GABO YAMAN - 17
GABO YAMAN - 17
GABO YAMAN
CHAPTER – 17
Thantei_LauraSean
.
.
MIA VALENTINA GARCIA
.
.
Ka hma zawna mei alh chu enin ka zungbun chu ka tuai nauh nauh a. Big Slopes Ski Resort-a thil thleng ka ngaihtuah chuan ka nui sak. Vawiin hi a kar khatna cham chiah a ni.
.
.
Hun nuam tak kan hman hnuah Resort chhuah sanin kan thlenna Hotel kan pan a. Ka pindanah lut a ka intihfai hnuah ka inthlak fel a. Thutkhawmna pindana ka va chhuah ve chuan Gabo chu a lo thu reng tawh. Min hmuh chuan nui sukin ka lamah a ban arawn phar a. A bula ka thut rualin min lo kuah nghal a.
.
“I rim a va tui ve.” a tih chuan chhang lovin ka kuah nghet ve thung.
.
Min kuahna chu phelh thawl hretin min en vung vung a
.
"Gabo?"
.
Min chhang lovin a tho a, ka hmaah chuan arawn thingthi nghal a. A kut arawn phar chhuaha a thil ken ka hmuh chuan ka phun sap a. Eng thu nge ka sawi pawh ka inhre chiah lo. He thil hi ka beisei miah loh thil a ni. Beisei chu sawi loh ka ngaihtuah phak miah lo zawk!
.
"Min nei rawh?"
"Gabo?"
"Mi romantic ber ka ni lo tih ka hria a, chuti chung chuan ka dam chhung hun i bula hman ka duh."
.
Min sawmna chu ka pawm tih ka lantir hnu chuan zungbun chu min buntir a. Duhthawh zetin kan infawp zui a. Eng thil nge thleng ka hriat chian hmain ka kawr ka ha tawh lo. A hmanhmawh ang chiaha hmanhmawhin a kawr chu ka phelh ve bawk. Hun dang nghah a tulna ka hre tawh lo. Ka hriat awm chhun chu Gabo hi ka hmangaih a ka mamawh tih chiah hi a ni. Nasa takin.
.
Zei takin ka thawmhnaw inbel zawng zawng a phelh a, let leh turin kan tlai tawh. A mitmeng thuk zetah chuan min mamawhna bakah min hmangaih tih chiang takin ka hmu bawk.
.
“Tawp turin min duh em?”
“Duh lo. Ka mamawh che! Tunah!” ka aw chu keimah ngei pawhin ka awih lo zawk! Ngaihawm taka nui sukin duhthawh zet hian min fawp leh a. Eng chena rei nge hun kan hman ka hre lo. Thip zawk ka hriat bak chu nawmna sawifiah thiam lohin min tuam hlup hlup a.
.
.
Ka phone ri chu a screen hmu chiang chuang miah lo hian ka en vang vang a. Gabo nen kan hun hman dan ka ngaihtuah let laia min tibuai chu ka lawm tehchiam lo.
Muangchang in phone chu ka la kang a, Caller ID ka en chuan min biak tumtu chu tunge anih ka hre miah lo zui.
.
"Hello?"
Chhanna a awm loh vangin ka off leh mai a. Sana ka en chuan chhuak tura ka inpeih a hun tawh hle tih ka hre ta chauh bawk.
.
Minute 20 a ral leh hnu chuan Gabo nen in hmachhawnin restaurant ah kan thu a. Thil pawimawh ni lem lo leh ho te te bakah thil pawimawh thenkhat sawiin kan ti ti melh melh a. Amah hmu phak leh khawih phaka ka awm tawh chuan thil dang reng rengin ka tan pawimawhna an nei lo. Mihring hrechiang tur hian hun eng anga tam nge ka mamawh ka hre lo a, tun hun ka hman mek hi a hlu em em tih erawh chiang takin ka hria.
.
Kan chhehvela thil awm ngaihtuah miah lova ka kut vuanin ka mitah min en a, a mitmenga min thlakhlelhna lang chu a der a ni lo. Keimah ang bawk a ni. Hei aia tam hi ka mihringpui lakah ka beisei a thiang dawn em ni?
.
“Thil zawh duh che ka nei a.” atih chuan a hmel a thu tak deuh sawt.
“Eng thil nge?”
“Zuri chungchang a nia.” atih chuan ka beisei loh lam daih a ni.
“Zuri maw?” A hming sawi zawng ringawt pawh hian thil thalo rim ka hre nghal niin ka inhre hial anih chu! “Engtin nge in inhriat?” ka ti zui nghat a.
.
.
“Ka hming sawi ri niawm tak ka hria! A dik em?”
Kan dawhkan bulah Zuri chu rawn dingin a hmel atang chuan a rilru tur awm ang a hriat theih loh. Party na hmuna kan inhmuh hnuhnun ber tum ang chiah khan a nungchang pangngai ni lo angin a awm leh ta tih erawh ka hre thei thung. Sawi mai tur pawh ka hrelo.
.
“I duh chuan min lo zawm ve thei ang.”
