TMH - 12 - 22

TMH!!
CHAPTER – 12
TAKE MY HEART!
By. Thantei_Pautu a.k.a Laura_Sean_Virgo
.
LUCA GIOVANNI'S P.O.V*
.
Eng thil nge ka tih dawn ka hrechiang bawk.
.
Ka office-ah kalin file pawimawh ka la a, tuna ka thil buaipui tur hi ka ruahmanna zingah a tel lawklo nain ka tih ngei angai si a ni. Tomas Adams arang thei ang bera ka hmuh theihna chance a ni bawk ang. Unau pianpui dang an nei lo a, Allison awmdan atang hian an unau an inhmangaih viauin ka ring a, Allison hian a harsatna Tomas Adams bula a sawi rual rualin a unaupa chu a farnu tanpui turin ka hmaah arawn inlan lo thei lo bawk ang. Chu thil a thlen ngei theih nan chuan tuna ka file lak hi a pawimawh takzet. Mr. Atkinson pawh ka hneh ngei tur a ni bawk ang chu.
.
Atkinson Corporation ka thlen chuan Mr.Atkinson office ka pan ding nghal a, a secretary min hip tum zeta meng zak zak chu pan hnaiin Mr. Atkinson hmuh ka duh thu ka hrilh a. Ka lak atanga mit lasawn mang lovin a boss a bia a, ka lut thei tih min hrilh chuan a kawrhmaa a hming intar chu enin ka panhnai leh deuh a. Ka hnaih deuh takah chuan a khur der der tih ka hre thei.. Hmeichhe thenkhat tak hi chu!! Deh  pawh ka dek hauh lo a nia!
.
"Marian, ka lawm e."
.
"Um..aw..k..keipawh le.." lai zet hian a nui a, a mitmeng chuan min sawm hawrh hawrh a ni ber e! Ka nuih ve suk hnuah inherin Mr.Atkinson office kawngkhar ka pan nghal a. Min duhna thup thei hauh lo a tilang thin hmeichhia te hi enga tan mah ka ngai lo ani ber. Min umzui lo tur tawk leka han fiam zeuh kha ka duhtawk viau. Khatiang hmeichhia kha chuan ka lakah thil duh an nei thin. Ngaihtuah zawm tlak pawh a ni lo e. Allison hmel ka mitthla ah a lo lang a, a ni chu khatiang hmeichhia ang a ni ve lo. A inringtawk a, ama tan huai takin a dingchhuak ngam.. Eng thil nge maw ka ngaihtuah chiam hi.. A hun hlawl lo! Mr.Atkinson hmuh ka tum nachhan leh Allison nungchanga min hip tlattu ngaihtuah kawp hun pawh a ni lo.. Min hip tlat tu maw?? Kha kha chu ka ngaihtuah lo angah ka ngai mai ang!! 
.
Atkinson office-a ka luh chuan ka hmel min hmuh rualin a thungil a, a insehruh nasa viau tih a hmel landan danglam nghal atang chuan a hriat theih. A hmaa chair-ah chuan thu turin min hrilh a.
.
"Eng thil in nge hetah rawn hruai thleng che? Nang nena inbiak hi ka chak fahran lo a nia. I nupui tihsual thup tuma rawn chhanchhuah i tum te anih chuan theihnghilh hmiah rawh. A chunga ka tihtur hi eng thil mahin min thulhtir lo ang. Kei aia chungnung zawk niin inngai mah la ka corporation-ah hian 70% share ka neih chhung chuan thuneitu ka ni. Kan thawhdunna tihtawp hi pawi ka ti hauh lo bawk. 30% share i neih hi i duh emaw duh lo emaw ka neilet leh ngei ngei ang. Giovanni fing kherek lutuk ka lo thawhpui hi ka tisual let der a ni."
.
WOW.. A thlun phelh ang par par an tih chu hetiang hi ani ngei ang. Mipa tawngtam lo leh inthunun thei tak nia ka hriat thin Mr.Atkinson pawh hian tawrh theih loh chin a lo  nei ve tho mai. 
.
"I thusawi chanve chu a dik mahna." tih chiah sawiin ka file ken chu ahma ah ka dah a. "Heihi uluk takin han en la, i duh tak thil chu iti  ngei ang chu."
.
File chu rang zetin a la a, file ka hmuh chhan tak a hmuh chuan min rawn melh a. A mitmeng a buai nak mai le.
.
"He thil hi i phuahchawp anih loh ka beisei." a ti tham chhalh a, tawngkaa chhang lovin ka dar ka tiche zauh ringawt. Ka phuahchawp lo ang tih a hrechiang.. A awmdan chu chik zetin ka en a, file chu khup thakin a thaw hak a.
.
"Jordin.. Engtin nge Jordin hi anih theih? Ani chu ka fanu enkawltu a ni a, ka office-ah hian a kal ngai miah lo. Neih ka lo tum hial asin.." a rilru buaina chu a thup zo bik lo tih a chiang e. A sam a tuai puat puat a.
.
"Keipawh hian engtin Allison hming kha alan ka hrelo a, i tihtir anih loh ka beisei." ka tih chuan a nui hul hak a.
.
"Mahni chhiatna tur ruahmanna tunge siam ngai? Allison hi hnathawk tha ber leh mi rintlak tak a ni a, ka beisei loh tawpa a  hming rawn lang khan ka inthunun theihna a tichhe ta vek anih kha.. Hetiang thil a tih duh hi ka ring lo reng a ni." a ngawi leh dat a. "Hetiang anih chuan Allison buaina tur a awm lo. Jordin hian engtiang a min bum thei nge anih.. Hah.. chu thil chu i bula ka sawi pawh a tul hrep lo ve. Tikhan i thil duh chu i hmu em? Allison hian tihsual a  neilo tih hi min hriattir hi i tum ber a nih ka ring a, helai hmun atanga a ban kher angai lovang. Chu chu i duhdan a ni em?"
.
"Ni lo! Kha file ka entir nachhan che chu thudik tak hria la ka tih vang chauh a ni. Allison hi corporation atang hian ban tir ngei ang che. Hmun danga hnathawk zawm thei lo turin siam la ka duh bawk." ka thutak tih a hmuh chuan mak a tih hmel ngang mai. Ka ruahmanna erawh abula ka sawi chhan tur a awm lo.
.
"Engvang in? Tihsual a neih loh chuan ka bantir hauh lovang."
.
"Mr.Atkinson, ka duh ang thil i thlentir ngei ka beisei. Thup tur chin i hre bawkin ka ring. Kan corporation inkar pawh tun kar chhung hian kan rel fel thei ang. Inremsiamna felfai tak neiin 30% share ka neih pawh hi i neihlet leh theih dan a awm ang. Ka kalsan phawt ang che." ka vauna hrethiam ni awm takin a bu nghat a. A ngaihtuah fel chu ama tihtur hi a ni tawh. A corpotation-a 30% share ka neih hi sumdawng mi ka nih angin a thlawna peklet ka tum lo bur. Ka duh ang ngeia thil a tih phawt angai a, chubakah thil dang a ala awm. Chu chu tuna sawi lovin kan inbiak fel dawn hunah ka la sawi ang. A ni hian lawm takin a pawm ngei bawkin ka ring. Thawhpui zawm zel tumna ka nei lem lo e.
.
Ka thutna atanga thoin kawngkhar ka pan a, kawngka ka hawn chuan Allison lo luh tum ve chiah nen kan insu nawk a. Kan inring lo ve ve. A chak lo leh tharum neilo zawk na na na chu a pai deuh nawk a, ka vuan rang khawp mai.
.
A dinngil leh hnu chuan ka vawnna chu a phelh a, ka hmel a hmuh rualin na tuar hmel a pu zawk a, rang lutuk in a insiam tha nghal vat. A pasal hlui nen tum loh taka intawng fuh palh ang mai hian min en ta reuh nia!
.
"I kalsawn thei tawh em? Office-ah hian luh ka tum a.." a ti sep a. Ka dinna ngaiah ka la ding reng. Kan inbiakna chu Mr.Atkinsona-n a hre pha dawn lo tih ka hre bawk.
.
"Ka lo nghak ang che." ka tih chuan a nui lui sak a.
.
"Angai lovang." a ti leh sep a.
.
"Ka sawi angin ka awm thin tih i hriat kha. Ka  nu leh pa chenna hmunah kan kal angai." ka tih chuan a bu  nghat a. A kun deuh vangin a mitmeng ka hmu thei lo.
.
"Anih chuan kalsawn rawh.."
.
Ka lu ka thing mat mat a. Office chhunga a luh theih nan ka dingsawn ta hram. Pawnah ka lo nghak ngei ang. Mr. Atkinson nen hian rei tak daih sawidun tur an nei lo.
.
Mr. Atkinson office-a a luh hnu chuan ka kalsawn a, secretary Marian paw'n min beiseina thup hauh loin min lo nuih leh tak sawng saw..! Secretary chu ka panhnai a, ka thusawi tur hre chak awm fahran hian min melh sar sar mai.
.
"Miss, ka nupui kha a lo chhuah hunah inhnuai a ka nghah thu i lo hrilh dawn nia." ka tih chuan a nui hmel a chuai raih raih mai. A meng khup  nghal zal zal bawk. Min melh no nazawng leh min beisei nazawng ka hnaih mai ten MIPA ka ni nang! Nupui nei lai ka nia, hmeichhe dang ka melh a thiang hleinem...! Ka thil ngaihtuah zet chu le.. Ni e, kawng thenkhat ah chuan a dik. Allison hi ka hmanrua mai mah ni se ka  nupui a ni tlat. A lakah hian eng feelings mah ka nei hran lo! Duh taka min kuah leh a mitmeng nung sara min melh a, min thawkkhum sek sek tawh chuan thildang zawng zawng ka theihnghilh vek thin.. Helai part hi chu ka ngaihtuah loh tawp tur a ni..
.
Lungawi lo ru takin elevator ka pan a, engvanga lungawi lo nge ka nih chiah erawh ka hre bik lo. Allison vang hian ngaihtuahna mak leh ka hriatthiam lem loh thil ka  ngaihtuah ta fo mai. Ka chunga thleng zen zen lo ngaihtuahna phir leh intuha lo tak tak vangin ka rilru a insual ta fo bawk. Kei, Luca Giovanni hi rilru mumal nei lo ang maiin ka la awm ngai lo a, hetiang thil hi ka chungah a thleng ngai hek lo. Uluk taka ka ngaihtuah tawh hnua thutlukna ka siamah ka ding nghet ziah.. Tuna ka thiltum pawh hi sut leh tumna ka nei lo.. Engvangin nge ka sut leh ngawt ang?
.
.
Minute 10 vel hnuah ka lam pana Allison lo kal ka hmuh chuan ka lo en reng a. A hmel chu a dang lapin a kun deuh a, a chetphung atang chuan a hlim lo tih a lang chiang khawp mai. Ngaihtuahna buai tak hmel a pu bawk. 'Tunah chuan hun hreawm a tawng tan ve dawn ta ngei e' tiin ka ngaihtuah a, mah se, ka nuih a za tlat lo! Ka chhungril ah eng emaw hian min tham ut ut zawk niin ka hria.. Ka hlim rukna vang a ni ngei ang! Kan hlim apiangin kan nuih a za tur a ni tih ziaka dahthat a awm thlap pawh ni hrep lo chuan..
.
Min rawn hmuh rualin a nui lui sak a, hlim lo tak chunga a nui lui hmel chuan ka awm chhungah hian min deng deuh dawt mai. Min deng deuh dawttu chu eng thil nge anih ka hria pawh a ni chuang hlei lo a.
.
Ka bul arawn thlen hmain ka pan a, kan vela hmeichhe awm ho chuan inthup tak siin min ngaihven ru hlawm viau.
.
"I tha em?" a kawngah kuahin a bengbul ah ka phun sup a, min en lovin a bu nghat ringawt. Ka vawnna chu phelh tum awm pawhin a awm hek lo. Nawr hmanhmawh lovin a kal chak dan mil chuan pawn lam ka panpui a. Eng vanga dimdawi ta riau nge maw ka nih phiangsen ni!!
.
*Awi..kareii.. Khatiang mipa khan ka kawngah min kuah ve se chu vur ang maia vawtin ka awm lo tawp ang*
*Allison thiltih kha in hre ve lo em ni? Ka ten tehmai a nia.. A chhungril chu khakna hlir a ni  ngei ngei ang"
*Atkinson Corp. atang hian a bang chiang teh ang chuuu...*
*Khatiang mipa nalh leh sexy lutuk kha engtin nge a bum theih le? A engamah hmain a kekawrte a pawtthla ringawt aniang chu..*
*Tawng ring vak kher su*
 An nui hak a. An tawng kan hriat theih loh thlengin an phun zawm ser ser hlawm a.
.
 Allison chu a hnathawhna hmuna hmeichhe ho tawng duh dan leh an thusawi te chu hrelo ang hmiahin a awm hmak. Kan bulhnai a phun ser ser ho chu vawikhat pawh a melh lo a, a kal chak phah chuang miah lo bawk. He hmeichhia hi eng emaw tak chu anih ngei hi.
.
ALLISON’S P.O.V*
.
Helai hmunah hian Luca hi hmuh ka inbeisei miah lo. Ka boss bula min venhim a tum vanga kal a ni lo bawk ang tih hi ka hnar awmna ka hriatchian tlukin ka hrechiang. Mr. Atkinson nen inhmatawnin kan inbe tan chauh a Luca ka ngaihdan dik zia ka hrechiang nghal pang bawk. Hetiang em hi chu anih ka ring lo. Ka dikna erawh ka pholang ngei ang. Atkinson Corp. tan hian ka theihtawp in hna ka thawk a, thil dik lo leh tha lo tih tumna ka nei ngai lo. Corporation dang nen an thawh dunna tihchhiat lam phei chu vawikhat pawh ka la ngaihtuah ngai lo hrim hrim zawk tih min hriatpuitu chu Pathian a ni. Chutih laiin hetiang hian min puh chhia a. Hetiang khawp a ka chhiatna duhtu hi ka rulhlet ve hun a la thlen ngei ka beisei. Beiseina..heihi ka chhungrila chakna min petu ni reng rawh se.
.
Ka pasal hmel ka hmuh hian ka rilru natna a zual zel tawh niin ka hria. Ka theih tawpin ka inthunun a, kawngka a kan intawh pawh khan ka tahchhuak ka insum tawh. Hmeichhia ka nih ka inhria a, hmeichhe chak tak ka ni reng thin bawk. Hmangaih taka ka neih ka pasal tan hian hmanrua mai  ka nih zia pawh ama ka ngei atangin ka hria a, ka pasal ngei hian diklo takin hremna min tuartir a tum tih pawh ka hria. Ka chak lohna leh ka tlawmna lantir nan ka mittui hi far khat pawh a far tur a ni lo. Ka hrawk rawn inhnawh up up chu thunun tumin ka kut ka hum ruh ngat ngat reng a ni.
.
"Sir, min hrechiang a, hetiang thil thalo hi ka ti ngai lovang tih pawh i hria."
.
"Allison, i laka ka tihtheih tha ber chu he thubuai hi ka hnukkir anga, helai hmuna hnathawh zawm erawh i beisei thei lovang."
.
"Sir.. Thudik hria la engtin nge i awm ang?" ka zawhna vang chuan boss hmel chu a danglam zawk a. A insiam tha leh rang khawp mai.
.
"Thudik chu heihi a ni, Allison.. Helai hmunah hian i thawk zawm thei dawn lo a, helai chauh lo pawh itan hmun danga hna hmuh a har tawh ang. A pawi khawp mai." a ti dam thluam a.
.
"Mahse, sir.." sawibuai tawh lo turin min duh tih lantir nan a kut ka hma zawnah arawn phar zauh a. A awmdan dam ru phian si hian ka rilru a tibuai letling ta zawk. Nimin anga tawngkam chhe tinreng a min tawngkhum ta miah lo pawh hi mak ka ti. Nimin kha chuan tawngkam chhe tinrengin min an khum kha a nia. Ka insawi fiahna tur hun pawh min pe hlek lo khan thinrim hmaisen in min au khum a. Tunah a tawngkam a dam leh hle si.. Luca nen khan eng thu nge an sawi ang le? Ka pasal hian vawikhat chauh pawh min venhim tumin tawngkam a nei ve reng angem?? Chu chu ka beisei lo.. He ka buaina intan nachhan pawh Luca vek hi a ni. Min tihchhiat tumtu chuan engti zawng mahin min chhanchhuah a tum lul lovang. Mahse nizan khan a thiltih a nih loh thu a sawi ngei a. Ka thinrim em vang khan sawifiah turin ka nawr ta lo kha a nia..
.
"Allison, heihi ka thutlukna leh Board thutlukna a ni a, i hnial thei lo. I banna chu rawn thehlut ang che." thu dang sawi leh pawh ni ila, boss tawngkam a thutawp a nih zia lang vang hian awmzia a awm tawh dawn chuang lo. Ka tihsual ni miah lo vanga ka tuar tur ka ngaihtuah hian ka thinlung a dam hlawl lo mai. Helai hmuna hnathawk leh nitina ka hmuh thin te hian engtin nge min sawi zui ang?? A chhe thei ang bera min sawitur hi a tam zawk annih ngei ka ring.
.
"A tha e. Naktukah ka banna chu ka rawn thehlut ang. Thudik hi ka la rawn entir ngei bawk ang che."
.
Ka thutna atanga thoin ka boss office atanga chhuahna kawngka ka pan a, vawikhat pawh a hmel ka en tawh lo. Office atanga ka chhuah chuan Marian chuan min lo melh ram ram a.. Kha maw.. Ka sawilawk kha.. Helaia hmingtha taka ka awmlai kha chuan Marian hi ka thiantha ang maiin a awm a, tunah ka chan a han chhiat takah chuan ka tan thian a ni lo tih a langchiang nghal mai pawh a ni lo, eng thu emaw ka chungchang a sawizui ngei ang.. Enge pawi?? A duh duh chuan an duh apiang lo sawi rawh se. Keimah ngei hian tun atanga reiloteah thudik in an hmaiah ka la vawmlet ang..
.
Elevator-ah lutin bang vawt thlur chu ka hnunglamin ka ngheng a. Ka taksa a chau a, ka thinlung a chau a, ngaihtuahna mumal taka hmang tur pawhin tunah chuan chakna ka nei rih lo. Thawmhnaw suk duhtawka sawp zawr ang mai ka niin ka inhria.
.
Elevator atangin ka chhuak a, hmanhmawh hauh lovin office atanga chhuahna kawngkhar lam ka pan a. Ka hawichhuah a Luca hmel ka hmuh chuan ka tha neih sawmkhawm in ka nui lui sak. He mihring duhthusam ang hian a bulah ka nat zia leh ka mangan zia tihlan ka duh hauh lo. Tunah tak hian ka chhungril ka thup zo em ka hre hek lo. Ka chau em em a ni rih tawp mai.
.
Min rawn pana ka kawnga min kuah chuan ka awmdan ngaia awm turin ka inthunun a, kan vela hmeichhe ho chuan min rawn ngaihven vek tih ka hai bik lo..
.
Ka beisei lawk aia hmain min sawizui bawk. An tawngkam tin chuan min deng dawt dawt a, khaweng zah lo leka an lam pana tlan a, an sam va pawh bawrh bawrh ka chak ber. Ka puakkeh lo chauh a ni ber mai. An dinhmun aia sanga ka awm lai kha chuan min tlawn huam huam reng hlawm kha a nia! Dinhmun tha lo a kan awm chiah hian kan tana mi hlu leh mi tha an langchiang thin tih hi a lo dik chiah tih hi ka lo tawng fo tawh a, tunah pawh a dik zia ka hre nawn leh ta. Tawngkama sawiliam ngawt ai chuan ataka han tawn chiah hian a nuam lem lo thin khawp mai chu a nih hi.
.
Muangchang in kawngka lam ka pan zel a, ka bula Luca awm leh ka kawnga min kuahna a thlah miah lo chu ka lawm khawp mai. Pawn kan thlen chuan ka thaw ru huai. A ni pawh hian kan hnunglama phun sawr sawr ho thusawi kha a hre ngeiin ka ring. Khang ho khan Luca ka neih theih nan ka kekawrte ka pawtthla nghal duh tur angin min sawi anih kha'. Kha thu kher kha chuan Luca nuih pawh a tiza ve hial maithei..
.
Car kawngkhar min hawnsak chuan ngawi rengin ka thu lut a, a nu leh pa chenna hmunah kan kal dawn thu kha a sawi ngei a, tunah hian kan kal nghal dawn a nih ka ring. Zawh ka tum buai peih lo. Ka thutna nghenchhan  ngheng in ka maimitchhing a, darkar khat chuang zet car pakhat chhunga kan awm dun tur ka ngaihtuah hian ka thlahlel zawk zawk lo khawp mai. A bula ka awm chuan ka duh loh tawp thil ka ngaihtuah leh ngei ang.
.
Car-ah lo lutin a tinung a, hnehsawh zet hian motor a herkual a, kan tlanchhuak nghal chu a ni der. Min lo se ka duh ngawih ngawih. Ngawirengin kan tlan zel a, min be lo se ka duh tia inngaihtuah si hian inbe miah lo a awm chu nuam ka ti leh chuang si lo.
.
Che lovin ka mit ka meng ru a, hnehsawh zeta steering wheel a thunun chu ka en a. A kut zungtang hian ka taksa ah nawmna nasa tak..NO..Khuh kharhin ka thu tha a, ka tum loh zet hian ka nui hak bawk. Min rawn melh zawk a, a mitmeng a ka hmuh chu a dik em tih enchian ka tum chhungin a hawisawn lehnghal. Ka hmui hnuailam na zeta sehin ka thu tha a.. Tomas bulah ka awm anih chuan "Ka thil ngaihtuah chuan min tizak! Ka taksa hian mamawh lo tawp ila tih hi ka duhthusam a ni.. Mahse, ka duhthusam hi engtik ah mah a thlen ka ring lo. Luca hi ka tan mipa awmchhun a ni a, amah nen hun kan hmandun ang hi mipa dang ka hmanpui ngai lovang.. Engkima mahni inthunun pumhlum thei ni ila ka va duh tak em! Ka hua ni a ka inhrilh tam poh leh ka hmangaih tih ka ngaihtuah tam a ni mai. Ka indem thei lo! A thiltum hre hauh lovin hmangaih takin ka nei a, atan hmanrua mai ka ni tih ka hriatchhuah atang khan kan hma hun hlimawm taka ka dream thin erawh a tawp hmak.
.
Beisei loh buaina ka tawh vang hian ka unaupa pawh ka theihnghilh dawn hial mai. Anihna tak ngaihtuah chuan tuna ka chunga thilthleng hi ka unaupa vanga intan a ni. Tomas hi biain thil nihna tak ka hrilh anga, Luca nen inhmuh tirin Adelina nen an chungchang pawh an sawi fel thei ang. An inrem thei anih chuan min hmangaih miah lo tu ka pasal hi keipawh hian ka kalsan ngei ang chu. Damchhung a kalsan tur hian ka inhuam em ka hre lo.. A hmanrua atan chauh min duh tih hre chung hian a bulah ka cheng reng thei dawn chuang em ni? Hmangaihna rilru chuan hmangaih let ve a phutlet zel thin a ni lawm ni?
.
Ka thil ngaihtuah vang chuan ka tiril a khur der der a. Luca hi ka kalsan a tul hun a la thleng ngei ang.! Keiman ka kalsan anih loh pawhin amah hian a in atangin min thehchhuak tho ang! Hemi chungchang hi ahma khan ka lo ngaihtuah miah lo..
.
"A vawt iti anih kha." arawn tih chuan ka meng a, ka lu ka thing ringawt. Vawt ka ti lo. Ka chhungril a hlauhna,mal ngawih ngawih a awm ka hlauhna hian min tikhur a ni zawk. Mahse.. Mahse, eng thil tha nge ka ngaihtuah chhuah chuan le.. Min hmangaih miah lo tu bula chen hi a rapthlak tawk viau tawh tho mai.
.
.
Giovanni chenna in ropui zet kan thleng a, kawngkhar min hawnsak hun nghak lovin car atang chuan ka chhuk a. Inchhung kan lut a, ka beisei loh zetin ka nu(Nina Giovanni) chuan min rawn kuah a. Ka hamhaih zawk letling.
.
"Ka fapa, i pa khan biak che a duh a. Allison nen chuan eitur kan lo siam ang.. Min pui thei angem?" tiin a nui sang a. Hlim hmel taka min nuih hmel hmuh chu a nuam khawp mai.
.
Luca chuan min kalsan hmain ka biangah min rawn fawp zauh a. A hmuiin ka biang a deh rualin ka ke hmawr thleng hian ka mur chhuak vek! A nu leh pa hmuhlai chuan nupa inngeih tak angin kan lang ve leh mai chu a nia.
.
Ka nu chu zuiin choka ah kan lut a, nidang ang lo takin a titi ve luam a. Ka in adjust angai hial zawk. Mak ka tih rualin nuam ka ti em em bawk. Ka thlakhlelh ruk em em chu nu neiha inpawh taka titi duh anihthu hi ahma pawh khan ka sawilang tawhin ka hria.
.
Darkar khat dawn choka-a kan awm hnu chuan a tul zualpui kan ti zo a, chhungkaw ni bik anih vangin an chef chawlh a pek thu te pawh a sawi siam siam tak alawm.
.
Choka atanga ka chhuah chuan common room-a ka pa amah chauh a lo thu chu ka pan thuai a. Hahdam hmel tak hian no a dawm a, min hmuh chuan nui chungin min lo lawm vat bawk a.
.
"I duh chuan inchungah han chho ve rawh. Luca pawh a room-ah a awm ang."
.
"Nangmah nena titi ka duh zawk alawm." ka tih chuan a nui hawk hawk a.
.
Ka hun hmandan leh inhmuh fo a duh thu te a sawi a, Adelina a lo haw tep a rin thu a sawi chuan ka beng a verh zak mai.
.
"Adelina chu ka hmu ve chak khawp mai." ka rilru tak tak pawh a ni. Ka hriat laia Adelina a sawichhuah vawikhatna ani bawk.
.
"A ni chu i nu naute ani reng a, i nu hian a puitling ve tawh tih a pawm thei tlat lo a. Luca hnen atangin a awm dan chu i hriat ka ring.. Kan duat sual zo a ni ber mai.." a ti leh a. Chhan ngaihna vak ka hre lo. Luca nen hian kan inhmangaih vanga innei ah min ngai ngei tih erawh a titi dan atang hian ka chiang thung.. An ngaihdan hi thudik ni se ka va'n ti em...!
.
Kan thutna lamah ka nu arawn kal a, ani paw'n inchung ah Luca bula kal ka duh leh duh loh min rawn zawt leh a.
.
"Zanriah ei hmain i pa nen hian hun hman dun ka duh bawk a." atih chuan an pahnih chauha awm an duh tih hrethiamin ka kalsan a. Luca pindan panin step hnum hlurh chu ka zawh chho zai zai a.
.
Luca pindan kawngkhar chu inkhar phui lovin a kau deuh a, va pawh ngawt ka hreh leh hnuhnawh. Ka nu leh pa ngaihdan anga inhmangaih tawn kan ni lo a... Ngaihtuah buai duh lo luiin kawngka chu ka nem hawng a, Luca tawng ri ka hriat chuan ka ding leh chawt a. Amah chauhin a awm lo..
.
"Engtik ah nge heng thil hi a tawp ang?" hmeichhe sam buang siau leh pian nalh zet hian Luca banah a vuan a, Luca chu min hnungchhawn zawngin a ding a, hmeichhia pawh chuan min rawn hmu chuang lo. Ka nghing lawih mai. Vawiin hi chhungkaw ni a ni lawm ni?? He hmeichhia hi an chhungkaw zinga mi a ni lo tih Luca bula a awm dan atang hian a chiang.. Engtik laiin nge inchhung ah hian a lo luh ve??
.
"A tawp tep tawh." Luca chuan a ti  nghut a.
"A awmzia chu, ka ta chauh ini tep tawh tihna a ni tiraw? Ka ta chauh.."
.
Chu tawngkam chuan min va tina tehlul em!! Ka unaupa tih loh ka neihchhun ni a ka hriat ka pasal hian min hmangaih lo mai ni lovin amah nghak tu, ka lak atanga a zalen veleh a amah neitu tur a lo nei reng a. Chhuhsak ka ni!! Ni e.. Chu pawh a ni leh chiah lo.. Ka chiang ngam lo.. Ka hriat ve theih chinah ka thil neihlai chhuhsak ni angin ka inhre ngai lo, ka nu khan min duh lovin min ngaina ngai lo  ngei a, mahse,ka lak atangin engmah min chhuhsak lo..
Ka hmaa ding hmeichhia hian ka pasal in min then veleh ka pasal chu a lo nei dawn a ni. Luca hi ka ta a ni ngai dawn lo. Ka thinlung chhungril ber atang hian thil eng emaw a thlawk chhuak a, ka ruak ta ngawih ngawih a. Ka hlau a ni.. Ka hlau takzet.. Mal tak leh tumah nei lova awm ka duh lo..
.
Ka mittui arawn luang zawih a, ka dang thei ngang lo a ni e. Ka thawm an hriat hmain ka inher a, bathroom awmna lamah kalin ka luh veleh ka inkalh hnana, thawm chhuah hlau takin ka tap hlawp hlawp a. 
 TMH!!
CHAPTER – 13
TAKE MY HEART!
By. Thantei_Pautu a.k.a Laura_Sean_Virgo
.
LUCA GIOVANNI’S P.O.V*
.
Ka rin aiin Allison a lo kal har tawh.!
.
Pen ri thlep thlep ka hriat chuan Savannah chu min hnaih turin ka mitmei a, Nicole a hman tlak tak si loh vang khan Savannah hian min pui dawn a ni. Ka nu'n ka pindan a chhuahsan khan inhnuai ah chhukin ka pa bulah a awm  ngei dawn tih ka hrechiang a, ka bula lo kal turin Allison pawh an hrilh ngei ang. Ka lo rinlawk dan chu a thleng dik ta chiah mai.
.
Ka nu leh pate hriat loh turin in hnunglam atangin Savannah hi ka pindan ah ka luhtir a, ka duh dan leh ka ruahmanna chu ka pindan a Savannah nen kan awm lai leh kan inbiakna thu Allison hriattir a ni. Kawngka ka kharphui lo a, pindan-a lo luh  ngai lovin kawngka atang pawhin kan thusawi a hre pha ang. Kan inbiakna a hriat chuan min rawn pawh dawn lo tih ka ring lawk hmiah. Allison zia a ni lo. Hmeichhia ka kawp ru niin hria pawh ni se ka bulah engmah a sawi lovang. Kan inneih tirh lai ang kha chu ni se tuna ka rin dan ang hi a ni kher lo maithei a, mahse, tunah chuan a danglam tawh. Hun eng emaw chen atang khan min pawh takin a titi tawh ngai lo a, chu pawh ka awm dan ka ti danglama min pawh theih lohna tura a awm tawh vang a ni.
.
Thil eng emaw ka feel a, Allison kan bulhnai ah a awm tawh tih ka hria. Ka mitin ka hmu lo a, mah se, chiang takin ka hria a ni.. Engtin nge ka hriat theih min zawt buai suh. Allison ka bulhnaia a awm apiangin, amah khawih phalo emaw hmu lo emaw pawh ni ila ka taksa leh rilru hian a hre ziah thin. Ka thukhum a za mer mer tiin sawi ila a dik deuh ber ang!
.
Ka hrilhlawk ang chiahin Savannah a tawng a, hetiang khawp hian lemchan a lo thiam ang tih ka ringlawk bik lo. A chang hnehsawh khawp mai. Tuna a thil hmuh hi chuan Allison pawh a tina tawh ngei ang chu! Chumi in a hrinchhuah tur chu a unaupa dukdak lo zet Tomas Adams ka hmaa a rawn lan hun a hnai tihna a ni bawk ang. Ka farnu tana bei ka ni a, pawisak leh tihhreh ka neih a thiang lo. Ka thiltih mek hi thil tha a ni lo tih chu ka hre tehmeuh mai a, mah se, ti lo thei ka ni lo. Ka farnu chhanchhuak turin ka tihtur dik tak ka ti a ni.
.
Thaw ri hak ka hria a, thawm zawi tak a ni nain ka hrechiang ngang mai. Reiloteah hmanhmawh tak leh thawm dim taka pen hlawk hlawk ri ka hriat chu a hla tial tial a. Ka duh tak chu tih puitlin a ni ta anih hmel hi.
.
"Min thlah tawh rawh." Savannah chu ka en a, titha intih hmel zet hian a nui sang a.
.
"A tawk der a! In kiss a awm dawn nange?" ka melh hrawk a.. " Ka fiamthu anih kha..haha..Tikhan engzat nge ka hlawh dawn?" a ti nghal pang. Ka beisei loh tawp thil a sawi reuh nia. Ka mitmeng hrethiam niawm takin "Ka fiam che anih chu.." tiin a nui leh hak hak a. Hei tereuh hian ka mizia a hre phian mai.
.
"I bank account i check hunah i hria ang chu. Min chhuahsan thei tawh ang. In hnunglam atangin chhuak ang che. Ka nupui hi hmun danga i hmuh pawhin a biak turin awm suh ang che."
.
"Yes, master Giovanni." a kal dawn zet a, arawn let leh a. "I thiltih chhan hi enge tih min hrilh lo nain i tumah i hlawhtlin ngei ka ring. Ka puih theihna che thildang a la awm anih chuan ka ti zel ang." a kut vai zauhin ka pindan atang chuan min chhuah san a. A lo puitling ve ta hle mai. Tunah chuan nula puitling tak tak a ni ta. Kum 5 liam ta a kawngsir ah mangang taka a awm leh tanpui ngaia ka hmuhlai kha chuan kum 13 a upa chauh a la ni a, tunah chuan mahni ke a dingin a kawng zawhah a hlawhtling ve ta viau anih hi.
.
Ka khumah ka thu a, room kawngka kik lova rawn inhawng leh vang chuan ka hawichhuak a. Savannah bawk! Room-a lo lut tawh lovin a rawn dak ha a.
.
"Master Giovanni, Vogue issue thar ber Cover kha lo en ngei ngei ang che. Bye.." a kut rawn phar leh zauhin a kal a, ka nui suk. Ka hmuh tantirh a a nungchang leh tuna a nungchang hi chu tehkhin chi pawh a ni lo. Amah tanpui thei tura ka lo awm hlauh hi atan vanneihna a ni a,ka tan pawh thiltha a ni tho. Midang tana thil tha tih hi kan damchhan pakhat a ni ve reng bawk alawm. Tuna ka nupui a ka neih tak chunga ka thiltih erawh hi chu... Ngaihtuah zawm lo zawk ang.!
.
