmu lo. Helaia ka kal chhan ber chu amah a nia, ka bia emaw be lo emaw a hmel hmuh hrim hrim ka chak hle tih ka inhriat chhuah chuan keihi alakah ka zawr hle tawh tih ka inhrechiang bawk. Eng thil phiangsen nge maw ka ngaihtuah leh tak hi.
.
Ka inhungna bang zawng zawng dawn awm lo leh ka hriat miah loha tihchim a awm vek chhan hi amah ngei hi a ni. Hmeichhia ka thinlunga ka ngaihven leh hmasak awmchhun__
.
"Helamah hian lo kal la.." tih ri ka hriat chuan ka hawi chhuak vat a. Keimah min be lo nain a nui hmel ka hmuh chuan ka lo hahdam ve huai ringawt. Muffin chuan hmeichhe pakhat chu alama kal turin a huih a, a hmel a lang thar mai. A bula Muanpuia rawn ding ka hmuh chuan dawn awm miah lo hian ka kut ka lo humruh nghal ngawt bawk. Hmeichhe pakhat an bula a thlen chuan an inbia a, Muffin chu za zet hian vanvadak meuhin a nui a.. A nui hmel chuan ka chhungril, ka thling zawng zawng nen min fan chhuak vek ni hian ka hria. Ka awm dan hi a tha hauh lo mai.
.
Ka thutna atanga tho chhuakin an dinna lam chu ka pan a, ka tih hauh loh tur thil ka ti mek tih ka inhriatchhuah chuan an bulah ka ding reng tawh. Muanpuia chuan a kut veilam ah a kai tlat a, tun ang huna a kai tlat hi a tulna pakhatmah a awm lo. Amah vuantu hi keimah chu ni ila thuhran! Muffin kutzungtanga a zungbun tle zauh ka hmuh chuan ka chhungril ah che a awm leh ta. Kan inhmuh hnuhnun ber pawh khan a bun tih ka hmu tawh a, ka zawt buai duh ta lo ani. Min chhan dan tur chu engpawh ni se ka lawmzawngin min chhang dawn lo tih ka hriatchian em vanga zawt buai duh ta lo kha ka ni bawk a.
An bula ka ding min hmuh chuan a nui hmel a reh riai riai a, chiang zet hian min en ta ran mai. Min lawm loh thu a hmui nalh zet atang hian ri chhuak lo mah se a hmel chuan a tilang vek thung.
.
"I tha em? Kan inhmu khat hle mai." ka ti ta ngawt. Muanpuia chu insangmar deuhin Muffin vengtu rinawm ni a inngai ang mai hian a din hnaih zual sauh a. A awm dan chuan ka ngeng a chhun tawk em em.
.
"Tha alawm. Engtin nge i lo kal ve theih zawk a?" a nui lui ve ta hram. Ka lakah chuan tihluihna leh mawi zawnna vang chauhin a nui a, he mihring pa bulah hian tihluihna hmang emaw nui lui hmel a pu ve miah lo anih kha. An bula hmeichhia awm ve chuan min en zak zak hian chhuanlam a siam a, a kalsawn ta hlauh bawk.
.
"Nia, tihtur dang ka lo nei lo hlauh a, ka rawn tel ve anih hi."
.
"Engtin nge i hriat zawk?" a ti leh a. Zawhna min zawt mawlh mawlh leh heta ka awm ve lawm chiah lo anga a lan chhan hi thil eng emaw tak chu a awm ngei ngei ang.
.
"Eng thil nge hriat tur awm?" ka ti ve ta thung. Muanpuia chu a melh zauh a. Muanpuia phiangsen chuan eizawh mai duh hmel pu hian a en tak dauh dauh a. A mit chu khaw hmu thei miah lo tura tuam ka chak hial mai. Ka ngaihtuahna chu leh.. Naupang ngaihtuahna ni awm tawk vel a ni.
.
"I lo kal chhan leh helaia kan thiltih tur hi i hre miah lo anih hmel." Muanpuia chu ka en a, hlim surh hmel hi a pu lehnghal a.
.
"Hre hauh lo mai." ka ti nghut ringawt. Ka lan mawl hmel viau ta ve ang.
.
"Zanin hi Hmingtei nen kan inneih tur lo lawm lawkna hun a ni tih pawh i hre hauh tak lovang." a aw ri ah chuan min tihelna hre thana ka inhriat chu. A ni nen kan inhmuh hmasak ber tum khan ka che mawi lem lo tih ka inhre nain min elhsen tur a ni bik hauh lo. A bula hmeichhia hi ka hmeichhe hmangaih a ni tih a hriatthiam vanga min tiel niin ka hre bawk. "Ni lawm ni My love?" Muffin chu a en a, a ni chu a lo  nui sak thung. Ka chhungril atang hian ka tek chhawk niin ka inhria.
.
Anni pahnih hi an innei ang maw? Engvangin? Engvangin nge an inneih ngawt ang? Ka awm dan inthunun in ka nui suk a.
"Oh! A ni maw? He in hi_"
"Ka nu te in pui a nia. Tupa upa ber ka nih angin ka hun ropui tawn tur lawm lawk nan helai hmun aia tha hi a awm chuang lova." hnehtu inti hmelpu, ka hmaa mipa ding ka hnek lohna chu tlemte  ani. A thusawi nemngheh tum niawm tak hian Muffin lu ah chuan a fawp zoh a. Kei hian engtin nge ka tih dawn le? Engtin nge ka awm dawn? Mawizuala khan helai an kal khawm chhan hre ran hian min ko a ni ngei ang. A chhan min hrilh lawk ni se ka kal loh tur chian zia a hre ngei bawk ang chu. Muffin laka ka rilru puthmang hi engtin nge a hriat ka hre hek lo. Ka ngei hle mai.
.
Muffin hmel chu ka en a, ka chhungril a na ut ut! He mipa hi neih duh khawp hialin a hnaihin a lo ngaina a maw? Ka tlawm chiang teh e! He hmeichhe lakah hian ka tlawm ta anih hi. Ka beidawng mai dawn lo tih erawh ka inhrechiang hle lawi si. Eng thil nge tih ka tum phei chu ka hre chuang hauh lo. Mah se awlsam takin Muffin hi ka thlah dawn lo. Ka pawnlam lan danah care lo angin lang mah ila ka chhungril chu a so bulh bulh a ni ber.
.
"Min lawmpui tura lo kal inih chuan kan lo lawm a che." Muanpuia chu enin ka nui lui suk a, ka bu nghat bawk.
.
"Lawmpuina hlan belh leh pawh i mamawh tawh lo anih kha. Anih phawt u." tia inher in ka kalsan ta.
.
Pawnah ka chhuak a, eng thil  nge tih ka tum pawh hre lovin ka car bul ka thleng der. Ka car chu ka nem dawt a, engtia awm tur nge ka hre hrep lo anih hi. Eng thil nge ka tih ang. Inchhung ah ka hmeichhe hmangaih awm chhun mipa dang  nei mai turin a awm a, kei hian eng thil nge ka lo tih ang? Ka kut pahnih a car nemin ka ding kun deuh a, ka in ngaihtuah fim angai.
.
"I tha em?" ka bula hmeichhe aw ka hriat chuan ka ding ngil thuai a. "Inchhung ah lut ila?" ahmaa Muffin nen inbia hmeichhia kha a ni. Ka hriat ngai  mi a ni lova, engvanga min rawn pawh ve ngawt nge anih pawh ka hre lo.
"Min hre lo  mai thei a, Ngaihawmi ka nia. Hmingtei cousin. I hmel ka hmuh khan Eleazer i ni tih ka lo hre nghal. I tha em?"
.
"Rinmuana" ka ti nghut. Tuna min koh dan duh lo thlan chu a mak viau ta ve ang.
.
"Hmingtei khan Eleazer ti khan a sawi mai che sia."
.
"Min sawi amaw?" ka aw a mak tihna chu ka thuo hman lo. A ni chu a lo nui hak a. Ngaihawmi maw kha. Hmeichhe fel tak a nih dawn hi.
.
"Um, hetiang hi a sawi tam ngai lova, i hming chu a sawi ve tlat. Engpawhnise, thil tha lo tih tum te pawh ka ang. Ka unaunu pasal nei mai tawh tur ngaihzawng hlui bula sawi ah chuan a fuh chiah lo anih hi." a nui zui leh hak hak a.
.
Min sawi tih hriat ringawt pawh ka tan chuan thil pawimawh ani tawh. Khatiang thil zawng zawng thlen hnu khan ka Muffin chuan engtin nge min lo sawi tih hriat chu ka tan a pawimawh em bawk a ni.
.
"Engtin nge a sawi a?" pangngai thei ang ber hian ka zawt nawn leh hram.
.
"A sawi dan che chu a pawimawh viau em ni a?"
"Pawimawh tiin sawi ila mak iti angem?"
.
"Ti lovang. A lakah hian i danglam tih ka hria__Oh! Ka luhsan phawt ang che." tawngsual intih vanga pawiti hmel pu chungin min kalsan nghal a, a thusawi chu ka ngaituah zawm thung. Ka Muffin lakah hian ka danglam maw? Engti zawngin nge niang? Natna chauh thlensaktu anga min ngaihtuah loh hram ka beisei. Ka duh loh dan berin hmangaihna vanga chak lo takin ka awm mek chu a nih si hi.
.
Inchhung ah chuan muangchang in ka lut leh a, pawnah khan eng chena rei nge ka awm ka hre lo. Helai an kalkhawm chhan ber an ti tawh tih an chezia atang chuan ka hre thei. Muffin leh Muanpuia chu an chibai sap sap a, inchhunga awm zawng zawng chuan hlim sar hmel an pu vek bawk. Lut tawh lo tawp tur ka nia, Muffin hmel hmuh leh ka duh vang chauha lut leh ka ni. Ka dinna atang chuan ka en deuh reng a, va pawh tawh lo leh min rawn hmuh leh hmain ka chhuak leh ta.
.
Hmanhmawh vak lovin motor ka khalh chhuak a, ka rilru a buai nuai nuai a ni ber e. Hetiang thil hi a thlen thut thut ka beisei lova, min thawng a ka hamhaih bawk. Tihtheih erawh ka nei tlem hle si. Ka thinlung zawng zawnga ka hmangaih hmeichhiain min kalsan lai  hmuh hi ka thil duh ber a ni lo chiang em asin.
Ka in lam pan lovin ka tlan zel a, khawpui pawn ka thlen chuan kawngsir ah ka ding ta chauh. Car atangin ka chhuak a, thli thaw heuh heuh chu dawngin ka dak vang vang mai. Ka chhungril ah hian ka ruak ta huai niin ka inhria.
.
Rei tawk tak ka awm hnu chuan sana ka en a, dar 1 a lo ri dawn reng mai. Khawpui eng ut chu ka en leh a, tuna ka awmna hmun atang hi chuan a reh ruihin a lang thlamuanthlak ruih mai. Ka chhungrila ka awm mek dan nen khaikhin chuan a inpersan chiang teh e.
.
Ka phone phawrhin ka contact list ka scroll sek a, Muffin number chu ka dial ta nge nge. Ka beisei loh lutuk in arawn pick up ta lehnghal. Tawng mai nachang pawh ka hre lo. Tuna ka awm dan ai hi chuan Muffin ka hriat hmaa ka nun dan kha ka duh zawk. Engmah pawisak nei lo leh zalen taka ka nun dan anga awm leh kha ka duh.
.
"I mu tawh ami?" ka tih rualin mut loh a hun tawh lo tih ka hrechhuak. Ka sawi hman tawh tho.
.
"Um.."mutchhuak aw tak hian chhang a. "Eng thil nge ni ta?" a tih chuan ka rilru ah sawi tur tam tak a lo lut nghal zut zut mai. Ka hmangaih thu hrilh leh ka duh a, a thinlung luahtu mipa awmchhun nih ka duh thu pawh sawi ka duh. A tel lova nun hman ka duh loh thu pawh hrilh ka duh. Mahse ka tawng chhuak lo.
.
"Hello..?" harhchiang ta deuh zawk hian arawn tawng leh a.
.
"Muffin.. Engvang nge?" ka ti ta thlawt. Ringawt maiin a!
.
"Eleazer! I tha em?"
Engvang nge? Tunah min ngaihtuah ni awm takin a tawng leh si a maw? Ka hrethiam thei lo. He hmeichhia hi ka hrethiam hlawl lo.
.
"Ka tha alawm."
"Oh" a ti sap a. Sawitur a hre ta lo aniang a ngawi zui ta daih.
.
"Kha pa kha i hmangaih em?" ka tih chuan a thaw hak niin ka hria.
.
"Chu chu itan a tangkaina a awm lo. Tunang huna inbiak hi a hlauhthawnawm tih i hriat  ve ka ring. Phone hi Ka dah dawn a nia."
.
"Dah suh. Hmuh che ka duh."
.
"A theih loh. Hmuh chhan tur che ka nei lo. Pasal ka nei dawn tih i hria a, chutiang thu chu engtin nge i sawi theih zawk. Inbiak ringawt pawh hi a dik lo."
.
"Naktuk ah ka rawn hmu ang che."
.
"Ti lo la a tha zawk ang. Ka dah ania." tih leh phone off a rual nghal. Min ngaithla tawh lo tih hre chungin "Ka hmangaih che" ka ti leh hram.
.
Ka phone chu akin car-ah ka lut a, tlem tal ka mut ve  atul ang chu. Ka in ka luh chuan inchhung thil engmah danglam zawm si lovin ruak ta riau hian ka hria. Ka chhungrila ka awm dan mak zet vang hi a ni ngei ang.
.
Tuivawt a ka inbual leh zet hnuah ka mu a, ka leh kual chhen hnu chuan khawvar tantirh ah ka muhil ve ta hram. Ka awm dan hi mipa awm dan tur pawh niin ka hre lo. Mahse hmangaihna hian khawvela mipa rorum ber berte pawh a tukzal thin a ni lawmni kha.
.
"Ka hmangaih che. I ta chauh ka ni reng ang." min kuah chial a, a rim pawh ka hre thei. Thawklehkhat ah ka lak atang chuan kalsawnin mipa dang kuah chung hian min en a, min nuihzat tih a hmel atangin a lang vek.
"Eleazer.. Ka hmangaih  ngai lo che tih hi ka hrilh bawk ang che. I lak atanga ka zalen hi ka lawm hle bawk. Mangtha."
Rosa hmel chu ka en a, ka hmangaih thin ngei alawm! Ni lo. Muffin hmel ka mitthla a lo lang vang chuan ka nui ta sak. He thil hi a thuk zawk. Ka chhungril thlenga min khawih danglam thei hmeichhia chu Muffin chauh hi a ni.
"I kal thei ang. Kei chuan ka Muffin ka nei."
.
"A ni pawh khan a kalsan mek che anih hi. Eleazer, khawngaihthlak." a nui hmel chu hmu lo ila ka va duh zawk chiang em. "I damchhunga hun hmanpui duh tur khawp che hmeichhia hi itan an awm lo ani ngei ang." a tizui leh a.
.
Ka thuchhuak nghal hlawl mai. Ka thaw rang hle tih ka inhriat chuan khum atangin ka tho vat a, bathroom-ah lutin tuivawtin ka inphuh nghal.
Rosa thusawi kha a dik reng em ni? Kha hmeichhe hnaisai lo vang khan hun harsa ka tawk a, Muffin tawnga ka hmangaih takzet a ni tih leh amah ka hmangaih aia nasa khan Muffin hi ka hmangaih a ni tih ka inpawm a ka inhriat hma kha chuan amah kha ka hmangaih niin ka lo inhre thin. Hetiang thil hi ka hrethiam tehnuai love. Rosa vang khan ka na hle a, ka mit hmuh lai ngeia ka nupui nimai tawh tur leh mipa dang mu dun hmuh kha a rapthlak, a tenawm tiin sawi ila a dik zawk ang. Kha thil vang khan reitak chhung chu ka nun phung a pangngai lo hial a nih kha. Eleazer tia miin min koh hian Rosa kha ka hriatchhuah thin vangin ka hming hmasa a koh leh biak nih hi ka duh ta ngai lo reng reng a ni. Hriatrengna tuihnai lo zet min kaihthawh sak thin vang a ni bawk ang chu.
Rosa hnuah Hmingthansangi chauh hian ka hming hmasain min ko leh a, mak takin a hmui nalh tak atanga ka hming alam ri ka hriat hian hriatrengna tuihnai lo tak kha ka hriatchhuah phah  ngai tawh lo. Chuti chunh chuan Muffin chauh lo chuan ka hming hmasaa min koh hi ka la duh ta chuang lo fo. MAHSE tunah ka Muffin pawn min kalsan mek chu a nih si hi.
.
Barthroom atanga chhuakin thawmhnaw ka inbel a, ka ngaihtuahna ti hahdam thei tur thil ka tih a tul tih ka hria. Inchhungah insawizawi lovin pawnlamah kal ila a that ka ring.       
.
Ka tlan a, ka tlan zel a. Thaw hleithei lo khawpa ka awm hma chu ka chawl lo. Ka thlen chin hre tura ka hawikual chuan ka lo thlenghla tawh hle tih ka hre chiah. In lam panin ka tlan let leh vang vang a.
.
Ka in awmna thlen hmaa ka thil hmuh vang chuan ding deuh chawtin thawm nei lo hian ka panhnai a. Hetah eng thil nge an tih? Thutak zet hian an inbe sawr sawr a, an hawikual deuh zak zak bawk. Ahmaa dawra an panhniha ka hmuh dun bak kha ka hmu leh ta miah lova, ruahmanna dang an nei dawn a ni ngei mai. A awmzia chu Muffin ka hmuh vat a tul tihna a ni.
.
Ringhlel awm anga lang lo turin ka tlan leh a, ka kawrhak lukhum chuan ka lu khuhin ka tlan pel thuak a. Min rawn enzui em tih ka hre lo.
.
Dar 9 rik hmain office ka thleng vang tawh. Muffin hmu tura chhuah ka tum vangin ka signature mamawh ziah fel ngai ho ka enfel zung zung a. Ka hna a sawt khawp mai.
.
12 rik hmaa office chhuahsanin ka kalna tur hmun ka chiang bawk a ka pan nghal vang vang. Muffin thawhna office ka thlen chuan tawi khawmuang lovin a awmna floor ka panding nghal a, a duh emaw duh lo emaw kan inhmuh ngei angai.
.
A dawhkan hmaa ka ding min hmuh chuan a meng phar ak a. Min hmuh a in beisei lo tih a chiang reng mai.
"Enge i lo tih dawn?" a ti ta nghal reng a.
.
"Nizan ah ka sawi tawh kha."
"Hmuh chhan tur che ka nei lo." min hawisanin dawhkana a lehkha dah chu a bih zui hmak. Engtia tihtur nge ka hria.
A lehkha enlai chu ka la a, min rawn en lo thei ta lo.
.
"Khawi min pe let rawh." a kut veilamin arawn ban a, a zungbun chuan ka mit a la leh ta.
.
"Zungbun nalh tak anih kha."
"Ka hria. Ka lawm e. Khawi lehkha kha."
.
"Kan inbiak angai. I thawhpui te zawng zawngin kan inbiakna hi an hriat i duh ka ring lo." min en vang vang hnu chuan thawk a la ta halh.
.
"A tha e. Tun bak chu hetiang thil hi ti tawh suh. Ka tan pawh thil mawi a nilo. ka duh miah lo a nia." a tih chuan chhang lovin a hmeltha zet chu ka en tawp. He hmeichhia hi ka ta tur chauh a ni. Chu chu a ni hian a inhre lo anih pawhin kei hian ka hriattir ngei ang.
COPAS (HEARTS)
.
CHAPTER - 22
.
Thantei_LauraSean
.
H & E
.
Party naa kal ve ka tum si chuan a hmun ka hriat angai ang chu. Mawizuala khan khawiah ber nge an awm a sawi hauh hleinem mawle.
.
Mawizuala ka call leh a, nui huah huah chung hian a phone arawn pick up a.
.
"Hmm.. A hmun i hre i duh aniang maw?"
.
"Sawi nghal mai mai teh." ka tih chuan a nuih a za lehzual.
"I kuttum kha i lek dawn loh chuan ka hrilh ang che."
.
"Khawiah nge?"
"Thakimi kha i hria tiraw? Khami te in ah khan."
.
"Ka lo kal ang." tih leh phone off ka rual a. Thakimi te in ah teh daih an party chu mak pawh ka ti deuh. Mawizuala min lo thawn photo chu ennawn leh in ka delete nghal daih. Muffin mipa dang bula a awm hmuh ai chuan engpawh ka hmachhawn ngam sak. En liam a nuih pui mai mai thei lo khawpin alaka ka feeling hi a nasa em a ni.
.
Thakimi te in panin motor ka khalhchhuak a, ka mitthla ah nichin maia thlalak hlir kha alang. Thlalak a mipa kha Bon Apetite-a ka hmuh tawh mipa kha ani tih chiang takin ka hria a, an inhnaih zui zel tih erawh ka hrelo der mai ange. Muffin hlim taka nuihtir theitu chu eng ang mipa nge maw anih le? Ka inkhaikhin dawn lova, el lah ka tum hek lo! Ka thil ngaihtuah dan zawng chu duh lovin music ka play ta daih.
.
*Beyonce - Halo* he hla hi hlui deuh tawh mah se ka duh thar riau. Mipa ngaihthlak turah pawh ka lo ngaih lem loh kha a nia. Engtin nge ka playlist-ah hian a lo awm pawh ka hre lo.
.
Ka kal tumna in kawtah motor ka dah fel a, ka rin aiin pawn lam atang chuan inchhung lam thawm a ring lo. Inchhung ka lut a, Mawizuala'n min rawn hmu thuai. Min lo pan nghal vat a.
.
"Thiana hun pawimawh a thleng tep." tih pahin ka darah min beng thuk thuk a, a thusawi awmzia chu ka hre der lo.
.
"Khawnge mi dang hohi?"
"An lo thleng ve tep ang. Tunlai hi eng thil nge i buaipui hmuh i har hle mai." atih chuan chhan ka tum buai hran lo. A hrethiam ve aniang chu thu dang a sawi leh ta vat a. Engtiklai pawh hian ka buai em em reng tih a hrechiang a, a sawitur hre lovin a tawng ve mai mai tih ka hre bawk. Ka thiltih mek leh ka thil chhui ruk hi hria ni phei se mawnga hawlh ang maiin a za sek ta ve ang.
.
An lo thutkhawm laihna lamah chuan ka kal a, Muffin hmel ka hmu lo. Helaia ka kal chhan ber chu amah a nia, ka bia emaw be lo emaw a hmel hmuh hrim hrim ka chak hle tih ka inhriat chhuah chuan keihi alakah ka zawr hle tawh tih ka inhrechiang bawk. Eng thil phiangsen nge maw ka ngaihtuah leh tak hi.
.
Ka inhungna bang zawng zawng dawn awm lo leh ka hriat miah loha tihchim a awm vek chhan hi amah ngei hi a ni. Hmeichhia ka thinlunga ka ngaihven leh hmasak awmchhun__
.
"Helamah hian lo kal la.." tih ri ka hriat chuan ka hawi chhuak vat a. Keimah min be lo nain a nui hmel ka hmuh chuan ka lo hahdam ve huai ringawt. Muffin chuan hmeichhe pakhat chu alama kal turin a huih a, a hmel a lang thar mai. A bula Muanpuia rawn ding ka hmuh chuan dawn awm miah lo hian ka kut ka lo humruh nghal ngawt bawk. Hmeichhe pakhat an bula a thlen chuan an inbia a, Muffin chu za zet hian vanvadak meuhin a nui a.. A nui hmel chuan ka chhungril, ka thling zawng zawng nen min fan chhuak vek ni hian ka hria. Ka awm dan hi a tha hauh lo mai.
.
Ka thutna atanga tho chhuakin an dinna lam chu ka pan a, ka tih hauh loh tur thil ka ti mek tih ka inhriatchhuah chuan an bulah ka ding reng tawh. Muanpuia chuan a kut veilam ah a kai tlat a, tun ang huna a kai tlat hi a tulna pakhatmah a awm lo. Amah vuantu hi keimah chu ni ila thuhran! Muffin kutzungtanga a zungbun tle zauh ka hmuh chuan ka chhungril ah che a awm leh ta. Kan inhmuh hnuhnun ber pawh khan a bun tih ka hmu tawh a, ka zawt buai duh ta lo ani. Min chhan dan tur chu engpawh ni se ka lawmzawngin min chhang dawn lo tih ka hriatchian em vanga zawt buai duh ta lo kha ka ni bawk a.
An bula ka ding min hmuh chuan a nui hmel a reh riai riai a, chiang zet hian min en ta ran mai. Min lawm loh thu a hmui nalh zet atang hian ri chhuak lo mah se a hmel chuan a tilang vek thung.
.
"I tha em? Kan inhmu khat hle mai." ka ti ta ngawt. Muanpuia chu insangmar deuhin Muffin vengtu rinawm ni a inngai ang mai hian a din hnaih zual sauh a. A awm dan chuan ka ngeng a chhun tawk em em.
.
"Tha alawm. Engtin nge i lo kal ve theih zawk a?" a nui lui ve ta hram. Ka lakah chuan tihluihna leh mawi zawnna vang chauhin a nui a, he mihring pa bulah hian tihluihna hmang emaw nui lui hmel a pu ve miah lo anih kha. An bula hmeichhia awm ve chuan min en zak zak hian chhuanlam a siam a, a kalsawn ta hlauh bawk.
.
"Nia, tihtur dang ka lo nei lo hlauh a, ka rawn tel ve anih hi."
.
"Engtin nge i hriat zawk?" a ti leh a. Zawhna min zawt mawlh mawlh leh heta ka awm ve lawm chiah lo anga a lan chhan hi thil eng emaw tak chu a awm ngei ngei ang.
.
"Eng thil nge hriat tur awm?" ka ti ve ta thung. Muanpuia chu a melh zauh a. Muanpuia phiangsen chuan eizawh mai duh hmel pu hian a en tak dauh dauh a. A mit chu khaw hmu thei miah lo tura tuam ka chak hial mai. Ka ngaihtuahna chu leh.. Naupang ngaihtuahna ni awm tawk vel a ni.
.
"I lo kal chhan leh helaia kan thiltih tur hi i hre miah lo anih hmel." Muanpuia chu ka en a, hlim surh hmel hi a pu lehnghal a.
.
"Hre hauh lo mai." ka ti nghut ringawt. Ka lan mawl hmel viau ta ve ang.
.
"Zanin hi Hmingtei nen kan inneih tur lo lawm lawkna hun a ni tih pawh i hre hauh tak lovang." a aw ri ah chuan min tihelna hre thana ka inhriat chu. A ni nen kan inhmuh hmasak ber tum khan ka che mawi lem lo tih ka inhre nain min elhsen tur a ni bik hauh lo. A bula hmeichhia hi ka hmeichhe hmangaih a ni tih a hriatthiam vanga min tiel niin ka hre bawk. "Ni lawm ni My love?" Muffin chu a en a, a ni chu a lo  nui sak thung. Ka chhungril atang hian ka tek chhawk niin ka inhria.
.
Anni pahnih hi an innei ang maw? Engvangin? Engvangin nge an inneih ngawt ang? Ka awm dan inthunun in ka nui suk a.
"Oh! A ni maw? He in hi_"
"Ka nu te in pui a nia. Tupa upa ber ka nih angin ka hun ropui tawn tur lawm lawk nan helai hmun aia tha hi a awm chuang lova." hnehtu inti hmelpu, ka hmaa mipa ding ka hnek lohna chu tlemte  ani. A thusawi nemngheh tum niawm tak hian Muffin lu ah chuan a fawp zoh a. Kei hian engtin nge ka tih dawn le? Engtin nge ka awm dawn? Mawizuala khan helai an kal khawm chhan hre ran hian min ko a ni ngei ang. A chhan min hrilh lawk ni se ka kal loh tur chian zia a hre ngei bawk ang chu. Muffin laka ka rilru puthmang hi engtin nge a hriat ka hre hek lo. Ka ngei hle mai.
.
Muffin hmel chu ka en a, ka chhungril a na ut ut! He mipa hi neih duh khawp hialin a hnaihin a lo ngaina a maw? Ka tlawm chiang teh e! He hmeichhe lakah hian ka tlawm ta anih hi. Ka beidawng mai dawn lo tih erawh ka inhrechiang hle lawi si. Eng thil nge tih ka tum phei chu ka hre chuang hauh lo. Mah se awlsam takin Muffin hi ka thlah dawn lo. Ka pawnlam lan danah care lo angin lang mah ila ka chhungril chu a so bulh bulh a ni ber.
.
"Min lawmpui tura lo kal inih chuan kan lo lawm a che." Muanpuia chu enin ka nui lui suk a, ka bu nghat bawk.
.
"Lawmpuina hlan belh leh pawh i mamawh tawh lo anih kha. Anih phawt u." tia inher in ka kalsan ta.
.
Pawnah ka chhuak a, eng thil  nge tih ka tum pawh hre lovin ka car bul ka thleng der. Ka car chu ka nem dawt a, engtia awm tur nge ka hre hrep lo anih hi. Eng thil nge ka tih ang. Inchhung ah ka hmeichhe hmangaih awm chhun mipa dang  nei mai turin a awm a, kei hian eng thil nge ka lo tih ang? Ka kut pahnih a car nemin ka ding kun deuh a, ka in ngaihtuah fim angai.
.
"I tha em?" ka bula hmeichhe aw ka hriat chuan ka ding ngil thuai a. "Inchhung ah lut ila?" ahmaa Muffin nen inbia hmeichhia kha a ni. Ka hriat ngai  mi a ni lova, engvanga min rawn pawh ve ngawt nge anih pawh ka hre lo.
"Min hre lo  mai thei a, Ngaihawmi ka nia. Hmingtei cousin. I hmel ka hmuh khan Eleazer i ni tih ka lo hre nghal. I tha em?"
.
"Rinmuana" ka ti nghut. Tuna min koh dan duh lo thlan chu a mak viau ta ve ang.
.
"Hmingtei khan Eleazer ti khan a sawi mai che sia."
.
"Min sawi amaw?" ka aw a mak tihna chu ka thuo hman lo. A ni chu a lo nui hak a. Ngaihawmi maw kha. Hmeichhe fel tak a nih dawn hi.
.
"Um, hetiang hi a sawi tam ngai lova, i hming chu a sawi ve tlat. Engpawhnise, thil tha lo tih tum te pawh ka ang. Ka unaunu pasal nei mai tawh tur ngaihzawng hlui bula sawi ah chuan a fuh chiah lo anih hi." a nui zui leh hak hak a.
.
Min sawi tih hriat ringawt pawh ka tan chuan thil pawimawh ani tawh. Khatiang thil zawng zawng thlen hnu khan ka Muffin chuan engtin nge min lo sawi tih hriat chu ka tan a pawimawh em bawk a ni.
.
"Engtin nge a sawi a?" pangngai thei ang ber hian ka zawt nawn leh hram.
.
"A sawi dan che chu a pawimawh viau em ni a?"
"Pawimawh tiin sawi ila mak iti angem?"
.
"Ti lovang. A lakah hian i danglam tih ka hria__Oh! Ka luhsan phawt ang che." tawngsual intih vanga pawiti hmel pu chungin min kalsan nghal a, a thusawi chu ka ngaituah zawm thung. Ka Muffin lakah hian ka danglam maw? Engti zawngin nge niang? Natna chauh thlensaktu anga min ngaihtuah loh hram ka beisei. Ka duh loh dan berin hmangaihna vanga chak lo takin ka awm mek chu a nih si hi.
.
Inchhung ah chuan muangchang in ka lut leh a, pawnah khan eng chena rei nge ka awm ka hre lo. Helai an kalkhawm chhan ber an ti tawh tih an chezia atang chuan ka hre thei. Muffin leh Muanpuia chu an chibai sap sap a, inchhunga awm zawng zawng chuan hlim sar hmel an pu vek bawk. Lut tawh lo tawp tur ka nia, Muffin hmel hmuh leh ka duh vang chauha lut leh ka ni. Ka dinna atang chuan ka en deuh reng a, va pawh tawh lo leh min rawn hmuh leh hmain ka chhuak leh ta.
.
Hmanhmawh vak lovin motor ka khalh chhuak a, ka rilru a buai nuai nuai a ni ber e. Hetiang thil hi a thlen thut thut ka beisei lova, min thawng a ka hamhaih bawk. Tihtheih erawh ka nei tlem hle si. Ka thinlung zawng zawnga ka hmangaih hmeichhiain min kalsan lai  hmuh hi ka thil duh ber a ni lo chiang em asin.
Ka in lam pan lovin ka tlan zel a, khawpui pawn ka thlen chuan kawngsir ah ka ding ta chauh. Car atangin ka chhuak a, thli thaw heuh heuh chu dawngin ka dak vang vang mai. Ka chhungril ah hian ka ruak ta huai niin ka inhria.
.
Rei tawk tak ka awm hnu chuan sana ka en a, dar 1 a lo ri dawn reng mai. Khawpui eng ut chu ka en leh a, tuna ka awmna hmun atang hi chuan a reh ruihin a lang thlamuanthlak ruih mai. Ka chhungrila ka awm mek dan nen khaikhin chuan a inpersan chiang teh e.
.
Ka phone phawrhin ka contact list ka scroll sek a, Muffin number chu ka dial ta nge nge. Ka beisei loh lutuk in arawn pick up ta lehnghal. Tawng mai nachang pawh ka hre lo. Tuna ka awm dan ai hi chuan Muffin ka hriat hmaa ka nun dan kha ka duh zawk. Engmah pawisak nei lo leh zalen taka ka nun dan anga awm leh kha ka duh.
.
"I mu tawh ami?" ka tih rualin mut loh a hun tawh lo tih ka hrechhuak. Ka sawi hman tawh tho.
.
"Um.."mutchhuak aw tak hian chhang a. "Eng thil nge ni ta?" a tih chuan ka rilru ah sawi tur tam tak a lo lut nghal zut zut mai. Ka hmangaih thu hrilh leh ka duh a, a thinlung luahtu mipa awmchhun nih ka duh thu pawh sawi ka duh. A tel lova nun hman ka duh loh thu pawh hrilh ka duh. Mahse ka tawng chhuak lo.
.
"Hello..?" harhchiang ta deuh zawk hian arawn tawng leh a.
.
"Muffin.. Engvang nge?" ka ti ta thlawt. Ringawt maiin a!
.
"Eleazer! I tha em?"
Engvang nge? Tunah min ngaihtuah ni awm takin a tawng leh si a maw? Ka hrethiam thei lo. He hmeichhia hi ka hrethiam hlawl lo.
.
"Ka tha alawm."
"Oh" a ti sap a. Sawitur a hre ta lo aniang a ngawi zui ta daih.
.
"Kha pa kha i hmangaih em?" ka tih chuan a thaw hak niin ka hria.
.
"Chu chu itan a tangkaina a awm lo. Tunang huna inbiak hi a hlauhthawnawm tih i hriat  ve ka ring. Phone hi Ka dah dawn a nia."
.
"Dah suh. Hmuh che ka duh."
.
"A theih loh. Hmuh chhan tur che ka nei lo. Pasal ka nei dawn tih i hria a, chutiang thu chu engtin nge i sawi theih zawk. Inbiak ringawt pawh hi a dik lo."
.
"Naktuk ah ka rawn hmu ang che."
.
"Ti lo la a tha zawk ang. Ka dah ania." tih leh phone off a rual nghal. Min ngaithla tawh lo tih hre chungin "Ka hmangaih che" ka ti leh hram.
.
Ka phone chu akin car-ah ka lut a, tlem tal ka mut ve  atul ang chu. Ka in ka luh chuan inchhung thil engmah danglam zawm si lovin ruak ta riau hian ka hria. Ka chhungrila ka awm dan mak zet vang hi a ni ngei ang.
.
Tuivawt a ka inbual leh zet hnuah ka mu a, ka leh kual chhen hnu chuan khawvar tantirh ah ka muhil ve ta hram. Ka awm dan hi mipa awm dan tur pawh niin ka hre lo. Mahse hmangaihna hian khawvela mipa rorum ber berte pawh a tukzal thin a ni lawmni kha.
.
"Ka hmangaih che. I ta chauh ka ni reng ang." min kuah chial a, a rim pawh ka hre thei. Thawklehkhat ah ka lak atang chuan kalsawnin mipa dang kuah chung hian min en a, min nuihzat tih a hmel atangin a lang vek.
"Eleazer.. Ka hmangaih  ngai lo che tih hi ka hrilh bawk ang che. I lak atanga ka zalen hi ka lawm hle bawk. Mangtha."
Rosa hmel chu ka en a, ka hmangaih thin ngei alawm! Ni lo. Muffin hmel ka mitthla a lo lang vang chuan ka nui ta sak. He thil hi a thuk zawk. Ka chhungril thlenga min khawih danglam thei hmeichhia chu Muffin chauh hi a ni.
"I kal thei ang. Kei chuan ka Muffin ka nei."
.
"A ni pawh khan a kalsan mek che anih hi. Eleazer, khawngaihthlak." a nui hmel chu hmu lo ila ka va duh zawk chiang em. "I damchhunga hun hmanpui duh tur khawp che hmeichhia hi itan an awm lo ani ngei ang." a tizui leh a.
.
Ka thuchhuak nghal hlawl mai. Ka thaw rang hle tih ka inhriat chuan khum atangin ka tho vat a, bathroom-ah lutin tuivawtin ka inphuh nghal.
Rosa thusawi kha a dik reng em ni? Kha hmeichhe hnaisai lo vang khan hun harsa ka tawk a, Muffin tawnga ka hmangaih takzet a ni tih leh amah ka hmangaih aia nasa khan Muffin hi ka hmangaih a ni tih ka inpawm a ka inhriat hma kha chuan amah kha ka hmangaih niin ka lo inhre thin. Hetiang thil hi ka hrethiam tehnuai love. Rosa vang khan ka na hle a, ka mit hmuh lai ngeia ka nupui nimai tawh tur leh mipa dang mu dun hmuh kha a rapthlak, a tenawm tiin sawi ila a dik zawk ang. Kha thil vang khan reitak chhung chu ka nun phung a pangngai lo hial a nih kha. Eleazer tia miin min koh hian Rosa kha ka hriatchhuah thin vangin ka hming hmasa a koh leh biak nih hi ka duh ta ngai lo reng reng a ni. Hriatrengna tuihnai lo zet min kaihthawh sak thin vang a ni bawk ang chu.
Rosa hnuah Hmingthansangi chauh hian ka hming hmasain min ko leh a, mak takin a hmui nalh tak atanga ka hming alam ri ka hriat hian hriatrengna tuihnai lo tak kha ka hriatchhuah phah  ngai tawh lo. Chuti chunh chuan Muffin chauh lo chuan ka hming hmasaa min koh hi ka la duh ta chuang lo fo. MAHSE tunah ka Muffin pawn min kalsan mek chu a nih si hi.
.
Barthroom atanga chhuakin thawmhnaw ka inbel a, ka ngaihtuahna ti hahdam thei tur thil ka tih a tul tih ka hria. Inchhungah insawizawi lovin pawnlamah kal ila a that ka ring.       
.
Ka tlan a, ka tlan zel a. Thaw hleithei lo khawpa ka awm hma chu ka chawl lo. Ka thlen chin hre tura ka hawikual chuan ka lo thlenghla tawh hle tih ka hre chiah. In lam panin ka tlan let leh vang vang a.
.