Awih lo zetin Gabo chu ka en a. Zuri a sawmna chu ka pawmpui lo tih hre turin min en lo thung. Engtin nge kan dawhkan min kilpui ve tura a sawm theih zawk le? Zuri hi tunge anih chiah a hrechiang lo anih ka ring tho nain kan pahnih chauha kan hun hman a tihbuai tir phal hi mak ka ti. Hma ka sial lutuk pawh a ni mahna!
.
“Ka lawm khawp ang.” tih leh thut a rual a. Chik zeta min en tawnin a nui sang a. Thil eng emaw tak a thleng ngei dawn tih a hmel ka en chuan ka chiang tawk em em.
.
“I zungbun chu a mawi hle mai.” ka lama thle bakin ka zungbun chu a en hnuah Gabo lam a hawi leh a.
.
“A tha ber a phu alawm.” a lo ti thung. A hmel a thutak bawk. Ka kut rawn vuanin a hmer deuh vang vang a. Zuri ner sak hmel chu a hmu lo tih ka hria.
Sawi ve tur hre mai lovin ka entawn ta zawk a.
.
“Mia, thil pakhat ka hrilh thei che angem?”
Zuri chu tawngkaa chhang lovin ka en a, a mita ka en rual chuan tunhmaa ka hriat than em em Zuri kha a lo let ta chiah tih ka hre thei.
.
“Argyros nen in inhual dawn tih hi nang aiin ka hre hmasa tih hrilh che ila I awih ang em?” ka chhan hma hauhin a nui hak a. “I lo pawm kha ka ringsa reng bawk a. Argyros, mi ropui tak chu ilo nih ngei hi. I ruahmanna pawh I kalpui chak hle mai. Ka rin phak bak a ni. Ka tana I thiltih vang hian lawmthu ka hrilh seng hauh lovang che!”
.
Ka hamhaihna thup hram hram chungin Gabo chu ka en a, a hmel landan a danglam vek. Ka hriat ve atana a duh loh thil Zuri hian a sawi chhuak tih a chian em em bakah kan pahniha kan awmdun lai renga thuruk niawm tak a sawi chhuak hi a lawm lo hle tih a lang chiang bawk.
.
“Zuri!” a ti hrawk a. A awki a hniam hle. Kei erawh ka hamhaih nasat zual em vangin tawng ngaihna reng reng ka hrelo.
.
“A ni lawm ni? Ka ngenna che angin Mia hi I hnaih tih I pha thei lovang. Inneih thleng thlenga I kalpui hi ka ring pha hauh lo zawk.”
.
Heihi thil awm dan dik tak a ni thei lovang. Ahma khan Gabo hi eng vanga min hnaih nge anih ka zawt tawh a. Khata min chhanna kha ka lo ring tawk asin. Ni e, Gabo hian dawt min hrilh ka ring lo. Zuri’n titura a tih vang ni lovin min duh vang renga min hnaih a ni.
.
A thusawi chu engtin nge ka dawnsawn ngaichang niawm tak hian Zuri chu ngawi datin chiang fe hian min en a. Tunah chuan ka inthunun a ngai. A mit hmuh lai hian Gabo laka ka thinurna ka tilang tur a ni lo.
.
Ka hmela thinurna emaw lungawilohna emaw a hmuh tak loh vang chuan za lo zet hian a nui hul hak a.
“I duh chuan fiahna ka hmuhtir thei ang che. Mia..” ka la ngawi reng. A bulah hian engmah sawi ka tum lo.
“Phiangsen che hian! Mia. Argyros hian enga tan mah a ti lo che. In I thlen hunah a fiahna zawng zawng chu I hmu ang. Ka unaunu hrawn I nih vanga ka thilpek che ni rawh se. Thil awmze nei kan inpe khat ta bawk lawm tiraw?”
.
“A tawk viau e. Min kalsan thei tawh ang.”
Gabo awki hniam leh hlauhawm zet chuan a ti tim ta niin a lang. Mahse, ka hriat thin Zuri kha anih chuan engmahin an tihlau ngai lo. Thil thalo ti turin eng thil mahin an dal thei ngai hek lo! A awmzia chu__ Ngaihtuah loh ka duh zawk e!
.
“Argyros__” tlawn lungawi tum tih hriat zet hian Gabo chu a en a, a dawn let chu a beisei loh tawp thil anih ka ring.
“Kal sawn rawh.” A tawi tek tawk khawp mai. Hnial ngam chi a ni lo ang.
.
“Tuna tan chauh. Kan inhmu leh thuai dawn nia. In ah ka lo nghak ang che.” Keimah ni lovin Gabo a bia tih ka hria.
A thutna atanga thovin muangchang zet hian a kal sawn ta hram. Eng ti anga awm tur nge ka hre mai lo. Ka ngaihtuahna a mumal thei lo bawk. Ka hriat leh hmasak ber chu ka kut ka hum ruh nasa hle tih zawng hi. Gabo chuan ka kut chu a la vuan reng tih ka hriatchhuah rualin rang zet hian ka kut chu ka lasawn nghal a. A tawng tih ka hre nain eng thu nge a sawi ka hre phak lo. Ka la tawng chhuak thei lo a, ka tum buai lo bawk. Helai hmuna kan inhmu hi an ruahman lawk a ni ngei ang! Eng vang nge? Eng vanga hetiang thil hi ti kher nge annih? Kei hi meng reng chunga bum thluk chian em em ka ni tihna em ni?
