BILLIONAIRE'S SLEEPING SUN BOOK-2

22/Nov/2016
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 1
.
‘I harh em?’
.
Ka hnung lam atangin min rawn kuah a, a kut awmna vang chuan engmah ka ha lo tih ka hre chiah..! Ka inlet thawk a, ka bula hmeichhe mu ka hmuh rualin ka tho nghal zawk bawk! Eng thil phiangsen nge thleng hi!?
.
‘Tunge i nih? Ka khum ah hian enge i tih?’
.
Ka bula hmeichhia chu muangchang a thu chhuakin a zimar ar ar a, a saruakna chu a inzahpui hauh lo lehnghal! Eng thil nge thleng hi ka hrethiam lo.
.
‘Zan hun nuam tak min hmanpui vangin ka lawm e’ zak miah lovin min melh sar sar a, ka luak a chhuak ut ut zawk.
.
‘Ka khum atang hian tho nghal rawh’
.
‘Engvang in? Tunah min mamawh leh tawh lo tihna maw? Nizan kha chuan i duhthawh viau kha..’ a nui her her a. He hmeichhia hi engtin nge ka pindan ah hian a lo awm theih? Nizan khan business party ah ka kal a, a tul chin ka awm hnuah ka thlenna hotel ah kirin ka mu nghal kha a ni a. Thil thleng mek hi a tha lo  takzet. Ka room ah hian engtin nge a lo luh theih? A him lo tawp mai..
.
‘Eng thil mah ka tihpui lo che. Tho la, ka room atang hian chhuak nghal rawh’
Phun niah niah chungin chhuata a thawmhnaw tla chu a chhar a, muangchanga a inbel hnuah room atanga a chhuak lai chu ka en reng a.
.
Khum hmawrah thuin zan lama thilthleng ngaihtuah let tumin ka mit ka chhing vang vang a, engmah ka ngaihtuah chhuak lo.
Khum bula phone chu la kangin receptionist ka bia a, nizan a duty anih loh thu a sawi chuan chhang tawh lovin phone chu ka off a. Ka awm a nuam lo takzet.
Bathroom ah lutin ka inbual a, darthlalang hmaah dingin ka inen vang vang a. Ka awm dinglam a pilh awm, inrin thla riak ka hmuh chuan ngaihdan ni lo zetin ka rum hrawk lo thei lo. Damdawi emaw, eng hlo emaw engmah ka hriat lohna tur thil ka ei palh a ni ngei ang.! Chutiang thil chu engtin nge a thlen theih le?
 .
Nupui ka nei a, ka nupui hi ka hmangaih em em bawk. Kan fate.. Vawikhatte mah ka nupui phatsan duhna rilru ka la pu ngai lo a, ngaihtuah chhin ringawt pawh ka duh hek lo. Lilian hian hmeichhia ka riahpui tih lo hre palh ta se!! Ngaihtuah loh ka duh zawk e.
Bathroom atang chuan chhuakin thawmhnaw ka inbel a, vawiin hian ZoGrafos nen meeting kan nei anga, naktuk ah New York panin ka haw thei tawh ang. Athens ah hian ka kal fo a tul tawh loh nan ruahmanna felfai zawk ka siam ngei angai dawn a ni.
.
Chhun lamah thil danglam em em thleng lovin ZoGrafos nen kan meeting pawh a kaltluang a, thawh hona tha tak kan neih zel pawh ka beisei khawp mai. Lilian ka tawn hma khan ‘engtik ah emaw chuan Athens ah hian let leh ka duh ngei ang’ tiin ka ngaihtuah thin a, tunah erawh chuan Athens a letleh duhna hi ka nei tawh lo. Chhungkua ka nei tawh a, ka fapa te pahnih leh ka nupui Lilian te nen a tam thei ang ber hun hman ho hi ka duhthusam awmchhun a ni tawh mai e.  Hotel a thlen ngai tawh lo turin in tha tawk tak ka lei erawh a tul ang. Zing lama thilthleng ka ngaihtuah chhuah leh chuan ka ner sawk a.
.
Meeting zawh hnuah hmundang a kal lovin Hotel ah ka let a, receptionist hnen a Hotel manager hmuh ka duhthu ka sawi hnu reiloteah manager awmna room min kawhhmuh lamah chuan ka kal nghal a. Ka thlenna hotel room him tawk loh vang khan ka lawm lo takzet tih ka hriattir ngei a ngai a, kei chauh ni lo pawhin thil tha lo an tawh phah thei tih thlengin ka ngaihtuah tel vek a ni.
.
‘He hotel a thlengte himna hi in kutah thui tak a innghat tih I hre ngei ang chu maw?’
.
‘A pawi khawp mai. Kan fimkhur lehzual angai a ni. Hetiang thil hi a tleng ngai hauh lova, a pawi khawp mai..’ Manager awmdan atang chuan hreawm a ti takzet tih a hriat a, ka nihna leh ka dinhmun a hrechiang bawk a, lungawi lo taka an hotel ka chhuahsan hi an duh hauh lo ang tih ka hrechiang bawk a ni. Chu chu thuhran nise, he hotel a thleng thin zawng zawng te hian him taka awm kan mamawh vek alawm le.
.
Manager nen kan inbiak zawh chuan ka room ah kalin agent ka bia a, In tha tawk tak lo en kual tura ka hrilh hnu chuan Laptop on in ka hna thenkhat ka khawih zawm mawlh mawlh a.
Ka phone ri ka hriat chuan tunge ka biak dawn tih inhria in ka nui sak a.
.
‘Hi.. Daddy..’ Lilian chu sin te a tawngin a nui sang a, hah tidam sawng sawng thei khawp a hmel hmuhnuam ka nupui chu en in ka chhang vat a.
Lilian chuan naute te kut ah vuanin a rawn phar tir a, chau em em pawh ni ila, ka nupui leh ka fate ka hmuh rual rualin ka chau em em a ni tih ka theihnghilh nghal ziah thin.
 Tamas leh Aidan te hian karleh hian kum 1 an tling ve tawh dawn a, kan hriat loh karin hun a ral zung zung a ni ber e. Sumdawnna thil vangin ramdang ah ka zin angai fo a, Lilian inpek zawh zia leh kan chhungkaw tana nu nih a tlin zia hi ka beisei phak bak a ni thin. Nau awmtu tur rawih a duh loh vangin a hna a chawlhsan a, engtiklai pawh a a titi tui ber chu kan fapa te pahnih chanchin leh an thil thiam thar te, engkim..a te ber thlengin a sawi seuh seuh a..
.
‘I lo hria em? Tamas khan Daddy a ti a nia..’ thumal awmze neiin an la sawi thiam chiah lo tih hre chungin Lilian thusawi chu ka ngaih thutak sak ta tho..
‘Ohh..my boy.. In zavai khan ka ngai lutuk che u’
.
‘I tha em? I landan chu I chauh hmel hle mai..’
‘Ka ngai che’
‘Keipawn ka ngai che..’ Lilian chuan min ngaihtuah hmel takin min en a, tunah hian ka nupui hi kuah ka duh a ni.
‘Naktuk ah ka lo haw ang.’
.
Ka room kawngka kik thawm ka hriat chuan ka hawisawn zawk a..
‘Tlawhtu I nei dawn a nih ka ring, kan inbe leh dawn nia.. Ka hmangaih che’
‘Ka hmangaih che’
.
Phone ka off hnu chuan kawngka ka hawng a, hotel-a hnathawk pakhat lo ding chuan manager in min hmuh a duh thu min hrilh hnuah a kalsawn lehnghal a. Ka room atanga chhuakin manager room ka pan a, dawhkan bula mi pakhat lo thu ve chu nizan a reception counter a duty kha a ni tih ka hre nghal mai a.
.
‘Mr. Leventis, ani hi nizan a duty kha a nia’
‘Sir, a pawi ka ti lutuk. Nizan a hmeichhe lo kal khan I bialnu a nih thu asawi a, min nawrluih rei em vangin I room chahbi pakhat kha ka pe ta mai a ni..’ hreawm ti hmel a pu hran lo a, thil nihphung sawi satliah ang leka a awm chu ka ngaithei lo khawp mai. A hmel chu ka en reng a, engmah ka sawi lo thung. He hotel ah hian vawikhatmah ka thleng leh tawh lovang tih erawh ka inhrechiang ngang mai. Tun thleng hian kha hmeichhia khan thawm ala rawn nei leh lova, mahse thiltum nei ran chunga ka room a rawn lut leh ka khum a mu ve a ni ngei ang tih erawh ka ring nghet hmak thung.
.
‘I hna atang hian ban I ni e.’ receptionist chuan phawk fe hian manager chu a en a, min rawn en leh a..
.
‘Sir, engtin nge ka tih chuan ang? Khatiang taka min nawr ngam chu i bialnu a nih tak tak ka ring hmiah a ni. Ka tihsual engmah a awm lo..’
.
Manager chuan min rawn en a, thil thleng vanga a lawm loh zia leh receptionist thiamthu sawi a pawm loh zia chu a hmelah a langchiang khawp mai bawk.
.
‘Mr.Leventis, kan tih palh tak zet a ni. A lehpek ah chuan hetiang thil hi a thleng tawh lovang.’
.
‘Kha hmeichhia kha a hming hriat theih dan a awm em?’
‘A hming ka lo zawt miah lo. Min dil angin room chahbi kha ka pe tawp a ni.’
‘Security camera atangin..’
‘Camera ah chuan a hming a inziak hauh lovang’ ka ti hmuk a. Chhui zui tur pawhin hmalak ngaihna a awm chuang lova, thil thleng tur a thleng vek tawh, sawi vak tur a awm tawh lo.
.
Manager room atanga ka chhuah hnu chuan ka room ah let lehin thil engemaw hnuchhiah leh hnuhma a awm em tih uluk takin ka enkual a, engmah ka hmu lo. Ka awm tinuam lo tlat tu hi eng thil ber nge anih pawh ka hre hek lo. Bodyguard hruai lova ka zin chhuah tawpna a ni bawk ang. Ka fimkhur tawk loh vanga thleng a nihna chin pawh a awm tho mai.
.
*NEW YORK CITY*
.
Koko chuan min hmuh rualin min rawn pan vat a, in lam pana kan tlan chhuah hnuah Lilian ka biak chuan reiloteah in ka thlen tur thu ka hrilh a. Tuna ka mamawh ber chu ka nupui chiah a ni.
.
In kawngka ka hawn rualin ka maimitchhing a, kan inchhung lum hak leh thil rimtui chem chem ka hriat ringawt pawh hian ka hahdam nghal sawng sawng in ka inhre hial mai. Ka eitur ngainat em em rim ka hriat chuan kitchen ka pan a, ka rinlawk dan ang chiahin Lilian ka hmu bawk. Thawm nei lovin ka thlir reng a, nuam tih hmel taka ka nupui eitur siam lai hmuh hi ka nun tinuamtu leh ti famkim lehzual tu pakhat a ni chiang a ni. Min rawn hmuh chuan a thil khawihlai dahin min rawn pan a, nghet zet hian min kuah vang vang a.
.
‘I sawi hun aia hma ah i rawn thleng leh sia’ ka chhan pawh beisei chuang lovin ka hmui ah min fawp a.
‘Ka ngai che’ a hmui la si reng chungin ka tawng a, a nui sak a.
‘Ka hria alawm’ min la kuah rengin ka tukhum sam a khawih niap niap a, awmdan nuam tak a ni. ‘I landan atang hian eitur aiin intihfai hmasak I duh ka ring’
.
Ka dar tiche zauhin ka nui tawp.. Ka nupui thil chik thei tak hian ka mitmeng min en rualin ka duh a hre chat thin reng a ni. Min kuahna chu thlahin a eitur siam a chhuan lai chu a off a, min rawn pan lehin min kai a. Ka inbual hma a kan tihtur chu hria in ka inhria!
.
‘Karkhat chhung lek pawhin an danglam hman asin..’
Tamas leh Aidan tui taka muhil thaw ri sak sak chu kan en reng a, Aidan hian a nu mitmeng ang chiah neiin Tamas erawh ka naupan lai ang chiah a ni thung. An hmel a inang viau nain nu leh pa tan chuan hriat hran an harsa lem lo. Ka nu chhinchhiah dan chuan Tamas hian a beng dinglam ah khuavang chhinchhiah a nei a, Aidan hian a kut dinglam ah kutchuk tereuhte a nei thung a, an mitmeng rawng inang lo hi thilmak tak a ni tiin a sawi fo thin. Hma an sawn ve zel a, kan nun tihlimtu leh tifamkim tute anni bawk. Malsawmna kan dawn nasat zia hi ka ngaihtuah fo thin.
.
Kan fate room kan chhuahsan hnu chuan kan room ah lutin ka thawmhnaw ka phelh a, bathroom ka luh chuan a tihtur hresa in Lilian pawn min rawn zui ve mai a. Tunhma a ka lo ngaihtuah ngai miah loh leh tuna ka hriat tak thil hlu leh nuam tak ni si chu ka nupui in duat taka ka inbual min pui thin hi a ni. Mahni a inbual ai chuan nuam tak a ni!! A la tawng ve lo chuan in hrethiam lovang..!!
.
‘Nimin khan I thiante an lo kal a, Athens ah I awm tih an lo hre lova. Naktuk hian lo kal leh turin an insawi a’
‘Tute nge?’
‘A hmain ka la hmuh awm ka hre lo. Mipa leh hmeichhia an nia. Ahh.. Mr.Owens a inti..’
‘Keipawn ka la hre bik lo anih dawn chu..’
‘Sumdawnna thil a nih thu a sawi khan han sawi ve vak tur ka hre lem lo a.. I hriat ang hian..’ nui hak hak in a scrubber ken chuan ka awm a nuai a. A thusawi ngaihven tawh lovin a kut a min dehna chuan ka ngaihtuahna a luah mek a ni..
.
‘Heihi engtia awm nge?’ ka awm a pilh awm, hil deuh tawh inrin riak chu a en vang vang a, a mitmeng a min rinhlehna de zauh chu a thup leh vat a. A ngaihtuah tur awm ang chu ka hria..
‘I ngaihtuah ang thil kha a ni lo..’ A kut ah man in ka lamah ka pawthnai a, thildang a sawi leh hmain a hmui ah ka fawp a. ‘Nang leh kan fate chauh hi ka nun a mi pawimawh hmasa ber in ni.. I lakah hian engmah ka zep lovang..’ engvang a tawng duah nge ka nih ka inhre lo. Ka nupui hian min ringhlel a nih chuan nun nuamin ka awm dawn lo tih ka inhriatchian em em vang a ni ngeiin ka ring.
.
A kut veilam a ka biang vuanin ‘Ka ring che alawm’ a ti sap a. ‘Min tihuh  vek tawh a nia, nakin atan I nghak thei angem?’ a nui sak a, a mitmeng chuan thudang daih a sawi thung a. Nui hawkin a hmui ah ka fawp leh a, ka zin chhunga ka ngaihtuahna luah reng tu chu dipdal tu nei hauh lovin kan ti leh ta nge nge.. Ka nupui hmangaihna chenpui hi thil sual a ni hauh hleinem. Engtikah mah ka kham thei ngai dawn lo tih hi chu ka hriatna a rei tawh.!
.
Kan inbual zawh meuh chuan inthlak in dinner kan kil dun a, hmun dang atanga ka zin ka haw ni apiangin Mrs. Lee chawlh a pe a, amah ngeiin kan eitur a siam ziah thin. A tih ngei ngei turah ka ngai chuang lo a, ka rilru erawh a tihlim em em ziah thung.
.
Hun laklawh takah Tamas leh Aidan an harh chuan hah sawi lovin diaper ka thlak a, an harh tha vat vat khawp lehnghal. Lilian erawh ka kaitho duh lo. Ani chuan engtiklai pawhin a hahpui tih ka hria a, ka awm phawt chuan ka chhawk theihna apianga chhawk hi ka duhdan a ni. Mi thenkhat in khawngaihna leh zahngaihna nei lo tiin min sawi thin ngei a, hna chungchang a nih chuan a hun a zira khawngaihna nei miah lo anga lan a tul chang a awm thin reng a, mahse ka nupui leh ka fate, ka chhungkua te lakah chuan a dang daih a ni.
.
Naupang an mutthilh leh hnuah kan pindan ah lutin ka mu leh a, khum bula sana ka en chuan zinglam dar 3 a ri der tawh. Lilian chu kuah hnaiin reiloteah ka muhil ve nghal siai siai a.
.
Hun hman dan pangngai in kan nung chho mawp mawp a, Tamas leh Aiden te birthday naktuk mai a nih tawh vangin Lilian pawh a buai a, sawm duh a neih zawng zawng te ziak chhuak in buaipui tur angah khawp mai. Amah pui turin a thiannu Joanna a chah thu min hrilh chuan ka thawveng hawk zawk. Amah veka tihtheih chi a ni lo reng a ni.
.
Office atangin nidang aia hma ah ka haw a, ka secretary Casey pawh inbuatsaih a duh vangin ka haw hma tir hial a ni. Casey hian Lilian leh kan fate hi a ngaina em em a, nitin kan inhmuh rualin naupang te chanchin min zawt hmasa ziah thin. Ka tan chuan kan fate min duatpui tu chu eng mi pawh nise ngaih pawimawh an phu vek mai.
.
In ka thlen chuan pawn lam atang pawhin light a de chiah chiah tawh a, engkim peihfel a ni tawh tih  tichiang tu a nitel bawk.
.
‘Daddy a lo thleng e…’ ka lam pana Lilian lo kal chu panin ka kuah vat a, a rim tui chek chek chu ka hip vang vang a..
‘I lang nalh hle mai..’ a kawrhak pawlduk chuan a vun a tilang nalh zual in hmuh a nuam takzet. Ka hmuiah min fawp zauhin ka biangah min vuan a..
.
‘Ka lawm e.. I fapa te hian an lo nghakhlel tawh viau che a nia..’ a nui sak a..
Tamas leh Aiden pawh an awmna hmun atangin an lo au ve raih raih a, an awmna lamah chuan kalin an pahnih chuan ka pawmkang a.
.
Kan ri deuh luih luih a ni ber e. Kan zavai in kan hlim em em vek mai.
.
‘Sir, I thiante an lo thleng e..’
Tamas chu ka kut atangin Lilian chuan arawn pawm vat a. Kawngka a mipa leh hmeichhe lo lut ka hmuh chuan min thawng chiang khawp mai.
‘Gwen’ ka phun sup a. Gwen pawh a dang chuang lo. Min rawn panin min kuah chawt a.!!

BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 2
.
Gwen chuan min thlah mai a tum loh vangin ka kuahna chu ka thlah a, mitmeng buai nak a min en chuan ka nui a, sawi mai tur ka hre bik lo.
.
‘A lo rei ta hle mai, kan inhmu leh hi thilmak tak a ni’ a thaw halh a, a awm dan chu min hmuh vanga la pangngai chiah lo a ang bawk. A mah bawk chu arawn tawng leh a.
‘Oh.. Ani hi Paul’ a bula mipa ding chu kawk zauhin a nui sak a, ka pha lo kei ngei pawh mak tih vangin ka hamhaih ve tho a ni. ‘I in awmna ka hriat loh vangin ani hian min lo hruai a. Ahma ang reng kha ila ni.. Tlemin I lang puitling deuh tawh a..’ sawi zawm mai tur hre lo niawm tak hian a thaw hliai a. Ka harhchhuak ta chiah bawk..
.
Lilian awmna lam hawiin ka nui a, ani chuan Gwen nen kan awm dan chu mak a ti tih thup hauh lovin min lo en hau bawk a. Ka inthiam lo leh hnuhnawh khawp mai. Lilian chu pan hnaiin a kawngah ka kuah a, a chalah ka fawp zauh a.
.
‘Gwen, ani hi ka nupui duhtak Lilian a nih hi. Chuan Gata`ki, ani hi Gwen a ni e. Ka naupan lai thian..’
.
‘Ohh..kan inhmu chu a lawmawm e’ Lilian chuan nui sangin Gwen chu chibai tumin a kut a pe a, Gwen erawh a ding khawng at thung.
.
‘Markos, nupui I nei tawh maw?’ mak a tih zia a thup lo. Min hmuhtirh a a hamhaih hmel ai khan tuna a landan hi a tha lo zawk daih!!
.
‘I naupan lai thian anih chuan sawitur in ngah viau ka ring’ Lilian chuan nui lui sakin a kut chu a la let a, ka kuahna atanga tal chhuakin a kal sawn hlek a. A hmel ka en chuan rilru kawi a pu miah lo niin ka hria, ka thaw huai bawk.
.
‘Lilian, Aidan hi a tlei duh lo riau a nia..’ Lilian chuan  Joanna  enin min rawn en leh a.
‘Ka kal ange, lo inkawm r’u. Hun nuam tak in hmang dawn nia.’ Gwen a en leh hnu chuan Aiden an pawmna lam panin a kal nghal a.
.
Lilian a kal sawn rualin Gwen chuan ka banah min rawn vuan chat a, a mitmeng buai nak atang chuan zawhna a ngah viau dawn tih ka hre mai.
.
‘Markos, engtin nge a nih theih? Engtin nge..engmah min hrilh miah lovin nupui I nei amaw?’ a nur nang a, a lawm lo lutuk tih lah a thup hek lo!
.
‘Min dem ngawt thei lovang.. Khang hun liamta chhung khan vawikhat pawh min rawn be miah lo a nih kha. I kalbo ni atang khan..’ ka thu sawi tum chu sawi tluan duh lovin ka ngawi leh rih a..
‘Ka tihpalh.. A lo rei ta hle mai. Ka dem thei lo ang che’ a nui hul hak a. A thian lo hruai chu a ngaihven zui miah lo tih hrechhuak thut niawm tak hian a pan nghal bawk a.
‘Paul, ka tihpalh.. Hreawm I tih loh ka beisei..’
‘A tha vek alawm..’ tiin Paul tia a koh mipa chu a thle nghat a. A lungawi chiah lo a ang khawp mai. Hriattham lohin an inbe zui sar sar a, a landan ngawt atang pawhin an innel hle tih a hriatreng mai.
.
Gwen chu ka en leh a, tunah chuan hmeichhe puitling tak tak a lo ni ve ta. Kan inngaihzawn ve lai kha chuan naupang mai, kum 15 chauh a upa kan la ni a, nun awmzia tak tak kan la hre hek lo. Mahse, engmah sawi lova min kalbo san thut khan ka tuarna ve hle a nih kha. A hunlai khan ka hmangaih niin ka inhre hial a!!! Eng thil phiangsen nge ka ngaihtuah chu!! Ka ngaihtuahna a thil awm chu duh lo zetin ka lu ka thing nawk a, Lilian te awmna lam ka pan nghal a.
.
Hun liam tawh, rei lutuk tawh ami kha ka ngaihtuah thar leh a tul lo. A hma zawng zawng pawhin vawikhat pawh ka ngaihtuah chhuak ngai tawh lo a, tuna taka ka ngaihtuah nachhan tur a awm lo hrim hrim bawk.
.
Kan fate piancham lawm kan nih angin zanrei tak thleng hun kan hmang lova, kan mi sawm lo kal zawng zawng pawh zan dar 10:30 a rik chuan an haw zo vek tawh. Party zawh hnuah pawh Ailan chu a mut that duh loh vangin Lilian chu naute room ah ala awm ta char char a, ka va luh ve chuan a awm ah Aidan bei tirin a lo awi hliau hliau a, Tamas erawh chu a muhil bawrh bawrh tawh thung.
.
‘Na a nei anih I ring em?’ ka ti sap a, Lilian chuan tawng lovin a lu a thing zauh a. Thawm ri hlek awm vang chuan Aidan chu arawn tap tha leh a…
.
‘Shh..ka kuah tlat che a nia.. Tap tawh suh le.. Ka fapa hi a fel a nia..shhh..’ Aidan hnungah  chul hliau hliau in rei vaklo ah a ngawi ta hle hle a.. Minute 10 dawn a awih leh hnu chuan a khum tereuhte ah mut tirin dimte hian a fawp zauh a. Light off hnuah pindan atang chuan chhuakin kan pindan ah kan lut a, a dar a tuai nauh nauh ka hmuh chuan ka tihtur ka hre vat bawk.
.
A inrin hmain ka pawm kang nawlh a, khumah dimte a nghat in ka mal inkar ah ka thuttir a.
‘Massage I mamawh a nih kha..’
‘Engtin nge I hriat a?’ nui haka  insiamrem in a sam ngil siau chu a huikhawm hnuah a hma lamah a thlah a. Na lo tein a dar ka hmet a, nuam tih hmel taka a maimitchhing ka hmuh chuan rilru nuam takin ka nui thei ta chauh. Party chhunga ka laka Gwen awm dan min zawt miah lo chu mak ka ti ru khawp mai bawk. Ka nupui hi ka la hrechiang tawk lo a ni ngei ang. Thinrim duh nise chuan Gwen awm dan ah khan thinrimna tur a hmu ngeiin ka ring. Hmana a nungchang ang reng khan midang mitmei veng vak lo nungchang kha a la nei reng tlat a ni..! Ka nu ngaihtheih loh nungchang ngei kha.! Kei ngei pawh hian ka ngainatna tlakhniam zia ka hre tho bawk.
.
‘Kan mu thei tawh angem?’ a ti sap a, a la maimitchhing reng tho. Ka vawnna ka thlah chuan inher in chiang zet hian min rawn en a.
.
‘Ka lawm e. Hlimna tamtak min pe a.. Ka hmangaih che’ tiin min rawn kuah a, a nghawngah ka hmai ka lo phum vang vang thung.
.
Inkuah chial a kan mut hnu chuan hahdam hmel takin a thaw sak sak a..
.
‘Chhun lama I hun hman dan ka la zawt miah lo che a..’
‘A ngai.. Ka ngaihtuah che a, Aidan leh Tamas ka ngaihtuah bawk a..’
Nui hakin min kuahhnai sauh sauh a, a kut nel thep chuan ka beng a khawih niap niap bawk a.
‘Joanna leh Mervin te kha lawmthu ka hrilh ta miah lo a’
‘I awm dan atang khan I lawm lutuk tih an hre vek alawm.. Mervin hian mipa a ngaina ngai mang lo a, nangchu a ngaina che tih ka hria a ni..’
.
Min kuahna a dul riai riai hnu chuan a muhil tawh tih hrethiam in a hmel chu ka en leh vang vang a. Light ka off hnu reilote ah keipawh ka muhil ve nghal deuh mai.
Naute te thawm ka hriat chuan chiang lo ruai in ka harh a, Lilian pawh harhchiang chuang lovin arawn thu a, dimte a ka nem mut leh chuan lawmthu min hrilh sep in a muhil lehnghal a.
.
Tunang hun laklawh taka harh hi an thil chin thar a ni a, a buaithlak reuh khawp mai. Kan fate  pindan a ka luh chuan harhvang zet hian an lo thu a, Aidan pawh a tap lo ve mial bawk. An tet zual lai kha chuan an muhil an harh hian an tap ngei ngei thin kha a ni a, tunah chuan hma kan sawn ve ta khawp mai. Ka thlakfel hnu chuan an khum atanga pawm chhuakin kan pindan ah ka pawm phei a, an tihtur hre ve niawm tak hian Lilian nen kan inkar ah an mu meng kiau a, an duhawm takzet. Mak takin rei vak loah an muhil leh ta hlauh bawk.
.
Kan hun hman dan pangngai angin breakfast kan ei zawh hnuah office ka pan a, Casey pawh a lo awm leh diam tawh. Kar thar lo awm turah hian branch thar hawn kan tum vangin kan buai zual deuh dawn a, chumi hrelawk chuan lehkha chinfel ngai thenkhat ka dawhkan ah a lo dah thlap tawh bawk.
.
Intercom a Casey’n meeting tan a hun tep thu arawn sawi chuan ka hnathawh lai dahin conference room ka pan a. Gwen ka hmuh chuan ka phu chiang khawp mai. Meeting kan tan a, branch thar hawn tura kan building thar tur leh a chhung cheidan tur presentation kan en zawh meuh chuan darkar khat chuang kan thu tawh a. Kan beisei aiin ruahmanna a kaltluang dawn niin a lang.
.
‘Helai hmuna hnathawk te tan a awlsam zawk nan, building thar bulah hian café awm bawk se tia ruahmanna siam a nih vang khan Café chei dantur pawh ruahmanna ka lo siam a. Hei erawh hi chu uluk zawka ngaihtuah leh ngai thil a nih hmel khawp mai’ Gwen chu kan en thap a, a lo puitling tawh takzet a ni. Ahma khan Casey hian building thar sak turah interior designer tha tak kan rawih thu a lo sawi tawh a, Gwen hi a lo ni reng ang tih ka hre lo hrim hrim a, ngaihtuah pawh ka ngaihtuah eih lo a ni. Company neitu ni mah ila, thil engkim a hmuna enpui thlap turin ka hun neihin a daih lova, thutlukna pawimawh siam dawna ka hmuh chauh thil thenkhat zingah tuna kan building thar tur hi a tel bawk a ni.
.
Meeting kan zawh chuan ka office ka pan lehnghal a, inbiakna tur thil pawimawh a awm a nih loh chuan Gwen pawh biak tumna ka nei hran lo. Nupui nei tawh ka nih angin ka thiante lakah ramri fel taka ka kham a ngai tih ka hai bik lo a ni. Diktak chuan nizan party na a min melh dan atang khan hnaih loh ka duh ve tawp. Engemaw hriatlawkna ka neih hian hnaih tam a tha lo ang tih min hrilh vang a ni pakhat bawk.
.
‘Sir, Miss Owens nangmah hmu turin a lo kal a, ka lo luhtir dawn em?’
Thil pawimawh sawi ngai a awm a nih chuan meeting kan neihlai kha a sawi hun a ni a, tuna min hmuh hi a tulna ka hre hran lo. Kan inthianthat tawhna hman tangkai tuma min pawh fo a tulna a awm hek lo.
.
‘Haw ka tum chiah a, naktuk lamah ni mai rawh se’
‘Mahse, sir..’
.
Ka chhan leh hmain ka office kawngka a rawn inhawng a, Gwen chu inringtawk zet hian arawn pen lut a, thut khawmuan ka tum chuan loh vangin ka dawhkan a paper chu ka lakhawm mawlh mawlh tho.
.
‘Thil engemaw danglam chu a lo awm tawh ngei a nih hi..’
Gwen chu chhang lovin ka nui sak ringawt.
.
‘I hria em Markos, helai hmuna hnathawh hi nuam ka ti dawn khawp mai.’
.
‘A lawmawm nasa a nih chu. Building thar chei tura an rawih kha nangmah I lo ni reng tih ka lo hre hauh lova..’
‘Hmm..hun tha ka hmuh chuan ka bawpelh ngai lo tih I hriat kha.. Ka tha tawk viau bawk a nia’
‘A tha nasa a nih chu..’
.
‘Engvanga danglam ta em em nge inih min hrilh thei angem?’ kan naupan lai ang khan ka la thlahlel reng turah angai a ni mahna le.!!
.
‘Enge sawi tum chiah’ ka ti ve thung. Ka dawhkan bula chair ah chuan thuin khawdang hawi miah lo hian min en kal a, a mizia ngeng tak thin kha a la danglam tehchiam lo a nih hmel khawp mai.
.
‘Ka rawn lan hun hi a tlai tih ka hria a, mahse ka thil duh hi enge a nih ka chiang si a ni..’ a tichang rat a. A thusawi tum tak chu ka hrethiam bawk.
.
Ka thiltih lai chu dahin a mit ah chiang takin ka en a, ka sawitur chu enge ni ang tih ngaihtuah niawm tak hian min ngaichang a.
.
‘Gwen, ka thiantha tak I ni thin a, tunah pawh ka thian I la ni reng. Keimah ang hian chhungkaw hlim tak I neih ve ka duhsak bawk che..’ ka thusawi chu a beisei ang a ni lo tih lantir nan a ner sak a.
.
‘Wow.. Chhungkaw pa ber zirtirna ka dawng tan der a ni maw..’ za vak lo hian a nui lui sak sak a, a awm dan chu ka lo hriat tawh hnu vek a ni.
.
‘Haw ka lo tum tawh a, I hnathawh tur tha taka I thawh theih ka lo beisei ange’ ka thutna atangin ka tho a.
‘Min beisei thlawn hauh lovang. Thil ka ti mai mai ngai lo tih I hria alawm. I thian ka la nih vangin ka lawm e..’ a ti sap a. ka chhang tawh lo. Ka office atang chuan chhuak in kan in ka pan nghal a, nilenga hah taka hun ka hman hnu hi chuan In a hahdam taka awm ka thlahlel em em reng thin.
.
In ka thlen chuan nidang ang lo takin a lo reh thiap a, Mrs. Lee kitchen a lo ri rak rak chu be lovin kan pindan ka pan a, Lilian leh kan fate an awm loh chuan in ah hian keimah a awm ka peih lo. Ka inthlak fel hnuah ka phone ka en chuan missed call a lo awm nual a, chhun lamah khan ka phone ka khawih hman miah loh vangin ka lo hre hauh lo a ni. Lilian number hmetchhuak in ka call nghal a..
.
‘Khawnge in awm?’ ka ti nghal tawng a.
‘Brooklyn ah kan awm mek. Ka nu thlan kan tlawh a. I phone..’
.
‘Nia, ka tihpalh. Vawiin chu ka buai nileng thak a, ka phone ri ka lo hre miah lova. Ka rawn kal ve dawn em?’
.
‘Kan lo haw tep tho a, dinner min lo eisan lo la aw.. In I lo thlen laiin ka lo awm lova…’
‘A pawi lo.. Lo thleng thuai ula..’
‘Okay..’
Phone ka dah hnu chuan Library room ah kalin ka lehkhabu thenkhat ka hailet a, ka engtih mah a tui chuang lo. Ka ril erawh a tam tawh viau mai.
.
Minute 30 zet library a ka inkhung luih hnu chuan motor thawm ni awm tak ka hriat vangin ka chhuak thuai a.
.
‘Kan lo thleng e..’
.
‘Hey, Junior..’ Aidan ka pawm rualin Tamas pawn min lo ban vat a, an pahnih ah hian ngaihsak zawk neih a theih miah loh. Phir te hian special na mak tak an nei a, pakhat chauh ngaihsak emaw, eitur pek bik emaw a theih loh hrim hrim. Thil hrethiam rual anga lang si lo hian an theihtawk ah an induhsak a, kan hriatthiam pui vek loh thil inzawmna mak tak an nei ve tlat a ni.
.
‘Anu hnenah lo kal rawh le’ Lilian chuan Aidan chu arawn pawm a, min rawn hnaihin ka hmui ah a rawn fawp zauh a.
.
‘Ni I hmang nuam em?’ a ti sap a.
‘Chawlh ka mamawh in ka hria’ ka tih chuan min en in sawizawm turin min duh tih lantir nan a mit a tizim deuh a.. ‘Kan chhungkua hian khawi ah emaw chawlh hmangin zin ila tih ka lo ngaihtuah a..’
.
‘A nuam khawp ang.. Mahse khawiah nge niang?’ inchhung ah kan inzui lut a, zinchhuah ka sawi chu a phur hmel khawp mai.
‘Ka rindan chuan Aiden leh Tamas te hian thlang ta se la..’
‘Eng..engtin nge an thlan ang?’ ka thusawi chu awih lo niawm tak hian a nui hak hak a..
‘Keiman tihdan ka hria alawm.. Dinner ei zawhah kan sawi leh dawn nia. Ka ril a tam tawh khawp mai..’
.
‘Okay.. Min lo nghak rei sia.. Ni dangah chuan rei deuh nghah ka ngai tawh lovang..’ nui sangin min en a.
 .
Dinner kan ei chhungin Mrs. Lee’n naupang a lo awmpui a, Lilian chuan chhun lama an hun hman dan sawiin Brooklyn-a a nu thlan an tlawh leh hunah kal ve ngei ka duh thu ka sawi chuan a thil eilai dahin min en vang vang hnuah Lawmthu min hrilh a.
.
‘Kaya nen kan inhmu hlawl a..’ a thusawi chu ka beisei loh lam daih a ni leh ta.
‘Kaya..??’
‘I theihnghilh tawh tih sawi tum duh suh’ za zet hian a nui a.. ‘An naute pawh a lian ve tawh khawp mai. A hlim hmel viau bawk a.’
.
‘Chu chu engatan nge ka tih ang?’
‘Oh..Tiger!.. I thianhlui hlim taka a awm hmuh chu a nuam khawp asin..’
‘I thik miah lo amaw?’ ka tilui ve ngat a.
‘Eng..engvangin nge ka thik ngawt ang.. Nangin min hmangaih tih ka hria a..’
.
‘Okay, ka tlawm e..’ ka nui hawk hawk a. A thiltawn apiang a hlimawm zawng a ngai thei nupui ka nei hi mi vannei ka nih zia ka inngaihtuah thar leh fo nachhan a ni thin.
.
Engemaw takin min mawlh a, kan mut hnu chuan ka muhil mai thei lo. Lilian tui taka a muhil hmel chu enin a biangah ka fawp zauh zauh a. Ka phone a rawn rik thut chuan ka phu chiang khawp mai. Caller Id ka en hnu chuan ka off nghal a. Min rawn biak tumtu chu tunang zanrei tawha biak nachhan tur ka neih ka hre lo. A rawn call nawn leh chuan ka reject leh a. Ka message tone a rik chuan en tumna pawh nei lovin ka phone ka switch off a, Lilian chu kuah nghet sauh sauh in ka maimitchhing vang vang a. Engtik laiin nge ka mutthilh ka hre ta lo.
.
Ka harh leh chuan kan room puanzar a inhawng vek tawh a, khum bula sana ka en rualin ka tho nghal a. Bathroom ah lutin zinglam routine ka tihzawh hnuah inhnuai ah ka chhuk a, choka lamah thawm a tha leh tawh khawp mai..
.
‘Good morning, Daddy..’ Lilian chuan min hmuh rualin min rawn pan a, ka nghawng ah min kuahin min fawp zauh a..
.
‘I mumang ah min cham san daih loh vangin Pathian hnenah lawmthu awm rawh se..’
.
‘I awm ve a nih loh chuan khawiah mah ka awm peih lo tih I hriat kha..’ ka hmel a thutak tih a hmuh chuan nghet zet hian min kuah leh vang vang a.
‘Ka hmangaih che’
Chhang lovin a hmuiah ka fawp a.
.
‘Anih chuan I fapa te hian enge an tih le..’ Aiden leh Tamas chuan anmahni duhdan in an thleng a eitur chu an ei a, an hmai a berh niau a. Lilian chuan min la kuah reng chungin kan fate chu a en a, a hmel a lungawina lang chu ka hmuhhmaih hauh lo mai.
.
Breakfast ei pahin ka phone ka on a, mail ka check hnuah ka message dawn ka hawn chuan Lilian ka en zauh a, min en lo tih ka hmuh rualin rang zet hian ka phone chu ka off a, ka kekawr ipte ah ka ak nghal a.
.
Ka lo theihnghilh tawh zawk a ni.! A hunlai khan ka beisei hauh loh huna min rawn thawn thut hi ka rinlawk dan kha a ni sa reng reng a. Ka lo rinlawk ang chiahin ka beisei hauh loh hunah min rawn thawng  ta reng a nih hi.!      
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 3
.
Office ka thlen veleh ka pindan ah inkalh hnan nghalin, ka phone a video ka dawn chu ka ennawn leh a. Thinrim zet hian dawhkan ka chum dawt a, ka phone a rik chuan pick up in tawng lovin ka ngaithla a, ka thin a rim zual sauh bawk.
.
‘Video kha i lo hmuh tawh ka ring. A hmu ve lo turin an hmuh hmain dang ang che’ French awphawi, mipa tawng sehchilh nawk nawk chu tun hmain ka la hre ngai lo.
.
‘Eng thil nge i duh?’
‘Tun atanga hun reiloteah i la hre ngei ang. Ka thu sawi tur hi i zawm ngei atul bawk ang’
‘Kha video hmang khan min vau i tum a nih chuan theihnghilh nghal ang che. Kha hmeichhia kha ka mutpui lova, eng thil mah ka tihpui hek lo’
.
‘I nupui in hmu se engtin nge a ngaih ve ang tih ka hre chak khawp mai’ ngeiawm zet hian a nui a, ka khawih phak ah chuan awm se tawng zawm tur a awmin ka ring lo. Ka kut hum ruhin engemaw ka khawih chawrh loh nan ka inthunun hram hram a ni.
.
‘Min lo be buai duh lo la a tha zawk ang. Khatiang thil lem mai mai khan kan nupa inkar a tihbuai theih i ring a nih chuan bansan la, thil dang tha zawk ngaihtuah chhuak rawh.’ Ka ti ram hmuk a, min chhan leh hmain ka phone ka off nghal bawk. Ka video dawn dukdak lo zet hi Lilian hmuh atan ka duh lo bur. Ka laka rinna a neih hi tihchhiat emaw tihhmelhem emaw ka duh lova, kan nupa inkar a thil tha lo leh innghirnghona thlentir tu nih pawh ka duh hek lo. Min rawn betu kha eng mi nge anih tih leh kan lak atangin eng thil nge a duh tih hi arang thei ang bera ka zawn chhuah atul takzet.
.
Min rawn biakna number chu chhinchhiah in ka mamawh hun apianga ka rawih thin Benzo ka be nghal bawk a. Khawi hmun atanga min rawn bia nge anih tih awlsam takin kan hriat mai theih ka ring a, thil pawi a thlen hma a engkim tihtawp a tul takzet tih Benzo chu ka hrilh tlang nghal bawk.