Ka in awmna thlen hmaa ka thil hmuh vang chuan ding deuh chawtin thawm nei lo hian ka panhnai a. Hetah eng thil nge an tih? Thutak zet hian an inbe sawr sawr a, an hawikual deuh zak zak bawk. Ahmaa dawra an panhniha ka hmuh dun bak kha ka hmu leh ta miah lova, ruahmanna dang an nei dawn a ni ngei mai. A awmzia chu Muffin ka hmuh vat a tul tihna a ni.
.
Ringhlel awm anga lang lo turin ka tlan leh a, ka kawrhak lukhum chuan ka lu khuhin ka tlan pel thuak a. Min rawn enzui em tih ka hre lo.
.
Dar 9 rik hmain office ka thleng vang tawh. Muffin hmu tura chhuah ka tum vangin ka signature mamawh ziah fel ngai ho ka enfel zung zung a. Ka hna a sawt khawp mai.
.
12 rik hmaa office chhuahsanin ka kalna tur hmun ka chiang bawk a ka pan nghal vang vang. Muffin thawhna office ka thlen chuan tawi khawmuang lovin a awmna floor ka panding nghal a, a duh emaw duh lo emaw kan inhmuh ngei angai.
.
A dawhkan hmaa ka ding min hmuh chuan a meng phar ak a. Min hmuh a in beisei lo tih a chiang reng mai.
"Enge i lo tih dawn?" a ti ta nghal reng a.
.
"Nizan ah ka sawi tawh kha."
"Hmuh chhan tur che ka nei lo." min hawisanin dawhkana a lehkha dah chu a bih zui hmak. Engtia tihtur nge ka hria.
A lehkha enlai chu ka la a, min rawn en lo thei ta lo.
.
"Khawi min pe let rawh." a kut veilamin arawn ban a, a zungbun chuan ka mit a la leh ta.
.
"Zungbun nalh tak anih kha."
"Ka hria. Ka lawm e. Khawi lehkha kha."
.
"Kan inbiak angai. I thawhpui te zawng zawngin kan inbiakna hi an hriat i duh ka ring lo." min en vang vang hnu chuan thawk a la ta halh.
.
"A tha e. Tun bak chu hetiang thil hi ti tawh suh. Ka tan pawh thil mawi a nilo. ka duh miah lo a nia." a tih chuan chhang lovin a hmeltha zet chu ka en tawp. He hmeichhia hi ka ta tur chauh a ni. Chu chu a ni hian a inhre lo anih pawhin kei hian ka hriattir ngei ang.
.
COPAS (HEARTS)
.
CHAPTER - 23
.
Thantei_LauraSean
.
H & E
.
HMINGTHANSANGI*
.
Nizan party-ah khan Eleazer hi engvanga lo kal ve nge anih ka hre lova, engtin nge a hriat pawh ka hre hek lo. Ka hmuh khan ka phu nasa hle bawk a nih kha. A hmel hmuh hi ka mamawh hran lova, ka hmuh hian ka buai phah zawk niin ka inhria. Chu chu ka duh miah lo. Kan lo khawsak dun tawh vang khan mi pangngai angin ka enliam thei tawh dawn lo tih ka hrechiang em em a, mahse tunah chuan hetiang thil zawng zawng hi kalsan ka duh tawh takzet a ni. Muanpuia nen kan innei tawh dawn a, rilru pelhe emaw Muanpuia phatsanna rilru put pawh ka duh hek lo.
.
Muanpuia'n kan innei tawh mai dawn tih a sawi lai khan a hmel a danglam zawk tih ka hmu a, mi inthunun thei tak a nih zia erawh ka hmuh hmaih lo thung. Min kalsan hnu khan ka duh reng vang pawh ni lovin ka ngaihven ru deuh tlat lehnghal. Lo kal ve lo tawp se la engkim a fel nimai tur. Dik taka sawi chuan Eleazer kan hmuh phaka a awm tawh chuan Muanpuia awm dan pawh a pangngai chuang lo. A hahthlak ka ti.
Pawna a chhuah hnu khan ka thawveng deuh huai a, ka ngaihven deuh tlat vang  nge ka hre bik lo, Ngaihawmi chhuak ka hmuh leh khan va inhmu fuh palhin Ngaihawmi khan a sawi loh tur tawp a sawite ka lo hlauthawng bawk a. Reiloteah Ngaihawmi lo lut leh ka hmuh khan eng thil mah a thleng lo nih ringin ka thawveng leh ta chauh a ni. Ngaihawmi bulah hian Eleazer chungchang ka lo sawi zauh tawh a, ani hriatna tha lutuk nei hian ka thusawi kha a hrereng dawn tih ka chiang em a, Eleazer nen inbe miah lo se tih hi ka duhthusam a ni bawk.
.
Party a zawh rualin Muanpuia'n min thlah a, Eleazer chungchang a sawiri miah lo chungin a awm dan dik tawk lo leh thinrimna nei sawi chhuak si lova a awm chu ka hriatthiam sak a, thinrimna a neih leh neih loh ka zawh lahin a thinrim loh thu a sawi mai bawk si. Hetiang hi ka buaipui vel thiam loh vangin ngawih lamah ka tlak ta mai a nih kha. Thuruk leh thup then neih ka duh loh vangin nula thianghlim ka nih tawh loh thu pawh Muanpuia hian a hre vek a, chuti chunga min neih duh leh a theih tawp chhuaha min ngaihsak vang hian ka tan a hlu hle tih hi hriat loh luih chi pawh a ni chuang lo. Pangngai takin kan inthlah nain ka rilru erawh a nuam tehchiam lo anih kha.
.
Muhil thei lovin ka tal sek a, ka muhil dawn chauh a ka phone riin min tiharh leh a. Eleazer aw ka hriat khan ka harhchiang nghal kawk mai. Engpawhnise duhtawk ang. Tunah hian engvanga min hmuh leh min biak duh nge anih ka hre lova, ka sawi tawh ang khan tun bak hi ka hmu leh tawh lovang. Tun pawh hi Muanpuia'n a hriat chuan thiamthu sawi tur ka nei dawn miah lo. Chubakah ka duh loh dan berin ka awm mek a nih hi.
.
"Ka tawng i hre miah lo_" Eleazer chu ka en a, a ni pawh chuan motor khalh pahin min rawn en zawk bawk. Ka ngaihtuahna a kal ding em vangin a thusawi ka lo hre miah lo a ni.
.
"Enge i sawi?" ka ti tha mai a.
.
"In inneih ni tur in tifel tawh em?" a tih chuan ka nui tawp. Engatan nge maw a tih le? Ngaihzawng hluite zawh atan chuan a zawttu tan leh a chhangtu tur tan a nuam lo ve ve. Ka ngaih serious lutuk vang nge pawh ka hre tawh bik lo.
.
"December thla tir lam a ni maithei. A la chiang chiah lova." ka tih chuan tawng tawh lovin angawi ta daih a. "Chuan, Eleazer_kan inkarah hian engmah a awm tawh lo bawk a, Alawmi chungchang a ni emaw tabi chungchang, eng chungchang pawh ni se kan pahnih hian a fala inhmuh ka duh tawh lovang. Tun pawh hi a zialo ka ti tan__" motor a tiding hrawk a, ka lo inring lo bawk nen ka bu deuh lawp mai.
.
"Anih chuan kei hi engtin nge ka awm ve ang?" chiang lutuk hian min en a, a thusawi awmzia chu ka man pha chiah lo niin ka hria.
.
"I awm dan tur chu nangman i hria ang chu. Keiin ka hre hleinem." ka tih chuan a tawng hriat theih lohin a phun hluk a. Car steering wheel chu a hmer na tawk ang ti hriat tak hian a kut chang a var pap bawk. Maimitchhing in a insehruh talh talh a, ka en tawp. Hetianga awm tur hian__
.
"Ka hmangaih che tih ka sawinawn leh e." a tawng chu a ri tham deuhin awlsam takin a sawichhuak lo tih ka hrethiam. Ka chhungril a nghing dawt ni hian ka hre leh bawk. Ni lo.. Eng thu pawh sawi se kei chu ka danglam lovang. Danglam tur pawh ka ni lo.
.
"Chu chuan awmzia a nei tawh lo." amah ka en a, a ni chuan min en lovin hmalam a en ngur thung a. A hmel tlang tha zet atang chuan phat rual lohin lungngaihna ka hmu a ni. Hetianga awm tur hi a ni lo asin. Na theihtawpin min hnawl a, amah ringngam tawh lo tur hian dikna ka nei. Ka sawitum tak zawk chu__Eng thil nge maw ka tih dawn le? Ka duhthlanna chu ni se a ni hi ka hmangaih hauh lo tur a nia. Hetianga rilru na hmel ka hmuh chuan ka nem mai ang tih ka hlau a ni. Aman na taka min siam ang khan mi phatsanin tumah tihnat ka duh lo. Muanpuian innei tura min sawmna ka pawmpui tawh a, Muanpuia hi Eleazer ai hian hmangaih lo zawk pawh ni ila ka phatsan chuang lovang. Ka tawrh ang natna kha mi dang ka tuartir ve dawn lo.
.
"Ti tura min duh sawi la, engpawh ka ti ang. Tun ang huna hetiang thu i bula sawi hi a diklo tih ka hria. Mahse, chumi avang ringawt chuan ngawi rengin ka thlah thei lo che."
.
"A diklo tih i hriat chuan a tha anih chu. Tuna ka zui che pawh hi thilsual lian tak tiah ka inngai tawh a nia. Let leh ang. Kan inhmu lo ang  ni rawh se." ka thu ngil a.
 Muangchang a min rawn enin a hmel chu a thutak tih piahlam a ni. A mitmeng mawlh chu! Hetianga tlawm hmelpu hian ka hmuh ka inring ngailo mai a ni lo, Eleazer hian tlawm hmel a tihlan ka lo ring ngai lo hrim hrim. Hetianga a awmlai hmuh hi ka duh hauh lo tih ka inhrechiang hle bawk. Hreawm ka ti lutuk takzet. Mahse, a tlai tawh. Tunah chuan Muanpuia lakah ka rinawm tur a ni a, engvang mahin ka phatsan lovang.
.
"Kan pahnih hian innei tur kan ni lo. Eleazer_ Kan intawng pawh kha tihpalh thil a ni ngei ang."
.
"Tih palh thil a ni thei lo."tih chiah a sawi. A tawngkam chuan min tina hle tih ka thup thei hlek lo mai. Dawn awm miah lovin ka thin a rim bawk. A tira a thlen ang chiah khan min khawih na thar leh ta a nih hi.
.
"Anih chuan ilaka tlawm tak leh ka damchhunga ka la tih ngai miah lo ti a min then lo tura ka ngen lai che khan i tih palh thil ni miah lovin min hnawl tiraw?" kun deuhin thawk a la a, min chhan loh vang chuan ka thinrim zual sauh bawk. "Engvanga zawt che nge maw ka nih le.." ka tawng khur deuh chu ka hnuk ulh vang a ni tih a hriat loh ka beisei. A hmel en tawh lovin ka kun a, ka mittui tla tur chu ka khap kir sawk sawk mai. Tun hi rilru no hun a ni lo.. Ka samin ka hmai a hliah then hlauh chu ka lawm hle.
.
"Keihi mi a ka ni. Ka chhungrila nghawng i neih hi ka hrethiam lova, ka tina che tih ka inhria. Ka tih palh.."
.
"Ka tih palh tih i sawi chuan ka thinlunga ser thuk tak i siam hi a tireh nghalin i ring em?" tunah chuan ka insum thei ta lo. Ka mittui a luang zung zung a, ka hmel a hmuh theih loh nan ka kun ta ringawt. Hetianga awm tur hi ka ni lo asin. Ka duh loh dan berin Eleazer hriatah ka tap ta anih hi. Ka thin a rim a, ka siamthat theih tawh loh hun liamta vang khan keimah ka inhua a, tunah min hmangaih thu a sawi thar leh tak vanga tap pawh ka ni chuang lo. Muanpuia nen kan inneih dawn si vang leh amah ka hnaih theih tawh dawn loh vanga tap pawh ka ni chuang lo. Ni teuh lo mai. Ka thinlung chhunga ka lo up beh ngar ngar tawh natna nasa lutuk khan tunah hian ka rin loh lam atangin min rawn bei leta ka hriatthiam hauh loh danin ka ngaihtuahna hian min fan a ni. Eng thil ber nge ka ngaihtuah pawh chu ka hre chuang lo.
.
Min rawn ban a, ka dara  min rawn khawih chuan "Min khawih suh.." tiin ka inhip nghal hlawp mai. A va zialo tak em!
.
"Ka tih palh.."
.
"Awmzia a awm lo ka tih chu." ka chhang vin ta viau. Dawn awm miah lo hian min rawn kuah bet a. He thil hi a diklo hulhual.
.
"Eng thil nge itih a? Min thlah rawh."
.
"Shh_"
.
"Shh_tih khan awmzia anei lo. Eleazer_" min thlah theih nan ka tal a, min pawm nghet telh telh zawkin ka hria. Ka tal nasat poh leh min kuah nghet telh telh. A dik. Ka tha neih zawng zawng sawm khawmin ka tal a ka kutin a rem lai laiah ka tham a ka ham bawk a. Ka tina tham lo tih ka hriatin ka thin a rim zual zawk. Nui hawk in min thlah a, kan pahnih chuan chet tum tawh lovin hnai zetah chiang lutuk hian kan inen ran a, kan thaw dun deuh hlawp hlawp mai. A nui hmel a reh riai riai a, thil thar hmu ang mai hian hmuhnawm tih hmel takin min en leh ta zawk a. Chu chu ka duh lo.
.
"Ka hmangaih che!" a aia tawngkam chiang a awm tawh kher lovang. Ka mit lasawn lovin ka la en ngar a, min hmangaih thu a sawi pawh chu hre lo angin ka awm lui hmiah.
.
"Awmzia a awm lo." ka ti ta sap a. Thu tawp ka sawi tih ka tawng dan atang chuan hre ngei se ka duh bawk. Hetiang angai leh ngai a kual leh thin hian khawi hmun mah min thlen dawn lo ve.
"A awm ngei ang."
"Eleazer. Awmzia a awm tawh lo. Min hmangaih emaw hmangaih lo emaw, ka hmangaih che emaw hmangaih lo che emaw.. Tunah chuan engkim a tawp tawh. Keiin nat  leh  ka duh tawh lova, nang pawhin min mamawh lo. Ka thianghlimna ka hlan che khan min nawrlui lova ka duh thu ngeia kha thil kha ti ka ni bawk a. Inchhir ka tum lo.. Chuan.."
.
"Duhtawk tawh rawh.. Muffin_"
.
"Ni love. Muanpuia nen kan innei dawn tih i hria a, ka laka insawitheihna tur i neih vang chauh khan min tibuai zawm tur tihna a ni lo.."
"Chutiang chuan sawi suh. Ka tan kha thil kha a hlu asin."
.
"Tawk tawh rawh se. Ka chau zo tawh. Inhmuh leh ka duh tawh lo. Mangtha le." kan awmna lai chu khawilai hmun nge tih ka ngaihtuah hman tawh lo. Car atang chuan ka chhuak a, ka duhna  lam hawiin ka kal pawp ringawt.
.
Car kawngka inkhar ri pawp ka hriat hnu rei vak lovah ka banah min rawn vawn chuan din tum lovin ka tang a. "Duhtawk rawh!" a ti ta hrawk a. A tawng zawi leh lutuk chu a hlauhawm zawk. Ka ip deuh chawih mai. A hmel ka en vat a, a insehruh talh talh mai.
.
"I sawi kha ka hria. Ka thusawi pawh kha thudik a ni. I duh ang takin ka hmu tawh lovang che. Venhim che erawh hi chu ka hna a ni." a thusawi awmzia chu ka hre lo.
.
"Venhim ka ngai hleinem. Venhimna ka mamawh ta anih pawhin Muanpuia ka nei alawm." ka ti leh hram. Min thlah nawk a, engmah sawi tawh lovin a motor dahna lamah a let leh a. Ka enzui rei duh lo. Inher ve hmakin ka hma zawnah ka kal lehnghal a, motor chak zeta tlan thawm ka hriat pawh chuan ka hawilet duh chuang lo. Amah bak a ni dawn lo tih ka hriat vang a ni pakhat.
.
Ka bulah arawn ding nghing lawih a, min tlansan vang vang lo chu mak ka ti tawh zawk. Dik taka sawi chuan atan ngeiawm leh tawrhhlelhawm tak takin ka tawng tih ka inhria a, min la ngaihsak hi mak ka ti ta zawk hial.
.
"Lo lut rawh." a aw atangin engmah a lang lo. Luh tum lovin ka kal lui a "Muffin_ Kawng i bo ngei ngei dawn ania. A him tehchiam lo bawk." ka kal lui zel dawn em ka hre ta lo. Kan kal lam ka ngaihtuah let a, Eleazer thusawi hi a dik chiah. Ke a ka kallui anih chuan kawng ka bo dawn chiang lutuk.
.
Ngawi rengin motor-ah chuan ka lut a, hmalam en ngarin ka thu ngil at a. Ka awm dan chu hmaih nei miah lovin min en reng tih ka hria. Ka mitsirin ka hmu reng bawk a. A lu thingin tawng a tum zet a, a thulh leh ta zawk. Inhnial reng a peih ta bik lo aniang.
.
Motor chu tinung lehin "Ka hrethiam thei hrep lo che!" tiin a phun hluk a, ka chhang duh ta lo. A tawng chu ka hriat pawh a ring lovang.
.
.
ELEAZER*
.
 Ngawi rengin motor ka khalh a, ka chhungril awm dan chu ka sawifiah thiam lo. Sawifiah ngaihna a awm lo tiin sawi ila a dik zawk ang. Muffin pawh chu a ngawi ngar a, a tawng  bik miah lovang tih ka hria. A tawngkam zawng zawng kha ka ngaihtuah let a a dik vek. Dik lo chu keimah hi ka ni. Ka hma ka lo sial lutuk pawh a ni mahna.
.
A hunlaia a ka thiltih zawng zawng kha ngaihtuah leta siamthat theih tawh loh thil ka tihte ngaihtuah nawn erawh ka tum lo. Pasal a nei lai hi ka en thei angem ka hre lova, ka rilru a venhim ka duhna erawh a la ngai reng, Ka hmangaihna pawh.
.
An office kan thlen leh thlengin kan inbe tawh lo. Motor ka dintir chuan ngawi rengin a chhuk a, vawikhat pawh min melh tawh lovin min kalsan ta.
.
Ni a liam a, kar a liam a, ka awm dan hi a tha lo telh telh niin ka hria. Hetiang taka mumal lo hian a lo nun theih tih lah ka hre hek lo. Zanah ka mu thei meuh lova, Muffin hmu tuma kal lo turin ka inthunun angai bawk a, ka hah hluah hluah reng mai. Sawmzuala ka tlawh zeuh zeuh a, a bula ka buaina sawi erawh ka tum hran lo. Min pui thei dawn lo chiang em a, keimaha tuar tlawk tlawk hi ka duh zawk mai e.
.
Zanah keimaha awmin Alawmi chungchang ka chhuina a thil pawimawh ka dahna box chu phawrhin uluk fe hian ka ennawn leh hlawm a. Thil thenkhat chu a tangkai zui ta lem lo. Muffin bulhnaia ka hmuh ngai tak loh Te-a kha nimin piah khan ka hmu a, ka chik viau nain thil danglam amah khan a awm lova, ngaihven zui ngaiah ka dah lo bawk.
.
Khawvar dawn hnaihah ka thutna chair-ah chuan ka muthlu sek a, ka taksa a chau tawngkhawng ve ta deuh a niang. Ka mumang pawh a buai nuaih mai.
.
Ka harh chuan intifaiin office panin ka chhuak nghal deuh mai a, vawiin hian tihtur pawimawh em em ka neih pawh ka hre lo. Ka zawi ngawih ngawih a ni ber e.
.
Chhun dar 12 a pel awrh tihin ka hmelhriat ngai pawh ni lo hmeichhe pakhat hi arawn lut hlawl a, lo dang turin ka secretary awm loh lai tak a ni bawk.
.
"Hrilh tur che ka nei." arawn ti nghal tawng mai. Amah chu chik zetin ka en a ka la hmu ngai miah lo tih ka chian nawn leh a ni ber.
"Hmingthansangi nen sawn hmanni khan ka hmu dun che u a, ka lo inrawlhna tur a ni miah lo tih ka hre nain nunna chungchang thu a ni sia, ka rawn pan tawp mai che."
.
"Eng thil nge?" tih chiahin ka chhang. A thusawi chu ngaihven lutuk anga lan a tulna ka hre hran lo. Ka ring dawn nge dawn lo pawh ka hre hek lova.
.
"Keihi_" rawn kunhniam deuhin zawi zet hian a tawng sar sar a, amah zuiru rengtu awm ang leh a tawng m i dangin an hriat ve hlau takin a awm ni berin ka hria "Robert-a cousin ka nia. Te-a u. Tea chu I hriat ngei ka ring" um, a thusawi chuan awmzia a nei ta deuh.
"Sawi duh i neih chuan sawi rawh. Ka lo ngaithla ang."
.
"Te-a leh Hmingtei khan Robert-a thihna chungchanga rinhlelh an neih thu an sawi ka hria a,  ngawi rengin ka lo ngaihven a. Tu ber nge thil tikual veltu hi ka hre lo nain nizan khan kan in bulah mi hmuh ka nei a. ti ila, an inbiakna ka hria a ni zawk ang chu."
.
"Sawi zel rawh.." ka tih chuan min melh zoh a. Thawk a la ri halh bawk a.
.
"Tlai lam hian Lazarus Hotel ah sawn thiltih khawm a awm dawn a, va kal ve la i hrethiam mai ang."
.
"Ka kal ve kher a tulna chhan tur chu eng thil nge?"
.
"Ka kal theih dawn loh vangin!" a ti nghat a, ka ring lemlo tih a inhrethiam ve aniang chu lungawi chiah lo hmel a pu ta bawk. "Kal thei ila chu ka hmelhriat pawh ni lo mi nelawm fahran lo hi ka lo pan che in i ring em? Bakah, Hmingtei tan chauha ti ka ni. Engmaha hre lova.."
.
"Eng thil nge a hriat loh chu?"
.
"Ka sawi dawn reng alawm. I van nelawm loh em em.." a ti leh rih. A lo kal tirha a hlauthawng hmel kha a bo deuh tawh a, tunah chuan min ngei hmel a pu.
.
"Sawi rawh."
.
"Hmingtei hi i hmangaih tiraw?" uluk zetin ka en tawp. He hmeichhia hi ka ring ta hauh lo mai. Muffin ka hmangaih leh hmangaih loh hre turin min lo chhui ru anih ngawt loh chuan heng thil hi a hriat nachhan tur a awm lo.
.
.
"Min ringhlel duh suh. A hming ka sawi rual khan i awm dan kha ka hrethiam mai. Hetiang thil hi ka lo tawk ve tawh a. Tun thlengin pasal nei lovin ka la awm phah anih hi. Nang aiin ka upa zawk ang. Chuan,ka thusawi chu__ Lazarus Hotel ah tlaiah kal la, Hmingtei'n engmah ei suh se. A bak chu engmah ka sawi lovang. Min rin loh  hmel bawk a, chu zawng chu ka hrilh ang che." a ti ta hmak hmak a. A sawi takah chuan a hmel enchianin a naupang chhe tawh lo tih a hriat.
.
"I duh chuan ka rualin i lo kal thei ang." ka tih chuan a meng phar awk mai.
"Ka kal thei lo ka tih chu."
"Enge a chhan?"
"Ka thei lo a nimai. Hrilh che ka tum lo."
"Nizan a inbia i hriat chu mipa nge hmeichhia an nih? In in bulah kher engtin nge an inbiak theih?"
.
"Mipa leh hmeichhia an nia. An vawikhat tihna a ni lo alawm. An hmel ka hmu ngai lo mai pawh a."
.
"Ka hrethiam e." ka tih chuan a phawk lehzual.
.
"Tunge annih i hria tihna maw?" a tih chuan ka thle nghut ringawt. Ngaih dan ni lo taka thaw halh chungin a thutna atang chuan a tho a.
.
"Ka kal phawt ange. Kan inhmuh leh chuan dawr nuam deuh tawh ang che." la tawng pah reng chung chuan a kal chhuak a, ka ngaihtuahna a ti kal thui hle mai.
COPAS (HEARTS)
.
CHAPTER - 24
.
Thantei_LauraSean
.
H & E
.
Tlai lam dar thum a rik chuan ka za sek tawh. Muffin phone-a biak tumin ka call-a a phone  apick up thei miah lo lehnghal. Kha hmeichhe thu rawn sawi khan ka ngaihtuahna a hruai vang nge ka hre lo, thil tha lo tak thleng tur awma hriatna ka neu nghet bur mai. Tih theih eng emaw chu ka nei alawm.
.
Ka phone lain coantact list ka scroll pawp pawp a, Lazarus Hotel biak theihna number chu ka dial nghal a.
.
"Hello, Lazarus Hotel. Tanpui theihna che ka nei em?"
.
Receptionist nen kan inbiak zawh chuan ka chair-ah ka thu leh rih. Engpawhnise, ka va kal ngei chu a ngai a nih hi. Kha hmeichhia khan Muffin chungchang a sawi vang chauhin ka kal ang. Sawmna dawng lo chunga va kal hi ka chak bik lo hle a, chutih rualin ka kal loh chuan Muffin chungah engpawh thleng se ka inngaidam thei dawn lo tih ka inhrechiang hle si. Kha hmeichhia khan thudik min hrilh ngei em tih chianna pawh ka la nei lo lehnghal.
.
Dar 4 a ri a, muangchang deuh takin ka office ka chhuahsan a, thil thleng thei ka ngaihtuah kual char char a ni ber e. Lazarus Hotel ka thlen chuan nidang ang bawkin a lun leh hle a, mi lut leh chhuak an awm reng bawk. He Hotel neitu Robinson nen hian vawi engemaw zat kan indawr tawh a, inhmelhriat tha tak kan nih bakah inanna tam tak kan nei bawk. Engtikah emaw chuan kan la thawkdun mahna. Tunah pawh hian hotel chhunga an bungrua tam zawk hi kan hnen atanga an lak a ni tawh ber a, duhthusama tha vek a ni.
.
Muangchang zui lovin Hotel lobbby ka kal tlang a, ka hminga min ko ri ka hriat chuan ka hawi let thuai a. Robinson lo ni rengin. Min rawn pan ka hmuh chuan ka pan ve thuai a.
.
"Kan inhmu hlawl mai. Biak che ka lo tum reng tawh zawk a, thil dang buaipui ka neih vangin ka tum angin ka awm thei ta lova. Kan inhmu chu a lawmawm hle mai." a ti ve duah a. "Mumal zawka kan inhmuh thuai ka beisei ange." a tih chuan a thusawi chu ka pawmpui tih lantir nan ka bu nghat.
.
"Bungraw thenkhat hi tihral a a thar veka thlak kan duh a, nangmahni bawk lo chu duhthusam a tha han dawr tur kan hre mai lo anih hmel hi a."
.
"A tha lam a nih chu, kan indawr thuai dawn nia."
"A lawmawm hle mai. Ka kal phawt ange." tih pahin a nupuiin a nghahna lam chu a hawi phei zauh a.
Nupa inhmeh tak chu annih hi. A nupui pawh chuan min rawn nuih sang mai.
.
Hotel atanga an kal chhuak chu ka enzui a, an chhuak fel chiah tihah Muffin leh Muanpuia an rawn pen lut ve chiah. Hawisawn vatin ka kalsawn nghal hmiah mai. Ka hmel min hmuh ka duh hauh lo. A tul tawp anih loh chuan an hmuh tura inlan ka tum hauh lo bawk.
.
An pahnih chuan eng emaw sawiin an nui hak hak a, ka chhungril natzia chu ka hrethiam phak lo zawk. Kei hi an pahniha hlim taka an awmlai thlir tur ringawtin helai hmun hi ka pan hauh lo tih ka ngaihtuah nawn a nih loh chuan tuna ka thil hmuh vang ringawt pawh hian ka puakkeh lo chauh chu anih si hi mawle. Hetiang ka nih si chuan kei hian Muffin leh mipa dang innei lai chu ka thlir liam thei dawn lo chiang khawp. Muffin himna ka duh vang chauhin hetiang thil hi ka hmuh angai ta si chu a nia.
.
An pahniha inchung pana an kal chu an hnungah min hmuh phak loh tur tawkin ka zui chho a, an la tawng bawrh bawrh tho. Muffin hi ka bulah tuna ka hmuh ang hian a titi ngai miah lova, ka lawm lo.. Ka lungawi hlawl lo a ni e. Tunah chuan alakah engmah ka ni tawh lo tih chiang takin min hmuhtir mai pawh ni lo, ama tawngkam ngeiin chiang takin min hmuh a duh loh thu min hrilh tawh a, ka la buaipui zui zel hi keimah ngei pawh ka inhrethiam lo hulhual.
.
A tawk e! Tunah chuan a hmangaih theihnan che ni lo a nun chhanhim tur leh i hmangaih a ni tih tilang turin i bei mek a ni. I hlawhtling ta lo anih pawhin i hmangaih ber nunna i chhanhim chuan hmangaihnaa pasaltha i ni tho tho.. Ka ngaihtuahna zet chu a va chauhthubarawh ta ve!
.
Pindan pakhatah an lut a, pawn lam atanga thawm hriat theih atang chuan anmahni chauhin an awm dawn lo tih a chiang a, awmze nei lo zetin ka thla a muang ve deuh ngawt. Tuna ka awmna ngaiah hian ka awm reng anih chuan mak tiin min hmu apiangin min en ngei ang. Chu chu tunah tak hian pawi sa thei pawh ka ni rih chuang lo. An awmna room-ah va lut ve ngawt dawn ila thil dik a ni thei meuh si lo.
.
Minute 5-10 ka awmna ngaia ka awm hnu chuan eitur keng hmeichhia a lo kal a, ka lo ko ding chawt.
.
"Eitur hi khawia siam nge?" hnai zeta din chilhin ka en chhuk run a, mak tih hmel lutuk hian min en chho kal mai.
"Hotel-a kan siam hi a nia. Eng thil nge ni ta?"
.
"Heihi ka lo la anga, a dang i la leh thei angem?" mak min tih hmel lehzual.
.
"Ah_thei lo ka pu. Heihi an order lawk a nia."
.
"In Hotel-a thil siam ei vanga mi a thi emaw harsatna lian tak a tawh phah chuan mawh i phur thei tih i inhria em?" min melh ram ram a, a lungawi loh hmel hle.
.
"Chutiang thil chu a thleng lovang. Engkim ah kan fimkhur em em vek alawm. I rinhlelh chuan keimah ngei pawh hian ka ei thei ang chu." a ti leh zat zat a. A sawi him dan atang chuan keihi ka lo hlauthawng mah mah niah ka inngai dawn dawn alawm le.
.
"Aw le. Ka tibuai che a min hrethiam dawn nia." ka tih chuan a nui ta sak. Muffin te awmna pindana a luh hma chuan a hmai a tuam leh zet a, a kuta thilken a neih chu ka hmu fuh chiang khawp mai. Eng thil nge anih erawh ka hre lo thung.
.
Eng ber nge ka tih dawn ka hre mai lo. Inchhunga a lut chu ka en a, uluk zet hian kawngka kharin a mitmeng atang chuan min nuih leh sak tih ka hre thei. Him taah leh hlawhtling ngei turah a inngai a ni  ngei ang.
.
Ka sana ka en a, a lo chhuah leh huna min hmuh loh nan tlemin ka tawlhsawn hlek. Ka rinhlelh ang chiahin reiloteah arawn chhuak a, hawi zak zakin pindan a luh hmaa a thil ken kha kawngka bulah chuan a thlauh lui a, a thiltih dan chu a huaisar in a inringtawk hle. A vawikhat tihna a ni lo tih a chiang em em. Engvanga thlauh lui nge anih tih tunah ka ngaihtuah buai hman rih lo. A kal liam rualin pindan kawngka chu ka hawng rawp a, a hmaa ka lo ngaihtuah mak min ti ang tih vel mai mai khan ka rilru a luah pha tawh lo. Kei, mahni indahsang ve tak leh kei ka ni inti ve lah thin hi sawm lohvin mi dang pindan hman hawh mekah ka penlut ta anih chu!
.
Pindan chhung chei dan ka hmuh chuan ka ding leh chawt. Pangpar in a khat vek emaw tih mai tur a ni. Dawhkan pahnih awm chu mi pali hian an lo kil thap a, an eitur theuh an hmaah a awm tawh bawk. An titi a, ka thawm an hre lo a ni ngei ang tumah an lo hawichhuak lo.
.
"Engmah kha ei suh!" phawk zet hian min rawn en thap a, Muffin hmel chu keimah ka ni tih min hmuh rualin a phawk lehzual. A thutna atangin a ding hluai a,an hmaa eitur awm ka en chuan an lo ei hman tawh tih a hriat theih.
.
"Eng_Enge i rawn tih?" a ti bah nawk nawk mai. Keiin thil dang ka ngaihtuah tawh lo. Pan hnaiin dawhkana a plate chu ka en a.
.
"I ei hman em?" ka tih chuan a ngaihna hriat loh hmel takin a bu nghat a. Dawn a awm lo, a banah vuanin ka kai nghal dawrh a, Muanpuia chu min dan tumin a lo che ve nghal phat bawk "Damdawiin a kan kal  nghal angai anih chu."
.
"Hei, enge thil awmzia? Min tihlauthawng a nia." Muffin hmel hmahaih lutuk chu a khawngaihthlak zawk.
.
""Hetah hian eng thil nge i rawn tih? Min tihbuai i tum ve hrim hrim a ni em?" Muanpuia chu rum lutuk tak zet hian ka melh a, ka tawng tawh lo.
.
"Min zui phawt rawh."
"Ka thei lo. _Eleazer?" an dinner kilpuite chu ngaihthiam dil hmelpu hian Muffin chuan a en a, hetianga midang bula inthlahrung hmel pu tur hian ka phal miah lo.
.
"Min lo hrethiam rawh u." Muffin chu kalpui ka tum a, ka kawr awmah Muanpuia'n min rawn tham chuan ka insumthei lo thelh a ni. Mahse, tunah chuan insual buai hman ka ni rih lo.
.
"Min thlah rawh. Muffin hi thi tura i duh anih loh chuan min hruaitir rawh!" Muanpuia chu a mengphawk kawk a, min thamna erawha thlah duh lo thung.
.
"Eng thu nge i sawi chu?" a khur deuh dawt dawt mai.
"Ka awm i thamna hi thlah rawh." a kut chu enin a mitah ka en leh a, ka tihtak zia a hrethiam a ni ngei ang, min thlah ruai ruai a.
.
"Ka awm dan hi a dik miah lo." Dawhkan kila la thu hmeichhia chu a talbuai nghal chu a ni der. Kan inen kual a, kan zavaiin kan hamhaih ta vek mai.
.
"I tha em?" Muffin chu hnai zetah ka en a, a tha tih min hriattir nan a bu nghal vat a.
.
"In eitur hi in thlak thleng em?"
"Aw.."
.
Hmeichhia chuan vial ngalh ngalh pahin min rawn chhang a, a bulah ka thuhniam ta vat. Muffin erawh mak tia ang pham chungin min en tawp.
"Damdawiin ah kan hruai nghal angai anih hi."
.
Kan che zung zung a, Hotel atangin hmeichhia chu ka pawm chhuak a,min hmu apiangin thil awmzia hriat tumin min hual tak tuau tuau a. Kan tlai loh hram ka beisei.
.
Damdawiin kan thlen hnu chuan thil awmzia ka sawi zung zung a, Muffin leh Muanpuia paw'n engmah sawi lovin min zui ve zel a. An thiannu hmun danga an hruai hnu chuan kan inbe thei ta chauh.
.
"Khatiang thil kha enge a awmzia? Engtin nge i hriat theih?" min rinhlelh hmel zetin Muanpuia chuan min en ve khanglang a.
.
"Tunah chuan sawi tur a awm tawh lo. Muffin i bula a awm hian a him lo tih i hrethiam tawh ang chu."
.
"Muffin tih pawh chuan i koh chhen le. Ka nupui ni mai tur hi khatiang khan i ko thei lovang!" a tawng zawi viau nain a hmel atang chuan keimah ang thovin thinrimna nasa tak a nei ve tih a langchiang.
.
"Ka duh dana ko turin nang hian min dang thei lovang." hnai zetah kan inen ngur a, ka hmeichhe hmangaih ber neih tumtu hi khawih ka chak lo bikin i ring em? Ka khawih chak zek zek..
.
"Duhtawk ru. Inhnial buai hun a ni lo. Eleazer, khawngaihin min kalsan phawt rawh." ka thu hriat chu awih lo lutuk in Muffin chu ka en tawp. Engtin nge kalsan tura  min hrilh theih zawk?
.
"Khawngaihin_" a ti leh sap a. Eng thil nge maw a ngaihtuah reuh le?
.
"Ka duh hunah ka kal ang." ka dinna bul chair-ah chuan thuin ka hmel atang chuan kal ka tum loh zia an hre ngei ang chu.
.
Kan pathum chuan boruak nuam lo zet hnuaiah kan thu ngawi thap a, hotel room-a awm ve mipa lo kal ve miah lo kha mak ka ti viau mai. Thil thlen dan hi a buai nuai nuai a ni ber hi.
.
Doctor a lo chhuah chuan kan lo ngaihven thuai a, an thiannu chu a that thu leh a taksa a tur awm an paihchhuah thu a sawi hnu chuan ngawirengin ka kalsan ta. Kei min mamawh lova kha mihring bula Muffin awm kha ka hmu thei tawh lo.
.
"Eleazer, lo ding lawk." min kohna chu hre lo anga lang luiin ka kal hmiah hmiah. "Eleazer_"
.
 A kut nem thep a ka kut arawn vawn chuan ka ding chiang teh e.
.
"Eng thil nge i duh?" chiang zet hian ka en a, inthiam lo niawm tak hian min melh dai lehnghal. A hmai fai ser chu khawih lo turin ka kekawr ipte ka zen ta daih.
"Thil awm zia hi ka hrethiam lo." a meng khup lapin a hmel chu a lan dana dang tih ka hai lo.
.
"I hrethiam duh ngai lo reng a ni."
.
"Ka_Eleazer. Heng thil hi engtikah nge a reh ang?"
.
"Pathian chauhin a hria. I pasal hual thikthu chhe zet bulah khan va let leh tawh rawh." ka sawi zawh rualin laklet lehnghal ka duh hial mai. Muffin chu a lo nui hak thung.
“Vawiin a I lo lan vang khan ka lawm e aw. Lo kal lo la chuan Mami kha kan chhan hman miah lovang.”
.
"In enkawl tha ang che." hawilet tawh lovin ka kalsan a, awm dan tur ka hre hauh lo nia.
.
.
Ni hnih ral leh chhung chu Muffin chanchin engmah ka hre leh  ta lo. Ka buai tawk ve em vang a nih mai bakah Muanpuia hmel hmuh kha ka chak hlawl lo a ni ber.
.
Zanah muhil mai thei lovin khumah ka let sek a, ka phone a rik chuan dawn awm lovin ka pick up  nghal a. Tun ang huna min lo bia hi a mak piah lamah thil eng emaw a thleng ngei ang tih ka ring.
.
"Eleazer_" a inhip hlawp hlawp a, a tawng hleithei lo.
.
"I tha em? Eng thil nge thleng?" engtik laiin nge khum atanga ka thawh ka hre lo reng reng.
.
"Kan_Kan in ah i lo kal thei angem?"