.
Kan dawhkan bulah eitur kenga Waiter ding chu kan mamawh lo tih lantir nan Gabo chuan a kut vai zauh a.
“Keiman ka duh.” Ka lo ti thung. Waiter chu ka en a, kan boruak pangngai lo zet hrethiam ve rei ruai niawm takin hawihhawm tak hian a lo nui sang a. Eitur chu min chhawp dawn nge dawn lo tih a hrethiam chiah lo anih hmel.
.
“Ka lo la ang.” Tih pahin ka ban a, lawmthu ka hrilh zui sap a. Gabo hmel chu ka en duh lo.
.
Ka thlenga eitur awm chu enin chemte leh fork hmang chuan ka chan te a. Ka lem thei ang em ka hrelo.
.
“Mia_”
Min kohna chu hrelo anga awmin ka eitur chu ka inbarh lui a, a tui leh tui loh pawh ka hre hrep lo ve.
.
“Mia_ Thu dik ka hrilh ang che.”
Chhang lovin ka lu ka thing nghat a, tunah hian eng thu pawh sawi se engmah ka ngaithla lovang. Ka thei lo. Ka ngaihtuahna pawh ka hman theih loh lai hian engtin nge mi thusawi ka ngaihthlak theih ang.
.
“Mia.” Ka banrek ah min rawn vuan a, min vawn ngheh hmain ka kut chu rang zet hian ka la sawn a. Engmah a dik tawh lo.
.
A hmel en chuang lovin “Min kalsan phawt rawh.” Ka ti sap a. A thutna chair chu nghengin min en tih ka hria. Min kalsan a tum hauh lo bawkin ka ring. Tuna min kalsan chuan Zuri sawi kha thudik a ni tih a nemnghet a ni dawn tlat.
.
Engmah sawi lova thuin eitur ka ei lui lai chu min en reng a. Ni lengin hna tul a thawk a, a riltam dawn tehlul nen. Ka thil ngaihtuah chuan ka nuih a tiza zawk. Tunah pawh a riltam leh riltam loh ka lo ngaihtuah sak chu a nia.
.
Rei tawk tak hnuah ka thlenga eitur awm chanve chu ka ei thei tawk a. Tunah chuan helai hmun hi ka chhuahsan ngei ngei a ngai. Chemte leh Fork chu dah thlain ka bag ka la a, Waiter chu ka hui zeuh a. Ka purse atanga pawisa phawrhin ka thil ei man ka pek hnuah ka thutna atangin ka tho nghal. Ka thawh rual deuh thaw a tho chhuak ve nghalin ka bulah arawn ding a, ka hnunglama min rawn kuah a tum chuan thawk ka la halh.
“Ti suh. Gabo!”
“Min tihtir rawh.”
Chhang lo leh amah ngaichang lovin restaurant atang chuan ka kal chhuak a. Tuna ka mamawh awm chhun chu keimah chauh a awm a ni.
.
A car kan bula arawn din chuan rang deuh hian ka thutna tur lam kawngka hawngin a kal vat a. A inthiam loh vanga hetianga awm hi a ni tih ka ngaihtuah chuan ka tah a chhuak ut ut. Bum theiha ka awm hi ka zak a, ka thin a ur tan ta bawk. Rilru fima in ngaihtuah ka mamawh tak zet.
.
“Gabo, ti suh. Keimahin ka haw thei.”
.
“Ni love. Awmze neia kan ti ti a ngai zawk.” ka chhang mai lo. Zuri min kalsan hnuah a vawikhat nan a hmel chu ka en a, ngawi rengin a car-ah chuan ka chuang lut ta zawk a.
.
Ka chenna hmun pana kan let leh chhung minute 20 vel zet tur chu engmah kan sawi lo. Kar khat liam ta mai a zungbun min pek, amah nei tura min tihluihna tel miah lova ka inthlun beh tirna thir kual tereuhte chu ngaihtuahna kal ding tak chungin ka tuai nauh nauh a. Car a ding ta tih ka hriat chuan ka harh deuh zawk.
“Lo kal rawh le.”
Car kawngkhar arawn hawng a, ka vawn tura a kut arawn phar chhuah chu enin a hmel ka en leh a. Ka rilru erawh ka siamfel thawkhat niin ka inhria. Ka chiang lo! A tawpna pawh a ni mai thei tih rilru pu chungin a kut chu ka vuan a, Car atang chuan ka chhuk a. Ka inah ka luhtir a inring anih chuan a ring sual ang.
.
