THE FLAMES 'Yataki'

      THE FLAMES (‘Yataki’ )
                                                                              By. Thantei_LauraSean Virgo
HARLEY *** RESTAURANT      2:37PM

“Mk, table no. 5”
“Lalmuankimi, table no. 5” ring tha leng lawng a min kotu chu inthlahrung takin ka en a...
‘Tunang hunah engtin nge ka hna ngaihtuah lova thildang ka lo ngaihtuah daih theih zawk ni.. Atthlak lutuk..’mahni  inhau ru  mawlh mawlh chungin table no. 5 lam chu ka pan a..
Engahmah min ngailo tih hriatreng a minlo nuih sawngtu Rinhlui lam chu ka hawi a, menu pe pahin enge an eiduh zawng thlang turin dawhthei tak  a nui chungin ka bia a. Hawihhawm taka mi biak hi kan hna alawm le.. Henu hian Higher kan kallai atang tawh khan min hmusit taka awm leh zak taka min siam hi nuam ati thin. Enge a chhan ka hrelo a, hriat pawh ka chak hek lo.!
  “Bawih, enge kan ei dawn?” chu nu  in no zeta a melh lam chu ka en a.. Ka ring theilo.. Ahma khan kalo en miahlo ani..! Kum 4 dawn chu kan inhmu tawhlo.. Sawmsanga pawh chuan min hmu thut chu mak ati vetho tih ka hre mai. Enge pawi vak..? Tunah chuan ka engmah ani tawh hleinem.. Engahmah ngailo angin ka awm lui a.
An thil eiduh an thlan zawh chuan ka kalsan a. An eitur pe a ka kal leh angai.. Tray a eitur ka ken chu fimkhur takin an dawhkan ah chuan ka hung diat diat a, ka soup kenlai chu tihluih takzet zet hian Rinhlui chuan arawn khawng  a, ka awm atanga ka keler thlengin soup chuan min buak a, ala sa em em zui..
“Fimkhur ta che..” min rawn vintu chu tudang ni lovin ka thawhna restaurant neitu nu, mi khawngaihna tlachham zet Pi Hmangaihi bawk ani..
“A pawilo, ama thiamloh ani hleinem” Sawmsanga chu kei chauh nilo restaurant chhunga awm  min hmu vetu zawng zawng chuan kan en thap a.. Rinhlui nuamti hmel chu mak kati.. A eng pawi nge maw ka sawi le..?
Pi Hmangaihi hmel ka va en chuan ka chunga thilthleng tur ka hre nghal vek. Helai hmuhah hian engvang mahin ka thawk zawm thei tawhlo ang.
“Muankim, I  tihfai zawh hunah min rawn hmu ang che..” rum zeta mi rawn melh hnuah Sawmsanga te lam chu enin  “In tha maw? A zialo hle mai” nem duaiin a tihzawm zat a..
Ka va zak tak em.. Chhuat chu rawn inhawngin pilbo daih thei ila kati takzet. Midang lo awm ve te hmel pawh en ngamlo in ngawi rengin soup bua chu ka tifai a. He ka nun manganthlak tak leh mawhphurhna sang bawksi hi tlanchhiatsan ngaihna a awm silo.. Hnathawh tur dang ka zawn ngei chu angai dawn ani.. Nge Pi Hmangaihi hnenah hian min khawngaih a min bantir lo hram turin ka dil ang.. Min khawngaih thei angem ka hrelo.?
“Tho rawh”  “Tho rawh ka tih chu..” chupa chuan tunge maw a biak le..?
Ka banrek ah na zetin min rawn vuan thut a, tunge tih pawh ka en hmain min pawt tho a, restaurant atang chuan min kaichhuak dawr dawr a.. Ka hmuh ve zawng chu restaurant  chhunga awm hoten makti taka min en chu ani.
“Hey..min thlah rawh”
“Trang buailo mai rawh” hepa hian enge a hriat a..? Motor park na hmun lam pan chuan min kalpui a. Min kalpui pawh ani chiahlo min hnuk ani ber e..
Hepa hian kati takna a; a aw pa lutuk mai ka hriat bak chu a hmel ka hmu theilo.. A hnunglam atanga a landan chuan a palian a, a sam a dum hlap..Jacket dum aha a, Jeans dum aha bawk.. A pheikhawk bun nalhzia chu.. A pian analhin a chak hle... Chutiang ngaihtuahna hun anilo..
“Min thlah rawh ka tih chu” ka tang ve nasa tehnain awmzia a awmlo.. Min pawt nawk a, car kawngkhar chu a hawng nghal bawk a.
“Car ah hian lut rawh..”
“Min thlah rawh..?” ka lam hawiin arawn inher a, a hmel ka hmuh chiah chuan hnial nachang pawh ka hre tawhlo… ka thilhmuh chu atak ngei ani em tih chian tumin ka mit ka khap fak fak a… Heichu mipa tak tak hmel ani.. a mitmeng chuan min hmutlang vek in ka hria.. Pathianin mipa a siam chu hei ngei hi anih hi…!
“Lut rawh..” ka hriat tawk tur lek a zawi, khauh tak siin a tawng a min enchiang hle bawk.. Ka phu zawk hial a.. Hah..hepa hian enge a hriat a.. Hmeltha pawh ti viau mah ila ka hmelhriat pawh ni hleilo, a thu ka zawmna chhan tur ka hrelo. Ka meng tal tap a..
“Ka lut lovang.. Tunge I nih pawh ka hre hleinem.. Min thlah rawh” ka thusawi pawisa lo zetin a nui sak a..
“Khalai hmun atanga ka hruaichhuak che kha lawm hle rawh” Ka lawm ang maw? Hepa hian min kaichhuak ringawt lo se chuan Pi Hmangaihi hnenah khan ngaihdam ka dil anga restaurant ah khan ka thawkzawm thei maithei asin.. Restaurant changkang tak leh hlawh tha tawk tak lak theihna hmun a thawh kha ka tan hian thil awlsam anilo. Tunah chuan va let leh chi pawh ani tawhlo ang.. Ka hriat ngai pawh nilo hian min tibuai vek anih hi..
“Ka lawm ang maw? Thil I tibuai zo vek..” ka tawng zawm leh hma chuan min rawn hnaih thut a; ka inring hmanlo car chu ka ngheng rawk rawk a, phawk zetin ka enchho ha a.. Hey..hey..hey.. hepa hian min fawh a tum vaih chuan a chaaklo ang.. Min hnaih telh telh a, ka thawtha ngam tawhlo.. Ka maimitchhing ta ringawt a..
Ka che dawt a, ka meng nghal zawk, motor chhungah ka thu der tawh.. Driver seat lamah chuan nui suk suk chungin a thu lut a, motor chu tinungin a tlanchhuak nghal chu ani der a..
“Hey, ding rawh..ding rawh”
“Talbuai lo mai rawh.. Khawi vengah nge in  awm?” a aw chu a thum chhakin a nghet charh a, min chhuktir dawn chuanglo tih ka hre mai. Hmm..hnialbuai awmzia awmlo..
“Durtlang ah”
Min chhang lovin kawngpui chu hmuhchian loh hlau niawm fahran hian a ending ngur a.. Ka thawmhnaw a soup la kai zawng zawng nen, hetiang car changkang lutuk a chuan hi ka inhmeh hlawl lo. Ka bag pawh dawrah khan ala awm vek.. Ka thutna seat chu nghengin ka maimitchhing vang vang a..
 Hetia buai nuai a awm hi ka dinhmun nen a inhmeh tawk chiah.. Ka dinhmun ka ngaihtuah tawh chuan ka thaw apik nghal lo thei lo. Hnathawh tur ka hmuh leh vat loh chuan engtin nge ka tih tak ang?
Tunah hian ka kum 23 na ka hmang mek a. Nau hmeichhia 1 ka nei a, kapa hian ka nau Nunpuii pian hlimah min boralsan a, chutih lai chuan kum 8 chauh a upa ka la ni.. Kanu hovin Durtlang ah mi in luahin kan khawsa mek a. Kan chhungkaw nun hi a awlsam lo. Class 12 thleng chu kanu thawhrim zarah liau liau school pangngai ah ka kal a, kan vanduaina ti thuah hnih turin kanu a hrisello chho a, class 12 tha taka ka pass hnuah IGNOU ah ka zir zawm a; tunah hian inhlawh chungin BA ka zo chiah ani. Ka nau school fee leh kanu damdawi man tur, inluah man leh bill neuh neuh, kan ei leh in tur zawng zawng te ka thawhchhuah ah vek kan innghah avangin ka mawhphurhna a sang hle..
Kan chhungkaw dinhmun avang leh mahni tawka rilru buai reng reng a hun hmang thin ka nih avangin ka rualpuite angin ka khawsa ve thei lova, ngaihzawng pawh ka nei tamlo reng ani.. Sawmsanga tihloh kha chu..!!
ROBINSON’S POV* (Point Of View)
Kei hi eng thil ah nge maw ka in hnuhluh le? Ka hmeichhe hriatchian pawh nilo.. Nilo.. A awm veilam ah hian  a hming a intar reng  alawm.. MK-I.. thau hleh hluah nu khan Muankim atih bawk tak kha..a hming tal ka hria alawm le.. ka motor ah ka phur lehta ngawt chu ania.. Mahse tun tum chu ka nula phurh thin dangte nen tehkhin chuan ka phurh chhan a danglam thung..
Enge maw a hriat reuh ni? Nula tamtakin ka mit lak tuma min zarbuai laiin henu hian min hriat miahloh thu sawiin min hnial a.. Kei kani inti ve chin chuan min hre viau asin.. Min hria mai anilo, min thlunbeh theih dantur an zawng ruai hlawm anih hi.. Nuihzatthlak lutuk.. Hmeichhia in min hnialin ka sawmna minla  hnar ngailo..!
Harley Restaurant ah khan ka kal vak ngai lova, thianpa Matthew nen sumdawnna chungchang a inhmu tura kal ka ni.  Kan inhmuh chhan ber kan sawi hmain he hmeichhia vang hian ka chhuahsan ta ngawt chu ania. Inbiak leh nan hun a tlai chuang hleinem. 
Restaurant kan luh phat atang khan ka mit ala nghal a, kil khatah dingin a mitmeng a hlimlo a, a awmdan a cool raih bawk, khalai hmun a thawk ve hmeichhe dang ho mipa mitlak tum ran a min rawn melh tute ho ang khan a awm velo.. Ngawirengin a tihtur ati mial mial a, kan table hnaih bera thute buaipuiin arawn kalhnai a, a chetphung atang chuan cool raih anga lang siin a inringtawk hle..ka lo en char char tih a hre hauhlo ang.. A nui hmel ka hmuh khan engtin emaw tak min dek zawk ani.. He hmeichhia hi hmeichhe dangte aiin a danglam.. Hmeichhe nui hmel ringawt in min la ti danglam ngailo.
Hmeichhe mitmeng verther hmel zetin tihpalh thil ni hauh lova a soup ken a tihbuak sak kha ka mit ngei hian chiang takin ka hmu a, kha hmeichhe bula mipa awm ve a en lai khan engtin emaw tak a awmdan a danglam bawk.. Ka hrethiam chiah lo.. Enge maw tak chu ani..! Restaurant neitu ni awmtak nu thau hleh hluahin midang hriatlai a arawn vin khur khur leh a zak ani tih hriatreng a a hmai sen trawn trawn chung a soup bua a tifai lai chu ka en reng thei tawh lo.. He hmeichhia hi ka la hriat ngailoh pawh nise helai hmun atang hian ka hruaichhuak tur ani..
Matthew pawh ngaichang lo chuan ka thutna atangin ka tho thut a, a thil hrufai mawlh mawlh lai chu pawt thoin ka hruai chhuak ta ringawt ani.. A pianhmang en  a a derdep hmel aiin a tangrei thei reuh zek lehnghal.. Tihluihna hmanga mi ka phurh hmasak ber ani bawk.. A tha ve reng reng e..!
Motor khalh pah chuan ka en zauh a; a muhil niin ka hria.. A mit a chhing chial a. Durtlang lam panin ka tlan zel a. Nitin Durtlang atanga khawpui lun lai taka hnathawk tura kal ziah chu a awlsam hauhlo ang.       
Durtlang kan  thlen hnu pawh chuan a rawn meng ta mailo, a chenna hmun tur awm ang ka hrethiam lo a, remchang laiah chuan motor tidingin a harh hun ka nghak ta ringawt a.
A muhil hmel hmuh chu a nuam riau. A mitmeng ngui lap hmuhtur a awm lova, hahdam hmel takin a thaw sak sak a. A vun chu ngo em em ti a sawitur anilo nain a mam thal a, a taksa a langtam lo hle.. Ka hmuh theih chin chu a hmai leh a kut zawng ani.. A malchungah a kut chu a dah zawi hnak a.. Umm..kut mawi tak anih hi.. ate reuhin a zen thlarh a.. A kawrhma lam ah chuan soup in a buakna hnu a val kalh bawk a.. Engtin nge thu chung hian tui taka a muthilh theih zawk chu le..??
A muhil tui zek mai… A hmel chu zirchian tum niawm fahranin ka hnaih tial tial a. ‘Yataki’ ……. nia.. Min sual let phat phat lai a a awmdan leh chak tak anga lang, dim ngai leh duhawm tak, inringtawk, midang puihna awlsam taka pawm mai lo chi mizia anei tih ka hmuh atang khan he hming hi ka rilru ah a awm tawh.. Eng thil nge maw ka ngaihtuah tak hi…
(‘Yataki ’ - Y-Independent, A-Confident, T-Strong, K-Sensitive, I-Elegant. –L.S.Virgo)