Minute 15 dawn ka thut vang vang hnuah ka room kawngka a rawn inkik dat dat a, ka chhang mai lo. A rawn kik leh chuan a lo luh theih tih ka hrilh a. Kawngka chu rawn inhawngin Allison arawn lut a, a hmel a dang lap mai. Ka awm chhunga thil eng emaw rawn awm chu hrethiam chiah lo in ka aw ka thian kharh a.
.
"Dinner kan ei thei tawh a. Inhnuai ah kan zu zawm ve dawn em niang?" a aw chu pangngai thei ang bera lang turin a inthunun tih ka hria. Savannah nen min hmu dun ngei tih ka hriatlawk vang chauha a danglam tih hria ka ni. Midang tan chuan a danglam tih awlsam taka hriat a theih loh ang. A hmel dang lap erawh thup rual a ni lo.
.
Min ngaichang lovin a inher a. "Min lo nghak rawh." ka tih chuan ka zui hun nghakin a ding ve mai a, min en lo a, lungawi lo hmel pawh a pu chuang lo. Engvanga a awm dan chik viau nge ka nih pawh ka inhre lo ve. A natuar lai ka hmu chak pawh a ni mahna!! Ni love, chu chu ka hmuh duh ber a ni lo.. Thil ka hriatpawlh anih ka ring.
.
A bulah kalin a darah ka vuan a, kal mai tum lovin ka kut chu a melh ralh a. Ka hriatthiam hauh loh danin a nui sek a.
.
"Dawm ka ngai hleinem, keimahin ka kal thei alawm." ahma a min biak dan nen a aw ki a danglam hran lo a, mah se, ka awm a tinuam chiah lo.
.
"I tha em? I lang dang (pale) khawp mai." Eng maw?? Kei hian ka ngaihtuah vanga zawt ka ni reng em? Ka tum hauh lohin ka sawi ringawt anih hi! Khawiah nge thir ang maia sak leh khauh ka dan leh ka inthununna te kha a awm tak? Tunah hian ka mamawh niin ka hria.
.
"Ka nuam chiah lo a. Ka tha leh mai ang." a dar a tiche zauh a, ka vawnna chu ngai pawimawh lovin ka hmaah a kal a.
.
"Biak tur pawimawh ka nei a, ka lo chhuk thuai ang." ka tih chuan min chhang tawh lovin pindan atang chuan a chhuak a.
.
.
Inhnuai a ka chhuk chuan choka ah ka pan nghal a, dawhkan an lo kil thap tawh. Allison chuan ka pa tawng chu a rilru zawng zawng pe in a ngaithla tih ka hmu mai a, ka nu pawh nidang ang lo takin a titi ve luam mai. A bula ka thut chuan min rawn melh zauh a. Min melh thin dan hi ka duh lo! A hmaa mitmeng mawi tak in hlim leh min thlahlel tih hriat taka min melh thin ang kha a ni tawh lo a, a mitmeng a nung tawh hek lo. Keimah vang ani tih ka hria.
.
"Ei teuh ang che aw. Naute pai mai tur tan chuan thil ei tam a pawimawh lutuk a nia." ka nu chu phawk zetin ka en a, a ni chuan Allison chiah a en thung. Ka nupui hian nau a pai maw?? No.. Naute pai mai tur atih kha.. Tunah chuan a la pai lo tihna. Ka lawmna leh pawi ka tihna a inzat reng.!! Engvang nge mawni le.. Ka awm dan a dik thei reng reng lo mai.
.
Chaw kan eichhung chuan kan chhungkaw tihdan pangngai angin kan tawngtam em em lo. Allison chu ka melh ru zauh zauh a, a thleng a eitur awm chu a chawklet vel mai mai a ni. Engmah tham a ei lo.
.
Zanriah kan ei zawh chuan thu khawmuang rei lovin ka nu leh pa in kan chhuahsan a, kan inthlah hnuah inchhung ah min luh san hnu chuan car lachhuakin Allison luh nan passenger seat lam chu ka hawng a. Ka bula arawn din chuan car -ah a lut mai dawn emaw ka tia, mah se,a ti lo. Car hnunglam kawngkhar chu hawngin a thu lut a, atan kawngkhar ka hawng tih hre awm pawhin a awm miah lo. Hmeichhe rilru lian leh buaithlak tak chu a va ni em? A inringtawkin amah chauh paw'n engkim a tithei niin a inngai a, heihi ka tan pawh thil ti buaithlaktu pakhat a ni. A tuar a chhel a, tuna a chunga ka tih tawh chin pawh hi hmeichhe thenkhat chuan an puahkeh pui tawh ngei ang.
.
"A hmalam ah hian rawn thu rawh." ka tih chuan a ngawi ngal a. Zanin hi nidang ang a ni lo deuh hrim hrim. Nidang ang chu ni se hnehsawh taka min chhangin engahmah min ngai lo tih a tilang chungin a hawisang vah ang. Tunah chuan a cool raih a, biak tawng zawh loh hmel a pu tlat.
.
"Allison, ka sawi chu.."
.
"I tlanchhuak dawn nge keiman car hi ka khalh dawn?" a ti sep a. A tawng dan atang chuan thinrim a ang si lo.
.
"A hmaah hian thu rawh." hnial fo nih hi ka duh ngai lo a, tunah pawh ka la duh chuang lo. A thutna seat hnung nghengin a thu awn a, thawk ala halh a.
.
"Allison, tunah.. Anih loh chuan ka pawm chhuak ang che."
.
"Ti lo la atha zawk ang. Ka chau a nia." thu tawh lovin rem zet hian a mu a, a maimitchhing nghal daih bawk.
.
A ke-a ka pawh chuan a rum hak a.
.
"Luca, khawngaihin.."
Ka pawh luih leh chuan a ke veilamin min rawn tlawh a, ka lo inring lo lutuk takzet. Car hnunglam kawngkhar chu na zet hian a khar a, a lock zui hmak bawk. Tihngaihna a awm lo.
.
Driver seat-ah ka lut a, be buai tawh lovin ka tlan chhuak a, kan boruak chu a nuam lem lo khawp mai. Nuam turin ka beisei bawk hek lo. Nuam lo titur pawh ka ni lo bawk a. Ka tihnat theih nan midang ruai meuhin atana hmuh nuam lo thil ka ti a, kan pahnih inkar boruak hi chu nuam lo tur a ni hrim hrim. Amah ka care nachhan tur pawh a awm lo. Zanin hi engvanga ngaihven tlat nge maw ka nih reng reng ni?!
.
In kan thleng a, car ka tihdin hnu chuan ka chhuk mai a, Allison chu nghah ka tum lo. Ka ngaihtuahna mumal lo zet vang hian ka ngaihsak ta riau ni ten a lo inhre reu reu ange.. Tunge maw tihder ka tum phiangsen ni??
Kan pindan ah ka lut a, bathroom-ah lutin ka inbual a. Ka inbual zo ka inthlak fel vek nu pawh chuan Allison chu a la rawn lut chuang lo. Room-ah rawn lut duh lovin inhnuai ah a awm anih ka ring. Ngaihtha lo tur pawh ka ni chuang hleinem..
.
Ka mu a, ka ngaihtuahna leh ka taksa chau bawk nen ka muhil thuai a.
.
Phone riin ka muhil min tiharh a, ka phone ri a ni lo. Allison bag kha ka kenluh sak ringawt kha a nia. Khum atang chuan thovin Allison bag a phone chu ka phawrh a, pick up lo a off tum ka ni nain caller ID ka hmuh chuan ka harhchiang kawk mai. Tomas Adams.. Tunah zinglam dar 2 a ni tawh a, khawi hmunah pawh awm se helai a kan hun hman dan leh eng hun nge ni dawn a hre ngei ang. Ka hriat loh tura angaih hunah chat arawn bia anih ngei dawn hi. Ka thiltih ngai hauh loh ni mah se ka pick up lo thei lo.. Ka nupui phone a nia, lo pick up pawh ni ila a pawina a awm lo tiin ka ngaihtuah chawp a, nuam ka tih phah lem hlei lo a!
.
Phone ka pick up rualin ka ngaithla vat...
.
"Hey, AC, keimah.. Luca Giovanni hmanrua nih kha pawi i ti lo tih ka hrethiam tawh e. Ka rawn biak leh che beisei tawh suh. I pasal hian ka chungah eng thil nge atih hria ni la chu, ka hrilh tantirh che khan i chhuahsan tawh ngei tur a nia.. Hello.. I ngaithla em?" a dawhtheih loh hmel khawp mai. Ka tawng rualin Allison a be lo tih a hre nghal dawn a, tawng ngawt thei ka ni lo..
.
"A tha e. I duh angin awm rawh. I pasal thiltum kha i hriat tawh ngei ka ring. I tuarchhuak zo chuang lovang.. AC. khawngaihin.." a tawng tawp lam chu a nem ta khawp mai.. "Ka hmangaih che.. Keimah vanga i tuar ve angai hi pawi ka ti lutuk. I chhiatna tur khawpin ka tan lo tuar ngawt ngawt suh aw.. I chak tawk tih chu ka hria a..Mah se.. AC, i ngaithla em?"
.
Ka hriattur thu pawimawh engmah sawi a nei lo. Allison hian engvanga nei nge ka nih a inhre tawh. He mihring tlak tlai lo zet hian a farnu chhanchhuah nan min rawn hmu a nih loh chuan...
.
"Ka farnu kha ka hnenah arang thei ang berin rawn hruai rawh."
.
"Nang..Zawngsen.." chawp leh chilhin phone chu a tawp nghal hmak.
.
Khumah phone chu ka vawm a, Allison hi ka hnena a unaupa ko turin ka tilui ngei ang! Ni lo.. Vawiin ah hmeichhe dang ka kawp niin ka ngaihtir chauh a, ka nawr vut vut chuan ka ruahman dan ni lovin thil a kal sual ve thei tlat. Adelina him taka hmuh let ka duh anih chuan ka nawr vut vut thei lovang.
.
Pindan atanga chhuakin inhnuai ah ka chhuk a, Allison ka hmu lo. Car atanga ka chhuahsan hnu khan a lo chhuah ve mai ka ring a. Hmun dangah a kal pawh a ni maithei.. Tunang huna hmun danga kal chu tih loh tawp tur thil a ni.
Pawnah chhuakin ka dah dan ngai  ngaia la awm ka car chu ka pan a.
.
"Allison.."
Car ka hawng a, a hmaa a mut dan ngai chiahin a lo la mu nia! Vawt a ti tih hriat deuh hian a inkuah hlawm hlan a. Tihharh tumin a banah ka dek a, a awm dan hi a pangngai lo tawp mai. Mihring dam tha pangngai taksa lum dan let zetin a lum a, a chal ka dek leh a, a sa vek.
"Allison" ka sawi det det a, a rum tiah tiah ringawt.
.
Car tangin ka pawm chhuak a, inchhung ah hmanhmawh zetin ka luh pui a. Ka kalpui hlawk hlawk chung pawhin a la harh chuang lo. Kan pindan ah pawmlutin khumah ka muttir a. A hmel landan ka enchian chuan ka phu deuh zawk. A vun chu a sen chek chek a, a vual deuh bawkin ka hria.
.
"Allison, i harh em?" arawn che tial tial a, a mit ala meng chuang miah lo. "Allison.. ka tawng i hre thei em?"
.
"Ka tha.." a tawng zawih em vangin a hmai bulah ka kunhniam a, k ahnaih duh lo ni awm tak hian a puansin chu muangchang in a pawt chho a, a inkhuhhta hlan a. Eng thil nge ka tih dawn.?
.
Ka phone lain Dr.Matteo ka phone a, ka awm hle hle thei lo. Minute 10 vel hnuah chuan Allison chu che miah lovin a la awm a, a puansin chu tlem a pawtsawn deuhin a hmel ka en leh a. Keimah vanga hetianga awm hi a ni maithei. Ngaihtuah viau tur ka ni em ni? He hmeichhia hi ka nupui ah neiin ka mutpui ngei a, chutih rualin ka hmangaih lo.. A hmel hmuh erawh nuam ka ti fo a, a hlim hmel leh a  nuiri ka hriat loh rei tawh zia... Ni lo ve..  Chutiang zawnga ka ngaihtuah angai lo. Ka tihtur ka tihzawh a, engkim a fel hunah ka in atang leh ka nun atang hian a ka la kalbo tir dawn tho a, alaka thutak tur ka ni lo. A dam loh vang maia hetiang thil ngaihtuah hi ka ni bawk.. Mitmeng nung sara min nuih lai hmel erawh tunah hian hmuh ka duh ka ni tih ka chiang. Ahmaa ka hriatthiam miah loh ang khan ka awm chhungah eng thil emaw a awm leh tawh bawk anih hi.. A tha lo takzet!
.
Dr.Matteo a lo thlen chuan a endik zung zung a, Allison chu a la harhchiang chuang lo. Hriau lian zet a taksaa a vihluh chuan ka lo vuan vat a.
.
"Mr.Giovanni, i nupui hian a taksa ngeih loh thil a ei a nih hi. A luak em?" a tih chuan chiang ngam chaih lovin ka lu ka thing a.
.
"Zanriah ah enge in ei? A hnuah thildang a ei em?"
.
Zanriah ah eng thil nge kan ei ka ngaihtuah let a... Zanriah kan ei hnuah thil dang a ei ka hre lo. Allison hian a taksa huat zawng ei theih loh a neih ka hre miah lo bawk.
.
"A lo harh hunah thil nem leh tuiril lam i eitir anga, damdawi hi i lo eitir bawk dawn nia. Thil pawi a thleng lovang. I mangan hmel hle mai.." Matteo chu a nui suk a. "Ka nupui hian be lam reng reng a ei thei lo ve bawk a, Mrs. Giovanni pawh hi i fimkhur pui deuh dawn nia. Tam tak an ei luih chuan a hlauhawm ve thei a." a ti leh duah a.
.
Dr.Matteo a haw chuan zinglam dar 3 a pel der tawh.
.
Allison chu a dinhmun hriat tumin ka ngaichang deuh reng a, a muhil tui viau anih hmel.
.
Khumah thu chungin ka hna ka inchhawp a, ka mu lo anih rau rau chuan hnathawka hun hnawhkhah mai hi thiltha ber a ni fo thin. Allison ka ngaihven na lamah ka hna pawh chu ka thawk sawt chuang der lo. Thaw huaiin laptop chu ka malchung atangin ka dahsawn a.
.
Tun ang dinhmuna a awm lai hian chuan Tomas chungchang ka sawipui thei lovang. Ka hmangaih lo a, ka hmanrua ani reng chung hian dam lo chak lo tak chunga nunrawng taka chet erawh ka duh lo bur. Mihring ve bawk ka nia... Allison chu arawn thuchhuak a, a mutna bula ka thu leh ka en ren tih a hriat chuan a hawisawn vat a.
.
A kutin a nghawng hnunglam a khawih vang vang a, tlemin a dak deuh bawk. A puansin hlimin a chesawn a, thawh a tum niin ka hria.
.
"Ka lo pui ang che." a bul ka thleng nghal ruak a.
"No, keimahin ka thei." atih chuan ka ding leh rih. Muangchang in khum atangin a chhuk a, pindan kawngka lam a pan chu ka en reng ringawt. Inhnuai a chhuk a tum anih chuan a taksa chak tawk lo vangin a tlusual ngei ang.
.
Tawng lovin a kawngah ka kuah a, ka rinlawk ang chiahin min lo hnial leh..
.
"Puih ka ngai lo. Choka ah ka kal ringawt dawn alawm. I lemchan kha ka mamawh lo a nia." a tawng ring lo nain a thusawi chu ka hrechiang khawp mai.
.
Chhang lovin ka pawm nawlh a.
"I puihna ka mamawh lo."
"Fawp tur che a min duh anih loh chuan ngawi hmak rawh."
Ngaih dan nih loh hmel zetin a thaw hak a, a inthlahdul hauh lo tih ka hria. Inhnuai panthlakna step-a chhuk puiin choka-ah ka pawm lut a. Ka nghah rual rualin a kalsawn nghal. Chet erawh a cherang thei lo. A dinhmun anga a kal thei ringawt pawh hi a chhel tawk tho tho mai.
Fridge hawngin eitur a lachhuak a, va inrawlh buai ka duh lo nain ka ti leh lo thei lo.
.
"Ka lo ti ang. Thil sakhat i ei thei rih lo a nia."
Fridge hawngin bowl ah eitur ka lachhuak a, oven-a ka dah lut chu min lo en reng a.
.
"Min ngaihtuah anga lan kha i khawngaihthlak zawk." a ti sep a. A tawngkam chuan min deng dawt mai. Ka chhang lo.
.
"Min ngaihtuah angai lo a nia. Han mu rawh."
.
"Ka ngaihtuah lo che. Mihring ka nih vanga ti chauh ka nih hi."
.
"Anih chuan min buaipui suh." a aw a rilru natna lang zauh chu duh lo niawm takin a aw a thian zui kharh a.
.
Ka tina ngei tih chu ka chiang ta. Ka hlim phah chuang der lo! Hlawhtling ta ah ka inngai hauh lo bawk. A mizia a inthlak a, chak tak anga lan tum mah se tunah tak hi chuan a chak tawk lo. Ka tina hi nuam ka ti bik hauh lo a nia. Ka farnu.. Adelina.. Ka chhanchhuah theih nan hian eng thil chiah nge ka tih la  ngai zel dawn le..??   
TMH!!
CHAPTER – 14
TAKE MY HEART!
By. Thantei_Pautu a.k.a Laura_Sean_Virgo
.
LUCA GIOVANNI'S P.O.V*
.
Choka atangin ka chhuak a, a chetsual palh hlauin ka ngaihven ru deuh tho mai.
.
Reivaklo hnuah choka atanga a lo chhuak chu ka en reng a, inchung panin a chho a, min rawn hmu awm pawhin a awm lo. Min ngaihthah vang hian ka ngaihven zual niin ka hria.! Ni lo. Chuvang pawh a ni lo.. Tunah tak chuan a dam that loh  vang chauha  ngaihven ka nih hi.. Ka ngaihdan chu ka pawm chuang pawhin ka inhre lem hlei lo a.
.
Pindan-a ka luh ve chuan a lo mu fel diam tawh a, a chet miah loh dan atangin a muhil tawh anih ka ring. Inhnuai atanga a chhoh atang khan darkar khat lai a liam tawh. A bulah tihharh hlau takin ka mu a, ka muhil mai thei der lo lehnghal.
.
Ka ngaihtuahna a chawl meuh lo a, ka ni deuh nghulh bawk. Mite ngaih chuan mi hausa leh duh duh nei thei, ka thlen tawhna china mite hriat lar ka ni a, min awt tak leh keimah ang nih chak a min en ngawih ngawih tawk pawh ka hmu tam khawp thin mai. Ka thlenna chin apiangah ka hmu tiin sawi I la, dawt sawi ka ni hauh lovang. Ni e, sum leh dinhmun, pianphung leh ka lan dan an awt hi chu thil awm lo a ni hran lo. Ka hriselna ngai pawimawh in ka invawng uluk a.. Hmeichhia ni se...ka ngaihtuah zawm peih lo zawk. Mahse,  ka dinhmun dik tak hi hria ni se min awt reng angem tiin ka ngaihtuah fo thin. Tupawh hian mahni nihna leh dinhmun hi pawm theih loh chin leh duh loh lai kan nei vek thin a, mihring rilru a thlamuanna leh hlimna hi sum in a lei thei ngai lo.. He thil hi ka hrechiang em em a ni. Ka nu laka fapa tha ka nih theih nan ka theihtawpin ni tin hian ka bei reng a, mah se, a la tawk zo chuang lo. Adelina hi dam taka a lo haw lo anih phei chuan..
.
Kan chhungkaw chanchin ngaihven tute leh min hretu tam zawk hian unau pianpui ka nei tih an hre ngai lo a, Adelina erawh ka pianpui a ni lo tih a tam zawk chuan an hria ang. Kan chhungkaw chanchin dik tak hi sawichhuah a ni ngai meuh lo.
 Kum 6-a upa ka nih thleng kha chuan unaupa ka nei thin. Ka unaupa a ni ringawt lo a, ka phirpui, kei aia minute 10-a upa Damon..! Ka entawn ber leh ka ngaihsan em em a ni bawk.
.
Ka ngaihtuahna kal bing tur duh lovin khum atangin ka tho chhuak a. He thil hi  ngaihtuah chhuah ka duh tawh lo. Ka kalna hmun apiangah min zui a, tun thleng hian ka mumang ah ka la hmu fo bawk. Ka indem tawp thei hek lo. Ka nu min tawng khum dan lah theihnghilh duh em em mah ila, ka thinlungah hian reh thei tawh ngai lo tura thuk taka inkher ang maiin a cham reng a.
.
Khami ni, ka nu laka fapa nihna ka hloh ni kha! Naupang thil awmzia tamtak hre rual kan ni lo a, khati chung khan Damon kha ka engkim a ni a, a duh ang ka duh a, a duh loh thil apiang chu ka duh lo ve mai thin. A thu ka zawm a, kei aiin minute 10 chauh a upa ni mah se, a fing zawk daih tih hi ka pawm reng thin anih kha. Min infiampui tura ka sawm khan min hnial a, ka tihluih vangin min infiampui ta kha a nia.. Engtin nge ka theihnghilh theih tehlul ang.
.
Kan chenna in hnungah chem lem sei tak tak kan neih hmangin kan infiam a, hlim takin kan nui a. Min awm thintu Carina pawh kan bulah a awm ve bawk a. Kan infiamna hmanrua kengin kan tlan kual a, Damon chu ka hmaah tlanin a tlu a. Carina rak thawt ka hriat hma chuan thil thleng chu enge anih ka hre lo. Inchhung atangin ka nu arawn tlan chhuak a, Damon an kai tho a, Damon nghawng atanga thisen chhuak ka hmuh chuan hlauin ka tap a. Tuman min ngaihven lo. Ahnuah Carina chuan min rawn ngaihven a, chutih lai pawh chuan ka la tap reng a, Damon kha a tha em tia ka zawh chuan Carina chuan a lu a thing ringawt.! Inchhung ah kan lut a, mipa pakhat hian Damon chu a buaipui a, ka nu chu a tap hlawp hlawp bawk a. An awmdan chu ka hrethiam lo.
Carina min pawmna atang chuan chhukin Damon ka pan a, ka nu min kohna ka hriat hma chuan Damon chu a thi tih ka hre lo.
.
"Nang ramhuai naupang khan ka fapa kha hnaih suh. I that a ni.. Damon hi i that.. I unaupa hi I that anih hi.." tiin ka nu chu a rak tuar tuar a, chhuatah a tlu zui bawk. Thihna chu eng thil chiah nge anih ka hrethiam lo a, mi an thihin lei thuk takah an phum thin tih erawh ka hria. Thihna hi mihring tan engkim tawpna a ni tih ka hrethiam tawk hek lo. Inchhunga awm zawng zawng chu an buai nuai nuai a, ka pa a lo thlen ve chuan min pawmin engkim a tha leh vek ang tih min hrilh a.. Kha thil thleng kha vawiin thleng hian ni khatte pawh ka theihnghilh tawh ngai lo.
.
Damon awm loh hnuah ka nu khan min be ngai lo a, min nuihin min fiam ngai hek lo. Ka pa in ah a awm tamlo hle a, a awm ve chuan ka tan a nuam ve deuh thin. Ka nu tan chuan a fachuam thattu ka ni a, khami ni khan Damon kha infiam turin sawmchhuak lo ni ila a thi hauh lo ang. Keipawh hian ka nu thusawi kha ka pawm thlap. Damon kha keimah vanga thi a ni tiin.!
.
Ka thanglian chho zel a, mahnia ka tlathran theih hma leh school kal thei ka nih hma kha chuan Carina kutah ka awm chawt a. Ka ngaina em em a, ka nu min pek ngai loh hmangaihna min pe a, tun thleng hian ka bula cheng turin ka hruai ve ta zel reng a ni. Ani tluka min hrechiang hi an awm kher lovang.
.
School kal thei ka nih chinah hmun dangah ka awm char char a, chawlh kan neih pawhin ka nu awm lohna in ah ka haw zel thin. Kan inhmu zeuh zeuh chauh a, kaninhmuh chhunah pawh min be ngai hek lo. Kan inkar siamthat ka duh em em reng a, ka nu a ni a, min hmangaih miah lo niin hre thin mah I la ka tan a hlutna a bo chuang lo. Kum 18 ka tlin hnua ka fapa tia min koh leh hmasak ber tum khan a rukin ka pindan ah ka tap hial a nih kha.! Ka hriat theih chinah Damon thih ni leh ka nu’n ‘ka fapa’ tia min koh ni bak kha ka tap leh ta lo! Chak taka awm turin nasa takin ka bei a, ka thinlung ngaihtuahna ka tilang ngai lo. Natna leh b uaina ka nei anih pawhin keimahin ka tuar mai thin. Midang mamawhtu nih  leh tanpui ngai nih ka duh ngai lo a, hmangaih neih ka duh hek lo. Ka hmangaih leh ka ngainat em em te tan hian natna leh buaina thlentu ka ni a, tunah pawh a la danglam chuang lo.
/.
Kan nufa inkar erawh vawiin thleng hian nu leh fa an inpawh dan tur dik tak nia ka lo rin thin ang a la ni chuang lo fo a. Ka laka ka nu awm danah pawh lungawi ka zir lui hram hram thin. Ka pawnlam lan dana zalen taka awm, duh dan dana nuam chen thin anga ka lanna phenah hian ka phurrit hian min kiansan ngai lo!
.
Adelina kan chhungkaw nuna a lo luh hnu khan ka nu dinhmun a ziaawm chho a, a rilru zawng zawng luahtu chu Adelina hi a ni a, engkim ah a buaipui em em reng thin. Vawikhat pawh ka thik ngai lo. Tunah hian Adelina hi him taka ka hruai haw anih loh chuan engkim ti diklo tu leh chhiatna thlentu chu keimah bawk ka ni leh dawn a ni. Ka tih a ni emaw ni lo emaw, ka nu tan chuan bawhchhetu leh thil thalo thlentu ka reng thin. Ka nihna hi ka duh vanga ka kalsan theih a ni hek lo.
.
Ka nu leh pa chenna hmuna, ka pindan chhunga Savannah arawn luh hma khan ka nu chuan Adelina ahnena hruai let ngei turin min hrilh a, ka hruai let theihna tur anih phawt chuan pawisak nei lo turin min hrilh bawk. Adelina chunga thil thleng mek hi a hriat ka duh dawn lo. A hre lo chung pawha a nungchang ka en hian, thudik hria ni phei se..!!!
.
Pindan atangin ka chhuak a, inhnuaiah chhukin intur ka la chhuak a, pawnah chhuakin tual zawla thutna kan dah ah chuan ka thu vang vang a.
.
Khua a var dawn hnai a, boruak arawn vawh tak deuh vangin inchhung ah ka lut leh a. Inhnuai berah lutin ka kawrhak ka phelh a, ngaihtuahna hmang hleithei lo khawp a ka taksa a chauh hnep thlengin ka insawizawi a.
.
.
Rei tawk tak chhuata ka mut leh vang vang hnu chuan tho chhuakin inchung ah ka chho a. Ka inbual zawh hnuah pawh Allison chu ala harh lo. Khum sirah chuan thingthi in tui taka a muhil hmel chu ka en a. alakah hian engtin nge ka awm zel dawn ka inhrethiam tawh lo niin ka hria. A ni hian a unaupa tan chuan a nunna hlan hial pawh a phal thu hmaichhan ah min hrilh tawh a, a luhlul zia ka hriatbelh zel bawk vang hian eng thil nge ka tih leh dawn ka hrethiam tawh lo a ni ber e.
.
Khum sir dawhkana ka phone dah rawn nghawr dar dar vang chuan thovin ka phone chu ka la a. Caller ID ka en a, number chiah a lang. Tunang huna min rawn biak tumtu chu Drago anih loh chuan tu dang nge ni chuang ang? Drago ni se, a number ka save thlap.
.
Muangchangin ka phone chu ka pick up a.
.
"Fratello.." (Brother)
.
"Sorella!!.."(Sister) Adelina aw ka hriat rual chuan ka ding ngil nghal zawt. Lalpa.. Khawiah nge ka farnu hi a awm? "Khawiah nge i awm? I tha em?" 
.
"Fratello, Sono cosi` spaventato!" (Unaupa, Ka hlauthawng lutuk!) A insut hlap hlap a.
.
"Ni lo. Engmah hlau suh. Sarete al sicuro. Faro` tutto." (I him em em ang. Engkim ka ti ang.)
.
"Fratello, tunah lo kal rawh."
"Ka lo kal ang. Khawiah  nge i awm?"
.
"Ka hre lo.. Ka awmna hmun hi ka hre lo." a tah a chhuak takzet tih hriat hian a insut zui leh hlawp hlawp a.
"In a lo haw ka duh.. Ahh.." mipa phun hluk ri ka hriat rual deuhthaw in phone a tawp a.
.
Drago.. Drago ka biak nghal angai. He mihring hian eng vanga a hna thawk chak lo em em nge a nih.? Thil pakhat ka hrechhuak.. Tomas Adams ama thua arawn inlan hun hi ka nghak thei tawh lo. Hmanhmawh zetin Allison bag a hmaa ka dah kha ka pan a, Tomas number a save ngei kha. A phone a on rual a an awmna hmun ka hriat theih nan a phone number ka nei  ngei ang.
Allison phone chu on in, ka duh tak number ka hmuh chuan ka copy vat a. Eng chena thui nge a hriat tawh tih zawt turin Drago ka be nghal bawk.
.
"Hmasawnna ka la nei lo." tih arawn sawi chuan ka lungawi lo lutuk takzet tawh.
"I hna hi i thawh zawm a tul tawh lovang."
.
"Ni lo, sir. Chhui zui theih turin hnuhma engmah an hnuchhiah lo a, thil awlsam a ni lo."
.
"Thil awlsam tak ni se ka ruai lo ang che. I duh chen chen i awmna hmunah khan i awm thei ang. Ka rawn be tawh lo ang che." min chhan leh hmain phone ka off a, pindan atangin ka chhuak nghal bawk a.
.
Adelina nen kan inbiak hnuah darkar sawmhnih pali a ral leh tawh a, engmah hriat belh ka nei rih lo. Phone number ka lak pawh Tomas phiangsen-a khan a phone a off reng vangin chhui zui ngaihna a awm chuang lo.
.
Hna thawk mumal thei lovin ka office-ah ka awm a, ka ngaihtuahna a kal ding khawp mai. Adelina ka ngaihtuah rualin Allison pawh ka ngaihtuah tel lo thei lo.
.
"Sir, minute 10 hnuah meeting naa i kal angai tih ka rawh hrilh nawn leh che aw."
.
"Ka hria e."
.
Ka office ka chhuahsan a, tuna meeting kan neih tur hi thil pawimawh tak anih vangin ahun ka sawn hla thei tawh lo. Darkar thum zet hnuah ka office-a ka let leh chuan file thenkhat ka sign ngai ka sign leh a. Tunah tak hi chuan ka hna zawng zawng dahtha a chawlh ka mamawh niin ka inhre hial tawh. Office kawngka a rawn inkik karh karh a, lo lut tura ka hrilh hnuah ka secretary lo lutin bawm arawn pawm lut tan tan a.
.
"Sir, heihi HewngJu Corp. atanga rawn thleng a nia, endik thlap a ni tawh a. Chuan, sir, zanin charity party-ah i nupui nen sawm in nih kha i la hriat ka beisei."
.
Ka bu nghat a. Engvangin nge keimah chauh min sawm mai loh.! Ka nu leh pa kan tlawh hnuhnun ber hnu khan Allison nen kan la inbe leh lo. Zingah office pan tura ka chhuah hmain a chhuak a, in ka thlen leh meuh chuan a lo muhil leh hman tawh bawk a. Dik tak chuan inhmachhawn kan chak lo ve ve a, kan theihna apiangah kan inpumpelh zel a ni ber. Keimah ang bawkin han inbiak vel a chak bik lo a ni ngei ang.
.
Office ka chhuahsan a, in lam panin hmanhmawh vak lo hian motor ka khalh chhuak a. In ka thlen chuan inchung lama nui thawm ka hre nghal pang. Muangchangin kan pindan ka pan a, kan pindan bul chiah atanga nui ri chu lo chhuak a ni.
.
"Heihi a tha em?"
"Ka hre lo. Eng thil ber nge tha ang ka hrethiam chiah lo." Allison aw chu ka hrechiang khawp mai. A bula awm chu tunge tih ka hre chak tlat bawk.
.
"Heihi han ti leh chhin teh.."
"No, duhtawk phawt teh ang."
.
An thawm ngaichangin ka ding deuh reng a, kawngka arawn inhawn chuan ka beisei lawk loh vangin ka phu deuh zawk. Allison chu mipa inchei dan mak zet nen pindan atang chuan an lo chhuak a, an thawm atang khan hmeichhia nge mipa a awmpui tih ka hre mai thei lo a, abula mipa awm ka hmuh chuan ka thaw huai.
.
"Oh.. Hi.. Mr. Giovanni.." mipa in a mipa pui a endan tur ni hauh lo hian min rawn en deuh ha a.
.
"Hello.. Ka hria che em?" ka tih chuan Allison chu a melh ngial a.
.
"I hre lo ang. Freida a nih hi.. Freida a ni hi chu i hria tiraw.?" Allison chuan min en lovin a thianpa chu a en a.
Hmm. A thian bulah hian awlsam taka a pasal ka nih thu sawi a harsa deuh a ni a nge.
.
"Haw a lo tum chiah a, ka'n thlah ange." min melh ve ta hram. Ka chhan hmain an kalsawn a. Khapa khan kan in ah hian eng thil nge a tih ka hrethiam pha lo.
.
An tawng zui mawlh mawlh a. Ka la hre pha reng tih a thianpa khan a hre lo anih ka ring.
.
"I pasal hot zia kha.. Ka thin ala phu dup dup mai! Ataka ka hmuh chiah khan ka thisen a khang vek lo chauh anih kha..." a nui thler ang diai diai a. Ka lu ka thing a, ka nui suk bawk. Allison chuan engtin nge min sawizui ka hre tawh lo.
.
Minute 10 hnu awm velah a rawn let leh a, ngawireng in bathroom-ah a lut a. Ka hrilh nawn kher ngai lovin zanin charity party chu a la hre ve reng anih dawn kha.
.
Bathroom atanga arawn chhuah chuan a intuam hlan a, en lo anga awm ka tum nain en miah lo chu a har khawp mai! Ka rilru ka lakpen angai..
.
"I unaupa nen in inbe leh tawh em?" ka tih chuan min rawn melh zauh in a lu a thing a. Thinrim tawngkam ni lo a a unaupa chungchang ka zawt chu mak a ti deuh tih a thup lem lo. "Zanin charity party kan kal angai tih kha i la hriat ka ring."
.
"Ka hria alawm." a ti sep a.
.