“Ka inchhunga lut turin ka sawm dawn lo che a nia. Gabo, keimaha awm ka mamawh.” Ka ti nghet charh a. Ka rilru la buai si zia ngaihtuahin ka aw chhuak chu a nghet phian zawk. Min hnial ngei dawn tih ka hriat vangin rang zet hian amah chu ka kal pel a. Kawngkhar hawngin hmanhmawh tak bawkin ka khar a, kawngkhar chuan a hmai a vaw lo chauh tih erawh ka hmu hman.
.
Kawngkhar chu nghengin ka thin phu dup dup chu ka dawm vang vang a. Living room-a phone ri ka hriat chuan ka phu chiang hle. Muangchang a phone chu panin ka la kang a.
.
“Keimah! Mia. Fiahna chu I hnen a lo thleng ngei ang. He thil ka tih chhan hi ka ngainat vang che ani lo tih I hria ang chu tiraw? Argyros hi kalsan ang che. Eng vangin nge I kal san loh ang. Ooo.. Ni lo, I kalsan ngai lovin a tir atang khan a lem vek a ni tih I hrethiam ve tawh ang chu. Nun hman nuam le! I in hnunglam kawngkhar bulah khan I thil mamawh chu ka dah kha.”
.
Thawm a tawp hnuah pawh phone chu dah thla mai lovin ka la keng ta reng. Kawngkhar chum ri ka hriat chuan phone chu ka dah thla ta riai riai a. Kawngkhar chu hawn tumna ka nei lo. Muangchang lovin in hnunglam kawngkhar ka pan dawr dawr a. Kawngkhar ka hawn chuan bawm lian vak lo leia lo let bal chu rang zet hian ka la a.
Living room-ah let lehin bawmte chu ka hawng a, Pen Drive lo awm chu la chhuakin TV-ah ka connect nghal a.
.
“Mia__?”
“Mia Valentina Garcia.”
“Beach House-ah hian I duh chen chen I awm thei ang. Eng emaw changin__ Chuan, Miss Garcia thlalak chu I kawl em?”
.
Thawk pawh thaw tha ngam lovin TV screen a thil lang chu ka en reng a. Siam chawp a ni lo tih ka hria. A sir kil dinglama ni zat inziak ka hmuh chuan tap lo tura insum chungin thawk ka la kawk a. Silas party-a kan inhmuh ni kha a ni! Ahnu lawkah kan inhmuh lehna chu Silas office! Khami ni khan inhrilh lawk awm lovin Yaman Co. nen kan inzawm thu Silas hnen atangin ka hre bawk anih kha. TV-a chu ka en leh a__
.
“I chunga a thiltih phu tawk a hmuh ve ngei chu a diklohna a awm lo.”
“A chak lohna chu ka hria tih sawi ila mak I ti ang em?”
“Ti lovang. Mi zawng zawngin an hria alawm.” Zuri chu a ngawi leh vang vang a. “Ka unaunu chungchang hetianga_______”
An tawng chu ka hre mumal thei tawh lo.
“I ngaihtuah nasa lutuk anih kha. Hahdam rawh.” Gabo tawng chu ka hre ngei em tih chian tumin TV chu ka pan hnai a, screen-a lang Zuri leh Gabo inkuah lai chu ka en zui thei ta lo.
.
TV dahna chu vuanin ka thu hniam a, ka khur nasa lutuk a ka ding ngil thei tawh lo.
Silas Party hnu kar khat velah ka dawrah lo kalin kan inhmu leh mak ka tih thu ka sawi pawh khan atan thil mak anih loh thu a sawi bakah zanriah kil dun turin min sawm a__ Lalpa! Kei lahin lawm takin ka duhthusam anih thu chiah ngaihtuahin ka lo pawm anih kha. Na zetin ka awm ka dawm a, ka thaw a chham mai dawnin ka hria. Eng thil nge ka tih tak hi? Ka pasal tur tiin rinhlelhna nei miah lo leh min hmangaih ve tih a chiang nia ka hriat vangin ka mutpui hial tawh a nia. Rapthlak ti zeta ka awm dawm chungin ka au raih a!
.
Ka hnunglama thawm ka hriat chuan phawk zetin ka hawi zawk! Gabo lo ding reng ka hmuh chuan ka mit ka khap sawk a. Eng chen nge arawn hmuh ve ka hrelo a, hriat pawh ka mamawh hek lo. He thil hi ka hnunglama min nuih chungin vawi eng zat nge a lo en tawh ang tih pawh ka hre hleinem.
.
“Nang?” ka phun sap a. ka rilruah thil pakhat chiah a awm. Thinurna!
“Nang?” ka tawng zawm thei lo. TV bula ka pangpar khawi chu lain Gabo zawnah chuan ka vawm phei a, rang zeta a lo tawlh sawn hman vangin pangpar bawm chu chhuatah a tla keh chhuai a.
Ekhaii! In lo dam tlang maw? Beisei loh lamah story zawm theihna hun a awm ta hlauh mai. Min lo la theihnghilh em lovang chu maw...😊 Kan dam anga NITIN zawm tum phawt ang aw. Keimah ang bawkin a bul atanga in chhiar nawn ve leh a ngaih ka ring. MIN LO LA CHHIARSAK DUH AVANGIN KA LAWM E.🌺🌺
CHAPTER – 17
Thantei_LauraSean
.
