TRY ME?! (so you can feel my love) - (feb. 2016)

TRY ME..?!!  (so you can feel my love)
.
BOOK -1 (Fan Fiction)
.
By. Thantei _Laura Sean Virgo
.
.
BUDAPEST  (Hungary)–  6:50AM - (Morning walk)
.
Maimitchhing in boruak ka hip vang vang a..
Fairytale city tia an sawi thin Budapest khawpui lian leh nuam lutuk  ah hian ka unaupa nen chawlh hmangin kan kal a. Hun rei tak chhung ka lo chak ngawih ngawih tawh ani a, nuam ka ti takzet.. Nuam ka tih ang zat zetin ka Roxy (Ka Ui) pawh hian nuam ati ve anih hi.. Ka bulah chuan a vir vut vut a.

October thla  ani a, boruak a nuam viau. Ka duhthusam ang ngeiin ka hna a min pui thei  tur thil tam tak ka hmu a.. Tun thla kher a kal ka duh chhan pawh ka hman chak ber ber Vintage Model Trains Festival bak ah Palinka and Sausages Festival te, Children’s Festival leh Budapest Vintage Cars Festival..etc.. Festival chi hrang hrang hman thla anih vang ani.. Ka hna ah ka thawkrim a, chawlh ka hmang anih chuan a nuam thei ang ber a hman hi ka duh dan ani reng ani..
.
Helai ka awmchhunga tihtur a ka ruahman ka la tih loh te ngaihtuah in ka nui sak a.

Ka ui duat em em Roxy chu kaiin kan  thlenna Hotel lam panin ka tlan a, chhun  lam ah tihtur tamtak ka neih vangin ka rilru a hmanhmawh tawh angreng..
.
Thawklehkhat ah Roxy chu kan kalsan tawh lam ah inherin a tlan thut a, ka  inring hman lo..
.
“Roxy..Roxy.. ding rawh..ding rawh” hetiang hian ala awm ngai lo.. Thil eng emaw tak hriat a nei ani ngei ang.. Mikhual ka nihna hmunah hian buaina hmachhawn ka duh miah lo..
.
“Roxy..” ka thlunna chain chu ka pawt ve trang trang a, ka pawt ding zo lo.. Ka ke a lek thut a, te thawt in chain chu ka thlah a, ka thu hnawk a.
.
“Roxy..lo let rawh..Roxy..” Roxy chu hla fe ah dingin arawn hawilet vung vung a.
.
“Engtin nge ka ui hming hi I hriat a?”
.
“Engmaw?” Siberian Husky(Ui chikhat) a dum leh var a tial, nalh zet hi ka bulah a rawn vir vut vut a.. He ui nalh zet hian min bia ani em lovang chu..! Movie ah bak Ui te chu an tawng thei ngai hleinem..! Thochhuak chuang lova ka hnunglam ka en chuan mi pakhat a lo ding reng a…mipa..palian tak chu ani phawt mai..! Ni eng in ka mit a chhun tlat a, a hmel ka hmu thei lo.. A kawrhak lukhum chuan a lu a inkhuh bawk a..
.
“Engtin nge ka ui hming hi I hriat?” a aw phawi chu a nalh..bak ah a aw ri chu mipa aw ka hriat tawh zawng zawng ah a nalh ber ka ti ngam ngat..
.
“Excuse me, Roxy chu ka ui hming ania..” tiin Roxy muangchang a ka awmna lam pana lo tlan chu en in ka kawk va a.. Ka hawilet leh chuan min betu hmel chu ka hmuthei ta....WOW.. Ka..ka..ka ngaihtuahna ringawt ah pawh ka dang a awk nghal aniaa..!
.
“Oh..puih I ngai em?” A hmel landan danglam miah lo in a kut arawn pharchhuak a, chhang mai lovin a kut chu ka en vang vang a..  a nalh..kut nalh leh pa tak ani..!
.
“Ngai love.. Ka lawm e” ka inbeng kang a.. “Ouchh” din mai ka tum a ka ke veilam chu ka rap ngam miah lo.. ana em em bawk.. Na tiin ka then sak sak a..
.
“I insawh na a nih kha, khawimaw ka lo en ang” a hmel serious run chung chuan  thuhniam in a kawr haklai lukhum chu a hlip a.. a sam rawng chu.. a dum pawh ani chiah lo..nithlarah chuan a lang uk kharh a, a hmel fang chu tha tih piahlam ani... Bakah ka duhthusam thin mipa hmel leh pianphung a nei bawk..!!  Engtik laiin nge ka mipa duhthusam ang chu ka lo ngaihtuah reng reng a?
Ka ke rek chu a kut nalh zet chuan a khawih a, ka lo ip chawih. Ana reuh em ani..!
.
“ I ke rek hi a hliam hlek anih hi.. Serious lutuk chu ani lova..” rawn dingchhuak in min melh chhuk run a..
.
“Eng..engtin nge I hriat.. Nilo..” Ka ke nat vanga ka chhuak thei lo anih chuan ka ruahmanna zawng zawng a chhe vek ani mai.. Museum ka tlawh thei lo anga, Castle Hill mawi lutuk ah ka kal thei lo bawk ang.. Spa, Festival leh thildang tam tak…!!
.
“Sawlai lawk saw ka in ania, a nat zual hmain ka  enkawl dam thei ang che”
.
“Nilo..ka lawm e.. Ka unaupa ka be duh..” hetiang thil hi a thleng dawn tih hrelawk ila chu ka phone ka keng tur ania.. Bakah ka mi hriatchian pawh ni lo zui ngawt chu a him lo maithei bawk.. “Khawngaihin I phone min hmantir lawk thei angem?”
.
“Tehreng mai..Ka in ah chuan a awm a” a hmel ka en chuan a fiamthu lo tih ka hria..
Engtin nge ka tih tak ang? Ke in ka kallui thei dawn lo tih ka hrechiang.. Roxy chu ka bulah chuan dingin a mei a tiche lup lup a.. Min rawn en vung vung a, amah vanga na ka ni tih hrethiam ve niawm takin a kun nguih a.. “Roxy..i thiam loh ani lo ania..” tiin a lu ka tuai zauh a..
.
“Chuan?” zawhna min zawt tih hriat takin a mithmul a tisang zauh a
.
“Ka tibuai ngawt theilo che.. Minute 20 chhungin Hotel ka thleng thei ang.. Chuan Taxi..”
“Tunang hunah helai hmunah hian Taxi I hmu lo ang..” hneh zetin ka kawngah min rawn kuah a, ka ban dinglam chu lain a kawngah min kuahtir bawk a.. Ka te chem chem in ka hria.. Feet 5 leh 2inch.  a sang tan chuan 6ft. aia sang mipa, taksa inphut tak ni bawk chu lian tak ani.. Hnial ka duh takzet.. Mahse keimahin ka kal thei dawn chuang lo..
.
Ka inrin hmain min pawm kang thut a, ka te that.. Roxy chu ka thlavang hauhin a lo bauh ve bawk a..
.
“Roxy…. Min lo zui ru le…” Ui te pawh chuan a thusawi chu awih in min rawn zui ve mai a.. “Tihian kan thleng hma zawk ang.. I rih em em loh hi..!” min melh rulh a.. Ka lo mengrang  hmanhmawh..!
.
“Ka hria..” ka lo ti hlar a. A nui hak a. a nuih zawng a a taksa nghawr dat chuan min ti khur thei hial mai.
.
 A in chu chhawnghnih a sang ani a, a lian lem lo nain a changkang a, a felfai thlap. Mipa in anih ang takin inchhung cheidan leh rawng zawng zawng pawh rawng  lar lo lam vek ani.
.
Sofa ah chuan dimte in min thuttir a, reilote kalsawn in first aid box nen alo let leh vat a. Ka ke chu enge maw in a phuh(spray) ser ser a, a tuam nghal bawk a.. A chezia chu ngawireng in ka en a, a thiltih chu a hrechiang in a hnehsawh hle.. A la kun lai chuan a hmel chu chiang zetin ka en reng  a..
.
Ka inrin hmain arawn hawichhuak a, ka mit ah tak min rawn en lehnghal.. Kan inen ran ran a.. A mitmu rawng chu ka sawithiam chiah lo.. hlauhawm taka thil de leh, mi hneh theihna, mite thunun thei tura thuneihna enge maw tak anei chiang khawp..
.
‘Ah..ka lawm e’ ka ti bah nak a… A nui suk ringawt.. A hmel chu enreng ngam lo in ka hawikual  a, bang a lemziak intar ka hmuh chuan ka phu zawk.. Ka kutchhuak a ni..!
.
Lemziak intar lam chu en ve in ‘he lemziaktu kutchhuak hohi ka ngaina khawp mai..’
‘Keipawn ka ngaina..’ hetiang mipa in ka kutchhuak a ngaina chu nuam ka ti ru veng veng.. He lemziak hi a ziaktu ka ni tih a hre lo tih ka hrechiang viau bawk..! Ka lemziah tamtak hralhchhuak in hlawhtling viau tawh mah ila, mipui hmuh ah ka hmel leh ka hming diktak ka pholang ngai lo..! Lemziak chungchang chu a  sawithui ang tih ka hlau deuh bawk..
 ‘Chuan..phone chu min hmantir thei angem?’
‘Ok..’
.
.
Ka unaupa (Danny) alo thlen chuan ka thawveng huai..
.
‘Ka farnu ilo tanpui vangin ka lawm hle mai..Mr..?’
.
‘Varshavski.. Mikhail Varshavski.. Mike tiin min ko thei ang.’
.
.
MIKHAIL’S POV*
.
Laura… Nia, ka tum lawk miah loh a ka tanpui hmeichhia hi Laura ani..!
.
Darkar 1 pawh la ral lo ah khan Roxy(Ui) nen Gym atangin ka in lam pan in kan haw a, Roxy chu amah rawn ko tu lamah phur zetin a tlan a, ka umzui vat a. Roxy rawn kotu hmeichhia chu kawngah alo tlusawp niai a.. Engtin nge Roxy hming hi a hriat ka hre hauh lo.. Oh..option 1 a awm.. Internet ah alo chhiar ve ani ngei ang..! Hmeichhe ho tak hi chu(h)..!! Ka kalna lam apiang ah min tibuai ta hlawm chu anih hi..!!
.
Engtin nge ka Ui hming a hriat tih ka zawh chuan min en vang vang a, ka thusawi awmzia a hrelo niin alang.. Ngaihdan nih loh hmel deuh takin ama Ui a koh thu a sawi a.. Thil intawng fuh mak tak chu ani.. Kan ui hming  a inang chiah..! Ka lo rinlawk anga min zui ru tu a nilo tih a hmel landan atang chuan ka hrethiam bawk.. Diktak chuan ka hmel a hmuhchian hnuah pawh min hre miahlo tih ka hria..! Thil tha tak ani.. Mak ka ti bawk..! Thla 8 chhunga min hre miahlo tu hmeichhia ka hmuh hmasak ber ani hial ta ve ang..!
.
Puih tuma ka kut ka pek pawhin khawih thianglo ang maiin ka kut chu a en reuh lehnghal a.! Min hre miah lo tu tanpui chu ka phur ru viau bawk.. Min hnialdan a zawng a, mahse duhthlan tur a nei lo.. Ke na chung chuan khawi thleng mah a kal chuang lovang..
Taxi chungchang a ka thu hrilh kha chu dawt ani..! Ka thusawi nemnghet tur a Taxi arawn kal miahlo kha thilmak tak ani bawk.. Ka vanneihna a kaltluang dawn ani ngei ang.. Eng ngaihtuahna nge ka neih pawh ka hrelo e.. Taxi lo kalloh vang ringawt a vannei ka intih tak chu..ka hmeichhe hriat ngai pawh nilo vang lehnghal in..
.
A unaupa kan nghah chhunga a chungchang ka hriat zawng chu a hming ‘Laura Sean Sullivan’ ani a New York City a cheng ani tih leh helai hmunah hian a unaupa nen chawlh hmangin an kal ani tih chiah hi.. Lemziak a ngaina tih a sawi tel  tak e.. Han titi pui vak turin tlachawp tawngkam a tlachham mah mah ani. Ka chanchin min zawtlet miahlo bawk.! Heipawh thilmak..
.
Ka in atanga an chhuah dawn chuan ‘Thank you, Dr.’ tiin min nuih sang a, a mitmeng dum kal leh nung ser chuan min hip viau..  Hei pawh nakin lawk a ka ta tur..Ka hmeichhe duh tawh ka hlah ngailo a, vawikhat ka mutpui chuan a lehpek a awm tawh ngailo thung..! Ka ngaihtuahna hip chat hmeichhia hi ka la tawng lova, ka mit la zawng erawh ka tawng tam khawp.. Tichuan, a eng amah hmain kha hmeichhia khan thlahlel taka min kuahin min fawp se ka duh ani.. Chu chauh lo pawh..?!
An kal liam hnu chuan a unaupa card min pek chu ka en vang vang a.. Sullivan Corporation Ltd., New York City..
Danny Sullivan…hmm.. Cathy’n ka bula a sawi thin a bialpa Danny kha ani ngei ang.. Phur zetin phone ka la a, Cathy phone number ka dial nghal a..
.
Cathy ka biak zawh chuan ka hun hman tumdan ka thlak tih ka inhrechhuak chiah..! a chhan ka hre biklo. Kha hmeichhia kha hmuh leh ka chak ani.. A nuihmel..nilo..a mitmeng..chu chauh pawh ani lo.. Eng thil nge maw ka buaipui le..?? Vawikhat chauh ka la hmuh hmeichhia ka ngaihtuah zawm tak chiam chu.!
.
Osteopathy(ruh leh tihrawl enkawl dan) Doctor ka ni a, helai hmunah hian chawlh hmang a kal ve tho ka ni. Kar 1 hnuah New York  pan in ka haw leh ang..
Budapest hi ka tan a hmun pawimawh tak a ni. Chawlh hmangin ka kal fova, chuvang a chawlh hmanna in pawh hi lei ka ni. Heart of Europe a nihna te, Capital of Freedom(zalenna), Capital of Spas and Thermal Baths, Capital of Festivals… hmun nuam tak tak te hi ka thlakhlelh chhan a nilo.. Heng thil zawng zawng te aia ka tana hmun pawimawh anih nachhan chu ka nu in min boral san hma a kan awmdunna hmun hnuhnung ber anih vang ani..
.
.
LAURA’S POV*
.
‘Cathy, keimah….vawiin ah hian maw?...ni e… Gellert..dar 12..’
.
Minute 10 vel zet tur phone a hman hnu chuan min ngaihtuah tih hriat takin Danny chu ka bulah arawn thu a..
.
‘Cathy ania, vawiin hian Gellert Spa ah kaldun a duhthu arawn sawi a, I duh chuan I kal ve thei ang’
.
‘Ka ke hi..’
.
‘Oh, nia..i ke avang pawh khan I kal ve ngei angai zawk alawm… Art Nouveau steam bath I ti thei anga, Thai massage te..helai tuilum mi tihdam theihna nei te hian I ke na kha a ti ziaawm ngei ngei ang..i vun a nalh sawt bawk ang..’
.
‘Duhtawk teh.. Ok. Ka kal ve ang.. Cathy nen kan inhmuh lohna chin pawh a rei tawh alawm..’.
‘Tha lutuk..dar 11 ah kan chhuak dawn nia..’
.
Ka kal ve dawn vanga phur nge anih, a bialnu a hmun dawn vanga phur tih pawh ka hre hrang love..! Nia, Danny chauh hi unau pianpui ka nei a, ka tana mi pawimawh leh ka thiantha ani bawk a, ani pawn keimah ang thovin min thlahlel in min ngai a, a theih chin chin ah hun pawh kan hmangdun tam khawp mai. Kan chhungkaw sumdawnna enkawlin a buai a, hunawl erawh a nei tlem khawp.
.
Ka thutna atang chuan thovin muangchang in bathroom ka pan a, ka ke na pawh tlem chuan a ziaawm ta.. Ka kal bai deuhhlek chauh ani. Doctor-a damdawi hnawih vang kha ani ngei ang.. Doctor chhelo leh hot zet kha..!! ‘Ngaihtuah zawm duhlo zawk rawh’ tiin ka inhau rilru hlak a..!
.
11:45AM – *THE GELLERT*
.
Thlalak a ka hmuh ai khan atak ngei a han hmuh chuan a nuam in a lo ropui zawk nasa mai.. Swimming pool zau tak hualchhuak in tile  a inphah chhuak vek a, building var, lian leh nalh zet a awm bawk.. Pool sir hnaite ah chuan thingkung a hring hlup a, chung thing daihlim hnuai ah chuan nuam taka mut hahchawlhna tur a awm vek a.. Inchhung leh pawn lamah tuilum a inchiahna tur nuam tak a awm bawk.
.
Chhungkua hlim taka infiam te, khualzin chi hrang hrang, sumdawng mi leh upa lam tawh Chess lo khel mawlh mawlh te..inngaizawng inhmangaih hmel tak tak te..mmm..hmun nuamtak chu anih phawt hi..
.
‘Honey..’ Cathy chu nuisang a kan lam panin arawn kal a,ka unaupa nen chuan inkuah in duhthawh zet hian an infawp vang vang a.. Ka unaupa duhtak hi Cathy bula a awm tawh chuan a hlim tih a hmel atangin ka hrethei thin..
.
‘Laura..kan inhmuhloh chhung a rei hle mai.. Enge I an?’ Cathy chuan ka unaupa chu thlahin ka bulah a rawn thu nghal a..
‘Ka tha e..’
.
‘Oh, chuan..honey, ka thiantha ber pawh helai hmunah hian lo kal ve turin ka sawm a’
.
Kan lam pana mipa lo kal ka hmuh chuan ka ner sak a.. Hepa kher chu nilo hram rawh se…
.
‘Honey, heihi ka thian Alex King.. Alex, heihi Danny leh a farnu Laura..’ Alex chuan a tihdan pangngai in a mitmeng lerh zet chuan min melh sawr sawr a.. Tenawm lutuk.. Engtin nge hetiang mite Cathy thiantha ber anih theih..!
.
Alex King hi High School ah kan senior ani thin.. Hmeichhe kawp duhloh pawh a neilo niin ka hria.. Hmeichhia zawng zawng hian an duh vek turah a inngai bawk.. Sum a ngah a, engkim hi sum a lei theih emaw ati a, hmeichhe tamtak chu a thang ah awk in an nun a chhiat phah reng ani.. Mahse, kei kher hi chu engtik ah mah min kawp chuanglo ang.. A beidawng duh thaklo lehnghal..
.
Ka ni hman nuam tak tur hi he mihring vang hian ka tichhe lovang..!!
.
‘D..Thai massage chu tunah hian ti ila a that ka ring’ ka thutna atang chuan ka tho nghal a.
.
‘Keipawh chu chu helai ka lo kalchhan pakhat ania..’
.
‘Minlo hrethiam la, keimah a awm ka duh zawk a’ tiin Alex chu ka chhang liam puat a. Ka awmdan chu a mawi chiahlo tih pawh ka hre tho a, mahse hepa nungchang hi ka tuar thei thlawt lo..
.
‘Nuam takin le’ tiin Danny chuan ka chalah min fawp zauh a..
.
Ka ke la na deuh vang chuan muangchang in ka kal a. Tuemaw hian na zetin min rawn su a, ka pai nawk a, ka bag kenlai chu ka thlauh bawk.. Min rawn sutu chu ka enzui a.. tihpalh tih pawh sawi a tum miahlo ani awm e..
.
‘Nungchang mawi zirtir a ngai anih kha..’ chu aw nalh zet chu khawiah emaw ka hre tawh chiang..
.
Tawngri ka hriatna lam hawiin ka inher a, ka hma ah chuan ka bag kengin Doctor Hot-a(?) alo ding reng a.. A nui ve ngailo anih ka ring.. Serious run reng mai..
.
‘Ah..Dr.. ’
.
‘Mike...’a la nui chuang lo..takzet hian..! min enchhuk run a..
.
‘Kan intawng fuh thei hle mai..’
.
‘Thai Massage ti la a that ka ring.. Chuan I bag hi chu ka lo kensak thei ang che’ tiin ka ke chu a melh zauh a.. Ka bulah chuan a rawn ding hnai a, ka vawn turin a ban a siamrem bawk a. Han hnialna hun min siam miahlo..! Diktak chuan ka hnial phalloh vang ani bawk.. Tim ru takin a banah chuan ka vuan a.
.
Thai Massage ka tihzawh chuan ka dam huaiin ka hria.. Hetiang baka chawlh hmandan nuam hi a awm chuanglo. Dr..Mike..Nilo.. keichuan Mikhail tih ka duh zawk.. Ani pawn Thai Massage a ti ve tho a..chuan a landan in min kalsan mai a tum hmel loh.. Art Nouveau steam bath ka tih leh hnu chuan eitur chiah rilru ah a awm tawh..
‘I ril a tam tawh ka ring’
.
‘Nia, tlem in..’ a hmel en chho in ka nui sang a.
 Danny te awmna ah chuan letleh in hmundang a kan kal tur thu ka hrilh a, vanneihthlak takin Alex chu hmuhtur a awm tawhlo..
.
Mikhail nen kan kalsawn dawn chuan Cathy’n arawn siai zauh chu ka hmu fuh chiang khawp mai.. New York Hospital pakhat ah an thawh ho thu an sawi tak e..
.
Gellert Hill chhip a Busulo Juhasz restaurant, hmun hringdup in a hual vel ah min hruai a, chaw leh thildang chu lo dahtha ta ila, khawthlir na hmun atan a duhthusam ani.. A ropui takzet.. Chu zawng zawng ai pawh a hmuhnuam  leh ka mit la thil chu ka hma a thu mipa hi ani..! Ka ngaihtuahna te hi ka hmelah a lan loh hram ka beisei..
.
Kan eitur chah chu eiin kan ngawidun ran a.. Sawitur leh han titi pui dantur ka hre vaklo.. Amah lah hi ngawi run in min en reng a, nuam ka ti miah lo.. Ka lo zui ta kher kher ani..
Tawng a tum miahlo.. A mit ringawt te chu a biak theih hleihnem.. a hmui hi tawng na tura siam ani tih a hrelo aniang..!
.
.
MIKHAIL’S POV*
.
 ‘Chuan, Mikhail..’
.
‘Hmm..’ ka hma a thu hmeichhia chu ka thil eilai dah meuhin chiang zetin ka en a.. Ka en reng avang chuan a hamhaih deuh anih hmel.. Tui tih hmel taka eitur a ei chu hmuh a nuam a..a hmui ka en rual chuan ngaihtuahna dang ka nei bawk(?).. Mak lo ti suh.. MIPA ka nia lawm le..
‘Pawi I tihloh chuan Mikhail tiin ka ko zawk thei che angem?’ tiin a nui sak a..
‘Aw..’ Makhail tia min koh khan ka phu zawk ani.. Ka nu chauh in hetiang hian min ko thin..
.
‘Chuan, engtik nge..’ aw ring zet hian a thusawi chu arawn luahlan a.. Eng thil in nge helai ah hian rawn hruai thleng a..Tunah nilo..!!
.
‘Oh My Goodness… My HERO..’ Naomi  chu ka bulah rawn kal in mi rawn nek talh talh a.. Ka beng bulah rawn kunhniam in ‘Hey..sexy’ arawn ti sar sar a.. A thusawi chu hria in Laura chu a mengphar ak a..
Naomi hi Super model lar tak ani a, a nihna a inhre viau bawk. Tumah hmaizah a nei ngailo.. Inkungkaihna ka lo neihpui kha ka inchhir hial reng ani.. Khum lamah chuan expert ani a, engmah zir belh leh tur a nei tawh hauh lovang..! Ka hrechiang khawp..
.
‘Ka lo zawm ve thei che u angem?’ Laura chu a melh ralh a, a thiltum chu ka hailo. Kan chhan hma hauhin ka bulah chuan min hnaih thei ang berin arawn thu nghal a..
.
Ka thutna atang chuan ka tho a, ngawireng in Laura chu ka kai a, ka kalsawn pui a..
‘I chetdan chu a mawilo hle mai’ tiin Naomi chu a rawn au zui ta lehnghal..
.
‘A thusawi chu a dik.. Khatia tih kher kha angai miahlo’ Laura chu a phun sap sap a..Muangchang a kalpui in a kut chu ka la vuan ta reng a.. A kut vuan chunga kal hi ka tihtur diktak niin ka hria..!!
.
.
.
‘Naktuk 7pm ah.. Ka rawn hruai ang che..’
.
‘Eng maw? Eng vangin?’ ka thusawi chu mak ati viau tih a thup lo..
 ‘Dinner.. Nimin a ka puihna che min rulhlet na ah ngai mai rawh’
.
Makti zetin min en a.. Nia, keipawn ka tawngkam chu mak ka ti.. Mi ka tanpuite lakah engmah hmuhlet leh ka phut ngailo.. Chhuanlam han siam mai tur ka hrelo thut ani.. Ka bula hun hmang turin ka duh.
‘Engtin nge..? Nilo.. Hun ka neilo ang..Ka tihpalh.. Thildang in ka rul zawk ang che’
A kut chu la kangin ka fawp zauh a, a hamhaih hmel chu hmuhnuam tak ani.. A mitmeng dum kal chu a buai nak a.. A ngaihtuahna hloh thak khawp a fawh ka chak takzet.! Hmeichhe mak tak chu ani..ka sawmna hnialin a tihpalh thu asawi zat bawk a.
.
Enge maw a hriat reuh ni? Hmeichhia tumah reng reng in ka sawmna min hnial ngailo.. Vawikhatmah..vawikhat inhmuhna a ka sawm pawhin tuman min la hnial ngailo.. Hmeichhia in min hnial hi ka duhzawng anilo bawk..
.
‘Naktuk  7PM ah.. Lo inpeih ang che’
A kut ka vawn chu thlah in Car kawngkhar ka hawnsak nghal a.
.
Cathy hnen atangin khawi Hotel ah nge an thlen ka hre tawh a, ka hmabak zawng chu naktuk zan ah Dinner min kilpui tura va hruai chauh ani.. A ka chuan min hnial ngei a, mahse alo inpeih tho ang tih ka hria.. Min hnial thei hauh lo ang..!
Ka chetdan hi a pangngai chiahlo tih chu ka hria a, mahse ka pawisa lo.. He hmeichhia hi min chhuahpui turin ka duh ani.
.
Kawng tluanin engmah kan sawi tawh lo. An thlenna Hotel kan thlen chuan kawngkhar ka hawnsak pawh nghak lovin a chhuk a, rang zetin ka umzui nghal a.
.
A kut ah kai in Elevator thleng ka thlah a.. a kut chu thlah turin min duh tih ka hria, mahse a thilduh chu tih puitlin ka tum lo..amah hmutu mipa reng reng in an enzui vang vang zel chu ka duhlo..chuvanga kai tlat ka ni.. Nimin mai a ka hmuh, hun ka la hmanpui tamloh leh vawikhat pawh ka la fawh loh hmeichhia hi hetiang hian ka veng ang tih tunge hrelawk thei bik ang..! Ka thiante chuan min hmu se maktih lutuk vangin an mit a pawngchhuak zawk ta ve ang.. Hmeichhe dang laka ka tih ngailoh ka ti leh, ka ngaihtuahna danglam, he hmeichhe laka feelings danglam tak ka neih hi an hriat ka duh hauhlo bawk..Nia, hetiang thil..mite laka venhim duh hmeichhia hi ka la tawng ngailo tlat alawm..
.
 Mak tak in zan ka mutna ah ka ngaihtuah a, ka muhil thei lo..
.
Khua a var a, ni a rei takzet.. Tlai lam dar 5 a rik chuan ka vei sek tawh a.. Dar 7 rik hun ka nghahhlelh ber tum ani chiang khawp.
Ka harh thut.. Engvangin nge hmangaihna a tlulut ang mai a ka vir buai sek.. Hmangaihna hi a awm ngei chu ka ring a.. Mahse tuna ka awmdan hi hmangaihna vang ani chiah angem? Hmeichhia engahmah min ngailo tu ni a lang in ka sawmna a hnar kha ka tan chuan chona thar ani..! Chona..Indona..hnehna ka chan ngei na tur indona.. Hlohtu leh tlawm zawk ka ni ngai reng reng hleinem.. Chu chiah chu ani..Indona.. He hmeichhe lakah hian ka tlawm hauhlo ang.. Hnehtu ka ni ngei tur ani..
.
*HILTON HOTEL*
 6:40PM
.
‘Laura Sean Sullivan..?’
.
‘Room number 207’
Receptionist min hrilh angin Room number 207 ka pan a, elevator atang a chhuah chuan ka duhtak ka hmu nghal..
.
    ‘207’
.
.
LAURA’S POV*
.
 Ka chhuahpui dawn nge chhuahpui dawn lo..?? Nilengin ka ngaihtuahna a luah tawh..
A tha e.. Mikhail sawi ang khan ‘Min puih vanga lawmthu sawina leh ka rulhlet na ani mai tiin ka ngaihtuah lui a.. Vawikhat dinner kildun ringawt chu thil pawi vak ani hleinem. Thil dang engmah a thleng zawm lovang.. Diktak chuan kei kher dinner kilpui tura min sawm hi thilmak ani. Doctor ani tih bak hriat ka neilo nain, Naomi te ang kawp thei chu mi engemaw tak ani ang tih ka ring. A pianphung, a awmdan leh a chezia te, a tawngkam te..a mitmeng danglam tak te.. Hm..duhtawk rawh.. I ngaihtuah tam mah mah..’ tiin ka inhau hlak a..
.
Ka thawmhnaw hakchhin apiang a fuh tawk theilo.. A landan a nalh tawk thei heklo.. Ha..eng thil nge maw ka tih le.. Hip ka tum chu ani em lovang chu.. Mipa pakhat chhuahpui dawn vang maiin ka awmdan ka ti danglam kher lovang.. Ka nihdan phung pangngai in ka awm ang. Mahse, ka zam ani..
.
Kawngkhar kik thawm ka hriat chuan ka sana bun chu ka en vat a.. Mikhael ni tur chuan ala hma mah mah.. Danny ani ngei ang..
.
Pheikhawk pawh bun lovin kawngkhar lam ka pan a, ka hawn chuan ka phu deuh zawk.. Thaw tichham thei hial khawp a mipa chhelo…ka hma a ding chuan ka keler atanga ka chhip thlengin min en a, ka sa pup pup thei nia.. Ka biang sa hat hat chu ka haw takzet bawk..
.
‘Min endik zo em?’ ka tih chuan harhchhuak thut niawm tak hian a mithmul a tisang zauh a, engmah a sawilo.. Lo lut turin ka hrilh a, ka inpeih trep thu nen..
.
.
Elevator kan nghah lai chuan min hnaih zet ah a ding a, a rim pa hrak chu ka hre thei..a hriat hlau takin ka hip vang vang a. Keihi ka diklo zo ta ani ngei ang..!!
.
Elevator ah chuan mipa 2 kan rualin an lut ve a.. Mikhail chuan ka kut rawn vuan in min dinhnaih lehzual a, a awmdan chu ka bodyguard ni awmtak ani.. Nuihzatthlak in.. Bodyguard in an mi ven te kutah an kaih ngai pawh ka hrelo e..!!
Mipa 2 awm ve te chu a melh rulh a.. Enge maw a hriat ni..?
.
7:30PM
.
Minute 20 vel zet motor a kan kal hnuah kan ding ta hram a. Kan inmelh leh zauh thin tihloh chu kan inbe tamlo hle. Khawiah nge min hruai dawn tih pawh ka zawt buai duhlo..
Motor atanga kan chhuk hnu chuan ka hma ah kalin min la kai ta reng a.
.
Lalpa…a pianphung en ringawtin ka buai a, ka lo hawichhuak miahlo ani.. Helai hmunah hian min hruai ang tih ka ring phalo..!
.
Lawng lian tak bul ah kan ding a, Lawng a hnathawk tihloh chu midang ka hmulo.. Khawnge midang zawng zawng hi.. Zawhna zawh ka tumlai chuan ka pum a ri raih raih a..ava hunlo tak..
.
‘Eitur I mamawh tawh anih kha’ tiin a nui suk a, ka zak chem chem… ‘He pum hi..rik hun hrelo lutuk’ Ka ngaihtuahna naupangchhia zet vang chuan ka nui hak hak a, Mikhail chuan ding meuh in min en vung vung a, a mitmeng awmdan chu ka hrethiam chiah lo.
.
Lawng chung zawl ah chuan chair leh dawhkan ka hmu nghal a.. A bul vel chu ka enkual ruai a..ka thup theilo..a mawi thlawt ani.. Light chi hrang hrang a de neuh neuh a, romantic dinner..nilo..kan inkar ah engmah a awmlo a, inngaihzawnna chungchang chu ngaihtuah pawh ka ngaihtuah tur anilo.. Thawk ka la halh a..
‘A mawi lutuk…’
.
Ka thutna turin chair chu min pawhchhuah sak a, ka hmazawn ah chuan a thu ve nghal bawk a. Eitur rim ka hriat chuan ka riltam tawh zia ka hrechhuak leh chiah..
.
A thleng a eitur chu a zai mawlh mawlh a, ka hmazawn ami ka khawih ve hmain a thleng nen chuan arawn thleng a
‘Tikhan ei a awlsam zawk ang’
‘Ka lawm e’ ka lo ti ringawt.. Hepa awmdan hi ka awih thei thlawt lo.. Ka rinloh dan hlirin ala che.. Kan eichhung chuan eng eng emaw kan sawi a, diktak chuan titi neuh neuh hi ka thiam vaklo. Zawhna min zawhin ka chhang a, han zawh let vak tur pawh ka hre chuanglo. Ka inthlahdul hleithei lo.. A huhang na zet hi ka zolo ni berin ka hria.. Ani ang hi chuan hmeichhe tamtak a kawp tawh ngei ang.. Nalh tak tak anni bawk in ka ring..
.
Mikhail tawngri chuan ka ngaihtuah na atangin minti harh a..
‘Engmaw I sawi?’ ka ti ha a.. Nui sukin a kun deuh a
.
‘Engmah ni love.. I thil ei kha tui I ti em?’ a thusawi a thlak tih ka hrethiam a, mahse a hma khan enge a sawi ka hre miahlo.. Thildang ka ngaihtuah tawh lo ang..
Kei ka hahdam lo in ka insangmar teuh reng a, ani hi a landan a hahdam hmel in nuam a tih hmel hle sia..
‘Ah..tui ka ti lutuk.. Mahse enge ka ei hi ka hre miahlo’
Dawhkan a eitur ho chu a kawk in an hming a sawi diat diat a ‘Palacsinta, Porkolt, heichu I hria.. Crepes..’
A hmel pa lutuk chu ka en reng a.. Ka inveng hman thlawt lo..
.
 Darkar 1 zet aral  hnu chuan Lawng bathlar a dingin ‘Denube’ lui kam mawi zet chu ka thlir a, intur ka keng bawk.. Helai hmun aia mawi hi a tamlo khawp ang. Hungarian Parliament Building(Ram rorelna in, Hungary ram a building lian ber) chu a lang chiang hle.. Helai hmun ka awm chhung hian ka tlawh hman dawn talo ani..
.
 ‘Ka duh che..’ ka kawngah min rawn kuahin a kunhniam a, ka bek ah min thawkkhum lum ham ham a.. A thawm ka hre lawk miahlo.. Phone call chhang turin min kalsan lawk kha ania.. Chuan tuna a thusawi hian min thawng takzet..
.
‘I sawichhuah hmain ngaihtuah rawh’ min fiam tih ka hria alawm.. Engvangin nge a vawikhat thusawi hi ka ngaih thutak nghal ngawt ang..!
.
 Ka inrin hmain min kuaiher thut a, rawn kunhniam in ka hmui ah min fawp a.. Ka thukhum sam ah na lo te in a tham a, a duhthawh telh telh bawk.. Ka hmuiah a seh zeuh a, ka thaw hak a.. Remchang ah la vatin min fawp zui a. Lo dang turin chakna ka neilo.. A nghawngah kuahin ka fawp let a.. !!!! Mipa ka fawh hmasak berah hetiang hian ka awm ang tih tunge hrelawk bik ang..!
.
Kan infawh vang vang hnu chuan zawimuang a inla hrangin a nui suk a..
‘Ka duh che’
.
A awki a hniam raih in, a hmel leh a awmdan atang chuan a serious hle..
.
.
MIKHAIL’S POV*
.
Eng thil nge ka hmuh hi..!!
.
Pheikhawk pawh bun lovin kawngkhar arawn hawng a.. A nalh takzet.. Ka mit ka la sawn theilo.! A ke ler atanga a chhip thlengin..a nalh takzet.. Vawi engzat nge a nalh thu ka sawi dawn..?? Ka endik zo tawh em’ tih min zawh chuan ka harhchhuak ve chiah..
.
Elevator a lo chuang ve te chu ka tan an hnawksak viau.. An mit a nghal mah mah bawk..
.
A dan pangngaiin ka hruai tumna hmun kan thlen hma chuan ngawi rengin a awm a, enge maw ngaihtuah chu a nei chiang khawp.. Min endik niawm tak hian min melh leh zauh thin. A lubur tereuhte ah hian thil tamtak a ngaihtuah ve chu ani phawt mai.. Cruise (Lawng lian) kan thlen chuan a hawichhuak ve chauh niin ka hria.. Hmun mawi tak hian a rilru a la hneh hle tih a hmel ah a lang vek bawk..
.
A pum ri raih raih avang chuan zakin a sen ap ap a,a duhawm takzet.. A nui ri hak hak ka hriat chuan ka khawng zawt ni maiin ka inhria..ka theihnghilh leh tawh loh tur nui ri ani...a hmui no leh nem hmel zet ah chuan fawp mai lo turin ka insum hram hram..
A vawihnih nan tui ti taka eitur a eilai ka hmu leh ta bawk.
Hmeichhe dang angin ka chanchin min zawt duah lova..chu chauh lo pawh.. He hmeichhia hian engtin emaw tak min hneh ani..ka sawichhuak thiamlo.. A bula ka awm hian ka danglam..ka inhriat hauhloh laiin min tinui fo bawk.. A bula ka awmdan a danglam ang hian hmeichhe dang bulah ka awm ngailo. Ka ngaihtuah ngailoh thil mak tak tak ka ngahtuah phah bawk a..
.
 Phone call pawimawh ka dawn vangin ka kalsan lawk a, ka let leh chuan lawng bathlarah dingin a hawi vang vang a.. Minute 10 vel zet ka en hnu pawhin a bulah ka awm ve tih a hre miahlo.. Hmeichhe mak tak chu ani e.. A bula ka awmreng laia khawvel danga min chensan daih chu ka remti lo bur..! Dinner kan eilai khan nalh ka tih thu leh a hmel hmuh nuam ka tih thu ka hrilh a, chupawh chu a hre miahlo. Enge ka sawi tih min zawh nawn khan engtin emaw ka na tlat a, ka sawi nawn duh talo..
.
A kawngah kuah in a bengbulah ka phun sap a.. Engmaw??? Eng thil nge ka sawi hi..?? A dik alawm. Ka duh ani..he hmeichhia hi ka duh..ka ta chauh ni turin ka duh..!! Ka fiamthu hauhlo tih ka hriattir ngei bawk ang.
Ka fawhna min chhanlet dan chuan min tiphur takzet.. Kan inrem thlap bawk..
.
.