.
Hnathawh mood ah ka awm hlawl lo! Lilian number hmetchhuak in ka bia a, in a a awm thu leh engkim a that thu arawn sawi chuan ka thaw deuh huai. Engpawh nise kan in ah pawh security ka rawih belh atul ngei ang. Ka nupui leh ka fate himna tluka ngaih pawimawh tur engmah ka nei chuang lo. Min rawn vau ngam chuan engpawh tih a huam ang tih hi ka ring nghet hmiah a ni.
.
Chawhnu dar 1 a rik chuan in lam panin ka haw ta ngawt a.
.
In ka thlen chuan kan pindan ka pan nghal a..
.
‘Kan lo tum ang aw. Markos ka lo biak phawt angai dawn a… Okay..’ Lilian chu min hnungchhawn zawng a dingin phone a hmang a, a nui hak hak a. A bulah kalhnai a ka kuah chuan a phu zawk a. Phone a hmang tih hre reng chungin a nghawng ah  ka fawp dan dan a..
.
‘Kan inbe tha leh dawn nia..’ phone a off hnu chuan a din dan ngaia la ding reng chungin a kut chuan ka nghawng hnunglam ah min rawn vuan a. A biangah fawp zauhin ka pawmkang nawlh a..
‘Tunah maw??’ hahdam hmel zet hian min melh ralh a, chhang lovin a hmuiah ka fawp a, phur taka min chhanlet chuan kan tawpna tur kan hre ve ve. Khumah dimtea nghatin a taksa nalh zet chu ka chul riak riak a. Ka kawr hak lai chu min phelh puiin a insiamrem a, tawngkam a sawi ngai lovin kan inhmangaih tih kan inhrilh mawlh mawlh a ni ber e!
.
Saisir a mu in ka hnungzang thlan dap chu arawn chul riak riak a, a mita ka en chuan a nui sak a. Ka tan chuan thil thar la hmuh ngai loh ang mai a la ni reng hi Lilian makna chu a ni. Ka beisei hauh loh danin min barakhaih fo a, chu chuan min tihlim em em bawk. Ama lawmna tur aiin ka lawmna tur a ngaihtuah reng thin tih ka hriatna hian lungawina min pe bawk.
.
‘Ka hmangaih che’ ka tih chuan min rawn hnaih lehzualin min khan chial a, a awmah min kuahin ka sam a khawih niap niap a.
.
‘I rilru tibuaitu chu sawi rawh le..’ a ti sap a, ka phu deuh zawk thung. Engmah ka sawi lova, ka awmdan ah rilru a vei ka nei tih tilang lo turin ka inthunun viau niin ka inhre bawk a..
‘Enge ka sawi ang? Ka rilru tibuaitu thil a awm a nih chuan hei chauh hi a niang’ nui chungin a taksa ruak kang chu ka chul a, reiloteah ka danglam lehnghal hmiah bawk.
.
Ka naka arawn tham chuan za ka tih vangin ka tho deuh zawk a, Lilian chu za zet hian a nui hak hak thung.
‘Infiam iduh a nih chuan ka inpeih reng’ a kawngah ka kut pahnih a chelhin in ka chawisawn nawlh a, a te that that a.
‘Markos…Khawngaihin min rul let suh…’ a nui ri chuan kan pindan a luahkhat vek. Lukham a a sam narh niai chu ka en vang vang a, a landan duhawm lutuk chuan min ti a mai dawnin ka hre hial!  A la nuih reng lai chuan a hmuiah ka fawp a, ka hnuai lam  atang chuan min rawn kuah let a.
‘Ka rul let ngei ang che’
‘Oh.. Markos…’
.
.
Ka phone ri vangin ka muhil ka harh a, Lilian min kuahna chu dimtea phelhin khum atang chuan ka tho a, minute 20 vel chu ka muhil hman anih hmel hi..
.
‘Hello. Markos Leventis..’ khum bula robe chu lain ka ha a, min rawn be tu chuan min chhang mai lo.
‘Hello.’
‘Sir.. Keimah, Gluto. Bungraw phur lawng pakhat a chesual a, Mr. Hagan titura min hrilh angin ka rawn bia che a ni.’
.
‘Thil thlen dan kimchang min hrilh theih em?’
‘Keichuan ka thei lo. Mr. Hagan hi tunah lawng chawlhna ah a kal mek a.’
.
‘A tha e. Chanchin min rawn hrilh leh dawn nia. Ka rawn kal kher ngai lovin Mr. Hagan khan a chingfel thei ang.’
‘Aw le, sir.’
 .
Engtiklai pawha chet fuh reng leh tluan reng hi chu ka beisei bik lova, thil pawi nasa a thlen loh ka beisei bawk. Ka phone chu off in thawk ka la halh a.
.
 ‘Eng thil nge thleng a?’
Lilian chu enin ka dinna atang chuan khumah ka let leh a. Gluto nen kan inbiakna thenkhat a hre hman a nih hmel.
.
‘Thil lian tham a ni hran love. Athens atangin a nia..’
‘A that hlauh chu. Thil thalo a thleng a nih ka lo ring a.. Ah.. Tunah dar engzat nge?’ a puansin lai hlimin a kawr a ha a, chhang mai lovin ka lo en reng thung.
‘Markos??’
Ka phone hmet engin dar zat a hmuh theih nan a hmai bulah ka lek kang a, a nui sak a.
.
‘Kan muhil rei lo hlauh e. Naupang pawh an harh tawh ka ring, ka’n ngaihven ange..’ khum atangin a chhuk a, a kalsawn hmain ka kuah leh hram.
.
‘Hey..i tha em?’ ka hnungah chul hauh hauh in a phun sep a.
‘Um.. ka intifai anga ka rawn infiam pui ang’
‘Okay..’ ka bianga min fawh zauh hnu chuan pindan atangin a chhuak a.
.
Dinner kan ei hma zawng chu ka fapa te bulah hun hmangin thil dang ka ngaihtuah lo.
.
‘Arsa maw kan ei dawn?’
‘Yep.. Tui itih ka beisei..’
‘I siam a nih chuan ka duh vek..’
‘Okay.. Ah..vawiin khan Laura nen kan inbia a, karleh hian a lemziah a phochhuak dawn a kan kal ve ngei tur thu ka lo hrilh a..’
.
‘A tha alawm. Eng ni ah nge?’
‘Thawhleh ni ah. Tuntum chu chhungkaw lam hawi ka ziak tiin a sawi a, ka hmu chak tawh khawp mai. Sullivan Art Gallery pawh a lun leh mup mup khawp ang. Ka nu pawh kal ve a duh a..’
Lilian titi chu ka ngaithla reng a, chhungkua a chawlh kan hman hun tur pawh a hnai tawh bawk nen, ka hna thenkhat hmanhmawh thlak zualpui hi tunkar chhunga ka khawih hman ngei atul dawn a ni.
.
Mut hmain Athens lam chanchin min rawn hrilh a, ka rinlawk ang chiahin  Mr. Hagan chuan engkim a thunun theih thu leh nunna chan an awm loh thu arawn sawi a, ka thaw hawk mai.
.
*PARIS, FRANCE*
*UNKNOWN’S POV*
.
Markos Leventis, Fabrizio Leventis fapa. A nu Adonia Leventis. A nupui Lilian Spencer Leventis. Fapa phir a nei a, sumdawnna lian lutuk Hotel hmun tam taka a neih bakah New York a Bar lar tak tak ho neitu a ni bawk. Greece lamah Lawng hmanga a sumdawnna pawh a thang chak khawp mai.
.
Vawikhat ka hmuhna atanga ka chhungril khawihtu mipa awmchhun hian ka tan enge a tihtheih ang? A pa Fabrizio Leventis-a’n an chhungkaw sumdawnna a enkawl lai khan ka pa nen an thawkdun thin a, thawh hona tha tak an nei thin a nih kha. Markos ka hmuh hmasak ber tum chu chhungkaw party na ah a ni a, ka hmuh phat atangin ka lungphu a tidanglam a, ka inthunun thei hauh lo.. Ka tum buai duh ting lo bawk.
A mitmeng thim raih leh sexy lutuk ka hmuh khan ka awmhmunah suangtuahna ka lo nei nghal hial a, a pian mipa hluah hluah te kha! A mize ngeng ngulh leh tawng tam lo tak te.. a nupui hmeichhe pangngai ve mai bulah khan a hlim zo dawn em ni!??
Ka ngaihtuah let leh pawh hian ka hmuh hmasak ber tuma ka awm dan kha ka la indem lo fan. Tunah pawh ka la danglam lo. Ka neih theihna tur a nih phawt chuan engpawh tih ka huam! Tihluihna hman a tul a nih pawhin ka hmang mai ang. Ka mipa duhzawng hlah lo turin ka pa zarah sum ka hmatheh thei a, tunhma pawhin ka mipa duh ka hlah ngai lo tluk a ni. Mahse mipa diktak ni a ka hriat Markos hian vawikhat pawh min melh lo. Ka sum a mamawh lo bawk hian ka tan buaina lian tak a siam ta a ni.
 Amah ka hnaih theih nan ruahmanna ka siam ran ran a, thla 7 chhung zet chu ka enthla tawh. A nun a hlim a, a nupui leh a fate bulah a tam thei ang ber hun a hmang reng tih ka hriatchian lehzual hnu hian ka inhriat hma hauhin ka thinlungah huatna a intuh nghet der a, thiam tak leh remhre taka chet ka la anih loh chuan ka chesual palh ve thei bawk.
.
Thil hmuhchhuah dang ka neih chu Athens-a a sumdawnna ah hian beitu a nei reng tih hi a ni. Midang tihchhiata a awm ka phal lova, hlim lo taka a awmlai hmuh ka duh chuang lo bawk. Keimah ngei pawh ka inhrethiam chuang lo. Mipa nupui pawmlai nei ngaihzawn hi ka tum ngai bik lova…!! Ni lo..Ni lo.. Markos Leventis hi nupui a neih hma daih atangin ka hre tawh.. Tun thlenga ka la duh reng hi ka thiam loh pawh a ni lo. Mipa lan dana duhzawng bik nei miah lo mihring hi an awm ka ring lo bawk.
.
Club kan thlen chuan music tang zet a ri dup dup  a, ka thiante nen kan inhmuh khawm chuan kan ri hluai
.
‘Carlos, lo kal teh..’ ka thianpa chu ka bula lo kalhnai turin ka hui zauh a. Ka in tam tawh deuh nain ka la duh tawk mai dawn lo..
.
‘Carlos, sawlaia thu sawn min duh I ring em?’
Carlos chu a nui hawk hawk a. ‘I duh tak i thlanin an hnawl tawh ngai che em?’
.
‘Teuh lo.. Min va koh sak teh.. A hriatreng tur zan hlimawm ka lo hmanpui ange’
Carlos chuan ka banbul ah vuanin min thing nawk nawk a, ka lo nui vak vak thung.
.
‘I in tam tawh mah mah a nih hi. In ah ka hruai haw ang che..’
.
‘In ah ka haw duh lo. Khawhar taka awm ka duh lo.. Sawlai mipa saw min va koh sak rawh..’ ka mit a phe vek a, ka harhfim loh zia chu keipawhin ka hre tho.
 .
‘Kan inchawi dawn mi?’
‘Duhtawk rawh…’
.
Ka phone nghawr dar dar chu enin ka pick up a, tawng ka hriat theih loh vangin club atang chuan ka pai chhuak nawk nawk a..
.
‘Sawi rawh le.’
.
‘Karleh chhunga hun hman dan tur tlangpui text in ka rawn hrilh ang che..’
‘Okayyy.. Khalai hmunah khan min tilawm lo thei thil engmah tisuh ang che’
.
‘Ka hria e, mahse i duhthusam thil thleng tur hi chuan thil a awlsam lovang..’
.
‘Ka hria.. Tumah tina lova engkim tihfel ka duh tih hria la, fimkhur rawh..’
‘I rui anih kha. Phone kha off rawh..’
‘Okayy..’
.
Club ah chuan lut tawh lovin ka car dahna ka pana, rui chung pawhin ka in chu ka inkhalh thlen mai theih ka ring.
.
Zingkar a ka harh chuan ka lu ana tluk tluk a, phak zeta thovin bathroom ah ka lut a, bathtub ah thuin tuiin ka inphuh tir char char a. Ka luna erawh a chhawk chuang lo khawp mai. Rei fe bathroom a ka awm hnu chuan chhuakin damdawi ka ei a, ka hnathawhna hmuna kal turin ka insiam nghal a.
.
Tun atanga reiloteah hian ka pa remtihna angin New York ah ka awm thei tawh dawn a, New York ah ka awm anih chuan zan lama ka nun dan pangngai lo zet hi ka bansan atul dawn thung a ni. Keipawhin ka nun dan hi ka kham ve tho a, pangngai taka  ka nun ka hmang thei a nih chuan ka nu leh pate tan zahna ka thlen tawh lo ve ang chu. Awlsam tak chu a ni bik hauh lovang le..
.
Office ka luh rualin ka thutna ka pana, nizan ka thiltih nghawng vangin ka zawi em em a ni tawp.
‘Ms. Faddey, hmu tur chein i pa alo kal dawn tih I hria em?’
.
Ka dawhkan bula ding ka hnuai chiaha thawk Sharon chu ka melh hrawk a, a tim zawk bawk. Helai hmuna hna hnuaihnung thawh hi ka hne hluah hluah tih hi a hre lo a ni ngei ang. Ka dawhkana file inthuah tun chu ka khawih sawk sawk a, awlsam taka ka thinrimna ka tihlan thin hi thunun ngaihna ka hre bik lo.
.
‘Kal sawn rawh!’
Thu dang sawi tawh lovin Sharon chu a kal sawn a. Tikhan nilengin min rawn be buai tawh lovang.. Engkim a tha vek! Tun bak kha chu ka vin tawh lovang!
.
Chawhnu lamah ka chhuah hmain ka pa arawn kal a, a lo thlen lai chu ka hna ka thawh that lai tak a ni hlauh bawk. Thiltha tih duh chang nei ve mah ila, ka dawhtheihna pan ve tak hian a daih leh thin lo a ni. Ka pa’n lungawi taka min kalsan hnu chuan office ka chhuahsan ve nghal a, ka mi rawih pakhatin min lo nghahna tur hmun ka thlen chuan ka hmai hliah turin ka Prada sunglasses chu ka vuah tha sauh sauh a.
.
‘Hey.. Helam ah..’
‘Ka rawn kal ang..’ ka bul vel enkual zauhin ka miduh tak chu ka pan a, a hmel atangin chanchintha ka dawng dawn a nih ka ring..
.
A bula ka thut rualin ‘Enge chanchin?’ ka ti nghal thawr a.
‘Inchhung ah em chuan phelh ve la’ nui sungin min en a, a hna a hrechiang viau nain a mizia hi ka ngaithei thin lo.
‘Chanchin chu sawi mai rawh..’
.
‘Okay.. Karleh hian New York ah i kal dawn tih i chian tawh chuan harsatna awm lovin i mi duh chu hmuh mai theih a ni ang.’
Ka phur lutuk chu ka zuang lo chauh a ni.
‘Khawiah.. Khawiah??’
‘Lo phur lutuk lo la.. Karleh hian The Thorp kutchhuak phochhuah a ni dawn a, Markos nupui Lilian Spencer leh Laura te hi an inzui ka hmu fo a, Lilian a kal chuan Markos pawh a kal ngei ang.. Thil engkim uluk takin ti ang che..’
.
‘Yes..Yes.. Naktuk ah i bank account lo check ang che..’
.
A khabe hmul tuai nauh nauhin a bu nghut nghut a. ‘I hmanhmawh chuan i duhang thil a thleng lovang tih hrelawk ang che’ a ti leh nghut a.
.
‘Mi a niin min  ngai em?’
Tawng lovin a lu a thing mut mut a..
‘A that chu.. Mi a ka ni lova, atawp thlengin engkim a bu ang thlapin ka ti ang. I thawk tha e. Min kalsan thei ang.’
.
Chek hlukin a kalsawn a, a kal liam hnu chuan ka nui sak sak a.
Markos ka hmuh hun a ka awmdan tur ka lo inbuatsaih lawk angai.
An chhungkaw awm dan chhui tura mi ka rawih hnu hian atakah ka la hmu leh miah lova, phur tak ka ni.. Phur tak!! ‘My Sexy Hero.. Makos Leventis, min lo nghak ang che.’
.
Ka awmna hmun atang chuan muangchangin ka chhuak a, ka awm hle hle thei lo..!

BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 4
.
LILIAN’S POV*
SULLIVAN_ART_GALLERY *NYC*
.
‘Hi.. Lilian, Markos. In lo kal theih vangin ka lawm e’ Laura nen kan inkuah a, a pasal erawh ka hmu lo teh tlat.
.
‘Helai hmun hi a ropui takzet. Mi ropui tak ini e..’ ka rilru tak taka sawi ka ni. A dera infak ang chi hi ka duh ngai lova, midang laka infakderna thu sawi ka duh loh ang bawkin mi fakderna dawn pawh ka duh chiah lo. A tha chu tha, tha lo chu tha lo nimai sela tih hi ka duh dan ber a ni thin. Mihring, mahni ngaih dan pawh ni miah lo sawia lemchang nun ka hmuh hian min tihah hluah hluah fo thin..
‘Ka lawm e.’
‘Ka ti takzet a nia. Chuan, Mike hi..??’
‘Oh.. A lo theng tep ang. A hna a laklawh lutuk a. Ka han enkualpui dawn che em ni ang?’
‘Aw, tehreng mai. Helai atang hian kan tan thei angem?’
Muangchangin banga lemziak intar chu kan en a, lemziak thenkhat chu Laura chuan min hrilhfiah pah bawk a. Lemziak thiam nih ve ka chak rum rum mai. Mihring nun dan mawi taka tarlanna milem, a then chu mak tak tak te pawh a ni..
.
‘Heihi…?’ Laura chu en zauhin banga lemziak intar chu ka en leh a.
.
‘Ah.. Heihi maw? Harsatna tamtak kan tawrh thin te kan paltlang hnu hian hlimna nasa takin min lo hmuak leh thin tih tarlan ka tumna a nih ber hi.. Tun tuma ka phochhuah ho ah chuan keipawhin ka duh ber te zinga mi a nih hi.’ Laura chuan a kut chhuak chu a chhuang ve hle tih hriat takin a en vang vang a.
.
‘A tha lutuk. A rawng hian min hip zar alawm. Tiger, heihi ka duh khawp mai.’ Markos pawh chuan uluk zet hian a en vung vung a.
.
‘Keipawn ka duh e.’ a tinghet churh a.
.
Lemziak chu la thla in pack turin an lasawn a, khawilai ah nge ka tar ang tih ngaihtuah chungin lemziak la sawntu chu ka enzui reng a.
.
Dr Mike arawn thlen hnu chuan Markos nen an kal hrang a, Laura nen pawh naupang chanchin sawiin kan titi zawm mawlh mawlh a.
.
‘Markos kha Tiger tiin i ko in ka hria?’ min en deuh ha a, a nuih dan atang chuan engtin emaw tak min fiam inpeih at a ang khawp mai.
‘A dik alawm..’
‘Engtin nge i ngaihtuah chhuah thiam zawk le. Amah nen sawn a inhmeh lutuk. Enge maw chang chuan mipa te hi an buaithlak iti ve thin em?’
.
‘Tehreng mai..’ kan nui dun hak hak a.. ‘A chang chuan a sawi loh dan hi a duh dan a lo ni zawk thin a, a mitmeng atanga a duhzawng diktak hriat tum hi a tangkai berin ka hria..’
.
‘A dik chiah.. Oh.. I nu pawh arawn thleng a nih saw..’
Ka nu (Markos nu) kan lam pana lo kal chu kan lo en reng a, ka hmel arawn hmuh chuan min hmuh a beisei lo tih ka hre mai..
.
‘Lilian.. I kal ve dawn tih chu hria ila ka lo sawm tur che a nia..’ kan inkuah hnuah Laura nen pawh chuan an inkuah a, ka nu chuan sawitur a ngah leh khawp mai.
.
‘Ka fapa saw engtin nge helai hmunah hian i hruai theih? Engtik lai mahin lemziak en tur hian ka sawm chhuak thei ngai lo asin..’
.
‘Thilmak tak anih chu..’ Laura chuan arawn ti hliai a.
.
Markos te awmna lam ka va en chuan hmeichhe pakhat nen ding dunin an in chibai a, an tawng mawlh mawlh bawk a. Ka va ngaihven zui lem lo. Hmelhriat tam tak a nei a, hmeichhia a biak leh a bula awm apiang thik ka tum dawn a nih chuan ka nun a hahdam thei ngai lo ang tih ka hria a ni. Ka hriat theih chinah Kaya chungchang bak kha chu ka thik tur khawpin  tu hmeichhia mah a hnaih leh tawh lova, han rinhlelh tur pawh ka hre hek lo. Min hmangaih tih ka hria a, ka ringtawk em em bawk a ni. Khawvel a mihring zingah hian mipa diktak ka thlang chhuak dawn a nih chuan ka pasal hi ka thlang ngei ang tih ka inhrechiang bawk! Kan fate birthday kan lawm tuma hmeichhia kha chu Markos awm dan atang khan thik en ah ka en lo nghal tawp. Ka pasal hi mi famkim a ni bik lo tih ka hria a, thil engkim ah ‘perfect’ ni vek turin ka phut hek lo.
.
Laura leh ka nu te chu washroom ah ka kalsan a, ka nu pawh lemziakte en kual turin a kalsawn ve nghal bawk a. Washroom atanga ka chhuak chiah tihin hmeichhe pakhat hian ka banah min lo vuan a, min lo vuantu hmeichhia chu tun hmain ka la hre ngai lo..
.
‘Hi, Lilian ini tiraw? Emelia ka nia..’
.
‘Oh.. Hi, kan inhre tawh ngai em?’ a hmel chiang taka enin ka chhang a, a lu a thing mat mat a. Hmeichhe nalh tak a nih hi. Min lo be ngawt chu mak ka ti deuh bawk.
.
‘Kan kal dawn em ni ang?’
‘Aw..Ni e..’
Hall lamah kan kal dun a. A awm dan atang chuan hmeichhe harhvang tak niin a lang..
.
‘I fate i hruai lo a ni maw? Markos ang mipa tha tak pasal a i nei hi i vannei ka ti khawp mai. In fate pawh la hmuh ve ngei ka duh ang.. Rem itih chuan..?’ Inthlahrun hmel deuha min enin a dar a tiche zauh a.
.
‘Oh.. Tehreng mai. An changkang ve tawh lutuk. Engtik atangin nge Markos nen in inhriat le?’
.
‘A rei tawh. Mr. Fabrizio damlai khan ka pa company nen hian an inthunzawm thin a, kan inhmu fo..’
.
‘Um..ka hrethiam e. Hun remchangah i lo leng dawn nia. NYC ah hian i cheng nghet lo anih ka ring a’
.
‘Aw, Paris ah ka cheng. Tunkar atang hian hetah ka cheng tawh dawn a. Dik tak chuan ka pa sumdawnna thenkhat ka enkawl atul a..’
.
Hall kan thleng a, ka hawi chhuah chuan Markos chu min zawng niawm takin a lo hawi kual zauh zauh a, min rawn hmuh chuan min rawn pan turin ka duh tih hriattir nan ka kut ka vai zauh a.
.
‘Mipa dik tak anih hi. Kan inhmuh lohna a rei tawh viau nain min lo la hre ve hlauh a..’ Emelia chu ala tawng siam siam a, Markos ka bula arawn din chuan ‘Hi’ a lo ti zauh a.
.
‘Lilian nen hian in fate chanchin kan lo sawi a, hmuh ve ka chak khawp mai..’ a ti leh zung zung a.
.
‘Chawlh hmangin kan zin dawn a, kan lo haw hun remchang ah min la rawn tlawh dawn nia..’
Markos pawn tha taka a biak vang chuan inhmelhriat tha tak an nih ka ring.
‘Gata`ki, kan haw thei tawh em le?’ ka beng bula arawn kunhniam chuan ka bu nghat a.
.
Emelia kan kalsan hnu chuan Laura te nupa leh ka nu kan mangtha hnuah in lam panin kan haw a.
.
‘Min kalpui vangin ka lawm e..’
.
Markos chuan min rawn en zawkin a nui suk a, a kut pakhat chauh a steering wheel vuanin a kut veilam chuan ka kut arawn hmer vang vang a..
.
‘I pasal bulah lawmthu i sawi leh ta..’ a bula lawmthu ka sawi hian lawmthu sawi kher angai lo, I lawm tak tak anih chuan tawngkam a sawi lovin min fawp la ka duh zawk ati ziah thin. Ka kut a vawnna chu la kangin ka fawp zauh a.. A nui hawk thung.
.
‘Kha tah lo khan..’ tipah a min rawn melh rulh chuan ka nuih sak a.
.
‘Ka nu khan Art gallery ah amah kalpui turin a sawmchhuak thei ngai lo che tih a sawi a..’
.
‘Hmm.. Ka nupui nen anih chuan ka tih ngai loh tam tak ka ti zel mai ang chu..’
‘A duh angin kan tlawh zing tawk lo tih a sawi bawk a. Ka inthiam chiah lo.. Tamas leh Aidan pawh an changkang ve tawh a, kartin  anih loh pawhin thla khatah vawi thum tal chu tlawh tum ila a that ka ring..’
.
‘A tha khawp ang.’
.
A hmel ka en chuan a lungawi viau niin ka hria. Amah ka neih rual hian a chhungte pawh ka nei tel tih ka hria a, ka phak tawka ngaih pawimawh hi chu ka tih ve tur rengah ka ngai.
.
In kan thlen chuan Tamas leh Aidan pawh an lo la muhil lova, Mrs. Lee a lo buai khawp mai.
Markos chuan an pahnih in a pawm a, a hmaiah an khawih nawk nawk a. Kan pahniha kan awm chuan kei aiin an pa hi an tibuai zawk ziah thin. Mipa leh mipa chu an inpawh bik a ni mahna le.. An pafa-a an infiam chu rilru hlim zetin ka en reng a..
.
‘Eitur ka pe zo deuh chiah a, an mut a chhuak tep tawh ang.’ Mrs.Lee chu enin lawmthu ka hrilh a, ‘ I lo buai phah viau dawn a nih hi..’
.
‘Engmah a ni lo. Naupang fel tak an nia, nileng pawhin awmpui ila ka ning hman lo hrim hrim..’
.
Mrs.Lee ka ngainat lehzual em em nachhan chu helai ka awm tirh atanga tun thleng hian a der ni hauh lovin a phaktawkin min hmangaih tak tak tih ka hria a, ka nu ang mai a ni. Awmpui leh min puitu ang chauhin ka en ngai lo. Inchhungah tihtur awm apiang kan tidun a, naupang an awm hnu hian thildang ka buaipui hman ta meuh lo zawk a, a zarah chinese food siam pawh thiam tawh tak ka ni.
.
‘Dinner chu keiman ka lo siam ang aw.’
‘Puih i ngai lovang maw? Anih chuan pangpar thenkhat saw cut a ngai a, ka lo va buaipui ange’
.
Mrs.Lee chhuah hnu chuan kan vaiin kan fate pindan ah kan lut a, reiloteah an muhil ve mai bawk a. Mipa naupang fel leh enkawl nuam tak anni hi ka chhuang takzet thin.
.
Markos nen kan pindan ah lutin kan inthlak fel a, dinner siam tura choka ka pan hnuah ani chu library ah hna a thawk thung.
.
Kan hun hman dan ah hian lungawi lohna tur ka nei hran lo. Ka nu erawh chuan Markos hi hna chauh atchilh lo turin a hrilh fo tih ka hria a mah se kei chuan ka sawisel hran lo. A kutah sumdawnna lian tak chhiat leh that a innghat a, a thawhrim zia ka hriatpui bawk. A hnathawhna hmun atanga chau taka a lo haw lo duat hi chu a nupui ka nih angin ka tih ngei ngei tur a ni a, ka pasal anih anga ka tihlawm angai bawk.. Markos nen anih tawh chuan ka phur em em vek mai. Ama lawmna tur leh nuam atih zawng ai chuan ka duhdan min zawmpui fo a, ka thinlung tak takin ka pasal hi ka hmangaih takzet a ni.
.
Kar thar kan chuangkai a, chawlh hmanga kan zin chhuah hun tur tlema kan sawn hlat leh vangin tihtur ruahman ka nei hran lo.
.
Chawhnu dar hnih velah naupang muhil en pahin lehkhabu ka chhiar a, ka phone arawn nghawr dar dar chuan nui sakin ka pick up a.
.
‘Hey, eng thil nge ni ta?’
.
‘Tunah khan enge itih?’
‘Lehkhabu ka chhiar. Kan mipa naupangte an muhil mek a..’
.
‘Fa i lo nei tawh a ni maw? Nula ila ni emaw ka tia..’
‘Min rawn betu hian nupui ala nei lo anih chuan keipawn pasal ka la nei lo..’
.

‘Ka lawm e. Tuna ka biak mek hmeichhia hian zanriah min kilpui turin hun a nei angem?’
.
‘Mipa tha tak in asawm chuan a hnial kher lovang..’
‘Tunah hian min fawp turin ka duh che a ni..’
Ka nui hak a.. Eng thil nge maw tih a tum ni..? ‘Len chhuah pui tura i sawm mek bula sawi atan chuan a raw mah mah lo maw?’
.
‘Engkim ka hmu a, ka hre vek tawh tho alawm..’ a tawng dan atang chuan a hmel awm dan tur ka mitthla thei mai.. Ka tumlawk hauh lohin ka hmai a sa pap pap a..
.
‘Markos..’
‘Yes.. Gata`ki’
‘Oh.. Duhtawk teh..’ ka nui hak a.
‘I zak maw?’
‘Come on.. Markos..’
.
‘Yes..’ a nui huk a. A bulah chuan awm ila ka fawp tawh ngei ang tih ka chiang.
.
‘Hmeichhe tha tak I biak mek tan hian ruahmanna i nei anih ka ring..’
.
‘Tehreng mai. Min lo nghak la, pawn lamah dinner kan eichhuak dawn nia. Kan pahnih chauhin..’
‘Sawmna chu pawm a ni e..’
‘Ka hmangaih che.’
‘Keipawn ka hmangaih che’
.
Phone kan off hnu chuan la nui reng chungin ka thu vang vang a, ka beisei hauh loh anga min thawn thut dan hi chu ka pasal hian a hrechiang a ni.
Ka fate muhil chu thawm dim taka chhuah sanin  kan nupa pindan ah ka lut a, pawnlam ah ka pasal nen kan chhuak dawn anih chuan nalh taka lan ka duh ngei ang.
.
Ka thawmhnaw bawm hawngin ka en diat diat a, kawrbah hringduk chu la chhuakin khumah ka pharh diai a. Ka rilru phur zia chu mak tak a ni. Beisei loh deuha min thawn apiang hian tleirawl tha leh ang maiin ka nervous ziah lehnghal…
.
Markos message ka hmuh rual deuhthawin phur zet hian ka hawnga, kan inhmuhna tur restaurant address chhiarin ka nui sak a.
.
Aidan leh Tamsa an harh hnuah eitur ka pe a, Mrs.Lee hnenah Markos nen pawnlam a dinner kan eitur thu ka hrilh chuan a tihtur a hre nghal mai bawk.
.
‘Han insiam rawh. Naupang te chu ngaihtuah an ngai lo.’
‘Okay.. Ka lawm e.. Kan lo haw har lovang..’
‘Oh..zalen takin hun va hmang rawh u..’
.
Kan pindan ah chho lehin ka inbual hnuah uluk takin ka inchei a. Darthlalang hma ah dingin ka inen vang vang a. Ka lang nalh khawp mai.. Fa pahnih pawm mek ni mah ila ka taksa ka uluk a, fa panga pawh nei ila Markos tan chuan ka tang mar at reng peih tih ka hrechiang. Keimah ka inrintawk theih nan pawh uluk taka inenkawl reng hi chu ka tih ngei ngei tur a ni hrim hrim bawk.
.
Ka inpeih hnu chuan motor ka la chhuak a, Markos min rawn hrilh restaurant panin ka khalh chhuak par par a. Kan driver te hruai kher ngai ka ti hran lo.
.
Restaurant ka thlen chuan Markos lo book sa table kilin ka thu a, ka thlen tawh thu message in ka hrilh nghal bawk a.
.
A rawn thlen hun  tura asawi lawk minute 10 laia a pelh hnu chuan ka phone ka bih sek tawh. Ni danga kan chhuah dunin a tlai ngai lova, thil pawimawh buaipui tur a awm thut anih ka ring.
.
Minute 10 dang aral leh hnu chuan ka call a, a phone a pick up thei lo! Ka thin a ur tan bawk.
.
‘Miss, eitur i chah duh tawh em?’ ka bula waiter ding chu enin ka nui lui a, ka mi nghah a lo thlen tep ka rin thu ka hrilh hnu chuan min kalsan ve leh mai bawk a.
.
Sana ka en deuh reng a, second tin chu ka chhiar nimaiin ka hria. Ka phone a rik chuan rang zetin ka en a, Markos a la ni lo fo tih ka hmuh rualin ka reject nghal a. Thinrim tunin sana ka en leh a, minute 30 dang aral leh meuh chuan waiter pawn min rawn pan tawh lo. Restaurant a awm ve te chuan min en hrek hrek a, min nuihzat niin ka hre tlat bawk.
.
Ka phone chu ka purse ah khungin ka thutna atang chuan ka tho a, ka kal dawna ka rilru phur zia ngaihtuah letin ka thin a rim ut ut.
.
Resaturant atang chuan chhuakin ka car dahna ka pana, kawngkhar hawng rawpin ka tlanchhuak nghal a. Rawn tlai leh tur si chuan min chhuahpui tum lo mai se la!! A tlai dawn anih pawhin min call thei reng alawm le. Harsatna a nei anih pawhin min rawn biak a har lo..
.
In ka thlen chuan garage ah motor dah lut lovin inchhung ah ka lut a, ka thinrim tih ka thup hleithei lo a ni. Ka che deuh sawk sawk a. Inchhung reh thap danah Mrs.Lee chu Tamas leh Aidan te room ah a awm a nih ka ring.
Kan room ah lutin khumah ka thu hnawk a. Inthlak nghal pawh ka peih rih lo.
.
Khumah chuan mu in ceiling ka en ngawt ngawt a, a hmuhnawm tehchiam lo khawp mai!!
.
Rei tawk tak ka mut hnu chuan muangchang a thovin bathroom ah ka lut a, inthlak felin mu tura ka inpeih meuh chuan dar 10 a lo pel der tawh. Kan fate pindan ah lutin an muhil hmel chu ka thlir reng a, an mutui sek sek khawp mai.
.
10:30 arik chuan Markos chanchin engmah ka la hre lo fo a, thinrimna ai chuan ngaihthat lohna ka nei nasa tawh zawk. Kan pindan ah lutin ka call a, ka call tlang thei loh vang chuan ka vei sek a. Tunang tlai tawhah office-a a awm ka ring lova, a kalna tur awmang ka ngaihtuah kual ruai ruai a. Mi kut lo tuar palh ta se.. Ni lo! Chu chu a thleng lovang. Hmeichhe dang hmuin min theihnghilh a nih ka ring.. Ni lo! Chu pawh thil ni thei lo tur chiang sa a ni. A hna laklawh vangin a buai lutuk a ni ngei ang.
.
Zan rei tawh deuh mahse a secretary Casey cell phone number ka hmetchhuak a, ka call ta ngawt a. Amah Casey haw hmain Markos chuan office a chhuahsan a, hna lamah buai lutuk na tur thil a awm a hriat loh thu te a sawi hnu chuan kan inbiakna kan titawp a. Ka rilru a nuam lo lehzual khawp mai.
.
Kan in pawn lama motor thawm ka hriat chuan rang zet hian kan pindan atanga chhuakin in hnuai ah ka chhuk a. Eng thil pawh chhuanlam ah hmang se awlsam takin ka lungawi dawn lo tih ka inhrechiang khawp mai.
.

BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 5
.
Ka rilru thlak thutin hmanhmawh zet hian kan room ah ka let leh a, khumah ka inthawlh nghal sawt sawt a. A lo luh laiin muhil tawh anga lo lan ka duh vang a  ni. Rei tak ka lo nghak thlawn tih hriattir chu tlawmah ka la deuh tlat bawk. Tunang hian Markos lakah ka rilru a kawi ngai lo. Rilru kawi pawh a ni chiah lo.. Amah lo nghak turin min hrilh a, a lo lan theih dawn loh chuan kha restaurant ah khan zak taka ka awm reng loh nan arawn sawi mai tur a ni. Chanchin min rawn hrilh lawk turin minute 1 bak hun a mamawh lova, mahse engmah arawn sawi lo anih kha.
.
Rei nghah angai lo! Kan room kawngka arawn inhawng a, ka mitsir a ka melh chuan Markos chu a kut pahniha a kekawr ipte zenin a ding a, min en reng tih ka hre bawk. Ka che duh eih lo. Muhil tawh anga ka lan theih nan ka thawk dan ka timuang lui bawk.
.
Muangchanga khum rawn panin, ka mutna bula a thut chuan khum chu a hniam sat a.
.
Ka biangah min rawn fawpin khum atang chuan a tho a, a thawm chu ka ngaithla reng a. A inthlak dawn anih ka ring. Reivaklo hnuah khum chu a hniam leh sat a, ka bulah rawn mu in min rawn kuah a, ka taksa insangmar chu keipawhin ka hria.
.
‘I muhil lo tih ka hria alawm. Ka tih palh.’ Ka bengbul ah a thaw lum ham ham a, awlsam taka ‘tih palh’ tih sawi ringawt hi atawk ang maw..?
.
Sawi mai tur ka hriat chuan loh vangin ka ngawi a, min kuahna chu phelh turin ka duh tih lantir nan a kut ka laksawn chuan ka thinrim tih hrethiamin thaw hak hian a thu chhuak a.
.
‘Min hau thei ang. Ka thiam loh a ni e.’
A thiam loh anih thu chiah asawi a, arawn kal tak loh chhan leh amah nghak lo tura min rawn hrilh loh chhan engmah a la sawi chuang lo. A chhuanlam tur chu engpawh nise thil tha tawk tak a nih angai.!
.
Amah pawh en lovin ka puansin chuan ka inkhuh a, tunah chuan ka thinrim rih lutuk. Engpawh sawi ila tawngam na tak ka hmang dawn tih ka hriat vangin ngawih rih ka duh zawk.
.
‘Gata`ki, ka tih palh ka tih chu..’ ka puansin chhanah chuan min rawn kuah a, min kuah ka duh lo tih lantir nan ka tal a, engahmah a ngai lo..
‘Come on, Gata`ki..’
.
‘Muhil rawh…’
‘I thinrim ang tih ka hria. Chuan ka tih palh.’
.
‘Eng maw I tih palh?’ ka ti nghat a.
‘Reitak ka innghah thlawn tir che vangin.’
‘Ka lawm e.’ ka tiel leh nghat a.
‘Hetiang hian awm lo teh.. Ka chau viau a nia..’ puan chhanah chuan ka lu ah min rawn fawpin min kuahna chu a thlah a, ka sirah chuan a mu tha sawt sawt a. Kan ngawi vang vang a, tawng hmasa zawk nih ka tum lo. Keimah chauh ka inngaihtuah vanga thinrim ka ni em tiin ka ngaihtuah a, mahse a ni lo tih ka chiang. Mumal taka a insawifiah ka phut tlat a ni. Tuna a landan chuan a tum lem lo anih hmel khawp mai.
.
Ka muhil ka harh chuan khum bul dawhkan a sana chu ka en a, dar 5:32AM chiah a ni. Ka bulah Markos a mu lo bawk. Kan fate pindan ah a awm anih ka rin vangin ka tho duh lova, ka rilru erawh anuam chiah lo. Lungawi lo tak chunga ka mutthilh san ngai loh vang anih ka ring.
.
Ka muhil thei tawh dawn lo tih ka hriat vangin ka tho a, bathroom ah ka tihtur ka tih hnu chuan inthlak felin kan fate pindan ka pan a. Dim tein kawngka ka hawng a, ala reh thap vang chuan an la muhil a nih ka ringsa hrim hrim bawk.
Sofa ah chuan rem lo zet hian Tamas pawm chungin Markos chu a lo muhil a, Tamas pawh apa awma bei chungin a mutui khawp mai. Aidan mutna lamah ka kal a, thawm nei miah lovin a lo harh tawh reng tih ka hmuh chuan a mutna atangin ka pawm tho vat a.
.
‘A fel a nia.. Lo kal rawh le.’ Min hmuh chuan nuiin thawm a nei ta chauh a. Kan thawmah Markos leh Tamas pawh an lo harh ve vat bawk.
.
 ‘Good morning, mama..’ Markos chu thoin Tamas pawm chung chuan min rawn panin min rawn fawp zauh a. A hmel ka enchian chuan a chauh hmel khawp mai. Nizan khan a mu mumal lo anih ka ring.
.
‘I tha em?’ ka ti sap a. Ka thinrim leh tawh pawhin ka hre lo! Tunge mahni pasal te chau hmel hmureng chunga thinrim lui tlat thei ang ni!?
.
‘Ka tha alawm. Nizan avang khan min ngaidam dawn nia. Lungawi lo chunga I muhil kha nuam ka ti lo takzet..’