Kan ngawi leh ta vang vang. Mahni buai buaiin kan buai zui mawlh mawlh a. Ka insiam peih hnuah inhnuaiah chhukin Allison ka lo nghak a.
.
Phone-a mi be chungin step-ah arawn chhuk a, ka lo en reng. A kawr silver rawng de sep sep chuan a taksa anih dan tur ang thlapin a phuar a, nidang ang bawkin taksa lang tam tak ani lo. Ka bul arawn thlen hmain a ding a, a phone off-in min rawn melh a.
.
"Ka inpeih e."
.
Thil eng emaw ka ngaihtuahna a lo lut vang chuan inthunun tumin ka tang ru teuh mai. Kan inneih tirh kha chuan kan chhuah dawn apiangin a nalh thu ka hrilh thei a, ka fakna tawngkam avangin lawmman ka hmu ziah bawk. Min kuahin ka hmuiah min fawp ziah thin. Tunah chuan nalh ka ti anih pawhin..
.
"I lang nalh hle mai." a beisei lo tih hriat zet hian min melh phawk deuh hra a. In ngaihtuah harhin min nuih sak a,
a dar a tiche zauh bawk a "Ka lawm e." a ti sep a. Min rawn kuah a tum hauh lo mai! Engvang phiangsen in nge min kuah reng ang ni?? Ngaihtuahna dik lo neih hun pawh a ni hrep lo.!
.
In atangin kan inzui chhuak a, Party neihna tur hmun kan thlen chuan a thleng hma pawl kan ni tawh lo.
Inchhung ah kan lut a, hetiang hmuna hawihhawm reng ngai hi ka ning thin. Reivaklo ah kan kal chhan ber hun kan hmang a,  hun pawimawh kan hman zawh hnu chuan zalen takin kan awm thei ta.
.
In tur sem an kal kual reng a, a hrang te te a dingkhawm in an titi hlawm a. A then an lo lam bawk. Hun bik hman lai khan Allison nen kan thu dun a, midang hmuh a nupa hlim tak anga lan tumin lem kan chang peihlo ve ve anih hmel.. A hmelhriat te nen titi in min kalsan a, hmeichhe thenkhat min hnaih tum talh ho ka nin vangin kil khatah ka thu a, intur ka dawm bawk.
.
"Hey. . Master Giovanni.." ka bulah Savannah arawn ding a. "Hetah hian i kal ve dawn tih ka hre miah lo a.. Khawnge i nupui?" chhang lovin ka hawisawn leh daih. Ka bulah arawn thu a. "Hmanni kan thiltih kha a thawk tha em?" a ti leh sar sar a. Eng thil nge ka tihtir kha a awm zia pawh a hre lo. A ngaihven zui pawh hi ka lawm tehchiam lo anih hi.
.
"A tha alawm.. Tu nen nge in kal?"
.
"Keimahin.. I kal ve dawn tih chu hria ila.." ka hawichhuak a Allison ka hmuh rualin Savannah chuan eng thu nge a sawi ka ngaihven tawh lo. Ka thutna atangin ka tho a. "Master Giovanni, ka.."
.
Rafe..Rafe Charlwood hian ka nupui lampui turin eng dikna chanvo mah a nei lo. Hmeichhe laka engkim tithei ni a inngai mipa  kut bawlhhlawh hian ka nupui hi a kut hmawr pawhin a dek tur a ni lo bur..!
.
Allison leh Rafe lam dunna bul ka thlen rualin an inkar ah ka ban ka rawlh a, Rafe tawng tum chu thip zetin ka melh bawk. Engkim ka ti duh ang tih hrethiam in Rafe chuan a ban pahnih sang vak lovin a phar a, kan inen chiang khawp mai. Allison chu ka taksa si chetin ka kuah bet nghal a, a beng bulah kunhniam in “Ti tawh ngai suh.” Ka ti hrawk a. Ka awmdan vang chuan a hamhaih tih ka hria.
.
Helai hmuna awm zawng zawng hian mak tiin min en thup pawh ni se pawi ka ti therte lo!!
TMH!!
CHAPTER – 15
TAKE MY HEART!
By. Thantei_Pautu a.k.a Laura_Sean_Virgo
.
ALLISON'S P.O.V*
.
Awlsam takin hna ka hmu leh mai thei dawn tawh lo tih ka inhria a, hnathawk lo a awm mai mai erawh ka tum lo bur. Luca hi ka lakah engtin pawh awm se ka ngaihthah ang tiin ka intiam a, min tihnat belh leh ka remti tawh hek lo. Ni e, ka hmangaih ngei a, mah se, ka laka a awmdan leh kan inneih hma leh inneih tirha a awm dan zawng zawng te kha lemchanna mai a ni tih ka hriatchian hnu hian ka chawmawlh a ni berin ka  hria. A hriat loh laia kalsan emaw tlanbo san daih hi ka tan thil har ani hek lo. Mahse, Tomas vang hian dawihzep taka tlanbo chu ka tan thiltih chi a ni hauh lo tih ngaihtuah nawn vak pawh ngai lovin ka hria.
.
Tomas leh Adelina te chanchin hriat belh ka nei lo a, Tomas lah min rawn bia anih loh chuan ka be pawp thei hek lo. Luca hian a chhui ru reng ang tih ka ring a, an chanchin a hria anih pawhin tun thlenga engmah a sawi loh danah hian min hrilh a tum lo tawp tih a chiang bawk. Eng pawh chu ni se, mu thei lo khawp angaihtuah hah vak vak ka tum tawh lovang. Thil thleng tur engmah hriatlawk theih a ni chuang lo a, chuvang chuan engpawh lo thleng se chak taka ka hmachhawn theih nan ka intih chak angai ngei ang le.
.
Vawiin khan hmelhriat tha ka neihna leh Atkinson Corp. ka thawh laia kan thawhpui thin thenkhat ka bia a, ka thawh theih awm an nei tih ka hriatchian ngei ngei te paw'n min hnar fithla thak. Mr. Atkinson chauh ni lo, Luca pawh hian Corporation lian a hna ka thawh theih loh na turin hma an la ngei ang tih ka hrechiang tawh. An tan thil harsa leh buaithlak a ni hauh lo bawk ang.
Hna te chu a tam alawm* tiin ka beidawng lo a, Corporation lian a ka thawk thei lo anih pawhin ka mamawh tawk thawkchhuak thei turin thiamna ka nei a, ka mangang tehchiam lo kha  ania. Tunah chuan hlawh tam tawk tak nei thei turin ka tan hna a awm dawnlo tih ka hrethiam ta. Ka mangang chuang lovang.. Hawina lam apiangah hnathawh tur te chu a awm a, tuna ka dinhmunah hian thawh hreh nei thei ka ni hek lo.
.
Cocoa Cafe kawtah ka ding vang vang a, helai hmunah hian hnathawk tur hmeichhia 1 mamawh anih thu Sarah khan min hrilh a,min lainat thu min hrilh bawk. Ka dinhmun vanga lainat leh khawngaih nih ka duh lo a, ka chapo vena vang pawh hian mi tanpuina dil ka tum hek lo. Cocoa Cafe  ah hian hna min thawhtir thei hlauh anih chuan ka tan malsawmna a ni ang. Ka thiamna ka chhawr theihna tur hmunah ka thawh theih tak si lohah chuan engmah thawh loh aiin mi tirhkah a tan pawh a tha zawk! Ka mamawh tawk ka thawhchhuah theihna a nih chuan a tha vek.
.
Cafe-a ka luh hnu chuan manager nen inbia in naktuk atanga ka zawm theih tur thu min hrilh a, hlawh hmuh tam ka duh chuan ka thawh hun chhung tur piahlam pawh ka thawk thei ang tih min hrilh bawk a. Ka tan chuan in a awm aiin helaia hah taka hnathawh hi a tha zawk ngei ang. Luca ka hmuh tlem phah bawk anga.!
.
Riltu zangkhai angreng takin Cafe ka chhuahsan a, ka hminga min lo ko tu awm chu mak tiru takin ka en a..
.
"Freida.. "
"Alli..Keimah.. Ka ring thei lo zawk.. Nangmah kha i ni tiraw?" nghet zetin min rawn kuah a.
"Ka hai tep che alawm.. Kan inhmuh loh chhungin thil thleng a tam ta hle mai." ka tih chuan min kuahna thlahin chiang zet hian min en a.
.
"I lo hria em? Tunah chuan kan naupan laia ka dream ka sawi thin kha ka nei tawh asin.. Min lo zui rawh.." ka chhan hma hauhin min kai a, a car dahna lam kan pan a. Freida nen hian kum 8 kan nih atangin kan inhria a, school pakhat ah kan kal thin. Thian ngaina tak a ni ngai meuh lo a, mipa thian a nei ngai miah lo. A tetlai atang khan a ni hi chu a danglam a, ka bula a awm chuan a duhthusam leh a nih chak a sawi ziah a, tunah chuan a duhthusam tih puitlin a lo ni ta hi ka lawmpui takzet.
.
FR HOUSE*
.
"WOW.. A va lian em em ve.. I hlawhtling ta anih hi.. Ka lawmpui che.."
"Ka lawm e.." Hlim zetin a nui awr awr a, dawr chhungah chuan lutin a pindan ah min hruai a. Thil tam tak sawi duh a nei tih ka chiang.
.
"I pa boral hnu khan in bo ta vang vang a, i chanchin ka hriat leh hmasak ber chu Luca Giovanni i neih thu kha a nia.. I vannei ka ti.. Engtin nge Luca Giovanni ang mipa nalh leh tha lutuk nen hian in intawn theih.. ohh..ka thusawi chu  ngai kawi suh aw.. A takah hmuh ka chak lutuk.." a bawp khawkherh in a kut a vai zauh zauh a, a chezia pawh ala ngai vek. A inchei dan erawh a thlak nasa tawh a nih hi..
.
"I duh chuan kan chenna in ah pawh min rawn tlawh thei alawm.."
.
"Oh.. Anih chuan, ka lo kal mawlh ang. Zanin hian charity party a awm dawn tih ka lo hria a, chu pawh ka kutchhuak rawn order an awm vang a nia. Luca Giovanni a kal ve dawn tih a sawilang bawk a.." Ngaihtuah muk awm fe hian a khabe a dawm a, a mengzim sar sar bawk a. "Anih chuan zanin hian ka kutchhuak i hak ngei angai ang. Tunah hian ka lakhawm anga, in in ah kan keng mai dawn nia.."
.
"Freida, ka tibuai lutuk ang che.."
"No no no.. Ka thawmhnaw design thenkhat ka siam lai hian ka mitthla ah ka hmu thin che alawm.. Hmanah khan kan la naupang viau nain min fuih thinna kha ka theihnghilh  ngai miah lo.. Chuan.. Min hnial lo la.." zei zet hian a thutna atangin a tho a, pindan pakhat a a luh leh chhung chu lo nghak lawk turin min hrilh a. Lo awm dan tur pawh ka hre vak lo.
.
Bag pakhat kengin arawn chhuak leh a, dawr atanga inzui chhuakin kan in..ah..(Luca in a ni zawk ang chu!) kan pan a. A thawmhnaw ken a phawrh chuan kan thawm a tha dun hle. Ka beisei aia tha leh nalh vek ani hlawm. Ha chhin tura min hrilh chu ka ha chhin zel a, a then chu ka duh aiin taksa a tilang tam mah mah..
.
"Heihi a nalh lutuk.." silver rawng kawrfual ka taksa rem zaih chu ka zut dalh dalh a..
.
"A tha e.. Kha kawr kha zanin ah i ha ang.. Hun hei leh chen kan inhmuh loh hnu hian ka kutchhuak i ha tur hi nuam ka ti hle mai.."
.
"I lawm zat aia tamin ka lawm e.."
"Ohh..." kan inkuah leh rih a.
.
Pindan atanga kan chhuah a Luca ka hmuh chuan ka phu deuh zawk. A rawn haw hun a la ni hauh si lo a. Freida nen ka inhmelhriattir a, amah chu en loh hram hram ka tum. Kan kalsan hnu chuan Freida chuan Luca hot a tihzia a sawi lawng lawng a, Luca khan a hriat hman loh ka beisei..
.
"Duhtawk teh.. Aman a hriat chuan."
"Nahh.. Ka sawi a hriat hma hian i lak atang pawhin a hot zia leh a sexy zia te chu a dawng fo ang chu.. In pahnih chuaha in thiltih lai te pawhin.." A nui zui awr awr a.. Ka hnial emaw sawi tawh lo tura ka tih chuan a nasa zual sauh dawn tih ka hria. Ka ngawihsan ta zawk a.
.
Freida haw hnu minute 10 velah kan pindan ah ka lut leh ta chauh. Pangngai taka Tomas nen kan inbiak leh inbiak loh min zawh chuan mak ka ti deuh. Ka pasal hian chanchinthar tha lam a hre tawh a ni maithei.
.
Kan insiam zawh hnuah Party na tur hmun kan pan a, mi an lo tam tawh khawp mai. Kan thlen atanga rei vak lo ah hun bik kan hman zawh hnu chuan kan kal hrang a, ka  bula awm a chak lo nia ka hriat vangin ka kalsawn a nimah zawk in ka hria.
.
"Hey, Allison.. Kan inhmu leh ta.."
.
Rafe ka bula rawn ding chu en in ka nui a. Ka lut rawn vuanin a lakang a, a fawp zauh a.
"I lang nalh takzet. I pasal hian chu thu chu a hrilh che em?" ka beng  bula rawn kunhniam in a rawn phun sar sar a. A awm dan chu ka duh lem lo khawp mai. Ka kut pawh ka duh aiin a vuan rei ta.
.
"Min hrilh ngei ang tih i ring ve thoin ka hria." ka tih chuan vanvadak meuh hian a nui hawk hawk a.
.
"Min lampui dawn em niang? A landan chuan i pasal hi hmeichhe dang bulah a hlim hmel zawk tlat mai." Rafe melhna lam chu ka en a, ka awmdan a danglam loh nan ka inthunun a ngai.
.
Luca bula hmeichhe awm chu a nu leh pa chenna hmuna, a pindana ka hmuh hmeichhia kha a ni. Savannah.. Model hlawhtling ni mek.. A lang nalh lehpek khawp mai. Ka thik lo tiin ka ngaihtuah a, mah se, dawt vek..! Keimah leh keimah inbum ka tum  buai angai lo ve. Ka thik thlawt a ni. Luca bula hmeichhia tlangnel taka awm hmuh hi ka duh ngai lo.. Ka duh ngai lo a, nakin zelah pawh ka duh ngai lovang.. Mahse, tunah hian eng thil nge tihtheih ka neih chuan..
.
Rafe chu ka en a, min melh dan chu.. Pasal pawmlai ka nei tih hrereng chung pawhin min beisei tih zu thup hauh lo a!! Keichuan hetiang thil hi ka ngaizam ve mai mai thei lo. Luca hian hmeichhe dang a kawp anih pawhin kei hian mipa dang ka kawp ve kher tur a ni tihna a ni lo.. Luca beilet ve tur hian mipa dang kawp ni kher lo kawng dang tamtak a awm ngei ang. Rafe tawng ka hriat leh chuan ka tukhum sam a ding er er hialin ka hria..
.
"Diklo taka mi inkar a thusawi ve hi ka duh chiah lo a, mah se, Allison.. Luca leh Savannah te hi an inzawmna a rei tawh khawp mai. Luca tan hian Savannah hi a naupang deuh mah mah rih a.. Ka sawitum chu i hrethiam ang chu.."
.
"In pahnih hian in inkawmngeih viau thin tih pawh ka lo hria a.." ka tih chuan a mengphar ak a.
.
"Nia, chutiang deuh chu.. Kan titi hi thlak teh ang.." a kut min rawn pe leh a, lo hnar ngawt chu a hawihhawm loh thlak deuh  maithei..
.
Midang lamna hmun chu kan pana, ka rilru chuan Luca leh Savannah te chungchang Rafe sawi kha ka ngaihtuah zawm neuh neuh a. Kei hi Luca nupui angin midangte lakah ka lang ngei a, pawnlam mi hian kan nupa inkar leh Luca min neih chhan hi hre ta se engtin nge an ngaih ve ang le?? Tam tak chuan min khawngaihin Luca an dem anga, misual ber leh khawvela mi thalo ber angin Luca hi an chhuah ngei ang. Chu chu dawt a ni ka tihsak thei lo. Thenkhat erawh chuan min nuihzat in an rinlawk reng thil a thlen thu an sawi thung anga..
.
Ka kawnga Rafe  min kuahna nghet ta deuh chuan ka thil ngaihtuah atangin min harhchhuah tir ta chauh. Ka duh aiin he Rafe hian a duhthawh ta tlat bawk.
"Ka thusawi i hre miah lo in ka hria." ka beng bulah arawn phun leh sar sar a.
.
A dawta thilthleng leh chuan min ti hamhaih.. Thawklehkhat ah tha chak zetin min rawn kuah a, ka thawk rualin min rawn kuahtu chu Luca ani tih ka hre nghal. Thil thlen dan chu arang lutuk a, ngaihtuahna fim pawh ka hmang hman lo.
.
"Ti tawh ngai suh." Luca chu ka bengbul ah arawn phun sup a. Ka chhang mai lo.
Min kuahna a tinghet zual sauh a. Ka ngaihtuahna a fim tan ta..
.
"Ka tihtur leh tihloh tur min hrilh angai lovang." sehchilh deuh nawka ka tih chuan a nui hak a, ka nghawngah a hmai arawn phum a, kan taksa inrem thlap a kan awm dun chuan ka duh hauh loh thil min ngaihtuah tir dawn in ka hria.. Chu chu ka duh lo..
.
"Ka nupui hi ka hmuhlaia mipa dang taksa insi cheta lampui duh tur khawpin mipa a lo mamawh.."
.
"Luca, i tawngkam fimkhur rawh.." a nakah ka theihtawp a nain ka tham a, a thaw hak a.
.
"Khatiang kha ka duh thin tih i hriat kha.."
.
"Nang.. Sex chauh hian i  ngaihtuahna a luah a ni em lovang chu.."
.
"I taksa deka ka awm tawh chuan ni e.."
.
"Min thlah rawh.." min kuahna a phelh theih nan ka tang mar a, a che eih lo. "Midang hmuh laia hmuhnawm siam i duh a nih loh chuan.."
.
"Tunah pawh kan siam mek alawm.."
"Luca."
"Hmm.. Khawngaihin min hnial rih suh."
.
Min kuah nghet sauh a, ka tan tak loh hnu chuan inthlah dul deuhin music rem chuan kan lam a. Ka chet hlek chuan min kuahna a nghet zual sauh zawk zel a, kuah let lovin min kuah ang ang chuan ka ding  ve tawp. Talchhuah tum pawh ni ila ka thei dawn lo tih a chiang a. Kei hian ka pasal min kuahna hi ka thlahlel lo tiin sawi ta i la dawt sawi ka ni ang!! Mahse, a duh hun huna alaka inpe tur chuan ka induhtawk ve na vang hian ka thei lo. Kuah ringawt hi chu a pawi lo!! Eng thil nge maw ka ngaihtuah hi le.. Tu hmeichhia hian nge duh leh hmangaih taka an neih an pasal te chu thlahlel lo ngai ni.. Min hmangaih let lo a, chumai ni lovin ka unaupa laka phuba a lak theihna tura hmanrua mai pawh ni ila, ka hmangaihna hi ka duh hun hunah ka lalet thei tawh si lo. Ka duhthlanna hmanga engkim thunun thei chu ni ila a hmanrua mai ka ni tih ka inhriat tantirh khan ka hmangaihna hi nawtreh in ka tlan bosan nghal ngei ang. Ka la hmangaih reng vang hian a thu thu a awm kual tur erawh ka ni lo.. Zahawmna ka nei ve bawk e..
.
"I hmeichhe kawplai khan a lampui duh che in ka ring. Itan engmah ka ni lo tih i hrilh tho ka ring nain atan nang leh kei kan lamdun hi hmuh a nuam hauh lovang." ka sawi zawng pawhin ka tawt up up. Mahse, he thil hi ka duh emaw duh lo emaw ka hmachhawn angai..! Min kuahna chu thlah dulin ka banrek tawn tawn ah a vuan a, chiang zet hian ka mitah min en a. Ka hawisawn duh bik lo.
.
"Ka sawi chu a dik tih i hriat kha. Mi laka lanmawi tumin min  hnaih kher angai lovang." a mit a de zawk a, engmah a sawi lo. Min vawnna a la thlahdul chuang hek lo. "Luca.." ka mitmeng hmangin min thlah turin ka duh tih ka tilang a, thawk lahalhin min thlah ta hram. Ka kalsawn a, min zui miah lo.. Thawveng tur nge ka nih thawpik tur tih pawh ka inhrethiam lo ve..
.
In tur an rawn sem chu lain ka tem zauh a, ka hrawk a ro huam huam tih ka hre chiah.
.
"Kan Giovanni ropuia chu a lungawi lo ava ang ve." Rafe bawk chu!! He mihring hi ka ngaina lo.. Ka ngaina thlawt lo. A tawngkam hman duh dan leh a mitmeng zawng zawngte hi mi tha tak a ni theiin ka hre lo. Mihring chhungril leh ngaihtuahna chu tawngkam leh hmelah a langchhuak thin an tih thin hi a dik tih ka hria. Mihring hian thinrim chang leh kan ngaihtuahna inveng hman hauh lo a sawichhuah pawp chang kan nei theuh a, chutiang hun chu kan mihring puite endik nana hman erawh a dik ber lo fo tih ka hria a. Thinrim lai pawh ni lo, nunphung pangngai ve renga midang kher ran reng chi hi ka ngaina hlawl lo a ni ber e. Ka bula cheng ve mihringte hi famkim turin ka phut tihna erawh ani hauh lo mai..
.
"I nunah khan buai la atawk viau lo maw?" ka ti hlak a. Ka bul hnaiah awm tam lo se ka duh.
.
"Hmm.. I pasal hian a ngaihven lo che a, a sawi dan che i hre duh em?" a la ti tak deuh deuh.
.
"Ka hriat tura pawimawh anih chuan nakin ah ka la hria ang chu." tiin ka chhang na a, Luca chuan engtin nge min lo sawi ka hre chak khawp mai. Ka hriat chakna leh chak lohna a inzat hial ang. Rafe sawi duh dan atang hian thiltha lam a ni dawn lo a, chuvang chuan tuna hriat ka duh lo.
.
"A lan dan chuan i pasal nen hian in inkar a zau viau a." ka melh hrawk a, nui chungin a hnar a tuai zauh a. "Kei hian engtik ah emaw chuan ka la mutpui  ngei ang che. Ka tilawm tawk viau ang che tih ringlawk bawk la!"
.
A tawngkam tlang lutuk leh min zah lohna vang chuan ka lawm lo satliah pawh a ni lo.. Ka lawm lo lutuk takzet.. Lutuk takzet hian...!! Ka melh ran ran a, sawi mai tur pawh ka hre lo zawk hial.
.
"Chatuan pawhin a thlen ring suh." ka tithei tawk. Luca ka zawng ru a, ka hmu mai lo.
.
"I pasal chu Savannah nen an chhuak dunin ka hria. I haw duh anih chuan ka lo thlah thei ang che. Thil dang pawh.."
Rafe chu makti zetin ka en a. Hetiang mipa zakthei lo lutuk hi an awm theih ka ring ngai lo. Pasal pawmlai nei ka nih a hria a, chuti chung leh ka hnar tih ka tilang chiang viau chung pawhin a la chhunzawm a nia..
.
"I nu hnenah va haw la, Pathian hian mipate hi eng ang ni turin nge a siam va zawt rawh." ka insum thei thlawt lo. Hetiang taka min zah lo tu hi ka vawikhat tawnna a ni.
.
"Chutiang bawkin Luca pawh hian a nu hnenah a zawh ve angai ngei ang." a tawng thei em em mai lehnghal!! Luca a sawitel vena chhan tur a awm hauh lo bawk. Ni e, Luca hian min tina a, tihloh tawp tur ka lakah hian a ti ngei mai, chutih rualin hmeichhia te lakah Charlwood-a awm ang hian nep lutuk leh tenawm taka hmeichhiate chak lo zawk anni tih hre rana hnuaichhiah hian a awm ve ka ring lo hulhual. Luca hian ka rilru a tina ngei a, mahse, ka lakah hian ka duh lo chung uchuak takin min awm tawh em? Awm lo.. Ka thinlung a tina em em tih loh chu...
.
"Luca hi engkim ah i nundan tehfung ah i hmang a ang hle mai." ka  nui lui sak a. Atan chuan ka ngeiawm ve tho mai. "Luca hi mihring ve tho a nih hi, i ngaisang lutuk mah mah niin ka hria.. Mr. Charlwood, ka kalsan phawt ang che." tiin ka inher a. Luca hi engvanga tan nge ka nih tehhrep pawh ka hre lo.. Khawiah nge maw a awm daih le. Savannah nen chuan an chhuak dun tak tak emaw ni le..
.
Ka kalsawn hmain Rafe chuan ka banah min rawn vuan leh a. "A lehpek ah chuan lungawi zanin ka kaltir ang che."
.
Puakkeh lo turin ka insum... Ka mit chhingin thawk ka la a.. Min hmu tute hian ngaihdan diklo an neih phah ngei ang.
"Rafe, duhtawk rawh..duhtawk rawh..Ka kut hi thlah rawh.." ka rilru in ka ti mawlh mawlh a. Ka duh loh dan berin a che zui bawk! A rui a ani hial ang..!
Na zetin min pawtlet a, ka duh emaw duh lo emaw ka inthununna ka hloh ta.. Rafe min chelhna ka ban veilam chu lakang in a kutah ka seh a, ka kut dinglam a intur ka ken tlemte la awm chuan a hmaiah ka theh thawt a. Inchhunga awm min hmu phak chin chuan ngawi thapin min en thap a. Thil thleng hian kan zavaiin min thawng vek tih a chiang.
.
Ka theihtawp a chakin kawngka lam ka pan a. Thinrimna, zahna, lungawilohna.. Ka taksa khur der der vang chuan ka kut ka hum ruh tlat bawk.
Kawngkaa Luca ding chu ka hmu phe ruai a, ka kalpel hmiah. Rafe laka chhan ka ngaih lai khan hmeichhe dang a lo awmpui a ni pek ang chu.!
.
Khawiah nge kan car a awm ka hre lo. Ka kal hmawk hmawk a.
.
"Ding rawh.. Allison.."
.
Luca ani tih ka hria. Ka ding lovang..
.
"Allison.." min rawn pawtding nawk a, min kalpui nghal hlawk hlawk a.
.
Car-a kan thut luh hnu chuan tlanchhuak mai lovin kan thu ngawi ran a. Minute 10 dawn  hnu chuan arawn tawngchhuak ta hram.
.
"Charlwood khan engtin nge atih che?"
A hmel ka en duh lo a, ka chhang duh hek lo. Ka kut ka humruh tlat bawk a. Ka tawng chuan ka tap mai ang tih ka hlau a ni. Luca bulah hian ka tap lovang.
.
"Damn it! Allison, Charlwood khan engtin nge atih che.?" car steering wheel chu a nem pawp a.
.
"Lo buai suh.. Engtin pawh awm ila lo buai suh.. Khawiah nge i lo awm..? Theihnghilh rawh.." a tawng rin ang chiahin ka tawng ring ve bawk. Zawi deuh zawkin "Haw ka duh." ka ti sep a. Thawk a la a, inthunun a duh ve tho anih hmel. Reivaklo hnuah Car chu a tinung ve mai bawk a.
.
In kan thlen hmain vawikhatmah kan inbe tawh lo. In kan thlen veleh motor atangin ka chhuk a,Luca chu ngaichang lovin ka kalsan a. Zanin hian eng thu mah sawi dun ka duh lo. Ka nunphung hi a danglam zo vek tawh. Ka hah hluah hluah a, engkim ka hne vek... Ka hne hluah hluah..!!
.
Bathroom-ah lutin ka inbual zung zung a, ka chhuah leh pawhin Luca chu a lo la awm lo. Ka inthlak zung zung a, puansin tur lain kan pindan atang chuan ka chhuak  nghal a. Kan pindan piaha pindan ruakah lutin kawngka ka kalh a, light ka tithim nghal vek bawk. Chawlh ka mamawh.. Chawlh  vang vang ka mamawh takzet.
.
Ka tal ka tal a, engtin tin emaw ka muhil thei hlauh. Ka harh leh chuan khua a eng vek tawh a, ka mutna piaha ka phone dah chu la kangin dar zat ka en a, ka tho nghal vat a.
.
Vawiin hi Cafe-a hna ka thawh tan ni a ni a, ka thawh hmasak ber niah mood fuh lo taka awm ka duh lo. Chuvang chuan thil thalo reng reng ka ngaihtuah lo ang.
.
.
Thawmdim takin kan pindan ah ka lut a, Luca chu a lo la mu teh tlat! Tuk dang ang chu nise a thodaih tawh tur a nia. Ka thawmhnaw lain ka inthlak zung zung a, thawm dim tak bawkin in ka chhuahsan a. Carina nen pawnah kan intawk a, thil pawimawh ah ka chhuak dawn tih ka hrilh hram. Ngaihthat hmel takin min thlah ve mai bawk a.
.
Cafe ka thleng a, ka hna ka tan ta. Dawra lo lut apiang te lo ngaihsak a, an thil duh zawha, an mamawh pek.. Chu chu ka hna a ni. Ka rin aiin nuam ka ti bawk. Nilenga office a thut a, lehkha chinfel  ngai tam tak khawih ai chuan a nuam zawk daih.. Hlawh erawh a intam hleih deuh dawn a ni..Pawi ka ti der lo mai..!
.
"Allison, table no 2B saw va ngaihven ta che aw." Lyn, helai hmuna thawk ve, kum 28 vel bawr hian nui sangin min en a. Han thawkdun rei deuh ila ka ngaina ngei dawn tih ka hria. Table 2B ka pan a, hmeichhe sa tha deuh lam leh mipa la upa lo tak an ni.
"Eng thil nge in duh dawn le.."
Hmeichhia chu a phun sap a, chiang zet hian min en kiau bawk..
.
"Khawngaihin eng nge in ei duh min hrilh thei em?" nui chungin ka en a, hmeichhia zawk chu arawn ding hluai a.
.
"Lalpa.. A tawpa tawpah chuan ka hmu ta che. Allison ini tiraw?" tiin min en a, ka bangbo khawp mai. He hmeichhia ka hming  ngeia min kotu hi ka hria em ni?? 
TMH!!
CHAPTER – 16
TAKE MY HEART!
By. Thantei_Pautu a.k.a Laura_Sean_Virgo
.
ALLISON'S P.O.V*
.
Hawihhawm takin ka nui tawp. Chu hmeichhia chu a thutna atanga thoin ka  bulah arawn ding a, min kuah thlawp a. Ka hamhaih zual ta viau mai.
.
"Nangmah i ni.. Oh.. Allison.." min kuah nghet tak sauh sauh a. Kan bul vela mite pawh chuan min en deuh thap mai. "Ka hmu tawh ngai dawn lo che emaw ka tia.. Lalpa chu fakin awm rawh se.." min kuahna thlahin ka biang tawn tawnah min vuan a.. "Nangmah ngei hi i ni.. Ka la awih thei lo!"
.
"Ka tihpalh.. Ka hria che em?" ka tih chuan a meng phar ak a..
.
"Oh.. Kei hi.. Nang. Ka tihpalh lutuk.. Ka..um.." za vak lovin a nui a, a kut a hmalam ah suih in a dinna bula thu mipa chu a en leh zauh a. "Garcia.. Garcia Labraska.. Ka hai che anih ka ring.." a ti zawi sap a. A nuam ti lo hmel chu a lainatawm angreng.
.
"A pawi lo.. Ka rindan in mi tu emaw nen kan inang viau aniang." ka tih chuan harhchhuak thut niawm tak hian 
.
"Oh.. Nia, chutiang deuh chu.." a ti bah nak a.
.
"Engpawh ni se, kan inhmu a a lawmawm e. Allison Adams ka nia. Chuan, eng thil nge in ei duh ang le?"
.
An ei duh an sawi a, ka kalsan leh hnu pawh chuan min la rawn melh reng mai. Garcia Labraska.. Garcia Labraska.. A hming chu ka lam nawn sep sep a, mah se ka hrechhuak zo chuang lo. Khawiah emaw ka hmu tawh reng reng em? An hmel chu ka va en leh a, ka hriat tawhna awm ang ka ngaihtuah chhuak zo miah lo nia.! Ka lo kawm tawh thin ka thian leh hmelhriatte ka ngaihtuah kual a, thian kawm tam lutuk chi ka nih loh vangin reitak ngaihtuah tur pawh ka nei lem lo. A mak hle mai.!
.
An eitur an ei zo a, bill an pek hnu chuan cafe atangin an chhuak a, engvang ber nge ka hre lo, ka enzui reng a. Khatiang khawpa min hretu ka hre let ve lo kha nuam ka ti ta lo tawp mai.
.
Ka dinna hmun atanga kal sawnin cafe atanga an chhuak tawh chu ka umzui ta ringawt. An bulah eng thu nge ka sawi ang tih pawh ka hre chuang lo nain, engtin nge min hriat tih tal ka zawt mai aniang chu.
.
"Lo ding lawk.. Ms. Labraska.."
Ka umzui dawn tih hresa niawm tak hian an ding a, min rawn enin an nui deuh sang a. Ka tih reng ka maw! tih melhin min melh ni maiin ka hria.
.
"Engtin nge min hriat tih ka zawt mai ang che.. Nuam ka ti chiah lo nain.." inthiam vak lovin ka nui a. Mi tupawh chiang taka min hria ni anga lang hriat ve miah loh hi chu nangni pawn nuam in tih bik miah loh kha!!
.
"Ah.. Ka hre lo. Ka hre ve tawp che aniang."
Chhanna ka dawn chu ka beisei loh a ni ta thung. Zawhna zawt mitmeng in ka en let a, a hmel siam danglam in a lei a chhuah zauh a, ka kutah min rawn vuan a.
.
"Ka thian tha tak nen in inang lutuk a.." sawi duh leh chiah lo ang hian a ngawi leh rih..
.
Thil enge emaw chu ka hrechhuak in ka hria.. Kha hmel kha..! Hmel siam danglam a lei chhuah zauh kha.. Ni chiah lo. He hmeichhia hi ka hre tawh thin ngei ang.. Ka hriatna hlohin ka hun kal tawh theihnghilh then ka nei chu a ni bawk si lo.. A mak a ni..!!
.
"Hmel inang, hming pawh inang.. A mak hle mai. Tunah khawi hmunah nge i chen?" ka ngaih a tha chiah tawh lo.
.
"I duh chuan hemi number ah hian min be thei ang." card dum min pe a, ka la ve mai bawk.
.