NI 3 HNUAH***
SZIMPLA KERT**
.
‘Sir, a chak viau ania.. No 4 lai I in tawh’
‘Ngawireng khan min pe rawh..’ Ka thinrimna chu ka thup hleithei lo.. A thlawn in ka in pawh ani lo a..
.
Ka thutna atang chuan kawngkhar a alo lut lai chu ka en reng a. Ka awih theilo.. Danglamna pakhatmah a awmlo.. A hmel chu a hlim sar a, min zawng niawm takin a hawikual a.. Eng thil tehhrep nge a tih hi..!! Hmeichhe dang zawng zawng aia danglam ni turah ka ngai a, ka tisual let der ani.. Ni 3 chhung chiah kan la inkawp a, chuti chung chuan inthup thei lovin kan chanchin alo puangzar amaw..!!
.
A tirah khan min hrelo ni awm takin a awm vel a, engahmah min ngailo ang maiin lem a chang bawk a..! hetiang hmeichhe rilru hniam lutuk hi ani ang tih ka ring phalo..
.
‘Miss Sullivan..’ ka ko ri chu hria in min rawn pan vat a, ka bul alo thlen chuan ka hmel a diklo tih hria in hamhaih zet hian min en a.. A hmel hlim sar pawh a bo nghal.. A hlauthawng tur ani reng ani..
.
‘Mikhail, Eng thil nge thleng?’
.
‘Khatiang a min ko tur khan tunge I nih?’
.
‘Enge I sawi awmzia?’
.
‘Ka nuna mibik te chauhin khatiang khan min ko thei.. Ka engmah ini tawh lo.!’
.
‘Mik..’
‘Khatiang khan min ko tawh suh..’
.
.
LAURA’S POV**
.
Ni 3 chhung khan thil tamtak kan tidun a, hetiang khawp a nasa hian ka mihring pui ka thlahlel ang tih ka ngaihtuah ngailo.. Hmangaihna hi a awm tak tak ka ring ngailo a, chu ka ngaihdan atthlak zet(?) chu Mikhail hian min thlaksak vek ani.. Mipa te hian rilru natna bak min siamsak ngailo, keichuan la tawnglo mah ila ka thiante atangin ka hre vek’tih hi ka ngaihdan ani bur thin.. Mahse tunah chuan ka danglam tawh.!
Chhun lamah hmun mawi tak tak min tlawhpui a, Heroes’ Square, Castle Hill,..etc.. te, tlai ah hah hnepin a in ah kan let a, intihfai zawh hnuah sofa ah inkuah rial a thudun in Movie kan en ziah bawk a.. Ka hlim takzet.. Nizan khan Opera House ah kan kal a, vawiin hian Danny nen tihtur pawimawh kan neih vangin kan la inhmu miahlo ani..
.
Min hmuh a duhthu min rawn hrilh chuan phur zetin kal tura min hrilhna lam ka pan a.. Nia, keipawn nilengin amah ringawt ka ngaihtuah a, Danny min biakna pawh ka hrelo zauh zauh…! Darkar 24 pawh ala ral lo a, chuti chung chuan reitak inhmu tawhlo ang maiin ka ngai hman nia.. Ka a zo tawh anih hi..
.
Amah thlahlel takin ka pan a, tuna ka laka a awmdan hi ka beisei ang a nilo.. Duat taka min kuah leh turin ka duh a, min fawp turin ka duh bawk.. Ka thlahlel.. a engkim hi ka thlahlel ani.. A rim pa tak leh a nui hmel te.. A mitmeng danglam taka min melh thinna te pawh..
A thusawi awmzia hi engmah ka hrelo.. A tawngkam tin chuan vur tlang hlawm liantak ang maiin min deng dawt dawt a, ka thinlung chu chemte a vih ang mai ani.
.
 Ni 3 chauh ala ni.. Mahse, Ka inhriat miahloh laiin ka hmangaih ani.. A reilo tih chu ka hria.. keimah ngei pawhin ka hrethiam biklo.. Engpawh thleng dawn se zanin hian ka hmangaih ani tih ka hrilh ang’ tiin ka inngaihtuah lawk a.. Mahse, tuna a landan chuan min ning hluah hluah in min kalsan a duh tih a lang reng.. A dawnsawn dan tur pawh ka hrelo..
.
A tan engmah ka nilo.. A tana mi pawimawh chauhin Mikhail tiin an ko thei tiin min hrilh zo chauh a.. A tan engmah ka lo nilo..
.
‘Hetiang khawp a rilru hniam hi ilo ni a maw?’ a tawngkam kha zet avang chuan ka melh kawk a.. Enge thil awmzia tihbak zawh tur ka hrelo.. Ka zawhna min chhan a tum miahlo bawk..
.
‘A tir atang khan ilo tumlawk reng ani.. Min hre miahlo angin I awm a.. ’
.
‘Enge ka tumlawk chu.. Mik..Ok.. I thusawi hi engmah ka hrelo a, thil awmzia I sawi phawt anihloh chuan..’
.
‘Ngawi hmak rawh..’ a tawng ring ta deuh bawk a, kan bul vela awm ho chuan min rawn en thap a.. ‘tihpalh’ tih hmuiphun a sawi chung in kan bula awm ho te chu ka melh kual ta ringawt a.. Helai hmuna awm ho hian an mitmeng atangin Mikhail hi tunge anih an hria tih ka hre thei.. Chuan keipawh hi min hria niin alang bawk..! An phun sep sep hlawm a.. Eng thil nge thleng hi?
.
‘Vawikhatmah I hmel hi ka hmu duh tawhlo.. Min  kalsan rawh.. Hmeichhe tawng tam lutuk hi ka ngaina lo ania’ a tawngkam chhuak chu tur kha tak ang mai ani..
.
‘Thil awmzia I sawi phawt anihloh chuan ka kallo ang..’ hnai zetah ka en lui ve tang tang a..
.
‘Nang hian nungchang mawi I hrelo hle mai.. I hnaih tur leh hnaihloh tur mi pawh I thliar hrang thiamlo anih hi’ min endan chu ka tuar thei thlawt lo..
.
‘Keihi maw? Nungchang mawi ka hrelo a maw.. Min hnaih hmasa tu kha tunge..? Min duh thu sawitu kha tunge?’ amah kalsan turin min hrilh zo chauh a..enge ka la nghah reng? Eng thu nge ka sawi hi..? Ka thin a phu dup dup a, ka hlauthawng ani.. A fiamthu mai mai ani tih sawi a min nuih chungin min kuah se ka duh..!
.
‘He thil hi ka hrilh ang che.. Miss Sullivan..’ ner sakin min melh run a.. ‘I hnenah hian engmah tiam ka neilo, ilo theihnghilh hman elaw??..karkhat em pawh kan la inhre lo a, hetiang thil hi iti duh nghal a.. Ka lo tanpui che kha ka inchhir.. ka laka rawn inbarh lut chu nangmah ngei hi ini.. Tum neisa ran in tanpui ngai niawm takin I awm a’ a mitmeng vawt raih atang chuan a thinrim takzet tih a lang.. He thil hi ka ring theilo.. Mahse, a sawi dik.. Engmah min tiamlo.. Min fiam kual mai mai ani.. Atan ni 3 chhung kha alo rei lutuk pawh ani mahna..!
.
‘Tum reng vanga ilaka lemchang ah min ngai amaw? Mikha..i..i tawngdan chu..mi..mi nikhualo ang maiin min chhuah alawm..’ ka rilru na lutuk chu thup ka tum hram hram..
.
‘Tuna ka hriat zawng chu mi NIKHUALO leh MI TENAWM TAK  ini tih hi’ a mitmeng mawlh chu.. engmah pawisak neilo ang maiin a nui hak a.. A thusawi chu ka hrechiang ngang mai..
.
Tichuan kei hi?? Mak kati lutuk! Ka na takzet bawk! Tawngkam ringawt chuan ka thinlung natzia hi a sawifiah phalo.. Eng thil nge ka chunga thleng hi..!! Ka awm arawn tawt up up a…
.
Rang zeta inher in chu hmun atang chuan ka tlanchhuak dawr dawr a..