MK-I’S POV*
Umm..chu thil rimtui zia chu.. Mipa rimtui hman thin niawm tak ani; tunhmain chutiang rim chu ka la hre ngailo.. A va hahdam thlak.. Awii..NILO..Khawnge ka awm??
Ka thu ngil zawt a, engemawni ka la tauh pawp zui..
“Ouchh..” Ka aw thum zia chuu.. La meng chiang chuang lovin ka chal ka dawm vang vang a.. Ngawirawh.. Ka aw ani miahlo..! Mipa thawm chu khawi a mi nge?
“Fimkhur ve la..” ka bula mipa chu phawk zetin ka en a.. Oohh..ka hrechhuak chiah.. Engtin nge ka hmelhriat ngai pawh nilo car ah hian ka mutthilh theih zawk.. Zahthlak lutuk… Mahse engtin nge ka tauh theih..?
“Engtin nge khata thu daih si ka tauh theih che..? Hey, nang hi..”
“I ngaih ang kha a nilo.. Lawmthu min hrilh zawk ta che..” a tawngkam chuan min harh chiantir kawk.. Ka hawichhuak a; khua alo tlai lam ruih tawh a. A van zialo tak.. Ka muhil rei viau ani ngei ang. Nizan ah kanu a that vakloh vangin ka muthilh san ngamlo a, chhin khat mah ka chhing lo. Restaurant a thilthleng leh zawng zawng nen, ka taksa a chau lutuk ani. Inthiamlo takin ka en a
“Ka tihpalh ani, ngatinge min kaihthawh mai loh..”
“Khawilai ah nge in in a awm?” car darthlalang chhan ah chuan pawn lam ka en a, kan in awmna chu la hla deuh mahse hetah hian ka chhuk mai ang. Kan in a hruailuh kher pawh trul kati hranlo. A hmel leh chezia, a incheina, a khawsak phung atang te  hian khawvel hrang hlak a cheng kanni tih a chiang reng a; kan inhmu tawh chuang lovang.
“Helai ah hian ka chhuk mai ang” tih leh motor atanga chhuk ka rual a.
“Lo nghak lawk..” ka ding chawt a
“Hei I phone..” ngawi rengin phone chu a kut atangin ka la a.. Ka jeans kekawr hmalam ipte a ka ah hi engtin nge a tlak theih le?  Ka mutthilh chhung khan hepa hian ka chungah thil thalo ati em lovang chu.! Chutiang zawngin ngaihtuah suh; tunge I nih pawh hre miah lovin a puih che hi.. Lawmthu hrilh zawk tur inia sin.. Ohh.. lawmthu pawh ka hrilh miahlo tak e..
“Lo ding teh” tiin a motor tlan tran tawh chu ka um let a, Motor chu tiding in zawhna zawt mitmengin min rawn en a..
“Aa..ka tihpalh lutuk.. Ka lawm e..min thlah avangin..ka lawm e aw” ka tawng bah nawk nawk a.. Nungchangmawi hrelo minti ngawt ang.. Lawmthu ka hrilh chhan pawh min thlah vang chauh ani.. Dawr atanga min kaihchhuah luih vang kha chuan engtikah mah lawmthu ka hrilh lovang.. Ngawireng a min en deuh vung vung hnuah a bu nghut a
“Kan inhmu leh thuai ang” maw..? Inhmuh lehna  chhan tur kan neilo.. Ka chhan leh hma chuan a tlan ta daih a. Engmah ka sawi hman ta lo. Awle.. nungchangmawi chungchang kan sawi anih chuan ani pawh a nungchang a mawi biklo.. Ngeng lel lul lutuk..  Aaa..a hming pawh ka zawt miah lo.. A pawi love..                                                           
Muangchangin kan in lam pan chuan ke in ka kal ta a. Kalpah chuan restaurant a ka bag  kalsan min hawnsak mai turin ka thian neih ve chhun Hruaitluanga chu phone in ka bia a. Thilthleng vang khan min ngaihtuah hmel khawp mai. Thilmak deuh chu dawra ka thawhpui hmeichhiate nen khan kan inkawm tehchiam lova, thilsawi sep sep an peih in mi thatlohna leh tlinlohna lai sawitur an hre lutuk thin a, an bulah ka titi ve vak ngailo. Hruaitluanga hi dawra thawk ve mipa 10 zinga 1 ania, eisiam thiam tak ani..amak kati..an chhungkua an khawsa thei pangngai a, mahse dawra inhlawh kha a duh tlat.. Nakin ah chuan keimah ngeiin restaurant changkang tak kala siam ve ang ati thin.. A tum a ruhin a taima bawk a, ala hlawhtlin ngei ka ring..
In ka thlen chuan alo reh thap a.. Ka hna atangin ka bang ani tih hi engtin nge ka nu ka hrilh theih ang? Ka  hrilh loang.. Naktuk atangin hnathawh tur ka zawng lehnghal mai ang..
Nithum chhung chu hna zawngin ka chhuak  a, news paper a advertisement ka enkual vak vak a.. A theih chinah hna dilna form ka thehlut bawk a.
Ka phone arawn ri a, ka ringtone atang chuan ka hmelhriat sa ka be dawnlo tih ka hre mai..
“Hello..”
“Lazaru’s Hotel atangin, Lalmuankimi Durtlang Mel-5 a cheng ini em?”
“Aa.. aw ni e, enge nita?”
“Naktuk dar 10 ah Lazaru’s Hotel a interview neitur zingah thlanchhuah ini a,  I lo kal ngei dawn nia” ka chhan leh hma chuan line a tawp nghal a.
Lazaru’s Hotel hi thla hmasa lawk a an hawnthar 3* star hotel ania, receptionist tur an la thar dawn a, tlin inbeisei em em lo chungin form ka thehlut ve ta tho ani. Beisei loh taka ka tlin hlauh chuan a vanneihthlak khawp ang.
Ka phone ri in ka thil ngaihtuah lai chu min rawn pawtpeng a. Caller ID chu ka no hriatloh tho ani..
“Hello”
“MK, hmanni kha apawi kati lutuk..” a aw atang chuan Sawmsanga ani tih ka hre nghal a. Engtin nge ka phone no a neih theih zawk le.
“Ngawi rawh, tunge ka biak hi?” kan tilui ve ngat a. Ka chunga zahna leh rilru natna min thlen tawh avang khan heti chen hnuah a aw ka la hre hrang reng ani tih hi a hriat tul ka tilo.. Ka la duh vanga hria ka nilo bawk a.
“Sorry, Sawmsanga ka nia, hmanni kha a pawi kati lutuk”
“Pawi tihchhan tur a awm hleinem, I tihsual a awm loh kha” za lo zetin ka nui lui a “Chuan ka buai laklawh khawp mai”
“Ok.. Ah..naktuk ah kan inhmu thei angem? MK, I hnenah sawiduh ka ngah lutuk, tunah chuan engkim ka hrethiam tawh” a thilsawi ngai pawimawh lo zetin ka pawtchat hmiah a
“Sawmsang, sawitur engmah ka nei ve lo, chuan I chhungkaw milpui tur zawng rawh” phone chu ka off hnan hmiah.
Nungchangmawi hrelo tiin min dem tum hauh suh u.. Sawmsanga avang hian zahna leh rilru natna ka tawng hnem tawh lutuk.
Class 11 ka zir tran kumah Sawmsanga nen hian kan inngaizawng tan a, atir ah chuan kan dinhmun inan loh lutuk vangin ka laka min duhna a tihlan te chu ka haider lui tang tang thin. Min ngaihven nasat em avang leh min duh ve tak tak a ka hriat avangin kan in ngaizawng ta a.  A hunlai khan min duh ve tak tak thin tih chu tunthleng pawh hian ka ringhlel lo.
Kan in ngaihzawn phat atangin thu neuh neuh atam hle, kum chanve vel kan in ngaihzawn hnuah a chhungte tawngkam dengkhawng tak tak ka hre tan a, kan dinhmun inthlauh thu leh mo atana min duhloh thu te..a tam mai.. Tumkhat chu an in ah ka hnial chungin min kalpui a, khami tuma ka zah zia tak kha aw…
Anu chuan ka hriatlai ngeiin an chhungkaw milpui deuh lo chu mo atana an it loh thu min hrilh sak sak anih kha.. A hunlai khan Sawmsanga hian nasa takin ka thlavang a hauh ve na in, ka tan a ding tlang  talo ani.
Sawmsanga’n an in a min hruai atanga ni 2 naah chiah a farnu thi bo ru tu ah min puh zui a. Ka awih theilo zawk.. A chhungten min puhna chu Sawmsanga pawn a awih anih chu..! Engthu emaw tak chu an fah ani ngei ang.. Na taka min tawngkhumin min then a. Thil ru a inpuh chu a awmang lo ka ti ngawih ngawih. Rethei viau mah ila mi thil ru duh tur khawp a rilru hniam ka ni ngailo..
A hunlai a zahna leh rilru natna ka tawn zawng zawng kha a nasa em a, ka theihnghilh thei lo. Kan inkar thilthleng leh min puhna te kha school naupang zawng zawng tihtheih deuhtaw in anla hre vek zui.. Min en hrek hrek a, an phun zui sar sar thin.
Tunah chuan khang thil zawng zawng kha a tawp vek tawh. Sawmsanga ka duh thinna pawh tiamin..

ROBINSON’S POV*
Nithum chhung chu ‘Yataki’   (Lalmuankimi/ Mk-i) chanchin hriat tumin ka ngaihven a, diktak chuan thil hriat duh ka neih te hre turin ka tan harsatna a tam hranlo. An chhungkaw chanchin tlangpui leh ka hriat tura ka duh chin chu ka hria e.. Kan hotel a Receptionist kan lak thar tura dilna thehlut zingah pawh a hming a awm ve khiau.. A tling chiang khawp ang..!
An chhungkaw eizawngtu ani tih ka hria a, puih ka duh.. Ka awmdan hi ka hrethiam chiah lo.. Kha hmeichhia kha ka duh tihna ani thei angem? A nilo ang.. Tanpui ka duh a, chu zawng chu ani.. Thildang a awm love..

LAZARU’S HOTEL   10:20 AM
Interview room chu ka thlithlai ru renga, reception counter lamah chuan ka chhuk leh ta nge nge a. vawi 5 ka chhukna ani tawh. Ka hmu fuh har tawh khawp mai.
Reception counter 1 zawk a awm ka cousin Ma-awmi chuan ka awmdan chu makti in min en ran ran a
“Tinge I vei chhen a? Engmah iti chuang bawk si lovaa..” a rawnti sar sar a, chhang chuang lovin ka kalpel mai a.
Lazaru’s Hotel hi kan chhungkaw sumdawnna peng pakhat ni in thla hmasa khan peihfel in kan hawng thar a, ka pa duh ang takin kan sumdawnna thenkhat nen keiman ka enkawl kawp dawn ani.
Kan chhungkua hi chhungkaw hung tak kanni a, kan hausa viau bawk. Ka pa Lalhruaipuia (Mapuia) hi Lunglei khawchhuak ani a,sumdawng hausa hlun tiin mite chuan ansawi thin. Ka nu Lallawmkimi (Makimi) hi Aizawl a piang leh seilian ani thung a, tunah hian Tourism Department ah Additional Director hna a chelh mek bawk. Kan unau mipa vek 5 zingah upa ber ka ni (vanduaithlak takin ka nu in min pai hma hian accident vangin nau a chhiat hlauh ani) Kumin hian kum 29 ka pum dawn tih kan sawitel hram ange.. Mahse ka kumzat hian minti buai hranlo..
 Kum 2 liamta khan India ram chauh nilo South East Asia huamchin a Institution/University tha ber pawl a ansawi atangin Master of Marketing Management (MMM) tha takin ka zir zo a, he ka zirna hmun hi tunthleng a ka thiantha ber nita Matthew nen kan intawnna hmun ani bawk.. Thianpa Matthew te chhungkua pawh hi chhungkaw hung tak tho anni a, nau mipa 3 leh farnu chhelo zet 1 anei.. Leah-I hi a chhelo maw! Chhelo viau mahse ka thianpa farnu ania, ka tan pawh farnu diktak ani. Kan chhungkua kan inhnaih hle bawk.
(Hmm..thutak ah lut teh ang!!) Enge maw ka ngaihtuah duah le..?
Muangchang in interview room lam pan chuan ka chho leh ta nge nge a. Ka hawichhuah chuan ka mi chan ruk ngei mai chu ka va hmu fuh ta chat a. A bula mite nen chuan inbia in an nui ho a.. Ka awmdan hi a diklo reng reng.. Ka zam ang maw!! Robinson hi hmeichhe hma ah a zam ngailo...Vawikhatmah..!!
Ka kut dinglam a ka kekawr ipte zenin anlo dinkhawm na lam chu ka pan a.. Pawm duhlo mah ila ka kekawr ipte zen angaih tawh chuan ka zam ani tih tichiangtu ani.  He ka thuruk hi keimah chauhin ka hria..
“Minlo hrethiam lawk?” ka hawichhuah chuan ‘Yataki’  chu ka hma ah nuisang in alo ding a, ka insangmar nghal at a..a mitmeng chu a nung sar a, min la hre ve ngei chu anih hi..
“I interview ve dawn ami?”
ENG A..? Ka lo nghak che anih hi..! Ka interview ve ang maw? Ka interview dawnlo tih hriattir nan ka lu ka thing a..
“Aa..hmanni khan I hming pawh ka zawt miahlo che a” uummm..vawiin chu kan mood a fuh ani maw? “Ka hming chu Lalmuankimi ania MK tiin min ko thin” tipahin a kut nalh zet chu arawn pharchhuak a..
“Sir, an mamawh che” tiin hnathawk pakhat chu ka bulah arawn ding a.. Ava hun chiahlo em..
“OK..”
  ‘Yataki’  pawh chhang talo chuan interview room lam chu ka pan nghal a.. Hrilhhai hmel takin  a kut chu rang zetin ala let a, a zah vanga a hmai sen tran tran chu ka hmu hman hram..
Ka ‘Yataki’…..  lo nghak phawt la..inchibai ngawt nilo thil tamtak ka la tihpui ang che..! tia ngaihtuahin ka nui sak a.
Interview room ah chuan lutin ka ‘Yataki’   document  ho chu ka check nawn a, a record neih atha khawp mai.
“Sir, Lalmuankimi kha a tha..” ka pawmpui tih lantir nan ka bu nghauh a, ani tereuh hian ka puihna a mamawh loh tawp hi.  Tumdang anglo takin Manager hnen ah chuan naktuk atanga hna zawm tura lo hrilh turin ka hrilh a. Manager chuan makti takin min en hau a, mahse thudang sawi lovin engkim alo tihfel tur thu a sawi zung zung a.
Minute 10 pawh aral hmain interview room chu ka chhuahsan a, mahse ka mi duhtak chu ka hmu hman tawh lo.. A che rang reuh zek anih dawn hi.