"Va lut rawh.. Ka tlanbo dawn hleinem. Min biak hun ka lo chang ang." a mitmeng a hlimna langchhuak in a nui seng a. He thil hi ka hria, he hmeichhia hi thinlung tha tak nei a ni ngei ngei ang.
.
Ka be dawn tih hrechiang viau niawm takin a tawng bawk a. Engpawh ni se, ngaihtuah buai lovin in a ka haw hunah ka be ngei ngei ang. Thil eng emaw min mawlh tlat tu awm vang hian ka be lo thei dawn lo tih ka inhrechiang.
.
Cafe-a ka luh leh hnu chuan Ms. Labraska card min pek chu ka bag-ah ka dah tha vat a.
.
Darkar li chhung cafe-a awm tur ka ni nain darkar ruk zet ka awm ta. Ka chau hnawp mai. Mah se, ina awm a, Luca office atanga a lo haw hun nghah reng ai chuan a la nuam zawk tho tho. Ka duh emaw duh lo emaw rilru hian a nghak tlat thin reng alawm le.
.
Staff locker room-ah lutin ka inthlak a, ka bag la lehin Cafe ka chhuah san a. Ka hmanhmawh em em hran lo.
.
In ka thlen chuan a lo la reh thiap mai. Ti ila, nidang ah pawh a bengchheng nuai nuai ngei lo hrim hrim a. Reh ka tih chhan pawh Luca a awm lo tih ka hriat vang anih ka ring.
.
Choka atanga thawm lo chhuak chu ngaithla in ka nui sak a. Carina hi chu eitur a siam tui poh leh a zai ring thin!! Choka a ka luh chuan min lo be nghal sawt sawt a.
.
"Luca chu arawn haw dawn loh thu arawn sawi lawk tawh. A be tlang thei lo che a ni awm e.."
.
"Oh.. Nia. Min be tlang thei lo tak ang." ka ti ringawt. Min rawn biak a tum pawh ka ring hrep lo. Ka pasal hian min ngaihsakna a tilang ngai tawh lo a ni ber a.. Ni leh lo.. Nizan te kha chuan min ngaihsak awm takin a awm ve kha maw..!
A awm ang hian midang han kawpkual ve ni phei ila.. Ka ngaihtuah zawm peih lo zawk. Amah ka ngaihtuah chhuah apiang hian thil hlimawm aiin thil lungngaihthlak leh mood thalo neih theih phahna tur ka ngaihtuah ziah.
.
"Ka'n intifai ange.. I thil siam chu a tui dawn hle mai. Ka tamchhawl hial in ka hria.."
.
"Okay.. Ka siam zo a nimai.." Carina tihhlim i duh chuan a eitur siam fak la, engkim a dik vek.. Ka fakder hauh lo a nia. Taksa chauh hnap hnua eitur tui tak ei hi chu a hahdam thlak sawng sawng thin ve reng a ni.
.
Zanriah ka ei hnu fe ah pawh Luca ala rawn haw lo. Hahdam zeta  thuin movie ka en a, ka rilru ah ka movie en lai a lut thei miah lo thung. Vawiin ka thil tawn kha.. Ka ngaihtuah chhuak chiah.. Ka phone arawn ri ve chiah bawk.
.
Tomas!
.
"Tomas.."
"Hey, AC" arawn ti zuai raih a. Nidang nen a inang lo khawp mai.
.
"I that ka beisei. Adelina kha tihluihna hmanga kal bopui i ni em? Tomas, thudik chiah min hrilh rawh." ka ti nghal tawng a. Mumal lo taka a awm hun chhung hi a rei tawh mah mah a ni. Ka unaupa neihchhun hi ka hmangaih a, ka rin em em rualin Luca awm dan leh ka laka engmah a sawi duh lohna hian ngaihthat lohna min siam tlat tawh. Chutih rualin Tomas hian thil thalo tak a tih ka ring tak tak phal chuang pawhin ka hre lo. Ka naute, a hun tam zawk min rinchhan chunga hun hmang thin a lo nih tawh vang pawh a ni mahna le.
.
"A buai ta nuai anih hi. Engpawh ni se, ka tha alawm.." a ti leh ringawt a.
.
"Tomas, khawngaihin.. Ka ring em em che tih i hria a, thil thalo leh rapthlak tak ti turin ka ngaihtuah ngai lo che a.."
.
"Duhtawk teh, naupang ka ni tawh hleinem. AC, thil pakhat.. Shit.. Ti suh.." phone chu a tawp hmuk a. Ka ngaih thatloh zia chu sawi ngaihna a awm lo. Tomas, thil thalo ti miah suh ang che.. Ka phone nghet zeta humin Luca nen kan pindan.. Ni tawh lo.. Luca pindan ah ka lut a. He pindan ah hian Luca bula mut emaw a pindan tawmpui emaw ka tum tawh loh vangin ka thiltih tum hi Luca lo haw hma ngei a ka tih angai.
.
Pindan kawngka ka kalh thlap a. Thil eng emaw tal ka hmuh a tul. Eng emaw thil awmzia dik tak ka hriat theihna tur thil. Bultanna tur lai tak pawh ka hrethiam chiah lo.
.
Thil bik dahna bawm inkalh lo ho zawng chu hawngin ka en diat diat a, thil pawimawh hmel leh danglam deuh a awm hran lo. Bawm hnuai ber inkalh ziah thin chu a inkalh leh ring tho chungin ka pawt a, a inhawng ta hlauh. Luca bawm bik anih vang hian en ka tum ngai miah lo a, en pawh tum ila a inkalh reng thin..
Fel thlapa thil inrem chu ka a mal tetea lachhuak in ka en chiang diat diat a. Tomas emaw Adelina lam emaw kaihhnawih thil ka la hmu chuang lo fo. A mawng bera thil awm ka phawrh chuan a awmzia hre lovin ka en reng a. Mipa naupang duhawm tak pahnih thlalak, an inkuah rial a, an inang em em bawk. Kum 5 vela upa annih ka ring. Thlalak hnung ka en a, hming inziak ka hmuh chuan mak ka ti lutuk.. Thlalak chu chiang lehzual in ka en leh a, tu zawk hi nge Luca tih ka hre miah lo. Damon Giovanni..! Luca phirpui.. Luca hian vawikhat te pawh unau pianpui a nei tih min hrilh ngai lo a, a nu leh pa te chenna hmunah pawh khan an naupanlai thlalak hmuh tur a awm hek lo.. Adelina naupanlai thlalak pawh hmuh tur a awm chuang miah lo anih kha.. Mak ka ti thar lehzual. Kei hian fa nei ila, kan chenna in ah ka fate thlalak ka tar chuai ngei ngei dawn tih ka inhria.
.
Kawngka kik thawm ka hriat chuan ka phu dawrh a, hmanhmawh zetin ka thil lakchhuah ho chu ka khung sawk sawk a. Khawih danglam anga alan chuan Luca hian a hre ngei ang. A mimal thil a ruka lo khawih hi a lawm dawn lo nasa lutuk. Thil dik a ni lo hrim hrim bawk. Keipawh hian eng thil nge maw ka hriat tehreng ni? Mi thil an phalna hmu lovin ka khawihsak ngai pawh a ni lo a.! Ka pasal hi mi a ni hleinem. Ka pasal alawm.. Ka inthiam chiah chuang lo.
.
Kawngka chu ka hawn mai loh vangin arawn chum nawn leh a, ka hmingin min ko ta bawk.
.
"Lawk, ka hman tep.." ka ti ringawt a. Ka thil lakchhuah ka dahlut zo a, ka khawih hmaa a awm ang chiahin a awm leh in ka hria. Hmanhmawh deuhin kawngka ka pan a, ka hawn chuan rawn lut mai lovin min en run run a. A nuam miah lo. Min rinhlelh hmel taka min en pawh a ni chuang lo nain, a ruka ka thiltih khan inthiam chiah lohna rilru ka puttir tlat.
.
"Hi.." ka ti ringawt. Eng vanga nervous ringawt nge maw ka nih le. A kawrchung phelhin a kamis hak chu a ban a thlep a, a kawrchung chu a darah a bat a. A landan chu model ang mai a ni. Ka biak hmasak vanga mak ti niawm tak hian a mithmul a tiche zauh bawk. Tha ka ti tih a hriat vangin hetiang hian a awmlui anih hi.. Allison, khawiah nge i inthunun theihna kha a awm..??
.
"Ka inthlak laklawh a. Ka thawmhnaw hi ka lachhuak vek ang." ka rilru a lang hmasa apiang ka sawi chhuak tawp.
.
Min chhang mai lovin arawn pen lut a, room chu a enkual thuak a.
.
"I pindan hi ka tawm tawh dawn lo che tih ka sawi kha i la hriatreng ka ring." tih pahin ka thawmhnaw dahna ka pan a, ka mamawh zual tur ni a ka hriat ka lakchhuah chu ka pawm bawr tan mai. A la tawng miah lo. Pawi ka ti pawh a ni chuang lo.
.
Ka bulah rawn dinga min nek deuh chuan ka melh ralh a.
.
"He pindan hi i chhuahsan lovang tih ka sawi kha i la hrereng in ka ring." ka tawngkam ang chiah chiah zu hmang a. A tilui tih pawh ka hria.
.
"Ka theihnghilh tawh anih ka ring." kalsawn ka tum a, ka kalna tur dal chiahin a ding leh chat a. Zam hauh lo hian ka hmalam atangin min rawn kuah a, a awm dan chuan min ti hamhaih. Thawmhnaw ka pawm hlauh chu ka alawm khawp mai, kan taksa a insik loh phah tal a.
.
"Ka chau hle mai.. He thil hi ka mamawh a ni." a aw atang pawhin a chau viau ang tih a hriat reng mai. Min kuah nghet zual sauh a.
.
"Duhtawk teh. Min hmutur pawh tumah an awm loh hi. Lemchan hun pawh a ni lo."
Ka ti nghat nghat a, min kuah vang hian ka awm dan a danglam tur a ni lo bur. Min thlah a tum hmel loh kher mai. Min kuah nghet sauh a, ka thaw a chham dawn hialin ka hria.
.
"Vawiin khan khawiah nge i kal? Nizan thil thleng kha hriatchian ka duh a nia."
.
"Min thlah phawt rawh." ka tih chuan tlemin min thlahdul deuh a.
.
"Allison, khawiah nge i kal?" a aw chu ka hrethiam lo.. Thinrim emaw lungawi lohna emaw a ni lo a, ka hriat dan tak chuan min thlahlel tak a ang zawk. Chu chu thil ni thei a ni lo.
.
"Ka duh apiang ka ti ve bawk ang chu. I hna i thawk a, keipawh chutiang chiah chu."
.
"Umm.. "
"Min thlah teh.."
.
"He pindan hi i chhuahsan dawn lo." hei chu thutawp sawi ang mai a ni ta.
.
"Min lo en la." ka tal thut a, a inrin lawk loh vangin ka talchhuak mai a, ka kal hla hman lo. Ka hnunglam atangin hneh zet hian ka dulah min rawn kuah let dawrh a. Min kuah nghet em em bawk.
.
"Nang.. Min thlah rawh.. Luca.." ka tal chiam a, awmzia a awm tam lo khawp mai. Khumah min paihthlu in min rawn delh nghal deuh mai a, engtik laiin nge ka thawmhnaw pawm kha ka thlauh ka hre lo. A bawp pahnihin ka taksa a karcheh a, a kut pahnih in ka kut a chelh bawk a.
.
"Ka nupui, ka dawhtheihna hi enchhin suh." rawn kun hniam a, a mitmeng danglam ka hmuh chuan min fawp ngei dawn tih ka hria.
.
"Ni lo.. Luca, tisuh!"
.
"Eng? Engmaw ka tih loh tur?" a aw chu a ril raih a, thinrim hmel a pu tawh miah lo. Engtin nge maw hetianga i awm te chuan ka hnar theih ang che le..!? "He thil hi a ni em?" ka hmuiah dam thlap hian min rawn fawp vang vang a, in lahrang leh hlekin "Heipawh hi a ni em?" tiin ka hmaiah min fawp kual dan dan a.
.
"Ti tawh suh.." ka aw ri pawh a dik lo.. Takzet hian a!
.
"Ti lo turin min duh takzet em?" ka lu ka tiche a, ka tawngchhuak thei lo. Engvangin nge maw ka pasal lakah hian ka chak loh em em mai le?
.
Min vawnna thlahin ka sirah a let thla a, a thaw huai bawk a.
Ka tho nghal vat. Min khawih leh anih chuan ka tang zo lo ang tih ka hlau.. Ka inringtawk lo. Ka thawmhnaw ka chhar khawm a.
.
"Allison, he pindan atang hian i insawn chhuak lovang." ka ding ngil a, khumah saisir zawnga mu in a kutin a inbeng kang a, min enchiang khawp mai bawk. A rawn tho thut a, ka thawmhnaw ken chu la in ka thawmhnaw bawmah a vawmlut a. Ka thawmhnaw bawm chu khar leh in khum ah a thu leh a.
.
"Hetah hian lo thu teh." a thutna bul chu a melh rulh a, ka ngaihtuahna a fim tan a, a bula thut tumna ka nei lo.
.
"I duh chu sawi rawh." ka ti nghat a, a nui suk duh chauh. Tun hun hi nuih hun pawh a ni lo.
"Nupui luhlul tak ka nei tih ka lo theihnghilh a ni. Kan inkar hi engtin nge kan siam that theih ang?" a mitmeng a a ngaihtuhahna lang miah lovin min en a, engtin nge ka chhan dawn ka ngaihtuah chhuak mai thei lo.
.
"Min chhaih kual theih i inbeisei anih chuan theihnghilh daih rawh. I hmanrua ka nih angin.." ka sawi zawh hun pawh a nghak zi lo.
.
"Kha thil kha.. Adelina leh i unaupa te chungchang hi engmah i hre lo tak tak anih chuan.."
.
"Mi fing i nia, engkim i hria ang chu.. I bulah hian ka thil hriat leh hriat loh sawi awmzia a awm hleinem."
.
"I tawngkam hian mei a nei sei thin khawp mai.." a hawisawn zauh a, rang zet hian a ding a, a hmel lan dan a danglam nghal vek..
.
Khum sir drawer hnuai ber chu en in min rawn en leh a. Drawer chu ka melh ve zauh..
.
"I ti lovang? I ti em?" a hmel lang ruh talh talh atang chuan a thinrim tih hai rual a ni lo.
.
"Enge ka tih?"
"Allison.. He thil hi i khawih em?"
Hlauhawm zet hian arawn ding chhuak a, ka pasal hi ka hlau lo niin ka lo inhre thin a.. Dawt.. Tuna a lan dan hi a hlauhawm lutuk. Na zet hian ka dar tawn tawnah min vuan a, min sawih deuh nawk bawk.
.
"Engvang in nge he thil hi i khawih!"
.
"Ka thil mamawh ka zawng anih kha!" engtin nge ka chhanlet ngam pawh ka hre lo zawk. Min en ang chiahin a mitah ka enlet a, thinrim zet hian a nui hawk a.
.
"No.. I ti lo! Engtin nge he thil hi i khawih theih? Tumah.. Tumah reng rengin min la khawihpui ngai lo."
.
"Engvang in nge ka khawih loh ang?"
.
"Duhtawk rawh.. Min chhang suh.."
.
"Eng thil pawi mah ka ti hleinem.. Kha thlalak kha.. Mipa naupang pahnih thlalak.."
.
"Allison.." ka darah min hmer ngawt ngawt a, min hmer nat em vangin ka then sak sak lo thei lo. A khur deuhin ka hria. Thawk a la a, min vawnna chu a thlah riai riai a. Kawlphe ang maia rangin pindan a chhuahsan nghal bawk. Dang tur emaw thu dang sawi turin hun a awm lo. Na lutuk mai a kawngka a khar rik thuai rual chuan ka phu zawk a.
.
Eng thil nge maw ka tihsual le? A thuruk ka haichhuak pawh a ni lo a. Thinrimna tur a awm ka hre hek lo.
.
"Luca.. Luca.."
Eng thil nge ka hriat ka hre lo, pindan atangin ka tlanc chhuak a, ka umzui ve tawp.
.
TMH!!
CHAPTER – 17
TAKE MY HEART!
By. Thantei_Pautu a.k.a Laura_Sean_Virgo
.
*
ALLISON'S P.O.V*
.
Khawi lamah nge a kal ka hmu hman miah lo. Pawnah ka chhuak a, motor thawm ka hre bawk si lo. A kal chhuak lo anih ka ring.
Muangchangin inchhungah ka lut leh a, kan pindan ah lutin tih ber tur pawh ka hre chuang lo. Ka thil lakchhuah ho kha ka dahlut leh vek tih ka chiang sia, engtin nge ka khawih tih a hriat theih, a ngaihna ka hre lo hulhual.
.
Khumah ka thu hnawk a, khum sir kila lehkha tla ka hmuh chuan ka phu deuh zawk. Hei vang hi ani ngei ang ka khawih tih a hriat chhan! Mah se, ka lakchhuah ho kha chu ka khung leh vek sia.. A mak hle mai. Ka hriat loh laiin a lo tla naih ngei dawn hi.
Lehkha chu chharin drawer chungah ka dah a, ka khawih tih a hre tawh tho tho a, a chhunga dah pawh ngai ka ti tawh lo.
.
Rei fe ka thut hnuah pawh Luca thawm a reh vang vang a, kan inbiak a eng emaw tal, thu awmze nei kan sawi angai a ni. Tomas leh Adelina chanchin pawh a hriat ang ang min hrilh ve ngei turin ka nawrlui bawk ang. Tomas hian thil diklo a lo ti ngei anih phei chuan.. Mah se, sir khat chauh atanga thutlukna siam chi a ni lo ang tih erawh ka hrechiang viau mai.
A awmna tura ka rin pindan ka en diat diat a, a awm lo zel a. Library-ah a awm ringin library ka pan a, kawngka pawh ka kik buai duh lo. Hetah hian a awm ngei ang.
.
Kawngkhar ka nem hawng riai riai a, light engmah a on lo nain chiang vak lo chuan ka hmu thei. Dawhkan bula chair-ah thuin a kun a, a kut pahnihin a lu a dawm a. A ngaihtuahna a kalbing viau anih ka ring. Ka thawm vangin arawn hawi chhuak miah lo. 
Eng thil nge ka tih hmasak dawn pawh hre chuang lovin ka pan hnai a, a thutna chair bulah ka ding a.
.
"Hey!" ti sepin a darah ka dek a, muangchangin a thu ngil ve ta chauh. Drawer a phalna hmu lo a ka khawih ringawt kha ka inthiam chiah tawh lo  ni berin ka inhria. Nupa la ni mah ila, Luca tan chuan paper ah chauh nupa kan ni tawh a, a mimal thil pawimawh lo khawih sak hi a dik chiah lo.
.
"Ka tih palh! Thil eng emaw tal ka hriat belh theih ka rin vanga en ka nia. A lo inkalh lo sa kher bawk a."
.
"Theihnghilh rawh." a ti hmuk a. A la thinrim reng tih a chiang.
.
"Luca _ '
"I thil duh chu i hmuh ngei ka ring."
"Hmu lo. Min pui thei thil engmah a awm lo." kalsawn hlekin light ka on a. Thudik ka sawi ngei tih hria se ka duh..
Amah ep zawngin dawhkan bula chair-ah ka thu a, chiang zet hian min en run a. Ka hawisawn duh bik lo. A mitmeng a dul ruih a, a chau vaiu anih ka ring. Engtin nge hun a hman a, eng thil nge a tih ka buaipui duh lohna chin a rei tawh deuh a. A hmel ka hmu a, ka hmaah a thu reng chung pawh hian ka ngai ngawih ngawih ni maiin ka hria. Ka thil ngaihtuah chu tuna kan thusawi leh kan boruak nen hian a inhmeh hlawl lo. Nichin lawkah pawh min kuahin min fawp a, ka hnar thei hram anih kha.. Tunah chuan ka thu hriat duh chiah hi ka ngaihtuah tur  ani dawn lawm ni?
.
"I thusawi chu ka rin i beisei lo ang chu." a hawisawn eih lo.
.
"I ring emaw ring lo emaw, thudik ka sawi. Ka hriat duh ber tur thil engmah ka hmu lo. Thlalak erawh kha chu ka hrethiam 
chiah lo a."
.
"Kha thil kha chu hriat tum buai suh. Tu hnenah mah ka sawi lo ang."
.
"Tomas chungah hian eng thil nge itih zel dawn?" ka tih chuan za lo zet hian a nui hak a. A ngaihtuahna hriattheih turin a hmel lan dan a danglam eih lo lehnghal. A bulah hian inthunun tuma ka beih reng angai bik a, a hmanrua mai ka nih vang  hian atan thil harsa a awm ve lo. Kan dinhmun leh nihna a inang lo a, thuneihna leh thil tihtheihna kan inngah hleih em em bawk.
.
.
"Theihnghilh rawh. I bulah hian engpawh sawi ila i pen pakhat tluk pawhin ngaih pawimawh ka hlawh lo ang." ka tih chuan a mithmul a tiche zauh a, mitmeng chimawm zet chuan min la en ta reng a. "Tomas hian eng thil pawh lo ti se i tina anih chuan_"
.
"Adelina ka nu bula ka hruailet theihna tur anih chuan engpawh ka ti ang." rawn ding chhuak thutin dawhkan a nem a, ka lamah arawn awn deuh bawk a. A aw chu a hlauhawm takzet! A riltu tak tak a sawi bawk ang tih a chiang. Eng thil nge ka tihtheih chuan??
.
Thinrim insum chungin ka thutna ka thawhsan a, library atangin ka kal chhuak  nghal a. Hresa awm ka nia.. Luca nen hian thutha kan sawi lovang.. Thu awmze nei leh ka rilru hahdamna tur thil engmah kan sawi dun lovang tih hi hre reng tur ka ni. He mihring hian ka chan tur engmah min ngaihtuahpui lo.
.
Rilru tawt zetin pindan ah ka lut a. Tunah chuan he pindan ka chhuahsan tur min lo dal thei an awm ta lo. A hmaa ka thawmhnaw Luca'n ka thawmhnaw bawma a vawmluhkha lachhuak in, pindan atang chuan  ka chhuak a. Engvang mahin he mihring pindan hi ka tawm tawh lovang. A hman tangkai theih turin ka awm ngai dawn lo hrim hrim bawk.. Tehhrep hian a!! Tomas nen kan inbe leh anih pawhin tha takin ka be tawh bawk ang!! Ka nat a hlauh vanga tlawm mai lo turin ka hrilh anga.. Mah se... Tomas hian diklo tak leh tharum thawhna hmanga Adelina hi hrengbet lui lo ni ta se.. Chu thil chu thil dik ni theiin ka hre si lo.. Eng thil  nge maw ka tih dawn le?? Hetiang hian vawi engzat nge ka ngaihtuah tawh.. Ka chhiar seng tawh lo zawk..
.
Ka thawmhnaw chu pindan ruakah dahin sofa-ah ka thu hnawk a. Ka ngaihtuahna a chau zo a, ka taksa pawh a chau lutuk takzet anih hi.
.
Ka phone ka phawrh a, chhuna card min petu pawh kha ka be ta miah lo. Dar zat ka en a, thaw huai chungin sofa-ah chuan ka mu zawi ta thlar a. Tunah chuan zan a rei tawh a, hmelhriat tha emaw thiantha emaw annih loh chuan inbiak buaina hun a ni tawh lo.
.
Rem zawka mut tumin ka let sek a, khuma mut leh sofa-a mut hi chu tehkhin buai chi pawh a ni lo ve. Zingah chuan ka taksa a na them thum ngei dawn a nih hi. Luca bula awm ai chuan ka la duh zawk tho. Ka duh chiah em?? Khumah hahdam taka mu chungin Luca nen inthlahlel taka inkuah ka duh a. A awm ngheng chunga thlamuang taka muthilh siai siai tluka chak ka nei hek lo. Ngaihtuahna awmze nei lo mai ani e. Luca, ka ngai che. Ka chunga i thiltih vang hian ka haw bawk che a.. A dik alawm.. Haw tur che ka ni! Nangmah vang hian ka damchhung hun thlamuang takin ka hmang ve tawh ang tia kan inneih tantirh a ka ngaihtuahna kha chu ka duhthusam ramah pawh ka  ngaihtuah phak tawh lo. Duat taka min kuah thinna te pawh ka la ngai reng a, ka mamawh bawk che. Chak tak angin lang thin mah ila rinchhan tur ka mamawh a, ka mamawh chu nangmah hi i ni.. Engvanga la mamawh cheu che nge maw ka nih le..??
.
Eng a thim a, pindan kawngka chu rawn inhawng riai riai in keimah min rawn pana ruangam lo hnai zel chu Luca a niin ka hria. Lo hnai zelin ka mutna  bulah a ding a.
"Ka mamawh che." a aw a tisa chakna lang chuan min timur ur ur thei hial mai! Luca a ni lo!!

Ka chetsawn hmain ka kawngah nghet zet hian min rawn kuah a, min fawh tumin arawn kun bawk a. A hmel ka hmu thei lo.
"Min thlah rawh.." mangang zetin ka tal a, ka tha neih zawng zawng sawmkhawmin tal chiam pawh ni ila, ka talchhuak zo dawn lo tih min vawn ngheh dan atang chuan a chiang nghal vek.
"NO.."
"Min sual let suh. Tanpui tur chein tumah an awm lo.. Ka ta ini. Ka ta." rapthlak zet hian a nui zui huk huk a.
.
"Hmeichhia kha khawih suh!" hmeichhe aw lo rikna lam chu kan enrual thawt a. Hmeichhia chu a hmel ka hmu thei chuang lo. Min vuantu chuan min vawnna chu thlah ahnekin min vuan nghet zual sauh.
.
"Lo kalhnai suh.. Ka duh chu ka ti ngei thin" min tham na lehzual a, ka thaw hleithei tawh lo. Hmeichhe ruangam lo hnai zel chu kan awmna bul a lo thlen rualin thil tle zawk ka hmu a, hmeichhia chu a te thawt bawk a.
.
"Ni lo.. Ni lo.. Min pui ru.." mangang lutuk in ka te a, ka thaw a chham dawn titih..
.
Ka thuchhuak hlawl a, ka te chhuak bawkin ka hria. a thaw hlawp hlawp mai.. Atak a ni lo.. Ka mumang a ni!!
.
A taka thleng ang chiah chiah in ka thin a phu dawt dawt a, ka mumang a ni chu ka awih lo zawk hial! Ka awih loh rualin a tak a ni lo chu ka lawm em em bawk. Mumang mai ni mah se, engtin nge atak ang chiaha ka feel theih zawk le? Ka chal ka dawm vang vang a, ka thlanfim bawl tek tek chu hruin sofa atang chuan ka tho chhuak a. Ka kal hlei thei lo, ka la khur dawt dawt mai.
.
 .
Tukverh puanzar ka hlim a, khua ala var chiang lo. Muangchangin pindan kawngka ka pan a, ka hawn chuan phu dawrhin ka te thawt a. Luca chuan min rawn kuah bet vat a.
.
"I tha em?" ka taksa khur dawt dawt chu hriain ka hnungah min chul hauh hauh a. Tlemin ka thla a muang ta deuh. Ka inngaihtuah harh a, ka kuah letna chu ka phelh rang ngang mai. Ka awm dan danglam chu hrethiamin min kuahna a thlah ve bawk a.
.
"Ka tha.."
"Cherry, i dang vek ania." min ngaihtuah ni awm tak hian! Cherry.. Cherry maw? Huh.. Ka awih thei lo zawk. "I lan dan kha a tha lo tawp mai." ti supin min rawn hnaih a, ka lo pen sawn vat a. Engvangin nge tunah Cherry tia min koh leh? Min koh dan chuan ka nihna leh ka dinhmun min hriatchhuah tir zawk. Hmanrua mai ka nih zia..
.
"Tunah lemchan a tul lo. Vawikhatmah khatiang khan min ko tawh suh." ka kalsawn tur chu min rawn kuah bet nawk a, tun tum chu ka kalsawn hman lo chiang khawp mai.
.
"Hahdam takin awm rawh.. Hahdam rawh.." a ti sup sup a, ka tah a chhuak ta tlat bawk.. Engvangin nge tunah kher ka tah a chhuah?? Tap lo turin ka hmui ka pet fan fan a, duh lo viau mah ila min kuahna chuan ka thla a timuang si a ni. Heihi ka duh lo. Engtik hunah nge rinchhan tur nei miah lo a ka awm dawn ka inhre lo a, ahma ang bawk khan chak takin ka awm tur a ni.. Kuah let lo turin ka inthunun tang tang a.
.
"I te ri kha ka hria a, min ti mangang alawm. Kawngka hi kalh tawh suh." min kuahna tlahin min en a, "A tha em? Pindan dangah i awm dawn anih pawhin kawngka chhung lamah kalh tawh suh aw." a tawngkam pawh a nem ta deuh. A hmel ka en a, zanah a muhil miah lo ang tih a lang reng a, nizan a thawmhnaw hak ngai kha ala ha reng bawk.
.
"Engvangin nge min ngaihven? Eng pawh tawk ila itan chuan hmanrua mai ka ni a. Na pawh ni ila itan a pawi hleinem."
Min chhang lovin min en reng ringawt. Ka thusawi chuan a ngaihtuahna a tiharh pawh a ni mahna, engmah sawi tawh lo a inher vutin min kalsan a.. Kha kha a ni.. Kha kha thil nihna dik tak chu anih kha.. He mihring tan hian engmah ka ni lo. Ka ni ngai lo bawk ang. Keipawh hian ka rilru ka siam fel tur a ni.
.
Ka pindan ah let lehin bathroom-ah ka lut a, rei fe tui vawta ka inchiah hnu chuan tlemin ka ngaihtuahna pawh a fim ta deuh. 
.
Cafe kal turin ka insiam a, in a breakfast ei ka tum buai peih lo.
.
Nimin ang bawkin hna ka thawk mawlh mawlh a, ka rilru lapeng tur thil ka ti reng anih loh chuan  ka ngaihtuahna a chawl thei lo a, awmngaihna ka hre meuh lo a ni ber. Ka chauh hnepa, ka chet that theih loh thlengin ka thawk ang. Cafe-a lo kalte hmuha hlim tak anga lan a tul bawk vangin ka rilru hahna hi ka inthunun tir thei lo.
.
Lunch ei a hun a, Cafe pawh a lun tih piahlam a ni.
.
"Allison, helam ah.." min ko tu awmna lam ka en a, ka nui sak a. Mak deuhin he hmeichhia ka hmuh hian ka thinlung a hlim tlat. Ka ngaihtuahna hria niawm tak hian mitmeng nung sarin min en a. A bul ka thlen chuan dawn awm lovin min kuah a, rilru thawl hawk chungin ka kuah let a. Engvanga thawl hawk nge ka nih pawh ka hre chuang lo. Min kuahna thlahin a thutna ah a thu leh a, ka thawhpui pakhat ko in min biak lawk a duh thu a hrilh hnu chuan a thutna bulah chuan ka thu ve nghal a.
.
"Nizan khan min lo biak hun ka lo ngaichang reng a. Ka awmdan hi mak i tih loh ka beisei." a ti nghal siam siam a. Nimin kha chuan mak ka ti a, tunah pawh tlem chuan mak ka la ti tho.
.
"Nia, um_ nizan kha chu ka buai deuh a. Hei, tunah kan inhmu leh ta tho alawm."
.
"Kartawp chawlhah ka hmu thei che anih chuan ka lawm viau ang." a tih chuan kartawp chawlh hman tum dan ka nei hran lo bawk a, a ni nen hian inkawm ta ila.. Ka rilru tawt thenkhat te hi a bulah hian inbunruak ta i la.. Whoa.. A la hma mah mah maithei. Engvanga ring nghal chawt mai nge ka nih le?? Khawi hmuna cheng nge anih ka hre lo a, eng ang mi nge anih hrechiang turin nimin kha kan inhmuh hmasak ber a ni chauh bawk. Ka fimkhur deuh a tha ang! Ka hriat miah loh lai hian midang hmanrua ni turin ka inbarh lut leh palh thei.
.
"Hun ka neih dawn chuan ka lo be dawn che nia." ka tih chuan a bu nghat nghat a.
.
"Ka hna ka thawk leh phawt ange. Tui takin i ei dawn nia." ka thutna tangin ka tho a, ka kalsawn lai chu la nui sang chungin min enzui reng tih ka hria. Hawilet lehin ka kut ka vai zauh a. Cafe a chhuahsan hmain inbiakna hun kan nei leh ta lo.
.
.
Tlai dar 5 a rik chuan ka chau hnep tawh. Ni pangngai takin ka hmang liam niin ka hria. Locker-a ka inthlak fel hnuah Cafe chhuahsanin muangchangin in ka pan a.
.
Min hnaih taka motor arawn tlan chuan tunge khalh tih en lem lovin ka kalsawn a, min rawn zui zel mai.
.
"Hey, in thleng ka hruai thei ang che." a aw ka hriat rual chuan ka ding nghal zawt mai. Rafe! Hman zan kan inhmachhawn dan vang khan hmuh ka chak hlawl lo. Alakah hian sawitur pawh ka nei lo a, a bulhnaia awm hrim hrim hi ka chak hek lo. A hmel landan atang hian hman zan thil kha chu a theihnghih vek tawh a nih hmel khawp mai.
.
"Lo kal rawh. Itan ka hlauhawm loh a nia." nelawm thei ang berin a nui a, a nui hmel chuan min la hneh chuang lo.
.
"Ke in ka kal mai ange." Pangngai thei ang bera ka ngaih danin ka chhang a, min kalsan ve mai ka rin laiin motor a tiding a, arawn chhuk a. Ka lo inveng ru nghal ran mai.
.
"Lo kal rawh.."
.
"Ni lo e, ka lawm e. Block 2 bak kal angai tawh chuang lo a. Ke a kal ka duh zawk bawk a." ka ti duah a. Min nawrlui lo se a tha zawk ang!
.
Tharum hmanga min tilui anih loh chuan a car-a chuan ka tum lo tih a hrethiam ta a niang, nui chungin a  bu nghauh nghauh a.
.
"Okay.. Ka tlawm e. Hman zan avang khan min ngaidam dawn nia. Inngeih taka awm ka duh a nia."
.
"Anih phawt le." kalsan ngawt chu mawi lo deuha ka hriat vangin ka ban ka vai lui zauh a. Engtik ah mah ka ngaina ngai dawn lo tih ka hrechiang em a ni!
.
Min rawn tlan pelh dawn chuan tlan muang leh hlekin min rawn be leh a "I unaupa a tha zel maw.?"