.
Ka en vang vang a, a bulah kal hnaiin a nghawng ah ka vuan a, arawn kunhniam chuan a hmuiah ka fawp a.
‘Engkim a tha vek alawm..’
‘Ka lawm e.’ a ti sup a.
.
Kan fate pawm chung chuan inhnuai ah chhukin kitchen ah kan lut dial a, naupang eitur ka pek chhungin Markos chu kan pindan ah chho lehin a intifai ve thung a.
.
Mrs.Lee kitchen-a arawn luh chuan naupangte fiamin a ri hluai a, sawi chawp ngai lovin a rawn che zung zung bawk a. Common room a phone a rik chuan pick up turin zai rut rut chung hian kitchen atang chuan a chhuak a.
.
‘Lilian, I phone tur a ni e..’
‘Okay.. Tunge a?’
Kitchen a lo lut leh pahin min biak duhtu chu tunge tih a hriat loh thu a sawi hnu chuan ka chhuak a. Tunang huna min rawn be duh, Mrs.Lee hmelhriat ni lo bawk chu tunge ni ang tih ka biak phawt loh chuan rindan ka nei bik lo.
.
‘Hello, Lilian.’
‘Hi.. Keimah Emelia. Vawiin hian ka rawn tlawh thei che u angem?
.
‘Oh.. ka.. Umm.. engtin nge kan in number I neih theih zawk a.’ a mawi chiah lo tih hre chungin ka zawt ta tho. Min thawng deuh em a ni.
.
‘Oh. Nizan khan Markos nen dinner kan kil dun a, min hrilh a.’
Nizan ah Markos nen dinner an kildun maw!? Ka chhan mai loh vang chuan ka hmingin min rawn ko nawn lauh lauh a.
.
‘A tha alawm. I lo kal dawn nia.’ Ka ti ta ngawt a. Engtin emaw tak ka awm a nuam lova, ka thin a rim deuh bawk.
Kitchen a ka let leh hnu reiloteah Markos pawh arawn lut a, ngawi rengin breakfast kan kil a. Nizan a Emelia nen dinner an kildun chungchang chu zawh ka duh rualin min chhan dan tur ka hresa in ka inhre bawk. Ka thlenga eitur chu ei mai lovin ka chawk kual sek a, ei chakna ka nei miah lo.
.
Tamas tap thawm vang chuan thoin kitchen atang chuan ka chhuak a, an unau infiamna hmanrua la turin Tamas pawm chung chuan inchungah ka chho a. Kan chhuk leh chuan Aidan chu Markos nen an lo awm a, apa bula an awm chuan an tlei nghal em em zel hi mak ka ti thin.
.
‘Vawiin I chhuak dawn lo mi?’ amah pawh en lovin Markos chu ka bia a.
.
‘Aw. Naktuk hian France ah ka kal angai dawn a, vawiin chu inbulah hun hman ka duh a.’
.
‘Oh.. Branch thar hawn tur kha hetah a ni in ka hre sia.’
.
‘Paris ah hawn tel ka duh a. Thil dang keimah ngei kal a tulna thil a awm bawk a. Kan chawlh hman hun pawh kan sawn hlat leh angai dawn a nih hmel khawp mai.’ A ti duah a, chhan mai dan tur ka hre lo. Ka rilru ah rinhlelhna lian tak lo lut chu ka duh lo khawp mai. Mahse ka inveng hman miah lo. Markos hi eng thil pawh thleng se rinhlelh ka duh lo.. Thil awmdan engmah hre miah lova awm ngawt ngawt hi bansanin ka hriat theih chin hriat tuma ka buaipui ve deuh pawh a ngai dawn a ang ta  khawp mai.
 .
‘Aw..anih chu.. Nichin mai khan Emelia’n min rawn bia a, vawiin hian kan in a lo len a duh thu a sawi a.’
A hmel danglam leh danglam loh ka en uluk ngang mai.
.
‘Engtin nge number a hriat zawk a. Hmanni khan in lo inpe hman em ni?’
‘Nizan in dinner kil dunin in inpe aniang chu ka lo ti ve thung a.’ a awmdan danglam lem lovin min en a, ka en ve reng a. Nizan ah a nupuii’n ka lo nghah reng laiin hmeichhe dang dinner a kilpui a. Ama ka atanga hria ka la ni lo lehzel bawk. Pangngai taka abula awm tur hi ka ni em ka inhre lo a ni.
.
A phun hluk a. Ka ngei tawk a tling em em bawk.
.
‘Nizan khan engvanga rawn kal ta lo nge inih I sawi miah lova, ka zawtlui duh lo bawk che a…’
.
‘Lilian..’ min en reng tih ka hria a, thinrim anga lang lo turin ka inthunun ve bawk. Ka tawngkam atang chuan ka thinrim tih a hre kher lo ang. Naupang hmuhlai a thinrim a inhnial ka duh lova, tuna ka sawichhuak pawh hi a fuh chiah lo maithei.
.
Amah en duh chuang lovin ka fate chu ka infiampui a, an toys chu kengin ka nui lui bawk a.
.
‘Lilian.. Nizana ka hun hman dan..’
‘Tuna sawi hi a hun chiah lo in ka hria.’ Tamas chu pawmin ka tho hluai a.. ‘An inbual ahun a nia.’ Nghak lovin ka kal nghal hmiah a, Aidan chu arawn pawm ve mai ang.
.
Aidan leh Tamas kan bual chhung chuan ka be miah lo. A laka thinrim ang pawhin ka awm chuang lova, a tha lo zawng a ka ngaihtuahna a kal loh nan ka inthunun angai hial mai.
.
Darkar thum hnuah Aidan leh Tamas an mut hnu chuan an thawmhnaw ka dahfel a, tihtur ka zawng ruai a ni ber e.
.
‘Gata`ki, kan inbiak atul a nia..’ ka bulah arawn ding a, amah en chuang lovin a duh sawi turin ka hrilh a..
.
‘Chawlh hman hun tur sawn hlat angai chu pawi ka ti khawp mai..’
‘A pawi lo. I hna hi a pawimawh zawk alawm.’
.
‘Nang chuan min hrethiam zel ang tih hi ka hresa tho a, ka nupui inih vang hian ka lawm e.’ min rawn kuah chuan nghet zetin ka kuah let a, ka rilru nawm lohna hi sawichhuah ka duh a, mahse a hun em tih ka hre lo..
.
‘Emelia chu a lo thleng tep tawhin ka ring.’
.
‘Enge rawn tih a tum reng reng a?’
.
‘I hria ang chu..’
‘Kei hian maw? Emelia hi ka ngaina vak lo a nia.’
.
‘I ngainat vak loh chu I nupui theihnghilhin dinner I kil pui tho alawm’
.
‘Lilian.. A dik lo zawngin ngaihtuah suh.’
.
‘Markos.. Keiin ka lo nghak che tih theihnghilhin hmeichhe dang dinner I kilpui a, chu chu thil ho mai mai a ni lo a nia.’
.
‘Ka tih palh tih ka sawi tawh kha..’
.
‘Chu zawng chu maw?’
.
‘Lilian..’
‘A tawk e.. Ka hriat duh chin chu ka hre tawh e.’
.
Dik tak chuan ka thinlung a na vawng vawng a ni. Thil engkim tlang takin min hrilh mai thei lo em ni? Thikthu chhe tak anga lan ka duh ngai lova, tunah hian tlang taka thil awmzia dik tak asawi nghal mai loh vangin nupui thikthu chhe tak angin ka awm mek chu a nih hi.
.
Minute 15 vel aral hnu chuan pindan atangin arawn chhuak a, a inthlak leh vek tawh bawk. A kalna tur sawi lovin a chhuak a, a awm dan mak tak chu ka en tawp ringawt.. Tun ang hian vawikhatmah inpawh lo leh engkim tlang taka sawi lovin kan la awm ngai lo.
.
A chhuah hnu lawk chuan ka call a, a pick up dawn lo emaw ka tih hnuah arawn pick up hram a.
.
‘Khawnge I kal dawn?’
.
‘Office ah’
‘Markos, thil dik lo enge awm? Engmah sawi lovin in I chhuahsan ringawt a...’
.
Min chhang lovin phone a off leh ringawt. A mak ka ti takzet!
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 6
.
Emelia arawn thlen chuan pangngai takin ka lo chhawn a, a awm dan chu hmanni a kan inhmuh a a awmdan nen a danglam hran lo. Tamas leh Aidan te a fiam a, a landan ngawt atang chuan naupang a ngaina ve tak tak anih hmel khawp mai.
.
Darkar khat vel a awm hnu chuan min haw san a, ni dangah rawn kal leh ngei a duh thu asawi chuan a mawi tawkin ka chhang mai a. Dik tak chuan min rawn tlawh pawh vak lo mah se pawi tihna ka nei hran lo. Kan nupa hun bawhpelh meuh khawpa Markos hun a hmanpui tih ka hriatna khan min tina tlat a ni. Dinner ei dun mai mai a nia’ tiin ka ngaihtuah thei lo.
.
Markos chu biak tumin ka call tlauh tlauh a, vawikhatmah a phone a pick up lo. Heti teh thuta a danglam hi mak ka ti em em bawk.
.
Tlai dar 5 a pelh hnu pawh chuan ala rawn thleng lova, ka phone duh tawh bik lo. A nupui ka ni a, buaina a nei anih chuan ka tanpui thei emaw tanpui theilo emaw, a buaina chu engpawh nise min hrilh ve ngei tur a ni tih hi ka ngaihdan a ni.
.
Mrs.Lee hnenah zanriah eia arawn haw dawn loh thu alo sawi a, engmah zawt buai lovin keimahin zanriah ka ei a. Vawiin hian mumal takin engmah ka la ei lo bawk nen, tui tihna nei miah lovin ka ei lui teuh a, ka tah a chhuak ut ut zawk.
.
Aidan leh Tamas ka muttir hnuah lehkhabu chhiarin Markos chu ka lo nghak rilru deuh a, ka thil chhiarlai chu ka chhiar liam vel mai mai a ni ber e. Dar 10 a pelh hnu pawh chuan ala rawn haw chuang lova, rilru a tawt ru tun chungin ka mu ta ringawt a. Thil tangkai lo ka ngaihtuah vak vak bawk.
.
Ka muhil chiang lo riai a ka harh chuan ka mutna bul chu ala ruak hiai tih ka hria a, ka muhil leh thei tawh lo. Markos lukham chu la delh miah loh tih hriat tak hian ala mar at a, tunang zanrei tawh..zanrei pangngai pawh a ni tawh lo, dar 1 a ri tep.. In a awm loh a hun tawh lo takzet.
.
Kan pindan atang chuan chhuakin kan fate pindan ah ka lut a, ka beisei ruk ang chiahin Markos chu sofa ah a lo muhil leh a. Zing lama a thawmhnaw hak pawh ala thlak lo. A muhil hmel chu ka en reng a, a hahdam hmel loh khawp mai. A bulah kal hnaiin ka thutchilh a, a hmel ka hmu reng chung pawh chuan ka ngai ngawih ngawih thei nia!!
.
A darah vuanin dimtein ka sawih det det a, a harh rualin a thu nghal a..
.
‘Hey…heta mut chu a hahdam lo sia, khumah va mu rawh..’ ka tidam diai a. Alakah hian thinrim tur ka ni, mahse ka thei lo..
.
Ngawi renga thoin pindan atanga a chhuak chu ka zui vat a. Khuma thu chungin a inthlak ka nghak a, a inthlak zawh chuan ngawi reng bawkin khumah a mu a, min biak tumna a nei lo hrim hrim..!
.
‘Eng thil diklo nge awm?’ khumah chuan ka thut dan ngaiin ka la thu ngar a, min ngaihthah hmiah anga a awm chu tuar har ka ti takzet..
.
‘Mutthilh ka duh a nia..’
.
‘Markos.. Hetia awm kher hi enge a tulna? Engemaw sawitur chu a awm ngei ang..’
.
Min chhang lova, a che miah lo bawk.
.
‘Markos..??.. Markos..’ ka dawhtheihna in a tlin tawh lo. A puansin chu ka pawt hlim sawk a. ‘Eng thil nge I hriat a..? Enge maw tal sawi rawh..’ ka ti vin that a.
.
Rang zet hian arawn tho a, ka ban pahnihah min vuanin khumah chuan min tlukpui a, min kuahbet hneh viau nain min kuahna chu phelh tumin ka sual let a, awmzia a awm tam lem lo khawp mai. Hlauhthawnna mak tak ka nei bawk! Markos chu ka chunglam ah awmin min bawhbet a, kan awmdan chu ka la ngaihtuah chhin ngai loh dan ang a ni. Ka inrin hmain ka mittui a tla a, ka sual letna chu ti tawpin ka hmel a hmuh theih loh nan ka thle sawn nghal a.
.
‘Min thlah rawh..’ ka insut hlawp a, ka aw a lawi vek bawk. Min thlah rualin ka thu chhuak nghal a, tap zawm lo turin ka insum nasa khawp mai.
.
‘Thil engkim hi ka kham hluah hluah a ni..’ ka bulah chuan thu ve in a tawng dan chu min bia pawh a ang lo.
‘Enge I sawi awmzia?’
.
‘Thil enkim hi ka kham hluah hluah tih ka sawi anih chu..’
.
‘Markos..?’
.
A hmel chu ka en a, hreawm ka ti ngawih ngawih. Engkim a kham hluah hluah a nih chuan ka bula awm leh kan fate bula awm pawh a ning tihna a ni ngei anga.. Chu thil chu thleng turin ka duh ngai lo. Ka ngaihtuah chhin ngai miah lo bawk.
.
Ka thut dan siam remin lukham nghengin ka thu a, Markos chechang miah lova thu chu ka en reng a. Tunah hian ka chapona zawng zawng dah bo vekin ka pasal hi ka dawr a tul niin ka hria. Ka aw ka thian kharh a.
.
 ‘Ka tanpui thei che em?’ min rawn en zawka a hawisawn lehnghal vat a. ‘Markos..lo hnai teh..’ ka nat rukna chu dah thain ka ban pahnih ka phar chhuak a, min rawn kuah turin ka duh a ni. A rilru ti hreawmtu sawichhuah mai theihloh a neih chu tlemte tala chhawk theih ka duh takzet. Mipa chak tak leh huaisen tak, engkim a duhzawng apiang tithei thin hian ka tanpuina a lo mamawh ve maithei. Mihring ve tho a ni a, chak lohna lai pawh a nei ve ngei ang chu..
.
Ka lamah rawn hnaia min kuah chuan ka lo kuahlet vat a.
.
‘Engkim a tha leh vek ang..’ tiin ka phun sep sep a. Ka thusawi chu thleng dik ngei se tih hi ka duhthusam a ni.
La inkuah reng chung chuan kan mu tha a, ka hriatloh karin ka muhil ta hlauh bawk.
.
Ka muhil ka harh chuan Markos nen kan la inkuah reng a, ani pawh a la muhil niin ka hria.
Kan fate pindan atanga thawm arawn chhuah chuan loh theih loha ka thawh angai tih ka hria a, ka chet hmain Markos chu che hrutin a tho vat a. A lo harh tawh sa reng a nih ka ring.
.
‘Keimah ka va kal ange..’ ka chhan hmain pindan a chhuahsan fel der tawh.
.
Zingah breakfast kan eilai a kan ngawi reng tih loh chu nidang nen kan hun hman dan a danglam hran lo. Markos chuan min thawhsan in inchungah a chho a, rei vaklo hnuah office kal tura inpeih thlapin arawn chhuak leh a. Nimin khan France ah a kal dawn thu kha asawi ngei a, tunah engmah a sawi leh tawh miah lo. A bulah kal hnaiin a necktie chu ka siamtha a.
.
‘Paris ah chuan I kal dawn ta lo mi?’
.
‘Umm.. Karleh ah ka kal ang..’ ka hmuiah min rawn fawp zauh a. ‘ Ka hmangaih che’ a mitah ka en a, ka pasal min hmangaih em em tu kha ala ni reng.
.
‘Keipawn ka hmangaih che.’ ka ti sep a.
.
A kal liam hnu chuan naupang ka buaipui a, vawiin chu thil engemaw Markos beisei hauh loh tur ka tih angai niin ka hria.
.
Chawhma chhung kan fate ka awmpui hnuah an mutthilh fel hnu chuan Markos hmu turin ka chhuak a. Ka tum lawk dan ang chiahin lunch ei hun velah an office ka thleng chiah bawk.
Casey’n min hmuh chuan a ri hliai a, Markos awm leh awm loh ka zawh chuan bu nghatin a awm thu leh a office ah hnathawk nen an inbiak rih thu min hrilh a.
.
‘Ka lut nghal thei em?’
.
‘Ah..aw, thei e..’ a la nui sang a, a hmel atang chuan min titi pui ala chak tih ka hria a, mahse helai ah hian Casey titipui tura kal ka ni lo hlauh mai.
.
‘Nidangah kan titi dawn nia.’
‘Oh..tehreng mai. Naupang ho pawh ka hmu chak lutuk..’
.
‘Okay.. I hmu thuai turah ngai ang. Ka kal phawt ange..’
.
‘Aw le, aw le..’ a ti zung zung a. A dawhkan a phone ri chu a chhang nghal zat a.
.
Markos office kawngkhar chu ka  kik karh karh a, min chhan mai loh vang chuan kawngkhar chu nem hawngin ka lut a.
.
‘I lunch tur ka lo keng a’ Markos leh hmeichhe pakhat inhnaih mah maha lo ding ka hmuh chuan ka tawng tawp chawt a. Rang zetin ka insiamrem lehnghal vat a.
.
‘Oh..Hi..ka tihbuai loh che u ka beisei..’ nui lui chungin ka panhnai a, ka dak vah bawk. Markos chu chiang zetin ka en a, a awmdan a danglam miah lo. A ngawi ngul thung a. A bula hmeichhia chu ahmain ka hmu tawh.
.
‘Kan inhmu tawh tiraw? Gwen ini em kha..?’
.
Gwen chu nuam tih vak loh hmel hian a nui sak a, a mitmeng chuan thu dang daih a sawi thung. Engmah sawi lova a chhipsam a tham nawk ka chak zia chu tawngkam a sawifiah theih pawh a ni lo!
.
‘Kan inhmu khat hle mai.’ ati sap a, no theihpatawp a Markos a melh zauh chuan ka insum hman lo. Ka nui hak a..
.
‘I lo awm ve dawn tih hrelawk ila eitur ka lo ken kep tur che a nia. Markos nen kan eitur chiah ka keng a..’ ka aw ki a ka tihelna chu a hai bik hauh lovang. Ka box ken chu lek kang zauhin ka dinna bula chair ah chuan ka thu nghal a. Ka khup sai dar dar chu ka haw khawp mai.
.
‘Oh.. Markos, nakin ah kan sawi zawm leh dawn nia..’
‘Sawi zawm ru, ka lo nghak thei alawm..’ ka aw a ka inrintawk zia langchhuak chu keipawhin mak ka ti. Ka rilru chhungril erawh thikna vangin ka so bulh bulh a ni ber.
.
Markos chuan ‘I chhuak thei tawh ang’ ati nghut a, a hmel atang chuan Gwen chu a lawm nge lawm lo tih ka hrethiam chiah lo thung.
.
Gwen a chhuah hnu chuan ka thutna chair ban tawn tawn a vuanin min fawp a, min fawhna chu ka chhanglet lo.. Ka thei ngang lo a ni e. Helai hmun ka luh hma khan kha Gwen phiangsen-I nen khan an infawp nge infawp lo tih pawh ka hre hleinem! Ka ngaihtuahna tenawm zet chu duh lovin ka maimitchhing ta ngawt a.
.
Markos chuan min fawhna a duhthawh zual dawn ni a ka hriat vangin ka thle sawn a, ka awmdan vang chuan a nui hak a. Chair ban la vuan reng chung chuan hnai zetah min en a, a mitmenga a ngaihtuahna hriat tumin ka enlet ve kal bawk.
.
‘I lo kal ka beisei miah lo a, ka lawm e..’ ka hmuiah min fawp leh zauh a. Ka nui lui thei hram..
.
‘I lawmthusawi chu ka pawm e!  I ei  nghal a tha ang.’
.
‘Okay..’ tiin ka bula chair ah chuan a thu a, box ka hawn chuan min rawn en leh a..
.
‘Ka lawm e..’
.
‘Lawmthu isawi reng dawn nge I ei dawn?’
.
‘I ei ve dawn lo maw?’
‘In ah ka ei tawh a.. Kha le..’ box chu alamah ka nawr hnai a.
Thil dang sawitur ka hre ta tlat lo bawk. Kan pahniha kan awm hian inpawh takin kan titi a, kan infiam a, kan fate chanchin kan sawi reng thin. Mahse tunah hian sawifiah theih chiah si lohin inlak hranna chin kan nei ve ve niin ka hria.
.
Ka thutna atang chuan thoin ka kalsawn a, couch lian zet inhung ah chuan thuin Magazine lo awm chu ka keu thuak thuak a, Markos paw’n ngawirengin a eitur ka kensak chu a ei mial mial a.
.
Ka magazine keu chu ka en meuh lo. Ka pasal hmel pa leh tak ran te, ngawireng a a thil ei hmel ringawt pawh ka tan chuan thil hmuhnawm tak a ni. Duat taka min kuah thinna a ban thahrui ngah tak te.. A landan ringawt pawh hian phat rual lohin hmeichhe tamtak a hip tih ka hria a, hmeichhe pawisak nei lo leh nupui neilai ani tih hrereng chunga lo buaipui duh an awm reng tih pawh ka mit ngei hian vawi tamtak ka lo hmu tawh thin. Mahse Markos hian hmeichhe dang a hnaih ngai lo tih ka rin tlat vang khan thikna ka nei ngai lo. Tunah chuan ka danglam.. Ka dik loh nge Markos dik loh tih ka hre lo!
.
Tuna kan awmdan hi tha ka ti lova, ka duh loh tak chu eng thil chiah nge tih tawngkam a sawi fak theih a ni bawk si lo hi ka rilru tibuai zualtu a ni. Muangchang a kan inhlat tial tial ni a ka hriatna hian ka chhungril ah manganna min neihtir a, siamthat dan tur erawh ka hre silo..
 .
Thil dang daih ka lo ngaihtuah vang chuan enge a sawi hre lovin a hmel chu ka en a.
.
‘Eng maw I sawi?’ ka ti ha a..
‘A pawi lo e.’ ati ringawt a.
.
‘Brooklyn-ah ka pa va hmuh lawk ka tum a, I eizawh chuan ka kal nghal mai ang.’
.
‘Aw le. A tha lawm. Pawn lamah dinner ka ei ka ring a, min lo nghak lo la.’
‘Okay..’
.
Box chu lain bag ah ka khunga, zanah kan inhmu dawn nia tiin kawngkhar ka pan nghal a.
.
‘Lilian’
.
Ka hawilet rualin min rawn kuah a, ka kuahlet vat a.
.
‘Ka rawn haw har lovang..’ ka chhipah a khabe nghatin min kuah nghet zual sauh a.
.
‘Okay.. Ka lo nghak ang che..’ ka ti sep a. Tlang takin thu awmze nei sawi se ka duh a, rilru hahdam tak leh inpawh taka kan awm thin ang khan awm leh ka chak em em bawk. Eng thil nge dik lo zo ta ber hi le…!?
.
Office ka chhuahsan hnu chuan Brooklyn panin motor ka khalh a, in ka thlen hnu chuan kawngkhar hawn hun nghakin kawngka bulah ka ding vang vang a.
.
‘Oh..Hi.. Lilian..’
‘Hi..’ min hmuh rualin Hanna chuan min rawn kuah chawt a. Mak ti deuh tak chungin ka lo kuah let ve mai a, a inlakhran ruala a mittui hru zauh ka hmuh chuan ka ngaih a tha ta lo..
.
‘Enge thil awmzia..? Ka pa a tha em?’ inchhung ah kan inzui lut a, ka pa pindan ka pan nghal ruak ruak a.
.
‘Hrilh lo tur chein min intiamtir a, ni hnih chhung chu a thokang tawh miah lo.. Thawm dim rawh aw. A muhil deuh chiah a..’
.
Thawmdim takin ka pa pindan ah chuan ka lut a, khuma a muhil hmel chu ka thlir ta reng a. Na a nei emaw harsatna a neih reng reng hian a sawi mai ngai lova, chu chu thil thalo tak a ni.
.
Ka pa pindan atanga ka chhuah leh hnu chuan Hanna nen kan titi a, ka pa dinhmun chu engkim chiang taka hriat ka duh a ni. Ni thum liamta khan a kawng nat thu a sawi a, reilote chawlh tuma mu kha a tho leh tawh rih lo tih Hanna chuan min hrilh a. A na neih vanga a mu anih chuan ni reitak sawi miah lovin a lo tuar fe tawh ngei ang.
.
Minute 30 vel zet hnuah a muhil arawn harh chuan a pindan ah ka lut leh vat a..
.
‘Daddy..’
A kutah vuanin a kut chu ka fawp a.
‘Aidan leh Tamas te I rawn hruai em?’
‘Hruai lo. I dam tha lo  tih min rawn hrilh miah lova, ka lungawi lo khawp mai..’
.
‘Lilian, ka hmangaih che tih I hria tiraw?’
Bu nghatin ka chhang thuai a, a thusawi duh dan chu ka duhzawng a ni lo. A huntawp hmang mek ang maiin a awm niin ka hria..
.
‘Pa, ka hmangaih che tih I hria alawm.. Tunah hian hospital ah kal nghal ila a thain ka hria. I duh loh chuan hetah lo kal turin doctor ka ko mai ang..’
.
‘Ni lo..’
.
‘Pa..khawngaihin min hnial suh..’
.
‘No. Lilian.. Ka natna aia min tina tu chu ka laka zep I neih hi a ni’ a hmel ka en chuan rilruna hmel ka hmu a, a thusawi awmzia chu ka hrelo. Ka pa lakah hian eng thuruk nge ka neih..
.
‘Pa, enge I sawi awmzia?’
.
‘Markos nen bul intan dan hi ka hre tawh a ni.’
Ka thungil zawt a, ka pa thusawi chuan min thawng lutuk takzet. Phat kual ngai lovin ka pa hian engkim a hre vek tih ka rechiang. He thil kher hi chu ka damchhungin ka pa bulah ka sawi lovang ka tih thin kha a ni.
.
‘Keimah vanga I thiltih hi ka hre lo turah ngai suh. I titam tawh lutuk, a tawk tawh e. Ka fanu nun tichhe tu ka ni hi ka zak ngawih ngawih..’
.
‘Ni lo.. Pa, chutiang a ni lo..’ dan rual lohin ka mittui a tla a, ka pa rilruna hmel chu hmuh ka duh lo.. ‘Pa..’
.
‘Min chhuahsan phawt rawh.’ Thildang engmah a sawi tawh lovang tih ka hrechiang. Ka pa hi kei tluka hrechiang an awm kher lovang..
.
Ka pa pindan atanga ka chhuah rualin Hannah chuan min lo kuah vat a. Ka rilru mangang lutuk chu ka tap thei tawh lo.
.
‘Engtin nge a hriat.. Lalpa.. Ka thil hlauh ber a nia sin..’
.
‘Shh..engkim a tha leh vek ang..’
‘He thil a hriat vang hi a ni em engmah min rawn hrilh duh loh..’
.
‘Ka hre lo. Hmanni khan Markos a ko a, engmah a hrilh lo che anih ka ring..’ a ti sap a.
.
Kan bultan dan kha ka pa’n a hria tih Markos hian a hria maw..?? Engmah min hrilh lo..
.
Hannah ka kuahna chu thlahin thawk ka la halh a..
.
‘Ka haw phawt ange. Chanchin min lo hrilh thuai dawn nia. Dr. Doughlas heta lo kal turin ka lo hrilh ang..’
.
‘Lilian.. Dik tak chuan I pa hian doctor a mamawh lo. A natna hi damdawi hmanga enkawl chi pawh a niin ka hre lo..’
.
Ka rilru tihnat hlau taka sawi ni mahse ka thinlung nat zia chu ka sawithiam lo zawk.
.
In lam pan ka tum zet nain Leventis Corporation building ka pan leh ta zawk a. Markos hian ka laka ka pa chungchang a zep chhan hi ka hriat ngei angai a ni.
.
Casey’n min hmuh chuan ka hmel a dik tawk lo tih hrethiamin Markos office-a a awm tawh loh thu leh meeting tura a chhuah thu min lo hrilh zung zung a. Hawihhawm chhuaha nui lui chungin office chu ka chhuahsan leh nghal a.
.
Ka tawt up up a, motor pawh ka khalh chak khawp mai. Kan in ka thlen chuan ka thawmhnaw thlak sawk sawkin Tamas leh Aidan te pindan ah ka kal lehnghal a, ka rilru lapeng turin thil engemaw ka tih phawt angai a ni. Ka fate  bula ka awm chuan rilru haha inngaihtuah vang vang na tur hun a awm thei lova, awlsam takin ka nui thei thin bawk.
.
Mrs.Lee te nupa nen zanriah kan kil a, an nupa chuan an titi bawrh bawrh a. Ka awt ru khawp mai.
.
Zanriah kan eifel a, an nupa a min chhuahsan hnu chuan Aidan leh Tamas ka muttir a, vanneihthlak takin an muhil awlsam khawp mai. Chhunah an mut tlem thu Mrs.Lee khan asawi a, an taksa a chau ve te pawh a nih ka ring.
.
 Markos lo haw hun nghakin ka vei sek a, choka ah lutin tihtur ka dap ruai bawk a.
.
‘I lo mut tawh ka ring a..’
Ka hnunga Markos a rawn din chuan ka thiltih lai daha kalsawn in dining chair ah ka thu ngil at a..
.
‘Thil dik lo a awm em?’
.
‘Engtin nge ka pa hian kan bultan dan a hriat?’ ka ti chang rat a. Ka thu sawi a hriat chuan min rawn panhnaiin ka ep chiah chair ah chuan dawhkan kilin arawn thu ve nghal a..
.
‘Lilian..kha thil kha..’ a hmelah chuan ka la hmuh ngai loh tim deuhna ka hmuh rualin engkim a hre vek tawh tih ka rilruin ka nemnghet chiah bawk.
.
‘Engtin nge ka lakah I zep theih? ’
.
A thusawi zawh hun ka nghak thei hlawl lo..
.
‘Markos, engtin nge ka pa chuan a hriat? Ka pa hriat ngai loh tur thil a ni tih kan hre ve ve. Ka laka inthiam lo chunga a huntawp hmang turin ka duh lo…’
.
‘Engtin nge a hriat ka hre bik hleinem..’
.
‘Dawt sawi suh..’ tiin ka vin a, ka inveng hman lo, ka bul glass no a tui awm chuan ka theh thawt a. ‘Ka lakah hian engzat chiaha tam nge thu zepruk I neih tawh..? Min chhang buai lo mai rawh.. Ka ngai pawimawh lo..’ ka thutna chair titlu nawkin ka tho a, Markos hmel chu en duh tawh lovin choka atang chuan vung zetin ka chhuak a.
.
Ka awmdan chu a dik lo tih ka hria. Mahse ahma a ka rilru luahtu thinrimna inkhawlkhawm tawh zawng zawng nen ka puak keh a ni ber e.
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 7
.
Kan pindan a ka awm vang vang hnu pawh chuan Markos chu ala rawn chho lo fo. Kan boruak vang chuan mut pawh ka tum buai peih lo. Hanna phone in ka bia a, ka pa chanchin ka zawh chuan a awmdan a ngai renga la awm thu min hrilh a.
.
Thil engkim abul te atangin ka ngaihtuah chhuak leh vek ni maiin ka inhria. A tangkai lo tih hrereng chungin ka inthunun thei thlawt lo. A hunlaia ka tawrhna  zawng zawng te kha ka pa chuan a ngaihtuah let ngei ang. Chu chu ka thil hlauh ber a ni si a ni. Markos nen kan inneih khan kan inhmangaih vanga innei niin min ngai a. Markos hian min hmangaih thu min hrilh hma kha chuan keipawh hreawm ti takin ka awm thin anih kha. Kan inhmangaih tih kan inhriat hnu khan ka hreawm tawrh zawng zawng te kha ka hriat loh karin ka theihnghilh a, Markos rinchhan takmeuhin ka nun ka hmang ta a nih hi. Eng tiang pawhin a lakah thinrim mah ila, ka rilru chhungril a ka hriat, danglam ngai lo tur chu Markos ka hmangaihna hi a ni. Ka thin a tirim fo a, inhnial chang pawh kan nei fo. Tun hnaia thilthleng erawh hi chu a hma a mite nen khaikhin  chi pawh a ni lo. Markos hian ka lakah zepruk emaw ka hriat awm tak min hrilh loh emaw anei ngai lo. Ka hua anih pawhin ka hmangaih tho.. Ka ngaihtuahna tehnuai chu keipawh hian ka hrethiam bik lo.
.
Kan pindan atang chuan chhuakin inhnuai ah ka chhuk a, Markos chu ka hmu mai lo. Ka chet dan vang khan nuam ka ti bik lova mah se a laka ka inthiam loh thu sawi kher ka tum lo bur thung. Pawnah ka chhuak a, ka zawng ru a ni deuh ber e. Ka zawng tih a hriat erawh ka hlau ru viau lawi si. In hnunglam ah chhuakin ka enkual dek dek a, a hmel hmuh tur a awm chuang lo.
.
Kan fate pindan ah ka let chho leh a, Tamas leh Aidan muhil chu enin an pindan ah chuan ka awm ta reng a. Zankhua in kan pindan ah ka let tawh lo. Kan boruak tehhrep hian min tichau nghulh bawk.
.
Zingkar atangin kan fate ka buaipui a, dar 8 velah Markos chu rawn haw in kan pindan ah a lut tlang nghal a, min biak tum hmel a put loh vangin keipawhin biak ka tum bik lo.
Rei vak lo hnuah a thawmhnaw thlak vek tawhin arawn chhuak a, engmah sawi lo bawkin in a chhuahsan leh hmiah a
 Kan nupa inkar a thilthleng mek hian ka ngaihtuahna a tibuai a, siam tha turin enge tih hmasak tur ka hre chuang si lo hian ka ngaihtuahna a tibuai zual a ni.
.
Kar tluanin kan inbe tam  lo khawp mai. Naupang bula kan awm pawhin kan inbe tam chuang lova, kan boruak a tha lem lo tih erawh naupang bulah kan thup hram hram. Thil awmzia tak tak hrethiam rual la ni lo mah se an bula inhnial kan  duh lo ve ve niin ka hria.
.
Aidan leh Tamas an muthilh hnu chuan an pindan chhuah sanin kan room ah ka lut a. Markos pawh a mu tawh. Mu turin ka insiam a, bathroom atanga ka chhuah chuan phone a lo hmang mek a, tunge a biak ang tihah ngaihdan ka nei lo. Khumah chuan ngawi rengin ka lawn a, ka mu rem nghal a. Phone a hman zawh chuan lo kal hnaiin ka mutna bulah arawn ding a.
.
‘Naktuk hian France ah ka kal dawn a, ka cham chin tur ka la hre lo’
.
‘A tha alawm.’ a hmel en lovin ka chhang liam puat a, ka bulah chuan mu leh mai lovin arawn thu a, sawi tur ngaihtuah chawp a ang khawp mai.
.
‘Lilian, ka laka I awm dan hi a danglam tih I inhria em?’ a tawng ring lo nain a awm a nuam bik lo a ni ngei ang. A aw ah chuan ka hriatthiam chiah loh enge maw ri a tel tlat bawk.
‘Keimah maw?’ ka ti ha a. Ka chhan dan chu a dik chiah lo. Kan pahnih chauhin kan awm a, ka hmingin min ko bawk a..
.
‘I rilru ah thil vei I nei anih chuan min hrilh thei a’
.
‘Engmah thil vei ka nei lo’ ka rilru a thu awm ang ang hi sawichhuak vek ila chu ka thawl huai anga, mahse kan inhau nasa viau thung ang.
.
‘I pa chungchang ka hrilh loh che vang khan min dem tih ka hria a, I rilru hah ka duh loh vanga ilaka zep ka nia..’ a ti leh nghut a. A tawng dan atang chuan sawizui vak a duh chuang lo tih a lang reng.
.
‘Tunah ka hre tawh a sawizui tur a awm lo.’ Kan ngawi dun vang vang a. A chet sawn mai loh vang chuan thu chhuakin a hmel ka en a. Ani pawh chuan min en reng tho. Engmah sawi lovin a tho vuta pindan atanga a chhuak chu ka enzui reng a, ka mittui arawn tla ringawt bawk.
.
Muhil thei lovin ka let kual sek a, Markos chu a lo let leh mai ringin ka lo nghak ru deuh bawk.
Alarm ri vanga ka harh chuan ka tho vat a, darkar hnih vel chu ka muhil hman. Ka mutna bul ruak hiai chu enin muangchang hian ka tho a, Aidan leh Tamas ka buaipui angai tih hriain ka intifai zung zung a.
.
Ka fate pawmin inhnuai ah ka chhuk a, Mrs.Lee’n min hmuh rualin Markos a chhuah tawh thu min lo hrilh var a. Kan pindan ah kan inthlah fel vek tawh a ring tih a awm dan atang chuan ka hrethiam mai. Midang hmuh laiin kan inkar tha lo hi kan thup tang tang a, engtik ah emaw chuan a la lang chhuak tho mai thei le.
.
In a ka awm reng chuan ka rilru a buai telh telh dawn tih ka inhriat vangin ka fate nen Joanna leh Mervin te tlawh turin kan chhuak a, thil tam takah ka chet a awlsam lo khawp mai.
.
‘Ooo..lo kal rawh le.. Kan inhmuh loh chhungin an lo changkang leh hman tawh hle mai..’ Joanna chu Aidan pawmin a ri hluai a, Mervin pawh a dang chuang lo.
Inchhung ah lutin kan titi a, Mervin chuan Joanna nen inbiak kan duh tih hrethiamin Aidan leh Tamas chu a hruai hrangin pindan dangah a awmpui a.
.
‘Hey.. I lan dan a tha lo..’ Joanna chuan ka kut vuanin min en vang vang a, min ngaihtuah takzet tih a mitmeng tang chuan ka hrethiam.
.
‘Ka hre lo. Enge ka tihtur ber hi ka hre tawh lo a ni.’
.
‘Engkim nangmah chauha paltlang I tum vek thin hi I bansan a hun tawh..’ A lu a thing nar nar a.
.
Ka rilru hahna thenkhat chu Joanna bulah ka sawi a, khawiah mah a chhuak tawh dawn lo tih ka hriat vangin ka thawl huai bawk. Ka pa chungchang ah chuan ka pa a lo hmuh tur thu a sawi a, ka lo hnial thung. Ka pa hi ka hrechiang a keimah ngeiin ka hmuh leh a thil zawmzia dik tak ka sawi a tul zawk thu ka sawi chuan min pawmpuiin a bu nghat nghat a.
.
 Ni hnih ral leh chhungin Markos nen kan inbe tam lo khawp mai.
Ka pa hmu turin ka chhuak a, rilru nuam taka a awm theih nan engkim chipchiar taka hrilh ka tum bawk.
.
Kan in (ka pa chenna) ka thlen chuan thil dang inpawh khawtlai tir lovin ka pa pindan ah ka lut a, ka kal dawn tih ka hrilhlawk lem lo bawk a, min hmuh chuan min beisei lo hulhual tih ka hre thei.
.
‘Pa..’
.
‘Ka ti dik lo tih ka inhria. Hun kal tawh vanga hreawm taka siam che hi ka duh hauh lo a nia. In bultan dan chu engpawh nise tunah chuan engkim a tha a, Markos hian a hmangaih takzet che tih ka hria a ni..’
.
‘Engtin nge..? Hmanni khan engmah sawi I duh lova..’
.
‘I kal hnu khan ka rilru a nuam lova.. Ka fanu, a hunlai ka ngaihtuah let khan I tuar zawng zawng kha a nasa em a, ka inthiam thei lova.. Tunah chuan I thiltih kha duh lo pawh ni ila ka pawm angai a ni. Markos nen kan inbia a, nimin khan arawn kal a..’
.
‘Enge arawn tih?’
.
‘A laka I thinrim thu a sawi miah lo nain in inkar a tha tawk lo tih ka hria a ni. Thil thlen dan ka hriat chungchang ah hian Markos thiam loh a awm hauh lo a nia. Nang leh in fate tan pa tha ber nih tumin a theihtawp a chhuah tih ka hria a, thil thleng zawng zawng kha Pathian ruat dan a lo ni zawk a ni ngei ang.’ a ti nghet charh a.
.
Ka beisei dan ang lo taka ka pa awm dan vang chuan ka hamhaih zawk hial mai. Rilru nuam deuh zawkin ka pa ka hawsan a, ka rilru hahna thenkhat chu a kiang hawk bawk.
Zanah Markos nen kan inbiak chuan naktuk ah arawn haw tur thu asawi a, a lo thlen hunah alaka ka chet dan vang khan thupha chawi ila a that ka ring tiin ka inngaihtuah nghal pang bawk.
.
Tha taka ka biak chuan kan inkar boruak mak tak pawh hi a danglam maiin ka ring.
.
