THE FOX AND THE GOAT

Source - Kids Hut Bedtime story Compilation
.
Vawi khat chu mipa naupang pakhat leh a ziritrtunu hi ramhnuaiah an kal a. Mipa naupang chu a ril a lo tam ta em em mai a. A zirtirtunu hnenah chuan, "Kan camp awmna hmunah kan kir dawn tawh em? Kan kal hla tawh emai. Ka ril a tam tawh lutuk," a ti a. Chutihlai chuan kawngsir ah hian theihmu rah a hmu a,a hmuh veleh rang takin a pan a, " A tui dawn mange, ka riltam lai takin ka hmu bawk a, ka han ei nghauh nghauh teh ang." a ti a.
Theihmu lawh tuma a ban lai a zirtirtunu'n a hmuh veleh, "Khawih suh. Kha theihmu kha ei chi anih leh nih loh pawh i hre lo va i ei ringawt thei lovang. Eng thil chiah nge anih i hria em ni?" a ti a.
Mipa naupang chuan, "Hre lo. Theihmu tui hmel tak ani tih chiah ka hria." tiin a chhang a. Zirtirtunu chuan "Ramngaw-ah kan awm a, kha kha tur pawh a lo ni palh thei asin. Lo kal rawh le, kan camp pana kan kal let leh chhungin thawnthu pakhat ka han hrilh ang che," a ti a.
.
THE FOX AND THE GOAT
(Sihal leh Kel chanchin)
Translated by - Thantei
.
Ni khat chu ni hi a sa em em mai a, chutihlai tak chuan Sihal pakhat hi thlaler ram ro leh lum sa huam huam maiah hian a kal boh boh a, a ril a tamin a tui a hal huam huam tawh mai a ni. A hmalam kawng chu a han en a,a hmuh theih chin zawng chu kawng bumboh leh ro thlaler vaivut khu chum chum, lung khawkrawk tak tak chauh a ni si.
.
"Karei! Khua a lum lutuk! Ka tui a va hal huam huam tak em! Tui in tur ka mamawh a ni." a ti a. Hreawm ti tak chung chuan a kal bek bek zel a, thawklehkhatah a hma lawka tuichhunchhuah awm chu a hmu ta hlauh mai a.
.
"Karei! Ka lawm lutuk. A tawpa tawpah chuan tuichhunchhuah ka hmu ta hram alawm. Tunah chuan tui hal takin ka awm tawh lovang." tih pahin phur lutuk mai hian tuichhunchhuah lam pan chuan a tlan ta tang tang a.
A thlen veleh chuan hlim leh phur lutuk hian tuichhunchhuah kotlangah zuang kaiin tuichhunchhuah chhunga tui awm chu a en nghal vat a. Chutia tui a enlai chuan a balance a hloh a, a ke rap pial palhin tuichhunchhuah chhungah chuan a tla ta bawrh mai a. Mangang tak hian, "Min tanpui ru, min tanpui ru. Mi tuemaw khan min tanpui hram teh u. He tuichhunchhuah hi thuk lutuk a ni, engtin tehlul nge ka chhuah theih ang?" tiin a te teng tung mai a.
.
Chutihlai chuan Kel pakhat hian Sihal tlakna tuichhunchhuah chu a lo kal pel ve mek a. Sihal mangang taka au ri a hriat chuan tuichhunchhuah chu a bih thuai a.
.
"Hey, Sihal! Tuichhunchhuah chhungah khan eng thil  nge i tih?" tiin a han au a.
Sihal chuan vervek tak mai hian, "Aw, Kel-i, pawn lam kha lum hreawm i ti ve lo em ni? He tuichhunchhuah chhungah hian intidai turin ka lut anih hi. Rawn lut vein i rawn inchiah dai ve duh lawm ni? A n uam lutuk a nia." a ti zat zat a.
.
Ngaihtuah lawk eih lo hian Kel chu tuichhunchhuah chhungah chuan a zuanglut ve ta bawrh mai a. "Hey, Sihal! I sawi kha a dik chiah a nih hi. A dai nuam sawng sawng hle mai. Nileng pawhin hetah hian ka awm thei ngei ngei ang." tiin tui vawt nuam tak mai chu a dawt khawlh khawlh mai a.
.
Engemaw chen hnuah Kel chuan Sihal hnenah chuan, "Ngawi lawk teh! Engtin nge helai hmun atang hian kan kal chhuah tak ang?" tiin a zawt a. Sihal chuan, "Oh! A awlsam lutuk. I ke pahnihin i ding anga min nawr kang ang a, tuichhunchhuah atang hian ka lawn chhuak mai dawn alawm." a ti zat zat a.
.
Kel chuan ahma ang bawka ngaihtuah lawk miah lo hian Sihal sawi ang chuan a ti leh ta a. Sihal chu harsa takin tuichhunchhuah bangah chuan a nawr chho a, a tawpa tawpah Sihal chu tuichhunchhuah atang chuan a kal chhuak thei ta a ni.
.
Kel chuan, "Hey, Sihal! Kei hi engtin nge ka awm ve dawn? Engtin nge ka kal chhuah ve tak ang?" tiin a au a. Sihal chuan, "Hahaha! I chhuah dan tur chu nangmaha i ngaihtuah ve angai tawh anih kha." tiin a nuihsan a.
Kel chuan, "Mahse tuichhunchhuah atanga i chhuah theih nan ka tanpui che kha." a tih pawhin Sihal chuan, "Tuin nge ti turin hrilh che. I tih hma khan i thiltih vanga thil dang lo thleng leh tur chu i ngaihtuah hmasa tur a nia lawm. Eng thil nge thleng dawn tih ngaihtuah lawk lo va i chet avangin khatiang khan i awm ta anih kha." tia nuihsan chungin Kel chu a kalsan ta a. 
.
Thil eng pawh kan tih hmain thil thleng tur kan ngaihtuah lawk hmasa tur a ni.