Banga sana tar ka en a, zing lam dar 2 a pel tawh. Hlauhthawn loh tum luih theih pawh a ni lo.
.
"Ka lo kal nghal."
An chungah thil tha lo a thleng leh a nih chuan engmah ka  nghak khawtlai tawh lovang!
.
COPAS (HEARTS)
.
CHAPTER - 25
.
Thantei_LauraSean
.
H & E
.
Kawr ha tha mawlh mawlh chungin in ka chhuahsan a, garage atanga motor la chhuakin chak mah mah hian ka khalhchhuak nghal a. Muffin te in ka thlen chuan ka rin dan ni chiah lo angin a lo reh thiap. Kawngkhar kikin inchhungah ka lut mai dawn nge pawnah hian ka lo nghak tawp dawn tih ka hrethiam lo.
.
Ka inngaihtuah buai chhungin an kawngkapui chu arawn ri rak a, hmeichhe lo chhuak chu Muffin ngei a niin ka hria. Pawnlam light an off vek vangin a hmuhchian theih chiah loh.
.
"Eleazer_" a ti tham chal a, a aw atang chuan a tap fe tawh ang tih a hriat. Nasa taka a tah chhan chu eng thil nge tih hre lo mah ila ka thin a lo ur ve nghal em em ringawt a. Bakah, kei kher, mi zawng zawng zinga a hnaih duh loh ber min rawn biak chat danah keimah nena inzawmna nei thil anih ka ring bawk a. Ka hlauthawng tel tho bawk. Hetiang hian ka awm zen zen lo asin.
.
"Heihi en teh_" tap insum taka ngik riin a chhunzawm lehnghal. A khur deuh bawk niin ka hria. Hetia kawngpuia ding chung ngawta tih chi ah ka ngai ta lo.
.
"Lo kal phawt teh." a darah ka kuah a, min hnial miah lo. A ngaihven loh  vang pawh a niang. Engpawhnise, ka tan chuan ka chak em em reng ka tih theih phah tal alawm le. Ka thil ngaihtuah chu a va hun lo ber mai em!
Car hnunglam kawngkhar hawn sakin a thut luh hnuah ka lut ve nghal a, a phone chu rawn lek chhuak lehin a khawih zung zung a. "Heihi en teh_"
.
A phone a video a play ka en chuan ka ip ve chawih mai. Ka awih thei lo. He thil hian engtin nge Muffin kut  a thlen theih? Video a in play chhung chu tawng pawh kan tum lo. Thil hmuh nuam tak a ni lo bawk nen ka tang ru teuh mai. Tihluihna hmanga hetiang thil ti duh mipa hian Pathianin mipa a siam chhan a thaichhe vek thin. Mipa chu hmeichhia aia chak zawk kan ni a, hmeichhiate venghim tur kan ni. Tharum hmanga hmeichhia rapbet tur hian tu mipa mah an chungnung tawk hek lo. Pathian min siam chhan pawh a ni lo.
 Video a in play zawh pawh chuan kan ngawi duh vang vang a.
.
"Engtin nge a nih theih le?__ Amah tanpui theiin awm ila engpawh ka ti ang." thinlung na lutuk tih hriat hian a kut pahniha a hmai hupin a tap leh a, ka kuah leh lo thei lo. Nghet taka kuahin a hnungah ka chul hauh hauh a, insum tum hle mah se a ti hleithei bik lo chu a ni e. Muffin hi ka hriatlai emaw ka hmuhlai emawin a tah ka la hre lo. Ka chhungril ah hian a rawn na vawng vawng mai. Ngaihtuah loh tur tur ka ngaihtuah kai nghal vat bawk. Tuna a nat ang hian a thianghlimna ka laksak hnua ka hnawl khan a na angem le? Tuna a awm ang hian lo na ta se, tunge hnem? Amah hnem theitu tur pan a nei angem? Keimah hi ka inhua a ni.
.
Sawitur ka hre lo. Ka kuah nghet zual sauh ringawt.
.
"He video hi engtin nge i neih?"
"Whatsapp ah min lo thawn a, min lo thawntu number kha ka hre ngai lo. Engvanga min lo thawn nge anih pawh ka hre lo. Alawmi'n khatiang thil amah chauha a paltlang kha ka thiam loh a ni em?"
.
"Shh! Ni lo.. I thiam loh a awm miah lo."
Alawmi kha pawngsual ani ngei tih hre tawh mah ila, khatianga chiang video a lo awm reng tih ka hmuh khan min thawng hle tho a nih hi.
.
"Kut lang kha i lo hmu em?" a tih chuan ka ngawi tawp. Tunah chuan la hre ve rih lo se tih hi ka duh dan a ni. "Eleazer?" ka kuahna atanga talchhuah tum niawm takin a che dat a, ka kuahna chu thlah ka tum lo hrim hrim.
.
"Alawmi khan hetiang thil rapthlak tuar tur hian eng thil sual mah a ti lovang tih ka chiang lutuk. Ngatinge mithate hian an tuar leh thin le.." a phun sep sep a, tunah chuan a tah chhuak zualpui a reh tawh a nih hmel hi.
.
Ka tawng loh  vang chu nge a ngawi ve ta vang vang a, kan inkar boruak dam raih chu mak ka ti hle zawk. Chhungrilah hian inhriatthiamna mak tak a awm veng veng niin ka hria. Hetiang hian ka Muffin nen kan la awm ngai pawh ka hre lo. Chhungril taka inhriatthiamna!
.
"Ka hria!" a thu ngil thut a, ka lo kuah nghet tawk tawh loh vangin ka thlah lo thei ta lo. Ka ui ru vawng vawng mai. A taksa nel thep si a awm ringawt pawh kha ka thlahlel asin. Ka hnaih theih chhan chu engpawh lo ni se, amah si theia awm hrim hrim kha ka thlahlel lutuk. Tun tum chu ka rilru a inthiam lohna kha ka nei ta miah lo bawk. Ka hmangaih a, ka thlahlel tur a ni reng a ni. Thil thleng mek leh kan inhmuh chhan nen ngaihtuah kawp chuan a zia vak lo.
.
Muffin chuan chiang zet hian min en a, ngaihtuah chhuah nei hmel a pu.
.
"I hria em Eleazer_ Kha tattoo kha ka hmu tawh. Video a lang zuai kha.." chhang lovin a hmel tha zet, tah nasat vanga a hnar sen deuh tan chu ka en a. Hetiang em em hian a lo  hmeltha tih pawh ka lo hre ngai hleinem. Tunah, Eleazer.. Tun hun hi i hmeichhe hmangaih hmelthat zia ngaihtuah hun a ni rih lo' keimah leh keimah ka inhau ru mawlh mawlh. Ka inthunun thei chuang der lova.
.
Ka chhanna nghak niawm tak hian min en kal a, ka chhan dan tur lam ka ngaihtuah lo. Ka kut dinglam phar chhuakin a biang mam thel chu ka kut hnunglamin ka nul a, a mitah ka en reng bawk. Ka hmangaih tih tunah hian hrilhnawn leh ta ila eng chhanna nge ka hmuh ang le?
.
"Eleazer?"
.
"I hmel tha lutuk tih hi i inhria em?"
 Thle deuh nghatin ngaih dan nih vak loh hmel hian min en a, a ngaihtuah tur awm ang chu ka hria.
.
"A va hun lo tak!" tiin a meng kal ralh a. Ka rinlawk dan chiahin min chhang bawk. Chu pawh nise, a hmel lan dan chu ka tan chuan hmuhnawm a la ni tho nia!
.
"A ni lo zawnga ka rilru lakpen tum buai lo law law rawh. Ka sawi chu i hria em? I bulah hian thinrim lova ka awm tluan thak lai ka la hre miah lo.."
.
"I hre miah lo maw? Kha.." ka sawi tum hrethiamin a kut tetakte, no chek chuan ka hmui arawn hup a, a tum loh zet hian a nui tih ka hria. Inthiam vak lo hmel pu lehin a inla mitak tha leh a. Ka Muffin aia hmeichhe duhawm hi an awm thei dawn em ni? Ka Muffin! Pasal nei mai tur ani tih ka theihnghilh min thak mai. Tunah ka hrechhuak leh chiah.
.
"Eleazer, serious teh. Kha tattoo kha ka hmu tawh. Keiin ka hmuh tawh chuan nangpawn i hre ngei ngei ang." a ti tha leh a. Kei hian ka hria  maw? Ni e, hun engemaw chen atang khan ka hre daih tawh! Ka zui ruin ka chhui ru reng a, fiahna mumal tak ka neih hma chuan hma ka la duh lo mai zawk a ni. Tunah chuan he video hi fiahna tha tak a ni dawn ta anih hi. Eng rilru pu a Muffin hnena thawn hi nge a nih reng reng? Thil tisual reng reng  hian an thiltih sual hailan theihna tur chet pelhna pakhat tal an nei ziah thin. Chu chu tuna ka hmuh zawh tak chiah kha ani  bawk.
.
"Ka hria! Nang hian.. Eleazer.. I lo hre daih tawh ani em? Engtin nge hrereng chunga i ngawih reng theih?"
.
"Fiahna mumal a awm loh vanga ngawihpui ka nia lawm."
.
"I thianpa anih vanga hum tum i nih loh ka beisei. U Sawmzuala hian hetiang thil tenawm lutuk hi engvanga ti nge anih i hriatpui ngei ka ring." a tawng duh dan chuan thawk leh khatah ka thin a ti ur mai pawh a ni lo, min ngaih dan hniam lutuk vang chuan ka so nghal bulh ni mai hian ka inhria.
.
"I tawngkam fimkhur rawh." ka ti hrawk a. Min hlau hmel a pu eih lo.
.
"Ka hlau therte lo che. He thilah hian i inhnamhnawih ve anih vaih chuan eng mihring pawh ni la ka hmaih hauh lovang che."
.
"Dawhtawk rawh." awki hniamte leh khauh zeta tawngin alamah ka awn phei a, kan thutna nghenchhan chu a ngheng rawk mai. Kan hmai a insi lo chauh. A rimtui chek chek chu hipin inthunun ka tum nasa fe bawk. Min ngaih dan tenawm tak vanga thinrim nge ka nih min hipna chak lutuk ka hnar hleihtheih loh vanga thinrim ka nih tih pawh ka hre hrang ta teh nuai lo. Engpawhnise, ka inthunun phawt angai.
.
"Khatiang thil tenawm taka inhnamhnawih duh tur khawp khan min lo ngai hniam amaw?" ka aw a ka rilru natna langchhuak chu hre mah se pawi ka ti lo nasa lutuk. A mitah ka en a, a inthiam chiah lo tih ka hmuh chuan tlemin min hnem deuh.
.
"I tel ve loh ka beisei.." a la ti hram. "I tel ve anih chuan eng anga nasa pawhin hmangaih che mah ila ka chhuah miah lovang che." hlauhawm thei ang ber tura a hriat danin a tawng ve tih ka hria. Mahse min vauna ai chuan a tawngkam hman zawng zawng ah khan chiang taka hriat thumal pakhat ka nei! Muffin hian min hmangaih! Lalpa__Engtin nge ka awm dawn ka hre lo.
.
Thawk ka la riai riai a, a hlauh tur khawp a thawm neih hluai ka hlau. He hmeichhe bulah hian hlauh ka va ngah tehlul em!
Ka taksa chu ka awm dan ngaia awmin ka hmai chuan a hmai a hnaih tial tial a, ka kut dinglamin a hmai ka khawih leh ta nge nge. "Lalpa__" maimitchhingin a chal leh ka chal ka sik tir a, ka awm dan vang chuan a tawng sual a hre ta chiah tih a chet nghal sek dan atangin ka hria.
.
"Ka_"
"Tawng tawh rih suh." ka ti hmiah. Awm nuam ta lo tih hriat hian ka kawng lehlam lehlam ah a kutin min vuan a, ka jacket hak chu a tham ta ngawt a. A chet dan vang chuan fawp mai lo tura insumin ka insehruh ngar ngar mai. "Engvang nge? Engvanga pasal neih tum si nge inih?"
.
Min chhang lo. "Muffin?"
.
"Tunah chuan engmah ka sawi dawn lo." a ti sep a.
"Engvangin?" ka ti ve thung.
.
"Kan inhmuh chhan hi kan sawi phawt ang. Thu tha rawh." tih pahin ka awmah a kut pahnihin min nem a, min nem sawn turin chak tawk lo mah se ka awm hla ta tho. A kut chu lasawn lo tura ka duh vangin ka awm a a dah ang ang chuan ka vuan a.
.
"Sawi teh. Min hmangaih tih kha sawi nawn leh rawh." ka tih chuan hnuailam melhin min chhan a tu eih lo. "Muffin!"
.
"Tattoo atang khan tu kut nge tih ka hre chauh a, U Sawmzuala thiltih a ni tih hrereng chungin engtin nge engmah ti lova tun thleng thleng i awm theih zawk? Naktuk ah Police station-ah ka kal nghal ang. Chuan zanrei tawha ka lo biak buai che avangin min hrethiam dawn nia. Kha video ka hmuh khan ka mangang em a, ngaihtuah fim hman lovin ka lo be ringawt che anih kha. Thil awmzia min hrilh duh miah lo tu hi ka tibuai zui tawh lovang."
.
Whoa!!

Amah ka hriat tawh chinah tum khata ala sawi tam ber tum a ni hial ang chu.
.
"Ka kut hi thlah rawh." a ti leh nghat a. He hmeichhia hi maw__ka damchhung pawh hian hriatthiam tumin zir chiam mah ila ka hriatthiam kim theih ka ring ta lo.
.
"Naktuk ah engmah i ti lovang. Naktuk ah lo pawh iti chuang lovang. Chet i lak rual rualin i him lo zual sauh ang tih i ngaihtuah thiam em?" thil dang zawng zawng ai chuan a himna tur hi a pawimawh hmasaber. A luhlul zia ka lo hriat tawh atangin ka sawi vang ngawt hian a tih loh phah dawn miah lo tih erawh ka hrechiang hle. Thil tha lo zawk a chungah hian a thleng a nih vaih chuan.. "Ka sawi chu i hria em? Muffin, i chungah hian thil tha lo tak a thleng anih chuan ka venhim thei lo che tihna a ni dawn a_"
.
"Min ngaihtuah suh. Ka invenghim thei. I thianpa tenawm lutuk sawn a sual man a hmuh hma chuan ka chawl thei lovang. Alawmi chungchang chauh hi a ni dawn lo tih ka ring thiam ta bawk a nia."
.
"I tidik alawm." ka ti ta nge nge. Zanina a video dawn hi Sawmzuala thawn a nih ka ring hauh lo. Tu mihring mah hian mahni thil tihsual tichiang em em tur thil an thawn chhuak hauh lovang. Sawmzuala pawh a rang lama ka hmuh a tul ta tak zet anih hi. Tunah hian engkim ka hre vek tawh a ni tih hi a hriat ka ring lova, amah chauh lo pawh hi a ruka buaina chingchivet zetah hian an la awm ngei ang tih ka chiang em em.
.
"Naktuk ah ka rawn hmu ang che. Police tih thumal ringawt pawh hi sawiri tawh rih suh. Engmah ti lo bawk ang che." min en ran ran a, a ngaihtuah chik ve hle tih a mit a tihzim deuh dan atang chuan ka hre thei.
"Chuan, i hmangaih loh mipa saw pasal a neih tum buai duh suh."
.
A ner nak a, a duh loh zawng ka sawi leh ta tih ka hria.
"Chu chu ka buaina. I lakah hian ka thil hriat tawh hi eng chen chiah nge ka sawi dawn pawh ka hre tawh lo. Eleazer_" a ngawi leh dat a. Eng thu nge a sawi dawn ka lo ngaichang.. Thaw halhin a dak deuh a, a rilru a hah hle ang tih ka ring.
.
"In ngaihtuah hah vak vak lo la, engkim hi a tha leh vek ang."
A lu thing  mat matin min en a, a mitah chuan thil chi hrang hrang ka hmu teuh mai. Ka sawichhuak thiam lo.
.
"Engtin nge ka ngaihtuah hah loh theih ang. Misual , pawi lian tak khawihtu chu tunah hian zalen takin a awm a, chu chauh pawh ani lo hre miah lovin vawi engzat nge a bulhnaiah ka lo awm tawh. Tabithi pawh kha__Ngaihtuah loh ka duh zawk.. A fair hlawl lo. An unau khan eng pawi nge an sawi?" a kutah ka vuan a, a bulah hian sawi duh tam tak ka nei. Mahse, tun hun hi ka hriat zawng zawng sawina tur hun dik niin ka hre lo thung.
.
"Thlamuang deuhin awm phawt la, eng thil mah i tih loh chuan i tan hlauhawm a awm lo. I tan ka awm reng tih hre bawk la.."
.
Rilru siamfel ta niawm tak hian a bu nghat a.
"Anih chuan ka lo ngaichang ang che. Ka lakah engmah thup tawh suh. Kan inhmuh thu hi Muanpuia hriat ka duh hran lo a nia. Ka va lut tawh ange." car kawngkhar chu hawn tumin a ban a, a banah ka lo vuan leh rih a.
.
"Muanpuia hi neih i la tum talh dawn a mi?"
.
"Thutlukna ka siam tawh. A nih phawt." tiin car kawngkhar chu a hawng a, chet ka tum tawh lo. Engvanga Muanpuia hi neih tum talh nge anih ang? He mihring hian a vau bet anih teh chuan! Ni lo. chutiang thil chu a thleng lovang. Muffin hi vau beh vang mai mai a hetianga khawsa duh tur a ni lo. A huaisen tawk. A tana hlauhawm khawpin a huaisen mah mah zawk thin a nih hi.
.
An in lam pana a kal chu ka en a, thawklehkhatah kan piah deuh atanga Bike chak lutuk lo tlan chhuakin dimna nei miah lo hian ka Muffin chu arawn su a nih chu!! Ka te thawt!
Car tang chuan chhuak in a awmna lamah chuan ka tlan nghal ruak ruak a
.
Eng thawm mah a chhuah lo. Kawngah, an in gate si deuh thawin a tlu hlawm tawp a. A bulah thingthiin ka kuah tho a, a che eih lo. A mit a chhing tlat bawk. Kha Bike khalhtu kha tu phiangsen nge anih?
.
Thawm an hria a ni ngei ang, an inchhung atangin a nu leh pate an rawn chhuak a, thil awmzia an rawn hmuh chuan a nu chu hlauthawngin a tap nghal hlawp hlawp mai. A nu leh pa pawh chu ka ngaihven zui lo.
.
"Muffin..Muffin." ka ko mawlh mawlh a, a banrek-a a marphu ka deh reng chu a zawi tial tial a, a marphu ka hmu ta lo. "Ni lo.. Ni lo.."
.
"Hetah lo pawm phei rawh." a pa chuan car arawn la chhuak a, engtin nge ka awm pawh ka hre lo. A pa car awmna lamah chuan ka pawm phei niin ka hria.
.
Mumal deuha ka ngaihtuahna ka hman leh theih chuan damdawiin kan thleng tawh a, hmanhmawh takin Muffin chu an nawr sawn a, ka chawmawlh vek.

.
Bike in chiang lutuk a arawn su lai kha ka mitthla ah arawn lang a, ka mit ka chhing sawk mai. Tunge ni ta ang? Ka Muffin tina duhtu chu tupawh ni se.. Ka ngaihtuah chhuak thut!!
.
Muffin nu leh pa bulah chuan kalin reilote ka kalsawn lawk tur thu ka hrilh a, anni pawh an hamhaih tak zet tih ka hria.
.
"I kalsawn ringawt thei hleinem. Enge thil thlen dan pawh i la sawi lo. Tunang hunah engtin nge pawnah khan Bawihtei hi a awm theih? I ko chhuak em nang hian?" a nu chu a tap khur hlawk hlawk a,a tawngkam ka hriat chuan min ngaih dan tur ka ngaihtuah thiam chiah. An fanu hian a ruka thil chhui a nei tih an hre dawn hauh lova, pasal nei mai tawh turin hetiang thil  a tawk ta mai hi a rapthlak rualin mi tamtakin thu mak tak tak an sawi leh ngei ang. Hmeichhia, nula pangngai tak leh khawtlangah pawh nula fel tia an sawi thin, pasal nei tawh mai tur hi zanrei ah an in atanga chhuakin a ngaihzawng hlui  nen an inhmu a, hetiang chhiatna hi a thleng bawk a..
.
"Lo ngawi rih rawh." Muffin pa chuan ti dam thlupin a nupui chu a darah a vuan a. A hmel atang erawh chuan a ni pawh a hamhaihin a hlauthawng ve hle tih a lang.
.
Kal sawn nghal mai tum kha ka ni a, tunah chuan engkim chiang taka ka sawi phawt anih loh chuan kalsan chi anni hauh lo tih ka hriat tak vangin an thutna bulah chuan hmanhmawh hauh lovin ka thu a. Ka rilru let thut khan Sawmzuala va tham nghal bawrh bawrh mai ka duh kha a nia, mahse, tuna tih atan chuan a finthlak vak loh ang. Bakah, Muffin hi tunah ka kalsan thei lo. A tha ngei tih hrechiang hmasa lovin engtin nge kalsawn pawh ka tum theih zawk.
.
A bul atangin engkim ka hrilh a, an awmdan atang chuan makti hmel an pu leh lawi si lo. Chhungkaw mak tak chu an nih hi.
.
"Vala, keichuan ka ring che. Hun engemaw chen atang khan Bawihtei nun hman dan hi a danglam tih kan hria a. Engpawhnise, amah ber hi a tha leh turah ngai ila. Tihtur i neih chu va ti rawh. Nichina Bawihi nu tawngkam kha chu mangan vanga sawiah ngai rawh." Muffin pa chu ka en a, pa zahawm tak leh uluk taka thil ngaihtuah chiang phawt thin a ni ang tih rinhlelh theih pawh a ni lo.
.
"Ka tihtur chuan nakin a nghak thei ang. Muffin_Ah_Hmingtei rawn harh hma chu kalsawn loh ka duh leh zawk e." ka tih chuan engmah sawi tawh lovin a bu nghat a. Muffin nu erawh chuan min rintawk loh hmel zetin min en thung.
.
Muffin nen kan inkawp chhung khan chiang taka inhre turin a chhungte nen hian kan inpawh hman lova, keima thiam loh pawh a ni. Keimah ang thovin Muffin pawh hian ka chhungte hnaih leh ngainat a nei hman chuang lo. A vaiin ka thiam loh vek a ni.
.
Doctor lo chhuah hun nghakin kan thu ngawi thap a, sawitur a vang a, ka ngaihtuahna erawh a vak zau hle.
.
Muffin Birthday-a thil thleng kha ka ngaihtuah let lo thei lo. Khami tuma Sawmzuala khawsa zia mak ka tih zia leh ka beisei ang a lo nih loh zia kha ka la hrereng. Ka thiantha  ber tia ka lo chhal thin ngeiin a nupui unaunu a pawngsual a, Alawmi'n a nunna a chan phah hial a. Khami ni khan ka beisei ngai loh leh ni tura ka lo rin ngai miah loh thu dik chuan min deng na hle a nih kha. Chubakah tunah hian Tabithi pawh kha Sawmzuala ruahmanna vanga thi a ni tih ka ring nghet tawh bawk. Tabithi chungchang bikah chuan fiahna felfai tak ka la nei lo thung. A rapthlak lutuk mah mah a ni e. Ka thiantha ni a ka lo ngaih thin hian ka  Muffin hi ka hmangaih em em a ni tih hrereng chung pawhin min thah sak duh ang maw? Nge, a aia buaina thuk zawk leh invet hnawk nasa zawk hi a lo awm reng le?
COPAS (HEARTS)
.
CHAPTER - 26
.
Thantei_LauraSean
.
H & E
.
HMINGTHANSANGI'S P.O.V*
.
Ka taksa na thip vawt vawt chuan hahdam taka ka awmlai rawn titawpin ka muhil ka harh a, ka vai ruai mai. Ka chungah eng thil nge thleng ka ngaihtuah thiam mai lo. Harsa takin ka mit ka meng thei hram a ni.
.
"Welcome back!" mipa tawng ri ka hriat chuan ka veilam ka melh a, a aw chu ka hriat tawh hnu a ni a, a hmel erawh ka hmufiah thei lo thung. Ka mit khap sawk sawkin a hmel chu enchian ka tum a, ka hmu fiah thei chuang lo. Ni lo.. Kei hi ka mit a chhia tihna a  ni em? Ka taksa pum hi na lai tak sawi theih loh khawpin ka na lutuk vek bawk. Tawrh zawh rual a ni lo.
.
"Tunah hian kan hruaichhuak mai dawn nge?"
.
Ni lo. Ka chungah hian eng thil nge tih an tum?
.
"Nghah chi anih tawh loh hi!_Bakah_" an tawng chu a zawi tial tial a, ka hahchawl leh ta.
.
Tap fep fep ri niawm tak ka hriat chuan muangchangin ka harh riai riai a, ka bulah chuan awm an awm tih ka hria. Tun tum chu ka mit ka meng thei ta hauh lo lehnghal.
.
"Ngaih dan han siam pawh ka thiam lo. Amah hi han harh phawt se, amah hian engtin nge a ngaih ang tih a pawimawh ber a."
.
"A dik khawp mai. Engtikah nge a harh dawn a hriat loh a."
.
"Um.. Ka hrethiam lo."
Tute nge tih an aw atangin ka hre mai thei lo. Chiang taka thil ka ngaihtuah thei miah lo hi mak ka ti hle mai. Ka chungah hian eng thil nge thleng tih pawh ka ngaihtuah chhuak zo lo. Ka la nung ve ngei tih erawh ka hria a. Chu zawng chu! Ka damlo nasa hle anih dawn hi.
.
.
Harh leh harh lo inkar ah vawi engzat nge ka awm ka hre lo. Tuna ka awm danah hi chuan harh miah lo a awm a nuam zawk. Tawng chhuak thei lo leh ngaihtuahna harh tho sia awm hi a lo rapthlak hle mai. Ka ngaihtuahna a harh ka ti nain tawng ri atangin tu ber nge an nih ka hre hrang thei lo, mipa leh hmeichhia an aw atangin ka hre hrang a, helai hmunah hian ka hriat ngai loh mi hlirin min buaipuiin ka ring si lo.
.
A ri rek rek a, ka mutna khum chu a che in ka hria. A tawp leh rih a.
.
"Hetiang dinhmuna a awm lai hi chuan a chungah engmah kan ti lovang. Hmeichhia a nih tawh baka engmah ti thei lova a awm lai lehnghal a chetlak chu mipa ka nih angin ka thei lo."
.
"I inchhir lovang maw? Tun bak hi hun tha i nei lo maithei a nia. A hriatna a harh nge harh lo pawh kan la hre lo a, a hriatna arawn that a engkim chiang taka arawn sawi chhuak anih chuan i che chhe dawn nasa a nia."
.
"Chu pawh ni se. A khum kha thlah rawh."
Mipa zawkin a tih chuan hmeichhia zawk chuan lungawilo thawm a chhuah dat a.
"I inchhir loh ka beisei."
.
"Loretta, mihring pawh i ni lo anih hi!"
"Nangpawh hi enge i nih  vak. Mihring i ni bik tawp lo."
.
"Duhtawk rawh. Chhuak ang. Hetah hian lo kal ve lo tawp tur i nia."
An ri dat dat a, an chhuak ta niin ka hria.
.
Loretta! Ka hria. Kei hian ka hriatna ka hloh miah lo. Lalpa chu fakin awm rawh se. Mahse, Loretta khan eng thilah nge inhnamhnawihna a neih ve? Min tihhlum hial duh khawp chu a inrawlh thuk viau ta ve ang. Ka dam vat vat angai a ni.
.
Ka taksa, ka kut leh ke tihchet ka tum a, a harsa a ni e.
.
Ka chauh tawngkhawng hnu chuan chet tum lovin ka mu vang vang a, ka tah a chhuak ut ut. Loretta tih bak kha thil dang ka la ngaihtuah chhuak thei miah lo bawk.
.
"Muffin_harh tawh rawh." awki hniam ruih a tawng ka hriat chuan ka harh tih lantir tumin ka kut hmawr ka tiche a, a hmu lo aniang. Engtinmah a tawng zui lo. Ngawi lawk! Tunge Muffin tia min ko thintu kha?
.
"Muffin, keimah.. Mn hre thei em? Harh tawh teh. Ka chhan theih loh che avang khan hreawm ka ti tak zet a nia. Khawngaihin harh tawh rawh. A rei tawh lutuk." a ti leh sup sup a. A tawng dan atang chuan a chhungril tak atanga sawi a ni ngei tih erawh ka hre thei.
'Ka kut vuan rawh. Ka harh tih hriat i duh chuan ka kut vuan rawh.' ka ti rilru mawlh mawlh a.
.
"Ka hmangaih, harh teh." dimtein ka kutah arawn vuan ta. Ka taksa a deh chuan engtin emaw tak ka feel tih ka inhre chiang. Ka hriat than tak leh thuk taka inzawmna ka neih pui a ni ngei ang. A dik! Eleazer.. Eleazer nen inzawmna kan neih aia thuk hian tu nen mah inzawmna kan nei lo. Chu thil ka ngaihtuah chhuah rual chuan thil tam tak ka ngaihtuah chhuak tel nghal bawk. Muanpuia, ka nu leh pa engkim. Tuna hetiang dinhmuna ka awm tak dan zawng zawng te nen..
.
Ka kut Elezera'n a vawnlai chuan nasa taka beiin ka tiche a, a awm dan danglam nghal atang chuan ka harh tih a hria.
.
"I harh tiraw?" zawitea tawngin ka hmai bulah arawn kunhniam. A taksa lumna ka hriat theih dan atang chuan kan insi lo chauh ang tih ka ring, a kut chuan dam thlap hian ka biangah a dek vang vang a. Ka sam a chul bawk. Ka mittui ka dang thei lo. Hetianga ka awm hreawm ka tih bakah Eleazer min ngaihvenna hian ka hnuk a tiulh tlat a nih chu.
.
"Shh..i mittui tla suh se. I tha leh dawn lawm. I tha leh ang." ti nghet charhin ka beka ka mittui luang chu dimtein min hruksak a. "Ka ngai lutuk che." ti lehin a biang leh ka biang a indehtir a, a biangin min rawn deh chuan a hmul a met lo tih ka hre thei. Engtin nge alan ang tih ka mitthla thiam mai. Ka hmangaih awmchhun mipa hian dinhmun chiang lo leh chhe taka ka awm chung pawh hian min la hmangaih reng a ni mahna le. Bike-in min rawn sut laia min chhan hman loh vanga a inthiam loh vang chauha tih atan chuan a thukin a ril mah mah a ni.
.
"Thil engkim hian a tawp a thleng tep tawh e."
Engmah sawi zawm tawh lovin ka kut a vuan reng a, a khat tawkin fawp leh zauh thin. Eleazer zawk pawh hetianga a lo kal anih chuan Muanpuia hi engvanga lo lang miah lo nge a nih le.
.
Ka lo muhil leh a nih ka ring. Eleazer khan englaiin nge min chhuahsan ka hre miah lo. Min enkawl nana an hman khawl ri bak thawm dang hriattur a awm lova, beisei sang tak nei chungin ka mit ka meng a, fiah lo ruai chuan thil ka hmu thei ta.
.
Ka mutna bula ruangam ka hmuh thut chuan ka phu nasa lutuk. Ka phu a ni tih tilang turin ka taksa a che chhuak lo mai pawh a. Ruangam chuan min rawn hnaih lehzual a, Muanpuia a ni tih ka hria. Min lo tlawh ve ta nge nge alawm.
.
"Hmingte, engtia rei nge ka nghah dawn che le?" khum sir chairah thuin min en tih ka hria. Amah pawh hian ka harh tih a hria ang. Rilru harh si a engmah tih theih neih si loh hi a lo hreawm em em lutuk tak zet a nih hi mawle.
.
Chhanna beisei lo tih hriat takin a tawng mawlh mawlh tho a, ka tel lova khawvel a kal dan a sawi a ni ber. Ni e, helai hmuna engmah tihtheih nei lova ka mut lai hian pawnlam khawvel ah chuan engkim a kal dan pangngaiin a kal reng tak ang chu.
.
“Thil mak deuh ka hrilh ang che, I duh em?” a ngawi leh dat a. “Sawi lo ila a tha lehsi ang. Ka thunun theih a ni  si lova. Hetiang thil ka tawng bik hi vanduai ka inti lek lek thin. Hmangaih ber ka ni ve ngai lova, ka thlakhlelh ber chu mi tuemawin a thinlung zawng zawngin min hmangaih a ni tih hmuh hi a nia. Ka dik lohna a awm em?” a ngawi leh vang  vang.
.
“Hmingte, nang chu I vannei a nih hi. Thinlung hneh theihna thuruk mak tak nangmahah hian a awm a ni ngei ang. Kha mihring kha helaia lo kal tawh lo tur hian vawitam ka hrilh a, mahse maw, hrilh loh ang chiah. Ka nupui tur ini tih ka hrilh pawhin  lungtum thu hrilh ang mai a ni. Kei ai hian a hmangaih zawk che niin ka hre hial asin. Ka mawl iti em? I theihtawk a min ngaihven I tum chung pawh hian a  hmel I hmuh a I danglam thin ang hian ka lakah I danglam ve ngai lo tih ka hria a nia. Ka chhungril hi a na vawng vawng thin. Eng tihtheih ka neih chuan.. I thinlung thunun theitu ka ni si lo.. Kan thinlung hi kan duhdan danin thunun thei ni ila hmangaihna hian hlutna a nei hauh lo ang.. Min hnial I duh tih ka hria a nia..” za lo tak hian a nui lui hak a. Eleazer nen an inkarah eng thil nge thleng ka hriat loh vangin engti zawnga ngaihtuah tur nge ka hre lo.
.
Muanpuia thusawi chu ka hrethiam rei ruai ani. Eleazer nen an intawng fuh thin a ni ngei ngei ang. A ni hian vannei min ti amaw?
.
“Pawnah sawn I nu leh pa leh Eleazer te an awm a, saw mipa sawn kalsan che a tum dawn hauh lo tih ka hrechiang a, kan inneih tur chungchang ah pawh hian nangmahah thutlukna a innghat a nia. Dam tha leh vat rawh aw. Engtiang pawhin thutlukna siam la kei chuan ka pawm vek ang..” a insut a, a nui hawk bawk. A tap maw?
.
Chiang lo deuh ruai hian a hmel chu ka hmu thei. Ka hmu thei tih a inhre lo a niang.
“I nui hmel hmuh leh thuai ka duh a nia. Ka lo kal leh thuai ang.” Tiin a thutna atang chuan a tho a, thawm dim takin a kal chhuak a.
.
Ka harh lai leh harh loh lai pawhin a khat tawkin tlawhtu a nei reng thin tih ka hria.  Ka nu hian tap fep fep chungin min be ziah a, ka pa erawh ngawi rengin ka samah a chul thin thung. Muanpuia pawh nitin a lo kal ziah tih ka hre tawh a, Eleazer pawh chute bawk. Min ngaihsakna ka dawn zawng zawngte hi ka phu reng em tih pawh ka hre lo.
.
Thawm dim vak lova rawn penlut ri ka hriat chuan ka phu chhuak deuh zawk a. Meng duh lovin ka ngaichang tawp.
.
Thawklehkhatah ka puansin chu dimna nei miah lo tih hriat tak hian inhlim pawp a, kei hian thawmhnaw ka inbel leh bel loh ka ngaihtuah ngai miah lo. Ka meng a, tunah chuan chiang takin khua ka hmu thei ta.
.
Ka puansin rawn thehhlim pawp tu hi U Sawmzuala a ni. A hmel chu a dur khuih a, ka taksa a khawih dun dun a. Ka chhungrila hlauhna nasa lutuk rawn awm vang chuan thei ni ila ka sapatal ngei ang. Au chhuah ka tum a, ka thei lo. Ka mang a va ang tehlul em!
.
“Nang hi I dam chhuak leh a nih pawhin nun nuamin I nung tawh lovang. Tabithi te unau ang khan I taksa hi I ten hluah hluah tawh dawn a ni.” chiang lutuk hian min rawh en a, a mitmeng rapthlak lutuk chu hmu lo ila ka duh zawk. Khumah chuan arawn lawn a, ka mal inkarah arawn thingthi a. A ni thei lo. He mihringtenawm lutuk hian ka chungah hetiang thil hia ti thei lovang.
Damlo khuma mu chungah lehnghal.. He thil hi a thleng thei lo. Khawngaihin min tanpui ru..
.
Ka mal a rawn zut a, he thil hi ka mang chhia ni se ka va duh em! Mahse ani lo. Ka mumang a ni lo. Engtin nge he mihring tenawm lutuk hi ka awmna hmunah hian a lo kal theih.?
.
“I lo nalh hle mai..” rapthlak lutuk hian a nui suk a. Hetiang sawi ngaihna awm lo khawpa thinlung tenawm pu hi mihring an awm theih ka lo ring ngai lo. Ka rum chhuak tih ka hria. Ka thawm a hriat chuan a nui zui leh ta nghal.
.
“Harhfim lo ngawt ai chuan I harh tih hriat chu a nuam e..”
NI LO… KA DUH LO…
.
ELEAZER*
.
Ka muhil thei lo. Ka khumah ka let sek a, eng thil  nge tih ka hriat si loh rapthlak tak a thleng dawn ni a ka hriat tlat chu. Tuna ka awm ang hian vawikhat chu ka awm tawh. Chumi tum chuan thil duhawm loh tawpkhawk a thleng bawk.
.
Ka thuchhuak hlawl a, awmngaihna ka hre miah lo nia. Ka thawmhnaw hain in atangin ka chhuak a. Kal tumna bik pawh ka nei chuang lo. Kal tumna nei lo niin ka hre naa damdawiin lam panin motor chu ka khalh zel lawi a.
.
Muffin chunga thil duhawm lo tak a thlen atang khan thla khat aliam tawh a, a taksa ah hmasawnna hmuh tur a tam lo. Doctor sawi dan chuan a mitin khua ahmu thei lova, a taksa pawhin khawih a hre lo niin a sawi. Ka chhungril hi a na vawng vawng reng a ni ber e. A nu leh pa rilru nat zia ka kal apiangin ka hmu bawk.
.
Muanpuia pawh ka rin anga sual chu a lo ni bik lo. Ahmaa kan inen dan ang ni lovin kan titi dun tawh a, kan ngaih dan tlang takin kan sawi dun bawk. Mipa tha tak a lo ni. Muffin hi eng chen pawh nghah ngai dawn se ka nghak ngei ang tih thu hi kan sawi ve ve a, kan nunah hian kan duh ang chauh thil a thleng thei lo. Mahse, kan duh loh tawp thil thleng thin hian mihring rilru puthmang a tarchhuak chiang em em thin si. Tun hun hi kei leh Muanpuia tan pawh fiahna hautak tak a ni.
.
Muffin ka hmuh hnuhnun ber khan a kut arawn tiche a, ka beiseina san lutuk vang nge a harh ni a hriatna ka nei. Mahse, ka beiseina chu doctor tawngkam ka hriat leh khan a bo lehnghal. A taksa peng a thih loh vangin a duh vang ni kher lovin a taksa peng then khat a che fo thin ang tih leh a mit a meng chung pawhin engmah a hmu chuang lovang tih min hrilh anih kha. Thil mak tawpkhawk a thleng anih loh chuan pangngai taka that chhuah lehna chance  a chhe hle..
.