Ka mut hmain Joanna’n min rawn phone hlawl bawk. Joanna nen hian kan inngai viau nain thil pawimawh tak a awm anih loh chuan kan inbe khat angreng khawp mai. Kan thian kawmngaih takte pawh kan thiltih a inang anih loh chuan engtiklai pawha inbiak hi a lo harsa a nih dawn hi kan ti fo thin reng a ni.
.
‘Naupang te an tha em?’ sawi tur anei tih ka hria. Hetianga pehhel kual hi chu a tih ziah dan a ni hrim hrim..
.
‘An tha e. An muhil tawh a. I sawi tur chu han sawi teh le.’ Ka tih chuan a nui hak hak a.
.
‘Sawi tur vak ka nei lo. Tun tum chu thil pawimawh sawi tur ka neih vanga rawn bia che ka ni lo hlauh mai..’
.
‘Oh..thil tha tak anih chu. Inhmuh leh vat kan tum dawn nia..’
.
‘Tehreng mai. Karleh hi Mervin nen kan inneih champha ani tawh tih I theihnghilh em lovang chu maw..’
Ka lo hre miah lo.. Ka hre lo tih sawi chhuah erawh ka tum lo.
.
‘Ka hria alawm.. Lo kal ngei kan tum ang.’
.
‘Okay. Vawiin khan Markos pawh ka hmu a, ka biak hmain a kal sawn leh hman hlauh a..’ Joanna thusawi chu ka hrechiang lo a nih ka ring.
‘I hai anih dawn chu, Markos chu naktuk ah Paris atangin arawn let leh chauh ang.’ Ka ti tha ve mai a..
.
‘Engtin nge ka thiantha ber pasal te ka hai theih ang. Ka hmu ngei alawm.’
.
‘Joanna, I ti tak tak em?’
.
‘Aw, sumdawnna lam thil anih ka lo ring ve ngawt bawk a. Hmeichhe 1 leh mipa 2 nen dawhkan an kil ho alawm. Ka va pawh hmain an lo chhuak hman a.’ chhan maid an tur hre lovin ka ngawi a, thil awmzia enge ni ang tih ka ngaihtuah kual nghal ruai a
.
‘Lilian, I la awm em? Ka thu sawiin a thawng deuh che anih chuan ka tih palh..’
.
‘Ni lo..ni lo.. Min hrilh a ka lawm zawk. Kan inbe tha leh dawn nia.’ Tiin kan inbiakna chu kan titawp a.
.
Tunah Paris ah a awm lo anih chuan ka lakah dawt a sawi tihna a ni. Engtin nge a tih theih zawk le..??
.
Markos chu biak tumin ka call leh a, vawi thum a ring quit thak thak hnu chuan thinrim zetin ka vei sek a. A awm dan mak tak tak vang hian ka mut that theih loh phah nasa ta viau mai..
.
Ka fate pindan ah kalin sofa ah ka mu a, ka beisei loh takin reiloteah ka muhil ta hlauh bawk.
.
Ka phone ri ka hriat chuan harh chiang mang lovin ka pick up a.
.
‘Lilian, Medical Care Centre ah lo kal rawh. I pa a tha lo khawp mai..’ Hanna chu tahchhuak insum chungin a tawng tih ka hria. Ka tho nghal vat a, Aidan leh Tamas pawh pindanah an awm tawh lo.
  .
Zing dar 9 a ri tawh tih ka hmuh rualin pindan atang chuan ka chhuak a, pindan ka chhuahsan rualin inhnuai lama Aidan leh Tamas thawm ka hria a, Mrs.Lee chu a buai phah viau ngei ang le.
.
Inhnuai ah chhukin Mrs. Lee hnenah ka pa dinhmun that vak loh thu leh damdawiin a ka kal nghal atul thu ka sawi zung zung a.
.
‘Thil tha lo a thleng em lovang. Naupangte chu ngaihtuah an ngai lo. Ka awm alawm..’
.
Hmanhmawh zetin kan pindan ah ka lut a, ka inphih fai thuak thuak hnuah ka thawmhnaw hak thlak zung zungin in atang chuan ka tlanchhuak dawr dawr a. Ka pa chungah thil tha lo a thlen loh nan ka tawngtai mawlh mawlh bawk.
.
Hospital ka thlena Hanna ka hmuh chuan chanchin tha lam ka hre dawn lo tih ka hrethiam nghal vek.
.
‘Lilian.. Chanchin a tha lo khawp mai..’ a ti nghal tawng a.
‘Tunah enge a an? Ka hmu thei angem?’
.
‘No.. Test an nei tawh a.. Dik tak chuan a hma khan test ti turin ka nawrlui tawh bawk a. Dr. Doughlas I rawn tirh khan engmah a sawi duh lo a nih ka ring..’
.
‘Doughlas chuan engmah min hrilh lo.. Ka pa’n engmah sawi lo tura a ngen anih chuan engmah a sawi lo ngei ang.’ Doughlas hi ka hrechiang ve thawkhat tawh a, eng thil pawh thleng se a damlo enkawl laiin thu zep pui tura angen anih chuan a zep pui ngei ang. Ka dem hran lo.
.
‘Chuan..’
‘Lilian, Doctor chuan Leukaemia (thisen mur var tam lutukna natna / Thisen cancer) a nih thu min hrilh tawh a. Hun a nei tam tawh lo..’
.
Hanna thusawi ka hriat rual chuan ka mit sulh in ka hria. Min rawn vuan vatin min kuah a, ngaihtuah ber tur ka hre lo. Engvangin nge thil tha lo hi a ruala arawn thlen sup sup mai le..
.
Ka pa awmna cabin-a kan luh theih hnu chuan Mrs. Lee ka biain tlai lamah ka haw tur thu ka hrilh a.
.
‘Markos pawh a lo thleng chiah a. Chanchin ka’n hrilh ve nghal ange.’
.
‘A chau ang. Heta alo kal kher angai lo tih ilo hrilh dawn nia. Tamas leh Aidan chu an tlei maw?’
‘Naupang fel tak an nia lawm. An tlei lutuk..’
.
‘Okay.. Anih phawt’
.
Phone ka dah hnu chuan ka pa mutna bulah thuin a kut ka vuan a, kan pafa chauha kan hun neih tlem tawh zia ngaihtuahin ka mittui a tla lo thei lo. Pasal nei tawh chuan ka dinhmun hi in hrethiamin ka ring. Kan nu leh pa te min hmangaihna hi fa kan neih hian kan hrethiam ve tan dawn chauh a, tunhma a ka lo hriatthiam ngai loh ka pa min hmangaihna nasat zia hi keipawhin ka la hrethiam dawn tan chauh a ni. Ka duh anga ka hmangaih let hmain min liamsan mai dawn chu a ni a. Ka ngaihtuah zawng ringawt pawh hian ka thinlung a na vawng vawng lo thei lo.
Thil tamtak ka ngaihtuah kir a, kan pahnih chauha kan hun hman thin leh ka nu awm loh hnua nu lah pa nih kawp chunga min enkawl dan te.. A natna enkawl thei tura ka tih ve te ka ngaihtuah hian ka pa inpekna nen khaikhin in ka tih ve hi chu engmah tham a ni lo.. Ka lakah inthiam lohna a nei tih ka ngaihtuah chhuah phei chuan ka thinlung a tawt hluah hluah.. Engkim hrethiam leh inthiamlohna nei miah lo anga alang pawh kha ka rilru nawm theih nan leh hun angah tawh lo tiha inhriat vang chauh a nih ka ring..
.
‘Pa, tang fan fan rawh aw.. He natna hi I hnehlet ngei ang. Thilmak a thleng dawn a nia..’ tiin ka phun sep sep a. Ka thusawi chu keimah ngei pawh hian ka awih lo.
.
Kawngkhar inhawng thawm ka hriat chuan ka hawi chhuak vat a, Markos lo lut ka hmuh rualin ka rilru a hah zual sauh bawk. Ani nen kan inkar buaina hi chu tunah ka ngaihtuah thei rih lo.
Ka thutna bulah rawn kal hnaiin min rawn kuah a. Ka rilru thenkhat in haw mah ila a ban tha chak takin min kuah chuan ka thla amuang huai  tho mai.
.
‘Doctor ka rawn hmu tawh a.. Hetiang thil thleng hi a pawi ka ti khawp mai. Chak takin awm ang che..’
Ka tawng thei lo. Tap ri si lovin ka mittui a luang zawih zawih a..
.
‘Lilian…’ sawi mai tur hre lovin min kuah nghet sauh a. Kan duh vanga engkim tha leh thei a ni lo tih a hrechiang ve tho a, engkim a tha leh vek ang tih sawi vang ringawtin ka pa hi a dam dawn lo tih pawh kan hria..
.
‘I bulah ka awm reng ang.. I intih chak angai tih I hria tiraw?’ a ti dam thlup a, chu chuan ka tah a tichhuak zual bawk.
.
Chawhnu lamah kan pahnihin kan haw a, kan tawng tam lo khawp mai. Joanna thu min hrilh kha ka ngaihtuah reuh reuh a, tuna ka sawi chhuah chuan keimah bawk hian ka tuar zo dawn lo. Thu dik sawiin hmeichhe dang a kawp tih thu emaw min hrilh anih chuan ka tuar zo hauh lovang. Ka pa dinhmun hi han chiang lehzual deuh se la, tun atanga reiloteah engkim anih tur ang ang a nih theih ka beisei.
.
Thil tha lam anih beiseina erawh ka nei hauh lo mai. Ka thutna seat chu nghengin ka maimitchhing vang vang a…
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 8
.
Kar hnih chhung chu thil dang buaipui lovin ka pa ka buaipui chawt a, nitin a hniam lam a pan zel a ni ber e. Thlah turin ka rilru ka inbuatsaih a, min kalsan tak tak ta se ka inbuatsaihna hi engmah a ni lovang tih erawh ka hrechiang. Thihna hi chu a tawp chiang em mai a, rilru inbuatsaih lawk tihin awmzia a neih theih chuan ka ring lo.
.
Tlai lam dar 5 velah damdawiin atangin ka haw a, ka beisei lawk loh mikhual kan nei tih ka hriat rualin ka thin a ur ru nghal deuh tun bawk.
.
Markos chuan min hmuh veleh min rawn pan vat a. A awmdan chu hai der luiin inchungah ka chho a, min rawn zui ve mai bawk.
.
‘I pa chu enge a an?’
.
‘A ngai. A hniam zel..’
‘Honey..’ min koh dan vang chuan ka en zawk a. Tuna min koh ang hian vawikhatmah min la ko duat ngai lo. Ka rilru a thil tha lo zet rawn lut chu ka duh lo khawp mai bawk…
.
‘Engtin maw?’ ka tilui nghat a..
.
‘Come on, Lilian. Enge maw lai atang khan engkim hi a dik lo zo tawh niin ka hria..’ zawhna mitmeng a ka en chuan a sam tuai puatin min rawn hnaih a.. ‘Gata`ki, khawngaihin thil dik lo a awm anih chuan min hrilh rawh. Ka hnaih theih loh tura I awm tlat chhan hi eng thil nge ka hre duh..’
.
‘Keimah maw..? Engtin nge ka awm? I lakah hian engmah zep ka nei hleinem..’ a dam thei ang berin tawng ka tuma, ka thei meuh lo a ni.
.
Min en dan atang chuan ka thusawi chu a awih miah lo tih ka hria a, mahse ka pawisa lo.
‘I mikhualte khuan rei an ti lutuk ang che, zu kal rawh..’
Min en ngur a, ka thusawi chu hre awmang pawhin a awm lo.
.
‘Vawiin hian branch thar hawn tura kan building sak thar peih fel a ni chiah a, chumi lawm nan chuan kan in a zanriah kilho an rawt a. Mi 10 an lo kal ang. Chuan..’ min rawn hnaih lehzualin min kuah a, ka lo hnial bik lo.. ‘Khawngaihin ka laka thinrimna I neih chuan khawlkhawm lovin min hrilh ang che..’ ka chalah min fawp zauhin min kuahna chu a thlah a.
.
‘Ka inpeih hunah ka lo chhuk ang’ ka ti sin rat a. Bu nghut nghut in a inher a, keipawh inthlak tumin thawmhnaw dahna ka pan ve nghal mai bawk. Thil diklo engmah awm lo ang maia a awm leh thin si hian ka ngaihtuahna chu a tibuai deuh. Kei hian ka duh duh hmehbelin ka inngaihtuah hah mai mai a niang tiin ka ngaihtuah leh rih a.. Mahse chu ringawt chu a ni thei lo..
.
Paris-a la awm anga a insawi lai khan hetah Joanna’n a hmuh thu min hrilh a, chu chauh lo pawh ahma khan a office-a Gwen nen inhnaih taka an awm lai pawh ka hmuh tawh kha.. Phone call chhan duh loh leh engmah sawi lova in atanga a chhuak leh ringawt zelte pawh hi.. Engpawh nise, tunah chuan thil tha lo ngaihtuahna hun a ni rih lo’ ti a ngaihtuah luiin ka inthlak zung zung a.
.
Inhnuai ka thlen thlak rualin ka mit tikham thil ka hmu nghal pang! Gwen chu Markos bulah thuin intur a dawm a, nui pahin a a bawpah a va vuan deuh kher bawk a. Midang ho pawh chu an titi liai liai a, Gwen chezia chu hmu ve awm pawhin an awm lo. Pangngai thei ang bera langin an awmna lam chu ka pan a. Min hmuh rualin Ciara chuan min rawn pan vat a..
.
‘Hi.. Lilian, I pa chu enge a an tawh? A damlo tih Markos hnen atang hian ka lo hria a.’
.
‘Hma a sawn rih lo khawp mai.’ Ciara chu ka chhang thuai a
‘Oh..avan pawi tak em! Keini lah hian hetah zanriah ei kan lo rawt ngawt bawk sia..’
‘A pawi lo.. Tikhan lo inkawm ru, kitchen lamah ka kal ange..’
.
‘Mi tuemaw dam loh vanga kan lawm loh chhan tur a awm chuang hleinem.. A ni lawm ni..?’ ka ding chawt a, Gwen ka va en chuan a lo nui sawng lehnghal. An zavai chuan a tawngkam chu awm ang lo tiin kan lo en hau hlawm a.. ‘Ohh..sorry..’ nui zui har har in Markos chu ala vuan reng a, ka ngei tawk a tling em em a ni tawp mai.
.
Engmah sawi lo chuan kitchen ka pan a..
‘Gwen, I tawngkam fimkhur thin teh’ Ciara hi chu nungchang mawi tak nei a hrim hrim a, Gwen a lo khap vat pawh chu thilmak a ni hran lo. An tawng chu hre lo angin ka awmzui ta mai. Markos engmah sawi lova a ngawi tlat pawh chu ka ngei hluah hluah bawk.
.
Zanriah kan ei fel hnu rei vak loah an haw ta dial a, keipawh Aidan leh Tamas muttir turin an pindan ah ka chho a, minute 20 vel hnu ah an muhil ta hram.
Chau zetin kan pindan ah ka lut a, Markos a la rawn chho lo tih ka hmuh chuan inhnuai ah ala awm a nih ka ring mai bawk. Muangchangin ka inthlak a, ka inthlak zawh hnu pawh chuan ala rawn chho lo fo.
.
Enge maw in tur ka mamawh in ka hria.
.
Inhnuai panin ka kal a, Library room atanga eng lo chhuak ka hmuh chuan kitchen-a tlang lovin library chu ka pan leh rih a. Kawngkhar chu a inhawn sa tho vangin ka kik buai duh lem lo..
.
‘Vawiin khan…’ Gwen leh Markos lo ding dun ka hmuh chuan ka tawng tawp chawt a. Min rawn en rual thawt bawk..
.
‘Oh.. Hi, Gwen. I haw tawh emaw ka tia.’ Enge an lo sawi laklawh ngaihtuah duh lovin ka panhnai a. Gwen hmel landan chu a lai ve hial.. A nungchang pangngai ngaihtuah chuan dak sang vah tur a nih laiin a meng dul raih a.  
.
‘Ah, thil sawi fel tur kan nei a.’ a tibah nak a.
‘Ka lo va chhuak dawn em niang?’ Markos chu ka melh zeuh a, a awmdan danglam miah lo chuan ka thin a tirim zaul sauh zawkin ka hria.
.
‘Ni lo, ka chhuak ang e. Naktuk ah kan sawi leh mai dawn nia.. Mangtha phawt’ Gwen chuan dawhkan a a bag dah chu lain Markos biangah a fawp zauh a. Ka kut hum ruhin ka lo maimitchhing ngawt bawk.
.
Ka thinrim lutuk chu ka khur dawt dawt thei. Gwen chhuah hnu pawh chuan Markos chu a la ngawi reng a, keipawh ka tawng mai thei lo. Ka dinna ngaiah ka la ding reng a.
.
‘Kha kha enge a awmzia?’ ka tichang fak a, ka tawng zawi khawp mai. Ka tawngkam vang chuan mak tih hmel a la pu zawk mah! Tunah tak hian ka huat zia hi tawngkam a sawifiah theih pawh a ni lo.
.
‘Eng maw?’ a ti sup a, chum dawt dawt lo turin ka insum tang tang. A thusawi chu ka awih lo lutuk tih tilangin ka nui hawk a..
.
‘Engmah hi a dik lo.. Gwen kha I duh anih chuan pan rawh. Ka dal lovang che. Tenawm lutuk mai..’ ka tawng sehchilh nawk nawkin ka inher a, ka tah a chhuak ut ut a Makos hmuhlai a tah erawh ka tum lo bur..
.
Room atanga ka chhuah hmain min rawn pawtlet nawk a, ka te thawt bawk. Min kuah beta ka sual let bawrh bawrh a.
.
‘Min khawih suh..’
‘Duhtawk rawh’ a ti hrawk a, ka ngai pawimawh lo nasa.
‘Eng chu nge ka duhtawk ang? Min thlah rawh..’
Min kuahna chu phelhin mak tih hmel zet hian min en a.
.
‘Eng thil nge diklo hi ka hre lo.. Engvanga hetia awm hi nge inih?’ ani pawh a thinrim tan tih ka hria.
.
‘Chu chu min zawt ngam zawk amaw..?? Engkim hi nangmah vang a ni tih I hre miah lo amaw..??’
.
‘Enge sawi I tum?’ chiang zet hian min en run a, a kut kuangkuahin a inthunun tih ka hria.
.
‘Engmah sawi lovin I chhuak fo a, Paris ah I kal lo tih ka hria.. Min bum tum kher lo hian I sawi tlang mai thei lo em ni? Min tichau zo tawh..’ ka rilru nat zia leh ka thinlung tawt zia chu hre mah se pawi ka ti tawh lo.
.
Maimitchhingin thawk ala hawk a, min rawn hnaihin ka dar tawn tawn ah min vuan a.
.
‘Thil engemaw ka sawi theihloh a awm a ni. I ngaih ang thil engmah a thleng lo..’
.
‘Ka hriat ve loh tur thil a awm amaw..? Huh.. Ka hua che..’
.
‘Lilian, hriatthiam tum rawh. A hunah chuan engkim ka hrilh ang che.’
.
‘Tunah sawi rawh.’
‘Min nawrlui suh’ min vawnna chu thlahin room atang chuan a chhuak a. Umzui tumna ka nei lo. Dawhkan nghenchhan a dingin thawk ka la halh halh a, ka rilru a buai zual sauh zawk a ni.
.
Rei fe library a ka awmhnu ah inchung ah chhoin kan room ah ka lut a. Markos khuma mu ka hmuh chuan ka thaw deuh huai! Hmun dangah kal daih lova in a awm vanga thaw deuh huai ka niin ka hria.
Che miah lovin a mu a, a muhil tawh a ni maithei. Tihharh hlau deuhin khumah ka lawn a, a puansin pawh tawm duh lovin puan dang ka sin a. Ka mut chhuah loh zia chu sawi ngai lo ni zawk rawh se!
.
Markos awm lohna lam hawiin ka inlet a, ka mittui tla leh ringawt chu thinrim ru zetin ka hru tawk a.
.
Markos pawh chu ala muhil bik lo tih ka hria.
Rei tawk tak kan ngawih vang vang hnu chuan ka hnunglam atangin min rawn kuah a, ka ip deuh zawk. Reiloteah ka inthlahdul leh vat a. Ka pasal in min kuah a, hahdam takin ka awm tur a ni’ tiin ka in ngaihtuah ta ringawt bawk.
.
‘Gata`ki, ka hmangaih che tih I hria tiraw?’
Markos chuan min kuah nghet sauhin ka beng bulah arawn thaw lum ham ham a, kuahlet lo turin ka insum thung.
‘Min lo en teh..’
 Ka che lo hrim hrim..
.
‘Come on.. Gata`ki..’ a tho thut a, ka sir tawn tawn ah a khup nghatin a thingthi a, rawn kun hniam a ka biang tawn tawna min vawn chuan ka en lo thei tawh lo.
.
‘Ka hmangaih che tih hi ringhlel ngai suh..’ ka hmuiah min fawp zauh a. ‘Mak deuhin ka lakah I inla hrang a, min hrem rei tawh zia hi I ngaihtuah ngai em?’ a aw a hreawm tihna lang chu ka hai lo.
.
‘Min mamawh tawh lo niin ka ngai alawm..’
Thaw huaiin ka chal arawn si a.. ‘Chutiang thil chu a thleng ngai lovang. I duhdan in thil I ngaihbel a, I inti hreawm niin ka hria..’
.
‘Ka thu hriat thin leh I awm dan hi rinhlelh loh theih a ni hleinem..’ ka rilru nem nghal ringawt chu ka inhaw ru hluah hluah. Min khawih ringawt pawh ka duh lovang’ tiin vawi engzat nge ka ngaihtuah tawh.. Ka ngaihtuah hah thlawn mai a ni. Thu tam pawh a sawi hmain ka nem nghal chu a nih ber hi..
.
‘Gwen khan engvanga hnaih viau reng che nge anih?’ ka tih chuan a nui hawk a..
.
‘Nuih tur enge awm?’ ka lo ti hlar thung.
.
‘Ka nupui hian hmeichhe dang laka ka rinawm loh san a hlau tihna a nimaw?’ ka sirah let thlain min la kuah reng a, ka chalah arawn fawp leh a.
.
‘Gwen hian min ngaizawng tih chu ka pha hauh lo mai. Mahse ka tan chuan hmeichhe pakhat chiah a awm, chu chu nang hi ini. Vawikhat te pawh hmeichhe dang pan tumna emaw ka nei ngai lo.. I hre turah ka lo ngai asin..’
.
A phone a rawn rik chuan phun hlukin a tho a, caller ID a en hnu chuan min rawn en a
‘Ka pick up ngei angai..’
.
Tawngka a chhang lovin ka bu nghat a.
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 9
.
‘Aw, Arkadios…’ phone chu a ngaithla leh vang vang a ‘Naktuk ah I lo thlen veleh min rawn hmu ang che… Ahma a ka sawi ang khan ni rawh se… Ka lo bia ang.’
.
Phone a off hnu chuan arawn mu leh mai a, thildang kan sawi tawh lo. A ban veilam lukhamin ceiling a en vang vang a, tuna a awmdan ang hian ka la hmu ngai lo. Biak buai loh a tha zawkin ka hre ve ngawt bawk.
.
Zinga ka harh chuan keimah chauhin ka mu tawh tih ka hre thuai a, sana ka en chuan ka tho nghal vat bawk. Tun thleng thleng harh miah lova ka muhil hi thilmak tak a ni. Bathroom ah lutin ka intifai zung zung a, kan pindan atanga ka chhuah chuan Mrs.Lee nen kan intawk chawt a. Eitur a ken vangin mak ka ti viau mai.
.
‘Eitur nen..hetah maw?’
.
Pangngai taka ‘Min lo zui rawh.’ atih chuan thil enge maw min hmuhtir a duh tih hrethiamin ka zui vat a.
.
Pindan awl kan dah reng thinah kan lut a, khum a ka pa mu ka hmuh chuan mak ka ti takzet. Markos hian min rawn miah lovin engtin nge hetiang thil hi a tihtheih? Nitin in chhuahsan a damdawiin ka kal ziah hi a duh lo anih chuan tha takin min sawipui  thei reng. Damdawiin atanga inlak chhuah hi ka duh dawn lo tih a hriatchian sa vanga hetiang thilti hi a ni ngei ang..
.
‘Engtin nge hetah hian…’
.
‘Shh..’ Hanna chuan thawm nei rih lo turin min lo khap vat a, min kaiin pindan atang chuan min chhuahpui nghal bawk a.
.
‘Enge thil awmzia?’
‘Ka hre chiah bik lo. Markos khan In a inenkawl a that zawk thu leh I hahdamna angaih pawimawh thu asawi a. Tukin khan amah pawh damdawiin ah arawn kal thlap alawm. I pasal hi a tha takzet a nih hi.. Hetah chuan I pa pawh a hahdam zawk ngei ang..’
.
Hanna chu chhang lovin ka nuih lui sak a, a ngaihtuahna zawn atanga thlirsak chuan a dikna chin pawh a awm tho mai. Mahse  ka rilru a thil awm erawh a dang daih thung.
.
‘Helai in rawn thlen hnuah a harh tawh em?’ ka tih chuan ka ngaihtuahna hrethiam niawm takin Hanna chu a nui sak a..
‘Harh tawh e. Nimin lam ai chuan a dinhmun pawh hi a  zia deuh alawm. A tute hmuh a chak thu a sawi fo tih I hriat kha..’
.
Hanna nen kan inbiak zawh hnu chuan rilru nuam zan lovin inhnuai ah ka chhuk a, Aidan leh Tamas hlim zeta an infiam ka hmuh chuan ka zang deuh huai in ka hria. Ka tana kan fate hlut zia hi ka la hre dawn chauh niin ka hre bawk.
.
Tlai lama Markos arawn haw chuan ka biak duh thu ka lo hrilh nghal a, ka awmdan tur hrelawk ni ang hrimin min zui ve mai a. Pindan kan luh rualin kawngka ka kalh a, midangin kan thawm an hriat ka duh tehchiam lo.
.
‘Eng thil nge itih hi? Ka pa hian heta awm hi a duh reng em?’
.
‘Min hnial dawn tih ka hriat vanga hrilhlawk lo che ka ni reng a ni.’ awlsam zetin min chhang a, min rawn der miah lova hetiang thil ati hi inthiam lohna a nei miah lo.
‘Engtin nge itih theih zawk..? Markos, I thiltih hian chhan anei ngei ang. I ngawih tlatna phenah hian eng thil  nge awm?’
.
Thaw huaiin a lu a thing a, a chetdan chuan ka thinurna a tizual sauh bawk. Ka theihtawk bak aia nasa in ka inpawt fan tawh tih hi a hre lo a nih ka ring. Ka rilru a sawifiah thiam loh thil tamtak inchhek khawl tawh vang pawh hian ka hah sa hluah hluah a nia.
.
‘Nitin hah taka I chhuah ziah hi ka duh lo a, chu chu helaia I pa awm chhan pakhat a ni.. Ka nawrlui hauh lo a nia..’ a ti tha leh mai a, min chhan dan chuan ka lung a tiawi chuang der lo.
.
‘Chu chu chhan tha tawk a tling lo.’
.
‘A harsa zawng leh a kawi zawngin ngaihtuah suh. In a kan enkawl hi I lawm zawk daih ka lo ring a’ A ti leh mai a, a thawmhnaw haklai phelhin a inthlakna tur thawmhnaw a lachhuak lai chu ka en reng a. Ka lung ala awi chuang lo.
.
‘Zanriah ei hmain ka chhuah leh lawk angai a, ka lo haw har lovang’ a ti leh zung zung a, ka chhang tawh lo.
.
Engtin nge ka tih ang tih ngaihtuahin khumah ka thu a, ngaihtuah ber tur pawh ka hre chuang hlei lo a. Engkim hi ka hne hluah hluah ni ta berin ka hria.. Kan nun ah hian thil tha leh hlimawm thleng reng se tih hi mi zawng zawng duhthusam a ni a, mahse tute mah hian kan duhthusam khawvel chu kan nei thei chuang si lo. Mahni dan siam pel rawk khawpa dawhtheihna pawh hian thil tha aiin a tha lo lam zel a hringchhuak  anih si chuan mahni nun hreawm khawpa dawhtheihna neih pawh hi a tha chuang lo anih dawn hi..!!
.
Kan nupa inkarah pawh hian thinlung damkim si lova ngawih bopui tak ka ngah tawh lutuk a, ka ngaihtuahna ah hian a leng tawh lo te pawh a ni ange. Thiam tawk lohna lai pawh ka nei ngei ang tiin ka la ngaihtuah leh ta talh a.! Mak tak taka ka ngaihtuahna kalkual hi keipawh hian ka hrethiam tawh lo. Enge maw lai atanga kan nupa inkar hla ta deuh hi a chhan bulpui zawnchhuah tumin ka bei ngei tur a ni dawn lawm ni.? Ni lo.. mah se enge ka tih chuan ang..?? Keiin chhel tak leh hreawm tuar tang tang chunga ka siamtha anih loh chuan midangin min rawn siam that sak dawn lo. Bultan tur chuan Markos nen hian engkim inpawh tak leh tlang taka kan sawi phawt a tul takzet..
.
.
Ka phone kenlai nghawr dar dar chuan ka rilru lapeng in ka phone chu ka bih zauh a. Ka thil dawn min lo thawntu number chu ka number neihsa a ni lo. ‘Eng thil nge mawni le?’ ti rilru chungin ka hawng a, ka hawn rualin a in play nghal mai bawk a.
.
Ka phone a thil lo lang ka hmuh thut chuan makti zetin ka en a, rei ka en angai lo.. Eng thil nge ka dawn hi ka hrechiang!! Thawm rawn awm vang chuan ka luak a chhuak nghal up up bawk..
.
Markos ka en zawk a, min rawn ve chiah. A kawr pawh ha tha hman lovin min rawn hnaih chilh nghal a, ka phone kenlai min chhuh a tum chuan ka lo hum nghet hman hlauh..
.
Video a hmeichhia chu tunge tih ka hre lo. A mipa zawk erawh chu ka hrechiang khawp  mai. Hmeichhia chu mipa chungah che velin thawm a chhuah tha khawp lehnghal..!!!
.
Video chu enzui thei lovin ka phone chu ka hmer ngawt ngawt a, maimitchhing in ka insehruh bawk a. Ka mumang nise ka duh ngawih ngawih.. Mahse a tak ngei a ni..!!!
.
Markos chuan min vuanin ‘I hmuh ang kha a ni lo.’ ati hrawk a, min rawn vawnna a kut chu enin ka meng a, a hmel ka hmuh ruala a mitmenga hlauhthawnna ka hmuh chuan ka luak a chhuak zual..
.
‘Engtin nge itih theih.?’ Ka aw a chhuak tha thei lo. Ka khur ngawt ngawt a, ka thaw chu ka hnar leh ka ka ah pawh a leng lo..
.
‘Lilian..alan ang kha a ni lo..’ a sam tuai puatin ka bulah chuan a ding a, min rawn vawn leh a tum chuan ‘Ni lo’ ka ti thawt a, ka tawlh hla nghal dawrh bawk. Ding ila chu ka tlu ngei ang tih ka chiang..
.
‘Gata`ki’ a aw a manganna lang chu ka hai lo.. Mahse chu chuan ka thinlung hi a ti danglam lovang..
.
Tap lovin ka mittui a tla a, ka thinrim vang a ka mittui chu tla a ni. Ka thaw hawk hawk a. Markos chu enin ka phone kenlai chuan ka vawm a, ka vawm nat leh nat loh ka ngaihtuah hek lo.
.
Khum atang chuan rang zetin ka chhuk a, min rawn zuia ka ban arawn vawn chuan rang lutuk hian ka thing thla nawk a.
‘Lilian..’
.
‘Ti suh.. Markos…’
Thu dang ka sawi thei tawh lo.. Pindan atang chuan vung zetin ka chhuak a, enge ka tih dawn pawh hre lovin in hnuaiah ka chhuk a. Tumah ka hmu lo.. Car chahbi lain pawnah ka chhuak a, pan tum lam pawh nei lovin ka inkhalh chhuak nghal a.
.
Ka ngaihtuahna a ruak vek…
.
Hla fe ka thlen hnu chuan kawng sirah motor tiding in ka chhuk a, ngaihtuah ber tur ka la hre chuang lo fo. Ka phone a video kha ka mitthla ah arawn lang a, ka thu hnawk a, ka hrawk atanga thawm rawn chhuak chu keipawhin mak ka ti!!
.
Ka fate… Lalpa.. Ka fate… Markos…
.
 Engtin nge hetiang thil hi a thlen theih.. Ka theihtawp a ka lo tuar ve ngawt ngawt khan rah tha a chhuah lo tih chu a chiang ta.. Eng thil nge venhim tuma beih hah chhan tur ka neih tawh chuan..??? Ka pasal pawh tilawm zo lo hmeichhia ka ni ta amaw??? Ka pasal ka hmangaihna hian ka mit tidelin awlsam taka hriat theih mai tur hi ka lo hmu thiam lo em ni..!!?? Mahse video a hmeichhia kha ka rinhlelh ber Gwen a ni lo..!!!
.
Ka thutna bula hnim chu ka tham  ngawt ngawt a.. Ka ngaihtuahna nu but but hi ka tihreh vat angai..
.
Khur dawt dawt chungin ka ding chhuak a, thimrim a thil tih rum rum ka tum lo. Helai ah hian ka inngaihtuah fim phawt ang..
.
Car chhunga ka thut deuh vang vang hnu chuan khua a thim a, ka ngaihtuahna a rawn lang leh hmasa ber chu Aidan leh Tamas te an ni.. Lalpa..eng thil nge maw ka tih tak ang le..?? tiin ka rum vawng vawng a. Ka tap thei miah lo thung..
.
Naupang mai ka nih laiin ka nu’n vanram ah min kalsan a, ka pa’n theihtawp chhuahin min enkawl mah se nu ka mamawhna a phuhru vek thei lo. Vawi engzat nge nu neih chaka ka tah thin ka chhiar seng hek lo.. Aidan leh Tamas te hi nu leh pa inhmangaih tak kara seilian turin ka duh a, nu chauh emaw pa chauh emaw kara sawifiah theih loh rilru khingbai tak nei chunga an than len ka duh hek lo.. Mahse tunah hian enge tihtheih ka neih chuan le..??
.
Ka mit ngeia ka pasal in hmeichhe dang a mutpui tih ka hmuh hnu hian engti zawng mahin Markos hi ka hnaih thei dawn tawh lo..
.
Mi a ka nih hi..!! Ahma khan engvanga lo hrethiam lo nge ka nih..? Kan inkar boruak danglam tana ka hriatlai khan he thil tenawm lutuk hi a lo thleng daih tawh ngei ang. Tunah hian In ah ka hawn angai.. Ni lo..saw in saw ka in a ni tawh lovang..
.
Muangchang a motor tinung in, in lam panin ka tlan chhuak  a. Ka lo tlan hla hman viau mai tih ka hre chiah bawk.
.
 Minute 30 zet hnuah in ka thleng a, gate a motor ka khalh luh rualin inchhung atangin Markos a lo chhuak ve chiah chu ka va hmu hram. Min rawn hmuh chuan ka lam panin arawn tlan vat a. Biak tumna ka nei lo. Ngawi rengin ka duh chu ka ti mai dawn a ni.. Ka dawhtheih thin vang leh awlsam taka ka lungawi lohna ka ngawih bo pui thin vang maiin ka ngaidam mai turah a lo ngai anih chuan a tisual chiang viau ang.
.
‘Lilian.. Lalpa.. Khawnge I kal?’
Motor atanga ka chhuah rualin min din chilh a, a aw atang chuan a mangang ve a ang khawp mai..
.
Chhang lovin ka kal pel a, min rawn zui vat bawk a.
.
‘Lilian..’
In chhung ka luh chuan Mrs. Lee’n Aidan a lo pawm a, min hmuh rualin min rawn pan vat a..
.
‘Mama a lo thleng e.. A la tap char char.. Khawnge I kal daih a..’ a lo ti nghal bawrh bawrh a. Mrs. Lee pawh chu chhang lovin Aidan chu ka pawm a, inchung ah ka chhohpui nghal a..
.
An unau pindan a ka luh chuan ka inring hman miah lo, ka mittui tla zawih chu rang zetin ka hru vat  a. Aidan chu ka awm ah bei tirin ka awi a, a tap bang mai thei lo..
.
‘Aidan, khawngaihin tap tawh suh le..’ Sofa ah ka muttir a, a kawr hlipin a taksa ka enkual a. Ka thiltih chu a atthlak khawp mai.
.
‘Okay..hahdam takin…’ phun mawlh mawlhin thawk ka la a, Aidan chu a kawr haktir lehin ka pawm bet a, a tap nasa zual chu a zia ta deuh. Rawn tawngin ana sawi thei se ka ti takzet bawk.. Oh.. na a nei kher lo ang! A tah chhan chu ka hria in ka inhria!
Tamas ang lo takin a muhil a harh hian min hmuh loh chuan nidangah pawh a tap ringawt fo a, tunah pawh chu chu a tah chhan a ni ngei ang..
.
‘Ka kalsawn tawh lovang.. In bulah ka awm tlat dawn alawm.. A tha em? Shh.. Aidan hi a fel ber a nia…’ ka pawm nghet sauh sauh a, keimah zawk chu ka tah a chhuak ut ut..
.
Pindan kawngka arawn inhawng a, Markos rawn dak ka hmuh rualin ka inher hmak a.
.
‘Aidan chu a tha em?’ min biakna chu chhan ka tum lo.. Tihngaihna hre lo zetin ka bulah a ding tih ka hria a, a hmel chu ka hmu peih hlawl lo! Aidan pawh tap tawh lovin ka awmah a bei thlar a.
.
‘Lilian, kan inbiak angai a nia..’
.
Markos chu chhang lovin Aidan la pawm chung chuan pindan atanga chhuakin in hnuaiah ka chhuk a. Mrs. Lee leh Hanna chuan Tamas an lo buaipui a, min hmuh rualin Tamas chuan min rawn pan vat bawk..
.
‘Chaw an ei tawh em?’ ka ti sap a.
.
‘La ei lo. Aidan tap vang khan kan vaiin kan buai vek alawm..’ Mrs. Lee mitmeng atang chuan min dem a ang khawp mai. Ka dem hran lo..
.
An unauin kitchen ah ka hruai a, Mrs. Lee leh Hanna chuan min rawn zui vat bawk a..
.
‘Lilian, eng thil nge? Markos saw va bia la a tha ang..’ Mrs. Lee chu ngaihthat loh hmel deuhin arawn phun sar sar a, ka lo nui lui ngial nain kan awmdan ah thil dik tawk lo a awm tih a hre tawh tho tho..
.
‘Nakin ah ka be mai ang..’
.
‘Come on, Lilian.. Eng thil nge thleng tih ka hre lo nain vawiin ang reng reng a Markos mangang hmel hi ka la hmu ngai lo. Anni hi chu Hanna nen hian kan lo buaipui ang.. Kal rawh..’ arawn ti leh sawk sawk a. Kal ka tum chuang lo.
.
‘Nakin ah ka be mai ang.’ Pangngai thei ang berin ka tawng hram hram na-a ka pangngai rih chiah lo tih an hre ve ve..
.
‘Lilian??’ an ti rual thawih a..
.
An thusawi chu ka zawm dawn lo tih an hrethiam a ni ngei ang, ngawireng in kitchen atang chuan min chhuahsan a.
.
Dinner kan kil ho lai pawh chuan kan tawng tam lo hlawm khawp mai. Markos chuan min rawn en reng tih ka hria a, ka melh duh hauh lo thung. Ka en kher ngai lovin ka taksa hian ka feel thei vek a ni.. Rapthlak zawk hian!!
.
Aidan leh Tamas muttir tumin an pindan ah ka awmpui a, an muhil mai dawn lo tih hriat reng hian an la harh tha em em thung a.
.
‘Hanna arawn kal dawn. Kan inbiak angai ania’
.
Markos chu ka en zawk a, a lo luhlai ka hre miah lo. Ka chhan a beisei lo tih hriat zet hian Aidan leh Tamas chu a fawp a, zaidam taka biain a pawm a, an mutna turah a dah ve ve hnu chuan ka bulah arawn thu a.
.
‘Gata`ki..’
‘Tunah ni lo..’ eng pawh sawi se ka ngaithla dawn lo tih a hriatthiam ka ring. Tuna ka awm ang hian alakah ka la awm ngai bik lova, awm dan tur a hre mai lo ve tho ang tih hi ka rin dan a ni. Tuna ka rilru ah chuan engti pawhin awm se pawi tihna ka nei lo.
.
Muangchang in room atangin a chhuak a,  a chhuah hnu reiloteah Hanna arawn lut thuai a..
.
‘Keiman ka lo ti ang, va hahchawl tawh rawh.’
.
‘Ka pa a muhil tawh em?’
.
‘A damdawi vang khan darkar 5 aral leh hma chu a mutui viau ang.’ Min nuih sak a.
.
‘Hanna, ka pa I enkawlna vang hian I chungah ka lawm lutuk a nia..’
.
‘Lawmthu sawi suh.. Engkim a tha leh mai ang tih ka ring tlat a nia. I pa  hi thlamuang taka a chawlh theih nan kan tawngtai reng dawn alawm..’ min rawn kuah a, ka tawng thei tawh lo..
.
Engkim hian thil tha lo lam a kawk vek a, ka pa vanga ka thinlung hahna bakah Markos min phatsanna ka hre chhuak lehzel nen, ka thinlung leh taksa a chau hluah hluah..
.