A thusawi ka hriat chuan ka ding leh chawt. A tawng dan ki kha min tiel tih a hriat em em bawk. Ka rin ang chiah! Rafe Charlwood hi mi tha a ni lo. Mah se, engtin nge Tomas.. Ka unaupa chungchang a lo hriat ve? Luca nen hian an inhnaih ngai tawh lo tih chiang takin ka hria a, chuti chung chuan engtin nge Tomas chungchang a hriat.? Kei hian Luca nen kan inkar emaw, ka unaupa chungchang emaw pawh tu hnenah mah ka sawichhuak hauh lo a nia. Luca pawh keimah ang chiah anih ka ring.
.
In ka thlen chuan Luca a lo awm tawh a, Carina erawh a thawm hriattur a awm lo thung. Inchhung ka lut min hmuh rualin a thutna atanga thoin min rawn pan a, a hmel atang chuan a thinrim nge a lungawi tih ka hre thei lo. Hei chen hi abulah ka cheng tawh a,a chang chuan amah hi ka la hre ngai lo  ni ten ka hre hial thin. A chang leh min hre ngai miah lo angin a awm a, a chang leh engkim ah min thunun a tum a. A changin min hua niawm takin a awm a, a duh hunah min kuahin min ngaihtuah niawm takin a lang leh thin bawk a.. Hetiang tehhrep te chu tuin nge hrethiam thei ang?
.
"I hnathawhna hmun saw ka duh lo." a thusawi chu awih lo zetin ka en a, min rawn hnaih lutuk loh nan ka inla hrang nghal deuh bawk a.
.
"Eng maw?" ka ti nghal phat mai. Nileng in hah takin hna ka thawk a, in thlen veleh a inhau pui neih lehnghal chu min tichau zual hluah hluah. Ka aw atangin ka cho hle tih a lang mah mah maithei.
.
"Cocoa Cafe ah sawn kal tawh suh. I tan a tha lo." a hmel chu a thutak run a, kei ang lo takin a lang dang thlup lawi a.
.
Ka awih thei lo zawk. Ka thaw hak a. "Hah.. Atkinson Corp. atangin nangmah vang hian ka bang a, Cafe a thawk tur sawn i puihna ka dawng lo a, engmah sawi theih i nei lo." ka thin a rim. Ka thup thei lo a, thup ka tum buai hek lo.
.
"I duh chuan in ah hian i awm thei alawm!" ka dinna bulah a kalkual nghut  nghut a, ka hnialna chu engahmah angai lo a ang ber.
.
"Min ngaihtuah duh suh.. Min hmuh ang hian engtinmah ka awm lo. Enge maw i hriat reng reng le? Min ngaihtuah ang mai hian i awm vel a. A nihna takah chuan i tihnat tur liau liaua i bula min awmtir i ni lawm ni? Ka chau viau a nia.." tih pahin ka kalsawn a.
.
"La kal suh. Thildang ka hrilh che angai."
.
Inchung pan chhohna step-a ka kal chu ka ding leh chawt a. Eng thil nge ni ang? A hranpa takin min hrilh tur thil pawimawh a nei khat khawp mai. A la nei ngai miah lo zawk a ni.
.
Min rawn panhnai leh a, door bell a rik chuan phun hlukin a ding a. Lo la ding turin min duh tih lantir nan min melh a, inherin kawngka hawng turin a kal a. Ka lo ding  ve mai bawk a.
.
"Drago.." a phun hluk ri chu ka hre pha chang chang a ni. Tunge Drago chu? Keichuan ka hre hauh lo mai. Inchhung ah an rawn inzui lut a, lo kal thar pa Drago tia a koh chu a hmel a thutak in a lang thim mak mai. A lang ruh tal ni maiin ka hria. A lehkha ken chu Luca a pe a, rang zet hian Italian tawngin a tawng zui bawk a. Luca hmel danglam chu thup leh rang viau mah se ka lo hmuh hmaih lo chiang khawp mai.
.
Library-a an inzui lut chu ka en reng a. Kha pa khan eng thu nge arawn thlen le?? Kei hian Italian tawng ka zir ve angai takzet tawh anih hi..!
.
Ka bag chhunga ka phone dah nghawr dar dar chu la chhuak in ka pick up a, min rawn betu tawng ka hriat rualin ka thin a phu nghal dawt dawt a.
TMH!!
CHAPTER – 18
TAKE MY HEART!
By. Thantei_Pautu a.k.a Laura_Sean_Virgo
.
ALLISON'S P.O.V*
.
"AC!" a thaw hrawih a, a rawn tawng chhuah dan pawh a dik lo reng reng. Ka awm ka dawm ta ngawt a.
.
"Eng thil nge thleng. Tomas?? Tomas? I hre thei em?"
.
"AC, tunah chuan ka zep tawh lovang. Keimah vanga i tuar nachhan tur a awm tawh lo."
.
"Enge sawi i tum ber? Engmah ka tuar hleinem! Tomas, engkim a tha. Nangmah i that chuan engkim a tha vek.. Tunah khan i tap tih ka hria ania!"
.
"A_C.. Mi hman tlakloh mai ka nih hi. I tan buaina bak ka thlen lo. Ka tihpalh.. Ka_tih_palh.." a insum nasa ang tih ka hria. Tomas meuh a tap anih chuan a talbuai viauin ka ring bawk. A tap ngai lo asin! Ka nu'n min kalsan lai pawh khan vawikhatte mah a tap lo. Chutiang bawkin ka pa boral ah pawh a ni tho. Tomas.. Engtin  nge maw ka han tanpui dawn che le? Eng thil mah chiang takin min hrilh duh lo a, harsatna i neih chuan min hrilh la, i tan chuan ka nun pawh ka hlan phal ang tih i hre lo em ni??
.
"Ka hria alawm.. Chu chu ka duh lo a ni.." Tomas arawn tawng leh chuan ka rilru a thil awm chu ka lo sawichhuak tih ka hre chiah. "AC, chu chu kei hian ka phu lo a ni."
.
"Chutiang sawi suh.. Ka naute, itan chuan engpawh ka tithei alawm. Thil dik i ti anih phawt chuan itan engpawh ka ti ang."
dam thlapin Tomas chu ka bia a, tunah hian ka bulah awm se kuah a, amah hnem theih ka duh takzet.
.
"AC, ka kal angai. Ka thiltih hi a dik lo tih chu ka hria, mah se ka tawp thei tawh lo. Adelina hi ka hmangaih a ni! Ka hmangaih lutuk vang hian hreawm takin ka siam tih ka hria. Tunah chuan ka tuar thei tawh lo."
.
"Tomas, thil tha lo tihbelh tawh suh aw. Adelina kha a chhungte hnenah rawn hawtir la, nangpawh i tha ang. Tuna i thiltih hi a tha miah lo a nia. Mi tha tak i ni a__"
.
"Chu chu engtin nge i sawi theih?" a lungchhiatna chu thinrimna in a thlakthleng tih a rawn tawng dan atangin hai rual a ni lo. Ka unaupa hi ka hrechiang em em a, awlsam taka rilru inthlak zung zung thin a nih zia pawh kei aia hrechiang an awm lo.
.
"Tomas.. Thinrim suh. Chu chu thil nihdan tur a nia lawm. Adelina hreawm taka a awm ang khan kei hi awm ta ila hreawm i ti angem? Uluk takin ngaihtuah teh_"
.
"Engtin nge ka lamah i tan loh theih zawk. Nang phiangsen hi.. Ka chanchin i hriat apiang hi i pasal hnenah khan i sawi a ni tiraw? A ni em? Ka lam tang ang taka langin thil dik leh dik lo min hrilh vel a.. Ka ring thei lo. Allison.. Tun atang chuan vawikhatmah ka rawn biak leh che beisei tawh suh.."
.
"No.. Tomas__ Ka neihchhun i ni tih i inhriat kha.."
.
"Duhtawk mai teh.. Ka lakah hian lemchan kual tum suh. A tawp e!"
.
Phone chu a tawp nghal hmak. Engtin nge khatiang zawng khan a ngaihtheih zawk a?? Tun anga thinrim khan vawikhatmah min la chhang ngai lo. Thinrim a tawng vak ang kha a mizia a ni ngai lo hrim hrim bawk! Ka biak kha Tomas a ni ngei angem tiin a tawngkam hman te ka ngaihtuah let hial.
.
Rilru mangang leh engtia tihtur nge tih hre chuang si lovin step-ah chuan ka thu ta ringawt a. Min rawn be miah lo anih chuan engtin nge a that leh that loh ka hriat theih tak ang? Hetiang thil itih hi angai lo asin! Pangngai takin kan pahnih hian kan nung thei reng a, thiltih loh tur itih vanga kan dinhmun hi ngaihtuah ni la.. A ni thei lo.. Tuna ka biak kha Tomas, ka neihchhun kha a ni thei lo..!
.
Ka khupah ka chal nghatin ka thu char char a, ka ngaihtuah chian poh leh ka biak kha Tomas ngei anih zia ka chiang tho si.
.
Ka phone nghawr leh dat chu rang zet hian ka en a. Tomas message a ni.
*AC, KA TIH PALH!* tih zawng hi!
.
Eng chena rei nge step-ah chuan ka thut ka hre lo.
"Min lo la nghak reng elaw?"
Luca tawng ka hriat chuan ka hawichhuak a, Drago tia a koh kha hmuhtur a awm tawh lo. Min pawt tho turin a kut min rawn pe a, a kut chu hmu lo derin ka tho  a. Amah ka en leh chuan a lu a thing ringawt.
.
"Nichin khan thil sawitur i neih thu kha i sawi a?" amah ngaichang tak anga lang si lovin ka kal a, min rawn zui tih ka hre thei tho.
.
"Thil pawimawh ni hran lo ve. Zanin hian chhuahpui che ka duh a."
Ka ding dat a, ka tawng hmain a rawn tawng leh a.
"I chau viau anih chuan chhuah loh pawh a pawi chuang lo a nia." bang ngheng a dingin min en a, a mitmeng a ka hmuh tawh ngai loh min ngaihsakna ni awm tak ka hmuh chuan ka ner lui sak a. Ka dawnsawn dan chu hrethiamin a ni pawh a nui suk bawk.
.
"Tunah kher? Engvanga ka laka that chhuah ta thut nge i nih a.?" ka ti tawng mai. Mak ka ti em a ni! Ahma zawng zawnga ka tan a hreawm thei  ang ber tura awm si, tuna min ngaihsak anga lang lehsi hi ka hrethiam tehnuai lo.
.
"I ngaih dana thil i ngaihtuah zawm vak vak thin vang anih ka ring!" a nui lo a, a hmel atang chuan engmah a hriat leh theih tawh loh.
.
"Zak ve deuh teh!" ti nghatin ka kal leh a, min rawn zui leh tih ka hriat chuan ka ding leh. "Min lo zui zel i tum em lovang chu!" ka tih chuan makti hmel a pu zawk! A insiam tha leh vat a.
.
"Tum lo e. Ka pindan ah ka lut dawn anih hi." ka dinglam chiah pindan kawngkhar chu a kawk zauh a. Keimah zawk hi a pindan ah ka lut hman teuh hle mai. Chhang lovin ka kal pel a, pindan ruak nizana ka riahna ah khan ka lut a. Pindan ka luh rualin sofa ah thu a, ka lu a vir muai muai maiin ka hria.
.
Ka laka that a chhuah viau chuan kei hi ka nem thuai ang tih ka hlau a ni.. No_No_No! Ni love! Engvang tehlul in nge ka nem ang? Tisa thil takin min hip em em reng mah se, hmanrua ka ni. Tunah phei chuan Tomas nen kan inkar a tha tawh meuh lo lehnghal. Hetiang thil ninawm zet thleng reng vanga Tomas nen kan inkar a chhe lehzel anih phei chuan ka tan channa hlir a ni.. Channa hlir! Luca Giovanni hi ka hmangaih a ni' tih thu hi ngaihtuah nawn pawh ngai lo a ka thinlunga chiang reng ni mah se, ka thup thei ngei ang. Thawnthu thenkhat a a changtunu ten a changtupa mipa, mi hipna ngah takte an hnar thei lo a an inpe zel ang hi ka ni dawn lo! Thawnthu chu thawnthu a nia, tuna ka thiltawn mek erawh thawnthu mai a ni lo. Atakin ka hmu a, a takin ka tawng mek a ni! Chu pawh ni se, eng ang pawhin Luca mi hip theihna hi nasa mah se, kei chuan ka nihna ka theihnghilh lovang! Tunah chuan amah ka hmangaihna ni lovin ka hlat atul zia hlir ka ngaihtuah tawh bawk ang. Thil awlsam tak a ni dawn lo a. Chu chu chiang takin ka hria.. Mi kan hmangaih chuan kan duh emaw duh lo emaw kan thinlungah hian an awm reng thin.!
.
"Eng_vang_in nge nang hi ka _hma_ngaih kher che a ngaih!" awm ze nei lo zet hian sofa ka chum dat dat a, ka chetzia chu midangin min hmu ta se mi a emaw min tih ngei ka ring.
.
Ka thutna atangin ka tho a, bathroom-ah lutin ka inbual ta ringawt. Ka intih fel hma leh ka hahchawl hma thei a ni mai.
.
Ka inthlak fel hnu chuan inhnuai ah ka chhuk a, choka ah lutin eitur ka la a, ka pindan ka pan lehnghal hmiah. Luca hmuh tura awm pawh ka duh lo. Ka duhang ngeiin a thawm ka hre tawh lo a.. Ka duh ang ngeiin ka ti naa, ka inhriat loh karin a thawm ka ngaithla pah tho mai. Ka eitur lak ka ei zawh chuan ka ha nawt in sofa-ah chuan rem lo zet hian ka mu a. Mak takin ka muhil nghal deuh mai bawk.
.
Ka muhil ka harh a, sana ka en rual deuh thawin ka tho nghal. Engtin nge tun chen chen harh miah lo a ka mut theih zawk le!
.
Ka insiam zung zung a, in ka chhuahsan chuan dar 10 a pel tawh. Ka kal hmain Carina ka hmu hman hram a, Luca a chhuah tawh thu ka zawh ngai lovin min lo hrilh leh bawk. Tlai lamah ka haw hma deuh tur thu ka hrilh chuan a lawm hmel khawp mai. Ni rei vaklo liam ta khan kan chenna bul lawkah Luca hian in a leisak tih ka hria a, ka mimal buaina leh eng emaw neuh neuh vangin ka ngaihsak ta vak lo a ni. Min thlahlel hmel taka inchhung atanga ka chhuak tur min vai zui tawk tawk khan inthiam lohna min neihtir ta tlat bawk. Amah chauhin a cheng tawh a, a khua a har ve ngawt ang.
.
"Mrs.Giovanni, i pasal khan gate pawna chhuahtir lo tur che in thu min pe a."
.
Marcelli chu ka en a, a ni chu a ding khawng lah thung. Cafe ka thawh atang khan Marcelli hi min hruai angaih tawh loh thu ka hrilh a, tunah chuan ka chhuak tur min veng turin Luca hian a lo ruai leh anih hmel hi.
.
"Marcelli, Luca chuan a hresual a nih dawn chu. Zingah pawh khan ka chhuak dawn tih ka hrilh thlap alawm." ka nui lui ngial a. Ka rilru chuan Luca hrawk a reh nawk nawk ka chak zawk. Ka chhuak tur min danglui tur hian thuneihna a nei lo.
.
"Oh! Ka_anih chuan Sir chu phone-in ka'n zawt nawn phawt  ange." a ipte a zen a, phone a phawrh hmain ka lo dawm vat a.
.
"Angai lo.. Keiman ka be  mai ang. Tichuan a tha em?" ka la nui sang a. Ka bag atanga ka phone phawrhin a hmaah ka lek a, min hnial lui  ngam ta lo. Vawiin ah pawh hetiang anih chuan naktukah phei chuan a harsa zual tawh ngawt ang. Ka hnathawk tur min dang tawh lo turin Luca ka hrilh ngei angai a nih hi.. Gate atanga ka chhuah veleh ka  phone chu ka ak lehnghal hmak. Luca biak nachhan tur ka nei lo. Marcelli laka mawi lo taka che duh tur khawpin a thinrim phah chuang lovang.
.
Cafe ka thlen chuan locker-ah ka inthlak a, ka buai ta char char mai. Lunch ei hun a nih thlengin ka awl ta miah lo.
.
Ms. Labraska kha a lo kal leh ngei ka ring a, ka melh ru deuh reng bawk a, mah se, vawiin chu a lo kal dawn lo a ni ngei ang. Nizan khan ka be leh ta miah lo a nih kha..!
.
"Awii.. Hetiang mi hian eng thil nge rawn tih dawn?" Hailey chu ang phamin kawngka lam a hawi a, a bula hmeichhe pahnih pawh chuti bawk!
.
Hailey te hawina lam ka en a, ka awmna lam pana Luca chak zeta lo kal ka hmuh rual chuan ka maimitchhing ringawt. Ka bul a 
rawn thleng a, ka hmaah dingin tawng miah lovin hlauhawm zet hian min en chhuk run a. Ka banah min vuan nghal bawk.
.
"Eng thil nge i rawn tih dawn?" ka tawng ring duh lo. Kan vela mite chuan min en vek tih ka hria a, inhnial buai emaw inpawh 
buai emaw ka duh hek lo. Helai hmuna mite hian Luca Giovanni hi ka pasal a ni tih hre lo se ka duh a, ka mimal nun an bulah 
hian ka sawi ngai lo hrim hrim bawk.
.
"Engvanga lo kal nge ka nih i hrechiang khawp mai." ka beng bulah rawn kun hniamin sehchilh rap rapin a tawng a. Cafe-a ka 
thawh vang hian a thinrim viau  nachhan tur pawh ka hre hek lo. A bula kal turin min duh tih a mitmeng thip khap atang chuan 
ka hrethiam a, a thu ka zawm dawn nge dawn lo?
.
"Sawi duh i neih chuan hetah hian sawi mai rawh. Ka zui nachhan tur che ka hre lo." a tawng ang chiaha khauhin ka tawng ve 
bawk a. A mitmeng danglam hauh lovin a nui suk. A lang hlauhawm viau mai.
.
"Min hnial luih chuan tihhreh ka nei dawn lo a nia." chhan tumin ka ang ziau a, rang zet hian min pawm kang nawlh a! Ka tumlawk hauh lohin ka te thawt! Min ngaichang hauh lo hian a pen pawk pawk a, a pen zawngin a hnungzangah ka hmai a insawh lawp lawp bawk a. Ka thinrim zia leh ka zah zia chu sawi ngaihna a awm lo. Hetianga a chet hi ka ring lo reng reng. Lem lutuk!! Ka nun hi movie emaw thawnthu emaw a ti anih hi!! Hetiang thil hi a tak takah a thlen pawh ka ring hrep lo. Ka theihchin ka en a, nui thaw chunga min en tute chu an hmel a letlingin ka hmu vek. Thinrim lutuk a rum n ghat chungin ka hmai a insawh tawh loh  nan ka kutin a kawngah rem lo zet hian ka invuan ta ringawt! He mihring hian eng thil nge maw a hriat phiangsen ni.
.
Pawn a thlen chuan min nghat nawk a. Min nghah rual rualin amah kalsan tumin ka tlan nghal. Ka tlan thui hman lo chiang teh e! Ka chetdan chu a puitling lo tih ka hria a, mah se, kei aia chet dan mawi lo zawk hi inhnehtir ka tum lo. Ka kawngah min rawn kuah a, hneh zet hian a car dahna lamah  min keng a! Nia, a thua sawi dawn chuan min pawm lo va, min chawikang pawh a ni tawh lo. Ka ke leisi si lovin a ban pakhat chauhin min keng kang a ni ber. Talchhuah tumin ka ke ka leng a, a banah ka theihtawp a nain ka ham bawk a, a rum nghut a.
.
"Duhtawk rawh!" a thinrim ve tho tih ka hria. Car chhungah min dahlut lawp bawk. Thinrim ve nachhan tur a nei lo. Mi zinga zak taka min siam tur khan eng thil nge hriat hrep ni.
.
"Nang hi!! Nang hian eng thil nge i hriat?" thinrim zetin ka bula alo thulut chu ka en a, ka tha a khur dar dar mai. A hmaia ham lo turin ka kut ka hum ruh tang tang bawk. "Bungrua ka ni em ni? Duh duh naa ken kual tur bungrua a ni lo..!"
.
"Ngawi rih rawh!" awki hniam leh hlauhawm zeta tawngin min hawisan hmak a. "Khawnge min hruai dawn? Luca..??"
.
"In ah!"
.
Sawi leh mai tur pawh ka hre tawh lo. Thinrim zetin ka hawisan ve hmak a. Thinrimin sual let pawh ni ila a duh chu a ti tho ang.
.
In kan thleng a, rang zet hian car atangin ka chhuk a, car kawngkhar ka theihtawpa nain ka khar thuai bawk. A car tal hian a tuar mai aniang chu!! Phun hluk chungin a rawn chhuak ve nghal a, rei lovah ka bulah arawn kal leh der tawh. Hneh zet hian ka darah min kuah a, ka thinrim zia leh ka lungawi loh zia hria se min khawih hauh lovang.
.
"Min.Khawih.Suh..!” ka dar ka tiche nawk a, a nui nia!!
.
.
"Eng thil nge i nuih a?" min chhang lovin a dar a tiche zauh a, min kuahna pawh a thlah chuang lo.
.
Inchhung kan lut a, kawngka khar rualin ka banrek ah min la vuan hram. Alam hawi turin min kuai her a, hmel thutak zet hian min en bawk a. Thinrim hmel a pu tawh lo. Kei hi ka thin a la rim em em thung anih hi. Ka hmai a sen vek ka ring hial. Cartoon chu ni ila, ka beng atangin a khu chhuak hluah hluah hial ang chu! Thinrim laia cartoon ngaihtuah pawh chu a hun lo ber mai em!!
.
"Engvangin nge Cafe-ah khan i lo kal?" dak vahin a hmel ka en a, a hmel landan thutak ruih chu a danglam eih lo. Ka thinrim tih a hmu reng chung pawh hian a danglam phah miah lo a nih hi.
.
"Marcelli hnenah khan chhuahtir lo tur chein ka chah a, dawt i lo hrilh a ni maw?" a tidam thluam a! He mihring nungchang mak zet hi ka awih thei thlawt lo. A awmdan dam thlup vang hian ka thinrimna a nep phah chuang lo bawk. Tunah tak hi chuan thinrima inhau buan buan ka duh maiin ka hria! Tu lakah mah hetiang tak hian ka la thinrim ngai hek lo. Ni e, hmeichhia, inthunun thei tak ka ni thin.. Luca ka tawn hma hi chuan___! Tunah chuan inthunun thei tak ka nih thinna kha ka pasal vang hian ka hloh ta anih hi.
.
"Tunge inih? Ka duh ka tih emaw ka duhzawng hna ka thawk tur min dang tur hian tunge i nih?" ka theihtawpa damin tawng ka tum hram hram a, ka hlawhtling pawhin ka inhre lo.
.
"I lang nalh hle mai!"
A tawng chu ka hresual ani ngei ang.!
.
"Nang_"
.
"I pasal ka ni! Allison, luhlul takin awm suh."
.
"WOW.. Takzet che hian! Engtik laiin nge.? Nang hi.. Ka chunga rorel turin maw? Theihnghilh rawh.." sawi tur ber pawh ka hre lo. Beidawng zet hian ka en a.
"I pasal ka nih zia nemnghet tur hian min nawrlui suh!" hnai zetah min en a, ka hmaiah min thawkkhum lum ham ham a. A landan mipa zet chu.. Huh..hei kher chu tunah ka ngaihtuah lovang!
.
"Luca.." thawk ka la hak a. Eng thu nge ka sawi dawn ngaichang in min la enhnai sauh sauh lehnghal a.
.
"Hm..sawi rawh.." a lo tisup bawk.
.
"Khawl ka ni lo a, ngaihtuahna ka nei a, nuam tih zawng ka nei bawk..."
.
"Chuvang tak chuan in a awm turin ka duh reng che a ni. Cafe-a thawk tur khan ka duh lo che. Miten engtin nge an sawi ang? Luca Giovanni Billionaire nupui kha Cafe-ah a thawk tiin an sawi dawn asin!"
.
"Ka awih thei lo.. I lanmawi duh  vang leh midang ten an nuihzat tur che i duh loh vangin maw Cafe-a ka thawh i phal loh.. I lo ropui hle mai!!"
.
"Sum i duh chuan ka nei teuh a.. I hman sen loh.. Cafe-a hah taka i thawh kher angai hleinem." thutak zet hian min la en reng a, a rilru tak tak a sawi anih loh chuan a inthup hneh hle a ni tal ang.
.
Ka nui hak a, ka lu ka thing nawk nawk bawk.
.
"I tihtheih hlawl loh a nih hi. I sum vang hian vawikhat pawh ka thinlung takin ka nui tawh em? NO! Ka bulah i awm a, min ngaihsak zia i tihlan leh min hmangaih taka i awm chauh hian ka thinlung a hlim thin. Ka thinlung takin ka nui thei bawk.. Ka hmangaih avang che hian i bulah hlim takin ka nui fo a, ka thlahlel em em bawk che a, chu chu i sum vang niin i hria em?" a hmel landan danglam leh a mitmeng danglam ka hmuh chuan eng thu nge ka sawi ka hrechuak chiah! Phiangsen takzet rapthlak hian!!!!!!! Karei leh!! Ni lo.. Eng thil nge ka hriat a????? Takzet hian!!  Engtin nge khatiang thu kha ka sawi theih zawk a.. Allison!! Mi tlaw ber leh thluak nei miah lo chu nangmah hi i lo nih hi!! Engvangin nge khang thu kha ka sawichhuah!!!
.
"Theihnghilh rawh." ti sapin min vawnna chu ka phelh a, chechang miah lovin a ding tawp! Ka hmui hnuailam na theihtawp a pet chungin ka kalsan a, ka tawngsual vanga pawiti in thawk ka la hawk hawk bawk.. Engtin nge... Ka ngaihtuah zawm lovang..
.
Ka pindan ah lutin thinrim leh zak bawksi hian sofa-ah ka let thla hnawk a.. Ka tah a chhuak zawk.. Khatiang thu kha engvang maha sawichhuak tur ka ni lo.! Ka hmangaih thu la hrilh ngai miah lo chu ka ni lo a, mah se... A farnu vanga min nei anihna leh a hmanrua chauh ka ni tih ka hriat hnu khan nasa takin ka danglam a. Ka hmangaih thu hi ka sawirik leh tawh ngai loh tur thu ka tiam ru fo a ni. Ka thlakhlelh zia ka tilang ngai tawh lo bawk.. Natna tam tak min siamtu hi hmangaih reng ka duh hek lo.. Awmzia a awm lo!!
.
.
Ka pindan kawngka inkik dat dat ka hriat chuan ka thuchhuak zawk a, Luca hmel hmuh hlauin ka tha a khur titih bawk.. Tunah kher! Tunah kher engvangin nge ka zam em em..? Sawi loh tur tawp i sawi vang anih kha!
.
"Allison, kawngka hi hawng teh?"
.
Ka hawng lovang tiin ka phun sap a. Tunah chuan inhmachhawn ka duh lo.
.
Door bell ri ral ral ka hriat chuan ka thaw huai. Tunge lo kal hre turin helai atang hian a kalsawn ngei angai ang chu. Door bell chu chawl lovin a la ri ta reng a, kawngka bulah kalin Luca la awm leh awm loh ka hriat theih nan bangah ka beng ti siin thawm ka ngaithla a, ka hmui ka pet fan fan bawk.. "Kalsawn rawh, kalsawn rawh" ka ti rilru mawlh mawlh bawk a.
.
Luca phun hluk ri ka hriat chuan a kalsawn ta tih ka hrethiam.
Tunang hunah chawl miah lo a door bell hmet char char duh tur khawp mihring chu tu tak ni maw? Dim zetin ka pindan kawngka ka hawng a, ka chhuak de de a. Inhnuai panthlakna tur step intanna bul ka thlen chuan Luca leh hmeichhe pakhat inkuah ka hmu a, hmeichhia chu a hmel ka la hmu thei lo.
.
Muangchangin step-ah chuan ka chhuk a, Luca chuan hmeichhia a kuahna chu phelhin a biang tawn tawnah a vuan a, a tawng ka hriat chuan ka ding nghal chawt.
.
"Adelina!"
.
"Si, fratello.. sono io, Adelina. Tua sorella." (Aw, unaupa..keimah,Adelina. I unaunu.) a insut hlap hlap a, an inkuah leh vang vang a. An inhmangaih em em ang tih an awmdan lo hmutu tan pawh a chiang lutuk.
.
Ka ngaihtuahna a harh thut!! Adelina helai hmun arawn thlen tawh chuan khawiah nge Tomas a awm ang?? Ka hmui ka hup chawt a, mak takin Adelina ka hmuh vang chuan ka hlim miah lo. Khawih ah nge ka unaupa a awm ve???
.
"Luca??" ka aw an hriat rualin min rawn en rual thawt a. Adelina hmelah chuan tunge ka nih tih hriat duhna a lang chiang khawp mai. Luca chu a en zak zak a, thil awmzia hre chiah lo hmelpu hian min rawn en leh a.
.
"Fratello??" Luca chuan a farnu chu en zawkin min rawn en leh a.
.
"Luca, khawiah nge ka unaupa a awm?" ka ti fiah kalh a. Hlauhthawnna vangin ka tiril a khur der der.!
 TMH!!
CHAPTER – 19
TAKE MY HEART!
By. Thantei_Pautu a.k.a Laura_Sean_Virgo
.
ALLISON'S P.O.V*
.
"He hmeichhia hi tunge anih?" Tim dai hian Luca chu a en a. "Tomas unaunu a ni em? Fratello?" min hlau niawm tak hian Luca hnungah a insawn a.
.
"I tan hlauh tur a awm tawh lo." Adelina lam hawiin nghet zet hian a kuah a, ka zawhna kha min chhan an tum lo niin ka hria. Tunah chuan a duhber a unaunu a bulah a awm tawh a, kei hian tangkaina ka nei ve tawh lo. Chuvanga ka zawhna pawh engahmah ngai lo a nih ngei dawn hi!
.
"Luca, khawiah nge Tomas?"
.
"Ka hre lo! Thil eng emaw ka'n ti ange." ati nghet charh a. Thildang ngaihtuah hmel a pu hauh lo thung. He mihring hian ka unaupa chu a ngaihtuah ve hauh lovang. A thiltih sual vanga tuartir a tum char char lai hian engvangin nge a  ngaihtuah tehlul ang ni? Tomas chauh pawh duhtawk lovin kei pawh hian ka tuar nasa asin. Mite chu hmangaihna vang chauha tihnat annih pawhin beidawngin mahni nunna hial an la thin a. Keichu ka ni ve lo. Ka hmangaihna hnawl a nih a, min hman tangkai a duh vang chauha min nei a ni tih ka hriat hnuah pawh ka rilru natna leh ka tuarna zawng zawngte dahtha in ka unaupa tan ka tuar tang tang a ni lawm ni? Tunah hian eng thil nge lo herchhuak ta hi??
Luca hian ka unaupa awmna a hre lo maw?? Ka awih lo.. Ka ring hlawl lo! Ka panhnai a, engtiang chiaha han awm tur nge ka hrethiam rih lo. Nasa takin ka sual dawn em ni ang? Nge? Thingthiin Tomas lo hruai kir ve turin ka ngen ang? Ka bula thil awm ka hmuhfuh apiang hian ka vawm pawp pawp mai dawn em ni? Amah chauh ni lo, Adelina pawh hi_a samah pawtin chhuat ah hian ka hnuk kual thei bawk ang chu! Ka thinlung tawt lutuk a thawl deuh theih nan ka rak vak vak thei bawk ang.. Tuna ka thil ngaihtuah ang hian awm ila thiltha a thleng angem??
.
"Ka rin beisei suh. Adelina.. Nang hian i hria ang chu? Khawiah nge ka unaupa chu a awm?" nghet lutuk in ka kut ka hum ruh a, ka ngaihtuahna leh chet rum rum ka duhna hi ka hneh a ngai a ni. Thil tha zawk a thlen phah dawn chuan loh vangin mawlmang tak leh awmze nei lovin ka khawsa thei lo.
.
"Ka_Ih_ In ah khan mi pathum an lo lut a, ka_ka hre bik lo_eng thil chiah nge thleng kha! Ka ti tak tak_ Fratello_ Ka hlauthawng lutuk a, ka che buai vek a ni. Silai an keng bawk a.. In atanga ka tlanchhuah hnu khan silai puak ri ka hria a.. Abak engmah ka hre tawh lo. A hnuah mi pathum chu in atangin an lo kal chhuak a, thi_thisen an_kai vek.. Ka hlau lutuk.. Min hmuh theih loh nan hnim zingah ka tawm a.. Tomas chu ka hmu leh tawh lo.." a insut hlawp hlawp a, a khur tih ka hmu thei.
.
Keipawh ka khur dawt dawt mai. "A ni thei lo! Engtin nge helai hmun hi irawn thlen theih?" ka phun sep sep a, ka vawt sung sung bawk. Tomas.. Ka naute.. Ka unaupa neihchhun hi dawmtu awm miah lovin khawvel hi a chhuahsan ngawt thei lo. Ka hmangaih em asin.. "Engtin nge helai hmun hi i lo thlen theih? Tomas chu eng dinhmunah nge a awm tih hre zui miah lovin engtin nge i kalsan theih zawk?" ka tawng ring thei ta deuh. "Nang hian Tomas that turin mi i ruai tiraw?" Luca chu mangang zetin ka en a, tunah tak hian tihnat duh pawh ni ila tha ka nei miah lo. Ka zawi vek. Hetiang em hi chu ka beisei lo asin..
.
"Eng thil mah ka ti lo." chiang zet hian Luca chuan min en a, tunah ka dinhmun a chhe em em chung pawh hian min la rawn hnaih eih lo. A hmel landan erawh a danglam ve deuhin ka hria.
.
"I nunrawng hle mai.. Engvangin nge keipawh hi min thah ve nghal mai loh ang? Tunah hian.. Tunah.." ka tawng chhuak em tih pawh ka hre tawh lo. Thawklehkhat ah a reh duk a, ka mit deuh sulh bawk.
.
.
LUCA GIOVANNI’S P.O.V*
.
Allison zawi hnawk chu ka pan vat a, chhuata a tluk hmain ka pawm hman hram a ni. A taksa ka deuh chuan a vawt vek! A phun sep sep a, eng thu nge a sawi a hriat theih loh. A dang (pale) em em bawk. A tha lo tawp mai!
.
Ka pawmkang a, hmanhmawh zetin pindan ah ka tlan chhohpui a. Adelina pawh tihtur hrilh chawp ngai lovin a lo che ve sawk sawk bawk a.
.
“Engtin nge kan tih dawn? A thi dawn em?” Adelina chuan hlauthawng zetin min en a, a tawngkam chuan min chhun zawk! Allison hi a thi ang maw? Ni lo.. Teuh lo mai.. Hmeichhe huaisen leh chak tak a ni a, a thi dawn lo hulhual. Ka lak atanga hla takah a awm thei lo hrim hrim!!!