.
Hotel ka thlen leh meuh chuan zan dar 11 ari tawh. Roxy chuan ka lungngaihna min hriatpui ve niawm takin ka bulah chuan a bawk run a, ka tap zankhua zak. Danny a awmlo hlauh chu ka lawm khawp mai.. Cathy hnenah lawmthu awm rawh se..! Zanin taka an chhuak daih chu ka tan vanneihna ani.. Ka unaupa hian ka tap lai min hmuh ka duh reng reng lo..
.
Mikhail..ngaihtuah ber tur pawh ka hrelo..Engang ah nge alo inngaih..Nia, hmeichhia zawng zawng te hnar theihloh tur khawp a chhelo leh mi hip thei chu ani ngei mai.. Ka hmangaih hman bawk a..!! Thawt thawt hian..!
Mi nikhualo anga min ngai leh min ngaih hniam hmel lutuk a min bia kha ka tuar zo thlawt lo.. A sum ka mamawh lova..kan chhungkaw sumdawnna leh hausakna chu lo dahtha ta ila, ka chhungte min puihna tello in ka mamawh tawk aia tam mah ka thawkchhuak ve bawk e.. a engdang nge ka thlakhlelh viau tur chu ni reng reng a?
.
Ni 2 hnuah New York ah kan let leh a, ka chawlh hman hlimawm tak tur a ka ngaih, ka hman tawpdan chuan ka lung a tiawi thlawt lo.. Thildang engmah ka tichak lova, ka lemziahna pindan ah ka inkhung tluk tluk a.. Ka rilru natna leh ka thinlung nate hi ka lemziah hmangin tihreh ka tum ani.. Kum 1 ah vawi 2 ka lemziak te hi ka phochhuak thin a, January hian ka lemziah thenkhat ka phochhuak leh dawn bawk..
Mahse ka lemziak hian ka rilru natna min chhawk tak tak lo..Engmah awmzia a awm lo..
.
‘Bestie..lo hawng teh..sawifiah tur I nei’ ka awmna room kawngkhar inchum bur bur vang chuan ka thil ziahlai dahin kawngkhar chu ka va hawng a. Engmah ka sawi ve hmain a ri nghal bawrh bawrh a, ka best friend hian enge maw a hriat le?
.
‘Engvanga karkhat chhung zet inkhung nge I nih.. Budapest atangin I rawn let tawh tih min hrilh miahlo a.. he thil pawh hi engvang a ka laka zep tlat nge I nih.. Min rawn biakpawh miahloh chhan hi he thil vang hi ani tiraw..’
Ka  hma ah chuan a ipad hlai zet chu arawn lek kang a.. Ka thilhmuh chuan min ti phu chiang lutuk.. Mak ti zetin ka chhiar a..
.
**SEXIEST DOCTOR ALIVE..MIKHAIL VARSHAVSKI
Dr. Mike.. Entrepreneur(sumdawnna kengkawhtu,thuneitu) hausa leh Philanthropist(mi tanpui ngaite tanpui peih mi) ni bawk chuan Budapest a thilthleng chungchang kan zawhna chhang in dawt muhlum mai anih thu leh, khatiang hmeichhia kha a hriat ngailoh thu a sawi.. Dr.Mike thusawi hi a rintlak tura ngaih ani.
A hnathawh that vanga mite hriathlawh, PEOPLE  MAGAZINE in khawvel Doctor damlai zinga sexy ber a a thlanchhuah Mikhail hian mite ngaihven a hlawh a, October thla tir lama Laura tia in sawiin ‘Mikhail hian Ui ang maiin min zui a, a nupui atan min sawm bawk.. Min sawmna erawh ka pawmlo’ ti a asawi chu dawt muhlum ani tih a chiang e..**
Ka chhiarzawm thei tawhlo.. A hnuai ah chuan ka thlalak a awm nual bawk.. Tawngkam tuihnailo zet zet a mi chi hrang hrang in an comment na nen.. Mite hian ngatinge thil hrechiang lova tawngkam bawlhhlawh leh na tak tak an hman thin le..? An tuar atan a an duhloh tur tawngkam hi chu hmanglo se ka va duh thin em..
He thil hi engmah ka hrelo.. Mikhail hi mi zawng zawng ngaihven ani tih pawh ka hrelo bawk.! Min dem suh.. Ka nunah hian Social media in hmun a chang tamlo.. Changkan lohna ah ka ngailo a, ka mamawh a ka hriatloh vang ani..! Facebook account chu ka nei ve a, Twitter leh Instagram..ka hmang ngailo ve ve. Ka lo hrelo..Mikhail dinhmun hi engmah ka hrelo tak tak..!!
.
Engtin nge heng thil zawng zawng hi a thlen tih ngaihdan ka nei thiamlo..
.
‘Min chhang teh..Bestie.. Hetiang thil zawng zawng hi enge a awmzia?’
.
‘Ka hrelo..’ ka thu hnawk a..
.
.
 MIKHAIL’S POV**
.
    Min kalsan ta.. Nilo..ka tir bo tiin sawi ila a dik zawk! Thil nihdan tur diktak ani.. Hmeichhe rilru hniam lutuk kha engtin nge ka duh theih zawk..!! Hmeichhe danglam bik nia ka lo hria kha thilmak ani..!
.
A mitmeng a rilru natna kha ka hmuh hmaih lo.. Mahse, amah leh amah natna a insiam chawp ani.. Ka tihsual engmah a awmlo tih ka chiang.. Ni 3 chhung chauh kan la inkawp a, chuti chung chuan dawt muhlum khawvel hma ah a puangzar a..! Ka lak atang hian enge a beisei le???
.
Kei hian Ui ang maia zuiin, min nei turin ka ngen a maw?? A mumang ah pawh a thleng ngailo ang..!
.
‘Ka nun a thutlukna siamtu tur chu keimah ka ni. Ka tihtur chin leh tihloh tur pawh keiman ka ruahman ang..’
.
New York ah let leh tawhin ka hna ka zawm a, Budapest a thilthleng leh ka hmeichhe tawn chungchang kha chu ka tan engmah ani tawhlo.. Ka ngaihtuahna a luah tawhlo bawk ang.. Thil awmzia engmah  sawifiah lova a reh zui vang vang dan atang pawh hian alo diklo ngei ani tih ka ring nghet hmiah. Hmeichhe laktlak loh lutuk.. A landan ang ngawt a rilru thianghlim alo nihloh tawp kha..
.
A rimtui tak kha ka hnar ah a cham veng veng a, ka huat ang zat zetin ka rilru a luah bawk.. ka ngaihtuah tawh dawnloh thu ka inhrilh nawn tluk tluk a, chu chuan ka thinlung a luah nasat zia a tichiang.. Mikhail hi hmeichhe dawthei vangin a buai tur anilo.. Ka nihna a nilo bawk.. Hmeichhe tamtak an awmlai in..
.
Hun a ral bek bek a, ka nundan erawh a danglam chiang khawp mai.. Ka thiante bulah pawh nuihna chhan tur ka hmu ta manglo..
.
‘Thiana..i vawt raih reng mai.. Eng thil in nge tibuai che?’ Max, ka best friend hian thil a ngaihtuah tam mah mah thin..
.
‘Engmah anilo.. Ka chau anih hi..’
.
Hun hmandan ngai..zingah ka insawizawi a, chawhnu lamah ka duh ang takin Hospital ah hna ka thawk a.. Zan lam ka hna ah ka awl anih chuan party.. hmeichhia ka kawp kual viau bawk.. Mahse, ka rilru a hlim chuanglo.. Ka rilru chhungril takah hian engemaw kimlo a awm tlat ani.. Keimah ka ni tawhlo..
.
.
PARTY*
.
Music ring zetin a ri dup dup a, Max leh a bialnu (zankhat atan) pawh an duhthawh sawt khawp mai.
Ka bula hmeichhe lo kal chuan tlangnel zet  hian min rawn hnaih phar phar a..
.
‘Hey..Mr.Hot..’ a mitmeng ah chuan a beisei alang vek..!
Min biakna chu hrelo ang hmiah in ka awm a, hmeichhe thenkhat tha leh fel tak tak an awm laiin a tamzawk hi chu hetiang hi anni reng ani..
.
Ka ban ah rawn vuan in min rawn chul dan dan a, ka in sehruh treuh a.. Hmeichhia ka duh anih chuan keiman ka thlang ang..!
.
‘I mawngah khan ka ben hrep hma che in kalsawn vat rawh’
.
‘Mawnga ben chu pawi ka ti vak hleinem’ a nui sak a, min la rawn vuan nghet deuh deuh lehnghal..
.
‘MIN.KHAWIH.SUH.’
Ka tawngkam leh ka melhdan avang chuan min melh kawk a, a kalsawn zal zal a..
.
Hmeichhe nui ri ka hria a.. Chu nuiri chuan trek ang maiin min deng dawt ani.. Ka hria.chu nuiri chu ka theihnghilh tawh ngailoh tur nui ri kha ani.. Nilo..kha hmeichhia kha ka tan engmah ani tawhlo..
.
Nui ri lo chhuahna lam chu ka va en ta hram a, mahse ka beisei ang ka hmulo.. Hmeichhe 2 hlim zet a nui chu ka en reng a, pakhat zawk chu min hnungchhawn zawngin a ding a, a pianphung chu ka Laura.. Nilo.. Miss Sullivan nen an inang khawp mai..mahse tuna ka hmuh hi chu a sam a tawi deuh.. Ani kha chuan sam sei mawi tak leh rimtui tak anei anih kha.. Min hmachhawn zawnga ding erawh chu hmeichhe sam buang harhvan hmel zet ani thung. An pahnih chuan inkuah in pawnlam ah an chhuak a.. Enge ka hriat a ka enzui reng ni??
.
Ka inher leh chiah tih in hmeichhe rak thawt ri ka hria a.. Ka hawilet leh nachhan zawk tak hmeichhe rak ri vang ni lovin ka thinlung a awm reng hmeichhe hming lamrik ka hriat vang ani..!
.
Pawn a ka va chhuah chuan nichin lawka ka hmeichhe hmuh sam tawi zawk khan mipa..palian tak mai a beng lai chu ka va hmu hman.. Hlau miahlo in a hmachhawn lehnghal..
.
“I kut tenawm khan hmeichhe duhlo chung vawikhat pawh khawih leh tawh suh.. Anihloh chuan..” ka hresual lo.. Chu hmeichhia chu Laura ngei ani.. A kut chu thing nak in ka lam hawiin arawn inher a.
.
Min hmuh chiah chuan a hrawk a reh chawt ang maiin a tawnglai chu a tawp chat a, maktih hmel zet a phawk hra chungin min en ngawt ngawt a.
.
Ka inngaihtuah harh hmain a lam pan chuan ka kal a, ka mamawh ani.. Haw viau mah ila ka mamawh.. Nghet tak a kuah a, a hmui a fawh ka duh bawk..! Chu chauh lo pawh..
.
A awmna ka thlen hma chuan  inher in a thiannu chu a kai a, engmah sawi lovin a kalpui hlawk hlawk a.
.
‘Laura..lo nghak teh..’ ka tawng chu hrelo ang maiin Car kawngkhar a hawng a, a thiannu Car a aluh hnuah amah pawh chu a lut ve nghal a..
.
‘Laura..’
Car chhung atang chuan chiang zetin min rawn enchho ha a.. A mitmeng chu..
.
‘KA HRIAT NGAI LOH MI KA BE NGAI LO!’ engahmah min ngailo tih hriat zet a nui  sak chungin chak zet hian motor chu a khalhchhuak nghal a..!
.
END OF BOOK – 1
.

TRY ME?!! (so you can feel my love)
.
BOOK-2 (Fan Fiction)
.
By. Thantei_LauraSean Virgo