.
MIA VALENTINA GARCIA
.
.
Ka hma zawna mei alh chu enin ka zungbun chu ka tuai nauh nauh a. Big Slopes Ski Resort-a thil thleng ka ngaihtuah chuan ka nui sak. Vawiin hi a kar khatna cham chiah a ni.
.
.
Hun nuam tak kan hman hnuah Resort chhuah sanin kan thlenna Hotel kan pan a. Ka pindanah lut a ka intihfai hnuah ka inthlak fel a. Thutkhawmna pindana ka va chhuah ve chuan Gabo chu a lo thu reng tawh. Min hmuh chuan nui sukin ka lamah a ban arawn phar a. A bula ka thut rualin min lo kuah nghal a.
.
“I rim a va tui ve.” a tih chuan chhang lovin ka kuah nghet ve thung.
.
Min kuahna chu phelh thawl hretin min en vung vung a
.
"Gabo?"
.
Min chhang lovin a tho a, ka hmaah chuan arawn thingthi nghal a. A kut arawn phar chhuaha a thil ken ka hmuh chuan ka phun sap a. Eng thu nge ka sawi pawh ka inhre chiah lo. He thil hi ka beisei miah loh thil a ni. Beisei chu sawi loh ka ngaihtuah phak miah lo zawk!
.
"Min nei rawh?"
"Gabo?"
"Mi romantic ber ka ni lo tih ka hria a, chuti chung chuan ka dam chhung hun i bula hman ka duh."
.
Min sawmna chu ka pawm tih ka lantir hnu chuan zungbun chu min buntir a. Duhthawh zetin kan infawp zui a. Eng thil nge thleng ka hriat chian hmain ka kawr ka ha tawh lo. A hmanhmawh ang chiaha hmanhmawhin a kawr chu ka phelh ve bawk. Hun dang nghah a tulna ka hre tawh lo. Ka hriat awm chhun chu Gabo hi ka hmangaih a ka mamawh tih chiah hi a ni. Nasa takin.
.
Zei takin ka thawmhnaw inbel zawng zawng a phelh a, let leh turin kan tlai tawh. A mitmeng thuk zetah chuan min mamawhna bakah min hmangaih tih chiang takin ka hmu bawk.
.
“Tawp turin min duh em?”
“Duh lo. Ka mamawh che! Tunah!” ka aw chu keimah ngei pawhin ka awih lo zawk! Ngaihawm taka nui sukin duhthawh zet hian min fawp leh a. Eng chena rei nge hun kan hman ka hre lo. Thip zawk ka hriat bak chu nawmna sawifiah thiam lohin min tuam hlup hlup a.
.
.
Ka phone ri chu a screen hmu chiang chuang miah lo hian ka en vang vang a. Gabo nen kan hun hman dan ka ngaihtuah let laia min tibuai chu ka lawm tehchiam lo.
Muangchang in phone chu ka la kang a, Caller ID ka en chuan min biak tumtu chu tunge anih ka hre miah lo zui.
.
"Hello?"
Chhanna a awm loh vangin ka off leh mai a. Sana ka en chuan chhuak tura ka inpeih a hun tawh hle tih ka hre ta chauh bawk.
.
Minute 20 a ral leh hnu chuan Gabo nen in hmachhawnin restaurant ah kan thu a. Thil pawimawh ni lem lo leh ho te te bakah thil pawimawh thenkhat sawiin kan ti ti melh melh a. Amah hmu phak leh khawih phaka ka awm tawh chuan thil dang reng rengin ka tan pawimawhna an nei lo. Mihring hrechiang tur hian hun eng anga tam nge ka mamawh ka hre lo a, tun hun ka hman mek hi a hlu em em tih erawh chiang takin ka hria.
.
Kan chhehvela thil awm ngaihtuah miah lova ka kut vuanin ka mitah min en a, a mitmenga min thlakhlelhna lang chu a der a ni lo. Keimah ang bawk a ni. Hei aia tam hi ka mihringpui lakah ka beisei a thiang dawn em ni?
.
“Thil zawh duh che ka nei a.” atih chuan a hmel a thu tak deuh sawt.
“Eng thil nge?”
“Zuri chungchang a nia.” atih chuan ka beisei loh lam daih a ni.
“Zuri maw?” A hming sawi zawng ringawt pawh hian thil thalo rim ka hre nghal niin ka inhre hial anih chu! “Engtin nge in inhriat?” ka ti zui nghat a.
.
.
“Ka hming sawi ri niawm tak ka hria! A dik em?”
Kan dawhkan bulah Zuri chu rawn dingin a hmel atang chuan a rilru tur awm ang a hriat theih loh. Party na hmuna kan inhmuh hnuhnun ber tum ang chiah khan a nungchang pangngai ni lo angin a awm leh ta tih erawh ka hre thei thung. Sawi mai tur pawh ka hrelo.
.
“I duh chuan min lo zawm ve thei ang.”