Thinlung na leh mangangin steering wheel chu ka beng a, ka chum pawp pawp bawk a. Ka mittui a tla sawk mai. Muffin dam lehna tur anih phawt chuan engpawh ka ti ang. Ka ti ngei ang. Mahse, tunah hian atan tihtheih engmah ka nei lo. Engkim hi ka thiam loh vek niin ka hre nawn leh ta a ni. A bul atangin Muffin hi Sawmzuala bumna vangin a tel lohna turah ka hnuklut a, bansan tura ka hrilh khan a ni mi luhlul hian ka thusawi engahmah angai tawh si lo anih kha. A thiantha neih chhun tan chuan eng chen pawh kal a lo huam si a.. Tunah chuan fiahna ka neih tawh sa ho zawng hmang hian Sawmzuala hi ka dahbo a hun tawh tak zet a ni. Ka thiantha ber ni a ka hriat hi hetiang taka mi tenawm a lo nih tak si ah chuan duhthlan tur dang ka nei chuang lo. Ka hmangaih ber tan hnehna ka chan ngei angai lawm le.
.
Damdawiin kawtah motor ka hung rem a, Muffin awmna cabin lam ka pan chho nghal a. A lo reh deuh raih mai. Muffin nu pindan pawnah a lo muthlu bam a, a hmel en chuan a chau tawngkhawng tawh tih a lang chiang hle. A rilru chauh ni lo a taksa thlengin a chawl thei bik lova, kum upa lam a lo ni ve tawh bawk nen.
.
Muffin nu chu thawm dim tea kal pelin pindan kawngka chu ka hawng a, eng dul raih hnuaia ka thil hmuh chuan min thawng a, ka ding ngil zawt mai. He thil hi a tak a ni thei lo.
.
Chhungril so bulh bulh chungin Muffin mutna chu ka pan a, ka thawm ka dim tawk ta lo. Sawmzuala che laklawh lai chu tawp chawtin phawk zet hian arawn hawichhuak a! He mihring hi dam tlak a ni love..
.
Dawn a awm lo, ka tha neih zawng zawng sawmkhawmin ka hnek a, khum atang chuan a nih ang angin a tla hlawm nawk mai. A che zui lo. Ka thinurna thuk lutuk chu ka thidang lo chauh a ni. Muffin chu ka khawih che ngam lo. A taksa hnuailam zawng chu puanin ka khuh tawp ringawt.
.
Thawm a chhuah niin ka hria.. A harh maw? hetiang thil hre lo hian harh lo law law sela tha zawk tur.
.
"Muffin, i tha em?" ni lo, i tha em intih hun pawh ani lo. "Muffin, engkim a tha leh ang.." phiangsen hian! Ka thusawi chuan awmzia a nei lo.
.
"Eleazer.." tiin arawn phun sep a, a bekah a mittui a luang ngiai ngiai bawk. "Thih ka duh.." a ti leh sep a. A tawng chu a ri chhuak mang lo. A laka Sawmzuala thiltih kha a hre ngei anih hi.
A tawng ka hriat chuan ka chhungril atanga intanin ka taksa pum hi vur ang maia vawtin min hmetchhuak vek.
.
Inherin Sawmzuala chhuata tlu reng chu ka tham tho a, ka hnek zui mawlh mawlh a.
"Thi tlak i ni.. Thi tlak i ni.."
.
Kawngka rawn inhawngin Muffin nu arawn lut tih ka hriat chuan Sawmzuala zawi hnuang tawh chu chhuatah ka paihlet tawp a. Ka tha a khur dawt dawt mai.
.
"Eng thil  nge thleng hi? Hetah hian enge in tih? Rinmuan, ilo kal lai ka hre miah lo. Hepa hi tunge?" a chiai nasa hle mai. Chiai awm pawh a ni e..
.
Muffin chu a pan hnai a, khawih a tum chuan “Lo khawih rih suh. Thil thleng a awm.” ka ti nawk nawk a.
.
He thil hi ka mang chhe ber ai pawhin a chhe zawk. Hetiang khawpa rapthlak hi mihring in an ti duh ang tih ka ring chhin ngai lo.
Muffin chu ka en a, nikhua hriain a mit a meng a, a nu a en a min rawn en leh hnu chuan a maimitchhing ta daih a.
COPAS (HEARTS)
.
CHAPTER - 27
.
Thantei_LauraSean
.
H & E
.
"Police phone rawh." Muffin nu chu en zawkin Sawmzuala chu ka tham a. Ka tawng hleithei lo. Dik taka sawi chuan tunah hian a nunna laksak mai ka duh hial a ni.
.
"Eng thil nge maw thleng hi le?" chiai buai zet hian a che sun sun a, engmah a tikaw der lo. A awm tihpuina chin chu ka nei tho. Beisei loh thil a thlen thut hian mi then khat chu engmah ti thei lovin an chiai buai thin tih hi ka lo hmu tam ve tawk tawh bawk. Sawmzuala chu dim lo zetin k apaih let nawk a, ka phone phawrhin emergency number ka dial nghal a.
.
"Bawihte, i harh em? A harh miah lo a nia.. Engtin nge ni dawn? A lungphu pawh a dik lo." mangang hmel puin Muffin nu chuan min rawn en a, kei pawh ka mangang.
.
"Doctor ko rawh.. Khawiah nge Doctor?"
.
Ka va indaih lo tehlul em. An nufa chauha ka kalsan chuan Sawmzuala chu an tan a hlauhawm thei tih ka hria. Vanneihthlak zetin Doctor leh nurse an rawn lut a, Muffin chu an check ta zung zung a. Anni pawh thil thleng chuan a thawng tak zet tih an hmel atangin a hriat. An buai nawk nawk a, tihtheih ka nei ta rih lo. Police lo thlen hma chuan engmah tihtheih a ni tawh rih lo bawk a. Sawmzuala awmna ka en leh chuan a lo awm tawh  miah lo! Phiangsen chuan.. Engtik laiin nge a lo tawlh sawn hman..
.
Hmanhmawh lutuk in Cabin atang chuan ka tlan chhuak a, Sawmzuala hmel reng reng hmuhtur a awm lo. Thinrim tihtur ber hre lovin cabin pawnah chuan ka vei sek a.
.
Nurse arawn dak dek dek a, Cabin chhungah lut turin min duh tih lantir nan min hui zeuh a. Ka lut  rang ngang mai.
.
"Thil thlen dan mumal tak kan hriat phawt angai anih hi. Test kan tih pawh angai ang. Hetiang thil kan hospital-a a thleng hi a zahthlakin  a rapthlak ka ti hle mai. Pawnlam miin hre lo se tih hi ka duhthusam a ni" Doctor chu ka en reng a, engmah  ka la sawi lo. Thil thleng kha midang hriat laia sawi pawh ka duh bik hek lo.
.
"Tunah enge a an? A tha em?" ka tih chuan min chhang mai lovin min en ran ran a.
.
"Amah chu reiloteah arawn harh leh mai ang. A taksa hi lo khawih danglam rih loh erawh atul anga. Min lo zui la inbe phawt teh ang. A nu hi biak tlak a ni rih si lova." bu nghatin Doctor chu ka zui a, cabin atanga kan chhuah hnuah Police an lo thleng ve bawk. Tuna an tihtheih zawng chu Sawmzuala umzui a ni mai.
.
Doctor private office-ah lutin thil awmzia leh cabina ka thil hmuh chin zawng ka sawi a, an zavaiin thinrim lutuk hmel an pu vek. Kei pawh hi ka la pangngai lo.
.
"Sawmzuala chu arang thei ang bera hmuh a tul ber. Pawisak a nei lo hle ania."
.
"Hun rei nghah angai lovang. Kan hmu thuai ang."
"I sawi ang chu ni ngei rawh se."
.
Kan inthen darh leh hnu chuan cabin-ah ka let leh a, Muffin nu chu khum bulah thingthiin a fanu hmel dang bel mai chu a en a, phun sep sepin a mittui a luang zawih zawih tih ka hmu a, a bulah hian han sawi mai tur pawh ka hre lo.
.
Min rawn hmuh chuan min rawn pan thuai a.
"Eng thil nge maw ka naute chunga thleng ta hi le? Eng thil nge tihsak theih ka neih ang. Engtin nge ni dawn? Muanpuia ten an hriat ve ngei angai anga. Awi karei.. Enge maw i bulah hian ka sawi chiam le?" tihngaihna hre lo tih hriat reng hian a vei a, a pasal pawh a la be miah lo tih ka hria.
.
"Tihian kan khawih che lo reng mai dawn em ni? Sawmzuala chu ka va haw tehlul em!"
.
"Tunah hian a lo harh leh hmain test chu ti sela a that ka ring. Anmahni zawk khan engkim chinchang an hria a, an lo kal thuai ang." ka ti ta ngawt a.
.
Muffin bulah chuan kal hnaiin a hmel chu ka en a, ka thinlung chhungril ber hi a na tih hian a sawifiah zo lo. Kha Sawmzuala phiangsen khan a thiltum a ti hlawhtling em tih hre tur pawhin amah ber a biak theih loh a, thuchiang engmah a la hriat theih loh. A nu awm ve chu ka zah zo hek lo. A khum tlangah chuan thuin a biang vawt deuh thler chu ka kutin ka vuan vang vang a. A na lutuk a, awmngaihna ka hre lo a ni ber. Ka awm dan hi ka hrethiam lo. Muffin ka lainat lutuk vanga ka awm chhung hi na ngut ngut niin ka hria.
.
"Muffin_" tiin ka phun a, sawitur dang reng reng ka hre lo.
.
Cabin kawngkhar arawn inhawng ri rak a, ahmaa lo kal doctor leh mi dang pahnih an rawn lut leh a.
.
"Tunah hian test chu kan ti nghal mai ang. Kha misual khan thil a khawih pawi ngei em tih hriat vat in duh ka ring. Amah hi biak theih a ni rih chuang lova, a hriat loha lo tihfel hi a tha zawk ang. Khawngaihin min lo va chhuahsan mai ta che u." arawn ti charh charh a. Muffin nu nen chuan kan chhuahsan ta rih.
.
Khua a var a, result kan la hriat loh  vangin hospital-ah ka la awm ve ta reng a. Ka rilru hmanhmawh dan leh hospital-a hnathawkte chet dan raih raih hi a inmil hlawl lo.
.
"Rinmuan, Bawihtei pa a lo thleng tep a, min va hawsan tawh rawh. Buai lai takin nang ilo awm hlauh a ka lawm lutuk a nia."
Muffin nu hmel bui chak chu ka en a.
.
"Result han hre phawt ila__"
"Ni love, min hawsan tawh rawh." a ti deuh tlat. A awm nuam lo lutuk hmel chu a khawngaihthlak tak zet. Hnial lui duh lovin ka kalsan a. Hospital gate ka thlen chuan  Muffin pa pawh a lo thleng ve chiah. Min rawn hmuh lem loh vangin ka va pawh duh ta bik lo.
.
Ka in lam panin motor ka khalh a, ka rilru thlak thutin Sawmzuala awmna tur ni a ka rin lamah chak lutuk mah mah hian motor chu ka khalh leh ta zawk a. A hmel ka hmu anih chuan ka insum buai hauh lovang.
.
HMINGTHANSANGI*
.
"Min thlah rawh. Engmah ka ti lo.Ni lo.." Sawmzuala chu a te ruai ruai a, amah vuan bet tlattu chu eng thil nge tih ka hmuchiang thei lo.
"Min chhan rawh..Min chhan rawh.." mangang mengrang vek hian min rawn en a, ka pui dawn em ka inhre lo. Ka pui duh dawn em ni? Ka chunga..Ni lo..
.
"Tanpui tum duh suh.." thinrim lutuk tih hriat hian ka bulah Alawmi chu a ding a, mak ti zet hian Alawmi chu ka en a.
.
"Engtin nge heng thil hi a thlen? Alawm? Tabi pawh maw?"
.
"Misual hian an tuhrah an seng ngei tur a nia lawm. Tanpui pawh tum la i thei chuang lovang. Bestie, ka tan i beihna zawng zawng hi a thlawn miah lo ania. Malsawmna dawng ang che."
.
Thawklehkhatah Alawmi leh Tabi chu chhumzing chuai chuai karah chuan an bo a, ka ko vak vak chung pawhin an rawn hawilet tawh lo.
.
Min khawihtu awm vangin ka meng chhuak zawk a, tun maia ka thil hmuh kha ka mumang nge a tak tak tih pawh ka hrehrang thiam lo. Ka mumang anih ka ring zawk mah.
.
"Bawihte, i tha tiraw? I harh em?" ka nu chu ka en a, a mit bui chak chu a tah nasat vang a nih ngei ka ring. Ka nu leh apa tan hian rilru hahna tur thil ka va thlentir nasa em.
.
"Sawi a harsa ang tih ka hria. Mahse, nizan khan kha mihring tenawm khan a khawih hman che em? Result kan la hre lova.."
.
Ka chhang mai thei lo. Ti ila, ka hre lo a ni zawk e. Ka puansin a hlim tih kha leh a chet danah khan ka taksa hnuailam a khawih ngei tih chu ka mit hian a hmu a, mah se, engmah ka feel lo. Lalpa, khawngaihin ka ngaihtuahna rapthlak lutuk hi dik tir lo hram ang che. Ka tuar zo hauh lovang. Eleazer hmel ka hmuh khan thih ka duh tih ka saw hial a nih kha.
.
Ka chhan loh vangin ka nu pawh chu angawi ta vang vang a, a hmel atangin a rilru hreawm zia a lang reng a, amah hnem theitur khawpin tunah hian ka chak tawk bik si lo. Ka thin a ur hluah hluah a, engmah ka tithei bawk si lo.
.
Sawmzuala khan ka chungah eng thil nge a tih hman hre turin test result ka la hre bik lova, a chhe ber thleng pawh ni se kehchhe lo turin ka rilru ka siam.. Ka tuar zo dawn lo tih erawh ka hrechiang hle si.
.
"Nu, Muanpuia a lo kal em?"
Ka nu chu a bu nghat nghat a. "Thil thleng kha hrilh loh theih a ni si lova, ka hrilh ta mai asin. A lo let leh thuai ang.."
.
Muanpuia lo let leh hnu chuan ka nun min chhuahsan a, sawitur kan hre  hlawl lo. Ka tawng tam theih rih loh mai bakah min delhtu boruak a rit lutuk a, awmngaihna a awm lo a ni ber mai.
.
Ka kut arawn vawn chuan ka phu deuh zawk.
.
"Muanpui.."
"Engmah sawi rih suh." ka hmel min en lovin a kun deuh lap
.
"Ka taksa hnuailam hian engmah a hre miah lo niin ka hria. Ka mal hi han khawih chhin teh." ka tita ringawt. Mak min tih hmel deuh hian min en zet a, ka rilru buai dan tur hrethiam leh niawm takin tim hmel zet hian ka malte zawn arawn dek a, engmah ka feel lo. Ka awm dan hi a va duh lo em.
.
"Tikhan i hre thei em?" min tih chuan ka maimitchhing a, engmah ka feel lo tih lantir nan ka lu ka tiche dat dat a.
.
"Tunah chuan engmah ngaihtuah hah miah suh aw. I tha leh dawn. I tha leh ngei ngei dawn a nia." a tih leh chuan ka tap lo thei ta lo. Ka inhip hlawp hlawp a, ka mittui chu ka bekah a luang zawih zawih bawk.
.
Tihngaihna hre lovin rem lo zet hian min rawn kuah a, ka tah a chhuak zual deuh deuh.
.
"Hetianga ka awm chuan kan innei thei lovang. I hun tha neih hi ka khawhrak sak thei lo che."
.
"Chutiang sawi suh." a ni pawh a aw a pangngai bik lo.
"Min hnial suh. Khawngaihin.. Hun ka mamawh. Ka tithei lo."
.
"Ka thei lo. Eng chen pawh nghah ngai se ka rilru a danglam dawn lo."
"Ka__"
Kawngka hawng ri ah chuan a inlahrang thuai a.
Kawngkaa Eleazer ding hmel chu ka en rei duh lo. Ka nun hi engvanga buai nuai nuai reng bik nge maw anih le? A lo lut mai dawn emaw ka tih laiin a thawm a reh daih. Tim ru zet hian ka va en leh a, zawimuang leh ka lak atanga mit lasawn miah lo hian min rawn pan a. Muanpuia nen ka entawn a, an inmelh eih lo.
.
"I lo tha zel em?" aw pangngai taka min zawh chuan ka bu nghat a. Ka dinhmun tawn mek hi keimah inih loh chuan engtiang pawhin sawi ila min hriatthiam pui pha dawn lo tih ka hrechiang. Ka dinglamah ka pasal nimai tur a thu a, ka veilamah ka mipa hmangaih awmchhun a ding bawk a, chubakah hlauthawng reng rengin test result ka nghak bawk a. Dam hi enge a tulna awm le tiin ka ngaihtuah hial. Min hnaihtu apiang natna ka siamsak mai mai niin ka inhria. Tichuan, tunah hian engkim hi ka hua a, engmah ka hmachhawn peih hek lo.
.
"Min chhuasan ru." ka ti sap a.
An pahnih chuan inmelhin kal chhuak zawk nih an tum lo ve ve tih an hmelah a langchiang hle.
.
"Min chhuahsan ru. Keimah chauha awm ka duh." rak thei ni phei ila ka rak ring viau ta ve ang. 
.
Muanpuia chu a thutna atangin muangchang hian a tho a, Eleazer chu ngainat loh hmel zeta a en hnuah a kal chhuak a. Eleazer chu ala che leh eih lo.
.
"Enge i lo an?" a ti dam thlup a. A hmel ka la en duh lo.
.
"Chhuak rawh." ka ti sap ringawt.
.
"I tha em?" a ti leh a, ka chhang chuang lo. Tunah hian min ngaihsak viau a tulna enge awm? Ka dinhmun vanga khangaih hlawh nih ka duh miah lo.
.
"Min khawngaih suh!" ka tih chuan a thaw hawk.
.
"Muffin.."
.
"Min chhuahsan rawh ka tih chu." ka taksa a sa pup pup a, ka bulah hian tumah awm lo se ka duh. Tumah ka mamawh rih lo. Keimah chauha inngaihtuah ka duh.
.
Eleazer chuan min rawn hnaihin ka hmaia khawih tumin a kut arawn phar chhuak a, ka lo thle sawn tawp.
.
"Test result kha a chhuak chiah a." a thusawi ka hriat chuan ka awmchhung hi a rawn lian tut tutin ka hria. Result chu ka hre duh em? Ka hre duh lo__Ka hre duh.. Engpawh ni se ka hriat ngei tur a ni tho tho..
.
"Eng hnuhma mah a awm lo." a tih chuan ka zawi nghal vek. Ka tawng thei lo. Ka maimitchhing tawp. Eleazer hi lawmthu hrilh tur ka ni tih ka hria. Mahse engmah ka sawi chhuak thei chuang lo. Khatih hun lai khan second khat lek pawhin rawn tlai se emaw Sawmzuala khan ka lakah a thiltum kha tihlawhtling ta ni se dam ka duh hauh lovang tih ka hrechiang em em a ni.
.
Dawn awm lo hian min rawn kun hniam a, a tawng thei bik lo. Ka chalah a chalin min rawn si a, ka bianga rawn lum pap chu ka mittui nge Eleazer mittui tih pawh ka hre hrang tawh hek lo.
.
"Muffin_" tiin a phun mawlh mawlh a.
.
Kawngka kik ri kan hriat chuan a inlahrang a, a hmel ka en chuan nichina ka bianga lum pap awm kha ka mittui ni lovin Eleazer mittui ngei a lo ni zawk tih ka hria. Ka hmuh duh lo niawm tak hian rang lutuk in a mit a tui nawk a, a nui lui suk bawk.
.
"Pawnah sawn Muanpuia ka hmu a.." ka nu chu a ding chawt. Ni e, engkim hi a buai nuai nuai a, hriatthiam pawh a har ang. Kei pawh hian ka awm dan leh ka nuna mipa pahnihte awm dan hi ka hrethiam bik lo.
.
"Rinmuana chu i lo thlen lai ka lo hre miah lova." ka nu hmelah chuan thinrimna aiin hlimna ka hmu. Test result kha a hre ve tawh a ni maithei.
.
"Rinmuan, i chungah kan lawm e." tiin a nui ta sak a. "Muanpuia pawh result ka rawn hrilh chiah a, kan fanu in nangni ang thiantha a nei hi a vannei hle anih hi." a ti sarh sarh a. Zinglama a lungngai hmel kha lawmna in a thlak ta a nih hi.
.
Eleazer chu che vutin a kekawr ipte atangin a phone a phawrh a, phone-a rawn betu tawng chu ngaithlain a ngawi vung vung a.
"Ka lo kal nghal ang." a phone off in min en a, ka nu a en leh a.
.
"Sawmzuala ruang an chhar anih chu.."
.
Mak tia meng phawk hra chungin ka nu nen chuan "Maw??" kan ti rual thawt! 
.
COPAS (HEARTS)
.
CHAPTER - 28
.
Thantei_LauraSean
.
H & E
.
Sawmzuala ruang an chhar maw? A va'n mak lehzel tak.
Nizan maiah khatiang thil kha a thleng a, tunah Sawmzuala thih thuin min rawn deng lehnghal a. Amaha inthat nge anih ang mi dangin a nunna an laksak? Ngaih dan pawh ka nei thiam teh nuai lo. Eleazer leh ka nu leh pa bakah he damdawiin a hnathawk tlemte hian ka chunga thil thleng kha an hria a. Anih chuan Sawmzuala chu Eleazer hian a lo dah tha.. Ni lo.. Ni lo.
.
Ka nu nen chuan ngaihtha lo zetin kan inmelh kan inmelh ringawt a. Eleazer cabin atanga a chhuah atanga chhutin darkar khat pawh a la ral lo ang tihah Police an lo lang hlawl bawk.
.
An inbiakna ka hriat an duh loh vang nge ka hre lo, ka nu chu pawna zui chhuak turin an hrilh a, an inbiak chhung chuan rilru nuam lo lutuk hian ka lo nghak ngawt ngawt a.
.
Ka nu rawn lut leh hmel chu a ngui lap mai.
.
"Enge an zawh che?"
"Kan duh emaw duh lo emaw, nizan thil thleng leh Sawmzuala thihna hian inzawmna a neih ngei an ring anih kha. Rinmuana pawh thu zawh fiah turin an la hreng tih a sawi a. Thil thleng hi a duhawm loh hle mai. Tunge rinhlelh a rinhlelh loh tur tih pawh ka hrethiam teh nuai love a." thaw halh chungin ka mutna sir chair-ah chuan a thu a. Kan inbe leh tawh lo. Kan ngaihtuahna kan kawm ve ve a niang chu ka ti mai a.
.
"Eleazer chuan a ti miah lovang." ka nu nen kan ngawih vang vang hnu chuan ka tawng chhuak hlawl. Min rawn en zawkin a bu nghauh nghauh a, sawi duh nei sawi hreh deuh si a ang khawp mai.
.
"Rinmuana hi mi tha tak anih ngei chu ka ring a, mah se, nizan a thinrim hmel ka hmuh kha chuan engpawh a tih duh mai ka ring a."
.
"Ni lo, keimah vanga a nun a tihchhiat vek nachhan tur a awm lo. Ka thin ava rim tak em! Tunah engmah ka ti thei bawk si lo. Police ho khan enge an zawh reng reng che a?" ka tih chuan min chhang mai lo. "Nu..?"
.
"Engvak phei chu min zawt lo. An sawi hmangah khan_ Aa, anni pawh khan engmah an hrechiang chuang lova.." hriat hleihtheih lohin a riat nawi ta vel mai mai
.
Ni hnih ral leh chhung chu Eleazer a lo kal miah lova, Sawmzuala thih chhan an sawi engmah ka hriat belh lo bawk. Ka nu leh pa hian hriat an nei em tih pawh ka hre lo. Ka bulah engmah an sawi duh lo niin ka hria. Muanpuia erawh a lo kal deuh reng thung a, mah se, ani paw'n Sawmzuala chungchang a sawi chuang lo. Ka duh angin hma ka sawn chak bawk si lo nen ka hah hluah hluah reng mai.
.
Ka phak tawka ka ngaihtuah ngat ngat hian Eleazer hian keimah vanga a nun pumpui a tihchhiat hlauhna ka nei nasa telh telh lehnghal.
.
Kar khat aral a, Eleazer nen kan la inhmu lo fo. Ka taksa hnuailamin khawih a hre tawh a, thawven khat chuan ka thawveng ta deuh a. Hmasawnna tur erawh ka la ngah hle.
.
"Engmah hre ve lo se a tha rih zawk. Amah vanga hetiang hi thleng ni a a ngaih chuan a taksain a tuar thei hial ang." phun ser ser ri ka hriat chuan meng duh lovin ka maimitchhing zui a.
.
"Thu chiang a awm har lutuk hian min tihlauthawng nasa tawh zawk. Hetiang buaina kan chunga a thleng hi hriatthiam har ka ti tawh tak zet a ni. Engmah tihtheih kan nei bawk si lo."
"A ni ngawt mai. Tawngtai bak tihtheih kan nei lova, kan tihtheih chhun hi kan lo ti ve tlauh tlauh mai a ni ang chu."
.
Ka che talh talh a, ka harh ni a an hriat hnu chuan an titi chu a tawp chiang khawp mai. Ka nu leh ka pa hian thil eng emaw chu hriat an nei tawh ngei a nih hi.
.
"Bawihte, i lo harh maw? I tha em?" ka nu'n min ngaihtuah hmel taka min rawn hnaih chuan a hmel ka en a, a mitmeng atangin engmah ka hre thei lo.
.
"Nu, thil thleng hriat inneih chuan min hrilh teh u." ka ti ringawt a. Ka pa nen chuan an inen ka hau mai.
.
"Chutiang thil engmah a la awm lo."
.
"In tawng kha ka hria alawm. Engpawh thleng se ka hriat ve ngei a tul tih in hriat kha. Eleazer chungah thil tha lo a thleng a nih chuan tanpui theih dan a awm ngei  ngei ang." ka tih chuan ka nu chu a thaw huai a.
.
"Ni e, i la hre dawn tho a__ Sawmzuala kha ama thah ngei niin Police ho chuan an ring a. Fiahna an neih thu an sawi nghe nghe a.."
.
"A ni miah lovang. Eleazer chuan a that dawn lo tih ka chiang. Khami zan khan hun a nei miah lo"
.
"Chu chu i pa nena kan rin dan pawh a ni. Lo ngaihchan tawp bak engmah kan ti thei si lo anih hi. Engkim a fel turah ngai ila.."
.
"Kan enliam tawp thei lo. Na dang ka nei tawh lova damdawiin atang hian chhuah ka duh." ka tih chuan min en phawk nasa teh e.
.
"Ngawi hmak rawh. Eng thilah mah hian i inrawlh dawn lo." ka pa chu phawk zetin ka en a, a thutak zia ka hmuh chuan mak ka ti lehzual. Chhan ka tum buai duh lo law law. Hetiang taka thupek khauh hmang hian ka pa hian min biak awm pawh ka la hre hek lo. Chutih rualin Eleazer tana tihtheih ka neih chuan engpawh ka ti ngei dawn tih erawh ka hrechiang hle.
.
Muangchangin keimahin ka che sawn thei tawh a, ka duh ang thil erawh a thleng zung zung lo a ni ber. Min sutu Bike kha tu khalh nge tih leh engvanga khatiang thil kha ti nge anih tun thleng hian hriat ala ni lo bawk a, Sawmzuala tihtir a ni ngei em tih pawh hriat a ni lo. Dawp chhuak tur pawhin amah ber a awm tawh bawk si lo. Engkim hi a buai nuai nuai anih ber hi.
.
.
Ka muhil ka harh hlawl a, tukverh lam ka en chuan khua a la var chiang lo tih ka hre thei. Ka nu chu ka mutna bulah tui zet hian a muhil hnar barh barh a. Khumah chuan ka thuchhuak hlawl ringawt. Engvanga chiang lutuk a harh hlawl nge ka nih pawh ka inhre lo.

Kawngka a ri rak a, rang lutuk in ka mu lehnghal. Eng a tha vak lo nain tunge lo lut tih ka hmuchiang khawp mai.
"Eleazer!" tiin ka phun sap a. Ka tawng chu a hriat phak ka ring lo. Tun ang hunah eng thil nge rawn tih a tum ka ngaihtuah thiam miah lo bawk.
.
Thawm dim takin min rawn pan hnai a, a awm dan chu mak ka ti. Muhil anga awmin engtin nge a awm dawn ka lo ngaichang tawp. Hlauhna ka nei lo. Eleazer hian min tina dawn lo tih chiang takin ka hria a ni.
.
Dimtein ka kut a vuan a, a hmui bulah la chhovin a fawp vang vang a. Sawi a nei a, enge a sawi tak ka hre thei lo. Thawm a dim lutuk. Ka kut chu dimte bawkin a thlah riai riai a, ka chalah min fawp lehin muangchang hian a inla hrang a, pindan atang chuan thawm dim tak bawkin a kal chhuak a. Engvanga muhil der kher nge maw ka nih le? Zawh duh tam tak ka nei a sin.
.
Ka theih anga rangin khum atang chuan ka tho a, pindan atang chuan chhuah tumin muangchang hian kawngka lam ka pan a.
Kawngka hawngin corridor reh deuh ruih chu ka en a, ka beisei phak hauh lohin Eleazer chu hla vak loah bang ngheng hian a lo ding a. Min rawn hmuh chuan ding ngil vatin min rawn pan nghal ruak ruak mai.
.
"Tinge i lo chhuah?" a tawng ring lo khawp mai. A aw atang chuan min ngaihtuah tih a thup miah lo.
.
"Enge i rawn tih dawn?" ka ti ve thung. Min chhang mai lovin cabin ah min kai lut leh rih a, light on in khumah ka thu mu a, ka nu pawh lo harhin Eleazer a hmu thut chu mak a tih hmel atangin ka hria. Tun ang zing khawvar dawn hnaiha a lo kal hi a mak em bawk a ni.
.
Khum hnaih taka thuin ka lak atangin a mit a lasawn lo tluk a ni. Nichin mai khan zawh duh tam tak ka nei tih ka inhria a, tunah tak hian zawh ber tur ka hre lehsi lo. A hmel ka enchian chuan a mu tlem hle ang tih ka ring. A chauh hmel khawp mai.
.
"Ka va chhuak lawk ange. Inhnuai dawr khu an hawng em? Aw..an hawng tlaivar thin tak e." ti mawlh mawlh chungin ka nu chu a chhuak a, Eleazer nen titi na hun min siamsak tih kan hrethiam ve ve.
.
"Chuan_" tiin ka en a, ka sawi awmzia a hre ngei ang.
"Kan inhmuh loh chhungin i lo dam tha ta hle mai." a nui lui suk a,a mitmeng erawh a ngui lup thung.
.
"Sawi duh neia lo kal inih ka ring. Hriat ve duh ka nei bawk a."
.
"Ka rin aiin hma i lo sawn chak anih hi.."
.
"Eleazer! Thil dang sawi talh itum tih ka hrethiam a nia. Thil awmzia hriat ka duh." chiang zetin ka en a, a awm dan ngaiin a awm reng. A chauh hmel em em chung hian a mizia ngeng leh tak ruih kha chu a la ngai reng. Ka ngaihtuah phak bakin ka lo ngai anih hi! Heihi ngaihtuah tur ka ni miah lo. Eleazer hi ka ngaihzawng pawh a ni lova, ka lo ngaih ve viau nachhan tur a awm lo.
.
"I mitmeng tang khan min ngai tih ka hria." a fiamthu anih ringin nui chungin ka en a, a hmel ka en rualin ka nui tawp riai riai. Min fiam hmel a pu lo chauh pawh a ni lo, a serious lutuk mah  mah.
.
"Sawmzuala chungchang kha_"
"A fel thuai ang. Chuan, engtik nge damdawiin atang hian in chhuah dawn?"
.
"Ka la hre lo. Sawmzuala chungchang chu_"
.
"Thil pawimawh lian tham a awm lo. I him tih ka hriat khan lawm lutuk vangin ka a lo chauh a nih kha.." ka kut arawn vuan a.. "Engtiklai pawhin venhim che ka duh tih hi i hria em?"
.
"Eleazer_"
.
"I hria em?" a ti leh ringawt. Ka bu nghat a. A awm dan hi ka hrethiam lo.
.
"Eleazer_"
"Ka hmingin min ko reng la ka duh.. A tawp thlengin!"
.
"Enge a tawp thlengin tih awmzia chu?"
.
"Awmzia em em a nei lo. Ka thawk tawp thlengin tihna a ni ber ang chu. Ka hmangaih che tih hi i hria tiraw? Kan dam chhung hian i bulah awm thei dawn lo mah ila venhim che ka duh reng ang."
.
"I tawng dan chuan min tihlauthawng a nia."
.
Engtik karin nge a biangah ka vawn ka inhre lo. A maimitchhing a, a biang ka vawnna ka kut chu rawn vuan ve in a biangah chuan ka kut chu a nem bei vang vang a. A awm dan hi ka duh miah lo. A tawpna tur niawm takin a mitmeng chuan a awmzia dik tak ka hriat loh thil min hrilh a tum niin ka hria. Amah hlat ka duh thinna zawng zawng kha thawklehkhatah vawmbo vek ang a ni bawk. Ka chhungril hian ka thlahlel a, amah hlata awm ka duh tawh lo. Muanpuia ka ngaihtuah chhuak a, ka pawi sa miah lo nia! Ni e, Muanpuia hi ka hmangaih lo tih ahma pawh khan ka hria a, neih ka tum tho si anih kha. Tunah tak hian engvanga ka rilru danglam nge anih pawh ka hre hek lo. Keimah ngei pawh ka inhrethiam lo chu anih hi. Engkim fel leh vek tur chuan hun eng emaw chen kan mamawh ngei ang.
.
"Nakin ah engkim ila hre mai ang." a tih chuan min tihlauthawng lehzual. Harhchhuak thut niawm tak hian ka kut a vawnna chu a thlah a, kei pawhin ka kut chu ka lasawn ve vat.
.
"Engtin nge i awm zel dawn?" eng chhanna nge ka beisei ka inhre lo.
.
"A tul dan ang zelin!" a ti nghut a. Nichin lawka a awm dan ang khan a awm leh tawh lo.
.
"Tlang lo riau awm hi i hre ve em?" za lo zetin ka nui a, ka awm dan chu mak min ti tih ka hria. A ngaihtuahna erawh ka hre lova, engmah a sawi chhuak lo bawk.
.
A thutna atang chuan tho chhuakin a inher a, engmah sawi lova min chhuahsan a tum anih hmel.
.
"Enge ka lo tih ang? Ngawi renga min kalsan tum miah suh.." ka tawng chu hre lo ang hmiahin a awm. Kawngka lam panin a kal a, ka umzui dawn em ka hre lo. "Eleazer, ding rawh." a rawn hawilet miah lo. "Eleazer__" Thei leh thei lovin khum atang chuan ka chhuk a, a lam panin ka kal a, ka dawm hman tawh dawn lo tih erawh ka hria. "Min rawn hmu turin lo kal tawh suh. Eleazer ka sawi chu i hria em?" a ding chawt a, a la rawn hawilet chuang lo.
.
"Ka hmangaih che. Eleazer_ Ka hmangaih che!" ka chhungril a thil inhlum nghet tak tang awm thin kha a thawl hawk mai. He thu hi a hriat tura ka sawi ka ring tawh miah lo asin. A rawn hawilet beiseiin ka en reng a, a kut hum ruh ngat ngatin hmalam panin a pen leh a, min rawn en lo. Kawngka ah chuan a chhuak a, kawngka inkhar ri khap ka hriat chuan ka zawi hnawk mai. Engatinge a tawpna tur ni a ka hriat tlat le..         
COPAS (HEARTS)
.
CHAPTER - 29
.
Thantei_LauraSean
.
H & E
.
MUANPUIA*
.
Cabin atangin ka chhuak a, Hmingtei'n nikhua a la hre lo. Enge ka ngaihtuah pawh inhre lovin a hmel kha ka en a, eng thutlukna pawh siam se ka pawmpui ang tih ka sawi ve ringawt anih kha. Ka chhungrila ka ngaihtuahna chu a dang daih thung. Kei hian engti zawng pawhin Hmingtei hi ka nei ang!
In lama haw lovin damdawiin kawtah ka awm a, Eleazer haw lai chu hmun kil deuh atangin ka lo thlir reng a. In ah haw pawh ni ila ka muhil dawn lo tih ka hrechiang. Ka rilru a buai nuai nuaiin ngaihtuahna tha lo tak tak ka nei nasa mai bawk. Ka chhungril ah hian ka sawifiah thiam loh thil tam tak ka ngaihtuah a, thinlung ngaihtuahna hian kan duh hauh loh thlengin min lo hruai kawi thei nasa tih ka hrechiang tawh. Tunhma khan hetiang hian ka ngaihtuahna a kal sual nasa ngai lo. A chhan ber chu Hmingtei hi ka hmangaih a, amah hian min hmangaih lo tih ka hrechiang em em chungin neih ka tum tho a, amah pawh hian a luhlulna vangin min neih a tum tih ka hria. Bike-a sutu kha tunge anih ka hre lo a, na tak tuara a awm hi hreawm ka tih rualin pawi tih lohna ka nei tho bawk! Inchhuan theihna tur engmah nei lovin ama duh thu ngeiin min rawn pan se ka duh a ni! Ka hmangaih lutuk vang a ni mahna.
.
Accident a tawh lai khan a bulah kei ka awm lo a, Eleazer nen an awm dun tih ka hria. Hua anga lan a duh thin nain a hmuh apiang hian a awm dan a danglam ziah thin. Kei hian ka hrechiang lutuk. Ka duhna ngai pawimawh berin leh min la hmangaih ve mai theih beisei chungin engpawh thleng se ka nei dawn tho tho a ni.
Eng chen zeta rei nge ka awmna ngaiah chuan ka awm ka hre lo. Sawmzuala lo kal ka hmuh chuan ka enzui a, rilru buai tak hmel a pu. A hnungah ka zui a, hmanhmawh taka kalin Hmingtei awmna cabin lam a pan a. Thil eng emaw tak tih a tum ngei ka ring bawk. Hmingtei  nu cabin pawna muthlu chu thawm dim taka kal pelin cabin-ah chuan a lut a, ka va pawh nghal mai duh lo.
.
Rei vak lovah hmahnawh lutuk hian Eleazer a kal a, min hmu lo niin ka hria. A hmelah khan hlauhthawn nei a ang bawk. Cabin-a a luh hnu reiloteah thawm arawn awm ta reng a. Hmingtei chuan min hmuh ka duh loh vangin ka la biru ta hram. Eng thil nge maw ka hriat phiangsen ni.
.
Rei nghah angai lo, Sawmzuala chu hmel phelh phungin cabin atang chuan arawn chhuak a, a hmanhmawh bakah a mitmeng a buai vek. Thawm ka hriat atang khan thil tha lo tawpkhawk leh rapthlak lutuk tih a tum tih ka hria a, ka chhungril hi a so bulh bulh a ni ber. Sawmzuala chu ka umzui a, a harhfim lo anih ka ring hial. A accident ang tih hlauhawm khawpin a bike chu a khalh kawi nawk nawk mai.
.
Kawngsir ah rem lo zet hian a ding a, tibuaitu nei ang mai hian mumal lo zetin thawm a chhuah bawk. Ka awmna lai chu thlanmual bul a ni tih ka hria. Rin dan ka nei nghal deuh mai bawk.
.