.
MIKHAIL’S POV*
.
“WTF* Engvang a umzui nge ka nih?” Ka bula Car chu ka tlawh pawp a..
.
‘Hey, Ka Car anih kha..’ nichin lawka Laura tibuaitu pa kha ani.. Min la vin ngam zawk a..! Engmah sawi lova alam panin ka hnek pawp a, a thal chiang khawp mai.. Yeahh..kha thil kha ka mamawh ani..!
.
.
Ka luna tluk tluk chuan min tiharh a, ka khum bula damdawi chu ka ei nghal a…
.
Khatiang taka tam zu ka in anih chuan tuna ka awmdan hi chu thil nihdan tur ve reng ani. Motor ka khalh theilo a, Max-a’n min thlah ta ringawt ani.. Zu in hian thil tha aiin thil thalo a thlen tih chu ka hrechiang khawp mai..
.
Phurlo zetin Hospital ka pan a, Budapest atanga ka kir leh hnu hian nuam taka ni hman ka la nei lehlo hrim hrim..
.
“Eng thil in nge tibuai che? Mike..Budapest atanga ilo kir leh hnu hian I danglam vek.. Hmeichhia vang anihloh hram ka beisei..”
.
“Max..” a thusawi dan chu ka duhlo tih hrethiam in a nui hawk hawk a..
.
“OK..Hmeichhia vang anilo tih ka hria alawm.. Hmeichhia vanga danglam chu ni la mak tiin ka tlu tawp ang”
.
‘A tha e.. Auction(thil lilam) chungchang kha?’ thildang ka sawiloh chuan ka thian-a thusawi hian ka mood a tifuhlo zual dawn tlat..
.
.
LAURA’S POV*
.
.
“Dar 8 ah lo inpeih rawh..”
.
“Sarah.. I hriat kha.. Party turin hun ka neilo..”
.
“8PM..O.K.”
.
“Sarah..”
.
Ka hnial leh thei talo. Ka thiannu Party tura inpeih at reng hi ka buaina pakhat ani.. Ka nu leh pa leh ka unaupa tihloh ah chuan min hrechiang ber tu ani a, min tihluih tlat chuan ka hnial thei dawnlo tih a hrechiang ani.
Kan inbiak atanga rei vaklo ah  dinner ei nghal turin alo thleng a.. Han chhuah takah chuan a nuam viau tho mai..
.
Budapest atanga ka let leh hnu a ka la hlim ve ber tum ani bawk.. Diktak chuan ka thinlung na avang hian engdang vak ka ngaihtuah lova.. Thil awmzia leh thil thlendan ka hriat chin ah phei kha chuan ka rilru natna chu thinrimna leh huatna in a thlak hlawk ani ber..
.
Mikhail..Nia.. Mikhail min ngaihdan..min ngaih hniam zia leh amah hmanga mite hriathlawh nih tum anga min ngaihna khan min vaw na takzet. A ngaih ang em a rilru hniam chu ka ni biklo e.. Engmah min zawtfiah lova min tawngkhum dan zawng zawng te kha..ka ngaihtuah ringawt pawh hian ka thaw a tawt up up thei..! Ka hua ani.. Ka tih anihloh thu a hnen a sawifiah tumna pawh ka neilo.. Ka tan chuan a hmingthanna leh a neih sum te hi engmah anilo.. Ka duh ber chu amah chauh ani..AMAH CHAUH.. Ka hua a, ka mamawh bawk!! Thil inkawp rem thei ngailo tur chu HUATNA leh HMANGAIHNA hi..
.
Hmalam panin ka kal anga, mipa avangin ka na nawn tawhlo ang.. Ka nundan phung ka thlak bawk ang.. Ahma a ka nundan anga mite pawisawi hlau leh midang mitmei veng reng reng a nung thin Laura kha ka ni tawhlo.. Ka ngaihtuah na anga che chhuak rawp ngam turin ka inringtawk bawk tur ani dawn lawm ni..? A bikin mipa lakah..!!!
.
Party nuamlo zawk zawk anih loh hi.. Ka nundan phung ka thlak ang ka ti takna a, zu erawh ka inlui thei chuanglo.. Sarah hi buaipui ngai khawpin a rui leh dawn tih ka hre sa bawk  a.. Hmelhriat thenkhat te nen inhmu in kan nui ho bawk a. Dar 11 arik chuan Sarah nen haw tumin pawnah kan chhuak a..
.
“Hey..Beauty..” palian, hmulphurh chhe zet hian min rawn pan a, zu rim a nam huam a, min rawn kuah a tum lehnghal.. Chhan pawh ka tum buai lo.. Kan kal pelh dawn chuan ka kawngah min rawn kuah bet a, a thachak zet avang chuan Sarah chuan min thlah lo theilo..
“Laura..” tiin a rak thawt a.. a tihdan pangai ania..a hlauhthawn deuh hi chuan a tre chul zel..a ruih lai phei chuan a chiai hma lehzual.
.
 “Sexiest Doctor chu ka ni velo na in ka tilawm ve thei tho ang che..” ka hmai zawnah arawn thaw lum huam huam a.. Ewww..ka ten zia chu..
.
“Min thlah rawh..”
.
“Teuhlo..” a kut hmul thur chuan ka hmai rawn khawih a tum a, ka lo seh chat.. Ten viau mah ila ka seh mai loh chuan tihdan tur dang ka hrelo.. A rum hruk a, a kut lehlam a min vawnna chu min thlah nghal bawk a. Thinrim meng sen rum a min en in min rawn ban leh a, ka theihtawp a na in a hmai ah ka beng thuai a.. Ka beng na bawk a, ka kut ka tuai vat vat a..
.
“I kut tenawm khan hmeichhe duhlo chung vawikhat pawh khawih leh tawh suh.. Anihloh chuan..”
.
Lalpa.. helai hmunah hian Mikhail hian enge a tih ve..? Ka tawnglai chu ka tawp chawt a, ka hmu thut chu mak ka tih zia ka thup hmanlo.. Ka lam panin arawn kal a, ka harhchhuak thut..
.
Ka inher hmak a, Sarah chu kaiin ka kalpui hmawk hmawk a.. Min rawn kohzui na chu hrelo ang in ka awm hmiah.. Maimitchhing zawkin ka thaw kawk a.
.
Car ka lutfel chauh tihin min rawn nangching a..
.
“Laura..”
A mitmeng chu..Lalpa min pui rawh.. Ka thinphu nasa zet chu reilote bak ka thunun thei dawnlo tih ka hria.. A hmel ka hmuh chuan ka rilru natna a zual bawk.. A hmel chu chiang zetin ka enlui ngat a.. Ka chak tur ani.. He mihring, min ngai hniam em em tu lakah ngat phei hi chuan ka chak em em tur ani..!
.
“KA HRIAT NGAILOH MI KA BE NGAILO” ka nui lui sak a, chak zetin motor chu ka khalhchhuak nghal a..
.
Lang theilo chin kan thlen chuan kawngsir ah Car chu ka tiding hrawk a, steering wheel bawhin ka thinphu nasa lutuk chu in thunun ka tum a.. Engvang in nge ka hmuh leh..? Engvanga min rawn pan nge anih..? Ka tah a chhuak ringawt lehnghal.! Insum takin ka tap hlawp hlawp a. Minute 5 vel hnu chuan ka tahchhuak zualpui a reh a, ka hmai ka hru nawk nawk a..
.
Sarah  ka en chuan alo muhil bawrh bawrh a.. A in tam bawk a, muhil nghal awm reng ani.. Tihian reilote ah a pum chhunga thil awm a ka atangin arawn paihchhuak ngei bawk ang..!!
.
.
THLAKHAT HNUAH*
.
 Thla liamta chhung khan ka hna ka thawk char char a, tunah chuan ka lemziah phochhuak turin ka inpeih leh ta.. Ka thawkrim tih piahlam ani e..
.
**Tun atanga karhnih dang a liam leh hunah ‘THE THORP ART WORKS’ phochhuah ani ang. Tun atang in a thawm a lian hle a, New York City a SULLIVAN ART GALLERY tlawh tu pawh an pung nasa khawp mai.. Lemziak mawi leh thilmak tak tak,mihring nuna thleng thin inphum rukna lemziak, ngaihtuahna hip thei tak tak te hi tu kutchhuak nge??
Tun thleng a ZAWHNA lian tak, kan chhan theihloh chu ‘THE THORP’ ti a hming invuah hi TUNGE? tih hi ani.. Keichuan mipa.. chhelo leh sexy tak anih ka ring..(a puangtu nu chu a nui hak hak a)
Kan hriat reng tur chu ‘THE THORP’ kutchhuak te hi kum 1 ah vawi 2..January leh July  thla ah  phochhuah thin ani.. Lo inring ang che..**
.
TV chu off in sofa ka ngheng ar ar a.. Tunah chuan lenchhuah a intih harh phawt ka mamawh.. Sarah ka be nghal a.. Full body massage ka mamawh a..thil dang dang nen.. Ka sam pawh tun aia tawi hian ka tan that angai bawk..
.
Sarah nen hmanhmawh hauhlo in kan chhuak dun a, nidang ang bawkin kan tawpna chu Genzi Salon bawk..
.
“Oh..my.. I lang dang vek.. I nalh lutuk..” Sarah chu a ri chul a.. Ka hma darthlalang a ka inen chuan mak tiin ka lu ka thing nar nar a.. A hma a ka landan nen chuan mi hrang hlak ka ni..! Ka duhdan chiah ani bawk..
.
.
MIKHAIL’S POV*
.
Hospital hna bakah ka foundation din ‘The Limitless Tomorrow Foundation’, vangin ka buai zual ta viau. Ka  work out (taksa insawizawi) hun erawh ka pelh ngailo.. Budapest atanga ka kir leh hnu hian ka ti nasa zual tih pawh ka inhria a, a chhan erawh ka ngaihtuah duhlo..
.
Ka pa chenna in pan in ka kal a, Roxy pawh ka hmuhloh na chin arei ta deuh. Ka nu boral hnu khan engemaw chen chu ka pa nen hian kan chengdun leh a, tunah erawh ka hna avangin hmun hran ah kan cheng lo thei ta lo ani.. Ka tan chuan ka chhungkaw neihchhun (ka pa leh Roxy) te hi ka engkim anni rih. Engtikah emaw chhungkua la din ve in fate pawh ka la nei ve ang chu.. Hmeichhe naupang meng dum kal leh fapa duhawm tak te.. Laura ang mai a nui mawi leh hmel hmuh nuam te..!! Eng thil nge maw ka ngaihtuah chiah hi le..??!
.
Ka pa chenna in ka thleng a, Roxy chuan phur zetin minlo lawm a..
.
“Roxy.. khawnge ka pa” Roxy chu hawi vut vut in in hnunglam pan in a kal a..
.
In hnunglam ah hian huan nuam tak kan siam a, ka nu damlai atanga kan siam tawh anih vangin ka pa awmtam na hmun leh a hmun ngainat ber ani bawk..
.
“Ka pa..”
.
“Ka rawn lut dawn e..”
.
In hnunglam kawngkhar atanga rawn lut in kan inkuah a..
.
“Ka fapa, auction chungchang kha ka lo hria a, tha ka ti khawp mai.. I nupui tur nen in intawn hun anilo ang tih a sawi theih miahloh.. Ka tu te hmel hmuh pawh ka chak tawh viau ania..”
.
“Ka hrelo le..” nui dunin kan titi a. Ka pa hi khawvel a pa tha ber chu ani e.
.
“Oh.. THE THORP Art Works phochhuah hun kha karleh niin ka hria, hun I neih chuan kaldun pawi I tih loh ka ring a..”
Ni tak e, kal ka duh ngei ang..
.
“Aw, duh e..”
Darkar hnih zet hnuah ka chenna lam panin ka let leh a.
.
.
THE THORP DAY**
SULLIVAN ART GALLERY*
.
Thil danglam tak tak leh engemaw inphum ruk thinna lemziak te chu ngawi rengin ka en a, ka pa pawh a dang chuanglo.
Kil khat a lemziak intar ka mit la zar lam chu ka panin uluk zetin ka en a.. He lemziak chu..! Engemaw ti takin ka rilru ah hna a thawk.. He lemziaktu hian harsatna a tawh leh paltlang tuma a beihna hmu tlat in ka inhria..! Eng harsatna nge atawh ang tih phei chu ka hre chuanglo a.
.
“OHH..Ka duh lutukk..heihi..heihi.”
.
“Shh..i duh dawn lutuk tih ka hria alawm..thawm dim deuh rawh”
.
Ka bula hmeichhia te chu  ka melh zawk a, min rawn hmuh chuan sam sen  zawk chu insum hman miahlo in a au raih a..
.
“Dr.Mike.. Lalpa.. ini tiraw..?” min rawn pan nghal ruak ruak a, a thawm chu dim deuh se ka duh hle.. Gallery chhung a awm te chuan min rawn en thup a.. Helai hmuna inbawr buai chu a fuh vaklo ang..
.
“Hi, Pia ka nia..” Hmeichhe sam dum zawk chuan nui sangin a kut arawn phar chhuak a..
.
He hmeichhia hi ka hria em? Ka hrelo..
.
“THE THORP’ Fans ini ve tho ani maw?”
“Aw..”
.
“Auction chungchang kha ka lo hria a, tih theih neih ve ka duh khawp mai..”
.
“A lawmawm e.. Ka tihpalh..ka hre mailo che a..”
.
“OH..Miss Universe..Pia” sam sen zawk chuan a thiannu chu tunge a nih arawn sawi vat a. Pia chu ka hriatloh avanga mak tihhmel deuhin alo nui sak thung a. Miss Universe contest kha TV ah ka en ve tho nain ataka a landan nen ka lo hmehbel thiam mailo ani.. A nalh khawp mai.. Laura ang maiin a sam a dum ve bawk..!!
.
“Ka hria e..”
.
 Eng vak han sawina hmun anihloh avangin an kalsawn a, Charity Party ah inhmu leh tur in kan inthlah a.
.
Kan duhtak lemziak kan lei fel hnu ah Gallery kan chhuahsan a. Car a ka luh dawn chuan Gallery atanga hmeichhe lo chhuak, kan awmna lam pana lo kal chu ka en reng a.. Kan bulhnai deuh alo thlen chuan Laura ani tih ka hre chiah..! A landan a danglam khawp mai.. Phone ah mi bia in a rawn hawichhuak miahlo a. A sam tan tawi deuh in make up a hmang ve ta bawk tih ka hmu thei.. Kan inhmuh hmasak bera a landan leh tuna a landan chu a hrang hlak ani.. Hmeichhe hlim hmel leh nun zangkhai hmeltak ang khan alang tawhlo.. A hmel landan chu a serious raih a, a smart thlap in a lang sexy takzet..!  Min rawn melh zauh a, kan piah car ah chuan lutin a tlanchhuak nghal a.. Min melh nain min hmulo a nih ka ring..!!
.
“Tihtur dang I neih thu kha I sawi sia” ka pa min rawn biakna chuan ka ngaihtuahna atangin min kaiharh a, ngawi rengin car ah chuan ka lut a, kan tlanchhuak ve nghal a..
.
Thildang ka ngaihtuahna ah a awm lo.. Khalai hmunah khan enge a tih ve ang? Ah..lemziak a ngainat thu a sawi tak kha.. THE THORP kutchhuak chu a hlah phal biklo ani ngei ang.. Ka thinlungin ngaihven mahse, khatiang hmeichhia kha ka umzui lovang.. Ka mimal nun diklo taka a phochhuah hnuah lehnghal.. Mikhail..in control rawh..! I ngaihtuahna pawh I thunun thei tur ani.. Hmeichhia an tam lutuk..
.
.
CHARITY PARTY**
.
“I lo kal avangin ka lawm e” Pia chuan min rawn ngaihven khawp mai.. Mi lian leh mi langsar tak tak an kat nuk a, helai a kan kalkhawm chhan chu a thuhmun vek thung.. Mi harsa te tanpui natur a hmalakna chungchang a kalkhawm kan ni..
.
“Wow..nangni 2 chu.. in inhmeh lutuk..” nu upa lam tawh pakhat hi kan bulah rawn kal in arawn phul hlut a..
.
“Mrs. Liam, heihi Dr.Mike..”
.
“Ka hria alawm.. La nula ila chu ka chhuah hauhlo ang che” min fiam zauh a “Pia, Doctor nih I tum ve thin kha ania, tunah chuan Dr. nih tum kher pawh a ngai tawh dawnlo anih kha..” a nui ker ker a..
.
“Doctor nih I tum thin a maw?” Pia chu zawhna zawtin ka en a..
.
“Nia, Dr. nih chu ka tum thin ngei alawm.. Mahse thisen chhuak ka hmuh in thih ve hlauhawm khawpin ka hlau a, hlau chung chuan tumah ka enkawl thei dawnlo tih ka inhrechhuak a, ka bansan ta ani..”
.
“Auction chungchang kha.. Dr.Mike, a vannei ber ni ila ka ti khawp mai..” Mrs.Liam bawk chu.. “Tunge mi vannei ber tur chu ni ta ang?”
.
“Ka hre bik hauhlo mai”
.
“Ohoo..” kan lam pana putar kum 70 vel bawr tur lo kal chu lo hui in “Darling.. Heihi Dr.Mike.. Coffee Meets Bagel nen tangkawp a mite tanpuina  tura amah date tu tur zawngtu kha..”
.
“Duhsakna ka hlan che.. I pa chuan a chhuang ngawt ang che.. I thawk ropui takzet ani”
.
“Ka lawm e”
.
Party na hmun atang chuan 11PM ah ka haw a, Hospital lamah zinglam dar 6 atang ka duty angaih dawn vangin a tawp thleng ka awm talo ani..
.
“Dr.Mike, Ka rawn hrilh lawk ang che khan Cabin 37-D Doctor kha I thlak angai dawn a, an chhungkua in buaina an tawk a, kar 1 chhung chawlh ala a..”
.
“Dr. Smith maw? Ok..”
.
Cabin 37-D a damlo awm dinhmun hrechiang turin ka kal nghal a..
.
.
LAURA’S POV**
.
.
Ka phone phawrh in Gallery atang chuan ka chhuak a, ka car dahna lam ka pan a.. Hmanhmawh taka in lam ka pan angai ani..
.
“Nu, Danny chu enge a an?”
.
“Ka hrelo, tunah Hospital kan pan mek” Ka nu chu a insut ri hlap a, biak zawm hleihtheih pawh anilo..
.
“Engkim a tha leh vek mai ang..Darling..hahdam rawh..” Ka pa tawngri chu ka hre pha reng a..
.
“Nu, ka pa kha phone pe teh”
.
“Yes, Sweetie.. Hospital kan pan mek a, in lama kal lovin Hospital rawn pan mai rawh..”
“OK..Khawi Hospital nge?....... Awle.. ka rawn chhuak nghal dawn e..”
.
Phone ka hmanchhung zawnga min lo thlir rengtu awma ka hriatna chu a dik ngei e. Ka Car dahna bul lawka  Mikhail ding chu hmuhhmaih theih anilo.. Ka melh zawk a, ka thaw a tawp lo chauh.. Ka thin a phu nghal dup dup a.. Hria anga lan erawh ka tum hranlo.. Ka pa rawn sawi Hospital lam panin ka chhuak nghal a.
.
Ka lemziah chu ala ngaina chhunzawm reng anih dawn kha.. Kei erawh tawngkam na takin min tawngkhum thung a.. Thudik hre hmasa lo  lehnghal in.. Mi nikhualo ah min ngai bawk.. Ka thinlung erawh a luah reng si.. Hun reilote kan hmandun te khan min chenchilh reng a, a tawngkam tin leh ka laka a awmdan zawng zawng te..a mal te te in.. pakhatmah ka la theihnghilh lo.. A nui hmel leh min kuahna te.. a rim te.. a mitmeng danglam takin min melh thinna te pawh.. Ka thil ngaihtuah avanga rilru na zetin ka then sak a, ka mittui a tla sawk bawk..!
.
Mikhail vanga mittui tla ka nilo..! Ka unaupa neihchhun Danny chetsual vanga mittui tla ka ni..!!?
.
Hospital ka thlen chuan Nurse duty hnenah ka zawt zung zung a, Cabin 37-D chu hmanhmawh zetin ka pan nghal a..
.
“Pa, enge chanchin?”
.
“A tha e. A ke ruh a tliak a, hliam na dang a neilo..”
Cathy pawh hlauhthawn hmel zetin arawn lang hlawl bawk a..
.
“Enge a an?? Vawiin ka day off ania.. Biak ka tumlai takin a chanchin ka hre ve chiah ani..”
.
“A tha vek e..”
.
“Zanin chu ka lo awmpui thei ang..” Cathy hmel a hlauhthawnna chu ala rehlo..
.
“Keipawh.. A hmel ka hmuh hma chu ka hawsan theilo..”
.
Darkar khat zet hnuah Cabin ah chuan kan lut thei chauh a, Danny muhil hmel chu ka en vang vang a..
.
Ka nu leh pa te chu atuk lama lo kal leh turin in lamah an haw a, kei in ka riahpui thung ang.. Cathy pawh awm ve a tum viau na in Emergency thilah a duty a ngai a, a kalsan lo thei talo.. Cathy leh ka u te hi an in hmangaih takzet tih kan chhungkua leh Cathy te chhungkua pawhin kan hre vek a, an innei thuai in ka ring..
.
.
Thawm engemaw avangin ka muhil lai chu ka harh a.. Ka phu chhuak nasa khawp mai.. Khum bawhin ka lo muhil ani ngei ang.. La harhchiang lo chung a Danny ka en chuan min lo nuih suk in ka lu arawn khawih zauh a..
.
“Good morning”
.
Aw lo chhuahna lam chu rang zetin ka hawi a.. Chhan pawh ka tumlo..
.
“Good Morning..”  Danny chuan alo chhang vat a.
Ava hunlo tak.. Mikhail hian enge arawn tih dawn?.. Oh..ka rilru mangan vangin he Hospital hi a thawhna ani tih ka lo ngaihtuah miahlo ani.. Min rawn hmuh dan leh ka landan tur chu ka duhlo takzet.. Nimin a ka thawmhnaw hak ngai ka la ha a, a chuar tawh angreng viau bawk.. Ka lang nalh lo teh ang chu..!!
.
“Dr. Varshavski..”
.
“Mike..” a nui suk a.. Min rawn melh zawk a, min hrelo ang maia awm zuiin Danny dinhmun chu a enfiah a,zawhna thenkhat a zawt bawk niin ka hria.. Ngawi rengin  bathroom ah ka luhsan vat a.. A rei thei ang ber ka awm bawk ang..!
.
Tuna min melhdan leh party a kan inhmuh tuma a mitmeng  kha chu a danglam leh daih tawh.. Party na a min rawn umzui tum kha chuan min mamawh tak hmel a pu a.. Enge maw ka lo buai vak ang le..??
.
Ka duhthusam ang ngeiin bathroom atanga ka chhuah chuan alo awm tawhlo..
.
“Dr. Mike nen khan in inhmu zui talo ami?”
.
“Aw..kan inmil lo aniang.. Aa.. Cathy pawh alo thleng tep ang” Mikhail nen kan inkar a thilthleng kha ka chhungte hnenah engmah ka hrilh lo.. Tul lo ah min buaipui leh vak ang tih ka hlau ani.. Danny erawh hi chuan internet lama thilthleng te kha a hre reng tih ka hria.. Ka hrilhloh avangin min zawtlui lo mai ani.. Ka mizia a hrechiang a, ka duhthu ngei a ka hrilh anihloh chuan min zawtchhuak dawn chuanglo tih a hrechiang ani.
Sawizui ka duhlo tih hrethiam in thildang a sawi ta vat a.
.
Chhun lamah ka nu leh pate an rawn kal a, in lam pan turin Hospital ka chhuahsan ve ta hram a..
.
Ka car dahna lam pan in ka kal a, enge thleng ka hre biklo.. Ka mit a thim thut a, ka lu a hai bawk.. Ka pai deuh nawk a, ka bula Car awm chu remlo zet hian ka rinchhan ta ringawt a.. In tihharh tumin ka mit ka chhing a, thawk ka la hak bawk a. Ka dinna atang chuan ka car awmna tur lai awm ka enkual a..
.
“A landan chuan I tha vaklo anih hmel..” ka maimitchhing ringawt.. Ngatinge maw buaina ka tawhlai leh ka inrinloh lai hian kan intawn ve ziah ni..
.
“Ka tha alawm..” ka aw rikdan atang chuan ka tha tawklo tih a chiang reng mai.. Diktak chuan hetiang a ka awm hi a awm takzet.. Hun reitak chhung kha mu tha thei lovin ka awm a, ka hna ka thawkrim bawk nen.. Ka taksa in a zo lo tih hre reng chungin ka chawl thei chuang silo anih kha..
.
“Mikhail, I hman chiah anih hmel..” hmeichhe nalh zet hi kan dinna lam pan chuan arawn kal a, Mikhail bulah chuan dingin min rawn en ve bawk a..
.
“I hmelhriat ami?” tiin min melh ralh a..
.
“Ni chiah lo..” chiang zet a min en in Mikhail chu a ner sak a.
.
Ka thawchhuak hawk lo chauh.. Ka awm a chum chawrh ang mai ka ni.. Langlo lamah ka kut ka hum ruh tang tang a..
.
“Anih chuan kal ila..” chu nu chu(h).. Mikhail tiin a ko lehnghal..! Engtin nge min hrilh kha.. A nun a mi bikte chauh lo chuan Mikhail tiin an ko theilo ati anih kha.. Anih chuan henu hi.. a nun a mi pawimawh ani ngei ang.. A ngaihzawng ani ngeiin ka ring bawk e..
.
Nia..kal rawh u.. Ka hmuh phakloh ah..!!
.
Ka ding ngil hram hram a, a harsa takzet.. He mite hma ah hian ka chaklo tih ka tilang tur anilo..