Kan fate pindan atang chuan chhuakin ka pa awmna pindan ah ka kal a, na nei lo ang maia a muhil hmel chu ka thlir vang vang a. A khum bulah thuin a kut ka vuan a, ka ngaihtuahna a kalthui khawp mai.
.
Doctor te khan thla khat bak hun a neih tawh loh thu min hrilh a, a hun neih chhun reilote chhung hian a rilru hahna tur thil a thlen ka remti hauh lovang.
.
Uluk taka ngaihtuahin thutlukna ka siam a, ka thutlukna siam chu ka kaltlang pui ngei bawk ang.
.
Rilru rit zetin ka pa pindan atang chuan ka chhuak a, Markos hnaihah ka awm thei dawn lo tih ka inhriatchian vangin in hnuaiah ka chhuk leh rih a. Tv on in sofa ah ka thu tawm kak a, tuna ka mamawh ber chu tuma chimbuai loha awm a ni rih phawt.
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 10
.
MARKOS POV*(Point Of View)
.
Thil engkim a buai zo vek tawh!! Mahse Lilian hnenah hian engkim ka la sawi thei chuang lo. Hmeichhe dawhthei tak a ni a, a nun a dam a, mi nazawng tuar theih loh tur thil a chunga a thlen pawhin a insiamrem mai thin. Mahse tunah chuan a dawhtheihna in a vawrtawp a thleng mek tih ka hria..
.
Thil awmzia hrilh tumin vawitam ka tichhin a, ka la hriat ngai loh hlauhthawnna nasa tak ka neih vang leh thlamuang taka awm tura ka duh vangin ka thei lo. Engtik lai pawhin amah tihhlum pawiti miah lo tuin an zui ru reng tih thu hi tu mipa in nge an nupuite hnenah awlsam takin hrilh thei ang!??
.
 Ka buaina thenkhat chu ka thian tha ber Dimitrov ka hrilh a, ani chuan engkim Lilian hnena hrilh turin min ti a, mahse kan fate leh Lilian nun ralmuang lova an awm tur ka ngaihtuah hian ka ti thei chuang si lo a ni.
.
Engkim pangngai taka a awm leh theih nan Lilian hriat loha chinfel ka tum a, hun tam ka mamawh tawh loh laiin kha mihring phiangsen khan video kha Lilian hnenah a lo thawn hmanhmawh a nih kha!! Ka ngaidam hauh lovang..!!
.
Mr. Spencer erawh loh theih lohin damdawiin a awm a him loh thu ka hrilh a, ani chuan ka dinhmun min hriatthiam puiin ka thu a zawm hlauh bawk.
.
Ka hun tam zawk chu Manhattan-a ka in thuhruk ah ka hmang a, Lilian pawh a kalna apiang ah ka mi rawih ten an zui reng a ni. A tira ka ngaih ang ngawtin thil a awlsam lo nasa bawk. Engtiklai pawhin dinhmun hlauhthawnawm ah a awm tih Lilian hian a hria anih chuan a chiai nasa dawn tih ka hria a, chu thil chu ka thlentir thei lo.. Engtikah mah ka thlentir lovang. Kan nupa inkar erawh a danglam phah tih ka pha lova, ka kal tlangpui zel erawh a tul rih. Tun atanga kar khat hnuah chuan engkim a fel theih ka beisei bawk.
.
Ral atanga thlir ngawt ai chuan a tak ngeia han tawn hian tu tan pawh ngaih dan siam thiam a har thin a nih hi maw. Heti teh nuai a buai nun hi tuman kan thlang hauh lovang, kan duh emaw duh lo emaw kan hma a lo chhuak chu kan hmachhawn angai thin..sawi mai ai hian atak ngeia  han tawn hian huaisen tawk a har a, thil tha ber ngaihtuah chhuah a harsa phian zel bawk a.
.
Lilian rawn kal hun nghakin ka vei sek a, arawn lan tak mai loh vang chuan pindan atangin ka chhuak a, ka rinlawk ang chiahin common room ah tv on chungin a lo muhil a, a hmel tha zet chu ka thlir ngawih ngawih a, a bulah kalhnaiin a hmui ah ka fawp zauh a, a muhil a harh ang tih ka hlauh vangin ka inla hrang leh thuai a. Ka ruahmanna siam hian Lilian chauh ni lo, kei ngei pawh hi dinhmun hreawm takah min dintir mek a nih hi..
.
Engtiang pawhin ka lakah khawsa se ka pawm vek rih. A bulte atangin ka ruahmanna siam a fuh tawk lova, kei chuan ka la tuar thei zel a. Mahse tuna a landan atang chuan Lilian hian min kalsan a tum ngeiin ka ring. Uluk taka ngaihtuah chungin thutlukna a siam fova, a dawhtheih tluk zetin a luhlul bawk tih hi kei aia hrechiang an awm kher lovang.. Kei ngei pawh hian ka la hrechiang tawk lo zawk hial ta ve ang.
.
Tihharh hlau tak chungin awm dan ka siam rem a, rei tawk tak abula ka thut reng hnu chuan ka pindan ah ka kalsan leh rih a. In chhunga  a awm chuan a him a, hlauhthawn tur a awm lo.
.
Kan room ka luh rualin ka phone a ri a, caller ID en in ka pick up vat a.
.
‘ Arkadios, eng thil nge thleng?’
.
‘Sir, thil awmzia hi a mak telh telh mai. Kan chhui zui ber Halvor kha a in ah thi in kan hmu..’
.
‘Eng thil phiangsen nge..!! Anih chuan..’
.
‘Naktuk ah chiang zawkin ka rawn hrilh leh ang che. Video leh invauna call kha Halvor tih vek a ni tih chu a chiang tawh a, mahse he Halvor hian thununtu a nei tih a chiang e.’
.
‘Hmeichhia ve thung kha enge a chanchin?’
‘Thu chiang a la awm lo. Halvor hi thi mah se security kha uluk lehzual atulin ka ring.. A hlauhawm zual zawk hial maithei.’
.
‘Ka hrethiam e.’
.
Arkadios nen kan inbiak zawh chuan khum ah ka thu a, hmalak zel dan tur a vang ta rih khawp mai. Dawhtheih ka zir angai a ni e..  Kei mi dawhthei lo tak tan hian a va awlsam lo thin tak em.! Ka hmangaih em em ka nupui rilru na takin a awm tih ka hriatna zawng zawng nen..ka hahdam lo takzet..
.
Hlauhthawn loh pawh tum ila a theih loh. Mipa ka ni a, awlsam takin ka zam ngai hek lo. Ka nupui leh fate chungchang anih erawh chuan rin phak bakin a lo chiai theih anih hi tiin ka ngaihtuah hial tawh bawk. Chhungril a hlauhthawnna nei chunga dam raih anga lan reng hi thil hautak tak a ni bawk.
.
Khawvar hnuah intifai in office kal tura ka insiam zawh hnuah pindan atangin ka chhuak a. Lilian leh ka fate ka hmuh chuan ka en reng a. Lilian chuan Tamas pawmin Aidan a fiam bawk a, a nui hmel chu ka lakah a tihlan lohna chin ka hre tawh lo.. A hmel ka hmu reng chung pawhin ka ngai ngawih ngawih. Ka lakah a la thinrim reng tih min hmuh ruala a nui hmel reh riai riai atang chuan ka hrethiam. Min haw awm pawh a ni e. Min chhuahsan nghal lo  hi ka lawm em em zawk tur a ni!
.
An lam pana kalin Aidan leh Tamas chu ka fawp a, Lilian erawh ka awm dan tur hrelawk niawm takin a lo tawlh hla vat thung.
.
Nidang ang bawkin ka chau khawp mai.
.
Tlai lama In ka pan laiin Arkadios nen kan inbia a, chanchin pawimawh lian tham engmah hriattur ala awm lo. In ka thlen chuan nidang ang lo takin a reh thiap a, ka hlauthawng nghal bawk. Vauna ka dawn atanga ka rawih thar Gestalt ka be vat a. Ani hi kan in leh a vela 24x7  duty te zinga a hruaitu ber a ni. Thil danglam thleng a awm loh thu leh nilengin Lilian pawnah a chhuak lo tih min hrilh chuan ka thla a muang leh ta deuh.
.
Hmanhmawh ru zetin kan  pindan ah ka chho vat a, nidang aiin ka haw hma deuh hrim hrim bawk. Kan pindan ka luh rualin khum a Lilian kawr lo inpharh sa  diai chuan ka mit a la chat a, khawiah emaw kal a tum anih ka ring.
.
Ka thawmhnaw hak lai phelhin ka inthlak zung zung a, bathroom atanga Lilian arawn chhuah chuan khumah thuin ka lo en reng a.
.
A hmel nung ser leh a hmui ka fawh kham theih ngai loh lang no chek te chu ala ngai reng a, a mitmeng a dul raih thung. Min hmu lo ang hmiah a awmin min kalpel a..
.
‘Khawiah nge I kal dawn?’
.
A underwear dahna bawm hawngin a duh a lachhuak a, min chhang lovin bathroom ah a let leh a. Enge maw tal kan sawi dun a ngai a ni.. Mahse kei hian enge ka sawi chuan ang..? Pindan pakhat a awm chungin ka khawih thei lova, khawih chu sawi loh ka biakna pawh engahmah angai hauh lo chu a nih si hi. A laka thup ka neihte hi ka sawi thei kher lo  bawk ang.
.
Arawn chhuah leh chuan thovin ka panhnai a, min melh dan atang chuan ka khawih a duh lo hrim hrim tih a tilang chiang viau..
.
‘Tunang hunah khawnge I kal dawn? Tuna kan awm dan en hi chuan engmah kan siam tha lovang..’
.
‘Siam that tur kan nei em ni?’ a aw ri a min huatna lang tel vang chuan ka maimitchhing sawk a. ‘Kan inhmuhna tur hmunah chuan min lo nghak mai lo a nih kha.. Dik tak chuan hmun hran a sawi pawh tulin ka hre lo..’
.
‘Enge I sawi awm zia? Tunge rawn bia che?’
.
‘I hnuaia hnathawk hnenah min hmuh I duh thu I chah ani lawm ni? Ka hnial chung pawhin I lo awm tur thu a sawi ngei kha. Nang lah I rawn haw ringawt bawk a. Nge, mi zingah zak taka ka lo nghah leh che I duh zawk..?’
.
‘Lilian, thil enge maw chu ka hrilh che a tul ta niin ka hria..’
.
Ka thusawi chu ngai pawimawh lo zetin a nui lui sak a..
.
‘Engvanga insiam nge ka nih pawh ka hre hrep lo ve.. Hetah hian engkim I sawifel zawk tak teh ang..’ min hmachhawn in arawn ding a, a kut a kuangkuah fel at bawk a.
.
‘Thutlukna ka siam tawh a, ka thutlukna siam hi min zahsak ngei pawh ka phut bawk che. Inthen ka duh.. Naktuk ah in hi kan chhuahsan bawk ang. I thuruk neih zawng zawng hi hriat chakna ka nei lo. Ka kham hluah hluah tawh..’
.
‘I thusawi chu theihnghilh nghal rawh. He in atang hian I chhuak lovang. Engkim hi a fiahna tur ka nei vek.’
.
‘Min dan han tum chhin ta che!’ a mitmeng a min cho zia ka hmuh chuan engpawh huamin a inngaihtuah fel tawh ang tih ka ring nghet hmiah. ‘I fiahna siamchawp chu engmah ka hre duh lo..  I hmeichhe mutpui nu kha ka hmuh chak lem loh vangin In a I rawn hruailuh hma hian kan chhuak ang. Inthenna lehkha lo tifel ang che.’
.
‘No.. Lilian..’ ding chhuakin a dar tawn tawn ah ka vuan a, ka vawnna chu a duh lo tih lantir in a ner sawk a..
.
‘I sawi tur chu ka hrelawk in ka hria.. Kha hmeichhia khan a hrairui che a, I hriat loh laiin I pindan ah arawn lut maw?? Nge, kha nu kha I hre ngai lo hrim hrim zawk..?’ za lo zet hian a nui sak a.. ‘ I lak atang hian engmah ka phut lovang tih lo hre bawk la.’
.
‘Hetiang thil hi tisuh. Aidan leh Tamas te..’
.
‘Ka ngaihtuah vek tawh. Anni hi ka hruai ang. Min dan tum buai lovang che.. Mi bawlhhlawh bula cheng turin ka phal reng reng lo..’
.
A tawngkam in min tihnat zia chu a hrethiam pha hauh lovang. Pan hnaiin a kawngah ka kuahlui a, ding mar at in  inringtawk zet hian ka mit ah min en let kal a.
.
‘Hmeichhe dang I khawihna kut hian min la khawih ngam zawk a.. I ti mah mah a ni e.. Min thlah rawh..’ a tawng ring lo nain a tawngkam chu a chang fal fal tak a ni. Lilian hian tuna a nungchang ang hi a nei tih ka hre ngai lo.. Mahse ka cho chhuah liau liau tih erawh ka hrechiang thung.. Thil thleng leh kan awmdan zawng zawng vang hian ka mangang lo tih sawi ila chu khawvela dawt sawi chiang ber ka ni ngei ang!!! An himna ka duh vanga alaka zep nei ka nih thu hi hrilh pawh ni ila tunah chuan ka thusawi reng reng hnawl a ni vek dawn tih ka hrechiang bawk…
.
‘Kha video ka hmuh rual khan lo hrilh che ila tha tur a nia..’ ka kuahna chu thlahin ka sam ka tuai puat a.
.
‘Oh..ka rilru a khawih hle mai! Mahse I ngaih ang ngawta I sawi apiang awih a thle kual thin ka ni tawh lo hlauh hi Pathian hnenah lawmthu awm rawh se.!’
.
‘A tirah ka tihdik tawh loh vangin tunah chuan min ring dawn lo tih ka hria. Lilian, min en rawh.. Thil pakhat chiang taka I hriat tur chu..’
.
‘Chu chiah chu a ni.. I nupui ka nih hi..ka lakah zep ngah lutuk tawh. Engtin nge ka rin theih tawh ang che. Kan inkar danglam tan atang khan thil diklo enge awm tiin ka zawt fo che a.. A bultantu chu tudang ni lovin nangmah hi I ni… Tunah chuan engkim a chiang tawh.. Nangmah vang hian hreawm tuar belh leh ka duh tawh lo.. I thuruk neih zawng zawng chu sawichhuak lovin nangman pai vek rawh..’
.
‘I sawi ang chuan ka ti ngei ang!’ thu dang a sawi leh hmain pindan atang chuan ka chhuak a, tuna thinrim chunga inbiak hian eng thil tha mah a thlen dawn lo.. Engkim a fel hma chuan sawifiah tum buai ting tang lo ila a that zawk ka ring.
.
Lilian leh kan fa te, Mr. Spencer pawh tiamin ka in atang hian engti zawng mahin a insawn chhuak dawn lo. Venhimna hnuaia an awm loh rualin thil tha lo a thleng ngei dawn tih ka hrechiang a ni. Engkimtithei ni lo mah ila, thil tam tak tihtheih ka la nei alawm le..
.
Ka phone la chhuakin Benzo ka call a, tunah chuan ka tih theih zawng zawng ka ti nasa lehzual ang.
.
‘Benzo, tunah hmuh che ka duh. Manhattan-a ka in ah lo kal rawh.. Arkadios kha bia la, zanin hian hmeichhia chu a chhuah tawh tur a ni lo. Naktuk ah New York ah hian rawn hruai ngei rawh se..’
.
Ka phone off in ka car ah ka lut a, tlan chhuak turin a him tawk tih ka hriat theihna tura Gestalt Jr. arawn phar zauh  hnu chuan ka tlanchhuak nghal a. Fimkhur luat a awm thei lo.
.
Ka tumna hmun ka thlen hnu reiloteah Benzo arawn thleng a, Arkadios a biak tlang theih loh thu a sawi chuan mak ka ti deuh khawp mai. Vawi nga vel zet ka call hnu chuan a phone a pick up ta hram..
.
Chanchinthar engmah a la awm lo. Phone kan dah  hnu chuan Benzo chu ka thutna ep chiahah thuin ruahmanna thar siam tha zawka arin thu a sawi a, a rawtna chu keipaw’n ka pawm.
.
‘Vawiin khan Lilian chu ka tirh anga insawi ten koh chhuah an lo tum ta ngei a, ka haw hma vangin a him hram a ni ber.’
.
‘In in atanga phone call lut leh chhuak reng reng kan ngaihchan reng atul anih chu. Vawiin ami pawh chu ka lo en let ange.’
.
‘Thil thleng dang vangin Lilian chuan a hrethiam lo hlauh bawk’ ka thaw hak a. ‘Naktuk  hian Brooklyn-a an in ah I hote nen lo awm ang che u. Thiltih dan tur chu chiang zawkin ka hrilh leh ang che.’
.
‘Aw le, sir. Chuan thil pakhat hriatchhuah ka nei a..’ uluk lutuk a inngaihtuah tih hriat zet hian a kut suihin a en ngai a en ding ngar ngar a. Benzo hetianga a awm tawh chuan a rindan a dik ziah tih ka hrechiang tawh..!!!
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 11
.
LILIAN’S POV*
.
Engtin nge engmah sawifel lo bawkin min kalsan theih zawk? Ka rilru tawt lutuk vang hian ka la puak keh ngei ang.
Khumah ah chuan thu hnawkin thawk ka la kawk kawk a, min phatsantu zawkin ngaihdam dil pawh tum lovin min chhuahsan a. Khatianga Markos awm khan chhan tha tak a nei ngei ang. Min ning tawhin midang a mamawh tawh zawk pawh a ni mahna le! Ka rilru nat hlau thintu khan min tih lungawi tumin min hnem eih lo va, min hnem chu sawi loh engmah sawifiah lovin min chhuahsan a nih kha. Ka thutlukna siam hi duh lo hle mah ila ka kal tlang pui ngei angai dawn ta a nih hi.
.
Thawpik zetin ka pa awmna room ah ka kal a, naktuk ah he in hi kan chhuahsan dawn anih chuan tihfel neuh neuh tur ka nei teuh hrim hrim bawk. Ka pa thawmhnaw thenkhat chu ka khung mawlh mawlh a, inringlawk hman miah lovin ka mittui a tla zawih zawih a, ka chhungril a ka manganna hi mihring tawnga sawifiah theih pawh a ni lo.
.
Ka pa thawm ka hriat chuan ka mittui hru sawk sawk in a mutna khum bulah ka thu a, a kut vuanin a hmel dawldang tawh zet chu ka en a, ka thinlung a rum vawng vawng a ni ber e.
.
‘I englai nge na.?’ ka ti sap a. Ka tah a chhuak tih thup a har khawp mai.
.
‘Ka tha e. Princess, chak takin awm ang che. Ka lo chawl ta anih pawhin I bulah Markos a awm reng dawn a, thlamuang takin ka chawl ang..’ a aw chu a ri chang chang a ni. Ka pa hi mi tuarchhel a ni a, a natna vang hian a rilru pawh nasa takin a inbuatsaih ngei ang tih ka hria. Mahse min kalsan mai tur anga ngaihtuah hi ka thei hlawl lo va, ka phal hek lo.
.
‘Pa, chutiang sawi suh..’ insut hlawpin a kut ka vuan a, ka mittui ka dang zo lo.
.
‘Princess, I nu bula ka chawl tur hi kan lawm tur a ni..’
.
‘Pa…’ engmah ka sawi zawm thei lo. A kut chu la vuan reng chunga kunin ka tap tlawk tlawk a. Tunah chuan Markos nen kan inkar kehchhe vek tawh hi ka hrilh thei lo. Chhuanlam tha tak siamin kan in ah ngei awm se ka duh thu ka sawi mai ang chu.
.
Ka tah chhuak zualpui a reh chuan ka awmdan siam remin ka pa hmel chu ka en a.
.
‘Pa, kan in a awm I duh zawk em? I duh chuan naktuk ah kan insawn dawn nia..’
.
‘Ni lo ve, hetah hian ka him tawk alawm. Khawiah pawh awm ila nang leh ka tute, Markos te nen hlim tlang taka kan awm chuan a nuam vek.’
.
‘Naktuk hian In ah chuan va kal ka tum a, keipawh I bulah ka awm zel ang..’
.
Maimitchhing in thawk a la halh a, a taksa chak tawh loh zia ka hmuh hian doctor te thusawi dik zia leh hun a neih tlem tawh zia ka ngaihtuah tel lo thei lo.
.
A muhil leh tawh ni a ka hriat hnu chuan chhuahsan in kan pindan ah ka let a, ka mut chhuak lo mah se khumah ka mu ta tho.
.
Ka muhil ka harh chuan zing dar 7 a lo pel der tawh a, Hanna lo awm ve hnu hian naupang buaipui chungchang ah ka awl lehzual ta deuh a, thil thenkhat chu awlsam takin ka tih ve theih phah a, a tha phian mai. Aidan leh Tamas te pawh buaipui reng ngai an ni tawh bik lo. A fel fai chi an ni hrim hrim bawk.
.
Chawhma dar 10 a rik chuan Mrs.Lee leh Hanna bulah ka chhuah tur thu hrilhin in ka chhuahsan a. Ka tlanchhuak fel chiah tih in ka hma a motor ding thut vang chuan motor break rapin ka ding chawt a. Ka va su chawrh lo chauh a ni e. Motor atanga palian zet pahnih lo chhuak chu ka lo en reng ringawt.
.
Pakhat zawk chu ka awmna lam panin arawn kal a, a hmel ka hmuh chian chuan khawiah emaw ka hmu tawh tlat a hriatna ka nei...
.
‘Ah..engtin nge ka puih theih ang che?’ ka lo ti vat a.
.
‘Min hriat loh takin in thenawm a lo awm thar te kha kan nia. Gestalt ka ni e.’ nelawm taka nuiin ka car bulah chuan ala ding ta reng a. ‘Brooklyn-ah kan kal dawn a, kan motor a chiang lo thut a ni..’
.
‘Oh..anih chuan keipawh Brooklyn-ah ka kal dawn alawm.. Ani saw I pa anih ka ring ringawt a. Ka rualin in lo kal ve thei ang..’
.
‘Kan lawm e. Helai ah hian Taxi han hman mai tur a awm lo anih hmel..’ nui sukin apa niawm tak chu a ko a.
.
A sawi chu a dik chiah mai. Kan awmna lai bawrah hian Taxi han hman mai tur awm loh chang a awm ve zeuh zeuh thin tlat. Kan thenawm ah mi thar an awm tih chu hmanni khan ka hre thawi tawh a, ngaihngam taka phurh ngam tur anni reng reng e.
.
An kal tumna hmun kan thlen hma chuan an titi bawrh bawrh a, an sumdawnna thil an sawi pah bawk a. Gestalt pa chuan a nupui thih tawh thu sawiin a hmela lungngaihna lang zauh chu ka lo hmuhhmaih bik lo. Kan inhmu leh dawn nia tiin kan inthlah a.
.
An chhuk hnu chuan kan in panin ka tlan zel a, kan in ka thlen rual a ka thil hmuh hmasak ber chu mak ka ti deuh khawp mai.
.
Car atanga chhukin kan in chu ka pan a, gate ka luh rualin min lo dang vat a.
.
‘Miss, helai ah hian luh tlang phal a ni lo..’
.
‘Tunge I nih? Heihi kan in a nia, tu thuin nge helai ah hian in awm?’ thinrim anga lang duh lovin ka bia a, a ruk tak chuan ka thinrim khawp mai. Helai hmun hi kan ram a ni a, kan in a ni bawk. Kan in leh lo ngeiah tu mihring in nge kan luh leh chhuah khap thei ang..??
.
‘Duty tura hrilh kan nih angin kan duty mai a ni. Engmah hriat kan nei lo. He in ah hian tumah luhtir lo tura hriattir kan ni bawk.’ a tawngkam atang chuan han tawnluih ngawt chi a ni pawhin ka hre lo.
.
‘Tory, an be duh che.’
.
‘Tunge?’ tiin ka bula ding zawk chuan lo kal thar pa chu a a en zauh a, an pahnih inbia chu ka entawn ve thung a.
.
‘Mr.Leventis. Chhang vat rawh..’
 Mipa pakhat zawkin Tory ti-a a koh chu phone la in a kalsawn nghal a..
.
‘Mr. Leventis rawih inni maw?’
‘A dik alawm. Helai hmunah hian engti turin nge I lo kal.’
.
‘Ka duh ber ka hre tawh e’ ti nghatin ka kalsawn a. Markos laka ka thinrimna chu nasa tak a ni. A in kan chhuah san dawn tih kha lo sawi ri kher lo ila tha tur. Eng pawh ni se, min dan theihna dan pakhatmah a nei chuang lo. A ti lutuk mah mah tawh a ni..
.
Thinrim zetin Leventis Corporation building ka pan a, building chhung ka luh hnu ah Markos office panna private elevator lama ka kal chu ka hminga min rawn ko tu awm vang chuan ka ding dat a.
.
‘Hi.. Lilian, kan inhmu khat hle mai..’
‘Hi.. Emelia..’
‘Enge I rawn tih dawn?’
‘Ka pasal hmu turin ka rawn kal a. Kan inhmu khat hle mai’ ka ti liam puat a. Nui her her chungin ka kal chu min zui zel a, ka ngaihdan a ni chiah lo bawk. Ka thiantha tak pawh a ni lo a, min hnaih talh a tum fo hi ka duh lem lo a ni ber.
.
‘Tihtur dang I nei em?’ ka ti nghat a. Tunah chuan nungchang mawi ka ngaihtuah thei rih lo. Markos ka hmuh vat angai.
.
‘Oh..nei e. In fate an tha maw?’
‘An tha e. Ka lawm e. Ka kal phawt ange.’
‘Ok.. Bye..’
.
‘Bye..’
.
Private elevator ah lutin elevator a din chuan ka chhuak vat a. Casey’n min hmuh chuan rang zet hian min lo chhawn thuai a.
.
‘Ohh.. Lilian.. Tunang huna hmuh che hi ka beisei hauh lova.. Mr. Leventis hmu turin em ni I lo kal?’
.
‘A awm tiraw?’
‘Awm lo. Vawiin ah arawn kal dawn loh thu min rawn hrilh zo chiah a ni.’ inthiam chiah lo hmel a pu tih ka hmuh chuan ka nui lui ta ringawt.
.
‘I thiam loh a awm hleinem. Ka be tlang mai thei lova, helai hnaiah hian ka kal remchang em a, ka rawn kawi zawk mai mai. A nih chuan ka kal leh nghal mai ang.’
 Dik tak chuan Markos biak tumin ka call chhin lo hrim hrim. Dawt ka sawi ta ngawt chu a nia. Nuam ka ti chiah lo. Kan nupa inpawh lo tak anga kan lang tur ka duh loh vanga pha mar ta duah ka ni e.! Hrep hian a.. He lai bulhnai ah chuan ka kal reng alawm le..
.
In ka thlen chuan tihtur em em nei lovin Aidan leh Tamas ka awmpui a, tawng an zir ve tan tawh a, a hlimawm thin khawp mai. Ka fate bula ka awm hi chuan thildang ngaihtuah hah lovin ka awm mai thei zel a, ka tan an hlut zia hi sawi maia fiah thei pawh a ni lo.
.
Zanriah ei hun hmain Markos a rawn haw teh tlat bawk. In chung lama a chho chu ka zui vat a. Kan pindan ah zui lutin kawngka ka khar a, ka hmel a hmuh chuan thil beisei lawk nei niawm takin min rawn hmachhawn a, a hmel atang chuan eng rilru nge a put ang tih ka hre thei lo. A landan dam thlup vang chuan ka awm a nawm phah der lo thung.
.
‘Vawiin chu Brooklyn-ah ka va kal a..’ ka sawi tum a hriatthiam ringin a hmel ka en a, engmah a sawi lova a hmelah a rilru a tilang hek lo. ‘Markos, kan in a awm min khap sak tur sawn engah nge I inngaih?’ ka ti nghal thawr a. Ka hmel atangin ka lungawi lo viau tih pawh a hre ngei ang.
A mithmul a tiche zauh a, engtin mah min chhang lo. Engahmah min ngai lo tih ka hmuh chuan ka thinrim zual sauh..
.
‘Markos.. I ti lutuk mah mah a ni. Hmeichhe dang lakah min phatsan duhtawk lovin kan nun dan zawng zawng thunun I la tum lehzel a. Ngawi rengin ka enliam lovang che. Kan in ah sawn kan awm ngei bawk ang.’
.
‘I duh dan dana thutlukna siam chu I la bansan chuang lo a nih hmel. Min dan han tum ta che!’ min cho zet hian min en a, a hma a ka lo chhan tawh dan ang chiah khan min chhang ve kher tih pawh ka hria.
.
Kan thusawi lai chu ngaihven zui ang pawhin a lang lova, a kawr hak lai phelhin a inthlakna tur a la a, a chezia chu ka awmna sawn lovin ka en reng a. Ka tuar thei tawh ngang lo.
Ka thutna atang chuan thovin ka panhnai a, a thawmhnaw hak tur a ken chu ka chhuhsak nawk a..
.
‘Ka dang ngei ang che.. I duh an ganga I pawh phar tur ka ni tawh lo..’
.
‘Ka duh ang angin engtik lai khan nge I lo awm a? Lilian, I duhdan ngeiin I nun I hmang thin a ni lawm ni..’
.
‘Kan in a kan awm khap tur sawn ka lakah thuneihna I nei tawh lo.’ Awmze awm lo zet hian a kawr ka chhuhsak chuan ka vawm a, lo man chatin a nui suk a. Ka thin tirim zual turin hun lo zeta a nui suk hmel hmuh hi a tawk lutuk tlat..
.
‘Nang hi.. Markos Leventis.. I awmdan tenawm zet hi ka hne hluah hluah..’
.
Ka inrin hmain min rawn kuah bet thut a, thinrim lutuk in ka lo tal ve phat phat bawk a. Movie-a ka hmuh thin milian leh mihring pangngai inbei ang vel chauh kan niin ka hria.! Ka tha tawpa ka beih letna chu atan engmah tham a ni lo..
.
Min pawm kang nawlhin khumah min tlukpui a, ka hmai ah arawn fawp kual dan dan a, ka lo thle sawn ve ngar ngar nain tharum ah min hneh em a awmzia a awm tam lo khawp mai.
.
Ka nghawngah min fawp kual zel a, ka beng hnuaia arawn fawh chuan inringlawk miah lovin ka rum hak a. Ka inhuat zia chu(h)..
.
‘Hei pawh hi I hne hluah hluah em?’ min hrechiang zetin a che zawm zel a, ka hnial theih hauh loh tura awmdan chu ka pasal hian a hrechiang tehmeuh mai.
.
‘Markos..’ ka aw zet chu. Mahni inhuat nain ka khat. Thinrimna ri tel miah lo va ka aw ri chhuak chu ka zak zawk e..
‘Min thlah rawh’ ka tichhuak thei hram..
.
‘Ka thlah I duh takzet em?’ a duh danin ka taksa hrechiang zet hian ala che reng tho a, a aw a min mamawhna lang pawh hai theih a ni bik lo.
.
‘Tunah min thlah rawh..’ ahma ai chuan ka aw pawh a zia ta deuh. Ka tum tawh chu ka hlawhtling ngei thin a, tunah pawh hian hlawhtlin ngei ka duh. Hmeichhe dang laka min phatsantu hian ka mamawh ber lai, ka pa vanga mangang lutuk a ka awm lai hian min tanpui tumna nei miah lovin min ngaihven lo va, a lakah hian awlsam takin ka inpe lovang. Ni e, ka pasal a ni tawh a, nupa nun hman chu sual a ni tawh lo. Ka mamawh ve tih pawh ka pha chuang lo. Duat takin min kuah se engkim chiang takin sawifiah nise ka pawm leh maithei.. Ni lo..thil dang zawng zawng chu ka ngaidam thei..! Mahse uirena kher chu ka ngaidam thei lo.. Ka thei ngai lovang.. Ka ka hian ngaidam thei mah se ka thinlung hian a thei ve dawn lo.
.
‘Markos, min thlah rawh.. Ka ten hluah hluah che tih hi I la hre lo em ni.?’
Ka tawngkam hman vang chuan inla hrang vatin a sam a tuai puat a, a mitmeng danglam zawk chu engvang nge tih ka hrethiam hman lo. A inthunun leh rang em a ni. Khumah chuan ka thu a, ani khum sirah a ding thung. Chiang lutuk hian min rawn enchhuk khuau a..
.
‘Ngaithla rawh.. Lilian Spencer Leventis.. Ka in atang hian eng tikah mah I chhuak lovang. Kan fate emaw I pa emaw pawh ni se.. In chhuak ngai lovang. Engkim I hrechiang phawt anih loh chuan mahni duh dana thutlukna siam hi bansan bawk ang che..’ thinrim angin a lang lo na a, a thinrim em em tih ka hria. Nia, ka pasal a ni a, ka hrechiang alawm.! Ka hrechiang alawm inti si hian ka laka thil tamtak thup a neih hi ka hre thei chuang si lo anih hi.. Hahthlak lutuk..!!
.
 ‘Engkim hrechiang thei turin min hrilhfiah ta reng che...’ a inher vut a, ka vuan bet hman lo. ‘Markos, chhuak suh.. Ding rawh..’
.
A rawn hawi let lo hrim hrim.. Engtin nge ka tih chuan ang le?? Brooklyn-a kan in ah kan cheng thei dawn lo anih chuan kalna tur hmun dang kan nei chuang lo. Ka pa damlo derdep lutuk tawh hi ka thiante in ah ka awmpui ngawt thei lo va, kan in a chen luih tum pawh rocket tel lo va thla-a inkah kai tum ang vel a ni ngei ang. Ka fate ka la sawitel lo mah mah!!
.
Mahse he in ah hian engtin nge Markos haw hluah hluah chungin ka chen theih chuan ang?? Ka hua a, min phatsanna vang hian ka thinlung a na em em bawk. Chuti chung chuan ka mamawhna erawh a la danglam chuang lo..’ Tenawm lutuk. I ngaihtuahna chu mi tenawm ngaihtuahna a nih chu. Markos hi I mamawh lo’ tiin keimah leh keimah ka inhau leh rih a. Ka phone a video ka dawn ka mitthla-a arawn lan chuan rilru na lutuk a maimitchhing chungin khumah chuan ka let thla hnawk a.
.
Ka nun hmandan buai nuai nuai hi engtik ah nge a tawp ang le..? Ka pa dam lohna tuar thiam thei tur ringawt pawh hian hnemtu tur leh min fuihtu tur ka mamawh ngawih ngawih asin..
.
‘Eng tikah nge a tawp ang.. Ka manganna zawng zawng hi engtik ah nge atawp ve ang le’ ti a phun sep sep chungin ka maimitchhing a, ka bianga ka mittui rawn luang ngiai ngiai chu hruk pawh ka tum buai peih lo.
.
Ka muhil dawn siar siar tawh tihin mangang te thawt ri ka hriat vang chuan ka thu chhuak hlawl a. Thawm chu inhnuai lam atanga lo chhuak niin ka hria.
Khum atang chuan rang zeta chhukin kan pindan atang chuan ka tlan chhuak ve ringawt a. Eng thil nge thleng tih erawh ka ngaihtuah thiam miah lo. Thil ri bur ka hriat chuan ka ding leh chawt a. Ka thau-ah min man a, ka khur ringawt lehnghal…
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 12
.
‘Lilian..’
.
Min ko ri ka hriat vang chuan dingin ka pa pindan lamah ka kal a, pindan chhung ka luh rualin thil tha lo a thleng tih ka hrethiam nghal.
Hanna chu ka pa khum bulah hmel phelh phangin a awm a, ka pa hmel ka en chuan a harh lo tih a hriat reng bawk.
.
‘Eng thil nge thleng?’ ka hlauthawng tih ka thup buai hman lo.
‘Doctor be rawh.. I pa hi a harh thei lo.. Eng tin nge kan tih dawn?’ Hanna chu a chiai vek. ‘Ka tihtheih zawng zawng ka ti vek tawh..’  a tawng khur dawt dawt a. Khum bula thil tla darh nuai ka hmuh chu nichin-a thawm ka hriat kha a nih ngei ka ring.
.
Ka pa chu hnaihin a mar a la phu em tih ka endik zung zung a, ‘chiai thei ka ni lo,’ tia inngaihtuah chungin ka chiai tho mai.
.
Pindan atang chuan hmanhmawh takin ka chhuak a, kan pindan-ah lutin ka phone ka la a, kan chhungkaw doctor Doughlas ka biak hnu chuan ka pa pindan ah bawk ka let lehnghal a. Tihtheih kan nei lo tih hriain ka pa kut ka vuan a, ka mangan zia chu tawngkama sawi chhuah theih pawh a ni lo.
.
Minute 20 vel zet hnuah Doughlas arawn thlen chuan a che nghal zung zung a. Minute 20 rei ber a ni chiang khawp mai.
.
‘Nikhawhrelo a a awm hma hian tunge a bulah awm?’
.
‘Keimah’ Hanna chu a la khur der der tih ka hmuh rualin ka kuah vat a. ‘Ka mut hmain enge a dinhmun hriat ka duh a, a pindan ka luhlai pawhin a lo tal vak vak tawh.. Tihtheih i la nei em?’
.
Doughlas chu bu nghat nghat in a thiltih lai a chawl chuang lova, a chezia chu thaw dep depin kan lo en reng  thung.
.
‘Tlem chuan a zia leh deuh e, a taksa a chau tawh em a rei a daih tawh kher lovang.’
.
Ka pa pindan atanga Doughlas nen kan chhuah hnu chuan a dinhmun dik tak min hrilh a, ka beisei lawk ni tho mah se ka thinlung hian a pawm thei chuang lo.
.
‘Ka hawsan ngam lovang che u. Minute 10 emaw minute 20 danah emaw a dinhmun ka endik zel a tul ang.’
‘Aw le.’
.
Ka pa dinhmun ngaichangin kan thu ren rawn a, sana ka en chuan dar 10 a lo pel der tawh. Ka pum ri raih raih ka hriat chuan zanriah ka ei lo tih ka inhrechhuak leh chiah bawk. Engmah ka ei chak chuang lo. Markos pawh ala rawn kir lova, zanriah pawh a ei lo ve thoin ka ring ringawt. Khawiah nge a kal ang tih ka hre lo a, biak tumna pawh ka nei chuang lo. Ka pa pindan atangin ka chhuak leh rih a. Biak theih a nih chuan loh vangin tihtheih a awm lo khawp mai.
.
Aidan leh Tamas pindan ah lutin an mut that leh that loh ka en a, ka fapa te hian kan dinhmun tawn mek hi hrethiam ve niawm takin buaipui ngaiin an awm miah lo. An muhil thaw sek sek chu enin an bianga ka fawh ve ve hnuah an pindan atang chuan ka chhuak a.
.
‘Lilian, helam ah..’
.
Hmanhmawh deuh bawkin ka pa pindanah kan lut a, Doughlas chezia atang chuan ka pa chu beisei tur a awm tawh lo tih ka hrethiam!
.
‘Lilian, mihring in tihtheih kan nei ta lo. I pa chu a chawl ta e.’ tiin a kun lap a.
.
A thleng ta nge nge maw! Ka nghilh dup a, muangchangin ka pa khuma mu chu ka pan a. A biangah ka dek a, a la lum ther ther.. A bianga ka fawp a, a thaw tawh lo tih ka hriatna chuan ka thinlung a vit ngawt ngawt a. Ka pa hi minung a ni tawh lo.. A chawl ta.. A chawl tawh.. Ngaihtuah ber tur ka hre lo. Mal ngawih ngawih a ka inhriat laiin ka pa chu ka nu nen an inhmu tawh maithei tih ka ngaihtuahna chuan ka mittui karah min nuih tira, mahse ka nui rei lo khawp mai.. Ka pa hian min kuah thei tawh dawn lova, huaisen tura min fuihtu tur pa ka nei tawh lo..
.
‘Pa.. I hahdam tawh em?’ a biangah ka la vuan reng a, min chhang tawh dawn lo tih hre chungin biak ngei ka duh si a ni.. ‘Ka nu nen min awmpui reng ru aw. Ka mit hian ka hmu thei lo che u anih pawhin ka thinlung chuan min awmpui reng tih ka hre dawn tho a nia.. Pa… Na I nei tawh lo tiraw?’ ka pa engmah hre tawh lo a mu chu ka kuah a, ka mittui a luang zawih zawih bawk.
.
Ka dara min rawn vuantu awm chu Markos a ni tih ka hria. Engtik laiin nge arawn thlen ka hre lo a, tunge lo va phone tih pawh ka hre hek lo. Doughlas tih a ni ngei ang. Ngawirengin ka pa ka kuahna chu thlahin ka ding chhuak a. Markos chuan min lo kuah vat a. Tunah chuan min kuahna hnial turin chakna thahrui ka nei lo..
.
‘Min kalsan ta.. Ka ring thei lo..’ Markos chuan min kuah betin ka hnungah a chul hauh hauh a.
‘Shh..’ sawi tur a hre bik lo a nih ka ring.
.
.
Ka pa boral vanga ka rilru hahna chu thuhran ni se, ka awm zel dan turin ka ngaihtuahna a tibuai nghal em em bawk. Keimah chauh inngaihtuah chu ni ila thih ve daih ka duh hial mai. Ka buai rukna zawng zawng vang hian ka chau zo tawh.
.