Sawmzuala chu a pai nawk nawk a, thlan pakhat chungah bawkin a tap a, eng thu nge a sawi a hriat theih loh. Thlang lam thim chin atang chuan mi pakhat arawn chhuak hlawl a, amah hmutu an awm leh awm loh enkual niawm tak hian a hawi kual zawk zawk bawk. Sawmzuala chu panhnaiin timna nei  miah lo hian a hrawkah a rek a, engmah tih nachang ka hre lo.
.
"I khawih hman em?" a ti hrawk a. "Mi tenawm tak chu i lo ni e. I nupui unaunu bakah i nupui i that a, nichin maia i thiltih tum kha kahre bawk ania."
.
"Ka ti lo. Min thlah rawh.." Sawmzuala chu a thaw bawrh bawrh mai.
"A teuh lo mai!" tih pahin a rek na zual sauh a. Sawmzuala chu tang tur awm tawh lova a zal tak raih raih hnu chuan a hrawka a rehna chu thlahin a ipte atangin eng thil emaw a phawrh a, Sawmzuala sirah chuan a dah a.
"Tikhan i phutawk i hmu anih kha." tia phun supin a kalsan nghal. Ka thil hmuh chuan min thawn em em rualin Sawmzuala chu ka lainat miah lo! Hepa hi Eleazer thianpa kha a ni tih pawh ka hrechiang ve alawm. An tawng tur tur chu tawng hlawm teh se. Ka tih ve ngai hauh lovin ka nun atang hian hnawksak thei lo turin an la kiang dial mai ang.
.
Ka awmna atang chuan chhuakin Sawmzuala engmah hre tawh lova thlan chunga ingeuh zeta mu chu ka en a, nichina miin a bula a thil dah pawh kha ka hmu.
Tun huna ka thil hmuh leh hriat hi engmah ka sawi chhuak lovang. Kha mihring Sawmzuala thatttu kha tunge anih ka hre ngai lova, ka tan hna tha tak min thawhsak tih erawh ka hria.
.
Hnuhma engmah ka hnuchhiah lo tih hrechiangin thlanmual atang chuan ka motor dahna lamah kalin hmanhmawh takin damdawiin ka pan lehnghal a. Ka va thlen leh chuan ka beisei loh zetin a lo reh thap mai. Hmingtei nu'n min rawn hmuh chuan a tap  nghal titih a. Thil thleng min hrilh chuan ka lo hrelawk tawh tho nain min thawng tak angin ka lang lui ta a ni.
.
"Engpawh thleng se Hmingtei hi ka hmangaih a, ka kalsan chuang lovang." tia ka chhan chuan a tah a chhuak zual sauh zawk niin ka hria.
.
"Tunah chuan ala muhil a.." a ti leh ringawt a.
"Nakin ah ka lo kal leh ang." tiin ka kalsan ta phawt. In ah hawin ka intifai a, thil thlen dan hi ka lo thlir tawp rih mai dawn em ni tiin ka inngaihtuah buai hle.
.
Muangchang lovin damdawiin lamah ka kal leh a, Hmingtei pawh a lo harh tawh. Inneih thulh a duh thu a sawi chuan ka rinlawk dan anih vangin ka buai hran lo. Eng pawh thleng se ka kalsan lovang, eng chen pawh hun mamawh se ka nghak ang tih ka hrilh kha. A luhlul zia ka hria a, nawrluihin awmzia a nei dawn lo tih ka hrechiang em em.
.
Eleazer rawn kal a, he mihring hmel ka hmuh hian ka hmangaih ber thinlung neitu anih avangin ka duh emaw duh lo emaw ka chhungril ah hian thil eng emaw danglam a awm ziah thin. Hmingtei'n amah chhuahsan tura min duh thu a sawi chuan chhuh tum lovin ka thu lui a. Eleazer pawh chu a che eih lo.  "Min chhuahsan ru. Keimah chauha awm ka duh." a tih leh that chuan a hmel ka en a, rak thei ni se rak vak vak duh hmel a pu. Ka rilru thlakin muangchang hian ka thutna atang chuan ka tho a, ngaihtuahna dang ka nei.
.
Eleazer hian Hmingtei hi duh viau mah se tun atanga hun reiloteah alak atanga hla lo thei lovah a awm dawn tho tih ka  hre tlat. Engtin nge ka hriat ka sawi lovang! Bakah maw_Hmingtei hi Sawmzuala khan a khawih chhe hman lo tih ka hre khiau tawh!
.
Ka rinlawk ang chiahin thil engkim a kal chho ta. Eleazer chu a thiantha ber thattu anih Police ho chuan an ring ta chat mai. Sawmzuala ruang bula Sana kha Eleazer ta hi a ni tlat alawm! Insawi fihlim tur chuan a hautak talh ang. Tihian ralkhat atangin hahdam takin ka lo thlir tawh  mai dawn a ni.
.
Damdawiin ah Eleazer ka hmu tawh ngai lova, Hmingtei awm dan erawh ka duh lo telh telh. Min ngaihtuah lo mai pawh a ni lo, hmun dang daiha cheng ang maiin a bula ka awmlai ngei pawhin ka biak a hre mumal ngai lo.
.
Tichuan, tunah mai khan Eleazer a kal chhuak chiah tih hriain cabin-ah ka lut ve chiah a ni.
.
.
Hmingtei chu hmel phelh phangin a lo ding a, min hmuh chuan phu deuh zawkin hlim hmel a pu zawk a, a zuai lehnghal raih raih mai. A chhan ka hria. Nui luiin a banah ka vuan a.
.
"I lo tha zel em?" ka tih chuan min chhang lo. "Nangmahin khum atanga lo tho tawh rih lo turin ka hrilh che kha. I indim viau loh chuan i tha chak thei dawn lo a nia." khumah chuan muttir in puan ka sin tir a, a la tawng chuang miah lo.
.
"Muanpui, thil thleng chungchang ah khan hriat eng emaw i nei em? Eleazer khan engmah a sawi duh miah lova.." a mitmeng bial kal chuan chiang zeta min en in Eleazer a angaihtuah zia a thup miah lo. Ka rilru a lo na vawng vawng thung.
.
"Eleazer i  ngaihtuah ang hian vawikhat pawh min ngaihtuah ve tawh em?" ka inveng hman lo. Phawk hrain min en a. " Maw?" a ti dam thlap lawi  a. A bulah tuna ka awm ang hian ka la awm ngai miah lova, makti awm pawh a ni e.
.
"Engmah a ni lo. I pasal nimai tur aia mi dang ngaihtuah hmel i pu khan ka rilru a tina deuh mai a nia."
.
"Inneih chungchang kha chu ka sawichiang tawh khan ka hria a. Tuna ka dinhmun atang hi chuan inneih lam ka ngaihtuah miah lo a nia. Min hmu reng a, ka dinhmun pawh i hrechiang a. Muanpui, ka tan i that zia leh min dawhtheih zia te, ka tan thiantha tak nih i tlin zia pawh ka hria. Mahse__"
.
"Mahse, enge?" inneih thulh chungchang kha chu sawiri tawh lo zawk rawh se. Kei hian neih ngei ka tum nghet bur!
.
"Kan innei thei lo."
"Engvang nge ka zawt lovang che." ka ti hrawk a. Ka duh aiin ka tawng ri a ram khawp mai. Ka inthunun angai dawn a nih hi.
.
"Min zawt rawh!" chiang zet hian min en a, a awm dan hi nidang ang a ni hauh lo mai. "Inthiam lo leh thinlunga hreawm ti reng tura awm ka tum tawh lo. ka bum thei lo che a, keimah pawh hi ka inbum thei tawh lo. Muanpui_ Eleazer hi ka hmangaih a ni."
A tawngkam chuan min deng na tih piahlam a ni. Kan puitlin hnua kan intawn leh atangin tun hi kha mihring kha a hmangaih a ni tih thu min hrilhna hmasa ber a ni. A awm dan atangin hre thin mah ila a tawngkama a sawi chhuah hi ka lo beisei miah lo. Um, dik taka sawi chuan Eleazer laka a rilru puthmang hi ka bulah a sawi  ngai meuh lo a ni zawk e. Thian hlui a nih kha a ti ringawt thin!
.
"I hmangaih lo!" awmze nei lo zet hian ka ti ringawt a.
.
"Chu chu kei pawh hian rin luih talh ka tum thin tih i hriat kha. Tunah chuan ka thei tawh lo." a ti leh a. Ka duh loh tawp dana ka awm mai ka hlauthawng a ni. Tharum hmang chuan Hmingtei hi ka bei dawn hauh lo va, mah se... Kei min kalsan a, Eleazer Rinmuanpuia hi a pan a nih vaih chuan nun nuamin ka awm tir hauh lovang. Eng thil phiangsen nge maw ka ngaihtuah hi! Ka duh danin ka awm thei hauh lo nia..
.
"Eng pawh thleng dawn se kan innei ang. Kan innei lo anih chuan_"
"Kan innei lo anih chuan enge i tih ang?" zam hmel a pu hauh lo va, chiang lutuk hian min en bawk. Abulah hian sawi loh tur ka sawi palhte pawh ka hlau e.
.
"Ka chhuahsan rih phawt ang che. Inneih chungchang chu ka ngaih dan ka sawh sawn dawn hauh lo tih erawh hria la."
.
"Tih luihna hmanga min neih i tum anih chuan theihnghilh rawh. Mi tha tak ni a ka hriatna che hi tihchhiat ka duh miah lo a nia." ka ding uaih tawh chu ka thu leh. Ni e, Hmingtei lakah hian a tha thei ang bera lan ka duh reng fo va, tunah pawh a la danglam chuang lo. Ka thinlung taka ka hmangaih hmeichhia neih ngei tuma beih hi thilsual tiin kan sawi thei dawn em ni? Thei hauh lovang. Amah ka neih theihna tur anih chuan eng thil pawh ti ila a dik vek.
.
A mitah chiang taka en in a kutah ka vuan a, "Ka nei lo che anih chuan dam ka duh hauh lovang."
.
Min en phawk hra mai.
"Enge sawi i tum ber?" a tichang fal a. Tuna min en ang hian min la en ngai miah lo. A hriat ngai loh mihring ang  maiin min en alawm le.
.
"Ka nei lo che anih chuan dam ka duh hauh lovang." ka tinawn leh ngat. Ka beisei loh zet hian a nui hul hak a.
.
"Min vau tihna a ni em?" a hmel a thutak ta kher mai. Ni e, ka vau chu a ni ber alawm. Tih dan tur dang ka hre mai lo a tin ni. Hei leh chen kan inhriain kan inzui ve tawh a, min neih loh vanga ka thi lai a hmu duh hauh lo vang. Mi rilru tha tak a ni tih pawh kei aia hrechiang leh tur chuang an awm lo.
.
"Lo ni ta se." a rilru hneh tum takin ka nuih a, a kut ka vawn chu rang lutuk hian la sawnin mak deuh hian min en ngawt ngawt mai.
.
"Min vau buai duh suh. Duhzawng neih theih loh vanga mahni nunna la duh tur khawp mihring i nih chuan ka damchhunga hun hmanpui turin ka duh lo che. I duh chuan tunah pawh khan i nunna chu i la nghal thei ang." a hmel chu ka en reng a, timna a nei miah lo. Ka beisei loh ang chhanna ka hmu bawk. Dam ka duh lo tih ka sawi khan ka ti tak tak a, min vengthawngin min neih a duh thu a sawi ka ring bawk anih kha. Ka tum dan letling chiahin min chhang ta si anih hi.
.
"I ti tak tak lo." ka aw rik dan chu a mak lutuk. Ka hrawkah hian hnawh tlat angin ka awm bawk a.
.
"Tun aia thutak lai hi ka la nei lo hial ang. Hetiang khawpa dawihzep inih chuan harsatna engpawh tawk ila  min venghim ngam dawn lo tihna a ni. Min venhim theih leh theih loh ai mahin mahani nunna lak ang zawnga invau hi ka ngaihdam theih ngai loh tur a ni. I duh duh i ti thei ang. Ka laka that i lo chhuah tawhna zawng zawng vang khan ka lawm e. Min kalsan tawh rawh."
.
"Hmingte.."
"Sawitur ka nei tawh lo."
.
"Rinmuana neih i tum vang a ni em? I neih chuan ka ring lo. Duh viau mah la i nei lovang."
.
"Chu chu i lo buaina tur a nih loh hmel. Tha taka inthlah ka duh a nia. Min kalsan tawh rawh." a rilru thlak a tum miah lo ang. A luhlul zia lah ka hrechiang nasa.
.
"Tualthattu i  nei duh anih chuan i thu thu. I hlim emaw chu. Ka lo thlir ang che." ka chhungril a so bulh bulh a, tharum thawh lo turin ka inthunun nasa hle. Engvanga hetianga awm hi nge maw ka nih le? Engtik lai atang khan nge mi dawihzep chu ka lo nih? Ka dawihzep amaw? Ni lul lo ve.. Kei hi tumah reng rengin dawihzep tiin min ko ngai lo va, mi dawihzep ka ni hek lo.
.
Ka thutna atanga thovin cabin atang chuan ka chhuak a, Hmingtei'n hlauthawng hmel a pu miah lo kha mak ka tih rualin ka thin a rim em em bawk. Tualthah chungchang ka sawi khan hriatchian duhin zawhna chhan sen loh min zawh ka ring a, mah se, ka tisual leh ta. Min en tawh lo va, zawhna min zawh  phei chu hla tak a ni.
COPAS (HEARTS)
.
CHAPTER - 30
.
Thantei_LauraSean
.
H & E
.
HMINGTHANSANGI*
.
Damdawiin atanga ka chhuah atangin kar khat aliam a, Eleazer hmel ka hmu leh tawh lo. Muanpuia pawh ka hmu chuang lo. Thlipui rapthlak tak thlen hmaa a reh ruih ang mai hi niin ka hria.
.
Muanpuia nen kan inbiak hnuhnun ber tum khan ka duh dan leh awm ka tum dan ka sawi chiang tawkin ka inhria. Eleazer tualthattu tia a asawi kha chu a ti tak tak lo ang tih ka ring bawk. Engvang ngawtin nge Eleazer hian a thiantha ber a thah duh tehlul ang. A chhan tur chu eng pawh ni se, Eleazer hi tualthat duh tur khawpin a nunrawng lo tih ka hrechiang tawk. Hlauhthawnna nei miah lo erawh ka ni chuang lo. Min rawn pawh duh tak miah loh dan atang hian thil dik tawk lo a awm ngei ang tih chu ka ring a, eng thil nge thleng chiah hre turin ka chhuak thei chuang lo va, tuna ka tihtheih awm chhun chu in a lo inngaihtuah hah ngawt ngawt hi a ni rih deuh mai.
.
Damdawiin ka awm chhung khan Te-a hi vawi thum vel chu a lo kal a, ka harhchian hmaa lo kal anih vangin kan inbe mumal lo thung. Ani hian eng emaw hriat a neih ngei ka ring. Ka room-ah ka vei sek a, khumah thuin ka phone chu Te-a biak tumin ka la kang ta nge nge a.
.
"Hey, Hmingthansang, i lo chhuak tawh tih ka lo hria a. I tha zel em?" a thawven ngai rengin a la thawveng anih hmel hi.
.
"Tha zel alawm. Min lo kan pawh i tum miah nange?"
.
"Tum e a. Duattu i tlachhham viau tih ka lo hria a nia." a tih chuan za vak lovin ka nui ringawt. Eng tin tin emaw hian thu hi a lo hre ve a, hei vang tak hian alawm Eleazer chungchang pawh a hriat ka rin lehpek.
.
"Lo kal vat mai teh."
.
"Chawhnu lamah lo kal ka tum ang. Ei chak i nei em? Ka lo kensak ang che."
.
"I hmelchhe ve zet kha i rawn lantir chuan a tawk mai.." ka tih chuan a lawm loh hmel teh e.
"Ka lo kal ang. Ka nupui tur ka lo hruai dawn a nia."
.
"I hmuh phawt chuan lo hruai ngei rawh." tiin ka chhang  naa amah chauhin lo kal se ka duhthusam a ni zawk.
.
Chawhnu a thleng har hle. Sana ka en sek a, ka nu leh pa an chhuah ve ve vangin mahni chauh chuan tihtur a vang duh hle. Movie en a thut mai  mai ka thei der lo. Rilru a vei ka ngah lutuk vang pawh a niang.
.
Door bell ri ka hriat chuan kawngka hawng turin ka kal thuai a, Te-a hmel ka hmuh chuan ka nui thei ta. Zawh duh ka ngah zia hi a hrethiam phalo zawk hial ang.
.
"Khawnge?" tiin a hnunglam chu ka en a. Nichin khan ka nupui tur ka lo hruai ang a ti ve bawk a. Ka rin dan tawk vel chiah.
.
"Tu chu??"
"I nupui tur chu."
"A hman leh lo a, ni dangah a nimai."
"Lo lut rawh."
.
Eitur eng eng emaw min rawn kensak chiam a, ei chak erawh ka nei miah lo. A hmai ka zah vangin a then chu ka eilui hram hram a ni.
.
"Min rawn biak hlawl chhan hi rin ka nei a."
.
"I ring dik maithei."
"Min zawt la." eng pawh zawt dawn ila inpeih at niawm tak hian a thu ngil auh a.
.
"Sawmzuala case chungchang ah khan hriat i nei em?"
.
"Ka rin chiah. Nei teuh mai. Eleazer hi a him dawn lo tih lo hre lawk la."
.
"Eleazer chuan enge tihsual a neih ve?"
.
"I aw a khur nghal ringawt elaw?" a tih chuan rang zetin ka lu ka thing. "Tak takin, Eleazer sana kha Sawmzuala ruang bulah khan an chhar tlat a, tang vaiu dawn pawh ni se tihtheih a nei rih lo anih hi. A hausa hrim a, an hreng lo mai chauh a ni. Thudik haichhuah tumin mut pawh a mu hman lovang. Kei pawh hian dik taka sawi chuan amah a nih theihna chance a sang viauin ka hria."
.
"A hausak vang ringawt a hreng lo an nih ka ring lo. Dan a awm alawm. Dan hmaah chuan mi hausa leh rethei kan inang tlang vek."
.
"I sawi chu a dik a, mah se, a theory mai chauh a nia. Sakhaw zalenna rama tuarna thleng thinte hi i hre ve vek alawm. A thu chauh hi chuan dan hi a khauh khawp a nia." za lo zetin a nui a, a sawi awmzia ka ngaihtuah chuan dik ka ti. Kan ram danpui ah ngei hian intluktlanna thu tam tak kan hmu a, a taka kalpui chat chat erawh a tlem hle si anih hi.
.
"Chuan.."
.
"Ka hre tawh biklo. I bialpa Rinmuana_Oh_Eleazer hi a fihlim i ring hrim hrim em?"
.
"Ka bialpa anih pawh ka hre lova. A fihlim leh fihlim loh ah chuan ngaih dan mumal ka nei lo. Chuvang alawm hriat i neih leh neih loh ka zawh che." ka tih leh chuan a ngawi ta vang vang mai. Min en uluk nasa ta mai bawk.
.
"I ngaih dan dik tak i sawi tih ka hria. I lakah hian dawt sawi pawh ngai ka ti lo ve. Hming, kar leh hian court-ah a inlan dawn a. Tanpui theihna i neih chuan tanpui ngei ang che." a thusawi chuan ka beng a verh ta zar mmai.
.
"Enge tihsak theih ka neih ang?"
"I hresa."
"Enge ka hriatsa chu?"
"Ka sawi kher angai lo."
.
"Chimawm viau suh."
.
Door bell ri vangin kan ngawi a, zawhna zawt hmelpuin kan inen ta ngawt a. Tunge tun ang huna lo kal tur awm?
.
"Va hawng rawh."
Muangchanga thovin kawngka ka pan a, kawngkhar ka hawn chuan ka beisei loh lutuk mihring ka hmu.
"Loretta!"
.
A hmai a dang lapin a cher hle. A mithnuai val duk ruih dan atang chuan a mu tha lo hle ang tih a hriat theih bawk.
.
"Enge i rawn tih dawn?" ka hawihhawm hleithei lo.
.
"Biak che ka duh a. Hun i neih chuan." a ngawi dat a, inchhungah tunge awm tih hriattum niawm tak hian thle deuhin kan inchhung chu a thlek a, a awm a nawm loh hmel nasa hle. Ka luhtir dawn nge dawn lo ka hrethiam lo.
.
"Lo lut rawh." ka tawng a hriat chuan rang lutuk mah mah hian arawn penlut nghal.
"Ka lawm e." a tisap a. Te-a lo thu reng a hmuh chuan a tim leh deuh zawk. "Kan pahnih chauha hriattur sawi duh ka nei a."
.
Te-a chu a thutna atangin arawn tho a, hmun dangah kal a duh thu sawiin min lo tlawh leh vat a tum thu sawi zung zungin a kal chhuak nghal chu ani deuh mai.
.
"Khatah khan lo thu rawh. Intur i duh em?" ka tih chuan Loretta chuan a lu thingin inchhung chu a enkual vat vat a, hlauh tak nei hmel a la pu reng chu mak ka ti.
.
"Lo thu teh. I bulah hian ka sawi ang tih pawh ka lo ngaihtuah ngai lo va, mah se, ti lo thei lo dinhmunah ka ding ta si a nih hi."
Muangchangin amah hmachhawn zawngin ka thu a, a mitah chiang taka enin a sawi duh chu sawi turin ka hrilh a.
.
"Ka_Ih_Sawmzuala fa ka pai a!" mak ka tih zia ka thup hman lo! Engtin nge a nih theih? Engvangin nge Sawmzuala fa a pai thu chu kei kher min hrilh!
.
"Nizan khan ka mumangah ka hmu a, ka hlau a ni. Ka hlau tak zet. Ka kawchhung atang hian min rawn that dawn niin ka hria." a sawi zawng chuan ka lo mur sung sung thei! Engmah ka la sawi ve lo. Sawi duh a ngah hmel bawk a, han sawi vek phawt teh se.
.
"Kan inkawpna a rei tawh deuh a.. Rinmuana hian a hre tawhin ka hria. Mahse, Sawmzuala thiltih hi engmah ka hriatpui lo. Tabi leh Alawmi te kha ama thah anni tih pawh ka hre lo. Min chhanchhuak rawh. Hetiang mi rapthlak lutuk fa ka pai hi__" tawng zawm thei lovin a tap a, a inhnit hlawp hlawp a.
"A thih dawn zan__khan arawn kal a. A mitmeng a buai vek a. Mawizuala hnaih lo turin min hrilh a."
.
"Mawizuala maw? Enge a chhan?"
.
"Ka hre biklo. Mawizuala hi a hlauhawm tih a sawi hnuah engmah dang sawi leh tawh lovin min chhuahsan a. Chuan_ka hmuh leh hmasak ber chu a ruang kha ani ta a ni."
.
"Heng thu hi engvanga kei kher min hrilh nge i nih?" ka tih chuan thawl ta huai niawm tak hian a thaw hak a.
.
"Rinmuana ka pawh ngam tawh loh vang a ni. Sawmzuala thattu ah an puh tih ka lo hre ve a. Amah a nih leh nih loh chu ka hre lo nain Rinmuana hian Sawmzuala a thah duh ka ring lo. A hmeichhe hmangaih ber lakah khatiang khan che pawh ni se Rinmuana hian Sawmzuala hi a that miah lovang. AWi..Eng thu nge ka sawi vak vak hi.. Sawmzuala'n min that ngei ngei ang.." hlau lutuk te titih hian min rawn bawh rawk rawk a, a awm dan chuan min ti hlauthawng khawlo zo vek. Ka la chak tawk em em bawk si lo.
.
"Inthlahdul teh. Min tihlau a nia.."
.
"Ka kalsan phawt ang che. Ka awmna hmun apiangah chhiatna ka thlen a nih hi. Sawmzuala kha lo hmangaih tlat lo ila hetiang thil zawng zawng hi a thleng hauh lo tur a nia. Ka thinlung hi ka thunun thei si lo va, thil rapthlak lutuk a thleng ta a nih hi. He thinlung hi buaina engkim chawk chhuaktu a ni." awmze nei lo hian a awm a chum vak vak a, amah a intina ngei  ngei ang. "Dam tur ka ni lo. Dam tur ka ni biklo. Ka hmangaih ber kha... Tunah Sawmzuala awmna i hria em?" hmel khawngaihthlak zet hian min en dauh dauh a, Loretta hi ka hriat thin ang kha a ni tawh lo mai pawh a ni lo, mi pangngai a pha ta lo niin ka hre hial. A thusawi hi awih tur nge awih loh tur tih pawh ka hre ta tehnuai lo.
.
"Hahdam phawt la i kal dawn nia." ka ti veleh hnuhnawh. Nasa zet hian a lu a lo thing thung.
.
"Ka kal phawt zawk ang. Rinmuana chu hmu ngei ang che. A rilru a hah viau ang." chelh beh theih lohin min chhuahsan a, kei pawh ka chau zual hnawk mai.
.
Loretta thusawi zawng zawng kha ngaihtuah letin tihtur ka nei ngei tih ka hrechiang ta hle. A sawi zawng zawng kha dik vek lo pawh ni se eng emaw zat chu a dik ngei  ngei ang. Ka chak tawk emaw chak tawk lo emaw Eleazer hmu tura ka ngei ka duh.
.
Ka pindan ah muangchanga chhoin ka intifai a, ka thawmhnaw ka thlak fel leh chhung nen darkar khat vel zet hun ka hman ka ring. Lirthei khalh chi ka nih loh vangin Taxi ka chang a, Eleazer office ka pan ta ringawt a. Eng ber nge a bulah ka sawi dawn tih pawh ka hre rih chuang lo.
.
.
ELEAZER*
.
Karleh hian court-ah inlan ngei angai a, engmah ka tihsual loh zia leh Sawmzuala thihna ah hian ka inhnamhnawih loh zia fiahna tur engmah ka nei lo. Sawmzuala ruang bulah khan engvanga ka sana kha awm ringawt nge a nih lah ka hre hek lo. Felfai taka ruahmanna a ni  ngei ang tih erawh ka chiang a. Hetiang ruahmanna fing kherek lutuk neitu hi tunge anih rin ngaihna ka hre hek lo. Min haw em em tu a nih loh pawhin.. Muanpuia_ Muffin neih loh hlaua phe sek hi a ni mai thei tih hi vawi engzat nge ka ngaihtuah pawh ka hre lo ve.
.
Nimin piah khan Muanpuia chu ka hmu a, ni dang ang lo takin a hmel a ngui lup a. Biak hleihtheih loh turin a awm lui tlat bawk. Muffin pawh ka hmu lo rei ta. Ka thubuai hi a hriat ve ka duh lova, a hria anih chuan a rawn inrawlh ngei dawn tih ka hriat vang ani pakhat. Hetiang  buaina ah hian lo tel ve lo se tih hi ka duhthusam a ni. Him taka a awm phawt chuan keichu engti pawhin awm ila a tha vek.
.
Ka office kawngkhar arawn inhawng a, Muffin hmel ka hmuh chuan ka thutna atangin ka ding chhuak zawk mai. A hmel chu ka en tlawk tlawk ringawt. Ani pawh a dang chuang lo.
.
"Min lo hnar tum miah suh_" a tih nghat a, ka ngaihtuahna hria niawm tak hian. A hmel en chuan a la chak tawk lo tih ka hre thei mai a, heti chung hian engvanga min rawn pan hram  nge maw anih le?
Thu tura ka hrilh hmain chauh hmel zet hian ka dawhkan hmaa chair-ah chuan a thu hnak a.
.
"Heta i lo kal hi Muanpuia'n a hria em?" ka zawhna chu a va hun lo ber. Mahse, ka ngawi mai thei si lo. Kha mihring nen khan thla leh hi an inneih hun a ni tawh tih ka hria. Min hmuh fo hi Muffin hian a duh lo tih pawh ka hria. Kan inhmuh hnuhnun ber tum khan min hmangaih tih a sawi anih kha. Kha thil kha ka mumang ani lo.. He thu hi vawi tamtak ka ngaihtuah nawn tawh a, ka beisei rawh ka tihsan phah tehchiam lo. Awmze nei lo va beiseina sang tak lo neih ngawt hi a vuaklet a na thin em a, ka sim tawh a ni ber. Ka sim chiah em maw ni? Nuihzatthlak zawk hian a... A hmel ka hmuh rual rualin ka ngaihtuahna a buai leh ta vek anih zawk hi.
.
"Amah chu i ngai ami?" a ti leh nghat a. Amah ngei kha..a nihna dik tak, tuna arawn awm dan hi a mizia dik tak ang kha a ni. A rilru dik  tak sawi thin hmeichhia, ka hriat thin ngei kha.. Ka nui hak.. Ka nuih erawh a za hran lo.
.
"Mawizuala i hmu leh tawh em?"  min zawhna chu mak ka ti. Ka thup hauh lo bawk. "Mak iti viau tih ka hre mai. Mawizuala hi i ringhlel miah lo tiraw?" a tih chuan muangchangin ka chair-ah chuan ka thu riai riai a. Ka ringhlel hauh lo mai. Vawikhatte pawh Mawizuala hi ka ngaihtuah chhuak lo zawk a ni. Rinhlelh chhan tur pawh ka hre hek lo.
.
"Chu chu eng vanga sawi nge i nih?"'
.
"Loretta a lo kal a. Sawmzuala khan Mawizuala hnaih lo turin a lo hrilh a ni awm e."
.
"Loretta chu a chhungten inenkawl turin damdawiin ah an dah kha. Engtin nge arawn hmuh theih che?"
.
"Darkar 1 leh a chanve vel liamta khan kan in ah alo kal alawm. Ka thu hriat hian a puih theih che ringin ka lo kal a." dawt asawi lo tih a mitmeng tangin ka hria. Min en kal a. A hmelthat zia a inhre miah lo. Chhang mai lovin a hmel chu ka en reng a, ka awm dan chu hrethiam chiah lo niawm tak hian arawn awn deuhin zawhna min zawt hmel a pu ta bawk.
.
"Mawizuala chu ka lo ringhlel miah lo asin."
"I awm danah khan ka hre mai."
"Engtik laiin nge ka awm dan atanga ka ngaihtuahna hriattheih viau dan hi i lo zir a?"
"Zir hranpa angai hleinem. Kan hmangaihte chu kan hrechiang thin alawm." arawn awm dan hi a mak mah mah deuh lo maw? Min cho at lehnghal niin ka hria.
.
"Min hmangaih anih chuan tunah hian min rawn fawp rawh." chiang lehzualin a hmel ka en a, a beisei hauh loh thu a hria tih hriat zet hian a ang pham a. A nui sak bawk. He hmeichhia hi eizawh vek mai ka duh!!! Ka ngaihtuahna a kal khawlo leh zo tawh. Ka thinlung chhungril ber hian he hmeichhia aia duh leh mamawh hi ka nei reng reng lo.
.
"I thusawi chu ka hre lo ni rawh se." min cho zet hian min la en ta reng.
.
"Pasal nei mai tur hmeichhia hian mi rinawm lo nih a duh loh thu kha ka beng ngei hian ka hriat kha. Ka beng hriatna hi a tha ngei bawk a."
.
"Engtikah emaw chuan pasal nei mai tur ka la ni leh mahna. Tunah chuan ni rih lo."
.
"Enge a awmzia?" a sawitum hi enge anih ka hre lo. Min chhaihkual dan pawh a lo hre ta tak zet anih hi.
.
"Mawizuala chungchang chu i ngaihven zawk ka lo ring a. Keia pasal neih tur thu mai mai ni lo hian."
Dawhkanah ka kiu nghatin ka kutin ka hmui ka khawih zauh a. A sawi chu a dik chiah. Mahse, a bula ka awm hian ngaihtuah tur hmasa zawk ngaihtuah lovin amah chauh hi ka ngaihtuah hmasa zel thin tih hi a hre lo tak tak nge a hrelo der?
.
.
Kawngka arawn inkik dat dat a, ka secretary lo dakin min hmuh duhtu an awm thu arawn sawi a.
.
"Tunah chuan ka la buai. Lo nghak rawh se."
.
"Sir, i thianpa Mawizuala ania.."
.
Mawizuala hming lamrik a hriat rualin Muffin chu a meng phar ak a, a thutna atangin a tho nghal bawk a.
"Engtin nge ka awm dawn?" tih hmelpu hian min en bawk.
.
"Hahdam rawh."
.
"Eleazer.. Loretta sawi kha a lo dik anih chuan min hmuh dun hi a tha miah lovang." a hlauhthawn hmel ta hle. Hetiang vang tak hian a ni buainaa intatlut ve lo tura ka duh chhan chu. Hlauthawnga a awm hi ka duh hauh lo.
.
"Ka sawi ang apiangin awm ang che." min chhan leh tumin a ang ziau a, a tawng chhuak hman ta lo. Thawven hmel zet hian Mawizuala chu a rawn penlut a, Muffin hmel a hmuh chuan a mitmeng a de zawk a, rang lutuk hian a insiamtha nghal vat a. Chu chu ka tan atawk. Kei hian ahma khan Mawizuala hi engvanga lo ringhlel miah lo thei nge ka nih? Sana leh thil thenkhat... A tha e!
.
"Min chhuahsan thei ang." chawp leh chilha ka awm dan ti danglam in ram zeta tawng chungin Muffin chu ka en a, a ni chuan a mit tizim deuhin min lo en thung. Ka awm dan hi hrethiam hram rawh..Khawngaihin Muffin.. Nang chuan ka chhungril pawh i hriat  vek kha..
.
Muffin chu che lovin a thu ngil auh a, Mawizuala chuan min en tawn ru zeuh zeuh tih ka hria.
.
"Chhuak rawh." chang zeta ti lehin kawngka lam ka kawk a. Min hrethiam turin Muffin chu ka duh tak zet.
.
Thawk a la hak a, muangchanga ding chhuakin chiang kel kawl hian min en a. Thinrim hmel em em hian thawk ala leh ham ham mai. A tider nge a ti tak tak tih pawh ka hre tawh lo. Ka duh zawng chu...
.
"A tawk e. Nang hnaih tum hi hun khawhralna mai a ni." min en leh tawh lovin a theih tawka chak hian ka office atang chuan a kal chhuak a, Mawizuala chuan a lo en uluk kher asin!
COPAS (HEARTS)
.
CHAPTER - 31
.
Thantei_LauraSean
.
H & E
.
"Kha.. Enge arawn tih a?" Muffin a chhuak fel chauh a, tlangnel zet hian chair-ah thuin a nui suk suk a. A mizia a la pangngai reng. Thil thalo tak ti ni se hetiang hian a awm thei dawn em ni?
.
"Hriat ve zel tum lo mai rawh." fiamthu angin ka lang naa, ka fiamthu lo  nasa.
.
"Anih chu. Enge tunlai_ i buai viau lo maw? I chanchin ka lo hria a. Puih theihna che ka neih takin ka tia, ka lo kal anih hi."
"I ti lawmawm e. Karleh hian court-ah ka inlan dawn a." a hmel awm dan chu ka enchik tak zet. Uluk tak hian min en khuau a, a bu deuh nghut nghut bawk. Enge a ngaihtuah tih ka hre chak khawp mai.
.
"A nih chu. In thu bulbal ka hre lo va, Sawmzuala chu ka ui tak tak a ni. Nang hian i that dawn hauh lo tih lah ka hrechiang a. Tu thiltih tak ni ang maw?" a ngawi deuh vung vung a, a sawi leh tur ka lo ngaichang thung. "Han rinhlelh deuh i nei em?" a thluak a hmang nasa khawp ang le. Ka rinhlelh lohna turin amah  ngeiin min rawn pan a, min tanpui tum niawm takin a lang bawk. Anin a thluak a hmang an ih chuan kei pawh hian ka hmang ve thei alawm.
.
"Han rinhlelh tur ka hre bik miah lo va." a awm dan chu ka ngaithei ta chiah lo.
.
"Sana kha_ Eng emaw laia laklawh thila ka sana i bun kha a ruang bulah an chhar a." ka thusawi a hriat chuan ka rin angin a awm dan a danglam chuang  miah lo. Ngaihtuah chik awm tak hian a mit a tizim a.
.
"I sana kha chu ka bun tukah khan i secretary hnenah ka dah ngei alawm. Chu, itan chuan ka lo rinhlelhawm dawn reng a nih chu a. I duh chuan i secretary pawh i zawt thei ang. Ka thian loh pawh a ni. Ka dah tih kha ka hrilh ta miah lo che a." a ti zung zung a. A hmel chu chik lehzuala ka en pawhin danglam eih a awm lo. A nih si chuan Mawizuala hi ka rinhlelh ang a ni lo thei ta tlat mai. Muffin thu min hrilh kha ngaihtuah letin Loretta ka hmuh ngei a tul dawn tih ka hria.
.
"Anih chu. I thusawi chu ka ring e." ka tiliam puat a. Ka thutak leh thutak loh erawh min chik let ve hle tih ka hrethiam thung. Ngaih dan mumal pawh ka nei thiam ta chiah lo.
.
Mawizuala chu eng eng emaw sawiin a titi hluah a, a thusawite chu enge a nih pawh ka hre seng lo. A bula awm hi chuan a nih dan a ni ziah hrim hrim a. Abulah hian tawng vena hun a awm ngai lo reng reng.
.
Min hawsan hnu chuan rang zetin office atangin ka  chhuak a, Mawizuala awm lai khan amah ringhlel anga lan ka duh loh vangin sana chungchang kha ka secretary pawh ka zawt ta lo.
.
"Sir..?"
Ka secretary chu hmachhawnin Mawizuala'n kat hnih vel liam ta a ka Sana a lo dah leh dah loh ka zawt a.
"A van zialo tak, ka lo sawi theihnghilh chiang lutuk. Amah  ngei a lo kal alawm. Ka lo la ang." a thutna atanga thovin a thutna hnunglama file thenkhat dahna chu a hawng a, nui var var chung hian Sana bawm ni awm tak arawn lek chhuak a. Mawizuala'n ka Sana a bun ni khan a bawm nen a la chhuak lo tih ka hrechiang.
.
"Sir. Hei aw." bawm chu lain ka hawng a, Sana a awm lo!
Ka secretary chuan sana tak a awm lo tih arawn hmuh chuan makti zet hian a ka hau mai.
"A va'n mak em em. A lo dah  ni khan heta ka dah luh hma hian ka hawng a, Sana chu a awm ngei sia. A mak hle mai a." ka rinhlelh hlau niawm tak hian min en a, a inthiam lo hmel chu a khawngaihthlak zawk.
.
"I awm laiin file dahna hi hawng an awm em?" ka tih leh chuan rang zet hian a lu a thing nawk nawk a. Anih chuan_ Kan office hi a lo him hauh lo tihna a nih chu. Security te an rintlak tawk loh a nih theih rualin tuma hmuh loh tura fimkhur taka Sana kha ruk chhuah a ni thei bawk.
.
“Sana lo dahlet anih atang khan chhun leh zan a office-a thil thleng enlet vek turin Rotluanga kha lo hrilh ang che. Hmaih palh a  awm tur a ni lo.”
“Yes, Sir.”
.
Office atangin ka chhuak a, Sawmzuala ruang an chharna hmun lam ka pan a. Ngaihtuahna a kal ding duh khawp mai.
Sawmzuala ruang kha Tabithi thlan bulah chhar a ni a, Tabithi thlan bulah kher chhar a ni khan amah thattu hian a hriatchian zia alang lehzel niin ka hria.
.