Awih lo zetin Gabo chu ka en a. Zuri a sawmna chu ka pawmpui lo tih hre turin min en lo thung. Engtin nge kan dawhkan min kilpui ve tura a sawm theih zawk le? Zuri hi tunge anih chiah a hrechiang lo anih ka ring tho nain kan pahnih chauha kan hun hman a tihbuai tir phal hi mak ka ti. Hma ka sial lutuk pawh a ni mahna!
.
“Ka lawm khawp ang.” tih leh thut a rual a. Chik zeta min en tawnin a nui sang a. Thil eng emaw tak a thleng ngei dawn tih a hmel ka en chuan ka chiang tawk em em.
.
“I zungbun chu a mawi hle mai.” ka lama thle bakin ka zungbun chu a en hnuah Gabo lam a hawi leh a.
.
“A tha ber a phu alawm.” a lo ti thung. A hmel a thutak bawk. Ka kut rawn vuanin a hmer deuh vang vang a. Zuri ner sak hmel chu a hmu lo tih ka hria.
Sawi ve tur hre mai lovin ka entawn ta zawk a.
.
“Mia, thil pakhat ka hrilh thei che angem?”
Zuri chu tawngkaa chhang lovin ka en a, a mita ka en rual chuan tunhmaa ka hriat than em em Zuri kha a lo let ta chiah tih ka hre thei.
.
“Argyros nen in inhual dawn tih hi nang aiin ka hre hmasa tih hrilh che ila I awih ang em?” ka chhan hma hauhin a nui hak a. “I lo pawm kha ka ringsa reng bawk a. Argyros, mi ropui tak chu ilo nih ngei hi. I ruahmanna pawh I kalpui chak hle mai. Ka rin phak bak a ni. Ka tana I thiltih vang hian lawmthu ka hrilh seng hauh lovang che!”
.
Ka hamhaihna thup hram hram chungin Gabo chu ka en a, a hmel landan a danglam vek. Ka hriat ve atana a duh loh thil Zuri hian a sawi chhuak tih a chian em em bakah kan pahniha kan awmdun lai renga thuruk niawm tak a sawi chhuak hi a lawm lo hle tih a lang chiang bawk.
.
“Zuri!” a ti hrawk a. A awki a hniam hle. Kei erawh ka hamhaih nasat zual em vangin tawng ngaihna reng reng ka hrelo.
.
“A ni lawm ni? Ka ngenna che angin Mia hi I hnaih tih I pha thei lovang. Inneih thleng thlenga I kalpui hi ka ring pha hauh lo zawk.”
.
Heihi thil awm dan dik tak a ni thei lovang. Ahma khan Gabo hi eng vanga min hnaih nge anih ka zawt tawh a. Khata min chhanna kha ka lo ring tawk asin. Ni e, Gabo hian dawt min hrilh ka ring lo. Zuri’n titura a tih vang ni lovin min duh vang renga min hnaih a ni.
.
A thusawi chu engtin nge ka dawnsawn ngaichang niawm tak hian Zuri chu ngawi datin chiang fe hian min en a. Tunah chuan ka inthunun a ngai. A mit hmuh lai hian Gabo laka ka thinurna ka tilang tur a ni lo.
.
Ka hmela thinurna emaw lungawilohna emaw a hmuh tak loh vang chuan za lo zet hian a nui hul hak a.
“I duh chuan fiahna ka hmuhtir thei ang che. Mia..” ka la ngawi reng. A bulah hian engmah sawi ka tum lo.
“Phiangsen che hian! Mia. Argyros hian enga tan mah a ti lo che. In I thlen hunah a fiahna zawng zawng chu I hmu ang. Ka unaunu hrawn I nih vanga ka thilpek che ni rawh se. Thil awmze nei kan inpe khat ta bawk lawm tiraw?”
.
“A tawk viau e. Min kalsan thei tawh ang.”
Gabo awki hniam leh hlauhawm zet chuan a ti tim ta niin a lang. Mahse, ka hriat thin Zuri kha anih chuan engmahin an tihlau ngai lo. Thil thalo ti turin eng thil mahin an dal thei ngai hek lo! A awmzia chu__ Ngaihtuah loh ka duh zawk e!
.
“Argyros__” tlawn lungawi tum tih hriat zet hian Gabo chu a en a, a dawn let chu a beisei loh tawp thil anih ka ring.
“Kal sawn rawh.” A tawi tek tawk khawp mai. Hnial ngam chi a ni lo ang.
.
“Tuna tan chauh. Kan inhmu leh thuai dawn nia. In ah ka lo nghak ang che.” Keimah ni lovin Gabo a bia tih ka hria.
A thutna atanga thovin muangchang zet hian a kal sawn ta hram. Eng ti anga awm tur nge ka hre mai lo. Ka ngaihtuahna a mumal thei lo bawk. Ka hriat leh hmasak ber chu ka kut ka hum ruh nasa hle tih zawng hi. Gabo chuan ka kut chu a la vuan reng tih ka hriatchhuah rualin rang zet hian ka kut chu ka lasawn nghal a. A tawng tih ka hre nain eng thu nge a sawi ka hre phak lo. Ka la tawng chhuak thei lo a, ka tum buai lo bawk. Helai hmuna kan inhmu hi an ruahman lawk a ni ngei ang! Eng vang nge? Eng vanga hetiang thil hi ti kher nge annih? Kei hi meng reng chunga bum thluk chian em em ka ni tihna em ni?