Eng emaw chenah ka pa rilru tihhah zual ka duh loh vang khan Markos nen kan buaina engmah ka hrilh lo a, he in atanga ka chhuah luih  mai  loh chhan pawh ka pa ka ngaihtuah vang bawk a ni. Ka duh anih phawt chuan Markos hian eng ang pawhin min dan beh tum mah se ka duh chu ka titlang thei tho ang. Eng pawh ni se, ka pa ka thlahliam fel phawt anih loh chuan eng lam pawh hawi dawn ila tun vut vuta  thutlukna siam  mai ka thei rih lo chu a nih hi.
.
Kar khat hnuah ka pa’n a duhthusam a lo ziah lawk vek angin Brooklyn-a ka nu thlan bulah kan zalh ta. Ka pa kan zalhna kuang lei hnuai thuk taka awm chu en in thawk ka la kawk kawk a. Thihna hi chu a va runthlak tehlul em! He khawvel-ah hian vawikhatmah kan inhmu tawh dawn lo va, a aw ri leh a nui ri pawh ka hre tawh hek lo vang. Ka lungngaih changa min hnemtu tur pawh a awm tawh dawn lo…
.
Thlanmual atanga in kan thlen hnu pawh chuan ka awm dan a dik thei thlawt lo. A thawpik hluah hluah vang chuan in chhungah ka awm thei der lo bawk. Kan in hnunglam Inte ah ka kal a, tunah chuan keimah chauh a awm ka mamawh rih niin ka hria.
.
Rei pawh ka thut hmain kawngka arawn inhawng a, Markos lo lut ka hmuh chuan ka mittui ka hru sawk sawk a. Chak lo taka ka awm lai min hmu turin ka duh lo. Tuna kan inkar boruak dik tawk loh lai phei hi chuan ka duh lo lehzual. Ka thutna bulah rawn thuin ngawi rengin min rawn kuah a, ka rilru manganna hrethiam ve niawm takin a ngawi vang vang a.
.
‘Eng thil  nge ka tih ang? Eng ti turin nge min duh?’
A thusawi chu ka hrethiam chiah lo. Kei hian eng ti turin nge ka duh? Kan inkar buaina hi sawi maia fel thei pawh a ni tawh lo.
.
‘Tunah chuan eng thil mah sawi tur ka nei rih lo. Kan inkar hi tawngkam a sawifel theih a ni pawhin ka hre lo. Markos, engkim hi tawp turin ka duh.’
.
‘A tawp lovang. I sawi ang chuan nakin ah awmze nei zawkin kan inbiak theih ka ring.’ a ti sup a. Ani pawh a rilru a pik hmel ve tho mai. Tunhnai ah hian awmze neia inbiak kan la nei lo tluk a ni..
.
‘Keimah chauha awm ka duh..’
Thawk la halhin min kuahna chu a thlah a.
.
‘Eng kim a fel hunah thil thleng zawng zawng hi ka sawifiah ngei ang. Reilote min lo nghak rawh..’
.
‘Khawngaihin Markos, eng thil nge sawifiah tur awm? Thil dang zawng zawng chu ka ngai pawimawh lo. Ka pasal hian hmeichhe dang a mutpui a, ka mit ngei hian kha video kha ka hmu bawk a.. Eng nge sawi tur awm..’ ka duh reng vang pawh ni lovin ka aw chu a vin angreng..
.
‘I enchiang meuh em?’
‘Eng tin nge chu chu min zawh ngam zawk.. Video-a i hmel kha a chiang khawp mai. Sawi ka duh tawh lo..’
.
Thil dang a sawi leh hmain inte atang chuan ka chhuak a, ka rilru tawt lutuk chu awmngaihna ka hre lo hulhual..
.
Kar khat chhung chu awmze nei lovin ka khawsa kual vel mai mai tiin sawi ila a dik ber ang. In ah ka awm chawt a, ka fate pawh ka buaipui tha meuh lo. Hanna leh Mrs.Lee ten min hrethiam takin min pui zel a, Markos pawh ka be ngai chuang lo.
.
Ka phone ri char char chu ka en reng a, pick up tumna pawh ka nei lem lo. A ring quit hnu ah pawh min rawn call nawn char char a, ka be peih lo tih hriatthiam ve awm tak.. Caller Id ka en chuan ka hmelhriat sa pawh a ni lo lehnghal!
.
Vawi 5 zet arawncall hnu chuan phur lo zetin ka pick up ta hram…
.
‘Hi, Gwen ka nia. Lilian, I theih chuan Markos hi rawn hruai ta che?’ a thusawi ka hriat rualin ka thu ngil nghal zawt a. Markos maw? Tunang hunah engtin nge Gwen bulah a awm theih? Rilru hahdamin ka awm hman reng reng lo mai..
.
‘Tunah khawiah nge in awm?’ ka thinrim tih ka thup hram hram angai.
‘Ka in ah?’ a tibul hmak a. Min biak a chak vak bik lo tih hai rual a ni lo.
.
‘Address..?’
.
A chenna hmun min rawn hrilh hnu chuan phone kan dah a. Ngaihthat lohna mak tak ka neih vang chuan ka tha a khur ru der der hial mai. Zanrei a ni tawh a, Gwen chenna hmunah chuan hruai ngai hial khawpin eng thil nge a tih ang tih han rinchhin tur pawh ka hre miah lo. Ka thinrimna chu dahtha in in atangin ka chhuak a.
Thui pawh ka la tlan hmain ka hnunga car lo tlan ve zel chuan ka rilru  a lapeng a, motor pawh ka khalh chak khawp mai. Thui fe ka tlan hnuah pawh min la zui reng. Ka ngaih a tha tawh lo takzet. Min zuituten min hmuh theih loh na turin kawng pengah ka tlan a, ka tlanna kawng chu ka la hre ngai lo. Minute 10 vel zet tur ka din vang vang hnu chuan fimkhur zetin ka tlanchhuak leh a.
.
Gwen address rawn sawina lai hmun ka thlen chuan in awm ho chu a thim thiap tawh. Motor atangin ka chhuak a.
G-42…
.
Kawngkhar hlui tawh lam chu ka kik karh karh a, rei vak lo hnuah hmeichhe pakhat upa tawh lam hian kawngka chu arawn hawng a.
.
‘Eng thil nge ni ta? Ka hria che em?’
.
‘Gwen chenna hmun a ni em? Helai hmunah hian kal turin min rawn bia a..’
.
‘I sawi awmzia chu ka va hre lo ve. Helai hnai ah Gwen tih hmingpu an chen awm pawh ka hre lo..’ a ti ban charh charh a. ‘Lo lut ta che?’
.
‘Ni lo e, ka tihbuai che avangin min hrethiam dawn nia..’
.
‘Ni lo..ni lo.. Lo lut rawh. Markos Leventis nupui I ni em?’ Lehlawi si chuan..!
‘Min hre lo ni khan I insawi sia..’
‘Ohh..tuin nge hre lo ang che. Markos chu ka hria alawm.. Lo lut rawh. Thu pawimawh hrilh tur che pawh ka nei maithei a nia..’
.
Engmah ka hrethiam ta tehnuai lo.. Rilru nuam zat lo chungin inchhungah chuan ka zui lut a, pawnlam atanga a landan aiin inchhung chu a felfai thlap thung.
.
‘Lo thu rawh.. Thla hmasa khan ka tunu Loui hi Leventis Corporation ah a thawk ve tan a. Hmanni a thusawi chu mak ka ti khawp mai. Oh.. Eng thil nge maw ka tih le.. Ngawi teh, thil pawimawh sawi tur ka nei tih kha ka sawi tak e. Kan vawikhat inhmuhna chauh a ni nain hetianga ka awm hi mak lo ti suh aw..’ inthiam chiah lo hmelpuin a nui sak a.
‘Ka hrechiang nghal ngam chiah lo che a, I thlalak a I landan aiin atakah hian I tha hle mai.’ A ti leh rih a. A awm dan chu mak ka ti deuh khawp mai. Ka rilru mumal loh vang hian tihtur leh tih loh tur pawh ka thliar hrang thiam ta meuh lo niin ka inhria. Ka hmelhriat ngai pawh ni lo in ah ka lut ringawt a.. Gwen address rawn sawi chiah kha he in hi a ni tho bawk si. Tawngna hun pawh ka chang meuh lo.
.
‘I ngaihtuah tur awm ang chu ka hre mai. Engtin nge kan in hi I rawn pan tih ka hre lo nain I pasal lakah hian lawmthu sawi kan ba nasa lutuk. Ka thuhriat hi a tangkai ngei ka ring thung a.’
.
‘Leventis Corporation a hnathawk pakhat hian Mr. Leventis Video mak tak chungchang leh amah beih nan an hman thu a sawi a, Jija ti-a an koh hian a lo hre ru a ni awm e. Hmun dangah sawi hauh lo turin ka tunu chuan min hrilh a, I bula ka sawi bak chu khawiah mah ka sawi hauh lovang. Chutiang thil chu I hre thawi em?’
.
Hamhaih deuh takin ka lu ka thing a.
‘Hnathawk dang reng rengin an hriat loh tur thil anih thu a sawi bawk a. Enteh..’ ka bulah rawn thu hnai chiah tihin eng emaw a ri khep a, arawn bu dawrh a. Ka malchunga arawn bawk thlawp chu ka lo vuan vat a. A lu ka khawih rual a lum pup vang chuan rapthlak ti zet hian ka te thawt a.. Thisen.. Aw Lalpa.. Eng thil nge thleng hi..
.
Kawngka arawn inhawng thuai a, ka hlauthawng lutuk chu ka thaw tha thei lo. Gestalt ka hmuh chuan ka meng kawk kawk a. Eng mah sawi lovin ka nghawngah min rawn khawih zauh a, eng mah ka hre zui tawh lo.
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 13
.
 Ka rilru a harh leh chuan ka taksa a zawi vek a, ka meng mai thei lo.
.
‘A harh em?’
‘Ka hre lo.’
‘A harh a va hun tawh ve. A rei tawh mah mah a nia.’
An tawng dan atang chuan ngaihtha chiah lo an ang khawp mai. An aw atang ringawt chuan tute nge annih ka hre thei lo. An aw chu ri mak deuhin ka hre vek a, ka taksa khawilai mah ka tiche thei hauh lo bawk. Reiloteah ka harh lo zui lehnghal a.
.
Ka harh leh chuan ka hai chuai chuai a, ka taksa a mu chuah chuah bawk. Eng chena rei nge harh lo a ka awm ka hre hek lo.
Muangchangin ka mit ka meng a, ka bula vela thil awm reng reng chu ka hmu chiang thei lo.
.
‘Lilian.. Harh teh!’
Ka kut chu vuantu an awm tih ka hria. Min be tu chu Markos aw a ang khawp mai. Ka khaw hmuh a fiah chuan kan khumah ka mu tih ka hre nghal a, ka thla a muang deuh sawt bawk.
.
Thil thleng ngaihtuah letin ka maimitchhing leh vang vang a.
Kha in ah khan..hmeichhia, upa tawh lam nen kan inbia a, min rawn hnaih lai takin ka malchungah arawn bawk thlawp a nih kha.. Thisen..ka kut a thisen kai zawng zawng te..
Kha taksa phu chhuak zawih zawihin ka rum chhuak bawk a.
.
‘Lilian.. Aw Lalpa.. Gata`ki, I harh em?’
.
Ka hmai bula Markos lo kunhniam chu ka hmu chiang thei ta. A mitmenga manganna lang chu ka hrethiam thuai bawk..
.
‘Eng thil nge thleng hi?’ ka tawng chu a zawi khawp mai. Markos chuan ka biangah min fawpin ka chalah min rawn si vang vang a.
.
‘Pathian hnenah lawmthu awm rawh se. Min ti mangang takzet a ni.. I tha em?’ tiin a phun mawlh mawlh a.
.
‘Ka tha alawm. Eng thil nge thleng hi?’ ka tawng chu tlemin a ring tawh deuh. Min chhang lovin a tho a, khum bula glass no chu lain tui min intir leh te te a. Ka mutna bulah a rawn thut chuan min en reng a, a hmel a thil chi hrang hrang lang zut zut chu ka hrethiam lo. Hreawm tihna, min hmangaihna leh thil dang tam tak.. Thil thleng zawng zawng kha eng vanga thleng nge tih ka hriat ve ngei a tul a ni.
.
‘Khalai hmunah khan eng vanga kal nge I nih?’ Markos chuan ka kut vuanin a hmer vang vang a, a hmel ah chuan hlauhthawnna a lang thar leh bawk.
.
‘Gwen nen kan inbia a, khalai hmuna kal tur khan min hrilh alawm..’
.
‘I thusawi chu enge a awmzia?’
.
‘Awmzia vak a awm lo. Gwen chuan a bula I awm thu leh hruai  I ngaih thu a sawi a..’
.
‘Aw Lalpa.. Engkim hi ka thiam loh a ni,’ rawn kun hniamin min kuah a. ‘Gestalt khan rawn nang hman lo se chu ka chan ngei ang che.’ a sawi loh tur sawi ang mai hian a ngawi leh dat a..
.
‘Gestalt chu kan thenawm a awm thar kha a ni lawm ni.. Khalai hmunah khan enge a rawn tih.. Chuan kha hmeichhia kha..’
.
‘Hahdam phawt rawh. I bulah ka awm reng ang..’
.
Ka bulah rawn muin ka kalsawn hlau niawm tak hian min kuah a. Ka harhchiang tulh tulh thung.
.
‘Tunah hian dar engzat nge?’
.
‘Ka hre lo. Min kuah rawh..’ a ti leh ringawt a..
.
‘Markos, thil dik lo awm hi enge anih chiang taka ka hriat a hun ta viau a ni..’
.
Eng chen nge ngawi renga kan mutdun ka hre lo. Ka lo muhil leh a ni ngei ang. Ka harh chuan ka bulah Markos a lo awm leh tawh lo.
.
Ka mut dan ngaiin ka mu vang vang a, ka  ngaihtuah let leh hian thil thleng kha mak ka ti telh telh.
.
Kawngka a ri rak a, eitur chawi chungin Markos arawn lut a. A hnungah Hanna leh kan fate an rawn inkai lut dat dat bawk a. Aidan leh Tamas chu min hmuh rualin hlim zet hian an thiam dan anga min ko vin khumah an rawn lawnkai nghal phat phat a. An pahnih chuan ka lo kuah vat a.
.
‘Mama hian heihi a ei phawt anga, chuan kan infiam ang aw..’ Markos chu hahdam hmel deuh zawkin ka bulah a thu a, a mitmenga ka hmuh chu kan inkar that vak loh hnua ka duhthusam thin ang chiahin min hmangaihna dik tak ang kha ka hmu thei..
.
An pahnih chuan kut an beng thak thak a, a hmel hi ka en ning thei lo..
.
‘Mama hi tunge fawp dawn le?’ ka biang tawn tawnah min fawp a, ka hahdam sawng sawng mai..
.
Markos rawn ken eitur ka ei zawh chuan khum atanga thovin ka intifai zung zung a, Markos chu Aidan leh Tamas te nen an lo infiam thung.
Bathroom atanga ka chhuah chuan an pafa thuma an infiam chu ka en reng a. Fate tan Markos tluka pa tha hi an awm thei kher lo ang. Ka tan erawh min uire san tu pasal a la ni reng tho! Ka thil ngaihtuah chhuah vang chuan ka mit ka chhing sawk a..
.
Ka inthlak fel vek hnuah Aidan leh Tamas ka muttir a, an mutthilh fel chuan kan pindan lamah ka kalsan a. Ka hun hman dan ni deuh huih vang hian ka awm thiam chiah lo.
.
‘Hetah hian lo kal teh..’ Markos chu khumah thuin a thutna bul chu a beng thuk thuk a. Hnial lovin khumah chuan ka thu a, a awmdan atang chuan sawi duh a nei niin ka hria. Kan boruak tawnin a zir lo chho a, in chhuahsan ka tum thu pawh ka sawi ri leh ta lo kha a nia. Khuma zanriah ka ei chhung khan ni khat pumhlum thak harh miah lovin ka mu tih Markos hian min hrilh tawh a, thil thleng dang chu ‘I hahdam hunah kan sawi ang’ a ti anih kha.
.
‘Gwen chuan engtin chiah nge a sawi?’ a ti nghal thawr a. Ka pasal hian sawi tum mumal tak a neih chuan thuhma a nei ngai lo reng a ni.
.
‘Min rawn call a, abul a I awm thu leh hruai I ngaih thu arawn sawi a. Dik tak chuan ka thin a rim em em a ni. I tan ka awm reng thin tih I hria a, chutih laiin hmeichhe dang bulah hahdamna I zawng niin ka hria a. Gwen hian nupui nei lai angin a en lo che tih pawh I hre vek a.. Eng vanga tuar tang tang nge ka nih pawh ka inhre tawh lo..’ ka rin aiin ka sawi tha thei zawk..
.
‘Gwen bulah ka awm lo. Hetiang thil a tihchhan hi kan hre thuai ang.’
.
‘Hmeichhia kha enge a dinhmun? A thi tih min hrilh suh..’
.
‘A dinhmun a tha lo khawp mai. A tha chhuak kher lo maithei.’
.
‘Ani kha awm lo se kei hi ka thi ngei ang!’ ka ti sep a. Ka sawi chu thudik tak a ni bawk. ‘Ani khan video chungchang leh Jija thu hriat chungchang min hrilh a’
.
‘Eng maw?’ mak a tih hmel angreng…
‘Loui, I hnuaia hnathawk mek hi a tunu a ni bawk. Loui chuan Jija’n video chungchang sawiruk a hriat thu a pi kha a lo hrilh a. Engtin nge Gwen te nen an inzawm ka hre lo. An in awmna leh House number pawh Gwen min hrilh vek a ni..’
.
‘Zan a rei tawh tih I hria a, eng vangin nge I kal kher?’
A zawhna awmze nei lo zet vang chuan a hmel enin ka ner sak a.
.
‘Eng pawh thleng se ka pasal ini tlat alawm. Nupui nimek tam zawk hian an pasal te harhfim lo tih hriatreng hmeichhe dang bula riah an phal lo ve tho ang. Ka dang vek seng lo mai pawh a..’ ka rilru natna ka aw a lang chu a hrethiam tih hriat taka thaw hawkin min awn kuah a,
.
‘I awih emaw awih lo emaw eng tiklai mahin ka phatsan hauh lo che..’ a thu sawi chu awlsam taka ka rin nghal hmiah nachhan tur tan chhan pakhat te pawh ka hre lo thung!
Min kuahna chu phelhin a mitmeng thutak zet chuan min en run a, hetiang thil buai nuai nuai a thleng chung leh min uire san tih ka hre reng chung pawh hian ka pasal hi ka la hmangaih reng tho nia. Hmeichhe a tak ka ni e! Ka rinna erawh a tlahniam tih phat rual a ni lo. A tir atang reng khan ka duh dan taka thil thleng hi chhiar tham lek tak tak chauh a ni  ngei ang. Mihring nun hi kan duhdan ang chauhin kan thunun thei lova, kan chunga thil thleng apiang huaisen taka kan hmachhawn hian mihring nunphung pangngai kan zawh ve tihna a ni chauh reng a. Thil awlsam leh nuam tak a ni reng thei lo.. Eng tikah mah zir zawh tih ka awm thei hek lo.
.
‘Eng nge rina rin loh tur tih hi hun reitak atang khan ka hre tawh lo. Ka pasal hian ka lakah thuruk angah tawh em a ni..’
.
‘Ka sawi theih zawng chu ka phatsan ngai lo che.’
‘Eng tin nge ka rin theih ang?
.
‘Lilian..’
‘Chhuanlam dang i sawi dawn a nih chuan ka ngaithla lovang. Dawh theih chin ka nei ve bawk tih hi min hriatsak ang che.’ Ka thutna atangin ka tho a, ka banah vuanin min pawt ding chawt a.
.
‘Atir atang khan ka tidik tawk lo tih ka hria. Ka ringtawk che niin ka inhre thin a mah se chan che ka hlauh vangin ka thup leh ta zawk a ni.  Kha video kha hmu pawh ni la dawt anih zia I hre tho ang tiin ka ngaihtuah bawk a. Athens atanga  ka lo kir khan hrilh che ka duh a.. Eng vanga thup ta nge ka nih ka inhre lo. Eng kim a fel leh mai ang tiin chinfel ka tum a, a buai zo ta vek zawk anih hi.. Vauna ka dawn hmasak ber khan..’ a ngawi chawt a.
.
A thusawi vang chuan rang zeta inherin a mitah chiang takin ka en a.
.
‘Eng vauna nge I sawi chu?’ min chhang lo. ‘Markos, eng thil nge I sawi chu? I la zep fo dawn amaw? Vau tawk tur khawpin eng chen zeta thui nge I lo kal hman?’
.
‘Reilote min lo nghak thei angem? Khawngaihin..’
.
‘Markos, eng vang nge? Eng thil nge ka laka I zep tlat hi..? Ni lo, ka thei tawh lo..’
.
Min vawnna chu phelhin ka ding chhuak hluai a. Khumah chuan chechang lovin a thu reng a, keipawh hian awmdan tur ka hre seng tawh bik lo. Eng kim tlang taka sawi hi a har viau em ni? Keipaw’n engkim ka hrilh a, a laka zep ka nei loh ang bawk hian a awm ve mai thei lo ang maw?
.
‘Eng kim chiang taka min hrilh dawn lo anih chuan I bula ka chen reng tur chhan hi a awm tawh lo. A lutuk mah mah tawh. Kan in ah ka let leh ang.’ Ka rilru tak takin eng kim titawp tur hian ka inpeih ta in ka hria. Tawngkam a min phatsan loh thu sawi ringawt hi a tawk zo tawh lo.. Ka hne hluah hluah..
.
‘Naktuk ah fiahna chu ka hmuh tir ang che.’
.
‘Fiahna turin eng thil nge i siamchawp tak ang?’ ka aw ri chu keimah ngei paw’n ka awih lo zawk.
Min rawn en zawk a, eng mah sawi lovin a tho a pindan atanga a chhuak chu ka en reng ringawt..
.
Thinrim tawt tunin ka vei sek a, khum bul dawhkan a kan thil dah chu ka nawr thla rum rum a, ka inthunun zo tawh lo. Sawi mai ngaihna awm lo vin kan awmdan hi ka kham lutuk takzet! Khum ah ka let thla tawp a, ka tah pawh a chhuak lo. Tih tur ber hre chuang lovin ka luak a chhuak ut ut zawk..
.
Ka muhil ka harh chuan muangchangin ka tho a, lukham mar thlap ka hmuh chuan nizan min chhuahsan hnu khan arawn let leh tawh miah lo tih ka hrethiam nghal mai. Bathroom ah lutin ka tihtur ka tihzawh hnuah Aidan leh Tamas te room ah ka kal a, an lo awm tawh lo. Inhnuai ah an awm tawh anih ka ring.
.
Tihtur dang hre chuang lo vin kan pindan ah ka lut leh a, ka thawmhnaw thenkhat chhuahpui turin ka siam fel a, ka ngaihtuahna ah engmah a awm lo. Ngaihtuah hah leh tur chuang ka hre tawh lo a ni ber e.
.
Ka phone a rik chuan phur lo zetin ka en a, caller ID ka hmuh chuan ka pick up vat a.
.
‘Hey, eng nge I an? Kan inbe khat hle mai..’
.
‘Ka tha e. Joanna hmuh che ka chak hle mai..’ ka ti ro halh a. Joanna chauh hi ka rilru hahna min hriatpuitu a nimai a, a bulah awmin inbunruak ila ka zia deuh maithei. Mahse a hna kalsan a min rawn pan turin ka ngen thei lo vang.
.
‘Chanchin lawmawm kan nei a nia..’
.
‘Oh..ka hre chak hle mai..’
‘Nau ka pai..’
‘Aw Lalpa… Ohh.. Joanna.. sawi mai tur ka hre lo zawk.. A va ropui em!’
.
‘Mervin ka la hrilh lo.. Tunah khan ka hre chiah a ni.. Ka lawm zia hi ka sawi thiam lo zawk..’ a tawng dan atang chuan a hmel awmdan tur zawng zawng nen ka ngaihtuah thiam mai. Ka thinlung tak takin ka lawmpui takzet.
.
‘Kan inhmuh vat atul a nih chu..’
‘Tehreng mai. Naktuk-ah inhmuh kan tum dawn nia.. Ka dah phawt ang. Mervin a lo thleng chiah’ arawn ti sar sar a, phone a off zui nghal a.
.
Min ko thawm ka hriat chuan pindan atanga chhuakin inhnuai ah ka chhuk a, ka nu (Markos nu) ka hmuh chuan kan inhmuh khat tawh zia ka ngaihtuah lo thei lo.
.
‘Mama, eng tik khan nge I rawn kir?’
.
‘Lo kal hnai teh..’ min raw pan ve bawk a, ka bula a din rualin min rawn kuah a. ‘Hmm..ka ngai khawp mai che u. Aidan leh Tamas pawh ka hmuh loh karin an lo changkang hle mai.’
.
‘Ni e. Zory te chhungkua eng nge an chanchin? Naupang ho an tha em?’
.
‘Tha alawm. Kan zavai a inhmuhkhawm kan rawt vat dawn nia.’
.
Thu dunin kan titi mawlh mawlh a, sawi duh a ngah leh khawp mai.
.
‘Ka tute saw kan ko lut dawn em mi niang? Infiampui ka chak zek zek tawh a nia..’
‘Oh, tehreng mai..’ tiin ka nui hak hak a.
.
Pawn lamah Tamas leh Aidan infiam hruai turin ka chhuak a. Kan in piah kawngpui lang thei tawp china mipa ding chu ka va hmuh chuan ding chawtin ka en reng a, ka en tih hria niawm tak hian muangchang in a kal sawn a. Hlauhthawnna in min rawn man thut bawk.
.
Hmanhmawh zetin Aidan leh Tamas chu ka pawm sawk sawk a, Hanna chuan ka awmdan hrethiam chiah lovin min rawn pui thuai a.
.
‘Hanna, eng emaw chen chu Aidan leh Tamas hi pawnlamah infiampui tawh lo ila a that zawk ka ring.’ Ka ti sap a.
.
‘Ka hrethiam e.’
.
Ka hlauhthawnna chu hrethiam awm pawh a  ni ve reng reng. Nimin lawkah thil rapthlak tak ka tawng a, kan in lo thlir rengtu ka va hmuh khan ka hlauhthawnna a zual thut bawk a ni. Him lo tlata inhriatna ka neih chu ngaihtuah loh tumin ka fate chu ka bia a, inchhung ah ka luhpui nghal a.
.
Chawhnu lam dar 3 velah ka nu’n min haw san a, kan inhmuh leh thuai tur thuin kan inthlah a. Markos lo nghah a duh rualin a doctor hmuh atul vangin a haw loh theih loh thu a sawi bawk tak e.
.
Zanriah ka ei hnuah pawh Markos chu ala rawn haw lo fo a, a chanchin leh awmdan hre tura biak erawh ka tum lo bur. A duh danin awm se la, keipawh ka duh danin ka awm ang. Vawiin khan ka nu lo kal lo ni se tunah hian he in hi ka chhuahsan tawh  ngei bawkin ka ring. Brooklyn-a kan in ah kan luh phal lovin min lo dan leh tum pawh ni se an hlawhtling tawh dawn lo.
.
Ka phone a rik chuan min lo call tu chu  Markos a ni tih ka hmuh rualin ka pick up a.
.
‘Hruai tur che in Koko ka rawn tira, a rawn thleng tep ang. Hlauthawng lo la, Koko kha rawn zui ngei ang che.’
.
‘Eng vanga min rawn hruai tur nge anih’ a rawn tawngdan ang chiahin Ka chhanglet a, a thaw huai ri chu ka hre pha reng mai.
.
‘I lo thlen hunah I hre mai ang.’
Ka chhan leh hmain phone a off a, ka phun hlak a. Thil eng emaw takin min hmuak tih ka hria a, a tha lam anih tawh beiseina ka nei teh tlat bawk a nih hi. Vawi eng zat nge he in chhuahsan tur hian ka inngaihtuah tawh. Khawvela mi nep ber ang maiin tun thleng hian ka la chhuahsan lo chu a nia. Ka ngaihchan ber ni a ka hriat tak chu fiahna felfai tak a ni. Nakina ka inchhir leh hni hne loh nan eng kim chiang taka ka hriat phawt hnuah anih tur ang ang nih hi a tha zawk e tiin ka ngaihtuah tel tho bawk.
.
Kan pindan ah lutin kawrlum ka ha a, inhnuai a ka chhuk leh hnu rei vak lo ah Koko arawn thleng zui deuh mai bawk. Aidan leh Tamas pawh Hanna hovin an pindan ah an awm a, ka let leh har vak dawn lo tih Hanna ka hrilh leh hnuah Koko nen kan inzui chhuak a.
.
Kan kalna tur hmun kan thlen hma chuan eng mah kan sawi lo. Koko hi mi tawngtam chi a ni loh chu thuhran ni se, tuna kan buaina hi a hre ve kher paw’n ka ring lo.
.
‘Manhattan ah maw?’ tiin Koko chu ka en he haw a.
.
‘Kan thleng tep e.’ tih chiahin min chhang.
.
In lian zet kawta kan din chuan thil hriatchhuah ka nei. Ahma khan Markos hian Manhattan-a in a neih thu min hrilh tawh a, a hma zawng zawng khan ngaihtuah chhuah nachang ka hre miah lo.. Helai a kal chhan tur remchang hi kan la nei lo hrim hrim bawk tak e!
.
In chhung kan luh chuan eng a dul raih a, pindan pakhat a Koko chu ka zui lut a.
Markos leh mipa pa lian zet zet pahnih an lo awm a, a thim deuh chinah chuan hmeichhia a thu bawk. A hmel ka hmuchiang thei lo.
.
Mipa lian deuh pakhat zawk chuan pindan light chu a va on zauh a, hmeichhe hmel chu ka hmuchiang thei ta bawk. He hmeichhia hi video ami ngei kha a ni! Ka chiang.. A ni chiang khawp mai.
.
‘Markos..?’ zawhna mitmenga ka en chuan ka rilru tur hrethiamin a bu nghat a.
.
‘Thudik sawi hun a ni ta e. Ahma-a I inpuanna ang chiah kha sawi leh rawh.’ Pa lian aw thum zet chuan hmeichhia chu a bia a, chu hmeichhe hmel atang chuan nuam lo tihna emaw thil dik lo ti hmel a lang hran lo.
.
Markos chuan ka kutah rawn vuanin a bula thutna awmah chuan min pawt thu a. Ka thut hnu pawh chuan ka kut chu a thlah lo hrim hrim.
.
‘Eng ber nge sawi tura min duh?’ a aw chang fal leh zamna nei miah loa a awm chu ka en kal a.
.
‘Athens a in ruahmanna tenawm zet chungchang kha tun hi sawi hun a ni e’ an indawr dan chu an nem lo dun khawp mai. A aw thum zet pawh chu hlauhawm tham a nih laiin chu hmeichhia chuan hlau hmel a pu eih lo.
.
‘Markos nen kan mutdun chungchang kha.. Ni e. Zan khuain kan mudun ngei alawm.’ Ngeiawm zet hian a nui sak a. Markos chuan ka kut chu a hmer nghet zual sauh a, ka duh emaw duh lo emaw ngaithla zel turin min duh tih ka hria.
.
‘Tunge ruai che? Tunah hian eng kim I sawi lo anih chuan eng kim atawp ang tih I hriat kha.’ Ati leh chhur chhur a.
.
‘Hah..min vauna chu ka hlauin i ring em?’ a nuih zui dan chu ka sawithiam lo zawk. ‘Nang nu khan I pasal mamawh I phuhru zo lo a ni ngei ang..’
.
Ka ngaithla thei tawh lo. Markos min vawnna chu phelh nawkin ka ding a.
.
‘A hma-a thudik I sawi tawh ang chiah kha sawi rawh’ a thutna bul hnaih zawka ding chuan a ti thum bul bul a.
.
‘Nang nu hian i pasal hi eng vanga then mai lo nge inih?’ min huatna mitmeng a khatin min en a, a thutna atang chuan rawn tho thutin min rawn pana, ka sam ah min rawn tham chat a. Ka lo inring hman lo. Mipa awm te pawh chuan an dang hman chuang lo.
.
‘Thlah rawh..’ Markos aw ka hriat rualin hmeichhia chu ka leng nawk a, ka sam a til thawt bawk. Ka lu lei nat zia chu rapthlak tak a ni.
.
Min tlah rualin pindan atang chuan ka chhuak a, ka tlan chhuak a ni zawk mah.
‘Lilian’
Kawngka atanga ka chhuah rualin Markos chuan min rawn dawm bet a, min vawnna atang chuan tal chhuakin ka inher a a hmaiah ka beng ri thlawrh a.
.
‘Kha hmeichhia nen in mut dun ngei thu nem nghet tur khan helai hmunah hian min ko a maw?’ ka aw khur dawt dawt chu ka thunun zo lo. Pindan ah khan va lut lehin kha hmeichhia kha a sam ka va pawhkawlh sak vek zawk dawn em ni? Ni lo. Ka kut hmawr pawhin kha hmeichhia kha ka khawih lo zawk teh ang..
.
‘Lilian, ni lo..’ ti hrawkin min rawn kuah bet a, tal chhuah pawh tum ila ka thei tawh dawn lo tih min kuah ngheh dan atang chuan ka hre mai. ‘Kha hmeichhia khan dawt a sawi a nih kha..’
.
‘Tawngkam in eng mah ka sawi tawh lo vang. A tawp.. Eng kim a tawp.. Eng vanga tun chen chen tuar hi nge ka nih?’
.
Ka inngaihtuah let pawh hian mawl ka inti hluah hluah.. Eng beiseiin nge tun chen chen hi ka tuar? Vawi eng zat nge ka thutlukna zawm lo va ka inpawhfan? Ngaihtuahna awmze nei lo.. Eng mah hian awmzia a nei lo. Tunah chuan a chiang vek tawh. A tawp tih hi vawi eng zat nge ka sawi tawh? Ka nun awmze nei lo leh ka dawihzepna hian eng dinhmunah nge min din tir tak hi?
.
Ka tha neih zawng zawng sawm khawmin Markos chu ka bei let a, tap si lovin ka mittui a tla a, thinrim leh rilru natna, dawihzep ka intih vang leh keimah leh keimah ka inhuatna vanga thinlung keh chhiain ka mittui chu ka hru tawk a. Min thlah rualin in atang chuan ka tlanchhuak nghal dawr dawr a.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 14
.
Pawn boruak vawt var chuan min tikhur lek lek mai. Hmun dang hawi lovin ka kal hmawk hmawk a, ka kawrlum  hak chu ka siam tha sauh sauh a.
.
‘Lilian, ding tawh teh..’
Markos chuan min rawn zui tih ka hre lo hrim hrim. Ding tura min hrilh vang chuan ka kal chak zual sauh a. A thu ka zawm nachhan tur reng reng ka hre lo.
.
‘Lilian..’
‘Min rawn zui suh.’
.
‘Khawnge I kal chuan ang? A him lo a nia..’
.
‘Ka pawisa hleinem..’ tiel zetin ka nui lui hak a. Ka ding eih lo bawk. Khawii lam nge pan ka tum pawh ka hre chuang hek lo. Ka banah na zeta min rawn pawh nawk chuan ka te thawt a.
.
‘Tunah hian luhlul a hun lo a nia..’ hnai zetah min en a, a mitmeng atang chuan a thinrim tih ka hria. Mahse ka hlau therte lo. Ka chawmawlh vek tawh.
.
‘Eng ti turin nge min beisei chuan? Ka tih tur leh tih loh tur min hrilh tur hian eng nge i nih? Ka beng hriat lai ngeia I hmeichhe mutpui nu-in in mut dun thu asawi hnuah ilaka pangngai taka awm turin min beisei suh..’ ka tawng ring lo. Ka thinrimna vangin ka tawng tha hleithei lo zawk. ‘Min khawih….’
.
Min rawn fawp nawk nawk a, min kuah nghet nasa mai bawk. A hmui ka seh chuan thaw hawkin a inla hrang a..
.
‘Lilian.. Keipawh hian thil thleng hi ka chauhpui tawh niin ka hria.’ Min kuahna chu a ngheh ngaiin a la nghet reng. Rawn kun hniamin ka chal ah min rawn si a, a maimitchhing bawk a.
.
‘A nih chuan ka sawi tawh ang khan kan inkar thu eng kim hi tawp vek rawh se. Kan pahnih hian a hrangin nun bul kan tan that leh angai anih hi.’
.
‘Ni lo..’ a awm dan ngaiin a la awm reng tho. ‘Ka mamawh che. In ah khan let leh ang..’
.
‘Ka let tawh dawn lo. Eng mah tihtur ka nei lo.’
.
‘Kha hmeichhia khan thudik a la sawi lo. Ka sawi hi I ring duh lo a nih chuan kha hmeichhe thusawi tal kha chu i ring thei ang chu..’ beidawn hmel zetin a thaw hawk a.
.
‘Ka ring lawm. A thusawi kha ka hrechiang viau asin. I laka thinrim hi ka duh bik lo. Mahse ka tawrh belh thei tawh lo tih hi i hrethiam lo em ni? Min tina lutuk tawh a ni.’
.
‘A sawi chin zawng kha chu thudik a ni phawt alawm..’
.
‘Markos..’ a ka ngei atanga  ka hriat chuan na leh tur chuang ka awm tawh lo ni a ka inhre chung hian ka thinlung a vit  ngawr ngawr tho mai.
.
‘Zankhuain ka khumah a mu ngei a, kei hian eng mah ka hre lo. Min rin a ngai a ni. Zankhua in kan mudun a tih khan ka khawih tihna a ni chuang lo.’
.
‘Thu awmze nei lo mai a nih chu. Ahma zawng zawng pawhin ka bulah eng mah I sawi chuang hleinem.. Tunah chuan ka thutlukna hi ka sawh sawn dawn lo..’
.
‘Lilian.. Khawngaihin??’
 .
 A lak atanga inla hrang hlekin a hmel chu ka en a. Markos lak atang hian khawngaih dilna ka dawng khat khawp mai. Chhiar thamlek tak tak chauh a ni. A ti takzet anih loh chuan khawngaih a dil lo bawk ang! Chu chu ka lo ngaihtuah buai atul chiah paw’n ka hre lo.
.
‘Come on, Lilian.’
.
‘Min kal tir zawk rawh.’
.
Min vawnna chu thlahin a kun deuh a, a beidawng ve ta pawh a ni mahna le. Amah ngaihsak lo ang hmak a langin ka kalsan a. Ka mittui tla mai dawna ka hriat vangin ka mit ka khap sak sak bawk. Tunah chuan ka tap tawh lovang. Ka tap nasa tawk tawh e. Ka hnunglam enlet lovin ka kal vawk vawk a, tun ang huna Manhattan kawtthler him loh zia ka ngaihtuah chang tawh lo.
.
Ka hma zawna motor light eng lutuk arawn lan thut chuan ka kutin ka mit ka hliah a, tha chak zet hian min kuahin min vawrh kang nawlh niin ka hre ber. Thil thleng chu a rang lutuk a ka inring hman lo. Min rawn kuahtu nen chuan kan let dun thawk thawk a, ka khup thip zawk vang chuan mumal lo zet hian thawm ka chhuah nawk nawk bawkin ka hria..
.
‘I tha em?’
.
‘Eng..Eng thil  nge thleng? Markos..’ hlauthawng zetin Markos chu ka en a, ka delh bet zawk chung pawhin ka that leh that loh min zawt hmasa a nia.
Engmah sawi lovin a maimitchhing a, a awmdan siam tha chuang lo chuan min kuah bet leh a. Min kuah ang chuan ka awm tawp. Ka thin a phu zawih zawih a, Markos pawh a dang bik chuang lo. Min rawn nang hman lo se chu kha motor khan min su darh vek ngei ngei ang. Eng vanga buaina tawk reng mai nge ka nih le?
.
‘I tha em? Markos…. Markos’
.
Muangchangin a rawn meng a, hnai zetah kan inen ta ran mai.
.
‘In ah khan ka rualin I let leh ang.’ Thupek  maw? Ka zawm dawn em? A tawng dan atang hian han hnial ngam chi pawh a ni lo!
.
Hnial lovin ka tho a, ka khup chu ka char hleithei lo. Ka la khur ru deuh dar dar bawk. Eng mah sawi lo bawkin arawn tho ve a, kei aiin a insawh nat zawk daih ka ring. A thim deuh ruai vangin hliam pawh nei ila ka hmu fiah thei chuang kher lovang.
Ka kutah min rawn vuanin kan kalsan tawh In lam chu kan pan leh a. Nichin a min rawn su tep tu..min rawn sut tumtu ti ila a dik zawk maithei. Kha motor kha a lo let leh miah lo. Thil mak tak a ni!
.
Reiloteah In chu kan thleng a, ahma a ka lo hmuh tawh pa lian pakhat zawk kha pawnah a lo ding a. Min hmuh chuan a hmel landan danglam chuang lovin Markos a buk khum zauh a, inchhungah kan inzui lut ta dial a.
.
Pindan ngaiah bawk. Hmeichhia pawh kha a hmaa a thutna chair ah khan a thu a, min hmuh rualin min melh rawm rawm a. Min rawn khawih tum leh se ka lo tiru zek zek thung. Ka enliam tawh lo tawp ang! Ka inring ru deuh ran bawk.
.