.
“Oh..Ell..” hetiang a min kotu chu mi pakhat chiah a awm.. Alex..Alex King.. Haw viau mah ila arawn lan hun chu a fuh khawp mai.. Alex chu ka bulah arawn ding a.. Ka hmel a hmuhchian chuan ngaihthatloh hmel zet in ka chal arawn dek a.. Nidang ang chu nise rang zetin ka hnial ngei ang.. Mahse tunah chuan ka hnial theilo..! “I thlan vek ania...i tha em..”
.
Chau zetin ka lu ka thing a.. “No..ka hrelo.. ka lu a hai lutuk”
.
A banah ka vuan vat bawk a.. Ka vawn mai loh chuan ka tlu takngial dawn..  Alex chuan min kuahin muangchangin min kalpui a. Mikhail chu vawikhat pawh ka en tawh lo..Tuna ka hmuhchin ringawt pawh kha ka tan chuan mut theihlohna tham a tling tawh.. Kha nu bulah khan a hmelhriat ang takngial pawhin min sawi duhlo ania.. Ka inrin hmain Alex chuan min pawm nawlh a, ka hriat hnuhnun ber chu Hospital lamah min letpui leh tih zawng ani.
.
.
MIKHAIL’S POV**
.
Engvang a tanpui nghal mailo nge ka nih? A tider hauhlo tih alang reng sia.. Zingkar ah Cabin a, a u khum bawh a a muhil hmel kha ka mitthla ah a cham reng a. Ka hmelhriat a nihloh thu Pia bula ka sawilai a a mitmeng danglam zawk pawh kha ka hmuh hmaih lo.. A hmel en khan a dam thalo hle tih alang a.. Engtin nge a awmzui ang? A chungah thil thalo a thleng anih chuan ka tanpui vat loh avang khan ka inthiam thei ngailo bawk ang.. Ell tia rawn kotu kha a enge anih ang?? A hming pangngai pawhin a ko lo lehnghal..!!
.
 Pia nen Lunch kan eidun chhung pawh chuan thildang ka ngaihtuah hleithei lo. Ka rilru a nuamlo takzet.. Kha pa, amah rawn tanpuitu bula awm tur khan ka duhlo.. Enge ka tihtheih chuan le.. Ka tumlawk pawh ni hauhlo in a hmaichhan ah ngei ka hmelhriat anihloh thu ka sawi a.. Keimah ka inhrem mai mai ani..
.
.
Ni 2 hnua ka hmuh lehna chu Hospital ah tho ani. A damtha deuh tawh anih ka ring.. Elevator ah kan 2 chauhin kan chuang fuh hlauh. Hospital kawr (damlo hak thin) ala ha a, Ni 2 liamta ai khan a cher hlek bawk..
.
Mahse..vawikhat pawh min melh lo.. Be lo turin ka insum thei ta ngang lo.. Ama ka ngei atanga a that thu hriat ka duh tlat..
.
“Enge I an tawh?”
Ka biak takah chuan chiang zet hian min en kal a.. Makti hmel a pu  bawk. Ka bia chu atana thil mak ber ni awm takin a mengphar ak a..
.
“Min hria ami?.. Dr… Ah..i kawrhak atang khan Doctor inih ka ring a..” hmelhriat ngai miahloh bia ang chiah hian a nuilui sak a..
.
Ka awih theilo.. Min chhandan chuan ka lungphu a tichawl lo chauh.. He hmeichhia zet hi chu(h).. A ti mah mah ani.. Pia bula ka hmelhriat anihloh thu ka sawi kha ala hre reng ani ngat mai.. Ka lo tidiklo hle tih ka inhre bawk..
Amah hmachhawn zawnga dingin bangkil lamah ka nawr phei a, ka ban pahnih a bang nem in ka dang chep tlat a. Hlau hmel a pu miahlo.. Kun hniam in a  hmai bul setah ka en a..
.
“Eng mihring nge I nih?”
.
Ka zawhna vang chu ani ngei ang..a nui sak a
.
“Mi thenkhat chuan MI NIKHUALO LEH MI TENAWM TAK tiin min ko thin.. Chutiang mi chu ka nih ka ring..!”
.
Takzet reuh che hian!!.. A hmel chu ka en a, a landan ati danglam miahlo.. a awri a min huatna lang erawh ka hailo.. Ka kut dinglam in bang chu ka nem pawp a.. Ka maimitchhing bawk.. Min huat hmel taka min en chuan min tina.. Min haw turin ka duh chiah em?? Ka duhlo.. Min haw turin ka duhlo..!
.
“What the…” ka thaw hawk a..
.
“What The..?? I hmelhriat ngailoh laka I nungchang chu a mawilo hle mai”
.
Khuh kharh ri avang chuan ka inla hrang a, chu hun remchang chu la vatin Elevator atang chuan a kalchhuak nghal a.. Hmeichhe lo lut thar chuan thil hriatchak hmel zet hian min en zak zak a..
.
Ka tawngkam ngei hmangin min chhanglet a maw??? Nia..a nihna a inpawm angah ka ngai mai ange.. A thiltih avang khan ka hua a, tunah pawh la haw reng ila ka duh.. Mahse enge ka ngaihtuah thin hi ka hrelo.. Ka bula awm turin ka ngaihtuah a..ka nupui ni turin ka ngaihtuah thul.. Mikhail..duhtawk teh..!
.
“Mike, he thil hi I hmu tawh em??”
.
“Eng thil nge?” Ka room a Max lo lut chu en lemlo in ka chhang a.
.
“Mi zawng zawng ngaihven I ni e.. Pia nen hian eng inzawmna nge in neih?”
.
“Eng inzawmna mah..!”
.
“Ka ringlo.. En teh..” Max ipad chu ka en a..
.
Eng thil phiangsen nge thleng leh ta hi..??
.
.
LAURA’S POV**
.
POP..(Whatsapp tone)
SARAH - *Picture *Dr.-a leh a bialnu thar.. I hmuh ve duh ka ring..(sad emoticon)*
.
ME - *Sarah..WHAT..? Ka tan pawimawhna a awmlo..*
.
SARAH - * Sorry..  Ka rawn hrilh ve hrim hrim che..!*
.
ME - *Duhtawk teh..*
.
.
Hospital atangin ka chhuak tawh a, Danny pawh in lama enkawl turin a chhuak ve tawh bawk..
Tunlai chu thil thalo hlirin min tibuai anih ber hi.. Ka lemziak  chungchang ah chuhbuaitu neiin buaina ka tawk a, thil chinfel dantur leh hmalak dan tur ngaihtuah in ka rilru a buai a, tunah Mikhail chanchin ani leh a.. Ka mamawh loh ber thil ani.. Sarah thlalak minlo thawn chu lunghnur ru zetin ka download a.. Mikhail leh ahma a abula awm ve hmeichhia ka hmuh nu (Pia) te thlalak chu ka en vang vang a.. Sarah hnenah khan ka tan a pawimawhna a awmlo tiin ka sawi ngei a.. Diktak chuan dawt ka sawi ani.. He mihring chanchin leh a thiltih apiangte hian ka lakah nghawng na tak anei ziah..
.
Thlalak a ka thilhmuh avang chuan ka thinlung chhungril tak ana vawng vawng. Chu hmeichhe nalh zet chu Mikhail chuan a kawngah a kuah a, an hlimdun hmel viau bawk.. Nidanga ka la tih ngai hauhloh ang in Google ah ka search a..! Ka thilhmuh leh chhiarte chuan ka thluakah hian natna hlauhawm tak ang maiin hna an thawk tluk tluk niin ka hria..!!
.
Miss Universe leh Sexiest Doctor Alive..!! Hmeichhe nalh tak leh Mikhail.. an inhmeh dun khawp mai.. He hmeichhia hi Mikhail tana Pathian ruat ani ngei ang! Doctor nih tum thin, thihpui hlauhawm khawp a thisen chhuak hlauh vanga a thiltum thlak a Miss Universe nita Pia tan hian Doctor nih kher alo ngailo e… An inhawlo dun viau niin mit a hmu tute chuan an sawi.. Charity Party leh hmundang ah te inngeih hmel taka an awmdun lai hmuhdun anni bawk*
.
Ka thuchhiar thumal tinte chuan dimna tel hauhlo in ka thinlung hi a vit sawk sawk a..Ka na ani..! Mikhail ka hmangaihna hian chhunglam atangin muangchang in min tihlum mek nia ka hriat tak hial chu..!! Hmangaihna maw ni ang?? Hmangaihna a awmlo tia ngaihdan nghet tak ka lo neih thin kha nghet takin ka vuan leh anga..hmangaihna avanga natna leh hreawmna te hi ka tawng leh tawh lovang..!! Keichuan hmangaihna thil vel hi ka bansan e..!
.
Phone number hmetchhuak in ka dial a..
.
“Keimah.. ‘THE THORP’.. I duh ang ti tur chuan ka inpeih e..”
.
Number dang ka dial lehnghal a..
.
“Jay...keimah.. naktuk Dinner kilpui tur che in hun ka nei e…”
.
Engkim hmachhawn turin ka inpeih..!
.
7:00PM
.
“I nalh lutuk” a Indian awphawi dangdai zet hi ka hmuh hmasak ber atang khan ka ngaina tawh..  Jay chuan a kut chu ka vawn turin arawn pharchhuak a.
.
“Ka lawm e”
.
Jay kut chu lo vuan in ka zui a.. Ani  hi advocate (dan hre mi) tha zet mai ani a, Danny thiantha tak ani. Nupui nei tawhin naute mipa duhawm zet an nei tawh bawk. Ka lemziak chungchang a buaina ka tawhte chinfel dantur leh thil pawimawh dang sawifel tur awm avangin Dinner kan eidun dawn ani.
.
“Khawnge min hruai dawn Mr.Khan”
.
“Thuruk ani.. Surprise I ngaina viau tih ka hria nia..Miss Sullivan..” a nui sak sak a
.
“Ka hria e.. Divya leh Naute an dam tha em?”
.
“Aw.. ka ngai khawp mai..Karleh hian India ah ka kal ve dawn a, I duh chuan min zui thei ang..”
.
“Hun chu nei dawn ila, ka hnial phal hauhlo ang che..”
.
Kan chuanna Car a din chuan ka hawichhuak a..Hmm.. Michelin-Starred Restaurant.. He hmun hi ka ngaina khawp mai.. Zanriah tui tak eiduh tan chuan duhthusam a hmun tha ani..
.
“Engtin nge he hmun hi ka ngaina tih I hriat?” makti zetin Jay chu ka en a.. Tifuh intih hmel zet hian a kut zungchal in a lu a khawng kauh kauh a, kan nui hawk hawk a.. A nupui neih hma leh neih hnu hian a danglam tamlo khawp mai.. Mi fiam a peih a, a bula awm  a hahdamthlak thin..
.
“I tha ber mai e”
.
Restaurant ah chuan lutin kan table tur alo hauh sa ah chuan kan thu fel a, min hmuh a duhchhan leh ka tana thil pawimawh tur chu a sawi nghal mawlh mawlh a. Ka unaupa tan chauh nilo, kan chhungkaw tan thiantha a tling takzet..
.
Restaurant chhunga awm ho chu an ri hak a, kawngkhar lam chu an melh vek hlawm a.. Enge maw thleng le??
.
Mikhail..!!  Thil intawng fuh mak tak chu ani e.. Tun tuma a hmeichhe hruai chu hmanni a ka hmuh kha anilo tlat.. Mikhail awmdan atang chuan helai hmuna awm zawng zawng ten an ngaihven ani tih hre hmel a pulo..a awmdan pangngai rengin a awm a, a hmeichhe hruai chu a ngaihven hmel viau bawk..
Ka hma zawn ah Jay chuan a kut arawn vai zauh a..
.
“Sorry..’ Mikhail lak atang chuan ka mit ka lasawn ta hram.. Min rawn hmu velo anih hmel.. Min hmu pawh nise..enge ni vak chuang ang..!!
.
 Jay chu dingchhuak in ka vawn turin a kut arawn pharchhuak a.. Ka bengbul ah arawn kun hniam bawk a
.
“Vawkpui ang maia thil ei thin kha engtiklai atangin nge ilo danglam le..?” Ka eitur chah chu ka ei tlem khawp mai.. Ka lem thei tlat lo..ka hrawkah a tang tlat..
.
“Oh..Jay..” a ban ah na lo te in ka beng zauh a, inpawh taka inbe mawlh mawlh chungin restaurant atang chuan kan inkai chhuak a..
.
.
MIKHAIL’S POV*
.
Ka indaihlo hle a, Hospital hna bakah mite tanpuina tura ka ruahmanna siam vangin hunawl ka nei thei lo. Thildang ngaihtuah na hun ka neilo bawk.. Magazine cover tur thlalak ngai leh Coffee Meets Bagel nen tangkawp a kan hmalakna chungchang a interview te..chhan senloh zawhna ka dawng reng a.. Ka mimal nun thlengin min zawh chin tawk an nei theilo.. An duhdan in min sawi a, ka bula hmeichhe awm apiang min hmehbel bawk a.. An duh duh lo sawi sela, ka tan awmzia a awm tehchiam love.
.
 Coffee Meets Bagel nen tangkawp a kan auction(thil lilam) chhang tute zinga a vannei ber (lucky winner) ka date hun alo thleng ta a. Kan thil lilam a tanpuina sum kan hmuh zawng zawng te hi mite tanpuina tura ka din, The Limitless Tomorrow Foundation ah lut vekin, zirlai naupang harsatna tawk ten an tum an tih hlawhtlin theihna tura tanpui nan kan hmang dawn ani..
.
Michelin-Starred-Restaurant  chu kan hun ruahman sa aia minute 15 laiin kan thleng hma a... Car atangin ka chhuak a. Hmeichhia leh mipa, inngaizawng niawm tak Restaurant chhunglam pana kal chu enin ka hawisawn leh mai a.. Hlim hmel takin an infiam a, an tawng erawh ka hre pha chiah lo.. Ka thilhmuh chu ka hmusual anih ringin ka ennawn leh ngat a.. Amah ani.. Laura..!!
.
Restaurant ah chuan kan lut ve nghal a. Mi tamzawk in helai hmun a kan kal hun tur hi an hria a, min ngaihven vek ani.. Restaurant kan luh chiah chuan an ri hak a, min rawn en thup bawk a.. Ka hmeichhe hruai chu tunge anih tih hriatchak tak tak hmel hlir ka hmu.. Ka enkual thuak a, Laura ka hmulo..
.
Ka date nen chuan eng eng emaw kan sawidun a, a awmdan hi ka ngaihtheih chi ani tehchiam lo.. Min beiseina a tilang mah mah.. Hmeichhia min hauh tlat leh min buaipui chung bula awm hi a hahthlak ka ti thin.
 Tuna mi erawh hi chu mite tanpuina na tur atan liau liau anih bakah tun kartawp chawlh chhung chauh awh tur ani bawk a, ka tuarchhuak thei ang.
.
Ka hawichhuah chuan kan table atanga 2 na ah Laura min hmachhawn zawnga thu chu ka hmu a..a bula  mipa chu thovin a bengbulah engemaw a sawi a, Laura chuan nui hak hak in a banah beng zauh a..ala vuan zui a. A thutna atang a thochhuak ve in restaurant atang chuan an inkai chhuak a.. Min hmufuh lo anih ka ring.. Nge min hmu angin a awm duhlo zawk??
.
Hospital a kan inhmuh bak kha ka hmu leh ta miahlo a, ka buai avangin thildang ka ngaihtuah hmanlo ka ti nain, ka hna atanga chau taka in ka thlen hnuah khum a mu chunga ka ngaihtuah thin chu amah chauh hi ani.. Ka hriatpui loh leh ka ngaihdan min zawt hmasa lo a, ka mimal nun a phochhuah hnuah leh thilthleng miahlo thleng anga a sawi hnuah hian ka la ngaihven ta cheuva.. Ka ngaihven a ka ngaihtuah tih erawh ka pawm theilo.. Ka pawm hauhlo ang..!
.
Ka bula hmeichhe thusawi pawh chu ka hre mumal lo.. Kha Indian pa niawm tak nen khan engtin nge an awmzui ang tih chiah ka ngaihtuah.. Mahni in thunun theihna hloh thak khawp a ka ngaihtuah hmeichhia hian min phu chiah em??? Ahma a ka chunga a thiltih atang khan ka tan a thatawk lo tih a chiang reng alawm le..!! Mahse ka ngaihtuah lo thei silo anih hi..
.
Mahse..ka’n til eh hram ange..!! Ka chapona leh ka induhtawk na hi ka ngaihtuahna aiin a chak zawk a, nileng in ka rilru ah amah chauh ngaihtuah pawh ni ila, ka lak atang hian engmah a hre chuanglo ang...!
.
Kartawp chawlh chauh thlak zet(?) ka hman zawh hnuah dan pangngai in Hospital ah hna ka thawk a, ka duty ka zawh hnuah Hospital atangin ka pa chenna hmun panin  ka kal nghal a..
.
“Zanin chu hetah riak mai rawh.. Roxy hian angai tawh viau che anih ka ring..”
.
Ka pa chu en in ka bu nghat a.. Ka pa thusawi chu a dik ngei ang. Helai hmun ka thlen atang khan Roxy hi ka bulah ala awm char char.. Sofa ah chuan rawn lawnkai in ka malchungah arawn bawk a.. Infiam hun a thleng leh ta ani e..
.
“En teh.. Hei chu kan hriat ve ngei tur thil anih hi..”
.
Ka pa chuan TV remote chuh in volume a ti ring nghal a..
.
.
**
.
HOST - ‘Zanin hian hunrei tak chhung kan ngaihtuahna tibuaitu kan hre thei dawn ta ani.. ‘THE THORP’ Lemziak ropui tak tak min chhawpchhuah sak thin tu hi keichuan vawikhat ka hmu tawh a.. Nangni chuan inla hmu velo.. (audience an nui ham ham a).. Makti taka in awm ve ngei ka ring e’**
.
THE THORP maw?? Thu thain  TV chu uluk zetin ka en a..
.
** ‘Lemziak thiam ropui..a vawikhatna atan.. The one and ONLY.. THE THORP..’
.
TV screen a ka hmeichhe hriatthan zet, inringtawk taka rawn kalchhuak arawn lan chuan makti in ka meng kawk a..audience ho zawng zawng leh ka pa pawh tiam in mak tih vangin an AWWW dual bawk a..
 Chu hmeichhia chu hlim hmel takin a nui sang a, a sam in a hmai a zar tur chu a huih zauh a, inringtawk zet hian thutna turah chuan a thu a, amah kawmtu tur chu a en kal bawk a.. A thawmhnaw inbel chu a inhmeh in a lang thar sar a.. Kawr var, a taksa rem thlap..a khup khuh pha lo deuh a ha a, rangkachak rawng in dangdai zet, simple tak siin a kawr chu a inchei bawk.. Stilletto..(?) hmeichhe ho pheikhawk hming zozai hi ka hre seng lo.. Mahse a pheikhawk sang bun rangkachak rawng bawk chu  a  lang sexy..!! Nia..a sexy takzet alawm..!
.
“THE THORP sawirik anih ruala ka mitthla a lo lang chu hmu ve la I lawm hauhlo ang..” Host chuan zawhna a ngah khawp ang le.. Mi zawng zawng in hriatchian chak kan ngah vek bawk ang..
.
Ka ring theilo ani.. Laura hi THE THORP ani ang tih vawikhat pawh ka la ring chhin ngailo.. Ka pa chu ka va melh a… Mak tih hmel zetin ‘Kha hmeichhia kha ani em? Budapest a I tawn kha’ tih melh in minlo melh a, a mitmeng a min zawhna chu chhangin ka bu nghat a..
ENG THIL MAK NGE THLENG HI..!!
.
*HOST – Laura..Yes.. The Thorp.. hmeichhe nalh tak ini..Hetiang khawp a lemziak thiam ni si hi engvang a inthup tlat nge I nih?
*LAURA – Aa.. Nia.. Mite hriat leh ngaihven nih ka duhloh vang anih ka ring
*HOST – Mahse..tunah??
*LAURA – Kan hriat theuh angin THE THORP chungchang a buaina vang hi ani
*HOST – Ka hrethiam e.. Tunah chuan tuman THE THORP chungchang ah buaina an siamsak thei tawh hauhlo ang che.. Chuannn.. I hmel leh I hming Laura tih hi kum liamta tawp lam khan a lar hle a.. Kha hmeichhia kha The Thorp a lo ni reng a..! Pawi itih loh chuan  Sexiest Doctor Alive chungchang a Twitter lama I thil post leh in pahnih inkar thu kha I sawifiah thei em? (audience thawm a tha khawp mai)
*LAURA – Social media ah hian ka mikhual khawp mai..
*HOST – Eng..enge I sawi awmzia?
*LAURA – Facebook ah hian account chu ka nei ve a, chu pawh chu ka khawih tamlo.!
*HOST – A awmzia chu.. Twitter.. Twitter lama thuthang kha dawt ani tih I sawi tihna ani thei em? WOW.. I thlalak ngei  upload ani a, tuna I landan nen chuan inang tawhlo deuh mahse, nangmah ngei ini tiraw..? Anih chuan mi tuemaw chuan buaina an tawk ngei dawn ani maw??
Dr.Mike khan kha thu thehdarhtu kha a mi hriat ngailoh anih thu alo sawi tawh a.. Ani nen hian in inhre reng em?
*LAURA – (A nui hak a) Umm..kan inhre chiahlo anih ka ring..
HOST- OH MY GOD.. Anih chuan kha thilthleng ah khan sawibelh duh I nei em?
LAURA – NO..Yes.. Kha thilthleng kha a hnu daih ah ka hre ve chauh ani.. Chu zawng chu.. Ka thil tihsual chu nise sawi ve duh ka ngah khawp ang..
Awmze nei zet hian HOST nen chuan inmelh in an nui dun a.. Audience lam thawm pawh a tha khawp mai..***
.
Ka thutna atang chuan thochhuak in ka room lam ka pan a, ka pa erawh chuan SHOW chu mit tla lo chauh in ala en thung.. Abulah ka awm ve tih a hre tawhlo ani ngei ang..
.
Ka khum zau zetah chuan ka mu a, ceiling ka melh ngawt ngawt a.. Ka mitthla ah Laura hmel arawn lang nghal a.. Kan inhmuh hmasak ber leh hun kan lo hmandun tawh dan te.. A nui hmel leh a nuiri te…alaka ka thusawi avanga a rilru na hmel te pawh… Min hre ngai miahlo anga a lemchang hmel te…
.
Kan inkar ah hian eng thil phiangsen nge maw thleng le?? Hmeiche nikhualo tia ka koh hial chhan thilthleng kha ama tih alo nihloh chuan..!? Kha thil thlen lai  khan ama tih ni lovin mi tuemaw in an tih anih rinna ka neih kha lo kal tlangpui a, lo ngawihpui mai tur kha ka nia.. Amah ka zawtfiah thei bawk.. Khatiang thil thleng thut khan min shock em a, ka ngaihtuahna a lo lut hmasa ber chu kaltlangpui lovin, ka rinthu ka kaltlang pui ta zawk  anih kha..
 .
Kha thilthleng chungchang ah khan vawikhat pawh sawifiah tumin min rawn be nawn lova.. Enge thil awmzia tih zawng chauh kha min zawt in min kalsan zui a.. Mi chi hrang hrang in tawngkam tuihnailo tak tak a an sawizui na chhiar tur tamtak a awm lai leh mi diklo tak anga a lan lai pawh khan Engmah hrelo ang maiin a ngawi tlat a..
.
Mite hriathlawh leh ngaihven nih duhloh vanga lemziak thiam  inthup..!! Keiin mite hriathlawh nih chak vanga ka mimal nun  mite hriata puangzartu a ka lo ngaih hmeichhe pakhat  hian ka ngaihtuahna a tibuai vek..!!!!
.
Khum ah chuan thu in ka room TV  ka on a, SHOW chu ka en chhunzawm a..
.
HOST- Lemziak chungchang chu ka duhtawk leh rih phawt dawn... Laura..nichin a ka zawhna che kha min chhang turin ka duh che.. Nula leh tlangval inngaihzawnna chungchang ah hian Hmangaihna hi a awm tak tak I ring em?
.
LAURA – (In ngaihtuah ni awm takin a ngawi deuh vang vang a).. NO.. Hmangaihna tak tak hi a awm ka ringlo..!
HOST – WOW..Zanin chu min tiphu reng mai anih hi.. Ka awih theilo.. I ti tak tak lo tiraw?? I tana midik tak I tawn hunah chuan I danglam ngei ngei ang..!
LAURA – Ka hrelo.. Tunthleng hi chuan ka la tawnglo anih ka ring..
.
Remote chu ka vawm pawp a.. Hmangaihna chungchang a zawhna a chhandan chuan ka thin a tirim ani..!! Lo thinrim ngawt nachhan tur ka neilo tih ka hria.. Thinrim ngawt pawh ka nilo.. Ka thinlung a fan ani..
.
YES..Kei hian hmangaihna diktak a awm leh awmloh chu ka entir ang che.. Keimah chauh..Keimah chauh hi I nun a mipa diktak I tawn tur chu ka ni.. Min lo thlir reng rawh..
.
Hmangaihna khur a tlulut a I hming I theihnghilh hial khawp a nasa in min hmangaih ang..!! Min hmangaih lo theilo turin ka siam ang che..!!!
.
.
END OF BOOK - 2