Tabithi thlan bulah ka ding a, a thlan bul vel chu chik zetin ka en kual naa thil mak deuh hmuh tur engmah a awm lo. Ka thiantha ber tia ka lo chhal thin kha misual tualthattu ni mah se, ka thian ala ni reng. Ka rilru put ang  leh amah ka ngainata atana thil tha ber ka duh ang khan ka lakah rilru a lo put ve loh vangin ka dem ngawt thei chuang lo. Mihring suala hrin vek kan ni tlat a. Ka chhungril tak  hian ka dem em em tih erawh ka pha thei lo ang. Ka rilru a tina tak zet.
.
Tabi thlan chungah thuin ral lehlam chum zing chuai chuai chu ka thlir a, engtianga hmalak zel tur nge ka ngaihtuah bawk. Finfiahna tur eng emaw talk a hmu anih loh chuan tih vak ngaihna pawh a awm chuang lo tih ka hria a, eng emaw zawng tak chuan a manganthlak lam chu a ni e.
.
Eng chena rei nge ka thut ka hre lo, haw tumin ka tho a, thlanlung innghahna bul seta eng emaw awm chuan ka mit a la zar mai. Beiseina nen ka thil hmuh chu ka la a. Kawrkilhna… He thil hian min puih theih dawn leh dawn loh ka hre lo nain ka beiseina a sang leh deuh. A land an hian hmeichhe kawrkilhna a nih hmel bawk. Helai hmun hi Police ten uluk takin an en vek tawh ang tih ka ring a, tuna hetiang thil hmuh tur a lo awm leh si hi a mak hle bawk.
.
Kawrkilh chu ka handkerchief dawm chhanin ka la a, uluk taka tuamin ka ipte ah ka ak hmak a.
.
Ka car dahnaa ka let leh chuan ka car kawngkhar hawnna bawr vel chu hai theih hauh loh hian a lo rang nasa mai! Min zuirutu an awm chiang khawp. A va ninawm tehlul em! Hetiang boruak hnawk nuai hi ka ning tawh tak zet. Ka hawikual a, mihring hmel hmuhtur a awm lo.
.
Ka in lam panin motor ka khalh a, Loretta hmuh ka duh viau nain tunah chuan a la hun lo niin ka hre leh ta zawk.
Zanriah ei lovin hah hnapin ka insawizawi a, ka taksa tan a tha lo tih hre tho mah ila thawm dang leh min tibuaitu awm miah lo va ngaihtuahna hman ka duh.
.
Zan dar 8 velah in atangin ka chhuak leh a, Muffin te in kawt a ka din chuan engvanga hmuh tum nge ka nih tih ka inngaihtuah tha leh rih. Mah se, zawhna ka neih hi a lo chhan theih hlauh chuan hma ka sawn dawn tihna a ni. An inah hian ka kal tih tuman an hriat loh nan ka fimkhur hle bawk.
.
Muffin nuin kawngkhar arawn hawn chuan mak min tih hmel tak hian min en deuh ha a. Inngaihtuah harh vatin lut tura min hrilh chuan ka penlut nghal a. Muffin chu tv enin a lo thuthluang diai a, apa hmel ka hmu lo.
.
"In tha em?" Sawi mai tur ka haihchhham.
.
"Tha ve zel e. Lo thu rawh. Thiltihlaklawh ka nei a. Bawihi nen khan lo inkawm ru." ngaihngam takin an room-ah  min luhsan a, Muffin thutna lam chu ka pan ve nghal hmiah.
.
"Enge i rawn tih dawn?" min en ran ran chungin min bia a, ka office atanga ka chhuahtir danah khan a lungawi chiah lo anih ka ring.
.
Chhang  buai lovin kawrkilhna ka chhar kha ka phawrh a.
"Heihi i hmu tawh ngai em?"
A lu a thing mat mat a.
"Khawia i hmuh nge a?"
.
"Tlaiah khan Tabithi thlanah ka kal a, a thlanlung innghahna bulah ka hmu a."
.
"Khawi ka lo ennawn leh chhin." a kuta a hmui khawih chungin chik lutuk tak zet hian kawrkilhna chu a en leh a. "Ka hmu tawh tlatin ka hria.."
.
"Hriatchhuah tum teh."
"Ka ngaihtuah reng alawm." a ti vei hlar a. Ka lakah a lungawi chiah lo chu a nih hmel hi a. Ka thut hnaih sauh a, a tawlh hla ve thung a.
.
"I thinrim mi?" ka tih chuan awih loh hmel zet hian min en a, a ner sak bawk. Ka hrethiam leh ta lo.
.
"Thinrimna tur a awm mi? Ka ngaihtuahna ka hmang anih hi." lungawi hmel i pu si lo alawm le.
.
"Ka lo kuah ang che. I lungawilo hmel kha a bo nghal hmak ang."
.
A ngawi reng. Ka kuah a duh tihna! Ka chak ber ani bawk ang chu. Kuah tumin ka ban a, min lo dang vat.
.
"Tum buai duh suh." a hawisawn a, a nui deuh sak tih ka hmu hman. He hmeichhia hian enge a hriat a? Min chhaih vel tihna maw?
.
"Thawm chu i hria em?" a hmui chunglam pet zauhin min en phawk deuh hra a, a thawm sawi chu ka hre ve hauh lo. A fiamthu a ni ngei ang.
.
"Muffin__"
"Shh_" a kut nem thep chuan ka hmui arawn hup a, thawm  ngaichang niawm tak hian a mengkual hrak hrak a. "A ri leh_" hmui phunin min bia a, fiamthu thawh hmel a pu miah lo. A kutin ka hmuia a khawihna chuan ka ngaihtuahna a lakpen vangin a kut chu ka dahsawn a, athawm hriat ang hriat tum chuan ka beng ka chhi ve a. A sawi kha a dik chiah. Inhnuai lam atanga thawm chu lo chhuak a ni.
.
Ka hmui phunin "Hetah hian lo awm rawh." tiin ka tho a, kawngka lam ka pan nghal a. Boruak danglam thut dan chu thil tha lam a ni dawn lo ni a hriatna ka nei.
.
Muffin chu rawn tho vein ka banah min vuan a, kal tura min duhna lam min hrilh nan inhnuai panna tura an siam step, inchhung atanga chhuk theihna lam chu a kawk a.
.
"Ka nu ka va hrilh ange." tia phun sar sarin min kalsan a. Kei inhnuai chhukna step-ah chuan ka chhuk nghal thung. Eng a tha vak lova, inhnuai hmunawl ah chuan tupawh awm se, awlsam takin min hmu thei dawn tih ka hriat vangin ka fimkhur tak zet.
.
Ka rin ang chiahin ruangam ka hmu nghal a, mi pahnih an awm. An inpawm niin a lang bawk. Ka en reng lai chuan pakhat zawk chu a tlu riai riai a, ka thil rah lai ri vang chuan pakhat chu rawn hawichhuak in tlan chhiat tum tih hriat tak hian a che a, rang lutukin ka pan nghal a. Hmanrua ka nei lo tih ka ngaihtuah hman lo.
.
Tiang niawm tak ka chhir a, enge a nih ngaihtuah lovin ka la kang a, tlanchhiat  tum mek a che chu pha leh pha lovin ka hlap a. A rin aiin ka che rang a ni ngei ang, te thawtin a kutin a lo indang a, a tlan zui nghal bawk. A pai zui nawk nawk mai. Hliam chu a tuar ngei dawn a nih kha. Tiang emaw tia ka chhar hi thir tlawn a ni tlat.
.
Hlauhawm dang a awm leh hriat tumin ka hawikual a, ka chhuk tirh ai chuan thil pawh ka hmufiah thei ta. Lei a tlu reng chu tunge tih hriat tumin fimkhur tak bawkin ka hnaih a. Na tuar tih hriat tak hian a rum hlat hlat mai.
.
"Rinmuan , nangmah i ni em? Min pui rawh. Ka dulah_hian_min _ vit a nia. Keimah - Te-a" rang lutuk in ka hnaih a.
Inchung atanga chhukna step-ah chuan light keng chungin Muffin arawn dak dek dek a, ka lo huih vat a. Light eng rinchhan chuan Te-a hmel a hmu a, a taksa hmalama thisen kai nuai mai a hmuh chuan a te that a.
.
"Te-a..? Eng _ Eng.. Enge thleng?"
.
"Inchungah kan hruai chhoh phawt angai." ka tih chuan harhchhuak thut niawm tak hian min rawn tanpui vat a.
.
Te-a chu inchungah kuah chhovin muangchang lovin damdawiin lama phurh tumin kan che zung zung a. Muffin nu leh Muffin chu an chiai chung chung lo a, mak ka ti zawk. Felfai thlapin an tih theih an ti zung zung a, reiloteah an motor la chhuakin damdawiin panin kan tlan chhuak a. Te-a chu a biak tlak tawh meuh loh.
.
“Khawihtu che hi I hria em?” tia Muffin zawhna chu “Umm..” tih chiahin a chhang. A hnua a biakna chu engmah a chhang tawh lo.
.
Damdawiin kan thleng a, rang taka che zung zungin Te-a chu emergency room-ah an nawrlut a. Minute 20 vel zet aral hnu chuan Te-a chhungte pawh an lo thleng ve bawk a. An hlauthawng lutuk hmel chu hmuh a nuam lo ngang mai.
.
"Engtin nge hetiang thil hi a thlen?" Te-a farnu, a hmaa ka office-a lo kal tawh nu kha a ni. A thaw hlawp hlawpin a hmel chu a lang dang khawp.
.
"Kan inhnuai ah thawm kan hria a.."
.
"I unaupa hi engti tura chhuak nge i hria em?" tiin Muffin tawnglai chu ka lo pawtchat a, Te-a farnu chuan min rawn en vat a. Inngaihtuah phawt hmel a pu.
.
"A bialnu hmu turin a chhuak ah ka ngai a. Zantin a tih dan a ni hrim hrim a. A thi dawn em? A ni thei lo.."
.
"Tunge a bialnu chu?"
.
"Nang hi detective emaw i inti mi? Rinmuan.. Tunah hetiang hi min zawt suh.." tap tuau chungin  a tawng a, a dinhmun ngaihtuah chuan a awm tho.
.
"U Mami, sawi mai rawh, a pawimawh lutuk a nia." Muffin chu ka en a, min puih duh ka ring miah lo a nia. Muffin a rawn tawng ve takah chuan Te-a farnu chu thu ngilin thawk a la a.
.
"Hmingte, nangpawn i hriat kha. Ahmaa mi nen khan an la inkawp char char alawm." keimah min rawn en duh miah lo.
.
"Anih chuan an inhmu ngei em tih kan hriat phawt angai anih chu. Babie chu hmeichhe fel tak a nia."tih pahin Muffin chuan min en a. "Te-a hi lo harh phawt se, a chunga hetianga che hi tunge anih kan hriattheih ka ring." a ti leh sep sep a. Muffin nu chuan Te-a farnu chu a lo hnem ve bawk. Keimah ber hi ka awm hle hle thei lo.
.
Rei tawk tak kan thut hnu chuan Te-a farnu chu rawn tawngchhuakin "Min va hawsan ula, a harh veleh ka lo hrilh vat dawn che u nia. Nangni awm lo ula Tea hi kan chan ngei dawn a nih hi. Inchungah kan lawm hle mai." a hmel lan dan pawh a zia ta deuh.
.
Muffin te nufa nen an in lam panin kan tlanchhuak a, kan vai chuan kan ngaihtuahna kawm niawm takin kan ngawi thap mai.
.
Muffin te inah chuan rei awm tawh lovin ka haw a, ka awm a nuam thei lo. Muffin chauh  ni lo a nu leh pate pawh an him loh ka hlau a ni. Hetiang khawpa a ruka che thiam mihring hi tu phiangsen nge a nih ang le?
.
Ka muhil lo zankhua. Khawvar rualin ka tho a, tihtur ber hre chuang lovin ka vei kual sek a. Zing dar 8:30 velah office ka thleng der tawh. Ka secretary a lo thlen hnu rei vak lo ah Rotluanga pawh a lo thleng a, Rotluanga hmel awm dan atang chuan thil eng emaw a hmuchhuak ngei tih ka lo hre nghal bawk.
.
"Sir, ni 13 zan khan office chhungah hian lut ru an awm ngei tih a chiang a. Mah se, a thim vek avangin chiang takin a hmel a lang thei lo. Chu bakah hriat theih loh turin a lu a tuam vek a. A ruangam atang chuan mipa a ni nge itih erawh a chiang."
.
"Ka lo en ang."
.
Video chu uluk zet hian ka en a, Rotluanga sawi angin a ruangam atang chuan mipa  ngei a ni tih chu a chiang. Mawizuala nin tur chuan a lang lian mah mah niin ka hre bawk. Muanpuia a ni thei angem? Muanpuia chu a ni thei lo. Engvanga a ni daih daih te ngaihtuah chhuak nge maw ka nih le? Sana chungchang engmah a hre lo. Chubakah zanrei tawha helai hmuna lut ru tur khawp hian kan office hi a hrechiang hek lo ang.
.
Video ka en zawh chuan Rotluanga chu ka chhuahtir a, kei pawh kal tumna hmun neiin ka chhuak ve nghal a.
.
Mawizuala te in bul ka thlen chuan an kawtah a lo awm a, ralkhat atangin a chezia ka en zet phawt. Na nei angin a awm em tih ka hriat angai a ni. Rinhlelh tur ka hriat loh hnu chuan ka pan ta chauh a.
.
"Ralkhat atanga inthlir vung vung hi engtik atang khan nge i lo chin thar tak a." nui hauh lo hian min bia a. Kei pawn nuihna tur chhan ka nei bik lo.
.
"In a i awm ring vak lo chungin ka lo kal a. I awm hlauh chu a lawmawm e. Chanchin lawmawm ka nei a. Min lawmpui nan min chibai i tum miah nange? Nge _ Engmah i lo la hre lo zawk?" ka ti duah a. Chik zet hian min en thung.
.
"Engmah ka lo hre hauh lo mai." a tibul hmuk a. Tuna taka a mood fuh loh viau chhan hi hriat ka chak hle. Ka rinhlelh hi a dik anih hlauh chuan hnara hlit phawi ang mai a ni dawn chiang khawp.
.
Tum nei ranin chibai turin ka kut ka pharchhuak a, min en vung vung ringawt.
.
"Eng thil  nge a? Chuti taka i lawm a nih chuan thil ropui tak a ni ngei ang." a nui ta. A kut arawn phar chhuak a, a tul aia na mah mah hian a kut chu ka lo hmer a. A bek tang talh talh ka hmuh chuan na a nei ngei tih a chiang e. Ka nui lui ngial a! A inthunun nasa khawp ang le.
.
"Zanin ah kan lawm ngei angai ang." ka tih chuan na engmah nei lo ang mai hian a nui hak hak a. A hmel danglam vek khawpa hnek ka chak zia hria se a nui lo hulhual ang!
 COPAS (HEARTS)
.
CHAPTER - 32
.
Thantei_LauraSean
.
H & E
.
"Inchhung ah lut ila. Zanin hun kan hman chhan turte pawh hriat ka chak viau maithei a." ka darah
min beng a, a la nui ta reng. A kut ka hmer laia na tuar niawm a ka hmuh kha ka hmu sual emaw ka ti
hial. Rilrua nghet taka rin dan sa neih hi chuan engkim hi awmang taka hmuh a awl hrim hrim bawk a.
.
Thle nghatin "Lut ila." ka ti ve mai bawk.
.
Inchhungah kan inzui lut a, a chezia chu engkim ka chik em em vek.
.
"Chuan, enge _ chanchin lawmawm chu?" min hmachhawn in a thu a, min chik let ve hle tih ka hria.
Thawven hmel taka lan chu a tum ber niin a lang bawk a.
.
"Sawmzuala thattu kha ka hrechhuak tawh a." ka tawng a hriat rualin ka lamah arawn awn nghal daw
mai.
.
"A va lawmawm ve. Ka theih tawkin ka lo ngaihven ve a, engmah phei chu ka hre chuang lo va."
.
"Nizan khan Te-a'n kut a tuar tih pawh i la hre lovang a?" bangbo hmel taka lang chungin makti hmel
a pu.
"Te-a chu_?"
.
"Hmingtei thianpa kha." ka tih chuan hre chiah lo  niawm tak hian ngaihtuahna hmang hmel a pu a,
lemchang a ni  nge a ti tak tak pawh a hriat hran meuh loh.
.
"A hmel chu hmu ila ka hria ang. Chuan engtin zel? Te-a chuan a hrilh che mi?" a awm vel dan chu ka
nuihte pawh a tiza deuh e a!
.
"Um.. Muanpuia kha i hria em?" ka tih leh chuan a hmel lan dan a danglam hlek.
.
"Hmingtei bialpa kha a ni lawm ni? Inneih pawh an tum kha. Engtik nge an inneih dawn tak?" a ti duah
a.
.
"Ka hre lo."
Chik zeta min enin a hmel a ti danglam a. "Nang hi i thik vangin Muanpuia chu i ringhlel vel mai mai
a ni lo  maw?" a ti ta daih.
.
"Thik chhan tur ka neih pawh ka hrelo." ka rilru lo tawp sawi ka ni tih a hre lem lo ang chu maw.
Chhan eng emaw vang leh rinhlelhna ka neih vang hian hetianga tihkual vel hi a tul tlat a hriatna ka
nei. Amah ringhlel lo va Muanpuia ka ringhlel mai nilo chiang taka hria anga ka lan vang chuan a ni
ngei ang a inthlahdul ta bawk.
.
"Huh? I duh viau emaw tia. Nang hi i lo khawih leh  hman hial lo maw? Hmanni i office-ah khan enge
arawn tih a?"
.
"Tenawm lo teh. Thil awmzia irawn hriat hman vek kha. Duh  ni ila min chhuahsan tura ka hrilh i ring
ami?" ka tih chuan thaw huai hmel a pu.
.
"I khawih hman em?"
"Ngawi mai mai teh." ka ti hmak a.
.
"Awihawm loh ve. I khawih miah lo va?" za zet hian a nui a, a thawven hmel ta riau si chuan ka
rinhlelhna a nemnghet ve thung. Ka office-a Muffin a melh dan ngaihtuah let kha chuan he Mawizuala
phiangsen hian ka Muffin hi a duh a, ka tan engmah a nih loh thu chiang taka a hriat chuan hnaih
tumin tan a la ngei ang tih ka hrechiang lutuk. Hmeichhe duh a neihin a en liam mai mai ngai lo.
Hmeichhe tam tak chu a sum hmang hian  a thlemthlu zel reng a ni. Ka Muffin erawh a thlemthlu dawn
lo tih ka chiang. Ka duh hriat tum vanga hmanrua ang maia ka chhuah erawh nuam ka ti tehchiam lo.
Aman hria ni phei se, a chhe thei ang berin min ngai ngeiin ka ring. A hriat ka duh lo bur.
.
"I serious em?" a thutak hmel ta viau. Ka rin aiin a danglam hma dawn a nih ngei hi.
"Engah chuan"
.
"Thian-a,  Hmingtei chu.. Dik tak chuan.. Engtin nge i khawih loh theih? A hmel ka hmuh hian ka
danglam ziah!" ka rin dan chiah.. Hrawm nawk nawk ka chak zia chu sawi ngaihna a awm lo zawk. Mahse,
ka inthunun a tul.
.
"Duh ni ila amah ang lekte chuan nitin min lo pan ruih ruih alawm." ka nui a, Mawizuala hmel chu
hlim tak a ni ta.
.
"Tenawm lutuk lo teh. Ruih ruih kher lovang. I serious viau emaw ka lo ti che a."
.
"Duhtawk teh. Sawitur dang i hre ta nange? Nge, i lo duh ru vel.. Nang hi nih hi tenawm chu." ka
khupa ka kiu nghatin a hmel ka en a. A nui tawh lo. Ka lamah arawn awn lehzual a, a tawng tizawi
sawr sawr hian min bia a.
.
"Anih chuan kan hnaih ve chhin ange. Nangin i mutpui theih loh hmeichhia chu ka hnaih chak ta riau
mai."
.
"Nau-a.." ka nui hawk.
.
"I sawm ve dawn em?"
"Tu chu?"
.
"Hmingtei chu. Zanin ah sawm ve ila.."
.
"Sawm chhan tur ka nei hleinem. Ka duh vanga sawm angah min ngai se _"
.
"Nangin i sawm dawn hleinem. Keiman ka sawm ang. I hmuh pawhin be miah suh. Atan a ex bula mipa
dang, i thian ni lehnghal bula awm chu a nuam lo maithei. Tinge ahma khan alaka i serious loh thu hi
min hrilh miah loh theih le.." a awm dan chu ka rin phak bak a ni ta. Hetiang khawpa ngaihven si hi
a lo va inthup thei em em ve tih ka ngaihtuah.
.
"I sawm chhuah theih phawt chuan buaina ka nei lo." ka tih chuan a thaw hluai. A tilui ve tho nge a
ti tak tak tih ka hrethiam chiah lova. Keimah ang thoa lem a chang a nih chuan ka che fuh kher
lovang. Mah se, thudik hrechhuak turin ka tih ngei angai. Muffin ka hnuklut tel leh ta erawh ka
hlauhthawn phah dawn ta a ni. Tihnata a awm loh nan ka fimkhur tawpkhawk angai ang.
.
Mawizuala thawveng ta mah mah chu chhuanlam siamin ka chhuahsan a, ka tlanliam san thlengin a la nui
sung mai.
.
Zanin party naa mamawh tur thenkhat lei turin ka Secretary ka phone a, felfai takin engkim ka in a
lo dah turin ka hrilh bawk.
.
Damdawiin panin ka inkhalh chhuak a, Te- chanchin a hriat tawh leh hriat tawh loh zawh tumin Muffin
ka call bawk a, a phone a pick up thei der lo. Dawmdawiin ka thleng a, Te-a farnu chuan min hmuh a
chak loh hmel khawp mai. A awm dan chu haider luiin thutna awl awmah chuan ka thu lui ve hmiah.
.
"Te-a chu a harh tawh em?" ka tih chuan min melh zawk a, a hawisawn lehnghal.
"Um. Hmingtei kha ka bia a, a hrilh ve mai turah che ka ngai a." a ti dam thlap lawi a.
.
"Tunah a biak theih em?"
.
"Theih rih loh. A harh ringawt a, tuman kan la be tawng zo lo. Nichin khan Hmingtei pawh a lo kal a.
A haw chiah."
.
"Mi dang lo tlawhtu an awm em?" ka tih chuan nin hmel zet  hian min en a.
"A bialnu nimai. In buaina vang hian a tuar lo turin a tuar anih hi." a ti nghat a. A lawm lo hle
tih a thup miah lo. Ka ngawi ta mai.
.
"Hmingtei chungah pawh hian ka lawm lo teh a nia. Lo kawm hrawt hrawt lo se la ka nau hian hetiang
thil hi a tawk miah lovang."
.
"Hrechiang lo va lo sawi vak kha awmzia a awm lovang." Muffin a sawi duh dan chuan min tilawm lo
hle.
.
"A lo nih chu. Hetah hian rawn lang sek lo ula a lawmawm viau ang. Ka nau hian tuar ve kher lo se
chu ka thil hriat hi hrilh che pawh ka tum a, mah se, engmah ka sawi lovang." a ti leh zat zat a. A
thil hriat chu engpawh ni se ka zawt lui biklo tawp ang. A ni puihna tello pawh hian ka chingfel
thei dawn khawp.
.
"A that chu. Te-a chu lo dam thuai rawh se." tih pahin ka thutna atang chuan ka tho a, ka kalsan
nghal. Makti takin min enzui tih ka hria. Ka hawilet tawh eih lo.
.
In lam pan mai lovin Police station ka pan leh rih a, zanin hian engpawh thleng thei anih vangin
Police tanpuina kan mamawh ngei ka ring. Thleng tura ka rin hi thleng ta lo pawh ni se venhimna chu
ka ngaih pawimawh  hmasak tur a ni tho tho.
.
.
HMINGTHANSANGI*
.
Ka phone ri sek chu pick up tumin ka thiltih lai ka dah a. Caller ID ka en chuan ka thaw deuh huai.
Mawizuala kha chu ni se ka pick up tawh miah lovang.
.
Nichin deuh khan number ka save loh atangin call ka dawng a, a insawi hma chuan tunge tih pawh ka
hre mai lo. Pangngai tak hian ka dam that leh dam that loh min zawt te te a, min hriat  hmel tehreng
nen ka hre mai lo chu mak ka ti ta deuh a. Tunge anih ka zawh chuan Mawizuala ani tih  a insawi ve
mai bawk a. Thil eng emaw diklo a awm ngei ka ring. Mawizuala hianmin biak chhan tur a neih ka hre
lo reng reng.
.
Ka thil ngaihtuah chu duhtawkin Eleazer call chu ka pick up a.
.
"Sawitur ka nei a nia." ka ti nghal tawp.
.
"Tunah khawiah nge i awm?" arawn ti ve thung.
.
"Mawizuala'n a lo bia che em?"
"Engtin nge i hriat? Nichin khan min lo bia a, engtin nge ka number a neih zawk a. I pe mi?" min
chhan mai loh vangin ka sawi zawm leh hmiah hmiah "Zanin hian i inah party a awm dawn anih hmel a.
Amah kalpui turin min sawm a. Nangmah ka zah che a tulloh thu a sawi bawk a. Ka lawm lo hle a nia.
Zah lo taka min rawn be hawm hawm tur khan a bulah engtin nge min sawi?" ka lo ngaihtuah ang chiahin
ka sawi par par mai.
.
"Ava che rang ve."
.
"Min be dawn tih i lo hrelawk a nimaw? Eleazer!" ka thinrim ka insum peih lo.
.
"Hahdam rawh. Ngaih dan chhe deuh ilo neih kha ka ring reng a."
.
"Ka dik a ni maw?"
.
"Lo ngaithla teh _ " dawh thei vak loh hmel hian a rawn ti hrawk a, ka lo inngaihtuah lungpuam tawh
sa nen ka er nawng nawng a.
.
"Hmanrua ka ni lehpek a ni maw? Nang hi_"
.
"Ka sawifiah chhung chauh chu i lo ngawi thei angem?" tiin a thaw deuh huai a, enge a sawi leh dawn
ka ngaichang tawp. Ka tawng leh chuan ka tawngkam a mawi dawn lo hle tih ka inhria.
.
"Te-a chungchang chauh ni lo ah khan Mawizuala hi Sawmzuala thattu anih theihna chance asang khawp
mai. Hmaichhanah hrilhfiah che ka duh a, mah se, hun a awm tawh lo. Zanin ah ka in ah chuan
Mawizuala chu lo kalpui rawh."
.
"Duhlo ta ila. Khapa kha ka ngaina hlawl lo. Min tihnat a tum ngei ngei ang. Nang pawh iti mak reng
reng.." ka ti leh hmiah hmiah a. Tun ang reng reng hian Eleazer bulah ka la tawng zawt zawt ngai lo.
Amah pawn mak minti ang. Tun tum chu ka pawi sa thei tawh lo anih ber hi.
.
"Tunah in inah ka lo kal ang." tih leh phone off a rual a. Thinrim tun hian phone chu ka melh nghek
ringawt. Zanriah ei a hun dawn tawh a, inlen hun pawh a ni tawh lo. Hmaichhana inhrihfiahna hun a awm tawh lo tih a sawi zo chauh a, lo kal tum leh si.
.
Whatsapp message tone a rik chuan ka check vat a, Mawizuala bawk a ni tih ka hria. Min lo sawm a tum thu hawrawppui ngatin a rawn tyoe. A zaktheilo teh e..
.
Ka phone chu kalsanin choka ah ka lut leh a, minute 20 vel bak a ral hman lo ang; door bell a rawn ri ral ral a, tunge lo kal tih rin neisa ranin kawngka lam ka pan a.
.
Kawngka ka hawn chuan ka hmelhriat ngai miah loh hmeichhia a lo ding a, tawng miah lovin a box ken
chu min pe a. Hamhaih takin a box min pek chu ka la ringawt. Biak hmanmiah loh hian a tlan zui a. Enge maw thil awmzia hi le?
.
Box chu ka en vang vang a, mawi taka tuam a niin a hmel en aiin a rit reuh. Movie ka en a box chhunga bomb kamte ka ngaihtuah chhuak.. Ka box ken chu thlauh tawp a, ka per sawn nghal dawrh mai. Ka beng ka hup a, eng puak ri mah ka hre zui lo. Ka kut dah thlain muangchang hian box chu ka panhnai leh a. Ka ngaihtuahna a khawlo zo vek tawh a nih hi. Ka awm dan kha ralkhat atanga min lo hmutu chu awm se mi a emaw tiin min nuih nasa ngawt ta ve ang.
.
"I tha em?" tih ri ka hriat chuan k ahawi chhuak rang nasa mai. Eleazer ka hmuh chuan ka thawveng huai. Ka zawi deuh hnawk zawkin ka hria. Ka awm dawmin amah chu ka en a, anin box nen chuan min entawn thung a.
.
"Kha kha enge?" a hmel a thutak nasa mai.
"Ka hre bik lo. Tunah deuh mai khan hmeichhe pakhatin min pe a. Bomb a ni thei angem?" ka tih chuan insum hmel zet hian a nui suk a. Ka hlauhthawn si zia ngaihtuahin a nuihza insum hmel chu tha viau mah se ka ngei tawk a tling hle.
.
"Enge nuihzat tur awm? Ka hlauthawng a ni mai lawm." ka ti hlar a. Ani chuan min chhang lovin box chu a chhar a, a chhungah enge awm hriattum niawm tak hian a thing a.
.
"Rin dan ka nei. Hlau suh. Bomb a ni lovang." hawisawn pahin insum deuh hian a nui leh. Enge ka tih ka ngaihtuah hmain a banah ka chum taih a, a nui chhuak ta hawk hawk. Dik tak chuan kei pawh ka nuih a za ve ta tho. Heihi kan nun, a tak tak a ni a; bomb kam sa box-a inpek tih vel chu a thleng lo tawp ang.
.
Nuih insum chungin "Lut ang" ka ti ta sap a.
.
Inchhung kan luh veleh box chu a kut atangin ka la a, kan inen a za zet hian kan nui ta hawk hawk a.
.
"Mawizuala lo thawn che anih ka ring. Hmeichhia a thlem dan a nia." Mawizuala hming ka hriat chuan ka nui tawp nghal chawt.
"Engvangin nge min thlem ve ngawt anga?"
"A ngaizawng che alawm." a ti hmuk a. A lawm hmel vak loh bakah a nui ta bik lo.
"Engvangin?" ka zawhna chuan awmzia a nei pawhin ka hre lo. Ka rin loh zet hian min rawn din hnaiha a kut hnunglamin ka biang arawn nul zai zai a.
.
"A chhan i hre lo maw?" a rawn kun hniam deuh a, a tawng zawi ta viau bawk. Ka duh aiin kan inhnaih ta mah mah. Tlemte pawha ka che anih chuan kan infawp ngei ngei ang.
.
"Muffin _"
Tlemin ka tawlhsawn hlek a, ani pawhin a kut a lasawn ve bawk a. Heta a lo kal hmaa a laka ka thinrimna kha ka lo theihnghilh der tawh a ni. A hmanrua ka ni leh tak e.
.
"Mawizuala chu kalpui turin min duh tak tak em?" a mitah ka en a, min chhang lo. "I duh anih kha. Ka kalpui ang." ka ti hmak. Hawisanin box keng chuan sitting room lamah ka kal a. Kalpui tura min duh anih phawt chuan Mawizuala chu ka kalpui ngei ang.
.
Ka hnunglam atangin hneh zet hian min rawn kuahbet nawk a, ka box kenlai chu ka thlauh a. Min kuah nghet lutuk mah mah niin ka hria. Ka nghawng ah a hmai arawn phum titih bawk.
.
"Muffin, i ngaih dan ang kha ani lo a nia. Eng pawh thleng se ka venghim tlat dawn che. Hetianga tih hi ka duh bik lo. Ka hmangaih che tih i hriat kha."
.
"A ni maw?" ka ti nghat thung. Ka rilru erawh a nem tawh. Hetiang thiltih a, hmanrua ang maia min hman hi a duh thlan a ni lovang tih ka ring. Nichin mai pawh khan a mitmeng ah ka hmu reng alawm le.
.
"Um.. Amah hnaiha i awmlai ka hmuh chak i ring ami? A tul vang chauha ti ka ni."
.
Min kuahna chu phelhtir in amah hmachhawn zawngin ka inher a.
.
"Ka hrethiam in ka hria. Ka theihtawp ka chhuah ang." ka tih chuan chiang taka min enin muangchang hian min rawn hnaih lehzual a, min kuah ta hlu hlu a. Ka hnungah min chul hauh hauh bawk. Hetianga kan awm lohna chin hi eng chen zeta rei nge ni tawh? A rei tawh lutuk. Hun rei tak hnuah a awm tih pawh ka hriat tawh loh him ni a inhriatna ka nei leh ta. Tawngkama sawi duah lam pawh a ni lo, Eleazer chetzia leh a mitmeng hian ka laka a rilru puthmang a thiam ang tawkin a tilang tih ka hria. Hei lo hi duhthusam dang ka nei chuang hleinem. Ka kuah let ve ta nge nge.
.
Kawngka inhawng ri niawm tak ka hriat chuan inla hrang vatin a nuih seih a, chhuata box tla chu ka chhar nghal a. Kar lovah ka nu a lo lang  bawk. Eleazer a hmuh chuan mak a tih hmel deuh. Chaw ei hun dawn tawh a lo kal chu a mak ve deuh bawk a ni.
.
Ka nu chuan Eleazer chu mawi tawk takin arawn bia a, keiin box chu ka hawng mawlh mawlh thung a. Box chhunga thil awm ka hmuh chuan ka ang pham mai. Hetiang thil man to lutuk hi ka la inbel ngai lo hrim hrim. Note a lo awm bawk.
.
Eleazer chuan rang zet hian note chu min rawn chhuh a. A chhiar zawh chuan "Ka rin ang chiah." a ti nghut a.
.
"Phone-ah khan ka kalpui dawn lo tih ka hrilh chiang viau sia.."
.
"Mawizuala mizia i hre lo a nih kha. I insiam hma chu dawhthei takin a nghak  ngar ngar ang che." a hmel a rum deuh ul mai. A hmel chu ka en vang vang a "Enge?" a ti hluk a.
.
"Engmah."tiin ka nui sak a, a lu thing deuhin arawn kun hniam a, rang deuh hian ka biangah min fawp zauh a.
"Enge i nuih kha?" a ti leh. Min melh dan a dang leh ta. Hetianga min melh hian alawm tuar har ka tih em em thin! Khawvel ah hian keimah chiah hi hmeichhe awmchhun ka ni emaw min tih tir thin.
.
"I thinrim hmel em a." ka tih chuan "I hrethiam lo anih kha." tiin ka kut arawn hmer vang vang a.
.
Kan tawng kan awm dan hre phak lova ka nu a kalsawn tawh chu ka lawm hle. Thil awm dan hi hria se mak a tiin a hrethiam dawn lo hle tih ka hria. Ka pa phei chu sawi ngailo a chiang sa a ni. Accident thlen atang khan min ngaihtuah zual em em tih ka hria a, ka awmna chin apiang hriat an duh reng thin. Zanin ka chhuak tur pawh hi chhuanlam felfai ka siam a ngai dawn chiang khawp.
.
"Ka va haw phawt ange. Zanah kan inhmu dawn nia. Ka biak che pawhin min chhang miah suh. A bak chu a tlachawpin i hrethiam mai ang."
Bu nghatin a dingchhuak chu ka en a, kawngka thleng ka thlah hnu chuan inchhungah lut lehnghalin ka nu leh pate bula ka chhuanlam siam dan tur ka ngaihtuah nghal roh roh mai.
.
Ka pa a lo haw hnu rei vak lovah chaw kan ei a, rilru a min phalsak loh hlau ru takin zana ka kal chhuah angaih thu ka sawi a.
"Mawizuala'n min lo hruai dawn a. Hlauhthawn tur engmah a awm lovang. Eleazer thianpa a nia."
Ka nu leh pate chuan an chaw ei lai chawl meuhin min en chik.
.
"Zanah chuan kal chhuak lo zawk la ka va duh ve." ka pa chuan a ti charh charh mai.
.
"Pa, hlauhthawn tur engmah a awm lo. Mawizuala ruala kal tura min duh loh pawhin nangman min hruai mai la."
.
"Pa-a, eng em a thleng lovang. A intihharh lohna chin pawh a rei ve tawh alawm." a tih chuan ka thaw huai mai. Ka nu'n hetianga min sawipui tawh chuan ka kal theih ngei ka ring.
.
"Um.. Dar 10 hmain lo haw la... Nu-i, vawiin engtin nge ni i hman?" tiin ka nu a en a, kei ka lo nui var var thung.
.
Chaw eina ka tihfel zawh chuan rilru hmanhmawh ru deuhin ka room-ah ka chho a, tlaia Mawizuala min lo thawn thawmhnaw chu inbelin ka hmaiah make up tlem ka hnawih bawk a. Eleazer  ka tanpuina tur thil chu ni lo se Mawizuala thil hi ka inbel loh dan tur chu ngaihtuah pawh ka peih lo zawk. Awlsam taka a thawmhnaw rawn thawn ka inbel min hmuh chuan sihhnip min tih mai bakah min zuam sawt  ngei ang! Enge pawi vak chuang? Zanin chiah angai ang. Ka ti tlauntling thei  ngei tur a ni. Ka tan chuan Eleazer chauh a pawimawh. Eleazer chauh..
.
"Bawihte, i thianpa a lo thleng e." ka nu min au ri ka hriat chuan ka bag lain ka room atangin ka chhuak nghal a. Mawizuala chu inchei nalh fe hian lo dingin step-a ka chhuk chu min lo en a, a  mitmeng teh sawr chu _ a tenawm hle! 
.
COPAS (HEARTS)
.
CHAPTER - 33
.
Thantei_LauraSean
.
H & E
.
"Hmuh i nuam hle mai." a nui a, ka rinhleh sa vang nge a nui hmelte chu diklo deuh hu hian ka hria.
Kei pawh ka nuih luih ve sak kha.
.
In atanga kan chhuah hnu chuan min kaih tum hian a kut a rawn phar chhuak a, ka tilui tih tilang
miah lovin ka hmu lo der hmiah thung. Zan zawng zawnga zan rei ber ka hmang dawn a va ang ta ve. Ka
rilru chuan Eleazer ka ngei hlur tawh. Amah be miah lo tur khan mn hrilhlawk bawk a, ka be miah lo
tak tak ang. A hmel ka ngaihtuah chuan ka  nui sak lawi a. Ka hnunga thatho hmel zeta Mawizuala lo
kal chu ka ngaihtuah tawh lo reng reng.
.
"I nalh hle tak tak a nia, kawr chu i inhmeh hle mai." ka duh aiin min rawn hnaih a, mah se, a thiam
loh a ni hran lo. Inhrechiang lo leh ka ngaihzawng pawh ni lovin a thawmhnaw min leisak ka ha nghal
a, ka thlirna atang chuan min zuam pawh  ni se a awm tho.
.
Car kawngkhar min hawnsak chuan ka lut thuai a, amah hnaih lo thei anga awm ka duh ngar ngar. Driver
seat lamah arawn thu lut a, min rawn nuih leh. Amah hresa lo leh rinhlelhna nei lo chu ni ila 
ngainat mai pawh awl tak tur a nih hi.
.
"A hreawm em? Kal kawi lawkna tur ka nei a, pawi i ti lovang tiraw?" a hmel ka en a, dik tak chuan
ka hlauthawng. Eleazer nen kan ruahmanna hi a lo hre ru khiau anih phei chuan kan che fuh dawn lo
nasa lutuk.
.