MK-I’S POV*
Ka va lawm tak em.. Ka va lawm tak em.. Ka awih theilo..
“Ka nuu..ka nuu” ka khum atang chuan zuangtho in ring zetin ka nu chu ka ko a..
Ka la awih theilo.. Tunah khan Lazaru’s Hotel atangin min rawn phone zo chiah a, interview ah khan ka tling anih chu.. Ka van lawm tak em.. Tunah chuan ka phurrit thenkhat chu lak kian in a awm ta e.. Naktuk atangin ka zawm nghal thei dawn lehnghal.. Kan chhungkua te chuan kan hlim hle..
Kanu hnenah chuan restaurant a thilthleng hrilh tel lovin hna thar ka hmuh thu ka hrilh hmiah.
Zanah chuan rilru zangkhai takin hma takah ka mu a, chhun lama ka hun hmandan ka ngaihtuah let neuh neuh a. Hmanni a ka mi tawnpa khan khalai ah khan enge a tih ve le? Vawiin a ka bia kha ka inchhir leh hnuhnawh.. Thil tullo ah ka inti zak ani ringawt.. Mahse a hmel pa lutuk leh a mitmeng tawrh har deuhin a min en dante.. min en khan mak deuhin ka sa pup pup thei nia.. Ka kang ang tih hlauhawm khawpin..! A chhelo thlawt.. min ngaizawng vaih se chu..!!
Eng thil nge ka ngaihtuah hi..? Zahthlak.. thilthleng ngailo tur chiang sa.. Khawvel dang, mi hausa te khawvel a cheng anih kha..Atthlak lutuk.. Vawiin khan ‘sir’ tiin khalai hmun a hnathawk khan a ko chiang alawm. Nuihzatthlak e..a hming pawh ka la hriatloh hi tinge ka ngaihtuah vak vak a.. Aaghh..naktuk ah tha deuh a hna ka thawh theih nan ka muthilh hma angai.. Ka hmuh leh pawn ka be hmasa tawh miahlo ang.. Aaa..va mak tak.. ka ngaihtuah tawh dawn loo..
KARKHAT HNUAH
MK-I’S POV*
 Karkhat chuang helai ah hian hna ka thawk ve ta reng mai. Hna ka zawm ni kha chuan thiltih dantur min kawhhmuh te zirin hun ka hmangral a. Hna harsa  leh hahthlak lutuk ani lemlo bawk a, hlawh a that chu thuhran nise, nuam ka ti.. Zinglam dar 9 atanga tlai lam dar 6 thleng ka thawk thin.
“Mk..?”
“Aw, enge?” nui sangin ka hawichhuak a.. ka phu chiang lutuk.. Khapa bawk kha.. Helai hmun a ka thawh tran atang khan ka hmu zauh zauh a, min hria anga a awm ngaihloh avangin mahni zahna insiam a biak leh ka tum tawhlo.. A chanchin tumah ka zawtlo bawk.. Helai hmunah hian enge maw arawn tih ve ziah le..? Suit buang a taksa rem thlap, man to tih hriat ngawih ngawih a ha a, engtin nge heti em em a mihring chhelo leh pa lutuk hi an awm theih zawk?  Engmah sawi chuanglo chuan kan inen tawn ran a
“Aa..puih theihna che ka nei em?” awii..ka aw a khur nia, ka tawngring thei miahlo lehnghal..ka sa leh pup pup tawh..
“Conference room saw an peihfel tawh em?” a aw pa em em zia hi.. chutiang ngaihtuah hun anilo.. Ka chhanna pawh ngaihven hmel chuang lovin a phone a khawih mawlh mawlh a..
“Ah..aw, peihfel tawh e”
“Robinson..” mipa aw thawp nalh zet rawn chhuahna lam chu kan hawi a.. hmeichhia kum 18 vel bawr tur hmeltha zet leh mipa chhelo lutuk palian zet hi kan lam pan chuan an rawn kal a.
“Matthew.. Leah..” an lam pan chuan chhelo-a chu a kal nghal bawk a..an chezia chu ngawi rengin ka awmna atang chuan kalo en reng a.. Meeting pawimawh nei tura lo kal anni tih ka hre bawk.. A landan chuan an inpawh hmel hle.. Conference room lamah chuan an kal ta dial a..
Anih chuan he mipa chhelo lutuk hi Robinson ani! Chuan he Lazaru’s Hotel neitu Robinson tia an sawi hi amah hi ani tihna ania? (Ahma a ka hre miahlo kha min dem suh u, tumah ka zawtlo ka tih tawh kha.. Mi hausa tak ani ang tih chu a hmel en hian ka hria a, mahse.. He hotel neitu hi ani ang tih rinna ka neilo reng reng..) A nih chuan..restaurant atanga min kaichhuaktu kha..a car ah soup kai nuaiin ka muhil a.. Receptionist interview ve tur ani em tih ka zawt anih kha.. A nih chuan..awii..ka zak lutuk.. Ka zak lutuk..

ROBINSON’S POV*
Engtin nge bul ka tran ang? Bultran dan tur ka ngaihtuah maw.. Thilmak ani..THILMAK.!
Chhuna ka biak khan a awmdan kha a danglam deuh chu ang ka ti..Keipawh ka danglam.. tul hauhlo ah ka phone ka khawih ta ringawt anih kha..rilru lakpenna tur ka mamawh tlat alawm.. Matthew te unau anlo kal hlauh bawk a.. A hmel ka enreng khan ka awmdan a danglam tlat!!! Thiltha anilo.. A awmna hmun atanga kan kalsawn lai kha makti takin min enzui anih kha.. Engtak chu hria nimaw..?
Karkhat chuang zet chu chik ru reng siin ka belo lui a, ani pawn min biak atum ngai miahlo.. keimah ka inhrem mai mai ani.. Tunah chuan min hnaih taka a awm reng theih nan ka ngaihven tawh dawn.. Ka che muangchang vak lovang..!
6:00pm.. a haw a hun chiah.. Vawiin atang hian  a hnathawk zo ka thlah thin tawh dawn ani.. Rilru phur ru zetin reception counter lam panin ka room atang chuan ka chhuk a. Lazaru’s Hotel hi ka ta anih angin hna ka thawhna tur office bakah ka duh hun apianga ka hmantur room nuam zet pakhat chu mikhual hmanloh turin ka dah ani. Ka hmang tangkai viau bawk. Office tak hi chu karliam ta atang khan ka hmang tran ve chauh ani.. A chhan I hriat duh chuan nakin ah ila hre mai ang..
Mahse.. Eng thil nge ka hmuh hi??
Ka ‘Yataki’  chu mipa pakhat nen inbia in an inzui chhuak a, chupa bike ah chuan a chuang a, an tlanliam thlengin ka enzui reng a.. Khatiang thil kha ka duhlo.. Khapa bike ah khan vawikhatmah a chuang leh tawh lovang..
Nihnih aliam leh hnu ah abulah kalin a hna a zawh veleh room no. 29 a min hmu turin ka hrilh a, min hnial lovin a ngaihna hriatloh hmel takin a awm a, a hma angin ka mit ah tak min en tawh lo..
Mipa in bike a a phur lai ka hmuh atang kha chuan thildang reng reng ka ngaihtuah thei tawhlo.. Tunah chuan ka rilru a thil lolang hmasa ang zelin ka che chhuak tawh ang.. Enge maw  ka inhrem kher ang le..? A hmasa ber atan helai hmunah hian zanriah ka eipui phawt ang..
6:10 PM
 Ka thutna atang chuan dawhtheilo zetin ka room kawngkhar chu ka en sek tawh a.. Ngawirengin a haw daih chu ani em lovang chu.. Ka phone chu phawrhin a number ka hmetchhuak a.. A phone number ka save thlap tawh alawm..ka hmuh hmasak ber ni a ka motor chhung a a mutthilh lai khan.. he hmeichhia hi ka umzui ngei dawn tih ka inhre daih tawh ani.. 
Knock..Knock..Knock..
Ka ‘Yataki’  ani tawh ngei ang.. Nuisak chungin kawngkhar lam chu ka  pan a. Ka  va hawn chuan ka mi nghah ngei chu nuamlo tih hmel tak hian alo ding a..
“Sir..?”
Hmm.. ‘Sir’ maw? Engmah sawi lovin room chhungah chuan ka pawt lut a, kawngkhar ka khar nghal bawk a.. Ka awmdan chu mak tiin min en kal a.. Heihi chu a bultranna chauh ala ni.. Minlo thlir reng rawh.. In chibai chauh nilo thildang ka tihpui ang che ka tih kha..!?
“Sir, Engti turin nge min koh?”
“Robinson.. Ka hming chu Robinson..Chuan..” ka panhnai a, a hnung zawngin a tawlh ve zel bawk a, ka hnaih lui zel a…tunah chuan bang nghengin a ding ta.. a hmai zawnah chuan ka kun hniam a; a insangmar at tih ka hre thei.. A rimtui hman rimna lo te, rimtui zet chu ka hip vang vang a… A kawng ah chuan ka kut pakhat a kuahin ka lamah ka pawthnai sauh a..
“Hey, nang hi enge I hriat a..” a kut mawi zet chuan ka awm ah min nem a, min nemsawn tur chuan tharum a ngah tawk lo.. A tawngdan atang chuan ka hmuh hmasak ber ni a ka duhtak ‘Yataki’   ti a ka kohna chhan mizia kha arawn chhuak leh dawn tih ka hre mai.. Ka duh dan ang ang a awm tumlo min hnial ve ngam hmeichhia kha..!
A taksa a siamrem dan leh a mitmeng rawn inthlak dan atang chuan min tihnat a tum chiang.. Rang zet a inla hrangin ka nui hawk hawk a.. Awlsam taka min chhanglet lotu hmeichhia hian minti hlim tlat ani.. Hmeichhe dang ka hriat thinte ang kha chu nise tunah hian khumah kan awm tawh ang… Thawmhnaw inbel lovin!!

MK-I’S POV*
Sir..Robinson hi ka tan hmuh tamloh a tha zawk.. Ka hmuh apianga ka awmdan danglam leh ka zam ve em em  ringawt thin te hi duhlo. Lazaru’s neitu ani tih ka hriat hnuah phei  chuan lo ngaihzawn ruk a chhelo lo tih ve ringawt pawh zahthlak ka ti.. He hotel mawi leh nalh zet hi an chhungkaw sumdawnna peng pakhat chauh ala ni zui.. Ka ngaihven ruk deuh hnu hian helai hmuna thawk ve te hian sawitur an hre khawp mai tih ka hrechhuak.. An chhungkaw hausak zia leh ngilneih zia te, Robinson-a hmeichhe kawp thin ho nalh theih zia leh alak ah hmeichhe ho inphal zia te..a tam mai..
Tichuan, tuna ka laka a awmdan hi ka duhzawng anilo.. Helai hmun ka thawh tirh atang khan min hria angin a awm tha duh miahlo a, min ngeina anei emaw ni tihtur in a awm fo a.. Tunah lemm.. A duh duh a a khawih theih turah min ngai emawni le? Chhelo ti viau mah ila belchhung sa ang ka ni biklo ania..
Ka hna ka zawh hnua a room a kaltur a min tih khan hetiang thil hi ka ngaihtuah phalo reng reng.. (Room no. 29 hi helaia hnathawk zawng zawng chuan Robinson-a room ani tih kan hre vek) Hnathawh tur truldang vang a min ko anih kalo ring a.. Ka awmdan avangin tunah hian za takin min la nuih lehnghal.. Inla hrang hmanlo se chuan tunah hian na tuarin a let ngei ang chu… Mahse a nui hmel hian ka tha a tizawi vek..
“Hnathawh tur a awmloh chuan ka kal dawn..” Sir’ tia ka koh a duhloh pawn a hming a koh chu a nuam ka ti chiah lo.. la nui reng chung chuan a lu a thing mat mat a, thutna lam chu min kawhhmuh a.. a nui nain a mitmeng atang chuan hnial ngam chi anilo.!
 A thutna min kawhhmuh lamah chuan muangchang a kalin sofa dup nuam zetah chuan ka thu pil thaih a, min rawn zuiin min ep zawngin a rawn thu ve nghal a.
“Thilsawi dun tur kan nei a, chumi hma chuan hetah hian zanriah kan ei phawt ang”  a hmelah chuan nuihmel hmuhtur a awm tawhlo.. a thil sawi dan chu ka duh leh duhloh min zawt pawh ni lovin kan thiltih tur ruahman fel tawh min hrilh ani ringawt..
“Chaw ei kher lovin tunah hian..”
“Chaw kan ei phawt ang..” ka chhan leh hmain phone a lakang a eitur a order nghal mawlh mawlh a.
Hmm..kan ei anga ani mai alawm.. Mak atih khawp a tam kan ei ange.!
Eitur rawn thlen hma chuan engmah sawi lovin min en reng a, ngawi renga min en reng ta chu ka awm a tih nawmloh avangin ka che sek a. Ka awmdan nuamlo zet chu hmuhnawm tih hmel deuhin  min en reng a.. Eng ang mihring nge maw anih le..?  Minute 10 vel hnu chuan eitur chu arawn thleng ta hram a… Minute 10 reeii ber chi ani chiang..!
Sawitur ka hrelo bawk a, zak lutuk anga min ngaih loh nan ka insiam rem a, a eitur chah chu ngawi rengin ka ei mial mial a, ka rin aiin ka ril alo tram..
Robinson chuan ngawi rengin ka thil ei lai chu min en reng a, a thleng a sangha tuihnai zeta siam chu zaithla thenin ka thlengah chuan a rawn dah a..
“I ei ve dawnlo mi?”
“I thil ei lai kha hmuh anuam alawm..”
“Min en reng chuan ka ei tha theilo..” tiin ka ei mawlh mawlh tho a. Nui hakin a thleng a eitur chu a ei ve ta nge nge a..
Ka duh aiin ka puar hma..
“Heihi ei leh rawh..” tih pahin plate dang chu arawn nawr hnai a..
“Ka puar tawh lutuk”
“I ei tlem hle mai..” awihawm loh emai a.. Nidanga ka ei ai tam daih ka ei tawh..