BOOK - 3

TRY ME?!! (so you can feel my love)
.
BOOK – 3 (Fan Fiction)
.
By. Laura Sean Virgo
.
.
LAURA’S POV**
.
“Ka chhuang lutuk che..”
.
“D..i ke kha.. Tikhan lo awm rawh” tiin ka unaupa chu ka pan a, a biangah fawpin kan inkuah a..
.

Interview ka neih atanga karkhat chhung chu Art Gallery ah ka hun tam zawk ka hmang zui a, ka lemziah tam zawk chu hralhchhuah ani tawh bawk..
.
Zanin hian Sarah min sawm na tihlawhtling turin Sarah & Louise Ltd. Gala (Gala-mipui/hnathawk hote intihhlim ni/hun) ah ka kal dawn a. Sarah & Louise Undergarment Company hlawhtlinna thar lawm nan a an buatsaih ani..
.
Ka phone ri chu ka pick up a
“Aw, keimah”
.
“Bestie, zanin Gala kha Meg a kal thei dawnlo a, Finn nen in inkawp angai dawn ania..”.
.
“A tha alawm.. Finn chuan minlo hruai dawn nge, keimahin ka lo kal dawn?”
.
“Hey, Sweety, ka lo hruai ang che..” Finn chuan min rawn chhang a.
.
“Sweety ka ni lo..”
.
“7PM ah ka lo thleng ang.. Lo inpeih ang che..”
“A tha alawm..”
.
.
Uluk zetin ka inchei a. Ka sam chu tlem a tikawi deuh in ka vanneihna bakkilh var sinte ka kilh a, kawrfual senduk ban neilo ka pian mil thlap ka ha a, Coat fual ka ha bawk.. Zanin na na na chu hlim takin hun ka hmang ngei tur ani.. Ka pheikhawk zinga ka duh ber ka bun leh hnu chuan ka inpeih ta hram..
 .
A huntak ah Finn chu lo thleng in kan chhuak nghal a, a hmun kan thlen chuan mi anlo tam tawh khawp mai..
.
“Ohh..Bestie.. I lang nalh lutuk..”
.
“Nangpawh..ka hai trep che lawm..” Sarah chuan awihloh hmel zetin min en ha a..
.
“Duhtawk teh..”
“Ka ti tak tak..”
.
Inchhung ah kan inzui lut ta hlawm a. Ka coat hak min phelhsak hnu chuan Finn chuan ka kawngah min rawn kuah in min hrilhru zauh a.. A thusawi avang chuan makti in ka en ha a..
.
“Ka awih theilo che.. Lem ka chang thiamlo.. Finn???”
.
Gala tan ani a, Sarah leh Louise ten thu tawite an sawi ve ve hnu chuan boruak a hot tan hle..
.
“I lam teh ang” Finn chu ka zui ve mai a, an music play mil chuan kan lam a.. Ka hlim takzet.. Vei neilo leh rilru hahdam taka ka lam lohna chin pawh a rei ta e..
.
Kan bula mite chu inhrilhru sep sep in min rawn en leh thin a..
.
“Ka lo lampui ve thei angem?”
.
Chu tawngri ka hriat rual chuan ka insangmar nghal at a.. Vur tui a leih ang mai ka ni.. Finn chu en in ka nui lui sak a, ka awmdan avanga mak tilo turin signal ka pe zauh bawk a..
.
“Kan lamdun mek tih I hmuh ka ring..” Finn chu ka kuah nghet sauh a..
.
Mikhail chu ka melh zauh a, ka hawisawn lehnghal a.. A sawmna ka lo hnar avang chuan a lungawilo tih ka hmuthiam mai..! Enge maw arawn tih ve ni… Kalsawn mai lovin Finn chu chiang zetin a en ngur a, a kut dinglam a rawn pharchhuak a..
.
Finn tan hnial luih chi ani talo..
.
Finn chuan min kuahna a thlah a, min thlah rual rual chuan rang zetin Mikhail chuan ka kut arawn vuan nghal a. Amah si chet a ka awm hma chuan alamah min pawthnai sauh sauh a..
.
“Relax, BEAUTIFUL..!!” Ka beng bulah rawn kunhniam in a phun sup a.. Ka bek chu a thawkkhum lum ham ham bawk a.. Ka mur chum chum.. A rimtui tak chu ka hip vang vang a… Oohh..ka ngai ani.. A engkim hi..! Ka thinlung ana vawng vawng bawk.. Ka mittui tla tur chu ka khap kir sak sak a.. Min hmuhloh hram ka beisei..!?
.
Min hmu hauhlo ang.. Music muang fan raih mil chuan min lampui a, ka bek bulah ala rawn kunhniam char char.. Engmah sawi lovin min kuahnghet sauh sauh bawk a.. Heti baka inhnaih leh dan hi a awm tawh pawhin ka ringlo.. Ka inhriatloh karin ka lo inthlahdul der tawh..!!
.
“Duhtak..tah hian ilo awmreng ani maw” henu bawk chu..!! Pia nalh zeta inchei kan bula rawn ding chu melh in min kuahna atang chuan ka talchhuak nghal a. Mikhail thaw hak ri chu ka hre hman..
.
Pia chuan Mikhail chu kuah in an lamdun a, Finn leh Sarah te awmna lam chu ngawi rengin ka pan nghal a..
.
“He Dr.Sexy-a hian a hriat ngailoh thu che kha a sawi sia..”
.
“Sarah..Thildang sawi rawh..”
.
“OOohh”
Sarah hawina lam ka en chuan ka ip chawih.. Mikhail leh Pia chu an lo infawp a.. Keini chauh nilo.. inchhunga awm zawng zawng te chuan kan en vek..!! Inchhung a Media mi leh sa luh an phallo chu an tan vanneihna ani.. A bikin a hmeichhe tan.. A nihna chelh mek nen a inhmeh lo lutuk..
.
Mikhail chu inlahrang hmasa in chiang zet hian min rawn en a, engmah hmulo leh engahmah ngailo ang hmiah in ka hawisawn a..
.
Ka engmah ani hleinem.. A duh dan dan in a awm thei alawm.. Chutiang bawkin kei pawh ka duhdan in ka nung ve mai ang..
.
In ka thlen chuan ka chau hluah hluah.. Finn nen kan lemchan pawh a hlawhtling thawkhat anih ka ring, lawmthu min rawn hrilh mawlh mawlh mai alawm… A bialpa chu neilet leh mawlh rawh se..! Oh..ka la sawilang lo tak e..!! Finn hi kan naupan lai atang tawh a kan thian tha  ani a, Gay ani..!!  designer lar tak niin Australia ah a awm thin.. A hmel landan, a chezia leh a tawngdan atangin  Gay ani tih tumahin an hre ngailo.
.
Kei erawh chu.. Ka laka Mikhail  awmdan khan ka khua a tisik dawn hial mai..!! A hmuhlai a ka tap chhuak lo kha mak kati zawk.. Tunah pawh ka awmchhung ah ka la tawt up up.. Hmeichhe dang a fawp zo chauh a..engtin nge tikhan ka chungah a chet theih.. Min ngaihhniam zia a nemnghet nawn leh ani..
Muhil theilo in khum ah chuan ka let kual sek a..
.
.
MIKHAIL’S POV*
.
Mipa leh hmeichhia, a thiante niawm tak nen inchhung anlo lutlai chu ka en reng a.. Diktak chuan Pia-I’n helai kal tura  min sawmna ka pawm chhan pawh Laura a kal ve dawn tih ka hriatlawk vang ani.. Engtin nge ka hriatlawk tih chu min zawtlo mai rawh.. Thuruk ani rih..!!
.
A bula mipa in a beng bula a hrilhru lai leh maktih hmel taka en chung a a phun sap sap chu ka duhzawng anilo.. Eng tak sawi ang maw?? Inpawh hmel taka a kawng a a kuah ka hmuh phei chuan ka mood a fuhlo lehzual.. Inhnaih zeta inkuah chungin an lamdun zui bawk a.. Ka tuar thei tawh ngang lo..!
.
  A lampui pa hnenah chuan ka lampui ve thei angem? Tiin ka zawt a, Laura zawk chuan min lo hnial vat.. Min melhdan atang chuan helai hmuna min hmu chu mak a ti deuh tih ka hria.. Engpawh nise, ka lampui phawt tur ani. A lampui pa kalsawn rualin a kut no zet chu ka vuan nghal a. A rimtui chek chek, ka ngaihtuahna luah reng thintu chu ka hip vang vang a..
.
A inthlahdul lovin a trang teuh a, a beng bulah kunhniam in inthlahdul turin ka hrilh a.. Engahmah a ngai leh chuanglo anih hmel.. Min hnaih thei angber turin ka kuah nghet sauh sauh a.. Tawngkam a ka sawichhuah theih aia nasa in he hmeichhia hi ka mamawh in ka thlahlel ani.. A sam karah ka hmai phumin ka maimitchhing vang vang a..
.
Hmangaihna khura zuanglut a mahni hming pawh theihnghilh thak khawp a tuiral chu keimah hi ka ni.. Ka ngaihtuahna chuan min thawng takzet..!! Nia..a dik.. He hmeichhia hi ka thinlung zawng zawng in ka hmangaih ani..
.
“Duhtak..tah hian ilo awmreng ani maw” Ava hunlo em..! Ka hminga min ko pawh kha ka duhlo tawh a.. Tuna min koh dan phei chu duhlo tak ka ni.. Engmah ka sawi hmain Laura chu a inla hrang a, min kalsan nghal a..
.
Pia chuan min rawn kuah a.. Reilote lampui chu a pawi lem lo ang chu.. Zanin a a kalpui/kawppui ka ni a, lampui duhloh chu a mawi hauhlo ang..
.
Kan lam dawn chauh a, ka nghawng ah min rawn kuah in min rawn fawp a.. He thil hi ka beisei hauh lo.. Ka inla hrang nghal vat nain ka tlai hman tho anih hmel.. Ka hawichhuah chuan inchhung a awm ho zawng zawng mit chu kan chungah a fu tih ka hmu nghal..! Laura ka va en chuan min hmulo leh engahmah min ngailo ang hmiah in a awm a.. Ka hrelo.. Pia- I’n min fawp lai chu a hmulo ani ngei ang.. Min hmulo se ka duh zawk..!
.
A hnulam thilthleng chu ka duhloh ber thil vek ani.. Amah hnaih a awm turin hun tlemte pawh min siamsak lo, Pia a hnawk zui viau bawk.. Finn tia a koh nen chuan an inthlah lo reng reng.. Hahdam hmel taka awmdun in hnai zet zet ah an inen a, an innuih deuh reng bawk.. Min tihah hluah hluah a, a bula mipa chu va khawih lo turin ka insum hram hram ani..
.
A hmel ka en chuan min runluih hmel alang chuanglo a, awm velo ang hmiah in min ngai niin ka hria.. Vawikhat pawh min melh lo..!
.
Washroom a a kal chu Pia hnenah chhuanlam siamin ka umzui vat a. Washroom atanga chuan arawn chhuak har angreng..
.
“Sexy..helai ah hian enge I tih?”
.
Naomi..!! Tunah tak chuan ka mi mamawh loh ber ani.. Min hnaih zetin arawn ding a, ka nghawng a min kuah tumin a kut arawn pharchhuak a, a kut chu ka lo man vat a.. Hmeichhe zaktheilo lutuk
.
Washroom kawngkhar chu rawn inhawng in Laura arawn chhuak a, Naomi nen inhnaih taka kan ding arawn hmuh chuan min ten hmel zetin a ner sak a,  inher in a kalsawn nghal bawk a. Kan landan tur chu ka hrethiam reng mai.. Alo hmutu tan chuan inthiarfihlim vat awm reng ani..!
.
Naomi kut ka vawn chu ka thlah a..
.
“Laura..lo nghak teh..” ka tawng chu hrelo ang maiin a kal dan pangngaiin a kal hmiah hmiah a.. Min ngaihthah rei ta mah mah ani..!!
Amah ngaichang a zawldawh taka dawr ka tum chhung chu hma ka sawn thei lovang..
.
A ban ah chuan vuanin ka lamah ka pawtlet a, a beisei hauhloh thil ani ngei ang, a te that a.. Nghet zetin ka kuahbet a..
.
“Min khawih miah suh..” a tawngkam kha zet vang chuan ka vawnna chu ka thlah lehrih a..
“Room ruak I mamawh chuan hmundang ah atam ang..”
.
“Enge I sawi awmzia?”
Naomi chu a melh zauh a..
.
Eng thil teh hrep nge a lu bur tereuhte ah hian a ngaihtuah le??
.
A awmdan chu ngai pawimawh duhlo in ka lamah ka pawthnai leh a, a tang phat phat a..
.
“Lo ngaithla teh.. Interview a I thusawi kha thudik ani em?”
.
“I tan a tangkai na tur ka hrelo.. I duh dan dan in I ngaihdan I siam leh thei ang… Min thlah bawk la..”
.
“Teuhlo.. Min hrilh teh” Ka kuah nghet sauh a, a hmai si deuhthaw in ka kunhniam a.. A nui sak a..a awmdan chu a thalo tawp mai..
.
“Mike..khawngaihin min thlah rawh..” a tawng zawi viau nain ka hrechiang khawp mai.. Mikhail tiin min ko miahlo.. Ka lawmlo viau bawk..
.
“Mikhail...” Mike tia min koh chuan mihrang daih ang mai niin ka inhria.. Ka insum thei tawhlo.. A hmui no chek ah chuan ka fawp a.. A insanmar at dan atang chuan ka fawh a beisei miahlo tih ka hria.. A tal phat a, ka vawn ngheh tawk avangin a talchhuak theilo.. A talchhuah theih tak siloh ah chuan ka hmui a sehnat tumin min bei let a.. Ka thlah rang khawp mai..
.
Ka awm ah min nem a, a hnung zawng a tawlhsawn pah chuan a kung zunglai mi rawn hmuh zauh a..! Makti zet in ka nui hawk… Mahse a hmel ka en chuan ka nui tawp chawt a.. Rilruna hmel ani.. Tap lo turin a insum tih ka hmu bawk.. A inher rual chuan rang zet hian a kut in a hmai a khawih zauh a.. Ka hmuh lai a tap nih chu a duhlo viau ani ngei ang.. Chu thil chuan min tina vawng vawng.. Ka awm a bei chung a tap in a rilru natna leh a tahchhan min hrilh se la ka duh..
.
Hmeichhe mak leh danglam tak zawng ani.. Ka hmangaih ani.. Ka nunphung ti danglam khawpin ka buaipui tih ka inngaihtuah chhuak  bawk..!!!
.
“WOW…Kha chuh..ava ropui em.. Midangin an hnawl lai che hmuh chu a nuam khawp mai.. Mikhail Varshavski hian hnawltu a lo nei ve ani maw..!” Naomi chu ka en zawk a.. A awm ve tih ka lo hre tawh reng reng lo..
.
“Ngawi hmak rawh” tiin ka kalsan nghal a..
.
Laura chu ka zawng ru a, hmuhtur a awm tawhlo..!
.
.
LAURA’S POV*
.
4:30PM – NYC*
.
Gallery atangin chau zetin ka haw a, Gala zan atang khan  tui taka mut mumal ka nei tawhlo a, ka chau takzet ani e.. Ka inbual zawh hnu chuan darthlalang ah ka inen vang vang a.. Ka mithnuai duk raih chu ka haw khawp mai..
.
Ka khum ah mu in TV ka on a..
.click~
*President Obama..*
.click~
*Gigi Hadid leh Zayn Malik love affairs..*
.click~
*Mikhail Varshavski Interview..*
Ka thungil zawt a..
.
Mikhail chu a dan pangngai in a lang tha takzet.. A suit hak buang thak chuan a tilangsar in a lang thar sar a.. Hmm..alang thar sar ka ti na in, a hmul a ziatlo anih dawn khi…!!!
.
*HOST – Ohh..ka hrechiang chak hle mai..??
.
*MIKHAIL – Nia, hmangaih ka nei.. Engtianga intan nge ka hrelo..!
*HOST – Tunge tih min hrilh thei em?
*MIKHAIL – No.. Diktak chuan….***
.
An thusawi chu engmah ka hrezui lo.. Ka en ngai ka en ngawt ngawt a.. A hmangaih chu Pia ani ngei ang… Gala ah pawh khan mipui hma ah an infawp anih kha..! Midang pawh zah zolo khawp in an inthlahlel a..
.
Khum atang chuan ka tho a, Bathroom ah lut leh in ka tap a.. In thunun thei miahlo khawpin ka inhnit hlawp hlawp bawk a..
.