‘Khai le. Tun hi eng kim sawi hun a ni e.’ hnial ngam hauh loh tura aw khauh far hian Markos chu a tawng a, tuna a awmdan ang hi ka la hmuh ngai loh vangin makti deuh tak hian ka en zawk a. Chair ah thuin min rawn melh a, a bula chair ah chuan thu turin min duh tih ka hria. Mahse din ka duh zawk.. Ka rilru chhungril letling chiahin inrintawk hmel taka ka lan theih nan ka ding ngil at a, ka dak deuh vah bawk.. Eng lem nge ka chan pawh ka hre lo ve. Hmeichhe tawng hun chu kan nghak thap a, a thusawi tur chu ka hre chak tehchiam lo khawp mai. Ka tana thu lawmawm a sawi dawn chuang lo niin ka lo ngaihtuah leh hman vek tawh..
.
‘Tunah..’ Kan hma zawna hmeichhia chu Markos chuan thip zetin a melh a, a mitmeng chu ka lo hlau ru ve ngawt bawk. En rei duh lovin ka mit ka lasawn vat a.
.
‘Ni e. Zankhuain i bulah ka mu a, sex min hmanpui lo. Khami zan khan hnimhlum ka hmang tih hi sawi tel leh kher atul em?’ awww..mihring hi kan inang lo teh e..! Chu hmeichhe hmel leh mitmeng ka en chuan thilsual ti ah a inngai lo tih a lang reng a, sawi ngaihna pawh ka hre lo.. A awmdan chu nin hmel hluah hluah hian a tawng pawh a vin hlar hlar khawp mai.
.
Markos chuan ‘A vaiin’ a lo ti leh nghut a.
.
‘Mr. Leventis, thih phah dawn pawh ni ila min tih tirtu chu ka sawi chuang lovang. Ka intiam vek tawh. Ka sum hmuh tur ang ka hmuh hnua rinawm loh san hi ka tihdan a ni ngai lo.’ ati chang fal a. Nasa viau mah se a rinawm ve tlat anih hmel si hi..
.
‘A tha e. I sawi emaw sawilo emaw kan hre dawn tho tho a. Eng pawh ni se, I thiltih vang hian hremna I hmu ngei ang.’
.
‘Ka hlau therte lo. Rei tak ka tuar chuang lovang!’
.
‘Kan hria ang chu.’
Markos chuan min rawn en a, ka awmdan ti danglam lovin ka lo en ve reng bawk a. Rilru putdan tur ka hrethiam ta lo tawp mai. He hmeichhia nen hian sex an hmang dun lo anih chuan a uire lo tihna chu a ni phawt a! Ka rilru a dam chiah chuang lo nain ka thaw hawk thung. Markos laka that chhuah nghal erawh ka tum lo bur. A tir atang khan engkim min hrilh ni se buaina tam tak hi kan pumpelh ngei ang. Chu thil chu ngaihtuah buai pawh ngai lova thil chiang sa a ni. Rilru hah leh pik reng renga ka awmlai khan min hrilh chiang se la nundan phung pangngaiin ka awm ni mai tur..
.
‘Aklavez, I tihtur iti thei tawh ang.’
‘Yes sir.’
.
Markos chu dingin min la en renga, ka kut rawn vawna tum chuan ka lo ding sawn vat a.
.
‘Kan haw thei tawh em?’ min bia tih ka hria. Amah pawh en tawh chuang lovin kawngka ka pan a, min rawn zui tih ka hre thei bawk.
.
Motor-a lutin kan in panin kan tlanchhuak nghal a, kan hnungah motor dang pahnihin min rawn zui nghal tih ka hmuh chuan mak ka ti deuh..
.
‘Kha hmeichhe chungah khan eng thil nge an tih dawn?’ ka rilru a ka ngaihtuah ruk neuh neuh chu ka ngawih bo pui thei lo.
.
‘A phu tawk hremna hmu turin thuneitute hnenah an hlan ang. Ani kha chu hmanrua chauh mai a ni a, khatiang thilti tur khan tuin nge lo ruai tih kan hre thuai ang.
.
‘Tunah thil awmzia ka hriat theih nan I buai leh tho a, a tirah khan min hrilh ni la kan buai hauh lo ang. Min rintawkna I nei miah lo a nih hi..’
.
Min chhang lova min rawn melh zawkin kawngpui lam a en lehnghal a. A mitmeng atangin engmah ka hrethiam lo.
.
‘Kan hnunga car te saw’n kan chhuah tirh atang khan min la zui char char a nia. A hma pawh khan…’
.
‘Ka mi rawihte an nih saw.’ A ti leh nghut ringawt a. Dik tak chuan a mizia hian min tihah hluah hluah. Tlang takin engmah a sawi bawk si lo.. Zawh duh tam tak nei mah ila a duh chin bak min chhang leh dawn chuang lo tih hriain ka ngawi ve ta zawk a.
.
Pawn lam ka thlir vang vang a. Ahma zawng zawngin hmun dangah kan kal fo a, hunbik a nih loh chuan min veng tur emaw, tun anga min zui rengtu an awm ngai lo. Ka pasal hian ka laka thu zep dang a la nei cheu a nih loh hram ka beisei. Ni e, min ngai pawhmawh a, rilru mangang taka ka awm a duh ngailo tih chu ka hre ngei a.. Ngaihtuah buai lo zawk teh ang! Tuna kan hun tawng mek pawh ka laka thuzep a neih vang ni na na na a!
.
Ka kut arawn vawn chuan ka en zawk a, amah paw’n min rawn en chuang lo. Kawngpui chu hmuhchian loh hlau niawm tak hian a en ding ngur a. Ka kut chu ka la sawn duh ta bik lo mai.
.
In kan thlen chuan motor atangin ka chhuk vat a, amah ngaichang duh lovin inchhung ah ka lut a, kan fate pindan ah ka lut tlang nghal a. Aidan leh Tamas muhil hmel chu ka en vang vang a, ka ngaihtuahna ah engmah a awm lo thung.
.
Kawngka arawn inhawng a, Markos a ni ang thin ka ring nghal mai. Ka rin ang chiahin ka bulah arawn thu a, chauh hmel zeta thu awnin a kawr haklai kilhna chu a phelh thawl mawlh mawlh bawk. A kut veilam ka en chuan hliam a nei tih ka hre chiah..! Kan tlukna lamah khan a insawh a ni ngei ang.
.
‘I kut kha i tina nih kha.’ Han buaipui viau anga lan erawh ka hreh deuh trut. Min uiresan lo tih ka hriat tak vang maia han hnaih huam huam lah ka duh hek lo.
.
Che hrutin ka malchungah a lu arawn nghat a, ka thu ngil deuh zawt. A saisir zawnga mu lehin ka kawngah min kuah a.
.
‘Markos..’
‘Tihian awm lawk ang.’ A mutdan siam remin a maimitchhing a. A sam chu ka khawih ta hram.
.
Kan ngawi ta vang vang a, sawi tur ka hre lova ani pawn a hre bik chuang a nih hmel. Kan buaina chungchang bawk sawi dawn ila kan pahnih hian kan ning em em ve ve tawh tih ka hria.
.
A phone a rawn rik pawh chuan hre lo ang maiin a awmdan a tidanglam chuang lo. Vawi hnih an rawn call na ah chuan ka bula a dah tawm tawp a kawrchung ipte atangin a phone chu ka phawrh a, caller ID ka en chuan Arkadios hming a lang kalh a.
.
‘Arkadios anih hi’ ka tih chuan muangchangin a tho a, phone chu ka kut atangin a la a
.
‘Arkadios.. Chanchinthar a awm em?’ Arkadios chuan eng thu nge a sawi ka hre ve lo nain Markos bek pawn talh talh dan atang chuan a thin tirim tur thil a sawi anih ka ring ve ngawt.
.
‘Naktuk ah ka lo bia ang. I chiang turah ka ngai..’ a ngawi leh dat a, ‘A that chu. Video chu hmuh ve ka duh ang. Thiltul dang ka hmuh ve tur ang chi chu lo thawn vek rawh….Okay.’
.
Phone chu off in min rawn en a..
.
‘Ka chau hle mai, mu dawn teh ang.’ Arawn ti sup a. Engtin nge engtiklai pawh hian awlsam taka a inthunun theih bik thin le?
.
Arkadios nen an inbiakna chu zawh pwh ka tum buai lo. Ka thu hriat apianga inrawlh vek tum ang mai a awm ka tum lo. Inbual phawt ka duh thuin ka chhang a.
.
‘Anih chuan kan tirual mai thei alawm..’ a mitmeng danglam zauh chu ka hmuhhmaih lo.
.
‘Lo va inbual rawh. Thiltih lawk tur ka nei a,’ ka chhuanlam chu a awih hmel chiah loh. Engmah tihtur ka nei lo, a ruala inbual ka duh loh vangin chhuanlam ka siam mai mai a ni.
‘Okay. Rei lo la aw,’ nui deuh sukin min chhuahsan a. A mitmenga thil dang lang tel lova a nui hmel ka hmuh khat tawh zia ka hrechhuak zawk bawk. Tuna a landan kha chu ahma ang chiah kha ni leh tawhin ka hria.
.
A chhuah hnu chuan ka thutna nghenchhan chu nghengin thawk ka la vang vang a. Ahma-a kan awm ang chiaha awm leh theih ka duh.
.
Minute 20 vel zet hnuah kan pindan ah lutin ka inbual a, ka inbual zo bathroom atanga ka chhuah leh chuan Markos chu khumah a lo mu fel diam tawh.
.
Ka mutkawr ka ha a, mu tura ka inpeih chuan khum tlangah thuin Markos hmel chu ka en ngawih ngawih a.  A mithmul sei sal leh dum hlap te, a hmul to siar siar te.. ‘A hmel en ringawt pawh hian mibik anih zia a lang reng mai’ tiin ka ngaihtuah fo thin anih kha. Tunah pawh duhtak leh hmangaih taka ka neih ka pasal kha a la ni reng a, kan buaina vang hian ka ngaihsak tawk tawh loh zia pawh ka pha hauh lo mai..
.
‘Zankhuaa min en I tum anih loh chuan ka bulah hian lo mu rawh.’ Mutchhuak aw deuha arawn tawng chuan ka phu deuh zawk. A muhil tawh emaw ka tia..
.
‘Ka en theilo che mi?’
.
‘Min en ringawt ai chuan min rawn kuah la ka duh zawk.’ Meng chiang mang lovin min rawn en a, ka thutdan ngaiin ka la thu reng thung. Ka banah min rawn vuan a..
.
‘Keimahin ka mu thei.’ Ka tih chuan a nui hakin min thlah ve mai bawk.
Khumah chuan ka inthawlh kak a, va khawih emaw va kuah emaw tumna ka nei lo. Ka rinlawk ang chiahin min rawn kuah ta ngei a, ka lo hnial duh ta bik lo.. Umm..ka pasal angchhunga thlamuang taka mut te chu ka thlahlel ve em em tho alawm.
.
‘Kan rilru a hahdam tawh em?’ ka beng bulah rawn phun sup in a bawpin min khan a, min kuah nghet sauh bawk a.
.
‘Ka hre lo..’
‘Umm..nghet taka kuah reng mai che hi ka duh ber a ni’ a hmuiin ka biangah a nul zai zai a.. ‘Ka hmangaih che.. Lilian.. Inrem tak leh inpawh taka awm ka duh.’
.
‘Keipawn ka duh alawm.’
‘Tihnat che ka duh ngai lo tih I hria em?’ min zawhna chu tawngkaa chhang lovin ka bu nghat a. ‘Min dawhtheihna vang hian ka lawm e.’
.
‘Kan muhil thei tawh angem?’
.
Thaw hakin a mu tha a, min kuahna erawh a thlah lo. Ka bengah arawn fawp leh a, ka lo maimitchhing ringawt thung.
.
‘Muttui le, Gata`ki.’
‘Muttui..’ ka ti sep a, ka meng duh tawh lo. Ka mut chhuah loh zia chu mak ka ti zawk. Markos mutthilh tawh hnu rei fe ah pawh chuan ka la harh kar a, a thaw ri chu ka ngaithla a, ka mutdan siam remin amah hmachhawn zawngin ka mu a, a hmel pa leh tha zet chu ka en vang vang a.
.
A sam dum hlap ahma aia buk tawh deuh chu ka khawih a, a mit bula inrin deuh riak awm chuan a taksa chauh ve tur zia leh a rilru chawlh bik loh tur ziate min ngaihtuah tir bawk a. Manhattan-a kan hmeichhe hmuh thusawi leh tawngkam te ngaihtuah let chungin a sam chu ka la chul ta reng a. Khatiang thil zawng zawng tihtir tu chu eng ang mihring nge ni ang? Markos lak atang hian eng thil beisei in nge khatiang ruahmanna te kha an siam ang? Keimah vang zawk a ni a ngem? He thil hi ka la ngaihtuah ngai miah lo..!
Keimah vang lo ni ta se? Mahse, hmelma ka neih ka hre lo. Eng vang pawh chu lo ni se ka pasal hian min lo phatsan hauh lo tih ka hre tawh a, buaina dang a la awm anih pawhin ka pasal lakah hian ka hel tawh lovang.
.
Markos chu kuahin a awm ah ka hmai ka phum kak a, thawk la halhin ka maimitchhing a. Mumang bo thakin ka muhil ta siai siai a.
.
Ka muhil ka harh rualin ka bulah Markos ala mu tih ka hre nghal a, ka thla a muang ve ngawt bawk.
.
‘Good morning,’
‘Umm..’ meng lovin ka chhang a, a taksa nghawr dat vang chuan a nui tih ka hre mai. Ka men chuan inbeng kangin min lo en chhuk run a. A hmel lang thar sar leh a sam hnawng chap atang chuan a inbual fel vek tawh tih ka hre nghal bawk. A awmzia chu min thawhsan zet phawta a rawn mu leh tihna..
.
Ka hmuiah min rawn fawp a, min ngaichang tih ka hrethiam. Min fawhna ka chhanlet chuan rum hawkin min kuah a, min fawh dan chu a duhthawh takzet. Ahma pawhin ka sawi tawh kha maw! Ka pasal hian min fawp anih chuan min fawp a ni satliah lo, a ta liau liau ni a ka inngaih theihna turin a che ziah thin!
.
‘Ka nupui duhtak, ka mamawh che.’ a aw a mumal loh mai bakah a thaw hawk hawk a, keipawh ka danglam bik tehchiam lo. A tukhumah vuanin ka insiamrem ve bawk a. Dawhthei lo zet hian ka kawr hak chu a pawt hrawk a, a dar bahna  chat thawt chu kan ngai pawimawh lo ve ve. Min la fawp reng chungin ka kawr chu a thehsawn a, a kawrhak chu ka lo phelhpui sawk sawk a.
.
Nupa chauhin an tihtur thil chu rilru leh ngaihtuahna zawng zawng inlungrual takin kan tidun a, khawvel piah lamah kan cheng ta..
.
Kan thawk dan a pangngai leh thlengin min kuah chial a. A tak  ngei a ni em tih hriat duh niawm tak hian ka taksa ruak kang chu a kutin min chul riak riak reng a.
.
Kan pindan kawngka inkik dat dat ri kan hriat chuan kan inen ha a, pawn lama Aidan leh Tamas thawm ri nak nak kan hre zui nghal zat bawk. Min fawp leh zauhin a nui suk a, khum atang chuan thoin chhuata a kawr tla chu lakangin a ha nawk nawk a..
.
‘Khawnge ka kekawr kha..’
.
Min rawn en chuan ka enlet ha a, ka taksa a lan loh nan ka inkhuh tha ve mawlh mawlh bawk. Ka nuihza chu ka insum hram hram.. Room chu ka melh kual a, khum mawng lama a kekawr ka hmuh rualin ka kawk zauh a..
.
‘Oh..ka lawm e..’ a kekawr chu chharin a ha leh sawk sawk a, a kalsawn leh hmain min rawn hnaih leh a, ka bianga min fawh chuan ka nui chhuak ta nge nge. Tleirawl thil tisual man ang maiin kan buai phili alawm le!
.
‘Ka lo let leh ang.’
.
La nui reng chungin  ka en a, eng thil nge a tihtur a hrehiang khawp mai. Kawngka a hawn rualin amah pindan pawn lamah a chhuak a. ‘Mama chu hunawl pe ang aw..’ a tih ri ka hriat chuan ka nui ri hak a. Aidan leh Tamas an lo lut anih chuan ka tan a buaithlak ngei ang tih a hriatthiam ve vang a nih ngei kha. Khumah rawn lawnin ka bula awm an duh leh ngei dawn tih a chiang tlat.. Mipa naupang chauh pawh ni lovin naupang hrim hrim chuan khum a chen nuam anti vek ang chu..
.
Khum atang chuan chhukin bathroom ah ka lut a, ka intih fel hnuah muangchangin inhnuai lamah ka chhuk a. Kitchen ah an awm vek dawn tih hre lawkin kitchen ka pan a, Mrs. Lee leh Hanna te nen an lo awmkim thap mai.
.
‘Good morning vek u..’
.
‘Tukin chu I hmel hmuh a nuam hle mai.’ Mrs. Lee chu ka melh ralh a. A thusawi chu a dik chiah ka ring. Ka inthup ve emaw pawh inti thin mah ila kan ngaihtuahna leh kan rilru hahna kan hmela tihlan miah loh char char hi chu mihring pangngai tan a theih loh ang..  
 .
‘Nang pawh le… Eng nge kan ei dawn..?’ ka tawng ka thluk lui dang dang a. Hanna nen chuan inman hmel zeta an inmelh lai ka va hmu hman hram tho.
.
‘In pahnih khan thuruk in nei a ni maw?’ ka tih leh chuan phawk zeta min rawn melhin ‘Teuh lo’ an ti rual thawt a..
.
Eng emaw chen hnuah kan chhungkuain breakfast kan ei ho leh ta. Dam zan lohna thil ka la nei anih pawhin muangchang leh dam raihin ka hmachhawn theih tawh ka ring!
.
 Ni thum chhung chu thil danglam em em thleng lovin hun kan hmang ve leh ta phawt a, Markos hun hman dan erawh a la danglam tam lo khawp mai. Mahse kan buaina bul ber a fel tawha ka ngaih vangin ka buai phah hran lo.
.
Joanna te nen kan inhmu a, naute an pai ve tak vanga an hlim hmel chu hmuh nuam tak a ni ringawt. Mervin chuan a dim leh lutuk a kan nuihpui tam hle.
.
Ka nu leh pa thlan tlawh ka duh thu ka sawi chuan an pahnihin min kalpui theih tur thu an sawi a, dik tak chuan ka phut miah lo. Ka phut lo mai a ni lo keimah chauha kal ka duh zawk mah.. Ni e, engkim hi ka nu leh pa hnenah ka thlen a tula hriatna te pawh ka nei a, ka mit hian hmu theilo mahila min lo ngaihthlak ka ring tlat a ni. Markos nen kan boruak tha leh ta vanga ka hlim zia te pawh ka hrilh bawk ang chu. Tamas leh Aidan dinhmunte pawh an hre ve duh ngei ang!
.
Ka ngaihtuahna atthlak…ni lo ve, ka ngaihtuahna chu thil atthlak a ni lo.. Kan chhungkua kan hlim tih leh kan fate chinchin hi an thlanah kalin ka va hrilh ziah tur a ni reng alawm!
.
Joanna leh Mervin ten min chhuahsan hnu chuan Brooklyn-a kal turin ka inkhalh chhuak ve nghal a, reitak thlana hun hman ka tum chuan loh vangin khawthim hma chuan ka let leh hman thoin ka ring.
.
Brooklyn ka thlen hnu chuan Markos biak ka tum a, ka phone tlang mai thei lo. Vawi 4 ka call na ah phei chuan switch off a inti ta daih lehnghal.
.
Ka nu leh pa thlana minute 20 vel ka awm hnuah in pan turin motor ka khalhchhuak leh tawh a, ka rilru thawveng ta deuh halh chu nuam ka ti khawp mai.
.
Ka phone ri vang chuan kawngsir remchang laiah motor tidingin phone chu ka pick up a. Min rawn biak tumtu chu a number ka save ve lo tlat bawk. Tu tak ni ang maw?
.
‘Lilian ka ni e.’
.
‘Ma’am Lilian, Arkadios ka ni e. Tunah khawiah nge i awm?
.
‘Hi, Arkadios. Brooklyn-ah ka nu leh pa thlan ka tlawh a..’
.
‘Oh.. Mr. Leventis ka be thei lova, tunah khawiah maw i awm?’ a tawngdan danglam thut chu eng vang tak ni maw?
.
‘Okay, I bula a awm chuan biak ka’n duh deuh a. Tu nen nge in awm?’
.
‘Keimahin.. Arkadios, eng thil nge thleng?’
.
‘Ah..i bulhnai ah mi an awm em?’ eng nge maw a awmzia le! Ka bul vel chu ka en a, mi an tam hran lo.
‘Awm e..’ ka ti ta ngawt a.
.
‘Hmanhmawh deuhin in ah I haw thei ang ngem? I pasal hi chawhnu chhung zawng biak ka tum tawh a, ka ngaih a tha chiah lo.’
.
‘I thusawi chu a awmzia ka hre lo..’
.
‘Hello..’ a ri tuk tuk a, Arkadios tawng chu ka hre thei tawh lo. Markos number ka hmet chhuak a, ka call chuan switch off a inti tlat bawk.
Phili buai lovin Arkadios ka call leh a..
.
‘Engmah tih theih in nei lo. Engkim ka thuhnuai ah a awm vek. Arkadios hi I mangtha duh em?’ thil ri thuai ka hriat chuan ka phone ka thlauh tawp a.
.
Khatiang thawm kha ahma paw’n ka hre tawh!!
.
.
Comments ah khan M&B awmzia te kha kan sawi nawk nawk a, a tam zawk chuan in hriat tho ka ring nain, a lo la hre lo palh tan ka hriat ve chin tlemte ka’n lo share ve ang e.. Mills & Boon (M&B) ti a kan sawi mai thin hi Harlequin Enterprises in romance story phuahchawp a chhut/a tihchhuah thin te sawina a ni mai e. Kum 1908 daih tawh khan Gerald Rusgrove Mills leh Charles Boon ten United Kingdom (England ram)ah bul an tan a, tunah hian a hmunpui ber (Headquarter) chu Richmon, London ah a awm. M&B tia kan sawi zel chhan pawh hi bultan tute hming a pu zawm zel a nih hmel. Kum 1930 chho vel khan hmeichhe ho chhiar atan, tlan bo ru ang chi thawnthu phuah chawp an tichhuak nasa hle. Hmeichhe tan deuh bik a nih chu. Chuvang chu niang hmeichhia deuh chauh hian kan tuipui viau te ka tia ? Harlequin Enterprise hian kum 1971 khan Original publisher te hnen atangin an leichawng a, informal takin an la thawkho reng a ni awm e. An thawnthu te hi internet a chhiar theih leh lehkhabu in an tichhuak thin.
 A awlsam dan ber chuan Love sitawri, a changtute chhiat loh em em na, a bikin a changtupa pa deuhna hi a ni.. ? ?
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 15
.
Rilru nuam lo zetin motor ka tinung a, ka hmanhmawh khawp mai. Khawilam nge ka pan hmasak dawn hre lovin ka tlan chhuak a. In lam ka pan dawn nge, office lam ka pan dawn?
.
Phone a min lo chhangtu aw kha tunge anih ngaihtuah chhuah ka tum ngial bawk a, ka hriat tawh hnu a ni tlat a ni! Khawiah nge ka hriat tawh tih erawh ka ngaihtuah chhuak zo lo.
.
Leventis Corporation-ah ka kal a, Casey pawh a lo awm tawh lo. Receptionist lo awm pakhat ka zawh chuan Markos chu chawhma chiah office-a a awm thu min hrilh a, chawhnu lam chu khawiah nge a kal an hriatpui lo. Ka hlauthawng tan khawp mai.
Ka phone phawrhin ka call leh a, switch off a la inti reng tho!
.
‘Markos, khawngaihin I phone on teh..’ tiin ka phun mawlh mawlh a.
.
Leventis Corporation chhuahsan lehin kan in ka pan a, thil thalo dang a thlen loh nan ka rilruin ka tawngtai mawlh mawlh bawk. Ka rilru tak chuan Pathian lakah pawh ka inthlahrung tho mai.. Kei chauh pawh ka ni bik kher lo maithei, kan mangan chang chauha Pathian au ta chul leh thil tha kan tawnlaia Pathian hnena lawmthu sawi nachang hre leh miah si lo hi kan tamin ka ring. Mahse kan biak Pathian hi mihring te ang ni lovin engtiklai pawha pangngai reng a ni a, ka tawngtaina hi min chhan sak  ngei ang..
.
In chhung ka luh rualin Markos ka ko nghal ngawt a, inchung pan chhohna step-a Hanna lo chhuk ka hmuh chuan Markos awm leh awm loh ka zawt thuai a.
.
‘Awm lo. A la rawn haw lo hrim hrim alawm. Thil diklo a awm em ni?’
.
‘Ka hre bik lo. Biak ka’n tum leh phawt ange.’ tiin kan pindan ah ka lut a, ka mangan rukna chu Hanna bula ka sawi vangin a fel dawn lo tih ka hria. Tuna ka mamawh ber chu Markos that leh that loh hriat chiah a ni.
.
A hmaa Gwen min kohna hmun ka kal tum khan thil rapthlak tak a thleng tawh a, Manhattan-ah pawh car-in min su thelh a nih kha.. Hetiang thil hi eng vanga thleng nge ni ta ang? Arkadios chungah khan thil pawi tak a thlen loh hram ka beisei.. Awm hle hle thei lovin ka vei sek a, ka thaw leh hawk thin a..
.
Ka thawmhnaw thlakin inhnuai ah ka chhuk a, Aidan leh Tamas zanriah ka eitir hnuah pawh Markos chu a lo la thleng lo fo. A ni tawh em em lo..!
.
Ka phone rik hun ka ngaichang reng a, eng ei mood ah mah ka awm chuan loh vangin zanriah pawh ka ei peih ta lo.
.
‘Mr. Lee hi tunah khawiah nge a awm?’
.
‘Chawhnu lamah khan Markos nen an inbia a, khawiah emaw kal a tul thu kha a sawi a..’ Mrs.Lee chu phawk zetin ka en a.  Mr.Lee chu in ah a awm lo ve tho anih chu.. A nih chuan Markos nen an awmdun maithei. Ahma khan zawh nachang ka lo hre miah lo a ni.
.
‘I be thei em?’
‘Biak pawh ka lo tum hran hleinem..’ ngaihthat lohna a nei miah lo tih ka hria. ‘Thil thalo thleng a awm em? I hmel a diklo a nia..’
.
‘Mr. Lee chu biak han tum chhin teh. Koko hi enge a chanchin?’
.
 ‘Kan mipa hohi an lo la haw lo vek a nih hmel..’ Mrs.Lee awmdan chu a muangchang mah mah ka ti..
.
‘Tunah khan be teh.’
.
A phone phawrh in a pasal phone number a dial a, a angaihthlak vang vang hnu chuan a lu thingin min rawn en a.
.
‘Ka phone tlang thei lo. A phone a off emawni le..’
.
Ka phone a rik chuan phu zawkin caller ID ka en vat a, ka number hriat sa a ni lo. Rang zetin ka pick up nghal a.
.
‘Ka biak hi Lilian Leventis a ni em?’
Ka hlauthawng ta takzet.. Ka thin a phu dup dup a, thudang a sawi leh hma chuan ka ngaihtuahna a kalthui hman khawp mai.
.
‘Tunah hian Manhatta-ah lo kal ang che. A hmaa I kal tawhna in ah khan.
.
‘Tunge I nih?’
.
‘Ka nihna hriat ai chuan I pasal nunna venhim I duh zawk ka ring.’ A rawn ti ram hmak a, ka thu hriat chuan min deng dawt a ni ber. Ka nghing lawih mai.
.
‘Markos chu tunah khawiah nge a awm?’ ka hlauthawng tih thup ka tum viau nain ka thup hleithei lo a ni e.
.
‘I hriat duh chuan tun atanga minute 30 ral hmain kal tura ka hrilhna hmun ah che hian lo thleng rawh.. Tun atangin hun ka chhiar tan e.’
.
Ka chhan leh hmain phone a titawp a, Mrs. Lee chuan thil awmzia hriat duh hmel takin minlo en hau bawk a.
.
‘Tunah Manhattan-a ka kal a ngai.’
.
‘Eng nge thil awmzia..?’
.
‘Ka hre bik lo. Aidan leh Tamas an mut hun pangngai ah lo muttir ang che aw. Ka lo let leh har ka ring lo.’ ka ti zung zung a
.
Mrs. Lee min chhanna nghak tawh lovin ka car chahbi ka la a, hmanhmawh zetin ka kal chhuak dawr dawr a. Tunang hunah ta se ta se tia inngaihtuah buaina hun ka nei lo. Ka mi tawn tur chu tupawh ni se Markos awmna leh a that leh that loh ka hriat theih phahna a nih dawn chuan a tha vek. Min rawn betu tawng dan leh a tawngkam hman atang khan thiltha lam ka beisei lem lo. Eng pawh ni se, eng pawh thleng dawn se ka hmachhawn phawt angai tih ka hria a, ka huaisenna zawng zawng sawm khawmin ka va pan mai dawn a ni.
.
Kal tura min hrilhna hmun ka thlen hma chuan kawng sirah motor tidingin Markos ka call leh a, min chhan beisei a call ka ni pawhin ka hre lo. Ka kut thlan dap dap chu ka malah nghatin thawk ka la a.
.
Ka car kawngkhar darthlalang an rawn kik thut chuan ka phu nasa lutuk. A darthlalang tithla duh chuang lovin pawn lama mipa ding chu ka en a, thil min zawh duh nei niawm tak hian zaizir in min be zauh zauh a. Ka hlauhthawn anga mi hlauhawm a ni kher lo maithei.
.
.
‘Min pui thei angem?’ a nuih takah chuan glass ka down ta chauh a. ‘Ka kal tumna hmun hi ka hre fuh lo deuh a nih ka ring, kawng ka bo a. Map ka tibo bawk sia..’
.
‘Khawia kal nge I tum le?’
.
A kal duhna hmun a sawi hnu chuan kal dan tur ka hrilhfiah zung zung a, min kalsan leh mai a. Keipawh Markos ka la biak tlang theih chuan loh vangin motor engine ka tinung a, a hma a kan kal tawhna in lam chu rilru nuam vak lo chungin ka pan ta nge nge a.
.
Ka kal tumna in ka thlen chuan rei nghah ngai lovin kawngka min hawn sak vat a, rilru tim deuh takin ka pen lut a.
.
‘A rawn thleng e..’ kawngka min rawn hawn saktu chu a au lauh a, inchhung ah chuan tumah hmuh tur an awm lo. Arkadios nen phone-a kan inbiak lai rawn titawptu kha a ni tih ka hrechhuak chiah bawk.
.
Pindan pakhat atangin hmeichhe ruangam arawn chhuak a, thawmhnaw dum vek a inbel vang leh a hmai a hliah deuh vangin eng ang hmelpu nge ka hre thei lo.
.
‘Jija, Arkadios kha rawn hruai rawh.’ Ka bula mipa ding chu a be ram hmak a, an awmdan chuan ka awm a tinuam lo zual nasa khawp mai. Jija tih hming chu khami zan, Gwen min rawn hrilhna hmuna ka kal zan khan ka hre tawh!
Ka bula mipa a kal hnu rei vak lo ah in chung lam atangin thawm arawn chhuak a, ka en chho vat a.
.
Inchung panna kailawn a mipa lo chhuk chu ka lo en reng a, tunhmain ka la hmu ngai lo tih ka hrechiang.
.
‘Arkadios, heihi a ni e. Lilian Leventis. Hmaichhan ah ila hmu lovin ka hria..’ hmeichhia chu a nui hak a, a hmel erawh ka la hmu thei lo fo. Eng vanga inchhung light hi on mumal lo nge annih ka hre lo. A tawng dan hmangah chuan Arkadios nen an inpawh in an inhre tha viau tih hai rual a ni lo bawk.
.
‘Mrs. Leventis.. Arkadios ka ni e.’
.
Ka bula arawn dinhnaih chuan a hmel ka hmu thei ta chauh. A aw atang chuan Arkadios ngei a ni tih ka hre bawk. Phone ah inbe zauh zauh mah ila hmaichhan ah kan la inhmu ngai lo hrim hrim. Markos tan Greece ah hna a thawk tih ka hria a, anih chuan he mihring hian Markos a phatsan tihna a ni!
.
 Inchhung light arawn eng tha ta chiah bawk. Arkadios chu chiang zetin ka en a, a vun nisa tuar thang tak tih hriat taka sen chual leh a mitmeng verther hmel tak, pawisak neih loh hmel tak chu ka hlau ru khawp mai. Ka tiril ah ka khur a, ka taksa ka sangmar at a. Ka zam ru viau tih erawh tihlanka hlau khawp mai.
.
‘Heng thil hi eng nge a awmzia? Arkadios, min rawn biak khan…’ ka tawngkam chu a nem lo ve khawp mai.
.
‘Shh..shh.. Lo ngaihtuah buai suh. Heng thil zawng zawng hi I pasal hriat hmain a tawp vek dawn alawm..’ a nui suk hmel chu hmuh loh ka duh zawk! A landan chu a rapthlak tiin sawi ila a fiah deuh maithei..
.
‘Dawt min hrilhin helai hmunah hian min ko tihna a ni em? Khawii ah nge Markos a awm?’
.
‘Tsk..tsk..tsk.. I pasal hian venhim che a duh luatah engmah a hrilh lo che hi a tisual let der a  nih hi..’ ngeiawm zet hian a nui suk a, hmeichhe awmna lamah chuan a kal a, hmeichhia chuan a hmai hliahna lukhum deuh reuh a phelh chuan ka phawk lo thei lo..
.
‘Emelia..!! In pahnih hian.. Eng thil nge in duh? Markos awmna chu min hrilh tawh rawh u.’ ka sawi zawh rual chiahin ka thusawi atthlak zia chu ka hre bawk. Anni pahnih hian Markos awmna min hrilh an duh vanga helai hmuna min ko hi anni lo. Eng thil nge an duh ka hre lo bawk a. Ka hriat zawng chu ka hlauthawng em em tih chiah hi a ni. Anni hian Markos chungah eng thil nge an tih ang tih ka ngaihtuah ngam hek lo.
.
An pahnih chuan thudun in an inzut vel a, mi hur herh tak ang chiahin zu han awm a!
.
‘I pasal hi ka lo nei ve tawh ange..’
An pahnih chuan an inkhawih vel reng a, Emelia chuan Arkadios khawihna chu engahmah ngai lovin chiang zet hian min rawn melh thung a.
.
‘I thusawi chu enge anih I hria em?’ ka tichang rat a, ka inthunun hman bik lo. An awmdan chu ka ten hluah hluah bawk.
.
Ka chhan dan a hriat rualin Arkadios khawihna chu a phih thla lawp a, a thutna atang chuan thoin min rawn pan a. Ka sam arawn tham chuan ka inring hman lo, ka dak lawp a.
.
‘Arkadios, min chhuahsan rawh. He hmeichhia hi thil awmzia ka han hrilhfiah ange.’ A aw a pawisak a neih loh zia leh min tihnat a chak zia chu mi a ber pawhin an hai lovang.
.
‘Lilian Spencer.. I pasal hi ka lo nei ve tawh ange’ ka ti a nih chu.. Arkadios, chhuak rawh..’ a ti vin that that a. Arkadios pawh chu khi suk suk chungin kan awmna hmun atang chuan a kalsawn a. Emelia chuan ka sam a tham chu a thlah ta bawk. ‘Mumal deuh zawkin inbe teh ang..’ thu turin min duh tih tilangin chair a kawk zauh a.
Fimkhur taka ngaihtuahna hmang chungin Emelia hi ka dawr angai niin ka hria. Thutna tur min kawhhmuh ah chuan ngil atin ka thu a, hlau anga lan ka tum therte lo bawk.
.
‘I duhthlan dan a zirin vawiin hi itan I ni hman tawp ber a ni thei a, a ni lo thei bawk..’ a hnunglam atangin silai arawn phawrh a, a hmang hreh dawn lo tih a mitmeng atang chuan ka hrechiang!
.
‘Lo thi ta ila itan hlawkna tur eng nge awm? Ka duhthlan tur chu ka hre chak hle mai.’ Ka tilui ve salh a.
.
‘Ka tan maw? I pasal hi ka nei ang. Ka duh reng vang ni lovin ka buai rei ta viau mai. Nang hi I harhchhuak har zek a nih hi.. I duhthlan tur ka siam hi a eng zawk nge I thlan dawn ka hrechiang tawh a, chuvang chuan eng kim hriat I phu ve in ka hria..’
.
‘Ka duhthlan tur chu enge? Ka nunna chan ai chuan eng pawh ka thlang duh ang tih lo hria la.’
.
Emelia hmel atang chuan a beisei angin ka awm lo tih ka hria. Eng thil nge thlang tura min nawr a tum ka hre lo naa, awlsam tak chuan min bum dawn bik lo.
.
‘Ohaw..takzet che hian..? I pasal hi then turin ti ta che ila eng nge a an ang awww?? I pasal I then lo anih chuan tunah hian I nunna atawp mai dawn a. Markos, I fate… I kalsan phal dawn em ni? Markos rosum zawng zawng nen..’ a nui hmel chu ka chum chawrh chak lutuk..
.
‘Ka nunna ka chan ai chuan ka kalsan ngam ngei ang..’
.
Ring lutuk hian a nui uar uar a, thawklehkhat ah nui tawp chawtin min rawn pan a, a mitmeng chu mei alh ang mai a ni!
.
‘I mawlh hle mai! Ka awih I ring ami? Khang thil thleng zawng zawng, vauna leh nangmah that tura ka mi rawih zawng zawng te..’ tawng zawm hleithei lovin a khur dawt dawt a.. ‘Video! I pasal leh hmeichhe dang an mudun lai I hmuh hnuah pawh I pasal hi I kalsan lova, tunah awlsam lutuk a kalsan I inhuam lehsi hi khawvel thil zawng zawngah a lem ber..! A LEM LUTUK..’
.
A silai ken chu lek kangin ka bekah a chuktuah a, tunah hian ka beilet anih loh chuan nakin ah beilet thei turin chakna ka nei lo maithei..!
.
Ka tha neih zawng zawng sawmkhawm in ka nem thut a, te thawt chungin silai chu a hmet puak a. Ka awm sa pup chu eng vang nge tih ka ngaihven duh lo!
.
‘Min nawrlui suh..’ tiin Emelia chu a rak tuar tuar a, chhuatah chuan bawh betin a samah ka tham a, ka thing nawk nawk a. Ka ban dinglam zawi hnawk chu enge a chhan ka hre lo. Mahse he Emelia hi a tlawm hma chu ka tha ka thlah lovang. Ngawi rengin a hmaiah ka beng thuai thuai a, ani paw’n min leh thal a tum nasa hle. Ka banbul a arawn man chuan ka hit chhuai a, keimah atanga thawm chhuak chu amak lutuk ringawt..
.
‘Arkadios.. Arkadios… Nang nu phiangsen hian ka mipa hmangaih hi I hmu leh tawh lovang. I fate pawh saw nuamsa in ka siam lovang.. I hria em? I hria em?..’ Emelia chu a rak tuar tuar reng a, anchhia min lawh mawlh mawlh bawk a.
.
Ka ban dinglam chu a che tha thei tawh lo. Emelia chuan hriain min lehthal a, chemte a lekkang tih ka hmuh chuan ‘Nilo.. Lalpa, min tanpui rawh.’ tih chiah ka ngaihtuah. Chemte chu khawi atanga a lakchhuah nge ka hre lo a, a lo pai sa tawh reng a ni maithei..
.
‘Emelia ti suh..’ ka tawng chu a richhuak lo. Ka awm zawna chemte rawn vihbur a tum chuan ka kut veilam in dan ka tum a, chemte hriam zet chuan ka kut a at duai a, ka thlah rualin ka awmah min vit dawn tih ka hria..
.
‘Emelia Faddey.. Eng thil nge I tih?’ mipa rawn rak ruai ruai chu Arkadios kha niin ka hria..
.
‘He thil hi ka duhthusam a ni..’ a mitmeng rapthlak zet a min en chungin a chemte ken chuan ka awm ah min vit a, ka dang zo ngang lo a ni e. Ka thaw a sak tawlh tawlh a, ka vai ruai mai! Ka awm a a vihna chu duhtawk hauh lo mai, ka nghawngah chemte chu chuktuahin a hrut hrawih a, ka nghawng lum pup pup ka feel rualin ka damchhuak dawn lo tih ka hrechiang. Tihtheih ka nei tawh lo.
.
‘Eng thil nge itih hi.. Thah kher hi a tulna a awm lo’ Arkadios mangan hmel taka a tawng chu ka hre ruai ruai a, min pawmkang niin ka hria.
.
‘Tikhan dah mai mai rawh. A chantawk a hmu anih kha..’
.
Thawm a ri nuai nuai a, ka chawl siai siai thung.
.
Ka maimitchhin chuan Markos hmel fiah lo riai in ka hmu a, ka pasal ka hmangaih em em leh kan fate Aidan leh Tamas, atakin an hmel ka hmu thei dawn tawh lo.. Ka khawih thei tawh lo bawk ang maw!
 .
‘Mangtha’ tiin ka phun sep a.