ROBINSON’S POV*
Tui tih hmel taka a thil ei lai hmuh chu nuam ka ti.. Tun chauh lo pawh hi ka la ti leh fo ang..
Eitur kan eizawh chuan thu ho te te ka sawipui a, minute 20 vel hnu chuan ‘enge kan thusawi tur tak chu?’ tiin min zawt a.. Ka bul atanga kalsawn vat vat a duh anih hmel..
“Helai a hnathawh hi nuam iti em?..” Ka bultran dan chuh..chu chu ka sawitum ber leh helai a ka koh chhan anilo.. Ka bialnu ni tura sawm tumin helai ah hian zanriah ka kilpui ani lawm ni..?
“Nuam ti e..” ka sawi leh tur ngaichang niawm takin min en kal a, a hmel atang chuan enge a ngaihtuah ka hre thei lo..
“Ka sawitum tak zawk chu..naktuk zan Leah birthday party ah kal ve turin ka duh che a..ka bulah” eng thu nge maw ka sawi hi le? Birthday party ah chuan ka kal theihloh tur thu Leah leh Matthew te hnen ah khan ka sawi vek tawh kha.. Ka thusawi chu mak tiin a mengphar ak a..
“Enge ka tih ve ang?” a awmdan hi ka hrethiam lo, hna chungchang ka sawi  chuan zah takin min bia a, mimal thil anih erawh chuan a mizia a dang daih..
“Ka bulah I kal ang” *I kal ngei ngei ang, min hnial miah suh* tih melhin ka melh a..
“Tihtur dang lo nei ta ila..” amah hnaih turin ka tawlh hnai a, a tawlhsawn vat a..
“I nei lovang..”
“Ka hman dawnlo, kalpui tur dang zawng mai rawh” rang zeta tho in a bag ala a kawngkhar lam apan nghal a..
Kawngkhar a hawn hma chuan a ban ah ka pawt let a, hnunglam atang chuan nghet takin ka kuahbet a..
“Ka bula awm turin ka duh che” a beng bulah zawite in ka tawng a, a thaw halh a a taksa chu a tang mar at bawk a.
“Eng thil nge I tih hi?”
“Ka bula awm turin ka duh che”
“Min hre sual niin ka hria, duh duh a khawih phar theih ka nilo ania” hmeichhe zuamawm tak angin ka hmu che niin I inngai ani maw?  ‘Yataki’ .. a diklo.. A diklo hulhual..!! Ka kuahna atang chuan talchhuah a tum nghal bawk a..
“Hmeichhe dang zawng rawh” a tawng khur dat dat a
Min hmachhawn tura kuaiher in kawngkhar rinchhan chuan ka nek bet a, tun hun hi chetzia hmanga ka rilru ka hriattir hun tur diktak ani.. A inrin hmain a hmui fawh chakawm zet a no chek chu ka fawp nghal a.. He thil hi ka hmuh hmasak ber ni atanga ka tihchak tawh, ka mumang thlenga min tibuaitu kha ani lawm ni..
A tal phat a, mahse ka kuahna atanga talchhuak turin tharum ah min hneh lo, tharum hmanga hmeichhia ka fawh hmasak ber ani.. Mahse pawi ka tilo.. A laka ka rilru puthmang a hriat theih nan he thil hi ka tih ngei angai alawm.. Ka fawhna chu min chhanglet hauhlo.. Ka kuahna thlahdul in ka inla hrang hlek a, ka mit a min en turin ka kuai dak a..a mitmeng chu a buai nak a.. Umm..duhawm lutuk.. Ka kut pahnih in a biang tawn tawn ah ka vuan a duhthawh zetin ka fawp leh a.
Ka fawhna chu titawpin chiang takin ka en a, thaw hakin min en vang vang a..a awmdan a danglam.. a mitmeng atang chuan ka tihltih awmzia leh hriattir ka tum hi a hrethiam niin ka hria, mak a tiin a chiang ngam chiahlo tih ka hre bawk..
 A biang tawn tawn la vuan reng chung chuan thawk ka la ham ham a
“Adik alawm, ka hmuh hmasak ber ni che atang khan he hun hi a thleng ngei dawn tih ka hria ani..” a mit a khap fak fak a
“Ngati nge? Ngati nge kei kher? Hmeichhe tha zawk tamtak..” a sawizawm leh hmain ka fawp leh hmiah a..
Ka nghawngah a ban pahnih a min kuahin min chhanglet ve ta.. Min fawhna chuan nasa takin min tikang ani..meialh ang maiin.. Mipa tamtak ala fawp lovang tih ka hre mai..! A tha deuh deuh.. Ka kuahnghet sauh a,la fawp reng chungin sofa lamah chuan ka pawm phei a, a kawrhak chhunglam ka zen luh dawn chuan ka kut arawn vuan chat a, min fawhna chu titawp in chiang zetin min en kal a..
“Ok.. Ka hrethiam e..” ka lu thingin ka nui hak a, reitak tuivawt a ka inbual a ngai ngei dawn ani.. La nui reng chungin a hmui ah chuan ka fawp leh zauh a..
Minute 30 vel hnuah muangchang in ka thlah haw a.


MK-I’S POV*
Ka thiltawn hi ka hrethiam lo.. Robinson hian hmeichhia heti zozai zingah kei hi min thlang ang maw?
Min fawh dan kha..! Infawh hi rilru puthmang tihlan theihna hmanraw chak tak pakhat ani tih ka lo hre ngailo.. Amak ani..AMAK..!
Ka khuma mu pahin a room a kan awmdan leh a thu min hrilhte kha ka ngaihtuah let neuh neuh a.. Heti teh thut a thilthleng hi ka ring ngam dawn em ka inhre lo.. Reilote ah min hne in min kalsan tase.. Aaa..ngatinge awlsam lutuk khan min fawhna kha ka chhanlet le.. Awlsam minti viau angem le..? Mahse ka hnar theilo alawm.. Min fawh dan khan sex ringawt nilo thil min tiam leh min hriattir duh anei... Thu tamtak asawi duahlo nain a bula awma a ngaihzawng ni turin min duh tih chu chiang takin min hrilh kha..
Kan in thleng min thlah a, motor atanga ka chhuak tur min pawtlet in duhthawh zetin min fawp leh a, kan inhmuh leh hma chu ka mumangah lo kalin min kuah leh ang tih asawi anih kha.. A chetdan khan ka tha a tizawi vek.. Hmm.. Robinson hian ngaihtuahna thalo pui pui min neihtir chu anih hi..
PINGG.. (Whatsapp tone!)
Ka phone chu ka check vat a.. Ka number hriatloh atang a ka picture dawn chu ka download nghal a..
Robinson hian engtik laiin nge ka phone number alo neih hman le?
A thlalak rawn thawn chu en in ka nui hak a, uluk zetin ka enchiang lehzual a, ka mur sung sung thei niaa..
Khum ah mu in a awm thleng puan asin a, a lu tlem a ti kang deuh hian a kut  in a mit dinglam a hup a, a mit veilam chuan min enchiang hle..! a nui deuh sak bawk.. ‘Sweet dreamzz ( ’ tih nen.. Mit siai dan dangdai tak ani..van chhelo tak..
Ka nui hak a, he thlalak hian ka mut a titui khawp ang.. Chhanglet tawh chuang lovin ka insiam rem a, naktuk zan Birthday party ah ka kal ve dawn chuan ka lan that theih nan darkar 7 tal ka mut angai.. Rilru hlim ru taka nui chungin ka muhil siai siai a..
Atukah chuan dan pangngai in ka hna ka  thawk a, Robinson pawh ala rawn lang miahlo. Nizan a min biak bak chu min rawn be tawh rihlo bawk.. Ka rilru in ka ngaichang reng a. Engamah hmain ka rilru a luahkhat vek anih ber hi. Lunch ei turin ka thutna atang chuan ka tho a.. Hnathawk ve dang ho pawh lunch ei turin anlo kal sap sap tawh a.
 “Awii, chhelo lutuk-a hi tunlai chu enge maw a hriat le, a rawn lang sek mai a, helai ah hian hna athawk ve tawh dawn emawni le? An chhungkaw office pakhat zawk ah hlir khan hna a thawk thin sia..”
“Awiiha, enteh u, nizan khan a room ah hmeichhia a awmpui leh tawh an tia.. Tu ber nge niang le?” helai hmuna ka hnathawh pui hmeichhe thenkhat te phun ser ser thawm chu ka hre pha reng na in tunge an sawi ka hre lemlo.. Mi sawi ser ser hi chu hmeichhe tamzawk tihdan ania, mak kati hran lo..
“Ngawi ru, helam an rawn pan ania..” an inkhap sap sap a.
Ka hawichhuah chuan Robinson leh hmeichhe 1 chhelo zet hi anlo kaldun a, min rawn en miah lovin inchung lamah an chho tlang nghal a.. He mihring hian eng thil nge a hriat a..! Ka awmah ka tawt nghal up up a..
“Kha nu kha nizana a awmpui chu ani chiang ang.. Ka khawngaih lawk, kar1 bak a daih leh awm si lova” Rachel-I tak hi chu aw..
“I ti ve anih chu, zan1 chiah pawh a bulah hun hmang dawn ila keichu ka hnial miah lovang..” Mahriati  chuan arawn tihzawm nghal zat a
“Khanu hmel kha ka hre lutuk”
“Hmm.. I hriat ka ring reng a.. Kal teh ang.. Ka duhber ka hmu tawh bawk a thil ei a tui leh sawt dawn anih hi”
“Over leh taa” tiin an nui har har a..
“Mk, min rawn zawm ve la” tiin Rachel-I chuan min hmuh veleh min rawn ko vat a.. Rachel-I hi helai hmuna hmeichhe ho zingah chuan ka ngaina deuh ber mai.. Ka la thawh reiloh ngaihtuahin kan innel tawh hlawm viau bawk.
Ka eitur chu ka lem hleithei lo, Robinson leh hmeichhia hlir kha ka ngaihtuah a, ka thiante titi pawh chu ka hre mumal lo.. Ka ngawi reng a. Nizan a thilthleng ka ngaihtuah a ka inchhir tan der.. Birthday party asawi pawh kha ka rilru in ka thulh fel hmiah.. Kal kalo tum rilru kha ka zak zawk e a..
Lunch ei zawh chuan kan hna theuh kan thawk zawm leh ta dial a, ka hnathawh hun zo vat vat se, ka tlan haw nghal vang vang ang..
5:50 PM
 Reception desk a phone chu a rawn ri ral ral a
“Hello, Lazaru’s Hotel…”
“Ka room ah rawn chho rawh” Robinson maw? ka mur chuai thei nia.. Chhan mai nachang pawh ka hrelo.. A aw ringawt pawn minti danglam a.. Hepa hi ka ngei lutuk!
“Hello..”
“Ka room ah rawn chho rawh” chhang lovin phone chu ka dah a. Ka chho awmlo emai. Hna vang anih loh chuan a duh dan dan in min pawt pharlo tawp ang. Eng ti turin nge min beisei a.. A hmeichhe hruai nu nen a an awmdun lai entur in maw?
Ka cell phone ah arawn call leh a, ka pick up duh chuang lova..
6:00 PM
Min thlaktu tur Ma-awmi arawn thleng chiah a, haw tumin ka insiam nghal a.. Party na a hak tura ka tih ka thawmhnaw ken chu khaiin kawngkhar lam ka pan a..
“Mk..” Robinson ani.. Min kohna chu hrelo ang hmiahin ka kal lui a.. Ka hma ah tak rawn dingin a phone a hmet mawlh mawlh a..
Ka phone ri chu pick up tumin ka bag atangin ka phawrh a..
Ka awih theilo zawk.. Ka hma a ding reng chungin min call anih chu.. Ka bul vel chu ka enkual a, security guard ho chiah min hmu thei an awm hlauh..
“I phone kha pick up rawh” min en reng a, kalsawn tum hmel a pulo..
“Hello..”
“Ka room ah ilo kal thei angem?” a nui sak a.. a mitmeng erawh a dang daih.. Umm..hei chu thupek ani talo deuh alawm..
“Enge tihtur ka neih?”
“Tunah..” a phone chu off in ka bag khailai chu min chhuh a, a kal nghal a.. Ka zui lo thei ta lo..
Ma-awmi chuan min rawn enin nui sang a, a nuam kati  chiah lo.. Kan awmdan chu a hrethiam tih alang reng.. Ka va nuih let ringawt a.. Mihrang daih chu nise min sawi leh dantur vengthawng in ka rilru a buai ngawt ang.. In cousin anni sia Birthday Party ah a kal ve dawnlo mawni le?
A room ah chuan ngawi rengin ka zuilut a, chhun a hmeichhia kha a lola awm a. Henu hian enge a tih chen chen aa..?
“Cee, I hna I tan thei e..” enge a sawi awm zia hi..
“Ok, Mk-I tiraw?” chu nu chuan min rawn en a, a mitmeng atang chuan misual tak anih hmelloh hi.. “Inchei tran ang aw.. Nileengin I chanchin.. ah..awle..hna tran ang aw” Robinson chu enin nuihza insum tih hriat rengin a meng ralh a, a rawn warning ani ngei ang..  Min chei chhung chuan a titi siam siam a, Robinson pawn rawn zawm ve in boruak a hahdam thlak khawp mai.
7:30 arik chuan Robinson-a sawi a thianpa (Matthew) te in lam panin kan 3 chuan kan chhuak ta a. Hmeichhe lo awm ve min cheitu kha Robinson-a thiantha tak Mercy (professional make up artist) ania, ka thik ve ringawt kha ka inthiamlo zawk.. A lar tehreng nen a hming chu mi sawi  ka hre thin a ahmain hmaichhan ah ka la hmu miahlo ani. Chuan min chhuah nalh khawp mai.. (
Matthew te in chu tlemin a awmna a  fal deuh a, in nawmhmel tak ani.. A chhung kan luh chuan pawnlam atanga a landan aiin ala nuam zawk lehnghal..

Min inhmelhriattir zung zung a, an fel em em vek mai.. Leah-I chuan Robinson chu hruai hrangin a thian tleirawl te te ho chu a inhmelhriattir a.. Hmeichhe awm ve zawng zawngte mit ala a, biak talh an tum vek ni maiin ka hria.. Leah-I’n a hruai hrang chu pawi ka ti hran lo.. Min buaipui chung sela chuan nuamlo kati zawk ang.. Inchhung ri nuai nuai a awm chu ka ning thuai a, pawnlam bathlar ah chuan ka kalchhuak a.. Thli a thaw heuh heuh a, a hahdamthlak huai mai.. Van a arsi de tuar chu thlirin ka dak vang vang a.
“Mk, hetah maw..?” min rawn betu ka en chuan ka phu deuh zawk. Helai hmunah hian ka hmuh ka inring lo reng reng. Sawmsanga chu chhang lovin ka en ringawt a.
“I dam tha maw?” a awmdan chu alai a ang ka ti
“Tha alawm..” ka nuih sak a.. Ka en hian Robinson bula ka awm angin ka danglam miahlo tih ka inhre nghal. Min rawn dinhnaih thut a, ka kut arawn vuan a. Min rawn call reng pawh ka nin tawh tehlul nen… Minla khawih ngam zawk a!!
“Mk, thil awmzia ka hre vek tawh, bultan tha leh ang..” min vawnna chu ka phelh theilo, min vuan nghet lutuk ani..
“Min thlah phawt teh.. Chutiang sawina hun pawh anih loh hi”
“Min thlah rawh..” rum zetin ka melh hrawk a, min thlah atum chuang lo.
“Cake an zai tawh dawn ania, lo lut ru” min rawn kotu nu te chuan min entawn zak zak a. Sawmsanga pawh chuan min vawnna chu a thlah ve ta hram a. Inchhung ka luh chiah chuan ka bulah Robinson chu rawn kalin min rawn kai nghal a.. Min melhdan chu a mak tawp..
Dar 10 dawnah haw ka rawt ta ringawt a.. Ka ke ana ut ut tawh.. Party chhung zawng khan Robinson hian min thlah lo reng reng.. Ka tlanbo hlau niawm takin ka kut a vuan tlat a. A thiante pawn an fiam zauh zauh reng ani..Diktak chuan khatiang nuai nuai a awm kha nuam kati ngai miahlo. Robinson chuan min chhang chuang lovin in atang chuan min chhuahpui a. A awmdan hi a danglam chiang.. Cake zai dawna Sawmsanga bul atanga min kaih hran atang khan min melh run run a min vuan reng ringawt a, minla be leh miah lo..
Mercy kha thian dangte ruala a haw dawn avangin Robinson nen chauh motor ah chuan kan chuang a.