.
“Thi dawn lo.” Ka ti hmuk a, hamhaih zet hian Adelina chuan min en ha a.
.
“Engkim thil thlen dan chiang taka min hrilh angai. Engtin nge helai hmun hi I lo thlen theih? Nangmah hruai tura ka tirhte kha nichin mai khan in awmna in panin an chhuak chauh a, engtin nge Tomas lak atangin I tlanchhuah theih?”
.
“Nakin ah engkim ka hrilh vek ang che. Tunah chuan he hmeichhia hi buaipui phawt ang___ Miss.. I tha em? I tha em? Ka tawng I hre thei em?” buai phili zet hian Allison chalah a dek a. Tunang hunah ka farnu lak atang hian eng thil nge maw ka beisei ni? Allison a rawn harh hma chuan a chebuai reng dawn tih ka hrechiang hle sia. Thil pangngai lo deuh a thlen apiangin awmze nei lovin a talbuai ziah alawm le.. Hmeichho ningnel lutuk a ni tih ka lo theihnghilh a ni.
.
“Inhnuai ah tuilum zu la rawh.” Allison mutna bulah ka thu a, ka thusawi a hriat rualin pindan tangin a chhuak vat a. Reiloteah tuilum kengin arawn let leh a, Allison chalah a dep hlek hlek a.
.
“Tomas nen an inang hle mai. Fratello, he hmeichhia hi tinge I in ah hian a awm ve ngawt a?” a ti sin rat a. “Engtik ah nge a harh dawn? A va harh lo rei tawh ve..? Doctor I ko dawn lo mi..?”
.
A thuhriat khan a thawng em a chuvanga hetianga awm hi ani tih ka hria a, mangang taka buaina tur a ni lem lo. That lohna dang a nei lo a, minute 10 hnu velah chuan a rawn harh mai ang. A hmel dang bel chu ka en a, ka awmchhung a rawn inhnawh deuh ut ut a. Doctor ka koh ngei angai anih hi..! A kutah ka vuan a, a kut pawh chu a vawt thler mai. Ka hum vang vang a.. Adelina chuan mak tih hmel zetin min en ha a, a thiltih lai a chawl bawk.
.
“Fratello, he hmeichhia hi..”
“Allison.. A hming chu Allison.. Ka nupui anih hi!” amak hle mai! A vawikhat nan ka thinlung takin Allison hi ka nupui a ni tih ka sawi anih chu!
A puanthem kan lai thlauhin a ang pham a, mak a ti takzet tih a lang reng mai.
.
“Nang.. He hmeichhia hi I nupui maw?? Tomas unaunu hi I  nupui maw?”
.
“Tawng reng lo khan I tihtur hi tirawh! Matteo ka’n bia ange.”
.
“O_Okay.. Amak hle mai.. Engtin nge hetiang hmeichhia hian a neih duh che a.. I nungchang nelawm loh zia leh I bula chen hreawm zia ka ngaihtuah hian.. I vannei hle mai.. Bakah_” Adelina chu rum zetin ka melh a, a ngawi chat a. Thudang asawi leh hmain Matteo be turin ka kalsawn hlek a.
.
Pindana ka let leh chuan Adelina chuan phun sep sep chungin Allison chu a en kiau a, ka nupui a ni tih ka hrilh kha a la awih lo a ni ngei ang. “Engtin nge Fratello hian I thinlung a hneh theih zawk le? Tomas ang mai a…” min hmuh chuan a ngawi chat a. “A rawn harh tep tawh I ring ve em?” a tihzawm nghal zat a.
.
“Matteo a lo thleng har lovang.” khumah ka thu a, ka chetzia chu Adelina chuan min en dauh dauh a.
.
“Ahh.. Luhai in a tlu a, naute a pai vang a ni maithei.”
.
Eng thil phiangsen nge maw a sawi hi le!! Allison hian naute a pai a ni thei angem? Ni lo..ni lo..ni lo.. Naupai theihna chance a awm lo! Ka hre lo..
.
“Ngawi mai mai rawh.” Ka tih chuan thil awmze hria intih hmel zet hian a nui tat tat a. A nui hmel chu enin ka nui ve suk! Hun engemaw chen hnuah ka farnu nui hmel ka hmu leh thei ta chu a nia.. Thilmak erawh a thleng ngei a ni!
.
Allison harh hun nghakin kan awm ta ran a, ka thu hle hle thei lo. Ka vei sek a. Drago ka biak angai a, Adelina tunah ka in ah a awm tawh a. Min lo chet khalh tute hi tute nge annih kan hriat a tul takzet. Allison hian ka tih vekah angai ngei tih nichin maia min endan atang pawh khan a chiang a. Min huatna leh min rin lohnaa khat mitmeng a min en kha ka duh lo! He thilah hian tu phiangsen nge lo inrawlh ve?
.
Lawm hle zawk tur ka ni em? Ka thiltum ka ti hlawhtling ta a nimai lawm ni? Allison pawh a na tawk viau a, a unaupa vangin tunah pawh nikhawhrelo in a awm ta hial a nih hi. Ka tihnat tum ber pakhat Tomas lah tunah hian eng dinhmunah nge a awm hriat a ni hek lo.
.
"I nunrawng hle mai.. Engvangin nge keipawh hi min thah ve nghal mai loh ang? Tunah hian.. Tunah.." Allison tawngkam leh a hmela beidawnna lang kha. Atirte atang khan khatiang hmelpu khan ka la hmu ngai lo a, hawisang vah leh min cho takin a awm reng thin anih kha. A unaupa dinhmun a hriatchian meuh chuan a ni pawh a tlawm ta anih hmel hi..! A tlawm ta! Thleng tura ka lo ngaihtuah lawk bak thil a thleng a, lawm a thawveng huai tur ka ni..! Keihi ka lo nunrawng reng em ni? Ka bengah a ri nawn tluk tluk a. Ka ruahmanna a hlawhtlinin ka thawl huai thin! Tunah erawh a letling chiah.. Ka thawl huai lo a, ka lawm hek lo. Hreawm ka ti pawh a ni chuang lo! Mah se, thil dik tawk lo a awm chiang a ni.
.
“Fratello.. A harh_a harh a nia..” Adelina tawng ka hriat rualin khum ka panhnai vat a. Chiang lo riaia Allison meng ka hmuh chuan a bulah ka thu vat a. Muangchangin a hawisawn hmak thung. Min haw tur hian dikna a nei alawm! Eng thil phiangsen__ a eng emaw zawnga ka ngaihtuah kher a tul hrep lo e! Mah se, ka duh emaw duh lo emaw ka thinlung chhungril tak atang hian ka lainat tlat nia..
.
A saisir zawngin a mu a, a che zawm eih lo. A hmel en tumin ka kun deuh a, a maimitchhing tlat nain a mittui a tla tih ka hmu a, ka thawk a sak talh.. Hei pawh a vawikhatna a ni! Eng anga chimawm pawhin awm khum mah ila, ka hmuh laiin a mittui vawikhatte pawh a tla ngai lo a. Engtiang khawp a chak nge a nih ang tih ka ngaihtuah fo thin a nih kha.. Nuam ka ti ta lo takzet.. Tihnat ka tum nia ka inhriat lai hian a na tak tak lai hmuh erawh ka lo duh hauh lo mai. Ka hrawk a ro hulh a, tawngchhuah a harsa talh mai.
.
“Allison..” a darah ka khawih a, ka aw hrep chu!!
.
“Min_min_chhuahsan ru..” inthunun thei lovin a insut hlawp a, a taksa a khur nghal dar dar bawk.
.
“I tha em?”
.
“No! Keimah chauh a awm ka duh..” a hmai lukhamah a phum a, chhuahsan mai ila a that zawk rih ka ring. Adelina chuan tim dai hian min rawn en zak zak a, chhuak tura ka signal zauh hnu chuan ngawirengin a chhuak a. Keichu engtin nge ka awm dawn tih hre lovin ka la thu a. Ka hriattheih chinah tunang reng reng a hamhaih hian ka la awm ngai lo. Thutlukna tlang takin ka siam ziah a, ka duh tak leh tum taka ka beih reng reng ah ka hlawhtling ziah bawk. Tunah pawh chuatiang tho chu ani leh a, tuna thilthleng erawh hi chu ka ruahman piahlam leh thleng tura ka rin hauh loh thil a ni. Engpawh thleng se, Adelina lo kir veleh Allison hi ka then anga, ka in atangin a chhuak bawk ang ka ti kha ania. Tunah hian ka nupui hian min chhuahsan duh pawh ni se, ka kaltir lo ang! A damchhunga hren beh erawh ka tum hauh lo.. Ka tum miah lo tak tak.. A nunphung a pangngai leh hunah ka chhuahtir mai ang. Ka chhuahtir kher ngai lovin ama duhthlanna in min chhuahsan thei bawk.
.
“Cherr_Allison..?”
.
“Min ngaihven anga lan kha a tul lovang.” A ti halh a. Lukham ah a hmai a la phum tlat vangin a thusawi dang chu ka hrechiang thei lo.
.
“Tomas chu engtin nge a awm kan hre thuai ang..”
Harhchhuak zawk ang mai hian rawn inlet thawk a, chiang zetin min en a. A mit a sen ram mai. A ngaihtuahna a buai hle ang tih ka ring bawk. Eng eawm hmuh inbeiseiin a mit a khap fak fak a..
“Mahse, eng tin nge?” tap lo turin a hmui a pet fan fan a.. “Luca.. ka hlau.. Ka_” min rawn kuah thlawp a, a awm dan chuan min tihamhaih takzet. Ngaihtuah buai duh lovin ka kuah let a.. “Ka hloh thei lo.. Ka_hmangaih em _asin.. Amah hmu tawh lovin engtin nge ka dam theih ang? Tomas.. Lalpa..” ka nghawngah a hmai phumin a tap a, a mittui chuan ka nghawng a tilum pap pap mai. Duat takin a hnungah ka chul ta nge nge.. Ni e. Duat takin.. Thlah leh ka duh tawh hauh lovang le..!
.
“Oh.. Luca…”
“Shh..Hahdam rawh.” Lo tawng kher lo ila tha tur! Min kuahna chu phelhin ka awmah a kut a nghat a. Rawn hawichhuak in ka mitah min en kal a.
“Engtin nge ka hahdam theih ang? Nang_Nang hian Tomas leh keihi thi turin min duh hial a nih kha.. I lawm em? I lawm em? I.Lawm.Em?” a tawng ring lo a, awmze nei lo zet hian ka awmah min nam nghat nghat a.
Eng tin nge ka tih dawn!? Hetiang buaipui dan hi ka hre hauh hleinem!! A rilru a mumal lo a, a mitmeng a chiang lo riai bawk a ka hriat tak hial chu! Ngaihtuahna fim nei ni se, min kuah hauh lovang!!
.
A kut pahnih ah ka vuan a, a chalah ka fawp vang vang a.
.
“Min kalsan rawh.” A ti sep a.
.
“Nangmah I intina lovang tih min tiam phawt rawh.” Ka tih chuan za lo zet hian a nui sak.
.
“Engah nge I lo ngaih pawimawh ang? Min chhuahsan rawh. Nge? Ka thi lai I hmu chak zawk ang chu tiraw?” mitmeng kha zetin min melh a, ka thawhsan ta nge nge. Tunah chuan abulah engpawh sawi ila awmzia a awm rih dawn lo. Tomas awmna chin leh a dinhmun hre turin ka buaipui zung zung angai ang chu.
.
Rilru nuam chiah lovin ka chhuahsan a, pindan pawn ka thlen rualin ka phone ka phawrh a, Drago ka bia a. Thil awm dan tlangpui ka sawi chuan thawk a la halh mai.
.
“Kan hriat lohah engkim lo hre ve an awm anih chu. Ka ngaihtuah pha hauh lo mai.”
.
“A hmunah chuan kal ula Tomas in hmuh ngei angai. A rang thei ang berin chanchin min rawn hrilh ang che.”
“Yes, sir.”
.
Inhnuai a ka chhuk hnu rei vak lo ah Adelina’n min hawsan a, a hma thei ang berah ka nu tlawh turin ka intiam leh tak kha.
.
Ni thum zet a liam leh ta. Tomas awmna chin kan hre lo a, Drago leh a hote pawh Manhattan-ah an lo let leh tawh. Allison ka be tawng zo lo a, tihbuai fo ai chuan a duh dana awm turin ka thlah zalen a ni deuh ber mai. A dinhmun erawh a rukin ka thlithlai reng a, thil engmah a ei duh lo a, a tawng ngai hek lo. Pindan danga awm a duh thu a sawi lo bawk a. Zanah a mutthilh tawh  hnuah pindanah lutin khum khatah kan mu a, a muhil chiang viau tawh tih ka hriat hnuah chauh ka kuah thin! Nia, heichu keimah chauha ka thuruk a ni.! Zingah a harh hmain ka thawhsan a, nilengin amah enkawl turin Carina a awm chawt bawk a. Tlaiah in ka thlen veleh a ka thuhriat erawh angai bawk a ni leh thin. Engmah mumalin a ei lo a, Carina bulah pawh a tawng chuang lo a ni awm e. Engtiklai pawhin ka ngaihtuahna a luah a, amah puih theih dan tur erawh ka hre chuang hlei  lo a. Invenna chin ka nei tlat bawk. Ka buaipui ru viau tih ka tihlan chuan a lawm loh ka hlau a, min huatna belhchhah ka duh loh vang te pawh a ni bawk.. Engtiklaiin nge ka nu tih loh, midang min huatna leh midang min ngaihdan tur hi ka lo ngaihtuah tel tak ni!!
.
Dik taka sawi chuan keimah vanga hetiang dinhmuna awm hi a ni a, Adelina vanga ka thiltih hian eng chen zet nge min la nghawng dawn tih ngaihtuah phak pawh a ni lo e. Ka nu chungchang bikah chuan a hlim em em niin ka hria. Adelina nen hun an hmangdun chawt a, thil thleng engmah hre ve hek lo le.. Anmahni tlawh turin min duh tih min rawn hrilh sek a, ka kham ta mah mah chu a ni. Allison a pangngai leh hma chuan khawiahmah ka chhuahpui lo tawp ang. A laka ka rilru puthmang pawh hi ka la hrethiam chuang lo! Ka khawngaih leh lainat vanga thlahlel ru riau ka ni lo tih ka hrechiang a, hmangaihna tih vel ka ngaihtuah duh lo thung. Nu leh pa leh unaute inhmangaihna hi chu a awm ngei a, mi hrang hlak, nula leh tlangval inhmangaihna erawh  hi chu.. Ka tan a ni ve lo!

.
Gate-ah ka tlan lut a, car atanga chhukin inchhung ka pan nghal a. Allison hmel ka hmu chak riau bawk. Vawiin chuan pangngai takin pindan atangin a lo chhuak tawh anga, a hlim hmel ka hmuh loh pawhin a thinrim hmel tal ka hmuh theih tawh ka ring. A harh anih chuan a mutthilhlai anga hahdam hmel a pu kher lo ang. Hlim taka a nui hmel hmuh ka chak a ni ber zawk. Ka rilru tak tak chuan ka beisei ngam chiah chuang lo.. Engtiklai atang khan nge hmeichhia ang maia rinthu mai mai ngaihtuah chiam chiam ka chin tak ni??
.
 Inchhung ka luh chuan a reh thap a, Carina hmuh tumin choka ka pan a. Allison eitur siam ka hmuh chuan ka thaw hawk.. Ka awm tih hria niawm tak hian arawn hawi a, “Hey..” a tidam thlap a. Min thawng viau mai. A thinrim lo a, hlim tak hmel pawh a pu chuang lo.
.
“Hey..” tiin ka panhnai a.
.
“I chau em?” a thil siamsa thlenga a dah chu kengin dawhkana a hun hmain a hnim vang vang a, a nui sak. “I chau em?” a kut a beng thak a. A hmel ka en ta chauh. Ka beisei loh lutuk thil ka hmuh vanga ka hamhaih deuh chu ring chiah lo niawm tak hian a nui hak a. WTF*** He hmeichhia hian eng thil nge a hriat? Dawithiam hmeichhia ang maiin min tibuai zo dawn alawm le..! Engvang a danglam ta thut nge anih?
.
A hmel chu ka en reng a, ka en reng chu mak tilet zawk niawm tak hian a la awm lehnghal a.
“I tha em?” dining chair-ah thuin a kiu dawhkan ah a nghat a, nui deuh sak chung hian min en reng a.
.
“Um..” ka tithei hram.. A mak hle mai! He hmeichhia hian ruahmanna mak tak a neih ngei ka ring.
.
“Thil thalo tak ruahmanna ka nei lo a nia.” A nui leh ta! Ka ngaihtuahna hi ka thup hneh viau asin.. He hmeichhe nalh tak hian a taksa nalhna bakah thluak a nei fe mai! Nah.. Chu chu ka hriatsa vek a ni.
.
“Eng thil nge I ruahman le? Min beihlet dan tur tha tak I ngaihtuah chhuak a ni phawt mai.” Amah hmachhawn satin dining chair-ah chuan ka thu a, ka thusawi chu mak ti awm tak hian a meng kual ralh a. Tunah chuan ka ngaihtuahna a fim tawh.
.
“Engmah.. I duh chuan zanriah kan ei thei a nia.” Pangngai takin a ti leh mai a. Ka ngaihtuahna a tibuai reuh tlat nia.. Ka rilru a fim tih ka sawi zo chauh nain, tuna a awm dan hi ka beisei lo em a, ka fimkhur viau angai ang.
.
“I ngaih a tha chiah lo tih ka hria a nia. Mah se, heihi ka hrilh ang che. Tomas chunga thil thleng chu a thleng tawh a, siamthat theih a awm tawh lo. A ni khan hlim taka awm turin min duh tih ka hria a, chuvang chuan pindana inkhung reng lovin ka inngaihtuah harh ta a ni.” Chawl hlekin a kut a khawih nauh nauh a. “Hlim taka ka awm chuan Tomas pawh a hlim ang.” Hmun hla tak ngaihtuah  niawm tak hian a dak vang vang a, a nui leh hak a. “A dik ang tiraw? Ka hlim chuan Tomas pawh a hlim ngei ngei ang. Chuvang chuan duhthlanna dik ka siam dawn a ni.”
.
Eng thu nge a sawizawm dawn ka hria! Ka pawm thei lovang!
.
“NO!” ka tih chuan min en ha a. I rinlawk ang thil kha I lakah ka phut dawn lo* tih melh hian min melh a.
.
“Ni e, I duh ang takin he inah hian ka cheng tawh lovang. Inthen vanga I thilneih ka chuh buai che I ring lo tih ka hria a nia. Engmah sawi buai ngai lovin inthenna lehkha kan tifel thei ang? A tha em? Ka zalen anga, nangpawh I duh ang takin I zalen bawk ang!”
.
Thutak zetin ka melh reng a, a thusawi chu ka pawm dawn tih a ring hmiah tih a lang. Ni lo ve! Kei hian he ina cheng tawh lo turin ka duh anih a inring a, thil tamtak thlen hma kha chu ni se a dik maithei! Tunah erawh a ni tawh lo. Allison hi ka in chhuahsan turin ka duh lo a, then tumna ka nei hek lo. Ka hmangaih lo a nih pawhin alaka ka thiltih tha lo tamtak te kha siamthat ka duh a, a lo tuar tawhte tidam vek thei lo  mah ila nuamsa takin ka siam ngei tur a ni ang chu.! Ka tlai tawh em tih erawh ka ngaihtuah duh lo!!!
.
“Ni lo e! Kan inthen lovang!”
“Luca..??”
“Khawngaihin!!” Khai leh!! Kei hian khawngaih ka dil a nih chu..! Mah se, ka ka atangin a chhuak tawh.. Ka sawi ta sa sa.. “I laka ka thiltih sual tamtak te kha siamthatna hun min pe rawh.”
.
“Chu chu a tul tawh hleinem. Luca, thil thleng tawh chu liam rawh se. Ka natna te.. Ni e, I bula ka awm hnu hian thil tamtak ka tawng ngei a, hlimna leh lungngaihna te pawh.. Tunah chuan kan zalen ve ve a hun tawh.” Min bum kual tuma thluak hmang kual a nih hmel hauh lo mai. A mitmenga a thutak zia chu ka hmu a, a duh ang ngeia inthen pawh tha ka ti e!
.
Mah se, ka in hi a chhuahsan anih chuan engtin nge ka hun ka hman tak ang?? Mipa dangin an hnaih ngei anga! Mipa tamtak in an pan ngei ang… Teuh lo..! Tumah reng rengin ka nupui hi an khawih hauh lovang..! Ka mithmuh ah phei chuan a thleng lo lehzual ang.!
.
“NO..! Ka kaltir thei lovang che! A thleng ngai lovang.!”
.
Ka chhan dan chu a beisei lo tawp tih a thup lo a, uluk takin a ngaihtuahna a hmang tih hriat tak hian min en bawk.
.
“I mumang mak berah pawh a thleng lovang. Ka then dawn lo che tih ka sawi a nih chu!” min chhan leh hmain ka tho vut a, choka atangin ka chhuak nghal a. Mipa dangin an khawih tur anga ka ngaihtuah ringawt pawhin ka sa pup pup thei  nia..!! Kei hian ka hma ka sial hle mai..!! Mahni hmasial maw?? Ni hauh lo  mai.. Kei hian mi ka tina thei anih chuan ka tuam dam leh thei  ngei ang tih ka fiah dawn tihna ani zawk e..!!
TMH!!
CHAPTER – 20
TAKE MY HEART!
By. Thantei_Pautu a.k.a Laura_Sean_Virgo
.
ALLISON'S P.O.V*
.
Ni tum liamta chhung khan Luca emaw midang reng reng pawh biak chakna ka nei lo a, keima siamchawp khawvelah ka cheng tawp a ni. Ka ngaihtuahnaa thil awmchhun chu Tomas chauh a ni bawk a. Engmah ka ei thei hek lo. Tomas pawh engmah ei lovin a awm maithei! Khawi laiah emaw taksa lumna nei tawh lo leh amah lainattu awm miah lohna hmunah a mu hlawm reng maithei bawk! Ka thil ngaihtuah chuan ka thaw a tichham a, ka awmna ngaiah ka awm thei thlawt lo. Khawvel hi kan chhuahsan dawn anih pawhin kan hmangaih takte kut vuan chunga kal kan duh theuh ka ring, chutiang chu Tomas chungah a thleng lo! A rapthlak thei ang berin khawvel hi a chhuahsan a ni.. Ka hmangaih thu pawh ka hrilh nawn leh hmain...
.
FLASHBACK*
"AC, mama hian min duh tawh loh vangin min kalsan tiraw?"
Ka nu min kal bosan atanga kar khatna chiah a ni a, Tomas kum 7 a tlin ni chiah a ni bawk. Ka hmaah dingin min en kal a, a zawhna chhanna chu kei hian ka pek ngei angai. Kum 12 a upa hmeichhe naupang pangngai ve mai hian engtin nge chhanna ka pek dawn ka hre lo a ni. Ka pa dinhmun ka en a, ka nu min kalsan vanga a tuar nat zia ka hmu a, engtiang taka thukin nge a thinlung hliam anih erawh kan unau hian kan hrethiam phak lo thung. Tomas chu enin a kutah ka vuan a, ka bulah thut tirin ka kuah vang vang a.
"AC??"
"Ka hre lo le. Mahse, ka pa kan bulah a awm a, kan pahnih hian kan tap tur a ni lo a nia. Ka pa hi hlim taka a awm theih nan kan pahnih hian fel takin awm ang aw." ka tih chuan a bu nghat nghat a. Nghet takin kan inkuah vang vang a, ka nau manganna hnem tur hian engmah ka ni bik lo a ni. Ka mangang a, ka pa ka biak tawng zawh miah loh hnu phei chuan ka mangang lutuk takzet. Mahse, Tomas bulah hian chak taka ka awm angai tih ka phaktawkin ka ngaihtuah a, ka tum ber chu tuarchhel taka awm leh mangan vanga tah miah loh a ni.
.
"Mah se, AC, nakin ah kan la in kalsan vek dawn em?"
"Umm" ka ti ringawt. Thudang ka sawi belh tur ka hre lo a, ka sawi thiam hek lo.
"In kalsan hian hlim tawh loh tur tihna a ni em?" mitmeng buai naka min en hnuah kan piaha ka pa thu, a hmalam en tlawk tlawk chu a melh leh a, kapa chuan ngaihtuah mumal a nei miah lo ang tih awlsam takin a hriat theih a, harhfim hmel pawh a pu lo. Ka nu awmlaia a nuih thin angin a nui tawh ngai lo a, engmah a ngaihsak tawh ngai miah lo.
.
"Ni lo e. Tomas, min en teh? Kan in kalsan anih pawhin kan la inhmangaih reng a, chuvang chuan lungngai taka awm lovin chak takin kan awm ang. A tha lo lai kan ngaihtuah lo anga, i mitthla ah khan mama nui lai i hmu thei em?" ka tih chuan a bu nghat a. "Mama nui hmel i hmuh chuan i nuih ve angai tihna a nih chu." ka thusawi chu a hrethiam chiah lo tih ka hria. Keipaw'n ka hrethiam tak tak chuang lo. Puitling ngaihtuahna ang ka la nei bik lo a, ka rilru a rawn lang hmasa ka sawi mai a ni. Tomas lungngai taka a awm ka duh miah lo bawk a. Ka pa awm dan anga lungngai taka a awm ve ka phal lo. Ka pa chu a natna kan hriatthiampui phak loh vangin 'a tha leh mai ang' tiin a bulah ka sawi ve ringawt thin a, chutianga ka sawi apiang chuan a maimitchhing a, thawk a la kawk kawk thin.
.
"Anih chuan AC, ka kalsan ve che angai anih pawhin ka nui hmel ngaihtuah la papa ang hian awm suh aw?"
.
Ka bu nghat a "Ka awm miah lo ang. Nang chuan min kalsan dawn lo alawm."
"A dik chiah. Kei chu ka kalbo ve dawn lo. AC, nangpawh i kalbo lo ang tiraw?"
.
"Kal bo dawn lo e. Kan awmdun reng ang." ka tih chuan a thawven hmel ta deuh a, a thutna atanga thovin tv hmaah a thu a, kan inbiakna te kha hre awm pawhin a awm leh tawh lo a, tv a thil lo lang chuan a rilru a luah leh  vek tawh tih ka hria.
.
"AC, hetah lo kal la.." tiin a thutna bul chu a beng thak thak a.
.
END OF FLASHBACK*
.
Engvangin nge kei hi ka inngaihtuah lungngaih reng ang? Ka pa anga lungngai taka thih ka duh hauh lo. Tomas hi khawi hmunah pawh awm se, hlim turin min duh ngei dawn tih ka hria a, a duh ang takin ka hlim tur a ni dawn lawm ni? Ka mittui ka senral tawh zawng zawng te khan Tomas chu ka hnenah arawn hruaikir lo!
.
"Anih chuan AC, ka kalsan ve che angai anih pawhin ka nui hmel ngaihtuah la papa ang hian awm suh aw?" Tomas aw sinret kha ka bengah a ri nawn ta tluk tluk a. Ngaihtuahna thar nei turin khum ka thawhsan ta..
.
Tomas, ka naute.. I hlim hmel ka ngaihtuah anga, chak takin ka awm ang. I chungah eng thil nge thleng ka hre lo a, mah se, i unaunu hi chak takin ka awm dawn a nia. I tan ka nunna hlan ka huam reng a, i chunga thilthleng hi ka hrechhuak ngei ngei ang. Thil sual i lo tih vanga tun dinhmun hi thleng ta i lo nih pawhin i duhthlanna ngeia ti inih ka ring a, kei chuan ka la hmangaih tho ang che. Mah se, thil thalo itih hi ka pawmpui che tihna ani chuang lovang. Thil thalo chu thil tha lo a ni reng a, thil dik lo tih chuan intan tlat loh tur kan tih thin kha.. Hun tha a herchhuak anga engtik niah emaw chuan thil nihdan dik tak ka la hre ngei ang a. Thudik ka hriat hunah dik lohna i nei miah lo anih chuan itan ka theihna zawng zawng ka hmangral  vek thung ang. Heihi ka thutiam chu ani.!
.
Tunah chuan ka thochhuak anga, chak takin ka awm phawt ang.
.
Rei tawk tak tuisa a ka inchiah vang vang hnu chuan ka harh deuh huai mai. Tunah chuan Tomas a awm tawh loh vangin he in a ka chen ve nachhan tur hi a awm tawh lo a, Luca nen hian kan inthen a hun ta anih hi. Tomas vanga hreawm ka tuar leh chhan tur a awm lo.. Ka unaupa chu a chawl tawh! Hremna kan tuar nachhan Adelina pawh him takin a lo let tawh a, he in leh Luca khawvel atang hian ka zalen tawh dawn a ni.
.
Ka zalen dawn tiin ka ngaihtuah naa ka thinlunga Luca ka hmangaihna leh ka thlakhlelhna.. Ni lo ve.. Hei chu tunah ka ngaihtuah thei lo. He in hi ka chhuahsan phawt angai. Engkim felfai takin ka kalsan vek bawk ang. Dan anga nupui ka nihna hi hmanrua ah hmanga hlawkna neih ka tum lo bur bawk. Ka dam a, hna ka thawk thei a, Luca ka tawn hma pawhin pangngai takin ka nun ka hmang thei. A hausakna leh a sumte hi ka ta a ni ve lo.
.
.
Luca a lo haw a, nidang aiin a rawn haw hma tlat bawk. Tomas chanchin kan hriat hnu khan ka awm angin min en liam tawp a, min biak pawhin ka chhang ngai lo a, ka awmdan min zah sakin min tibuai sek lo. Min ngaihsak ni awm taka min enlai ka hmu fuh fo a, mah se, ka ngaihruatna mai niin ka ngai leh thin. Tomas leh kei tihnata kan awm tak vang leh Adelina a lo kir leh tak vang hian a thinlung chu a hlim ngei anga, mihring ve tho anih vang leh thil awm leh mawi a hriat ve tho vangin ka bula erawh a nui reng lo mai mai anih ka ring. A hlimna thup zo lovin ka bulah nui reng ni se la, kei hian ngaihtuah nawn hauh lovin a hmel tha tak hi ka tihmelhem duh hial ang chu.. Ngaihtuahna rapthlak tak chu a ni e!
.
.
Ka duhdan ka sawi chu lawm taka min pawmpui ngei ka ring nghet thlap kha a nia. Mah se, ka lo ring sual chiang khawp mai. 'Ni lo' tia min chhan khan a rosum ka chuh ve a remti dawn lo niin ka ngai a, inthen a duh loh reng reng ka ring lo. Kan chen dun chhung hian a nungchang vawi tamtak a inthlak thin ngei a, chuti chung chuan tuna a nungchang ang hi ka la hmu miah lo. 'Khawngihin' tih tawngkam te a hmang a nia!! Ka awih thei hlawl lo. Ka mumang anih ringin ka insik chhin hial a ni!
.
“I mumang mak berah pawh a thleng lovang. Ka then dawn lo che tih ka sawi a nih chu!” ka chhan leh hmain vung zet hian choka tangin a chhuak a, mak ti zetin ka enzui reng ringawt! Eng thil nge a la duh cheu le? Engang pawhin ngai dawn mah se ka duhthlanna chu a la ngai reng tho.
Ka eitur dah chu chhin leh zetin inchung ah ka chho ve a, ka duhthlanna hi min pawmpui leh pawmpui loh ni lovin ka tih ngei tur thu ka hrilh ang.
.
Pindanah ka lut a, bathroom-a tui herh haw ri ka hriat chuan a lo chhuah hun nghakin khumah ka thu a. Engvanga inthen duh lo nge anih ka hrethiam lo. Ka laka a thiltih siamthatna hun pe turin min duh tih kha a sawi ngei a.. Mah se, kei hian tul ka ti lo. Abula ka awm rei poh leh ka rilru a inthunun ka tum nasat vangin ka hreawm rei mai mai dawn tih ka hria. Atirte atang khan Luca hian min hmangaih ngai lo a.. Khang thil zawng zawng kha ngaihtuah let leh vek pawh ka duh tawh lo zawk.. Ka hma hun atan min pui dawn lo. Hun liam tawh vanga inngaihtuah nat that leh ai chuan kalsan ngai kalsan a, hmalam pan ka duh zawk a, thildik tak a ni tih ka hre bawk. Thil sawt tawh chuang lo vanga nat leh thin ai chuan hmalam pan chu a tha zawk reng a ni.
.
"Engmah sawi tur ka nei tawh lo a nia." Luca tawng ka hriat chuan ka phu deuh zawk a. Ka hmaah towel chiah vengin a lo ding reng tawh. A sam a la huh a, a taksa pawh a la hruhul lo. a pian nalh zet in show hun pawh a ni chiah lo e a.. Ka ngaihtuah dan chu duh lovin ka lu ka thing  nak a.
.
"Ka duhdan ka sawi tawh a, ka thutlukna ka sawh sawn dawn lo." thinrim a tawng ka duh lo a, min nawrlui zel a ka duh dan min zawm sak a tum loh luih zel chuan thinrima kan indawr pawh angai mahna le.
.
Ka bulah arawn thu a, ka kut arawn vuan a. Hei chu ka beisei hauh lo mai. Ahmaa ka laka a lemchan thin anga awm leh a tum anih chuan a hlawhtling tawh hauh lovang. Awlsam taka bum theih ka ni tawh lo..
.
"Allison, ka mitah min en teh?" a tawng ring lo nain hnial a harsa khawp mai. Mah se, keipawh amah ang hian luhlul takin ka awm ve thei tho lo em ni? Ka che sawn lo a, ka en duh hek lo.
.
"Luca, a harsa zawnga thiltih kual ka duh lo a, nichin a ka sawi tawh ang khan, ilak atang hian engmah ka phut lo a. Ka duh zawng chu he in atanga chhuah leh ilak atanga zalen hi a ni. Chu chu nangpawh hian min neih i tum hma atanga i duh ber ani tih ka hria. Tomas vang chauha innei kan ni a, tunah chuan kan chen dun emaw kan inneih zui a tulna a awm tawh lo." min chhang mai lovin thawk a la halh a, a ngaihtuah uluk hmel khawp mai. Ka en lovang ka ti nain ka mitsir chuan ka enru tho anih hi!!
.
"Thinlung tha tak i nei tih ka hria a." awih lo zet hian ka nui hak. Ka insum hman miah lo. Hetiang zawnga chhimbudawi chi ka ni lo..
.
"I rilru ni lo sawi hun a ni lo a nia."
.
"Ka ti tak tak.." sawi mai tur hre lo niawm tak hian a ngawi leh rih. A mak hle mai. Luca hi sawitur hre lovin a awm ang maw?? Chu pawh ka bulah lehnghal..!!
.