Hmangaih a neih thu a sawi khan ka chhungril atangin min tihlum ani.. Ka tuar thei thlawt lo.. Keichu min ring zolo in a nun tawmpui turin ka tling tawklo a.. Mite hip khawm ruih ruih thei tur khawp a bawp sei leh nalh ka neih ve loh vang te pawh aniang.. A vawikhatna atan mahni inkhawngaihna in ka khat a..
 .
Bathroom atang chuan in ngaihtuah thinrim zetin ka chhuak a, ka thawmhnaw dahna room ah lut tlangin ka hai bawrh bawrh a..
.
Heihi ka ha ang..!
Ka kawr dum..ka hak ngai pawh a ka rinloh..Sarah min tihluih vanga ka lei chu phawrhin ka ha sawk sawk a. Walk-in closet(thawmhnaw bawm) atang chuan chhuak in Sarah ka be nghal a..
.
Zanin chauh chu ka nun a ka la tawn ngailoh tawn chakna in ka khat...! Mi zalen ka nia lawm le..
.
“Bestie, zanin chu Nightclub ah kal teh ang!!”
.
“Ah..ok..Awle.. Darkar khat hnuah ka lo thleng ang..”
.
Sarah hian min hnial hauhlo ang tih ka hre sa ani..
.
“Ka lo hruai ang che”
.
“Ah..Ok.. Nicholas pawh kal ve turin ka hrilh dawn ania” Sarah chu a tawng bah nuaih a.. Ka awmdan danglam chu a hrethiam ani ngei ang..!
.
“Um..a tha e.. Ka lo chhuak nghal”
.
** WESTWAY NIGHTCLUB – 75 Clarkson St. NYC**
.
“Tequila shot”
.
Ka thiante pahnih chuan makti zetin min en a..
.
“Eng thil nge thleng a?? I tha em?? Bestie?”
.
“I hriat kha..My love..Zawhna min zawt suh..”
.
“Oh. Ka hrethiam e.. I hmangaih ani tiraw? Ka en che hian ka hria.. I hmangaih”
.
“Teuhlo.. Tu chungchang nge I sawi a?”
.
“Min bum chuanglo ang..”
.
“I hriat chuan ngati nge min zawh kher.. Khawngaihin zanin  chu keimah chauh in ka in thei angem?” ka thusawi awmzia hrethiam in ka thian tha ber chuan a lu a bu zauh a.. Khawngaih hmel taka min en chu ka lawm chiah lo..
.
Ka awmdan chu nuam ka ti ta phian.. Engzat chiah nge ka in tawh pawh ka hrelo.. Ka ngaihtuahna a fim lo a, ka tawng char char bawk.. Eng enge ka sawi ber pawh ka hre mumal chuang hlei lo a..!!
.
Music trang zet rem chuan an lam suau suau a.. Sarah leh Nicholas te chu kai in lamna hmun lam pan chuan ka pawt a, lam ve nachang pawh hrelo in ka hau in min en a, tuna ka nungchang hi chu an la hmuh ngailoh thil ani..
.
“Nangmah ini lo..” tiin Sarah chu a phun sap a..
.
“Ka nihna tak tak anih hi”
.
“Duhtawk tawh la a that ka ring.. Naktuk zingah nuam iti vak dawnlo ania..”
.
Ka mit a vai chum chum a, ka ding ngil tha theilo.. Sarah chu kuah in hnai zetah ka en a, ka nuih a za tlat pek… Enge ka nuih tiza em em tu pawh chu ka hrelo.. Ka vai ruai a..
.
“A..THA…VEK..ADIK EM..?? Tun aia tha hian ka la awm ngailo.. KA HLIM ALAWM.. A DIK TIRAW..? Bestie..ka hlim em?”
.
.
MIKHAIL’S POV*
.
Hospital atangin in lam panin motor ka khalh a, ka phone vibrate char char chu ka en a, Tunang zanrei tawh ah.. Eng thil nge maw ni dawn le..
.
Phone ka pick up chuan thawm ri nuai nuai ka hre nghal a, min rawn betu chuan Sarah anih thu a sawi a, a thusawi chu ka hre mumal theilo.. Laura nuiri erawh ka hrechiang.. A rikdan a danglam bawk.. Westway Nightclub..!!!
.
Sarah hmun rawn sawi lam pan chuan motor ka turn nghal a..
.
.
Nia, Gala zan  atang khan Laura thiantha ber chu Sarah anih thu ka hria a, biakpawh theih dantur ka zawng nghal char char ani.. A tirah chuan a harsa hle.. Hmaichhan ngei a hmu turin Sarah & Louise Undergarment store ah ka kal a, Laura ka laka a awmdan ang chiahin min lawmlo tih a hmel ka hmuh phat chuan ka hre nghal a. Engmah a hriatloh thu leh Laura hian a ngaihtuahna a sawichhuah zen zen loh thu min hrilh.. Chu zawng chu..! Card erawh kan inpe hram.. Engemaw tak a thleng ani ngei ang. Chutiang nilo se Sarah hian min rawn biak ka ring lo.
.
Nightclub ka thlen chuan kawngkhar atangin an lo chhuak chiah a, Laura chuan a thiannu chu kuahin enge maw a sawi a, a nui bawk a.. An awmna lam pan in ka pen pawk pawk a..
.
Sarah pawh chu a rui vetho anih hmel.. Laura ai chuan a ziaawm hmel deuh.. An bulah chuan mipa pakhat ka la hmuh ngailoh a awm bawk.. A landan in Sarah bialpa niawm tak ani..
.
“I tha em?” Laura chu ka kuah a. A mit tizim in chik zet hian min en vang vang a..
.
“Ka hria che em??”
.
“Tehreng….” Tiin ka phun sup a. An bula mipa Sarah kuahtu chu en in “Laura hi ka’n hruai haw ange.. Sarah kha I hawpui thei angem.. Ah..engtin nge ka koh dawn che?”
.
“Nicholas.. Dr.Mike ini tiraw?”
Tawngkam a chhang lovin ka bu nghat a, an harhfim hunah mumal zawkin kan la inhmelhriat tha leh ang chu..
.
Laura chu ka pawmkang a, ka car lamah ka kalpui nghal a.. Ka nghawng ah min kuah in  engemaw a sawi niap niap a.. A tawng erawh ka hre hleithei lo..
.
 Zanin chu ka in ah ka hruai haw mai ang..!!
.
In ka thlenpui hnu pawh chuan a harh chuanglo, ka khum ah muttir in ka en vang vang a..
A kawrhak chu a tawngchham mah mah ani.. Hetiang thawmhnaw ha chunga mipa dangin an hmu tur ka ngaihtuah chuan ngaihdan nilo zetin ka ner sak a.. Zankhua a mutpui atan chuan hak anuam lo viau bawk ang.. Engtin nge ka tih dawn le..??
.
Hetiang dunhmun a ding hmeichhia hi vawikhatmah ka la buaipui ngailo.. Ka Laura hian ka tih ngailoh leh ka buaipui ngailoh tamtak min tihtir ta anih hi.. Ka nuna ka tih hmasak ber thil thenkhat mak tak tak te hi amah vanga ti ka ni.. Ka khum a hmeichhe mu hmasa ber ani bawk.. Ka in ah hian ka hmeichhe kawpte ka hruailut ngailo..!
.
Ka T-Shirt phawrh a ka haktir hnuah a kawrhak tawngchham zet chu ka phelh a, khum ah chuan mut that tirin puan ka sintir nghal bawk a.. A bulah chuan thu in reitak ka thlir vang vang a.. A sam, a hmai hliah deuhtu chu dimte in ka hui kiang a.. Ka hmangaih ani.. A muhil hmel chu hmuhnawm ka ti takzet bawk.. A hmuiah ka fawp zauh a, a bulah chuan mu in ka kuah a.. Meng lova rawn che in min rawn kuahlet a, a chal ah ka fawp leh a…
.
Zanin chu ka mutui khawp ang le..
.
Zingkar la hma takah ka harh a, ka bula tui taka la muhil ka hmuh chuan ka nui sak a.
.
 Laura chuan ka nghawng ah min kuah chial in a thaw sak sak a, mumang nuam takah ala cheng anih hmel.. Ka kuah theih chhung chu ka la kuah rih ang.. Muhil tawh chuanglo in Laura kuah  chung chuan ka mu ve ta reng a..!
.
Tuna kan awmdan hi thil nihdan tur diktak ani.. Ka awmna tur hmun diktak a awm niin ka inhre bawk.. A hahdamthlak e.. A rawn harh huntur erawh ka ngaihtuah duhlo...!!
.
.
LAURA’S POV**
.
Thil rit deuh min delhtu awm avang chuan ka thaw tha theilo.. Tuk danga ka muhil ka harh thin dan leh tuna ka awmdan hi a inang lo.. Ka lu chu a na tluk tluk bawk..
.
A lum mah mah bawk niin ka hria..
.
OH..a diklo reng reng.. Eng thil nge ka tih…?? Hmm..nizan khan Sarah leh Nicholas te nen Nightclub ah kan kal a.. A vawikhat nan zu ka in teuh.. Aaa..abak hriat mumal ka neilo.. Sarah bulah ka mu ta ani ngei ang.. Mahse ka rim hriat chu Sarah perfume rim a nilo… NILO…Lalpa…!!!
.
Dawn awmlo in ka mengchhuak a, Mikhail nen chuan kan hmai a insi lo chauh. A maimitchhing a, a che miahlo.. Ala muhil ani ngei ang..
.
“Good morning..Beautiful..” ka phu nasa ngang mai..min kuahna chu a la thlahdul chuang lo.. Chetsawn tum hmel a pu miahlo bawk.. Takzet hian.. Mahse…a zing tho hlim aw chu a sexy takzet.. Ka thil ngaihtuah chu ka awih theilo zawk e!
.
Ka thuchhuak nghal a.. Ka kawrhak chu..?? Nizan a ka hak kha a nilo.. Eng buaina nge ka tawh tak hi..!!
.
Khum atang chuan thinrim zetin ka chhuk a..
.
“Engtin nge helai hmunah hian ka awm theih.. Khawnge ka kawr??”
.
Mikhail chuan muangchang a mengin chiang zet hian min en a.. Thawh ala tum chuanglo anih hmel..
.
“Ka chau ania..Min tiharh hma hle mai”
.
“Engmaw??”
.
“Tunah min zawt lehsi amaw? Nizan kha chuan min hnial hauh loh kha.. Lo mu leh rawh..” thatchhe zetin ka mutna lai chu a beng thuk thuk a..
.
Eng thil nge a sawi hi.. Nilo..nizan ah engtin nge kan awm? Ka ngaihtuahna hi diklo hram rawh se..!
.
“Eng thil nge thleng? Tunge ka kawrhak hi min thlak sak?” min chhan tum miahlo in a maimitchhing leh a..
.
“MIKHAIL..”
.
“Yes..” muangchang in a thuchhuak a, a sam thur deuh te, a hmel landan..a mit..a hmui.. Kawr pawh a halo lehnghal…A ni theilo..!!
.
Mangang zetin ka en a, sawi mai tur pawh ka hrelo.. Ka virginity ka hloh maw?? Engmah ka hriatloh lai lehnghal in.. Room chhung chu ka enkual a, bathroom nia ka rin lamah chuan ka tlan nghal dawr dawr a..
.
Ka awih theilo..!!
.
.
MIKHAIL’S POV**
.
Laura mangang hmel leh min endan atang chuan ka tihsual ka hre chiah..! Kei hian engmah a hriatloh laiin ka mutpui ang maw?? Ka tih ngailoh tur thil ani.. Ka hmeichhe hmangaih lakah phei chuan ka ti ngailo ang. Hmeichhe dang reng reng lakah pawh..
.
Bathroom kawnghar chu chhunglam ah a kalh a, minute 5 chhung zet chu bathroom kawngkhar ka chum tawh..
.
Kawngkhar chu arawn hawng a, a mit a sen ram a.. A thalo tawp mai..!
Min kal pel a.. Enge maw tak chu a zawng ani..
.
Ka T-Shirt chauh ha-a a chevel chu hmuhnawm ti zetin ka thlir a.. Model ho angin a cher ve thawi lova, a ke nalhzet leh a vun nungsar te…Ohh..he hmeichhia hi ka tana buaina tham ani..
.
“Khawnge ka kawr?” ka hma ah dingin min enchho ha a, a mitmeng chu thinrim  vangin a ling hlar a.. Make up pakhatmah a hmanloh hian ka duh zawk.. Ka mit chu a hmui ah a fu chat a..
.
“Mikhail..khawnge ka kawr?”
.
“Ka hrelo….Breakfast ei phawt la, ka thlah dawn che nia”
.
“Teuhlo.. I bulah hian minute 1 pawh ka awm lovang..”
.
“Takzet??” alam panin ka pen hnai a, a tawlhhnung duh miahlo.. Ka ban pahnihin a kawngah ka kuah a.. Ate reuh hle ani.. Ka duhtawk chiah bawk.!! A chechang miahlo..
.
“Ka lak atang hian enge I duh??”
A hmel ka en chhuk chuan  a serious hle..
.
“Avaiin… Nangmah hi ka duh che.. I ngaihtuahna zawng zawng pawh neih ka duh..”
.
“Ka taksa chu I nei tawh reng alawm.. Ka hriat miahloh lehnghal in..”
.
“NO..Nizan khan ka khawih hauhlo che.. Hmeichhe harhfim lo khawihduh tur khawp a insumtheihna tlachham ka nilo… Hun kan hmangdun anih chuan engkim feel turin ka duh bawk che..” Ka thusawi chu kati tak tak tih a hre ngei ang..
.
“Engtin nge ka rin theih ang che.. Engvangin nge helai hmunah hian ka awm”
.
Zawhna min zawt nain a hmel ka en chuan ka thusawi chu a ring niin ka hria.. Helai hmuna alo awm  dan erawh ka sawilo.. Rindan a nei thiam tho in ka ring.
.
“I thawmhnaw haktur ka chah a, alo thleng tep ang..” a hmel a angaihtuahna tilang miahlo in min en vang vang a, min hnial talo bawk..
.
“Anih chuan ka lu hi ana khawp mai..”
.
Thudang a sawi takah chuan ka kuahna chu ka thlah a.. Ka bula a awm hian khawih lova awm ka thiam miahlo niin ka inhria.. Damdawi eitur ka pek hnuah a inbual a, keipawh a inbual zawh hnuah ka inbual ve bawk a.
 .
Breakfast kan eizawh hnu chuan a thawmhnaw haktur ka chah alo thleng a, room ah inthlak turin a lut nghal a…
.
.
“Mike, nizan khan ka be tlang thei miahlo che a..” Max chu ka lam panin arawn kal a, ngawi chat in phawk zet hian min en ta reng a.. Ka room lam a en leh a.. A makti hmel chu ka nuih suk a..
.
“Enge??” a mitmeng atang chuan zawhna a nei tih ka hrethiam.. Laura ka room atanga lo chhuak chu ka en a… Tawng nachang pawh ka hre ta biklo..! A nalh takzet.. A inhmeh tura ka rin chu a sual lo khawp e.. Max chuan a makti hmel thup hauhlo in min la en ta reng a..
.
“Laura..heihi ka thiantha ber Max.. Max..Laura..” an hamhaih ve ve anih hmel..
.
Room a a bag theihnghilh la tura Laura kal leh chhung chuan min rawn hnaih rawk rawk a..
.
“Man.. I hmel a danglam vek ania.. Kha hmeichhia kha.. Ka awih theilo.. I hmangaih tih min hrilh suh..”
.
“Ka hrelo..”
.
“Keiman ka hria.. Hmeichhe bula I awmin tuna I hmel ang kha I pu ngailo.. A hmel I en khan I hmui I chip thei miahlo anih kha..”
.
“Ngawi mai teh..” Max sawi hi a dik chiah em?? A then chu a dik ang.. Ka bulhnai a Laura a awm hian midang bula ka awm aiin ka nui tam pawh ani mahna le.. Ka hmeichhe hmangaih ani tlat alawm..! Ka hlim tur ani reng ani..
.
Laura arawn let leh chuan Max chuan min rawn kiai zauh a..
.
“Laura..nizan I mu tha theilo anih ka ring?”
.
Laura chuan hamhaih zetin Max chu a en a..‘enge ilo sawi a?’ tih melhin min rawn melh nghal zat bawk a.. Kei chauh nilo in Max pawh hi a danglam ve tho.. Ka bula hmeichhe awm, ka hmeichhe kawr thinte  a fiam tak pawh ka la hrelo e..
.
“Max..ngawi mai mai teh.. Engmah a thleng lo ka tih kha”
.
Laura duh angin Art Gallery lam panin kan tlan a, Max erawh a hran in a kal thung.. Ngawi ranin car tukverh ah chuan a dak vauh vauh a.. Ka melh zauh zauh lo thei lo..
.
 .
LAURA’S POV*
.
Sarah ka hmuh hun chuan a chaklo khawp ang.. Engtin nge Mikhail bulah hian min hnuchhiah theih zawk..!
.
Ka chungah engmah a tihloh thu a sawi khan mak takin ka awih a.. A mitmeng ah khan dawt a sawilo tih ka hmu ani.. Thawmhnaw haktur ka neih chuanloh avangin hnial awmzia a awmlo tih ka hre bawk.. Ka lakah enge a duh tih ka zawh kha ‘Avaiin’ tiin min chhang anih kha.. Nuihzatthlak zawk hian.. Nimin lawkah hmeichhe hmangaih a neih thu mipui hma ah a puangzar a.. He mihring pa hi ka hrethiam thei thlawt lo.. Motor khalh pah chuan min rawn en zauh zauh a..
.
Max..nia, a thianpa erawh kha chu Mikhail anglo takin a ngainatawm khawp mai.. Min fiam duhdan a danglam viau.. Reitak inthiantha tawh ang maiin min inngaihtir hial alawm..
.
“Laura…” Mikhail min kohna avang chuan ka ngaihtuahna atangin ka harh a..
.
“Ka thusawi min chhang miahlo..”
.
“Oh..min bia tih ka lo hre lo”
Ngaihdan nihloh hmel deuhin a hawi nghut a..
.
Gallery kan thlen chuan kawngkhar min hawnsak hun nghak lovin motor atang chuan ka chhuak a.
.
Ka hnunglam atangin na zet hian ka banah min pawtlet a..
.
“Ouch..”
.
“Tlaiah ka lo hruai ang che.. Ka lo kal hma chu Gallery hi lo chhuahsan suh” rang zeta inherin Car ah a lut a, a tlanchhuak nghal bawk a..
.
A duh hun hun ah thu min pe a, enge ni a a inhriat ni?? Kei lah hi.. ka lo in ngaihtuah lawkna a ka rilru khauh aiin a huntak ah hian ka tumloh dan in ka awm ziah lehnghal.. Mahse tuntum kha chu hnial pawh tum ila hun min pe miahlo.. Lehpek a..!
.
Nilengin Mikhail ka ngaihtuah a, tunah tak hian enge a tih ang? Tlaiah chuan alo kal tak tak angem? Min fiam mai mai a nih chuan..?? A hmangaih Pia bulah a awm ngei ngei ang..??
Ka tana thil tangkailo hi ka va ngaihtuah tam tak.. Ka hua ani tih hi engtik laiin nge ka theihnghilh hman.? Zingkar a a room a kan awmdan te ngaihtuah letin ka sa pap pap a.. Kawr pawh ha lo in min kuah anih kha.. Ka thinrimna theihnghilhin kuahlet lo turin ka inthunun tang tang a ngai hial a.. A pian nalh zet leh mipa taksa ani tih hriat ngawih ngawih a dik tlap te..Chu chauh lo pawh.. Ka muhil ka harh lai a min kuah ang khan ka mutthilh laiin min kuah angem..?? A rim pawh ka la hre thei.. Ooo..duhtawk teh.. I ngaihtuah nasa mah mah e..! 
.
Dar 4 arik chuan Gallery ah ka la awm a, ka rilru chanve chuan lo nghah ka duh a, a chanve dangin a duhlo.. Mahse helaiah hian tihtur nei tawh lovin ka la thu tho si anih hi..
Sarah arawn lang hlawl a, ka cabin a arawn luh chuan a tap pur a..
.
“Bestie, eng thil nge thleng?” tiin ka zawt a, a tawng mai theilo.. Nghet zetin ka kuah ta ngawt a.
.
“Nic..Nicholas.. Bestie..Nicholas hian min bum ani.. Vawiin chhun khan hmeichhe dang a awmpui lai ka hmu a..”
Nicholas maw? Ka awih theilo.. Nicholas chuan Sarah hi a hmangaih em em tih ka hria..
.
“Hahdam phawt teh..” ka bula chair ah chuan ka thuttir a..
.
“Khawi hmunah nge I hmuh? I chian ngei em?” ka phone a rawn ri a, ka en chuan Nicholas ani..
.
“Laura.. Sarah ka be theilo.. Khawiah nge a awm? I be thei em? Chhun atang khan a phone ala off char char..” Nicholas chuan ka chhanna pawh nghak lovin min zawt mawlh mawlh a.. Enge maw an awmzia hi le..
.
“Ahh.. Ka hrelo..”
.
“Ka hria e.. I bulah a awm ani.. Ka lo kal nghal..lo kalsawn tir miah suh..” ka chhan leh hmain phone chu a off nghal a.
.
Minute 20 dawn aral hnuah Nicholas chu hmanhmawh hmel zet hian arawn thleng a.. Sarah in a hmuh chuan thinrim zetin alo tawng nghal a.. An insual ani ber e.. Sarah hnenah chuan nizan a thilthleng chungchang zawhfiah na hun pawh ka nei talo.. Zawt pawh ni ila a sawimam leh vek thovang tih ka hria..
Nicholas chuan hneh zeta kuahin a fawp a…
Gallery atang chuan inkaichhuak in Car ah an lutdun a.. Sawifel tur an neih chuan midang hmuh lova sawifel an tum tur ani reng ani.. An tlanchhuah dawn chuan Nicholas chuan min rawn signal zauh a..!! Hmm..engemaw chu a thleng ngei ang..??!
.
Cabin ah lut leh in ka thu vang vang a.. Ka tihfel tur thil ka tifel vek tawh a.. Mikhail chu ka rin aiin arawn lang har ta bawk..
.
6:00PM
.
7PM
.
Gallery kan kharna pawh a rei tawh. Security guard pawnlam ah an la awm a.. Mahni chauh a awmah pawh ka inngai hranlo.. Ka hnathawh a tul vanglai chuan keimah chauh pawh a riah chang nei mah ila, tuna ka awmdan nen chuan a inang lo. Thil nghaktu nih hi ka thiamlo viau bawk.. Alo thleng tepin ka ring.. Heti chen hi kan inhre tawh a, a phone number pawh ka nei miahlo.. Nei pawh ni ila ka be chuanglo ang.!
.
8PM..
.
Ala rawn lang talo cheu a..!! Ka tawrh theih bak ani ta.. Haw tumin pawnah ka chhuak a, ka motor ka kenglo..!! He mihring vang hian buaina ka tawk leh ta anih hi..
.
Thinrim zetin Gallery ah ka lut leh a.. Mahni chauh a awm ka duhzawk reng reng e..
.
Sofa ah chuan nuamlo zetin ka mu a, hnathawh tul vang anihloh chuan helai hmuna riah hi a nuam fahran lo anih hi.. Ka chhungte ka awmna hmun ka hrilh hnuah  ka phone ka switch off nghal a.. Darkar hnih vel chu ka muhil ve in ka hria..
.
Khua a var a, chawhma hun aral a.. chanchin engmah ka la hrelo.. Ka tawt up up tawh.. Min rawn hmuh tum leh pawh nise ka hmu duh kherin ka ringlo..
.
 Chawhnu lamah Sarah a rawn kal leh a, nizan a a landan nen chuan danglam tak ani.. Min hmuh rualin a zungbun ka hmuh theih nan a kut a rawn lek va a..
.
“Nizan khan a nupui  ni turin min sawm a.. Oh..ka hmangaih ani..” hlim zetin hmeichhe dang nen a hmuh chungchang a thudik a hriat tawh thu sawiin a ri hluai a..
.
“Oh.Bestie, ka tana mi diktak ka tawng ta niin ka hria.. .
.
“Ka hria alawm”
.
“I hria maw? Engtin?”
.
“I thiantha ber ka nia lawm le.. Ka lawmpui lutuk che..”
.
Sarah chu ka kuah a.. Kei ve thung hi le? Ka tana Mipa diktak ka la tawnglo ani ngei ang.. Tihnat theih rilru ka nei ve tih hrelo mipa chu ka tawng ngei a, Ka hmangaih bawk a.. Mahse hmangaihna ah hian mi pakhat chauh hmangaihna chu a tawklo ani! 
Sarah chu rei vaklo a awm hnuah Nicholas hmu turin min chhuahsan a.
.
.
MIKHAIL’S POV*
.
“Ka lawm e. Mr.Polshki” …. “Keipawh le.. Kan inhmu leh thuai dawn nia”
.
Mr.Polshki office atang chuan ka chhuak a.. Mr.Polshki hi Cyber Crime expert ani. Budapest a thilthleng, Laura tih anga ka mimal nun diklo puangzartu chu manchhuah ani thuai ang. Tunlai ah engkim a changkang tawh a social media kaltlang a thitih reng reng fimkhur tak leh dik taka tih angai tawh reng ani..
.
Hospital ah kal ka ngaihloh ni ni mahse nilengin ka buai zawm a, Charity foundation kaltlang a mi kan tanpui thenkhat te bia in, thenkhat hmaichhan ngei ah ka hmu bawk..
.
Ka phone ri chu ka pick up a..
.
“Aw,Max..”
“Mike, I pa  dinhmun a tha vaklo a, Hospital ah rawn kal rawh.”
.
Hmanhmawh zetin motor ka khalhchhuak nghal a. Ka hlauthawng hle. Hospital ka thlen chuan Max ka pan vat a.
.
“Ala harh lova” ka pa awmdan min hrilh zung zung a.. Max ang thiantha ka nei hi ka vannei takzet ani..
.
Darkar 3 hnuah pawh ka pa chu ala rawn harh chuanglo a, a lungphu erawh a pangngai thlap. A mutna bulah chuan thu in a kut ka vuan a. A rawn harh hma chu khawiahmah ka kalsawn theilo..
.
“Kapa, harh teh.. Vawiin hian ka hmeichhe hmangaih nen inhmelhriattir che ka duh asin”
OH..Laura..Laura hnenah khan ka hruai hma minlo nghak turin ka hrilh a, tunah zan dar 12 a pel tawh..! Ka phone phawrhin a number ka dial a, a phone a off tlat.. A mu tawh anih ka ring..
.
Khua a var a, ka pa awmdan ala ngai reng.. Darkar khat ral chhung a rei duh khawp mai. Cabin ah chuan tihber tur pawh hre chuanglo in ka veikual sek a..
.
1:30PM
.
Ka pa arawn harh chiah a, a taksa ah na dang engmah a nei lo.. A chak tawklo deuh e tihmai loh chu..
“Huan ah ka thu reng a, inchhung lama luh tumin ka tho a, ka luhai vangin ka tlu ta ani ngei ang..”
“Kan in a Max alo kal hlauh chu a vanneihthlak hle mai..”
.
Dar 2 arik chuan Hospital ka chhuahsan a, in lama intifai phawt tur pawhin hun ka nei tawhlo.. Laura ka hmuh phawt angai..
.
Gallery lam panin ka inkhalh chhuak nghal a..
.
Gallery a a Cabin pawnah chuan ka ding chawt a.. Amah chauhin a awmlo ani ngei ang..
Kawngkhar ka kik dawn chiah tihin arawn inhawng a, mipa pakhat arawn chhuak a, engmah sawilo in min kalpel a.
Hepa chu..khawiah emaw ka hmu tawh.. Ka hria..Hospital bula Laura rawn puitu kha ani.. Ell tia kotu kha..! Hetah hian enge atih ang.. Ka thin a sa phat..
.
Kawngkhar pawh kik talo chuan ka hawng rawp a..
.
“Engmah sawitur ka nei tawhlo..” ka hmel a hmuh chuan a tawng tawp chawt a, chiang zet hian min en ta reng a..
A dawhkan chu nemin amah hnaih turin ka hma lamah ka awn a, Chair a a thu chu chiang zetin ka en a..
.
“Kha pa kha tunge?”
Ka lak atangin  a mit a lasawn ta hram…a hmel landan a danglam nghal bawk
.
“Engatan nge I tih?”
.
“Kha pa kha tunge tih ka zawt che anih chu?” ka tawngringlo nain ka sawi chu a hrechiang khawp..
Min ngaih pawimawhloh hmel zetin a dar a tisang zauh a..
“Ka lakah thinrimna chhan tur engmah I neilo.. Chuan hnathawh tur ka nei a, min chhuahsan ta che??”
.
Takzet reuh che hian.. Ka nui hul hak a.. Ka hria e..a ngaihdan chuan alaka thinrimna chhan tur ka neilo.. Nizan thilthleng avang khan amah zawk hi ka lakah a thinrim ngei ang.. Mahse thinrimna chhantur tha tak ka nei.. Kha mihring pa nen khan helai ah hian enge an tih? An 2 chauh lehnghal in..
Dawhkan chu kalpel in a thutna chair chu hneh zetin ka kuaiher a.
.
“Nizan avang khan ngaihdam ka dil che.. Thil awmdan ka sawifiah..”
.
“Engmah I sawifiah a ngailo.. I infiamna hmanrua ka nilo ania. Bakah..”
.
“Lo ngaithla phawt rawh..” ka tawngdan avang chuan a ngawi chat a, min en chho ha in a thutna atang chuan min cho hmel zet hian arawn dingchhuak a. Ka lakah a thinrim tih a tilang tal a, hmasawnna ani.. Min huat hmel takin min enlo bawk..
.
“Ka tihpalh.. Ka pa vang ani.. Nimin khan nikhawhrelo in a tlu a, Hospital ah ka awm char char a, ka kalsan theih veleh ka rawn pan nghal che anih hi..”
.
“Ka hrethiam e..”
“Engvangin nge I phone I off..?”
“Ka phone ania, ka duh hunah ka off thei alawm.. Eng..Engtin nge ka phone number I neih?”
.
“A tha e.. Kha pa khan enge arawn tih.. In pahnih chauhin pindan 1 ah hian enge in tih?” Eng thu nge ka sawi hi..? Mipa thikthu chhe zet ang maia ka lan tak chu..! Pawi ka tilo.. Ka ta chauh ni tura ka duh vang ani..
.
.
LAURA’S POV**
.
Vawiin zet chu.. Sarah kalhnu lawkah Alex King arawn kal a, a nungchang mawilo tak thin arawn pholang leh bawk a.. He mihring hi chuan ka dawhtheihna tawpchin thlengin min nawr thin reng ani.. Hospital a min tanpui na ka lo pawm vang khan ka laka tlatlum ta lua ah a inngai lehpek ani ngei ang.. Engtik ah mah kan inmil dawnlo niin ka hria.
.
A chhuah rual rual in Mikhail arawn lang a.. A chauh hmelin nimin a a thawmhnaw hak ala ha reng a. Nimin a engmah sawilo a arawn kalloh chhan kha apa vang anih chuan sawitheih ka neilo. A hmel landan atang hian thudik a sawi ngei bawk ang. Sawitheih ka neilo ka tihrualin a laka ka thinrimna a reh nghal chuanglo bawk..
.
“A tha e.. Kha pa khan enge arawn tih.. In pahnih chauhin pindan 1 ah hian enge in tih?” a thu min zawh dan chu..!! A thilneih sa midang laka venhim tum te pawh a ang e!! Thikna?? Thikna maw?? Mikhail-ropuia hian ka lakah a thikthu a tilang maw? Awihawmloh lutuk.. Hmangaih dang a neih reng laiin ka lakah midang a thik nachhan tur a awmlo..
.
“Engvangin nge ka hrilh ang che? Ka duh duh ka hmu thei alawm”
.
“Ka hmangaih che vangin”
.
Thawk la hawkin alamah min pawthnai a, nghet zetin min kuahbet a..
.
Ka beng hi a diklo anih ka ring..! Mi thusawi pawh ka hre dik thei tawhlo..!
.
Min kuahna chu thlahin Ka dar tawn tawn ah min vuan a, min enchiang hle.. A mitmeng chu..ka zawihnawk in ka hria!
.
“Aw..ka hmangaih che.. Ka hmangaih che avangin tu mipa mah I hmuh ka remti lo..” maimitchhing in thawk ala hak a.. arawn men leh chuan thawveng huai hmel a pu “Ka hmangaih che ani.. Laura.. Szimpla Kert ah min hmu tura ka koh zan che kha..khami zan atang khan ka hmangaih che tih ka inhria a..ka thinlung in min hrilh chu ka pawm theilo a.. Ka tawngkhum dan che avang khan keimah zawk ka in tina ani..”
.
“Mi nikhualo leh mi tenawm tia I koh hi engtin nge I hmangaih theih ang? Bakah I hmangaih chu Pia ani lawm ni?” Ka rilru tina bertu leh ka thinlung a thi theilo thu hi ka sawichhuak lo theilo..
.
“I rilru ka tihnat avangin ka tihpalh.. I laka tawngkam na ka hman zawng zawng vang pawhin.. ka tihpalh takzet.. Pia chungchang chu engmah sawitur a awmlo.. Ani kha ka engmah anilo.. Nangmah chauh hi engtiklai pawha ka ngaihtuahna luahtu ini..”
.
“Engtin nge ka rin theih ang che?”
.
“I laka ka awmdan zawng zawng min chik la, ka mit ah tak min en rawh.. Tichuan, ka hmangaih che tih I hre thei ang”
(TRY ME?!! So you can feel my love)
.
A tawngkam zawng zawng avang chuan sawitur ka hrelo.. Ka rilru zawng zawng in ka ring vek ani tih bak chu..
.
Rawn kunhniam in  min fawp ta vang vang a.. A phurin a duhthawh hle..
.
Ka kawngah a ban pahnihin min kuah a, a nghawngah ka kuah ve thung a. Inla hrang hlekin a nui sak a, kan chal insik tirin a thaw hak a..
.
“Ka hmangaih che..Laura..”
.
Tun tum chu ka fawp hmasa...! Keipawhin Mikhail Varshavski hi ka hmangaih ani..!
.
.
MIKHAIL’S POV**
.
“Ka awih theilo.. Tuna I nuihmel chu hmuh a nuam khawp mai”
.
Max chu ka melh zawk a, kan awmna lam pana Laura rawn kal chu ka en lehnghal a.. Karhnih liamta chhung khan ni 1 te pawh amah hmulo a ni hmanral ka neilo.. Buaipui chung anga lan erawh ka duhlo.. I hriat kha..! Hmeichhia I buaipui chung anih chuan thilthleng tur chu a tha vaklo ang..! Chutih rual chuan ita chauh ani tih leh I ngai pawimawh ani tih mite hmuh tura I tihlan thin erawh angai..
.
 Ka bul arawn thlen chuan ka fawp leh lo thei lo.. Ka kuah vang vang bawk a..
.
“OHH..COME ON..”
Max chu ka va melh a, nui sungin a dar a san zauh a..
“Max, kuah I mamawh ve nih kha”  Laura chuan fiamthu paha nuisang in a pan a, ka lo pawtding vat..
.
“Mikhail..”
.
Max chuan nui hawk hawk chungin min kalsan a..
.
Ka pa chenna in lam panin motor ka khalh a, vawiin hian Ka hmangaihte pahnih hi ka inhmelhriattir dawn ani.. Laura ka hrilhlawk lo..
.
“Khawnge kan kal dawn?”
.
“Kan thleng tep” tiin ka chhang ringawt a..
.
In kan luh chuan Roxy-n minlo lawm vat a, Roxy a hmuh chuan Laura pawhin ka pa hmu turin ka kalpui tih a hrethiam chiah niin a lang.. Phawk zetin min en a.
.
Ka pa’n min hmuh chuan mak ati viau tih a thup lo.. Ka pa hnena hmeichhia ka hruai hmasak ber ani a, engmah ka hrilhlawk lo bawk nen, maktih viau pawh a awm e.
.
Laura nen chuan inpawh takin an inkawm a, kitchen ah lunch tur ka lo siam thung a. Ka tetlai atang tawhin ka nu khan eisiam min zirtir fo a, mahni chauh a I awm hunah leh I hmangaih tak I tawn hun atan ala tangkai dawn tiin min hrilh thin. Khatih hunlai khan ka hrethiam ngailo a, tunah erawh uluk taka ka siam ka hmeichhe hmangaih in tui titak a a ei hmel hmuh chu thil nuamtak ani dawn tih ka hrethiam tawh ani.
.
Kut nel thap in ka dulah min rawn kuah chuan ka thiltih lai chu ka tawp chawt a.. Kitchen a alo lut thawm ka lo hre miahlo.. Ka hnunglam atanga min kuah chungin ka hnungah a bei thlap a..
.
“Puih I mamawh ka ring a”
.
“Yes….No..” ka nui hak a. He hmeichhia hian ka thluak a tibuai vek tawh anih hi..
.
Min kuahna a phelh hma chuan ka hnungah a fawp zauh a, ka insangmar nghal teuh.. Helai hmunah hian min thlemthluk a tum ani em lovang chu.. Min kuahna chu phelhin nui sang hian ka sirah chuan a ding a.. Ka thilsiam lai chu a melh kual dan dan a..
.
“Ka awih theilo.. Mikhail..”
.
“Hmm??” ka mithmul ka tiche zauh a..
.
“I tha ber mai..”
.
“Ka hria alawm..”
.
“Engmaw?” la nuisang in min en a, Ohh..thildang ka ngaihtuah angai ani.. Ka kut a cream kai chu a khabe ah ka tat zauh a, a te that a.. Kuahbet in a khabe a cream chu ka fawp a, khabe chauh chu a tawklo.. A hmui ah ka fawp nghal a..
.
Kan infawh vang vang hnu chuan inlahrang deuhin kitchen luhna kawngkhar lam chu a melh zauh a.. A rilru tur chu ka ringchhin thiam mai..
.
“Ah.. Ka puih dawn che chuan Brownie ka lo siam ang..”
Nui suk in ka kuahna chu ka thlah a..
.
A thil  siamna tur hmanrua a melh kual a, atan chuan kan hmanraw thenkhat dahna hi a sang mah mah anih hmel.
.
“Mr. Best..!! Hmanraw thenkhat awmna hi a sang mah mah anih hi.. Min laksak thei angem?”  a thilduh chu a kawk zauh a..
.
“Engtin maw min koh?”
.
“Engmah ani lo” tiin a nui hek hek a.. A nuhmel chu ka en reng a.. Oh..ka luangliam ani..!
.
.
LAURA’S POV**
.
 Apa hmu turin kan kaldawn tih min hrilhlawk miahlo a.. Roxy ka hmuh khan ngaihdan ka nei thiam chiah ani.. Ka nervous ta thut bawk.. Apa chuan min ngaina lo in a duhloh zawng tak lo nita ila..!!
.
Ka hlauhthawn ang thil chu a thlenglo hlauh.. A pa chu mi ngainatawm tak ani. Mikhail Old Version ani ringawt.. An inang lutuk.. Mikhail kitchen a aluh hnuah an in hnunglam huanah chuan Lunch eina tur dawhkan kan buatsaih a, Roxy pawh phur deuh in kan bulah a vir vut vut a..
.
Dawhkan kan peihfel hnu chuan Study room a a awm dawn thu sawiin Roxy nen min kalsan a, Lunch kan peih huna ko mai turin min hrilh bawk a.
.
Kitchen luhna tur kawngkhar zau zetah ah chuan dingin Mikhail che vel chu ka en reng a.. He mipa hian min hmangaih thu min hrilh kha ania.. Min hmangaih ani tih ka hriatthiam theihna turin amah chik tur leh a awmdan te en turin min hrilh bawk.. Keihian tawngkam a sawifiah theih bakin ka hmangaih ani..
.
A kawrhak lai chu a kiu thleng dawn in a tawm a, a thilsiam laiah chuan a rilru zawng zawng a pe tih hriat takin a bur ngar ngar a.. Ka thawm ala hre miahlo tih alang reng.. Thawmdim deuhin a pan a, a hnunglam atangin ka kuah a..
.
Lunch kan peih hnu chuan in hnunglam huan ah kan ei a, apa nen a an inbiak dan leh an chezia chuan min hneh takzet.. A eitur siam pawh  tui tak ani.. Tui ti takin ka ei mial mial a..
.
Ka khup ah min rawn vawn chuan ka phu deuh zawk, amah ka en vat a, engmah tilo ang hmiah in apa chu a be mawlh mawlh a..! A kut chu arawn vak chho zel a, ka kut lehlam dawhkan hnuaiah dahin a kut chu la sawn turin ka duh tih hriattir nan ka beng zauh a.. Awmzia a awmlo.. Ka mal a khawih thleng tawh.. Mangang zetin ka melh a, nui sukin min siai zauh a.. Ka mal inkar arawn zen dawn chuan ka thilei lai ka hak a, ka khuh nghal bawrh bawrh a..
.
Min la nuih reng chungin tui in tur min pe vat a, apa nen chuan inman zetin an inmelh bawk… Ka sa chhuak pawp pawp.. Hagghh..i  chaklo ang..!!! Rum zetin ka melh kawk a..
.
“Vawikhatmah I bulah Lunch ka ei tawh dawnlo”
Kan in lam panin min thlah a, Lunch kan eilai a a awmdan avang khan ka thin ala rim ani..
.
“A thleng leh tawh lovang..” min nuih suk a.. Ka thinrim na chu engahmah a ngailo..
.
Ni 2 chhung chu ka be duhlo a, Gallery a alo kal pawhin ka be tha duh chuanglo. Chhuanlam ho deuh deuh hmangin min rawn bia a, message min rawn thawn reng bawk. Tunah pawh min lo call leh tawh..
.
Ka chhang awmlo emai.. Vawi 5 vel min call hnu chuan a reh ta vang vang a. Dar 4 arik chuan Gallery atanga haw turin  ka insiam a.. Ka phone arawn ri leh a.. Amah bawk..Ka phone chu off in Gallery atang chuan ka chhuak a.
.
Ka car lam pana ka kal chu ka banah tha chak zet hian min pawtding a, kan bul vela mite chuan min rawn en hrak hrak hlawm a.. Tunang hunah engtin nge arawn kal theih zawk? Hospital a awmtur ani reng sia.
.
“Mikhail min thlah teh.. Miin min en vek ania..”
.
“Ngatinge phone I chhan duh loh?Naupangchhia taka awm hi bansan tawh rawh” hnai zetah min en ngur a.. A call ka chhan duhloh vang khan a thinrim viau anih hmel.. A awmdan avang chuan kan vela mite chuan min enduh lehzual..
.
Ka inrin hmain ka biang tawn tawn ah min vuan a, mi zawng zawng hmuhlai chuan min fawp a.. Tute nge kan nih tih min hmu tute chuan an hre vek lehnghal.. Lalpa..eng thil nge a tih hi..? Min thlah hnu chuan ka hawikual zak zak a, Kan bul vela mite chuan kan lam hawiin phone anlo lek far a..!!
.
Min kaiin a Car awmna lamah min kalpui a, ngawi rengin ka zui a. Kan In kan thlen thlengin vawikhatmah min be tawhlo.
.
In ka thlen hnu chuan Danny’n min koh vangin Library room ah ka lut a..
“Heihi enge le??” nui sungin a phone chu a lekkang va va a.. Ohh.. hmeichhia leh mipa inthlakhlelh hmel  taka infawp thlalak chu en in ka sen awp awp a. Mikhail-a’n Gallery bula min fawh lai khan ka kuahlet ve tih pawh ka lo hrelo..!!
.
An va cherang hlawm ve le.. Comment a tam hle..!!
.
Ka phone ri chu phurlo zetin ka pick up a. Kan thlalak chu Sarah-I’n alo hmu ve leh tawh ani ngei ang..
.
“Bestie, thil pawimawh ah hmuh che ka duh, chawlhna in ah ka awm mek a, tunah lo kal nghal rawh” a aw atang chuan thil thalo tak a thleng anih ka ring.. Ka inbual zung zung a, ka thawmhnaw hak thlakin Sarah hmu turin ka chhuak lehnghal a. An chhungkaw chawlh hmanna in ah kher? Enge a awmzia ni ang?
.
Chawlh hmanna in ka thlen chuan anlo reh thiap a, Sarah chuan kawngkhar min rawn hawnsak in a hmel a ngui bar a..
“Tinge inchhung hi a thim ruih a?”
.
Thawklehkhat ah arawn eng pup a. Ka mitvai a reh chuan Ka bulah chuan Sarah a awm tawh lo.
.
Music ri lo chhuahna lam ka en chuan Mikhail alo ding reng a
.
Chu hla chu.. Mikhail.. ka tan a play ani tak tak em??! Ka awih theilo..
.
.
MIKHAIL’S POV*
.
Inchhung arawn luh chuan mitvai niawm takin a mit a khap sak sak a. Sarah leh hnenah lawmthu awm rawh se..!! Zing lama kan inbiak lawk tawh angin engkim alo buatsaih fel vek a. Ka mi nghah ber pawh ka hma ah a ding ta.
.
Alam panin ka kal a, thil thleng chu a beisei hauhloh ani tih a hmel ah alang.. Ka hla play chu ngaithla in a lu a thing nar nar a.. Zawhna min zawt hmel a pu bawk.
.
Duat taka kuahin ka hla play mil chuan ka lampui a.. Nia, he hla hian alaka ka rilru putdan a sawifiah teuh ber..
.
*~Make you feel my love – Adele~*
~~*Hun harsa tawkin, mi zawng zawng in chungchang sawi pawh nise, itana ding in, ka hmangaih che ani tih I hriattheih nan ka pawm tlat ang che
Ka hmangaihna I hriatthiam theihna tur anih dawn phawt chuan tih duhloh leh tih theihloh engmah ka neilo.
Hlim tak a awm turin ka duh che a, I duhthusamte ti puitling turin itan ka awm reng ang. ~*
.
Mitmeng nung sar in min en a, tuna a landan hi ka duhthusam ani.. Make up engmah a inbel lova, ka hmuh hmasak ber tum ang chiah khan, hmeichhe rilru tluang tak leh thianghlim tak hmel ka hmu leh ani.. Min hmangaihna mitmeng ka hmu bawk!!
.
A hmui no chek ah chuan ka fawp vang vang a..
.
“Ka hmangaih che”
.
“Keipawn ka hmangaih che.”
.
“Ka hria e..”
.
Ka chhandan avang chuan a nui hak a
.
“Engtin nge I hriat?”
.
“I mit hian dawt min hrilh ngailo.. Ka hmangaih che”
.
Ka awm ah a hmai phumin a maimitchhing vang vang a.. Ka lungphu ri a hriat ang bawkin ka hmangaih takzet ani tih a hre tawh ngei ang..
.
Kan hma hun chu a intan dawn chauh ani.. Ka damchhung in ka thlah leh tawh lovang. Ka hmangaih ani tih nitin a tharin a hriatbelh zel bawk ang.
.
Mal ngawih ngawih a awm hian thinlung a tina a, HNAWL nih pawh in thinlung a tina vawng vawng thin. Mi tuemaw kan HLOH hian thinlung a na a, THIKNA rilru in min tina thin bawk .
Mi tamtak in heng natna thleng thinte hi HMANGAIHNA nen an hriatpawlh fo a, A nihna diktak ah chuan HMANGAIHNA hi natna zawng zawng tuamdam theitu ani..
 Mite chuan Hmangaihna hi natna mai ani tiin an sawi thin mahse keichuan Hmangaihna chu natna ni lovin mihring thinlung a hlimna min petu ani tih ka hria.
.
.
EPILOGUE - - STILL TO COME
.
Ka thuziah ve te min LIKE saktu leh COMMENT tu zawng zawng te phurna thar min pe tute inni a, rilru han hmanrim leh han chauh deuh hnap hnuah pawh in COMMENTS te hian chakna thar min pe thin. (Nuam tihzawng ni mahse a hahthlak ve reuh zek thin bawk sia). Zir tur ka va ngah em..