"A pawimawh viau ami?" ka tih chuan a nui sak a.
"Pawimawh angreng. Tinge?" minti let ve thung.
.
"Engvak chuang mah. A hla em?"
.
"Hla lo ve. Reilote chauh aniang." a ti leh  mai a. Ka hnial ta lo.
.
Eleazer in awmna lo lamah kan tlan a, ka inrin hmain car chu a tiding chawt a. Ka thin a phu dawt
dawt tawh mai. Ka tang ru teuh bawk.
.
"Lo chhuak ve kher duh lo mai rawh, ka rei lovang." tih pahin a chhuak a, rei nghah angai lo tak
tak. Minute 3 vel bak a kalsawn lovang. Eng thil nge a va tih ka hre lova, rinhlelh tur thil engmah
a lo kengchhuak lo bawk.
.
"Tihian Rinmuana in kan pan nghal thei a nimai. Nuam lo itih loh ka beisei." min care tak tak hmelpu
hian min en a, awm dan pawh thiam a har. Ka rinhlelhna hi ka tilang palh ang tih ka hlau ve tho bawk
si. Hun nnuam tak ka hmang dawn lo chiang teh e.
.
"Nuam lo tih chhan tur ka nei hleinem." ka ti ve mai a.
.
"Rinmuana hmuh i duh chiah loh ka ring a _" ka lo nui hak. Lemchan i han tan tak tak teh ang!
"Rinmuana maw? Hmuh hreh chhan tur ka neih pawh ka hre lo. I lo hre ve nimaw?" tiin ka en ha a, kan
accident ang tih hlauhawm khawpin kawngpui a en lo. Min en deuh ngar ngar reng mai hian ka hria.
.
"Eng  ber chu?"
"Ah _ Kan lo inngaizawng ve tawh sia. Hmanni pawh khan office.." sawizawm duh lo niawm tak hian ka
ngawi ta daih a.
.
"I hun liam tawh chu eng pawh ni se, ka care hran lo. Tun hun chauh hi a pawimawh." a ti vei nghut.
.
Eleazer in bulah car dintirin kan chhuak a, an lo awm nak nak tawh nain ka hmelhriat than ho tumah
ka hmu lo thung. Eleazer ruahmanna lah ka hre vek hek lo. Langsar vak lo turin ka mit ka len kual a,
Eleazer chu in kil lamah hahdam hmel zet hian a thu a, min rawn ngaihven hmel a pu lo. Kei pawh amah
ang chiah sawn ka awm ang. A der mah  ni se min ngaihven miah lo anga alang chu ka ngei deuh tho
mai. A tak takah pawh min ngaihven miah lovin a awm thei ngei ang chu. Ka thin a ur ru deuh tlat
lehnghal.
.
"In tur i duh em?" Mawizuala chu min hnaih taka rawn dingin ka beng bulah arawn phun sar sar a, ka
lu thingin ka nui a. Tun ang huna a intur min pek in hi a him dawn lo tih ka hria. Mi mawl ka ni bik
lo va intur ah hian engpawh a pawlh duh ang tih ka ring.
.
Music an play a, halai hmun thleng hma deuh ho chu kai hmel deuh deuh an awm nuk tawh. Eleazer chu ka va en leh thin a, a awmna hmun sawn tawhin min ngaihven hmel a la pu chuang lo fo. Ka beisei angin Mawizuala hi a awm miah lo bawk. Eng thil nge maw thleng zel dawn hi le?
.
Engtin tin emaw kan awm a, rin loh karin dar 10 a lo ri dawn der a. Ka pa khan haw har min phal sak loh vangin ka haw mai angai dawn anih hi. Mawizuala ka bula thu deuh chawt reng chu enin haw k aduh tawh thu ka hrilh a, a ding vut a. Rui hmel a pu lo va, ruih theih chi rim engmah a nam miah lo bawk. A mitmeng pawh a fim kar tih ka hria.
.
"Haw hmain washroom-ah ka va kal leh lawk ang aw. Ka rei lovang." pangngai taka nui sakin Mawizuala chu ka kalsan a, min enzui lem lo niin ka hria. Kan bula thu ve ho nen chuan an titi zui mawlh mawlh a.
.
Washroom ka luh rualin ka hnungah min lo zui an awm tih ka hria a, ka luh rual deuhthaw a lo lutin kawngka a kalh nghal hmiah a, ka theih tawka rang hian ka inher a Eleazer hmel ka hmuh chuan ka thaw hawk!
.
"Enge thil awmzia hi? Mawizuala chu engtinmah a awm miah loh saw?"
.
"A la hun lo alawm. Tunah i inthlah tir nghal dawn  nia."
.
"Chuan _"
"Abak chu keiman ka ngaihtuah vek ang." a tibul hmuk a. "I taksa khawihtir tawh suh." tih pahin ka kawngah min rawn kuah a, ka beisei chiah loh thil anih vangin ka en chho ha a. "Hetiang thil ka ti hi ka inchhir hial a nia. A en dan ringawt che pawh khan ka insumtheihna a tichhe lo chauh.." a taksa si thlap hian min kuah bet a, ka chhang lo. Ka en tawp. Hetiang tak hian min lo hauh tih ka hre ngai miah lo. Ka ngaihtuah phak lo zawk. Ka tan chuan thil thar a ni.
.
"Min khawih lo tura i duh chuan i bula hmeichhia, ei lo chauh tu che kha hlat ve ang che." ka tih chuan a nui hawk. Ni e, zantir tang khan amah hnaih lutuk mah mah reng hian hmeichhe pakhat a awm a, a kawr kak thui lutuk atang khan a mal tawp a lang lo chauh reng bawk tak e. Eleazer chu ei mai chak hmelpu hian a en reng lehnghal a, amah lah hian min rawn ngaihven lovin kha nu kha a nuih vel a nih kha.. A tul aia tam Mawizuala khan min khawih phah. Lo dang tur ka nih lai khan ka thil hmuh vang khan ka dang  buai duh ta bik lo anih kha.
.
A nui hmel a reh a, thutak zet hian min en hnai lehzualin a kut dinglam chuan ka biangah min khawih a, a kut chu ka tukhum lamah pheiin arawn kun hniam a, duhthawh zet hian ka hmuiah min fawp a.
.
A lo rei ta hle mai! A rim fai sar leh a taksa lum ham ham te, a taksa mipa taksa tih hriat taka khauh tang te, a hmui a tihtur hai lo zette hi.. Ka hlata a awm lai khan heng thil zawng zawng hi vawi engzat nge ka ngaihtuah nawn thin ka hre seng lo. Min fawhna chu ka chhanlet hmain a inla hrang a, inthunun tum niawm tak hian ka chalah rawn siin thawk a la leh rih a.
.
"Ka lakah thikthu i nei ve tih hriat chu a nuam hle mai." ka chhan a beisei lovang. Rawnmeng chhuakin chiang lutuk tak zet hian ka mitah min en a. "Ka hmangaih che." a hmui hnuailam a pet zauh a, ka khup a zawi hnawk mai. Hetiang mipa hian min hmangaih thu min hrilh ta fo chu a nia. Engtianga han awm tur nge pawh ka hrethiam lo. Ka phu pawhin ka hre lo.
.
Washroom kawngka arawn inkik tawk tawk a, inen in kan inla hrang thuai a.
.
"Tunah Mawizuala chu zui haw la, ka lo zui ang che u." min kalsan nghal mai dawn emaw ka tih laiin min rawn hnaih leh a, rang mah mah hian ka chalah min fawp zauhin a inla hrang leh nghal a. Kawngka bulah a va ding a, kawngka chu hawng turin min duh tih lantir nan a kawk zauh a. Muangchang lovin kawngka chu ka hawng a, ka hawn rualin Eleazer hliah thei turin kawngka chu ka vuan tlat.
.
Hmeichhe pakhat ruih hmel zet hi a lo ding kawi ngat a, kawngka ka  hawn chuan hawikual miah lo hian arawn pai lut a, a hmuh loh laiin Eleazer chu a kalchhuak ve vat bawk.
.
Kei pawh washroom atanga chhuakin Mawizuala awmna lam ka pana, ka hmu mai lo. A hmaa a thutna ah khan a lo awm tawh lo. Ka hawikual a hmuh tur a awm miah lo nia. Ka rilru chuan ka inring nghal ringawt a. Engti vaka han awm dan pawh a awm chuang lo hlei lo va.
.
Verandah ah chhuakin Mawizuala bawk chu ka zawng a, engin nge min mawlh ka hre lo thim chinah chuan a awm dawna hriatna ka nei tlat a, hlauthawng ru deuh chungin ka pan ta tho. Ai khaih an tih hi ni berin ka hria. Thim lam chuan min hip tlat.
.
"Hetah enge irawn tih ve?" thim china mipa lo tawng ka hriat chuan ka phu nasa teh e. Ka beisei loh  ber mihring aw a ni bawk.
Muanpui maw? Ani hian enge rawn tih ve zawk.
.
"Inchhungah let rawh." arawn ti leh hrawk a, dik lo a awm chiang lutuk. Inchhung eng atanga pawnlam thima chhuak hlawl ka nih vangin thim china thl awm chu ka hmuchiang thei lo va, hmuh chian loh law law pawh a tha zawk ta ve ang. Mah se, inchhunga let leh ka tum chuang lo..
.
"Hetah hian enge irawn tih ve zawk?"
.
"Lo ngaihven lo law law rawh. Tunah lut nghal rawh." a ti leh a, ka hnunglam min hnaih takah  mi rawn ding awma ka hriat vangin ka hawisawn zawk a, Muanpuia awmna lam ka hawilet leh rualin hmeichhe te ruai ruai ri ka hria a, ka chhungrilah hian ka khur nghal zawih zawih mai. Chutiang reng renga thlabar thawm rapthlak chu ka la hre ngai lo. Ka thauah min man a, ka che thei der lo lehnghal. Tawng pawh ka tawng chhuak thei lo.
.
Inchhung atangin eng thawm mah an hre phak dawn lo tih ka hria. Music a ring thei ang berin an play a, an la lam mup mup ang chu..
.
Muanpuia chuan min rawn panhnai a, thimah chuan ka khawhmuh pawh a chiang ta. Muanpuia hmel chu chiang lo ruaiin ka hmu a, a mit chu a de deuh rulh rulh hian ka hmu! A bulah chuan mihring ruangam niawm tak hi alet reng bawk.
.
"Engmah i hmu lo. Tunah inchhungah lut rawh." a ti leh a. A aw atang chuan a hma aiin a hmahmawh hmel tawh zawk. "Tunah.." a ti leh thawt ka hriat rualin amah chu a let tawp a, thawm a chhuah zui miah lo. A hnunglam ah tumah an awm bawk si lo. Thil awmzia hi ka hrethiam lo.
.
"Hetah enge i lo tih?" ka banah min rawn kai nawk a, Mawizuala a ni tih ka hria. Min kaisawn nawk nawk a, eng chin kan thlen chuan a car dahna lamah min hruaiin kawngkhar min hawnsak a, hmanhmawh taka che zung zungin inchhung ah a tlan lut leh rih a. Reiloteah Eleazer nen an lo tlan chhuak tih ka hmuh chuan ka ngaihtuahna a buai lehzual.
.
Mawizuala hi Eleazer nen kan ringhlel em em a, kan thil hmuh leh hriat chinah amah lo han rinhlelh tur dang an awm miah lo bawk. Te-a khawihtu pawh kha amah ngei hi niin ka lo ngai nghet hmiah asin. Mahse tuna a awm dan leh thil thlen dan ka hmuh hian Mawizuala hi kan lo ring sual niin ka hria.
.
Thim chinah chuan light nen an kal a, rei lovah Muanpuia chu an rawn zawn a. Verandah ah Muanpuia taksa zawi hnuang chu an dah a, hmanhmawh tak bawkin thim chinah an let leh a mi dang an rawn zawn chhuak leh a. Kei pawh car atanga chhuakin Verandah ah chuan ka kal a, puana intuam mihring ruangam chu phelhin a hmel ka hmuh chuan ka tawlh hnung dawrh. Mami! Te-a farnu kha a ni! Engtin nge hetiang thil hi a thlen theih le? Engkim hi kan chan loh khanah a chhuak ta vek anih ber hi! Min thawng lutuk tak zet bawk.
.
Inchhung atangin an rawn chhuak tup tup a, thil thleng chu thup theih pawh a ni ta lo. Police an lo thleng chawpchilh nghal deuh mai bawk. Mak ka ti! Police chet ran ber tum a ni hial angem?
.
Eleazer leh Mawizuala chuan min rawn pan a, inngaihtuah harh leh niawm tak hian Eleazer chu ka bul arawn thlen hmain a hmaa a bula awm hmeichhe awmna lamah a peng leh daih a. Min rawn hmu pha lo tih hrereng chungin ka melh nghek tho. Sawnu a pan leh nachhan tur saw ka hre pha lo hrim hrim.
.
"Ka thlah ang che. Boruak hi  hrisel lo emai. Lo kal rawh.." min rawn vawn pawh tum tawh chuang lovin a kal a, ka zui ve tawp.
.
Ngawirengin motor a khalh a, kan in zawn kan thlen chuan dingin motor atang chuan a kal chhuak a, a tawng  miah lo chu mak ka ti.
.
"Zanin thil thleng i hmu ve chu pawi ka ti hle mai. Muanpuia a lo ni kher bawk nen. I chauh viau ka ring. A zia lo ka ti tak tak." a ti duah a. A hmel atang chuan a awm a nawm loh hmel hle.
.
"Nangmah kha i tha em?" ka tih chuan a bu nghat a, a nui lui bawk a.
"Chanchinthar a awm chuan ka lo hrilh dawn che nia." a tih leh hnu chuan chhang tawh lovin ka kalsan a. Inchhung ka luh rualin chak taka a tlan chhuak thawm ka hre nghal.
.
Thil thleng zawng zawng khan min tichau. Ka nu leh pa pawh an lo la meng a, zanin thil thleng hrilh lovin ka chauh deuh thu ka hrilh hnu ah ka room ka pan a, inthlak nghal peih lovin khumah ka let tawp. Ngaihtuah mumal nei lovin ceiling ka en vang vang a, ka phone nghawr dar dar ka hriat chuan thu chuakin ka phone chu ka pick up a.
.
"Eleazer_"
"In i thleng tawh em?"
"Um, thleng fel chiah? Enge chanchin?"
"Muanpuia chu Police-in an hruai a, Te-a farnu kha chu a serious khawp mai."
.
"Ka lo kal ve leh dawn em?"
"Chanchinthar eng emaw a awm chuan ka lo hrilh ang che. Mu phawt rawh." ka chhan leh hmain phone a off hmak. Engtin nge tunang boruak a awm laia ka mutthilh theih a rin reng reng ni.
.
Khum atang chuan thovin ka inthlak a, ka inbual leh hnuah ka mu ta chauh a. Ka muhil lo chiang khawp mai. Mawizuala message ka dawng mawlh mawlh a, engmah ka read duh lo. A message hawng lova ka chhiar theih chin zawng chu 'In kawtah ka awm, lo chhuak l.." tih zawng hi. Ka room light ka off vek tawh a, ka muhil tawhah ngaiin min nghak reng lo turah ngai ang. Message hmang mai maia min koh chhuah theih a inring chu ka nuih a za zawk. Eleazer chu  ni se thuhran!

.
Khawvar dawn hnaihah ka phone a rawn ri a, Eleazer bawk! Rang zetin ka pick up a, a reh vang vang mai. Ka hlauhthawn zia chu sawi  ngaihna a awm lo. Khum atangin ka zuang tho zawk ani ber.
.
.
ELEAZER*
.
Ka lam hawia Muffin arawn hawi piangin ka hawisawn a, Mawizuala sawn a hnaih mah mah reng bawk. Hetiang thil ka lo ti ta kher kher hi ka inchhir hlur tawh.
.
Washroom a pan ka hmuh rualin ka zui vat a, a mitmenga thikna ka hmuh khan amah fawp lo turin ka insum thei ta lo anih kha. Engkim a fel hunah ka duhthusam ang takin bul tan that leh ka rawt ang ka ti kha a nia.
.
Pawn lama Muffin chhuak ka hmuh rualin ka zui vat a, Mawizuala ka hmu lo thung. Ka rinhlelh chu nemngheh in a awm dawn ta ngei anih hi tih rilru pu chungin ka panhnai a, hmeichhe thlabar thawm rapthlak zet lo chhuak ka hriat chuan inhnuai lam thim chin atanga lo chhuak a ni tih ka hria. Muffin kha thim chinah a kal ngei tih ka hmu a, ka thin a phu nghal dup dupin ka kut ka hum ruh ngawt ngawt a. Muffin leh mipa ding dun ka hmuh chuan nichin maia hmeichhe te ri kha Muffin a ni lo tih ka hriat rualin ka thaw huai mai. Mipa ding chu Muanpuia a ni tih ka hriat rualin khawi atanga lo chhuak nge tih hriat miah loh hian Muanpuia chu rawn khawihin ani chu a tlu tawp a. Rang lutuk in inchhungah ka lut nghal.
.
Thim chin atanga lo chhuak, che rang tak kha hmu hman hlauh lo  ni ila Muffin kha ka luhsan hauh lo ang. Tunah chuan ka thiltih chhan hi a hlawhtling ngei dawn niin ka hria.
.
Mawizuala'n hmanhmawh takin min rawn ko a, engmah la hrelo ang chiaha langin pawnah ka zui chhuak a. Kan pahnih chuan hliam tuara let reng Muanpuia leh ruangam pakhat awm chu Verandah-ah kan zawn phei a, thil thleng chu thup theih a ni ta lo. Inchhung atangin midang an rawn chhuak a. Te-a farnu hliam tuara let reng chu mak ka ti tawpkhawk. He hmeichhia hi engtin nge alo tel ve theih? A na chu a thuk hle lehnghal.
.
Muffin awmna lam ka pan a, Mawizuala ka bulah arawn kal tih ka hriat rualin Jamie awmna lam ka pan leh ta zawk. Muffin hi him takin an in a thleng ngei tih ka hriat phawt loh chuan thil dang ka ngaihtuah thei tawh rih lo. Jamie pawh ka thian dangte rualin ka hawtir nghal daih. Ka lakah beiseina dik lo a nei em lovang chu. Zanin a helai hmuna ka sawm ve chhan leh ka bula awm tura ka duh chhan hi ka hrilhfiah miah lo.
.
Minute 15 rei ber aral hnu chuan Muffin ka call a, a phone pick up a ka hminga min koh rualin maimitchhing chungin thawk ka la huai a. Him taka a thleng chu lawm hle tur ka ni.. Lawm tih hian a sawifiah zo lo. Mawizuala hian eng ruahmanna nge aneih ka hrethiam pha hauh lo mai.
.
Damdawiin ah Te-a farnu chu an hruai a, a dinhmun a that vak loh thu ka hre bawk. Kha hmeichhia kha thlahthlam chi a ni hauh lo mai.
.
Ka mi sawmte in atanga an haw kim hnu chuan Mami an dahna damdawiin lam ka pan a, Police pahnihin min zui bawk.
.
Darkar tam damdawiin a lut leh chhuak hmuh kim theihna hmuna kan thut ngat ngat hnu chuan kan mi chan ber chu a lo kal ta zan zan mai. Ka bula thu Inspector Koko chu ka nghawk zauh a, ani pawh a  hmel a danglam nghal kawk mai.
.
"A mak hle mai a." a rawn ti sap a.
Kan thutna atanga tho chhuakin kan zui a, min hriat lohna turin kan fimkhur nasa hle. Kan rinlawk ang chiahin Mami awmna cabin a pan ding hle a, amah hmu leh zui an awm em tih a enkual zak zak bawk tih chu chik taka lo en rengtu tan hriat har vak a ni lo.
Private Cabin kawngka bulah chuan ding chatin kawngka ah chuan a tawlhlut zal zal a, keini pawh kan che ve nghal. Second khat lek pawhin kan tlai a thiang lo. Mami leh Te-a te hian nu leh pa an nei tawh lo tih hi sawilan a la ni miah lovin ka hria. Tunah Mami hian tihsual a nei emaw neilo emaw a nunna kan chhanhim sak ngei a tul tih hi ka hrechiang em em. Te-a tan nu ang a ni a, vanduaina dang an tawh belh a nih chuan an lainatawm lehzual dawn lutuk.
.
Cabin kawngka chu dim tein Koko chuan a nem a, a chhunglamah a inkalh!
"Ka rin dan chiah." ti sapin Koko chuan  a ipte atangin eng emaw a phawrh a, pin sinte nimaiin ka hria. Cabin chahbi rawlh luhna kuaah chuan a pin chu hawlhlutin a tiche neuh neuh a, min rawn kiai sak hnu chuan dawn awm lovin kawngka chu a hawng rawp a. A silai pai chu a tin chhuak nghal bawk.
.
"Che tawh suh. Man i ni e!"
.
Mami mutna khum bulah chuan min hnungchhawn zawngin Mawizuala chu a ding a, silaia tin reng a ni tih a inhriat vangin a che ngam bik lo niin ka hria. Koko nau hruai chuan rang zetin Mawizuala chu a panhnai a, a kut pahnih a hnunglamah khirh sakin handcuff a buntir nghal mawlh mawlh a. Koko pawh chu rang taka che in Mami mutna lam a pan a, a marphu a awm leh awm loh a en nghal thuai a. Bu nghata min rawn en leh chuan ka hahdam ta huai mai. Koko chu panin lawmthu ka hrilh a.
.
Tunah chuan Mawizuala inpuanna ngaihthlak chiah kan hmabak ta.  Chumi hma chuan Muffin hnenah chanchin ka hrilh phawt angai ang chu.
.
COPAS (HEARTS)
.
CHAPTER - 34
.
Thantei_LauraSean
.
H & E
.
Koko chuan hnai zetah Mawizuala chu a en a, Mawizuala pawh chuan a en let ve reng. A mitmeng a zamna chhete tal pawh a lang eih lo chu mak ka lo ti hle.
.
"I hmingpum hi Lalmawizuala a ni tiraw?" Koko chu hahdam hmel tak hian a thu a, misual turu lutuk a hmachhawn a ni tih inhre lo niawm tak hian Mawizuala chu enin a nui suk a. Amah a palianin a pian a nalh a, thahrui a ngah hle ang. A mipa pui tan pawh han cho ve ngawt chi a ni hek lo vang. Chik zet hian a thiltih dan chu ka lo thlir reng a. Koko hi a hnaah hian a tui a, misual tawhkhirh tak tak tam tak a lo tukzal tawh. Kei chauh ni lo khawpui chhunga mi lian tam takte chhinchhiah bik a niin a hnathawhpuite rin ber a ni.
.
"Ni e." Mawizuala chu damdawiin-a an man atanga a vawi khat nan arawn tawng chhuak ve ta hram.
"I tui a hal em?" Koko zawhna chu hrelo ang hmiahin an awmna pindan chu a enkual a, tlan chhuah a tum anih teh chuan a che fuh lo nasa ang.
.
"I hmel en hian mi pangngai tak leh rilru tluang tak pu  mi ini ngei anga.." Koko chu a ngawi leh dat a. A thil han zawh vel dan chu ka lo duhkhawp lo nasa mai. Tha taka zawh kual ngai pawhin ka lo hre pek lo. Khawih bawrh bawrh mai se ka lo duh a. A thiltih rapthlak zia ngaihtuahin dim baksak lo va hrawm nawk nawk mai a phu tak zet.
.
Beiseina nei hmel puin Mawizuala chuan Koko chu a en a. "I sawi dik chiah." a ti leh boh a.
.
"Mi pangngai takin hetiang thil iti hian chhan tha tak a neih ka ring."
.
"Mipa i nih angin hmeichhia iti lungawi zo em?" Mawizuala'n a tih chuan Koko chu a nui suk.
"Sex-ah i tihna a ni em?" a tih chuan Mawizuala chu a thu tha sut sut a. A hmel danglam dan atang chuan khawiah nge a awm a intheihnghilh ta a nih ka ring hial.
.
"I hmeichhe hmangaih ber i tihlawm zawh loh vangin phatsan che se la, i huat zawng tak mipa pasalah neiin a pasal chuan duh a tihzawh hnuah i hmeichhe hmangaih chu that lehsi se engtin nge i tih ang?" Mawizuala hmel lan dan chu a dang lutuk. Vawitam kan awm dunin kan inkawm a, tuna a hmel lan dan ang hian ka la hmu ngai lo reng reng. A thu sawi chu ka hrethiam deuh ruak chuan ka hria. Mawizuala hian Tabithi kha a lo hmangaih tihna a ni thei angem? Tabithi leh Sawmzuala inneih dan kha ka ngaihtuah let leh pawh hian thil thleng thut thut a ni a, Tabi kha Mawizuala nen an inngaihzawn erawh ka hre lo. Kan awm khawm pawhin pangngai takin an inbia ni khan ka lo hre mai thin.
.
"Nangin engtin nge i tih ang?" dawn awm lovin Koko chuan a tilet nghal zat.
"Lawm takin ka dahtha ang!"
.
"I duh ang takin i dah tha ta reng alawm tiraw? Sawmzuala i dah that vang khan i hlim sawt em?"
.
"Sawmzuala ka that niin i ngai maw?" Mawizuala chuan a ti leh he haw a. Nichin maia a tawng sual kha a hrelo a ni ngei ang. A ni ang mifing taka ka ngaih pawh ho taka dawp chhuah theih a lo ni tho anih hi. Thil diklo leh sual titu hi chu eng anga fing pawh lo  ni se awlsam takin an tihsual a lang chhuak tho thin. Chutiang a nih loh pawhin eng emaw pelh zauh lai a awm ngei ngei.
.
"Sawmzuala chungchang chu lo dah tha i la, Mami kha engvanga thah tum nge i nih?"
.
"Thah ka tum lo. Biak theih a nih chuan a thil hriatte zep turin ka duh a. Ka nun hi ka kham ta hluah hluah anih hi. Engmah ka pawi sa tawh lo. Engkim hi tawp vek law law rawh se." dawn awm miah lo hian Mawizuala chu a tho thut a, Koko chu a bawh nghal titih. A kut an la phuar hlauh a, pawi a khawih thei lo hlauh.
Koko chuan hneh zet hian a tham kang lawp a, chair-ah chuan a thuttir nawk a. Engmah sawi tawh lovin arawn chhuahsan nghal hmiah bawk.
.
Kan awmna bula a lo din rualin "A rilru a mumal lo va, mi ang pangngaia ngaih chi pawh a ni chiah lo anih hi. Enkawlna tha tak a hmuh loh chuan a bawraw zual telh telh ang. Mami harh hunah thil chiang zawk kan hriat theih ka ring." a ti charh charh a. Tih theih dang a awm tawh rih loh vangin kei pawn ka kalsan ta rih.
.
Khua a var dawn hnai a, ka taksa a chauh ve deuh bawk vangin ka in ka pan a. Tunah chuan thlamuang takin ka mu ve thei tawh ang chu.
In ka thleng a, kan kalsan ang angin engkim a lo la hnawk nuai mai. Ka room-ah lut tlangin khumah ka mu a, kar lovah ka muhil  nghal bawrh bawrh a.
.
Thawm eng emaw ri sek chuan ka mumang nen lam min tibuai, ka mumal lo nuaih mai. Chiang lo ruaia harhin ka meng a, ka khum bula hmeichhe awm chu enin ka muhil zui leh mai a. Thawm ri chu a la ri zawm char char. Ka inlet thawk a_
"Tho teh.. I phone hi keiman ka lo pick up mai dawn a mi? A ri char char a nia."
.
"Umm.."
"Rinmuan_ Tho teh.." nui har har chungin ka puan sin arawn theh hlim a, meng chuang lo leh ngaihtuah lem lo hian a banah ka pawt a, ka mutna bulah chuan rawn mu vein a insiamrem nghal sat sat a. Eng emaw a sawi ser ser a, a tawng chu ka hre mumal lo. Mutthilh chhuak lutuk harh hleithei lo ang hian i awm ve tawh thin ka ring. Ka harh chiang thei der lo.
.
A tal leh sat sat a, a thuchhuak niin ka hria. Ka mumang nen a inpawlh buai nuai mai.
.
"Tunge inih a?" khum atang chuan a tho chhuak ta niin ka hria. "Rinmuan tho teh.."
.
"Kaitho duh suh. Ka awmrei hman chuang lo va."
"Um.. Nizan khan ka hmu chein ka hria. A neitu phalna lo va an room luh ve rikngawt hi a fuh lo fo a nia.." Jamie aw a ni. Pakhat chu Muffin a ni bawk! Muffin maw? Jamie hian ka khumah enge a rawn tih? Ka thu chhuak hlawl a.
.
"I sawi dik khawp mai." Muffin tawng fiah kalh chu a hrechiang hle.
.
"Muffin!"
Ka tawng chu hre awm pawhin a awm lo. Chhuah tumin a inher a. Ka hmahaih a nih ber hi. Muffin chu ka en tawp.
.
"Enge i rawn tih?" ka tawng zawh rualin zawh loh tawp tur ka zawt tih ka inhria. Ka tawng chhuak hman tawh si. Muffin chu rawn hawilet lehin a hmel a dam raih.
.
"Phone i pick up thei lo va, chanchin hriat ka duh sia. Ka rawn tibuai che u a, a zialo hle mai. Remchang dangah kan inhmu dawn nia." thinrim hme la pu lo va, inthiamlo hmel pawh a pu chuang lo. Thil dang sawi tawh lovin ka pindan atang chuan a kal chhuak nghal a.
.
"Muffin.." ka tho a, khum atanga chhukin Muffin chu ka umzui a, a che rang reuh hle mai. Kawr pawh ha lovin ka chhuak a, a scooty tinungin a lo tlan chhuak dawn chiah.
.
"Lo ding teh." bengchhet biak ang mai a ni. Min hmu lo leh ka tawng hre lo ang hmiah hian hmel pangngai tak pu chungin a tlan chhuak a. Hmanhmawh zet hian inchhungah lut lehin ka room-ah ka lut tlang a, Jamie chu ka khumah a lo la thu!
.
"Enge i rawn tih?" min rawn en chho zak a, a hmel atang chuan thil diklo ti ang maiin a pha nghal dai mai.
.
"Enge i an ka hre duh a. Nizan khan mumal takin kan inthlah ta si lo va."
.
"Ka lakah beiseina nei buai duh suh. Nizana ka sawm nachhan che kha ka hrilhfiah lawk loh che avangin min hrethiam dawn nia. Min chhuahsan thei tawh ang."
.
"Rinmuan.."
.
"Hmelhriat tha angin kan la inhmu leh thin dawn nia." ka aw atangin ka sawi awmzia a hrethiam ngei ang chu.
.
"Nichin khan i bula mu turin min pawt anih kha.."
.
"Ka harhchian loh vang anih kha. A pawi hle mai. Min hriat kha.." Jamie chu ngaih dan ni vak lo tih hriat hian a kun deuh ngat a. Ka inthiam chiah bik lo.
.
"Eitur i duh chuan choka lamah va en rawh. Ka inthlak anga ka rualin i chhuak ve dawn nia." pangngai thei ang berin ka bia a, nichin lawka thil thleng ah khan ka dem ngawt thei lo. Keimah zawk hi ka thiam lo tih ka inhria. Jamie lakah hian engtiang pawhin awm ila min hnar thei dawn lo tih ka hrechiang em a, ka harhchian loh vang chauha ti ka ni bawk.
.
Muangchang hian ka room atang chuan a chhuak a, kei pawh bathroom-ah lutin ka inbual a. Ka inthlak zawh hnuah choka ah kalin eitur ka lachhuak a, Jamie chuan ka chezia chu min lo en reng a.
.
"Nichin a lo kal kha tunge?"
.
"Muffin anih kha." ka ti mai a, a lo nui hak thung.
"A hming chu a va dangdai ve." a juice ken lai chu in zovin dawhkanah a dah ri rak a. Ka chhang tawh lo.
.
"A inringtawk hle mai. Kha vang kha a ni em?__"
.
"I ei zawh chuan kal chhuah ka duh a."
.
"Ah_Um.. Zo tawh e." ti sapin a hmel chu a ngui leh lap tawh.
.
Ka in atangin kan chhuak a, Jamie ka drop hnuah Muffin thawhna office ka pan a, sana ka en chuan dar 3 a lo ri tep tawh.
.
A awm ring vak lo chungin an office-ah chuan ka lut a, ka rinlawk ang chiahin a lo awm lo. A hna atanga haw hma meuhin ka in ah a lo kal a, min rawn hmuh dan leh ka lo hmachhawn dan ngaihtuahin ka lakah a lawm lo khawp ang.
.
.
HMINGTHANSANGI*
.
Nizan ka mutthilh miah loh vang kha anih ka ring, ka lu a rit bur mai. Tunlai tak hi hna a tam lo va, kan awl angreng. A zia phian bawk. Kan buai hunah vek vek chuan kan thim leh thak thak mai ang.
.
Ka phone ka en sek a, ka rin aiin Eleazer phone ka dawng har tawh bawk. Nizan khan thil tam tak a thleng ang tih ka ring a, thil dangin ka rilru a luah thei hlawl lo. Dar 1 a rik chuan ka nghak thei ta ngang lo, ka call ta nge nge a. A phone a pick up thei lo. Vawi thum zet a ring quit hnu chuan call nawn lovin office ka chhuahsan ta zawk a. A office-ah kal hmasa zetin vawiin ah office a kal lo hrim hrim tih a secretary'n min hrilh chuan ngaihthat lohna nasa tak ka nei nghal. Eng emaw lai atang khan thil thlengin a zir thin em bawk a, ka hlauthawng hma thin khawp mai.
.
A in panin ka kal a, a kawngka inhawng deuh ka hmuh chuan ka thaw deuh huai. Door bell ka hmet a, tumahin min rawn chhawn lo. A buai laklawh a nih ringin kawngka inhawng sa deuh chu ka nem a, ka lut ve tawp a. A hmel hmuh tur a awm mai chuang lo.
.
A room atanga thawm lo chhuak ka hriat chuan ka vawt deuh sung sung  mai. Inthunun chungin a room chu ka pan a, 'hetianga tih hi a tha lo asin' tih ngaihtuah chungin ka pan hnai zel tho. A room kawngka chu a inhawng sa leh tho pek! Hmeichhe phun ser ser ri ka hriat chuan ka thaw a tawt up up a, meng tha ngam lo chungin a room-ah ka penlut a. Lo ti lo law law ila tha tur a nia!
.
Nizana a hmeichhe kawp ngei kha amah kuah chialin a lo mu a, a phun sep sep bawk. Enge a sawi ka hre phak lo. Min rawn hmuh chuan a tho zawk a. Tunge ka nih min zawt nghal pang bawk. Keihi halaiah hian eng tih tuma kal nge ka nih ka ngaihtuah nawn hial.. Ka tih loh tur tawp ka ti leh ta anih hi.
.
"Enge i rawn tih?" Eleazer zawhna chu chhan ka tum lo zeta, a awm dan leh ka thil hmuh hian chhungrila min tihnat zia tihlan pawh ka tum lo bur. Ka tumlawk dan aiin ka chhang tha bawk niin ka hria. Ka tah a chhuak lo va, 'thil thleng hi pawm thiam mai ila a hahdamthlak zawk' he thu hi ka rilruin ka sawi char char. Thil dang ka ngaihtuah duh lo. A in atang chuan chhuakin verandah-a arawn chhuak chu ka hmu a, ka en duh lo va, engtiang pawhin awm se min nghawng miah lo anga lan ka duh ber. He mihring tan hian a infiamna hmanrua ka ni tawh dawn lo. Ka mawl em a, awlsam takin ka ring leh mai a, mawl takin ka awm tawh dawn lo.
.
Min rawn kohna chu hre lo anga langin ka tlan chhuak a, ka hmel min hmuh theih loh rualin thawk ka la kawk kawk a.
.
Khawilai nge ka thlen tawh tih hriat tuma ka hawi chhuah chuan damdawiin bulah ka lo awm tawh reng. Tumlawk miah lo va ka pan hi chhan a awm ngei ang.
.
Scooty ka hun rem hnu chuan Te-a awmna cabin lam panin ka kal a, ka thleng dawn tep tihah ka hnungah hian hmanhmawh taka tlan thawm arawn awm thut a, an thawm rawn neih chuan min thawng lutuk tak zet. Ka hawilet hma hauhin min tlan pel hlawk hlawk a, Te-a awmna cabin ah an lut nghal a. Thil thleng dang a awm ani ngei ang. Ka thin a phu dawt dawt mai.
.
Te-a awmna cabin pawna ka din chuan nichina tlanlut pakhat zawk kha rawn dak zauhin "Tumah lo lut rih suh u." a rawn ti mar pat a. Te-a dinhmun a hniam nge amah tihnat tumtu mi dang an awm leh zawk le?
.
Rilru hlauthawng ru zetin ka ding reng a, U Mami dinhmun pawh a tha lo tih ka hre tho a, an unau chan ka ngaihtuah hian ka lainat ngawih ngawih.
.
 "Hetah i lo awm hlauh chu a lawmawm e. Ka zawng nasa lutuk tawh che." ka bulah Eleazer arawn ding a, ka melh zawk ringawt. A bula awm chakna ka nei miah lo. Ka kutah min la rawn vuan ta lehnghal. Ka chhungrila thinrimna nasa lutuk nei chung chuan ka insum leh ta anih hi. Ka rilru ang hian che chhuak nghal thin ila chu ka mualpho zing ngawt ta ve ang. Insumtheihna tlemte ka neih ve tawk tawk hian min mualpho tir lo thin chauh zawk a ni.
.
Ka kut chu laksawn tumin ka tang a, min vuan nghet mah mah a ni. Hetianga angai bawka kual leh thin hi ka peih tawh lo.
.
"Min thlah mai mai teh." ka ti sap a. Thinrim anga lan ka duh lo bur.
.
"Engmah min zawt dawn lo mi?" a ti nghut. A rawn kun deuh a, ka duh aiin min hnaih leh ta.
.
"Chanchinthar a awm a nih chuan zawh ngai lovin min hrilh ka lo ring ve ringawt a." ka melh zauh a, ka rilru erawh chuan 'Pangngai thei ang berin.." tih thu hi ka sawi nawn char char.
.
Ka rin hauh loh hian ka kut chu la kangin a fawp zauh a, ka rilru hriattum tih hriat reng hian ka mitah min rawn en ta bawk. Ka insum thei ta lo.
.
"Ka kut hi thlah rawh. Eng thil tenawm nge i khawih tih pawh hriat loh__ Ka ten a nia!" tawng rin hlau zetin ka tawng hmarh hmarh a, a duhzawng tak ka sawi emaw tih turin Eleazer chu ri miah lo hian a nui suk thung.
.
"Hmm.." lungawi hmel zet hian ka kut chu nghet lehzualin a vuan a, a awmah a nembet ta daih a. A awm dan hi ka hrethiam lo. Hriatthiam pawh ka tum lo!
.
"Police ho kha lo chhuak se, Te-a chu kan hmu lawk anga_ Chuan khawiah emaw hruai che ka duh a." eng thil nge a hriat a, engmah danglam lo ang hmiaha a awm luih tlat le.. Ka chhang lo. Zui ka tum loh zia chu nasa tak a ni.
.
Ka kut a vawnna tlema a tithawl hlek chu remchangah lain ka kut chu ka lasawn vat a, ka awm dan chu ngawirengin min en ngur ngur ringawt. Za lo zet hian ka nuih lui thung a. A awm dan chu ka ngei lutuk tih hria se pawi ka ti lo.
.