"Min en teh." a kut dinglamin ka biangah min rawn vuan a, ka hawi ta nge nge. En ringawt chu thil pawi tak a ni chuang hleinem!
.
"Engtin nge min ngaih ang tih ka hre lo a, mah se, Tomas chanchin kan hre phawt anih loh chuan he in hi i chhuahsan lovang. Chu chu  ngenna ni lovin thupek a nih chu." a mitah ka en a, eng ang pawhin hnial in duh lo mah ila he in atang hian ka chhuak thei dawn lo tih a lang vek. Engtin nge mihring hian hetiang taka mi thunun theihna an neih theih zawk le? A mitmeng a min en ringawt pawhin nawr luih chi a ni lo tih a tilang thei a nia.. Khawiah nge ka tumruh ve na te kha?? Luca thusawi hi a dik zawk maithei. Ni lo.. Engtin nge maw ka awm dawn le.
.
“Tunah pawh hre tur I nia lawm. I thiltih vek ania.."
.
“Ni lo e. I lakah hian ka thalo hle tih ka hria a, chuti chung chuan vawikhatmah dawt ka hrilh miah lo che. Tuna Tomas chunga thilthleng hi hriat ka nei miah lo.”
.
“Ka rin I beisei lo ang chu!”
“Beisei hauh lo mai.” A ti nghut a.
Ka ring emaw ring lo emaw thudik a sawi chu anih hmel si hi!! Mah se, ka ring thei lo ang. Dawt min hrilh leh hrilh loh chungchang chu tuna ka ngaihtuah buai pawh angaiin ka hre lo.
.
“Engtikah nge Tomas chanchin chu kan hriat theih ang?"
.
"Allison.."
"Tunah ka hre duh. A nih loh chuan min then emaw then lo emaw pawh ni la he in atang hian ka chhuak tho ang."
.
"Ka hria e. I nghah rei angai lovang. A chiang em? Tomas chanchin kan hriat hma chuan chhuah tum buai duh suh."
.
Min vawnna thlahin a kalsawn a, ka rilru a buai nuai nuai mai. Ngaihtuahna mumal ka nei thei lo.
Thil tha ber tih ka duh fo a, tun atanga kar khat aral leh thleng pawha engmah hriattur a la awm loh fo chuan he in atang hian ka chhuak ang. Luca hi ka kalsan anih chuan ka let leh tawh dawn lo a, ka damchhung hian vawikhat chauh pawh hmuh leh ka duh tawh dawn hek lo. Chumi anih vang chuan helai ka la awm chhung reilote hi chu pangngai taka ka awm angai.. Ka tum bawk ang chu. Kar khat.. Kar khat chauh.. Eng thil nge maw ka ngaihtuah le..?? Tupawh ni se, eng ang mihring pawh ni se la, tumah reng rengin min dem thei lovang! Hmangaih taka ka neih ka pasal hian na takin min lo siam tawh ngei a, ka unaupa ka chan phah bawk a.. Ka tan hian nun hi a va awlsam lo thin em. Chhuahsan ka duhna a nasat ang zat zet hian thlamuang taka a kianga ka nun hman ka duh bawk.. Mah se, chu chu thil theih a ni tawh lo. Ka nun hman dan hi thawnthu ang maia a tawpna hlimawm siam theih ni se ka chak takzet a, ka duh dana ziak danglamin thil tha lo thleng tawh leh ka natna te kha ka thaireh anga, Luca bulah hian thlamuang takin ka nun pumpui ka hmang ngei ang.!
.
Kar khat chhung chiah Luca hmel ka hmu thei tawh dawn.. Ka thutlukna hi a dik ta lo a tuar tur a awm anih chuan ka tuar leh mai anga, a lo dik taa inchhir na tur a awm lo anih pawhin a hlawkna teltu tur leh lungawi tur chu keimah ka la ni tho tho. Mi itan a mitha a ni emaw ni lo emaw, i hmangaih tawh chuan thil atthlak leh mak tak tak iti fo ang tih hi hla thu ah pawh a awm tak kha maw le..
.
Ka thutlukna hi keimah ngei pawn ka hrethiam chiah lo.. Engkim hriatthiam vek hi a tul kher em ni? A chang chuan kan nunah hian risk kan lak angai fo a.. Hmm.. ka ngaihtuah zawm tawh lovang.. Ka thluak ka hmang rim mah mah niin ka hria.
.
Khumah ka mu thlar a, Luca thawm ka ngaichang reng a. Tunah pindan pakhata kan awm chung pawh hian ka ngai a, ka thlahlel a. Ka hmuh theih tawh loh hunah engtin nge ka tuarchhuah ang tih phei chu ngaihtuah ka duh lo. Ka nun hi a bul atanga hman that leh ka chak hial mai.. Chu bawk chu.. Thil awmze nei lo tur leh hma hun lungkham hian ka inngaihtuah hah reng mai anih hi.!
.
.
Pindan atanga a chhuak thawm ka hriat chuan ka ruak huai mai. Ka ril a tam viau nain engmah ka ei chak rih lo. Ka mu rem a, mak takin ka muhil ta hlauh. Ka taksa in a mamawh tawngkhawng tawh vanga muhil ka nih ngei dawn hi.
.
.
Ka hmai za deuh mer mer chu ka kutin ka tuai a, ka inlet thawk a. Ka muhil zui leh mai bawk.
.
"Harh teh.." min rawn sawih det det a, ka harh tawh nain ka la meng duh lo.
.
"Allison, i harh tih ka hria. Ka kalchhuak dawn a nia."
.
A tawng dan atangin a thutak tih ka hre mai. Tunah a chhuak dawn tih min hrilh kher nachhan tur a awm pawh ka hre lo. Ti ila, hun engemaw chen atang khan ka ngaihsak emaw ngaihsak lo emaw a chhuah dawn hian min hrilh thin. Nitin chuan a ti chuang lo a, mah se… Ngaihtuah zui lovang.. Ka mut a  la chhuak lutuk..
.
"Good" ka ti sep a.
.
Engtin nge min chhan dawn ka ngaichang a, a thawm a reh vang vang. Ahnu ah chuan pindan kawngka dimtea inkhar ri ka hria a, ka thuchhuak nghal hlawl..
.
“Luca Giovanni.. Na takin min siam a, ka chunga I thiltih zawng zawng vang hian hmangaih tawh lo tur che ka ni tih ka inhria.. Mahse.. Ka hmangaih che.. Ka ngai bawk che.. Ka hmangaih reng  che  avang hian ka inhua a ni..!”
.
Thaw halhin ka tho chhuak a.
.
Cafe-a kal ka tum buai tawh lo. Sum hmanna tur ka nei rih lo a bakah ka sum neihte hi nakinah ka la mamawh dawn lutuk.
.
Muangchangin ka inbual a, ka inthlak fel hnu chuan inhnuai ah chhukin eitur ka siam a. Tlem chu ka ei ve thei ta. Vawiin hian chhuak dawn ta ila…
.
Pawnah ka chhuak a, gate bulah mi pahnih an awm. Min rawn ngaihven hmel khawp mai. Luca khan min ringtawk lo tih a chiang bawk. A ruka chhuah ka tum tho a ring ve tih a chiang.. In beisei ang thil kha vawiiin chuan a thleng dawn lo anih hi.!
Marcelli te awmna lam hawiin ka ban ka vai a, rang zet hian an rawn vailet ve var a.. Hmm.. Marcelli te thleng hian ka ngai dawn hle mai..
.
Tihtur hre lovin ka kal kual sek a, engkim chhinchhiah tum niawm tak hian ka thil hmuh apiang chu ka en uluk em em vek maiin ka hria.. Ka awmdan hi keipawn ka hrethiam bik lo.
.
Chawhnu dar 2 a rik chuan inchhung ah kal lohna lai pawh ka nei tawh lo. Door bell ri ka hriat chuan kawngka hawng turin ka kal vat a. Keimah chauha ka awm hi chuan pawnlam ah gate duty awm mah se kawngka ka kalh ngei ngei thin.
.
"Luca..Eng.. Tinge tunang hunah i rawn haw?"
.
"Zanin hian kan chhuah a ngai dawn a." pangngai takin a ti mai a.
.
"Kan a? Ka chhuah ve i beisei lovang.."
.
"Beisei e." min kalpel in choka lamah a kal a, a awm dan chu mak ka ti deuh. Nidang nen a inang lo. Choka ah ka zui lut a.
.
"Ah.. Vawiin ah thil thar hriattur a awm em?"  ka tih chuan a lu a thing ringawt.
.
"Zanah chuan eng titur in nge kan chhuah dawn?" enge ka hriat a, ka biak sek le?? Ka hre bik lo.. A hmel hi hmuh reng ka duh pawh ani maithei.
.
"Adelina vang a nia." inthiam lo hmel a pu zawk a, mitkhap kar lekin a bo lehnghal.
.
Tomas ka chan a, Adelina lo let leh lawmna hunah kei hi ka awm ve ang maw??
.
"Ka nu khan kan pahnih a kal ngei turin min rawn ngen a. Bakah Adelina leh To.. I unaupa chungchang hi engmah an hriat loh vangin.."
.
"Ka hria e. Sawifiah angai lo. Kan kal dawn nia." Hm..nia, ngaihtuah buai lovin ni tlemte chu ka rilru a lang hmasa apiang ka ti ang. Mak deuhin Adelina pawh hmuh ka chak riau. Ni thum chhung hreawm taka ka awm chhung khan ni tin min rawn tlawh ziah a, ka hriatthiam hauh loh hian a hmel ka hmuh khan Tomas ka hnaih riauin ka inhria a ni.
.
"Ka lawm e!" ngaihthat chiah loh hmelin min en a, a inrintawk hmel vak lo tlat nia.. Luca Giovanni hian mizia chi hrang engzat chiah nge maw a neih le? Tun hun hi amah inringtawk vak lo  hmela ka hmuh vawikhatna ani tlat..
.
"Lawmthu sawi angai lo."
Ka hmel a hmuh loh nan ka inher a, amah ka en reng chuan ka thil duh loh ka ti palh ang tih ka hlau a ni.. Allison, chak takin awm ta che maw le! He in ah hian kar khat la awm lehrih turin thutlukna i siam a, tunah a ni khatna i hmang mek chauh a nia.. Chak takin.. Chak takin awm rawh..
.
"Allison.." ka ding chat a. "Tunah insiam la_i inpeih hunah kan kal nghal dawn nia."
.
Hawilet tawh lovin ka bu nghat a, ka kal lehnghal.
.
.
Pindan ah lutin ka thawmhnaw ka enkual dan dan a. Tun bak hi Luca bulah ka chhuak tawh kher lovang. Nalh taka lan ka duh!
.
Ka insiam zawh meuh chuan ka landan ah ka lungawi khawp mai. Engvanga hetianga awm hi nge ka nih ka hre lo... Muangchang in Luca hi ka thlah mek a ni.. Thilthleng zawng zawng theihnghilhin - thinglung zawng zawnga i hmangaih mihring hi engtiang taka nasa in nge kalsan a harsat ang tih ngaihtuah la.. Chuti chung pawh chuan ka thinlung chhungril awm dan hi min hriatthiampui chuang lovang.. Mah se, kalsan hi thiltha ber chu a ni tho si a ni..
.
"I inpeih dawn tawh em?" pindan kawngka hawngin a rawn penlut a, min hmuh chuan a ding chawt a. "Um..i inpeih tawh a nih hmel." a ti leh ringawt. A hmel landan chu.. Ka hre lo.. Tinge hetiang hian ka awm tlat a??
.
"Kan kal thei e." ka nui lui sak a. A bula reilote ka la awm chhung hi chuan pangngai takin ka awm hram hram tur a ni.
.
In atangin kan inzui chhuak a, Luca chu a ngawi reng. Keipawn sawitur ka hre chuang lo. Pawnlam ka hawi a, kan pahnihin kan ngaihtuahna kan kawm ve ve anih hmel hi.
A nu leh pa chenna hmun kan thlen chuan ka thaw huai mai.
.
Adelina ka hmuh chuan ka kuah vang vang a. Mak tih hmel deuh takin a nu chuan min en a, Adelina erawh chuan ka awmdan hrethiam niawm takin min kuah let vat thung.
Luca chuan min en deuh reng a, a tawng tam lo khawp mai. Ka va en chuan a rawn nui suk a, a nui hmel chuan a mit a thleng lo tih ka hmu reng mai. Keipawh ka thinlung takin ka nui bik lo.
.
Engtin tin emaw hun a ral a, zanriah kan ei zawh hnu chuan a then an titi a, an hlim em em vek ni maiin ka hria.
.
Luca ka zawng ru a, ka va hmuh chuan ahmaa hmeichhia sambuang, a bula awm fo thin nen khan an lo ding dun a. Ahma zawng zawng khan Savannah hi ka hmu miah lo. A lo thleng deuh chiah a nih hmel. In tur lain an awmna lam chu ka pana, eng thil nge ka tih dawn ka ngaihtuah lawk miah lo bawk. Tun bak hi Savannah nen hian kan inhmu tawh kher lovang! Ka kalbo rualin Savannah hian Luca hi a chenpui nghal maiin ka ring bawk.. Ka ngaihtuahna chuan ka thinlung a vit zawk mai.. Ka la tih ngai loh leh ka tih tawh ngai loh tur thil vawikhat tal chu ka ti ngei aniang chu..
.
"Hi, Savannah.. I lo tel ve dawn tih ka lo hre hauh lo a." Luca bulah dingin Savannah chu chiang zet hian ka en a, hamhaih hmel deuh hian a nui hak a.
"Oh.. Nia.. Luca min sawmna hi ngai pawimawh viau lo ila chuan ka lo kal hauh lo ang.."
.
"Hmm..anih chu.. Hun nuam tak i hman ka beisei.."
.
Luca chu ka melh zauh a, chiang zet hian min lo en sa reng a. Ka nui lui ngial.. Wine ka lem hnem deuh tawh vang a ni maithei, ka zang halh mai..
.
"In titi ka rawn pawtchat anih hmel.. Ka kalsan ang che u." ka nui lui sak a, kalsawn turin ka inher a. Ka pheikhawk a lek thut! Ka wine ken la tam zet chu Savannah hma zawnah ka theh darh lo thei lo! A te that a, keipawh ka te ve tho.!
.
Ka pheikhawk lek vang chuan ka tlu ngei dawnin ka hria.. Ban tha chak zet hian ka kawngah min rawn kuah vat a, ka hawichhuah rualin Savannah kalsawn nghawng nghawng chu ka va hmu hman hram..
.
"Ohh.."
"I tha em?" ka hmai si lo chauhin Luca chu arawn kun hniam a, ka hamhaih letling..
.
"Ka_tha_ Ka tha in ka hria." ka tih chuan a nui suk!!!
.
"Trick tha lo tak a nih kha." ka beng bulah arawn ti sup a. Min kuahna chu thlah a tum miah lo. Ka aw ka thian kharh a.
.
"Ka ding thei tawh ang.." ka tih chuan min thlah ta chauh..
.
Kan chenna hmun pana in kan chhuahsan thlengin Savannah chu ka hmu leh tawh lo. Ka rilru in ka nui sak a.. Allison, khatiang thil kha chu a tihnawn chi tawh lovang.. Mak takin ka nuih a za tak tak nia!! Ka nui chhuak ang tih hlauin kawngsir ka enlui ta tlat a. Luca hian...
.
"Savannah lakah khan khatiang a chet kha a tul kher em ni?" a nuihza a reh nghal hmiah.. Takzet hian! Ka hriatlai ngei pawhin a tan ang maw? Nia, ka chetdan kha chu..tunah pawh pawi ka la ti chuang lo..!
.
"Ka tilui niin i hria em?" kawngsir lam ka la hawi ngar a, Savannah a tan hmelhmang ka hmuchak hlawl lo..
.
"Khatiang tih kha i inhmeh ve lo!" a ti nghut a.
"Khatiang thil chu enge?" ka la ti ve tang tang.. Ka inchhir awm lo emai.. Min chhan tawh loh vang chuan ka melh ru zauh a, ka beisei loh lutuk danin a lu a thing chung hian a nui suk suk a. Ka chhia leh tha hriatna hmang hman lo ni ila chu a landan duhawm lutuk vang chuan ka kuahin ka fawp ngei ang..!!
.
Ka thil ngaihtuah chu duh lovin ka thutna seat ka ngheng riai riai a, ka maimitchhing nghal vang vang bawk a.
.
TMH!!
CHAPTER – 21
TAKE MY HEART!
By. Thantei_Pautu a.k.a Laura_Sean_Virgo
.
LUCA GIOVANNI'S P.O.V*
.
"Hey, Master Giovanni.." intur kengin Savannah chuan min rawn pan a, keiin ka sawm hauh si lo a, eng vanga lo kal ve nge maw a nih le? "Tunah ka lo thleng ve chiah a. Magazine kha i lo hmu em?" a nui sang a.
.
Ka lu ka thing ringawt. A hmaa min hrilh kha ka lo hre leh tawh lo reng reng a ni. Bakah buaina dang ka ngah lutuk a, a ni ngaihtuahna tur hun hi ka nei lo hrim hrim bawk.
.
A titi siam siam a, a thusawi chu ka hre mumal lo. Allison kan awmna lam pana lo kal ka hmuh chuan ka hawisawn tawh lo. Dak vahin min rawn pan hnai zel a, a mitmeng ka hmuh chuan nidanga ka la hmuh ngai lo eng emaw ka hmu tlat. Ni dangah Savannah a be ngai lo a, tunah hunah hian eng thil nge maw a hriat ni?
.
Ka bulah rawn dingin min rawn ngheng deuh a, a awm dan chu ka lo chik ru reng. Amah kuah lo turin ka inthunun a, thiltum a nei tlat a ka hriat vangin ka en chik takzet.
Min kalsan tumin a inher a, ka rin ang chiah.. A hmel kha ka lo hmu reng alawm! Amah nen inhmeh lo takin a ke a lek a, a intur ken chu Savannah kawr hmaah a kai ta vek. Pawiti awm takin a awm a, a mitmeng chuan thu dang daih a sawi thung. A inhmeh lo takzet. Nge? a nihna a lang ka ti zawk dawn? Ni lo ve, Allison hian a langsar lo thei ang berin ka laka a thikthu a tilang a nih zawk hi. Ka ngaihtuahna chuan min thawng dawt mai. Ni e. Allison hian kan inneih hma leh inneih tirh lai pawh khan ka lakah lem a chang ngai lo a, a rilru dik tak a sawi mai thin. Min hmangaih thu min hrilh fo a, ka thiltum leh ka neih chhan a hriat hnu khan a awm dan a danglam tan a, eng emaw chang chuan ka hriat hlau taka min en lai ka hmu fo thin! Ka hriatrengna ka mitthla a lo lang vang chuan ka awm a tawt deuh up up. Kei hian eng thil nge ka pek let? Ka farnu himna ka duh vang leh ka nu hmangaihna dawn ka duh vangin Allison hi ka tum reng  vangin ka tina a.. Mah se, a unaupa chunga thihna a thlen em hi chu vawikhatte pawh ka ngaihtuah lo. Ni e, mihring nunna hi a hlu a, midang nunna laksak tur khawp hian tuman..tumah reng rengin thuneihna an nei lo.
.
A kawnga ka kuahna chu hreh ru zetin ka thlah a, ka thlah rualin min kalsan nghal bawk. Natna ka thlen sak te hi engtiang in nge ka rulh tak ang le? A awlsam thei lo hrim hrim.
.
Ka nu leh pa chenna hmuna kan awm chhungin min hnaih leh tawh lo. Min rawn en tal beiseiin ka thlithlai ru reng a, min rawn en tawh miah lo bawk. Adelina nen thu dunin eng emaw an sawi sep sep a, eng thu nge an sawi ka hre chak tlat.. Va hnaiha ngaihthlak ve talh tum anga lan erawh ka duh lo hulhual.. Eng thil nge maw ka ngaihtuah le..??
.
Kan in panin motor ka khalh a, en anga awm ka duh lo nain ka mitsir chuan ka hmu reng tho. A nuihza a insum a, a nuih a zat chhan pawh ka hria in ka inhria! Dawt sawi miah lo in, keipawh ka nuih a za! Engtin nge mi dang hriatthiam loh tur leh tihpalh anga lang khan chimawm taka a awm thiam zawk ni!
.
"Savannah lakah khan khatiang a chet kha a tul kher em ni?" ka sawi zawh rualin thil tullo zet ka sawi tih ka hre nghal. A nui hmel a reh nghal hmak a. Min hnial zui ve tang tang lehnghal..
A thutna seat nghengin a maimitchhing ta daih a, pangngai taka titi pui turin sawi leh tur ka hre tawh rih lo. In kan thleng a, car ka tihdin hnuah pawh a awm dan ngaiin a la awm reng a, a muhil a ang mah zawk. Car steering wheel chu bawhin a hmel chu ka en reng a, ka hahdam deuh huai in ka hria. Enge a chhan ka hre lo. A sam chhawlleng in a hmai a zar deuh chu huai kian tumin ka ban a, a sam ka hui kian hnu chuan thu tha hle hle tur ka ni tih ka inhre chungin ka kut ka lakir mai thei lo. Ka kut hnunglamin a biang ka nul zai zai a, a hmui ka khawih dawn chuan rang zet hian ka kut arawn vuan a..
.
"Enge a?" a ti nghat a, thu ngilin min enchiang ngang mai.
.
"Um.. I hmaiah khan.." awmze nei lo zet hian a! Min en dan hian min tizam deuh emaw ni! Teuh lo mai! Eng vangin nge hmeichhe bulah ka zam ngawt ang? Chupawh ka nupui lakah lehnghal!
.
"Oh, kan thleng tawh reng anih hi." min ngaihsak zui lovin car atangin a chhuak a, inringtawk zeta a kal chu ka enzui tawp. Kei hi engtin nge ka awm? Ka nui suk a, ka nuih chhan ka hre lo. Thil tha lamin min hmuak a ni maithei. Car atang chuan muangchang in ka chhuak ve ta hram.
.
Inchhung ah lutin kan pindan ka panding nghal a, Allison hmel hmuh ka chak ni berin ka hria.. Em em hian! Minute 5 pawh ral hmain..
Kan pindan ah ka lut a, Allison darthlalang a uluk zeta a hmai lo en ka hmuh chuan thawm ka nei vat a. Ka thawm a hriat rualin min rawn en zawk a, a hawisawn leh nghal.
.
"Enge i tih a?" bultan nan chuan a tha tawk tho mai. Thudang sawi mai tur ka hre tlat lo.
.
"Engmah.." min rawn enin a nui sak a, ka lungphu a nghing lawih mai! Pangngai taka nui chung hian engtik atang khan nge min en tawh ngai loh ka hre pha tawh lo.. Ka ruahmanna hriatchhuah a nih hma kha chuan nitin a nui hmel ka hmu a, ngaiah ka lo neih deuh mai a, tunah, hun eng emaw chen hnuah hian thil mawi leh tha tak ngaia ka lo neih mai leh a hlutna ka lo chik ngai lem loh kha ka hrethiam leh ta chiah a nih hi.
.
"I lang nalh hle mai." ka tih chuan min rawn en lehin a meng phar deuh ak a. Ka hria alawm' tih melh hian min melh zui ralh bawk. Tunah hian amah hnaih taka awm ka mamawh.. Tunah chauh lo pawh.. Eng vanga harhchhuak tlai em em nge maw ka nih le? Ka pan hnai a, a bula ka din chuan min lo en kal a.
.
"Eng thil nge i hriat a? I lan dan a danglam a nia." a tiliam puat a. A thusawi hi a dik chiah..
.
"Tun atang chuan ka danglam zel tawh ang." ka pen hnai leh a, a meng tal tap thung.
.
A hmai si lo chauhin ka hnaih tawh. A che sawn lo miah lo. Eng thil nge ka tih zel dawn a ngaichang ani maithei.. Eng tik lai atang khan nge 'MAITHEI' tih thumal hi ka ngaihtuah tam tak em em? Ka tih dan a ni ngai lo. Ka kut pahnihin ka kekawr ipte ka zen tlat a, tunah hian ka kuta ka vuan anih chuan ka thlah tawh dawn lo tih ka hriat vang a ni.
.
"Min ngaihven thar ta thut ang chuan awm duh lo mai rawh." amah hnaih taka ka awm vang hian a awm dan a danglam lo a... Enteh.. Hetiang hi a ni ngai miah lo.. Min hnaih taka awm a duh reng thin a, min thlakhlelh zia a thup ngai lo kha a nia.. Tunah a taksa dekin ka awm a, ka ngaihsak thar ta thut niin angai a.. Thil danglam lo tlemte zinga mi chu a ngaihdan tlang taka a sawi mai thin chauh hi a ni tawh.
.
"Tichuan i ngai maw? Tunah ka ngaihsak thar thut ang che in i ngai maw?" ka tawng chu a hre pha turah ka ngai, a bengbulah ka kun hniam tlat a, tawng ring lo mah ila a hre ngei ang.
.
"Tehreng mai.. Khawiah nge mi vawt raih leh min tihnat tum rana khawsa reng thin Luca Giovanni kha a awm tak a?" a nui hak a, ka maimitchhing thung.
.
"Allison.."
.
"Ka chau hle mai.." a kalsawn a, ka din ngaiin ka la ding reng. Mahni inringtawk leh mipa ve tawk inti tak hian awm dan tur ka haihchham ta tlat a nih hi. Zanin bak chu ani lovang. Allison ka bula hlim leh pangngai taka a awm leh theih nan kei hian tihtur tam tak ka nei ngei dawn a ni. Tunah chuan ahmaa min rin thinna te kha a bo vek tawh tih ka hmu a, ahma kha chuan min nghawng vak lem lo.. Tunah hian a danglam ta tlat.. Ka thiltih ngaihtuah let chuan Allison awm dan hi amak hran lo. Hmeichhe dang tam tak ni se, ka nunna lak tumin min bei let hial ang chu..
.
Bathroom atanga a lo chhuah leh pawh chuan ka awmna ngaiah ka la awm reng a, kan inkar siamtha leh tur hian bultan dan tur ka hre lo a ni. Eng titih a kan inkar siamthat duh nge ka nih pawh ka hrethiam chuang lo.. Ka ngaihtuahna a buai ta a ni ngei ang. Kei hian a duh ang taka kaltir mai tur ka nih laiin la chelh beh dan leh ka bula a la awm theih dan tur ka ngaihtuah ta chu a ni phawt a. Tomas chanchin leh a awmna chin kan hre thei dawn em tih pawh ka hre hek lo. Allison hi ka hmuh phak loha a awm turin ka duh lo a ni tawp ringawt mai.. Ka hma ka sial anih pawhin lo nimai rawh se!
.
Khumah a lawn kai a, a mut rem hnu chuan ka dinna atangin ka kalsawn a, khum sirah ka thu a.
.
"Allison.."
"Um.."
"Thil eng emaw hrilh che ka duh a."
"Um.. Ka beng neih zawng zawngin ka ngaithla che."
.
"Ka thutak a nia." ka tih chuan arawn thu chhuak a.
.
"A tha e. I sawitur chu eng pawh ni se tunah chuan ka chau a, mutthilh ka duh. Chuan, min ngaihsak ang khan awm lo law law rawh.. I nundan dik tak ang khan awm leh mai la, ka tan pawh pangngai taka i bula awm a awlsam phah zawk ang. Tomas chanchin.."
.
"Ka awm dan pangngai chu enge..?"
.
"Ka sawi awmzia i hriat kha.. Bakah.."
"A tha e." a duh a sawi zawh hmain ka tho a, ka kalsawn vat a.
.
Tunah chuan uluk lehzuala ka ngaihtuah angai dawn anih hi. Engmah sawi tawh lovin pindan ka chhuahsan a, keimah chauh a awm ka duh.
.
Ka ring kham ngut ngut vangin ka muhil ka harh a, zing lam dar 5 a lo ni reng tawh. Ka thutna chair atangin ka thochhuak a, nizan ka thawmhnaw hak ngai ka la ha reng. Nizan khan thil tha zawk ngaihtuah chhuah tumin library room hi ka pan kha a nia. Thil ropui tak ka ngaihtuah chhuak lem hlei lo a. A tlachawp in, ka rilru a lang hmasa ber angin ka che chhuak zel ang. Chu chu ka thutlukna a ni.
.
Library atangin ka chhuak a, inchhung chu a la reh thiap. Thawm dim takin Allison nen kan pindan ah ka lut a, ka thawmhnaw hlipin ka inthlak a.
Pindan ka chhuahsan leh hmain Allison tui taka a muhil hmel chu ka en a tun ang taka nasa hian a hmel hmuh ringawt pawh ka la thlahlel ngai lo. Ni e, Adelina vanga loh theih loha ka chhui ruk lai leh a hmel ka hmuh hmasak ber ni te, kan inneih ni, kan inneih hnu thleng khan a hranpa takin ka thlahlel ngai lo tih ka pha hauh lo mai. Ka duh reng vanga amah hi hnaih ka ni hek lo.. He thil hi chu kei aia hrechiang an awm lovang. Ka nunah hian mi tuemaw, hmanrua atan mai nupui ah ka nei ang tih ka ngaihtuah ngai lo a, chu hmarua atana ka neih chu na taka ka siam hnuah amah ka thahlel leh si ang tih phei chu ka ngaihtuah ngai lo hulhual. Mihring pawh ka ni chiah em?? Heng thil mumal lo leh buai nuai nuai hi ka intihbuai tir a tul kher em ni? Ka duh emaw duh lo emaw, ka ngaihtuahna a luah tam ta mah mah chu anih hi.
.
Awmze nei lovin ka hah ru tlat.. Pindan ka chhuahsan a, ngaihtuahna mumal ka neih loh thlenga chau hnap khawpin ka insawizawi leh angai ngei ang.
.
Eng emaw chen inhnuaia ka insawizawi hnu chuan ka intifai a, pindan ah Allison a awm tawh lo. Choka ah a awm anih ka ring.
Office kal tura insiam peih sa thlapin inhnuai ah ka chhuk a, eitur siam rimtui zet ka hriat chuan choka ka pan nghal a.
.
"Good morning.." Carina a lo nui sang a, engvang nge ka hre lo ka lawm a kim chiah lo a ni.
.
"Morning. Allison hi.."
.
"Oh, nia. A hrilh tho che chu ka ring a. A insawizawi a nih kha.." Carina chu chhang lovin chair ka pawt chhuak a, engmah ka ei chak  leh tawh lo. Tunang hunah eng thil buaipuiin nge a chhuah chuan ang.
.
Carina eitur rawn dah chu ei lovin ka thawhsan a, ngaihdan ni lo zeta min enna chu hmu lo angin ka awm hmiah a.
.
"Luca, eng emaw tal ei lovin i chhuak thei lo a nia." min rawn au zui a. Hetiang hian a awm ziah alawm. Carina hi ka nu ni se, tun ai hian midangte hmangaih dan pawh ka thiam zawk maithei asin. Ka ngaihtuahna awm ze nei lo zet chu ka theihnghilh nghal tur a ni. Mihring a lo pian chhuah hian nu leh pa, chhungkua leh pianna hmun a duh a thlang thei ngai hleinem! Tuna ka nihdan hi a tha ber a ni.
.
Motor ka la chhuak a, gate-a ka tlanchhuah hmain Allison ka lam pana lo tlan ka hmuh chuan motor ka tithi leh rih. Insawizawi a duh anih chuan pawnlama chhuak lovin in ah hian engkim a awm vek a..
.
"Khawnge i kal?"
.
Ka bul arawn thlen rualin ka lo ti nghal hmuk a. Engvanga lungawi lo ru riau nge maw ka nih le? Nizan ah lah amah ngaihtuah hian ka muhil mumal lo kha a nia. Tunah zalen hmel taka a awm ka hmuh hian ka thin a ur ru tlat nia.. Min tlan pel lovin min en a, a tlansawn lo nain a la che char char tho..
.
"Min hmuh ang hian... A nih leh aw.." tiin min tlan pel a.
.
Motor atangin ka chhuk a, eng thil nge ka tih dawn ka ngaihtuah hman lo. Ka pen pawk pawk a, Allison chu a hnunglam atangin a dulah ka pawm a, a te that mai. Chet a lak hmain ka lam hawiin ka kuaiher a, a hmuiah duhthawh zetin ka fawp a. Mak tiin a meng kawk thung! Min beihlet hmain ka thlah a, a thaw hak mai. Keipawh ka danglam chuang lo.
.
"Ni hman nuam le." tiin a hmui ah ka fawp leh zauh a, ka kalsan nghal a. A thawm ka hre zui miah lo. Motor tinung in ka tlanchhuak a, side glass atanga a lan dan chuan a dinna ngaiah a la ding reng. A mitmeng hmu thei ni ila chu mei alh ka hmuh ka ring! Ka kut zungpuiin ka hmui ka tuai zauh a.. Tikha chuan ka ni hman a nuam deuh mahna!! A hmui no chek leh... No..No..No... Nilenga ka ngaihtuahna la pengtu tur thil chu amah chauh.. Allison chauh a ni leh ngei dawn e.
.
Ni e, nizana a sawi ang khan, amah ngaihsak thar ta thut anga ka lan hian a thalo zawk mai thei. Chu pawh ni se, ka rilru a lang hmasa ber ang zelin ka che chhuak tawh ang ka tih kha.. Ka ti tak tak!! Tunge maw ka biak a, hrilhfiah tum ang mai a ka ngaihtuah chiam le..?! Nui suk in motor chu chak zet hian office lam panin ka khalh par par a. 
.
Ka office ka thlen chuan a la hma khawp mai. Ka briefcase dawhkan ah dahin chair-ah ka thu a, ka hnain ka rilru a luah miah lo. Ka phone ka phawrh a. Tun hi Drago biakna hun tha tak a ni ngei ang.
.
Drago number hmetchhuak lovin ka phone chu ka khawih kual a, google-ah ka hming type in thlalak lo lang thut chu ka en dan dan a. A tam zawk chu hmeichhia nena kan thlalak a ni. Tute nge annih pawh ka hre seng tawh lo. Allison nen kan inneih thlalak ka hmuh chuan tawp chatin ka zoom a. A lang nalh lutuk takzet.. Hmel hlim sarin min en a, ka hmel chu!! Ka lang nalh lem lo khawp mai. Hlim hmel ka pu lo a, thinrim hmel pawh ka pu chuang lo.. Eng thil phiangsen..!! Hmeichhe nalh lutuk in hlim taka min en laiin engtin nge hetiang hmel ka put theih?
.
Kan inneih thlalak a lo chhuah khan ka bulah Allison khan a en ngei a, 'heihi en teh." tia min kawhhmuh a nei nual bawk. A hunlai khan ka bengkhawn lo a,ka rilru tak takin ka ngaihven pui lo bawk a. Chiang taka en ka neih tak pawh ka hre lo. Frame lian tak siam a kan pindan a tar a rawt lai khan ka ngaihven pui lem lo a, tun thleng hian kan tar ta lo.. Tunah hian eng vanga ngaihtuah chhuak ta chiam nge maw ka nih. A rilru nawm nan ka rilru tak tak pawh ni lovin, thlalak tar kher lo hian ka bula a awm chuan ka hlim tawk tih ka hrilh a, min ringhlel miah lovin min kuah a, min hmangaih thu min hrilh sep sep anih kha..!