EPILOGUE

 TRY ME?!! (so you can feel my love)
.
EPILOGUE
.
By. Thantei_LauraSean Virgo
.
.
LAURA’S POV*
.
Chawlh hmanna in a thilthlen atang khan kar khat a liam leh reng tawh. Mikhail nen tlai lam hunawl ah movie kan endun deuh ziah a.. A nuam tih ber chu inkuah chunga movie endun hi anih ka ring.. Kan movie enlai aiin min enzing zawk thin niin ka hria.! A tawpah ka malchungah mu in a muhil thin bawk. Mipa rintlak leh engemawchang a ngeng tak ani chung hian naupangchhia ang maia awm chang anei bawk.. Engang pawh nise, ka Mikhail..min hmangaihtu ani reng a, anihna ang hian ka hmangaih ani. A nungchang a tha tawklo tihlai ka nei anih pawh in ka duhzawng chauh leh a nihlohna anga nung tura thlak danglam ka tumlo. Ka ringtawk ani.
.
2:15PM---NYC*
.
“Mikhail, khawnge min hruai dawn?”
.
Tunang huna arawn kal hi ka beisei maihlo. Lunch ei tura chhuah a hun tawhlo bawk.. Gallery ah a rawn kal a, ka studio, lemziah nan chauh  a ka hman thin pindan ah arawn lut tlang a, ka thiltihlai min dah sak in engmah sawi lovin ka bag ala a, min kaichhuak ringawt ani.  Ka thawmhnaw haklai hi chhuahpui tlak ani chiah pawhin ka hrelo..
Kekawrbul var chhing angreng tak leh kawr  thawl hek hawk ka ha a, flats ka kawr rawng ang chiah a pawlduk ka bun a,ka sam ka trawn khawm tawp bawk. Ani vethung hi chu eng thawmhnaw pawh ha se, engtiklai pawhin a lang nalh reng ni maiin ka hria.
.
“Khawnge kan kal dawn?”
.
Min la chhang chuanglo in Driver seat ah chuan a rawn thulut a, min en vung vung a.. A hmel ka en chuan thinrim hmel a pu bawk silo..! Eng thil nge maw a hriat le???
.
Ka lamah rawn awn thut in min fawp zauh a..
.
“Enge  a awmzia?”a awmdan chu ka la hrethiam chuanglo..
.
  Nui sukin alam ah min pawthnai a, duhthawh zetin min fawp leh a.. Ka hnial thei biklo.. Mikhail ani tlat alawm..!!
.
“I lang nalh lutuk.. Ka ngai che” hnai zetah min la en reng a.. A nui hmel chuan ka thaw a tichham lo chauh..
.
“Eng thil nge tih I tum a?”
.
“Ka hrelo.. M.B.L.G..”
.
“M.B.L.G..?? Enge a awmzia? Medical term anih ka ring..?
.
Za zet hian a nui hawk hawk a.. Ka thusawi chu engpawh lo nise Mikhail nuihtir theitu anih chuan a tha vek e..!!
.
“M.B.L.S.G”
.
“Enge? Mikhail..duhtawk teh..”
.
“My Beautiful Lovely and Silly Girlfriend.. My BG(Beautiful Girlfriend)”
.
“Duhtawk teh” ka thinrim vang pawh ni lovin ka tum lui bar a..
.
“A tha e.. My BG..Mr. Polshki hmu turin kan kal angai a.. Kan thlen hunah thil awmzia I hrethiam mai ang”
.
Tunge Mr.Polshki..?? Ka hre velo anih ka ring..
.
Building lian zet kawtah kan ding a, Car atanga kan chhuah hnu chuan ka kut ah min rawn vuan in building lian zet chhungah chuan min luhpui a.
.
Cabin pakhat a kan luh chuan mipa pahnih anlo awm a, keichuan tute nge annih ka hrelo..
.
Room chhunga mipa lo awm upa zawk, Mikhail-a’n Mr.Polshki tia min hrilh zawk chuan lehkha pawimawh ni awm tak arawn phawrh a, lehkha ah chuan sign turin min hrilh bawk a. Ka hming ka sign hmain lehkha a thu inziak chu ka chhiar a, makti zetin Mikhail chu ka en a, ka rilru tur hrethiam niawm takin a lu a bu nghut a.
.
“Miss Sullivan, social media a thu diklo thehdarh a ngaih inih  chungchang ah khan ni hnih hnuah Court ah I inlan angai dawn a, hlauhthawn tur erawh engmah a awm lovang. Chiang leh uluk taka kan chhui hnuah thil tisualtu chu manchhuah ani tawh e. Mr.Rodriguez, tikhan thil pawimawh chu a zo a. A lehpek ah chuan I dinsak tur hrechiang tawh la atha khawp ang. Mi thlavang hauhsak tura I dinchhuah a I tawngchhuah hmain I dinsak tura kha abulte atanga thil diklo ti hmasatu ani nge nilo chiang taka hriat phawt I tum tawh  dawn nia. Mi diklo zawk tran a mahni intihmualpho I duh ka ring lo.”
.
Mr. Rodriguez room atanga a chhuah hnu rei vaklo ah kan chhuak ve nghal a.
.
“Ka lawm e” Mikhail kut chu ka vuan a, rawn kunhniam in ka chal min fawp a..
.
Ni 2 aral hnuah Court ah ka inlan a, Mikhail leh ka chhungte, Mikhail nen a kan thiantha te anlo tel ve bawk.
.
*1. Vellorie Smith O’niel hian thu diklo leh belhchian dawllo hmang a Laura Sean Sullivan a tih hmingchhiat  avangin $20,000 a chawi tur ani.
*2.  Vellorie Smith O’niel hian mimal zalenna tibawrhbang a thu diklo a thehdarh avangin thla khat chhung enthlakna hnuaiah khawtlang tan hna a thawk tur ani.
.
Point 10 chuang zet Vellorie hremna turin thutlukna siam ani a, a hmela inthiamlohna ka hmuh khan ka khawngaih hial mai. Ka hriat ngai mi anilo a, Mikhail ka zawh chuan a hmelhriat hlui anih thu min hrilh. Mikhail nen kan inhriat tirh, The Gellert a kan awmdun min hmuhfuh atangin min zui ru a, ka thla lo la ru in Twitter ah account lem a siam a, dawt muhlum kha a puangzar ta niin a insawi.  A tihchhan ber chu Mikhail a atchilh vang leh amah hnaihtu hmeichhia tupawh a huat mai thin thu asawi bawk.. Tun hnuah a tileh anih chuan lung in tan thleng a hrem theih ani dawn a ni. A hmel ka en khan a pawng ataka misual anih ka ringlo..!
.
Court a ka inlan atanga kar khat chhung chu Mikhail nena kan chungchang in mite ngaihven a hlawh zual hle.
.
.
MIKHAIL’S POV*
SZECHENYI THERMAL BATH – BUDAPEST
.
Vawiin hi Laura Birthday a ni a, tun tum hi pasal nei lova a birthday a hman hnuhnun ber tur anih ka ring. A birthday a thlen leh hun chuan Mrs.Varshavski ani tawh ang. Budapest a a birthday lawm kher ka duhna chhan pawh kan intawnna hmun anih vang ani... Ka nuna hlimna leh lungawina min petu hian thil tha ber zel a phu ani..
.
“Mike..tsk..tsk..i mit ila sawn thei thlawt lo ani maw” Max chu ka bulah rawn thu in a nui hawk hawk a. Ralkhat a Laura leh Kim (Max bialnu) kan awmna lam pan a lo kal mek chu ka en reng a.. Max hian a sawi dik.. Laura lak atang hian ka mit ka lasawn hleithei lo ani e..
.
Szechenyi a hun nuam tak kan hmanzawh hnuah zan dar 8 a inhmu leh turin kan kalhrang a, zanin hian a beisei hauh loh tur thil ka buatsaih a, ka nupui ni turin ka sawm dawn ani. Ka awm hle hle theilo..ka phur viau rualin ka sawmna chu min hnawl mai ang tih hlauhthawnna ka nei bawk.
.
7:40 arik chuan Laura thlenna Hotel ah ka awm der tawh.  Hotel thuhmun a thlen a duhloh tlat chhan hi keipawhin ka hre biklo.. Miten kan chanchin an sawi leh kan pahnih chungchang an ngaihven tlat hi nuam a tilo tih ka hria a, keichuan ka pawisa tehchiam lo nain a duhdan chu ka zahsak ani.
.
A room kawngkhar ka kik kauh kauh a, min rawn chhan mailoh vangin ka hlauthawng thut.. Kawngkhar chu ka nem deuh a awlsam zetin a inhawng a, room chhungah chuan ka penlut nghal a.. Tumah ka hmulo.. Amah chauh a a awmlai chuan kawngkhar kalh ziah turin ka hrilh fova, a luhlul reuh lutuk hian ka thu a zawm lehlo anih ngei hi..
.
“Laura…” thawm engmah a awmlo.. Bathroom ah ka en a, a inbualna ala reilo ang tih hriat takin bathroom chhuat ala huh vek bawk a. A thawmhnaw dahna ka en leh a, a ruak vek.. Mangang ru zetin kawngkhar pakhat lo awm chu ka nem hawng rawp a.. Tre that ri ka hriat chuan ka ding chawt a.. Ka thilhmuh lak atang chuan ka mit ka lasawn tawhlo..
.
“Mikhail..min tiphu nasa lutuk.. Chhuak rawh..” a thawmhnaw haktur chu laklawh zetin a awm ah a pawm khawm a, a inhliah tawk tawk a.. Umm..ka hmuh tur ang chu ka hmu vek tho.. Panty chauh ha in abak engmah a inbel lo..
.
Muangchanngin ka pan a, a mitmeng bial kal chuan phawk hra in min en a… Duhawm lutuk.. Tunge hnar thei ang ni..???
.
“Mikhail.. chhuak rawh..Khawngaihin”
.
A tawng chu hrelo ang hmiah a awmin a hmaiah chuan ka zungchal in ka nul riak riak a.. A rimtui chem chem chu ka hip vang vang bawk a
“Ka puihna I mamawh ka ring..” a thaw hak a.. A tukhumah vuanin ka kunhniam a, phur zetin ka fawp a.. Ka duhtawk thei ngai dawnlo tih ka inhrechiang.. A hnungzang mam thal chu ka chul a, ka chul thla zel a, a mawngbawr nalhzet ka khawih thlen rual chuan harhchhuak thut niawm takin min fawhna chu a titawp a, a inlahrang hlek a..
.
“Mikhail..khawngaihin..tunah chuan nilo..” a thawkdan atang chuan keimah ang thoin a danglam tih ka hria.. Mahse, he hmeichhe mak zet hian harhchhuah hun a hre khawp mai.. A in control thei bawk.. Hmeichhe mak leh hlu tak ava ni chiang em..
.
La kuah reng chung chuan maimitchhingin thawk ka la vang vang a.. Ka hmui ah min rawn fawh leh zauh chuan a hmel chu chiang takin ka en a, a sen ap ap a..
.
“Ahh..min pui chu ka mamawh ka ring.. Maimitchhing phawt la..” a kut no zet chuan ka mit min rawn hupsak a, ka mit ka chhin mailoh chuan enge tihtheih ka neih chuan..!!??
Ka kuahna atang chuan a talchhuak a, a che ri sat sat chauh ka hre thei.. En tumin ka meng dawn chauh a
.
“Mikhail..min bum tum miah suh..” ka nui hawk a..
“Ok..ka menglo ang..”
.
“I meng thei tawh e”
Ka men chuan ka hma chiah ah min hnungchhawn zawngin a ding a. A kawr hnunglam zipper chu ala inhawng vek in a sam chu a hmalam ah a hui kiang vek bawk a.
.
“Khawngaihin min pui thei angem?”
.
Ngawireng in a kawr zipper chu ka zip a, ka zip zawh chuan a nghawng hnunglam ah  ka fawp zauh a.
.
Rawn inherin ka nghawngah min kuah a, hmel hlim sarin min en a, a hmai zawn a kunhniam turin min pawt deuh salh bawk a.. Enge ka beisei chu I hre maiin ka ring..! Min fawp turin ka duh ani..! Mahse a tilo.. Ka nghawng ah nalo te in a seh zauh a, nui hek hek chungin min kuahna a thlah a, inthlakna room atang chuan a kalchhuak nghal a. Ka chechang lo reng reng..!
.
“Come onn.. Laura.. ka chungah hian eng thil nge I tih le??” ka hriat tawk lekin ka phun sap a..
.
Room pawn atang chuan min rawn au lang lang a, rum nghat in a inthlakna room atang chuan ka chhuak a.
.
.
Dinner kilpui tura ka hmun hauhlawk chu a hun takah ka thlenpui a, a hmel hlim sar leh min duh hmel taka min en vang vang thin chuan hlimna nasa tak min neihtir ani..!
.
Room light ka on chuan mak tiin a thawchhuak hliai a, room chhung chu a enkual a, a ka a ang pham bawk a..
.
“HAPPY BIRTHDAY..My Beautiful Girlfriend..”
.
Rang zeta min rawn panin nghet takin min kuah a..
.
“Ka lawm e.. Ka hmangaih che.. My Best..Godlike..Boyfriend” (Godlike-Pathian anga tha)
.
A rilru chak zet avang chuan ka nui hak a.. Ka duh zual zel ani.. Tha minti anih chuan min fak hreh ngailo a.. Min fakna tawngkam hriat chu ka tan thil hreawm loh ber ani.. Thil te tham tak pawh nise, a tha ber ka ni tih min hrilh fova, ka laka a thusawi chuan mi tha lehzual nih duhna nasa tak min neihtir bawk thin.
.
Dinner kan eizawh chuan thu dun in kan ti ti a, kan lamdun bawk a.. Ka nghawngah min kuah chialin ka awm ah thlamuang takin a bei a.. Ka inlakhran chuan a ngaihna hriatloh hmel takin min en a.. A hun a thleng ta e..!!
.
A zungbun tura ka lei, ka kekawr ipte a ka ah chu phawrhin a hma ah ka thingthi a..
.
“Lalpa..Mikhail..eng thil nge I tih??” a beisei loh dan taka ka surprise apiangin tuna a tih ang hian a hmui a hup ziah thin..
.
“Laura Sean Sullivan.. Min nei turin ka ngen a che.. Khawngaih in min nei rawh.. Mi thaber ka nilo tih ka inhria a, mahse nang chuan keimah a thiltha ber min hmuhsak thin.. Ka hmangaih che a, ka nun min tawmpui turin ka duh che ani.. Eng thil pawh lo thleng se ka bula I awm chuan a tha vek.. Nang nena kan tar thleng a awmdun ka duh a, nangmah ang fa neih ka duh a... Thildang tamtak tihpui che ka duh bawk.. Zanah nangmah kuah chung a mutthilh ka duh a..”
.
“Ohh..Mikhail.. Ka nei ang che.. Ka hmangaih che..”
.
Dingchhuak in zungbun chu ka buntir a, ka kuah nghal bawk a..
.
“Ka awih theilo.. Engtin..engtin nge.. Oh..sawitur pawh ka hrelo..”
.
“Min hmangaih thu nitin min hrilh la atawk e..”
.
“Awle..ka ti ang.. Ka hmangaih che..” hnai takah min en in a kut chuan ka thukhum sam a khawih neuh neuh a, nui sakin min hnaih lehzual a…
.
.
LAURA’S POV*
.
Ka la awih theilo..!! Ka Birthday anih ang in enge maw tak a tih chu ka ring ngei a, hetiang thil zawng zawng.. room cheidan leh table in set dan zawng zawng te.. Pangpar var sin te te a room chhung inchei chhuak vek te leh light mawi tak a de sep sep te hi ka beisei lawk piahlam vek ani.. Mikhail hian hetiang pangpar hi ka duhber ani tih engtin nge a hriat?? A nupui ni turin min sawm a, khatiang thu thlum tak tak te kha ka lakah a sawi ka ring ngailo..
.
Oh..ka hmangaih ani.. A thil min tihsak vang nilo in.. Mikhail anih vangin ka hmangaih ani..
.
Budapest atanga kan kir leh hnu chuan kan inneih na tur thil buaipui in kan hun tamzawk kan hmangdun a, inneihna hmun tur leh cake thlan te..tihtur tul atam khawp mai. Karhnih chauh inbuatsaih na hun ka nei a, hunawl pakhatmah ka nei lo.. Mikhail hi engvanga hmanhmawh em em nge anih ka hre lo.. Mahse keipawh enge ka nih bik.. Amah ang thoin ka hmanhmawh vetho alawm…!!!!
.
Hun chep zet karah Sarah hmelhriat designer Leah…mite hriathlawh tan leh fashion lam kaihhnawih anih tawh phawt a miten a hming an lamrik chhen tawh chuan ka duhthusam ang thlap in ka mo thuam tur min design sak a, ka lawm takzet.. Leah hi ka hmuh tirh chuan Chinese model ni turah ka ngai a, mahse alo nilo nasa… Indian ani tih min hrilh chuan mak tiin sawi mai tur pawh ka hrelo.. A ngainatawm a, ka mamawh hun apiangah ka pan zel theih thu min hrilh bawk a, ka la pan zelin ka ring. A kutchhuak hi a tha thlawt ani tih bakin sawidan tur ka hrelo..
.
Hun a liam duak duak a, Naktuk hi Mikhail nen kan inneih ni tur ani ta..
.
Ka phone ri chu nui sakin ka pick up a..
.
“My B’.. I tha em?”
.
“Aw, tinge tunang hunah min rawn biak..?”
.
“Enge?? Ka duh hun hun ah ka be theilo che ami?? Ka ngai che..”
.
“Keipawn ka ngai che.. I mu tawh em?”
.
“Mu chiah..keimah chauh in.. I rim ka hrechak a..tunah hian I hmui a fawh ka mamawh bawk”
.
“Nah..ngawi mai teh..” a tawngkam tlang zet avang chuan ka sa pap pap a..
.
“I hmai a sen leh tawh ania.. My lovely girlfriend” a nuih hak dan atang chuan min fiam tih ka hria a.. Infiam dan thalo tak ani..!! A lehpek ah chuan zak miahlo in ka chhanglet ve tawh ang.. Mikhail duhzawng tak ani ang tih ka ring e..!!!!!!
.
“Ok.. Mu tawh rawh..naktuk ah kan inhmu dawn nia” arawn tihzawm a..
.
Kan inbiak zawh hnu chuan ka mu ve nghal a, minute 10 pawh ala ral hmain ka phone arawn ri leh a.. Mikhail bawk.. Mahse tun tum chu Skype (video call)  ve thung.. Ka sam chulmam in ka insiamtha sawk sawk a..
.
“Mikhail..inneih hma zana monu hmel hmuh hi a thalo ania..”
.
A nui suk a, screen chu a rawn hnaih lehzual a, ka iPhone screen ah chuan a hmel a khat vek.. “An sawi ve mai mai.. engmah anilo.. OK.. Min fawp phawt la ka mu ang” a hmel pa zet chu ka en reng a..
.
“Naktuk thleng lo nghak rawh..”
.
.
MIKHAIL’S POV*
.
Monu ka hmuh tawh zawng zawng zinga nalh leh hmeltha ber ka lam pana lo kal mek chu ka en a.. Mi vannei tak ka ni tih min ngaihtuah tir fotu chu he hmeichhia ngei hi ani..
.
.
Inneih hunserh leh party a zawh hnu chuan kar hnih chhung Honeymoon hmang turin Zurich (Switzerland)  panin kan thlawkchhuak nghal a.
.
Ka dar ngheng a tui taka muhil ka nupui duhtak  chu ka en a, a lu ah fawp zauh in a dar ah chuan ka sawi dat dat a.. A chau viau ngei ang.. Harhchiang mang lovin arawn meng a..
.
“Mrs. Varshavski..harh rawh le.. Kan thleng dawn e..”
.
Thlawhna atanga kan chhuk hnuah Hotel  panin darkar khat dawn kan tlan leh a, a tawp atawp ah kan pahnih chauhin kan awmdun thei ta.. Min hnial chungin bathroom ah ka lut lui a.. Nia, ka nupui thar nena inbual dun te pawh ka chak ve alawm..!
.
Bathroom atang chuan pawmchhuak in khumah ka nghat a, muangchang a infawp in bul kan tan a, ka nupui hian ka tana thil hlu ber min pe..
.
A tan mipa hmasa ber ka ni..!!
.
Chau zet a inkuah in kan mu a.. Kan hun ala intan dawn chauh…!!!!!!!
.
Ka muhil ka harh chuan ka mutna bul chu alo ruak hiai a, ka thuchhuak nghal hlawl a.. Khawnge Laura hi??
.
Thil ri rak thawm ka hriat chuan ka en vat a.. Laura chu towel a intuam  hlan in bathroom atangin alo chhuak a, a lu tuamna chu phelhin a sam la huh vek chu a kutin a chul mam a. Ka lo enreng ani tih min hmuh chuan a tawp chat a..
.
“Good morning..” a ti sap a.. A tawng zawi hle..
.
“I tha em?” khum atang chuan tho in ka pan vat a.. A meng zau kawk a.. Oh..thawmhnaw ka inbel miahlo tak e…!!! Enge pawi.. Ka nupui hma ah te chuan ka zak der hleinem..!! A hmui no chek ah chuan fawp in ka pawm nawlh a, khum lamah ka kalpui lehnghal a..
La fawp reng chungin khum ah chuan ka muttir a, a ban pahnih in min kuah a.. Kei chauh hi danglam ka ni biklo..
.
“Mrs. Laura Sean Varshavski…nidangah chuan ka hriatloh laiin min thawhsan tawh ngai suh”
.
Min chhang lovin a nui sak a.. ‘Awle..My Hubby’ a tihna ah ka ngai..!!!
.
.
LAURA’S POV*
.
Mikhail nen kan inneih atangin thla 5 lai aliam ta… Ka hunawl a lemziah ka chawlhsan lova, remchang ah ka thiante a bikin Sarah leh kan thiantha ni ve ta Leah te nen kan inhmu fo bawk.. Ka chhungte chu sawilan ngailo a chiangsa ni tase..
.
Mikhail duhthusam erawh kan hunawl apianga kan pahnih chauh a awmdun ani.. Tunlai te hian ka thin a chhe zual a, a chhan pawh ka hriatloh in tawngkam vin in ka be fova, ka vin zo chiah a ka inchhir lehnghal zat thin bawk.. Mahse ka pasal hian min dawhthei a, inhnial ve fo mah ila tawngkam vin leh na takin min tawngkhum ngailo.. Kan inhau zo chauh a, inthlahlel takin kan inkuah lehnghal tho thin. Ka nun a ka thiltih that ber chu Mikhail neitur a thutlukna ka siam hi ani ngei ang..
.
“Hubby..heihi enge??”
.
“Ahh.. kha kha..ah”
.
“Enge?? Thil diklo a awm ami?” tih pahin a thil rawn hawn chu ka phawrh a.. Ah..pregnancy test kit maw???
.
“Hubby..heng zawng zawng hi..”
.
“Nia.. Karhnih liamta atang khan I nungchang a danglam a, I thil ei duhzawng pawh..”
.
Oh..ka pasal hian nau ka pai niin a ring ani maw?? Thil ni thei ani tho.. Mahse heti zat zat Pregnancy Test Kit hi ka mamawh in ka ringlo.. 10 chuang zet anih hi..!!
.
“Lo kal rawh” tiin ka ban ah min kai a, bathroom min panpui nghal a..
.
“Ka ti lai en chu tum duh suh..” ka ti hlar a, bathroom ah chuan lutin ka kalh nghal bawk a..
.
“Lalpa ka lawm e.. Nu ka ni ve tawh dawn…” bathroom darthlalang ah chuan ka in en a, ka dul la thep zaih chu ka dawm vang vang a..
.
“Come on.. Ma B’.. I tha em??” Mikhail chuan bathroom kawngkhar arawn chum dawt dawt a.. Ka hmel landan siamtha in bathroom atang chuan ngui hmel takin ka chhuak a..
.
“I tha em??”
.
Ngawireng in test kit chu ka pe a, uluk zetin a en vung vung a.. Phawk zet a min rawn en chuan ka lo nuih sak a..
.
“YES…YES..” Min rawn pan nghal ruak ruak in min kuah a, min fawp bawk a..
.
“Ka hmangaih che..”
“Ka hmangaih che..”
.
.
THLA 15 HNUAH*
.
Ka hmai a min khawih chhen avang chuan ka muhil ka harh a.. Ka men chuan kan fapa chu ka bulah mu in a kut tereuhte chuan ka hmai a lo khawih a, ka meng min hmuh chuan a nui a.. Engtin nge hetah hian… Oh.. Mikhail.. A room atangin Mikhail hian a rawn chawi phei leh tawh anih ngei hi..
.
Mikhail chu ka bulah min kuah chungin a mu a, ka biangah min fawp zauh a..an pafa hian min  kal hlatsan theilo reng reng..
.
“We love MOMMY.. a dik em Baby Boy?” naute chuan apa thusawi chu hrethiam ve niawm takin hlim zet hian a au raih a, ka hmaiah min fawp ve bawk a.. Thla 6 chauh ala ni nain a phaktawk ah chuan thil a zir chak khawp mai.. A sam a dum hlap in a kir deuh a, a mitmeng chu apa nen danglamna a awmlo..
.
.
“Hubby, bag kha ka lachhuak miahlo ania..”
.
“OK..Ka lo la ang..”
.
Vawiin hian Brooklyn, New York a ka pa (Mikhail pa) chenna in ah Dinner kan kil ho dawn a ni. Kan thlen chuan ka chhungte ka nu leh pa, Danny leh Cathy, Sarah, Nicholas, Leah, Max leh Kim te pawh anlo thleng vek tawh.. Kan Roxy te pahnih pawh min hmuh cuan a hlim vut vut khawp mai.. Ohh..ka lo sawi theihnghilh dawn.. Mikhail ka tawn nachhan ka Roxy kha chu Danny’n min chuh tlat a, ka hnenah awm lovin Danny leh Cathy te hnenah a cheng ve ani..
.
Mikhail chu ka bulah rawn dingin ka kawngah min kuah a, in hnunglam huan chu kan endun a.. Ka pa chuan kan naute (Veektor Sean Varshavski) pawmin midang ho in an lawm laih laih a.. Tun ang baka hlimna hi khawvel ah a awm chuangin ka ring love.. Kan zavaiin kan hlim vek niin ka hria.
.
“Nun hlimawm tak min pek avangin ka lawm e.. Ka hmangaih che” Mikhail chuan ka kut la kang in a fawp a..
.
“Keipawn ka hmangaih che..”
.
Mikhail chu rawn kunhniam in kan infawp zauh a..
.
“Mike.. Lo kal teh.. Hmun fal a in awm hunah khatiang kha chu inti dawn nia..”
.
Max thusawi avang chuan nui dar dar in min rawn en thap a. Mikhail chuan kalsawn pawh tum chuang lovin  min la kuah ta reng a.
.
Hmangaihna a khat mitmeng a in en in kan innuih  a..
.
Kan pahnih hian heihi kan hria ani.. ‘Hmangaihna hian engkim a hneh thei a, thinlung a hlimna min pe theitu leh nghet taka min suihzawmtu chu inhmangaih tawnna chauh hi ani’ tih hi….
.
.
TRY ME?!! (so you can feel my love) min chhiarsak tute zawng zawng chungah lawmthu ka sawi e..

.

.
ULUK DEUH A CHHIAR TUR👇
AROMA QUEEN FLABIA FRESH - HERBAL PRODUCT MIZORAM A LO LUHNA LA REI LO, BUSINESS PLAN THA LUTUK. ZIRLAI TAN PAWH ZIRLAI TIBUAI MIAH LOH A SUMDAWN THEIHNA, HRECHIANG DUH TAN A HNUAIA NUMBER KA DAHAH HIAN BIAKPAWH THEIH RENG A NI E.
9612229037/ 9402365651
WHATSAPP GROUP SIAM A NI BAWK A, AN PRODUCT EN DUH HRIM HRIM TAN PAWH BIAKPAWH THEIH RENG KAN NI.
A TI HMASA TAN CHANCE A THA, MARCH NI 1/2018 KHAN OFFICE HAWN A NI A, AIZAWL AH REGIONAL CENTRE AWM A, OFFICE HMUNPUI AH DOCTOR TE'N AN THUTCHILH DAWN  VANG CHAUH PAWH HIAN A NGELNGHEH ZIA LEH EIZAWNNA TLAK ANIH ZIA A CHIANG NGHAL A NIA. BEAUTY CARE, PERSONAL CARE, HEALTH CARE, FOOD AND BEVERAGE ETC. A AWMKIM HLE. A THLAWNIN MEMBER ANIH THEIH RENG E, RAWN BELCHIANG LA I INCHHIR DAWN LO CHIANG LUTUK.
PHONE - 9612229037/ 9402365651