Minute 10 dawn tur cabin pawna kan din hnu chuan nichin a hmanhmawh taka lut Police 2 te kha an lo chhuak ta hram. Kan bul an rawn thlen chuan Eleazer chu hmachhawn in engkim a fel tak thu an sawi a, an tawngkam atang chuan ngaih dan ka lo siam mawl ve tawp. Eleazer hian a sawi a nih loh chuan engmah zawh ka tum lo.
.
Police pahnih an kal hnu chuan Eleazer ngaichang lovin cabin-ah chuan ka lut a, min rawn zui leh zui loh chu a thu thu a nimai. Helai atang hian a ruala kal chhuah ka tum lo hrim hrim bawk a. Te-a hmel ka hmuh chuan ka hahdam ta deuh. A khum bulah thuin harsa chung chunga min nuih hmel chu ka en a.
.
"Hmingthansang, i va rawn lang har ve?" a tawng ring thei vak lo.
.
"Ka lo kal laiin i muhil zel alawm. Mut i duh em a nih kha."
.
"Mawizuala an man tawh tih ka lo hria a."
.
"A dik alawm."
.
"Ka u chanchin pawh tunah khan ka hre chiah a."
.
'Tawng a harsa rih deuh anih kha, hahchawl rawh. Ka lo veng ang che. Nakinah i dam that hunah duhtawkin kan ti ti dawn nia. Ei chak i nei em?" ka tih chuan a mitmengin min chhang a. A taksa a la chak tawk lo hle nain a nunna chan hlauhawmah a awm tawh lo va, a hahdamthlak tawh khawp mai.
.
"Ka u chu i hmu tawh em?" a ti leh sap a.
.
"Ka rawn hmu zo deuh chauh a, a tha thuai ang. In unau hian in vannei hle a ni." ka hnunga Eleazer lo ding chu ka en duh lo. Ka hnung setah tak tak dingin ka hnungzang arawn si chet a, ngaihthah theih a ni der lo. A tilui tih ka hre bawk.
.
"In zarah kan him a nih hi. Lawmthu sawi kan ngai nasa hle mai."
.
"Hahdam deuhin awm rawh. Engmah ngaihtuah hah angai lo a nia." ka lo ti ve thung. "Mutthilh tum rawh aw." ka tih chuan min en lehin nui sak hian a maimitchhing siai siai a.
.
Cabin chhung chu a reh ta vawng vawng mai. Eleazer chu thutna tur awm reng chungin ka hnungah chuan a ding tlat a, biak hmasak ka tum lo. Te-a pawh chu a muhil nghal deuh maiin ka hria.
.
"I chau em?" zawi taka tawng pahin Eleazer chuan ka dar tawn tawnah min rawn vuan a, ka chhan mai loh vang chuan hahdamthlak zet hian ka dar chu a hmet a.
.
"Min khawih chhen lo teh." tih pahin a kutah ka beng a, ka dar tichein inher tum hian ka che a, ka kiuin ka nghawk palh! Ka tum lawk pawh a ni miah lo, a ni lo laiah ka khawng fuhin ka hria!
.
"Ouuch.." rum hakin a hmalam chu a dawm a, kei inthiam lo lutukin ka ding hluai. A lakah ka thinrim tih ka ngaihtuah hman tawh lo.
.
"Ka khawng fuh che em? A na em? Ka tih palh lutuk.."
Eleazer chu a then sak sak a, a hmel that zia chu...! Mi na tuar lai hmel tha lo tih viau pawh chu a fuh ber lovang. Ka khawn sak lai part ngaihtuah phei chuan…!
.
"Ana viau em?" ka tih leh chuan then leh sakin a lu a thing a. Ka inthiam lo tak zet tawh! "Eleazer?" ka en chho dak a. Dawn awm miah lo hian min rawn kuah thut! A taksa awm dan atang chuan a nui tih ka hria. He mihring hi..!! Tal chhuah ngaihna awm miah lova min kuah betin lungawi hmel zet  hian a insawi vel nia.
.
“I tider__ Ka khawng fuh miah lo che..” ka tih chuan a nui chhuak hak a.
.
“I titau tawh lo em?” min kuahna chu phelhin ka biang tawn tawnah a kutin min vuan a. Te-a hi a lo harh reng chuan  hetianga mi dang hriat laia awm hi a dik miah lo.
.
“Chhuak phawt rawh. Khawiah mah ka zui dawn miah lo che a nia.”
“Tak zet?”
Ka bu nghat a, a hmel a serious ta viau.
“Min zui loh chuan hetah hian kan awm char char dawn tihna a nih chu.” A fiamthu miah lo lehnghal.
.
“Min awmpui reng chuan ka  muhil thei dawn miah lo a nia. Min chhuahsan teh u.” Phawk lutukin Te-a chu ka en a, thei leh thei lo  hian a lo nui sak sak a. Ka hmai sat pup pup dan atang chuan ka sen vekin ka ring.
.
“Kan lo tlawh leh thuai ang che.” Eleazer chuan Te-a chu nui chunga enin  ka bag a la a,  ka banah min kaiin Cabin atang chuan min chhuahpui a.
.
COPAS (HEARTS)
.
CHAPTER - 35 + EPILOGUE
.
Thantei_LauraSean
.
H & E
.
Hnial tumin ka tang dawn a, min vawnna nghet lutuk vang chuan ka tang buai duh ta lo  law law. Dik tak chuan a bula awm ka thlakhlelh vang pawh a ni bawk!
.
A car kawngkhar chu hawngin min luhtir zet hnuah driver seat lamah arawn thu lut a, a thut fel hnu chuan a thaw huai a.
"Enge?"
.
Thawk a lak leh halh hnu chuan muangchang hian min rawn en a, a mitmeng chu ka hrethiam lo.
.
"Ka lakah thinrimna i neihin pangngai tak anga lan der tum tawh ngai suh."
"Enge i sawi awmzia?" ti luiin a awm lohna lam ka hawi nghal daih. Ka inthup hneh hle ni a ka inhriat pawhin hepa pui hian min lo hrethiam tho anih hi.
.
Min rawn kuai her a, amah chiang taka ka hmuh theih hnuah min thlah chauh a. Ka kut rawn lain a awm veilam ah a nem vang vang a, a thinphu dat dat chu ka feel thei. Eng thil nge tih a tum ka hre lo.
.
"Ka thinphu chu i feel thei em?" serious lutuk hian min en a, ka hamhaih ta zawk mah.
.
"Eleazer?"
.
"Tunah min hrilh rawh. Ka thinphu hi i feel thei em?" a tinawn leh a, ka bu nghat.
.
"He thinlung hi itan chauh a phu__" sawitur haihchham niawm tak hian a ngawi chutin min en vung vung a. "Ka sawi chu i hria em?" a ti leh ringawt. A lan dan chu khawvela ka thil hmuh tawh zawng zawngah a la duhawm ber tih ka sawichiang ngam sak. A tawngkam thiamin a daih tawh lo anih ka ring. A serious em a, ka nuih za deuh mah se ka insum fan fan. Ka hmui hnuailam petin ka nui a, ka insum zo lo. Amah ka nuihzat vanga nuihza tlat pawh ka ni lo. Ka sawi thiam chiah lo. Ka chhungrila ka hlim lutuk vang a ni maithei. Ka nuih insum hmel a hmuh chuan a tang deuh utin ka hria. Ka kut chu a hmer nghet sauh a.
.
"Min nuih maw?" a ti nghut a, nuam lo ti hmel a pu ta. Ka nui chu ka inthiam lo ta nasa.
A awm dan ngaichang lovin a lamah ka awn a, min hmu thei an awm em tih lam ka ngaihtuah tawh lo, ka theihtawpa nghetin a nghawngah ka kuah a. Hahdam taka a inthlahdul thlengin ka kuah te reng.
.
"Ka hmangaih che Eleazer." min chhang mai lovin min kuah  nghet sauh a. Tun ang reng renga mahni inringtawk leh a thinlung neitu ni a inngaihna hi ka la nei ngai lo.
.
"Ka lawm e."
Kan inkuahna chu thlahin kan inen ren rawn a, kan thinlunga inpawhna awm chu tawngkama sawi chhuah theih pawh a ni lo ve.
.
"Hruai duhna che ka nei." ka biangah rawn fawp zauhin a nui zui suk a, a hmel hmuh nuam lutuk chu ka en reng tawp.
.
Motor tinungin kan tlan chhuak a, kan pan lam chu ka hre tho nain khawiah tak  nge min hruai a tum ka hrethiam lo. Durtlang kawng han chhiat em em zia hi, kan insawh bawp bawp mai alawm!
.
Car a tiding a, kan dinna piah ka en chuan ahmaa kan pahniha kan kal tawhna in kha a ni tih ka hre chiah. Zanah thinrima ka kalsan leh tualzawl a ka inchhuih tluk tawkna hmun kha..
.
"Hetah hian enge kan tih dawn?"
.
"I hre mai ang?" a ti ringawt a. Car atang chuan chhukin ka thutna lam kawngkhar min rawn hawn sak a, ka inrin hmain min pawm chhuak nawlh mai. Hetianga min han buaipui vel hi nuam ati tih ka hriat vangin ka hnial duh lo. A nghawngah ka lo kuah let chial a. Kawngka kalhna hawn angaih vangin min dah thla ta hram.
.
In chhungah kan inzui lut a, in chhung cheina chu kan kal hmasaka a awm dan nen a lo danglam tawh. Sofa lian zet awmna lamah chuan kalin min kai ta zel a.
.
"Zingah khan i thinrim tiraw?" a bulah min pawt thuin min kuah a, hetiang tak hian ka bulah a la awm ngai pawh ka hre lo. Indanna leh invenna nei miah lovin a nihna ang takin a langchhuak niin ka hria. Ka ngaihtuahna lah hi a kal kual nasa thei mai sia maw..
.
"Um_ Mipa dang nen khumah lo mu ila i lawm angem?"
.
"Sawi pawh sawi ri suh." a ti nghut.
"Chutiang vel chu__" a hmel ka en a, ka rin aiin a lo serious leh tawh. Min rawn hnaih lehzual a, ka biangah a kuta min vuanin ka hmuiah min fawp vawng vawng a, kei pawn ka thiam tawkin ka lo chhanglet ve bawk. A duhthawh sawt khawp mai. Ka kawr chhungah a kut arawn zen lut a, a thaw pawh a rang tawh hle. Hriat theih mang lohin a phun sup sup a..
.
"Eleazer_"
"Umm.."
Ka hmui chu lasawnin a mitah ka en a, kan innei phawt anih loh chuan tihsual nawn ka tum tawh lo. A insawi ang takin Eleazer hian min hmangaih ngei ang. Ka thinlung tak hian ka ring. Mahse, nupa chauhin an tihtur inneih hmaa kan tih fo hian mihringin min hriatpui lo mah se Pathianin min hmu reng a, ka tisual nawn ngam tawh lo.
.
"Tihsual nawn ka duh tawh lo." ka ti ta tawl.
.
"Ka mamawh che.." min rawn fawp leh a, ka inla hrang thei lo thelh chu a ni e.
.
"Kei pawn ka mamawh che alawm. Mahse, nupa chauhin an tihtur kan lo tih hian tu pawi nge kan sawi i hriat kha." ka tih chuan a thaw huai. Ka tawngkam chu a ni lo zawnga a ngaih ka hlau leh hnuhnawh. Inneih ka ngen anga a ngaih ka hlau "Eleazer, min nei turin ka nawr miah lo che a nia. Ka_ Ka sawi tum.. i duh loh chuan min nei lo mah la a pawi chuang lo va.._"
.
"Shh.._ Ka hrethiam." nghet lutuk hian min kuah a, amah pawh inthunun a tum hle tih ka hriat chuan ka kuahlet thuai a.
"Anih chuan kan inneih vat angai a nih chu." a tawngkam chuan min tina! Inneih vat a duh chhan chu sex vang chauh maw ni ang?
.
"Sex vang chauh a ni lo. Ni tin i hmel hmuh ka duh a, min duat turin ka duh bawk che a.." nui sukin min kuahna a thlah a, ka hmaah arawn thingthi a.. Ka hamhaih leh zual..
.
Zungbun a kuta a ken chu ka hmuh rualin eng thil nge tih a tum ka hria. "Eleazer." ka ti sap a.
.
"Ka dam chhung i bula hun hman ka duh a, inhauhpui che a hlim taka siam che ka duh bawk. Nang nen anih chuan eng pawh ka ti ang.." ka lo nui hak. Tawngkam a thiam loh zawh poh leh ka tan a duhawmna a zual zawk. Ka bengah chuan hla thu mawi tak tak aiin a hlu zawk daih. Thinlung atanga chhuak a nih chuan thumawi tak anih kher lo tul hauh lo..
.
"Muffin_Ka hmangaih che. Min nei duh angem?" ka mitah min en in ka chhanna a nghak tawh lo. Ka kut lain a zungbun ken chu min buntir a, tawngkaa ka chhan kher ngai lovin ka mitmeng atangin ka chhanna a hre vek tih ka hria. Ka sawi chhuah kher ngai lo va min hrethiamtu tluka hlu hi thil dang a awm thei dawn em ni? Keiin ka thinlung zawng zawngin ka hmangaih bawk a.
.
Ka kut zungtanga a zungbun min buntir chu enin a hmel ka en leh a.
.
"Min fawp rawh." a mitmeng chu a nung sar mai. A la thingthi reng chung chuan a nghawngah kuahin ka mipa hmangaih ber hmuiah chuan ka fawp ta vawng vawng a.
.
.
ELEAZER*
.
Tun atanga hun reiloteah Muffin hi ka nupui a ni tawh ang. Hmel hlim sar chunga min enin a nui sak a. Heihi alawm hmuh ka lo duh em em thin chu. Ka lakah zep nei lo vin a thinlung takin a nui thei ta. Khawvela mipa hlawhtling ber ka ni ta anih hi. Hmangaih  ber thinlung neih theih tluka hlawhtlinna nasa leh ropui hi a awm thei lovang.
.
An in kawt kan thlen chuan motor atanga chhukin in chhung a luh hma chuan min thlah nan a kut arawn vai zauh a. Zanah an inah ka kal ang tih ka hrilh hnu chuan ka kalsan leh ta rih.
.
Ka phone nghawr dar dar chu la chhuakin caller ID ka en a, Inspector Koko hming a lo lang vah mai. Missed call a tam viau ta ve ang. Muffin nen kan awm dun lai pawh khan min rawn biak a tum a, ka pick up duh ta lo anih kha.
.
"Koko.."
.
"Tunah station-ah i lo kal hman em? Thu kimchang kan hre thei ta e." a rawn tizang vah mai. Police station lam panin ka tlan nghal var a.
.
Station ka thleng a, Muanpuia lo thu vung mai ka hmuh chuan ka phu deuh zawk. A ni hi ka lo hrechhuak tawh lo reng reng. Dik taka sawi chuan Muffin bula ka awmlai khan hetiang buaina zawng zawng hi ka mangnghilh vek a ni zawk e.
.
"Enge chanchin?" Muanpuia chu kal pelin Koko thutna lam ka pan a, min hmuh chuan a lo nui vei suk a.
.
"Lo thu phawt la. Sawitur a tam khawp mai." thingpui a lama, thingpui in chungin an thil chhui chhuah ti ila thu kimchang chu balhlah miah lo hian a sawi nghauh nghauh a.
.
*Mawizuala khan Sawmzuala a that ngei a, a thah chhan pawh Tabithi vang a ni. A thinlunga duhna leh hmangaihna a neih chu a ni lo zawnga hmangin tualthahna a thlen phah ta. Alawmi chungchang erawh Sawmzuala ber a thih tawh vangin tihngaihna vak a awm lo va, Mawizuala hian Alawmi chunga thil thleng kha hriain Sawmzuala kha lo vau fo a ni awm e. Robert thah tirtu kha Sawmzuala niin, a mi rawih ber kha accident-ah a thi tawh bawk. Mawizuala sawi dan hmangin accident pangngai a ni lo a ni awm e. Thil chhui ngaihna awm tawh lo leh thilmak tia sawiin a liam dawn ta a ni. Ruahmanna siamtu ber Sawmzuala ber a awm tawh lo lehzel bawk.
.
"Kawrkilh thlana ka chhar kha?" ka lo ti boh a.
.
"Kha kha chu Mami dah a ni e. Mawizuala pek hian a lo vaubet alawm maw le. Thil theih a ni lo hrim hrim a. A hma lawkin uluk leh chik takin kan endik vek tawh a, kawrkilh min pek khan mak ka lo ti nasa khawp asin. Tunah chuan buaina awm zawng zawng chinfel a ni ta a, a tuar tur tur chuan an tuar dawn ta anih hi."
.
"Mami leh Muanpuia te chungchang hi?"
.
"Muanpuia hian Sawmzuala thah a ni lai kha a mit ngeiin a hmu a, tanpui lo va a lo enliam vangin hremna a hmuh ve tho a tul ang. Tualthat ang em chu a ni lo va, a hremna erawh a nep thei lo vang. Pawi ta ber chu an thinlung an veng tha lo hi a ni. Mawizuala hian case a awrh hnem ta viau mai. Te-a kha a hun takah chhan chhuak hlauh lo ula chu thah ngei a tum bawk a. Te-a khan a u vau anih thu kha a lo hre thawi niin a ngai a, a lo hre hauh si lo va."
.
"Mami ber chu engtin nge a awm dawn tak?"
.
"Ani hi vaubeh a ni a, a lainatawm zawk khawp mai. Hmeichhe awmnem zawk vaubeh anni fo mai hi inven dan tha tak awm se a duhawm khawp. Chaklo zawk annih vang hian venhimna an mamawh lehzual a nih hi. Khawvela kan awm chhung hi chuan tharum thawhna hi a thlen fo hmel si a, han tihvak ngaihna pawh a awm lo ve a. Kan zavai hian mahni hma zawn theuhah kan fimkhur tlan a, uluk taka nun kan hman angai anih tak ber hi."
.
Koko nen kan inkawm zawh hnu chuan Police station atanga chhuakin ka in ah ka haw a, inbual zawk zawkin ka inthlak hnuah in ka chhuahsan lehnghal a. Ka nu leh pa hnena sawitur pawimawh ka nei hi a pawimawh em a muangchang phal tur pawh ka ni lo reng reng bawk.
.
Nupui neih ka duh thu ka nu leh pa bula ka sawi chuan ka nu chu a tap lo chauh a ni ber e.
.
"A thleng ve dawn ta nge nge maw.. A va ropui tak em! Amah ber chu hmuh leh pawh ka chak hle mai. Tha lo taka min ngaih loh ka beisei.."
.
"Enga?" ka pan arawn tih hluai chuan ka nu chu a tim deuh chaih. Ahmaa Muffin laka a lo awm tawh dan vang khan tun thleng hian ala inthiam lo reng anih ka ring.
.
"Engmah a ni lo. Muffin chu lo hruai la, kan chhungkua in kan lo hmelhriat hmasa ve ang." a ti duah a.
"Muffin a?" ka pa bawk chu.
.
"Hmingthansangi a nia. Pa.. Muff_ Ka nu khan ka kohna bikin a sawi anih kha." ka tih chuan ka pa chu a nui ta hawk hawk. Kan ka deuh hau hlawm mai. Ka nu a melh a, ka nu chu lai niawm tak hian ka pa banah a beng taih a.
"Ngawi mai mai teh." a ti ta ngawt. Ka pa khan engmah a sawi miah lo si lo va! Kan zavaiin kan nui ta dar dar. An thuruk lah kan hriatpui ve der lo.
.
“I pa hi I lo chhun ber anih hi..” ka nu hlim hmel chu hmuh a nuam teh e.
.
Rilru zangkhai zetin kan in ka chhuahsan a, Muffin te in ka thlen chuan zan dar 8 a ri tep. Anu'n kawngka arawn hawng a, a inthuam dan atang chuan kal chhuah an tum anih hmel. Ka lo lawm ru ve nghal em em a!
.
Ka rin ang tak takin ka thu fel awrh tihah Muffin nu leh pate chu an kal chhuak a, an ina ka kal chu an lo lawm tum hrang. Muffin amah chauha kalsan an lo hreh hle a lo nia. Helaia ka kal chhan ber inchung atanga rawn chhuk chu ka lo en reng a, tlaiah mai khan kan inhmu a, ka ngai viau hman tho mai. Dik taka sawi chuan tunhnai mai atanga hetiang thil hi thleng pawh a ni lo. Thinlung luahtu hi chu engtiklai pawhin kan ngai veng veng reng mai chu a nih hi.
.
"Ka rin aiin i lo kal hma." ka bulah rawn thuin a sam la ro chiang lo chu a khawih sar sar a, a rimtui chek chek mai. Ka kuah leh lo thei ta lo.
.
Kan ti ti a, kan rilru a thil awm tam tak kan sawi dun bawk. Thil thleng kimchang ka hrilh chuan a rilru a hreawm hle tih ka hria a, hnem dan erawh ka hre tehchiam lO. A thiantha ber Alawmi thih dan khan tun thleng hian nasa takin a la nghawng reng tih ka hria.
.
"Chutiang chu sawi tawh rih lo ang, rilru a hreawm thin emai." a ti sep sep a.
.
"Enge kan sawi ang?"
"Ka hre lo."
.
"Heihi maw?" tih pahin a biangah ka fawp a, min haw lo zet hian a nui ta sak. A nui hmel baka hmuh duh leh thlakhlelh hi ka nei chuang reng reng lo. Hmeichhe pakhatin heti tak  maia ka thinlung a hneh theih hi ka ring chhin ngai miah lo va, tunah pawh hian mak ka la ti tho. Chutih rualin ka dam chhung hian amah baka ka thinlung khawih thuk leh hmangaih hmeichhia hi ka nei dawn lo tih erawh ka hrechiang hle.
.
Ka thiante chunga thil thleng ka ngaihtuah hian hmangaihna hming vuaha an thiltih, tual hial that annih ziate, thinlung hian mihring a hruai nasat theih zia ka hrechiang thawkhatin ka inhria. Hriat zawh vek erawh a awm thei lo vang. Ka chian tak em em chu thinlung tluka ven uluk ngai hi a lo awm hauh lo. Hlimna vawrtawp min temtir theitu leh lungngaihna khuarkhurum mawng tawp nei lo va min tlaktir theitu chu he kan thinlung duhthlanna  ngei hi a lo ni.
.
COPAS (HEARTS)
.
EPILOGUE
.
Thantei_LauraSean
.
H & E
.
THLA RUK HNUAH*
.
"I harh em?" a kut tetakte vawt zet chuan ka nghawng arawn dek a, ka muhil ka harhchiang teh e. Inlet thawkin a kawngah ka kuah a, a lo inring lo bawk nen te thatin a nui zui ar ar a. Ka bawhbet zui deuh hmiah A sam la hnawng deuh atang chuan a inbualna a la rei lo tih a hriat mai. A rimtui chek chek bawk. Ka hnuaia mu chungin min rawn melh chho a, a la nui sang.
.
Ka naka min tham thut chuan ka eu zawk. A sirah let thlain kan nui dun a, nghet takin a kawngah ka la kuah ta reng a. Hetiang baka zingkar hun hman dan nuam hi a awm theih ka ring lo.
"Kaihthawh i har theih dan em em hi mak ka ti.." insiam rem sat satin a tho a, rem zet hian ka dulah a thu auh a. Thil tuar hreawm tak a ni hran lo.
.
A mitmeng fiah zet chuan min en chhukin a kut chuan ka hmai arawn khawih dan dan a, a hmui pet sawi deuhin a nui sak sak bawk.
.
"Hmelthat leh lutuk hi a hreawm em?" ka chhan hmain ama tawngkam hman vang chuan za zet hian dak deuh chungin a nui a.
Ka kut phar chhuakin a nghawngah ka vuan a, keichu ka nuih a za ve lo. Min fakna tawngkamte hi mi dang tana ho tak a lo ni a nih pawhin ka tan chuan thu hriat nuam ber ber leh ka hriat nin ngai miah loh tur an ni. Nitin hian ka hmangaih zual a, ka thlahlel em em reng bawk. Ani pawh keimah ang tho a ni. Ka nui lo tih min hmuh chuan a nui reh riai riai a.
.
"Hmel tha tihte chu lawm hle ta che." ka biangah min fawpin a thu kang leh a, biang chauh chu ka duhtawk lo nasa. Ka nupui duhtak chu ka fawh theih turin ka kuai kun leh a.
.
"Chaw ei kan peih tawh e.." kan nula lo ang lang lang a hriat chuan inla hrangin thawh mai a tum a, ka la vuanbet leh rih.
.
Kan inneih khan ka inah lut lovin kan in pui, ka nu leh pa chenna ah kan lut a, tun thlengin kan la awm ta reng a ni. Kum khat tal an bula cheng tura ka nu leh pa min duhna chu tihhlawhtlin nge ka duh bawk. Muffin pawhin min hnial lo. Ka rin aiin ka nu leh pa ka chhungte pawh a kawmngeih thiam a, ka lawm em em. An zavai hian an ngaina tih ka hria a, amah ai ai hian nuam ka lo ti zawk thin.
.
"I ril a tam tawh lo mi? Tho rawh.. Papa.."
Min koh dan vang chuan ka phu deuh zawk. Tim leh deuh hmel a pu. Hetiang hian min la ko ngai miah lo. Zawhna zawt mitmengin ka en a, ka en dan chu hrethiamin a bu nghat.
.
Thu chhuakin ka malchungah ka pawm a, ka kuah vawng vawng a. Ani pawhin ka nghawngah a ban pahnihin min kuah ve bawk. Sawitur ka hre mai lo. Keihi pa ka ni ve tawh dawn. Ka hmangaih ber pum chhungah hian kan fa tur a awm anih chu! Min lawmpui rawh u..
.
"Min fawp rawh.." ka tih chuan ka hmuiah min fawp zauh a, a inla hrang leh vat.
.
"Tho tawh ang le." ka malchung atanga chhukin khum sirah a ding a, chet  mai nachang pawh ka la hre lo. Thu chungin ka la en reng.
.
"Ka hruai ang che. Vawiin ah doctor va hmu ang aw?" bu nghat in min rawn hnaih leh a, ka vawn turin a ban pahnih arawn phar chhuak a. Hmm..ka thawh mai loh chuan. Thil lawmawm takin min hmuak alawm le.
.
Tukthuan kan eikham chuan muangchang deuha insiamin kan chhuak dun a. Amah dek lo va awm har ka ti. Heihi chu thil mak a ni hran lo. Khawlaia vawn a duh miah loh hian runluih a nuam lehzual thin bawk a.
.
Kan doctor kan nghah lai chuan min rawn nghawk zeuh a, a enna lama ka hawi chuan Loretta ka hmu hlawl. Naute a pawm a, min rawn hmuh chuan a ding chawt a. A lo kalna lama let leh tum niawm tak hian a hawilet zawk zawk mai. Min hmuh a chak lo hle tih a lang reng bawk. Naute a lo nei tawh tih kan lo hre miah lo.
.
Ka thutna atang chuan dingin Loretta chu ka pan a, a hmel hamhaih lutuk chu a khawngaihthlak zawk. Nau a pai lai khan enkawl ngai khawpin a dinhmun a tha lo kha a nia, tha taka naute a nei thei chu a lawmpuiawm khawp mai. Muffin chu ka bulah a lo kal ve zel tih pawh ka lo hre lo.
.
"I dam tha maw? Kan inhmu khat hle mai."
ka tih chuan "Dam tha e. Enge intih dawn?" a tibah deuh nawk nawk. Loretta naute pawm chu ka en zawk a, Sawmzuala a an zia ka hmuh chuan ka thinlung chhung hi a che dawt. Ka thiantha ber ni a ka lo chhal thin, min phatsan a a duhzawng a tih theih nana min hmangtu pawh ni se ka thinlungah hian ka thian a nih thinna kha ka nuai bo thei lo. A fa chu ka lainat em em bawk tih ka pha lo ve.
.
"Ka lo pawm thei angem?" ka tih chuan phawk lehzual hian min en a, ka lo nui thung. Zei fahran lo hian Sawmzuala fa chu ka pawm a, a hmel chu ka en vang vang a.
.
"In inentir dawn anih ka ring. Engtik nge__?" Loretta chuan Muffin a en a, a zawhna awmzia hriain Muffin chuan a lo chhang thuai a.
.
"Tukin khan kan hre ve chauh a. I naute chu a hmeltha hle mai."
.
"Ka lawm e. Hetianga min biak duh pawh hi ka ring lo va. Hlim reng ang che u.." a hnuk a ulh teuh tih a awm atang chuan a hriat reng mai.
.
Loretta chuan a naute chu ka kut atanga la in min kalsan a, Muffin nen chuan kan enzui reng a. Muffin chuan ka kutah arawn vuan a, a hmel ka lo en vat.
.
"Naute kha ka khawngaih.."
.
"Tha takin a lo seilian ve mai ang." tiin ka chhang naa ka rilru tak chuan Sawmzuala fapa khan a pa a hmu ve ngai dawn lo tih ka ngaihtuah thleng vek tho. A lainatawm tak zet. Duhthlanna hman dik loh vanga tuartu chu engmah tihsual neilo kha naute kha a ni.
.
"Hmingthansangi.."
.
"I hming an lam tawh a nia. Ka lo lut ve dawn em?" ka tih chuan a bu nghat a. 
.
.
"Tunah kar 2-na a hmang  mek anih hi. Uluk takin inenkawl ang che. Naupai lai hian ei in fimkhur a tul nasa a nia."
Muffin en chuan in enin kan nui a, kan tang ru teuh ve ve bawk. A vawikhatna a ni bawk a, a hlimawmin a zamawm em em bawk anih hi. Awm dan tur pawh thiam a har.
.
Damdawi eitur doctor in min ziahsak chu leiin in ah kan haw tlang a, in kan thlen chuan ka nu chuan a lo hrethiam tlat nia. Nu te hriatna ril zia hi amak ka ti thin.
.
"Engtin nge i hriat?" tia ka zawh chuan "Nu ka nia lawm." tih zawngin min chhang.
.
Nilengin in ah kan awm a, eng eng emaw kan tih chhungin khua a thim der mai. Muffin naupai thu chu zanriah kil lai laiin ka nu'n a sawi chhuak a, kan vai rik ta hluai a ni ber e.
Nupui ka neih hnu hian zan lamah ka chhuak meuh lo a, ka chhungte chauh ni lo kei ngei pawh hian mak ka inti fo mai chu anih hi. Ka duh ber ka bulah a awm tawh a, mahni chauha chhuah chhan tur hi a tam ta vak lo.
.
Dar 9 a rik chuan mutchhuah em em vang pawh ni lovin kan room-ah ka chho a, khuma thu awn duai chungin tv ka en a. Ka mutthilh lai ka hre miah lo.
.
Thawm ri sat sat ka hriat chuan ka phu chhuak deuh zawk. Muffin chu ka bulah thu awn vein eng emaw ei mial mial chung hian tv a en a, ka harh tih a hre miah lo.
.
"Enge i ei a?"
"I duh ve mi?" min en chuang miah lovin a thil ei lai chu a ei zawm a, ka nui tawp. A thil ken ka laksak chuan min en ve ta chauh a.
.
"Hetiang thil zanreia ei chu a tha dawn mi?" ka tih chuan arawn ban a
"A tui alawm.. Ka ei laklawh a nia."
.
"I ei duh ngai miah loh kha.."
"Khawi.."
Ka pek leh chuan a ei leh nghal mial mial. A awm dan chu a hmuhnawm khawp mai. A hnungah thuin ka mal inkarah ka thuttir a, ngawirengin a show enlai chu kan en zawm a. Rei vaklo hnuah Muffin chu insiamrem in tui zet hian a muhil ta siai siai a. Tihharh hlau taka siamremin puan ka sin tira, a bulah mu in reiloteah ka muhil ve nghal mai bawk.
.
.
"Eleazer.. Eleazer..." min sawi det det a, chiang lo ruaiin ka harh a. Muffin na tuar hmel ka hmuh chuan ka thu chhuak nghal thuai.
.
"Ka pum ana.. Chuan__ thisen a chhuak in ka hria.." ni lo..ni lo..
.
"Damdawiin a kal nghal angai anih chu." ka tho thuai a, thawmhnaw ha sawk sawkin Muffin chu kan room atangin ka pawm chhuak a. A thlanfim a tla bawrh bawrh mai. Naute a chhiat dawn a ni mai thei. Ka ngaihtuahna ringawt pawh chuan min ti hlauthawng zual.
.
Ka nu leh pa leh ka u te nupa an lo tho ve bawk a, hmanhmawh takin damdawiin kan pan nghal a.
.
Pawna ka nu nen Muffin kan nghah chhung chu rei tak a ni. Sana ka en a, minute 15 chiah a la ral. Minute 15 rei ber a va ni chiang em! Doctor a lo chhuah chuan ka lo pan thuai a.
.
"Enge a an? Thil tha lo a thleng em?"
.
"In vannei hle mai. Tunah chuan thil pawi engmah a thleng lo. Mah se, enkawl uluk angai viau dawn anih hi. Ka pindan ah min lo zui lawk ta che." Ka nu chu kalsanin doctor chu ka zui a. Thil tha lo tak min hrilh ngei dawna ka hriat vangin ka zam ru hle.
.
"Naute hi a pai tlang thei ngei ang tih ka sawi chiang ngam lo va, amah khan naute paih a phal lo bur si a.." Doctor chu ka en tawp a ka chil ka lem khawlh bawk.
.
"A nunna atang a hlauhawm em?"
.
"Tlang takin ka sawi ange. A pai tlang chuan amah hian a tuar theihna chance a sang khawp mai." ka mit deuh sulh. Naute chu duh viau mah ila Muffin nunna in a tuar dawn ai chuan loh theih lohna vangin kan paih mai angai dawn anih chu.
.
"Amah  ka va hmu phawt a nge."
.
"A rilru va hneh ngei tum ang che."
.
.
Muffin chu beidawng zetin ka en a, a duhthlanna chu sut leh a tum hmel loh nasa.
.
.
KAR 38 HNUAH*
.
Dawhthei lo takin ka vei sek a, ka zam a ka awm hle hle thei lo. Hetiang dinhmun hlauhawma ding leh tur hian Muffin hian nau a pai tawh miah lo vang. Kan pahnih hian fa nei miah lo pawh ni ila kan dam dun chhung chuan ka lungawi reng zawk ang.
.
Naute tap ngak ngak ri ka hriat chuan ka ding chawt. Pindan kawngkhar chu kan en thap a, thawm an rawn nei zui har hle mai. A nghaktu tan chuan nghahhlelhawm tak a ni.
.
Nurse pakhat arawn chhuak a, kan lo din hual nghal tuau a ni ber.
.
"A nu a tha em?"
.
"Tha e, hlauhthawn tur a awm lo. Naute te pawh an tha e." theih ni se lawm lutuk vanga au chiam chiam mai ka duh hial.
.
A nunna in a tuar a hlauhawm a ni tih hre chung pawha naupai tlang ngei a tum thu  min hrilh ni khan ka thin a rim a, ka hlauthawng bawk a. Eng emaw chen kha chu mut pawh ka mu hleithei lo hial a nih kha. Engkim ah kan fimkhur em em a, naute phir a pai tih a inhriat ni a Muffin hlim ziate kha ka ngaihtuah let lo thei lo.
.
Tunah chuan hlauhawm zawng zawng pal tlangin naute kan nei ta. A pawimawh ber Muffin dinhmun pawh a tha anih chu.
.
"A hmuh theih tawh e." tih ri ka hriat rualin Muffin mutna pindan ah chuan ka lut nghal a, a hmel ka hmuh chuan engmah ka sawi thei lo. A bulah kal hnaiin ka kuah a, ka fawp vawng vawng a.
.
"Engkim a tha vek ang ka tih kha. Pathian hi kan chungah a tha tiraw?" a ti sep sep a. A mittui tla chu duat takin ka hru a, kei pawh chhungrila hlimna leh lawmna nasa tak vangin awm dan tur ber ka hre meuh lo.
.
"Vawikhatmah dinhmun hlauhawm ah i awm leh tawh lovang." ka ti ngawt a, tawng lovin min kuah nghet sauh a. Tawngkaa sawi ngai lovin kan ngaihtuahna kan inhriat sak ve ve.
.
.
.
"Vawiin ah kan chhungkaw hlimni min lo hmanpuitu zawng zawngte, in hun hlu tak senga min lo telpui avangin ka nupui nen lawmthu kan sawi e."
.
Muffin ka bula ding chu a kawngah kuahin ka lamah ka pawthnai a. "In zavaiin hun nuam tak in hmang theuh dawn nia." kut beng dar darin an kal darh a, Muffin chu la kuah reng chungin ka kalsawn pui a.
.
Vawiin hi kan fate piancham kum khatna a ni a, kan chhungkhat leh thian hnai zawng zawngte sawmin kan fate piancham kan lawm a ni. Hun hi a lo ral chak hle mai. Hmanni lawka piangte kha kum khat an lo tling ve ta reng a nia. Ka nu'n kan fapa pawmin ka u nupuiin a naupang zawk hmeichhe naupang a nu ang maia hmeltha chu a pawm bawk a, a hmu apiangin hmeltha an ti chu mak ka ti hran lo! Nu leh pa mitah chuan a tha ber anni reng a ni.
.
"Kan bo daih chuan mak an lo ti ange."
"Kan rei dawn hleinem."
.
Kan room ah lutin hun rei tak chhung ka lo dahthat reng tawh thil chu ka ipte atangin ka phawrh a. Ka thil ken a hmuh chuan mak tiin a thaw hak mai.
.
"Papa?" a ti that.
"Ka nun min tawmpui avang hian lawmthu ka hrilh nawn leh che. Ka hmangaih che. Chuan he thil hi ka pe let ang che."
.
A hmui petin a nui tat tat a.
"Chimawm suh aw.." Zak lo ang taka langin ka thil ken chu arawn phih thla a, "He thil hi.. Eleazer, i chak dawn lo lutuk.." hmeichhe inthuamna thehlep tak, keimah chauhin ka hmuhpui, kan mutdun hmasak ber tuma a hak ngei kha kengin a kalsawn a, a underwear dahna bawm hawngin a dah lut sawk sawk a.
.
"Engtin nge?" arawn inher leh chuan kan insu chiah..
.
"I va dah tha rei ve. Eng atan nge i tih vak a." ka awmah a kut pahnih nemin min rawn en chho a, thil dang ka sawi tawh lo. Ka nupui duhtak hmuiah chuan ka fawp vawng  vawng a. Kan inlakhran leh hnu chuan ka tukhum samah khawih  neuh neuhin ka mitah min en leh a.
.
"Ka hmangaih che." a ti sap a.
.
"Ka hmangaih., min hrilh nawn fo ang che."
.
Kan pindan atanga chhuakin inhnuai panin kan chhuk a, ka kutah  min rawn kaiin chiang zet hian kan inen a, a nui leh seih a. Ka nun hman mekah hian ka lungawi tawk e.
.
COPAS (HEARTS) ka post tantirh atanga a tawp thlenga min chhiar saktu zawng zawngte in chungah ka lawm em em e. Ka tum anga awm theih loh hun tam tak a awm tih min hriatpui a, dawhthei taka min nghah hram hram thin avang leh ka tan in awm reng thin avangin ka lawm em em bawk e. Ka tan mi pawimawh ber inni tih in inhriat kha. I love you all. Story thar JADE (Soddisfazione) nen ka lo let leh ang. Chumi hma chuan (Savdhan deuhin) lo hrisel ula, lo inveng fimkhur ula, kan dam anga kan inhmu leh thuai dawn nia.
With lots of LOVE – Thantei Pautu LauraSean *_*