.
Ka ruahmanna a hriatchhuah hnu khan.. A na a, a natna thup tumin chak tak angin a lang fo a, thup zawh loh chang a neih pawhin engmah ka ngai pawimawh lo a, amah ka ngaisak lo tih ka tilang lui ngat thin anih kha.. Eng mihring nge ka nih? Tunah hian Allison chu ka ngaiihsak leh si em ni?? Ka chiang ta lo tawp mai.
.
Intercom ka on a, ka secretary'n min lo chhan chuan kan chenna in ah pangpar tamtak thawn turin thu ka pe a, mak a tih hmel khawp. Mak tih awm pawh a ni tho. Pangpar lei tura ka hrilh lohna chin a rei tawh em a ni.
.
"Sir, note i thawn tel duh em?"
.
"A ngai lo ang. Kan in ah a thleng ngei tih i chian chuan a tawk mai."
.
"Oh.. Okay.. Sir,." a ti bah nawk nawk a. "Chuan, sir, eng pangpar nge ka thawn dawn?"
.
Ka secretary zawhna chu engtin nge ka chhan dawn ka hre lo. Allison neih tuma ka beih lai khan keimah ngei hian pangpar ka pe fo a, ka pek apiang lawm takin a dawng a, eng pangpar nge a ngainat bik ka hre hauh lo mai!
.
"A hmaa i thawn thin ang kha.." tia chhang in intercom ka off nghal.
.
Nilengin tumluihna vang liau liau in hna ka thawk a, tlai dar 5 a rik chuan ka hne hluah hluah tawh. In a haw vat vat ka chak a ni.
.
Office ka chhuahsan a, in ah ka haw dawn tih ka sawi chuan ka secretary chu a bu ban chat chat khawp mai. Thil mak hmu ang maiin min en lehnghal!
.
Rilru a zamna mak tak nei chungin inchhung ah ka lut a, kan inchhung chu pangpar huan ang mai a ni! Carina ka hmu lo a, Allison thawm ka hre hek lo. Inchung ah Allison hmel hmu chakin ka chho a, kan pindan ka luh pawh chuan pangpar huan ang tho a ni..
.
Kil khat a Allison thu chunga pangpar khawih ka hmuh chuan ka thaw huai a. Chhuatah thuin pangpar chu vase-a dah turin a siam rem a, a hmel hmuh a nuam khawp mai. Ka en reng a, ka thawm a hre miah lo anih hmel. A pangpar siam rem vase-a a dah hnu chuan a ban pharin a dar a khawih nauh nauh a, a bulah kalhnai a a dar ka vawn chuan a phu deuh zawk.
.
"Eng?? Min tiphu alawm.." a ti hlak a. Thinrim hmel a pu hran lo.
.
"Ka lo ti ang?" min hnial ang tih hlau ru deuhin a dar chu ka hmet a, vawi 5 vel bak ka hmet hman lo.
.
"A tawk e.. Nilengin pangpar ka buaipui a, ka dar a lo kham hle mai.."chhuat atangin a tho a, vase a keng bawk a.
.
"Allison.."
.
"Aw, nia.. Pangpar vang hian ka lawm e." Engtin nge ka thawn tih a hriat? Min rawn en zawkin a nui a, a hawisawn lehnghal. Eng ang taka nasa in nge a nui hmel chuan hahdamna min pek.. Ka ngaihtuah phak bak a ni.
.
"Engtin nge?"
.
"Card-ah khan Giovanni Corp. atangin' tih a inziak a. I tihtir a ni lo maw?"
.
"Ka..nia.."
.
"A pawi lo. i tihtir anih loh pawhin inchhung ah hahdamna a awm phah tho alawm. Naktuk ah i secretary bulah lawmthu min lo hrilh sak dawn nia."
.
Ka tihtir a ni tih sawi ka tum zet nain ka ti leh ta lo. Amah hian ka thawntir a ni lo anih pawhin pawi a tih loh hmel em a.. Hetiang zawnga ngaihtuah pawh hi ka tum dan a ni chiah lo.. Ka lawm lo maw? 'Nangmah ngeiin i rawn thawntir anih vangin ka lawm e' tia sawiin min kuah se ka duh a nih hi.. Chu pawh a ni lo.. Engmah ka beisei lo.. Beisei nei chunga ka secretary kha thawntir ka ni lo bawk.
.
Allison kal chhuak chu ka en a, pindan kawngka a khar rualin ka thaw hawlh mai. Ka chau niin ka hria.
Muangchang in ka inthlak a, ka inbual hnu chuan inhnuai ah ka chhuk a. Choka atanga rim lo chhuak chuan min pawt ni berin ka hria. Nilengin engmah ka ei mumal lo tak e..
.
Choka a ka luh chuan zanriah ei mai theih turin dawhkan a in set fel vek tawh a, Allison ka en a, bowl-ah thil eng emaw a chawk a.
.
"Ka peih tep. Lo thu rawh."
Chhang lovin ka seat ah ka thu a, min hmu awmin a awm miah lo naa ka awm tih a hre thei tho nia. A hnunglam ah mit a nei a ni em lovang chu.. Ka thil ngaihtuah vang chuan ka nui suk.
.
"Carina haw turin ka hrilh a.." dawhkana a thilsiam rawn dah leh pahin a tawng melh melh a, a thusawi thenkhat chu a hmel ka en na lamah ka hre mang lo. Vawiin hi eng thil nge thleng? Pangngai taka kan titi theih ka ring tlat bawk.
.
"Ei ang le." a seat-ah thuin eitur a suak a, a tui leh tui loh chik niawm tak hian muangchangin a ei a.
.
"I ei dawn nge dawn lo." arawn tih leh chuan ka ei ve ta chauh. Ngawi rengin kan ei a, kan ei zawh chuan  ngawi reng bawkin a tifai a. Awm dan tur ka hre lo. Library room-ah ka awm dawn tih hrilhin ka kalsan ta ngawt a.
.
Eng chen nge engmah ngaihtuah mumal lo a ka thut ka hre lo. Sana ka en chuan dar 12 a lo ri thuak tawh. Muangchangin ka tho a, kan pindan ka pan a. Allison muhil ka hmuh chuan thawm dim taka inthlak in ka mu ve nghal a. Ka mut a chhuak hauh lo mai.
.
Dar 1..dar 2.. Ka mut a la chhuak chuang lo. Tlema inbeng kangin Allison chu ka thlir reng a, kuah ka chak a, mah se, ka ti lo. Ka dawih zep thar ta riau anih hi.. A hmui ka en a.. Zingah khan a hmui no chek hi ka fawp anih kha.. Engkim tha vek anga kan awmlai khan zanah min kuah ziah a.. Zingkar ah ka muhil lai min lo en veng veng thin bawk.. Thil ropui tak...
.
A rawn che tial tial a, a harh dawna ka hriat vangin ka mu tha a, ka maimitchhing nghal bawk. Naupangchhia ang mai hian engtin nge ka awm theih zawk le.? Nuihzatthlak zawk hian.. Hmeichhe nalh tak bulah mipa naupang fel tak ang maiin kei Luca Giovanni hi ka mu a nia!!!
.
A banin min rawn kuah chuan ka phu deuh zawk! Ka maimitchhing thei tawh lo. A hmel ka hmuh chuan a la muhil tui hle tih ka hre mai. Arawn tawlh hnai tak deuh deuh a.. Ka che ngam tawh lo..
.
Tunah chuan min kuah nghet ta.. Ka awm ah a hmai nghatin a thaw sek sek a. Tih harh hlau takin a samah ka khawih a, a harh lo. Dim thei ang berin ka kuah a, ka kuah nghet tial tial a.. Inthlahdul tial tialin ka maimitchhing a, ka mutthilh lai ka  hre miah lo..
.
Ni engin ka hmai arawn chhun chuan ka let thawk a. Ka mutna sirah ka ban ka dah chuan Allison a mu tawh lo tih ka hre nghal. Ka tho nghal vat a. A hma tawh lo khawp mai. Office kal turin ka insiam nghal a, inhnuai ka chhuk chuan a lo reh thap.
.
Pawn lam thawm ka hriat chuan ngaihtha zetin choka ah ka lut a. Eng thil nge an tih ka hre lo nain Carina leh Allison chuan eng emaw thil hlimawm tak an buaipui a ni ngei ang. An nui a, eng emaw an sawi bawk a. Fridge atanga Juice lachhhuak in ka in a, muangchang a breakfast ei hman pawh ka ni tawh lo.
.
Kawngka atanga ka chhuak min hmuh chuan an ngawi chat a.
.
"Ka kal a nia.." ngaihven lo ang takin ka lang na a, Allison chu ka en ru tho. An thil buaipui chu enge anih pawh ka en chuang hlei lo a.
.
Office ka thleng a, a pangngai.. Hna bawk..!! Engtik lai atang khan nge ka hna hi ka lo nin tak le..? Nuam ti takin ka thawk reng thin a, hna bak hian ka rilru a luah ngai meuh lo thin kha a nia..
.
Tlai dar thum a ri a, office ka chhuahsan leh der tawh.
Pangpar dawr ka tlan pelh tawh zet hnuah tlan letin rose par senduk ka lei a, keimah ngeiin ka pe dawn em tih erawh ka hre hauh lo mai. Allison nui hmel ka mitthla a lo lang vangin ka nui suk.
.
In ka thleng a, inchhung ka luh ruala ka thil hmuh chuan min thawng chiang takzet!!!
TMH!!
CHAPTER – 22
TAKE MY HEART!
By. Thantei_Pautu a.k.a Laura_Sean_Virgo
.
LUCA GIOVANNI'S P.O.V*
.
"NO!"
Ka pangpar ken ka thlauh a!
.
"Allison!" chhanna ka dawng lo. Thawm a reh tlawk tlawk a. Ka hmuh theih china bungraw thenkhat a awmna hmun pangngai a awm lo, thal pheng phung chu mak tiin ka en a. Common room-a dawhkan glass keh nuai ka hmuh chuan ka thaw hawk mai.
.
"Allison! Khawnge i awm?"
Hmanhmawh takin inchung pindan panna step-ah ka tlan chho a, step-a thisen tharlam zet ka hmuh chuan ka ding leh chawt a. A ni thei lo! Ka rilru a thil thalo tak lo lut hi atak ni lo hram rawh se.
.
Kan pindan ah ka lut a, thil pangngai lo engmah hmuh tur a awm lo. Allison hian min fiam a ni ngei ang! Hetiang infiamna hi ka mamawh lo. Ti tawh ngai lo turin ka hrilh ngei ang.
"Allison, lo chhuak teh!"
.
Thawm a reh vung vung a, pindan chu chhuahsan in inhnuai ah ka chhuk leh a, step-a thisen kai chu ka kut zungchalin ka khawih a, hei chu thisen tak tak a ni tlat! Eng thil tehhrep nge thleng hi. Inhnuai ka thlen thlak rualin Carina a lo lut ve chiah a, a hawikual a, ka hmel min hmuh rualin "Eng thil nge thleng?" kan ti rual thawt a.
.
"Carina, in ah i awm a, eng thil nge thleng i hre zawk ngei ang."
.
"Engmah ka hre lo. Khawiah nge Allison?"
"Chu zawhna chu keipawn ka zawt che?" ka ti hrawk a. Thil thleng hi infiamna a ni hauh lo mai.
.
"Awii.. Lalpa, ka duh thei lo.." common room-a dawhkan keh nuai a hmuh chuan Carina chu thaw kawk kawk in a tap nghal hlawp hlawp a. Mangan hmel zetin min rawn en bawk.
.
"Luca, eng thil nge thleng? Zingah khan mamawh lei turin ka chhuak a, Allison chuan ka duh chen chen ka chhuah theih tur thu min hrilh a.. Tunah khawiah nge amah hi a awm? Thil tha lo a chungah thleng lo hram rawh se.. Awi, engtin nge kan tih dawn??"
.
"Marcelli hi khawnge a awm?" ka tih chuan a mittui hru sawk sawk in min en a, pawn lam a en leh hnuah engmah sawi lova a tlan chhuak chu ka zui ve nghal a. Marcelli pawh a awm hauh lo mai. Nichin khan ka lo ngaihven miah lo a ni. Ni dangah chuan Marcelli hian gate min lo  hawn sak ziah thin a, in ka thlen lai khan gate a lo inhawn sa mai bakah Allison chauh ka ngaihtuah vangin thil dang ka lo chik miah lo bawk a ni.
.
Carina che buai chu ka en reng a, kei chu che buai hman ka ni hauh lo mai. Ka phone phawrhin Allison number ah ka call a, a phone a in off. Marcelli ka call leh a, mak takin phone ri ka hre ta tlat!
Thawm lo chhuahna lamah ka tlan vat a, kan in hmarlam in hungna sira Marcelli lo let reng ka hmuh chuan thinrim zetin ka phone ka off a. Marcelli bulah thu hniamin a dinhmun ka en a, nikhua a hre lo nain a taksa lang thei chinah hliam a nei lo hlauh thung.
.
Thil eng emaw ka tih angai a ni. Ka in ah hian ka awm loh laiin thil thleng a awm ngei tih a chiang a.. Chu chu ngaihtuah buai pawh ngai lovin ka thil hmuh atang hian a chiang vek tawh zawk anih hi.
Marcelli chu tihharh tumin ka sawih a, rei vak lo ah chiang lo ruai hian arawn harh a, a mitmeng a buai nuai mai.
.
"Marcelli? I tha em?" ka tih chuan harsa ti tak chungin a lu a bu a, min rinchhan chunga a din theih pawh ka beisei lo. Muangchang lovin Marcelli chu ka pua a, inchhung ah ka luhpui a. Carina pawh a chiai zualpui reh tawhin min lo puih vat a.
.
Thil pakhat tuna ka tihtheih chu thil thleng en let chauh a ni rih. Allison awmna a rang thei ang bera ka hriat angai.. Him taka a awm ka beisei.. Ka beseina chu hlauhthawnna in a rawn thlak nghal hmiah thung..
.
Minute 20 aral leh chuan ka hmaa screen chu nghet taka kut hum ruh chungin ka en a, thinrimna avang leh engmah ka tihtheih si loh vangin ka thaw a tawp lo chauh a ni.
.
Kawt zawl a lo lang a, car pakhat gate-a rawn tlan lut chu tlan chhuak leh nghal thei tura a in turn hnuah ding in a din rual deuhthaw in car chhung atang chuan mipa a rawn chhuak a, a hmel a hmuh theih loh. Lukhum a khum bakah chu mipa chuan a hmai a tuam vek! Marcelli nen chuan dawn awm lovin an inbei a, hmaituam mipain a thil ken Marcelli hrawka a deh hnu chuan Marcelli chu a tlu ta riai riai a. Hnehsawh zetin chu mipa chuan a hnuk sawn a, thil dang hmuh tur a awm tawh lo.
.
"Sir, hei hi inchhung camera in a cover theih chin zawng a nia."
.
Laptop screen-a Allison lo lang ka hmuh rualin thawk ka la a, eng thil nge ka hmuh dawn ka ngaihtuah duh lo.
.
Allison chuan Vase keng chungin kawngka a hawng, eng emaw a sawi ngei tih a langa, tawng ri erawh a hriat theih loh. Hnehsawh zeta namtu an awm tih hriat tak hian a rawn leng nawk a, a vase ken chu thlauhin chhuatah a keh darh chuai a. Mipa lukhum khum bawk kha lo pen lutin Allison a kaihthawh hmain kawngka a kalh leh zet phawt a,. Allison lam a hawi leh rualin a hmai tuamna a phelh tih a langa, camera hnungchhawn zawnga a awm vangin a hmel a hmuh theih loh thung. Kun hniamin Allison chu  a bawh titih a, fawh a tum a, a ni chuan a theihtawp takmeuhin a sual let a. Ka enzawm thei lo.
.
Rum hawkin dawhkan ka hnek a, ka tiril a khur bawk. Hetiang taka hlauthawng leh engmah ti thei si lo hian ka la awm ngai lo.
.
"He thil hi ka en kher a tul em?" ka aw ri chu keipawhin ka awih lo zawk hial. Thinrimna, Allison ka tanpui theih loh vanga thinrimna leh tunge tih hriat loh mipa tenawm tak na taka khawih ve chakna leh engmah ka tihtheih si loh vanga thinrimna
.
"Sir, thil thleng kan hriat duh chuan kan en ngei angai alawm." ka bula thu Vincent chu ka en zawk a, a ni pawh a hmel a pangngai bik lo.
.
Chu mipa tenawm banah chuan a seh a, chupa chuan Allison chu thlahin inchung panna step-a a tlan chho tur chu a umzui lehnghal a. A ke ah manin a hnuk let a, Allison chu a hmai vaw chawrhin a tlu a,Dimna tel hauh lo hian step-ah chuan a hnuk nawk nawk a. Hmeichhe chak lo zawkte lakah hetiang khawp a rawng hian mihring an che duh ngaiin ka ring lo. Ka thil hmuh chu ka awih thei lo zawk!
Allison chuan a suallet ve tang tang a, tha ah hneh lo em a, awmzia a awm tam lo. Mak takin mipa chu a kun ngawih a, chu veleh Allison chu chupa vawnna atanga tal chhuak lehin common room lamah a tlan a, hmanrua a zawng tih ka hrethiam..
.
Tanpui angaih em em lai hian engvanga awm lo nge ka nih? Allison.. Min ngaidam rawh.. Khawngaihin... Khawngaihin min ngaidam hram rawh.. Keihi hman tlak loh mai ka nih hi. Ka nupuiin tanpui a mamawh em em lai hian kei hian eng thil nge ka lo tih? Office kal lovin in ah Allison bulah lo awm ni ila, hetiang thil hi a thleng hauh lo ang!
.
"Sir."
.
Allison chuan phone a keng a, hlauthawng takin a hawi bawk a. Mipa chu muangchanga thovin Allison awmna lam a pan a. Hneh zet hian Allison chu pawmbet lehin a theh a, dawhkan a keh chuai bawk. Allison chu che zui tur a awm tawh lo. Hnehsawh zet hian a pu lawp a, a hmai a tuam leh tawh bawk.
Kawngka lamah kalin camera zawn arawn en a, a ding chut a. A kutzunglai rawn tipir in Allison la pu reng chung chuan in chu a chhuahsan ta.
.
"Pawnah khan chiang zawka a hmel lanna a awm mial em?" ka thinurna leh ka manganna nasa tak vangin ka tawt up up mai. Tawt up up tih rikngawt hian a sawifiah pha lo zawk e.
.
"Awm lo. Sir."
.
"Kha mihring kha tunge anih kan hriat nghal angai."
Ka thutna atangin ka tho a, eng thil nge ka tih hmasak ber dawn ka hrethiam lo. Tuna ka duh ber chu kha mipa thenawm lutuk chintawk awm miah lo a khawih ve a ni! Mah se, enge ka tihtheih chuan?? Tunge anih ka hre lo mai ni lovin ka khawih phakah a awm hek lo. Khatiang a che duh tur hmelma ka neih ka hre lo a, Allison pawh hian amah tihnat duhtu hmelma a nei hauh lo ang tih ka hria. Hmeichhe nunnem leh midang ngaichang reng thin kha tuman tihnat an tum hauh lovang.. 
.
“Allison, khawiah nge I awm? Min kalsan thei lo.. Min kalsan thei lo..!”
.
Darkar 48 a liam ta!
Library room-ah thuin ka en ngai ka en a, Allison chanchin hriattur a la awm lo. Ka nupui ruk bo anih chungchang hi pawn lam miin engtin nge an hriat ka hre lo a, mi tam zawk titi a ni mek tih erawh ka hrechiang. Thenkhat chuan min lainat thu leh ka nupui chu him dam taka a lo let leh an rin thu an sawi a, thenkhat erawh chuan ka nupui hi ka hmangaih lo a, dah bo ka duh vanga ruahmanna siam leh mi dang tih anga lantirin ka ruk botir tih an sawi bawk a. An ngaih dan leh an ngaihruatna thil an sawizui te hi ka kham hluah hluah a, ka duh aia tam ka hre tawh bawk. Mi dang chanchin an duhdan leh rin dana sawi hian an in tihah mai mai a ni. Hlawkna an hmu dawn pawh ani hauh si lo. Allison ka hmuh theih nan min tanpui thei pawh a ni hek lo!
.
"Luca, i nu a lo kal a, biak che a duh a." Carina chu chhang lovin ka en a, min chhuahsan leh vat a. Allison ka lak atanga lak bo a nih hnu hian ka nunphung a buai a, ka mu thei lova thil ka ei mumal thei lo bawk. Tihluihna tak meuhin chakna ka neih a ngai tih hria in ka ei lui thei tawk thin. Agency hrang hrang Allison zawng tur hian ka ruai a, ka tihtheih zawng zawng ka ti vek. Ka thunun phak loh chin thil a thleng a, chaklo zawk dinhmuna din hi ka lo zir ngai miah lo tih ka inhre chhuak bawk.
.
Reiloteah ka nu a lo lut a, ka thutna bulah rawn dingin min kuah vang vang a. Ka kuah let lo. Allison chunga thil thleng hi ka nu vangah hian ka puh thei lo a. Ni e, engvangin nge ka puh ngawt ang? Ka nu hmangaihna dawn loh ka hlauh vangin Adelina him taka ka hruai let theih nan Allison kha hmanrua ah hmangin nupui ah ka nei ngei a. Ka nu hian ka ruahmanna a hre lo a, Allison kha a unaupa ka bul a lo thlen theih nan hmanrua ah ka hmang tih a hre hek lo. Ka duhthlanna ngeiin thil ka ti a, tunah chuan a vawikhat nan kha ka thiltih vang khan ka inchhir ngawih ngawih a ni. Khang thil zawng zawng te kha ti lovin Allison kha lo nei lo ni ila chu tunah hian hetiang buaina hi a thleng hauh lo ang.
.
"Oh.. Ka fapa.. Thil engkim a tha leh vek ang. I landan hi a tha hauh lo a nia." tiin a phun sep sep a. Min kuahna chu thlahin ka piaha chair chu ka bulah a rawn pawt hnai a. Ka kutah vuanin ka hmaah a thu a, min ngaihtuah tak zet tih hriat tak hian min en ngawih ngawih a.
.
"Luca, i pa leh Adelina te nen kan ngaihtuah takzet che tih i hria a, helaia mahni chauha awm lo hian kan bulah lo awm rih la kan duh a. Allison chu khawi hmunah pawh awm se, a him ngei ka ring!"
.
"Engtin nge i hriat?" ka ti chhum hmuk a. Ka nu bulah hian hetianga awm tur hi ka ni lo tih chu ka hria a.. Mahse.. Kei, ka theih zawng zawng tia Allison zawngtu paw'n a chanchin engmah ka hriat theih loh lai hian kanu hian Allison that leh that loh a hre hauh lo ang..
.
"Ka beisei.. Him taka a awm ka beisei. Ka fapa, chak taka i awm angai a nia." ka awm dan  vanga beidawn hmel zetin thawk a la halh a. "Khawngaihin.. in ah hian nangmah chauha cheng turin ka duh lo che a ni.."
.
"Min haw san thei tawh ang!"
.
"Luca.. Hnem theih che ka duh tak zet.."
Ka bula thusawi awmzia a awm dawn chuang lo tih hriain min chhuahsan a. Engtin nge Allison nen kan chenna in hi chhuahsan tura min tih theih zawk ni. He in ah hian ka hlimna a awm a.. A awm thin.. Ka harhchhuak tlai em mai pawh a! Kei ngei pawhin ka thlahlel tih ka inhriat ngai loh lai pawh khan he in a awm leh Allison thawm hriatte kha ka lo thlahlel em em a ni tih a tlai tawh hnu hian ka hrechhuak ve chauh anih hi!
.
Tunah engmah la hre lo mah i la, ka beidawng lovang. Ka zawng zel dawn a ni. Ka nupui hi ka zawng zel ang! Ka bula a chen chhung khan nuam takin ka awmtir ngai lo a. Kei hi mihring tia sawi tlak pawh ka ni lo..
.
"Allison, khawi ah nge i awm? Ka mamawh che.." ka hriat loh karin ka phun chhuak a. Bawidawng zeta dawhkan bawhin ka kun a. Darkar 48 zet mahni nupui ngei a awmna chin hre lo leh a dam nge dam lo tih pawh hre lo a awm hi hremhmuna awm ai pawhin a rapthlak dan a nep hauh lovang!!
.
"Luca, ka lo haw a nia.. Harh teh.." kut nel thepin min kuahna chu a lasawn leh mai ang tih hlauin ka vuan a. Thil tha lo tak thleng te kha ka mumang mai mai a ni tih ka hre reng a ni.
"Min kalsan ngai lovang.." Allison chu nghet taka vuanin ka fawp a, a kut nel thep chuan ka hmai a khawih riak riak a.
"Ka damchhungin ka kalsan lovang che. Ka hmangaih che.. Luca Giovanni, Ka hmangaih che." ka beng khawih neuh neuhin min nuih sak a.
.
"Allison.. Ka_"
.
Ka phu chhuak zawk a, ka awmna hmun ka hriat rualin ka thungil ngal vat a. Ka thlanfim a tla bawrh bawrh bawk. Dawhkana ka phone nghawr dar dar chu rang zetin ka la a. Ka message dawn ka en chuan ka ding chhuak zawk a. Ka awih thei lo.! He thil hi dawt vek a ni.
.
*Allison taksa chu i khawih phakah a awm ta lo. I damchhung in i hmu leh tawh lovang. He thil hi ka chunga i thil tih rulhletna a ni e.*
Thlalak a hmeichhe ruangam, puana inkhuh chu ka en a. Puan tlema kau deuhah chuan sam a lang a.. Allison sam rawng chiah a ni.! A khuhna puan varah chuan thisen niawm tak a val thluah bawk.
.
Ka phone ka thlauh a, ka thu hnawk bawk. He thil hi a thleng tur a ni lo. Allison.. Keimah vang a ni! Keimah vanga thil thleng hi ka pawm thei dawn em? Teuh lo! Ka thiltih  vang khan hremna ka hmu dawn anih pawhin Allison kher chu.. A ni thei lo! Ka thil tih rulhletna tuartu tur chu ka nupui ni lovin keimah hi ka ni! Keimah hi..
.
"Ni lo.. Allison.. Khawngaihin.."
.
Ka sam ka tham a, kei mipa, mipa zawng zawngah pawh mipa taka awm thin hi ka mittui a tla! Eng thil nge tih theih ka neih tawh le? Ka nupui khan ka chhanchhuahna nghakin beisei takin min thlir ngei ang! Mangang takin ka hming a lam bawk ang! Ka awm a tawt up up a, ka thaw hrawp hrawp bawk..
.
"Allison.."
A reh vawng vawng a. He inchhung ah hian a thlarau chauh pawh a awm lo a ni ngei ang!
.
.
Agency atanga min rawn biak chuan ka nupui ka chan ta tak tak tih arawn nemnghet a, an chhui zui theih chin zawng atangin beiseina min siam thei engmah a awm lo.
.
Mumal lo zetin in ka chhuahsan a, khawi hmun nge ka pan dawn ka hre lo a, eng thil nge ka tih dawn ka hek lo. Ka hriat zawng chu ka thinlung a ruak vek tih zawng hi a ni.
.
Ni a liam a, thla a liam a. Ka nun erawh a ruak telh telh.
In ka luh rualin nui chung leh hlim taka min lo hmuak turin Allison ka beisei ziah a, thudik ka ngaihtuah chhuah rualin ka rum chhuak leh thin.
.
Pindan ah lutin khumah ka mu a,ka thawmhnaw pawh ka thlak lo. Engmah hmu mumal chuang lovin ceiling ka en ngawt ngawt a. Tunah hian tunge ka bula awm tura ka mamawh ka hria! A rimtui chek chek leh a nui hmel te, a sam nem thep engtik lai pawha khawih ka chak reng thinte kha.. A kut nel thep a min khawih thinna zawng zawng te.. Khang thil zawng zawng tithei a ka awm lai khan, ka luhlulna leh ka thiltum vangin harsa takin ka hlat tang tang thin a nih kha. Ka harh reng lai pawhin ka mitthla ah a hmel a cham reng a, hetianga awm tur hi ka ni em ka hre lo. Ka phu tawk hremna ka hmu tiin pawm ka tum a, ka damchhung hian ka pawm dawn hauh lo tih erawh ka hrechiang em em thung si a nih hi. Ka mumang thlengin min tibuai a, hahdam in ka awm ngai hauh lo a nih hi. Mihring hian a thiltih sual man hi hetianga a rulh hi a ngai kher em ni?? Ka phu tawk a ni ngei ang!
.
Khum atanga thovin thawmhnaw bawm ka hawng a, Allison kawr la chhuakin ka hmai ka hup vang vang a. Ka hmangaih a ni!! Ni e,a ni chu khawvel ah hian a awm tawh lo. Ka lak atanga lak bo anih rual khan ka hlimna pawh lak bo a ni ve bawk. Ka chunga thil thleng hi a fair lo tiin dem tur ka nei hauh lo mai!
.
Ka hahdam deuh zawk beiseiin club-ah ka kal a, hmeichhe nalh tak tak min hnaih tumtute chu ka kut hmawr pawhin khawih chakna ka nei lo. Nuih nachhan tur thil engmah ka hre tawh lo bawk niin ka hria. Hnathawh naah pawh ka lam hawia nui ngam an awm lo a, min hmu tu apiangin kun chungin min kalpel thin.
.
.
Inhnuai ah thawm a awm tih ka hria a, tunge lo kal ngaihven tura chhuah erawh ka tum buai peih lo thung. Ka pindan kawngka a ri rak a.
.
"Grande Fratello! Lalpa, i landan chu.."
Adelina chu en in ka hawisawn lehnghal a.
.
"Enge i rawn tih dawn?" ka tih chuan ka bulah rawn kal hnaiin min kuah vang vang phawt a.
.
"Naktuk hi ka birthday a ni tih i theihnghilh lo tiraw?" lungawi vak lo tih thup lovin a nur nang a. Ka lo hre miah lo.
.
"Chuan??"
"Nahh, Big brother.. Khawngaihin, ka birthday party ah i lo kal ang tih sawi teh.. I lo kal loh chuan min hmu tawh lovang."
.
"Adelina, naupang chhia takin awm suh." ka tih chuan tawng sual intih hmel takin a dar a tiche a, "Ka tih palh." a ti sap a.
.
"Khawngaihin.. I lo kal angem?"
.
"Lo kal ka tum ang."
.
"Ka lawm e.." min kuah leh a. "Mahse..um._ khawngaihin i lo kal dawn chuan inmet fai la!?" a tih chuan ka ner suk. "Khawngaihin.. Mi dang hmuhah tuipui a kum 10 vel zet awm tawh ang maia lang ka unaupa hi ka kal kualpui ngam lo maithei." min tihhlim tuma min fiam ani tih ka hria.
.
"Ka ti ange. Min kalsan thei tawh em?"
"Yes.. Ka lawm e. Naktuk ah kan inhmu leh dawn nia." nui har har chungin min chhuah san a.
.
Zing ka thawh veleh dan pangngaiin inhnuai ah ka insawizawi a, office ka thlen chuan a la hma khawp mai. Min hmu apiang chu nui sak chungin min chibai nan an kun zauh zauh hlawm a, vawiin taka engvanga nui hmel pu ta hlawm nge annih hrep ni?
.
Ka office ka luh hmain phawk zeta min en chungin ka secretary chu a lo ding thuai a.
.
"Oh.. Good morning, Mr. Luca Giovanni.. Khawvel tharah hian ka lo lawm a che!"
.
"EngE?"
.
"Oh..Sorry sir.. Mahse.. Humm.. Tunah chuan i lan dan a pangngai leh ta deuh alawm. Ni hman nuam le." nui tha chungin a chair ah a thu leh a. A awm dan danglam thut chu a chhan hre lovin ka lu ka thing nghut a, ka office-ah ka lut tlang nghal a. Eng thil vanga danglam nge an nih ka hre hrep lo e!
.
Nidang ang bawkin meeting a indawt zut a, ka hun hman dan tur duanlawk a zawh chuan khua a tlai leh tawh viau mai. Adelina birthday gift tur ka la lei lo tih hrereng chungin office ka chhuahsan a, ka nu leh pa chenna hmun ka thlen chuan ka la tlai chhe lo tih ka hre nghal mai.
.
Min hmuh rualin Adelina chu hlim zetin ka lam panin a rawn kal a.
.
"WOW.. Khawnge i thianpa tuipui mi kha a awm tak?___haha.." min kuah hnu chuan min en vang vang a. "Ka unaupa a lo let leh ta.. I lang hmeltha hle mai. Helaia hmeichhe lo kal tam tak hi an buai leh ngei dawn a nih hi!"
.
"Chu chu theihnghilh rawh. Khawnge ka pa a awm?" ka tih chuan ka pa awmna lam a melh zauh a. Ka kalsan hnu chuan "Nuam deuhin hun hmang rawh aw." a la rawn ti lar lar a.
.
Ka pa nen kan inbiak hnuah ka nu bulah thuin a titi siam siam a, eng vang nge ka hre lo, vawiin hian office ah chauh ni lo helai hmunah pawh hian min hmu apiang hian thil enge maw vanga min lawmpui ni awm takin hlim hmel min hmuh a, duhsakna min hlan  vek mai.
.
Ka nu'n ka kut arawn vawn chuan ka ngaihtuahna atangin ka harh vat a.
.
"Ka fapa, hun hei leh chen hnuah pangngai taka ka hmu leh thei ta che hi ka lawm lutuk takzet."
.
"Enge i sawi awmzia?"
Min nuih hak a. Ka kut a hmer nghet zual salh bawk.
.
"Enteh, i lusunna atangin i rawn harhchhuak ta niin ka ngai a. I hmel lan dan pawh a danglam ta a. Ka fapa, i naupang reng dawn lo a, hmalam pana i kal angai reng alawm tiraw?" a chawl dat a. A thusawi awmzia chu ka hria. "Han en la, kan chhungkaw hausakna rochun tu tur fa i neih angai a.."
.
"Mama, tunah ni lo."
.
"Ni lo, Luca Giovanni hian nupui tha tak a nei leh ngei tur a ni. Chu chu nangpawh hian i hrechiang a ni. A liam tawh chu liam rawh se. Ka fapa, hlim taka awm turin ka duhche tih i hria alawm.. Oh.. Hei a lo thleng e."
Ka nu hawina lam ka en chuan hmeichhe nalh zet nui sanga lo ding ka hmu a, a nalh khawp mai!