.
Kan dawhkan bulah eitur kenga Waiter ding chu kan mamawh lo tih lantir nan Gabo chuan a kut vai zauh a.
“Keiman ka duh.” Ka lo ti thung. Waiter chu ka en a, kan boruak pangngai lo zet hrethiam ve rei ruai niawm takin hawihhawm tak hian a lo nui sang a. Eitur chu min chhawp dawn nge dawn lo tih a hrethiam chiah lo anih hmel.
.
“Ka lo la ang.” Tih pahin ka ban a, lawmthu ka hrilh zui sap a. Gabo hmel chu ka en duh lo.
.
Ka thlenga eitur awm chu enin chemte leh fork hmang chuan ka chan te a. Ka lem thei ang em ka hrelo.
.
“Mia_”
Min kohna chu hrelo anga awmin ka eitur chu ka inbarh lui a, a tui leh tui loh pawh ka hre hrep lo ve.
.
“Mia_ Thu dik ka hrilh ang che.”
Chhang lovin ka lu ka thing nghat a, tunah hian eng thu pawh sawi se engmah ka ngaithla lovang. Ka thei lo. Ka ngaihtuahna pawh ka hman theih loh lai hian engtin nge mi thusawi ka ngaihthlak theih ang.
.
“Mia.” Ka banrek ah min rawn vuan a, min vawn ngheh hmain ka kut chu rang zet hian ka la sawn a. Engmah a dik tawh lo.
.
A hmel en chuang lovin “Min kalsan phawt rawh.” Ka ti sap a. A thutna chair chu nghengin min en tih ka hria. Min kalsan a tum hauh lo bawkin ka ring. Tuna min kalsan chuan Zuri sawi kha thudik a ni tih a nemnghet a ni dawn tlat.
.
Engmah sawi lova thuin eitur ka ei lui lai chu min en reng a. Ni lengin hna tul a thawk a, a riltam dawn tehlul nen. Ka thil ngaihtuah chuan ka nuih a tiza zawk. Tunah pawh a riltam leh riltam loh ka lo ngaihtuah sak chu a nia.
.
Rei tawk tak hnuah ka thlenga eitur awm chanve chu ka ei thei tawk a. Tunah chuan helai hmun hi ka chhuahsan ngei ngei a ngai. Chemte leh Fork chu dah thlain ka bag ka la a, Waiter chu ka hui zeuh a. Ka purse atanga pawisa phawrhin ka thil ei man ka pek hnuah ka thutna atangin ka tho nghal. Ka thawh rual deuh thaw a tho chhuak ve nghalin ka bulah arawn ding a, ka hnunglama min rawn kuah a tum chuan thawk ka la halh.
“Ti suh. Gabo!”
“Min tihtir rawh.”
Chhang lo leh amah ngaichang lovin restaurant atang chuan ka kal chhuak a. Tuna ka mamawh awm chhun chu keimah chauh a awm a ni.
.
A car kan bula arawn din chuan rang deuh hian ka thutna tur lam kawngka hawngin a kal vat a. A inthiam loh vanga hetianga awm hi a ni tih ka ngaihtuah chuan ka tah a chhuak ut ut. Bum theiha ka awm hi ka zak a, ka thin a ur tan ta bawk. Rilru fima in ngaihtuah ka mamawh tak zet.
.
“Gabo, ti suh. Keimahin ka haw thei.”
.
“Ni love. Awmze neia kan ti ti a ngai zawk.” ka chhang mai lo. Zuri min kalsan hnuah a vawikhat nan a hmel chu ka en a, ngawi rengin a car-ah chuan ka chuang lut ta zawk a.
.
Ka chenna hmun pana kan let leh chhung minute 20 vel zet tur chu engmah kan sawi lo. Kar khat liam ta mai a zungbun min pek, amah nei tura min tihluihna tel miah lova ka inthlun beh tirna thir kual tereuhte chu ngaihtuahna kal ding tak chungin ka tuai nauh nauh a. Car a ding ta tih ka hriat chuan ka harh deuh zawk.
“Lo kal rawh le.”
Car kawngkhar arawn hawng a, ka vawn tura a kut arawn phar chhuah chu enin a hmel ka en leh a. Ka rilru erawh ka siamfel thawkhat niin ka inhria. Ka chiang lo! A tawpna pawh a ni mai thei tih rilru pu chungin a kut chu ka vuan a, Car atang chuan ka chhuk a. Ka inah ka luhtir a inring anih chuan a ring sual ang.
.
“Ka inchhunga lut turin ka sawm dawn lo che a nia. Gabo, keimaha awm ka mamawh.” Ka ti nghet charh a. Ka rilru la buai si zia ngaihtuahin ka aw chhuak chu a nghet phian zawk. Min hnial ngei dawn tih ka hriat vangin rang zet hian amah chu ka kal pel a. Kawngkhar hawngin hmanhmawh tak bawkin ka khar a, kawngkhar chuan a hmai a vaw lo chauh tih erawh ka hmu hman.