ROBINSON’S POV*
Inchhung ah pawh awm lovin khapa nen khan enge maw anlo tih le..? Reilote ka kalsawn chhung lekin..! Amah ka hmuh hmasak ber ni a restaurant a awm ve mipa kha ani tih ka hre bawk..! Khapa khan a kut a vuan lehnghal.! Min bum anih vaih chuan.. Remchang a hmuh hlek a mipa dangin a kut an vuan zel dawn anih chuan.. He hmeichhia hi ka hrechiang tawklo ani.. Ka ngaihtuahna avang chuan thinrimin motor steering chu ka hum nghet sauh a..
“I awmdan avan mak.. Enge a?” ‘Yataki’  chu chhang chuang lovin ka melh zauh a.. “Mawh..enge a?” ngawi rengin motor chu muangchangin ka khalh a.. Ka chhan miahloh avang chuan sawitur a hre tawh biklo aniang, a ngawi ve ta reng a. Khawpui arawn ri dur dur a, ruahhmi atla seng seng a.. Zantir lamah khua atha em em a..! Kan khaw awmdan pawh hian mumal anei tawhlo anih hi… Engkim hian ka thin a tirim hlur mai..
Minute 20 hnu velah chuan an in peng kan thleng a, ruah pawh a sur leh tawhlo. Motor ka tiding a
“Chhuk rawh” phawk zetin min en a, a chechang miahlo a.. Ka tider ah angai emaw ni le..
“Chhuk rawh ka tih chu..”
“Robinson tinge a?” ka awmdan chu min hrethiam lo zetin min en reng a.. “In thleng min kalpui loh ten..zan arei tawh em hi..” a aw atang chuan a hlauhthawng deuh tih ka hre thei.. Mahse party na a mipa pakhatin a kut avuan lai kha ka mitthla ah arawn lang lehnghal a.. Ka khawngaih lovang.. Helai atang hian an in pawh a hla lova thil hlauhawm a awm chuanglo.. In a thlen thlengin ka thlir dawn tho..
“Chhuk rawh”
Ngahdan nihloh hmel zetin min melh ralh a.. A duhawm zia chu..kuah lo turin ka insum hram hram ani.. Engmah sawi tawh lovin car hnunglam seat a a thawmhnaw dahna bag chu a thutna atang chuan ala a, motor atang chuan a chhuak nghal bawk a.. Kawngkhar chu a theihtawp a nain a khar thuai a.. Min nghawr dawt thei nia.. Lo enzui reng anga min ngaih loh nan motor chu ka tinung nghal a..
An in panna step ah chuan dingin a pheikhawk bunlai  chu a phelh sawk sawk a, a chetzia atang chuan a hlau tih hai theih anilo.. Ka awmna lam erawh arawn hawi miahlo, ka tlan nghal daih ah angai ani ngei ang.. A bag ken chu pawm nghet sauhin step ah chuan a tlan ta thut a.. A thiltih chu ava thaber lo em..!
“Aaahh..”
A tlu chiang ngei mai.. Ka thungil zawt a, ka en reng a.. A insawh nat loh hram ka beisei.. Ka inthiamlo nghal hluah hluah.. La thu reng chung chuan a thil thlauh chu a chhar a, muangchang a tho in a ban veilam chu a en vat vat a, a kal bai saih saih a.. An inchhung aluh thlengin ka thlir reng a.
Ka thiltih dan chu a thalo hle tih ka hria.. Khapa party na a lo awm ve vang vek kha ani..! Heti tak hian hmeichhe lakah ka thikthu a chhia tih pawh kalo inhre reng reng hleinem.. Ka in thunun theihna ka hloh hial ania..
In ka thlen hnu chuan a insawh na viau angem tih ngaihtuahin ka buai leh hle lawi a.. Ka mut hmain ka call a, a pick up miah lo. Vawi 5 vel ka call hnu chuan a phone a switch off ta daih a.. Ka phu tawk chiah..!
A tukah chuan ahun ngai ah chiah Hotel arawn thleng a, a hmel atang chuan engmah a hriat loh.. A banrek veilam chu a tuam bar a. Min hmuh mai theihloh na tur ah awmin ka en ru reng a.. Hmel hlim sar a  midang bia in a hna a thawk nghal mawp mawp a.. Phone pick up leh thil chhinchhiah ngai neuh neuh nen a buai hle. Kan Hotel angah hi chuan hnathawk te an awm awl hman tak tak lo ani e. Ka awmdan hi ka hrethiam lo.. Arukin hmeichhia ka thlithlai maw..!!
 Ka thutna atang chuan tho in alam pan chuan ka kal a..
“Heyy…Robinson” Ahma-I chu ka lam pana rawn tlan in min rawn kuah chawt a.. “Awii.. ka ngai tawh lutuk che..” engmah ka sawi hmain min pawt a, tawng zawm nghal mawlh mawlh chungin inchung pan chhohna step ah chuan kan chho a. He ka thian kawlhrawng lutuk hian a zia hi a thlak thei thlawt lo anih hi..
Rem leh remlo in ka  ‘Yataki’  chu ka va melh zauh a, min rawn en miah lo..

MK-I’S POV*
Tenawm lutuk..! He mihring hi.. Nizan ah a chhan pawh awm lova min thinrim khumin  mawilo zetin ka lakah a awm tawh a.. In thleng min kalpui peihlo anih pawhin inchhung ka luh thleng te chu minlo en ve mai tur ania.. A motor ka chhuahsan rual rualin min tlansan nghal a. Tlusualin ka intih nat phah lehnghal.. Khatiang a awm lehtur siin ngati nge chhuahpui ah min sawm ni.. Ka zak a, ka thin a rim viau bawk.
A bula awm a a ngaihzawng ni tura min sawmin min fawp bawk a. Ka lakah ngilnei takin a awmkual a.. Karkhat.. Nilo.. ni 2 pumhlum em pawh aral hmain min hne lehnghal ang maw.. Tun maiah ka hmuhlai ngeiin hmeichhe dang a kuah lehnghal thei ania.. A tir atang khan lo inveng tlat tur ka nia.. Ka thiamloh vek ani.. Lo inveng tlat tur ka nia sin…
“Excuse me.. Can you please check our room reservation?” (Minlo hrethiam lawk, khawngaihin kan pindan hauh lawk min enfiah sak thei angem? ) Min rawn be tu sap pachal sang zet leh a bula a nupui ni awm tak lo ding te chu phawk zetin ka en a.. Ka thil ngaihtuah ding lutuk vangin min bia tih kalo hre mai lo ani.. Robinson-a vang vekk!!
An hming zawtin an room hauhlawk ni te ka zawt zung zung a.. Helai ah hian thil diklo a awm tlat.. An hming leh an pindan hauhlawk chu engmah alo in chhinchhiah lo.. Thil a buai zo vek.. Hetiang thil avang a Hotel hming tichhe tu nih chu ka duh miah lo..
Loh theih loh thil ani tawh.. Mikhual te chu minlo nghak lawk tura hrilh in hmanhmawh zetin Robinson-a room lamah ka tlan chho a.. Enge ka tih chuan ang, a phone pick up thei heklo le..! Keima thu a room dang lo pek ringawt chu ka ngam teuh lo.. Bakah room awl a awmloh lai ani bawk.. A room kawngkhar chu ka kik dawt dawt a, min rawn chhang mailo, ka kik nawn leh a minla rawn chhang chuang lo..
Kawngkhar chu ka nem deuh hlek a, a inhawng mai a. Min chhanna pawh nghaklo chuan ka lut nghal thawr a..
Nichin a rawn kuahtu hmeichhia nen khan enge maw intur dawm pahin anlo phun dun sep sep a.. Hmeichhe hmel chu ka en a, a pawr deuh pheng in ka hria.. Ka thaw a tawp chawt..
Min rawn hmuh thut chuan an phawk dun viau bawk.. Tun hi rilru nat hun ani rihlo.. Min biak hma chuan thil awmzia leh buaina awm chu buh deuh nuai in ka sawi zung zung a.. Robinson-a chu rang zet a rawn thoin kawngkhar lam apan nghal a
“Min rawn zui rawh..” chak zeta inhnuai lam pana a kal chu ka zui dawr dawr a..
Mikhual te chu an lo la awm khiau a, ka inthiam lo takzet. Mahse ka duty laiin rampawn atanga room rawn hauh lawk an awm ka hre miah lo..
“Eng thil nge I tihsual hi? I mawl ami? Fimkhur ve ta che” Ka awih theilo zawk.. Engtin nge mi zingah min vin theih zawk a..! Thil awmzia ka sawifiah hma hmain.. Robinson chu makti leh hamhaih zetin ka en a, kan bula awm vete chuan min en hrek hrek bawk a..
Ka zak em em a, mi zinga mi mawl ti a in koh chu ka rilru ana bawk.. Ka lo mawl reng em ni? Mawl aniang..! Mi mawl ka nih hi.. Ka mittui a rawn tling a, helai ah chuan ka tap theilo..
Mikhual te nena an inbe mawlh mawlh pawh pawisa lo chuan hmanhmawh deuhin bathroom lamah ka kal nghal a. Bathroom chhungah chuan tumah an awm velo hlauh.. Kawngkhar chu ka kalh nghal a.. Ka insum thei tawh lo.. Ka thilhmuh leh hriat vanga rilru natna leh zahna avang chuan ka tap lo theilo.. Pawnlam atang a ka tap ri an hriat hlau chungin ka hmui ka hup a, ka mittui chu a luang tawp thei lo.. Insum tumin ka bei a, ka mittui chu ala luang zawih zawih tho… Bathroom chhuatah chuan ka thu vang vang a..
“Mk, I awm tih ka hria ania, rawn chhuak rawh” Robinson ani.. Zaktheilo lutuk.. Ka ngawi reng a, ka tap hmel alan lutuk loh nan tuiin ka hmai ka theh huh a.
“Mk..” kawngkhar chu a inkik dat dat a.. Ka hawng awmlo emai..
“Mk..” chhang chuang lovin pawnlam thawm chu ka ngaichang kar a.. Minute 5 hnu awm vel ah chuan pawnlam pan niawm taka pen thawm ka hria a, thawm areh zui vang vang a. A kalsawn tawh aniang..
Nilenga bathroom a inkhung mai chu ka duh nain thil theih anilo.. Darthlalang ah chuan inen in  a theih ang ang in ka insiam tha a, thawm dim  deuhin ka chhuak a..
“Mk..”     awii..ka phu nasa lutuk.. Ka hnunglam chu enin ka inher zawk a.
Robinson chu a kekawr ipte zenin bang nghengin alo ding a.. Chhelo viau mahse ka hua ani..! Inher let hmakin pawnlam panna kawngkhar chu ka pan a, ka ban veilam ah rawn vuanin min pawt let a, ka inring hmanlo..
“Aah..anaa..” min thlah vat a, a hmel ka en chuan a inthiam loh hmel khawp mai. Min thlahlai chu remchang ah lain ka kal nghal vat a..
“Nichin kha I tihsual a nilo ania, receptionist dang duty lai a room rawn hauh lawk annia”
“Ka hria alawm” ka theih tawka chakin reception counter lam pan chuan ka kal nghal a..
Chawhnu lam ah chuan ka hmu leh tawh lo.. A room a a hmeichhe khawi nen khan hun an hmangdun aniang chu..
Ka hnathawh hun a zawh chuan Hruaitluanga’n min rawn phone a, remchang takin Durtlang a kal alo ngai hlauh a, ava tihzia tak..
Hruaitluanga lo thlen hun nghak in Hotel kawtah chuan ka ding a..
“I inpeih tawh maw? ” a tawngri atang chuan tunge tih ka hre nghal.. ka hnunglam atangin ka kawngah min rawn kuah a, ka sirah arawn ding nghal a..
“Ka thianpa ka lo nghak anih hi”
“Thianpa maw?”
“Miin min en ania, min kuah suh..”
“Enge pawi..”
Hruaitluanga chu Hotel kawtah arawn ding ve chiah a, a lam panin ka kal nghal a..
“Hnathawh tur dang ala nei a, keiman ka lo thlah mai ang..” Robinson-a bawk chu.. Min zui ka ring miahlo ania.. Hruaitluanga chuan zawhna zawt mitmengin min en tawn a..
“Robinson ka nia..” tiin Hruaitluanga chu chibai turin a kut a lekchhuak nghal a..
“Ah..Hruaitluanga..” Hruaitluanga chuan a makti hmel thup hauh lovin a chibai ve mai bawk a..
“Mk-I bialpa ini em?” Hey..hepa hian enge a hriat a..? Hruaitluanga chu hamhaih zetin ka en a.. Ani chu alo nui ringawt a..awm anglo ati ve ani ngei ang..
“Lo ni ta ila..” ka bula mipa te hian enge an hriat a.? Robinson-a hmel chu chawp leh chilh a danglam nghalin a insehruh treuh a, thip zetin min rawn en a..
“I hna chu naktukah I thawk thei ang” tiin vung zetin min kalsan nghal a..
“Tinge tikhan I chhan kher a” Hruaitluanga chu a nui sung a
“A hmel kha ilo hmu em? Khapa khan a duh che anih kha.. A awmdan atang khan a enliam mai mai lo tawp ang che..”
“Engtin vak nge a tih chuan ang”
“Haha.. Ka hre nang..a hlauhawm khawp ang.. Mipa in a duh a hmuh tawh chuan a kalsan mai mai ngailo.. A awmdan kha..” tiin a nui zawm huk huk a..
“Ngawi mai teh..(a darah ka chum taih a) Dawt sawi kher kha angai hleinem..”
Bike ah chuan ka chuang a, kan tlan chhuak nghal a.

ROBINSON’S POV*
Ka speed ngai reng a kalin ka room ah ka lut a, kawngkhar chu na zetin ka khar ri bur a, ka hnek zui bawk a..
Na chiah ka hlep..!!
Khapa bike ah khan vawikhatmah a chuang tawhlo ang…he thu hi ka hmuhdun hmasak pawh khan ka ngaihtuah tawh.. Ka fawp a.. mahse ka bialnu bik chauh ni lovin mipa dangin min tawmpui ang maw..? Hruaitluanga maw kha..? Khapa kha a bialpa maw? A nilo tawp ang.. Engvang chuan maw..? Ka hrelo..!
Nizan ah alaka mawilo taka ka awm avang te, a banrek a tihnat chhan kha keimah ka nih bawk avang te leh chawhma lama ‘mawl lutuk’ ti a ka tawngkhum leh midang awm ve laia vin taka bia a ka tihzah avang te khan ka inthiam lova, ngaihdam dil ka tum a.. Robinson hian a bialnu tak tak ni a angaih hnenah a vawikhatna atan ngaihdam dil a tum kha ania.. Chu chauh anilo… Nizan party na a abula awm ve mipa a kut vuan tu kha tunge  tih hriat ka duh bawk..
Hun reilote chhunga thilthleng hi atam ta mah mah ani..
Nileng deuhthaw in Ahma-I rilru na hnem tumin ka ruahman loh dan lutuk in hun ka hmang  a.. Ka naupan lai atang a ka thiantha ni tawh mi kawlhrawng zet Ahma-I berin rilru na taka min rawn pan chuan ka lo ngai pawimawh lo theilo ani.. A kawlhrawn ang zet hian a tuarchhel sela chu minti buailo ni mai tur ania.. Chu chu ka buaina ber anilo..