.
Ka pasal kalsan hi ka duh ngai lo asin! Kan fate thang lian lai leh hma an sawn lai hmuh ngei pawh ka duh! Heihi ka hringnun tawp dan tur a ni thei dawn em ni? Ka taksa chu a kang delh delh a, na ka nei tawh miah lo.. CHAWLHNA  tia an lo sawi thin chu heihi a ni ngei ang! Ka biang rawn lum pap ka khawih chuan ka mittui a tla tih ka hria…
.
.
.
‘Ma’am.. I tha em? Ka zawhna chu min chhang thei em?’
Ka phu chhuak zawih zawih a, ka hawichhuah chuan ka car bula ka hmelhriat ngailoh mipa lo la ding reng chu ka en a. Mak tih hmel takin min lo enlet ve bawk.. Ka awm dan chu a awmzia hre lova min lo hmutu tan chuan a mak viau tak ang.! Ka tan pawh a mak lo chuang lo…
.
‘Eng nge I zawhna kha? Ka tihpalh.. I sawi nawn leh thei em?’
.
‘Ka kal tumna hmun hi ka hre fuh lo deuh a nih ka ring, kawng ka bo a. Map ka tibo bawk sia..’
.
Mumal lo zetin ka chhang a, ka ngaihtuahna tibuaitu chu a tak ang chiah a ka thil tawn zawh chiah kha a ni. Engtin nge anih theih? A taka ka hmachhawn hma hauhin engtin nge thi tur anga ka inngaihtuah theih zawk! Emelia hi ka ringhlel pawh a ni hauh si lo a. Chutiang bawkin Arkadios pawh vawikhatmah kan la inhmu ngai lo. Khatiang khawpa chiang khan engtin nge ka hmuhlawk theih le!  Thil thlengtur ka hmulawk tihna em ni! A ni thei lovang. Khatiang khan ka la awm ngai lo hrim hrim..
.
Ka phone a rik chuan hamhaih deuhin ka en a, caller ID ka hmuh chuan ka hrawk a tawt nghal up up. Ka pick up dawn nge dawn lo?
.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 16
.
MARKOS POV*
.
.
In ka luh veleh Mrs. Lee’n Lilian nen kan inhmuh leh inhmuh loh min lo zawt thuai a, thil awmzia a sawi chuan hlauhthawnna ka nei nghal hmiah. Chawhnu lamah Benzo nen kan inhmu a, tunah chuan thil engkim ka hrethiam tawh! Kan buaina tawh zawng zawng te hi engvanga thleng nge tih leh a bul tumtu pawh ka hre tawh bawk.
.
‘Kan be thei lo che a, Lilian awm a nuam thei lova, Manhattan-a kal turin a chhuak ta anih kha. Phone-a rawn be tu kha tunge tih ka hre ve lo nain a chhuak tur kha a hmanhmawh hmel khawp mai.’
.
Ka phone ka phawrh thuai a, a in off bawk si lo. Kan awmna hmunah khan network  a awm lo a ni ngei ang.
.
‘Lilian rawn betu chu tunge tih I hre lo maw?’
.
‘Hre hauh lo mai. Lo zawh nachang ka hre hauh lo a..’
.
Thil thleng tur ka ringchhin thiam chiah lo nain hlauhthawn ka nei. Lilian chu biak tumin ka call a, a phone a pick up mai thei lo.
.
‘Lilian, I phone pick up rawh…’ ka ti hrawk a..
.
Vawi thum zet a ring ral thak thak hnu chuan eng thil nge ka tihtur ka hrechiang ta khawp mai. Benzo ka call nghal a.
.
‘Tunah Manhattan-a kan kal nghal angai. Lilian ka be thei lova, muangchang thei kan ni lo.’
.
‘Ka hrethiam e.’
.
Mrs. Lee hnenah kan fate pawna lo chhuahpui miah lo turin ka hrilh a, Gestalt chungah pawh ka lungawi lo khawp mai. Kan in leh a chhehvel engtiklai pawha veng tur leh Lilian kalna hmun apianga zui turin hlawh tha tawk ka pe a, Lilian chunga thil tha lo a thleng anih chuan ka ngaidam  hauh lo ang.
.
In atanga ka chhuah rualin Gestalt ka bia a, Lilian chhuak lai an hmu hauh lo chu mak ati khawp mai. Security camera a endik vek tur thu a sawi zung zung a. Se bo hnua se kawng khar ang vel a ni e.
.
Rilru hmanhmawh takin motor ka khalh chhuak a, ka ngaihtuahna a kal thui khawp mai. Lilian hnenah khan engkim lo hrilh ni ila a lo inveng lawk ve thei  ngei tur a ni a, ka thiam loh vek a ni. Tuna inchhir hian awmzia a nei lo tih ka hria. Thil zirchhuah erawh ka nei chiang khawp mai!
,
‘Eng thil mah a thleng lovang.. Thil thalo a thleng tur a ni lo..’ tiin ka phun mawlh mawlh a.
.
Tun hnuah engpawh thleng se, engpawh tawk ila Lilian lakah zep ka nei tawh ngai lovang. Ni e, kan hmangaihte venghim tur chuan engkim tih kan huam theuh a, kan thutlukna siam erawh a fuh vek thei lo fo thin. Engpawh ni se ka tihsual siamtha leh thei tura hun  tha ka neih ka beisei..
.
Ka kal tumna hmun ka thlen chuan hla deuh hlekah motor ka dah a, a  reh thap mai. Pawn atangin inchhung lam thawm engmah a hriat theih loh. Thil awmdan dik tak ka hriat loh vangin thawm dim tak leh min hmutu an awm em tih en chungin in chu ka pan a.
.
Benzo ka call chuan a phone a pick up rang khawp mai.
.
‘In hnunglam ah ka awm mek. Midang pawh an awm e. Kan rinlawk ang chiah a ni.’
.
‘Tunah Lilian chu khawah nge a awm?’
.
‘Inchhung ah..’
.
‘Eng thil phiangsen nge I ngaihtuah? Lilian chu helai hmun a thlen hma hian I dang hman lo em ni?’
.
Inchhunga thawm ri thuai ka hriat rualin phone ka off a, inchhung luh tumin ka tlan nghal a. Kawngka ka pawt a, a inhawng thei lo.
.
Ka bula Benzo lo thleng ve chiah chu ka melh zawk a.
.
‘Hlauthawng suh.’
.
‘Tun ang hunah engtin nge hlauthawng lova ka awm theih ang?’ ka ti vin hlur thung.
.
‘Lo nghak leh hlek rawh..’ tiin a phun sup a, ka rilru nen a inmil hlawl lo. Ka banah min vuan a, inchhung a luh tum lovin in hnunglam ah kan kal leh rih a.
.
‘A lo thleng tep ang..’
.
‘Tu maw?’
.
‘Lo en tawp rawh..’
‘Lilian chungah thil thalo a thleng anih chuan..’
.
‘Lo thlir phawt ang. A thleng dawn lo tih ring tawp mai rawh.’
.
Benzo kawhna lam chu ka pan vat a, inchhung a Lilian leh mipa pakhat thu chu ka hmu thei. Lilian chuan a malchungah a kut a suih a, a zam tih ka hria.
.
‘Eng thil nge nghah tur awm?’
.
Benzo min chhan hmain kawngka atanga hmeichhe lo lut chu ka hmu a. Kan beisei ang chiah chu a nih mai hi!
.
Hmeichhia chu Lilian bulah a thu a, a lu tuamna puan a phelh chuan Lilian chu a phawk hra a, thil awmzia a hre lawk miah lo tih ka hre mai.. A hamhaih hmel ka hmuh chuan ka indem hluah hluah bawk.
.
An inbia a, eng thu nge an sawi ka hre pha lo. Lilian hmelah erawh mak tihna ka hmu a, thil thleng zawng zawng hi atan chuan hriatthiam har tak tur a ni reng a ni.
.
‘Ka nghak tawh lovang..’ Benzo ngaichang lovin in hnunglam atang chuan ka kalchhuak a, a thusawi pawh chu ka ngai pawimawh tawh hek lo.
.
Kawngka ka hawng rawp a, inchhunga awm te chuan min rawn en thap a.
.
‘Engtin nge a nih theih?’ Gwen chu ner sawkin a phun sap a. ‘Markos.. Hetah hian engtin nge?’ a hamhaih hmel chu a nuihzatthlak zawk. Helai hmunah hian min hmuh a beisei hauh lo tih hai rual a ni love.
.
‘Engkim ka hre vek tawh..’
.
Ka thusawi a hriat rualin a thutna tangin a tho a, min ran panhnai dawn emaw ka tia..mah se a ti lo.. Lilian bulah dingin a hmel danglam tak dan chu mak tak a  ni.
.
‘Anih chuan he hmeichhia hi a thih angai anih chu.’  tih pahin silai a phawrh a, Lilian chu a tin ran a. ‘Ka bulah I awm lo anih chuan I nun nuam takin I hmang tawh bik lovang..’  a mitmeng chu huatnain a khat a vek bawk. ‘I nupui thi lai hmel hi lo thlir ang che..’ sehchilh rap rapin a tawng a.
.
‘Markos..’ Lilian chu a phun sep a, min rawn endan chu ka theihnghilh tawh ngai lovang! A dinhmun ah chuan chet ngamna chi a ni tawh lo.
.
Ka theih tawka rangin ka hnaih a, an bul ka thlen rualin Gwen chuan silai a hmet puak a, kan pathum chuan chhuat ah kan let thawk a. Ka bing mup mup mai.
.
Rang lutuk in ka tho a, Lilian ka pan vat a, a chechang miah lo. Gwen chu a te thawt thawt a, Benzo leh a thiante an lo lut tawh tih ka hmuh rualin thildang ka ngaihven tawh lo. Chhuat a Lilian tlu chu ka pawm tho a, a taksa zawi vek chu ka kuah bet a. Thil thlen dan chu a rang lutuk a inrinna hman pawh a awm lo. Hetiang thil hi Gwen hiana tih ngam ka ring ngai hauh lo.. Thil rapthlak tak a ni e.
.
‘Gata`ki,  I harh em?’ a taksa ka enkual zung zung a, hliam ka hmu lo.
.
‘Min tihlum pawh ni ula in buaina hi a reh chuang lovang..’ Gwen chu a te tuar tuar a.
.
‘An awmna tur hmunah kan hruai nghal mai ang.’ Benzo chuan hnehsawh zetin Gwen chu a dawm bet a, an bula awm ve mipa pawh chu an rek nawk nawk a. Chupa chuan engmah a sawi lo.! Ngawi renga a lo awm ve reng chhan kha eng tak ni ang  maw?
.
‘Lilian..harh teh..’
.
Silai puak ri ka hriat rualin ka hawichhuak zawk a, kawngka bula Zografos tlu tur awn ruai ruai ka hmuh chuan mak ka ti lutuk takzet! Zografos hian hetah eng nge arawn tih ve?
.
‘Markos..’
.
Lilian chu ka en vat a, Zografos chungchang ngaihtuah hman ka ni lo.
.
‘Lalpa, Lilian I tha em?’ engmah sawi tawh lovin min kuah let a, a taksa khurh dan atang chuan a tap tih ka hria..
.
‘Shh..tunah chuan I him tawh e..’
.
‘Heng thil zawng zawng thlen chhan hi keimah vang a ni tiraw..?”
La chak tawk lo tak chungin min kuahna chu a thlah a, ka biang tawn tawn ah a kutin min vuan a..
.
‘No, chutiang chuan ngaihtuah miah suh. Shh.. Min lo hnaih teh.’ tiin ka kuah bet leh a. Tunah chuan ka thla a muang ta deuh e..
.
Engkim ka hre tawh emaw ka intih lai khan Zografos chungchang hriat ka nei miah lo a, eng vanga hetiang thila inhnamhnawih ve nge ka hre hek lo. Thil awmze hriat chakna in ka khat bawk. Gwen khan amah Lilian vanga thil thleng vek a ni tiin Lilian bulah hian a sawi a ni ngei ang. Keichuan heng thil thleng hi Lilian vangah ka ngai lo bur..
Duhamna leh mahni ta lo tur neih tuma buaina, mihring rilru thalo tak ngaihtuahna leh thiltum tenawm tak vanga heng thil zawng zawng hi thleng a ni.!
.
Darkar khat a ral leh hnu chuan Benzo’n kal tura min hrilhna hmun kan thleng diam tawh a, ka bula Lilian thu chu enin a kut ka vuan a. A ngaihtuahna a la buai tih a hmel atangin ka hre thei. Engkim a tha vek tawh tih ka hrilh chuan min nuih lui sak a.
.
Pindan chhunga Zografos thu chu kan en a, ani chuan min rawn hmu thei lo thung. Zografos bula mipa thu chuan zawhna a zawt a, a pha nasa khawp mai.
.
‘He thilah hian tel ve n aka nei lo a, ka ukil a lo thleng phawt anih loh chuan engmah ka sawi dawn lo’ a ti ngghat nghat a. Mi zawng zawngin dikna chanvo inang kan neih theuh angin thil tisualtu ni mah se a dikna zahsak angai tho a ni.
.
Minute 10hnu velah a ukil a lo thleng a, ahma a zawhna zawttu bawk khan a zawt chhunzawm leh a.
.
‘Leventis Corporation nen hian in inzawm ngei a, hetiang thil tum ran chunga zawm I ni em?’
.
‘Min zawhna chu ka chhan kher atul em? Sumdawng zawng zawng hian hlawkna duhin midang kan zawm thin theuh alawm. Thil diklo engmah tih ka nei lo.’
.
‘Anih chuan Manhattan-ah khan eng ti tura kal nge inih..?’
.
Zografos chuan a ban an tuam var luk chu a chul hauh hauh a, chhan tum ang pawhin a awm der lo. A chhang tawh dawn lo emaw tih hnuah a aw a thian khurh a, a rawn tawngchhuak leh boh boh a.
.
Zografos thusawi atang chuan a inhnamhnawih lo tak tak pawh a ang khawp mai. Pindan atanga an chhuah hnu chuan Gwen an hruilut ve ta thung a, ani hi chuan engmah phat buai tur a nei hauh lo ang. A chezia leh mit ngeia a thiltihsual hmutu kan awm tlat.
.
‘Gwen.. I thiltih hi hun rei tak chhung lungin tan theihna tham a ni tih I hria ang chu maw?’
.
‘Hria e. Engpawh tawk ila pawi tihna ka nei tawh lo.’ A ti ram hmak a. A aw ah chuan thinrimna a lang tel bawk.
.
‘Thah I tum Lilian hian ilakah eng thil sual nge a tih?’
.
Gwen chuan a zawhna dawn chu chhang mai lovin a nui hak a.
.
‘Chu chu I hriat ve a tul em? Nang phiangsen hian engmah I hre lo..’ a ti vin thawt thawt a, a thutna atang chuan a tho uaih uiah a, a kut phuar lo se chu a hmaa thu mipa chu a bei ngei ang.
.
‘Markos Leventis hi ka ta tur a nia, I ta tur chhuhsaktu che chuan thil pawi dang tih ngai lovin I pawi a sawi tawh sa reng tihna a ni.. I hrethiam em? ***.’ Dawhkan a chum a, a nungchang chu a pangngai lo takzet. ‘Ka hmuh leh hun hun ah ka that tho ang. Kha hmeichhia khan ka hlimna tur min chhuhsak a ni.. Eng thil nge ka tih chuan ang? Ka hmangaih em asin..!’ a insut hlawp hlawp a.. ‘Markos hi ka hmangaih asin.. Ka thinlunga ka hmangaih reng chung hian engtin nge hmeichhe danga bula cheng reng chu ka hmuh theih ang..’ a a rawh a ni ngei ang. Hetiang nungchang pu hian ka la hmu ngai lo.
.
Lilian kut chu ka hmer nghet sauh a. Engmah sawi lovin Gwen chu kan en dun reng a, a thusawi zawng zawng chu mi pangngai sawitur leh mi pangngai ngaihtuahna a ni tawh lo hrim hrim.. Tuna kan hmuh mek hi ka hriat thin Gwen kha a ni tawh lo. Hmeichhe hlim thei leh harhvang tak Gwen kha a ni tawh lo. A ngaihtuahna kal sual hian mi anglo ah a siam ta anih hi. A lehlam zawnga ngaihtuah chuan a khawngaihthlak khawp mai.
.
‘I thusawi chu eng nge a awmzia?’ officer aw a mak tihna chu hai rual a ni lo.
.
‘Ni e, makti deuh khan min en suh. A tir atangin ka tum lawk vek alawm. Zografos hian min pui nasa khawp mai. A company leh Leventis Corporation thawh hona hi ka tan chuan malsawmna a ni. Mr. Fabrizio a huatna leh a chunga a thinrimna kha a fapa Markos chungah hian lantir a duh a ni. Video chungchang kha chu A nupui Lilian nen an inthen theihna tura kan ruahmanna a nia, kan rin angin a thawk ta lo a ni..’ za lo zet hian a nui sak a.
.
‘I vau reng em?’
.
‘Aw..vau e.. Ka sawi tawh ang khan Zografos puihna in mi kan ruai a, mak takin kha hmeichhia kha engin emaw a venghim tlat zel a ni.. Thi tlak anih kha.. An fate pawh saw ka la that vek ang..’ a nui a, a awmdan chu a mumal lo zual zel ni maiin a lang.
.
Pindan atanga an hruaichhuah chuan a tap vak vak a, tan in a awm a duh loh thu leh a thiltih chu ngaihdam turin a au ruai ruai a, biak zui tlak a ni tawh lo.!
.
.
Min lo hruai turin Koko ka bia a, car-a kan luh hnu chuan Lilian chu kuahin a banah ka chul hauh hauh a.
.
‘Min thah tuma min veh reng vang khan engmah min hrilh lo tiraw?’
Tawngka-a chhang lovin ka bu nghat a.
.
‘Markos, min hrilh ta la ka mangang ngei ang tih chu ka hria a, mahse min hrilh loh vang khan ilakah ka lungawi chuang hauh lo a nia. Nangmah chauh a buaina hmachhawn tum hi engtik ah nge I bansan dawn..’ a thut dan siam remin ka mit ah min en a, a hmuiah ka lo fawp zauh a.
.
‘Zir chhuah ka nei reng alawm.’
.
A nui hak a.. Ka thusawi chu a awih chiah lo tih pawh ka hria. Mahse kei hi ka chiang em em thung a ni. Kan nupa inkar buaina thil anih chuan Lilian lakah hian engmah zep ka tum leh tawh ngai dawn lo. ‘I lakah engmah zep ka nei tawh ngai lovang tih ka ngaihtuah a..’
.
‘A tha khawp ang. Ka huat zia che hi I hria em?’ tiin min kuah a. ‘Gwen kha engtin nge a awm tak ang?’ a ti sep a.
.
‘Enkawl angai ngei ang. A mamawh tak enkawlna a dawn angai anih kha.’
.
‘Eng tin nge I hriatchhuah? Oh! Ka zawhna chu a atthlak hle mai..’
.
‘Emelia min puihna vang a ni pakhat. A tirah chuan Emelia hi anih ka ring a, mah se kan chhui khan engkim Gwen ah hian a tawp ta vek a ni. Zografos kha chu ka hrelawk bik lo. Hemi chungchang hi chu sawi tawh lovang..’ tiin ka kuah a, thaw hakin min kuah let a.
.
In kan thlen chuan Aidan leh Tamsa an lo muhil tawh a, an pindan a kan kal hnuah kan pindan ah kan let leh a.
.
Bathroom atanga ka chhuah chuan Lilian a lo mu fel diam tawh. Engmah inbel lovin khumah ka lawn a, Lilian chu ka kuah nghal a..
.
‘Hey..’ a tizawi sap a. A lo muhil tep tawh tih ka hre mai..
.
‘Muhil rawh.. Ka lo kuah ang che..’
.
Ka lam hawi a rawn inher in min kuah let a, a rimtui chak chak chu ka hip vang vang a. Rilru hahdam leh inpawh taka kan awm leh ta hian ka rilru chhungril takah min tihlim veng veng a ni.
.
‘Mutthilh mai tum chu I va ang si love..’ engmah ka inbel lo tih a hriat chuan a nui hak hak a..
.
A tawng chu chhang lovin a hmuiah ka fawp a, min chhanglet rang khawp mai..
.
‘Ka hmangaih che..’
.
‘Ka hria e. Hmangaihna min chenpui rawh..’ a kawr phelhin ka chungah a thingthi a, a taksa nalh zet chu chul ruai ruai ka kuai kun a, a hmuiah fawp lehin ka lehpui thawk a, ka hnuailam atang chuan min rawn kuah let tawk tawk bawk a..
Kan boruak tang tak vang chuan muangchang a che thei pawh kan ni lo…
.
Ka muhil ka harh chuan min kuah chiala Lilian muhil hmel chu ka en vang vang a, nizan khan chintawk kan nei thei lo a nih ber kha! A chau viau ang.. Kei erawh ka inpeih leh at tawh! Ka nupui lakah hian rawlthar tha za zak ang ka ni reng mai dawn chu a nih hi..
 A biangah ka fawp a, harh chiang lova rawn meng siar siar in min kuah nghet sauh sauh a.
.
A mal zen thlarh chu chulin ka duhna tak ka khawih chuan thaw hakin a rem lai lai ah min fawp a, ka taksa a dehna lai apiang chu ka duhzawng tak a ni vek.
.
Thawmhnaw kan inbel loh sa vangin engmah phelh buai tur a awm lo! Duhthawh takin kan che a, ka mamawh ang thoin Lilian pawh hian min mamawh tih ka hria. A tawp thlenpui tumin ka che sauh sauh..
.
Kawngka inhawng thawm kan hriat chuan kan tawp chawt a..
.
‘Shit..a zo tep asin..’
.
‘Mama…’
.
Room kawngka kan kalh lo a ni maw!! Rum hawkin Lilian lak atang chuan ka inla hrang a, kan thawkdan pawh a la mumal lo.. A va laklawh ber mai em!!!
.
Aidan lo tlan lut chu khum bulah dingin rawn lawn tumin a bei tauh tauh a, ka pawm chho anih loh chuan amah in arawn lawn thei lo hrim hrim..
.
‘I kawr kha ha rawh..’ Lilian chuan ka darah a beng zauh a, a ni pawh chuan a kawr a ha mawlh mawlh a, a hmai a sen tan bawk. Thil tisual man ang mai kan ni e..! Naupang thil  hrethiam rual ni lo mah se thawmhnaw inbel miah lo puitling saruak a hmuh ka duh teuh lo mai..
.
Kan puansin chuan intuamin ka kawr ka la a, Lilian pawh rawn thoin Aidan chu a pawm a, engmah thleng lo ang maiin a be mawlh mawlh a. Min rawn melh chuan ka lo la en reng a, awmze nei deuh hian min nuih sak a, a sen tan tan bawk..
.
An bulah chuan kal hnaiin a hmuiah ka fawp zauh a, Aidan pawh ka fawp bawk a.
.
Ka phone arawn ri ve chiah bawk. Lilian leh Aidan an inpawm chhuah hnu chuan phone ka pick up a, Benzo nen kan inbiak zawh chuan inhnuaiah chhukin kitchen ah ka lut a.
.
‘Vawiin hian Benzo hmu tura ka chhuah a ngai dawn a..’
.
‘Oh.. eng chungchang nge ka hre ve thei em?’
Lilian chuan Aidan leh Tamas an thutna ah thuttir in an eitur a la mawlh mawlh a.
.
‘Ka lo haw hunah ka hrilh ang che..’
.
‘Markos..’
A thiltih lai dahin min rawn en a, min melh dan chu ka hrethiam. Hlauhthawnna a neih hi a la bo vek lo tih ka hria. A bulah kalhnaiin ka kuah a, a chal ah ka fawp zauh a.
.
‘Thil tha lo engmah a thleng lovang, kan him tawh alawm..’
.
‘Ka hria e.’ tiin min kuah let a..
.
Aw thian kharh ri kan hriat chuan kan inkuahna thlahin kan hawichhuak a..
.
‘Zory.. Mama.. Ohh..’
.
Ka nu leh ka farnu neihchhun Zory leh a fate nui sang a ding tlar thap chu kan en a.
.
‘Eng mah in rawn sawilawk lova.. Oh..lo kal hnai ru.. Eng thil in nge rawh hruai thleng che u..’
.
‘Ohh..lo kal teh u.’
Hlim taka nui chungin kan inkuah nawk nawk a.
.
Kan zavaiin breakfast kan ei ho a, naupang ho pawh an hlim nak nak khawp mai. Benzo hmuh a tul vangin breakfast kan ei zawh atanga rei vak loah in ka chhuahsan a. Ka kalna tur hmun ka thlen chuan Benzo pawh a lo awm diam tawh. Min hmuh rualin a lo ding vat a.
.
‘Nizan a ka thil tawn hi I hriatchak ve ngei ka ring..’
.
Bu nghatin Benzo bula thutna awm ah chuan ka thu a. A hmel landan chu ka hrethiam chiah lo. A mitmeng a de deuh sar sar a. Tuna a lan dan ang hian Benzo hi ka hmu khat khawp mai.
.
BILLIONAIRE’S SLEEPING SUN – BOOK – 2
By. Thantei_aka_Laura_Sean
CHAPTER – 17 + EPILOGUE
.
‘Nizan khan Zografos chenna hmunah thilmak a  thleng a.’ a nui suk a. ‘A beisei ang thil a ni lo ve khawp ang’
.
‘Eng thil nge?’
.
‘A mi rawih pakhat kha a lakah lungawi lovin a in ah a lut a, kan enzui ruk reng lai nilo se chuan Zografos kha a thi ngei ang! Nimin a thil tisual lo ang maia a insawi thiamna kha chu engmah lo mai a ni ta a ni ber e..’
.
Benzo chuan Gwen awm zui dan leh rilru lam enkawlna hmuna dah anih tur thu a sawi bawk a, a pangngai leh thei anih chuan thil lawmawm tak anih tur thu leh tu lakah mah a hnawksak zawnga a awm theih tawh ngai loh tur thu a sawi bawk.
.
Thla thum a ral leh hnuah  Zografos chungchang pawh rel fel a ni a, sumdawnna a kan inzawmna zawng zawng pawh kan chhuchat fel vek a, a tlachhia a ni ta ber mai. A dingchhuak leh tawh ngai dawn lo tih ka ngaihtuah sak chuan a khawngaihthlak letling zawk hial. Gwen pawh rilru lam enkawlna hmunah a la awm reng a, hmasawn lam aiin a buai zual telh telh tih thu ka dawng bawk.
.
Mihring ngaihtuahna thalo tak vangin mi tam takin kan buai phah a, ralmuang lovin kan nun phah bawk a. An ngaihtuahna thalo tak vang khan hlawkna hmuh chu sawi loh anmahni leh anmahni an intichhe ta vek zawk anih hi. Gwen chungchang bikah chuan, mihring hian hmangaih kan nei tur chu a ni teh meuh mai, mahse mi dang ngaichang lek lova mahni duhna chauh kalpui hian mihring tling loah min siam thei tih hi min ngaihtuah tir a ni. Mahni dinhmun chauh ngaihtuah, hmangaihna chhuanlam a hmanga midang buaina thlentu nih ai chuan huaisen taka mahni chan tawka lungawi zir hi mihring ten kan tih ngei tur a ni bawk ang chu. Kan duh vang rengin mihring ngaihtuahna hrang nei kan inhmangaih tir ngawt thei si lova..
.
Kei erawh khawvela mi vannei ber ka ni tih ka inhria. Ka hmangaih em em leh ka hmangaihna ang zat zeta min hmangaih lettu nupui tha tak ka nei a, kan hlimna ti famkim turin Pathianin fa tha tak tak min pe bawk a. Engtiklai pawha lawm mai tur ka ni..
.
‘I duh ber hot chocolate.. Khawvel dangah I lo cheng daih tih ka hre mai.’ Lilian chu ka thutna bulah dingin no pahnih a keng a, ka intur a siam chu ka lo la vat a.
.
‘Thil eng emaw ka ngaihtuah a, zanin hian min chhuahpui thei angem?’
.
‘Khawiah nge kan kal ang?’
Ka  malchungah rawn thuin a ban dingam chuan ka darah min kuah a.
.
‘Thuruk ni rih rawh se..’
.
‘Thuruk maw?’ min en ha  a, a hmel hlim sar leh a mitmeng a min hmangaihna langchhuak chu ka en kham thei ngai dawn lo.
.
‘Aidan leh Tamas te hi..’
‘Um, Hanna leh Mrs. Lee te nen pawnah an infiam anih kha..’
.
‘Anih chuan keini pawh kan infiam thei tihna a ni maw?’
.
Ka thusawi awmzia hriain ka hmuiah min fawp zauh a, ka malchung atang chuan chhukin min nuih a, ka duh ang infiamna chu min tihpui a tum lo tih ka hre mai.
.
‘Zanah ka pasal chhelo tak nen hian kan chhuak dawn anih chuan inbuatsaih ka duh ngei ang..’
.
Ka thutna tang chuan thoin a kalsawn hmain ka kuah a, a hmui no chek ah chuan ka fawp vawng vawng a.
.
.
7:30PM
.
‘I inpeih tawh em?’
.
‘Inpeih chiah e..’ darthlalang hmaah dingin a inen leh thuak a, ka lam arawn hawi chuan ka thaw a chham lo chauh! Ka nupui hi hmeichhia zawng zawng zinga nalh ber leh tha ber a ni chiang a ni.
.
In atangin kan chhuak a, car-a a luh hnu chuan ka thu lut ve vat a.
.
Kan pahniha kan la tihdun ngai loh leh a beisei hauh lohna hmunah ka hruai dawn a ni. Ka tana bul a intanna hmunah ngei khan…
.
Pandora Bar kan thlen chuan makti a ang phamin min en a..
.
‘Hetah hian maw? Ka awih thei lo zawk..’ Lilian chu a nui hak hak a, a kutah vuanin inchhung ah ka luhpui a.
.
‘Mi zawng zawng hian min en vekin ka hria.’ Ka beng bulah arawn phun sar sar a, a awki leh a hmel landan atang chuan a hlim tih ka hria. Ka tumlawk ang ngeiin ka hlawhtling dawn bawk tiin ka ngaihtuah a.
.
 Intur ka laksak ka pek chu ngawirenga la in a in zauh a. Ahma ah dingin a vawn turin ka kut ka pharchhuak a, min lo vuan ve mai bawk
.
‘I tha em?’
.
‘Ka tha alawm’
.
‘Kan lam dun thei angem?’
‘Tehreng mai..’
.
Music an rawn play chuan hriatchhuah nei tih hriat tak hian ka nghawnga min kuah chungin min en a..
.
‘Markos, a hmasa ber ang chiah kha a ni. Kan lamdun hmasak berna hla hi I lo la hre reng maw?’ a ti sep a.
.
Ni e, ka hria alawm! Kan intawnna hmun.. Ka vawikhat hmuhna atanga ka mit la chat hmeichhia, ka nun tifamkim tu tur a ni ang tih hre hauh lo a pawisa tam tham tak senga ka mutpui hmeichhe thianghlim hi thil eng emaw hriatchhuah tir ka duh vangin helai hmunah hian ka hruai reng a ni.  Pandora Bar hi chu eng thil pawh thleng se a tawp tawh ngai dawn lo. Ka nuna rahbi thar ka kai nachhan leh ka tana hmeichhe dik awmchhun ka tawnna hmun a ni tlat! Ka tan a hlu lutuk..
.
‘I nalh takzet..’ a beng bula kunhniam in ka fawp a.
.
‘A thlawn a mutpui theih ka nilo a nia’ a hmui pet zauhin a nui sak a, kan intawn hmasak ber tuma min chhan dan chiah a ni.
.
‘Engzat nge I duh le?’
.
Min chhang mai lovin ka nghawng hnunglam a khawih niap niap a, a nui hmel a reh riai riai bawk. Min rawn hnaih lehzual a, dingdihlip in ka hmuiah min fawp a. A hmel a thutak ta ran mai.
.
‘Ka duh ber chu nangmah I ni.. Ka hmangaih che, Markos Leventis..’
.
Thudang sawi leh tumin a ang ziau a, a hnuk a ulh tih ka hria. A  ngawi leh rih a. A biang tawn tawn ah vuanin a hmuiah ka fawp a, kan bula mi awm ve zawng zawng chu engahmah ka ngai lo. Tuna ka duh leh ka thil hriat awmchhun chu ka nupui Lilian Spencer Leventis hi fawh ka duh tih chiah hi a ni.!
.
Kan chhehvel a thilawm zawng zawng theihnghilhin kan infawp vawng vawng a.
.
.
.
EPILOGUE*
.
KUM 15 HNUAH**
.
‘Mama, Big Aidan hian hmeichhia a fawp lai ka hmu a nia.’
.
Lilian nen phawk zetin kan inmelh a, kan fanu kum 8 mi lek hian eng thu nge a sawi hi? Aidan arawn lut ve chiah bawk. A farnu tereuhte thusawi chu arawn hre hman tih a hmel atangin ka hre mai.
.
‘Prinkipissa (Princess), eng thu nge I sawi chu?’
Ka malchungah Alysa chu rawn lawnin chhantu a nei tih inhre tak hian a hawisang vah a. A pa hian ka tan zel thin tih hi a hrechiang khawp a, Lilian hian ka duat sual dawn tih min hrilh  fo thin. Aidan leh Tamas te kum 8 a upa an nihin Alysa hi a piang a, kan zavaiin kan duat em em a, ani tereuh hian kan duat zia hriain remchang lak hun pawh a hre  thin  khawp mai. A kum phu lohin a fing reuh bawk a nih hi.
.
‘Papa, ka hmu chiang lutuk.. Tuna arawn luh hma chiah khan hmeichhe sam var vek nen an infawp ka hmu alawm..’ tiin min hrilhru leh sar sar a.
.
‘Aidan, a dik em?’ Ka nupui hian thil awmzia hre lovin a ngawih bopui hauh lovang. A fate hi nungphung pangngai pela an awm a hlau em em reng thin a, ani aia fate tana inpe zo nu hi an awm anih pawhin an tam lo khawp ang. Kan chhungkaw tan hian kan engkim a ni.
.
‘Mama, kum 16 ka tling tawh…’
.
‘Shh.. Lo kal hnai teh..’
.
‘Mama..’ Aidan chuan phun nang nangin a nu chu a zui a, Alysa pawmin an hnungah ka zui a, kan pindan a kal tum ka ni nain an nufa titi hriat ka duh leh ta zawk. Aidan pindan kawngka bulah Alysa pawm chungin ka ding a, min rawn hmu pawh ni se an awm dan a danglam chuang lovang. A nu thu hriat chu keipawhin ka hre leh vek zel tih kan fate hian an hrechiang.
.
Kan fate hi kum engzat pawh ni se kan tan chuan naupang anni reng a, an puitling chho ve zel ka hmuh hian mak tihnain ka khat fo thin. Aidan hi keimah ang chiahin a luhlul a, engkim ah min chhun zawk vek ni maiin ka hre thin. A thu a duh a, a luhlul em em rualin kan inpawh viau thung. Tamas nen hian phir anni nain an mizia a hrang hlak. Tamas hi chu Aidan aiin a tawng duh deuh zawk a, a thiltum tawh engmah a sawhsawn tir theih loh tluk a ni. A nu a chhun anih hi ka timai thin. An thuruk erawh ka bulah an sawi ngai meuh lo. Kei ai chuan Lilian hi an hnaih zawk mahin ka hre thin. Tuna tang hian hmeichhe hoin an buaipui nasa tih ka hria. An kalsual tur venpui bak han tihtheih kan nei chuang lo thung. An nih tumah an chiang a, an nundan zawng zawnga inrawlh erawh kan nupa hian kan tum lo.
.
‘A la hma mah mah a ni.. Hmeichhia chu tunge?’
.
Lilian tawng ri ka hriat chuan ka nui sak a. Nem tak leh hnial theih hauh siloh a zawhna chhan ngei ngei ngai inzawh hi chu a thiam ber hial ang. Zalen tak si hian engtin emaw han tihdan hi a thiam tlat thin.
.
Inthiam vak lo hmel hian Aidan chu a nui suk a, a thusawi tur chu ka lo hrechak zual ve sauh bawk. Kum 16 ka nihlai nen kan danglamna ka hre hauh lo mai..
.
‘Mama, ka..umm..ka sawi kher a tul em ni?’  a ti leh rih a.
.
‘Big Aidan, sam var kha pitar a ni em?’ Alysa pawmin pindan ah chuan kan lut ve a.
 .
Aidan chu ka chhan angaiin ka hria! Alysa chu en in a rawn nui suk a..
.
‘Pitar ni lo ve.. Ni dangah min hmuh leh pawhin sawi tawh awih loh aw..’ a ti charh charh a.
.
‘Mai thei. Chocolate ice cream min pek dawn chuan ka sawi tawh lovang..’ Alysa chuan ati leh zat zat a.
.
‘Ka naute anih hi..’ nui hawk hawk chungin Aidan chuan ka kut atangin a farnu chu a pawm a, a vawr kang a, Alysa pawh a te ring leh nasa e… ‘Khawnge Tamas hi?’.
.
‘A room ah.. Big Aidan, tunah chocolate chu min pe thei a ngem?’
.
‘Nakin ah aw.. Tamas room ah chuan I va kal dawn em?’
.
Alysa room atanga chhuah hnu chuan Aidan chu anu nen kan bulah arawn thu a.
.
‘Aidan, hmeichhia chu tunge?’
.
‘Oh.. Gata`ki, kan hriat kher angai em ni?’
.
‘Ngai tehreng mai..’ Lilian chu a nui sang a..
.
‘Mama, I hriat sa kha.. Irina Varshavski.. A bak chu ka sawi tawh dawn lo.. Chuan Tamas hmuh ka ngai a..’
.
Aidan a pindan atanga a chhuah hnu chuan Lilian  kut ka vuan a..
.
‘An puitling mai tur hi awih har ka ti.. Laura leh Mike te pawn an remti rih hauh lovang.. An la naupang mah mah a ni..’
.
‘An awm ang hian en tawp rih teh ang. An tana tha tur leh tha lo tur chu an hrethiam em em ang tih ka hria.’ Lilian ngaihtuahna chu ka hriatthiampui khawp mai.
.
‘Ni e, an hre ngei ang.. Markos Leventis fate an nia lawm le..’ min rawn nek salhin a nui zui sak a..
.
.
.
Vawiin hi Lilian nen kan inneih cham a ni a, zan lamah kan in a lawm kan tum tho nain kumtin kan pahnih chauh a kan kal ziah thinna ah kan kal leh a ni.
.
‘A mawi lutuk.. Helai hmun kan kal apiang hian mak deuhin ka danglam ziah tih ka sawi kha I la hria em?’ a ti sep sep a.
.
Lilian chu sir zawngin ka malchungah a thu a, a darah ka hmuiin ka nul zai zai a. A ban zen thlerh chuan ka nghawngah min kuah chial bawk a. Kum engzat pawh awmdun ila kan tan chuan minute tin hi inhmangaihna hun, hun hlu tak a ni reng mai.
.
‘Hmm..’
‘Markos, ka sawi chu I hria em?’
.
‘Hmm.. Ka hmangaih che..’
.
‘Ka hria e.. Ka lawm e.. Ka hmangaih che.. Kan fate nen..’ tiin min en a, kan infawp vawng vawng a.
.
Kan inlakhran leh hnu chuan tawng tawh lovin tuipui cham put lang thei tawpa ni tla tur eng suar suar chu thlirin thawk a la vang vang a, keiin ka en nin theih ngai loh hlimna vanga  a lungawi hmel nung sar chu ka en ve vang vang thung....
.
.
.
A/N – BSS Book 2 chu a lo tawp leh ta. Pathian zarah kan dam anga kum thar lamah TMH! nen lo let leh tum chhin phawt ang. Translate emaw intihsak tawh awih loh aw…
Min chhiarsak vangin ka lawm em em e. In tello chuan engmah ka nih siloh hi…
~Thantei_LauraSean

.
ULUK DEUH A CHHIAR TUR👇
AROMA QUEEN FLABIA FRESH - HERBAL PRODUCT MIZORAM A LO LUHNA LA REI LO, BUSINESS PLAN THA LUTUK. ZIRLAI TAN PAWH ZIRLAI TIBUAI MIAH LOH A SUMDAWN THEIHNA, HRECHIANG DUH TAN A HNUAIA NUMBER KA DAHAH HIAN BIAKPAWH THEIH RENG A NI E.
9612229037/ 9402365651
WHATSAPP GROUP SIAM A NI BAWK A, AN PRODUCT EN DUH HRIM HRIM TAN PAWH BIAKPAWH THEIH RENG KAN NI.
A TI HMASA TAN CHANCE A THA, MARCH NI 1/2018 KHAN OFFICE HAWN A NI A, AIZAWL AH REGIONAL CENTRE AWM A, OFFICE HMUNPUI AH DOCTOR TE'N AN THUTCHILH DAWN  VANG CHAUH PAWH HIAN A NGELNGHEH ZIA LEH EIZAWNNA TLAK ANIH ZIA A CHIANG NGHAL A NIA. BEAUTY CARE, PERSONAL CARE, HEALTH CARE, FOOD AND BEVERAGE ETC. A AWMKIM HLE. A THLAWNIN MEMBER ANIH THEIH RENG E, RAWN BELCHIANG LA I INCHHIR DAWN LO CHIANG LUTUK.
PHONE - 9612229037/ 9402365651