.
Kawngkhar chu nghengin ka thin phu dup dup chu ka dawm vang vang a. Living room-a phone ri ka hriat chuan ka phu chiang hle. Muangchang a phone chu panin ka la kang a.
.
“Keimah! Mia. Fiahna chu I hnen a lo thleng ngei ang. He thil ka tih chhan hi ka ngainat vang che ani lo tih I hria ang chu tiraw? Argyros hi kalsan ang che. Eng vangin nge I kal san loh ang. Ooo.. Ni lo, I kalsan ngai lovin a tir atang khan a lem vek a ni tih I hrethiam ve tawh ang chu. Nun hman nuam le! I in hnunglam kawngkhar bulah khan I thil mamawh chu ka dah kha.”
.
Thawm a tawp hnuah pawh phone chu dah thla mai lovin ka la keng ta reng. Kawngkhar chum ri ka hriat chuan phone chu ka dah thla ta riai riai a. Kawngkhar chu hawn tumna ka nei lo. Muangchang lovin in hnunglam kawngkhar ka pan dawr dawr a. Kawngkhar ka hawn chuan bawm lian vak lo leia lo let bal chu rang zet hian ka la a.
Living room-ah let lehin bawmte chu ka hawng a, Pen Drive lo awm chu la chhuakin TV-ah ka connect nghal a.
.
“Mia__?”
“Mia Valentina Garcia.”
“Beach House-ah hian I duh chen chen I awm thei ang. Eng emaw changin__ Chuan, Miss Garcia thlalak chu I kawl em?”
.
Thawk pawh thaw tha ngam lovin TV screen a thil lang chu ka en reng a. Siam chawp a ni lo tih ka hria. A sir kil dinglama ni zat inziak ka hmuh chuan tap lo tura insum chungin thawk ka la kawk a. Silas party-a kan inhmuh ni kha a ni! Ahnu lawkah kan inhmuh lehna chu Silas office! Khami ni khan inhrilh lawk awm lovin Yaman Co. nen kan inzawm thu Silas hnen atangin ka hre bawk anih kha. TV-a chu ka en leh a__
.
“I chunga a thiltih phu tawk a hmuh ve ngei chu a diklohna a awm lo.”
“A chak lohna chu ka hria tih sawi ila mak I ti ang em?”
“Ti lovang. Mi zawng zawngin an hria alawm.” Zuri chu a ngawi leh vang vang a. “Ka unaunu chungchang hetianga_______”
An tawng chu ka hre mumal thei tawh lo.
“I ngaihtuah nasa lutuk anih kha. Hahdam rawh.” Gabo tawng chu ka hre ngei em tih chian tumin TV chu ka pan hnai a, screen-a lang Zuri leh Gabo inkuah lai chu ka en zui thei ta lo.
.
TV dahna chu vuanin ka thu hniam a, ka khur nasa lutuk a ka ding ngil thei tawh lo.
Silas Party hnu kar khat velah ka dawrah lo kalin kan inhmu leh mak ka tih thu ka sawi pawh khan atan thil mak anih loh thu a sawi bakah zanriah kil dun turin min sawm a__ Lalpa! Kei lahin lawm takin ka duhthusam anih thu chiah ngaihtuahin ka lo pawm anih kha. Na zetin ka awm ka dawm a, ka thaw a chham mai dawnin ka hria. Eng thil nge ka tih tak hi? Ka pasal tur tiin rinhlelhna nei miah lo leh min hmangaih ve tih a chiang nia ka hriat vangin ka mutpui hial tawh a nia. Rapthlak ti zeta ka awm dawm chungin ka au raih a!
.
Ka hnunglama thawm ka hriat chuan phawk zetin ka hawi zawk! Gabo lo ding reng ka hmuh chuan ka mit ka khap sawk a. Eng chen nge arawn hmuh ve ka hrelo a, hriat pawh ka mamawh hek lo. He thil hi ka hnunglama min nuih chungin vawi eng zat nge a lo en tawh ang tih pawh ka hre hleinem.
.
“Nang?” ka phun sap a. ka rilruah thil pakhat chiah a awm. Thinurna!
“Nang?” ka tawng zawm thei lo. TV bula ka pangpar khawi chu lain Gabo zawnah chuan ka vawm phei a, rang zeta a lo tawlh sawn hman vangin pangpar bawm chu chhuatah a tla keh chhuai a.
Ekhaii! In lo dam tlang maw? Beisei loh lamah story zawm theihna hun a awm ta hlauh mai. Min lo la theihnghilh em lovang chu maw...😊 Kan dam anga NITIN zawm tum phawt ang aw. Keimah ang bawkin a bul atanga in chhiar nawn ve leh a ngaih ka ring. MIN LO LA CHHIARSAK DUH AVANGIN KA LAWM E.🌺🌺
Comments
Post a Comment