Ka buaina ber chu ‘Yataki’   Nilo.. Lalmuankimi hi ani..
Hmeichhia, mipa kawplai nei nen chuan inkungkaihna neih ka duhlo.. Mahse engtin nge ka thinlung a a hnathawh leh ka feelings te hi ka beihlet tak ang..?? Helai hmun a ka fawh lai leh amah kha ka duh ani tih ka hrilh a; ka ngaihzawng ni tura ka sawm lai khan engvangin nge kawplai anei tih min hrilh loh… Min kawp kual theih a inring anih chuan a tisual ang.. Hmeichhia in min fiam kual ngailo.. Mai mai chuann..!!
Karkhat chhung chu be miahlo in ka pehhel tawh.. Min biak a tum ve chhun ah pawh ka hmu duhlo lui zel ani. Diktak chuan helai hmun a hna arawn thawh tran atang khan ka hnathawhna hmun ka sawn ve nghal hi ani ngawt a.. Ka hnathawh tur tamzawk chu Hotel a ka thawh theih nan hian ka suanlut vek a.. Helai hmunah hian nitin ka kal a ngai reng ani.. Amah hmuh chak vang hrim hrim a kal kani lo.. Enge maw ka ngaihtuah chiam le..? Helai hmun hi ka ta ania lawm..! 
Chuan, a landan in ka buaipui ang hian min buaipui ve lo anih hmel..Vawi 2/1 min biak a tumbak kha chu melh pawh min melh tawhlo.. A nungchang a pangngai reng a, a cool rengin a hlim hmel reng bawk.. Bike nei pa khan ala rawn hruai leh miahlo... Engtik laiin nge heng thilte hi ka ngaihven a kalo hriat pawh ka hre love..  Awle.. keipawh a awmdan ang hian ka awm ve thei tho alawm.. Ni lawm ni..? Engtik lai mahin hmeichhe kawp tur ka tlachham ngai hleinem.. Lo thlir reng rawh..!!
KARHNIH HNUAH :
Ka tan hmeichhe kawptur zawn chawp angai lo ka tih reng kha..!!
‘Yataki’  chu la hmelhriat ngailo ang hmiahin ka treat lui reng a, ka biak changa ka awm thindan leh ka treat dante chu maktih hmel takin a awm fo a.. Eng thu mah asawilo thung.. Enge sawitur aneih chuan reng ni?
Karhnih liamta chhung khan hna ka thawk tam em em lo.. Hmeichhia date tura hmun hranga kal ngai lovin Lazaru’s Hotel nuam zetah hian hmun tha tak ka nei alawm.. Mahse ka hmeichhe kawp hian rilru hlimna min pelo tih ka chiang..ka phalo.. Engkim..dan leh kan tihtur chin siamfel sa thlap a inkawp kan ni.. Ka rilru ah bialnu dinhmun a chang phalo.. Ka ngaihtuahna zawng zawng luahtu chu  ka ‘Yataki’  chauh ani.. A thik tura hetianga awmlui hi ka nia lawm le..
Nimin a thil thleng  erawh kha  chuan ka awm a tinuam lo takzet..!!

** FLASHBACK (NIMIN..!) **
Nidang ang bawkin tunhnai a ka hmeichhe kawp thar(?) Caroline-I nen ka room ah kan awmdun a.. Pawnlam a Lunch ei ka duh zawk avangin ka room atangin chhawng hnuai ber (Reception counter awmna) ah kan chhuk a, ka thilhmuh chuan min shock takzet..!
“I lo inrawlh veloh hi atha zawk ang.. Ka nei let leh dawn tih hria ang che” tih pahin hmeichhe pakhat hian ka ‘Yataki’  chu dawhkan a awm glass no a tui chuan a hmai ah a theh pawp a.. A tawng pawh a ring hle.. Chu hmeichhia chu kan awmna lam hawi in a rawn inher a, min hmuh chuan a ding chawt a..
“Robinson..”
Zomuani maw..!!? Helai ah hian enge arawn tih..? Zahpuiawm takin arawn che lehnghal..
Zomuani hian min hriat phat atangin inthup hauh lovin min ngaizawng thin.. A chhelo bawk a ka hnar lemlo.. Mahse a nungchang nasa ve tak hi ka tuartheih loh chi tak ania, kan inkawp rei talo.. Nikum khan Delhi ah a awm dawn tih min rawn hrilh a, ka lo ngaihven zawm miahlo ani..
Zomuani min kohna pawh chhang lo chuan ka ‘Yataki’  chu ka va en hram a, a sam chu a huh hliam a, a kut pahnihin a hmai a hup bawk.. Khawnge mahni inveng thei a huaisen ka ‘Yataki’   kha..? Helai a hnathawk ve Racheli chu ka ‘Yataki’   lam pan chuan hmanhmawh zetin a kal a, chet ve nachang ka hriat hmain Rachel-I chuan bathroom lam panin a hruai nghal a.. Lunch ei hunlai ania, thilthleng chu hmuve tu an tam hle.. Thil thalo tak ani..
“Helai ah hian eng thil zahthak nge irawn tih?” Zomuani chu ka melh hrawk a. Ka thinrim na chu ka mitmeng ah alang ngei ang.. Lazaru’s Hotel hmingtha takah hian mi sawi nuam tih em em tur thil mawilo tak arawn thlen tir a.. Chu aia pawi zawk chu ka ‘Yataki’    chung a a awmdan kha ani.. A rawn kalchhan chu engpawh nise ala inchhir khawp ang..
Caroline-I chu taxi ka kohsak a, Zomuani pawh security guard ho ka hruaichhuah tir bawk a.. He a thiltih hi ka enliam mai mai lovang tiin ka chah hram kha.. Ka ti tak tak.. Hremna a hmu ngei ang.. A inchhir vawng vawng na tur khawp hremna dan a awm alawm...
Hetiang thil hi keimah vanga thleng anih hmel.. Zomuani hian a huangchin a hre ngailo..
 Minute 20 vel hnuah ‘Yataki’  chu counter ah arawn let leh a, hetiang hmelpu a hmuh hi ka duhlo.. A mit a sen ram a, bathroom ah khan ava tap ani tih a chiang..
Emergency thilah receptionist dang ko turin Manager ka hrilh a, ka ‘Yataki’  chu a hawhma theih thu ka hrilh bawk a. Ngawi reng leh hawichhuak miah lova a bag la in Hotel atang chuan a kalchhuak nghal a. Thlah tumin ka umzui a ‘min hnaih lo la ka lawm zawk ang’ tiin min chhang hmak anih kha.. Tun tum chu ka nawrlui ngamlo..!
** END OF FLASHBACK **
----------------------------------------------------------------------
Tunah hian Hotel ala rawn thleng lo.. Nidangah chuan dar 9 rik hma minute 10 vel la awmah arawn thleng ziah thin. Nizan khan biak ka tum ngei a, mahse a phone a off tlat.. Ka awm anuam theilo.

MK-I’S POV*
Nimin a thil zahthlak tak ka tawn kha chu thuhran nise, karhnih chhung zet ..Nilo.. Karthum zawk mawle.. rilru natna ka tuar tawh.. Ka tuar thei tawh lo.. Tihtheih engmah ka neilo.. Khang hun chhung pawh kha ka nu leh ka nau te vangin ka tuarlui tang tang ani. Ka mimal nuna harsatna hi ka hna khawihbuai turin ka duh ngailo a, ka tuar hram hram thin.. Mahse tunah chuan ka tlin tawhlo.. Hmeichhe dang nen a hmuhdun hi ka thei tawhlo..
Karthum liamta chhung zawng a ka laka Robinson awmdan kha mak ka tiin ka rilru ana takzet a, a hmeichhe kawpthar nen ka hmudun fo a, ka tap ru ziah bawk.. Hetiang thil min tihkhum chhan hi ka hrelo.. Chumi in a tihchian chu Robinson hian minlo fiamkual mai mai tihna ani. Ka laka a rilru puthmang leh min duh thu asawi te kha a rilru tak tak chu nise Hruaitluanga thusawi awmzia pawh kha min zawtfiah ngei ang.. Mahse chutiang thil engmah ati lo.. Kar awm hman miah lovin ngaihzawng thar a nei nghal a, helai ah ka hmuh ngei turin an inkawp nghal tluk tluk anih hi.. Engtin nge min duh thu a sawi kha awlsam lutuk a ka lo awih theih ni..? Ka mawl anih hi..!
Nia, ka mawl alawm..! Robinson ngei pawn ka mawl tih min hrilh kha.. Hetiang mi hausa hian engtin nge kei ang mimawl te chu min duh tak tak reng ang ni..? Ka fing har zawk ngawt alawm..
Nimin khan hmeichhe pakhat ka la hriat ngai miahloh in min zahderna chhete mah neilo in Robinson-a lo ngaizawng velo tur leh a ta chauh anih thu min rawn hrilh a, engmah ka sawi ve hmain tui in min theh ringawt lehnghal.. Ka zahna tawn kha tawngkam a sawi theih pawh anilo.. Robinson khan ka thlavang min rawn hauhsak pawh a tum der chhin eih lo anih kha..!!
Atan engmah ini hleinem.. I zahna tawn hi atan engmah anilo.. Nangmah ngaihven tur hian beisei tawh suh.. Ahma a thilthleng kha chu tihpalh thil anih kha.. Khatiang thil a tihpui che kha a inchhir tawh ngawt ang.. Inchhir ringawt pawh ni lovin a theihnghilh vek tawh ang… Tiin ka inngaihtuah zankhua zak a.. Hetiang thil zawng zawng ka kalsan theih nan hian tihtur pakhat chiah ka nei..
  Vawiin hian ka hna thawktur ni lovin ka banna lehkha thehlut tur chauhin Lazaru’s Hotel ah ka kal ang. Pathian in min tanpui leh anga hnathawh tur dang ka hmu thuai thoin ka ring..
Hotel ka thlen chuan dan pangngaiin anlo buai leh mam mam tawh a, Manager room ah lutin ka banna lehkha ka thehlut nghal a. Engmah ka sawilawk loh avangin min thlaktu tur receptionist dang anlo thleng mai thei dawnlo a, chawhma zawng chu lo duty tura min ngen angin ka lo duty rih dawn ani.
Lunch eizawh hnuah min thlaktu tur a rawn thlen chuan haw tumin pawn lam ka pan nghal a.. Lunch ka ei loh avang leh zingah pawh chaw ka eiloh avangin ka ril a tram tawh hle.
“Mk, ka room ah lo kal leh lawk teh” Manager chu ngawi rengin ka zui a, a room kawngkhar chu hawngin lut hmasa turin min hrilh a, ka lut ve mai a. Amah rawn lut ve lovin pawnlam atang chuan kawngkhar a khar nghal hmak a..
“Manag..err”
“Keiman alawm be duh che”
“Robinson..” ka inher zawk a, mak tiin Robinson chu ka en ha a
“Nia, keimah” kawngkhar chu hawn tumin ka pawt nghal a
                     “Pawnlam ah a inkalh ka ring..”
“Tihtur ka nei ania..”
“Tam tak…. tihtur tam tak kan nei reng ani” ngeng zetin min en run a.
“Engmah tihpui che ka tum lo”
“A dik chiah, engmah min tihpui I tum ngailo..” Enge maw sawi atum le? A hmel atang chuan eng nge a ngaihtuah  ka hre theilo. A hmel chu en reng duh lovin ka hawisawn a.. Kawngkhar chu ka en ran a..
Kan ngawi ta reng…
Thawm nei miah lovin ka hnunglam atang chuan ka kawngah min rawn kuah a, ka sam chu ka dar dinglam ah ka hma lama tla turin huih phei a, kun hniamin ka biang veilam chu arawn thawkkhum lum ham ham a..
“Ka ngai che..” a tawng chu a zawi hle..ka mur sung sung a, ka maimitchhing ringawt.. Bei let tura chakna neih ka va mamawh em.. Tawngchhuak tur ringawt pawn ka beih fe angai nia..
Ka nui lui hak a
“Kuah tur I duhte chuan I bialnu chhelo deuh kha ko ta che” ka rin aiin ka aw chu ari a dik.. “Chuan..min thlah bawk la..”
“Lalmuankim..” ka tawngkam avang chuan a awmdan a danglam eih lo..min kuah nghet sauh  a.. “Hetiang hian min awmkhum suh aw”
“Mi mawl deuh kuah hi a hrisel hleinem..” min chhang lovin ka beng chu nalo tein a seh zeuh a… Hepa hian enge a hriat aaa… Ka tha a zawi zo vek dawn..!
A nui hak a, alu a thing a.. Ka hnunglam atanga min la kuah reng chung chuan min kuaiherin chair awmna lamah min nawr kal a, min kuahna chu thlahin chair ah chuan min thuttir a, ka hma ah chuan inringtawk zet a a kekawr ipte zen chungin min hmachhawn zawngin  a ding a… Ka hmel chu hmuh chianloh hlau niawm takin min enchiang hle.. Nuam ka tilo.. Ka kun daih a..
“Min en rawh..” Ka en awmlo emai a..
“Awle..khawi atangin nge ka sawi tran dawn..” Ka la en duh chuang lova. Ama room ah pawh nilo, Manager room ah kher hian tinge kan awm.. Midangin an hriat chuan sawi nuam anti dawn lutuk…
 “Mipa ilo tawm falpui kha tunge?” min biak duhdan chuan min khei zak mai.. Chiang zetin ka en a.. Ka chunga thilthleng te avang a ngaihdam min dil chu ava hnailo ve..
“Nang hi..Hmuh remchan apiang tawm falpui a min puh hma khan nangmah kha inen phawt rawh” rawn kun hniamin ka thutna chair ban chu a vuan a, a hmerna bawk aniang a kutchang chu a var pap a.. Min hnaih mah mah.. 
“I lo awm falpui pa kha tunge ka tia lawm”
“Tumah ka awm falpui lo.. Min chhaihkual hi duhtawk tawh rawh”
“Leah-I Birthday party ah khan mipa in I kut a vuanlai ka hmuh ngei kha” tiin a nui hak a.. Oh.. a thilsawi hi Sawmsanga’n ka kut a vawn kha ani ngei ngei ang..  Mi nikhualo ang maia inpuh nan chuan a ho ka ti..
“Sawmsanga kha maw..” ka van mawl tak.. Enge Sawmsanga hming pawh chu ka sawi rik kher le.. “Kut invawn sak ringawt hi awm falpui tia an sawi pawh ka lo hre ngai chiahlo a..bakah birthday party zan kha I sawi anih chuan ka laka I awmdan kha a mawilo ve tho.. Kei ang mimawl ve mai hi..”
“Sawmsanga chu I enge anih..?” ka tawnglai chu min pawtchat hmiah a. Awle.. Helai hmunah hian hna ka thawk tawh dawnlo bawk a, a awm ang chiah hian ka awm ve thei tho tih a hriat angai anih hi.. a duh hun hun ah, a duh dan dan a min pawh kual a tum hi thildik anilo…
“Ka mimal nun hi I hnena ka sawi a trulna ka hrelo ” a mitmeng chu a alh phat in a nui hak a, a nuihzat tak tak vanga nui anilo tih kan hre ve ve.. Min rawn hnaih lehzualin a chalin ka chal arawn si a.. kan awmdan hi ka duhlo hle..
“Kha.pa.kha.i.enge.anih” thumal tin chu a sawi chiang hle
“Ngaihzawng kawplai nei hnen ah hian ka mimal nun ka.sawi.lovang”
“Luhlul lutuk” a phun sup a “Khapa kha I enge anih ka hriat angai.. Hmanni a bike a rawn hruaitu che kha chu I ngaihzawng anilo tih ka hre tawh a” a awmah ka nem a, tlem chuan min hlat ta deuh, chair ban erawh ala vuan reng tho..

“I lo chhui ru a maw? Enge I buaina hi? Midang nun infiam nana hman hi bansan rawh.. Robinson..ka ti tak tak”
“Ka buaina chu nanghi ini.. Nang.hi.”
“Anih chuan, ka chungchang ah hian lo buai lo la, I ngaihzawng kawplai  kha kawp hle hle rawh.. I nuamtih zawng game hi kan khelhpui hmanlo che.. Min hre ngailo ani lawm ni..” ka thin a rim a, ka trawngtam ta mah mah..mahse ka sawi tawh laklawh..
“Caroline-I kha ka bialnu a nilo.. ka kawp ngei a..ka bialnu anilo”
“Ka awih thei thlawt lo che” a kawp ngei a, a bialnu anilo ang maw? Anih chuan keihi..ahma a kan awmdun dan kha engtin nge a sawi ve ang le.. Keichuan kan infawh tawh avang leh min duh thu min hrilh avang khan ka ngaihzawng, ka bialpa ah kalo ngai hmanhmawh asin.. Hetiang mihring hi ka hrethiam lo..
“Hmeichhe kawp satliah leh bialnu chu a inang hauhlo ania”
“Awi..sawitur pawh ka hrelo.. Ka hrethiam lo.. Caroline-I chu a rilru I tihnat sak thei tih I ngaihtuah tel em?”  Ka sawitur anilo tih chu ka hria..mahse a hmeichhe kawp mek Caroline-i khan aduh lutuk tih mi sawi ka hria alawm..  Thawmdang ka hriat vangin ka ngawi dat a..Ah..ka phone ri anih chu..
Ka bag atangin ka phone chu ka phawrh a, Sawmsanga maw..? Hepa pawh hi, hrilh loh ang chiah..
Ka inrin hmain Robinson chuan ka phone chu min rawn chhuh thut a..
“Sawmsanga maw?” phone chu chhuh tumin ka ban vat a
“Khawi, min pe rawh..” ka tawng chu hrelo ang hmiah a awmin phone chu a pick up a.
“Sawmsanga ini em?” a ngawi dat a.. “Mk-I hi ka bialnu ania, ka ta chauh.. lo be tawh lola ka lawm khawp ang.. Hrilhnawn I ngaihloh ka beisei e..” phone chu a off nghal a. Ka awih theilo.. Tunah khan ‘ka bialnu’ tiin min sawi maw? Phone chu ngawireng in min pe a.
“Sawmsanga kha ka bialpa anilo...” ka rilru chuan nuam kati..hmanhmawh a.. Mahse, a bialnu ka ni tih a sawi vang khan thil a fel nghal vek chuang lo.. Min en reng a..
“Ka kal a hun tawh ania” ka thutna atang chuan ka tho a..
“Ahh” ka dingngil thei miahlo.. Ka tum nawn leh a ka la dingngil thei chuanglo..
“I tha em? I tha em?” min ngaihtuah tak tak hmel a pu.. Min rawn vuan vat a..
“Puih ka ngailo..ka tha” dinchhuah ka tum nawn leh a, ka pum chu ana lutuk..ka thlan a sa nghal phat phat a.. Hunlo lutuk.. Engmah ka la eiloh vang ani.. Ka thil hmuh a phe vek.. Tum dangah pawh thil ka ei mumal loh lutuk chuan ana thin tho a, mahse tun ang em em hian ana ngailo..
“Mk, I tha em? Yataki.. Yataki..”  Robinson chuan hlauhthawn hmel takin min kuah a, engmah ka hrezui talo..

ROBINSON’S POV*
Ka Yataki  chu ka room ah pawm chho in ka mut tir a, nia..ka Yataki  ania lawm.. Tuna tang chuan ka ngaihtuahna ah chauh nilo, a hriatlai ngeiin ka duh ang tak in ka ko tawh ang..
Doctor ka ko nghal a. Thil ei mumal loh leh pumpui ulcer nasat vanga nikhaw hrelo ani tih min hrilh chuan ka thawveng deuh huai. Nachhawkna in a chiu a, reilo te ah alo harh leh ang.. A na tuar lai kha hmuh ka duh tawhlo.. He hmeichhia hi venhim a enkawl ka duh ani.. A hma khan tihsual hlauhna in ka khat a, tunah chuan ka hlau tawhlo.. Ka hmangaih ani.. Ka ‘Yataki’   hi ka hmangaih..ka venghim zel ang.. Ka lak atang hian tuman an lahrang lo bawk ang..
Kan inbiak dante ka ngaihtuah let a, ani hian Caroline-I rilru nat leh natloh tur thlengin alo ngaihtuah hman a maw..? Engmah a hrethiam lo anih hi.. Thil reng reng hi mite hmuh a a landan ang ngawt anilo tih a hrethiamlo ani.. Khatiang thil zawng zawng ka tihchhan kha amah ngei hi ani.. Tunah chuan ka buaina hi ka hrechiang tawh.. Ka in ringhlel leh tawh lovang..
 Darkar khat a ral leh hnu chuan arawn harh ta hram a.. A nghaktu tan chuan reitak ani..
“I tha em ‘Yataki’  ?” a mitmeng dul raih chuan min en zauh a, a hawisawn lehnghal a.
“Dar engzat nge?” a tawng zawi hle..
“2:30.. Zingkar atangin engmah I la eilo ani maw?” khumah chuan thut tumin a inbeng kang a, ka lo pui vat a..
“Dar 3 ah damdawiin a kal ka ngai ania, minlo nghak reng tawh ang” a mitmeng ka en chuan ala harhchiang chiahlo niin ka hria, damdawi hnathawh kha anih ka ring..
“Min kaitho teh.. Khawnge ka nu chu.. Khawnge Nunpuii..?” ceiling chu hmuhnawm tih hmel takin a en vang vang a. Ala harhchiang lo ngei chu anih hi.. Doctor khan eng damdawi nge maw a hman le?  A mitmeng la harhchiang lo tih hriat taka la buai niai chuan min rawn en a..a landan chu a duhawm lutuk.. Kun hniam in a hmui ah chuan ka fawp zauh a, ka inla hrang lehnghal a.
Ka kawr hmalam  chu a kut pahnih in a rawn thram a, a lamah min pawthnai in ka nghawng ah a hmai phum kak a, thawk ala vang vang a..
“Ummm.. ava rimtui ve” a nui hak a, min kuah nghet sauh bawk a
“Heyy…I va rimtui ve a..” min kuah reng chuan a thalo tawp ang.. Min vawnna chu phelhin ka inla hrang hlek a.. A awmdan ti danglamin a khup ah a khabe a nghat a, nuisang in min en vang vang a.. A hmel ka en chuan a duhawm a, nuih a tiza bawk..
“Robinson..I chhelo hlee mai..” la nuisang chung chuan a dak vak a, zawi muangin a tlu riai riai a, a mut rem theihnan ka pui vat a, puan ka sin that tir a..
“A vawt ania..” ngaihtuah miah lovin a bulah chuan ka mu ve nghal a, ka lam hawi a rawn inher in min kuah nghet sauh sauh a..
“‘Yataki’.. Ka hmangaih che” engtinmah min chhang lo, a muhil lehnghal chiah chiah a. Hetiang a inhnaih tak a awm hian ka damchhung hun min hmanpui turin ka duh ani… A lu ah fawp in ka nui sak a..
 4:00 PM
Khum bula thuin ka ‘Yataki’   muhil lai chu ka thlir vang vang a.. A rawn harh a min hmuh chuan a thuchhuak nghal hlawl a..
“Khawnge ka awm?” tiin a hawikual nghal ruai a.. Awle.. ka ‘Yataki’   tak taka lo let leh ta.. Engpawhnise, a harhchian lai leh harhchian loh lai pawn ka duh ve ve.. Ka chhan mai loh avang chuan chiang zetin min rawn en a..
“Dar engzat nge?” khum bul dawhkan a sana chu en in a thuchhuak nghal a.. “Awii.. ka duh theilo.. Tinge min kaihthawh loh? Engtin nge ka awm?” khum ah chuan thuin a a tlukdan leh damdawi vanga muhil ani tih ka hrilh a, a maimitchhing vang vang a..
“Min buaipui a ka lawm e. A zialo hle mai” Khum atang chuan a tho nghal a.
“Engmah ei lovin awm tawh ngai suh. Heihi ei phawt la ka thlah ang che.” Dawkan a eitur ka dah chu ka la nghal a.
“Ka eilo mai ang”
“I ei hma chuan I kal lovang” khumah chuan ka thut luih tir a, eitur chu suak in barh ka tum a, alo ban vat a..
“Keimahin ka ei mai ang..” ngawi rengin a thilei lai chu ka en reng a.
A eizawh chuan room atanga hruaichhuak in ka thlah nghal a. An in peng kan thleng a, motor atanga chhuk hma chuan a kut ah ka vuan a..
“‘Yataki’   banna lehkha I thehluh kha pawm anilo ania, chuan, min hnial tawh suh.. Tunkar chhung chu I chawl phawt anga, in enkawl tha ang che..”
“Robinson..”
“Min hnial lo phawt rawh” motor atang chuan ka kaichhuak a, tun tum chu an inchhung thleng ka hruai ang..
An in chu pawnlam atanga a landan aiin chhunglam chu a felfai thlap. Bungrua tamtak an nei lova, an thilneih erawh engkim a faiin a hnum hlarh vek a.. An mamawh tawk bak thil chuangliam engmah a awmlo..
Ka hma a thu hmeichhe pathum te chu an inang hlawm hle.. Ka ‘Yataki’   nu chu nufel tak ani tih a hriat, min be siam siam a.. Nu thenkhat an fanu te tana min beisei huam ang hi ani velo.. Fanu fel tak a nei chu thilawm reng ani.. An inchhung leh an nunphung en hian mi hausa an nilo tih ka hria a, mahse sum ngah aia pawimawh nun hausa annei ani.  Nunpuii chu a u anglo takin a harhvang tha vat vat khawp mai, mahse tleirawl nungchang hrelo vawt vawt ang chi hi anilo. An chhungkua nen hian kan inzawm ngei theih nan ka bei ang.. Ka sawi tum tak zawk chu ka ‘Yataki’   ka neih ngei theih nan hian ka bei ang.. Chhungkaw thar neih chu thil phurawm tak ani lawm ni..??
Minute 15 vel ka thut hnu chuan ka hawsan ta a..

MK-I’S POV*

Ka zan mutna ah chuan chhun lama thilthleng ka ngaihtuah let neuh neuh a, Hotel a kan inbiak na te, Robinson-a haw hnua ka nu thusawite khan ka rilru a luah run mai.. Diktak chuan Robinson hian ka ngaihtuahna a luahkhat vek ani.. Rilru buai leh hah taka min siam chung pawhin ka ngaihtuah reng chu anih hi..
‘Mi tha tak chu anih ngei dawn kha, a mitmeng ah khan hmangaihna ka hmu ani’ ati anih kha..
Rilru hah leh buaina ka neih reng reng in ka sawichhuah miahloh pawn ka nu hian a hre thei thin.. A hunlai taka ka sawiloh pawn ahnuah engkim hrilh vek lo thei lovin engtin emaw tak min zawtchhuak thin bawk. Min tilui ngai hauhlo a, mahse NU THILTIHTHEIHNA thiam takin a hmang thin.
Ka nu hian Robinson-a – mi ngeng lutuk leh mahni  thuduh lutuk hi engtin nge mi tha tak ani a tih theih.. Ka hrethiam phak lo.. Hmangaihna chungchang ah chuan, engtizawng mahin kei ve mai hi Robinson hian min hmangaih theih ka ringlo.. Keichuan lo hmangaih ta pawh ni ila..Niloo.. Hmangaihna hian rilru buaina bak min thlen lo… Bakah tunah chuan Caroline-I kha a la kawp reng alawm.. Kawplai nei reng lo pawm leh chu ka tihtur ani love..
Ka hriatloh karin ka lo muhil daih a.
Ka harh hlawl chuan zing dar 7:00 alo ri reng tawh. Ka tho vat a, dan pangngaiin ka inbual a..
Robinson khan enge a sawi kha--- ka banna thehluh kha pawm anilo a, tunkar chhung ka chawl thei bawk maw..? Ka nu hnenah khan tunkar chhung ka chawlh theih thu chu a sawi nawn ngei kha.. Banna thehluh tihvel sawi tel lovin.. Nilengin ka nu bulah ka awm mai mai thei… Thilthleng khat tak ani..
Dar 10 arik chuan thil tihfai neuh neuh ka tizo a, ka movie duh ber mai ‘The Age of Adaline’ ka en a.. Ka nu chu Nunpuii te school a kal a ngaih avangin dar 9 velah min chhuahsan daih.. Pawi lo mai e..
Kawngkhar a rawn inkik dat dat a..
“Mk-I te in ani em?” tunge mawni le.. Kawngkhar chu ka va hawng vat a..
“Mk-I ini tiraw? Hei I pangpar tur” mak tiin ka en hu a.. Pangpar min pe tur ringawt a kan in a lo kal vang vang hi ka hmelhriat ngai a nilo.. Ka biak hmain a kalsawn lehnghal a..
“Ka lawm e aw” tiin ka au zui ta ringawt..
Pangpar mawi zet chu inchhungah kenglut in ka khawi nghal a.. A karah hian card a awm..
*Heipawh hi rimtui I tih tho ka ring
                                                              R *
Heihi enge awmzia..? *R* chu Robinson maw..?
Ka kawngah min rawn kuah thut a..
“‘Yataki’  ”
“LALPA…Ka phu nasa lutuk” ka awm ka dawm a.. He mihring hian lungphu thalo minla neihtir ngei ngei ang..
 “Min rawn chhang har sia ka rawn lut ve tawp..” ka thusawi tur hresa niawm takin.. “Chawlh ka rawn hmanpui dawn che a..” min kuahna chu thlahin a kalsawn hlek a..
“Min kohdan kha enge a awmzia?”
“Nakin ah ila hre mai ang..” min melh run a, a nui suk a.. Nimin a min ngaihtuah hmel deuh a awm leh nunnem hmel tak ka hmuh kha a bo leh vek tawh..
“Movie ka en laklawh a, en zawm ila?” min chhanna pawh nghak chuang lovin ka movie en chu ka thutchilh lehnghal a.. Ka bulah chuan ngawi rengin a rawn thu ve mai a, movie pawh chu a en ve vaklo in ka hria.. Keipawh ka rilru ah ka  bula thupa chiah hi a awm..
Movie a zawh chuan min rawn thut hnaih a..
“‘Yataki’  ka hmangaih che ” Ka nghing dawt.. A thilsawi hi ka beisei phak miahloh thil ani.. Ka ngaihtuah mumal theilo..ka buai nuai nuai mai..
“Chu chu enge?”
“Ka hmangaih che tih ka sawi anih chu..” teh thut a..! ka thin a phu dup dup  a, ka awih lovang.. Hetiang thu hi tunah chuan ka sawipui thei rihlo..
“‘Yataki’   tih chu enge a awmzia?”
“Chu chiah chu maw min zawh dawn?” min melhdan chu ka hrethiam lo.. Hnual rawih hmel a ang ka ti.. Ka ngaihruatna mai mai aniang… Ka hawisawn a, ka rilru tibuaitu ber chu heihi ani..
“Caroline-i... Awle..Ngaihzawng kawplai nei hi ka list ah an tel ngailo.. Chuan Ka hmeichhiat pui rilru tina tu nih ka duhlo bawk..” ka sawi zawh rualin ka inchhir nghal..ka tan hnial a har zia hi a hrelo a nih hi.. Khi thil khi ka sawilan kher pawh a tullo.. Ka lo mawl tak tak anih dawn hi..!  A chanve chu a dik tho.. Hre reng chunga mi inkar a lo tlazep ve nih chu engtiklai mahin ka duh ngailo ang..
“Takzet..?” amah pawh en ngam lovin ka bu zauh a.. Ka mitmeng hi chiang taka a en chuan ka rilru diktak hi a hre ngei ngei dawn.. Ani ang mi fing lutuk hian engmah a hriat hmaih lo tawp ang..
“I ngaihzawng, I bialpa ah min ngai miahlo amaw?”   ngai hmanhmawh e mawle.. Mahse ka laka I awmdan inthlak thut thut khan chian ngamlohna tur chhan tha tak min pe alawm..
Ka ngawi ran a..
“Ka fawh hmasak ber che atang khan..”
“Ka laka I awmdan inthlak thut thut vang hian engmah ka hrethiam lo..” ngati nge ka ngawih  hle hle mai loh.. Hepa ka tawn atang hian ka tawngtam mah mah tawh ani..
Harhchhuak thut niawm takin ka hma ah chuan a ding hluai a.. A ke ka en ran mai..
“Caroline-I nen khan in ngaizawng tak tak ah min ngai ani tiraw? Nia, a landan chuan kan inkawp ngei a, mahse chhan  thatak vanga khatiang a awm kha kanni.. Engkim sawifel sa vek a inzui kanni bawk.. Ani khan ka kawp chhan leh kan tihtur chin ka duanlawk pawh a hre  vek..”
“In pahnih inkar thil ka zawtlo che”
“I hriat angai alawm, ka tawn atang che khan hmeichhia tumah reng reng ka la khawih lo..” ka lo nui hak a.. Ka hmazawn ah chuan rawn thuhniam in ka kut a pahnih in a lakawp a, a hum vang vang a.. Min enchiang hle bawk.. A awmdan hian min barakhaih..!! Mipa..pa tak leh luhlul, mahni thuduh tak ni bawk hi.. Tuna a landan chuan tihnat theih hmel a pu alawm..!
“‘Yataki’  .. Nangmah chauh hi ka ngaihzawng..ka hmangaih ini.. Bul ka tranpui dan che a dik tawklo tih ka hria a, hetiang hian ka la awm ngailo a, ka awmdan kha ka hrethiam lo.. Ka ta chauh ni turin ka duh che a.. Party na a mipa dang in I kut a vuanlai ka hmuh khan ka in thunun theihna ka hloh vek a, a hnu ah Hruaitluanga ani leh a.. Engtia awmtur nge ka hrelo a, I thik turin ka awmlui a, mahse engahmah I ngailo.. Min ngaihthah hmak anih kha..” a ngawi dat a, mak tiin ka lo en reng ringawt..
“Tunah chuan ka hmangaih che ani tih ka hrethiam tawh.. Min hmangaih let ve ngei turin ka siam dawn che ani.. Keimah ka inhrem tawh lovang”
“Robinson..”
“‘Yataki’   ka hmangaih che” A engkim hian min hneh vek.. Awle..ka tlawm e.. A thusawi zawng zawng hi thudik ani tih a mit hian min hrilh ani…
“Anih chuan min hmuhtir rawh..” a kut dinglam chuan ka biang a rawn vuan a..
“Minlo en reng ang che” ka thutna tang chuan min pawt tho a, a awm si chetin min kuah hnai a. Kan biang dinglam ve ve insik tira maimitchhingin thawk ala vang vang a..
Kan awmdan ngai a ngawirenga kan din deuh vang vang hnu chuan insiamrem in ka chal ah min fawp zauh a.. Uluk zeta min en vang vangin a rawn kunhniam a duhthawh takin kan infawp vawng vawng a..
 “Hetiang hian nitin kan awm ziah tawh ang..”
A thusawi chu ka pawmpui ani tih lantir nan a biang ah ka fawp zauh a (
“Ka la rimtui reng em?” min enin a nui suk suk a..
“Chu chu enge?”
“Nimin kha chuan…”
“Hey..enge aa..?”
Nimin lama ka awmdan ka hriat miahloh chu min hrilh mual mual a.. A sawidan chu nuam atih hmel hle..!

ROBINSON’S POV*

Tunah hian hnatul avangin Mumbai ah ka awm mek a, nihnih hnuah ka ‘Yataki’   bulah ka awm leh thei tawh ang..
Ka phone a rawn ri a, caller ID ka en chuan ka nui sak a..
“I tha em?” a aw chu a diklo.. sana ka en a zan dar 12 alo ri reng tawh.. Hna ka thawk char char a, dar zat kalo en miahlo ani..
“‘Yataki’  .. I tha maw?”
“Robinson.. I tha em ka tih chu..” enge maw a hriat reuh le.. A insut ri hraih a
“I tap ani maw?”
“Ka hmangaih che..” ka thungil zawt a.. Tun hi min hmangaih thu min hrilhna hmasa ber ani.. Phone atang lehnghal in.. Thil diklo a awm emawni le..?
“A aia nasa in ka hmangaih che”
“Robinson..” a ngawi leh dat a
“Hmm.. thil diklo a awm ami?”
“Ah..awmlo.. Ka muhil tawh a, ka harh leh a.. I tha tak tak maw? Engtinmah I awmlo tiraw?”
“Ka tha e.. Min ngai tawh ani maw?” min ngaihsakna tawngkam hriat chu thilnuam tak ani..
“Ka mumang ah ka hmu che a, ka trapchhuak a..” insut hraihin a nui hak a.. A hmel awmdan tur chu ka hrethiam.. Tunah hian a bula awm a duat taka kuah ka duh..
“Ka hmangaih che ‘Yataki’,” eng eng emaw a sawi niap niap a, minute 15 vel hnuah chuan phone kan dah ta a..
 Umm.. ka ‘Yataki’   ka ngai ani. Ka hmangaih zual deuh deuh dawn ani tih ka inhria..
*THLA KHAT HNUAH*
ROBINSON’S POV*
Hun reitak ka nghak thei tawhlo ang.. Ka ‘Yataki’    hi ka nun min tawmpui turin ka duh ani.. Zantin duat taka kuah a abula mut ka duh a, zingah amah la kuah reng chunga harh ka duh bawk.. Engtiklai pawh a amah hnaih taka awm ka duh.. A thilsawi zawng zawng te hriat ka duh a, a harsatna leh a hlimna te tawmpui a venhim ka duh bawk…
Ka ‘Yataki’   hian  mi thusawi tamtak a hria tih ka hria a, amah chhe tak tak a an puhna te nen.. Ka bulah chuan engmah a sawi ngailo.. Hnathawhna hmun leh hmundangah pawh amah ngaihsak taka ka awmin midang mitmei a veng zung zung thin.. Ka hmangaih leh ka duh em em hi ka ngaihsak a, ka thlahlel ani tih tihlan hi keichuan a pawina ka hrelo.. Min khap mahse ka ti zel tho ang..
***************************************************
MK-I’S POV*
Nihnih  liamta atang khan ka hnathawh hun ni 5 chhung atan zan dar 9 thleng pawhsei ani a, ka hlawh pun belh teuh mahse diktak chuan ka lungawi lo.. Ka hna ka zawh a, in ka thlen meuh chuan ka chau lutuk hi ka mu nghal thlawp ani mai.. Ka hnathawh hunchhung an pawhsei chhan Manager in min hrilh lah kha keichuan a ho ka ti.. Mahse ka sawibuai talo.. Ni 5 chhung chauh chu ka tuarchhuak thei em ang chu..
Thla khat chhung khan ka hnathawk kal lam leh haw lam Robinson-a’n min hruai ziah a, ti tawhlo tura ka hrilh pawhin awmzia a awmlo.. A thuduh dan ala ngai reng..
‘Ka ta chauh ini tih hi mi zawng zawng in an hriat angai alawm’ tia a sawi loh leh
“Card lianpui ah ‘ROBINSON’S PROPERTY’ tih ziaka awrh I duh ami” ati hmiah.. Fiamthu angin ala sawi miahlo lehnghal..! A awmdan hi a chang chuan atthlak ka ti a, min tihlim viau thin bawk..
“I property ka nilo..” tiin inhnial ka tran a, sawitur a hriat tawhloh chinah min kuahin duhthawh takin min fawp leh ziah bawk..
Mite hian min sawi nasa hle a, kan dinhmun inthlauh thu leh a sum vanga ngaizawng ka nih thu te, ka zar buai reng thute.. Thilthleng ngai hauhlo Hotel a kan riahdun thute…a tam mai.. Nitin kan chanchin thar mak tak tak hriattur a awmreng hi thilmak a tling... Thil pawimawh dang sawitur a tam tehlul nen..!
7:30 PM
Computer a thil pawimawh ka chhut mawlh mawlh lai chuan a rawn thim mup a, ka hlauthawng.. Ka naupan lai atang tawhin hmun thim hi ka ngaina ngailo.. Pawnlam ah chuan thawm mak deuh a awm bawkin ka hria.. Thim ka hlauh thu hi tu hnenah mah ka sawi ngailo.. Computer eng rinchhan chuan ka phone phawrh tumin ka bag ka hai rawk rawk a..
Thawklehkhat ah rawn eng thut a,  kutbeng thawm leh Birthday hla  sak rual thup thup ri ka hre nghal a..
Mak tia mengphawk hra in ka ding chhuak a.. Vawiin hi ka Birthday ani tih ka hrechhuak miahlo.. Ka mitvai a reh a ka hawikual chuan..ka awih theilo zawk..!!
Robinson chu ka bulah dingin ka kawngah min kuah a, kan bula awm ve ho zawng zawng chuan hlim hmel takin min en vek a.. Ka nu leh ka nau te, Hruaitluanga, Robinson-a nu leh pa leh a chhungte, Matthew leh ka hmelhriat tawh leh ka la hriatloh hmel hrang hrang…
“Robinson..” inti neitu taka min kuahtu chu ka en chho a, ka chal ah min fawp zauh a.. “Ka lawm e..”
“Ka hmangaih che.. ‘Yataki’  ” nui suk chungin min en vung vung a..
XxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxX
THE FLAMES (‘Yataki’ ) – Epilogue
KUM KHAT HNUAH
“Good morning.. ‘Yataki’ ”
Ka pasal chuan min kuah nghet sauh sauh a..
Ka pasal min hmangaih em em tu leh min hmangaih ang zat zeta ka hmangaih, kan naute pa la nimai tur Robinson hian kum khat kan inneih hnuah pawh ‘Yataki’  ti a min koh ala bansan chuang lo..
Tunah hian naute thla 7 mi ka pai mek a, mipa nge hmeichhia tih lo hriatlawk erawh kan tum lemlo.. Mipa emaw hmeichhia pawh nei ila kan hmangaih em em dawn ani.. A pian hma atang hian Robinson chauh nilo, ka nu leh pa thar te leh ka unaupa te hian naute thawmhnaw an inlei nalh siak ani ringawt..
Robinson-a’n ka Birthday ropui taka min lawmsak zan khan; a nupui atana min duh thu mi awm ve zawng zawng te hma ah  sawiin, ka tan a hun special tak leh ka damchhung a ka theihnghilh tawh ngailoh turin ka piancham min lawmsak a..
Ka birthday min lawmsak atang a thla 4 aral leh chuan a duhzawng nei ngei thin Robinson-a chu ka pasal ani ta.. Kan dinhmun inthlauh zia leh kan thanlenna chhungkua a in anloh zia vawikhatmah min hriatchhuah tir ngailo a, ka nu tan ani aia makpa tha hi an awm thei ngailo ang.. Pasal in nupui laka a tihtur te hneh takin a hlenchhuak thin…
9:50 AM
“Sweetheart.. I tlai dawn ania..” tiin ka pasal thawmhnaw hak tur ka thlang dan dan a…
“‘Yataki’  ” bathroom atang a rawn chhuakin ka lam panin arawn kal a.. Ka pasal duhtawk a ka en hi tuman min khap thei lovang.. Kawr ha lovin towel chiah a veng a, a sam chu ala huh bawk a… Thaw tichham thei khawp a mipa nalh leh pa lutuk ka hma a ding hi ka pasal min hmangaih em em tu Robinson ngei ani e… Mi vannei tak ka va ni chiang em..
“‘Yataki’ ..” zawhna zawt mitmeng in min en a “ka tawng I hre miahlo ania..” ka pasal chu en in ka nui sak a
“Ka vanneih zia ka lo ngaihtuah alawm” zak hauhlo in ka pasal chu ka kuah a, a hmui ah ka fawp zauh a.. A nui hak a, ka awmdan chuan a tihlim ngei ani tih ka hria.. Min kuah nghet sauhin
“Mi vannei taka inngai ka nupui, mi vannei a min siamtu rilru hausa tak hi ka hmangaih em em ani.. Ka nun min tawmpui avangin ka lawm e..”
‘Nitin kanti ziah ang’ alo tihtawh ang khan ngawi rengin kan inkuah vang vang a..
“I sam hi meh a hun leh tawh anih hi” tiin a sam la huh chap chu ka khawih a..
“Anih chuan,  vawiin chu hnathawk lova chawlh chhantur chhuanlam tha tak ka nei anih chu” tiin awmze nei zet hian min nuih ruh ruh a.. A mitmeng danglam dan atang  chuan tumdang anei tih ka hre mai..
“Robinson..”
“Ka thusawi chu a dik alawm..” ti a min fawpin, duat takin min kuah bawk a… (((

Kan hmangaih te nena intawng tur hian a hranpa taka lo beih vak vak leh lo zawn buai  angailo a, kan tana mi diktak chu a hun takah Pathian in a rawn tir mai thin..

THE END

Chhiartu duhtak, nun nuam tak leh hlimawm hmang turin duhsakna ka hlan che..
Ka thiam ang tawka ka thuziah ve te minlo chhiarsaktu, minlo LIKE sak tute, COMMENT thin tute in zavai  chungah ka lawm em em..  In comment te hian phurna thar nasa tak min pe thin tih min lo hriatsak ka ring..

Chuannn…..ROBINSON nu leh pa te thawnthu hre duh chuan THE LILAC kha inlo chhiar thei ang.. (
KA LAWM EE.. ((((